Summary — Sanskrit (simple prose explanation)
AI-generated · not yet verified
The Sanskrit (simple prose explanation) meaning of each verse is shown below the verse.
ॐ अ॒ग्निर्नः॑ पातु॒ कृत्ति॑काः । नक्ष॑त्र-न्दे॒वमि॑न्द्रि॒यम् ।
इ॒दमा॑सां-विँचक्ष॒णम् । ह॒विरा॒स-ञ्जु॑होतन ।
यस्य॒ भान्ति॑ र॒श्मयो॒ यस्य॑ के॒तवः॑ । यस्ये॒मा विश्वा॒ भुव॑नानि॒ सर्वा᳚ ।
स कृत्ति॑काभि-र॒भिसं॒वँसा॑नः । अ॒ग्निर्नो॑ दे॒वस्सु॑वि॒ते द॑धातु ॥ 1
oṃ a॒gnirnaḥ̭ pātu॒ kṛtti̭kāḥ | nakṣa̭tra-nde॒vami̭ndri॒yam |
i॒damā̭sāṃ-vi~cakṣa॒ṇam | ha॒virā॒sa-ñjṷhotana |
yasya॒ bhānti̭ ra॒śmayo॒ yasya̭ ke॒tavaḥ̭ | yasye॒mā viśvā॒ bhuva̭nāni॒ sarvā᳚ |
sa kṛtti̭kābhi-ra॒bhisaṃ॒va~sā̭naḥ | a॒gnirno̭ de॒vassṷvi॒te da̭dhātu || 1
नक्षत्रं कृत्तिका, देवता अग्निः। अग्निः नः कृत्तिकाः पातु। नक्षत्रं देवम् इन्द्रियम्। इदम् आसां विचक्षणम्। हविः आसञ्जुहोतन। यस्य भान्ति रश्मयः, यस्य केतवः, यस्य इमा विश्वा भुवनानि सर्वा। सः कृत्तिकाभिः अभिसंवसानः अग्निः नः देवः सुविते दधातु। AI
प्र॒जाप॑ते रोहि॒णीवे॑तु॒ पत्नी᳚ । वि॒श्वरू॑पा बृह॒ती चि॒त्रभा॑नुः ।
सा नो॑ य॒ज्ञस्य॑ सुवि॒ते द॑धातु । यथा॒ जीवे॑म श॒रद॒स्सवी॑राः ।
रो॒हि॒णी दे॒व्युद॑गात्पु॒रस्ता᳚त् । विश्वा॑ रू॒पाणि॑ प्रति॒मोद॑माना ।
प्र॒जाप॑तिग्ं ह॒विषा॑ व॒र्धय॑न्ती । प्रि॒या दे॒वाना॒-मुप॑यातु य॒ज्ञम् ॥ 2
pra॒jāpa̭te rohi॒ṇīvḙtu॒ patnī᳚ | vi॒śvarṷ̄pā bṛha॒tī ci॒trabhā̭nuḥ |
sā no̭ ya॒jñasya̭ suvi॒te da̭dhātu | yathā॒ jīvḙma śa॒rada॒ssavī̭rāḥ |
ro॒hi॒ṇī de॒vyuda̭gātpu॒rastā᳚t | viśvā̭ rū॒pāṇi̭ prati॒moda̭mānā |
pra॒jāpa̭tigṃ ha॒viṣā̭ va॒rdhaya̭ntī | pri॒yā de॒vānā॒-mupa̭yātu ya॒jñam || 2
नक्षत्रं रोहिणी, देवता प्रजापतिः। हे प्रजापते, रोहिणी पत्नी इव एतु। विश्वरूपा बृहती चित्रभानुः। सा नः यज्ञस्य सुविते दधातु। यथा जीवेम शरदः सवीराः। रोहिणी देवी उदगात् पुरस्तात्। विश्वा रूपाणि प्रतिमोदमाना। प्रजापतिं हविषा वर्धयन्ती। प्रिया देवानाम् उपयातु यज्ञम्। AI
सोमो॒ राजा॑ मृगशी॒र्॒षेण॒ आगन्न्॑ । शि॒व-न्नक्ष॑त्र-म्प्रि॒यम॑स्य॒ धाम॑ ।
आ॒प्याय॑मानो बहु॒धा जने॑षु । रेतः॑ प्र॒जां-यँज॑माने दधातु ।
यत्ते॒ नक्ष॑त्र-म्मृगशी॒र्॒षमस्ति॑ । प्रि॒यग्ं रा॑ज-न्प्रि॒यत॑म-म्प्रि॒याणा᳚म् ।
तस्मै॑ ते सोम ह॒विषा॑ विधेम । शन्न॑ एधि द्वि॒पदे॒ शञ्चतु॑ष्पदे ॥ 3
somo॒ rājā̭ mṛgaśī॒r॒ṣeṇa॒ āganṋ | śi॒va-nnakṣa̭tra-mpri॒yama̭sya॒ dhāma̭ |
ā॒pyāya̭māno bahu॒dhā janḙṣu | retaḥ̭ pra॒jāṃ-ya~ja̭māne dadhātu |
yatte॒ nakṣa̭tra-mmṛgaśī॒r॒ṣamasti̭ | pri॒yagṃ rā̭ja-npri॒yata̭ma-mpri॒yāṇā᳚m |
tasmai̭ te soma ha॒viṣā̭ vidhema | śanna̭ edhi dvi॒pade॒ śañcatṷṣpade || 3
नक्षत्रं मृगशीर्षः, देवता सोमः। सोमः राजा मृगशीर्षेण आगन्। शिवं नक्षत्रं प्रियम् अस्य धाम। आप्यायमानः बहुधा जनेषु। रेतः प्रजां यजमाने दधातु। यत् ते नक्षत्रं मृगशीर्षम् अस्ति। प्रियं राजन् प्रियतमं प्रियाणाम्। तस्मै ते सोम हविषा विधेम। शं नः एधि द्विपदे शं चतुष्पदे। AI
आ॒र्द्रया॑ रु॒द्रः प्रथ॑मा न एति । श्रेष्ठो॑ दे॒वाना॒-म्पति॑रघ्नि॒याना᳚म् ।
नक्ष॑त्रमस्य ह॒विषा॑ विधेम । मा नः॑ प्र॒जाग्ं री॑रिष॒न्मोत वी॒रान् ।
हे॒ती रु॒द्रस्य॒ परि॑णो वृणक्तु । आ॒र्द्रा नक्ष॑त्र-ञ्जुषताग्ं ह॒विर्नः॑ ।
प्र॒मु॒ञ्चमा॑नौ दुरि॒तानि॒ विश्वा᳚ । अपा॒घशग्ं॑ सन्नु-दता॒मरा॑तिम् ॥ 4
ā॒rdrayā̭ ru॒draḥ pratha̭mā na eti | śreṣṭho̭ de॒vānā॒-mpati̭raghni॒yānā᳚m |
nakṣa̭tramasya ha॒viṣā̭ vidhema | mā naḥ̭ pra॒jāgṃ rī̭riṣa॒nmota vī॒rān |
he॒tī ru॒drasya॒ pari̭ṇo vṛṇaktu | ā॒rdrā nakṣa̭tra-ñjuṣatāgṃ ha॒virnaḥ̭ |
pra॒mu॒ñcamā̭nau duri॒tāni॒ viśvā᳚ | apā॒ghaśagṃ̭ sannu-datā॒marā̭tim || 4
नक्षत्रं आर्द्रा, देवता रुद्रः। आर्द्रया रुद्रः प्रथमा नः एति। श्रेष्ठः देवानां पतिः अघ्नियानाम्। नक्षत्रम् अस्य हविषा विधेम। मा नः प्रजां रीरिषन् मोत वीरान्। हेती रुद्रस्य परि नः वृणक्तु। आर्द्रा नक्षत्रं जुषतां हविः नः। प्रमुञ्चमानौ दुरितानि विश्वा। अपाघशं सन्नुदताम् अरातिम्। AI
पुन॑र्नो दे॒व्यदि॑ति-स्पृणोतु । पुन॑र्वसू नः॒ पुन॒रेतां᳚-यँ॒ज्ञम् ।
पुन॑र्नो दे॒वा अ॒भिय॑न्तु॒ सर्वे᳚ । पुनः॑ पुनर्वो ह॒विषा॑ यजामः ।
ए॒वा न दे॒व्य-दि॑तिरन॒र्वा । विश्व॑स्य भ॒र्त्री जग॑तः प्रति॒ष्ठा ।
पुन॑र्वसू ह॒विषा॑ व॒र्धय॑न्ती । प्रि॒य-न्दे॒वाना॒-मप्ये॑तु॒ पाथः॑ ॥ 5
puna̭rno de॒vyadi̭ti-spṛṇotu | puna̭rvasū naḥ॒ puna॒retāṃ᳚-ya~॒jñam |
puna̭rno de॒vā a॒bhiya̭ntu॒ sarve᳚ | punaḥ̭ punarvo ha॒viṣā̭ yajāmaḥ |
e॒vā na de॒vya-di̭tirana॒rvā | viśva̭sya bha॒rtrī jaga̭taḥ prati॒ṣṭhā |
puna̭rvasū ha॒viṣā̭ va॒rdhaya̭ntī | pri॒ya-nde॒vānā॒-mapyḙtu॒ pāthaḥ̭ || 5
नक्षत्रं पुनर्वसु, देवता अदितिः। पुनः नः देवी अदितिः स्पृणोतु। पुनर्वसू नः पुनः एतां यज्ञम्। पुनः नः देवाः अभियन्तु सर्वे। पुनः पुनः वः हविषा यजामः। एवा नः देवी अदितिः अनर्वा। विश्वस्य भर्त्री जगतः प्रतिष्ठा। पुनर्वसू हविषा वर्धयन्ती। प्रियं देवानाम् अपि एतु पाथः। AI
बृह॒स्पतिः॑ प्रथ॒मञ्जाय॑मानः । ति॒ष्य॑-न्नक्ष॑त्रम॒भि सम्ब॑भूव ।
श्रेष्ठो॑ दे॒वाना॒-म्पृत॑नासु जि॒ष्णुः । दि॒शो-ऽनु॒ सर्वा॒ अभ॑यन्नो अस्तु ।
ति॒ष्यः॑ पु॒रस्ता॑दु॒त म॑ध्य॒तो नः॑ । बृह॒स्पति॑र्नः॒ परि॑पातु प॒श्चात् ।
बाधे॑ ता॒न्द्वेषो॒ अभ॑य-ङ्कृणुताम् । सु॒वीर्य॑स्य॒ पत॑यस्याम ॥ 6
bṛha॒spatiḥ̭ pratha॒mañjāya̭mānaḥ | ti॒ṣya̭-nnakṣa̭trama॒bhi samba̭bhūva |
śreṣṭho̭ de॒vānā॒-mpṛta̭nāsu ji॒ṣṇuḥ | di॒śo-'nu॒ sarvā॒ abha̭yanno astu |
ti॒ṣyaḥ̭ pu॒rastā̭du॒ta ma̭dhya॒to naḥ̭ | bṛha॒spati̭rnaḥ॒ pari̭pātu pa॒ścāt |
bādhḙ tā॒ndveṣo॒ abha̭ya-ṅkṛṇutām | su॒vīrya̭sya॒ pata̭yasyāma || 6
नक्षत्रं पुष्यः, देवता बृहस्पतिः। बृहस्पतिः प्रथमं जायमानः तिष्यनक्षत्रम् अभि सम्बभूव। देवानां श्रेष्ठः पृतनासु जिष्णुः। दिशः अनु सर्वाः अभयन् नः अस्तु। तिष्यः पुरस्तात् उत मध्यतः नः। बृहस्पतिः नः परिपातु पश्चात्। बाधे तान् द्वेषः अभयङ्कृणुताम्। सुवीर्यस्य पतयः स्याम॥ AI
इ॒दग्ं स॒र्पेभ्यो॑ ह॒विर॑स्तु॒ जुष्ट᳚म् । आ॒श्रे॒षा येषा॑मनु॒यन्ति॒ चेतः॑ ।
ये अ॒न्तरि॑क्ष-म्पृथि॒वीं-क्षि॒यन्ति॑ । तेन॑ स्स॒र्पासो॒ हव॒माग॑मिष्ठाः ।
ये रो॑च॒ने सूर्य॒स्यापि॑ स॒र्पाः । ये दिव॑-न्दे॒वी-मनु॑स॒ञ्चर॑न्ति ।
येषा॑माश्रे॒षा अ॑नु॒यन्ति॒ काम᳚म् । तेभ्य॑-स्स॒र्पेभ्यो॒ मधु॑-मज्जुहोमि ॥ 7
i॒dagṃ sa॒rpebhyo̭ ha॒vira̭stu॒ juṣṭa᳚m | ā॒śre॒ṣā yeṣā̭manu॒yanti॒ cetaḥ̭ |
ye a॒ntari̭kṣa-mpṛthi॒vīṃ-kṣi॒yanti̭ | tena̭ ssa॒rpāso॒ hava॒māga̭miṣṭhāḥ |
ye ro̭ca॒ne sūrya॒syāpi̭ sa॒rpāḥ | ye diva̭-nde॒vī-manṷsa॒ñcara̭nti |
yeṣā̭māśre॒ṣā a̭nu॒yanti॒ kāma᳚m | tebhya̭-ssa॒rpebhyo॒ madhṷ-majjuhomi || 7
नक्षत्रम् आश्रेषम्, देवता सर्पाः। इदं सर्पेभ्यः हविः अस्तु जुष्टम्। आश्रेषा येषाम् अनुयन्ति चेतः। ये अन्तरिक्षं पृथिवीं क्षियन्ति। तेन सर्पासः हवम् आगमिष्ठाः। ये रोचने सूर्यस्य अपि सर्पाः। ये दिवं देवीम् अनुसञ्चरन्ति। येषाम् आश्रेषा अनुयन्ति कामम्। तेभ्यः सर्पेभ्यः मधु मत् जुहोमि॥ AI
उप॑हूताः पि॒तरो॒ ये म॒घासु॑ । मनो॑जवस-स्सु॒कृत॑-स्सुकृ॒त्याः ।
ते नो॒ नक्ष॑त्रे॒ हव॒माग॑मिष्ठाः । स्व॒धाभि॑र्य॒ज्ञ-म्प्रय॑त-ञ्जुषन्ताम् ।
ये अ॑ग्निद॒ग्धा ये-ऽन॑ग्नि-दग्धाः । ये॑-ऽमुल्लो॒क-म्पि॒तरः॑, क्षि॒यन्ति॑ ।
याग्श्च॑ वि॒द्मयाग्ं उ॑ च॒ न प्र॑वि॒द्म । म॒घासु॑ य॒ज्ञग्ं सुकृ॑त-ञ्जुषन्ताम् ॥ 8
upa̭hūtāḥ pi॒taro॒ ye ma॒ghāsṷ | mano̭javasa-ssu॒kṛta̭-ssukṛ॒tyāḥ |
te no॒ nakṣa̭tre॒ hava॒māga̭miṣṭhāḥ | sva॒dhābhi̭rya॒jña-mpraya̭ta-ñjuṣantām |
ye a̭gnida॒gdhā ye-'na̭gni-dagdhāḥ | yḙ-'mullo॒ka-mpi॒taraḥ̭, kṣi॒yanti̭ |
yāgśca̭ vi॒dmayāgṃ ṷ ca॒ na pra̭vi॒dma | ma॒ghāsṷ ya॒jñagṃ sukṛ̭ta-ñjuṣantām || 8
नक्षत्रं मघा, देवता पितरः। उपहूताः पितरः ये मघासु। मनोजवसः सुकृतः सुकृत्याः। ते नः नक्षत्रे हवम् आगमिष्ठाः। स्वधाभिः यज्ञं प्रयतं जुषन्ताम्। ये अग्निदग्धाः ये अनग्निदग्धाः। ये अमुल्लोकं पितरः क्षियन्ति। यान् च विद्म यान् उ च न प्रविद्म। मघासु यज्ञं सुकृतं जुषन्ताम्॥ AI
गवा॒-म्पतिः॒ फल्गु॑नी-नामसि॒ त्वम् । तद॑र्यमन्वरुण मित्र॒ चारु॑ ।
त-न्त्वा॑ व॒यग्ं स॑नि॒तारग्ं॑ सनी॒नाम् । जी॒वा जीव॑न्त॒मुप॒ संविँ॑शेम ।
येने॒मा विश्वा॒ भुव॑नानि॒ सञ्जि॑ता । यस्य॑ दे॒वा अ॑नुसं॒यँन्ति॒ चेतः॑ ।
अ॒र्य॒मा राजा॒-ऽजर॒स्तु वि॑ष्मान् । फल्गु॑नीना-मृष॒भो रो॑रवीति ॥ 9
gavā॒-mpatiḥ॒ phalgṷnī-nāmasi॒ tvam | tada̭ryamanvaruṇa mitra॒ cārṷ |
ta-ntvā̭ va॒yagṃ sa̭ni॒tāragṃ̭ sanī॒nām | jī॒vā jīva̭nta॒mupa॒ saṃvi~̭śema |
yene॒mā viśvā॒ bhuva̭nāni॒ sañji̭tā | yasya̭ de॒vā a̭nusaṃ॒ya~nti॒ cetaḥ̭ |
a॒rya॒mā rājā॒-'jara॒stu vi̭ṣmān | phalgṷnīnā-mṛṣa॒bho ro̭ravīti || 9
नक्षत्रं पूर्वफल्गुनी, देवता अर्यमा। गवां पतिः फल्गुनीनाम् असि त्वम्। तत् अर्यमन् वरुण मित्र चारु। तं त्वां वयम् सनितारं सनीनाम्। जीवाः जीवन्तम् उप संविशेम। येन इमा विश्वा भुवनानि सञ्जिता। यस्य देवाः अनुसञ्चरन्ति चेतः। अर्यमा राजा अजरः तु विष्मान्। फल्गुनीनाम् ऋषभः रोरवीति॥ AI
श्रेष्ठो॑ दे॒वाना᳚-म्भगवो भगासि । तत्त्वा॑ विदुः॒ फल्गु॑नी॒-स्तस्य॑ वित्तात् ।
अ॒स्मभ्यं॑-क्ष॒त्रम॒जरग्ं॑ सु॒वीर्य᳚म् । गोम॒दश्व॑-व॒दुप॒सन्नु॑-दे॒ह ।
भगो॑ह दा॒ता भग॒ इत्प्र॑दा॒ता । भगो॑ दे॒वीः फल्गु॑नी॒-रावि॑वेश ।
भग॒स्येत्त-म्प्र॑स॒व-ङ्ग॑मेम । यत्र॑ दे॒वै-स्स॑ध॒माद॑-म्मदेम ॥ 10
śreṣṭho̭ de॒vānā᳚-mbhagavo bhagāsi | tattvā̭ viduḥ॒ phalgṷnī॒-stasya̭ vittāt |
a॒smabhyaṃ̭-kṣa॒trama॒jaragṃ̭ su॒vīrya᳚m | goma॒daśva̭-va॒dupa॒sannṷ-de॒ha |
bhago̭ha dā॒tā bhaga॒ itpra̭dā॒tā | bhago̭ de॒vīḥ phalgṷnī॒-rāvi̭veśa |
bhaga॒syetta-mpra̭sa॒va-ṅga̭mema | yatra̭ de॒vai-ssa̭dha॒māda̭-mmadema || 10
नक्षत्रम् - उत्तरफल्गुनी, देवता - भगः। हे भगदेव, त्वं देवानां श्रेष्ठः भगः असि। त्वां फल्गुनीनक्षत्रं विदुः, तस्य वित्तात्। अस्मभ्यं क्षत्रम् अजरं सुवीर्यं गोमत् अश्ववत् उपसन्नुदेह। भगः ह दाता, भगः इत् प्रदाता, भगः देवीः फल्गुनीः आविवेश। भगस्य इत् तं प्रसवं गमेम, यत्र देवैः सधमादं मदेम। AI
आया॑तु दे॒व-स्स॑वि॒तो प॑यातु । हि॒र॒ण्यये॑न सु॒वृता॒ रथे॑न ।
वह॒न॒, हस्तग्ं॑ सु॒भगं॑-विँद्म॒नाप॑सम् । प्र॒यच्छ॑न्त॒-म्पपु॑रि॒-म्पुण्य॒मच्छ॑ ।
हस्तः॒ प्रय॑च्छ त्व॒मृतं॒-वँसी॑यः । दक्षि॑णेन॒ प्रति॑गृभ्णीम एनत् ।
दा॒तार॑-म॒द्य स॑वि॒ता वि॑देय । यो नो॒ हस्ता॑य प्रसु॒वाति॑ य॒ज्ञम् ॥ 11
āyā̭tu de॒va-ssa̭vi॒to pa̭yātu | hi॒ra॒ṇyayḙna su॒vṛtā॒ rathḙna |
vaha॒na॒, hastagṃ̭ su॒bhagaṃ̭-vi~dma॒nāpa̭sam | pra॒yaccha̭nta॒-mpapṷri॒-mpuṇya॒maccha̭ |
hastaḥ॒ praya̭ccha tva॒mṛtaṃ॒-va~sī̭yaḥ | dakṣi̭ṇena॒ prati̭gṛbhṇīma enat |
dā॒tāra̭-ma॒dya sa̭vi॒tā vi̭deya | yo no॒ hastā̭ya prasu॒vāti̭ ya॒jñam || 11
नक्षत्रम् - हस्तः, देवता - सविता। देवः सविता आयातु, उपयातु, हिरण्ययेन सुवृता रथेन। वहन् हस्तं सुभगं विद्मनापसं प्रयच्छन्तं पपुरिं पुण्यम् अच्छ। हे हस्त, त्वं प्रयच्छ अमृतं वसीयः। दक्षिणेन प्रतिगृभ्णीम एनत्। दातारम् अद्य सविता विदेय, यः नः हस्ताय प्रसुवाति यज्ञम्। AI
त्वष्टा॒ नक्ष॑त्र-म॒भ्ये॑ति चि॒त्राम् । सु॒भग्ं स॑संयुँव॒तिग्ं रोच॑मानाम् ।
नि॒वे॒शय॑-न्न॒मृता॒-न्मर्त्याग्॑श्च । रू॒पाणि॑ पि॒ग्ं॒श-न्भुव॑नानि॒ विश्वा᳚ ।
तन्न॒स्त्वष्टा॒ तदु॑ चि॒त्रा विच॑ष्टाम् । तन्नक्ष॑त्र-म्भूरि॒दा अ॑स्तु॒ मह्य᳚म् ।
तन्नः॑ प्र॒जां-वीँ॒रव॑तीग्ं सनोतु । गोभि॑र्नो॒ अश्वै॒-स्सम॑नक्तु य॒ज्ञम् ॥ 12
tvaṣṭā॒ nakṣa̭tra-ma॒bhyḙti ci॒trām | su॒bhagṃ sa̭saṃyu~va॒tigṃ roca̭mānām |
ni॒ve॒śaya̭-nna॒mṛtā॒-nmartyāg̭śca | rū॒pāṇi̭ pi॒gṃ॒śa-nbhuva̭nāni॒ viśvā᳚ |
tanna॒stvaṣṭā॒ tadṷ ci॒trā vica̭ṣṭām | tannakṣa̭tra-mbhūri॒dā a̭stu॒ mahya᳚m |
tannaḥ̭ pra॒jāṃ-vī~॒rava̭tīgṃ sanotu | gobhi̭rno॒ aśvai॒-ssama̭naktu ya॒jñam || 12
नक्षत्रम् - चित्रा, देवता - त्वष्टा। त्वष्टा नक्षत्रं चित्राम् अभ्येति, सुभगं संयुवतिं रोचमानाम्। निवेशयन् अमृतान् मर्त्यांश्च, रूपाणि पिंशन् भुवनानि विश्वा। तत् नः त्वष्टा, तत् उ चित्रा विचष्टाम्। तत् नक्षत्रं भूरिदाः अस्तु मह्यम्। तत् नः प्रजां वीरवतीं सनोतु, गोभिः नः अश्वैः समनक्तु यज्ञम्। AI
वा॒यु-र्नक्ष॑त्र-म॒भ्ये॑ति॒ निष्ट्या᳚म् । ति॒ग्मशृ॑ङ्गो वृष॒भो रोरु॑वाणः ।
स॒मी॒रय॒-न्भुव॑ना मात॒रिश्वा᳚ । अप॒ द्वेषाग्ं॑सि नुदता॒मरा॑तीः ।
तन्नो॑ वा॒यस्तदु॒ निष्ट्या॑ शृणोतु । तन्नक्ष॑त्र-म्भूरि॒दा अ॑स्तु॒ मह्य᳚म् ।
तन्नो॑ दे॒वासो॒ अनु॑ जानन्तु॒ काम᳚म् । यथा॒ तरे॑म दुरि॒तानि॒ विश्वा᳚ ॥ 13
vā॒yu-rnakṣa̭tra-ma॒bhyḙti॒ niṣṭyā᳚m | ti॒gmaśṛ̭ṅgo vṛṣa॒bho rorṷvāṇaḥ |
sa॒mī॒raya॒-nbhuva̭nā māta॒riśvā᳚ | apa॒ dveṣāgṃ̭si nudatā॒marā̭tīḥ |
tanno̭ vā॒yastadu॒ niṣṭyā̭ śṛṇotu | tannakṣa̭tra-mbhūri॒dā a̭stu॒ mahya᳚m |
tanno̭ de॒vāso॒ anṷ jānantu॒ kāma᳚m | yathā॒ tarḙma duri॒tāni॒ viśvā᳚ || 13
नक्षत्रम् - स्वाती, देवता - वायुः। वायुः नक्षत्रं निष्ट्याम् अभ्येति, तिग्मशृङ्गो वृषभो रोरुवाणः। समीरयन् भुवना मातरिश्वा, अप द्वेषांसि नुदताम् अरातीः। तत् नः वायुः, तत् उ निष्ट्या शृणोतु। तत् नक्षत्रं भूरिदाः अस्तु मह्यम्। तत् नः देवासः अनु जानन्तु कामम्, यथा तरेम दुरितानि विश्वा। AI
दू॒रम॒स्मच्छत्र॑वो यन्तु भी॒ताः । तदि॑न्द्रा॒ग्नी कृ॑णुता॒-न्तद्विशा॑खे ।
तन्नो॑ दे॒वा अनु॑मदन्तु य॒ज्ञम् । प॒श्चा-त्पु॒रस्ता॒-दभ॑यन्नो अस्तु ।
नक्ष॑त्राणा॒-मधि॑पत्नी॒ विशा॑खे । श्रेष्ठा॑-विन्द्रा॒ग्नी भुव॑नस्य गो॒पौ ।
विषू॑च॒-श्शत्रू॑नप॒बाध॑मानौ । अप॒क्षुध॑-न्नुदता॒मरा॑तिम् ॥ 14
dū॒rama॒smacchatra̭vo yantu bhī॒tāḥ | tadi̭ndrā॒gnī kṛ̭ṇutā॒-ntadviśā̭khe |
tanno̭ de॒vā anṷmadantu ya॒jñam | pa॒ścā-tpu॒rastā॒-dabha̭yanno astu |
nakṣa̭trāṇā॒-madhi̭patnī॒ viśā̭khe | śreṣṭhā̭-vindrā॒gnī bhuva̭nasya go॒pau |
viṣṷ̄ca॒-śśatrṷ̄napa॒bādha̭mānau | apa॒kṣudha̭-nnudatā॒marā̭tim || 14
नक्षत्रं विशाखा, देवता इन्द्राग्नी। दूरं अस्मत् शत्रवः भीताः यान्तु। तत् इन्द्राग्नी कृणुतां तत् विशाखे। तत् नः देवाः अनुमदन्तु यज्ञम्। पश्चात् पुरस्तात् अभयम् नः अस्तु। नक्षत्राणाम् अधिपत्नी विशाखे। श्रेष्ठौ इन्द्राग्नी भुवनस्य गोपौ। विषूचौ शत्रून् अपबाधमानौ। अप क्षुधम् नुदताम् अरातिम्॥ AI
पू॒र्णा प॒श्चादु॒त पू॒र्णा पु॒रस्ता᳚त् । उन्म॑ध्य॒तः पौ᳚र्णमा॒सी जि॑गाय ।
तस्या᳚-न्दे॒वा अधि॑ सं॒-वँस॑न्तः । उ॒त्त॒मे नाक॑ इ॒ह मा॑दयन्ताम् ।
पृ॒थ्वी सु॒वर्चा॑ युव॒ति-स्स॒जोषाः᳚ । पौ॒र्ण॒मा॒स्युद॑गा॒-च्छोभ॑माना ।
आ॒प्या॒यय॑न्ती दुरि॒तानि॒ विश्वा᳚ । उ॒रु-न्दुहां॒-यँज॑मानाय य॒ज्ञम् ॥ 15
pū॒rṇā pa॒ścādu॒ta pū॒rṇā pu॒rastā᳚t | unma̭dhya॒taḥ pau᳚rṇamā॒sī ji̭gāya |
tasyā᳚-nde॒vā adhi̭ saṃ॒-va~sa̭ntaḥ | u॒tta॒me nāka̭ i॒ha mā̭dayantām |
pṛ॒thvī su॒varcā̭ yuva॒ti-ssa॒joṣāḥ᳚ | pau॒rṇa॒mā॒syuda̭gā॒-cchobha̭mānā |
ā॒pyā॒yaya̭ntī duri॒tāni॒ viśvā᳚ | u॒ru-nduhāṃ॒-ya~ja̭mānāya ya॒jñam || 15
पौर्णमासि। पूर्णा पश्चात् उत पूर्णा पुरस्तात्। उन्मध्यतः पौर्णमासी जिगाय। तस्याः देवाः अधि संवसन्तः। उत्तमे नाके इह मादयन्ताम्। पृथ्वी सुवर्चाः युवतिः सजोषाः। पौर्णमासी उदगाच्छोभमाना। आप्याययन्ती दुरितानि विश्वा। उरुं दुहां यजमानाय यज्ञम्॥ AI
ऋ॒द्ध्यास्म॑ ह॒व्यै-र्नम॑सोप॒-सद्य॑ । मि॒त्र-न्दे॒व-म्मि॑त्र॒धेय॑न्नो अस्तु ।
अ॒नू॒रा॒धान्, ह॒विषा॑ व॒र्धय॑न्तः । श॒त-ञ्जी॑वेम श॒रद॒-स्सवी॑राः ।
चि॒त्रं-नक्ष॑त्र॒-मुद॑गा-त्पु॒रस्ता᳚त् । अ॒नू॒रा॒धा स॒ इति॒ यद्वद॑न्ति ।
तन्मि॒त्र ए॑ति प॒थिभि॑-र्देव॒यानैः᳚ । हि॒र॒ण्ययै॒-र्वित॑तै-र॒न्तरि॑क्षे ॥ 16
ṛ॒ddhyāsma̭ ha॒vyai-rnama̭sopa॒-sadya̭ | mi॒tra-nde॒va-mmi̭tra॒dheya̭nno astu |
a॒nū॒rā॒dhān, ha॒viṣā̭ va॒rdhaya̭ntaḥ | śa॒ta-ñjī̭vema śa॒rada॒-ssavī̭rāḥ |
ci॒traṃ-nakṣa̭tra॒-muda̭gā-tpu॒rastā᳚t | a॒nū॒rā॒dhā sa॒ iti॒ yadvada̭nti |
tanmi॒tra ḙti pa॒thibhi̭-rdeva॒yānaiḥ᳚ | hi॒ra॒ṇyayai॒-rvita̭tai-ra॒ntari̭kṣe || 16
नक्षत्रं अनूराधा, देवता मित्रः। ऋद्ध्यास्म हव्यैः नमसा उपसद्य। मित्रं देवं मित्रधेयम् नः अस्तु। अनूराधान् हविषा वर्धयन्तः। शतं जीवेम शरदः सवीराः। चित्रं नक्षत्रम् उदगात् पुरस्तात्। अनूराधाः स इति यत् वदन्ति। तत् मित्र एति पथिभिः देवयानैः। हिरण्ययैः विततैः अन्तरिक्षे॥ AI
इन्द्रो᳚ ज्ये॒ष्ठा मनु॒ नक्ष॑त्रमेति । यस्मि॑न् वृ॒त्रं-वृँ॑त्र॒ तूर्ये॑ त॒तार॑ ।
तस्मि॑न्व॒य-म॒मृत॒-न्दुहा॑नाः । क्षुध॑न्तरेम॒ दुरि॑ति॒-न्दुरि॑ष्टिम् ।
पु॒र॒न्द॒राय॑ वृष॒भाय॑ धृ॒ष्णवे᳚ । अषा॑ढाय॒ सह॑मानाय मी॒ढुषे᳚ ।
इन्द्रा॑य ज्ये॒ष्ठा मधु॑म॒द्दुहा॑ना । उ॒रु-ङ्कृ॑णोतु॒ यज॑मानाय लो॒कम् ॥ 17
indro᳚ jye॒ṣṭhā manu॒ nakṣa̭trameti | yasmi̭n vṛ॒traṃ-vṛ~̭tra॒ tūryḙ ta॒tāra̭ |
tasmi̭nva॒ya-ma॒mṛta॒-nduhā̭nāḥ | kṣudha̭ntarema॒ duri̭ti॒-nduri̭ṣṭim |
pu॒ra॒nda॒rāya̭ vṛṣa॒bhāya̭ dhṛ॒ṣṇave᳚ | aṣā̭ḍhāya॒ saha̭mānāya mī॒ḍhuṣe᳚ |
indrā̭ya jye॒ṣṭhā madhṷma॒dduhā̭nā | u॒ru-ṅkṛ̭ṇotu॒ yaja̭mānāya lo॒kam || 17
नक्षत्रं ज्येष्ठा, देवता इन्द्रः। इन्द्रो ज्येष्ठा मनु नक्षत्रम् एति। यस्मिन् वृत्रं वृत्र तूर्ये ततार। तस्मिन् वयम् अमृतं दुहानाः। क्षुधं तरेम दुरितं दुरिष्टिम्। पुरन्दराय वृषभाय धृष्णवे। अषाढाय सहमानाय मीढुषे। इन्द्राय ज्येष्ठा मधुमत् दुहाना। उरुं कृणोतु यजमानाय लोकम्॥ AI
मूल॑-म्प्र॒जां-वीँ॒रव॑तीं-विँदेय । परा᳚च्येतु॒ निर्-ऋ॑तिः परा॒चा ।
गोभि॒-र्नक्ष॑त्र-म्प॒शुभि॒-स्सम॑क्तम् । अह॑-र्भूया॒-द्यज॑मानाय॒ मह्य᳚म् ।
अह॑र्नो अ॒द्य सु॑वि॒ते द॑धातु । मूल॒-न्नक्ष॑त्र॒मिति॒ यद्वद॑न्ति ।
परा॑चीं-वाँ॒चा निर्-ऋ॑ति-न्नुदामि । शि॒व-म्प्र॒जायै॑ शि॒वम॑स्तु॒ मह्य᳚म् ॥ 18
mūla̭-mpra॒jāṃ-vī~॒rava̭tīṃ-vi~deya | parā᳚cyetu॒ nir-ṛ̭tiḥ parā॒cā |
gobhi॒-rnakṣa̭tra-mpa॒śubhi॒-ssama̭ktam | aha̭-rbhūyā॒-dyaja̭mānāya॒ mahya᳚m |
aha̭rno a॒dya sṷvi॒te da̭dhātu | mūla॒-nnakṣa̭tra॒miti॒ yadvada̭nti |
parā̭cīṃ-vā~॒cā nir-ṛ̭ti-nnudāmi | śi॒va-mpra॒jāyai̭ śi॒vama̭stu॒ mahya᳚m || 18
नक्षत्रं मूलम्, देवता प्रजापतिः। मूलं प्रजां वीरवतीं विदेय। पराची एतु निर्ऋतिः पराचा। गोभिः नक्षत्रं पशुभिः समक्तम्। अहः भूयात् यजमानाय मह्यम्। अहः नः अद्य सुविते दधातु। मूलं नक्षत्रम् इति यत् वदन्ति। पराचीं वाचा निर्ऋतिं नुदामि। शिवं प्रजायै शिवम् अस्तु मह्यम्॥ AI
या दि॒व्या आपः॒ पय॑सा सम्बभू॒वुः । या अ॒न्तरि॑क्ष उ॒त पार्थि॑वी॒र्याः ।
यासा॑मषा॒ढा अ॑नु॒यन्ति॒ काम᳚म् । ता न॒ आप॒-श्शग्ग् स्यो॒ना भ॑वन्तु ।
याश्च॒ कूप्या॒ याश्च॑ ना॒द्या᳚-स्समु॒द्रियाः᳚ । याश्च॑ वैश॒न्तीरु॒त प्रा॑स॒चीर्याः ।
यासा॑मषा॒ढा मधु॑ भ॒क्षय॑न्ति । ता न॒ आप॒-श्शग्ग् स्यो॒ना भ॑वन्तु ॥ 19
yā di॒vyā āpaḥ॒ paya̭sā sambabhū॒vuḥ | yā a॒ntari̭kṣa u॒ta pārthi̭vī॒ryāḥ |
yāsā̭maṣā॒ḍhā a̭nu॒yanti॒ kāma᳚m | tā na॒ āpa॒-śśagg syo॒nā bha̭vantu |
yāśca॒ kūpyā॒ yāśca̭ nā॒dyā᳚-ssamu॒driyāḥ᳚ | yāśca̭ vaiśa॒ntīru॒ta prā̭sa॒cīryāḥ |
yāsā̭maṣā॒ḍhā madhṷ bha॒kṣaya̭nti | tā na॒ āpa॒-śśagg syo॒nā bha̭vantu || 19
नक्षत्रं पूर्वाषाढा, देवता आपः। याः दिव्याः आपः पयसा सह सम्बभूवुः, याः अन्तरिक्षे उत पार्थिवीर्याः, यासाम् असाढा अनुयन्ति कामम्, ताः नः अपः शं स्योनाः भवन्तु। याश्च कूप्याः याश्च नाद्याः समुद्रियाः, याश्च वैशन्तीः उत प्रासचीर्याः, यासाम् असाढा मधु भक्षयन्ति, ताः नः अपः शं स्योनाः भवन्तु। AI
तन्नो॒ विश्वे॒ उप॑ शृण्वन्तु दे॒वाः । तद॑षा॒ढा अ॒भिसंयँ॑न्तु य॒ज्ञम् ।
तन्नक्ष॑त्र-म्प्रथता-म्प॒शुभ्यः॑ । कृ॒षि-र्वृ॒ष्टि-र्यज॑मानाय कल्पताम् ।
शु॒भ्राः क॒न्या॑ युव॒तय॑-स्सु॒पेश॑सः । क॒र्म॒कृत॑-स्सु॒कृतो॑ वी॒र्या॑वतीः ।
विश्वा᳚-न्दे॒वान्, ह॒विषा॑ व॒र्धय॑न्तीः ।
अ॒षा॒ढाः काम॒ मुप॑यान्तु य॒ज्ञम् ॥ 20
tanno॒ viśve॒ upa̭ śṛṇvantu de॒vāḥ | tada̭ṣā॒ḍhā a॒bhisaṃya~̭ntu ya॒jñam |
tannakṣa̭tra-mprathatā-mpa॒śubhyaḥ̭ | kṛ॒ṣi-rvṛ॒ṣṭi-ryaja̭mānāya kalpatām |
śu॒bhrāḥ ka॒nyā̭ yuva॒taya̭-ssu॒peśa̭saḥ | ka॒rma॒kṛta̭-ssu॒kṛto̭ vī॒ryā̭vatīḥ |
viśvā᳚-nde॒vān, ha॒viṣā̭ va॒rdhaya̭ntīḥ |
a॒ṣā॒ḍhāḥ kāma॒ mupa̭yāntu ya॒jñam || 20
नक्षत्रं उत्तराषाढा, देवता विश्वेदेवाः। तत् नः विश्वे देवाः उप शृण्वन्तु। तत् असाढा अभिसंयन्तु यज्ञम्। तत् नक्षत्रं पशुभ्यः प्रथताम्। कृषिः वृष्टिः यजमानाय कल्पताम्। शुभ्राः कन्याः युवतयः सुपेशसः, कर्मकृतः सुकृतः वीर्यावतीः, विश्वान् देवान् हविषा वर्धयन्तीः, असाढाः कामम् उपयान्तु यज्ञम्। AI
यस्मि॒-न्ब्रह्मा॒भ्यज॑य॒-थ्सर्व॑मे॒तत् । अ॒मुञ्च॑ लो॒क मि॒दमू॑च॒ सर्व᳚म् ।
तन्नो॒ नक्ष॑त्र-मभि॒जि-द्वि॒जित्य॑ । श्रिय॑-न्दधा॒त्व-हृ॑णीयमानम् ।
उ॒भौ लो॒कौ ब्रह्म॑णा॒ सञ्जि॑ते॒मौ । तन्नो॒ नक्ष॑त्र-मभि॒जि-द्विच॑ष्टाम् ।
तस्मि॑न् व॒य-म्पृत॑ना॒ स्सञ्ज॑येम । तन्नो॑ दे॒वासो॒ अनु॑जानन्तु॒ काम᳚म् ॥ 21
yasmi॒-nbrahmā॒bhyaja̭ya॒-thsarva̭me॒tat | a॒muñca̭ lo॒ka mi॒damṷ̄ca॒ sarva᳚m |
tanno॒ nakṣa̭tra-mabhi॒ji-dvi॒jitya̭ | śriya̭-ndadhā॒tva-hṛ̭ṇīyamānam |
u॒bhau lo॒kau brahma̭ṇā॒ sañji̭te॒mau | tanno॒ nakṣa̭tra-mabhi॒ji-dvica̭ṣṭām |
tasmi̭n va॒ya-mpṛta̭nā॒ ssañja̭yema | tanno̭ de॒vāso॒ anṷjānantu॒ kāma᳚m || 21
नक्षत्रं अभिजित्, देवता ब्रह्मा। यस्मिन् ब्रह्मा अभ्यजयत् सर्वम् एतत्, अमुञ्चत् लोकम् इदम् ऊच सर्वम्, तत् नः नक्षत्रम् अभिजित् विजित्य श्रियं दधातु अहृणीयमानम्। उभौ लोकौ ब्रह्मणा सञ्जितेमौ, तत् नः नक्षत्रम् अभिजित् विचष्टाम्। तस्मिन् वयम् पृतनाः सञ्जयेम। तत् नः देवासः अनुजानन्तु कामम्। AI
शृ॒ण्वन्ति॑ श्रो॒णा-म॒मृत॑स्य गो॒पाम् । पुण्या॑मस्या॒ उप॑शृणोमि॒ वाच᳚म् ।
म॒ही-न्दे॒वीं-विँष्णु॑पत्नी मजू॒र्याम् । प्र॒तीची॑ मेनाग्ं ह॒विषा॑ यजामः ।
त्रे॒धा विष्णु॑-रुरुगा॒यो विच॑क्रमे । म॒ही-न्दिव॑-म्पृथि॒वी-म॒न्तरि॑क्षम् ।
तच्छ्रो॒णैति॒ श्रव॑-इ॒च्छमा॑ना । पुण्य॒ग्ग्॒ श्लोकं॒-यँज॑मानाय कृण्व॒ती ॥ 22
śṛ॒ṇvanti̭ śro॒ṇā-ma॒mṛta̭sya go॒pām | puṇyā̭masyā॒ upa̭śṛṇomi॒ vāca᳚m |
ma॒hī-nde॒vīṃ-vi~ṣṇṷpatnī majū॒ryām | pra॒tīcī̭ menāgṃ ha॒viṣā̭ yajāmaḥ |
tre॒dhā viṣṇṷ-rurugā॒yo vica̭krame | ma॒hī-ndiva̭-mpṛthi॒vī-ma॒ntari̭kṣam |
tacchro॒ṇaiti॒ śrava̭-i॒cchamā̭nā | puṇya॒gg॒ ślokaṃ॒-ya~ja̭mānāya kṛṇva॒tī || 22
नक्षत्रं श्रवणम्, देवता विष्णुः। श्रोणाः शृण्वन्ति अमृतस्य गोपाम्। पुण्याम् अस्याः उपशृणोमि वाचम्। महीम् देवीम् विष्णुपत्नीम् मजूर्याम् प्रतीचीम् मेनाम् हविषा यजामः। त्रेधा विष्णुः उरुगायः विचक्रमे महीम् दिवम् पृथिवीम् अन्तरिक्षम्। तत् श्रोणा एति श्रवः इच्छमाना, पुण्यं श्लोकं यजमानाय कृण्वती। AI
अ॒ष्टौ दे॒वा वस॑वस्सो॒म्यासः॑ । चत॑स्रो दे॒वी र॒जरा॒-श्श्रवि॑ष्ठाः ।
ते य॒ज्ञ-म्पा᳚न्तु॒ रज॑सः प॒रस्ता᳚त् । सं॒वँ॒थ्स॒रीण॑-म॒मृतग्ग्॑ स्व॒स्ति ।
य॒ज्ञ-न्नः॑ पान्तु॒ वस॑वः पु॒रस्ता᳚त् । द॒क्षि॒ण॒तो॑-ऽभिय॑न्तु॒ श्रवि॑ष्ठाः ।
पुण्य॒न्नक्ष॑त्रम॒भि संविँ॑शाम । मा नो॒ अरा॑ति-र॒घश॒ग्ं॒ सागन्न्॑ ॥ 23
a॒ṣṭau de॒vā vasa̭vasso॒myāsaḥ̭ | cata̭sro de॒vī ra॒jarā॒-śśravi̭ṣṭhāḥ |
te ya॒jña-mpā᳚ntu॒ raja̭saḥ pa॒rastā᳚t | saṃ॒va~॒thsa॒rīṇa̭-ma॒mṛtagg̭ sva॒sti |
ya॒jña-nnaḥ̭ pāntu॒ vasa̭vaḥ pu॒rastā᳚t | da॒kṣi॒ṇa॒to̭-'bhiya̭ntu॒ śravi̭ṣṭhāḥ |
puṇya॒nnakṣa̭trama॒bhi saṃvi~̭śāma | mā no॒ arā̭ti-ra॒ghaśa॒gṃ॒ sāganṋ || 23
नक्षत्रं श्रविष्ठा, देवताः वसवः। अष्टौ देवाः वसवः सोम्याः। चतस्रः देव्यः रजराः श्रविष्ठाः। ते यज्ञं रक्षन्तु रजसः परस्तात्। संवत्सरीणम् अमृतं स्वस्ति। यज्ञं नः पान्तु वसवः पुरस्तात्। दक्षिणतः अभियन्तु श्रविष्ठाः। पुण्यं नक्षत्रम् अभि संविशाम। मा नः अरातिः अघशंसः सागन्। AI
क्ष॒त्रस्य॒ राजा॒ वरु॑णो-ऽधिरा॒जः । नक्ष॑त्राणाग्ं श॒तभि॑ष॒ग् वसि॑ष्ठः ।
तौ दे॒वेभ्यः॑ कृणुतो दी॒र्घमायः॑ । श॒तग्ं स॒हस्रा॑ भेष॒जानि॑ धत्तः ।
य॒ज्ञन्नो॒ राजा॒ वरु॑ण॒ उप॑यातु । तन्नो॒ विश्वे॑ अ॒भिसंयँ॑न्तु दे॒वाः ।
तन्नो॒ नक्ष॑त्रग्ं श॒तभि॑षग् जुषा॒णम् । दी॒र्घमायुः॒ प्रति॑र-द्भेष॒जानि॑ ॥ 24
kṣa॒trasya॒ rājā॒ varṷṇo-'dhirā॒jaḥ | nakṣa̭trāṇāgṃ śa॒tabhi̭ṣa॒g vasi̭ṣṭhaḥ |
tau de॒vebhyaḥ̭ kṛṇuto dī॒rghamāyaḥ̭ | śa॒tagṃ sa॒hasrā̭ bheṣa॒jāni̭ dhattaḥ |
ya॒jñanno॒ rājā॒ varṷṇa॒ upa̭yātu | tanno॒ viśvḙ a॒bhisaṃya~̭ntu de॒vāḥ |
tanno॒ nakṣa̭tragṃ śa॒tabhi̭ṣag juṣā॒ṇam | dī॒rghamāyuḥ॒ prati̭ra-dbheṣa॒jāni̭ || 24
नक्षत्रं शतभिषक्, देवता वरुणः। क्षत्रस्य राजा वरुणः अधिराजः। नक्षत्राणां शतभिषक् वसिष्ठः। तौ देवेभ्यः दीर्घम् आयुः कृणुतः। शतं सहस्रा भेषजानि धत्तः। यज्ञं नः राजा वरुणः उपयातु। तत् नः विश्वे देवाः अभिसंयन्तु। तत् नः नक्षत्रं शतभिषक् जुषाणम्। दीर्घम् आयुः प्रतिरद् भेषजानि। AI
अ॒ज एक॑पा॒- दुद॑गा-त्पु॒रस्ता᳚त् । विश्वा॑ भू॒तानि॑ प्रति॒ मोद॑मानः ।
तस्य॑ दे॒वाः प्र॑स॒वं-यँ॑न्ति॒ सर्वे᳚ । प्रो॒ष्ठ॒प॒दासो॑ अ॒मृत॑स्य गो॒पाः ।
वि॒भ्राज॑मान-स्समिधा॒न उ॒ग्रः । आ-ऽन्तरि॑क्ष-मरुह॒द-द्ग॒न्द्याम् ।
तग्ं सूर्य॑-न्दे॒व-म॒जमेक॑पादम् । प्रो॒ष्ठ॒प॒दासो॒ अनु॑यन्ति॒ सर्वे᳚ ॥ 25
a॒ja eka̭pā॒- duda̭gā-tpu॒rastā᳚t | viśvā̭ bhū॒tāni̭ prati॒ moda̭mānaḥ |
tasya̭ de॒vāḥ pra̭sa॒vaṃ-ya~̭nti॒ sarve᳚ | pro॒ṣṭha॒pa॒dāso̭ a॒mṛta̭sya go॒pāḥ |
vi॒bhrāja̭māna-ssamidhā॒na u॒graḥ | ā-'ntari̭kṣa-maruha॒da-dga॒ndyām |
tagṃ sūrya̭-nde॒va-ma॒jameka̭pādam | pro॒ṣṭha॒pa॒dāso॒ anṷyanti॒ sarve᳚ || 25
नक्षत्रं पूर्वप्रोष्ठपदा, देवता अज एकपादः। अजः एकपाद् उदगात् पुरस्तात्। विश्वा भूतानि प्रति मोदमानः। तस्य देवाः प्रसवं यन्ति सर्वे। प्रोष्ठपदासः अमृतस्य गोपाः। विभ्राजमानः समिधानः उग्रः। आ अन्तरिक्षम् अरुहत् अद्गन्द्याम्। तं सूर्यं देवम् अजम् एकपादम्। प्रोष्ठपदासः अनुयन्ति सर्वे। AI
अहि॑-र्बु॒द्ध्नियः॒ प्रथ॑मान एति । श्रेष्ठो॑ दे॒वाना॑मु॒त मानु॑षाणाम् ।
त-म्ब्रा᳚ह्म॒णा-स्सो॑म॒पा-स्सो॒म्यासः॑ । प्रो॒ष्ठ॒प॒दासो॑ अ॒भिर॑क्षन्ति॒ सर्वे᳚ ।
च॒त्वार॒ एक॑म॒भि कर्म॑ दे॒वाः । प्रो॒ष्ठ॒प॒दास॒ इति॒ यान्, वद॑न्ति ।
ते बु॒द्धनिय॑-म्परि॒षद्यग्ग्॑ स्तु॒वन्तः॑ । अहिग्ं॑ रक्षन्ति॒ नम॑सोप॒ सद्य॑ ॥ 26
ahi̭-rbu॒ddhniyaḥ॒ pratha̭māna eti | śreṣṭho̭ de॒vānā̭mu॒ta mānṷṣāṇām |
ta-mbrā᳚hma॒ṇā-sso̭ma॒pā-sso॒myāsaḥ̭ | pro॒ṣṭha॒pa॒dāso̭ a॒bhira̭kṣanti॒ sarve᳚ |
ca॒tvāra॒ eka̭ma॒bhi karma̭ de॒vāḥ | pro॒ṣṭha॒pa॒dāsa॒ iti॒ yān, vada̭nti |
te bu॒ddhaniya̭-mpari॒ṣadyagg̭ stu॒vantaḥ̭ | ahigṃ̭ rakṣanti॒ nama̭sopa॒ sadya̭ || 26
नक्षत्रं उत्तरप्रोष्ठपदा, देवता अहिर्बुद्ध्नियः। अहिः बुद्ध्नियः प्रथमान एति। श्रेष्ठः देवानाम् उत मानुषाणाम्। तं ब्राह्मणाः सोमपाः सोम्यासः। प्रोष्ठपदासः अभिरक्षन्ति सर्वे। चत्वारः एकम् अभि कर्म देवाः। प्रोष्ठपदासः इति यान् वदन्ति। ते बुद्धनियम् परिषद्यम् स्तुवन्तः। अहिं रक्षन्ति नमसा उप सद्य। AI
पू॒षा रे॒वत्यन्वे॑ति॒ पन्था᳚म् । पु॒ष्टि॒पती॑ पशु॒पा वाज॑बस्त्यौ ।
इ॒मानि॑ ह॒व्या प्रय॑ता जुषा॒णा । सु॒गैर्नो॒ यानै॒रुप॑यातां-यँ॒ज्ञम् ।
क्षु॒द्रा-न्प॒शू-न्र॑क्षतु रे॒वती॑ नः । गावो॑ नो॒ अश्वा॒ग्ं॒ अन्वे॑तु पू॒षा ।
अन्न॒ग्ं॒ रक्ष॑न्तौ बहु॒धा विरू॑पम् । वाजग्ं॑ सनुतां॒-यँज॑मानाय य॒ज्ञम् ॥ 27
pū॒ṣā re॒vatyanvḙti॒ panthā᳚m | pu॒ṣṭi॒patī̭ paśu॒pā vāja̭bastyau |
i॒māni̭ ha॒vyā praya̭tā juṣā॒ṇā | su॒gairno॒ yānai॒rupa̭yātāṃ-ya~॒jñam |
kṣu॒drā-npa॒śū-nra̭kṣatu re॒vatī̭ naḥ | gāvo̭ no॒ aśvā॒gṃ॒ anvḙtu pū॒ṣā |
anna॒gṃ॒ rakṣa̭ntau bahu॒dhā virṷ̄pam | vājagṃ̭ sanutāṃ॒-ya~ja̭mānāya ya॒jñam || 27
नक्षत्रं रेवती, देवता पूषा। पूषा देवः रेवतीनक्षत्रेण सह पन्थानम् अनुगच्छति। स पुष्टिपतिः पशुपः वाजबस्त्यौ च। एतानि हव्यानि प्रयतानि जुषाणः सुगैः यानैः नः यज्ञम् उपयाताम्। क्षुद्रान् पशून् नः रेवती रक्षतु। पूषा नः गावः अश्वान् अनुगच्छतु। अन्नं बहुधा विरूपं रक्षन्तौ वाजं यजमानाय यज्ञं सनुताम्। AI
तद॒श्विना॑-वश्व॒युजो-प॑याताम् । शुभ॒ङ्गमि॑ष्ठौ सु॒यमे॑भि॒रश्वैः᳚ ।
स्वन्नक्ष॑त्रग्ं ह॒विषा॒ यज॑न्तौ । मद्ध्वा॒-सम्पृ॑क्तौ॒ यजु॑षा॒ सम॑क्तौ ।
यौ दे॒वाना᳚-म्भि॒षजौ॑ हव्यवा॒हौ । विश्व॑स्य दू॒ता-व॒मृत॑स्य गो॒पौ ।
तौ नक्ष॑त्रं-जुजुषा॒णो-प॑याताम् । नमो॒-ऽश्विभ्या᳚-ङ्कृणुमो-ऽश्व॒ग्युभ्या᳚म् ॥ 28
tada॒śvinā̭-vaśva॒yujo-pa̭yātām | śubha॒ṅgami̭ṣṭhau su॒yamḙbhi॒raśvaiḥ᳚ |
svannakṣa̭tragṃ ha॒viṣā॒ yaja̭ntau | maddhvā॒-sampṛ̭ktau॒ yajṷṣā॒ sama̭ktau |
yau de॒vānā᳚-mbhi॒ṣajaṷ havyavā॒hau | viśva̭sya dū॒tā-va॒mṛta̭sya go॒pau |
tau nakṣa̭traṃ-jujuṣā॒ṇo-pa̭yātām | namo॒-'śvibhyā᳚-ṅkṛṇumo-'śva॒gyubhyā᳚m || 28
नक्षत्रं अश्विनी, देवता अश्विनी देवौ। तौ अश्विनौ अश्वयुजौ उपयाताम्। शुभङ्गमिष्ठौ सुयमेभिः अश्वैः। स्वन्नक्षत्रं हविषा यजन्तौ। मध्वा सम्पृक्तौ यजुषा समक्तौ। यौ देवानां भिषजौ हव्यवाहौ विश्वस्य दूतौ अमृतस्य गोपौ। तौ नक्षत्रं जुजुषाणौ उपयाताम्। नमः अश्विभ्यां कृणुमः अश्वग्युभ्याम्। AI
अप॑ पा॒प्मान॒-म्भर॑णी-र्भरन्तु । तद्य॒मो राजा॒ भग॑वा॒न्॒, विच॑ष्टाम् ।
लो॒कस्य॒ राजा॑ मह॒तो म॒हान्, हि । सु॒गन्नः॒ पन्था॒मभ॑य-ङ्कृणोतु ।
यस्मि॒-न्नक्ष॑त्रे य॒म एति॒ राजा᳚ । यस्मि॑न्नेन-म॒भ्यषि॑ञ्चन्त दे॒वाः ।
तद॑स्य चि॒त्रग्ं ह॒विषा॑ यजाम । अप॑ पा॒प्मान॒-म्भर॑णी-र्भरन्तु ॥ 29
apa̭ pā॒pmāna॒-mbhara̭ṇī-rbharantu | tadya॒mo rājā॒ bhaga̭vā॒n॒, vica̭ṣṭām |
lo॒kasya॒ rājā̭ maha॒to ma॒hān, hi | su॒gannaḥ॒ panthā॒mabha̭ya-ṅkṛṇotu |
yasmi॒-nnakṣa̭tre ya॒ma eti॒ rājā᳚ | yasmi̭nnena-ma॒bhyaṣi̭ñcanta de॒vāḥ |
tada̭sya ci॒tragṃ ha॒viṣā̭ yajāma | apa̭ pā॒pmāna॒-mbhara̭ṇī-rbharantu || 29
नक्षत्रं अपभरणी, देवता यमः। अप पाप्मानं भरणीः भरन्तु। तत् यमः राजा भगवान् विचष्टाम्। लोकस्य राजा महतः महान् हि। सुगं नः पन्थानम् अभयं कृणोतु। यस्मिन् नक्षत्रे यमः एति राजा। यस्मिन् एनम् अभ्यषिञ्चन्त देवाः। तत् अस्य चित्रं हविषा यजाम। अप पाप्मानं भरणीः भरन्तु। AI
नि॒वेश॑नी स॒ङ्गम॑नी॒ वसू॑नां॒-विँश्वा॑ रू॒पाणि॒ वसू᳚न्या-वे॒शय॑न्ती ।
स॒ह॒स्र॒-पो॒षग्ं सु॒भगा॒ ररा॑णा॒ सा न॒ आग॒न् वर्च॑सा संविँदा॒ना ।
यत्ते॑ दे॒वा अद॑धु-र्भाग॒धेय॒-ममा॑वास्ये सं॒वँस॑न्तो महि॒त्वा ।
सा नो॑ य॒ज्ञ-म्पि॑पृहि विश्ववारे र॒यिन्नो॑ धेहि सुभगे सु॒वीर᳚म् ॥ 30
ni॒veśa̭nī sa॒ṅgama̭nī॒ vasṷ̄nāṃ॒-vi~śvā̭ rū॒pāṇi॒ vasū᳚nyā-ve॒śaya̭ntī |
sa॒ha॒sra॒-po॒ṣagṃ su॒bhagā॒ rarā̭ṇā॒ sā na॒ āga॒n varca̭sā saṃvi~dā॒nā |
yattḙ de॒vā ada̭dhu-rbhāga॒dheya॒-mamā̭vāsye saṃ॒va~sa̭nto mahi॒tvā |
sā no̭ ya॒jña-mpi̭pṛhi viśvavāre ra॒yinno̭ dhehi subhage su॒vīra᳚m || 30
अमावास्या। निवेशनी सङ्गमनी वसूनां विश्वा रूपाणि वसूनि आवेशयन्ती। सहस्रपोषं सुभगा रराणा सा नः आगन् वर्चसा संविदाना। यत् ते देवाः अदधुः भागधेयम् अमावास्ये संवसन्तः महित्वा। सा नः यज्ञं पिपृहि विश्ववारे रयिं नः धेहि सुभगे सुवीरम्। AI
31-40: Optional for Additional Chanting
चन्द्रमा
नवो॑ नवो भवति॒ जाय॑मा॒नो-ऽह्ना᳚-ङ्के॒तु-रु॒षसा॑ मे॒त्यग्रे᳚ ।
भा॒ग-न्दे॒वेभ्यो॒ विद॑धात्या॒य-न्प्रच॒न्द्रमा᳚स्तिरिति दी॒र्घमायुः॑ ॥
यमा॑दि॒त्या अ॒ग्ं॒शुमा᳚प्या॒यय॑न्ति॒ यमक्षि॑त॒-मक्षि॑तयः॒ पिब॑न्ति ।
तेन॑ नो॒ राजा॒ वरु॑णो॒ बृह॒स्पति॒ राप्या॑ययन्तु॒ भुव॑नस्य गो॒पाः ॥ 31
31-40: Optional for Additional Chanting
candramā
navo̭ navo bhavati॒ jāya̭mā॒no-'hnā᳚-ṅke॒tu-ru॒ṣasā̭ me॒tyagre᳚ |
bhā॒ga-nde॒vebhyo॒ vida̭dhātyā॒ya-npraca॒ndramā᳚stiriti dī॒rghamāyuḥ̭ ||
yamā̭di॒tyā a॒gṃ॒śumā᳚pyā॒yaya̭nti॒ yamakṣi̭ta॒-makṣi̭tayaḥ॒ piba̭nti |
tena̭ no॒ rājā॒ varṷṇo॒ bṛha॒spati॒ rāpyā̭yayantu॒ bhuva̭nasya go॒pāḥ || 31
ॐ शान्तिः शान्तिः शान्तिः। 31-40: अतिरिक्तगानाय वैकल्पिकम्। चन्द्रमाः। नवः नवः भवति जायमानः अह्नां केतुः उषसा मेति अग्रे। भागं देवेभ्यः विदधाति आयन् प्रचन्द्रमाः इति दीर्घम् आयुः। यम् आदित्याः अंशुम् आप्याययन्ति यम् अक्षितम् अक्षितयः पिबन्ति। तेन नः राजा वरुणः बृहस्पतिः आप्याययन्तु भुवनस्य गोपाः। AI
ये विरू॑पे॒ सम॑नसा संव्यँय॑न्ती । स॒मा॒न-न्तन्तु॑-म्परिता-त॒नाते᳚ ।
वि॒भू प्र॒भू अ॑नु॒भू वि॒श्वतो॑ हुवे । ते नो॒ नक्ष॑त्रे॒ हव॒माग॑-मेतम् ।
व॒य-न्दे॒वी ब्रह्म॑णा संविँदा॒नाः । सु॒रत्ना॑सो दे॒ववी॑ति॒-न्दधा॑नाः ।
अ॒हो॒रा॒त्रे ह॒विषा॑ व॒र्धय॑न्तः । अति॑ पा॒प्मान॒-मति॑मुक्त्या गमेम ॥ 32
ye virṷ̄pe॒ sama̭nasā saṃvya~ya̭ntī | sa॒mā॒na-ntantṷ-mparitā-ta॒nāte᳚ |
vi॒bhū pra॒bhū a̭nu॒bhū vi॒śvato̭ huve | te no॒ nakṣa̭tre॒ hava॒māga̭-metam |
va॒ya-nde॒vī brahma̭ṇā saṃvi~dā॒nāḥ | su॒ratnā̭so de॒vavī̭ti॒-ndadhā̭nāḥ |
a॒ho॒rā॒tre ha॒viṣā̭ va॒rdhaya̭ntaḥ | ati̭ pā॒pmāna॒-mati̭muktyā gamema || 32
हे अहोरात्रौ, युवां विरूपे अपि समानमनस्के सन्त्यौ सह नयनं कुरुथः। समानं तन्तुं परितनुथः। विभू प्रभू अनुभू विश्वतः अहं ह्वये। तौ नः नक्षत्रे हवमागच्छताम्। वयं देव्यौ ब्रह्मणा संविदानाः सुरत्नाः सन्तो देववीतिं दधानाः अहोरात्रे हविषा वर्धयन्तः पाप्मानम् अतिमुक्त्या अतिगमेम। AI
प्रत्यु॑व दृश्याय॒ती । व्यु॒च्छन्ती॑ दुहि॒ता दि॒वः ।
अ॒पो म॒ही वृ॑णुते॒ चक्षु॑षा । तमो॒ ज्योति॑ष्कृणोति सू॒नरी᳚ ।
उदु॒ स्त्रिया᳚स्सचते॒ सूर्यः॑ । स चा॑ उ॒द्यन्नक्ष॑त्र मर्चि॒मत् ।
त वेदु॑षो॒ व्युषि॒ सूर्य॑स्य च । सम्भ॒क्तेन॑ गमेमहि ॥ 33
pratyṷva dṛśyāya॒tī | vyu॒cchantī̭ duhi॒tā di॒vaḥ |
a॒po ma॒hī vṛ̭ṇute॒ cakṣṷṣā | tamo॒ jyoti̭ṣkṛṇoti sū॒narī᳚ |
udu॒ striyā᳚ssacate॒ sūryaḥ̭ | sa cā̭ u॒dyannakṣa̭tra marci॒mat |
ta vedṷṣo॒ vyuṣi॒ sūrya̭sya ca | sambha॒ktena̭ gamemahi || 33
उषा प्रत्युव दृश्यायती दिवः दुहिता व्युच्छन्ती। मही अपः चक्षुषा वृणुते, सूनरी तमः ज्योतिषा कृणोति। सूर्यः स्त्रियाः उत् सचते, स च उद्यन् अर्चिमत् नक्षत्रम्। तं वेदुषः व्युषि सूर्यस्य च सम्भक्तेन गमेमहि। AI
तन्नो॒ नक्ष॑त्र मर्चि॒मत् । भा॒नु॒मत्तेज॑ उ॒च्छर॑त् ।
उप॑य॒ज्ञ-मि॒हाग॑मत् । प्रनक्ष॑त्राय दे॒वाय॑ । इन्द्रा॒येन्दुग्ं॑ हवामहे ।
स न॑ स्सवि॒ता सु॑वथ्स॒निम् । पु॒ष्टि॒दां-वीँ॒रव॑त्तमम् ॥ 34
tanno॒ nakṣa̭tra marci॒mat | bhā॒nu॒matteja̭ u॒cchara̭t |
upa̭ya॒jña-mi॒hāga̭mat | pranakṣa̭trāya de॒vāya̭ | indrā॒yendugṃ̭ havāmahe |
sa na̭ ssavi॒tā sṷvathsa॒nim | pu॒ṣṭi॒dāṃ-vī~॒rava̭ttamam || 34
तत् नः अर्चिमत् नक्षत्रम्, भानुमत् तेजः उच्छरत्, उप यज्ञम् इह आगमत्। नक्षत्राय देवाय इन्द्राय इन्दुं हवामहे। सः नः सविता सुवथ्सनिम् पुष्टिदां वीरवत्तमम्। AI
उदु॒त्य-ञ्जा॒तवे॑दस-न्दे॒वं-वँ॑हन्ति के॒तवः॑ । दृ॒शे विश्वा॑य॒ सूर्य᳚म् ।
चि॒त्र-न्दे॒वाना॒ मुद॑गा॒दनी॑क॒-ञ्चक्षु॑-र्मि॒त्रस्य॒ वरु॑णस्या॒ग्नेः ।
आ-ऽप्रा॒ द्यावा॑पृथि॒वी अ॒न्तरि॑क्ष॒ग्ं॒ सूर्य॑ आ॒त्मा जग॑तस्त॒स्थुष॑श्च ॥ 35
udu॒tya-ñjā॒tavḙdasa-nde॒vaṃ-va~̭hanti ke॒tavaḥ̭ | dṛ॒śe viśvā̭ya॒ sūrya᳚m |
ci॒tra-nde॒vānā॒ muda̭gā॒danī̭ka॒-ñcakṣṷ-rmi॒trasya॒ varṷṇasyā॒gneḥ |
ā-'prā॒ dyāvā̭pṛthi॒vī a॒ntari̭kṣa॒gṃ॒ sūrya̭ ā॒tmā jaga̭tasta॒sthuṣa̭śca || 35
उद्यन् जातवेदसम् देवं केतवः वहन्ति, विश्वाय सूर्यं दृशे। देवानाम् चित्रं मुत् अगात्, मित्रस्य वरुणस्य अग्नेः चक्षुः। सूर्यः द्यावापृथिवी अन्तरिक्षम् आपूरयत्, जगतः तस्थुषः च आत्मा। AI
अदि॑तिर्न उरुष्य॒-त्वदि॑ति॒-श्शर्म॑ यच्छतु । अदि॑तिः पा॒त्वग्ं ह॑सः।
म॒हीमू॒षु मा॒तरग्ं॑ सुव्र॒ताना॑-मृ॒तस्य॒ पत्नी॒ मव॑से हुवेम ।
तु॒वि॒क्ष॒त्रा-म॒जर॑न्ती मुरू॒चीग्ं सु॒शर्मा॑ण॒-मदि॑तिग्ं सु॒प्रणी॑तिम् ॥ 36
adi̭tirna uruṣya॒-tvadi̭ti॒-śśarma̭ yacchatu | adi̭tiḥ pā॒tvagṃ ha̭saḥ|
ma॒hīmū॒ṣu mā॒taragṃ̭ suvra॒tānā̭-mṛ॒tasya॒ patnī॒ mava̭se huvema |
tu॒vi॒kṣa॒trā-ma॒jara̭ntī murū॒cīgṃ su॒śarmā̭ṇa॒-madi̭tigṃ su॒praṇī̭tim || 36
अदितिः नः उरुष्यतु, अदितिः शर्म यच्छतु, अदितिः अंहसः पातु। महीं मातरं सुव्रतानाम् ऋतस्य पत्नीं मवसे हुवेम। तुविक्षत्राम् अजरन्तीम् उरूचीं सुशर्माणम् अदितिं सुप्रणीतिम्। AI
इ॒दं-विँष्णु॒-र्विच॑क्रमे त्रे॒धा निद॑धे प॒दम् । समू॑ढमस्य पाग्ं सु॒रे ।
प्रतद्विष्णु॑ स्तवते वी॒र्या॑य । मृ॒गो न भी॒मः कु॑च॒रो गि॑रि॒ष्ठाः ।
यस्यो॒रुषु॑ त्रि॒षु वि॒क्रम॑णेषु । अधि॑क्षि॒यन्ति॒ भुव॑नानि॒ विश्वा᳚ ॥ 37
i॒daṃ-vi~ṣṇu॒-rvica̭krame tre॒dhā nida̭dhe pa॒dam | samṷ̄ḍhamasya pāgṃ su॒re |
pratadviṣṇṷ stavate vī॒ryā̭ya | mṛ॒go na bhī॒maḥ kṷca॒ro gi̭ri॒ṣṭhāḥ |
yasyo॒ruṣṷ tri॒ṣu vi॒krama̭ṇeṣu | adhi̭kṣi॒yanti॒ bhuva̭nāni॒ viśvā᳚ || 37
विष्णुः इदं विचक्रमे, त्रेधा पदं निदधे, अस्य समूढं पांसुरे। विष्णुः तत् वीर्याय स्तवते, मृगः न भीमः कुचरः गिरिष्ठाः। यस्य उरुषु त्रिषु विक्रमणेषु विश्वा भुवनानि अधिक्षियन्ति। AI
अ॒ग्नि-र्मू॒द्र्धा दि॒वः क॒कुत्पतिः॑ पृथि॒व्या अ॒यम् ।
अ॒पाग्ं रेताग्ं॑सि जिन्वति ।
भुवो॑ य॒ज्ञस्य॒ रज॑सश्च ने॒ता यत्रा॑ नि॒युद्भि॒-स्सच॑से शि॒वाभिः॑ ।
दि॒वि मू॒द्र्धान॑-न्दधिषे सुव॒र्॒षा-ञ्जि॒ह्वाम॑ग्ने चकृषे हव्य॒वाहं᳚ ॥ 38
a॒gni-rmū॒drdhā di॒vaḥ ka॒kutpatiḥ̭ pṛthi॒vyā a॒yam |
a॒pāgṃ retāgṃ̭si jinvati |
bhuvo̭ ya॒jñasya॒ raja̭saśca ne॒tā yatrā̭ ni॒yudbhi॒-ssaca̭se śi॒vābhiḥ̭ |
di॒vi mū॒drdhāna̭-ndadhiṣe suva॒r॒ṣā-ñji॒hvāma̭gne cakṛṣe havya॒vāhaṃ᳚ || 38
अग्निः दिवः मूर्धा अस्ति, पृथिव्याः ककुत् पतिः अयम् अस्ति। अपां रेतांसि जिन्वति। भुवः यज्ञस्य रजसः च नेता भवति, यत्र नियुद्भिः शिवाभिः सचसे। दिवि मूर्धानं दधिषे, सुवर्षाः, अग्ने हव्यवाहं जिह्वां चकृषे। AI
अनु॑नो॒-ऽद्यानु॑मति-र्य॒ज्ञ-न्दे॒वेषु॑ मन्यताम् ।
अ॒ग्निश्च॑ हव्य॒वाह॑नो॒ भव॑ता-न्दा॒शुषे॒ मयः॑ ।
अन्विद॑नुमते॒ त्व-म्मन्या॑सै॒ शञ्च॑ नः कृधि ।
क्रत्वे॒ दक्षा॑य नो हिनु॒ प्रण॒ आयूग्ं॑षि तारिषः ॥ 39
anṷno॒-'dyānṷmati-rya॒jña-nde॒veṣṷ manyatām |
a॒gniśca̭ havya॒vāha̭no॒ bhava̭tā-ndā॒śuṣe॒ mayaḥ̭ |
anvida̭numate॒ tva-mmanyā̭sai॒ śañca̭ naḥ kṛdhi |
kratve॒ dakṣā̭ya no hinu॒ praṇa॒ āyūgṃ̭ṣi tāriṣaḥ || 39
अनुमतिः अद्य नः अनु मन्यताम्, यज्ञं देवेषु मन्यताम्। अग्निः च हव्यवाहनः भवतात्, दाशुषे मयः भवतात्। अनु इत् अनुमते त्वं मन्यासै, शं च नः कृधि। क्रत्वे दक्षाय नः हिनु, प्रणः आयूंषि तारिषः। AI
ह॒व्य॒वाह॑मभि-माति॒षाह᳚म् । र॒क्षो॒हण॒-म्पृत॑नासु जि॒ष्णुम् ।
ज्योति॑ष्मन्त॒-न्दीद्य॑त॒-म्पुर॑न्धिम् । अ॒ग्निग्ग् स्वि॑ष्ट॒ कृत॒माहु॑वेम ।
स्वि॑ष्ट मग्ने अ॒भित-त्पृ॑णाहि । विश्वा॑ देव॒ पृत॑ना अ॒भिष्य ।
उ॒रुन्नः॒ पन्था᳚-म्प्रदि॒शन् विभा॑हि । ज्योति॑ष्मद्धेह्य॒ जर॑न्न॒ आयुः॑ ॥ 40
ha॒vya॒vāha̭mabhi-māti॒ṣāha᳚m | ra॒kṣo॒haṇa॒-mpṛta̭nāsu ji॒ṣṇum |
jyoti̭ṣmanta॒-ndīdya̭ta॒-mpura̭ndhim | a॒gnigg svi̭ṣṭa॒ kṛta॒māhṷvema |
svi̭ṣṭa magne a॒bhita-tpṛ̭ṇāhi | viśvā̭ deva॒ pṛta̭nā a॒bhiṣya |
u॒runnaḥ॒ panthā᳚-mpradi॒śan vibhā̭hi | jyoti̭ṣmaddhehya॒ jara̭nna॒ āyuḥ̭ || 40
हव्यवाहम् अभिमातिषाहम्, रक्षोहणम्, पृतनासु जिष्णुम्, ज्योतिष्मन्तं दीद्यतं पुरन्धिम्, अग्निं स्विष्टकृतम् आहुवेम। स्विष्टम् अग्ने अभितत् पृणाहि। विश्वा देव पृतना अभिष्य। उरुम् नः पन्थां प्रदिशन् विभाहि। ज्योतिष्मत् देहि अजरन् नः आयुः। AI
ॐ शान्तिः शान्तिः शान्तिः॥ AI