Annamayya Kirtana Radha Madhava Rati Charitamiti — Sinhala Script

රාධාමාධවරතිචරිතමිති

බෝධාවහං ශ්රුතිභූෂණං ..

ගහනේ ද්වාවපි ගත්වා ගත්වා

රහසි රතිං ප්රේරයති සති .

විහරතස්තදා විලසන්තෞ

විහතගෘහාශෞ විවශෞ තෞ ..

ලජ්ජාශභල විලාසලීලයා

කජ්ජලනයන විකාරේණ .

හෘජ්ජාව්යවනහිත හෘදයා රති

ස්සජ්ජා සම්භ්රමචපලා ජාතා ..

පුරතෝ යාන්තං පුරුෂං වකුලෛඃ

කුරණ්ටකෛර්වා කුටජෛර්වා .

පරමං ප්රහරති පශ්චාල්ලග්නා-

ගිරං විනාසි විකිරති මුදං ..

හරි සුරභූරුහ මාරෝහතීව

චරණේන කටිං සංවේෂ්ට්ය .

පරිරඤ්චණ සම්පාදිතපුලකෛ

ස්සුරුචිර්ජාතා සුමලතිකේව ..

විධුමුඛදර්ශන විකලිතලජ්ජා-

ත්වධරබිම්බඵලමාස්වාද්ය .

මධුරෝපායනමාර්ගේණ කුචෞ

නිධිවද ත්වා නිත්යසුඛමිතා ..

සුරුචිරකේතක සුමදල නඛරෛ-

ර්වරචිබුකං සා පරිවෘත්ය .

තරුණිමසින්ධෞ තදීයදෘග්ජල-

චරයුගලං සංසක්තං චකාර ..

වචන විලාසෛර්වශීකෘත තං

නිචුලකුඤ්ජ මානිතදේශේ .

ප්රචුරසෛකතේ පල්ලවශයනේ-

රචිතරතිකලා රාගේණාස ..

අභිනවකල්යාණාඤ්චිතරූපා-

වභිනිවේශ සංයතචිත්තෞ .

බභූවතු ස්තත්පරෞ වේඞ්කට

විභුනා සා තද්විධිනා සතයා ..

සච ලජ්ජාවීක්ෂණෝ භවති තං

කචභරාං ගන්ධං ඝ්රාපයති .

නචලතිචේන්මානවතී තථාපි

කුචසඞ්ගාදනුකූලයති ..

අවනතශිරසාප්යති සුභගං

විවිධාලාපෛර්විවශයති .

ප්රවිමල කරරුහරචන විලාසෛ

ර්භුවනපති තං භූෂයති ..

ලතාගෘහමේලනං නවසෛ

කතවෛභව සෞඛ්යං දෘෂ්ට්වා .

තතස්තතශ්චරසෞ කේලී-

ව්රතචර්යාං තාං වාඤ්ඡන්තෞ .

වනකුසුම විශදවරවාසනයා-

ඝනසාරරජෝගන්ධෛශ්ච .

ජනයති පවනේ සපදි විකාරං-

වනිතා පුරුෂෞ ජනිතාශෞ ..

ඒවං විචරන් හේලා විමුඛ-

ශ්රීවේඞ්කටගිරි දේවෝයං .

පාවනරාධාපරිරම්භසුඛ-

ශ්රී වෛභවසුස්ථිරෝ භවති ..

Roman (IAST) Transliteration

rādhāmādhavaraticaritamiti

bodhāvahaṃ śrutibhūṣaṇaṃ ||

gahane dvāvapi gatvā gatvā

rahasi ratiṃ prerayati sati |

viharatastadā vilasantau

vihatagṛhāśau vivaśau tau ||

lajjāśabhala vilāsalīlayā

kajjalanayana vikāreṇa |

hṛjjāvyavanahita hṛdayā rati

ssajjā sambhramacapalā jātā ||

purato yāntaṃ puruṣaṃ vakulaiḥ

kuraṇṭakairvā kuṭajairvā |

paramaṃ praharati paścāllagnā-

giraṃ vināsi vikirati mudaṃ ||

hari surabhūruha mārohatīva

caraṇena kaṭiṃ saṃveṣṭya |

parirañcaṇa sampāditapulakai

ssurucirjātā sumalatikeva ||

vidhumukhadarśana vikalitalajjā-

tvadharabimbaphalamāsvādya |

madhuropāyanamārgeṇa kucau

nidhivada tvā nityasukhamitā ||

suruciraketaka sumadala nakharai-

rvaracibukaṃ sā parivṛtya |

taruṇimasindhau tadīyadṛgjala-

carayugalaṃ saṃsaktaṃ cakāra ||

vacana vilāsairvaśīkṛta taṃ

niculakuñja mānitadeśe |

pracurasaikate pallavaśayane-

racitaratikalā rāgeṇāsa ||

abhinavakalyāṇāñcitarūpā-

vabhiniveśa saṃyatacittau |

babhūvatu statparau veṅkaṭa

vibhunā sā tadvidhinā satayā ||

saca lajjāvīkṣaṇo bhavati taṃ

kacabharāṃ gandhaṃ ghrāpayati |

nacalaticenmānavatī tathāpi

kucasaṅgādanukūlayati ||

avanataśirasāpyati subhagaṃ

vividhālāpairvivaśayati |

pravimala kararuharacana vilāsai

rbhuvanapati taṃ bhūṣayati ||

latāgṛhamelanaṃ navasai

katavaibhava saukhyaṃ dṛṣṭvā |

tatastataścarasau kelī-

vratacaryāṃ tāṃ vāñchantau |

vanakusuma viśadavaravāsanayā-

ghanasārarajogandhaiśca |

janayati pavane sapadi vikāraṃ-

vanitā puruṣau janitāśau ||

evaṃ vicaran helā vimukha-

śrīveṅkaṭagiri devoyaṃ |

pāvanarādhāparirambhasukha-

śrī vaibhavasusthiro bhavati ||

Sanskrit — Devanagari (original)

राधामाधवरतिचरितमिति

बोधावहं श्रुतिभूषणं ॥

गहने द्वावपि गत्वा गत्वा

रहसि रतिं प्रेरयति सति ।

विहरतस्तदा विलसन्तौ

विहतगृहाशौ विवशौ तौ ॥

लज्जाशभल विलासलीलया

कज्जलनयन विकारेण ।

हृज्जाव्यवनहित हृदया रति

स्सज्जा सम्भ्रमचपला जाता ॥

पुरतो यान्तं पुरुषं वकुलैः

कुरण्टकैर्वा कुटजैर्वा ।

परमं प्रहरति पश्चाल्लग्ना-

गिरं विनासि विकिरति मुदं ॥

हरि सुरभूरुह मारोहतीव

चरणेन कटिं संवेष्ट्य ।

परिरञ्चण सम्पादितपुलकै

स्सुरुचिर्जाता सुमलतिकेव ॥

विधुमुखदर्शन विकलितलज्जा-

त्वधरबिम्बफलमास्वाद्य ।

मधुरोपायनमार्गेण कुचौ

निधिवद त्वा नित्यसुखमिता ॥

सुरुचिरकेतक सुमदल नखरै-

र्वरचिबुकं सा परिवृत्य ।

तरुणिमसिन्धौ तदीयदृग्जल-

चरयुगलं संसक्तं चकार ॥

वचन विलासैर्वशीकृत तं

निचुलकुञ्ज मानितदेशे ।

प्रचुरसैकते पल्लवशयने-

रचितरतिकला रागेणास ॥

अभिनवकल्याणाञ्चितरूपा-

वभिनिवेश संयतचित्तौ ।

बभूवतु स्तत्परौ वेङ्कट

विभुना सा तद्विधिना सतया ॥

सच लज्जावीक्षणो भवति तं

कचभरां गन्धं घ्रापयति ।

नचलतिचेन्मानवती तथापि

कुचसङ्गादनुकूलयति ॥

अवनतशिरसाप्यति सुभगं

विविधालापैर्विवशयति ।

प्रविमल कररुहरचन विलासै

र्भुवनपति तं भूषयति ॥

लतागृहमेलनं नवसै

कतवैभव सौख्यं दृष्ट्वा ।

ततस्ततश्चरसौ केली-

व्रतचर्यां तां वाञ्छन्तौ ।

वनकुसुम विशदवरवासनया-

घनसाररजोगन्धैश्च ।

जनयति पवने सपदि विकारं-

वनिता पुरुषौ जनिताशौ ॥

एवं विचरन् हेला विमुख-

श्रीवेङ्कटगिरि देवोयं ।

पावनराधापरिरम्भसुख-

श्री वैभवसुस्थिरो भवति ॥