Shri Narasimha Ashtakam — Sinhala Script

ශ්රීමදකලඞ්ක පරිපූර්ණ ශශිකෝටි-

ශ්රීධර මනෝහර සටාපටල කාන්ත.

පාලය කෘපාලය භවාම්බුධි-නිමග්නං

දෛත්යවරකාල නරසිංහ නරසිංහ .. 1 ..

පාදකමලාවනත පාතකි-ජනානාං

පාතකදවානල පතත්රිවර-කේතෝ.

භාවන පරායණ භවාර්තිහරයා මාං

පාහි කෘපයෛව නරසිංහ නරසිංහ .. 2 ..

තුඞ්ගනඛ-පඞ්ක්ති-දලිතාසුර-වරාසෘක්

පඞ්ක-නවකුඞ්කුම-විපඞ්කිල-මහෝරඃ .

පණ්ඩිතනිධාන-කමලාලය නමස්තේ

පඞ්කජනිෂණ්ණ නරසිංහ නරසිංහ .. 3 ..

මෞලිෂු විභූෂණමිවාමර වරාණාං

යෝගිහෘදයේෂු ච ශිරස්සුනිගමානාම් .

රාජදරවින්ද-රුචිරං පදයුගං තේ

දේහි මම මූර්ධ්නි නරසිංහ නරසිංහ .. 4 ..

වාරිජවිලෝචන මදන්තිම-දශායාං

ක්ලේශ-විවශීකෘත-සමස්ත-කරණායාම් .

ඒහි රමයා සහ ශරණ්ය විහගානාං

නාථමධිරුහ්ය නරසිංහ නරසිංහ .. 5 ..

හාටක-කිරීට-වරහාර-වනමාලා

ධාරරශනා-මකරකුණ්ඩල-මණීන්ද්රෛඃ .

භූෂිතමශේෂ-නිලයං තව වපුර්මේ

චේතසි චකාස්තු නරසිංහ නරසිංහ .. 6 ..

ඉන්දු රවි පාවක විලෝචන රමායාඃ

මන්දිර මහාභුජ-ලසද්වර-රථාඞ්ග.

සුන්දර චිරාය රමතාං ත්වයි මනෝ මේ

නන්දිත සුරේශ නරසිංහ නරසිංහ .. 7 ..

මාධව මුකුන්ද මධුසූදන මුරාරේ

වාමන නෘසිංහ ශරණං භව නතානාම් .

කාමද ඝෘණින් නිඛිලකාරණ නයේයං

කාලමමරේශ නරසිංහ නරසිංහ .. 8 ..

අෂ්ටකමිදං සකල-පාතක-භයඝ්නං

කාමදං අශේෂ-දුරිතාමය-රිපුඝ්නම් .

යඃ පඨති සන්තතමශේෂ-නිලයං තේ

ගච්ඡති පදං ස නරසිංහ නරසිංහ .. 9 ..

Roman (IAST) Transliteration

śrīmadakalaṅka paripūrṇa śaśikoṭi-

śrīdhara manohara saṭāpaṭala kānta|

pālaya kṛpālaya bhavāmbudhi-nimagnaṃ

daityavarakāla narasiṃha narasiṃha || 1 ||

pādakamalāvanata pātaki-janānāṃ

pātakadavānala patatrivara-keto|

bhāvana parāyaṇa bhavārtiharayā māṃ

pāhi kṛpayaiva narasiṃha narasiṃha || 2 ||

tuṅganakha-paṅkti-dalitāsura-varāsṛk

paṅka-navakuṅkuma-vipaṅkila-mahoraḥ |

paṇḍitanidhāna-kamalālaya namaste

paṅkajaniṣaṇṇa narasiṃha narasiṃha || 3 ||

mauliṣu vibhūṣaṇamivāmara varāṇāṃ

yogihṛdayeṣu ca śirassunigamānām |

rājadaravinda-ruciraṃ padayugaṃ te

dehi mama mūrdhni narasiṃha narasiṃha || 4 ||

vārijavilocana madantima-daśāyāṃ

kleśa-vivaśīkṛta-samasta-karaṇāyām |

ehi ramayā saha śaraṇya vihagānāṃ

nāthamadhiruhya narasiṃha narasiṃha || 5 ||

hāṭaka-kirīṭa-varahāra-vanamālā

dhāraraśanā-makarakuṇḍala-maṇīndraiḥ |

bhūṣitamaśeṣa-nilayaṃ tava vapurme

cetasi cakāstu narasiṃha narasiṃha || 6 ||

indu ravi pāvaka vilocana ramāyāḥ

mandira mahābhuja-lasadvara-rathāṅga|

sundara cirāya ramatāṃ tvayi mano me

nandita sureśa narasiṃha narasiṃha || 7 ||

mādhava mukunda madhusūdana murāre

vāmana nṛsiṃha śaraṇaṃ bhava natānām |

kāmada ghṛṇin nikhilakāraṇa nayeyaṃ

kālamamareśa narasiṃha narasiṃha || 8 ||

aṣṭakamidaṃ sakala-pātaka-bhayaghnaṃ

kāmadaṃ aśeṣa-duritāmaya-ripughnam |

yaḥ paṭhati santatamaśeṣa-nilayaṃ te

gacchati padaṃ sa narasiṃha narasiṃha || 9 ||

Sanskrit — Devanagari (original)

श्रीमदकलङ्क परिपूर्ण शशिकोटि-

श्रीधर मनोहर सटापटल कान्त।

पालय कृपालय भवाम्बुधि-निमग्नं

दैत्यवरकाल नरसिंह नरसिंह ॥ 1 ॥

पादकमलावनत पातकि-जनानां

पातकदवानल पतत्रिवर-केतो।

भावन परायण भवार्तिहरया मां

पाहि कृपयैव नरसिंह नरसिंह ॥ 2 ॥

तुङ्गनख-पङ्क्ति-दलितासुर-वरासृक्

पङ्क-नवकुङ्कुम-विपङ्किल-महोरः ।

पण्डितनिधान-कमलालय नमस्ते

पङ्कजनिषण्ण नरसिंह नरसिंह ॥ 3 ॥

मौलिषु विभूषणमिवामर वराणां

योगिहृदयेषु च शिरस्सुनिगमानाम् ।

राजदरविन्द-रुचिरं पदयुगं ते

देहि मम मूर्ध्नि नरसिंह नरसिंह ॥ 4 ॥

वारिजविलोचन मदन्तिम-दशायां

क्लेश-विवशीकृत-समस्त-करणायाम् ।

एहि रमया सह शरण्य विहगानां

नाथमधिरुह्य नरसिंह नरसिंह ॥ 5 ॥

हाटक-किरीट-वरहार-वनमाला

धाररशना-मकरकुण्डल-मणीन्द्रैः ।

भूषितमशेष-निलयं तव वपुर्मे

चेतसि चकास्तु नरसिंह नरसिंह ॥ 6 ॥

इन्दु रवि पावक विलोचन रमायाः

मन्दिर महाभुज-लसद्वर-रथाङ्ग।

सुन्दर चिराय रमतां त्वयि मनो मे

नन्दित सुरेश नरसिंह नरसिंह ॥ 7 ॥

माधव मुकुन्द मधुसूदन मुरारे

वामन नृसिंह शरणं भव नतानाम् ।

कामद घृणिन् निखिलकारण नयेयं

कालममरेश नरसिंह नरसिंह ॥ 8 ॥

अष्टकमिदं सकल-पातक-भयघ्नं

कामदं अशेष-दुरितामय-रिपुघ्नम् ।

यः पठति सन्ततमशेष-निलयं ते

गच्छति पदं स नरसिंह नरसिंह ॥ 9 ॥