śrīmadakalaṅka paripūrṇa śaśikoṭi-
śrīdhara manohara saṭāpaṭala kānta|
pālaya kṛpālaya bhavāmbudhi-nimagnaṃ
Verse 1
daityavarakāla narasiṃha narasiṃha || 1 ||
pādakamalāvanata pātaki-janānāṃ
pātakadavānala patatrivara-keto|
bhāvana parāyaṇa bhavārtiharayā māṃ
Verse 2
pāhi kṛpayaiva narasiṃha narasiṃha || 2 ||
tuṅganakha-paṅkti-dalitāsura-varāsṛk
paṅka-navakuṅkuma-vipaṅkila-mahoraḥ |
paṇḍitanidhāna-kamalālaya namaste
Verse 3
paṅkajaniṣaṇṇa narasiṃha narasiṃha || 3 ||
mauliṣu vibhūṣaṇamivāmara varāṇāṃ
yogihṛdayeṣu ca śirassunigamānām |
rājadaravinda-ruciraṃ padayugaṃ te
Verse 4
dehi mama mūrdhni narasiṃha narasiṃha || 4 ||
vārijavilocana madantima-daśāyāṃ
kleśa-vivaśīkṛta-samasta-karaṇāyām |
ehi ramayā saha śaraṇya vihagānāṃ
Verse 5
nāthamadhiruhya narasiṃha narasiṃha || 5 ||
hāṭaka-kirīṭa-varahāra-vanamālā
dhāraraśanā-makarakuṇḍala-maṇīndraiḥ |
bhūṣitamaśeṣa-nilayaṃ tava vapurme
Verse 6
cetasi cakāstu narasiṃha narasiṃha || 6 ||
indu ravi pāvaka vilocana ramāyāḥ
mandira mahābhuja-lasadvara-rathāṅga|
sundara cirāya ramatāṃ tvayi mano me
Verse 7
nandita sureśa narasiṃha narasiṃha || 7 ||
mādhava mukunda madhusūdana murāre
vāmana nṛsiṃha śaraṇaṃ bhava natānām |
kāmada ghṛṇin nikhilakāraṇa nayeyaṃ
Verse 8
kālamamareśa narasiṃha narasiṃha || 8 ||
aṣṭakamidaṃ sakala-pātaka-bhayaghnaṃ
kāmadaṃ aśeṣa-duritāmaya-ripughnam |
yaḥ paṭhati santatamaśeṣa-nilayaṃ te
Verse 9
gacchati padaṃ sa narasiṃha narasiṃha || 9 ||
Sanskrit — Devanagari (original)
श्रीमदकलङ्क परिपूर्ण शशिकोटि-
श्रीधर मनोहर सटापटल कान्त।
पालय कृपालय भवाम्बुधि-निमग्नं
दैत्यवरकाल नरसिंह नरसिंह ॥ 1 ॥
पादकमलावनत पातकि-जनानां
पातकदवानल पतत्रिवर-केतो।
भावन परायण भवार्तिहरया मां
पाहि कृपयैव नरसिंह नरसिंह ॥ 2 ॥
तुङ्गनख-पङ्क्ति-दलितासुर-वरासृक्
पङ्क-नवकुङ्कुम-विपङ्किल-महोरः ।
पण्डितनिधान-कमलालय नमस्ते
पङ्कजनिषण्ण नरसिंह नरसिंह ॥ 3 ॥
मौलिषु विभूषणमिवामर वराणां
योगिहृदयेषु च शिरस्सुनिगमानाम् ।
राजदरविन्द-रुचिरं पदयुगं ते
देहि मम मूर्ध्नि नरसिंह नरसिंह ॥ 4 ॥
वारिजविलोचन मदन्तिम-दशायां
क्लेश-विवशीकृत-समस्त-करणायाम् ।
एहि रमया सह शरण्य विहगानां
नाथमधिरुह्य नरसिंह नरसिंह ॥ 5 ॥
हाटक-किरीट-वरहार-वनमाला
धाररशना-मकरकुण्डल-मणीन्द्रैः ।
भूषितमशेष-निलयं तव वपुर्मे
चेतसि चकास्तु नरसिंह नरसिंह ॥ 6 ॥
इन्दु रवि पावक विलोचन रमायाः
मन्दिर महाभुज-लसद्वर-रथाङ्ग।
सुन्दर चिराय रमतां त्वयि मनो मे
नन्दित सुरेश नरसिंह नरसिंह ॥ 7 ॥
माधव मुकुन्द मधुसूदन मुरारे
वामन नृसिंह शरणं भव नतानाम् ।
कामद घृणिन् निखिलकारण नयेयं
कालममरेश नरसिंह नरसिंह ॥ 8 ॥
अष्टकमिदं सकल-पातक-भयघ्नं
कामदं अशेष-दुरितामय-रिपुघ्नम् ।
यः पठति सन्ततमशेष-निलयं ते
गच्छति पदं स नरसिंह नरसिंह ॥ 9 ॥