Shri Padmavati Navaratna Malika Stutih — Sinhala Script

ශ්රීමාන් යස්යාඃ ප්රියස්සන් සකලමපි ජගජ්ජඞ්ගමස්ථාවරාද්යං

ස්වර්භූපාතාලභේදං විවිධවිධමහාශිල්පසාමර්ථ්යසිද්ධම් .

රඤ්ජන් බ්රහ්මාමරේන්ද්රෛස්ත්රිභුවනජනකඃ ස්තූයතේ භූරිශෝ යඃ

සා විෂ්ණෝරේකපත්නී ත්රිභුවනජනනී පාතු පද්මාවතී නඃ .. 1 ..

ශ්රීශෘඞ්ගාරෛකදේවීං විධිමුඛසුමනඃකෝටිකෝටීරජාග්ර-

ද්රත්නජ්යෝත්ස්නාප්රසාරප්රකටිතචරණාම්භෝජනීරාජිතාර්චාම් .

ගීර්වාණස්ත්රෛණවාණීපරිඵණිතමහාකීර්තිසෞභාග්යභාග්යාං

හේලානිර්දග්ධදෛන්යශ්රමවිෂමමහාරණ්යගණ්යාං නමාමි .. 2 ..

විද්යුත්කෝටිප්රකාශාං විවිධමණිගණෝන්නිද්රසුස්නිග්ධශෝභා-

සම්පත්සම්පූර්ණහාරාද්යභිනවවිභවාලඞ්ක්රියෝල්ලාසිකණ්ඨාම් .

ආද්යාං විද්යෝතමානස්මිතරුචිරචිතානල්පචන්ද්රප්රකාශාං

පද්මාං පද්මායතාක්ෂීං පදනලිනනමත්පද්මසද්මාං නමාමි .. 3 ..

ශශ්වත්තස්යාඃ ශ්රයේ(අ)හං චරණසරසිජං ශාර්ඞ්ගපාණේඃ පුරන්ධ්ර්යාඃ

ස්තෝකං යස්යාඃ ප්රසාදඃ ප්රසරති මනුජේ ක්රූරදාරිද්ර්යදග්ධේ .

සෝ(අ)යං සද්යෝ(අ)නවද්යස්ථිරතරරුචිරශ්රේෂ්ඨභූයිෂ්ඨනව්ය-

ස්තව්යප්රාසාදපඞ්ක්තිප්රසිතබහුවිධප්රාභවෝ බෝභවීති .. 4 ..

සෞන්දර්යෝද්වේලහේමාම්බුජමහිතමහාසිංහපීඨාශ්රයාඪ්යාං

පුෂ්යන්නීලාරවින්දප්රතිමවරකෘපාපූරසම්පූර්ණනේත්රාම් .

ජ්යෝත්ස්නාපීයූෂධාරාවහනවසුෂමක්ෂෞමධාමෝජ්ජ්වලාඞ්ගීං

වන්දේ සිද්ධේශචේතස්සරසිජනිලයාං චක්රිසෞභාග්යඍද්ධිම් .. 5 ..

සංසාරක්ලේශහන්ත්රීං ස්මිතරුචිරමුඛීං සාරශෘඞ්ගාරශෝභාං

සර්වෛශ්වර්යප්රදාත්රීං සරසිජනයනාං සංස්තුතාං සාධුබෘන්දෛඃ .

සංසිද්ධස්නිග්ධභාවාං සුරහිතචරිතාං සින්ධුරාජාත්මභූතාං

සේවේ සම්භාවනීයානුපමිතමහිමාං සච්චිදානන්දරූපාම් .. 6 ..

සිද්ධස්වර්ණෝපමානද්යුතිලසිතතනුං ස්නිග්ධසම්පූර්ණචන්ද්ර-

ව්රීඩාසම්පාදිවක්ත්රාං තිලසුමවිජයෝද්යෝගනිර්නිද්රනාසාම් .

තාදාත්වෝත්ඵුල්ලනීලාම්බුජහසනචණාත්මීයචක්ෂුඃ ප්රකාශාං

බාලශ්රීලප්රවාලප්රියසඛචරණද්වන්ද්වරම්යාං භජේ(අ)හම් .. 7 ..

යාං දේවීං මෞනිවර්යාඃ ශ්රයදමරවධූමෞලිමාල්යාර්චිතාඞ්ඝ්රිං

සංසාරාසාරවාරාන්නිධිතරතරණේ සර්වදා භාවයන්තේ .

ශ්රීකාරෝත්තුඞ්ගරත්නප්රචුරිතකනකස්නිග්ධශුද්ධාන්තලීලාං

තාං ශශ්වත්පාදපද්මශ්රයදඛිලහෘදාහ්ලාදිනීං හ්ලාදයේ(අ)හම් .. 8 ..

ආකාශාධීශපුත්රීං ශ්රිතජනනිවහාධීනචේතඃප්රවෘත්තිං

වන්දේ ශ්රීවේඞ්කටේශප්රභුවරමහිෂීං දීනචිත්තප්රතෝෂාම් .

පුෂ්යත්පාදාරවින්දප්රසෘමරසුමහශ්ශාමිතස්වාශ්රිතාන්ත-

ස්තාමිස්රාං තත්ත්වරූපාං ශුකපුරනිලයාං සර්වසෞභාග්යදාත්රීම් .. 9 ..

ශ්රීශේෂශර්මාභිනවෝපක්ලුප්තා

ප්රියේණ භක්ත්යා ච සමර්පිතේයම් .

පද්මාවතීමඞ්ගලකණ්ඨභූෂා

විරාජතාං ශ්රීනවරත්නමාලා .. 10 ..

ඉති ශ්රී පද්මාවතී නවරත්නමාලිකා ස්තුතිඃ .

Roman (IAST) Transliteration

śrīmān yasyāḥ priyassan sakalamapi jagajjaṅgamasthāvarādyaṃ

svarbhūpātālabhedaṃ vividhavidhamahāśilpasāmarthyasiddham |

rañjan brahmāmarendraistribhuvanajanakaḥ stūyate bhūriśo yaḥ

sā viṣṇorekapatnī tribhuvanajananī pātu padmāvatī naḥ || 1 ||

śrīśṛṅgāraikadevīṃ vidhimukhasumanaḥkoṭikoṭīrajāgra-

dratnajyotsnāprasāraprakaṭitacaraṇāmbhojanīrājitārcām |

gīrvāṇastraiṇavāṇīpariphaṇitamahākīrtisaubhāgyabhāgyāṃ

helānirdagdhadainyaśramaviṣamamahāraṇyagaṇyāṃ namāmi || 2 ||

vidyutkoṭiprakāśāṃ vividhamaṇigaṇonnidrasusnigdhaśobhā-

sampatsampūrṇahārādyabhinavavibhavālaṅkriyollāsikaṇṭhām |

ādyāṃ vidyotamānasmitaruciracitānalpacandraprakāśāṃ

padmāṃ padmāyatākṣīṃ padanalinanamatpadmasadmāṃ namāmi || 3 ||

śaśvattasyāḥ śraye'haṃ caraṇasarasijaṃ śārṅgapāṇeḥ purandhryāḥ

stokaṃ yasyāḥ prasādaḥ prasarati manuje krūradāridryadagdhe |

so'yaṃ sadyo'navadyasthiratararuciraśreṣṭhabhūyiṣṭhanavya-

stavyaprāsādapaṅktiprasitabahuvidhaprābhavo bobhavīti || 4 ||

saundaryodvelahemāmbujamahitamahāsiṃhapīṭhāśrayāḍhyāṃ

puṣyannīlāravindapratimavarakṛpāpūrasampūrṇanetrām |

jyotsnāpīyūṣadhārāvahanavasuṣamakṣaumadhāmojjvalāṅgīṃ

vande siddheśacetassarasijanilayāṃ cakrisaubhāgyaṛddhim || 5 ||

saṃsārakleśahantrīṃ smitaruciramukhīṃ sāraśṛṅgāraśobhāṃ

sarvaiśvaryapradātrīṃ sarasijanayanāṃ saṃstutāṃ sādhubṛndaiḥ |

saṃsiddhasnigdhabhāvāṃ surahitacaritāṃ sindhurājātmabhūtāṃ

seve sambhāvanīyānupamitamahimāṃ saccidānandarūpām || 6 ||

siddhasvarṇopamānadyutilasitatanuṃ snigdhasampūrṇacandra-

vrīḍāsampādivaktrāṃ tilasumavijayodyoganirnidranāsām |

tādātvotphullanīlāmbujahasanacaṇātmīyacakṣuḥ prakāśāṃ

bālaśrīlapravālapriyasakhacaraṇadvandvaramyāṃ bhaje'ham || 7 ||

yāṃ devīṃ maunivaryāḥ śrayadamaravadhūmaulimālyārcitāṅghriṃ

saṃsārāsāravārānnidhitarataraṇe sarvadā bhāvayante |

śrīkārottuṅgaratnapracuritakanakasnigdhaśuddhāntalīlāṃ

tāṃ śaśvatpādapadmaśrayadakhilahṛdāhlādinīṃ hlādaye'ham || 8 ||

ākāśādhīśaputrīṃ śritajananivahādhīnacetaḥpravṛttiṃ

vande śrīveṅkaṭeśaprabhuvaramahiṣīṃ dīnacittapratoṣām |

puṣyatpādāravindaprasṛmarasumahaśśāmitasvāśritānta-

stāmisrāṃ tattvarūpāṃ śukapuranilayāṃ sarvasaubhāgyadātrīm || 9 ||

śrīśeṣaśarmābhinavopakluptā

priyeṇa bhaktyā ca samarpiteyam |

padmāvatīmaṅgalakaṇṭhabhūṣā

virājatāṃ śrīnavaratnamālā || 10 ||

iti śrī padmāvatī navaratnamālikā stutiḥ |

Sanskrit — Devanagari (original)

श्रीमान् यस्याः प्रियस्सन् सकलमपि जगज्जङ्गमस्थावराद्यं

स्वर्भूपातालभेदं विविधविधमहाशिल्पसामर्थ्यसिद्धम् ।

रञ्जन् ब्रह्मामरेन्द्रैस्त्रिभुवनजनकः स्तूयते भूरिशो यः

सा विष्णोरेकपत्नी त्रिभुवनजननी पातु पद्मावती नः ॥ 1 ॥

श्रीशृङ्गारैकदेवीं विधिमुखसुमनःकोटिकोटीरजाग्र-

द्रत्नज्योत्स्नाप्रसारप्रकटितचरणाम्भोजनीराजितार्चाम् ।

गीर्वाणस्त्रैणवाणीपरिफणितमहाकीर्तिसौभाग्यभाग्यां

हेलानिर्दग्धदैन्यश्रमविषममहारण्यगण्यां नमामि ॥ 2 ॥

विद्युत्कोटिप्रकाशां विविधमणिगणोन्निद्रसुस्निग्धशोभा-

सम्पत्सम्पूर्णहाराद्यभिनवविभवालङ्क्रियोल्लासिकण्ठाम् ।

आद्यां विद्योतमानस्मितरुचिरचितानल्पचन्द्रप्रकाशां

पद्मां पद्मायताक्षीं पदनलिननमत्पद्मसद्मां नमामि ॥ 3 ॥

शश्वत्तस्याः श्रयेऽहं चरणसरसिजं शार्ङ्गपाणेः पुरन्ध्र्याः

स्तोकं यस्याः प्रसादः प्रसरति मनुजे क्रूरदारिद्र्यदग्धे ।

सोऽयं सद्योऽनवद्यस्थिरतररुचिरश्रेष्ठभूयिष्ठनव्य-

स्तव्यप्रासादपङ्क्तिप्रसितबहुविधप्राभवो बोभवीति ॥ 4 ॥

सौन्दर्योद्वेलहेमाम्बुजमहितमहासिंहपीठाश्रयाढ्यां

पुष्यन्नीलारविन्दप्रतिमवरकृपापूरसम्पूर्णनेत्राम् ।

ज्योत्स्नापीयूषधारावहनवसुषमक्षौमधामोज्ज्वलाङ्गीं

वन्दे सिद्धेशचेतस्सरसिजनिलयां चक्रिसौभाग्यऋद्धिम् ॥ 5 ॥

संसारक्लेशहन्त्रीं स्मितरुचिरमुखीं सारशृङ्गारशोभां

सर्वैश्वर्यप्रदात्रीं सरसिजनयनां संस्तुतां साधुबृन्दैः ।

संसिद्धस्निग्धभावां सुरहितचरितां सिन्धुराजात्मभूतां

सेवे सम्भावनीयानुपमितमहिमां सच्चिदानन्दरूपाम् ॥ 6 ॥

सिद्धस्वर्णोपमानद्युतिलसिततनुं स्निग्धसम्पूर्णचन्द्र-

व्रीडासम्पादिवक्त्रां तिलसुमविजयोद्योगनिर्निद्रनासाम् ।

तादात्वोत्फुल्लनीलाम्बुजहसनचणात्मीयचक्षुः प्रकाशां

बालश्रीलप्रवालप्रियसखचरणद्वन्द्वरम्यां भजेऽहम् ॥ 7 ॥

यां देवीं मौनिवर्याः श्रयदमरवधूमौलिमाल्यार्चिताङ्घ्रिं

संसारासारवारान्निधितरतरणे सर्वदा भावयन्ते ।

श्रीकारोत्तुङ्गरत्नप्रचुरितकनकस्निग्धशुद्धान्तलीलां

तां शश्वत्पादपद्मश्रयदखिलहृदाह्लादिनीं ह्लादयेऽहम् ॥ 8 ॥

आकाशाधीशपुत्रीं श्रितजननिवहाधीनचेतःप्रवृत्तिं

वन्दे श्रीवेङ्कटेशप्रभुवरमहिषीं दीनचित्तप्रतोषाम् ।

पुष्यत्पादारविन्दप्रसृमरसुमहश्शामितस्वाश्रितान्त-

स्तामिस्रां तत्त्वरूपां शुकपुरनिलयां सर्वसौभाग्यदात्रीम् ॥ 9 ॥

श्रीशेषशर्माभिनवोपक्लुप्ता

प्रियेण भक्त्या च समर्पितेयम् ।

पद्मावतीमङ्गलकण्ठभूषा

विराजतां श्रीनवरत्नमाला ॥ 10 ॥

इति श्री पद्मावती नवरत्नमालिका स्तुतिः ।