2.3 - Adityebhyo Bhuvadvadbhyashcharum - Krishna Yajurveda Taittiriya Samhita Pathah — Oriya Script

କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ସଂହିତାଯା-ନ୍ଦ୍ଵିତୀଯକାଣ୍ଡେ ତୃତୀଯଃ ପ୍ରଶ୍ନଃ - ଇଷ୍ଟିଵିଧାନଂ

ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତଯେ ନମଃ,

ଶ୍ରୀ ଗୁରୁଭ୍ଯୋ ନମଃ । ହ॒ରିଃ॒ ଓମ୍ ॥

ଆ॒ଦି॒ତ୍ଯେଭ୍ଯୋ॒ ଭୁଵ॑ଦ୍ଵଦ୍ଭ୍ଯଶ୍ଚ॒ରୁ-ନ୍ନିର୍ଵ॑ପେ॒-ଦ୍ଭୂତି॑କାମ ଆଦି॒ତ୍ଯା ଵା ଏ॒ତ-ମ୍ଭୂତ୍ଯୈ॒ ପ୍ରତି॑ ନୁଦନ୍ତେ॒ ଯୋ-ଽଲ॒-ମ୍ଭୂତ୍ଯୈ॒ ସ-ନ୍ଭୂତି॒-ନ୍ନ ପ୍ରା॒ପ୍ନୋତ୍ଯା॑ଦି॒ତ୍ଯାନେ॒ଵ ଭୁଵ॑ଦ୍ଵତ॒-ସ୍ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ତ ଏ॒ଵୈନ॒-ମ୍ଭୂତି॑-ଙ୍ଗମଯନ୍ତି॒ ଭଵ॑ତ୍ଯେ॒ଵା ଽଽଦି॒ତ୍ଯେଭ୍ଯୋ॑ ଧା॒ରଯ॑ଦ୍ଵ-ଦ୍ଭ୍ଯଶ୍ଚ॒ରୁ-ନ୍ନିର୍ଵ॑ପେ॒-ଦପ॑ରୁଦ୍ଧୋ ଵା-ଽପରୁ॒ଦ୍ଧ୍ଯମା॑ନୋ ଵା-ଽଽଦି॒ତ୍ଯା ଵା ଅ॑ପରୋ॒ଦ୍ଧାର॑ ଆଦି॒ତ୍ଯା ଅ॑ଵଗମଯି॒ତାର॑ ଆଦି॒ତ୍ଯାନେ॒ଵ ଧା॒ରଯ॑ଦ୍ଵତ॒- [ଧା॒ରଯ॑ଦ୍ଵତଃ, ସ୍ଵେନ॑] 1

-ସ୍ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ତ ଏ॒ଵୈନଂ॑-ଵିଁ॒ଶି ଦା᳚ଦ୍ଧ୍ରତ୍ଯନପରୁ॒ଦ୍ଧ୍ଯୋ ଭ॑ଵ॒ତ୍ଯଦି॒ତେ-ଽନୁ॑ ମନ୍ଯ॒ସ୍ଵେ-ତ୍ଯ॑ପରୁ॒ଦ୍ଧ୍ଯମା॑ନୋ-ଽସ୍ଯ ପ॒ଦମା ଦ॑ଦୀତେ॒ଯଂ-ଵାଁ ଅଦି॑ତିରି॒ଯମେ॒ଵାସ୍ମୈ॑ ରା॒ଜ୍ଯମନୁ॑ ମନ୍ଯତେ ସ॒ତ୍ଯା-ଽଽଶୀରିତ୍ଯା॑ହ ସ॒ତ୍ଯାମେ॒ଵା-ଽଽଶିଷ॑-ଙ୍କୁରୁତ ଇ॒ହ ମନ॒ ଇତ୍ଯା॑ହ ପ୍ର॒ଜା ଏ॒ଵାସ୍ମୈ॒ ସମ॑ନସଃ କରୋ॒ତ୍ଯୁପ॒ ପ୍ରେତ॑ ମରୁତ- [ପ୍ରେତ॑ ମରୁତଃ, ସୁ॒ଦା॒ନ॒ଵ॒ ଏ॒ନା] 2

-ସ୍ସୁଦାନଵ ଏ॒ନା ଵି॒ଶ୍ପତି॑ନା॒-ଽଭ୍ଯ॑ମୁଗ୍ଂ ରାଜା॑ନ॒ମିତ୍ଯା॑ହ ମାରୁ॒ତୀ ଵୈ ଵି-ଡ୍ଜ୍ଯେ॒ଷ୍ଠୋ ଵି॒ଶ୍ପତି॑-ର୍ଵି॒ଶୈଵୈନଗ୍ଂ॑ ରା॒ଷ୍ଟ୍ରେଣ॒ ସମ॑ର୍ଧଯତି॒ ଯଃ ପ॒ରସ୍ତା᳚-ଦ୍ଗ୍ରାମ୍ଯଵା॒ଦୀ ସ୍ଯା-ତ୍ତସ୍ଯ॑ ଗୃ॒ହା-ଦ୍ଵ୍ରୀ॒ହୀନା ହ॑ରେଚ୍ଛୁ॒କ୍ଲାଗ୍ଶ୍ଚ॑ କୃ॒ଷ୍ଣାଗ୍ଶ୍ଚ॒ ଵି ଚି॑ନୁଯା॒ଦ୍ଯେ ଶୁ॒କ୍ଲା-ସ୍ସ୍ଯୁସ୍ତମା॑ଦି॒ତ୍ଯ-ଞ୍ଚ॒ରୁ-ନ୍ନିର୍ଵ॑ପେଦାଦି॒ତ୍ଯା ଵୈ ଦେ॒ଵତ॑ଯା॒ ଵିଡ୍ଵିଶ॑ମେ॒ଵା-ଽଵ॑ ଗଚ୍ଛ॒- [ଗଚ୍ଛତି, ଅଵ॑ଗତା-ଽସ୍ଯ॒] 3

-ତ୍ଯଵ॑ଗତା-ଽସ୍ଯ॒ ଵିଡନ॑ଵଗତଗ୍ଂ ରା॒ଷ୍ଟ୍ର-ମିତ୍ଯା॑ହୁ॒ର୍ଯେ କୃ॒ଷ୍ଣା-ସ୍ସ୍ଯୁସ୍ତଂ-ଵାଁ॑ରୁ॒ଣ-ଞ୍ଚ॒ରୁ-ନ୍ନିର୍ଵ॑ପେ-ଦ୍ଵାରୁ॒ଣଂ-ଵୈଁ ରା॒ଷ୍ଟ୍ରମୁ॒ଭେ ଏ॒ଵ ଵିଶ॑-ଞ୍ଚ ରା॒ଷ୍ଟ୍ର-ଞ୍ଚାଵ॑ ଗଚ୍ଛତି॒ ଯଦି॒ ନାଵ॒ଗଚ୍ଛେ॑ଦି॒ମ-ମ॒ହମା॑ଦି॒ତ୍ଯେଭ୍ଯୋ॑ ଭା॒ଗ-ନ୍ନିର୍ଵ॑ପା॒ମ୍ଯା ଽମୁଷ୍ମା॑-ଦ॒ମୁଷ୍ଯୈ॑ ଵି॒ଶୋ-ଽଵ॑ଗନ୍ତୋ॒-ରିତି॒ ନିର୍ଵ॑ପେ-ଦାଦି॒ତ୍ଯା ଏ॒ଵୈନ॑-ମ୍ଭାଗ॒ଧେଯ॑-ମ୍ପ୍ରେ॒ଫ୍ସନ୍ତୋ॒ ଵିଶ॒ମଵ॑ [ଵିଶ॒ମଵ॑, ଗ॒ମ॒ଯ॒ନ୍ତି॒ ଯଦି॒] 4

ଗମଯନ୍ତି॒ ଯଦି॒ ନାଵ॒ଗଚ୍ଛେ॒ଦାଶ୍ଵ॑ତ୍ଥା-ନ୍ମ॒ଯୂଖା᳚ନ୍-ଥ୍ସ॒ପ୍ତ ମ॑ଦ୍ଧ୍ଯମେ॒ଷାଯା॒ମୁପ॑- ହନ୍ଯାଦି॒ଦମ॒ହ-ମା॑ଦି॒ତ୍ଯା-ନ୍ବ॑ଧ୍ନା॒ମ୍ଯା ଽମୁଷ୍ମା॑ଦ॒ମୁଷ୍ଯୈ॑ ଵି॒ଶୋ-ଽଵ॑ଗନ୍ତୋ॒ରିତ୍ଯା॑ଦି॒ତ୍ଯା ଏ॒ଵୈନ॑-ମ୍ବ॒ଦ୍ଧଵୀ॑ରା॒ ଵିଶ॒ମଵ॑ ଗମଯନ୍ତି॒ ଯଦି॒ ନା-ଽଵ॒ଗଚ୍ଛେ॑-ଦେ॒ତ-ମେ॒ଵା-ଽଽଦି॒ତ୍ଯ-ଞ୍ଚ॒ରୁ-ନ୍ନିର୍ଵ॑ପେ-ଦି॒ଦ୍ଧ୍ମେ-ଽପି॑ ମ॒ଯୂଖା॒ନ୍-ଥ୍ସ-ନ୍ନ॑ହ୍ଯେ-ଦନପରୁ॒ଦ୍ଧ୍ଯ-ମେ॒ଵାଵ॑ ଗଚ୍ଛ॒ତ୍ଯାଶ୍ଵ॑ତ୍ଥା ଭଵନ୍ତିମ॒ରୁତାଂ॒-ଵାଁ ଏ॒ତ -ଦୋଜୋ॒ ଯଦ॑ଶ୍ଵ॒ତ୍ଥ ଓଜ॑ସୈ॒ଵ ଵିଶ॒ମଵ॑ ଗଚ୍ଛତି ସ॒ପ୍ତ ଭ॑ଵନ୍ତି ସ॒ପ୍ତ ଗ॑ଣା॒ ଵୈ ମ॒ରୁତୋ॑ ଗଣ॒ଶ ଏ॒ଵ ଵିଶ॒ମଵ॑ ଗଚ୍ଛତି । 5

(ଧା॒ରଯ॑ଦ୍ଵତୋ - ମରୁତୋ - ଗଚ୍ଛତି॒ - ଵିଶ॒ମଵୈ॒ - ତ - ଦ॒ଷ୍ଟାଦ॑ଶ ଚ) (ଅ. 1)

ଦେ॒ଵା ଵୈ ମୃ॒ତ୍ଯୋ-ର॑ବିଭଯୁ॒ସ୍ତେ ପ୍ର॒ଜାପ॑ତି॒-ମୁପା॑ଧାଵ॒-ନ୍ତେଭ୍ଯ॑ ଏ॒ତା-ମ୍ପ୍ରା॑ଜାପ॒ତ୍ଯାଗ୍ଂ ଶ॒ତକୃ॑ଷ୍ଣଲା॒-ନ୍ନିର॑ଵପ॒-ତ୍ତଯୈ॒ଵୈଷ୍ଵ॒ମୃତ॑-ମଦଧା॒ଦ୍ଯୋ ମୃ॒ତ୍ଯୋ-ର୍ବି॑ଭୀ॒ଯା-ତ୍ତସ୍ମା॑ ଏ॒ତା-ମ୍ପ୍ରା॑ଜାପ॒ତ୍ଯାଗ୍ଂ ଶ॒ତକୃ॑ଷ୍ଣଲା॒-ନ୍ନିର୍ଵ॑ପେ-ତ୍ପ୍ର॒ଜାପ॑ତି-ମେ॒ଵ ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ସ ଏ॒ଵା-ଽସ୍ମି॒-ନ୍ନାଯୁ॑-ର୍ଦଧାତି॒ ସର୍ଵ॒ମାଯୁ॑ରେତି ଶ॒ତକୃ॑ଷ୍ଣଲା ଭଵତି ଶ॒ତାଯୁଃ॒ ପୁରୁ॑ଷ॒-ଶ୍ଶ॒ତେନ୍ଦ୍ରି॑ଯ॒ ଆଯୁ॑ଷ୍ଯେ॒ଵେନ୍ଦ୍ରି॒ଯେ [ ] 6

ପ୍ରତି॑ ତିଷ୍ଠତି ଘୃ॒ତେ ଭ॑ଵ॒ତ୍ଯାଯୁ॒ର୍ଵୈ ଘୃ॒ତ-ମ॒ମୃତ॒ଗ୍ଂ॒ ହିର॑ଣ୍ଯ॒-ମାଯୁ॑ଶ୍ଚୈ॒ଵାସ୍ମା॑ ଅ॒ମୃତ॑-ଞ୍ଚ ସ॒ମୀଚୀ॑ ଦଧାତି ଚ॒ତ୍ଵାରି॑ ଚତ୍ଵାରି କୃ॒ଷ୍ଣଲା॒ନ୍ଯଵ॑ ଦ୍ଯତି ଚତୁରଵ॒-ତ୍ତସ୍ଯା-ଽଽପ୍ତ୍ଯା॑ ଏକ॒ଧା ବ୍ର॒ହ୍ମଣ॒ ଉପ॑ ହରତ୍ଯେକ॒ଧୈଵ ଯଜ॑ମାନ॒ ଆଯୁ॑ର୍ଦଧାତ୍ଯ॒- ସାଵା॑ଦି॒ତ୍ଯୋ ନ ଵ୍ଯ॑ରୋଚତ॒ ତସ୍ମୈ॑ ଦେ॒ଵାଃ ପ୍ରାଯ॑ଶ୍ଚିତ୍ତି-ମୈଚ୍ଛ॒-ନ୍ତସ୍ମା॑ ଏ॒ତଗ୍ଂ ସୌ॒ର୍ଯ-ଞ୍ଚ॒ରୁ-ନ୍ନିର॑ଵପ॒-ନ୍ତେନୈ॒ଵା-ଽସ୍ମି॒- [-ତେନୈ॒ଵା-ଽସ୍ମିନ୍ନ୍॑, ରୁଚ॑-ମଦଧୁ॒ର୍ଯୋ] 7

-ନ୍ରୁଚ॑-ମଦଧୁ॒ର୍ଯୋ ବ୍ର॑ହ୍ମଵର୍ଚ॒ସକା॑ମ॒-ସ୍ସ୍ଯା-ତ୍ତସ୍ମା॑ ଏ॒ତଗ୍ଂ ସୌ॒ର୍ଯ-ଞ୍ଚ॒ରୁ-ନ୍ନିର୍ଵ॑ପେ-ଦ॒ମୁ-ମେ॒ଵା-ଽଽଦି॒ତ୍ଯଗ୍ଗ୍ ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ସ ଏ॒ଵାସ୍ମି॑-ନ୍ବ୍ରହ୍ମଵର୍ଚ॒ସ-ନ୍ଦ॑ଧାତି ବ୍ରହ୍ମଵର୍ଚ॒ସ୍ଯେ॑ଵ ଭ॑ଵତ୍ଯୁଭ॒ଯତୋ॑ ରୁ॒କ୍ମୌ ଭ॑ଵତ ଉଭ॒ଯତ॑ ଏ॒ଵାସ୍ମି॒-ନ୍ରୁଚ॑-ନ୍ଦଧାତି ପ୍ରଯା॒ଜେ ପ୍ର॑ଯାଜେ କୃ॒ଷ୍ଣଲ॑-ଞ୍ଜୁହୋତି ଦି॒ଗ୍ଭ୍ଯ ଏ॒ଵାସ୍ମୈ᳚ ବ୍ରହ୍ମଵର୍ଚ॒ସମଵ॑ ରୁନ୍ଧ ଆଗ୍ନେ॒ଯ-ମ॒ଷ୍ଟାକ॑ପାଲ॒-ନ୍ନିର୍ଵ॑ପେ-ଥ୍ସାଵି॒ତ୍ର-ନ୍ଦ୍ଵାଦ॑ଶକପାଲ॒-ମ୍ଭୂମ୍ଯୈ॑ [-ଭୂମ୍ଯୈ᳚, ଚ॒ରୁଂ-ଯଃ ଁକା॒ମଯେ॑ତ॒] 8

ଚ॒ରୁଂ-ଯଃ ଁକା॒ମଯେ॑ତ॒ ହିର॑ଣ୍ଯଂ-ଵିଁନ୍ଦେଯ॒ ହିର॑ଣ୍ଯ॒-ମ୍ମୋପ॑ ନମେ॒ଦିତି॒ ଯଦା᳚ଗ୍ନେ॒ଯୋ ଭଵ॑ତ୍ଯାଗ୍ନେ॒ଯଂ-ଵୈଁ ହିର॑ଣ୍ଯଂ॒-ଯଁସ୍ଯୈ॒ଵ ହିର॑ଣ୍ଯ॒-ନ୍ତେନୈ॒ଵୈନ॑-ଦ୍ଵିନ୍ଦତେ ସାଵି॒ତ୍ରୋ ଭ॑ଵତି ସଵି॒ତୃପ୍ର॑ସୂତ ଏ॒ଵୈନ॑-ଦ୍ଵିନ୍ଦତେ॒ ଭୂମ୍ଯୈ॑ ଚ॒ରୁର୍ଭ॑ଵତ୍ଯ॒ସ୍ଯାମେ॒ଵୈନ॑-ଦ୍ଵିନ୍ଦତ॒ ଉପୈ॑ନ॒ଗ୍ଂ॒ ହିର॑ଣ୍ଯ-ନ୍ନମତି॒ ଵି ଵା ଏ॒ଷ ଇ॑ନ୍ଦ୍ରି॒ଯେଣ॑ ଵୀ॒ର୍ଯେ॑ଣର୍ଧ୍ଯତେ॒ ଯୋ ହିର॑ଣ୍ଯଂ-ଵିଁ॒ନ୍ଦତ॑ ଏ॒ତା- [ଏ॒ତାମ୍, ଏ॒ଵ] 9

-ମେ॒ଵ ନିର୍ଵ॑ପେ॒ଦ୍ଧିର॑ଣ୍ଯଂ-ଵିଁ॒ତ୍ତ୍ଵା ନେନ୍ଦ୍ରି॒ଯେଣ॑ ଵୀ॒ର୍ଯେ॑ଣ॒ ଵ୍ଯୃ॑ଦ୍ଧ୍ଯତ ଏ॒ତାମେ॒ଵ ନିର୍ଵ॑ପେ॒ଦ୍ଯସ୍ଯ॒ ହିର॑ଣ୍ଯ॒-ନ୍ନଶ୍ଯେ॒ଦ୍ଯଦା᳚ଗ୍ନେ॒ଯୋ ଭଵ॑ତ୍ଯାଗ୍ନେ॒ଯଂ-ଵୈଁ ହିର॑ଣ୍ଯଂ॒-ଯଁସ୍ଯୈ॒ ଵ ହିର॑ଣ୍ଯ॒-ନ୍ତେନୈ॒ଵୈନ॑-ଦ୍ଵିନ୍ଦତି ସାଵି॒ତ୍ରୋ ଭ॑ଵତି ସଵି॒ତୃ-ପ୍ର॑ସୂତ ଏ॒ଵୈନ॑-ଦ୍ଵିନ୍ଦତି॒ ଭୂମ୍ଯୈ॑ ଚ॒ରୁର୍ଭ॑ଵତ୍ଯ॒ସ୍ଯାଂ-ଵାଁ ଏ॒ତନ୍ନ॑ଶ୍ଯତି॒ ଯନ୍ନଶ୍ଯ॑ତ୍ଯ॒ସ୍ଯାମେ॒ଵୈନ॑-ଦ୍ଵିନ୍ଦ॒ତୀନ୍ଦ୍ର॒- [ଦ୍ଵିନ୍ଦ॒ତୀନ୍ଦ୍ରଃ॑, ତ୍ଵଷ୍ଟୁ॒-ସ୍ସୋମ॑] 10

-ସ୍ତ୍ଵଷ୍ଟୁ॒-ସ୍ସୋମ॑-ମଭୀ॒ଷହା॑-ଽ ପିବ॒-ଥ୍ସ ଵିଷ୍ଵଂ॒-ଵ୍ଯାଁ᳚ର୍ଚ୍ଛ॒-ଥ୍ସ ଇ॑ନ୍ଦ୍ରି॒ଯେଣ॑ ସୋମପୀ॒ଥେନ॒ ଵ୍ଯା᳚ର୍ଧ୍ଯତ॒ ସ ଯଦୂ॒ର୍ଧ୍ଵମୁ॒ଦଵ॑ମୀ॒-ତ୍ତେ ଶ୍ଯା॒ମାକା॑ ଅଭଵ॒ନ୍ଥ୍ସ ପ୍ର॒ଜାପ॑ତି॒ମୁପା॑ଧାଵ॒-ତ୍ତସ୍ମା॑ ଏ॒ତଗ୍ଂ ସୋ॑ମେ॒ନ୍ଦ୍ରଗ୍ଗ୍ ଶ୍ଯା॑ମା॒କ-ଞ୍ଚ॒ରୁ-ନ୍ନିର॑ଵପ॒-ତ୍ତେନୈ॒ଵାସ୍ମି॑ନ୍ନିନ୍ଦ୍ରି॒ଯଗ୍ଂ ସୋ॑ମପୀ॒ଥମ॑ଦଧା॒ଦ୍ଵି ଵା ଏ॒ଷ ଇ॑ନ୍ଦ୍ରି॒ଯେଣ॑ ସୋମ॒ପୀଥେନ॑ର୍ଧ୍ଯତେ॒ ଯ-ସ୍ସୋମଂ॒-ଵଁମି॑ତି॒ ଯ-ସ୍ସୋ॑ମଵା॒ମୀ ସ୍ଯା-ତ୍ତସ୍ମା॑ [ସ୍ଯା-ତ୍ତସ୍ମୈ᳚, ଏ॒ତଗ୍ଂ] 11

ଏ॒ତଗ୍ଂ ସୋ॑ମେ॒ନ୍ଦ୍ରଗ୍ଗ୍ ଶ୍ଯା॑ମା॒କ-ଞ୍ଚ॒ରୁ-ନ୍ନିର୍ଵ॑ପେ॒-ଥ୍ସୋମ॑-ଞ୍ଚୈ॒ଵେନ୍ଦ୍ର॑-ଞ୍ଚ॒ ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ତାଵେ॒ଵାସ୍ମି॑ନ୍ନିନ୍ଦ୍ରି॒ଯଗ୍ଂ ସୋ॑ମପୀ॒ଥ-ନ୍ଧ॑ତ୍ତୋ॒ ନେନ୍ଦ୍ରି॒ଯେଣ॑ ସୋମପୀ॒ଥେନ॒ ଵ୍ଯୃ॑ଦ୍ଧ୍ଯତେ॒ ଯ-ଥ୍ସୌ॒ମ୍ଯୋ ଭଵ॑ତି ସୋମପୀ॒ଥମେ॒ଵାଵ॑ ରୁନ୍ଧେ॒ ଯଦୈ॒ନ୍ଦ୍ରୋ ଭଵ॑ତୀନ୍ଦ୍ରି॒ଯଂ-ଵୈଁ ସୋ॑ମପୀ॒ଥ ଇ॑ନ୍ଦ୍ରି॒ଯମେ॒ଵ ସୋ॑ମପୀ॒ଥମଵ॑ ରୁନ୍ଧେ ଶ୍ଯାମା॒କୋ ଭ॑ଵତ୍ଯେ॒ଷ ଵାଵ ସ ସୋମ॑- [ସ ସୋମଃ॑, ସା॒କ୍ଷାଦେ॒ଵ] 12

-ସ୍ସା॒କ୍ଷାଦେ॒ଵ ସୋ॑ମପୀ॒ଥମଵ॑ ରୁନ୍ଧେ॒ ଽଗ୍ନଯେ॑ ଦା॒ତ୍ରେ ପୁ॑ରୋ॒ଡାଶ॑ମ॒ଷ୍ଟାକ॑ପାଲ॒-ନ୍ନିର୍ଵ॑ପେ॒ଦିନ୍ଦ୍ରା॑ଯ ପ୍ରଦା॒ତ୍ରେ ପୁ॑ରୋ॒ଡାଶ॒ମେକା॑ଦଶକପାଲ-ମ୍ପ॒ଶୁକା॑ମୋ॒-ଽଗ୍ନିରେ॒ଵାସ୍ମୈ॑ ପ॒ଶୂ-ନ୍ପ୍ର॑ଜ॒ନଯ॑ତି ଵୃ॒ଦ୍ଧାନିନ୍ଦ୍ରଃ॒ ପ୍ର ଯ॑ଚ୍ଛତି॒ ଦଧି॒ ମଧୁ॑ ଘୃ॒ତମାପୋ॑ ଧା॒ନା ଭ॑ଵନ୍ତ୍ଯେ॒ତଦ୍ଵୈ ପ॑ଶୂ॒ନାଗ୍ଂ ରୂ॒ପଗ୍ଂ ରୂ॒ପେଣୈ॒ଵ ପ॒ଶୂନଵ॑ ରୁନ୍ଧେ ପଞ୍ଚ-ଗୃହୀ॒ତ-ମ୍ଭ॑ଵତି॒ ପାଙ୍କ୍ତା॒ ହି ପ॒ଶଵୋ॑ ବହୁ ରୂ॒ପ-ମ୍ଭ॑ଵତି ବହୁ ରୂ॒ପା ହି ପ॒ଶଵ॒- [ପ॒ଶଵଃ॑, ସମୃ॑ଦ୍ଧ୍ଯୈ] 13

-ସ୍ସମୃ॑ଦ୍ଧ୍ଯୈ ପ୍ରାଜାପ॒ତ୍ଯ-ମ୍ଭ॑ଵତି ପ୍ରାଜାପ॒ତ୍ଯା ଵୈ ପ॒ଶଵଃ॑ ପ୍ର॒ଜାପ॑ତିରେ॒ଵାସ୍ମୈ॑ ପ॒ଶୂ-ନ୍ପ୍ରଜ॑ନଯତ୍ଯା॒ତ୍ମା ଵୈ ପୁରୁ॑ଷସ୍ଯ॒ ମଧୁ॒ ଯନ୍ମଦ୍ଧ୍ଵ॒ଗ୍ନୌ ଜୁ॒ହୋତ୍ଯା॒ତ୍ମାନ॑ମେ॒ଵ ତ-ଦ୍ଯଜ॑ମାନୋ॒-ଽଗ୍ନୌ ପ୍ରଦ॑ଧାତି ପ॒ଙ୍କ୍ତ୍ଯୌ॑ ଯାଜ୍ଯାନୁଵା॒କ୍ଯେ॑ ଭଵତଃ॒ ପାଙ୍କ୍ତଃ॒ ପୁରୁ॑ଷଃ॒ ପାଙ୍କ୍ତାଃ᳚ ପ॒ଶଵ॑ ଆ॒ତ୍ମାନ॑ମେ॒ଵ ମୃ॒ତ୍ଯୋର୍ନି॒ଷ୍କ୍ରୀଯ॑ପ॒ଶୂନଵ॑ ରୁନ୍ଧେ ॥ 14 ॥

(ଇ॒ନ୍ଦ୍ରି॒ଯେ᳚ - ଽସ୍ମି॒ନ୍ - ଭୂମ୍ଯା॑ - ଏ॒ତା - ମିନ୍ଦ୍ରଃ॒ - ସ୍ଯା-ତ୍ତସ୍ମୈ॒ - ସୋମୋ॑ - ବହୁ ରୂ॒ପା ହି ପ॒ଶଵ॒ - ଏକ॑ଚତ୍ଵାରିଗ୍ଂଶଚ୍ଚ ) (ଅ. 2)

ଦେ॒ଵା ଵୈ ସ॒ତ୍ରମା॑ସ॒ତ-ର୍ଧି॑ପରିମିତଂ॒-ଯଁଶ॑ସ୍କାମା॒ସ୍ତେଷା॒ଗ୍ଂ॒ ସୋମ॒ଗ୍ଂ॒ ରାଜା॑ନଂ॒-ଯଁଶ॑ ଆର୍ଚ୍ଛ॒-ଥ୍ସ ଗି॒ରିମୁଦୈ॒-ତ୍ତମ॒ଗ୍ନିରନୂଦୈ॒-ତ୍ତାଵ॒ଗ୍ନୀଷୋମୌ॒ ସମ॑ଭଵତା॒-ନ୍ତାଵିନ୍ଦ୍ରୋ॑ ଯ॒ଜ୍ଞଵି॑ଭ୍ର॒ଷ୍ଟୋ-ଽନୁ॒ ପରୈ॒-ତ୍ତାଵ॑ବ୍ରଵୀଦ୍ଯା॒ଜଯ॑ତ॒-ମ୍ମେତି॒ ତସ୍ମା॑ ଏ॒ତାମିଷ୍ଟି॒-ନ୍ନିର॑ଵପତାମାଗ୍ନେ॒ଯ-ମ॒ଷ୍ଟାକ॑ପାଲମୈ॒ନ୍ଦ୍ର-ମେକା॑ଦଶକପାଲଗ୍ଂ ସୌ॒ମ୍ଯ-ଞ୍ଚ॒ରୁ-ନ୍ତଯୈ॒ଵା-ଽସ୍ମି॒-ନ୍ତେଜ॑ [ତଯୈ॒ଵା-ଽସ୍ମି॒-ନ୍ତେଜଃ॑, ଇ॒ନ୍ଦ୍ରି॒ଯ-ମ୍ବ୍ର॑ହ୍ମଵର୍ଚ॒ସ-] 15

ଇନ୍ଦ୍ରି॒ଯ-ମ୍ବ୍ର॑ହ୍ମଵର୍ଚ॒ସ-ମ॑ଧତ୍ତାଂ॒-ଯୋଁ ଯ॒ଜ୍ଞଵି॑ଭ୍ରଷ୍ଟ॒-ସ୍ସ୍ଯା-ତ୍ତସ୍ମା॑ ଏ॒ତାମିଷ୍ଟି॒-ନ୍ନିର୍ଵ॑ପେଦାଗ୍ନେ॒ଯ-ମ॒ଷ୍ଟାକ॑ପାଲମୈ॒ନ୍ଦ୍ର-ମେକା॑ଦଶକପାଲଗ୍ଂ ସୌ॒ମ୍ଯ-ଞ୍ଚ॒ରୁଂ-ଯଁଦା᳚ଗ୍ନେ॒ଯୋ ଭଵ॑ତି॒ ତେଜ॑ ଏ॒ଵାସ୍ମି॒-ନ୍ତେନ॑ ଦଧାତି॒ ଯଦୈ॒ନ୍ଦ୍ରୋ ଭଵ॑ତୀନ୍ଦ୍ରି॒ଯମେ॒ଵାସ୍ମି॒-ନ୍ତେନ॑ ଦଧାତି॒ ଯ-ଥ୍ସୌ॒ମ୍ଯୋ ବ୍ର॑ହ୍ମଵର୍ଚ॒ସ-ନ୍ତେନା᳚ ଽଽଗ୍ନେ॒ଯସ୍ଯ॑ ଚ ସୌ॒ମ୍ଯସ୍ଯ॑ ଚୈ॒ନ୍ଦ୍ରେ ସ॒ମାଶ୍ଲେ॑ଷଯେ॒-ତ୍ତେଜ॑ଶ୍ଚୈ॒ଵାସ୍ମି॑-ନ୍ବ୍ରହ୍ମଵର୍ଚ॒ସ-ଞ୍ଚ॑ ସ॒ମୀଚୀ॑ [ସ॒ମୀଚୀ᳚, ଦ॒ଧା॒ତ୍ଯ॒ଗ୍ନୀ॒ଷୋ॒ମୀଯ॒-] 16

ଦଧାତ୍ଯଗ୍ନୀଷୋ॒ମୀଯ॒-ମେକା॑ଦଶକପାଲ॒-ନ୍ନିର୍ଵ॑ପେ॒ଦ୍ଯ-ଙ୍କାମୋ॒ ନୋପ॒ନମେ॑ଦାଗ୍ନେ॒ଯୋ ଵୈ ବ୍ରା᳚ହ୍ମ॒ଣ-ସ୍ସ ସୋମ॑-ମ୍ପିବତି॒ ସ୍ଵାମେ॒ଵ ଦେ॒ଵତା॒ଗ୍॒ ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ସୈଵୈନ॒-ଙ୍କାମେ॑ନ॒ ସମ॑ର୍ଧଯ॒ତ୍ଯୁପୈ॑ନ॒-ଙ୍କାମୋ॑ ନମତ୍ଯଗ୍ନୀଷୋ॒ମୀଯ॑-ମ॒ଷ୍ଟାକ॑ପାଲ॒-ନ୍ନିର୍ଵ॑ପେ-ଦ୍ବ୍ରହ୍ମଵର୍ଚ॒ସକା॑ମୋ॒-ଽଗ୍ନୀଷୋମା॑ ଵେ॒ଵ ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ତାଵେ॒ଵାସ୍ମି॑-ନ୍ବ୍ରହ୍ମଵର୍ଚ॒ସ-ନ୍ଧ॑ତ୍ତୋ ବ୍ରହ୍ମଵର୍ଚ॒ସ୍ଯେ॑ଵ [ବ୍ରହ୍ମଵର୍ଚ॒ସ୍ଯେ॑ଵ, ଭ॒ଵ॒ତି॒ ଯଦ॒ଷ୍ଟାକ॑ପାଲ॒-] 17

ଭ॑ଵତି॒ ଯଦ॒ଷ୍ଟାକ॑ପାଲ॒-ସ୍ତେନା᳚-ଽଽଗ୍ନେ॒ଯୋ ଯଚ୍ଛ୍ଯା॑ମା॒କସ୍ତେନ॑ ସୌ॒ମ୍ଯ-ସ୍ସମୃ॑ଦ୍ଧ୍ଯୈ॒ ସୋମା॑ଯ ଵା॒ଜିନେ᳚ ଶ୍ଯାମା॒କ-ଞ୍ଚ॒ରୁ-ନ୍ନିର୍ଵ॑ପେ॒ଦ୍ଯଃ କ୍ଲୈବ୍ଯା᳚ଦ୍ବିଭୀ॒ଯା-ଦ୍ରେତୋ॒ ହି ଵା ଏ॒ତସ୍ମା॒-ଦ୍ଵାଜି॑ନମପ॒କ୍ରାମ॒ତ୍ଯଥୈ॒ଷ କ୍ଲୈବ୍ଯା᳚ଦ୍ବିଭାଯ॒ ସୋମ॑ମେ॒ଵ ଵା॒ଜିନ॒ଗ୍ଗ୍॒ ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ସ ଏ॒ଵାସ୍ମି॒-ନ୍ରେତୋ॒ ଵାଜି॑ନ-ନ୍ଦଧାତି॒ ନ କ୍ଲୀ॒ବୋ ଭ॑ଵତିବ୍ରାହ୍ମଣସ୍ପ॒ତ୍ଯ-ମେକା॑ଦଶକପାଲ॒-ନ୍ନିର୍ଵ॑ପେ॒-ଦ୍ଗ୍ରାମ॑କାମୋ॒ [-ନିର୍ଵ॑ପେ॒-ଦ୍ଗ୍ରାମ॑କାମଃ, ବ୍ରହ୍ମ॑ଣ॒ସ୍ପତି॑ମେ॒ଵ] 18

ବ୍ରହ୍ମ॑ଣ॒ସ୍ପତି॑ମେ॒ଵ ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ସ ଏ॒ଵାସ୍ମୈ॑ ସଜା॒ତା-ନ୍ପ୍ର ଯ॑ଚ୍ଛତି ଗ୍ରା॒ମ୍ଯେ॑ଵ ଭ॑ଵତି ଗ॒ଣଵ॑ତୀ ଯାଜ୍ଯାନୁଵା॒କ୍ଯେ॑ ଭଵତ-ସ୍ସଜା॒ତୈରେ॒ଵୈନ॑-ଙ୍ଗ॒ଣଵ॑ନ୍ତ-ଙ୍କରୋତ୍ଯେ॒ତାମେ॒ଵ ନିର୍ଵ॑ପେ॒ଦ୍ଯଃ କା॒ମଯେ॑ତ॒ ବ୍ରହ୍ମ॒ନ୍ ଵିଶଂ॒-ଵିଁ ନା॑ଶଯେଯ॒ମିତି॑ ମାରୁ॒ତୀ ଯା᳚ଜ୍ଯାନୁଵା॒କ୍ଯେ॑ କୁର୍ଯା॒-ଦ୍ବ୍ରହ୍ମ॑ନ୍ନେ॒ଵ ଵିଶଂ॒-ଵିଁ ନା॑ଶଯତି ॥ 19

(ତେଜଃ॑ - ସ॒ମୀଚୀ᳚ - ବ୍ରହ୍ମଵର୍ଚ॒ସ୍ଯେ॑ଵ - ଗ୍ରାମ॑କାମ॒ - ସ୍ତ୍ରିଚ॑ତ୍ଵାରିଗ୍ଂଶଚ୍ଚ ) (ଅ. 3)

ଅ॒ର୍ଯ॒ମ୍ଣେ ଚ॒ରୁ-ନ୍ନିର୍ଵ॑ପ-ଥ୍ସୁଵ॒ର୍ଗକା॑ମୋ॒-ଽସୌ ଵା ଆ॑ଦି॒ତ୍ଯୋ᳚-ଽର୍ଯ॒ମା-ଽର୍ଯ॒ମଣ॑ମେ॒ଵ ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ସ ଏ॒ଵୈନଗ୍ଂ॑ ସୁଵ॒ର୍ଗଂ-ଲୋଁ॒କ-ଙ୍ଗ॑ମଯତ୍ଯର୍ଯ॒ମ୍ଣେ ଚ॒ରୁ-ନ୍ନିର୍ଵ॑ପେ॒ଦ୍ଯଃ କା॒ମଯେ॑ତ॒ ଦାନ॑କାମା ମେ ପ୍ର॒ଜା-ସ୍ସ୍ଯୁ॒ରିତ୍ଯ॒ସୌ ଵା ଆ॑ଦି॒ତ୍ଯୋ᳚-ଽର୍ଯ॒ମା ଯଃ ଖଲୁ॒ ଵୈ ଦଦା॑ତି॒ ସୋ᳚-ଽର୍ଯ॒ମା-ଽର୍ଯ॒ମଣ॑ମେ॒ଵ ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ସ ଏ॒ଵା- [ସ ଏ॒ଵ, ଅ॒ସ୍ମୈ॒ ଦାନ॑କାମାଃ] 20

-ଽସ୍ମୈ॒ ଦାନ॑କାମାଃ ପ୍ର॒ଜାଃ କ॑ରୋତି॒ ଦାନ॑କାମା ଅସ୍ମୈ ପ୍ର॒ଜା ଭ॑ଵନ୍ତ୍ଯର୍ଯ॒ମ୍ଣେ ଚ॒ରୁ-ନ୍ନିର୍ଵ॑ପେ॒ଦ୍ଯଃ କା॒ମଯେ॑ତ ସ୍ଵ॒ସ୍ତି ଜ॒ନତା॑ମିଯା॒ମିତ୍ଯ॒ସୌ ଵା ଆ॑ଦି॒ତ୍ଯୋ᳚-ଽର୍ଯ॒ମା- ଽର୍ଯ॒ମଣ॑ମେ॒ଵ ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ସ ଏ॒ଵୈନ॒-ନ୍ତ-ଦ୍ଗ॑ମଯତି॒ ଯତ୍ର॒ ଜିଗ॑ମିଷ॒ତୀନ୍ଦ୍ରୋ॒ ଵୈ ଦେ॒ଵାନା॑ମାନୁଜାଵ॒ର ଆ॑ସୀ॒-ଥ୍ସ ପ୍ର॒ଜାପ॑ତି॒ -ମୁପା॑ଧାଵ॒-ତ୍ତସ୍ମା॑ ଏ॒ତମୈ॒ନ୍ଦ୍ରମା॑ନୁଷୂ॒କ-ମେକା॑ଦଶକପାଲ॒-ନ୍ନି- [-ମେକା॑ଦଶକପାଲ॒-ନ୍ନିଃ, ଅ॒ଵ॒ପ॒-ତ୍ତେନୈ॒ଵୈନ॒ମଗ୍ରଂ॑-] 21

-ର॑ଵପ॒-ତ୍ତେନୈ॒ଵୈନ॒-ମଗ୍ର॑-ନ୍ଦେ॒ଵତା॑ନା॒-ମ୍ପର୍ଯ॑ଣଯ-ଦ୍ବୁ॒ଦ୍ଧ୍ନଵ॑ତୀ॒ ଅଗ୍ର॑ଵତୀ ଯାଜ୍ଯାନୁଵା॒କ୍ଯେ॑ ଅକରୋ-ଦ୍ବୁ॒ଦ୍ଧ୍ନା-ଦେ॒ଵୈନ॒ମଗ୍ର॒-ମ୍ପର୍ଯ॑ଣଯ॒ଦ୍ଯୋ ରା॑ଜ॒ନ୍ଯ॑ ଆନୁଜାଵ॒ର-ସ୍ସ୍ଯା-ତ୍ତସ୍ମା॑ ଏ॒ତମୈ॒ନ୍ଦ୍ର-ମା॑ନୁଷୂ॒କ-ମେକା॑ଦଶକପାଲ॒-ନ୍ନିର୍ଵ॑ପେ॒-ଦିନ୍ଦ୍ର॑ମେ॒ଵ ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ସ ଏ॒ଵୈନ॒-ମଗ୍ରଗ୍ଂ॑ ସମା॒ନାନା॒-ମ୍ପରି॑ଣଯତି ବୁ॒ଦ୍ଧ୍ନଵ॑ତୀ॒ ଅଗ୍ର॑ଵତୀ ଯାଜ୍ଯାନୁଵା॒କ୍ଯେ॑ ଭଵତୋ ବୁ॒ଦ୍ଧ୍ନା-ଦେ॒ଵୈନ॒-ମଗ୍ର॒ମ୍- [ବୁ॒ଦ୍ଧ୍ନା-ଦେ॒ଵୈନ॒-ମଗ୍ର᳚ମ୍, ପରି॑] 22

-ପରି॑ ଣଯତ୍ଯାନୁଷୂ॒କୋ ଭ॑ଵତ୍ଯେ॒ଷା ହ୍ଯେ॑ତସ୍ଯ॑ ଦେ॒ଵତା॒ ଯ ଆ॑ନୁଜାଵ॒ର-ସ୍ସମୃ॑ଦ୍ଧ୍ଯୈ॒ ଯୋ ବ୍ରା᳚ହ୍ମ॒ଣ ଆ॑ନୁଜାଵ॒ର-ସ୍ସ୍ଯା-ତ୍ତସ୍ମା॑ ଏ॒ତ-ମ୍ବା॑ର୍ହସ୍ପ॒ତ୍ଯ-ମା॑ନୁଷୂ॒କ-ଞ୍ଚ॒ରୁ-ନ୍ନିର୍ଵ॑ପେ॒-ଦ୍ବୃହ॒ସ୍ପତି॑-ମେ॒ଵ ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ସ ଏ॒ଵୈନ॒ମଗ୍ରଗ୍ଂ॑ ସମା॒ନାନା॒-ମ୍ପରି॑ଣଯତି ବୁ॒ଦ୍ଧ୍ନଵ॑ତୀ॒ ଅଗ୍ର॑ଵତୀ ଯାଜ୍ଯାନୁଵା॒କ୍ଯେ॑ ଭଵତୋ ବୁ॒ଦ୍ଧ୍ନା-ଦେ॒ଵୈନ॒-ମଗ୍ର॒-ମ୍ପରି॑ ଣଯତ୍ଯାନୁଷୂ॒କୋ ଭ॑ଵତ୍ଯେ॒ଷା ହ୍ଯେ॑ତସ୍ଯ॑ ଦେ॒ଵତା॒ ଯ ଆ॑ନୁଜାଵ॒ର-ସ୍ସମୃ॑ଦ୍ଧ୍ଯୈ ॥ 23 ॥

(ଏ॒ଵ - ନିର - ଗ୍ର॑-ମେ॒ତସ୍ଯ॑ - ଚ॒ତ୍ଵାରି॑ ଚ) (ଅ. 4)

ପ୍ର॒ଜାପ॑ତେ॒-ସ୍ତ୍ରଯ॑ସ୍ତ୍ରିଗ୍ଂଶ-ଦ୍ଦୁହି॒ତର॑ ଆସ॒-ନ୍ତା-ସ୍ସୋମା॑ଯ॒ ରାଜ୍ଞେ॑-ଽଦଦା॒-ତ୍ତାସାଗ୍ଂ॑ ରୋହି॒ଣୀମୁପୈ॒-ତ୍ତା ଈର୍ଷ୍ଯ॑ନ୍ତୀଃ॒ ପୁନ॑ରଗଚ୍ଛ॒-ନ୍ତା ଅନ୍ଵୈ॒-ତ୍ତାଃ ପୁନ॑ରଯାଚତ॒ ତା ଅ॑ସ୍ମୈ॒ ନ ପୁନ॑ରଦଦା॒-ଥ୍ସୋ᳚-ଽବ୍ରଵୀ-ଦୃ॒ତ-ମ॑ମୀଷ୍ଵ॒ ଯଥା॑ ସମାଵ॒ଚ୍ଛ ଉ॑ପୈ॒ଷ୍ଯାମ୍ଯଥ॑ ତେ॒ ପୁନ॑-ର୍ଦାସ୍ଯା॒ମୀତି॒ ସ ଋ॒ତମା॑ମୀ॒-ତ୍ତା ଅ॑ସ୍ମୈ॒ ପୁନ॑ରଦଦା॒-ତ୍ତାସାଗ୍ଂ॑ ରୋହି॒ଣୀମେ॒ଵୋପ॒- [ରୋହି॒ଣୀମେ॒ଵୋପ॑, ଐ॒ତ୍ତଂ-ଯଁକ୍ଷ୍ମ॑] 24

-ତ୍ତଂ-ଯଁକ୍ଷ୍ମ॑ ଆର୍ଚ୍ଛ॒-ଦ୍ରାଜା॑ନଂ॒-ଯଁକ୍ଷ୍ମ॑ ଆର॒ଦିତି॒ ତଦ୍ରା॑ଜଯ॒କ୍ଷ୍ମସ୍ଯ॒ ଜନ୍ମ॒ ଯ-ତ୍ପାପୀ॑ଯା॒ନଭ॑ଵ॒-ତ୍ତ-ତ୍ପା॑ପଯ॒କ୍ଷ୍ମସ୍ଯ॒ ଯଜ୍ଜା॒ଯାଭ୍ଯୋ-ଽଵି॑ନ୍ଦ॒-ତ୍ତଜ୍ଜା॒ଯେନ୍ଯ॑ସ୍ଯ॒ଯ ଏ॒ଵମେ॒ତେଷାଂ॒-ଯଁକ୍ଷ୍ମା॑ଣା॒-ଞ୍ଜନ୍ମ॒ ଵେଦ॒ ନୈନ॑ମେ॒ତେ ଯକ୍ଷ୍ମା॑ ଵିନ୍ଦନ୍ତି॒ସ ଏ॒ତା ଏ॒ଵ ନ॑ମ॒ସ୍ଯ-ନ୍ନୁପା॑-ଽଧାଵ॒-ତ୍ତା ଅ॑ବ୍ରୁଵ॒ନ୍. ଵରଂ॑-ଵୃଁଣାମହୈ ସମାଵ॒ଚ୍ଛ ଏ॒ଵ ନ॒ ଉପା॑ଯ॒ ଇତି॒ ତସ୍ମା॑ ଏ॒ତ- [ତସ୍ମା॑ ଏ॒ତମ୍, ଆ॑ଦି॒ତ୍ଯ-ଞ୍ଚ॒ରୁଂ] 25

-ମା॑ଦି॒ତ୍ଯ-ଞ୍ଚ॒ରୁ-ନ୍ନିର॑ଵପ॒-ନ୍ତେନୈ॒ଵୈନ॑-ମ୍ପା॒ପା-ଥ୍ସ୍ରାମା॑ଦମୁଞ୍ଚ॒ନ୍. ଯଃ ପା॑ପଯ॒କ୍ଷ୍ମଗୃ॑ହୀତ॒-ସ୍ସ୍ଯା-ତ୍ତସ୍ମା॑ ଏ॒ତମା॑ଦି॒ତ୍ଯ-ଞ୍ଚ॒ରୁ-ନ୍ନିର୍ଵ॑ପେଦାଦି॒ତ୍ଯାନେ॒ଵ ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ତ ଏ॒ଵୈନ॑-ମ୍ପା॒ପା-ଥ୍ସ୍ରାମା᳚ନ୍ମୁଞ୍ଚନ୍ତ୍ଯ-ମାଵା॒ସ୍ଯା॑ଯା॒-ନ୍ନିର୍ଵ॑ପେ-ଦ॒ମୁମେ॒ଵୈନ-॑ମା॒ପ୍ଯାଯ॑ମାନ॒-ମନ୍ଵା ପ୍ଯା॑ଯଯତି॒ ନଵୋ॑ନଵୋ ଭଵତି॒ ଜାଯ॑ମାନ॒ ଇତି॑ ପୁରୋ-ଽନୁଵା॒କ୍ଯା॑ ଭଵ॒ତ୍ଯାଯୁ॑ରେ॒ଵାସ୍ମି॒-ନ୍ତଯା॑ ଦଧାତି॒ ଯମା॑ଦି॒ତ୍ଯା ଅ॒ଗ୍ଂ॒ଶୁମା᳚ପ୍ଯା॒ଯଯ॒ନ୍ତୀତି॑ ଯା॒ଜ୍ଯୈଵୈନ॑ମେ॒ତଯା᳚ ପ୍ଯାଯଯତି ॥ 26 ॥

(ଏ॒ଵୋପୈ॒ -ତ- ମ॑ସ୍ମି॒ନ୍ - ତ୍ରଯୋ॑ଦଶଚ) (ଅ. 5)

ପ୍ର॒ଜାପ॑ତି ର୍ଦେ॒ଵେଭ୍ଯୋ॒-ଽନ୍ନାଦ୍ଯଂ॒-ଵ୍ଯାଁଦି॑ଶ॒-ଥ୍ସୋ᳚-ଽବ୍ରଵୀ॒ଦ୍ଯଦି॒ମାନ୍ ଁଲୋ॒କା-ନ॒ଭ୍ଯ॑ତି॒ରିଚ୍ଯା॑ତୈ॒ ତନ୍ମମା॑ସ॒ଦିତି॒ ତଦି॒ମାନ୍ ଁଲୋ॒କା-ନ॒ଭ୍ଯତ୍ଯ॑ରିଚ୍ଯ॒ତେନ୍ଦ୍ର॒ଗ୍ଂ॒ ରାଜା॑ନ॒-ମିନ୍ଦ୍ର॑-ମଧିରା॒ଜ-ମିନ୍ଦ୍ରଗ୍ଗ୍॑ ସ୍ଵ॒ରାଜା॑ନ॒-ନ୍ତତୋ॒ ଵୈ ସ ଇ॒ମାନ୍ ଁଲୋ॒କାଗ୍ ସ୍ତ୍ରେ॒ଧା-ଽଦୁ॑ହ॒-ତ୍ତ-ତ୍ତ୍ରି॒ଧାତୋ᳚-ସ୍ତ୍ରିଧାତୁ॒ତ୍ଵଂ-ଯଁ-ଙ୍କା॒ମଯେ॑ତାନ୍ନା॒ଦ-ସ୍ସ୍ଯା॒ଦିତି॒ ତସ୍ମା॑ ଏ॒ତ-ନ୍ତ୍ରି॒ଧାତୁ॒-ନ୍ନିର୍ଵ॑ପେ॒ଦିନ୍ଦ୍ରା॑ଯ॒ ରାଜ୍ଞେ॑ ପୁରୋ॒ଡାଶ॒- [ପୁରୋ॒ଡାଶ᳚ମ୍, ଏକା॑ଦଶକପାଲ॒-] 27

-ମେକା॑ଦଶକପାଲ॒-ମିନ୍ଦ୍ରା॑ଯା-ଧିରା॒ଜାଯେନ୍ଦ୍ରା॑ଯ ସ୍ଵ॒ରାଜ୍ଞେ॒-ଽଯଂ-ଵାଁ ଇନ୍ଦ୍ରୋ॒ ରାଜା॒-ଽଯମିନ୍ଦ୍ରୋ॑-ଽଧିରା॒ଜୋ॑-ଽସାଵିନ୍ଦ୍ରଃ॑ ସ୍ଵ॒ରାଡି॒ମାନେ॒ଵ ଲୋ॒କାନ୍-ଥ୍ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ତ ଏ॒ଵାସ୍ମା॒ ଅନ୍ନ॒-ମ୍ପ୍ରଯ॑ଚ୍ଛନ୍ତ୍ଯନ୍ନା॒ଦ ଏ॒ଵ ଭ॑ଵତି॒ ଯଥା॑ ଵ॒ଥ୍ସେନ॒ ପ୍ରତ୍ତା॒-ଙ୍ଗା-ନ୍ଦୁ॒ହ ଏ॒ଵମେ॒ଵେମାନ୍ ଁଲୋ॒କା-ନ୍ପ୍ରତ୍ତା॒ନ୍ କାମ॑ମ॒ନ୍ନାଦ୍ଯ॑-ନ୍ଦୁହ ଉତ୍ତା॒ନେଷୁ॑ କ॒ପାଲେ॒ଷ୍ଵଧି॑ ଶ୍ରଯ॒ତ୍ଯଯା॑ତଯାମତ୍ଵାଯ॒ ତ୍ରଯଃ॑ ପୁରୋ॒ଡାଶା॑ ଭଵନ୍ତି॒ ତ୍ରଯ॑ ଇ॒ମେ ଲୋ॒କା ଏ॒ଷାଂ-ଲୋଁ॒କାନା॒ମାପ୍ତ୍ଯା॒ ଉତ୍ତ॑ରଉତ୍ତରୋ॒ ଜ୍ଯାଯା᳚-ନ୍ଭଵତ୍ଯେ॒ଵମି॑ଵ॒ ହୀମେ ଲୋ॒କା-ସ୍ସମୃ॑ଦ୍ଧ୍ଯୈ॒ ସର୍ଵେ॑ଷାମଭି-ଗ॒ମଯ॒ନ୍ନଵ॑ ଦ୍ଯ॒ତ୍ଯଛ॑ମ୍ବଟ୍କାରଂ-ଵ୍ଯଁ॒ତ୍ଯାସ॒ମନ୍ଵା॒ହାନି॑ର୍ଦାହାଯ ॥ 28 ॥

(ପୁ॒ରୋ॒ଡାଶଂ॒ - ତ୍ରଯଃ॒ - ଷଡ୍ଵିଗ୍ଂ॑ଶତିଶ୍ଚ) (ଅ. 6)

ଦେ॒ଵା॒ସୁ॒ରା-ସ୍ସଂଯଁ॑ତ୍ତା ଆସ॒-ନ୍ତା-ନ୍ଦେ॒ଵାନସୁ॑ରା ଅଜଯ॒-ନ୍ତେ ଦେ॒ଵାଃ ପ॑ରାଜିଗ୍ଯା॒ନା ଅସୁ॑ରାଣାଂ॒-ଵୈଁଶ୍ଯ॒ମୁପା॑-ଽଽଯ॒-ନ୍ତେଭ୍ଯ॑ ଇନ୍ଦ୍ରି॒ଯଂ-ଵୀଁ॒ର୍ଯ॑ମପା᳚କ୍ରାମ॒-ତ୍ତଦିନ୍ଦ୍ରୋ॑-ଽଚାଯ॒-ତ୍ତଦନ୍ଵପା᳚କ୍ରାମ॒-ତ୍ତଦ॑ଵ॒ରୁଧ॒-ନ୍ନାଶ॑କ୍ନୋ॒-ତ୍ତଦ॑ସ୍ମାଦଭ୍ଯ॒ର୍ଧୋ॑ ଽଚର॒-ଥ୍ସ ପ୍ର॒ଜାପ॑ତି॒ମୁପା॑ଧାଵ॒-ତ୍ତମେ॒ତଯା॒ ସର୍ଵ॑ପୃଷ୍ଠଯା-ଽଯାଜଯ॒-ତ୍ତଯୈ॒ଵା-ଽସ୍ମି॑-ନ୍ନିନ୍ଦ୍ରି॒ଯଂ-ଵୀଁ॒ର୍ଯ॑-ମଦଧା॒ଦ୍ଯ ଇ॑ନ୍ଦ୍ରି॒ଯକା॑ମୋ [ଇ॑ନ୍ଦ୍ରି॒ଯକା॑ମଃ, ଵୀ॒ର୍ଯ॑କାମ॒-ସ୍ସ୍ଯାତ୍-] 29

ଵୀ॒ର୍ଯ॑କାମ॒-ସ୍ସ୍ଯା-ତ୍ତମେ॒ତଯା॒ ସର୍ଵ॑ପୃଷ୍ଠଯା ଯାଜଯେଦେ॒ତା ଏ॒ଵ ଦେ॒ଵତା॒-ସ୍ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ତା ଏ॒ଵାସ୍ମି॑-ନ୍ନିନ୍ଦ୍ରି॒ଯଂ-ଵୀଁ॒ର୍ଯ॑-ନ୍ଦଧତି॒ଯଦିନ୍ଦ୍ରା॑ଯ॒ ରାଥ॑ନ୍ତରାଯ ନି॒ର୍ଵପ॑ତି॒ ଯଦେ॒ଵାଗ୍ନେ-ସ୍ତେଜ॒ସ୍ତଦେ॒ଵାଵ॑ ରୁନ୍ଧେ॒ଯଦିନ୍ଦ୍ରା॑ଯ॒ ବାର୍ହ॑ତାଯ॒ ଯଦେ॒ଵେନ୍ଦ୍ର॑ସ୍ଯ॒ ତେଜ॒ସ୍ତଦେ॒ଵାଵ॑ ରୁନ୍ଧେ॒ ଯଦିନ୍ଦ୍ରା॑ଯ ଵୈରୂ॒ପାଯ॒ ଯଦେ॒ଵ ସ॑ଵି॒ତୁ-ସ୍ତେଜ॒ସ୍ତ- [ସ॑ଵି॒ତୁ-ସ୍ତେଜ॒ସ୍ତତ୍, ଏ॒ଵାଵ॑ ରୁନ୍ଧେ॒] 30

-ଦେ॒ଵାଵ॑ ରୁନ୍ଧେ॒ ଯଦିନ୍ଦ୍ରା॑ଯ ଵୈରା॒ଜାଯ॒ ଯଦେ॒ଵ ଧା॒ତୁ-ସ୍ତେଜ॒ସ୍ତ-ଦେ॒ଵାଵ॑ ରୁନ୍ଧେ॒ ଯଦିନ୍ଦ୍ରା॑ଯ ଶାକ୍ଵ॒ରାଯ॒ ଯଦେ॒ଵ ମ॒ରୁତା॒-ନ୍ତେଜ॒ସ୍ତ-ଦେ॒ଵାଵ॑ ରୁନ୍ଧେ॒ ଯଦିନ୍ଦ୍ରା॑ଯ ରୈଵ॒ତାଯ॒ ଯଦେ॒ଵ ବୃହ॒ସ୍ପତେ॒-ସ୍ତେଜ॒ସ୍ତ-ଦେ॒ଵା-ଽଵ॑ ରୁନ୍ଧ ଏ॒ତାଵ॑ନ୍ତି॒ ଵୈ ତେଜାଗ୍ଂ॑ସି॒ ତାନ୍ଯେ॒ଵାଵ॑ ରୁନ୍ଧ ଉତ୍ତା॒ନେଷୁ॑ କ॒ପାଲେ॒ଷ୍ଵଧି॑ ଶ୍ରଯ॒ତ୍ଯଯା॑ତଯାମତ୍ଵାଯ॒ ଦ୍ଵାଦ॑ଶକପାଲଃ ପୁରୋ॒ଡାଶୋ॑ [ପୁରୋ॒ଡାଶଃ॑, ଭ॒ଵ॒ତି॒ ଵୈ॒ଶ୍ଵ॒ଦେ॒ଵ॒ତ୍ଵାଯ॑] 31

ଭଵତି ଵୈଶ୍ଵଦେଵ॒ତ୍ଵାଯ॑ ସମ॒ନ୍ତ-ମ୍ପ॒ର୍ଯଵ॑ଦ୍ଯତି ସମ॒ନ୍ତ-ମେ॒ଵେନ୍ଦ୍ରି॒ଯଂ-ଵୀଁ॒ର୍ଯଂ॑-ଯଁଜ॑ମାନେ ଦଧାତି ଵ୍ଯ॒ତ୍ଯାସ॒-ମନ୍ଵା॒ହାନି॑ର୍ଦାହା॒ଯାଶ୍ଵ॑ ଋଷ॒ଭୋ ଵୃ॒ଷ୍ଣିର୍ବ॒ସ୍ତ-ସ୍ସା-ଦକ୍ଷି॑ଣା-ଵୃଷ॒ତ୍ଵାଯୈ॒ତଯୈ॒ଵ ଯ॑ଜେତା-ଽଭିଶ॒ସ୍ଯମା॑ନ ଏ॒ତାଶ୍ଚେଦ୍ଵା ଅ॑ସ୍ଯଦେ॒ଵତା॒ ଅନ୍ନ॑-ମ॒ଦନ୍ତ୍ଯ॒ଦନ୍ତ୍ଯୁ॑-ଵେ॒ଵା-ଽସ୍ଯ॑ ମନୁ॒ଷ୍ଯାଃ᳚ ॥ 32 ॥

(ଇ॒ନ୍ଦ୍ରି॒ଯ॒କା॑ମଃ-ସଵି॒ତୁସ୍ତେଜ॒ସ୍ତତ୍ - ପୁ॑ରୋ॒ଡାଶୋ॒ -ଽଷ୍ଟାତ୍ରିଗ୍ଂ॑ଶଚ୍ଚ) (ଅ. 7)

ରଜ॑ନୋ॒ ଵୈ କୌ॑ଣେ॒ଯଃ କ୍ର॑ତୁ॒ଜିତ॒-ଞ୍ଜାନ॑କି-ଞ୍ଚକ୍ଷୁ॒ର୍ଵନ୍ଯ॑ମଯା॒-ତ୍ତସ୍ମା॑ ଏ॒ତାମିଷ୍ଟି॒-ନ୍ନିର॑ଵପ-ଦ॒ଗ୍ନଯେ॒ ଭ୍ରାଜ॑ସ୍ଵତେ ପୁରୋ॒ଡାଶ॑-ମ॒ଷ୍ଟାକ॑ପାଲଗ୍ଂ ସୌ॒ର୍ଯ-ଞ୍ଚ॒ରୁମ॒ଗ୍ନଯେ॒ ଭ୍ରାଜ॑ସ୍ଵତେ ପୁରୋ॒ଡାଶ॑-ମ॒ଷ୍ଟାକ॑ପାଲ॒-ନ୍ତଯୈ॒ଵାସ୍ମି॒ନ୍ ଚକ୍ଷୁ॑ରଦଧା॒-ଦ୍ଯ-ଶ୍ଚକ୍ଷୁ॑କାମ॒-ସ୍ସ୍ଯା-ତ୍ତସ୍ମା॑ ଏ॒ତାମିଷ୍ଟି॒-ନ୍ନିର୍ଵ॑ପେ-ଦ॒ଗ୍ନଯେ॒ ଭ୍ରାଜ॑ସ୍ଵତେ ପୁରୋ॒ଡାଶ॑ମ॒ଷ୍ଟାକ॑ପାଲଗ୍ଂ ସୌ॒ର୍ଯ-ଞ୍ଚ॒ରୁମ॒ଗ୍ନଯେ॒ ଭ୍ରାଜ॑ସ୍ଵତେ ପୁରୋ॒ଡାଶ॑-ମ॒ଷ୍ଟାକ॑ପାଲମ॒ଗ୍ନେ ର୍ଵୈ ଚକ୍ଷୁ॑ଷା ମନୁ॒ଷ୍ଯା॑ ଵି- [ଚକ୍ଷୁ॑ଷା ମନୁ॒ଷ୍ଯା॑ ଵି, ପ॒ଶ୍ଯ॒ନ୍ତି॒ ସୂର୍ଯ॑ସ୍ଯ] 33

ପ॑ଶ୍ଯନ୍ତି॒ ସୂର୍ଯ॑ସ୍ଯ ଦେ॒ଵା ଅ॒ଗ୍ନି-ଞ୍ଚୈ॒ଵ ସୂର୍ଯ॑-ଞ୍ଚ॒ ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ତାଵେ॒ଵାସ୍ମି॒ନ୍ ଚକ୍ଷୁ॑-ର୍ଧତ୍ତ॒-ଶ୍ଚକ୍ଷୁ॑ଷ୍ମା-ନେ॒ଵ ଭ॑ଵତି॒ ଯଦା᳚ଗ୍ନେ॒ଯୌ ଭଵ॑ତ॒-ଶ୍ଚକ୍ଷୁ॑ଷୀ ଏ॒ଵାସ୍ମି॒-ନ୍ତ-ତ୍ପ୍ରତି॑ ଦଧାତି॒ ଯ-ଥ୍ସୌ॒ର୍ଯୋ ନାସି॑କା॒-ନ୍ତେନା॒ଭିତଃ॑ ସୌ॒ର୍ଯମା᳚ଗ୍ନେ॒ଯୌ ଭ॑ଵତ॒-ସ୍ତସ୍ମା॑-ଦ॒ଭିତୋ॒ ନାସି॑କା॒-ଞ୍ଚକ୍ଷୁ॑ଷୀ॒ ତସ୍ମା॒-ନ୍ନାସି॑କଯା॒ ଚକ୍ଷୁ॑ଷୀ॒ ଵିଧୃ॑ତେ ସମା॒ନୀ ଯା᳚ଜ୍ଯାନୁଵା॒କ୍ଯେ॑ ଭଵତ-ସ୍ସମା॒ନଗ୍ଂ ହି ଚକ୍ଷୁ॒-ସ୍ସମୃ॑ଦ୍ଧ୍ଯା॒ ଉଦୁ॒ତ୍ଯ-ଞ୍ଜା॒ତଵେ॑ଦସଗ୍ଂ ସ॒ପ୍ତ ତ୍ଵା॑ ହ॒ରିତୋ॒ ରଥେ॑ ଚି॒ତ୍ର-ନ୍ଦେ॒ଵାନା॒ମୁଦ॑ଗା॒ଦନୀ॑କ॒ମିତି॒ ପିଣ୍ଡା॒-ନ୍ପ୍ରଯ॑ଚ୍ଛତି॒ ଚକ୍ଷୁ॑-ରେ॒ଵାସ୍ମୈ॒ ପ୍ରଯ॑ଚ୍ଛତି॒ ଯଦେ॒ଵ ତସ୍ଯ॒ ତତ୍ ॥ 34 ॥

(ଵି - ହ୍ଯ॑ - ଷ୍ଟାଵିଗ୍ଂ॑ଶତିଶ୍ଚ) (ଅ. 8)

ଧ୍ରୁ॒ଵୋ॑-ଽସି ଧ୍ରୁ॒ଵୋ॑-ଽହଗ୍ଂ ସ॑ଜା॒ତେଷୁ॑ ଭୂଯାସ॒-ନ୍ଧୀର॒ଶ୍ଚେତ୍ତା॑ ଵସୁ॒ଵି-ଦ୍ଧ୍ରୁ॒ଵୋ॑-ଽସି ଧ୍ରୁ॒ଵୋ॑-ଽହଗ୍ଂ ସ॑ଜା॒ତେଷୁ॑ ଭୂଯାସ-ମୁ॒ଗ୍ରଶ୍ଚେତ୍ତା॑ ଵସୁ॒ଵି-ଦ୍ଧ୍ରୁ॒ଵୋ॑-ଽସି ଧ୍ରୁ॒ଵୋ॑-ଽହଗ୍ଂ ସ॑ଜା॒ତେଷୁ॑ ଭୂଯାସ-ମଭି॒ଭୂଶ୍ଚେତ୍ତା॑ ଵସୁ॒ଵି-ଦାମ॑ନ-ମ॒ସ୍ଯାମ॑ନସ୍ଯ ଦେଵା॒ ଯେ ସ॑ଜା॒ତାଃ କୁ॑ମା॒ରା-ସ୍ସମ॑ନସ॒ସ୍ତାନ॒ହ-ଙ୍କା॑ମଯେ ହୃ॒ଦା ତେ ମା-ଙ୍କା॑ମଯନ୍ତାଗ୍ଂ ହୃ॒ଦା ତା-ନ୍ମ॒ ଆମ॑ନସଃ କୃଧି॒ ସ୍ଵାହା ଽଽମ॑ନମ॒- [ସ୍ଵାହା ଽଽମ॑ନମ॒ସି, ଆମ॑ନସ୍ଯ] 35

-ସ୍ଯାମ॑ନସ୍ଯ ଦେଵା॒ ଯା-ସ୍ସ୍ତ୍ରିଯ॒-ସ୍ସମ॑ନସ॒ସ୍ତା ଅ॒ହ-ଙ୍କା॑ମଯେ ହୃ॒ଦା ତା ମା-ଙ୍କା॑ମଯନ୍ତାଗ୍ଂ ହୃ॒ଦା ତା ମ॒ ଆମ॑ନସଃ କୃଧି॒ ସ୍ଵାହା॑ ଵୈଶ୍ଵଦେ॒ଵୀଗ୍ଂ-ସା᳚ଙ୍ଗ୍ରହ॒ଣୀ-ନ୍ନିର୍ଵ॑ପେ॒ଦ୍ଗ୍ରାମ॑କାମୋ ଵୈଶ୍ଵଦେ॒ଵା ଵୈ ସ॑ଜା॒ତା ଵିଶ୍ଵା॑ନେ॒ଵ ଦେ॒ଵାନ୍ଥ୍ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ତ ଏ॒ଵାସ୍ମୈ॑ ସଜା॒ତା-ନ୍ପ୍ର ଯ॑ଚ୍ଛନ୍ତି ଗ୍ରା॒ମ୍ଯେ॑ଵ ଭ॑ଵତି ସାଙ୍ଗ୍ରହ॒ଣୀ ଭ॑ଵତି ମନୋ॒ଗ୍ରହ॑ଣଂ॒-ଵୈଁସ॒ଗ୍ରଂହ॑ଣ॒-ମ୍ମନ॑ ଏ॒ଵ ସ॑ଜା॒ତାନାଂ᳚- [ଏ॒ଵ ସ॑ଜା॒ତାନା᳚ମ୍, ଗୃ॒ହ୍ଣା॒ତି॒ ଧ୍ରୁ॒ଵୋ॑-ଽସି] 36

-ଗୃହ୍ଣାତି ଧ୍ରୁ॒ଵୋ॑-ଽସି ଧ୍ରୁ॒ଵୋ॑-ଽହଗ୍ଂ ସ॑ଜା॒ତେଷୁ॑ ଭୂଯାସ॒ମିତି॑ ପରି॒ଧୀ-ନ୍ପରି॑ ଦଧାତ୍ଯା॒ଶିଷ॑ମେ॒ଵୈତାମା ଶା॒ସ୍ତେ-ଽଥୋ॑ ଏ॒ତଦେ॒ଵ ସର୍ଵଗ୍ଂ॑ ସଜା॒ତେଷ୍ଵଧି॑ ଭଵତି॒ ଯସ୍ଯୈ॒ଵଂ-ଵିଁ॒ଦୁଷ॑ ଏ॒ତେ ପ॑ରି॒ଧଯଃ॑ ପରିଧୀ॒ଯନ୍ତ॒ ଆମ॑ ନମ॒ସ୍ଯାମ॑ନସ୍ଯ ଦେଵା॒ ଇତି॑ ତି॒ସ୍ର ଆହୁ॑ତୀ ର୍ଜୁହୋତ୍ଯେ॒ତାଵ॑ନ୍ତୋ॒ ଵୈ ସ॑ଜା॒ତା ଯେ ମ॒ହାନ୍ତୋ॒ ଯେ କ୍ଷୁ॑ଲ୍ଲ॒କା ଯା-ସ୍ସ୍ତ୍ରିଯ॒ସ୍ତାନେ॒ଵାଵ॑ ରୁନ୍ଧେ॒ ତ ଏ॑ନ॒ମଵ॑ରୁଦ୍ଧା॒ ଉପ॑ ତିଷ୍ଠନ୍ତେ ॥ 37 ॥

(ସ୍ଵାହା ଽଽମ॑ନମସି - ସଜା॒ତାନାଗ୍ଂ॑ - ରୁନ୍ଧେ॒ - ପଞ୍ଚ॑ ଚ ) (ଅ. 9)

ଯନ୍ନଵ॒-ମୈତ୍ତ-ନ୍ନଵ॑ନୀତ-ମଭଵ॒ଦ୍ଯ-ଦସ॑ର୍ପ॒-ତ୍ତ-ଥ୍ସ॒ର୍ପିର॑ଭଵ॒-ଦ୍ଯଦଦ୍ଧି॑ଯତ॒ ତ-ଦ୍ଘୃ॒ତମ॑ଭଵଦ॒ଶ୍ଵିନୋଃ᳚ ପ୍ରା॒ଣୋ॑-ଽସି॒ ତସ୍ଯ॑ ତେ ଦତ୍ତାଂ॒-ଯଁଯୋଃ᳚ ପ୍ରା॒ଣୋ-ଽସି॒ ସ୍ଵାହେନ୍ଦ୍ର॑ସ୍ଯ ପ୍ରା॒ଣୋ॑-ଽସି॒ ତସ୍ଯ॑ ତେ ଦଦାତୁ॒ ଯସ୍ଯ॑ ପ୍ରା॒ଣୋ-ଽସି॒ ସ୍ଵାହା॑ ମି॒ତ୍ରାଵରୁ॑ଣଯୋଃ ପ୍ରା॒ଣୋ॑-ଽସି॒ ତସ୍ଯ॑ ତେ ଦତ୍ତାଂ॒-ଯଁଯୋଃ᳚ ପ୍ରା॒ଣୋ-ଽସି॒ ସ୍ଵାହା॒ ଵିଶ୍ଵେ॑ଷା-ନ୍ଦେ॒ଵାନା᳚-ମ୍ପ୍ରା॒ଣୋ॑-ଽସି॒ [ଵିଶ୍ଵେ॑ଷା-ନ୍ଦେ॒ଵାନା᳚-ମ୍ପ୍ରା॒ଣୋ॑-ଽସି॒, ତସ୍ଯ॑ ତେ] 38

ତସ୍ଯ॑ ତେ ଦଦତୁ॒ ଯେଷା᳚-ମ୍ପ୍ରା॒ଣୋ-ଽସି॒ ସ୍ଵାହା॑ ଘୃ॒ତସ୍ଯ॒ ଧାରା॑ମ॒ମୃତ॑ସ୍ଯ॒ ପନ୍ଥା॒ମିନ୍ଦ୍ରେ॑ଣ ଦ॒ତ୍ତା-ମ୍ପ୍ରଯ॑ତା-ମ୍ମ॒ରୁଦ୍ଭିଃ॑ । ତ-ତ୍ତ୍ଵା॒ ଵିଷ୍ଣୁଃ॒ ପର୍ଯ॑ପଶ୍ଯ॒-ତ୍ତ-ତ୍ତ୍ଵେଡା॒ ଗଵ୍ଯୈର॑ଯତ୍ ॥ ପା॒ଵ॒ମା॒ନେନ॑ ତ୍ଵା॒ ସ୍ତୋମେ॑ନ ଗାଯ॒ତ୍ରସ୍ଯ॑ ଵର୍ତ॒ନ୍ଯୋପା॒ଗ୍ଂ॒ଶୋ ର୍ଵୀ॒ର୍ଯେ॑ଣ ଦେ॒ଵସ୍ତ୍ଵା॑ ସଵି॒ତୋ-ଥ୍ସୃ॑ଜତୁ ଜୀ॒ଵାତ॑ଵେ ଜୀଵନ॒ସ୍ଯାଯୈ॑ ବୃହ-ଦ୍ରଥନ୍ତ॒ରଯୋ᳚ସ୍ତ୍ଵା॒ ସ୍ତୋମେ॑ନ ତ୍ରି॒ଷ୍ଟୁଭୋ॑ ଵର୍ତ॒ନ୍ଯା ଶୁ॒କ୍ରସ୍ଯ॑ ଵୀ॒ର୍ଯେ॑ଣ ଦେ॒ଵସ୍ତ୍ଵା॑ ସଵି॒ତୋ- [ସଵି॒ତୋତ୍, ସୃ॒ଜ॒ତୁ॒ ଜୀ॒ଵାତ॑ଵେ] 39

-ଥ୍ସୃ॑ଜତୁ ଜୀ॒ଵାତ॑ଵେ ଜୀଵନ॒ସ୍ଯାଯା॑ ଅ॒ଗ୍ନେସ୍ତ୍ଵା॒ ମାତ୍ର॑ଯା॒ ଜଗ॑ତ୍ଯୈ ଵର୍ତ॒ନ୍ଯା-ଽଽଗ୍ର॑ଯ॒ଣସ୍ଯ॑ ଵୀ॒ର୍ଯେ॑ଣ ଦେ॒ଵସ୍ତ୍ଵା॑ ସଵି॒ତୋ-ଥ୍ସୃ॑ଜତୁ ଜୀ॒ଵାତ॑ଵେ ଜୀଵନ॒ସ୍ଯାଯା॑ ଇ॒ମମ॑ଗ୍ନ॒ ଆଯୁ॑ଷେ॒ ଵର୍ଚ॑ସେ କୃଧି ପ୍ରି॒ଯଗ୍ଂ ରେତୋ॑ ଵରୁଣ ସୋମ ରାଜନ୍ନ୍ । ମା॒ ତେଵା᳚ସ୍ମା ଅଦିତେ॒ ଶର୍ମ॑ ଯଚ୍ଛ॒ ଵିଶ୍ଵେ॑ ଦେଵା॒ ଜର॑ଦଷ୍ଟି॒ର୍ଯଥା-ଽସ॑ତ୍ ॥ ଅ॒ଗ୍ନିରାଯୁ॑ଷ୍ମା॒ନ୍-ଥ୍ସ ଵନ॒ସ୍ପତି॑ଭି॒-ରାଯୁ॑ଷ୍ମା॒-ନ୍ତେନ॒ ତ୍ଵା-ଽଽଯୁ॒ଷା-ଽଽଯୁ॑ଷ୍ମନ୍ତ-ଙ୍କରୋମି॒ ସୋମ॒ ଆଯୁ॑ଷ୍ମା॒ନ୍-ଥ୍ସ ଓଷ॑ଧୀଭି ର୍ଯ॒ଜ୍ଞ ଆଯୁ॑ଷ୍ମା॒ନ୍-ଥ୍ସ ଦକ୍ଷି॑ଣାଭି॒ ର୍ବ୍ରହ୍ମା-ଽଽଯୁ॑ଷ୍ମ॒-ତ୍ତ-ଦ୍ବ୍ରା᳚ହ୍ମ॒ଣୈରାଯୁ॑ଷ୍ମ-ଦ୍ଦେ॒ଵା ଆଯୁ॑ଷ୍ମନ୍ତ॒ସ୍ତେ॑-ଽମୃତେ॑ନ ପି॒ତର॒ ଆଯୁ॑ଷ୍ମନ୍ତ॒ସ୍ତେ ସ୍ଵ॒ଧଯା-ଽଽଯୁ॑ଷ୍ମନ୍ତ॒ସ୍ତେନ॒ ତ୍ଵା ଽଽଯୁ॒ଷା-ଽଽ ଯୁ॑ଷ୍ମନ୍ତ-ଙ୍କରୋମି ॥ 40 ॥

(ଵିଶ୍ଵେ॑ଷା-ନ୍ଦେ॒ଵାନା᳚-ମ୍ପ୍ରା॒ଣୋ॑-ଽସି - ତ୍ରି॒ଷ୍ଟୁଭୋ॑ ଵର୍ତ॒ନ୍ଯା ଶୁ॒କ୍ରସ୍ଯ॑ ଵୀ॒ର୍ଯେ॑ଣ ଦେ॒ଵସ୍ତ୍ଵା॑ ସଵି॒ତୋଥ୍ - ସୋମ॒ ଆଯୁ॑ଷ୍ମା॒ନ୍ - ପଞ୍ଚ॑ଵିଗ୍ଂଶତିଶ୍ଚ) (ଅ. 10)

ଅ॒ଗ୍ନିଂ-ଵାଁ ଏ॒ତସ୍ଯ॒ ଶରୀ॑ର-ଙ୍ଗଚ୍ଛତି॒ ସୋମ॒ଗ୍ଂ॒ ରସୋ॒ ଵରୁ॑ଣ ଏନଂ-ଵଁରୁଣପା॒ଶେନ॑ ଗୃହ୍ଣାତି॒ ସର॑ସ୍ଵତୀଂ॒-ଵାଁଗ॒ଗ୍ନାଵିଷ୍ଣୂ॑ ଆ॒ତ୍ମା ଯସ୍ଯ॒ ଜ୍ଯୋଗା॒ମଯ॑ତି॒ ଯୋ ଜ୍ଯୋଗା॑ମଯାଵୀ॒ ସ୍ଯାଦ୍ଯୋ ଵା॑ କା॒ମଯେ॑ତ॒ ସର୍ଵ॒ମାଯୁ॑ରିଯା॒ମିତି॒ ତସ୍ମା॑ ଏ॒ତାମିଷ୍ଟି॒-ନ୍ନିର୍ଵ॑ପେଦାଗ୍ନେ॒ଯ -ମ॒ଷ୍ଟାକ॑ପାଲଗ୍ଂ ସୌ॒ମ୍ଯ-ଞ୍ଚ॒ରୁଂ-ଵାଁ॑ରୁ॒ଣ-ନ୍ଦଶ॑କପାଲଗ୍ଂ ସାରସ୍ଵ॒ତ-ଞ୍ଚ॒ରୁମା᳚ଗ୍ନାଵୈଷ୍ଣ॒ଵ-ମେକା॑ଦଶକପାଲ-ମ॒ଗ୍ନେରେ॒ଵାସ୍ଯ॒ ଶରୀ॑ର-ନ୍ନିଷ୍କ୍ରୀ॒ଣାତି॒ ସୋମା॒ଦ୍ରସଂ॑- [ସୋମା॒ଦ୍ରସ᳚ମ୍, ଵା॒ରୁ॒ଣେନୈ॒ଵୈନଂ॑-] 41

-ଁଵାରୁ॒ଣେନୈ॒ଵୈନଂ॑-ଵଁରୁଣପା॒ଶା-ନ୍ମୁ॑ଞ୍ଚତି ସାରସ୍ଵ॒ତେନ॒ ଵାଚ॑-ନ୍ଦଧାତ୍ଯ॒ଗ୍ନି-ସ୍ସର୍ଵା॑ ଦେ॒ଵତା॒ ଵିଷ୍ଣୁ॑ର୍ଯ॒ଜ୍ଞୋ ଦେ॒ଵତା॑ଭିଶ୍ଚୈ॒ଵୈନଂ॑-ଯଁ॒ଜ୍ଞେନ॑ ଚ ଭିଷଜ୍ଯତ୍ଯୁ॒ତ ଯଦୀ॒ତାସୁ॒ ର୍ଭଵ॑ତି॒ ଜୀଵ॑ତ୍ଯେ॒ଵ ଯନ୍ନଵ॒-ମୈତ୍ତ-ନ୍ନଵ॑ନୀତ-ମଭଵ॒-ଦିତ୍ଯାଜ୍ଯ॒- ମଵେ᳚କ୍ଷତେ-ରୂ॒ପମେ॒ଵାସ୍ଯୈ॒-ତନ୍ମ॑ହି॒ମାନଂ॒-ଵ୍ଯାଁଚ॑ଷ୍ଟେ॒-ଽଶ୍ଵିନୋଃ᳚ ପ୍ରା॒ଣୋ॑-ଽସୀତ୍ଯା॑ହା॒ଶ୍ଵିନୌ॒ ଵୈ ଦେ॒ଵାନାଂ᳚- [ଦେ॒ଵାନା᳚ମ୍, ଭି॒ଷଜୌ॒] 42

-ଭି॒ଷଜୌ॒ ତାଭ୍ଯା॑ମେ॒ଵାସ୍ମୈ॑ ଭେଷ॒ଜ-ଙ୍କ॑ରୋ॒ତୀନ୍ଦ୍ର॑ସ୍ଯ ପ୍ରା॒ଣୋ॑ ଽସୀତ୍ଯା॑ହେନ୍ଦ୍ରି॒ଯ- ମେ॒ଵାସ୍ମି॑ନ୍ନେ॒ତେନ॑ ଦଧାତି ମି॒ତ୍ରାଵରୁ॑ଣଯୋଃ ପ୍ରା॒ଣୋ॑-ଽସୀତ୍ଯା॑ହ ପ୍ରାଣାପା॒ନାଵେ॒- ଵାସ୍ମି॑ନ୍ନେ॒ତେନ॑ ଦଧାତି॒ ଵିଶ୍ଵେ॑ଷା-ନ୍ଦେ॒ଵାନା᳚-ମ୍ପ୍ରା॒ଣୋ॑-ଽସୀତ୍ଯା॑ହ ଵୀ॒ର୍ଯ॑ମେ॒ଵାସ୍ମି॑ନ୍ନେ॒ତେନ॑ ଦଧାତି ଘୃ॒ତସ୍ଯ॒ ଧାରା॑ମ॒ମୃତ॑ସ୍ଯ॒ ପନ୍ଥା॒ମିତ୍ଯା॑ହ ଯଥାଯ॒ଜୁରେ॒ଵୈତ-ତ୍ପା॑ଵମା॒ନେନ॑ ତ୍ଵା॒ ସ୍ତୋମେ॒ନେ- [ସ୍ତୋମେ॒ନେତି, ଆ॒ହ॒ ପ୍ରା॒ଣମେ॒ଵାସ୍ମି॑-] 43

-ତ୍ଯା॑ହ ପ୍ରା॒ଣମେ॒ଵାସ୍ମି॑-ନ୍ନେ॒ତେନ॑ ଦଧାତି ବୃହ-ଦ୍ରଥନ୍ତ॒ରଯୋ᳚ସ୍ତ୍ଵା॒ ସ୍ତୋମେ॒ନେତ୍ଯା॒ହୌଜ॑ ଏ॒ଵାସ୍ମି॑ନ୍ନେ॒ତେନ॑ ଦଧାତ୍ଯ॒ଗ୍ନେସ୍ତ୍ଵା॒ ମାତ୍ର॒ଯେତ୍ଯା॑ହା॒-ଽଽତ୍ମାନ॑-ମେ॒ଵାସ୍ମି॑ନ୍ନେ॒ତେନ॑ ଦଧାତ୍ଯୃ॒ତ୍ଵିଜଃ॒ ପର୍ଯା॑ହୁ॒ର୍ଯାଵ॑ନ୍ତ ଏ॒ଵର୍ତ୍ଵିଜ॒ସ୍ତ ଏ॑ନ-ମ୍ଭିଷଜ୍ଯନ୍ତି ବ୍ର॒ହ୍ମଣୋ॒ ହସ୍ତ॑ମନ୍ଵା॒ରଭ୍ଯ॒ ପର୍ଯା॑ହୁରେକ॒ଧୈଵ ଯଜ॑ମାନ॒ ଆଯୁ॑ର୍ଦଧତି॒ ଯଦେ॒ଵ ତସ୍ଯ॒ ତଦ୍ଧିର॑ଣ୍ଯା- [ତଦ୍ଧିର॑ଣ୍ଯାତ୍, ଘୃ॒ତ-ନ୍ନିଷ୍ପି॑ବ॒ତ୍ଯାଯୁ॒ର୍ଵୈ] 44

-ଦ୍ଘୃ॒ତ-ନ୍ନିଷ୍ପି॑ବ॒ତ୍ଯାଯୁ॒ର୍ଵୈ ଘୃ॒ତମ॒ମୃତ॒ଗ୍ଂ॒ ହିର॑ଣ୍ଯମ॒ମୃତା॑ଦେ॒ଵା ଽଽଯୁ॒ର୍ନିଷ୍ପି॑ବତି ଶ॒ତମା॑ନ-ମ୍ଭଵତି ଶ॒ତାଯୁଃ॒ ପୁରୁ॑ଷ-ଶ୍ଶ॒ତେନ୍ଦ୍ରି॑ଯ॒ ଆଯୁ॑ଷ୍ଯେ॒ଵେନ୍ଦ୍ରି॒ଯେ ପ୍ରତି॑ତିଷ୍ଠ॒ତ୍ଯଥୋ॒ ଖଲୁ॒ ଯାଵ॑ତୀ॒-ସ୍ସମା॑ ଏ॒ଷ୍ଯ-ନ୍ମନ୍ଯେ॑ତ॒ ତାଵ॑ନ୍ମାନଗ୍ଗ୍ ସ୍ଯା॒-ଥ୍ସମୃ॑ଦ୍ଧ୍ଯା ଇ॒ମମ॑ଗ୍ନ॒ ଆଯୁ॑ଷେ॒ ଵର୍ଚ॑ସେ କୃ॒ଧୀତ୍ଯା॒ହା ଽଽଯୁ॑ରେ॒ଵାସ୍ମି॒ନ୍. ଵର୍ଚୋ॑ ଦଧାତି॒ ଵିଶ୍ଵେ॑ ଦେଵା॒ ଜର॑ଦଷ୍ଟି॒ର୍ଯଥା ଽସ॒ଦିତ୍ଯା॑ -ହ॒ ଜର॑ଦଷ୍ଟିମେ॒ଵୈନ॑-ଙ୍କରୋତ୍ଯ॒ଗ୍ନି-ରାଯୁ॑ଷ୍ମା॒ନିତି॒ ହସ୍ତ॑-ଙ୍ଗୃହ୍ଣାତ୍ଯେ॒ତେ ଵୈ ଦେ॒ଵା ଆଯୁ॑ଷ୍ମନ୍ତ॒ସ୍ତ ଏ॒ଵାସ୍ମି॒ନ୍ନାଯୁ॑ର୍ଦଧତି॒ ସର୍ଵ॒ମାଯୁ॑ରେତି ॥ 45 ॥

(ରସଂ॑-ଦେ॒ଵାନା॒ଗ୍॒-ସ୍ତୋମେ॒ନେତି॒-ହିର॑ଣ୍ଯା॒-ଦସ॒ଦିତି॒-ଦ୍ଵାଵିଗ୍ଂ॑ଶତିଶ୍ଚ) (ଅ. 11)

ପ୍ର॒ଜାପ॑ତି॒ ର୍ଵରୁ॑ଣା॒ଯାଶ୍ଵ॑ମନଯ॒-ଥ୍ସ ସ୍ଵା-ନ୍ଦେ॒ଵତା॑ମାର୍ଚ୍ଛ॒-ଥ୍ସ ପର୍ଯ॑ଦୀର୍ଯତ॒ ସ ଏ॒ତଂ-ଵାଁ॑ରୁ॒ଣ-ଞ୍ଚତୁ॑ଷ୍-କପାଲମପଶ୍ଯ॒-ତ୍ତ-ନ୍ନିର॑ଵପ॒-ତ୍ତତୋ॒ ଵୈ ସ ଵ॑ରୁଣ- ପା॒ଶାଦ॑ମୁଚ୍ଯତ॒ ଵରୁ॑ଣୋ॒ ଵା ଏ॒ତ-ଙ୍ଗୃ॑ହ୍ଣାତି॒ ଯୋ-ଽଶ୍ଵ॑-ମ୍ପ୍ରତିଗୃ॒ହ୍ଣାତି॒ ଯାଵ॒ତୋ-ଽଶ୍ଵା᳚-ନ୍ପ୍ରତିଗୃହ୍ଣୀ॒ଯା-ତ୍ତାଵ॑ତୋ ଵାରୁ॒ଣାନ୍ ଚତୁ॑ଷ୍କପାଲା॒-ନ୍ନିର୍ଵ॑ପେ॒-ଦ୍ଵରୁ॑ଣମେ॒ଵ ସ୍ଵେନ॑ ଭାଗ॒ଧେଯେ॒ନୋପ॑ ଧାଵତି॒ ସ ଏ॒ଵୈନଂ॑-ଵଁରୁଣପା॒ଶାନ୍ -ମୁ॑ଞ୍ଚତି॒ [ଵରୁଣପା॒ଶାନ୍ -ମୁ॑ଞ୍ଚତି, ଚତୁ॑ଷ୍କପାଲା] 46

ଚତୁ॑ଷ୍କପାଲା ଭଵନ୍ତି॒ ଚତୁ॑ଷ୍ପା॒ଦ୍ଧ୍ଯଶ୍ଵ॒-ସ୍ସମୃ॑ଦ୍ଧ୍ଯା॒ ଏକ॒ମତି॑ରିକ୍ତ॒-ନ୍ନିର୍ଵ॑ପେ॒-ଦ୍ଯମେ॒ଵ ପ୍ର॑ତିଗ୍ରା॒ହୀ ଭଵ॑ତି॒ ଯଂ-ଵାଁ॒ ନାଦ୍ଧ୍ଯେତି॒ ତସ୍ମା॑ଦେ॒ଵ ଵ॑ରୁଣପା॒ଶା-ନ୍ମୁ॑ଚ୍ଯତେ॒ ଯଦ୍ଯପ॑ର-ମ୍ପ୍ରତିଗ୍ରା॒ହୀ ସ୍ଯା-ଥ୍ସୌ॒ର୍ଯମେକ॑କପାଲ॒ମନୁ॒ ନିର୍ଵ॑ପେଦ॒ମୁମେ॒ଵା ଽଽଦି॒ତ୍ଯମୁ॑ଚ୍ଚା॒ର-ଙ୍କୁ॑ରୁତେ॒ ଽପୋ॑-ଽଵଭୃ॒ଥମଵୈ᳚ତ୍ଯ॒ଫ୍ସୁ ଵୈ ଵରୁ॑ଣ-ସ୍ସା॒କ୍ଷାଦେ॒ଵ ଵରୁ॑ଣ॒ମଵ॑ ଯଜତେ ଽପୋନ॒ପ୍ତ୍ରୀଯ॑-ଞ୍ଚ॒ରୁ-ମ୍ପୁନ॒ରେତ୍ଯ॒ ନିର୍ଵ॑ପେଦ॒ଫ୍ସୁ ଯୋ॑ନି॒ର୍ଵା ଅଶ୍ଵ॒-ସ୍ସ୍ଵାମେ॒ଵୈନଂ॒-ଯୋଁନି॑-ଙ୍ଗମଯତି॒ ସ ଏ॑ନଗ୍ଂ ଶା॒ନ୍ତ ଉପ॑ ତିଷ୍ଠତେ ॥ 47 ॥

(ମୁ॒ଞ୍ଚ॒ତି॒ - ଚ॒ରୁଗ୍ଂ - ସ॒ପ୍ତଦ॑ଶ ଚ) (ଅ. 12)

ଯା ଵା॑ମିନ୍ଦ୍ରାଵରୁଣା ଯତ॒ଵ୍ଯା॑ ତ॒ନୂସ୍ତଯେ॒ମମଗ୍ଂ ହ॑ସୋ ମୁଞ୍ଚତଂ॒-ଯାଁ ଵା॑ମିନ୍ଦ୍ରା ଵରୁଣା ସହ॒ସ୍ଯା॑ ରକ୍ଷ॒ସ୍ଯା॑ ତେଜ॒ସ୍ଯା॑ ତ॒ନୂସ୍ତଯେ॒ ମମଗ୍ଂ ହ॑ସୋ ମୁଞ୍ଚତଂ॒-ଯୋଁ ଵା॑ମିନ୍ଦ୍ରା ଵରୁଣା ଵ॒ଗ୍ନୌ ସ୍ରାମ॒ସ୍ତଂ-ଵାଁ॑ ମେ॒ ତେନା ଵ॑ଯଜେ॒ଯୋ ଵା॑ମିନ୍ଦ୍ରା ଵରୁଣା ଦ୍ଵି॒ପାଥ୍ସୁ॑ ପ॒ଶୁଷୁ॒ ଚତୁ॑ଷ୍ପାଥ୍ସୁ ଗୋ॒ଷ୍ଠେ ଗୃ॒ହେଷ୍ଵ॒ଫ୍ସ୍ଵୋଷ॑ଧୀଷୁ॒ ଵନ॒ସ୍ପତି॑ଷୁ॒ ସ୍ରାମ॒ସ୍ତଂ-ଵାଁ॑ ମେ॒ ତେନାଵ॑ ଯଜ॒ ଇନ୍ଦ୍ରୋ॒ ଵା ଏ॒ତସ୍ଯେ᳚- [ଏ॒ତସ୍ଯ॑, ଇ॒ନ୍ଦ୍ରି॒ଯେଣାପ॑ କ୍ରାମତି॒] 48

-ନ୍ଦ୍ରି॒ଯେଣାପ॑ କ୍ରାମତି॒ ଵରୁ॑ଣ ଏନଂ-ଵଁରୁଣପା॒ଶେନ॑ ଗୃହ୍ଣାତି॒ ଯଃ ପା॒ପ୍ମନା॑ ଗୃହୀ॒ତୋ ଭଵ॑ତି॒ ଯଃ ପା॒ପ୍ମନା॑ ଗୃହୀ॒ତ-ସ୍ସ୍ଯା-ତ୍ତସ୍ମା॑ ଏ॒ତାମୈ᳚ନ୍ଦ୍ରାଵରୁ॒ଣୀ-ମ୍ପ॑ଯ॒ସ୍ଯା᳚-ନ୍ନିର୍ଵ॑ପେ॒ଦିନ୍ଦ୍ର॑ ଏ॒ଵାସ୍ମି॑-ନ୍ନିନ୍ଦ୍ରି॒ଯ-ନ୍ଦ॑ଧାତି॒ ଵରୁ॑ଣ ଏନଂ ଁଵରୁଣପା॒ଶା-ନ୍ମୁ॑ଞ୍ଚତି ପଯ॒ସ୍ଯା॑ ଭଵତି॒ ପଯୋ॒ ହି ଵା ଏ॒ତସ୍ମା॑-ଦପ॒କ୍ରାମ॒ତ୍ଯଥୈ॒ଷ ପା॒ପ୍ମନା॑ ଗୃହୀ॒ତୋ ଯ-ତ୍ପ॑ଯ॒ସ୍ଯା॑ ଭଵ॑ତି॒ ପଯ॑ ଏ॒ଵାସ୍ମି॒-ନ୍ତଯା॑ ଦଧାତି ପଯ॒ସ୍ଯା॑ଯା- [ପଯ॒ସ୍ଯା॑ଯାମ୍, ପୁରୋ॒ଡାଶ॒ମଵ॑] 49

-ମ୍ପୁରୋ॒ଡାଶ॒ମଵ॑ ଦଧାତ୍ଯାତ୍ମ॒ନ୍ଵନ୍ତ॑-ମେ॒ଵୈନ॑-ଙ୍କରୋ॒ତ୍ଯଥୋ॑ ଆ॒ଯତ॑ନଵନ୍ତ-ମେ॒ଵ ଚ॑ତୁ॒ର୍ଧା ଵ୍ଯୂ॑ହତି ଦି॒କ୍ଷ୍ଵେ॑ଵ ପ୍ରତି॑ତିଷ୍ଠତି॒ ପୁନ॒-ସ୍ସମୂ॑ହତି ଦି॒ଗ୍ଭ୍ଯ ଏ॒ଵାସ୍ମୈ॑ ଭେଷ॒ଜ-ଙ୍କ॑ରୋତି ସ॒ମୂହ୍ଯାଵ॑ ଦ୍ଯତି॒ ଯଥା-ଽଽଵି॑ଦ୍ଧ-ନ୍ନିଷ୍କୃ॒ନ୍ତତି॑ ତା॒ଦୃଗେ॒ଵ ତଦ୍ଯୋ ଵା॑ମିନ୍ଦ୍ରା-ଵରୁଣାଵ॒ଗ୍ନୌ ସ୍ରାମ॒ସ୍ତଂ-ଵାଁ॑ମେ॒ତେନାଵ॑ ଯଜ॒ ଇତ୍ଯା॑ହ॒ ଦୁରି॑ଷ୍ଟ୍ଯା ଏ॒ଵୈନ॑-ମ୍ପାତି॒ ଯୋ ଵା॑ ମିନ୍ଦ୍ରା ଵରୁଣା ଦ୍ଵି॒ପାଥ୍ସୁ॑ ପ॒ଶୁଷୁ॒ ସ୍ରାମ॒ସ୍ତଂ-ଵାଁ॑ ମେ॒ ତେନାଵ॑ ଯଜ॒ ଇତ୍ଯା॑ହୈ॒ତାଵ॑ତୀ॒ର୍ଵା ଆପ॒ ଓଷ॑ଧଯୋ॒ ଵନ॒ସ୍ପତ॑ଯଃ ପ୍ର॒ଜାଃ ପ॒ଶଵ॑ ଉପଜୀଵ॒ନୀଯା॒ସ୍ତା ଏ॒ଵାସ୍ମୈ॑ ଵରୁଣପା॒ଶା-ନ୍ମୁ॑ଞ୍ଚତି ॥ 50 ॥

(ଏ॒ତସ୍ଯ॑ - ପଯ॒ସ୍ଯା॑ଯାଂ - ପାତି॒ - ଷଡ୍ଵିଗ୍ଂ॑ଶତିଶ୍ଚ ) (ଅ. 13)

ସ ପ୍ର॑ତ୍ନ॒ଵନ୍ନି କାଵ୍ଯେନ୍ଦ୍ରଂ॑-ଵୋଁ ଵି॒ଶ୍ଵତ॒-ସ୍ପରୀନ୍ଦ୍ର॒-ନ୍ନରଃ॑ ॥ ତ୍ଵ-ନ୍ନଃ॑ ସୋମ ଵି॒ଶ୍ଵତୋ॒ ରକ୍ଷା॑ ରାଜନ୍ନଘାଯ॒ତଃ । ନ ରି॑ଷ୍ଯେ॒-ତ୍ତ୍ଵାଵ॑ତ॒-ସ୍ସଖାଃ᳚ ॥ ଯା ତେ॒ ଧାମା॑ନି ଦି॒ଵି ଯା ପୃ॑ଥି॒ଵ୍ଯାଂ-ଯାଁ ପର୍ଵ॑ତେ॒ଷ୍ଵୋଷ॑ଧୀଷ୍ଵ॒ଫ୍ସୁ ॥ ତେଭି॑ର୍ନୋ॒ ଵିଶ୍ଵୈ᳚-ସ୍ସୁ॒ମନା॒ ଅହେ॑ଡ॒-ନ୍ରାଜନ୍᳚-ଥ୍ସୋମ॒ ପ୍ରତି॑ ହ॒ଵ୍ଯା ଗୃ॑ଭାଯ ॥ ଅଗ୍ନୀ॑ଷୋମା॒ ସଵେ॑ଦସା॒ ସହୂ॑ତୀ ଵନତ॒-ଙ୍ଗିରଃ॑ । ସ-ନ୍ଦେ॑ଵ॒ତ୍ରା ବ॑ଭୂଵଥୁଃ ॥ ଯୁ॒ଵ- [ଯୁ॒ଵମ୍, ଏ॒ତାନି॑ ଦି॒ଵି ରୋ॑ଚ॒ନାନ୍ଯ॒ଗ୍ନିଶ୍ଚ॑] 51

-ମେ॒ତାନି॑ ଦି॒ଵି ରୋ॑ଚ॒ନାନ୍ଯ॒ଗ୍ନିଶ୍ଚ॑ ସୋମ॒ ସକ୍ର॑ତୂ ଅଧତ୍ତମ୍ ॥ ଯୁ॒ଵଗ୍ଂ ସିନ୍ଧୂଗ୍ଂ॑ ର॒ଭିଶ॑ସ୍ତେରଵ॒ଦ୍ଯା-ଦଗ୍ନୀ॑ଷୋମା॒-ଵମୁ॑ଞ୍ଚତ-ଙ୍ଗୃଭୀ॒ତାନ୍ ॥ ଅଗ୍ନୀ॑ଷୋମାଵି॒ମଗ୍ଂ ସୁ ମେ॑ ଶୃଣୁ॒ତଂ-ଵୃଁ॑ଷଣା॒ ହଵ᳚ମ୍ । ପ୍ରତି॑ ସୂ॒କ୍ତାନି॑ ହର୍ଯତ॒-ମ୍ଭଵ॑ତ-ନ୍ଦା॒ଶୁଷେ॒ ମଯଃ॑ ॥ ଆ-ଽନ୍ଯ-ନ୍ଦି॒ଵୋ ମା॑ତ॒ରିଶ୍ଵା॑ ଜଭା॒ରା-ଽମ॑ଥ୍ନାଦ॒ନ୍ଯ-ମ୍ପରି॑ ଶ୍ଯେ॒ନୋ ଅଦ୍ରେଃ᳚ । ଅଗ୍ନୀ॑ଷୋମା॒ ବ୍ରହ୍ମ॑ଣା ଵାଵୃଧା॒ନୋରୁଂ-ଯଁ॒ଜ୍ଞାଯ॑ ଚକ୍ରଥୁରୁ ଲୋ॒କମ୍ ॥ ଅଗ୍ନୀ॑ଷୋମା ହ॒ଵିଷଃ॒ ପ୍ରସ୍ଥି॑ତସ୍ଯ ଵୀ॒ତଗ୍ଂ [ଵୀ॒ତମ୍, ହର୍ଯ॑ତଂ-ଵୃଁଷଣା ଜୁ॒ଷେଥା᳚ମ୍ ।] 52

ହର୍ଯ॑ତଂ-ଵୃଁଷଣା ଜୁ॒ଷେଥା᳚ମ୍ । ସୁ॒ଶର୍ମା॑ଣା॒ ସ୍ଵଵ॑ସା॒ ହି ଭୂ॒ତମଥା॑ ଧତ୍ତଂ॒-ଯଁଜ॑ମାନାଯ॒ ଶଂ-ଯୋଃ ଁ॥ ଆପ୍ଯା॑ଯସ୍ଵ॒, ସ-ନ୍ତେ᳚ ॥ ଗ॒ଣାନା᳚-ନ୍ତ୍ଵା ଗ॒ଣପ॑ତିଗ୍ଂ ହଵାମହେ କ॒ଵି-ଙ୍କ॑ଵୀ॒ନା-ମୁ॑ପ॒ମଶ୍ର॑ଵସ୍ତମମ୍ । ଜ୍ଯେ॒ଷ୍ଠ॒ରାଜ॒-ମ୍ବ୍ରହ୍ମ॑ଣା-ମ୍ବ୍ରହ୍ମଣସ୍ପତ॒ ଆ ନଃ॑ ଶୃ॒ଣ୍ଵନ୍ନୂ॒ତିଭିଃ॑ ସୀଦ॒ ସାଦ॑ନମ୍ । ସ ଇଜ୍ଜନେ॑ନ॒ ସ ଵି॒ଶା ସ ଜନ୍ମ॑ନା॒ ସ ପୁ॒ତ୍ରୈର୍ଵାଜ॑-ମ୍ଭରତେ॒ ଧନା॒ ନୃଭିଃ॑ । ଦେ॒ଵାନାଂ॒-ଯଃ ଁପି॒ତର॑-ମା॒ଵିଵା॑ସତି [ ] 53

ଶ୍ର॒ଦ୍ଧାମ॑ନା ହ॒ଵିଷା॒ ବ୍ରହ୍ମ॑ଣ॒ସ୍ପତି᳚ମ୍ ॥ ସ ସୁ॒ଷ୍ଟୁଭା॒ ସ ଋକ୍ଵ॑ତା ଗ॒ଣେନ॑ ଵ॒ଲଗ୍ଂ ରୁ॑ରୋଜ ଫଲି॒ଗଗ୍ଂ ରଵେ॑ଣ । ବୃହ॒ସ୍ପତି॑-ରୁ॒ସ୍ତ୍ରିଯା॑ ହଵ୍ଯ॒ସୂଦଃ॒ କନି॑କ୍ରଦ॒ଦ୍- ଵାଵ॑ଶତୀ॒ରୁଦା॑ଜତ୍ ॥ ମରୁ॑ତୋ॒ ଯଦ୍ଧ॑ ଵୋ ଦି॒ଵୋ, ଯା ଵ॒-ଶ୍ଶର୍ମ॑ ॥ ଅ॒ର୍ଯ॒ମା ଽଽଯା॑ତି ଵୃଷ॒ଭସ୍ତୁଵି॑ଷ୍ମା-ନ୍ଦା॒ତା ଵସୂ॑ନା-ମ୍ପୁରୁହୂ॒ତୋ ଅର୍ହନ୍ନ୍॑ । ସ॒ହ॒ସ୍ରା॒କ୍ଷୋ ଗୋ᳚ତ୍ର॒ଭି-ଦ୍ଵଜ୍ର॑ବାହୁର॒ସ୍ମାସୁ॑ ଦେ॒ଵୋ ଦ୍ରଵି॑ଣ-ନ୍ଦଧାତୁ ॥ ଯେ ତେ᳚-ଽର୍ଯମ-ନ୍ବ॒ହଵୋ॑ ଦେଵ॒ଯାନାଃ॒ ପନ୍ଥା॑ନୋ [ପନ୍ଥା॑ନଃ, ରା॒ଜ॒-ନ୍ଦି॒ଵ ଆ॒ଚର॑ନ୍ତି ।] 54

ରାଜ-ନ୍ଦି॒ଵ ଆ॒ଚର॑ନ୍ତି । ତେଭି॑ର୍ନୋ ଦେଵ॒ ମହି॒ ଶର୍ମ॑ ଯଚ୍ଛ॒ ଶ-ନ୍ନ॑ ଏଧି ଦ୍ଵି॒ପଦେ॒ ଶ-ଞ୍ଚତୁ॑ଷ୍ପଦେ ॥ ବୁ॒ଦ୍ଧ୍ନାଦଗ୍ର॒-ମଙ୍ଗି॑ରୋଭି-ର୍ଗୃଣା॒ନୋ ଵି ପର୍ଵ॑ତସ୍ଯ ଦୃଗ୍ଂହି॒ତାନ୍ଯୈ॑ରତ୍ । ରୁ॒ଜ-ଦ୍ରୋଧାଗ୍ଂ॑ସି-କୃ॒ତ୍ରିମା᳚ଣ୍ଯେଷା॒ଗ୍ଂ॒-ସୋମ॑ସ୍ଯ॒ ତା-ମଦ॒ ଇନ୍ଦ୍ର॑-ଶ୍ଚକାର ॥ ବୁ॒ଦ୍ଧ୍ନା-ଦଗ୍ରେ॑ଣ॒ ଵି ମି॑ମାଯ॒ ମାନୈ॒-ର୍ଵଜ୍ରେ॑ଣ॒ ଖାନ୍ଯ॑ତୃଣ-ନ୍ନ॒ଦୀନା᳚ମ୍ । ଵୃଥା॑ ଽସୃଜ-ତ୍ପ॒ଥିଭି॑ ର୍ଦୀର୍ଘଯା॒ଥୈ-ସ୍ସୋମ॑ସ୍ଯ॒ ତା ମଦ॒ ଇନ୍ଦ୍ର॑ଶ୍ଚକାର । ॥ 55 ॥

ପ୍ର ଯୋ ଜ॒ଜ୍ଞେ ଵି॒ଦ୍ଵାଗ୍ଂ ଅ॒ସ୍ଯ ବନ୍ଧୁଂ॒-ଵିଁଶ୍ଵା॑ନି ଦେ॒ଵୋ ଜନି॑ମା ଵିଵକ୍ତି । ବ୍ରହ୍ମ॒ ବ୍ରହ୍ମ॑ଣ॒ ଉଜ୍ଜ॑ଭାର॒ ମଦ୍ଧ୍ଯା᳚ନ୍ନୀ॒ଚାଦୁ॒ଚ୍ଚା ସ୍ଵ॒ଧଯା॒-ଽଭି ପ୍ରତ॑ସ୍ଥୌ ॥ ମ॒ହା-ନ୍ମ॒ହୀ ଅ॑ସ୍ତଭାଯ॒ଦ୍ଵି ଜା॒ତୋ ଦ୍ଯାଗ୍ଂ ସଦ୍ମ॒ ପାର୍ଥି॑ଵ-ଞ୍ଚ॒ ରଜଃ॑ । ସ ବୁ॒ଦ୍ଧ୍ନାଦା᳚ଷ୍ଟ ଜ॒ନୁଷା॒-ଽଭ୍ଯଗ୍ର॒-ମ୍ବୃହ॒ସ୍ପତି॑ ର୍ଦେ॒ଵତା॒ଯସ୍ଯ॑ ସ॒ମ୍ରାଟ୍ ॥ ବୁ॒ଦ୍ଧ୍ନାଦ୍ଯୋ ଅଗ୍ର॑ମ॒ଭ୍ଯର୍ତ୍ଯୋଜ॑ସା॒ ବୃହ॒ସ୍ପତି॒ମା ଵି॑ଵାସନ୍ତି ଦେ॒ଵାଃ । ଭି॒ନଦ୍ଵ॒ଲଂ-ଵିଁ ପୁରୋ॑ ଦର୍ଦରୀତି॒ କନି॑କ୍ରଦ॒-ଥ୍ସୁଵ॑ର॒ପୋ ଜି॑ଗାଯ ॥ 56 ॥

(ଯୁ॒ଵଂ - ଁଵୀ॒ତମା॒ - ଵିଵା॑ସତି॒ - ପନ୍ଥା॑ନୋ - ଦୀର୍ଘଯା॒ଥୈ-ସ୍ସୋମ॑ସ୍ଯ॒ ତା ମଦ॒ ଇନ୍ଦ୍ର॑ଶ୍ଚକାର - ଦେ॒ଵା - ନଵ॑ ଚ) (ଅ. 14)

(ଆ॒ଦି॒ତ୍ଯେଭ୍ଯୋ॑ - ଦେ॒ଵା ଵୈ ମୃ॒ତ୍ଯୋ - ର୍ଦେ॒ଵା ଵୈ - ସ॒ତ୍ରମ॑ - ର୍ଯ॒ମ୍ଣେ -ପ୍ର॒ଜାପ॑ତେ॒ସ୍ତ୍ରଯ॑ସ୍ତ୍ରିଗ୍ଂଶତ୍ - ପ୍ର॒ଜାପ॑ତି ର୍ଦେ॒ଵେଭ୍ଯୋ॒-ଽନ୍ନାଦ୍ଯଂ॑ -ଦେଵାସୁ॒ରାସ୍ତାନ୍ - ରଜ॑ନୋ - ଧ୍ରୁ॒ଵୋ॑-ଽସି॒ - ଯନ୍ନଵ॑ - ମ॒ଗ୍ନିଂ-ଵୈଁ - ପ୍ର॒ଜାପ॑ତି॒ ର୍ଵରୁ॑ଣାଯ॒ - ଯା ଵା॑ମିନ୍ଦ୍ରା ଵରୁଣା॒ - ସ ପ୍ର॑ତ୍ନ॒ଵ -ଚ୍ଚତୁ॑ର୍ଦଶ)

(ଆ॒ଦି॒ତ୍ଯେଭ୍ଯ॒ - ସ୍ତ୍ଵଷ୍ଟୁ॑ - ରସ୍ମୈ॒ ଦାନ॑କାମା - ଏ॒ଵାଵ॑ ରୁନ୍ଧେ॒ - ଽଗ୍ନିଂ-ଵୈଁ - ସ ପ୍ର॑ତ୍ନ॒ଵଥ୍ - ଷଟ୍ପ॑ଞ୍ଚା॒ଶତ୍ )

(ଆ॒ଦି॒ତ୍ଯେଭ୍ଯଃ॒ - ସୁଵ॑ର॒ପୋ ଜି॑ଗାଯ )

॥ ହରିଃ॑ ଓମ୍ ॥

॥ କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ସଂହିତାଯା-ନ୍ଦ୍ଵିତୀଯକାଣ୍ଡେ ତୃତୀଯଃ ପ୍ରଶ୍ନ-ସ୍ସମାପ୍ତଃ ॥

Roman (IAST) Transliteration

kṛṣṇa yajurvedīya taittirīya saṃhitāyā-ndvitīyakāṇḍe tṛtīyaḥ praśnaḥ - iṣṭividhānaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

ā॒di॒tyebhyo॒ bhuva̭dvadbhyaśca॒ru-nnirva̭pe॒-dbhūti̭kāma ādi॒tyā vā e॒ta-mbhūtyai॒ prati̭ nudante॒ yo-'la॒-mbhūtyai॒ sa-nbhūti॒-nna prā॒pnotyā̭di॒tyāne॒va bhuva̭dvata॒-ssvena̭ bhāga॒dheye॒nopa̭ dhāvati॒ ta e॒vaina॒-mbhūti̭-ṅgamayanti॒ bhava̭tye॒vā ''di॒tyebhyo̭ dhā॒raya̭dva-dbhyaśca॒ru-nnirva̭pe॒-dapa̭ruddho vā-'paru॒ddhyamā̭no vā-''di॒tyā vā a̭paro॒ddhāra̭ ādi॒tyā a̭vagamayi॒tāra̭ ādi॒tyāne॒va dhā॒raya̭dvata॒- [dhā॒raya̭dvataḥ, svena̭] 1

-ssvena̭ bhāga॒dheye॒nopa̭ dhāvati॒ ta e॒vainaṃ̭-vi~॒śi dā᳚ddhratyanaparu॒ddhyo bha̭va॒tyadi॒te-'nṷ manya॒sve-tya̭paru॒ddhyamā̭no-'sya pa॒damā da̭dīte॒yaṃ-vā~ adi̭tiri॒yame॒vāsmai̭ rā॒jyamanṷ manyate sa॒tyā-''śīrityā̭ha sa॒tyāme॒vā-''śiṣa̭-ṅkuruta i॒ha mana॒ ityā̭ha pra॒jā e॒vāsmai॒ sama̭nasaḥ karo॒tyupa॒ preta̭ maruta- [preta̭ marutaḥ, su॒dā॒na॒va॒ e॒nā] 2

-ssudānava e॒nā vi॒śpati̭nā॒-'bhya̭mugṃ rājā̭na॒mityā̭ha māru॒tī vai vi-ḍjye॒ṣṭho vi॒śpati̭-rvi॒śaivainagṃ̭ rā॒ṣṭreṇa॒ sama̭rdhayati॒ yaḥ pa॒rastā᳚-dgrāmyavā॒dī syā-ttasya̭ gṛ॒hā-dvrī॒hīnā ha̭recchu॒klāgśca̭ kṛ॒ṣṇāgśca॒ vi ci̭nuyā॒dye śu॒klā-ssyustamā̭di॒tya-ñca॒ru-nnirva̭pedādi॒tyā vai de॒vata̭yā॒ viḍviśa̭me॒vā-'va̭ gaccha॒- [gacchati, ava̭gatā-'sya॒] 3

-tyava̭gatā-'sya॒ viḍana̭vagatagṃ rā॒ṣṭra-mityā̭hu॒rye kṛ॒ṣṇā-ssyustaṃ-vā~̭ru॒ṇa-ñca॒ru-nnirva̭pe-dvāru॒ṇaṃ-vai~ rā॒ṣṭramu॒bhe e॒va viśa̭-ñca rā॒ṣṭra-ñcāva̭ gacchati॒ yadi॒ nāva॒gacchḙdi॒ma-ma॒hamā̭di॒tyebhyo̭ bhā॒ga-nnirva̭pā॒myā 'muṣmā̭-da॒muṣyai̭ vi॒śo-'va̭ganto॒-riti॒ nirva̭pe-dādi॒tyā e॒vaina̭-mbhāga॒dheya̭-mpre॒phsanto॒ viśa॒mava̭ [viśa॒mava̭, ga॒ma॒ya॒nti॒ yadi॒] 4

gamayanti॒ yadi॒ nāva॒gacche॒dāśva̭tthā-nma॒yūkhā᳚n-thsa॒pta ma̭ddhyame॒ṣāyā॒mupa̭- hanyādi॒dama॒ha-mā̭di॒tyā-nba̭dhnā॒myā 'muṣmā̭da॒muṣyai̭ vi॒śo-'va̭ganto॒rityā̭di॒tyā e॒vaina̭-mba॒ddhavī̭rā॒ viśa॒mava̭ gamayanti॒ yadi॒ nā-'va॒gacchḙ-de॒ta-me॒vā-''di॒tya-ñca॒ru-nnirva̭pe-di॒ddhme-'pi̭ ma॒yūkhā॒n-thsa-nna̭hye-danaparu॒ddhya-me॒vāva̭ gaccha॒tyāśva̭tthā bhavantima॒rutāṃ॒-vā~ e॒ta -dojo॒ yada̭śva॒ttha oja̭sai॒va viśa॒mava̭ gacchati sa॒pta bha̭vanti sa॒pta ga̭ṇā॒ vai ma॒ruto̭ gaṇa॒śa e॒va viśa॒mava̭ gacchati | 5

(dhā॒raya̭dvato - maruto - gacchati॒ - viśa॒mavai॒ - ta - da॒ṣṭāda̭śa ca) (a. 1)

de॒vā vai mṛ॒tyo-ra̭bibhayu॒ste pra॒jāpa̭ti॒-mupā̭dhāva॒-ntebhya̭ e॒tā-mprā̭jāpa॒tyāgṃ śa॒takṛ̭ṣṇalā॒-nnira̭vapa॒-ttayai॒vaiṣva॒mṛta̭-madadhā॒dyo mṛ॒tyo-rbi̭bhī॒yā-ttasmā̭ e॒tā-mprā̭jāpa॒tyāgṃ śa॒takṛ̭ṣṇalā॒-nnirva̭pe-tpra॒jāpa̭ti-me॒va svena̭ bhāga॒dheye॒nopa̭ dhāvati॒ sa e॒vā-'smi॒-nnāyṷ-rdadhāti॒ sarva॒māyṷreti śa॒takṛ̭ṣṇalā bhavati śa॒tāyuḥ॒ purṷṣa॒-śśa॒tendri̭ya॒ āyṷṣye॒vendri॒ye [ ] 6

prati̭ tiṣṭhati ghṛ॒te bha̭va॒tyāyu॒rvai ghṛ॒ta-ma॒mṛta॒gṃ॒ hira̭ṇya॒-māyṷścai॒vāsmā̭ a॒mṛta̭-ñca sa॒mīcī̭ dadhāti ca॒tvāri̭ catvāri kṛ॒ṣṇalā॒nyava̭ dyati caturava॒-ttasyā-''ptyā̭ eka॒dhā bra॒hmaṇa॒ upa̭ haratyeka॒dhaiva yaja̭māna॒ āyṷrdadhātya॒- sāvā̭di॒tyo na vya̭rocata॒ tasmai̭ de॒vāḥ prāya̭ścitti-maiccha॒-ntasmā̭ e॒tagṃ sau॒rya-ñca॒ru-nnira̭vapa॒-ntenai॒vā-'smi॒- [-tenai॒vā-'sminṋ, ruca̭-madadhu॒ryo] 7

-nruca̭-madadhu॒ryo bra̭hmavarca॒sakā̭ma॒-ssyā-ttasmā̭ e॒tagṃ sau॒rya-ñca॒ru-nnirva̭pe-da॒mu-me॒vā-''di॒tyagg svena̭ bhāga॒dheye॒nopa̭ dhāvati॒ sa e॒vāsmi̭-nbrahmavarca॒sa-nda̭dhāti brahmavarca॒syḙva bha̭vatyubha॒yato̭ ru॒kmau bha̭vata ubha॒yata̭ e॒vāsmi॒-nruca̭-ndadhāti prayā॒je pra̭yāje kṛ॒ṣṇala̭-ñjuhoti di॒gbhya e॒vāsmai᳚ brahmavarca॒samava̭ rundha āgne॒ya-ma॒ṣṭāka̭pāla॒-nnirva̭pe-thsāvi॒tra-ndvāda̭śakapāla॒-mbhūmyai̭ [-bhūmyai᳚, ca॒ruṃ-yaḥ ~kā॒mayḙta॒] 8

ca॒ruṃ-yaḥ ~kā॒mayḙta॒ hira̭ṇyaṃ-vi~ndeya॒ hira̭ṇya॒-mmopa̭ name॒diti॒ yadā᳚gne॒yo bhava̭tyāgne॒yaṃ-vai~ hira̭ṇyaṃ॒-ya~syai॒va hira̭ṇya॒-ntenai॒vaina̭-dvindate sāvi॒tro bha̭vati savi॒tṛpra̭sūta e॒vaina̭-dvindate॒ bhūmyai̭ ca॒rurbha̭vatya॒syāme॒vaina̭-dvindata॒ upai̭na॒gṃ॒ hira̭ṇya-nnamati॒ vi vā e॒ṣa i̭ndri॒yeṇa̭ vī॒ryḙṇardhyate॒ yo hira̭ṇyaṃ-vi~॒ndata̭ e॒tā- [e॒tām, e॒va] 9

-me॒va nirva̭pe॒ddhira̭ṇyaṃ-vi~॒ttvā nendri॒yeṇa̭ vī॒ryḙṇa॒ vyṛ̭ddhyata e॒tāme॒va nirva̭pe॒dyasya॒ hira̭ṇya॒-nnaśye॒dyadā᳚gne॒yo bhava̭tyāgne॒yaṃ-vai~ hira̭ṇyaṃ॒-ya~syai॒ va hira̭ṇya॒-ntenai॒vaina̭-dvindati sāvi॒tro bha̭vati savi॒tṛ-pra̭sūta e॒vaina̭-dvindati॒ bhūmyai̭ ca॒rurbha̭vatya॒syāṃ-vā~ e॒tanna̭śyati॒ yannaśya̭tya॒syāme॒vaina̭-dvinda॒tīndra॒- [dvinda॒tīndraḥ̭, tvaṣṭu॒-ssoma̭] 10

-stvaṣṭu॒-ssoma̭-mabhī॒ṣahā̭-' piba॒-thsa viṣvaṃ॒-vyā~᳚rccha॒-thsa i̭ndri॒yeṇa̭ somapī॒thena॒ vyā᳚rdhyata॒ sa yadū॒rdhvamu॒dava̭mī॒-tte śyā॒mākā̭ abhava॒nthsa pra॒jāpa̭ti॒mupā̭dhāva॒-ttasmā̭ e॒tagṃ so̭me॒ndragg śyā̭mā॒ka-ñca॒ru-nnira̭vapa॒-ttenai॒vāsmi̭nnindri॒yagṃ so̭mapī॒thama̭dadhā॒dvi vā e॒ṣa i̭ndri॒yeṇa̭ soma॒pīthena̭rdhyate॒ ya-ssomaṃ॒-va~mi̭ti॒ ya-sso̭mavā॒mī syā-ttasmā̭ [syā-ttasmai᳚, e॒tagṃ] 11

e॒tagṃ so̭me॒ndragg śyā̭mā॒ka-ñca॒ru-nnirva̭pe॒-thsoma̭-ñcai॒vendra̭-ñca॒ svena̭ bhāga॒dheye॒nopa̭ dhāvati॒ tāve॒vāsmi̭nnindri॒yagṃ so̭mapī॒tha-ndha̭tto॒ nendri॒yeṇa̭ somapī॒thena॒ vyṛ̭ddhyate॒ ya-thsau॒myo bhava̭ti somapī॒thame॒vāva̭ rundhe॒ yadai॒ndro bhava̭tīndri॒yaṃ-vai~ so̭mapī॒tha i̭ndri॒yame॒va so̭mapī॒thamava̭ rundhe śyāmā॒ko bha̭vatye॒ṣa vāva sa soma̭- [sa somaḥ̭, sā॒kṣāde॒va] 12

-ssā॒kṣāde॒va so̭mapī॒thamava̭ rundhe॒ 'gnayḙ dā॒tre pṷro॒ḍāśa̭ma॒ṣṭāka̭pāla॒-nnirva̭pe॒dindrā̭ya pradā॒tre pṷro॒ḍāśa॒mekā̭daśakapāla-mpa॒śukā̭mo॒-'gnire॒vāsmai̭ pa॒śū-npra̭ja॒naya̭ti vṛ॒ddhānindraḥ॒ pra ya̭cchati॒ dadhi॒ madhṷ ghṛ॒tamāpo̭ dhā॒nā bha̭vantye॒tadvai pa̭śū॒nāgṃ rū॒pagṃ rū॒peṇai॒va pa॒śūnava̭ rundhe pañca-gṛhī॒ta-mbha̭vati॒ pāṅktā॒ hi pa॒śavo̭ bahu rū॒pa-mbha̭vati bahu rū॒pā hi pa॒śava॒- [pa॒śavaḥ̭, samṛ̭ddhyai] 13

-ssamṛ̭ddhyai prājāpa॒tya-mbha̭vati prājāpa॒tyā vai pa॒śavaḥ̭ pra॒jāpa̭tire॒vāsmai̭ pa॒śū-npraja̭nayatyā॒tmā vai purṷṣasya॒ madhu॒ yanmaddhva॒gnau ju॒hotyā॒tmāna̭me॒va ta-dyaja̭māno॒-'gnau prada̭dhāti pa॒ṅktyaṷ yājyānuvā॒kyḙ bhavataḥ॒ pāṅktaḥ॒ purṷṣaḥ॒ pāṅktāḥ᳚ pa॒śava̭ ā॒tmāna̭me॒va mṛ॒tyorni॒ṣkrīya̭pa॒śūnava̭ rundhe || 14 ||

(i॒ndri॒ye᳚ - 'smi॒n - bhūmyā̭ - e॒tā - mindraḥ॒ - syā-ttasmai॒ - somo̭ - bahu rū॒pā hi pa॒śava॒ - eka̭catvārigṃśacca ) (a. 2)

de॒vā vai sa॒tramā̭sa॒ta-rdhi̭parimitaṃ॒-ya~śa̭skāmā॒steṣā॒gṃ॒ soma॒gṃ॒ rājā̭naṃ॒-ya~śa̭ ārccha॒-thsa gi॒rimudai॒-ttama॒gniranūdai॒-ttāva॒gnīṣomau॒ sama̭bhavatā॒-ntāvindro̭ ya॒jñavi̭bhra॒ṣṭo-'nu॒ parai॒-ttāva̭bravīdyā॒jaya̭ta॒-mmeti॒ tasmā̭ e॒tāmiṣṭi॒-nnira̭vapatāmāgne॒ya-ma॒ṣṭāka̭pālamai॒ndra-mekā̭daśakapālagṃ sau॒mya-ñca॒ru-ntayai॒vā-'smi॒-nteja̭ [tayai॒vā-'smi॒-ntejaḥ̭, i॒ndri॒ya-mbra̭hmavarca॒sa-] 15

indri॒ya-mbra̭hmavarca॒sa-ma̭dhattāṃ॒-yo~ ya॒jñavi̭bhraṣṭa॒-ssyā-ttasmā̭ e॒tāmiṣṭi॒-nnirva̭pedāgne॒ya-ma॒ṣṭāka̭pālamai॒ndra-mekā̭daśakapālagṃ sau॒mya-ñca॒ruṃ-ya~dā᳚gne॒yo bhava̭ti॒ teja̭ e॒vāsmi॒-ntena̭ dadhāti॒ yadai॒ndro bhava̭tīndri॒yame॒vāsmi॒-ntena̭ dadhāti॒ ya-thsau॒myo bra̭hmavarca॒sa-ntenā᳚ ''gne॒yasya̭ ca sau॒myasya̭ cai॒ndre sa॒māślḙṣaye॒-tteja̭ścai॒vāsmi̭-nbrahmavarca॒sa-ñca̭ sa॒mīcī̭ [sa॒mīcī᳚, da॒dhā॒tya॒gnī॒ṣo॒mīya॒-] 16

dadhātyagnīṣo॒mīya॒-mekā̭daśakapāla॒-nnirva̭pe॒dya-ṅkāmo॒ nopa॒namḙdāgne॒yo vai brā᳚hma॒ṇa-ssa soma̭-mpibati॒ svāme॒va de॒vatā॒g॒ svena̭ bhāga॒dheye॒nopa̭ dhāvati॒ saivaina॒-ṅkāmḙna॒ sama̭rdhaya॒tyupai̭na॒-ṅkāmo̭ namatyagnīṣo॒mīya̭-ma॒ṣṭāka̭pāla॒-nnirva̭pe-dbrahmavarca॒sakā̭mo॒-'gnīṣomā̭ ve॒va svena̭ bhāga॒dheye॒nopa̭ dhāvati॒ tāve॒vāsmi̭-nbrahmavarca॒sa-ndha̭tto brahmavarca॒syḙva [brahmavarca॒syḙva, bha॒va॒ti॒ yada॒ṣṭāka̭pāla॒-] 17

bha̭vati॒ yada॒ṣṭāka̭pāla॒-stenā᳚-''gne॒yo yacchyā̭mā॒kastena̭ sau॒mya-ssamṛ̭ddhyai॒ somā̭ya vā॒jine᳚ śyāmā॒ka-ñca॒ru-nnirva̭pe॒dyaḥ klaibyā᳚dbibhī॒yā-dreto॒ hi vā e॒tasmā॒-dvāji̭namapa॒krāma॒tyathai॒ṣa klaibyā᳚dbibhāya॒ soma̭me॒va vā॒jina॒gg॒ svena̭ bhāga॒dheye॒nopa̭ dhāvati॒ sa e॒vāsmi॒-nreto॒ vāji̭na-ndadhāti॒ na klī॒bo bha̭vatibrāhmaṇaspa॒tya-mekā̭daśakapāla॒-nnirva̭pe॒-dgrāma̭kāmo॒ [-nirva̭pe॒-dgrāma̭kāmaḥ, brahma̭ṇa॒spati̭me॒va] 18

brahma̭ṇa॒spati̭me॒va svena̭ bhāga॒dheye॒nopa̭ dhāvati॒ sa e॒vāsmai̭ sajā॒tā-npra ya̭cchati grā॒myḙva bha̭vati ga॒ṇava̭tī yājyānuvā॒kyḙ bhavata-ssajā॒taire॒vaina̭-ṅga॒ṇava̭nta-ṅkarotye॒tāme॒va nirva̭pe॒dyaḥ kā॒mayḙta॒ brahma॒n viśaṃ॒-vi~ nā̭śayeya॒miti̭ māru॒tī yā᳚jyānuvā॒kyḙ kuryā॒-dbrahma̭nne॒va viśaṃ॒-vi~ nā̭śayati || 19

(tejaḥ̭ - sa॒mīcī᳚ - brahmavarca॒syḙva - grāma̭kāma॒ - strica̭tvārigṃśacca ) (a. 3)

a॒rya॒mṇe ca॒ru-nnirva̭pa-thsuva॒rgakā̭mo॒-'sau vā ā̭di॒tyo᳚-'rya॒mā-'rya॒maṇa̭me॒va svena̭ bhāga॒dheye॒nopa̭ dhāvati॒ sa e॒vainagṃ̭ suva॒rgaṃ-lo~॒ka-ṅga̭mayatyarya॒mṇe ca॒ru-nnirva̭pe॒dyaḥ kā॒mayḙta॒ dāna̭kāmā me pra॒jā-ssyu॒ritya॒sau vā ā̭di॒tyo᳚-'rya॒mā yaḥ khalu॒ vai dadā̭ti॒ so᳚-'rya॒mā-'rya॒maṇa̭me॒va svena̭ bhāga॒dheye॒nopa̭ dhāvati॒ sa e॒vā- [sa e॒va, a॒smai॒ dāna̭kāmāḥ] 20

-'smai॒ dāna̭kāmāḥ pra॒jāḥ ka̭roti॒ dāna̭kāmā asmai pra॒jā bha̭vantyarya॒mṇe ca॒ru-nnirva̭pe॒dyaḥ kā॒mayḙta sva॒sti ja॒natā̭miyā॒mitya॒sau vā ā̭di॒tyo᳚-'rya॒mā- 'rya॒maṇa̭me॒va svena̭ bhāga॒dheye॒nopa̭ dhāvati॒ sa e॒vaina॒-nta-dga̭mayati॒ yatra॒ jiga̭miṣa॒tīndro॒ vai de॒vānā̭mānujāva॒ra ā̭sī॒-thsa pra॒jāpa̭ti॒ -mupā̭dhāva॒-ttasmā̭ e॒tamai॒ndramā̭nuṣū॒ka-mekā̭daśakapāla॒-nni- [-mekā̭daśakapāla॒-nniḥ, a॒va॒pa॒-ttenai॒vaina॒magraṃ̭-] 21

-ra̭vapa॒-ttenai॒vaina॒-magra̭-nde॒vatā̭nā॒-mparya̭ṇaya-dbu॒ddhnava̭tī॒ agra̭vatī yājyānuvā॒kyḙ akaro-dbu॒ddhnā-de॒vaina॒magra॒-mparya̭ṇaya॒dyo rā̭ja॒nya̭ ānujāva॒ra-ssyā-ttasmā̭ e॒tamai॒ndra-mā̭nuṣū॒ka-mekā̭daśakapāla॒-nnirva̭pe॒-dindra̭me॒va svena̭ bhāga॒dheye॒nopa̭ dhāvati॒ sa e॒vaina॒-magragṃ̭ samā॒nānā॒-mpari̭ṇayati bu॒ddhnava̭tī॒ agra̭vatī yājyānuvā॒kyḙ bhavato bu॒ddhnā-de॒vaina॒-magra॒m- [bu॒ddhnā-de॒vaina॒-magra᳚m, pari̭] 22

-pari̭ ṇayatyānuṣū॒ko bha̭vatye॒ṣā hyḙtasya̭ de॒vatā॒ ya ā̭nujāva॒ra-ssamṛ̭ddhyai॒ yo brā᳚hma॒ṇa ā̭nujāva॒ra-ssyā-ttasmā̭ e॒ta-mbā̭rhaspa॒tya-mā̭nuṣū॒ka-ñca॒ru-nnirva̭pe॒-dbṛha॒spati̭-me॒va svena̭ bhāga॒dheye॒nopa̭ dhāvati॒ sa e॒vaina॒magragṃ̭ samā॒nānā॒-mpari̭ṇayati bu॒ddhnava̭tī॒ agra̭vatī yājyānuvā॒kyḙ bhavato bu॒ddhnā-de॒vaina॒-magra॒-mpari̭ ṇayatyānuṣū॒ko bha̭vatye॒ṣā hyḙtasya̭ de॒vatā॒ ya ā̭nujāva॒ra-ssamṛ̭ddhyai || 23 ||

(e॒va - nira - gra̭-me॒tasya̭ - ca॒tvāri̭ ca) (a. 4)

pra॒jāpa̭te॒-straya̭strigṃśa-dduhi॒tara̭ āsa॒-ntā-ssomā̭ya॒ rājñḙ-'dadā॒-ttāsāgṃ̭ rohi॒ṇīmupai॒-ttā īrṣya̭ntīḥ॒ puna̭ragaccha॒-ntā anvai॒-ttāḥ puna̭rayācata॒ tā a̭smai॒ na puna̭radadā॒-thso᳚-'bravī-dṛ॒ta-ma̭mīṣva॒ yathā̭ samāva॒ccha ṷpai॒ṣyāmyatha̭ te॒ puna̭-rdāsyā॒mīti॒ sa ṛ॒tamā̭mī॒-ttā a̭smai॒ puna̭radadā॒-ttāsāgṃ̭ rohi॒ṇīme॒vopa॒- [rohi॒ṇīme॒vopa̭, ai॒ttaṃ-ya~kṣma̭] 24

-ttaṃ-ya~kṣma̭ ārccha॒-drājā̭naṃ॒-ya~kṣma̭ āra॒diti॒ tadrā̭jaya॒kṣmasya॒ janma॒ ya-tpāpī̭yā॒nabha̭va॒-tta-tpā̭paya॒kṣmasya॒ yajjā॒yābhyo-'vi̭nda॒-ttajjā॒yenya̭sya॒ya e॒vame॒teṣāṃ॒-ya~kṣmā̭ṇā॒-ñjanma॒ veda॒ naina̭me॒te yakṣmā̭ vindanti॒sa e॒tā e॒va na̭ma॒sya-nnupā̭-'dhāva॒-ttā a̭bruva॒n. varaṃ̭-vṛ~ṇāmahai samāva॒ccha e॒va na॒ upā̭ya॒ iti॒ tasmā̭ e॒ta- [tasmā̭ e॒tam, ā̭di॒tya-ñca॒ruṃ] 25

-mā̭di॒tya-ñca॒ru-nnira̭vapa॒-ntenai॒vaina̭-mpā॒pā-thsrāmā̭damuñca॒n. yaḥ pā̭paya॒kṣmagṛ̭hīta॒-ssyā-ttasmā̭ e॒tamā̭di॒tya-ñca॒ru-nnirva̭pedādi॒tyāne॒va svena̭ bhāga॒dheye॒nopa̭ dhāvati॒ ta e॒vaina̭-mpā॒pā-thsrāmā᳚nmuñcantya-māvā॒syā̭yā॒-nnirva̭pe-da॒mume॒vaina-̭mā॒pyāya̭māna॒-manvā pyā̭yayati॒ navo̭navo bhavati॒ jāya̭māna॒ iti̭ puro-'nuvā॒kyā̭ bhava॒tyāyṷre॒vāsmi॒-ntayā̭ dadhāti॒ yamā̭di॒tyā a॒gṃ॒śumā᳚pyā॒yaya॒ntīti̭ yā॒jyaivaina̭me॒tayā᳚ pyāyayati || 26 ||

(e॒vopai॒ -ta- ma̭smi॒n - trayo̭daśaca) (a. 5)

pra॒jāpa̭ti rde॒vebhyo॒-'nnādyaṃ॒-vyā~di̭śa॒-thso᳚-'bravī॒dyadi॒mān ~lo॒kā-na॒bhya̭ti॒ricyā̭tai॒ tanmamā̭sa॒diti॒ tadi॒mān ~lo॒kā-na॒bhyatya̭ricya॒tendra॒gṃ॒ rājā̭na॒-mindra̭-madhirā॒ja-mindragg̭ sva॒rājā̭na॒-ntato॒ vai sa i॒mān ~lo॒kāg stre॒dhā-'dṷha॒-tta-ttri॒dhāto᳚-stridhātu॒tvaṃ-ya~-ṅkā॒mayḙtānnā॒da-ssyā॒diti॒ tasmā̭ e॒ta-ntri॒dhātu॒-nnirva̭pe॒dindrā̭ya॒ rājñḙ puro॒ḍāśa॒- [puro॒ḍāśa᳚m, ekā̭daśakapāla॒-] 27

-mekā̭daśakapāla॒-mindrā̭yā-dhirā॒jāyendrā̭ya sva॒rājñe॒-'yaṃ-vā~ indro॒ rājā॒-'yamindro̭-'dhirā॒jo̭-'sāvindraḥ̭ sva॒rāḍi॒māne॒va lo॒kān-thsvena̭ bhāga॒dheye॒nopa̭ dhāvati॒ ta e॒vāsmā॒ anna॒-mpraya̭cchantyannā॒da e॒va bha̭vati॒ yathā̭ va॒thsena॒ prattā॒-ṅgā-ndu॒ha e॒vame॒vemān ~lo॒kā-nprattā॒n kāma̭ma॒nnādya̭-nduha uttā॒neṣṷ ka॒pāle॒ṣvadhi̭ śraya॒tyayā̭tayāmatvāya॒ trayaḥ̭ puro॒ḍāśā̭ bhavanti॒ traya̭ i॒me lo॒kā e॒ṣāṃ-lo~॒kānā॒māptyā॒ utta̭rauttaro॒ jyāyā᳚-nbhavatye॒vami̭va॒ hīme lo॒kā-ssamṛ̭ddhyai॒ sarvḙṣāmabhi-ga॒maya॒nnava̭ dya॒tyacha̭mbaṭkāraṃ-vya~॒tyāsa॒manvā॒hāni̭rdāhāya || 28 ||

(pu॒ro॒ḍāśaṃ॒ - trayaḥ॒ - ṣaḍvigṃ̭śatiśca) (a. 6)

de॒vā॒su॒rā-ssaṃya~̭ttā āsa॒-ntā-nde॒vānasṷrā ajaya॒-nte de॒vāḥ pa̭rājigyā॒nā asṷrāṇāṃ॒-vai~śya॒mupā̭-''ya॒-ntebhya̭ indri॒yaṃ-vī~॒rya̭mapā᳚krāma॒-ttadindro̭-'cāya॒-ttadanvapā᳚krāma॒-ttada̭va॒rudha॒-nnāśa̭kno॒-ttada̭smādabhya॒rdho̭ 'cara॒-thsa pra॒jāpa̭ti॒mupā̭dhāva॒-ttame॒tayā॒ sarva̭pṛṣṭhayā-'yājaya॒-ttayai॒vā-'smi̭-nnindri॒yaṃ-vī~॒rya̭-madadhā॒dya i̭ndri॒yakā̭mo [i̭ndri॒yakā̭maḥ, vī॒rya̭kāma॒-ssyāt-] 29

vī॒rya̭kāma॒-ssyā-ttame॒tayā॒ sarva̭pṛṣṭhayā yājayede॒tā e॒va de॒vatā॒-ssvena̭ bhāga॒dheye॒nopa̭ dhāvati॒ tā e॒vāsmi̭-nnindri॒yaṃ-vī~॒rya̭-ndadhati॒yadindrā̭ya॒ rātha̭ntarāya ni॒rvapa̭ti॒ yade॒vāgne-steja॒stade॒vāva̭ rundhe॒yadindrā̭ya॒ bārha̭tāya॒ yade॒vendra̭sya॒ teja॒stade॒vāva̭ rundhe॒ yadindrā̭ya vairū॒pāya॒ yade॒va sa̭vi॒tu-steja॒sta- [sa̭vi॒tu-steja॒stat, e॒vāva̭ rundhe॒] 30

-de॒vāva̭ rundhe॒ yadindrā̭ya vairā॒jāya॒ yade॒va dhā॒tu-steja॒sta-de॒vāva̭ rundhe॒ yadindrā̭ya śākva॒rāya॒ yade॒va ma॒rutā॒-nteja॒sta-de॒vāva̭ rundhe॒ yadindrā̭ya raiva॒tāya॒ yade॒va bṛha॒spate॒-steja॒sta-de॒vā-'va̭ rundha e॒tāva̭nti॒ vai tejāgṃ̭si॒ tānye॒vāva̭ rundha uttā॒neṣṷ ka॒pāle॒ṣvadhi̭ śraya॒tyayā̭tayāmatvāya॒ dvāda̭śakapālaḥ puro॒ḍāśo̭ [puro॒ḍāśaḥ̭, bha॒va॒ti॒ vai॒śva॒de॒va॒tvāya̭] 31

bhavati vaiśvadeva॒tvāya̭ sama॒nta-mpa॒ryava̭dyati sama॒nta-me॒vendri॒yaṃ-vī~॒ryaṃ̭-ya~ja̭māne dadhāti vya॒tyāsa॒-manvā॒hāni̭rdāhā॒yāśva̭ ṛṣa॒bho vṛ॒ṣṇirba॒sta-ssā-dakṣi̭ṇā-vṛṣa॒tvāyai॒tayai॒va ya̭jetā-'bhiśa॒syamā̭na e॒tāścedvā a̭syade॒vatā॒ anna̭-ma॒dantya॒dantyṷ-ve॒vā-'sya̭ manu॒ṣyāḥ᳚ || 32 ||

(i॒ndri॒ya॒kā̭maḥ-savi॒tusteja॒stat - pṷro॒ḍāśo॒ -'ṣṭātrigṃ̭śacca) (a. 7)

raja̭no॒ vai kaṷṇe॒yaḥ kra̭tu॒jita॒-ñjāna̭ki-ñcakṣu॒rvanya̭mayā॒-ttasmā̭ e॒tāmiṣṭi॒-nnira̭vapa-da॒gnaye॒ bhrāja̭svate puro॒ḍāśa̭-ma॒ṣṭāka̭pālagṃ sau॒rya-ñca॒ruma॒gnaye॒ bhrāja̭svate puro॒ḍāśa̭-ma॒ṣṭāka̭pāla॒-ntayai॒vāsmi॒n cakṣṷradadhā॒-dya-ścakṣṷkāma॒-ssyā-ttasmā̭ e॒tāmiṣṭi॒-nnirva̭pe-da॒gnaye॒ bhrāja̭svate puro॒ḍāśa̭ma॒ṣṭāka̭pālagṃ sau॒rya-ñca॒ruma॒gnaye॒ bhrāja̭svate puro॒ḍāśa̭-ma॒ṣṭāka̭pālama॒gne rvai cakṣṷṣā manu॒ṣyā̭ vi- [cakṣṷṣā manu॒ṣyā̭ vi, pa॒śya॒nti॒ sūrya̭sya] 33

pa̭śyanti॒ sūrya̭sya de॒vā a॒gni-ñcai॒va sūrya̭-ñca॒ svena̭ bhāga॒dheye॒nopa̭ dhāvati॒ tāve॒vāsmi॒n cakṣṷ-rdhatta॒-ścakṣṷṣmā-ne॒va bha̭vati॒ yadā᳚gne॒yau bhava̭ta॒-ścakṣṷṣī e॒vāsmi॒-nta-tprati̭ dadhāti॒ ya-thsau॒ryo nāsi̭kā॒-ntenā॒bhitaḥ̭ sau॒ryamā᳚gne॒yau bha̭vata॒-stasmā̭-da॒bhito॒ nāsi̭kā॒-ñcakṣṷṣī॒ tasmā॒-nnāsi̭kayā॒ cakṣṷṣī॒ vidhṛ̭te samā॒nī yā᳚jyānuvā॒kyḙ bhavata-ssamā॒nagṃ hi cakṣu॒-ssamṛ̭ddhyā॒ udu॒tya-ñjā॒tavḙdasagṃ sa॒pta tvā̭ ha॒rito॒ rathḙ ci॒tra-nde॒vānā॒muda̭gā॒danī̭ka॒miti॒ piṇḍā॒-npraya̭cchati॒ cakṣṷ-re॒vāsmai॒ praya̭cchati॒ yade॒va tasya॒ tat || 34 ||

(vi - hya̭ - ṣṭāvigṃ̭śatiśca) (a. 8)

dhru॒vo̭-'si dhru॒vo̭-'hagṃ sa̭jā॒teṣṷ bhūyāsa॒-ndhīra॒ścettā̭ vasu॒vi-ddhru॒vo̭-'si dhru॒vo̭-'hagṃ sa̭jā॒teṣṷ bhūyāsa-mu॒graścettā̭ vasu॒vi-ddhru॒vo̭-'si dhru॒vo̭-'hagṃ sa̭jā॒teṣṷ bhūyāsa-mabhi॒bhūścettā̭ vasu॒vi-dāma̭na-ma॒syāma̭nasya devā॒ ye sa̭jā॒tāḥ kṷmā॒rā-ssama̭nasa॒stāna॒ha-ṅkā̭maye hṛ॒dā te mā-ṅkā̭mayantāgṃ hṛ॒dā tā-nma॒ āma̭nasaḥ kṛdhi॒ svāhā ''ma̭nama॒- [svāhā ''ma̭nama॒si, āma̭nasya] 35

-syāma̭nasya devā॒ yā-sstriya॒-ssama̭nasa॒stā a॒ha-ṅkā̭maye hṛ॒dā tā mā-ṅkā̭mayantāgṃ hṛ॒dā tā ma॒ āma̭nasaḥ kṛdhi॒ svāhā̭ vaiśvade॒vīgṃ-sā᳚ṅgraha॒ṇī-nnirva̭pe॒dgrāma̭kāmo vaiśvade॒vā vai sa̭jā॒tā viśvā̭ne॒va de॒vānthsvena̭ bhāga॒dheye॒nopa̭ dhāvati॒ ta e॒vāsmai̭ sajā॒tā-npra ya̭cchanti grā॒myḙva bha̭vati sāṅgraha॒ṇī bha̭vati mano॒graha̭ṇaṃ॒-vai~sa॒graṃha̭ṇa॒-mmana̭ e॒va sa̭jā॒tānāṃ᳚- [e॒va sa̭jā॒tānā᳚m, gṛ॒hṇā॒ti॒ dhru॒vo̭-'si] 36

-gṛhṇāti dhru॒vo̭-'si dhru॒vo̭-'hagṃ sa̭jā॒teṣṷ bhūyāsa॒miti̭ pari॒dhī-npari̭ dadhātyā॒śiṣa̭me॒vaitāmā śā॒ste-'tho̭ e॒tade॒va sarvagṃ̭ sajā॒teṣvadhi̭ bhavati॒ yasyai॒vaṃ-vi~॒duṣa̭ e॒te pa̭ri॒dhayaḥ̭ paridhī॒yanta॒ āma̭ nama॒syāma̭nasya devā॒ iti̭ ti॒sra āhṷtī rjuhotye॒tāva̭nto॒ vai sa̭jā॒tā ye ma॒hānto॒ ye kṣṷlla॒kā yā-sstriya॒stāne॒vāva̭ rundhe॒ ta ḙna॒mava̭ruddhā॒ upa̭ tiṣṭhante || 37 ||

(svāhā ''ma̭namasi - sajā॒tānāgṃ̭ - rundhe॒ - pañca̭ ca ) (a. 9)

yannava॒-maitta-nnava̭nīta-mabhava॒dya-dasa̭rpa॒-tta-thsa॒rpira̭bhava॒-dyadaddhi̭yata॒ ta-dghṛ॒tama̭bhavada॒śvinoḥ᳚ prā॒ṇo̭-'si॒ tasya̭ te dattāṃ॒-ya~yoḥ᳚ prā॒ṇo-'si॒ svāhendra̭sya prā॒ṇo̭-'si॒ tasya̭ te dadātu॒ yasya̭ prā॒ṇo-'si॒ svāhā̭ mi॒trāvarṷṇayoḥ prā॒ṇo̭-'si॒ tasya̭ te dattāṃ॒-ya~yoḥ᳚ prā॒ṇo-'si॒ svāhā॒ viśvḙṣā-nde॒vānā᳚-mprā॒ṇo̭-'si॒ [viśvḙṣā-nde॒vānā᳚-mprā॒ṇo̭-'si॒, tasya̭ te] 38

tasya̭ te dadatu॒ yeṣā᳚-mprā॒ṇo-'si॒ svāhā̭ ghṛ॒tasya॒ dhārā̭ma॒mṛta̭sya॒ panthā॒mindrḙṇa da॒ttā-mpraya̭tā-mma॒rudbhiḥ̭ | ta-ttvā॒ viṣṇuḥ॒ parya̭paśya॒-tta-ttveḍā॒ gavyaira̭yat || pā॒va॒mā॒nena̭ tvā॒ stomḙna gāya॒trasya̭ varta॒nyopā॒gṃ॒śo rvī॒ryḙṇa de॒vastvā̭ savi॒to-thsṛ̭jatu jī॒vāta̭ve jīvana॒syāyai̭ bṛha-drathanta॒rayo᳚stvā॒ stomḙna tri॒ṣṭubho̭ varta॒nyā śu॒krasya̭ vī॒ryḙṇa de॒vastvā̭ savi॒to- [savi॒tot, sṛ॒ja॒tu॒ jī॒vāta̭ve] 39

-thsṛ̭jatu jī॒vāta̭ve jīvana॒syāyā̭ a॒gnestvā॒ mātra̭yā॒ jaga̭tyai varta॒nyā-''gra̭ya॒ṇasya̭ vī॒ryḙṇa de॒vastvā̭ savi॒to-thsṛ̭jatu jī॒vāta̭ve jīvana॒syāyā̭ i॒mama̭gna॒ āyṷṣe॒ varca̭se kṛdhi pri॒yagṃ reto̭ varuṇa soma rājann | mā॒ tevā᳚smā adite॒ śarma̭ yaccha॒ viśvḙ devā॒ jara̭daṣṭi॒ryathā-'sa̭t || a॒gnirāyṷṣmā॒n-thsa vana॒spati̭bhi॒-rāyṷṣmā॒-ntena॒ tvā-''yu॒ṣā-''yṷṣmanta-ṅkaromi॒ soma॒ āyṷṣmā॒n-thsa oṣa̭dhībhi rya॒jña āyṷṣmā॒n-thsa dakṣi̭ṇābhi॒ rbrahmā-''yṷṣma॒-tta-dbrā᳚hma॒ṇairāyṷṣma-dde॒vā āyṷṣmanta॒stḙ-'mṛtḙna pi॒tara॒ āyṷṣmanta॒ste sva॒dhayā-''yṷṣmanta॒stena॒ tvā ''yu॒ṣā-'' yṷṣmanta-ṅkaromi || 40 ||

(viśvḙṣā-nde॒vānā᳚-mprā॒ṇo̭-'si - tri॒ṣṭubho̭ varta॒nyā śu॒krasya̭ vī॒ryḙṇa de॒vastvā̭ savi॒toth - soma॒ āyṷṣmā॒n - pañca̭vigṃśatiśca) (a. 10)

a॒gniṃ-vā~ e॒tasya॒ śarī̭ra-ṅgacchati॒ soma॒gṃ॒ raso॒ varṷṇa enaṃ-va~ruṇapā॒śena̭ gṛhṇāti॒ sara̭svatīṃ॒-vā~ga॒gnāviṣṇṷ̄ ā॒tmā yasya॒ jyogā॒maya̭ti॒ yo jyogā̭mayāvī॒ syādyo vā̭ kā॒mayḙta॒ sarva॒māyṷriyā॒miti॒ tasmā̭ e॒tāmiṣṭi॒-nnirva̭pedāgne॒ya -ma॒ṣṭāka̭pālagṃ sau॒mya-ñca॒ruṃ-vā~̭ru॒ṇa-ndaśa̭kapālagṃ sārasva॒ta-ñca॒rumā᳚gnāvaiṣṇa॒va-mekā̭daśakapāla-ma॒gnere॒vāsya॒ śarī̭ra-nniṣkrī॒ṇāti॒ somā॒drasaṃ̭- [somā॒drasa᳚m, vā॒ru॒ṇenai॒vainaṃ̭-] 41

-~vāru॒ṇenai॒vainaṃ̭-va~ruṇapā॒śā-nmṷñcati sārasva॒tena॒ vāca̭-ndadhātya॒gni-ssarvā̭ de॒vatā॒ viṣṇṷrya॒jño de॒vatā̭bhiścai॒vainaṃ̭-ya~॒jñena̭ ca bhiṣajyatyu॒ta yadī॒tāsu॒ rbhava̭ti॒ jīva̭tye॒va yannava॒-maitta-nnava̭nīta-mabhava॒-dityājya॒- mave᳚kṣate-rū॒pame॒vāsyai॒-tanma̭hi॒mānaṃ॒-vyā~ca̭ṣṭe॒-'śvinoḥ᳚ prā॒ṇo̭-'sītyā̭hā॒śvinau॒ vai de॒vānāṃ᳚- [de॒vānā᳚m, bhi॒ṣajau॒] 42

-bhi॒ṣajau॒ tābhyā̭me॒vāsmai̭ bheṣa॒ja-ṅka̭ro॒tīndra̭sya prā॒ṇo̭ 'sītyā̭hendri॒ya- me॒vāsmi̭nne॒tena̭ dadhāti mi॒trāvarṷṇayoḥ prā॒ṇo̭-'sītyā̭ha prāṇāpā॒nāve॒- vāsmi̭nne॒tena̭ dadhāti॒ viśvḙṣā-nde॒vānā᳚-mprā॒ṇo̭-'sītyā̭ha vī॒rya̭me॒vāsmi̭nne॒tena̭ dadhāti ghṛ॒tasya॒ dhārā̭ma॒mṛta̭sya॒ panthā॒mityā̭ha yathāya॒jure॒vaita-tpā̭vamā॒nena̭ tvā॒ stome॒ne- [stome॒neti, ā॒ha॒ prā॒ṇame॒vāsmi̭-] 43

-tyā̭ha prā॒ṇame॒vāsmi̭-nne॒tena̭ dadhāti bṛha-drathanta॒rayo᳚stvā॒ stome॒netyā॒hauja̭ e॒vāsmi̭nne॒tena̭ dadhātya॒gnestvā॒ mātra॒yetyā̭hā॒-''tmāna̭-me॒vāsmi̭nne॒tena̭ dadhātyṛ॒tvijaḥ॒ paryā̭hu॒ryāva̭nta e॒vartvija॒sta ḙna-mbhiṣajyanti bra॒hmaṇo॒ hasta̭manvā॒rabhya॒ paryā̭hureka॒dhaiva yaja̭māna॒ āyṷrdadhati॒ yade॒va tasya॒ taddhira̭ṇyā- [taddhira̭ṇyāt, ghṛ॒ta-nniṣpi̭ba॒tyāyu॒rvai] 44

-dghṛ॒ta-nniṣpi̭ba॒tyāyu॒rvai ghṛ॒tama॒mṛta॒gṃ॒ hira̭ṇyama॒mṛtā̭de॒vā ''yu॒rniṣpi̭bati śa॒tamā̭na-mbhavati śa॒tāyuḥ॒ purṷṣa-śśa॒tendri̭ya॒ āyṷṣye॒vendri॒ye prati̭tiṣṭha॒tyatho॒ khalu॒ yāva̭tī॒-ssamā̭ e॒ṣya-nmanyḙta॒ tāva̭nmānagg syā॒-thsamṛ̭ddhyā i॒mama̭gna॒ āyṷṣe॒ varca̭se kṛ॒dhītyā॒hā ''yṷre॒vāsmi॒n. varco̭ dadhāti॒ viśvḙ devā॒ jara̭daṣṭi॒ryathā 'sa॒dityā̭ -ha॒ jara̭daṣṭime॒vaina̭-ṅkarotya॒gni-rāyṷṣmā॒niti॒ hasta̭-ṅgṛhṇātye॒te vai de॒vā āyṷṣmanta॒sta e॒vāsmi॒nnāyṷrdadhati॒ sarva॒māyṷreti || 45 ||

(rasaṃ̭-de॒vānā॒g॒-stome॒neti॒-hira̭ṇyā॒-dasa॒diti॒-dvāvigṃ̭śatiśca) (a. 11)

pra॒jāpa̭ti॒ rvarṷṇā॒yāśva̭manaya॒-thsa svā-nde॒vatā̭mārccha॒-thsa parya̭dīryata॒ sa e॒taṃ-vā~̭ru॒ṇa-ñcatṷṣ-kapālamapaśya॒-tta-nnira̭vapa॒-ttato॒ vai sa va̭ruṇa- pā॒śāda̭mucyata॒ varṷṇo॒ vā e॒ta-ṅgṛ̭hṇāti॒ yo-'śva̭-mpratigṛ॒hṇāti॒ yāva॒to-'śvā᳚-npratigṛhṇī॒yā-ttāva̭to vāru॒ṇān catṷṣkapālā॒-nnirva̭pe॒-dvarṷṇame॒va svena̭ bhāga॒dheye॒nopa̭ dhāvati॒ sa e॒vainaṃ̭-va~ruṇapā॒śān -mṷñcati॒ [varuṇapā॒śān -mṷñcati, catṷṣkapālā] 46

catṷṣkapālā bhavanti॒ catṷṣpā॒ddhyaśva॒-ssamṛ̭ddhyā॒ eka॒mati̭rikta॒-nnirva̭pe॒-dyame॒va pra̭tigrā॒hī bhava̭ti॒ yaṃ-vā~॒ nāddhyeti॒ tasmā̭de॒va va̭ruṇapā॒śā-nmṷcyate॒ yadyapa̭ra-mpratigrā॒hī syā-thsau॒ryameka̭kapāla॒manu॒ nirva̭peda॒mume॒vā ''di॒tyamṷccā॒ra-ṅkṷrute॒ 'po̭-'vabhṛ॒thamavai᳚tya॒phsu vai varṷṇa-ssā॒kṣāde॒va varṷṇa॒mava̭ yajate 'pona॒ptrīya̭-ñca॒ru-mpuna॒retya॒ nirva̭peda॒phsu yo̭ni॒rvā aśva॒-ssvāme॒vainaṃ॒-yo~ni̭-ṅgamayati॒ sa ḙnagṃ śā॒nta upa̭ tiṣṭhate || 47 ||

(mu॒ñca॒ti॒ - ca॒rugṃ - sa॒ptada̭śa ca) (a. 12)

yā vā̭mindrāvaruṇā yata॒vyā̭ ta॒nūstaye॒mamagṃ ha̭so muñcataṃ॒-yā~ vā̭mindrā varuṇā saha॒syā̭ rakṣa॒syā̭ teja॒syā̭ ta॒nūstaye॒ mamagṃ ha̭so muñcataṃ॒-yo~ vā̭mindrā varuṇā va॒gnau srāma॒staṃ-vā~̭ me॒ tenā va̭yaje॒yo vā̭mindrā varuṇā dvi॒pāthsṷ pa॒śuṣu॒ catṷṣpāthsu go॒ṣṭhe gṛ॒heṣva॒phsvoṣa̭dhīṣu॒ vana॒spati̭ṣu॒ srāma॒staṃ-vā~̭ me॒ tenāva̭ yaja॒ indro॒ vā e॒tasye᳚- [e॒tasya̭, i॒ndri॒yeṇāpa̭ krāmati॒] 48

-ndri॒yeṇāpa̭ krāmati॒ varṷṇa enaṃ-va~ruṇapā॒śena̭ gṛhṇāti॒ yaḥ pā॒pmanā̭ gṛhī॒to bhava̭ti॒ yaḥ pā॒pmanā̭ gṛhī॒ta-ssyā-ttasmā̭ e॒tāmai᳚ndrāvaru॒ṇī-mpa̭ya॒syā᳚-nnirva̭pe॒dindra̭ e॒vāsmi̭-nnindri॒ya-nda̭dhāti॒ varṷṇa enaṃ ~varuṇapā॒śā-nmṷñcati paya॒syā̭ bhavati॒ payo॒ hi vā e॒tasmā̭-dapa॒krāma॒tyathai॒ṣa pā॒pmanā̭ gṛhī॒to ya-tpa̭ya॒syā̭ bhava̭ti॒ paya̭ e॒vāsmi॒-ntayā̭ dadhāti paya॒syā̭yā- [paya॒syā̭yām, puro॒ḍāśa॒mava̭] 49

-mpuro॒ḍāśa॒mava̭ dadhātyātma॒nvanta̭-me॒vaina̭-ṅkaro॒tyatho̭ ā॒yata̭navanta-me॒va ca̭tu॒rdhā vyṷ̄hati di॒kṣvḙva prati̭tiṣṭhati॒ puna॒-ssamṷ̄hati di॒gbhya e॒vāsmai̭ bheṣa॒ja-ṅka̭roti sa॒mūhyāva̭ dyati॒ yathā-''vi̭ddha-nniṣkṛ॒ntati̭ tā॒dṛge॒va tadyo vā̭mindrā-varuṇāva॒gnau srāma॒staṃ-vā~̭me॒tenāva̭ yaja॒ ityā̭ha॒ duri̭ṣṭyā e॒vaina̭-mpāti॒ yo vā̭ mindrā varuṇā dvi॒pāthsṷ pa॒śuṣu॒ srāma॒staṃ-vā~̭ me॒ tenāva̭ yaja॒ ityā̭hai॒tāva̭tī॒rvā āpa॒ oṣa̭dhayo॒ vana॒spata̭yaḥ pra॒jāḥ pa॒śava̭ upajīva॒nīyā॒stā e॒vāsmai̭ varuṇapā॒śā-nmṷñcati || 50 ||

(e॒tasya̭ - paya॒syā̭yāṃ - pāti॒ - ṣaḍvigṃ̭śatiśca ) (a. 13)

sa pra̭tna॒vanni kāvyendraṃ̭-vo~ vi॒śvata॒-sparīndra॒-nnaraḥ̭ || tva-nnaḥ̭ soma vi॒śvato॒ rakṣā̭ rājannaghāya॒taḥ | na ri̭ṣye॒-ttvāva̭ta॒-ssakhāḥ᳚ || yā te॒ dhāmā̭ni di॒vi yā pṛ̭thi॒vyāṃ-yā~ parva̭te॒ṣvoṣa̭dhīṣva॒phsu || tebhi̭rno॒ viśvai᳚-ssu॒manā॒ ahḙḍa॒-nrājan᳚-thsoma॒ prati̭ ha॒vyā gṛ̭bhāya || agnī̭ṣomā॒ savḙdasā॒ sahṷ̄tī vanata॒-ṅgiraḥ̭ | sa-ndḙva॒trā ba̭bhūvathuḥ || yu॒va- [yu॒vam, e॒tāni̭ di॒vi ro̭ca॒nānya॒gniśca̭] 51

-me॒tāni̭ di॒vi ro̭ca॒nānya॒gniśca̭ soma॒ sakra̭tū adhattam || yu॒vagṃ sindhūgṃ̭ ra॒bhiśa̭sterava॒dyā-dagnī̭ṣomā॒-vamṷñcata-ṅgṛbhī॒tān || agnī̭ṣomāvi॒magṃ su mḙ śṛṇu॒taṃ-vṛ~̭ṣaṇā॒ hava᳚m | prati̭ sū॒ktāni̭ haryata॒-mbhava̭ta-ndā॒śuṣe॒ mayaḥ̭ || ā-'nya-ndi॒vo mā̭ta॒riśvā̭ jabhā॒rā-'ma̭thnāda॒nya-mpari̭ śye॒no adreḥ᳚ | agnī̭ṣomā॒ brahma̭ṇā vāvṛdhā॒noruṃ-ya~॒jñāya̭ cakrathuru lo॒kam || agnī̭ṣomā ha॒viṣaḥ॒ prasthi̭tasya vī॒tagṃ [vī॒tam, harya̭taṃ-vṛ~ṣaṇā ju॒ṣethā᳚m |] 52

harya̭taṃ-vṛ~ṣaṇā ju॒ṣethā᳚m | su॒śarmā̭ṇā॒ svava̭sā॒ hi bhū॒tamathā̭ dhattaṃ॒-ya~ja̭mānāya॒ śaṃ-yoḥ ~|| āpyā̭yasva॒, sa-nte᳚ || ga॒ṇānā᳚-ntvā ga॒ṇapa̭tigṃ havāmahe ka॒vi-ṅka̭vī॒nā-mṷpa॒maśra̭vastamam | jye॒ṣṭha॒rāja॒-mbrahma̭ṇā-mbrahmaṇaspata॒ ā naḥ̭ śṛ॒ṇvannū॒tibhiḥ̭ sīda॒ sāda̭nam | sa ijjanḙna॒ sa vi॒śā sa janma̭nā॒ sa pu॒trairvāja̭-mbharate॒ dhanā॒ nṛbhiḥ̭ | de॒vānāṃ॒-yaḥ ~pi॒tara̭-mā॒vivā̭sati [ ] 53

śra॒ddhāma̭nā ha॒viṣā॒ brahma̭ṇa॒spati᳚m || sa su॒ṣṭubhā॒ sa ṛkva̭tā ga॒ṇena̭ va॒lagṃ rṷroja phali॒gagṃ ravḙṇa | bṛha॒spati̭-ru॒striyā̭ havya॒sūdaḥ॒ kani̭krada॒d- vāva̭śatī॒rudā̭jat || marṷto॒ yaddha̭ vo di॒vo, yā va॒-śśarma̭ || a॒rya॒mā ''yā̭ti vṛṣa॒bhastuvi̭ṣmā-ndā॒tā vasṷ̄nā-mpuruhū॒to arhanṋ | sa॒ha॒srā॒kṣo go᳚tra॒bhi-dvajra̭bāhura॒smāsṷ de॒vo dravi̭ṇa-ndadhātu || ye te᳚-'ryama-nba॒havo̭ deva॒yānāḥ॒ panthā̭no [panthā̭naḥ, rā॒ja॒-ndi॒va ā॒cara̭nti |] 54

rāja-ndi॒va ā॒cara̭nti | tebhi̭rno deva॒ mahi॒ śarma̭ yaccha॒ śa-nna̭ edhi dvi॒pade॒ śa-ñcatṷṣpade || bu॒ddhnādagra॒-maṅgi̭robhi-rgṛṇā॒no vi parva̭tasya dṛgṃhi॒tānyai̭rat | ru॒ja-drodhāgṃ̭si-kṛ॒trimā᳚ṇyeṣā॒gṃ॒-soma̭sya॒ tā-mada॒ indra̭-ścakāra || bu॒ddhnā-dagrḙṇa॒ vi mi̭māya॒ mānai॒-rvajrḙṇa॒ khānya̭tṛṇa-nna॒dīnā᳚m | vṛthā̭ 'sṛja-tpa॒thibhi̭ rdīrghayā॒thai-ssoma̭sya॒ tā mada॒ indra̭ścakāra | || 55 ||

pra yo ja॒jñe vi॒dvāgṃ a॒sya bandhuṃ॒-vi~śvā̭ni de॒vo jani̭mā vivakti | brahma॒ brahma̭ṇa॒ ujja̭bhāra॒ maddhyā᳚nnī॒cādu॒ccā sva॒dhayā॒-'bhi prata̭sthau || ma॒hā-nma॒hī a̭stabhāya॒dvi jā॒to dyāgṃ sadma॒ pārthi̭va-ñca॒ rajaḥ̭ | sa bu॒ddhnādā᳚ṣṭa ja॒nuṣā॒-'bhyagra॒-mbṛha॒spati̭ rde॒vatā॒yasya̭ sa॒mrāṭ || bu॒ddhnādyo agra̭ma॒bhyartyoja̭sā॒ bṛha॒spati॒mā vi̭vāsanti de॒vāḥ | bhi॒nadva॒laṃ-vi~ puro̭ dardarīti॒ kani̭krada॒-thsuva̭ra॒po ji̭gāya || 56 ||

(yu॒vaṃ - ~vī॒tamā॒ - vivā̭sati॒ - panthā̭no - dīrghayā॒thai-ssoma̭sya॒ tā mada॒ indra̭ścakāra - de॒vā - nava̭ ca) (a. 14)

(ā॒di॒tyebhyo̭ - de॒vā vai mṛ॒tyo - rde॒vā vai - sa॒trama̭ - rya॒mṇe -pra॒jāpa̭te॒straya̭strigṃśat - pra॒jāpa̭ti rde॒vebhyo॒-'nnādyaṃ̭ -devāsu॒rāstān - raja̭no - dhru॒vo̭-'si॒ - yannava̭ - ma॒gniṃ-vai~ - pra॒jāpa̭ti॒ rvarṷṇāya॒ - yā vā̭mindrā varuṇā॒ - sa pra̭tna॒va -ccatṷrdaśa)

(ā॒di॒tyebhya॒ - stvaṣṭṷ - rasmai॒ dāna̭kāmā - e॒vāva̭ rundhe॒ - 'gniṃ-vai~ - sa pra̭tna॒vath - ṣaṭpa̭ñcā॒śat )

(ā॒di॒tyebhyaḥ॒ - suva̭ra॒po ji̭gāya )

|| hariḥ̭ om ||

|| kṛṣṇa yajurvedīya taittirīya saṃhitāyā-ndvitīyakāṇḍe tṛtīyaḥ praśna-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय संहिताया-न्द्वितीयकाण्डे तृतीयः प्रश्नः - इष्टिविधानं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

आ॒दि॒त्येभ्यो॒ भुव॑द्वद्भ्यश्च॒रु-न्निर्व॑पे॒-द्भूति॑काम आदि॒त्या वा ए॒त-म्भूत्यै॒ प्रति॑ नुदन्ते॒ यो-ऽल॒-म्भूत्यै॒ स-न्भूति॒-न्न प्रा॒प्नोत्या॑दि॒त्याने॒व भुव॑द्वत॒-स्स्वेन॑ भाग॒धेये॒नोप॑ धावति॒ त ए॒वैन॒-म्भूति॑-ङ्गमयन्ति॒ भव॑त्ये॒वा ऽऽदि॒त्येभ्यो॑ धा॒रय॑द्व-द्भ्यश्च॒रु-न्निर्व॑पे॒-दप॑रुद्धो वा-ऽपरु॒द्ध्यमा॑नो वा-ऽऽदि॒त्या वा अ॑परो॒द्धार॑ आदि॒त्या अ॑वगमयि॒तार॑ आदि॒त्याने॒व धा॒रय॑द्वत॒- [धा॒रय॑द्वतः, स्वेन॑] 1

-स्स्वेन॑ भाग॒धेये॒नोप॑ धावति॒ त ए॒वैनं॑-विँ॒शि दा᳚द्ध्रत्यनपरु॒द्ध्यो भ॑व॒त्यदि॒ते-ऽनु॑ मन्य॒स्वे-त्य॑परु॒द्ध्यमा॑नो-ऽस्य प॒दमा द॑दीते॒यं-वाँ अदि॑तिरि॒यमे॒वास्मै॑ रा॒ज्यमनु॑ मन्यते स॒त्या-ऽऽशीरित्या॑ह स॒त्यामे॒वा-ऽऽशिष॑-ङ्कुरुत इ॒ह मन॒ इत्या॑ह प्र॒जा ए॒वास्मै॒ सम॑नसः करो॒त्युप॒ प्रेत॑ मरुत- [प्रेत॑ मरुतः, सु॒दा॒न॒व॒ ए॒ना] 2

-स्सुदानव ए॒ना वि॒श्पति॑ना॒-ऽभ्य॑मुग्ं राजा॑न॒मित्या॑ह मारु॒ती वै वि-ड्ज्ये॒ष्ठो वि॒श्पति॑-र्वि॒शैवैनग्ं॑ रा॒ष्ट्रेण॒ सम॑र्धयति॒ यः प॒रस्ता᳚-द्ग्राम्यवा॒दी स्या-त्तस्य॑ गृ॒हा-द्व्री॒हीना ह॑रेच्छु॒क्लाग्श्च॑ कृ॒ष्णाग्श्च॒ वि चि॑नुया॒द्ये शु॒क्ला-स्स्युस्तमा॑दि॒त्य-ञ्च॒रु-न्निर्व॑पेदादि॒त्या वै दे॒वत॑या॒ विड्विश॑मे॒वा-ऽव॑ गच्छ॒- [गच्छति, अव॑गता-ऽस्य॒] 3

-त्यव॑गता-ऽस्य॒ विडन॑वगतग्ं रा॒ष्ट्र-मित्या॑हु॒र्ये कृ॒ष्णा-स्स्युस्तं-वाँ॑रु॒ण-ञ्च॒रु-न्निर्व॑पे-द्वारु॒णं-वैँ रा॒ष्ट्रमु॒भे ए॒व विश॑-ञ्च रा॒ष्ट्र-ञ्चाव॑ गच्छति॒ यदि॒ नाव॒गच्छे॑दि॒म-म॒हमा॑दि॒त्येभ्यो॑ भा॒ग-न्निर्व॑पा॒म्या ऽमुष्मा॑-द॒मुष्यै॑ वि॒शो-ऽव॑गन्तो॒-रिति॒ निर्व॑पे-दादि॒त्या ए॒वैन॑-म्भाग॒धेय॑-म्प्रे॒फ्सन्तो॒ विश॒मव॑ [विश॒मव॑, ग॒म॒य॒न्ति॒ यदि॒] 4

गमयन्ति॒ यदि॒ नाव॒गच्छे॒दाश्व॑त्था-न्म॒यूखा᳚न्-थ्स॒प्त म॑द्ध्यमे॒षाया॒मुप॑- हन्यादि॒दम॒ह-मा॑दि॒त्या-न्ब॑ध्ना॒म्या ऽमुष्मा॑द॒मुष्यै॑ वि॒शो-ऽव॑गन्तो॒रित्या॑दि॒त्या ए॒वैन॑-म्ब॒द्धवी॑रा॒ विश॒मव॑ गमयन्ति॒ यदि॒ ना-ऽव॒गच्छे॑-दे॒त-मे॒वा-ऽऽदि॒त्य-ञ्च॒रु-न्निर्व॑पे-दि॒द्ध्मे-ऽपि॑ म॒यूखा॒न्-थ्स-न्न॑ह्ये-दनपरु॒द्ध्य-मे॒वाव॑ गच्छ॒त्याश्व॑त्था भवन्तिम॒रुतां॒-वाँ ए॒त -दोजो॒ यद॑श्व॒त्थ ओज॑सै॒व विश॒मव॑ गच्छति स॒प्त भ॑वन्ति स॒प्त ग॑णा॒ वै म॒रुतो॑ गण॒श ए॒व विश॒मव॑ गच्छति । 5

(धा॒रय॑द्वतो - मरुतो - गच्छति॒ - विश॒मवै॒ - त - द॒ष्टाद॑श च) (अ. 1)

दे॒वा वै मृ॒त्यो-र॑बिभयु॒स्ते प्र॒जाप॑ति॒-मुपा॑धाव॒-न्तेभ्य॑ ए॒ता-म्प्रा॑जाप॒त्याग्ं श॒तकृ॑ष्णला॒-न्निर॑वप॒-त्तयै॒वैष्व॒मृत॑-मदधा॒द्यो मृ॒त्यो-र्बि॑भी॒या-त्तस्मा॑ ए॒ता-म्प्रा॑जाप॒त्याग्ं श॒तकृ॑ष्णला॒-न्निर्व॑पे-त्प्र॒जाप॑ति-मे॒व स्वेन॑ भाग॒धेये॒नोप॑ धावति॒ स ए॒वा-ऽस्मि॒-न्नायु॑-र्दधाति॒ सर्व॒मायु॑रेति श॒तकृ॑ष्णला भवति श॒तायुः॒ पुरु॑ष॒-श्श॒तेन्द्रि॑य॒ आयु॑ष्ये॒वेन्द्रि॒ये [ ] 6

प्रति॑ तिष्ठति घृ॒ते भ॑व॒त्यायु॒र्वै घृ॒त-म॒मृत॒ग्ं॒ हिर॑ण्य॒-मायु॑श्चै॒वास्मा॑ अ॒मृत॑-ञ्च स॒मीची॑ दधाति च॒त्वारि॑ चत्वारि कृ॒ष्णला॒न्यव॑ द्यति चतुरव॒-त्तस्या-ऽऽप्त्या॑ एक॒धा ब्र॒ह्मण॒ उप॑ हरत्येक॒धैव यज॑मान॒ आयु॑र्दधात्य॒- सावा॑दि॒त्यो न व्य॑रोचत॒ तस्मै॑ दे॒वाः प्राय॑श्चित्ति-मैच्छ॒-न्तस्मा॑ ए॒तग्ं सौ॒र्य-ञ्च॒रु-न्निर॑वप॒-न्तेनै॒वा-ऽस्मि॒- [-तेनै॒वा-ऽस्मिन्न्॑, रुच॑-मदधु॒र्यो] 7

-न्रुच॑-मदधु॒र्यो ब्र॑ह्मवर्च॒सका॑म॒-स्स्या-त्तस्मा॑ ए॒तग्ं सौ॒र्य-ञ्च॒रु-न्निर्व॑पे-द॒मु-मे॒वा-ऽऽदि॒त्यग्ग् स्वेन॑ भाग॒धेये॒नोप॑ धावति॒ स ए॒वास्मि॑-न्ब्रह्मवर्च॒स-न्द॑धाति ब्रह्मवर्च॒स्ये॑व भ॑वत्युभ॒यतो॑ रु॒क्मौ भ॑वत उभ॒यत॑ ए॒वास्मि॒-न्रुच॑-न्दधाति प्रया॒जे प्र॑याजे कृ॒ष्णल॑-ञ्जुहोति दि॒ग्भ्य ए॒वास्मै᳚ ब्रह्मवर्च॒समव॑ रुन्ध आग्ने॒य-म॒ष्टाक॑पाल॒-न्निर्व॑पे-थ्सावि॒त्र-न्द्वाद॑शकपाल॒-म्भूम्यै॑ [-भूम्यै᳚, च॒रुं-यः ँका॒मये॑त॒] 8

च॒रुं-यः ँका॒मये॑त॒ हिर॑ण्यं-विँन्देय॒ हिर॑ण्य॒-म्मोप॑ नमे॒दिति॒ यदा᳚ग्ने॒यो भव॑त्याग्ने॒यं-वैँ हिर॑ण्यं॒-यँस्यै॒व हिर॑ण्य॒-न्तेनै॒वैन॑-द्विन्दते सावि॒त्रो भ॑वति सवि॒तृप्र॑सूत ए॒वैन॑-द्विन्दते॒ भूम्यै॑ च॒रुर्भ॑वत्य॒स्यामे॒वैन॑-द्विन्दत॒ उपै॑न॒ग्ं॒ हिर॑ण्य-न्नमति॒ वि वा ए॒ष इ॑न्द्रि॒येण॑ वी॒र्ये॑णर्ध्यते॒ यो हिर॑ण्यं-विँ॒न्दत॑ ए॒ता- [ए॒ताम्, ए॒व] 9

-मे॒व निर्व॑पे॒द्धिर॑ण्यं-विँ॒त्त्वा नेन्द्रि॒येण॑ वी॒र्ये॑ण॒ व्यृ॑द्ध्यत ए॒तामे॒व निर्व॑पे॒द्यस्य॒ हिर॑ण्य॒-न्नश्ये॒द्यदा᳚ग्ने॒यो भव॑त्याग्ने॒यं-वैँ हिर॑ण्यं॒-यँस्यै॒ व हिर॑ण्य॒-न्तेनै॒वैन॑-द्विन्दति सावि॒त्रो भ॑वति सवि॒तृ-प्र॑सूत ए॒वैन॑-द्विन्दति॒ भूम्यै॑ च॒रुर्भ॑वत्य॒स्यां-वाँ ए॒तन्न॑श्यति॒ यन्नश्य॑त्य॒स्यामे॒वैन॑-द्विन्द॒तीन्द्र॒- [द्विन्द॒तीन्द्रः॑, त्वष्टु॒-स्सोम॑] 10

-स्त्वष्टु॒-स्सोम॑-मभी॒षहा॑-ऽ पिब॒-थ्स विष्वं॒-व्याँ᳚र्च्छ॒-थ्स इ॑न्द्रि॒येण॑ सोमपी॒थेन॒ व्या᳚र्ध्यत॒ स यदू॒र्ध्वमु॒दव॑मी॒-त्ते श्या॒माका॑ अभव॒न्थ्स प्र॒जाप॑ति॒मुपा॑धाव॒-त्तस्मा॑ ए॒तग्ं सो॑मे॒न्द्रग्ग् श्या॑मा॒क-ञ्च॒रु-न्निर॑वप॒-त्तेनै॒वास्मि॑न्निन्द्रि॒यग्ं सो॑मपी॒थम॑दधा॒द्वि वा ए॒ष इ॑न्द्रि॒येण॑ सोम॒पीथेन॑र्ध्यते॒ य-स्सोमं॒-वँमि॑ति॒ य-स्सो॑मवा॒मी स्या-त्तस्मा॑ [स्या-त्तस्मै᳚, ए॒तग्ं] 11

ए॒तग्ं सो॑मे॒न्द्रग्ग् श्या॑मा॒क-ञ्च॒रु-न्निर्व॑पे॒-थ्सोम॑-ञ्चै॒वेन्द्र॑-ञ्च॒ स्वेन॑ भाग॒धेये॒नोप॑ धावति॒ तावे॒वास्मि॑न्निन्द्रि॒यग्ं सो॑मपी॒थ-न्ध॑त्तो॒ नेन्द्रि॒येण॑ सोमपी॒थेन॒ व्यृ॑द्ध्यते॒ य-थ्सौ॒म्यो भव॑ति सोमपी॒थमे॒वाव॑ रुन्धे॒ यदै॒न्द्रो भव॑तीन्द्रि॒यं-वैँ सो॑मपी॒थ इ॑न्द्रि॒यमे॒व सो॑मपी॒थमव॑ रुन्धे श्यामा॒को भ॑वत्ये॒ष वाव स सोम॑- [स सोमः॑, सा॒क्षादे॒व] 12

-स्सा॒क्षादे॒व सो॑मपी॒थमव॑ रुन्धे॒ ऽग्नये॑ दा॒त्रे पु॑रो॒डाश॑म॒ष्टाक॑पाल॒-न्निर्व॑पे॒दिन्द्रा॑य प्रदा॒त्रे पु॑रो॒डाश॒मेका॑दशकपाल-म्प॒शुका॑मो॒-ऽग्निरे॒वास्मै॑ प॒शू-न्प्र॑ज॒नय॑ति वृ॒द्धानिन्द्रः॒ प्र य॑च्छति॒ दधि॒ मधु॑ घृ॒तमापो॑ धा॒ना भ॑वन्त्ये॒तद्वै प॑शू॒नाग्ं रू॒पग्ं रू॒पेणै॒व प॒शूनव॑ रुन्धे पञ्च-गृही॒त-म्भ॑वति॒ पाङ्क्ता॒ हि प॒शवो॑ बहु रू॒प-म्भ॑वति बहु रू॒पा हि प॒शव॒- [प॒शवः॑, समृ॑द्ध्यै] 13

-स्समृ॑द्ध्यै प्राजाप॒त्य-म्भ॑वति प्राजाप॒त्या वै प॒शवः॑ प्र॒जाप॑तिरे॒वास्मै॑ प॒शू-न्प्रज॑नयत्या॒त्मा वै पुरु॑षस्य॒ मधु॒ यन्मद्ध्व॒ग्नौ जु॒होत्या॒त्मान॑मे॒व त-द्यज॑मानो॒-ऽग्नौ प्रद॑धाति प॒ङ्क्त्यौ॑ याज्यानुवा॒क्ये॑ भवतः॒ पाङ्क्तः॒ पुरु॑षः॒ पाङ्क्ताः᳚ प॒शव॑ आ॒त्मान॑मे॒व मृ॒त्योर्नि॒ष्क्रीय॑प॒शूनव॑ रुन्धे ॥ 14 ॥

(इ॒न्द्रि॒ये᳚ - ऽस्मि॒न् - भूम्या॑ - ए॒ता - मिन्द्रः॒ - स्या-त्तस्मै॒ - सोमो॑ - बहु रू॒पा हि प॒शव॒ - एक॑चत्वारिग्ंशच्च ) (अ. 2)

दे॒वा वै स॒त्रमा॑स॒त-र्धि॑परिमितं॒-यँश॑स्कामा॒स्तेषा॒ग्ं॒ सोम॒ग्ं॒ राजा॑नं॒-यँश॑ आर्च्छ॒-थ्स गि॒रिमुदै॒-त्तम॒ग्निरनूदै॒-त्ताव॒ग्नीषोमौ॒ सम॑भवता॒-न्ताविन्द्रो॑ य॒ज्ञवि॑भ्र॒ष्टो-ऽनु॒ परै॒-त्ताव॑ब्रवीद्या॒जय॑त॒-म्मेति॒ तस्मा॑ ए॒तामिष्टि॒-न्निर॑वपतामाग्ने॒य-म॒ष्टाक॑पालमै॒न्द्र-मेका॑दशकपालग्ं सौ॒म्य-ञ्च॒रु-न्तयै॒वा-ऽस्मि॒-न्तेज॑ [तयै॒वा-ऽस्मि॒-न्तेजः॑, इ॒न्द्रि॒य-म्ब्र॑ह्मवर्च॒स-] 15

इन्द्रि॒य-म्ब्र॑ह्मवर्च॒स-म॑धत्तां॒-योँ य॒ज्ञवि॑भ्रष्ट॒-स्स्या-त्तस्मा॑ ए॒तामिष्टि॒-न्निर्व॑पेदाग्ने॒य-म॒ष्टाक॑पालमै॒न्द्र-मेका॑दशकपालग्ं सौ॒म्य-ञ्च॒रुं-यँदा᳚ग्ने॒यो भव॑ति॒ तेज॑ ए॒वास्मि॒-न्तेन॑ दधाति॒ यदै॒न्द्रो भव॑तीन्द्रि॒यमे॒वास्मि॒-न्तेन॑ दधाति॒ य-थ्सौ॒म्यो ब्र॑ह्मवर्च॒स-न्तेना᳚ ऽऽग्ने॒यस्य॑ च सौ॒म्यस्य॑ चै॒न्द्रे स॒माश्ले॑षये॒-त्तेज॑श्चै॒वास्मि॑-न्ब्रह्मवर्च॒स-ञ्च॑ स॒मीची॑ [स॒मीची᳚, द॒धा॒त्य॒ग्नी॒षो॒मीय॒-] 16

दधात्यग्नीषो॒मीय॒-मेका॑दशकपाल॒-न्निर्व॑पे॒द्य-ङ्कामो॒ नोप॒नमे॑दाग्ने॒यो वै ब्रा᳚ह्म॒ण-स्स सोम॑-म्पिबति॒ स्वामे॒व दे॒वता॒ग्॒ स्वेन॑ भाग॒धेये॒नोप॑ धावति॒ सैवैन॒-ङ्कामे॑न॒ सम॑र्धय॒त्युपै॑न॒-ङ्कामो॑ नमत्यग्नीषो॒मीय॑-म॒ष्टाक॑पाल॒-न्निर्व॑पे-द्ब्रह्मवर्च॒सका॑मो॒-ऽग्नीषोमा॑ वे॒व स्वेन॑ भाग॒धेये॒नोप॑ धावति॒ तावे॒वास्मि॑-न्ब्रह्मवर्च॒स-न्ध॑त्तो ब्रह्मवर्च॒स्ये॑व [ब्रह्मवर्च॒स्ये॑व, भ॒व॒ति॒ यद॒ष्टाक॑पाल॒-] 17

भ॑वति॒ यद॒ष्टाक॑पाल॒-स्तेना᳚-ऽऽग्ने॒यो यच्छ्या॑मा॒कस्तेन॑ सौ॒म्य-स्समृ॑द्ध्यै॒ सोमा॑य वा॒जिने᳚ श्यामा॒क-ञ्च॒रु-न्निर्व॑पे॒द्यः क्लैब्या᳚द्बिभी॒या-द्रेतो॒ हि वा ए॒तस्मा॒-द्वाजि॑नमप॒क्राम॒त्यथै॒ष क्लैब्या᳚द्बिभाय॒ सोम॑मे॒व वा॒जिन॒ग्ग्॒ स्वेन॑ भाग॒धेये॒नोप॑ धावति॒ स ए॒वास्मि॒-न्रेतो॒ वाजि॑न-न्दधाति॒ न क्ली॒बो भ॑वतिब्राह्मणस्प॒त्य-मेका॑दशकपाल॒-न्निर्व॑पे॒-द्ग्राम॑कामो॒ [-निर्व॑पे॒-द्ग्राम॑कामः, ब्रह्म॑ण॒स्पति॑मे॒व] 18

ब्रह्म॑ण॒स्पति॑मे॒व स्वेन॑ भाग॒धेये॒नोप॑ धावति॒ स ए॒वास्मै॑ सजा॒ता-न्प्र य॑च्छति ग्रा॒म्ये॑व भ॑वति ग॒णव॑ती याज्यानुवा॒क्ये॑ भवत-स्सजा॒तैरे॒वैन॑-ङ्ग॒णव॑न्त-ङ्करोत्ये॒तामे॒व निर्व॑पे॒द्यः का॒मये॑त॒ ब्रह्म॒न् विशं॒-विँ ना॑शयेय॒मिति॑ मारु॒ती या᳚ज्यानुवा॒क्ये॑ कुर्या॒-द्ब्रह्म॑न्ने॒व विशं॒-विँ ना॑शयति ॥ 19

(तेजः॑ - स॒मीची᳚ - ब्रह्मवर्च॒स्ये॑व - ग्राम॑काम॒ - स्त्रिच॑त्वारिग्ंशच्च ) (अ. 3)

अ॒र्य॒म्णे च॒रु-न्निर्व॑प-थ्सुव॒र्गका॑मो॒-ऽसौ वा आ॑दि॒त्यो᳚-ऽर्य॒मा-ऽर्य॒मण॑मे॒व स्वेन॑ भाग॒धेये॒नोप॑ धावति॒ स ए॒वैनग्ं॑ सुव॒र्गं-लोँ॒क-ङ्ग॑मयत्यर्य॒म्णे च॒रु-न्निर्व॑पे॒द्यः का॒मये॑त॒ दान॑कामा मे प्र॒जा-स्स्यु॒रित्य॒सौ वा आ॑दि॒त्यो᳚-ऽर्य॒मा यः खलु॒ वै ददा॑ति॒ सो᳚-ऽर्य॒मा-ऽर्य॒मण॑मे॒व स्वेन॑ भाग॒धेये॒नोप॑ धावति॒ स ए॒वा- [स ए॒व, अ॒स्मै॒ दान॑कामाः] 20

-ऽस्मै॒ दान॑कामाः प्र॒जाः क॑रोति॒ दान॑कामा अस्मै प्र॒जा भ॑वन्त्यर्य॒म्णे च॒रु-न्निर्व॑पे॒द्यः का॒मये॑त स्व॒स्ति ज॒नता॑मिया॒मित्य॒सौ वा आ॑दि॒त्यो᳚-ऽर्य॒मा- ऽर्य॒मण॑मे॒व स्वेन॑ भाग॒धेये॒नोप॑ धावति॒ स ए॒वैन॒-न्त-द्ग॑मयति॒ यत्र॒ जिग॑मिष॒तीन्द्रो॒ वै दे॒वाना॑मानुजाव॒र आ॑सी॒-थ्स प्र॒जाप॑ति॒ -मुपा॑धाव॒-त्तस्मा॑ ए॒तमै॒न्द्रमा॑नुषू॒क-मेका॑दशकपाल॒-न्नि- [-मेका॑दशकपाल॒-न्निः, अ॒व॒प॒-त्तेनै॒वैन॒मग्रं॑-] 21

-र॑वप॒-त्तेनै॒वैन॒-मग्र॑-न्दे॒वता॑ना॒-म्पर्य॑णय-द्बु॒द्ध्नव॑ती॒ अग्र॑वती याज्यानुवा॒क्ये॑ अकरो-द्बु॒द्ध्ना-दे॒वैन॒मग्र॒-म्पर्य॑णय॒द्यो रा॑ज॒न्य॑ आनुजाव॒र-स्स्या-त्तस्मा॑ ए॒तमै॒न्द्र-मा॑नुषू॒क-मेका॑दशकपाल॒-न्निर्व॑पे॒-दिन्द्र॑मे॒व स्वेन॑ भाग॒धेये॒नोप॑ धावति॒ स ए॒वैन॒-मग्रग्ं॑ समा॒नाना॒-म्परि॑णयति बु॒द्ध्नव॑ती॒ अग्र॑वती याज्यानुवा॒क्ये॑ भवतो बु॒द्ध्ना-दे॒वैन॒-मग्र॒म्- [बु॒द्ध्ना-दे॒वैन॒-मग्र᳚म्, परि॑] 22

-परि॑ णयत्यानुषू॒को भ॑वत्ये॒षा ह्ये॑तस्य॑ दे॒वता॒ य आ॑नुजाव॒र-स्समृ॑द्ध्यै॒ यो ब्रा᳚ह्म॒ण आ॑नुजाव॒र-स्स्या-त्तस्मा॑ ए॒त-म्बा॑र्हस्प॒त्य-मा॑नुषू॒क-ञ्च॒रु-न्निर्व॑पे॒-द्बृह॒स्पति॑-मे॒व स्वेन॑ भाग॒धेये॒नोप॑ धावति॒ स ए॒वैन॒मग्रग्ं॑ समा॒नाना॒-म्परि॑णयति बु॒द्ध्नव॑ती॒ अग्र॑वती याज्यानुवा॒क्ये॑ भवतो बु॒द्ध्ना-दे॒वैन॒-मग्र॒-म्परि॑ णयत्यानुषू॒को भ॑वत्ये॒षा ह्ये॑तस्य॑ दे॒वता॒ य आ॑नुजाव॒र-स्समृ॑द्ध्यै ॥ 23 ॥

(ए॒व - निर - ग्र॑-मे॒तस्य॑ - च॒त्वारि॑ च) (अ. 4)

प्र॒जाप॑ते॒-स्त्रय॑स्त्रिग्ंश-द्दुहि॒तर॑ आस॒-न्ता-स्सोमा॑य॒ राज्ञे॑-ऽददा॒-त्तासाग्ं॑ रोहि॒णीमुपै॒-त्ता ईर्ष्य॑न्तीः॒ पुन॑रगच्छ॒-न्ता अन्वै॒-त्ताः पुन॑रयाचत॒ ता अ॑स्मै॒ न पुन॑रददा॒-थ्सो᳚-ऽब्रवी-दृ॒त-म॑मीष्व॒ यथा॑ समाव॒च्छ उ॑पै॒ष्याम्यथ॑ ते॒ पुन॑-र्दास्या॒मीति॒ स ऋ॒तमा॑मी॒-त्ता अ॑स्मै॒ पुन॑रददा॒-त्तासाग्ं॑ रोहि॒णीमे॒वोप॒- [रोहि॒णीमे॒वोप॑, ऐ॒त्तं-यँक्ष्म॑] 24

-त्तं-यँक्ष्म॑ आर्च्छ॒-द्राजा॑नं॒-यँक्ष्म॑ आर॒दिति॒ तद्रा॑जय॒क्ष्मस्य॒ जन्म॒ य-त्पापी॑या॒नभ॑व॒-त्त-त्पा॑पय॒क्ष्मस्य॒ यज्जा॒याभ्यो-ऽवि॑न्द॒-त्तज्जा॒येन्य॑स्य॒य ए॒वमे॒तेषां॒-यँक्ष्मा॑णा॒-ञ्जन्म॒ वेद॒ नैन॑मे॒ते यक्ष्मा॑ विन्दन्ति॒स ए॒ता ए॒व न॑म॒स्य-न्नुपा॑-ऽधाव॒-त्ता अ॑ब्रुव॒न्. वरं॑-वृँणामहै समाव॒च्छ ए॒व न॒ उपा॑य॒ इति॒ तस्मा॑ ए॒त- [तस्मा॑ ए॒तम्, आ॑दि॒त्य-ञ्च॒रुं] 25

-मा॑दि॒त्य-ञ्च॒रु-न्निर॑वप॒-न्तेनै॒वैन॑-म्पा॒पा-थ्स्रामा॑दमुञ्च॒न्. यः पा॑पय॒क्ष्मगृ॑हीत॒-स्स्या-त्तस्मा॑ ए॒तमा॑दि॒त्य-ञ्च॒रु-न्निर्व॑पेदादि॒त्याने॒व स्वेन॑ भाग॒धेये॒नोप॑ धावति॒ त ए॒वैन॑-म्पा॒पा-थ्स्रामा᳚न्मुञ्चन्त्य-मावा॒स्या॑या॒-न्निर्व॑पे-द॒मुमे॒वैन-॑मा॒प्याय॑मान॒-मन्वा प्या॑ययति॒ नवो॑नवो भवति॒ जाय॑मान॒ इति॑ पुरो-ऽनुवा॒क्या॑ भव॒त्यायु॑रे॒वास्मि॒-न्तया॑ दधाति॒ यमा॑दि॒त्या अ॒ग्ं॒शुमा᳚प्या॒यय॒न्तीति॑ या॒ज्यैवैन॑मे॒तया᳚ प्याययति ॥ 26 ॥

(ए॒वोपै॒ -त- म॑स्मि॒न् - त्रयो॑दशच) (अ. 5)

प्र॒जाप॑ति र्दे॒वेभ्यो॒-ऽन्नाद्यं॒-व्याँदि॑श॒-थ्सो᳚-ऽब्रवी॒द्यदि॒मान् ँलो॒का-न॒भ्य॑ति॒रिच्या॑तै॒ तन्ममा॑स॒दिति॒ तदि॒मान् ँलो॒का-न॒भ्यत्य॑रिच्य॒तेन्द्र॒ग्ं॒ राजा॑न॒-मिन्द्र॑-मधिरा॒ज-मिन्द्रग्ग्॑ स्व॒राजा॑न॒-न्ततो॒ वै स इ॒मान् ँलो॒काग् स्त्रे॒धा-ऽदु॑ह॒-त्त-त्त्रि॒धातो᳚-स्त्रिधातु॒त्वं-यँ-ङ्का॒मये॑तान्ना॒द-स्स्या॒दिति॒ तस्मा॑ ए॒त-न्त्रि॒धातु॒-न्निर्व॑पे॒दिन्द्रा॑य॒ राज्ञे॑ पुरो॒डाश॒- [पुरो॒डाश᳚म्, एका॑दशकपाल॒-] 27

-मेका॑दशकपाल॒-मिन्द्रा॑या-धिरा॒जायेन्द्रा॑य स्व॒राज्ञे॒-ऽयं-वाँ इन्द्रो॒ राजा॒-ऽयमिन्द्रो॑-ऽधिरा॒जो॑-ऽसाविन्द्रः॑ स्व॒राडि॒माने॒व लो॒कान्-थ्स्वेन॑ भाग॒धेये॒नोप॑ धावति॒ त ए॒वास्मा॒ अन्न॒-म्प्रय॑च्छन्त्यन्ना॒द ए॒व भ॑वति॒ यथा॑ व॒थ्सेन॒ प्रत्ता॒-ङ्गा-न्दु॒ह ए॒वमे॒वेमान् ँलो॒का-न्प्रत्ता॒न् काम॑म॒न्नाद्य॑-न्दुह उत्ता॒नेषु॑ क॒पाले॒ष्वधि॑ श्रय॒त्यया॑तयामत्वाय॒ त्रयः॑ पुरो॒डाशा॑ भवन्ति॒ त्रय॑ इ॒मे लो॒का ए॒षां-लोँ॒काना॒माप्त्या॒ उत्त॑रउत्तरो॒ ज्याया᳚-न्भवत्ये॒वमि॑व॒ हीमे लो॒का-स्समृ॑द्ध्यै॒ सर्वे॑षामभि-ग॒मय॒न्नव॑ द्य॒त्यछ॑म्बट्कारं-व्यँ॒त्यास॒मन्वा॒हानि॑र्दाहाय ॥ 28 ॥

(पु॒रो॒डाशं॒ - त्रयः॒ - षड्विग्ं॑शतिश्च) (अ. 6)

दे॒वा॒सु॒रा-स्संयँ॑त्ता आस॒-न्ता-न्दे॒वानसु॑रा अजय॒-न्ते दे॒वाः प॑राजिग्या॒ना असु॑राणां॒-वैँश्य॒मुपा॑-ऽऽय॒-न्तेभ्य॑ इन्द्रि॒यं-वीँ॒र्य॑मपा᳚क्राम॒-त्तदिन्द्रो॑-ऽचाय॒-त्तदन्वपा᳚क्राम॒-त्तद॑व॒रुध॒-न्नाश॑क्नो॒-त्तद॑स्मादभ्य॒र्धो॑ ऽचर॒-थ्स प्र॒जाप॑ति॒मुपा॑धाव॒-त्तमे॒तया॒ सर्व॑पृष्ठया-ऽयाजय॒-त्तयै॒वा-ऽस्मि॑-न्निन्द्रि॒यं-वीँ॒र्य॑-मदधा॒द्य इ॑न्द्रि॒यका॑मो [इ॑न्द्रि॒यका॑मः, वी॒र्य॑काम॒-स्स्यात्-] 29

वी॒र्य॑काम॒-स्स्या-त्तमे॒तया॒ सर्व॑पृष्ठया याजयेदे॒ता ए॒व दे॒वता॒-स्स्वेन॑ भाग॒धेये॒नोप॑ धावति॒ ता ए॒वास्मि॑-न्निन्द्रि॒यं-वीँ॒र्य॑-न्दधति॒यदिन्द्रा॑य॒ राथ॑न्तराय नि॒र्वप॑ति॒ यदे॒वाग्ने-स्तेज॒स्तदे॒वाव॑ रुन्धे॒यदिन्द्रा॑य॒ बार्ह॑ताय॒ यदे॒वेन्द्र॑स्य॒ तेज॒स्तदे॒वाव॑ रुन्धे॒ यदिन्द्रा॑य वैरू॒पाय॒ यदे॒व स॑वि॒तु-स्तेज॒स्त- [स॑वि॒तु-स्तेज॒स्तत्, ए॒वाव॑ रुन्धे॒] 30

-दे॒वाव॑ रुन्धे॒ यदिन्द्रा॑य वैरा॒जाय॒ यदे॒व धा॒तु-स्तेज॒स्त-दे॒वाव॑ रुन्धे॒ यदिन्द्रा॑य शाक्व॒राय॒ यदे॒व म॒रुता॒-न्तेज॒स्त-दे॒वाव॑ रुन्धे॒ यदिन्द्रा॑य रैव॒ताय॒ यदे॒व बृह॒स्पते॒-स्तेज॒स्त-दे॒वा-ऽव॑ रुन्ध ए॒ताव॑न्ति॒ वै तेजाग्ं॑सि॒ तान्ये॒वाव॑ रुन्ध उत्ता॒नेषु॑ क॒पाले॒ष्वधि॑ श्रय॒त्यया॑तयामत्वाय॒ द्वाद॑शकपालः पुरो॒डाशो॑ [पुरो॒डाशः॑, भ॒व॒ति॒ वै॒श्व॒दे॒व॒त्वाय॑] 31

भवति वैश्वदेव॒त्वाय॑ सम॒न्त-म्प॒र्यव॑द्यति सम॒न्त-मे॒वेन्द्रि॒यं-वीँ॒र्यं॑-यँज॑माने दधाति व्य॒त्यास॒-मन्वा॒हानि॑र्दाहा॒याश्व॑ ऋष॒भो वृ॒ष्णिर्ब॒स्त-स्सा-दक्षि॑णा-वृष॒त्वायै॒तयै॒व य॑जेता-ऽभिश॒स्यमा॑न ए॒ताश्चेद्वा अ॑स्यदे॒वता॒ अन्न॑-म॒दन्त्य॒दन्त्यु॑-वे॒वा-ऽस्य॑ मनु॒ष्याः᳚ ॥ 32 ॥

(इ॒न्द्रि॒य॒का॑मः-सवि॒तुस्तेज॒स्तत् - पु॑रो॒डाशो॒ -ऽष्टात्रिग्ं॑शच्च) (अ. 7)

रज॑नो॒ वै कौ॑णे॒यः क्र॑तु॒जित॒-ञ्जान॑कि-ञ्चक्षु॒र्वन्य॑मया॒-त्तस्मा॑ ए॒तामिष्टि॒-न्निर॑वप-द॒ग्नये॒ भ्राज॑स्वते पुरो॒डाश॑-म॒ष्टाक॑पालग्ं सौ॒र्य-ञ्च॒रुम॒ग्नये॒ भ्राज॑स्वते पुरो॒डाश॑-म॒ष्टाक॑पाल॒-न्तयै॒वास्मि॒न् चक्षु॑रदधा॒-द्य-श्चक्षु॑काम॒-स्स्या-त्तस्मा॑ ए॒तामिष्टि॒-न्निर्व॑पे-द॒ग्नये॒ भ्राज॑स्वते पुरो॒डाश॑म॒ष्टाक॑पालग्ं सौ॒र्य-ञ्च॒रुम॒ग्नये॒ भ्राज॑स्वते पुरो॒डाश॑-म॒ष्टाक॑पालम॒ग्ने र्वै चक्षु॑षा मनु॒ष्या॑ वि- [चक्षु॑षा मनु॒ष्या॑ वि, प॒श्य॒न्ति॒ सूर्य॑स्य] 33

प॑श्यन्ति॒ सूर्य॑स्य दे॒वा अ॒ग्नि-ञ्चै॒व सूर्य॑-ञ्च॒ स्वेन॑ भाग॒धेये॒नोप॑ धावति॒ तावे॒वास्मि॒न् चक्षु॑-र्धत्त॒-श्चक्षु॑ष्मा-ने॒व भ॑वति॒ यदा᳚ग्ने॒यौ भव॑त॒-श्चक्षु॑षी ए॒वास्मि॒-न्त-त्प्रति॑ दधाति॒ य-थ्सौ॒र्यो नासि॑का॒-न्तेना॒भितः॑ सौ॒र्यमा᳚ग्ने॒यौ भ॑वत॒-स्तस्मा॑-द॒भितो॒ नासि॑का॒-ञ्चक्षु॑षी॒ तस्मा॒-न्नासि॑कया॒ चक्षु॑षी॒ विधृ॑ते समा॒नी या᳚ज्यानुवा॒क्ये॑ भवत-स्समा॒नग्ं हि चक्षु॒-स्समृ॑द्ध्या॒ उदु॒त्य-ञ्जा॒तवे॑दसग्ं स॒प्त त्वा॑ ह॒रितो॒ रथे॑ चि॒त्र-न्दे॒वाना॒मुद॑गा॒दनी॑क॒मिति॒ पिण्डा॒-न्प्रय॑च्छति॒ चक्षु॑-रे॒वास्मै॒ प्रय॑च्छति॒ यदे॒व तस्य॒ तत् ॥ 34 ॥

(वि - ह्य॑ - ष्टाविग्ं॑शतिश्च) (अ. 8)

ध्रु॒वो॑-ऽसि ध्रु॒वो॑-ऽहग्ं स॑जा॒तेषु॑ भूयास॒-न्धीर॒श्चेत्ता॑ वसु॒वि-द्ध्रु॒वो॑-ऽसि ध्रु॒वो॑-ऽहग्ं स॑जा॒तेषु॑ भूयास-मु॒ग्रश्चेत्ता॑ वसु॒वि-द्ध्रु॒वो॑-ऽसि ध्रु॒वो॑-ऽहग्ं स॑जा॒तेषु॑ भूयास-मभि॒भूश्चेत्ता॑ वसु॒वि-दाम॑न-म॒स्याम॑नस्य देवा॒ ये स॑जा॒ताः कु॑मा॒रा-स्सम॑नस॒स्तान॒ह-ङ्का॑मये हृ॒दा ते मा-ङ्का॑मयन्ताग्ं हृ॒दा ता-न्म॒ आम॑नसः कृधि॒ स्वाहा ऽऽम॑नम॒- [स्वाहा ऽऽम॑नम॒सि, आम॑नस्य] 35

-स्याम॑नस्य देवा॒ या-स्स्त्रिय॒-स्सम॑नस॒स्ता अ॒ह-ङ्का॑मये हृ॒दा ता मा-ङ्का॑मयन्ताग्ं हृ॒दा ता म॒ आम॑नसः कृधि॒ स्वाहा॑ वैश्वदे॒वीग्ं-सा᳚ङ्ग्रह॒णी-न्निर्व॑पे॒द्ग्राम॑कामो वैश्वदे॒वा वै स॑जा॒ता विश्वा॑ने॒व दे॒वान्थ्स्वेन॑ भाग॒धेये॒नोप॑ धावति॒ त ए॒वास्मै॑ सजा॒ता-न्प्र य॑च्छन्ति ग्रा॒म्ये॑व भ॑वति साङ्ग्रह॒णी भ॑वति मनो॒ग्रह॑णं॒-वैँस॒ग्रंह॑ण॒-म्मन॑ ए॒व स॑जा॒तानां᳚- [ए॒व स॑जा॒ताना᳚म्, गृ॒ह्णा॒ति॒ ध्रु॒वो॑-ऽसि] 36

-गृह्णाति ध्रु॒वो॑-ऽसि ध्रु॒वो॑-ऽहग्ं स॑जा॒तेषु॑ भूयास॒मिति॑ परि॒धी-न्परि॑ दधात्या॒शिष॑मे॒वैतामा शा॒स्ते-ऽथो॑ ए॒तदे॒व सर्वग्ं॑ सजा॒तेष्वधि॑ भवति॒ यस्यै॒वं-विँ॒दुष॑ ए॒ते प॑रि॒धयः॑ परिधी॒यन्त॒ आम॑ नम॒स्याम॑नस्य देवा॒ इति॑ ति॒स्र आहु॑ती र्जुहोत्ये॒ताव॑न्तो॒ वै स॑जा॒ता ये म॒हान्तो॒ ये क्षु॑ल्ल॒का या-स्स्त्रिय॒स्ताने॒वाव॑ रुन्धे॒ त ए॑न॒मव॑रुद्धा॒ उप॑ तिष्ठन्ते ॥ 37 ॥

(स्वाहा ऽऽम॑नमसि - सजा॒तानाग्ं॑ - रुन्धे॒ - पञ्च॑ च ) (अ. 9)

यन्नव॒-मैत्त-न्नव॑नीत-मभव॒द्य-दस॑र्प॒-त्त-थ्स॒र्पिर॑भव॒-द्यदद्धि॑यत॒ त-द्घृ॒तम॑भवद॒श्विनोः᳚ प्रा॒णो॑-ऽसि॒ तस्य॑ ते दत्तां॒-यँयोः᳚ प्रा॒णो-ऽसि॒ स्वाहेन्द्र॑स्य प्रा॒णो॑-ऽसि॒ तस्य॑ ते ददातु॒ यस्य॑ प्रा॒णो-ऽसि॒ स्वाहा॑ मि॒त्रावरु॑णयोः प्रा॒णो॑-ऽसि॒ तस्य॑ ते दत्तां॒-यँयोः᳚ प्रा॒णो-ऽसि॒ स्वाहा॒ विश्वे॑षा-न्दे॒वाना᳚-म्प्रा॒णो॑-ऽसि॒ [विश्वे॑षा-न्दे॒वाना᳚-म्प्रा॒णो॑-ऽसि॒, तस्य॑ ते] 38

तस्य॑ ते ददतु॒ येषा᳚-म्प्रा॒णो-ऽसि॒ स्वाहा॑ घृ॒तस्य॒ धारा॑म॒मृत॑स्य॒ पन्था॒मिन्द्रे॑ण द॒त्ता-म्प्रय॑ता-म्म॒रुद्भिः॑ । त-त्त्वा॒ विष्णुः॒ पर्य॑पश्य॒-त्त-त्त्वेडा॒ गव्यैर॑यत् ॥ पा॒व॒मा॒नेन॑ त्वा॒ स्तोमे॑न गाय॒त्रस्य॑ वर्त॒न्योपा॒ग्ं॒शो र्वी॒र्ये॑ण दे॒वस्त्वा॑ सवि॒तो-थ्सृ॑जतु जी॒वात॑वे जीवन॒स्यायै॑ बृह-द्रथन्त॒रयो᳚स्त्वा॒ स्तोमे॑न त्रि॒ष्टुभो॑ वर्त॒न्या शु॒क्रस्य॑ वी॒र्ये॑ण दे॒वस्त्वा॑ सवि॒तो- [सवि॒तोत्, सृ॒ज॒तु॒ जी॒वात॑वे] 39

-थ्सृ॑जतु जी॒वात॑वे जीवन॒स्याया॑ अ॒ग्नेस्त्वा॒ मात्र॑या॒ जग॑त्यै वर्त॒न्या-ऽऽग्र॑य॒णस्य॑ वी॒र्ये॑ण दे॒वस्त्वा॑ सवि॒तो-थ्सृ॑जतु जी॒वात॑वे जीवन॒स्याया॑ इ॒मम॑ग्न॒ आयु॑षे॒ वर्च॑से कृधि प्रि॒यग्ं रेतो॑ वरुण सोम राजन्न् । मा॒ तेवा᳚स्मा अदिते॒ शर्म॑ यच्छ॒ विश्वे॑ देवा॒ जर॑दष्टि॒र्यथा-ऽस॑त् ॥ अ॒ग्निरायु॑ष्मा॒न्-थ्स वन॒स्पति॑भि॒-रायु॑ष्मा॒-न्तेन॒ त्वा-ऽऽयु॒षा-ऽऽयु॑ष्मन्त-ङ्करोमि॒ सोम॒ आयु॑ष्मा॒न्-थ्स ओष॑धीभि र्य॒ज्ञ आयु॑ष्मा॒न्-थ्स दक्षि॑णाभि॒ र्ब्रह्मा-ऽऽयु॑ष्म॒-त्त-द्ब्रा᳚ह्म॒णैरायु॑ष्म-द्दे॒वा आयु॑ष्मन्त॒स्ते॑-ऽमृते॑न पि॒तर॒ आयु॑ष्मन्त॒स्ते स्व॒धया-ऽऽयु॑ष्मन्त॒स्तेन॒ त्वा ऽऽयु॒षा-ऽऽ यु॑ष्मन्त-ङ्करोमि ॥ 40 ॥

(विश्वे॑षा-न्दे॒वाना᳚-म्प्रा॒णो॑-ऽसि - त्रि॒ष्टुभो॑ वर्त॒न्या शु॒क्रस्य॑ वी॒र्ये॑ण दे॒वस्त्वा॑ सवि॒तोथ् - सोम॒ आयु॑ष्मा॒न् - पञ्च॑विग्ंशतिश्च) (अ. 10)

अ॒ग्निं-वाँ ए॒तस्य॒ शरी॑र-ङ्गच्छति॒ सोम॒ग्ं॒ रसो॒ वरु॑ण एनं-वँरुणपा॒शेन॑ गृह्णाति॒ सर॑स्वतीं॒-वाँग॒ग्नाविष्णू॑ आ॒त्मा यस्य॒ ज्योगा॒मय॑ति॒ यो ज्योगा॑मयावी॒ स्याद्यो वा॑ का॒मये॑त॒ सर्व॒मायु॑रिया॒मिति॒ तस्मा॑ ए॒तामिष्टि॒-न्निर्व॑पेदाग्ने॒य -म॒ष्टाक॑पालग्ं सौ॒म्य-ञ्च॒रुं-वाँ॑रु॒ण-न्दश॑कपालग्ं सारस्व॒त-ञ्च॒रुमा᳚ग्नावैष्ण॒व-मेका॑दशकपाल-म॒ग्नेरे॒वास्य॒ शरी॑र-न्निष्क्री॒णाति॒ सोमा॒द्रसं॑- [सोमा॒द्रस᳚म्, वा॒रु॒णेनै॒वैनं॑-] 41

-ँवारु॒णेनै॒वैनं॑-वँरुणपा॒शा-न्मु॑ञ्चति सारस्व॒तेन॒ वाच॑-न्दधात्य॒ग्नि-स्सर्वा॑ दे॒वता॒ विष्णु॑र्य॒ज्ञो दे॒वता॑भिश्चै॒वैनं॑-यँ॒ज्ञेन॑ च भिषज्यत्यु॒त यदी॒तासु॒ र्भव॑ति॒ जीव॑त्ये॒व यन्नव॒-मैत्त-न्नव॑नीत-मभव॒-दित्याज्य॒- मवे᳚क्षते-रू॒पमे॒वास्यै॒-तन्म॑हि॒मानं॒-व्याँच॑ष्टे॒-ऽश्विनोः᳚ प्रा॒णो॑-ऽसीत्या॑हा॒श्विनौ॒ वै दे॒वानां᳚- [दे॒वाना᳚म्, भि॒षजौ॒] 42

-भि॒षजौ॒ ताभ्या॑मे॒वास्मै॑ भेष॒ज-ङ्क॑रो॒तीन्द्र॑स्य प्रा॒णो॑ ऽसीत्या॑हेन्द्रि॒य- मे॒वास्मि॑न्ने॒तेन॑ दधाति मि॒त्रावरु॑णयोः प्रा॒णो॑-ऽसीत्या॑ह प्राणापा॒नावे॒- वास्मि॑न्ने॒तेन॑ दधाति॒ विश्वे॑षा-न्दे॒वाना᳚-म्प्रा॒णो॑-ऽसीत्या॑ह वी॒र्य॑मे॒वास्मि॑न्ने॒तेन॑ दधाति घृ॒तस्य॒ धारा॑म॒मृत॑स्य॒ पन्था॒मित्या॑ह यथाय॒जुरे॒वैत-त्पा॑वमा॒नेन॑ त्वा॒ स्तोमे॒ने- [स्तोमे॒नेति, आ॒ह॒ प्रा॒णमे॒वास्मि॑-] 43

-त्या॑ह प्रा॒णमे॒वास्मि॑-न्ने॒तेन॑ दधाति बृह-द्रथन्त॒रयो᳚स्त्वा॒ स्तोमे॒नेत्या॒हौज॑ ए॒वास्मि॑न्ने॒तेन॑ दधात्य॒ग्नेस्त्वा॒ मात्र॒येत्या॑हा॒-ऽऽत्मान॑-मे॒वास्मि॑न्ने॒तेन॑ दधात्यृ॒त्विजः॒ पर्या॑हु॒र्याव॑न्त ए॒वर्त्विज॒स्त ए॑न-म्भिषज्यन्ति ब्र॒ह्मणो॒ हस्त॑मन्वा॒रभ्य॒ पर्या॑हुरेक॒धैव यज॑मान॒ आयु॑र्दधति॒ यदे॒व तस्य॒ तद्धिर॑ण्या- [तद्धिर॑ण्यात्, घृ॒त-न्निष्पि॑ब॒त्यायु॒र्वै] 44

-द्घृ॒त-न्निष्पि॑ब॒त्यायु॒र्वै घृ॒तम॒मृत॒ग्ं॒ हिर॑ण्यम॒मृता॑दे॒वा ऽऽयु॒र्निष्पि॑बति श॒तमा॑न-म्भवति श॒तायुः॒ पुरु॑ष-श्श॒तेन्द्रि॑य॒ आयु॑ष्ये॒वेन्द्रि॒ये प्रति॑तिष्ठ॒त्यथो॒ खलु॒ याव॑ती॒-स्समा॑ ए॒ष्य-न्मन्ये॑त॒ ताव॑न्मानग्ग् स्या॒-थ्समृ॑द्ध्या इ॒मम॑ग्न॒ आयु॑षे॒ वर्च॑से कृ॒धीत्या॒हा ऽऽयु॑रे॒वास्मि॒न्. वर्चो॑ दधाति॒ विश्वे॑ देवा॒ जर॑दष्टि॒र्यथा ऽस॒दित्या॑ -ह॒ जर॑दष्टिमे॒वैन॑-ङ्करोत्य॒ग्नि-रायु॑ष्मा॒निति॒ हस्त॑-ङ्गृह्णात्ये॒ते वै दे॒वा आयु॑ष्मन्त॒स्त ए॒वास्मि॒न्नायु॑र्दधति॒ सर्व॒मायु॑रेति ॥ 45 ॥

(रसं॑-दे॒वाना॒ग्॒-स्तोमे॒नेति॒-हिर॑ण्या॒-दस॒दिति॒-द्वाविग्ं॑शतिश्च) (अ. 11)

प्र॒जाप॑ति॒ र्वरु॑णा॒याश्व॑मनय॒-थ्स स्वा-न्दे॒वता॑मार्च्छ॒-थ्स पर्य॑दीर्यत॒ स ए॒तं-वाँ॑रु॒ण-ञ्चतु॑ष्-कपालमपश्य॒-त्त-न्निर॑वप॒-त्ततो॒ वै स व॑रुण- पा॒शाद॑मुच्यत॒ वरु॑णो॒ वा ए॒त-ङ्गृ॑ह्णाति॒ यो-ऽश्व॑-म्प्रतिगृ॒ह्णाति॒ याव॒तो-ऽश्वा᳚-न्प्रतिगृह्णी॒या-त्ताव॑तो वारु॒णान् चतु॑ष्कपाला॒-न्निर्व॑पे॒-द्वरु॑णमे॒व स्वेन॑ भाग॒धेये॒नोप॑ धावति॒ स ए॒वैनं॑-वँरुणपा॒शान् -मु॑ञ्चति॒ [वरुणपा॒शान् -मु॑ञ्चति, चतु॑ष्कपाला] 46

चतु॑ष्कपाला भवन्ति॒ चतु॑ष्पा॒द्ध्यश्व॒-स्समृ॑द्ध्या॒ एक॒मति॑रिक्त॒-न्निर्व॑पे॒-द्यमे॒व प्र॑तिग्रा॒ही भव॑ति॒ यं-वाँ॒ नाद्ध्येति॒ तस्मा॑दे॒व व॑रुणपा॒शा-न्मु॑च्यते॒ यद्यप॑र-म्प्रतिग्रा॒ही स्या-थ्सौ॒र्यमेक॑कपाल॒मनु॒ निर्व॑पेद॒मुमे॒वा ऽऽदि॒त्यमु॑च्चा॒र-ङ्कु॑रुते॒ ऽपो॑-ऽवभृ॒थमवै᳚त्य॒फ्सु वै वरु॑ण-स्सा॒क्षादे॒व वरु॑ण॒मव॑ यजते ऽपोन॒प्त्रीय॑-ञ्च॒रु-म्पुन॒रेत्य॒ निर्व॑पेद॒फ्सु यो॑नि॒र्वा अश्व॒-स्स्वामे॒वैनं॒-योँनि॑-ङ्गमयति॒ स ए॑नग्ं शा॒न्त उप॑ तिष्ठते ॥ 47 ॥

(मु॒ञ्च॒ति॒ - च॒रुग्ं - स॒प्तद॑श च) (अ. 12)

या वा॑मिन्द्रावरुणा यत॒व्या॑ त॒नूस्तये॒ममग्ं ह॑सो मुञ्चतं॒-याँ वा॑मिन्द्रा वरुणा सह॒स्या॑ रक्ष॒स्या॑ तेज॒स्या॑ त॒नूस्तये॒ ममग्ं ह॑सो मुञ्चतं॒-योँ वा॑मिन्द्रा वरुणा व॒ग्नौ स्राम॒स्तं-वाँ॑ मे॒ तेना व॑यजे॒यो वा॑मिन्द्रा वरुणा द्वि॒पाथ्सु॑ प॒शुषु॒ चतु॑ष्पाथ्सु गो॒ष्ठे गृ॒हेष्व॒फ्स्वोष॑धीषु॒ वन॒स्पति॑षु॒ स्राम॒स्तं-वाँ॑ मे॒ तेनाव॑ यज॒ इन्द्रो॒ वा ए॒तस्ये᳚- [ए॒तस्य॑, इ॒न्द्रि॒येणाप॑ क्रामति॒] 48

-न्द्रि॒येणाप॑ क्रामति॒ वरु॑ण एनं-वँरुणपा॒शेन॑ गृह्णाति॒ यः पा॒प्मना॑ गृही॒तो भव॑ति॒ यः पा॒प्मना॑ गृही॒त-स्स्या-त्तस्मा॑ ए॒तामै᳚न्द्रावरु॒णी-म्प॑य॒स्या᳚-न्निर्व॑पे॒दिन्द्र॑ ए॒वास्मि॑-न्निन्द्रि॒य-न्द॑धाति॒ वरु॑ण एनं ँवरुणपा॒शा-न्मु॑ञ्चति पय॒स्या॑ भवति॒ पयो॒ हि वा ए॒तस्मा॑-दप॒क्राम॒त्यथै॒ष पा॒प्मना॑ गृही॒तो य-त्प॑य॒स्या॑ भव॑ति॒ पय॑ ए॒वास्मि॒-न्तया॑ दधाति पय॒स्या॑या- [पय॒स्या॑याम्, पुरो॒डाश॒मव॑] 49

-म्पुरो॒डाश॒मव॑ दधात्यात्म॒न्वन्त॑-मे॒वैन॑-ङ्करो॒त्यथो॑ आ॒यत॑नवन्त-मे॒व च॑तु॒र्धा व्यू॑हति दि॒क्ष्वे॑व प्रति॑तिष्ठति॒ पुन॒-स्समू॑हति दि॒ग्भ्य ए॒वास्मै॑ भेष॒ज-ङ्क॑रोति स॒मूह्याव॑ द्यति॒ यथा-ऽऽवि॑द्ध-न्निष्कृ॒न्तति॑ ता॒दृगे॒व तद्यो वा॑मिन्द्रा-वरुणाव॒ग्नौ स्राम॒स्तं-वाँ॑मे॒तेनाव॑ यज॒ इत्या॑ह॒ दुरि॑ष्ट्या ए॒वैन॑-म्पाति॒ यो वा॑ मिन्द्रा वरुणा द्वि॒पाथ्सु॑ प॒शुषु॒ स्राम॒स्तं-वाँ॑ मे॒ तेनाव॑ यज॒ इत्या॑है॒ताव॑ती॒र्वा आप॒ ओष॑धयो॒ वन॒स्पत॑यः प्र॒जाः प॒शव॑ उपजीव॒नीया॒स्ता ए॒वास्मै॑ वरुणपा॒शा-न्मु॑ञ्चति ॥ 50 ॥

(ए॒तस्य॑ - पय॒स्या॑यां - पाति॒ - षड्विग्ं॑शतिश्च ) (अ. 13)

स प्र॑त्न॒वन्नि काव्येन्द्रं॑-वोँ वि॒श्वत॒-स्परीन्द्र॒-न्नरः॑ ॥ त्व-न्नः॑ सोम वि॒श्वतो॒ रक्षा॑ राजन्नघाय॒तः । न रि॑ष्ये॒-त्त्वाव॑त॒-स्सखाः᳚ ॥ या ते॒ धामा॑नि दि॒वि या पृ॑थि॒व्यां-याँ पर्व॑ते॒ष्वोष॑धीष्व॒फ्सु ॥ तेभि॑र्नो॒ विश्वै᳚-स्सु॒मना॒ अहे॑ड॒-न्राजन्᳚-थ्सोम॒ प्रति॑ ह॒व्या गृ॑भाय ॥ अग्नी॑षोमा॒ सवे॑दसा॒ सहू॑ती वनत॒-ङ्गिरः॑ । स-न्दे॑व॒त्रा ब॑भूवथुः ॥ यु॒व- [यु॒वम्, ए॒तानि॑ दि॒वि रो॑च॒नान्य॒ग्निश्च॑] 51

-मे॒तानि॑ दि॒वि रो॑च॒नान्य॒ग्निश्च॑ सोम॒ सक्र॑तू अधत्तम् ॥ यु॒वग्ं सिन्धूग्ं॑ र॒भिश॑स्तेरव॒द्या-दग्नी॑षोमा॒-वमु॑ञ्चत-ङ्गृभी॒तान् ॥ अग्नी॑षोमावि॒मग्ं सु मे॑ शृणु॒तं-वृँ॑षणा॒ हव᳚म् । प्रति॑ सू॒क्तानि॑ हर्यत॒-म्भव॑त-न्दा॒शुषे॒ मयः॑ ॥ आ-ऽन्य-न्दि॒वो मा॑त॒रिश्वा॑ जभा॒रा-ऽम॑थ्नाद॒न्य-म्परि॑ श्ये॒नो अद्रेः᳚ । अग्नी॑षोमा॒ ब्रह्म॑णा वावृधा॒नोरुं-यँ॒ज्ञाय॑ चक्रथुरु लो॒कम् ॥ अग्नी॑षोमा ह॒विषः॒ प्रस्थि॑तस्य वी॒तग्ं [वी॒तम्, हर्य॑तं-वृँषणा जु॒षेथा᳚म् ।] 52

हर्य॑तं-वृँषणा जु॒षेथा᳚म् । सु॒शर्मा॑णा॒ स्वव॑सा॒ हि भू॒तमथा॑ धत्तं॒-यँज॑मानाय॒ शं-योः ँ॥ आप्या॑यस्व॒, स-न्ते᳚ ॥ ग॒णाना᳚-न्त्वा ग॒णप॑तिग्ं हवामहे क॒वि-ङ्क॑वी॒ना-मु॑प॒मश्र॑वस्तमम् । ज्ये॒ष्ठ॒राज॒-म्ब्रह्म॑णा-म्ब्रह्मणस्पत॒ आ नः॑ शृ॒ण्वन्नू॒तिभिः॑ सीद॒ साद॑नम् । स इज्जने॑न॒ स वि॒शा स जन्म॑ना॒ स पु॒त्रैर्वाज॑-म्भरते॒ धना॒ नृभिः॑ । दे॒वानां॒-यः ँपि॒तर॑-मा॒विवा॑सति [ ] 53

श्र॒द्धाम॑ना ह॒विषा॒ ब्रह्म॑ण॒स्पति᳚म् ॥ स सु॒ष्टुभा॒ स ऋक्व॑ता ग॒णेन॑ व॒लग्ं रु॑रोज फलि॒गग्ं रवे॑ण । बृह॒स्पति॑-रु॒स्त्रिया॑ हव्य॒सूदः॒ कनि॑क्रद॒द्- वाव॑शती॒रुदा॑जत् ॥ मरु॑तो॒ यद्ध॑ वो दि॒वो, या व॒-श्शर्म॑ ॥ अ॒र्य॒मा ऽऽया॑ति वृष॒भस्तुवि॑ष्मा-न्दा॒ता वसू॑ना-म्पुरुहू॒तो अर्हन्न्॑ । स॒ह॒स्रा॒क्षो गो᳚त्र॒भि-द्वज्र॑बाहुर॒स्मासु॑ दे॒वो द्रवि॑ण-न्दधातु ॥ ये ते᳚-ऽर्यम-न्ब॒हवो॑ देव॒यानाः॒ पन्था॑नो [पन्था॑नः, रा॒ज॒-न्दि॒व आ॒चर॑न्ति ।] 54

राज-न्दि॒व आ॒चर॑न्ति । तेभि॑र्नो देव॒ महि॒ शर्म॑ यच्छ॒ श-न्न॑ एधि द्वि॒पदे॒ श-ञ्चतु॑ष्पदे ॥ बु॒द्ध्नादग्र॒-मङ्गि॑रोभि-र्गृणा॒नो वि पर्व॑तस्य दृग्ंहि॒तान्यै॑रत् । रु॒ज-द्रोधाग्ं॑सि-कृ॒त्रिमा᳚ण्येषा॒ग्ं॒-सोम॑स्य॒ ता-मद॒ इन्द्र॑-श्चकार ॥ बु॒द्ध्ना-दग्रे॑ण॒ वि मि॑माय॒ मानै॒-र्वज्रे॑ण॒ खान्य॑तृण-न्न॒दीना᳚म् । वृथा॑ ऽसृज-त्प॒थिभि॑ र्दीर्घया॒थै-स्सोम॑स्य॒ ता मद॒ इन्द्र॑श्चकार । ॥ 55 ॥

प्र यो ज॒ज्ञे वि॒द्वाग्ं अ॒स्य बन्धुं॒-विँश्वा॑नि दे॒वो जनि॑मा विवक्ति । ब्रह्म॒ ब्रह्म॑ण॒ उज्ज॑भार॒ मद्ध्या᳚न्नी॒चादु॒च्चा स्व॒धया॒-ऽभि प्रत॑स्थौ ॥ म॒हा-न्म॒ही अ॑स्तभाय॒द्वि जा॒तो द्याग्ं सद्म॒ पार्थि॑व-ञ्च॒ रजः॑ । स बु॒द्ध्नादा᳚ष्ट ज॒नुषा॒-ऽभ्यग्र॒-म्बृह॒स्पति॑ र्दे॒वता॒यस्य॑ स॒म्राट् ॥ बु॒द्ध्नाद्यो अग्र॑म॒भ्यर्त्योज॑सा॒ बृह॒स्पति॒मा वि॑वासन्ति दे॒वाः । भि॒नद्व॒लं-विँ पुरो॑ दर्दरीति॒ कनि॑क्रद॒-थ्सुव॑र॒पो जि॑गाय ॥ 56 ॥

(यु॒वं - ँवी॒तमा॒ - विवा॑सति॒ - पन्था॑नो - दीर्घया॒थै-स्सोम॑स्य॒ ता मद॒ इन्द्र॑श्चकार - दे॒वा - नव॑ च) (अ. 14)

(आ॒दि॒त्येभ्यो॑ - दे॒वा वै मृ॒त्यो - र्दे॒वा वै - स॒त्रम॑ - र्य॒म्णे -प्र॒जाप॑ते॒स्त्रय॑स्त्रिग्ंशत् - प्र॒जाप॑ति र्दे॒वेभ्यो॒-ऽन्नाद्यं॑ -देवासु॒रास्तान् - रज॑नो - ध्रु॒वो॑-ऽसि॒ - यन्नव॑ - म॒ग्निं-वैँ - प्र॒जाप॑ति॒ र्वरु॑णाय॒ - या वा॑मिन्द्रा वरुणा॒ - स प्र॑त्न॒व -च्चतु॑र्दश)

(आ॒दि॒त्येभ्य॒ - स्त्वष्टु॑ - रस्मै॒ दान॑कामा - ए॒वाव॑ रुन्धे॒ - ऽग्निं-वैँ - स प्र॑त्न॒वथ् - षट्प॑ञ्चा॒शत् )

(आ॒दि॒त्येभ्यः॒ - सुव॑र॒पो जि॑गाय )

॥ हरिः॑ ओम् ॥

॥ कृष्ण यजुर्वेदीय तैत्तिरीय संहिताया-न्द्वितीयकाण्डे तृतीयः प्रश्न-स्समाप्तः ॥