𑌶𑍍𑌰𑍀𑌮𑌾𑌨𑍍 𑌯𑌸𑍍𑌯𑌾𑌃 𑌪𑍍𑌰𑌿𑌯𑌸𑍍𑌸𑌨𑍍 𑌸𑌕𑌲𑌮𑌪𑌿 𑌜𑌗𑌜𑍍𑌜𑌙𑍍𑌗𑌮𑌸𑍍𑌥𑌾𑌵𑌰𑌾𑌦𑍍𑌯𑌂
𑌸𑍍𑌵𑌰𑍍𑌭𑍂𑌪𑌾𑌤𑌾𑌲𑌭𑍇𑌦𑌂 𑌵𑌿𑌵𑌿𑌧𑌵𑌿𑌧𑌮𑌹𑌾𑌶𑌿𑌲𑍍𑌪𑌸𑌾𑌮𑌰𑍍𑌥𑍍𑌯𑌸𑌿𑌦𑍍𑌧𑌮𑍍 ।
𑌰𑌞𑍍𑌜𑌨𑍍 𑌬𑍍𑌰𑌹𑍍𑌮𑌾𑌮𑌰𑍇𑌨𑍍𑌦𑍍𑌰𑍈𑌸𑍍𑌤𑍍𑌰𑌿𑌭𑍁𑌵𑌨𑌜𑌨𑌕𑌃 𑌸𑍍𑌤𑍂𑌯𑌤𑍇 𑌭𑍂𑌰𑌿𑌶𑍋 𑌯𑌃
𑌸𑌾 𑌵𑌿𑌷𑍍𑌣𑍋𑌰𑍇𑌕𑌪𑌤𑍍𑌨𑍀 𑌤𑍍𑌰𑌿𑌭𑍁𑌵𑌨𑌜𑌨𑌨𑍀 𑌪𑌾𑌤𑍁 𑌪𑌦𑍍𑌮𑌾𑌵𑌤𑍀 𑌨𑌃 ॥ 1 ॥
𑌶𑍍𑌰𑍀𑌶𑍃𑌙𑍍𑌗𑌾𑌰𑍈𑌕𑌦𑍇𑌵𑍀𑌂 𑌵𑌿𑌧𑌿𑌮𑍁𑌖𑌸𑍁𑌮𑌨𑌃𑌕𑍋𑌟𑌿𑌕𑍋𑌟𑍀𑌰𑌜𑌾𑌗𑍍𑌰-
𑌦𑍍𑌰𑌤𑍍𑌨𑌜𑍍𑌯𑍋𑌤𑍍𑌸𑍍𑌨𑌾𑌪𑍍𑌰𑌸𑌾𑌰𑌪𑍍𑌰𑌕𑌟𑌿𑌤𑌚𑌰𑌣𑌾𑌮𑍍𑌭𑍋𑌜𑌨𑍀𑌰𑌾𑌜𑌿𑌤𑌾𑌰𑍍𑌚𑌾𑌮𑍍 ।
𑌗𑍀𑌰𑍍𑌵𑌾𑌣𑌸𑍍𑌤𑍍𑌰𑍈𑌣𑌵𑌾𑌣𑍀𑌪𑌰𑌿𑌫𑌣𑌿𑌤𑌮𑌹𑌾𑌕𑍀𑌰𑍍𑌤𑌿𑌸𑍗𑌭𑌾𑌗𑍍𑌯𑌭𑌾𑌗𑍍𑌯𑌾𑌂
𑌹𑍇𑌲𑌾𑌨𑌿𑌰𑍍𑌦𑌗𑍍𑌧𑌦𑍈𑌨𑍍𑌯𑌶𑍍𑌰𑌮𑌵𑌿𑌷𑌮𑌮𑌹𑌾𑌰𑌣𑍍𑌯𑌗𑌣𑍍𑌯𑌾𑌂 𑌨𑌮𑌾𑌮𑌿 ॥ 2 ॥
𑌵𑌿𑌦𑍍𑌯𑍁𑌤𑍍𑌕𑍋𑌟𑌿𑌪𑍍𑌰𑌕𑌾𑌶𑌾𑌂 𑌵𑌿𑌵𑌿𑌧𑌮𑌣𑌿𑌗𑌣𑍋𑌨𑍍𑌨𑌿𑌦𑍍𑌰𑌸𑍁𑌸𑍍𑌨𑌿𑌗𑍍𑌧𑌶𑍋𑌭𑌾-
𑌸𑌮𑍍𑌪𑌤𑍍𑌸𑌮𑍍𑌪𑍂𑌰𑍍𑌣𑌹𑌾𑌰𑌾𑌦𑍍𑌯𑌭𑌿𑌨𑌵𑌵𑌿𑌭𑌵𑌾𑌲𑌙𑍍𑌕𑍍𑌰𑌿𑌯𑍋𑌲𑍍𑌲𑌾𑌸𑌿𑌕𑌣𑍍𑌠𑌾𑌮𑍍 ।
𑌆𑌦𑍍𑌯𑌾𑌂 𑌵𑌿𑌦𑍍𑌯𑍋𑌤𑌮𑌾𑌨𑌸𑍍𑌮𑌿𑌤𑌰𑍁𑌚𑌿𑌰𑌚𑌿𑌤𑌾𑌨𑌲𑍍𑌪𑌚𑌨𑍍𑌦𑍍𑌰𑌪𑍍𑌰𑌕𑌾𑌶𑌾𑌂
𑌪𑌦𑍍𑌮𑌾𑌂 𑌪𑌦𑍍𑌮𑌾𑌯𑌤𑌾𑌕𑍍𑌷𑍀𑌂 𑌪𑌦𑌨𑌲𑌿𑌨𑌨𑌮𑌤𑍍𑌪𑌦𑍍𑌮𑌸𑌦𑍍𑌮𑌾𑌂 𑌨𑌮𑌾𑌮𑌿 ॥ 3 ॥
𑌶𑌶𑍍𑌵𑌤𑍍𑌤𑌸𑍍𑌯𑌾𑌃 𑌶𑍍𑌰𑌯𑍇𑌽𑌹𑌂 𑌚𑌰𑌣𑌸𑌰𑌸𑌿𑌜𑌂 𑌶𑌾𑌰𑍍𑌙𑍍𑌗𑌪𑌾𑌣𑍇𑌃 𑌪𑍁𑌰𑌨𑍍𑌧𑍍𑌰𑍍𑌯𑌾𑌃
𑌸𑍍𑌤𑍋𑌕𑌂 𑌯𑌸𑍍𑌯𑌾𑌃 𑌪𑍍𑌰𑌸𑌾𑌦𑌃 𑌪𑍍𑌰𑌸𑌰𑌤𑌿 𑌮𑌨𑍁𑌜𑍇 𑌕𑍍𑌰𑍂𑌰𑌦𑌾𑌰𑌿𑌦𑍍𑌰𑍍𑌯𑌦𑌗𑍍𑌧𑍇 ।
𑌸𑍋𑌽𑌯𑌂 𑌸𑌦𑍍𑌯𑍋𑌽𑌨𑌵𑌦𑍍𑌯𑌸𑍍𑌥𑌿𑌰𑌤𑌰𑌰𑍁𑌚𑌿𑌰𑌶𑍍𑌰𑍇𑌷𑍍𑌠𑌭𑍂𑌯𑌿𑌷𑍍𑌠𑌨𑌵𑍍𑌯-
𑌸𑍍𑌤𑌵𑍍𑌯𑌪𑍍𑌰𑌾𑌸𑌾𑌦𑌪𑌙𑍍𑌕𑍍𑌤𑌿𑌪𑍍𑌰𑌸𑌿𑌤𑌬𑌹𑍁𑌵𑌿𑌧𑌪𑍍𑌰𑌾𑌭𑌵𑍋 𑌬𑍋𑌭𑌵𑍀𑌤𑌿 ॥ 4 ॥
𑌸𑍗𑌨𑍍𑌦𑌰𑍍𑌯𑍋𑌦𑍍𑌵𑍇𑌲𑌹𑍇𑌮𑌾𑌮𑍍𑌬𑍁𑌜𑌮𑌹𑌿𑌤𑌮𑌹𑌾𑌸𑌿𑌂𑌹𑌪𑍀𑌠𑌾𑌶𑍍𑌰𑌯𑌾𑌢𑍍𑌯𑌾𑌂
𑌪𑍁𑌷𑍍𑌯𑌨𑍍𑌨𑍀𑌲𑌾𑌰𑌵𑌿𑌨𑍍𑌦𑌪𑍍𑌰𑌤𑌿𑌮𑌵𑌰𑌕𑍃𑌪𑌾𑌪𑍂𑌰𑌸𑌮𑍍𑌪𑍂𑌰𑍍𑌣𑌨𑍇𑌤𑍍𑌰𑌾𑌮𑍍 ।
𑌜𑍍𑌯𑍋𑌤𑍍𑌸𑍍𑌨𑌾𑌪𑍀𑌯𑍂𑌷𑌧𑌾𑌰𑌾𑌵𑌹𑌨𑌵𑌸𑍁𑌷𑌮𑌕𑍍𑌷𑍗𑌮𑌧𑌾𑌮𑍋𑌜𑍍𑌜𑍍𑌵𑌲𑌾𑌙𑍍𑌗𑍀𑌂
𑌵𑌨𑍍𑌦𑍇 𑌸𑌿𑌦𑍍𑌧𑍇𑌶𑌚𑍇𑌤𑌸𑍍𑌸𑌰𑌸𑌿𑌜𑌨𑌿𑌲𑌯𑌾𑌂 𑌚𑌕𑍍𑌰𑌿𑌸𑍗𑌭𑌾𑌗𑍍𑌯𑌋𑌦𑍍𑌧𑌿𑌮𑍍 ॥ 5 ॥
𑌸𑌂𑌸𑌾𑌰𑌕𑍍𑌲𑍇𑌶𑌹𑌨𑍍𑌤𑍍𑌰𑍀𑌂 𑌸𑍍𑌮𑌿𑌤𑌰𑍁𑌚𑌿𑌰𑌮𑍁𑌖𑍀𑌂 𑌸𑌾𑌰𑌶𑍃𑌙𑍍𑌗𑌾𑌰𑌶𑍋𑌭𑌾𑌂
𑌸𑌰𑍍𑌵𑍈𑌶𑍍𑌵𑌰𑍍𑌯𑌪𑍍𑌰𑌦𑌾𑌤𑍍𑌰𑍀𑌂 𑌸𑌰𑌸𑌿𑌜𑌨𑌯𑌨𑌾𑌂 𑌸𑌂𑌸𑍍𑌤𑍁𑌤𑌾𑌂 𑌸𑌾𑌧𑍁𑌬𑍃𑌨𑍍𑌦𑍈𑌃 ।
𑌸𑌂𑌸𑌿𑌦𑍍𑌧𑌸𑍍𑌨𑌿𑌗𑍍𑌧𑌭𑌾𑌵𑌾𑌂 𑌸𑍁𑌰𑌹𑌿𑌤𑌚𑌰𑌿𑌤𑌾𑌂 𑌸𑌿𑌨𑍍𑌧𑍁𑌰𑌾𑌜𑌾𑌤𑍍𑌮𑌭𑍂𑌤𑌾𑌂
𑌸𑍇𑌵𑍇 𑌸𑌮𑍍𑌭𑌾𑌵𑌨𑍀𑌯𑌾𑌨𑍁𑌪𑌮𑌿𑌤𑌮𑌹𑌿𑌮𑌾𑌂 𑌸𑌚𑍍𑌚𑌿𑌦𑌾𑌨𑌨𑍍𑌦𑌰𑍂𑌪𑌾𑌮𑍍 ॥ 6 ॥
𑌸𑌿𑌦𑍍𑌧𑌸𑍍𑌵𑌰𑍍𑌣𑍋𑌪𑌮𑌾𑌨𑌦𑍍𑌯𑍁𑌤𑌿𑌲𑌸𑌿𑌤𑌤𑌨𑍁𑌂 𑌸𑍍𑌨𑌿𑌗𑍍𑌧𑌸𑌮𑍍𑌪𑍂𑌰𑍍𑌣𑌚𑌨𑍍𑌦𑍍𑌰-
𑌵𑍍𑌰𑍀𑌡𑌾𑌸𑌮𑍍𑌪𑌾𑌦𑌿𑌵𑌕𑍍𑌤𑍍𑌰𑌾𑌂 𑌤𑌿𑌲𑌸𑍁𑌮𑌵𑌿𑌜𑌯𑍋𑌦𑍍𑌯𑍋𑌗𑌨𑌿𑌰𑍍𑌨𑌿𑌦𑍍𑌰𑌨𑌾𑌸𑌾𑌮𑍍 ।
𑌤𑌾𑌦𑌾𑌤𑍍𑌵𑍋𑌤𑍍𑌫𑍁𑌲𑍍𑌲𑌨𑍀𑌲𑌾𑌮𑍍𑌬𑍁𑌜𑌹𑌸𑌨𑌚𑌣𑌾𑌤𑍍𑌮𑍀𑌯𑌚𑌕𑍍𑌷𑍁𑌃 𑌪𑍍𑌰𑌕𑌾𑌶𑌾𑌂
𑌬𑌾𑌲𑌶𑍍𑌰𑍀𑌲𑌪𑍍𑌰𑌵𑌾𑌲𑌪𑍍𑌰𑌿𑌯𑌸𑌖𑌚𑌰𑌣𑌦𑍍𑌵𑌨𑍍𑌦𑍍𑌵𑌰𑌮𑍍𑌯𑌾𑌂 𑌭𑌜𑍇𑌽𑌹𑌮𑍍 ॥ 7 ॥
𑌯𑌾𑌂 𑌦𑍇𑌵𑍀𑌂 𑌮𑍗𑌨𑌿𑌵𑌰𑍍𑌯𑌾𑌃 𑌶𑍍𑌰𑌯𑌦𑌮𑌰𑌵𑌧𑍂𑌮𑍗𑌲𑌿𑌮𑌾𑌲𑍍𑌯𑌾𑌰𑍍𑌚𑌿𑌤𑌾𑌙𑍍𑌘𑍍𑌰𑌿𑌂
𑌸𑌂𑌸𑌾𑌰𑌾𑌸𑌾𑌰𑌵𑌾𑌰𑌾𑌨𑍍𑌨𑌿𑌧𑌿𑌤𑌰𑌤𑌰𑌣𑍇 𑌸𑌰𑍍𑌵𑌦𑌾 𑌭𑌾𑌵𑌯𑌨𑍍𑌤𑍇 ।
𑌶𑍍𑌰𑍀𑌕𑌾𑌰𑍋𑌤𑍍𑌤𑍁𑌙𑍍𑌗𑌰𑌤𑍍𑌨𑌪𑍍𑌰𑌚𑍁𑌰𑌿𑌤𑌕𑌨𑌕𑌸𑍍𑌨𑌿𑌗𑍍𑌧𑌶𑍁𑌦𑍍𑌧𑌾𑌨𑍍𑌤𑌲𑍀𑌲𑌾𑌂
𑌤𑌾𑌂 𑌶𑌶𑍍𑌵𑌤𑍍𑌪𑌾𑌦𑌪𑌦𑍍𑌮𑌶𑍍𑌰𑌯𑌦𑌖𑌿𑌲𑌹𑍃𑌦𑌾𑌹𑍍𑌲𑌾𑌦𑌿𑌨𑍀𑌂 𑌹𑍍𑌲𑌾𑌦𑌯𑍇𑌽𑌹𑌮𑍍 ॥ 8 ॥
𑌆𑌕𑌾𑌶𑌾𑌧𑍀𑌶𑌪𑍁𑌤𑍍𑌰𑍀𑌂 𑌶𑍍𑌰𑌿𑌤𑌜𑌨𑌨𑌿𑌵𑌹𑌾𑌧𑍀𑌨𑌚𑍇𑌤𑌃𑌪𑍍𑌰𑌵𑍃𑌤𑍍𑌤𑌿𑌂
𑌵𑌨𑍍𑌦𑍇 𑌶𑍍𑌰𑍀𑌵𑍇𑌙𑍍𑌕𑌟𑍇𑌶𑌪𑍍𑌰𑌭𑍁𑌵𑌰𑌮𑌹𑌿𑌷𑍀𑌂 𑌦𑍀𑌨𑌚𑌿𑌤𑍍𑌤𑌪𑍍𑌰𑌤𑍋𑌷𑌾𑌮𑍍 ।
𑌪𑍁𑌷𑍍𑌯𑌤𑍍𑌪𑌾𑌦𑌾𑌰𑌵𑌿𑌨𑍍𑌦𑌪𑍍𑌰𑌸𑍃𑌮𑌰𑌸𑍁𑌮𑌹𑌶𑍍𑌶𑌾𑌮𑌿𑌤𑌸𑍍𑌵𑌾𑌶𑍍𑌰𑌿𑌤𑌾𑌨𑍍𑌤-
𑌸𑍍𑌤𑌾𑌮𑌿𑌸𑍍𑌰𑌾𑌂 𑌤𑌤𑍍𑌤𑍍𑌵𑌰𑍂𑌪𑌾𑌂 𑌶𑍁𑌕𑌪𑍁𑌰𑌨𑌿𑌲𑌯𑌾𑌂 𑌸𑌰𑍍𑌵𑌸𑍗𑌭𑌾𑌗𑍍𑌯𑌦𑌾𑌤𑍍𑌰𑍀𑌮𑍍 ॥ 9 ॥
𑌶𑍍𑌰𑍀𑌶𑍇𑌷𑌶𑌰𑍍𑌮𑌾𑌭𑌿𑌨𑌵𑍋𑌪𑌕𑍍𑌲𑍁𑌪𑍍𑌤𑌾
𑌪𑍍𑌰𑌿𑌯𑍇𑌣 𑌭𑌕𑍍𑌤𑍍𑌯𑌾 𑌚 𑌸𑌮𑌰𑍍𑌪𑌿𑌤𑍇𑌯𑌮𑍍 ।
𑌪𑌦𑍍𑌮𑌾𑌵𑌤𑍀𑌮𑌙𑍍𑌗𑌲𑌕𑌣𑍍𑌠𑌭𑍂𑌷𑌾
𑌵𑌿𑌰𑌾𑌜𑌤𑌾𑌂 𑌶𑍍𑌰𑍀𑌨𑌵𑌰𑌤𑍍𑌨𑌮𑌾𑌲𑌾 ॥ 10 ॥
𑌇𑌤𑌿 𑌶𑍍𑌰𑍀 𑌪𑌦𑍍𑌮𑌾𑌵𑌤𑍀 𑌨𑌵𑌰𑌤𑍍𑌨𑌮𑌾𑌲𑌿𑌕𑌾 𑌸𑍍𑌤𑍁𑌤𑌿𑌃 ।
Roman (IAST) Transliteration
śrīmān yasyāḥ priyassan sakalamapi jagajjaṅgamasthāvarādyaṃ
svarbhūpātālabhedaṃ vividhavidhamahāśilpasāmarthyasiddham |
rañjan brahmāmarendraistribhuvanajanakaḥ stūyate bhūriśo yaḥ
sā viṣṇorekapatnī tribhuvanajananī pātu padmāvatī naḥ || 1 ||
śrīśṛṅgāraikadevīṃ vidhimukhasumanaḥkoṭikoṭīrajāgra-
dratnajyotsnāprasāraprakaṭitacaraṇāmbhojanīrājitārcām |
gīrvāṇastraiṇavāṇīpariphaṇitamahākīrtisaubhāgyabhāgyāṃ
helānirdagdhadainyaśramaviṣamamahāraṇyagaṇyāṃ namāmi || 2 ||
vidyutkoṭiprakāśāṃ vividhamaṇigaṇonnidrasusnigdhaśobhā-
sampatsampūrṇahārādyabhinavavibhavālaṅkriyollāsikaṇṭhām |
ādyāṃ vidyotamānasmitaruciracitānalpacandraprakāśāṃ
padmāṃ padmāyatākṣīṃ padanalinanamatpadmasadmāṃ namāmi || 3 ||
śaśvattasyāḥ śraye'haṃ caraṇasarasijaṃ śārṅgapāṇeḥ purandhryāḥ
stokaṃ yasyāḥ prasādaḥ prasarati manuje krūradāridryadagdhe |
so'yaṃ sadyo'navadyasthiratararuciraśreṣṭhabhūyiṣṭhanavya-
stavyaprāsādapaṅktiprasitabahuvidhaprābhavo bobhavīti || 4 ||
saundaryodvelahemāmbujamahitamahāsiṃhapīṭhāśrayāḍhyāṃ
puṣyannīlāravindapratimavarakṛpāpūrasampūrṇanetrām |
jyotsnāpīyūṣadhārāvahanavasuṣamakṣaumadhāmojjvalāṅgīṃ
vande siddheśacetassarasijanilayāṃ cakrisaubhāgyaṛddhim || 5 ||
saṃsārakleśahantrīṃ smitaruciramukhīṃ sāraśṛṅgāraśobhāṃ
sarvaiśvaryapradātrīṃ sarasijanayanāṃ saṃstutāṃ sādhubṛndaiḥ |
saṃsiddhasnigdhabhāvāṃ surahitacaritāṃ sindhurājātmabhūtāṃ
seve sambhāvanīyānupamitamahimāṃ saccidānandarūpām || 6 ||
siddhasvarṇopamānadyutilasitatanuṃ snigdhasampūrṇacandra-
vrīḍāsampādivaktrāṃ tilasumavijayodyoganirnidranāsām |
tādātvotphullanīlāmbujahasanacaṇātmīyacakṣuḥ prakāśāṃ
bālaśrīlapravālapriyasakhacaraṇadvandvaramyāṃ bhaje'ham || 7 ||
yāṃ devīṃ maunivaryāḥ śrayadamaravadhūmaulimālyārcitāṅghriṃ
saṃsārāsāravārānnidhitarataraṇe sarvadā bhāvayante |
śrīkārottuṅgaratnapracuritakanakasnigdhaśuddhāntalīlāṃ
tāṃ śaśvatpādapadmaśrayadakhilahṛdāhlādinīṃ hlādaye'ham || 8 ||
ākāśādhīśaputrīṃ śritajananivahādhīnacetaḥpravṛttiṃ
vande śrīveṅkaṭeśaprabhuvaramahiṣīṃ dīnacittapratoṣām |
puṣyatpādāravindaprasṛmarasumahaśśāmitasvāśritānta-
stāmisrāṃ tattvarūpāṃ śukapuranilayāṃ sarvasaubhāgyadātrīm || 9 ||
śrīśeṣaśarmābhinavopakluptā
priyeṇa bhaktyā ca samarpiteyam |
padmāvatīmaṅgalakaṇṭhabhūṣā
virājatāṃ śrīnavaratnamālā || 10 ||
iti śrī padmāvatī navaratnamālikā stutiḥ |
Sanskrit — Devanagari (original)
श्रीमान् यस्याः प्रियस्सन् सकलमपि जगज्जङ्गमस्थावराद्यं
स्वर्भूपातालभेदं विविधविधमहाशिल्पसामर्थ्यसिद्धम् ।
रञ्जन् ब्रह्मामरेन्द्रैस्त्रिभुवनजनकः स्तूयते भूरिशो यः
सा विष्णोरेकपत्नी त्रिभुवनजननी पातु पद्मावती नः ॥ 1 ॥
श्रीशृङ्गारैकदेवीं विधिमुखसुमनःकोटिकोटीरजाग्र-
द्रत्नज्योत्स्नाप्रसारप्रकटितचरणाम्भोजनीराजितार्चाम् ।
गीर्वाणस्त्रैणवाणीपरिफणितमहाकीर्तिसौभाग्यभाग्यां
हेलानिर्दग्धदैन्यश्रमविषममहारण्यगण्यां नमामि ॥ 2 ॥
विद्युत्कोटिप्रकाशां विविधमणिगणोन्निद्रसुस्निग्धशोभा-
सम्पत्सम्पूर्णहाराद्यभिनवविभवालङ्क्रियोल्लासिकण्ठाम् ।
आद्यां विद्योतमानस्मितरुचिरचितानल्पचन्द्रप्रकाशां
पद्मां पद्मायताक्षीं पदनलिननमत्पद्मसद्मां नमामि ॥ 3 ॥
शश्वत्तस्याः श्रयेऽहं चरणसरसिजं शार्ङ्गपाणेः पुरन्ध्र्याः
स्तोकं यस्याः प्रसादः प्रसरति मनुजे क्रूरदारिद्र्यदग्धे ।
सोऽयं सद्योऽनवद्यस्थिरतररुचिरश्रेष्ठभूयिष्ठनव्य-
स्तव्यप्रासादपङ्क्तिप्रसितबहुविधप्राभवो बोभवीति ॥ 4 ॥
सौन्दर्योद्वेलहेमाम्बुजमहितमहासिंहपीठाश्रयाढ्यां
पुष्यन्नीलारविन्दप्रतिमवरकृपापूरसम्पूर्णनेत्राम् ।
ज्योत्स्नापीयूषधारावहनवसुषमक्षौमधामोज्ज्वलाङ्गीं
वन्दे सिद्धेशचेतस्सरसिजनिलयां चक्रिसौभाग्यऋद्धिम् ॥ 5 ॥
संसारक्लेशहन्त्रीं स्मितरुचिरमुखीं सारशृङ्गारशोभां
सर्वैश्वर्यप्रदात्रीं सरसिजनयनां संस्तुतां साधुबृन्दैः ।
संसिद्धस्निग्धभावां सुरहितचरितां सिन्धुराजात्मभूतां
सेवे सम्भावनीयानुपमितमहिमां सच्चिदानन्दरूपाम् ॥ 6 ॥
सिद्धस्वर्णोपमानद्युतिलसिततनुं स्निग्धसम्पूर्णचन्द्र-
व्रीडासम्पादिवक्त्रां तिलसुमविजयोद्योगनिर्निद्रनासाम् ।
तादात्वोत्फुल्लनीलाम्बुजहसनचणात्मीयचक्षुः प्रकाशां
बालश्रीलप्रवालप्रियसखचरणद्वन्द्वरम्यां भजेऽहम् ॥ 7 ॥
यां देवीं मौनिवर्याः श्रयदमरवधूमौलिमाल्यार्चिताङ्घ्रिं
संसारासारवारान्निधितरतरणे सर्वदा भावयन्ते ।
श्रीकारोत्तुङ्गरत्नप्रचुरितकनकस्निग्धशुद्धान्तलीलां
तां शश्वत्पादपद्मश्रयदखिलहृदाह्लादिनीं ह्लादयेऽहम् ॥ 8 ॥
आकाशाधीशपुत्रीं श्रितजननिवहाधीनचेतःप्रवृत्तिं
वन्दे श्रीवेङ्कटेशप्रभुवरमहिषीं दीनचित्तप्रतोषाम् ।
पुष्यत्पादारविन्दप्रसृमरसुमहश्शामितस्वाश्रितान्त-
स्तामिस्रां तत्त्वरूपां शुकपुरनिलयां सर्वसौभाग्यदात्रीम् ॥ 9 ॥
श्रीशेषशर्माभिनवोपक्लुप्ता
प्रियेण भक्त्या च समर्पितेयम् ।
पद्मावतीमङ्गलकण्ठभूषा
विराजतां श्रीनवरत्नमाला ॥ 10 ॥
इति श्री पद्मावती नवरत्नमालिका स्तुतिः ।
śrīmān yasyāḥ priyassan sakalamapi jagajjaṅgamasthāvarādyaṃ
svarbhūpātālabhedaṃ vividhavidhamahāśilpasāmarthyasiddham |
rañjan brahmāmarendraistribhuvanajanakaḥ stūyate bhūriśo yaḥ
sā viṣṇorekapatnī tribhuvanajananī pātu padmāvatī naḥ || 1 ||
śrīśṛṅgāraikadevīṃ vidhimukhasumanaḥkoṭikoṭīrajāgra-
dratnajyotsnāprasāraprakaṭitacaraṇāmbhojanīrājitārcām |
gīrvāṇastraiṇavāṇīpariphaṇitamahākīrtisaubhāgyabhāgyāṃ
helānirdagdhadainyaśramaviṣamamahāraṇyagaṇyāṃ namāmi || 2 ||
vidyutkoṭiprakāśāṃ vividhamaṇigaṇonnidrasusnigdhaśobhā-
sampatsampūrṇahārādyabhinavavibhavālaṅkriyollāsikaṇṭhām |
ādyāṃ vidyotamānasmitaruciracitānalpacandraprakāśāṃ
padmāṃ padmāyatākṣīṃ padanalinanamatpadmasadmāṃ namāmi || 3 ||
śaśvattasyāḥ śraye'haṃ caraṇasarasijaṃ śārṅgapāṇeḥ purandhryāḥ
stokaṃ yasyāḥ prasādaḥ prasarati manuje krūradāridryadagdhe |
so'yaṃ sadyo'navadyasthiratararuciraśreṣṭhabhūyiṣṭhanavya-
stavyaprāsādapaṅktiprasitabahuvidhaprābhavo bobhavīti || 4 ||
saundaryodvelahemāmbujamahitamahāsiṃhapīṭhāśrayāḍhyāṃ
puṣyannīlāravindapratimavarakṛpāpūrasampūrṇanetrām |
jyotsnāpīyūṣadhārāvahanavasuṣamakṣaumadhāmojjvalāṅgīṃ
vande siddheśacetassarasijanilayāṃ cakrisaubhāgyaṛddhim || 5 ||
saṃsārakleśahantrīṃ smitaruciramukhīṃ sāraśṛṅgāraśobhāṃ
sarvaiśvaryapradātrīṃ sarasijanayanāṃ saṃstutāṃ sādhubṛndaiḥ |
saṃsiddhasnigdhabhāvāṃ surahitacaritāṃ sindhurājātmabhūtāṃ
seve sambhāvanīyānupamitamahimāṃ saccidānandarūpām || 6 ||
siddhasvarṇopamānadyutilasitatanuṃ snigdhasampūrṇacandra-
vrīḍāsampādivaktrāṃ tilasumavijayodyoganirnidranāsām |
tādātvotphullanīlāmbujahasanacaṇātmīyacakṣuḥ prakāśāṃ
bālaśrīlapravālapriyasakhacaraṇadvandvaramyāṃ bhaje'ham || 7 ||
yāṃ devīṃ maunivaryāḥ śrayadamaravadhūmaulimālyārcitāṅghriṃ
saṃsārāsāravārānnidhitarataraṇe sarvadā bhāvayante |
śrīkārottuṅgaratnapracuritakanakasnigdhaśuddhāntalīlāṃ
tāṃ śaśvatpādapadmaśrayadakhilahṛdāhlādinīṃ hlādaye'ham || 8 ||
ākāśādhīśaputrīṃ śritajananivahādhīnacetaḥpravṛttiṃ
vande śrīveṅkaṭeśaprabhuvaramahiṣīṃ dīnacittapratoṣām |
puṣyatpādāravindaprasṛmarasumahaśśāmitasvāśritānta-
stāmisrāṃ tattvarūpāṃ śukapuranilayāṃ sarvasaubhāgyadātrīm || 9 ||
śrīśeṣaśarmābhinavopakluptā
priyeṇa bhaktyā ca samarpiteyam |
padmāvatīmaṅgalakaṇṭhabhūṣā
virājatāṃ śrīnavaratnamālā || 10 ||
iti śrī padmāvatī navaratnamālikā stutiḥ |
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.