Shiva Tandava Stotram — Sinhala Script

ජටාටවීගලජ්ජලප්රවාහපාවිතස්ථලේ

ගලේවලම්බ්ය ලම්බිතාං භුජඞ්ගතුඞ්ගමාලිකාම් .

ඩමඩ්ඩමඩ්ඩමඩ්ඩමන්නිනාදවඩ්ඩමර්වයං

චකාර චණ්ඩතාණ්ඩවං තනෝතු නඃ ශිවඃ ශිවම් .. 1 ..

ජටාකටාහසම්භ්රමභ්රමන්නිලිම්පනිර්ඣරී-

-විලෝලවීචිවල්ලරීවිරාජමානමූර්ධනි .

ධගද්ධගද්ධගජ්ජ්වලල්ලලාටපට්ටපාවකේ

කිශෝරචන්ද්රශේඛරේ රතිඃ ප්රතික්ෂණං මම .. 2 ..

ධරාධරේන්ද්රනන්දිනීවිලාසබන්ධුබන්ධුර

ස්ඵුරද්දිගන්තසන්තතිප්රමෝදමානමානසේ .

කෘපාකටාක්ෂධෝරණීනිරුද්ධදුර්ධරාපදි

ක්වචිද්දිගම්බරේ මනෝ විනෝදමේතු වස්තුනි .. 3 ..

ජටාභුජඞ්ගපිඞ්ගලස්ඵුරත්ඵණාමණිප්රභා

කදම්බකුඞ්කුමද්රවප්රලිප්තදිග්වධූමුඛේ .

මදාන්ධසින්ධුරස්ඵුරත්ත්වගුත්තරීයමේදුරේ

මනෝ විනෝදමද්භුතං බිභර්තු භූතභර්තරි .. 4 ..

සහස්රලෝචනප්රභෘත්යශේෂලේඛශේඛර

ප්රසූනධූලිධෝරණී විධූසරාඞ්ඝ්රිපීඨභූඃ .

භුජඞ්ගරාජමාලයා නිබද්ධජාටජූටක

ශ්රියෛ චිරාය ජායතාං චකෝරබන්ධුශේඛරඃ .. 5 ..

ලලාටචත්වරජ්වලද්ධනඤ්ජයස්ඵුලිඞ්ගභා-

-නිපීතපඤ්චසායකං නමන්නිලිම්පනායකම් .

සුධාමයූඛලේඛයා විරාජමානශේඛරං

මහාකපාලිසම්පදේශිරෝජටාලමස්තු නඃ .. 6 ..

කරාලඵාලපට්ටිකාධගද්ධගද්ධගජ්ජ්වල-

ද්ධනඤ්ජයාධරීකෘතප්රචණ්ඩපඤ්චසායකේ .

ධරාධරේන්ද්රනන්දිනීකුචාග්රචිත්රපත්රක-

-ප්රකල්පනෛකශිල්පිනි ත්රිලෝචනේ මතිර්මම .. 7 ..

නවීනමේඝමණ්ඩලී නිරුද්ධදුර්ධරස්ඵුරත්-

කුහූනිශීථිනීතමඃ ප්රබන්ධබන්ධුකන්ධරඃ .

නිලිම්පනිර්ඣරීධරස්තනෝතු කෘත්තිසින්ධුරඃ

කලානිධානබන්ධුරඃ ශ්රියං ජගද්ධුරන්ධරඃ .. 8 ..

ප්රඵුල්ලනීලපඞ්කජප්රපඤ්චකාලිමප්රභා-

-විලම්බිකණ්ඨකන්දලීරුචිප්රබද්ධකන්ධරම් .

ස්මරච්ඡිදං පුරච්ඡිදං භවච්ඡිදං මඛච්ඡිදං

ගජච්ඡිදාන්ධකච්ඡිදං තමන්තකච්ඡිදං භජේ .. 9 ..

අගර්වසර්වමඞ්ගලාකලාකදම්බමඤ්ජරී

රසප්රවාහමාධුරී විජෘම්භණාමධුව්රතම් .

ස්මරාන්තකං පුරාන්තකං භවාන්තකං මඛාන්තකං

ගජාන්තකාන්ධකාන්තකං තමන්තකාන්තකං භජේ .. 10 ..

ජයත්වදභ්රවිභ්රමභ්රමද්භුජඞ්ගමශ්වස-

-ද්විනිර්ගමත්ක්රමස්ඵුරත්කරාලඵාලහව්යවාට් .

ධිමිද්ධිමිද්ධිමිධ්වනන්මෘදඞ්ගතුඞ්ගමඞ්ගල

ධ්වනික්රමප්රවර්තිත ප්රචණ්ඩතාණ්ඩවඃ ශිවඃ .. 11 ..

දෘෂද්විචිත්රතල්පයෝර්භුජඞ්ගමෞක්තිකස්රජෝර්-

-ගරිෂ්ඨරත්නලෝෂ්ඨයෝඃ සුහෘද්විපක්ෂපක්ෂයෝඃ .

තෘෂ්ණාරවින්දචක්ෂුෂෝඃ ප්රජාමහීමහේන්ද්රයෝඃ

සමං ප්රවර්තයන්මනඃ කදා සදාශිවං භජේ .. 12 ..

කදා නිලිම්පනිර්ඣරීනිකුඤ්ජකෝටරේ වසන්

විමුක්තදුර්මතිඃ සදා ශිරඃස්ථමඤ්ජලිං වහන් .

විමුක්තලෝලලෝචනෝ ලලාටඵාලලග්නකඃ

ශිවේති මන්ත්රමුච්චරන් සදා සුඛී භවාම්යහම් .. 13 ..

ඉමං හි නිත්යමේවමුක්තමුත්තමෝත්තමං ස්තවං

පඨන්ස්මරන්බ්රුවන්නරෝ විශුද්ධිමේතිසන්තතම් .

හරේ ගුරෞ සුභක්තිමාශු යාති නාන්යථා ගතිං

විමෝහනං හි දේහිනාං සුශඞ්කරස්ය චින්තනම් .. 14 ..

පූජාවසානසමයේ දශවක්ත්රගීතං යඃ

ශම්භුපූජනපරං පඨති ප්රදෝෂේ .

තස්ය ස්ථිරාං රථගජේන්ද්රතුරඞ්ගයුක්තාං

ලක්ෂ්මීං සදෛව සුමුඛිං ප්රදදාති ශම්භුඃ .. 15 ..

Roman (IAST) Transliteration

jaṭāṭavīgalajjalapravāhapāvitasthale

galevalambya lambitāṃ bhujaṅgatuṅgamālikām |

ḍamaḍḍamaḍḍamaḍḍamanninādavaḍḍamarvayaṃ

cakāra caṇḍatāṇḍavaṃ tanotu naḥ śivaḥ śivam || 1 ||

jaṭākaṭāhasambhramabhramannilimpanirjharī-

-vilolavīcivallarīvirājamānamūrdhani |

dhagaddhagaddhagajjvalallalāṭapaṭṭapāvake

kiśoracandraśekhare ratiḥ pratikṣaṇaṃ mama || 2 ||

dharādharendranandinīvilāsabandhubandhura

sphuraddigantasantatipramodamānamānase |

kṛpākaṭākṣadhoraṇīniruddhadurdharāpadi

kvaciddigambare mano vinodametu vastuni || 3 ||

jaṭābhujaṅgapiṅgalasphuratphaṇāmaṇiprabhā

kadambakuṅkumadravapraliptadigvadhūmukhe |

madāndhasindhurasphurattvaguttarīyamedure

mano vinodamadbhutaṃ bibhartu bhūtabhartari || 4 ||

sahasralocanaprabhṛtyaśeṣalekhaśekhara

prasūnadhūlidhoraṇī vidhūsarāṅghripīṭhabhūḥ |

bhujaṅgarājamālayā nibaddhajāṭajūṭaka

śriyai cirāya jāyatāṃ cakorabandhuśekharaḥ || 5 ||

lalāṭacatvarajvaladdhanañjayasphuliṅgabhā-

-nipītapañcasāyakaṃ namannilimpanāyakam |

sudhāmayūkhalekhayā virājamānaśekharaṃ

mahākapālisampadeśirojaṭālamastu naḥ || 6 ||

karālaphālapaṭṭikādhagaddhagaddhagajjvala-

ddhanañjayādharīkṛtapracaṇḍapañcasāyake |

dharādharendranandinīkucāgracitrapatraka-

-prakalpanaikaśilpini trilocane matirmama || 7 ||

navīnameghamaṇḍalī niruddhadurdharasphurat-

kuhūniśīthinītamaḥ prabandhabandhukandharaḥ |

nilimpanirjharīdharastanotu kṛttisindhuraḥ

kalānidhānabandhuraḥ śriyaṃ jagaddhurandharaḥ || 8 ||

praphullanīlapaṅkajaprapañcakālimaprabhā-

-vilambikaṇṭhakandalīruciprabaddhakandharam |

smaracchidaṃ puracchidaṃ bhavacchidaṃ makhacchidaṃ

gajacchidāndhakacchidaṃ tamantakacchidaṃ bhaje || 9 ||

agarvasarvamaṅgalākalākadambamañjarī

rasapravāhamādhurī vijṛmbhaṇāmadhuvratam |

smarāntakaṃ purāntakaṃ bhavāntakaṃ makhāntakaṃ

gajāntakāndhakāntakaṃ tamantakāntakaṃ bhaje || 10 ||

jayatvadabhravibhramabhramadbhujaṅgamaśvasa-

-dvinirgamatkramasphuratkarālaphālahavyavāṭ |

dhimiddhimiddhimidhvananmṛdaṅgatuṅgamaṅgala

dhvanikramapravartita pracaṇḍatāṇḍavaḥ śivaḥ || 11 ||

dṛṣadvicitratalpayorbhujaṅgamauktikasrajor-

-gariṣṭharatnaloṣṭhayoḥ suhṛdvipakṣapakṣayoḥ |

tṛṣṇāravindacakṣuṣoḥ prajāmahīmahendrayoḥ

samaṃ pravartayanmanaḥ kadā sadāśivaṃ bhaje || 12 ||

kadā nilimpanirjharīnikuñjakoṭare vasan

vimuktadurmatiḥ sadā śiraḥsthamañjaliṃ vahan |

vimuktalolalocano lalāṭaphālalagnakaḥ

śiveti mantramuccaran sadā sukhī bhavāmyaham || 13 ||

imaṃ hi nityamevamuktamuttamottamaṃ stavaṃ

paṭhansmaranbruvannaro viśuddhimetisantatam |

hare gurau subhaktimāśu yāti nānyathā gatiṃ

vimohanaṃ hi dehināṃ suśaṅkarasya cintanam || 14 ||

pūjāvasānasamaye daśavaktragītaṃ yaḥ

śambhupūjanaparaṃ paṭhati pradoṣe |

tasya sthirāṃ rathagajendraturaṅgayuktāṃ

lakṣmīṃ sadaiva sumukhiṃ pradadāti śambhuḥ || 15 ||

Sanskrit — Devanagari (original)

जटाटवीगलज्जलप्रवाहपावितस्थले

गलेवलम्ब्य लम्बितां भुजङ्गतुङ्गमालिकाम् ।

डमड्डमड्डमड्डमन्निनादवड्डमर्वयं

चकार चण्डताण्डवं तनोतु नः शिवः शिवम् ॥ 1 ॥

जटाकटाहसम्भ्रमभ्रमन्निलिम्पनिर्झरी-

-विलोलवीचिवल्लरीविराजमानमूर्धनि ।

धगद्धगद्धगज्ज्वलल्ललाटपट्टपावके

किशोरचन्द्रशेखरे रतिः प्रतिक्षणं मम ॥ 2 ॥

धराधरेन्द्रनन्दिनीविलासबन्धुबन्धुर

स्फुरद्दिगन्तसन्ततिप्रमोदमानमानसे ।

कृपाकटाक्षधोरणीनिरुद्धदुर्धरापदि

क्वचिद्दिगम्बरे मनो विनोदमेतु वस्तुनि ॥ 3 ॥

जटाभुजङ्गपिङ्गलस्फुरत्फणामणिप्रभा

कदम्बकुङ्कुमद्रवप्रलिप्तदिग्वधूमुखे ।

मदान्धसिन्धुरस्फुरत्त्वगुत्तरीयमेदुरे

मनो विनोदमद्भुतं बिभर्तु भूतभर्तरि ॥ 4 ॥

सहस्रलोचनप्रभृत्यशेषलेखशेखर

प्रसूनधूलिधोरणी विधूसराङ्घ्रिपीठभूः ।

भुजङ्गराजमालया निबद्धजाटजूटक

श्रियै चिराय जायतां चकोरबन्धुशेखरः ॥ 5 ॥

ललाटचत्वरज्वलद्धनञ्जयस्फुलिङ्गभा-

-निपीतपञ्चसायकं नमन्निलिम्पनायकम् ।

सुधामयूखलेखया विराजमानशेखरं

महाकपालिसम्पदेशिरोजटालमस्तु नः ॥ 6 ॥

करालफालपट्टिकाधगद्धगद्धगज्ज्वल-

द्धनञ्जयाधरीकृतप्रचण्डपञ्चसायके ।

धराधरेन्द्रनन्दिनीकुचाग्रचित्रपत्रक-

-प्रकल्पनैकशिल्पिनि त्रिलोचने मतिर्मम ॥ 7 ॥

नवीनमेघमण्डली निरुद्धदुर्धरस्फुरत्-

कुहूनिशीथिनीतमः प्रबन्धबन्धुकन्धरः ।

निलिम्पनिर्झरीधरस्तनोतु कृत्तिसिन्धुरः

कलानिधानबन्धुरः श्रियं जगद्धुरन्धरः ॥ 8 ॥

प्रफुल्लनीलपङ्कजप्रपञ्चकालिमप्रभा-

-विलम्बिकण्ठकन्दलीरुचिप्रबद्धकन्धरम् ।

स्मरच्छिदं पुरच्छिदं भवच्छिदं मखच्छिदं

गजच्छिदान्धकच्छिदं तमन्तकच्छिदं भजे ॥ 9 ॥

अगर्वसर्वमङ्गलाकलाकदम्बमञ्जरी

रसप्रवाहमाधुरी विजृम्भणामधुव्रतम् ।

स्मरान्तकं पुरान्तकं भवान्तकं मखान्तकं

गजान्तकान्धकान्तकं तमन्तकान्तकं भजे ॥ 10 ॥

जयत्वदभ्रविभ्रमभ्रमद्भुजङ्गमश्वस-

-द्विनिर्गमत्क्रमस्फुरत्करालफालहव्यवाट् ।

धिमिद्धिमिद्धिमिध्वनन्मृदङ्गतुङ्गमङ्गल

ध्वनिक्रमप्रवर्तित प्रचण्डताण्डवः शिवः ॥ 11 ॥

दृषद्विचित्रतल्पयोर्भुजङ्गमौक्तिकस्रजोर्-

-गरिष्ठरत्नलोष्ठयोः सुहृद्विपक्षपक्षयोः ।

तृष्णारविन्दचक्षुषोः प्रजामहीमहेन्द्रयोः

समं प्रवर्तयन्मनः कदा सदाशिवं भजे ॥ 12 ॥

कदा निलिम्पनिर्झरीनिकुञ्जकोटरे वसन्

विमुक्तदुर्मतिः सदा शिरःस्थमञ्जलिं वहन् ।

विमुक्तलोललोचनो ललाटफाललग्नकः

शिवेति मन्त्रमुच्चरन् सदा सुखी भवाम्यहम् ॥ 13 ॥

इमं हि नित्यमेवमुक्तमुत्तमोत्तमं स्तवं

पठन्स्मरन्ब्रुवन्नरो विशुद्धिमेतिसन्ततम् ।

हरे गुरौ सुभक्तिमाशु याति नान्यथा गतिं

विमोहनं हि देहिनां सुशङ्करस्य चिन्तनम् ॥ 14 ॥

पूजावसानसमये दशवक्त्रगीतं यः

शम्भुपूजनपरं पठति प्रदोषे ।

तस्य स्थिरां रथगजेन्द्रतुरङ्गयुक्तां

लक्ष्मीं सदैव सुमुखिं प्रददाति शम्भुः ॥ 15 ॥