(ऋ.10.129)
नास॑दासी॒न्नो सदा॑सीत्त॒दानी॒-न्नासी॒द्रजो॒ नो व्यो॑मा प॒रो यत् ।
किमाव॑रीवः॒ कुह॒ कस्य॒ शर्म॒न्नम्भः॒ किमा॑सी॒द्गह॑न-ङ्गभी॒रम् ॥ 1 ॥
न मृ॒त्युरा॑सीद॒मृत॒-न्न तर्हि॒ न रात्र्या॒ अह्न॑ आसीत्प्रके॒तः ।
आनी॑दवा॒तं स्व॒धया॒ तदेक॒-न्तस्मा॑द्धा॒न्यन्न प॒रः कि-ञ्च॒नास॑ ॥ 2 ॥
तम॑ आसी॒त्तम॑सा गू॒ल्हमग्रे॑-ऽप्रके॒तं स॑लि॒लं सर्व॑मा इ॒दम् ।
तु॒च्छ्येना॒भ्वपि॑हितं॒-यँदासी॒त्तप॑स॒स्तन्म॑हि॒नाजा॑य॒तैक॑म् ॥ 3 ॥
काम॒स्तदग्रे॒ सम॑वर्त॒ताधि॒ मन॑सो॒ रेतः॑ प्रथ॒मं-यँदासी॑त् ।
स॒तो बन्धु॒मस॑ति॒ निर॑विन्दन् हृ॒दि प्र॒तीष्या॑ क॒वयो॑ मनी॒षा ॥ 4 ॥
ति॒र॒श्चीनो॒ वित॑तो र॒श्मिरे॑षाम॒ध-स्स्वि॑दा॒सी 3 दु॒परि॑ स्विदासी 3 त् ।
रे॒तो॒धा आ॑सन्महि॒मान॑ आसन्त्स्व॒धा अ॒वस्ता॒त्प्रय॑तिः प॒रस्ता॑त् ॥ 5 ॥
को अ॒द्धा वे॑द॒ क इ॒ह प्र वो॑च॒त्कुत॒ आजा॑ता॒ कुत॑ इ॒यं-विँसृ॑ष्टिः ।
अ॒र्वाग्दे॒वा अ॒स्य वि॒सर्ज॑ने॒नाथा॒ को वे॑द॒ यत॑ आब॒भूव॑ ॥ 6 ॥
इ॒यं-विँसृ॑ष्टि॒र्यत॑ आब॒भूव॒ यदि॑ वा द॒धे यदि॑ वा॒ न ।
यो अ॒स्याध्य॑क्षः पर॒मे व्यो॑म॒न्त्सो अ॒ङ्ग वे॑द॒ यदि॑ वा॒ न वेद॑ ॥ 7 ॥
Roman (IAST) Transliteration
(ṛ.10.129)
nāsa̭dāsī॒nno sadā̭sītta॒dānī॒-nnāsī॒drajo॒ no vyo̭mā pa॒ro yat |
kimāva̭rīvaḥ॒ kuha॒ kasya॒ śarma॒nnambhaḥ॒ kimā̭sī॒dgaha̭na-ṅgabhī॒ram || 1 ||
na mṛ॒tyurā̭sīda॒mṛta॒-nna tarhi॒ na rātryā॒ ahna̭ āsītprake॒taḥ |
ānī̭davā॒taṃ sva॒dhayā॒ tadeka॒-ntasmā̭ddhā॒nyanna pa॒raḥ ki-ñca॒nāsa̭ || 2 ||
tama̭ āsī॒ttama̭sā gū॒lhamagrḙ-'prake॒taṃ sa̭li॒laṃ sarva̭mā i॒dam |
tu॒cchyenā॒bhvapi̭hitaṃ॒-ya~dāsī॒ttapa̭sa॒stanma̭hi॒nājā̭ya॒taika̭m || 3 ||
kāma॒stadagre॒ sama̭varta॒tādhi॒ mana̭so॒ retaḥ̭ pratha॒maṃ-ya~dāsī̭t |
sa॒to bandhu॒masa̭ti॒ nira̭vindan hṛ॒di pra॒tīṣyā̭ ka॒vayo̭ manī॒ṣā || 4 ||
ti॒ra॒ścīno॒ vita̭to ra॒śmirḙṣāma॒dha-ssvi̭dā॒sī 3 du॒pari̭ svidāsī 3 t |
re॒to॒dhā ā̭sanmahi॒māna̭ āsantsva॒dhā a॒vastā॒tpraya̭tiḥ pa॒rastā̭t || 5 ||
ko a॒ddhā vḙda॒ ka i॒ha pra vo̭ca॒tkuta॒ ājā̭tā॒ kuta̭ i॒yaṃ-vi~sṛ̭ṣṭiḥ |
a॒rvāgde॒vā a॒sya vi॒sarja̭ne॒nāthā॒ ko vḙda॒ yata̭ āba॒bhūva̭ || 6 ||
i॒yaṃ-vi~sṛ̭ṣṭi॒ryata̭ āba॒bhūva॒ yadi̭ vā da॒dhe yadi̭ vā॒ na |
yo a॒syādhya̭kṣaḥ para॒me vyo̭ma॒ntso a॒ṅga vḙda॒ yadi̭ vā॒ na veda̭ || 7 ||
(ṛ.10.129)
nāsa̭dāsī॒nno sadā̭sītta॒dānī॒-nnāsī॒drajo॒ no vyo̭mā pa॒ro yat |
kimāva̭rīvaḥ॒ kuha॒ kasya॒ śarma॒nnambhaḥ॒ kimā̭sī॒dgaha̭na-ṅgabhī॒ram || 1 ||
na mṛ॒tyurā̭sīda॒mṛta॒-nna tarhi॒ na rātryā॒ ahna̭ āsītprake॒taḥ |
ānī̭davā॒taṃ sva॒dhayā॒ tadeka॒-ntasmā̭ddhā॒nyanna pa॒raḥ ki-ñca॒nāsa̭ || 2 ||
tama̭ āsī॒ttama̭sā gū॒lhamagrḙ-'prake॒taṃ sa̭li॒laṃ sarva̭mā i॒dam |
tu॒cchyenā॒bhvapi̭hitaṃ॒-ya~dāsī॒ttapa̭sa॒stanma̭hi॒nājā̭ya॒taika̭m || 3 ||
kāma॒stadagre॒ sama̭varta॒tādhi॒ mana̭so॒ retaḥ̭ pratha॒maṃ-ya~dāsī̭t |
sa॒to bandhu॒masa̭ti॒ nira̭vindan hṛ॒di pra॒tīṣyā̭ ka॒vayo̭ manī॒ṣā || 4 ||
ti॒ra॒ścīno॒ vita̭to ra॒śmirḙṣāma॒dha-ssvi̭dā॒sī 3 du॒pari̭ svidāsī 3 t |
re॒to॒dhā ā̭sanmahi॒māna̭ āsantsva॒dhā a॒vastā॒tpraya̭tiḥ pa॒rastā̭t || 5 ||
ko a॒ddhā vḙda॒ ka i॒ha pra vo̭ca॒tkuta॒ ājā̭tā॒ kuta̭ i॒yaṃ-vi~sṛ̭ṣṭiḥ |
a॒rvāgde॒vā a॒sya vi॒sarja̭ne॒nāthā॒ ko vḙda॒ yata̭ āba॒bhūva̭ || 6 ||
i॒yaṃ-vi~sṛ̭ṣṭi॒ryata̭ āba॒bhūva॒ yadi̭ vā da॒dhe yadi̭ vā॒ na |
yo a॒syādhya̭kṣaḥ para॒me vyo̭ma॒ntso a॒ṅga vḙda॒ yadi̭ vā॒ na veda̭ || 7 ||