Totakashtakam — Sinhala Script

විදිතාඛිල ශාස්ත්ර සුධා ජලධේ

මහිතෝපනිෂත්-කථිතාර්ථ නිධේ .

හෘදයේ කලයේ විමලං චරණං

භව ශඞ්කර දේශික මේ ශරණම් .. 1 ..

කරුණා වරුණාලය පාලය මාං

භවසාගර දුඃඛ විදූන හෘදම් .

රචයාඛිල දර්ශන තත්ත්වවිදං

භව ශඞ්කර දේශික මේ ශරණම් .. 2 ..

භවතා ජනතා සුහිතා භවිතා

නිජබෝධ විචාරණ චාරුමතේ .

කලයේශ්වර ජීව විවේක විදං

භව ශඞ්කර දේශික මේ ශරණම් .. 3 ..

භව එව භවානිති මෙ නිතරාං

සමජායත චේතසි කෞතුකිතා .

මම වාරය මෝහ මහාජලධිං

භව ශඞ්කර දේශික මේ ශරණම් .. 4 ..

සුකෘතේ(අ)ධිකෘතේ බහුධා භවතෝ

භවිතා සමදර්ශන ලාලසතා .

අති දීනමිමං පරිපාලය මාං

භව ශඞ්කර දේශික මේ ශරණම් .. 5 ..

ජගතීමවිතුං කලිතාකෘතයෝ

විචරන්ති මහාමාහ සච්ඡලතඃ .

අහිමාංශුරිවාත්ර විභාසි ගුරෝ

භව ශඞ්කර දේශික මේ ශරණම් .. 6 ..

ගුරුපුඞ්ගව පුඞ්ගවකේතන තේ

සමතාමයතාං න හි කෝ(අ)පි සුධීඃ .

ශරණාගත වත්සල තත්ත්වනිධේ

භව ශඞ්කර දේශික මේ ශරණම් .. 7 ..

විදිතා න මයා විශදෛක කලා

න ච කිඤ්චන කාඤ්චනමස්ති ගුරෝ .

දෘතමේව විධේහි කෘපාං සහජාං

භව ශඞ්කර දේශික මේ ශරණම් .. 8 ..

Roman (IAST) Transliteration

viditākhila śāstra sudhā jaladhe

mahitopaniṣat-kathitārtha nidhe |

hṛdaye kalaye vimalaṃ caraṇaṃ

bhava śaṅkara deśika me śaraṇam || 1 ||

karuṇā varuṇālaya pālaya māṃ

bhavasāgara duḥkha vidūna hṛdam |

racayākhila darśana tattvavidaṃ

bhava śaṅkara deśika me śaraṇam || 2 ||

bhavatā janatā suhitā bhavitā

nijabodha vicāraṇa cārumate |

kalayeśvara jīva viveka vidaṃ

bhava śaṅkara deśika me śaraṇam || 3 ||

bhava èva bhavāniti mè nitarāṃ

samajāyata cetasi kautukitā |

mama vāraya moha mahājaladhiṃ

bhava śaṅkara deśika me śaraṇam || 4 ||

sukṛte'dhikṛte bahudhā bhavato

bhavitā samadarśana lālasatā |

ati dīnamimaṃ paripālaya māṃ

bhava śaṅkara deśika me śaraṇam || 5 ||

jagatīmavituṃ kalitākṛtayo

vicaranti mahāmāha sacchalataḥ |

ahimāṃśurivātra vibhāsi guro

bhava śaṅkara deśika me śaraṇam || 6 ||

gurupuṅgava puṅgavaketana te

samatāmayatāṃ na hi ko'pi sudhīḥ |

śaraṇāgata vatsala tattvanidhe

bhava śaṅkara deśika me śaraṇam || 7 ||

viditā na mayā viśadaika kalā

na ca kiñcana kāñcanamasti guro |

dṛtameva vidhehi kṛpāṃ sahajāṃ

bhava śaṅkara deśika me śaraṇam || 8 ||

Sanskrit — Devanagari (original)

विदिताखिल शास्त्र सुधा जलधे

महितोपनिषत्-कथितार्थ निधे ।

हृदये कलये विमलं चरणं

भव शङ्कर देशिक मे शरणम् ॥ 1 ॥

करुणा वरुणालय पालय मां

भवसागर दुःख विदून हृदम् ।

रचयाखिल दर्शन तत्त्वविदं

भव शङ्कर देशिक मे शरणम् ॥ 2 ॥

भवता जनता सुहिता भविता

निजबोध विचारण चारुमते ।

कलयेश्वर जीव विवेक विदं

भव शङ्कर देशिक मे शरणम् ॥ 3 ॥

भव ऎव भवानिति मॆ नितरां

समजायत चेतसि कौतुकिता ।

मम वारय मोह महाजलधिं

भव शङ्कर देशिक मे शरणम् ॥ 4 ॥

सुकृतेऽधिकृते बहुधा भवतो

भविता समदर्शन लालसता ।

अति दीनमिमं परिपालय मां

भव शङ्कर देशिक मे शरणम् ॥ 5 ॥

जगतीमवितुं कलिताकृतयो

विचरन्ति महामाह सच्छलतः ।

अहिमांशुरिवात्र विभासि गुरो

भव शङ्कर देशिक मे शरणम् ॥ 6 ॥

गुरुपुङ्गव पुङ्गवकेतन ते

समतामयतां न हि कोऽपि सुधीः ।

शरणागत वत्सल तत्त्वनिधे

भव शङ्कर देशिक मे शरणम् ॥ 7 ॥

विदिता न मया विशदैक कला

न च किञ्चन काञ्चनमस्ति गुरो ।

दृतमेव विधेहि कृपां सहजां

भव शङ्कर देशिक मे शरणम् ॥ 8 ॥