Sharada Prarthana — Devanagari Script

नमस्ते शारदे देवि काश्मीरपुरवासिनि

त्वामहं प्रार्थये नित्यं विद्यादानं च देहि मे ॥ 1 ॥

या श्रद्धा धारणा मेधा वाग्देवी विधिवल्लभा

भक्तजिह्वाग्रसदना शमादिगुणदायिनी ॥ 2 ॥

नमामि यामिनीं नाथलेखालङ्कृतकुन्तलाम्

भवानीं भवसन्तापनिर्वापणसुधानदीम् ॥ 3 ॥

भद्रकाल्यै नमो नित्यं सरस्वत्यै नमो नमः

वेदवेदाङ्गवेदान्तविद्यास्थानेभ्य एव च ॥ 4 ॥

ब्रह्मस्वरूपा परमा ज्योतिरूपा सनातनी

सर्वविद्याधिदेवी या तस्यै वाण्यै नमो नमः ॥ 5 ॥

यया विना जगत्सर्वं शश्वज्जीवन्मृतं भवेत्

ज्ञानाधिदेवी या तस्यै सरस्वत्यै नमो नमः ॥ 6 ॥

यया विना जगत्सर्वं मूकमुन्मत्तवत्सदा

या देवी वागधिष्ठात्री तस्यै वाण्यै नमो नमः ॥ 7 ॥

॥ इति श्रीमच्छङ्कराचार्यविरचिता शारदा प्रार्थन सम्पूर्णम् ॥

Roman (IAST) Transliteration

namaste śārade devi kāśmīrapuravāsini

tvāmahaṃ prārthaye nityaṃ vidyādānaṃ ca dehi me || 1 ||

yā śraddhā dhāraṇā medhā vāgdevī vidhivallabhā

bhaktajihvāgrasadanā śamādiguṇadāyinī || 2 ||

namāmi yāminīṃ nāthalekhālaṅkṛtakuntalām

bhavānīṃ bhavasantāpanirvāpaṇasudhānadīm || 3 ||

bhadrakālyai namo nityaṃ sarasvatyai namo namaḥ

vedavedāṅgavedāntavidyāsthānebhya eva ca || 4 ||

brahmasvarūpā paramā jyotirūpā sanātanī

sarvavidyādhidevī yā tasyai vāṇyai namo namaḥ || 5 ||

yayā vinā jagatsarvaṃ śaśvajjīvanmṛtaṃ bhavet

jñānādhidevī yā tasyai sarasvatyai namo namaḥ || 6 ||

yayā vinā jagatsarvaṃ mūkamunmattavatsadā

yā devī vāgadhiṣṭhātrī tasyai vāṇyai namo namaḥ || 7 ||

|| iti śrīmacchaṅkarācāryaviracitā śāradā prārthana sampūrṇam ||