Shrimadbhagavadgita Parayana - Shashtho'dhyayah — Sinhala Script

Meaning —

ඕං ශ්රී පරමාත්මනේ නමඃ

අථ ෂෂ්ඨෝ(අ)ධ්යායඃ

ආත්මසංයමයෝගඃ

ශ්රී භගවානුවාච

Verse 1

අනාශ්රිතඃ කර්මඵලං කාර්යං කර්ම කරෝති යඃ .
ස සන්න්යාසී ච යෝගී ච න නිරග්නිර්න චාක්රියඃ ..1..

anāśritaḥ karmaphalaṃ kāryaṃ karma karoti yaḥ |
sa sannyāsī ca yogī ca na niragnirna cākriyaḥ ||1||

Verse 2

යං සන්න්යාසමිති ප්රාහුඃ යෝගං තං විද්ධි පාණ්ඩව .
න හ්යසන්න්යස්තසඞ්කල්පඃ යෝගී භවති කශ්චන ..2..

yaṃ sannyāsamiti prāhuḥ yogaṃ taṃ viddhi pāṇḍava |
na hyasannyastasaṅkalpaḥ yogī bhavati kaścana ||2||

Verse 3

ආරුරුක්ෂෝර්මුනේර්යෝගං කර්ම කාරණමුච්යතේ .
යෝගාරූඪස්ය තස්යෛව ශමඃ කාරණමුච්යතේ ..3..

ārurukṣormuneryogaṃ karma kāraṇamucyate |
yogārūḍhasya tasyaiva śamaḥ kāraṇamucyate ||3||

Verse 4

යදා හි නේන්ද්රියාර්ථේෂු න කර්මස්වනුෂජ්ජතේ .
සර්වසඞ්කල්පසන්න්යාසී යෝගාරූඪස්තදෝච්යතේ ..4..

yadā hi nendriyārtheṣu na karmasvanuṣajjate |
sarvasaṅkalpasannyāsī yogārūḍhastadocyate ||4||

Verse 5

උද්ධරේදාත්මනා(අ)(අ)ත්මානං නාත්මානමවසාදයේත් .
ආත්මෛව හ්යාත්මනෝ බන්ධුඃ ආත්මෛව රිපුරාත්මනඃ ..5..

uddharedātmanā''tmānaṃ nātmānamavasādayet |
ātmaiva hyātmano bandhuḥ ātmaiva ripurātmanaḥ ||5||

Verse 6

බන්ධුරාත්මාත්මනස්තස්ය යේනාත්මෛවාත්මනා ජිතඃ .
අනාත්මනස්තු ශත්රුත්වේ වර්තේතාත්මෛව ශත්රුවත් ..6..

bandhurātmātmanastasya yenātmaivātmanā jitaḥ |
anātmanastu śatrutve vartetātmaiva śatruvat ||6||

Verse 7

ජිතාත්මනඃ ප්රශාන්තස්ය පරමාත්මා සමාහිතඃ .
ශීතෝෂ්ණසුඛදුඃඛේෂු තථා මානාපමානයෝඃ ..7..

jitātmanaḥ praśāntasya paramātmā samāhitaḥ |
śītoṣṇasukhaduḥkheṣu tathā mānāpamānayoḥ ||7||

Verse 8

ජ්ඤානවිජ්ඤානතෘප්තාත්මා කූටස්ථෝ විජිතේන්ද්රියඃ .
යුක්ත ඉත්යුච්යතේ යෝගී සමලෝෂ්ටාශ්මකාඤ්චනඃ ..8..

jñānavijñānatṛptātmā kūṭastho vijitendriyaḥ |
yukta ityucyate yogī samaloṣṭāśmakāñcanaḥ ||8||

Verse 9

සුහෘන්මිත්රාර්යුදාසීන මධ්යස්ථද්වේෂ්යබන්ධුෂු .
සාධුෂ්වපි ච පාපේෂු සමබුද්ධිර්විශිෂ්යතේ ..9..

suhṛnmitrāryudāsīna madhyasthadveṣyabandhuṣu |
sādhuṣvapi ca pāpeṣu samabuddhirviśiṣyate ||9||

Verse 10

යෝගී යුඤ්ජීත සතතම් ආත්මානං රහසි ස්ථිතඃ .
ඒකාකී යතචිත්තාත්මා නිරාශීරපරිග්රහඃ ..10..

yogī yuñjīta satatam ātmānaṃ rahasi sthitaḥ |
ekākī yatacittātmā nirāśīraparigrahaḥ ||10||

Verse 11

ශුචෞ දේශේ ප්රතිෂ්ඨාප්ය ස්ථිරමාසනමාත්මනඃ .
නාත්යුච්ඡ්රිතං නාතිනීචං චෛලාජිනකුශෝත්තරම් ..11..

śucau deśe pratiṣṭhāpya sthiramāsanamātmanaḥ |
nātyucchritaṃ nātinīcaṃ cailājinakuśottaram ||11||

Verse 12

තත්රෛකාග්රං මනඃ කෘත්වා යතචිත්තේන්ද්රියක්රියඃ .
උපවිශ්යාසනේ යුඤ්ජ්යාත් යෝගමාත්මවිශුද්ධයේ ..12..

tatraikāgraṃ manaḥ kṛtvā yatacittendriyakriyaḥ |
upaviśyāsane yuñjyāt yogamātmaviśuddhaye ||12||

Verse 13

සමං කායශිරෝග්රීවං ධාරයන්නචලං ස්ථිරඃ .
සම්ප්රේක්ෂ්ය නාසිකාග්රං ස්වං දිශශ්චානවලෝකයන් ..13..

samaṃ kāyaśirogrīvaṃ dhārayannacalaṃ sthiraḥ |
samprekṣya nāsikāgraṃ svaṃ diśaścānavalokayan ||13||

Verse 14

ප්රශාන්තාත්මා විගත භීඃ බ්රහ්මචාරිව්රතේ ස්ථිතඃ .
මනඃ සංයම්ය මච්චිත්තඃ යුක්ත ආසීත මත්පරඃ ..14..

praśāntātmā vigata bhīḥ brahmacārivrate sthitaḥ |
manaḥ saṃyamya maccittaḥ yukta āsīta matparaḥ ||14||

Verse 15

යුඤ්ජන්නේවං සදා(අ)(අ)ත්මානං යෝගී නියතමානසඃ .
ශාන්තිං නිර්වාණපරමාං මත්සංස්ථාමධිගච්ඡති ..15..

yuñjannevaṃ sadā''tmānaṃ yogī niyatamānasaḥ |
śāntiṃ nirvāṇaparamāṃ matsaṃsthāmadhigacchati ||15||

Verse 16

නාත්යශ්නතස්තු යෝගෝ(අ)ස්ති න චෛකාන්තමනශ්නතඃ .
න චාති ස්වප්නශීලස්ය ජාග්රතෝ නෛව චාර්ජුන ..16..

nātyaśnatastu yogo'sti na caikāntamanaśnataḥ |
na cāti svapnaśīlasya jāgrato naiva cārjuna ||16||

Verse 17

යුක්තාහාරවිහාරස්ය යුක්තචේෂ්ටස්ය කර්මසු .
යුක්තස්වප්නාවබෝධස්ය යෝගෝ භවති දුඃඛහා ..17..

yuktāhāravihārasya yuktaceṣṭasya karmasu |
yuktasvapnāvabodhasya yogo bhavati duḥkhahā ||17||

Verse 18

යදා විනියතං චිත්තම් ආත්මන්යේවාවතිෂ්ඨතේ .
නිස්ස්පෘහඃ සර්වකාමේභ්යඃ යුක්ත ඉත්යුච්යතේ තදා ..18..

yadā viniyataṃ cittam ātmanyevāvatiṣṭhate |
nisspṛhaḥ sarvakāmebhyaḥ yukta ityucyate tadā ||18||

Verse 19

යථා දීපෝ නිවාතස්ථඃ නේඞ්ගතේ සෝපමා ස්මෘතා .
යෝගිනෝ යතචිත්තස්ය යුඤ්ජතෝ යෝගමාත්මනඃ ..19..

yathā dīpo nivātasthaḥ neṅgate sopamā smṛtā |
yogino yatacittasya yuñjato yogamātmanaḥ ||19||

Verse 20

යත්රෝපරමතේ චිත්තං නිරුද්ධං යෝගසේවයා .
යත්ර චෛවාත්මනාත්මානං පශ්යන්නාත්මනි තුෂ්යති ..20..

yatroparamate cittaṃ niruddhaṃ yogasevayā |
yatra caivātmanātmānaṃ paśyannātmani tuṣyati ||20||

Verse 21

සුඛමාත්යන්තිකං යත්තත් බුද්ධිග්රාහ්යමතීන්ද්රියම් .
වේත්ති යත්ර න චෛවායං ස්ථිතශ්චලති තත්ත්වතඃ ..21..

sukhamātyantikaṃ yattat buddhigrāhyamatīndriyam |
vetti yatra na caivāyaṃ sthitaścalati tattvataḥ ||21||

Verse 22

යං ලබ්ධ්වා චාපරං ලාභං මන්යතේ නාධිකං තතඃ .
යස්මින් ස්ථිතෝ න දුඃඛේන ගුරුණාපි විචාල්යතේ ..22..

yaṃ labdhvā cāparaṃ lābhaṃ manyate nādhikaṃ tataḥ |
yasmin sthito na duḥkhena guruṇāpi vicālyate ||22||

Verse 23

තං විද්යාත් දුඃඛසංයෝග වියෝගං යෝගසඤ්ජ්ඤිතම් .
ස නිශ්චයේන යෝක්තව්යඃ යෝගෝ(අ)නිර්විණ්ණචේතසා ..23..

taṃ vidyāt duḥkhasaṃyoga viyogaṃ yogasañjñitam |
sa niścayena yoktavyaḥ yogo'nirviṇṇacetasā ||23||

Verse 24

සඞ්කල්පප්රභවාන්කාමාන් ත්යක්ත්වා සර්වානශේෂතඃ .
මනසෛවේන්ද්රියග්රාමං විනියම්ය සමන්තතඃ ..24..

saṅkalpaprabhavānkāmān tyaktvā sarvānaśeṣataḥ |
manasaivendriyagrāmaṃ viniyamya samantataḥ ||24||

Verse 25

ශනෛඃ ශනෛරුපරමේත් බුද්ධ්යා ධෘතිගෘහීතයා .
ආත්මසංස්ථං මනඃ කෘත්වා න කිඤ්චිදපි චින්තයේත් ..25..

śanaiḥ śanairuparamet buddhyā dhṛtigṛhītayā |
ātmasaṃsthaṃ manaḥ kṛtvā na kiñcidapi cintayet ||25||

Verse 26

යතෝ යතෝ නිශ්චරති මනශ්චඤ්චලමස්ථිරම් .
තතස්තතෝ නියම්යෛතත් ආත්මන්යේව වශං නයේත් ..26..

yato yato niścarati manaścañcalamasthiram |
tatastato niyamyaitat ātmanyeva vaśaṃ nayet ||26||

Verse 27

ප්රශාන්තමනසං හ්යේනං යෝගිනං සුඛමුත්තමම් .
උපෛති ශාන්තරජසං බ්රහ්මභූතමකල්මෂම් ..27..

praśāntamanasaṃ hyenaṃ yoginaṃ sukhamuttamam |
upaiti śāntarajasaṃ brahmabhūtamakalmaṣam ||27||

Verse 28

යුඤ්ජන්නේවං සදා(අ)(අ)ත්මානං යෝගී විගතකල්මෂඃ .
සුඛේන බ්රහ්මසංස්පර්ශම් අත්යන්තං සුඛමශ්නුතේ ..28..

yuñjannevaṃ sadā''tmānaṃ yogī vigatakalmaṣaḥ |
sukhena brahmasaṃsparśam atyantaṃ sukhamaśnute ||28||

Verse 29

සර්වභූතස්ථමාත්මානං සර්වභූතානි චාත්මනි .
ඊක්ෂතේ යෝගයුක්තාත්මා සර්වත්ර සමදර්ශනඃ ..29..

sarvabhūtasthamātmānaṃ sarvabhūtāni cātmani |
īkṣate yogayuktātmā sarvatra samadarśanaḥ ||29||

Verse 30

යෝ මාං පශ්යති සර්වත්ර සර්වං ච මයි පශ්යති .
තස්යාහං න ප්රණශ්යාමි ස ච මේ න ප්රණශ්යති ..30..

yo māṃ paśyati sarvatra sarvaṃ ca mayi paśyati |
tasyāhaṃ na praṇaśyāmi sa ca me na praṇaśyati ||30||

Verse 31

සර්වභූතස්ථිතං යෝ මාං භජත්යේකත්වමාස්ථිතඃ .
සර්වථා වර්තමානෝ(අ)පි ස යෝගී මයි වර්තතේ ..31..

sarvabhūtasthitaṃ yo māṃ bhajatyekatvamāsthitaḥ |
sarvathā vartamāno'pi sa yogī mayi vartate ||31||

Verse 32

ආත්මෞපම්යේන සර්වත්ර සමං පශ්යති යෝ(අ)ර්ජුන .
සුඛං වා යදි වා දුඃඛං ස යෝගී පරමෝ මතඃ ..32..

ātmaupamyena sarvatra samaṃ paśyati yo'rjuna |
sukhaṃ vā yadi vā duḥkhaṃ sa yogī paramo mataḥ ||32||

අර්ජුන උවාච

Verse 33

යෝ(අ)යං යෝගස්ත්වයා ප්රෝක්තඃ සාම්යේන මධුසූදන .
ඒතස්යාහං න පශ්යාමි චඤ්චලත්වාත්‌ස්ථිතිං ස්ථිරාම් ..33..

yo'yaṃ yogastvayā proktaḥ sāmyena madhusūdana |
etasyāhaṃ na paśyāmi cañcalatvāt‌sthitiṃ sthirām ||33||

Verse 34

චඤ්චලං හි මනඃ කෘෂ්ණ ප්රමාථි බලවද්දෘඪම් .
තස්යාහං නිග්රහං මන්යේ වායෝරිව සුදුෂ්කරම් ..34..

cañcalaṃ hi manaḥ kṛṣṇa pramāthi balavaddṛḍham |
tasyāhaṃ nigrahaṃ manye vāyoriva suduṣkaram ||34||

ශ්රී භගවානුවාච

Verse 35

අසංශයං මහාබාහෝ මනෝ දුර්නිග්රහං චලම් .
අභ්යාසේන තු කෞන්තේය වෛරාග්යේණ ච ගෘහ්යතේ ..35..

asaṃśayaṃ mahābāho mano durnigrahaṃ calam |
abhyāsena tu kaunteya vairāgyeṇa ca gṛhyate ||35||

Verse 36

අසංයතාත්මනා යෝගඃ දුෂ්ප්රාප ඉති මේ මතිඃ .
වශ්යාත්මනා තු යතතා ශක්යෝ(අ)වාප්තුමුපායතඃ ..36..

asaṃyatātmanā yogaḥ duṣprāpa iti me matiḥ |
vaśyātmanā tu yatatā śakyo'vāptumupāyataḥ ||36||

අර්ජුන උවාච

Verse 37

අයතිඃ ශ්රද්ධයෝපේතඃ යෝගාච්චලිතමානසඃ .
අප්රාප්ය යෝගසංසිද්ධිං කාං ගතිං කෘෂ්ණ ගච්ඡති ..37..

ayatiḥ śraddhayopetaḥ yogāccalitamānasaḥ |
aprāpya yogasaṃsiddhiṃ kāṃ gatiṃ kṛṣṇa gacchati ||37||

Verse 38

කච්චින්නෝභයවිභ්රෂ්ටඃ ඡින්නාභ්රමිව නශ්යති .
අප්රතිෂ්ඨෝ මහාබාහෝ විමූඪෝ බ්රහ්මණඃ පථි ..38..

kaccinnobhayavibhraṣṭaḥ chinnābhramiva naśyati |
apratiṣṭho mahābāho vimūḍho brahmaṇaḥ pathi ||38||

Verse 39

ඒතන්මේ සංශයං කෘෂ්ණ ඡේත්තුමර්හස්යශේෂතඃ .
ත්වදන්යඃ සංශයස්යාස්ය ඡේත්තා න හ්යුපපද්යතේ ..39..

etanme saṃśayaṃ kṛṣṇa chettumarhasyaśeṣataḥ |
tvadanyaḥ saṃśayasyāsya chettā na hyupapadyate ||39||

ශ්රී භගවානුවාච

Verse 40

පාර්ථ නෛවේහ නාමුත්ර විනාශස්තස්ය විද්යතේ .
න හි කල්යාණකෘත්කශ්චිත් දුර්ගතිං තාත ගච්ඡති ..40..

pārtha naiveha nāmutra vināśastasya vidyate |
na hi kalyāṇakṛtkaścit durgatiṃ tāta gacchati ||40||

Verse 41

ප්රාප්ය පුණ්යකෘතාං ලෝකාන් උෂිත්වා ශාශ්වතීඃ සමාඃ .
ශුචීනාං ශ්රීමතාං ගේහේ යෝගභ්රෂ්ටෝ(අ)භිජායතේ ..41..

prāpya puṇyakṛtāṃ lokān uṣitvā śāśvatīḥ samāḥ |
śucīnāṃ śrīmatāṃ gehe yogabhraṣṭo'bhijāyate ||41||

Verse 42

අථවා යෝගිනාමේව කුලේ භවති ධීමතාම් .
ඒතද්ධි දුර්ලභතරං ලෝකේ ජන්ම යදීදෘශම් ..42..

athavā yogināmeva kule bhavati dhīmatām |
etaddhi durlabhataraṃ loke janma yadīdṛśam ||42||

Verse 43

තත්ර තං බුද්ධිසංයෝගං ලභතේ පෞර්වදේහිකම් .
යතතේ ච තතෝ භූයඃ සංසිද්ධෞ කුරුනන්දන ..43..

tatra taṃ buddhisaṃyogaṃ labhate paurvadehikam |
yatate ca tato bhūyaḥ saṃsiddhau kurunandana ||43||

Verse 44

පූර්වාභ්යාසේන තේනෛව හ්රියතේ හ්යවශෝ(අ)පි සඃ .
ජිජ්ඤාසුරපි යෝගස්ය ශබ්දබ්රහ්මාතිවර්තතේ ..44..

pūrvābhyāsena tenaiva hriyate hyavaśo'pi saḥ |
jijñāsurapi yogasya śabdabrahmātivartate ||44||

Verse 45

ප්රයත්නාද්යතමානස්තු යෝගී සංශුද්ධකිල්බිෂඃ .
අනේකජන්මසංසිද්ධඃ තතෝ යාති පරාං ගතිම් ..45..

prayatnādyatamānastu yogī saṃśuddhakilbiṣaḥ |
anekajanmasaṃsiddhaḥ tato yāti parāṃ gatim ||45||

Verse 46

තපස්විභ්යෝ(අ)ධිකෝ යෝගී ජ්ඤානිභ්යෝ(අ)පි මතෝ(අ)ධිකඃ .
කර්මිභ්යශ්චාධිකෝ යෝගී තස්මාද්යෝගී භවාර්ජුන ..46..

tapasvibhyo'dhiko yogī jñānibhyo'pi mato'dhikaḥ |
karmibhyaścādhiko yogī tasmādyogī bhavārjuna ||46||

Verse 47

යෝගිනාමපි සර්වේෂාං මද්ගතේනාන්තරාත්මනා .
ශ්රද්ධාවාන්භජතේ යෝ මාං ස මේ යුක්තතමෝ මතඃ ..47..

yogināmapi sarveṣāṃ madgatenāntarātmanā |
śraddhāvānbhajate yo māṃ sa me yuktatamo mataḥ ||47||

.. ඕං තත්සදිති ශ්රීමද්භගවද්ගීතාසු උපනිෂත්සු බ්රහ්මවිද්යායාං
යෝගශාස්ත්රේ ශ්රීකෘෂ්ණාර්ජුනසංවාදේ ආත්මසංයමයෝගෝ නාම ෂෂ්ඨෝ(අ)ධ්යායඃ 09

Sanskrit — Devanagari (original)

ॐ श्री परमात्मने नमः

अथ षष्ठोऽध्यायः

आत्मसंयमयोगः

श्री भगवानुवाच

अनाश्रितः कर्मफलं कार्यं कर्म करोति यः ।

स सन्न्यासी च योगी च न निरग्निर्न चाक्रियः ॥1॥

यं सन्न्यासमिति प्राहुः योगं तं विद्धि पाण्डव ।

न ह्यसन्न्यस्तसङ्कल्पः योगी भवति कश्चन ॥2॥

आरुरुक्षोर्मुनेर्योगं कर्म कारणमुच्यते ।

योगारूढस्य तस्यैव शमः कारणमुच्यते ॥3॥

यदा हि नेन्द्रियार्थेषु न कर्मस्वनुषज्जते ।

सर्वसङ्कल्पसन्न्यासी योगारूढस्तदोच्यते ॥4॥

उद्धरेदात्मनाऽऽत्मानं नात्मानमवसादयेत् ।

आत्मैव ह्यात्मनो बन्धुः आत्मैव रिपुरात्मनः ॥5॥

बन्धुरात्मात्मनस्तस्य येनात्मैवात्मना जितः ।

अनात्मनस्तु शत्रुत्वे वर्तेतात्मैव शत्रुवत् ॥6॥

जितात्मनः प्रशान्तस्य परमात्मा समाहितः ।

शीतोष्णसुखदुःखेषु तथा मानापमानयोः ॥7॥

ज्ञानविज्ञानतृप्तात्मा कूटस्थो विजितेन्द्रियः ।

युक्त इत्युच्यते योगी समलोष्टाश्मकाञ्चनः ॥8॥

सुहृन्मित्रार्युदासीन मध्यस्थद्वेष्यबन्धुषु ।

साधुष्वपि च पापेषु समबुद्धिर्विशिष्यते ॥9॥

योगी युञ्जीत सततम् आत्मानं रहसि स्थितः ।

एकाकी यतचित्तात्मा निराशीरपरिग्रहः ॥10॥

शुचौ देशे प्रतिष्ठाप्य स्थिरमासनमात्मनः ।

नात्युच्छ्रितं नातिनीचं चैलाजिनकुशोत्तरम् ॥11॥

तत्रैकाग्रं मनः कृत्वा यतचित्तेन्द्रियक्रियः ।

उपविश्यासने युञ्ज्यात् योगमात्मविशुद्धये ॥12॥

समं कायशिरोग्रीवं धारयन्नचलं स्थिरः ।

सम्प्रेक्ष्य नासिकाग्रं स्वं दिशश्चानवलोकयन् ॥13॥

प्रशान्तात्मा विगत भीः ब्रह्मचारिव्रते स्थितः ।

मनः संयम्य मच्चित्तः युक्त आसीत मत्परः ॥14॥

युञ्जन्नेवं सदाऽऽत्मानं योगी नियतमानसः ।

शान्तिं निर्वाणपरमां मत्संस्थामधिगच्छति ॥15॥

नात्यश्नतस्तु योगोऽस्ति न चैकान्तमनश्नतः ।

न चाति स्वप्नशीलस्य जाग्रतो नैव चार्जुन ॥16॥

युक्ताहारविहारस्य युक्तचेष्टस्य कर्मसु ।

युक्तस्वप्नावबोधस्य योगो भवति दुःखहा ॥17॥

यदा विनियतं चित्तम् आत्मन्येवावतिष्ठते ।

निस्स्पृहः सर्वकामेभ्यः युक्त इत्युच्यते तदा ॥18॥

यथा दीपो निवातस्थः नेङ्गते सोपमा स्मृता ।

योगिनो यतचित्तस्य युञ्जतो योगमात्मनः ॥19॥

यत्रोपरमते चित्तं निरुद्धं योगसेवया ।

यत्र चैवात्मनात्मानं पश्यन्नात्मनि तुष्यति ॥20॥

सुखमात्यन्तिकं यत्तत् बुद्धिग्राह्यमतीन्द्रियम् ।

वेत्ति यत्र न चैवायं स्थितश्चलति तत्त्वतः ॥21॥

यं लब्ध्वा चापरं लाभं मन्यते नाधिकं ततः ।

यस्मिन् स्थितो न दुःखेन गुरुणापि विचाल्यते ॥22॥

तं विद्यात् दुःखसंयोग वियोगं योगसञ्ज्ञितम् ।

स निश्चयेन योक्तव्यः योगोऽनिर्विण्णचेतसा ॥23॥

सङ्कल्पप्रभवान्कामान् त्यक्त्वा सर्वानशेषतः ।

मनसैवेन्द्रियग्रामं विनियम्य समन्ततः ॥24॥

शनैः शनैरुपरमेत् बुद्ध्या धृतिगृहीतया ।

आत्मसंस्थं मनः कृत्वा न किञ्चिदपि चिन्तयेत् ॥25॥

यतो यतो निश्चरति मनश्चञ्चलमस्थिरम् ।

ततस्ततो नियम्यैतत् आत्मन्येव वशं नयेत् ॥26॥

प्रशान्तमनसं ह्येनं योगिनं सुखमुत्तमम् ।

उपैति शान्तरजसं ब्रह्मभूतमकल्मषम् ॥27॥

युञ्जन्नेवं सदाऽऽत्मानं योगी विगतकल्मषः ।

सुखेन ब्रह्मसंस्पर्शम् अत्यन्तं सुखमश्नुते ॥28॥

सर्वभूतस्थमात्मानं सर्वभूतानि चात्मनि ।

ईक्षते योगयुक्तात्मा सर्वत्र समदर्शनः ॥29॥

यो मां पश्यति सर्वत्र सर्वं च मयि पश्यति ।

तस्याहं न प्रणश्यामि स च मे न प्रणश्यति ॥30॥

सर्वभूतस्थितं यो मां भजत्येकत्वमास्थितः ।

सर्वथा वर्तमानोऽपि स योगी मयि वर्तते ॥31॥

आत्मौपम्येन सर्वत्र समं पश्यति योऽर्जुन ।

सुखं वा यदि वा दुःखं स योगी परमो मतः ॥32॥

अर्जुन उवाच

योऽयं योगस्त्वया प्रोक्तः साम्येन मधुसूदन ।

एतस्याहं न पश्यामि चञ्चलत्वात्‌स्थितिं स्थिराम् ॥33॥

चञ्चलं हि मनः कृष्ण प्रमाथि बलवद्दृढम् ।

तस्याहं निग्रहं मन्ये वायोरिव सुदुष्करम् ॥34॥

श्री भगवानुवाच

असंशयं महाबाहो मनो दुर्निग्रहं चलम् ।

अभ्यासेन तु कौन्तेय वैराग्येण च गृह्यते ॥35॥

असंयतात्मना योगः दुष्प्राप इति मे मतिः ।

वश्यात्मना तु यतता शक्योऽवाप्तुमुपायतः ॥36॥

अर्जुन उवाच

अयतिः श्रद्धयोपेतः योगाच्चलितमानसः ।

अप्राप्य योगसंसिद्धिं कां गतिं कृष्ण गच्छति ॥37॥

कच्चिन्नोभयविभ्रष्टः छिन्नाभ्रमिव नश्यति ।

अप्रतिष्ठो महाबाहो विमूढो ब्रह्मणः पथि ॥38॥

एतन्मे संशयं कृष्ण छेत्तुमर्हस्यशेषतः ।

त्वदन्यः संशयस्यास्य छेत्ता न ह्युपपद्यते ॥39॥

श्री भगवानुवाच

पार्थ नैवेह नामुत्र विनाशस्तस्य विद्यते ।

न हि कल्याणकृत्कश्चित् दुर्गतिं तात गच्छति ॥40॥

प्राप्य पुण्यकृतां लोकान् उषित्वा शाश्वतीः समाः ।

शुचीनां श्रीमतां गेहे योगभ्रष्टोऽभिजायते ॥41॥

अथवा योगिनामेव कुले भवति धीमताम् ।

एतद्धि दुर्लभतरं लोके जन्म यदीदृशम् ॥42॥

तत्र तं बुद्धिसंयोगं लभते पौर्वदेहिकम् ।

यतते च ततो भूयः संसिद्धौ कुरुनन्दन ॥43॥

पूर्वाभ्यासेन तेनैव ह्रियते ह्यवशोऽपि सः ।

जिज्ञासुरपि योगस्य शब्दब्रह्मातिवर्तते ॥44॥

प्रयत्नाद्यतमानस्तु योगी संशुद्धकिल्बिषः ।

अनेकजन्मसंसिद्धः ततो याति परां गतिम् ॥45॥

तपस्विभ्योऽधिको योगी ज्ञानिभ्योऽपि मतोऽधिकः ।

कर्मिभ्यश्चाधिको योगी तस्माद्योगी भवार्जुन ॥46॥

योगिनामपि सर्वेषां मद्गतेनान्तरात्मना ।

श्रद्धावान्भजते यो मां स मे युक्ततमो मतः ॥47॥

॥ ॐ तत्सदिति श्रीमद्भगवद्गीतासु उपनिषत्सु ब्रह्मविद्यायां

योगशास्त्रे श्रीकृष्णार्जुनसंवादे आत्मसंयमयोगो नाम षष्ठोऽध्यायः 09

🕉️ This is the original Sanskrit rendered in Sinhala script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ශ්රීමද්භගවද්ගීතා පාරායණ - ෂෂ්ඨෝ(අ)ධ්යායඃ