ശ്രീപൂര്ണബോധഗുരുതീര്ഥപയോബ്ധിപാരാ
കാമാരിമാക്ഷവിഷമാക്ഷശിരഃ സ്പൃശന്തീ ।
പൂര്വോത്തരാമിതതരങ്ഗചരത്സുഹംസാ
ദേവാലിസേവിതപരാങ്ഘ്രിപയോജലഗ്നാ ॥ 1 ॥
ജീവേശഭേദഗുണപൂര്തിജഗത്സുസത്ത്വ-
-നീചോച്ചഭാവമുഖനക്രഗണൈഃ സമേതാ ।
ദുര്വാദ്യജാപതിഗിലൈര്ഗുരുരാഘവേന്ദ്ര-
-വാഗ്ദേവതാസരിദമും വിമലീ കരോതു ॥ 2 ॥
ശ്രീരാഘവേന്ദ്രഃ സകലപ്രദാതാ
സ്വപാദകഞ്ജദ്വയഭക്തിമദ്ഭ്യഃ ।
അഘാദ്രിസമ്ഭേദനദൃഷ്ടിവജ്രഃ
ക്ഷമാസുരേന്ദ്രോഽവതു മാം സദാഽയമ് ॥ 3 ॥
ശ്രീരാഘവേന്ദ്രോ ഹരിപാദകഞ്ജ-
-നിഷേവണാല്ലബ്ധസമസ്തസമ്പത് ।
ദേവസ്വഭാവോ ദിവിജദ്രുമോഽയ-
-മിഷ്ടപ്രദോ മേ സതതം സ ഭൂയാത് ॥ 4 ॥
ഭവ്യസ്വരൂപോ ഭവദുഃഖതൂല-
-സങ്ഘാഗ്നിചര്യഃ സുഖധൈര്യശാലീ ।
സമസ്തദുഷ്ടഗ്രഹനിഗ്രഹേശോ
ദുരത്യയോപപ്ലവസിന്ധുസേതുഃ ॥ 5 ॥
നിരസ്തദോഷോ നിരവദ്യവേഷഃ
പ്രത്യര്ഥിമൂകത്ത്വനിദാനഭാഷഃ ।
വിദ്വത്പരിജ്ഞേയമഹാവിശേഷോ
വാഗ്വൈഖരീനിര്ജിതഭവ്യശേഷഃ ॥ 6 ॥
സന്താനസമ്പത്പരിശുദ്ധഭക്തി-
-വിജ്ഞാനവാഗ്ദേഹസുപാടവാദീന് ।
ദത്വാ ശരീരോത്ഥസമസ്തദോഷാന്
ഹത്ത്വാ സ നോഽവ്യാദ്ഗുരുരാഘവേന്ദ്രഃ ॥ 7 ॥
യത്പാദോദകസഞ്ചയഃ സുരനദീമുഖ്യാപഗാസാദിതാ-
-സങ്ഖ്യാനുത്തമപുണ്യസങ്ഘവിലസത്പ്രഖ്യാതപുണ്യാവഹഃ ।
ദുസ്താപത്രയനാശനോ ഭുവി മഹാവന്ധ്യാസുപുത്രപ്രദോ
വ്യങ്ഗസ്വങ്ഗസമൃദ്ധിദോ ഗ്രഹമഹാപാപാപഹസ്തം ശ്രയേ ॥ 8 ॥
യത്പാദകഞ്ജരജസാ പരിഭൂഷിതാങ്ഗാ
യത്പാദപദ്മമധുപായിതമാനസാ യേ ।
യത്പാദപദ്മപരികീര്തനജീര്ണവാച
-സ്തദ്ദര്ശനം ദുരിതകാനനദാവഭൂതമ് ॥ 9 ॥
സര്വതന്ത്രസ്വതന്ത്രോഽസൌ ശ്രീമധ്വമതവര്ധനഃ
വിജയീന്ദ്രകരാബ്ജോത്ഥസുധീന്ദ്രവരപുത്രകഃ ॥ 10 ॥
ശ്രീരാഘവേന്ദ്രോ യതിരാട് ഗുരുര്മേ സ്യാദ്ഭയാപഹഃ
ജ്ഞാനഭക്തിസുപുത്രായുര്യശഃ ശ്രീപുണ്യവര്ധനഃ ॥ 11 ॥
പ്രതിവാദിജയസ്വാന്തഭേദചിഹ്നാദരോ ഗുരുഃ ।
സര്വവിദ്യാപ്രവീണോഽന്യോ രാഘവേന്ദ്രാന്ന വിദ്യതേ ॥ 12 ॥
അപരോക്ഷീകൃതശ്രീശഃ സമുപേക്ഷിതഭാവജഃ ।
അപേക്ഷിതപ്രദാതാഽന്യോ രാഘവേന്ദ്രാന്ന വിദ്യതേ ॥ 13 ॥
ദയാദാക്ഷിണ്യവൈരാഗ്യവാക്പാടവമുഖാങ്കിതഃ ।
ശാപാനുഗ്രഹശക്തോഽന്യോ രാഘവേന്ദ്രാന്ന വിദ്യതേ ॥ 14 ॥
അജ്ഞാനവിസ്മൃതിഭ്രാന്തിസംശയാഽപസ്മൃതിക്ഷയാഃ ।
തന്ദ്രാകമ്പവചഃകൌണ്ഠ്യമുഖാ യേ ചേന്ദ്രിയോദ്ഭവാഃ ।
ദോഷാസ്തേ നാശമായാന്തി രാഘവേന്ദ്രപ്രസാദതഃ ॥ 15 ॥
ഓം ശ്രീരാഘവേന്ദ്രായ നമഃ ഇത്യഽഷ്ടാക്ഷരമന്ത്രതഃ ।
ജപിതാദ്ഭാവിതാന്നിത്യം ഇഷ്ടാര്ഥാഃ സ്യുര്ന സംശയഃ ॥ 16 ॥
ഹന്തു നഃ കായജാന് ദോഷാന് ആത്മാത്മീയസമുദ്ഭവാന് ।
സര്വാനപി പുമര്ഥാംശ്ച ദദാതു ഗുരുരാത്മവിത് ॥ 17 ॥
ഇതി കാലത്രയേ നിത്യം പ്രാര്ഥനാം യഃ കരോതി സഃ ।
ഇഹാമുത്രാപ്തസര്വേഷ്ടോ മോദതേ നാത്ര സംശയഃ ॥ 18 ॥
അഗമ്യമഹിമാ ലോകേ രാഘവേന്ദ്രോ മഹായശാഃ ।
ശ്രീമധ്വമതദുഗ്ധാബ്ധിചന്ദ്രോഽവതു സദാഽനഘഃ ॥ 19 ॥
സര്വയാത്രാഫലാവാപ്ത്യൈ യഥാശക്തിപ്രദക്ഷിണമ് ।
കരോമി തവ സിദ്ധസ്യ ബൃന്ദാവനഗതം ജലമ് ॥ 20 ॥
ശിരസാ ധാരയാമ്യദ്യ സര്വതീര്ഥഫലാപ്തയേ ।
സര്വാഭീഷ്ടാര്ഥസിദ്ധ്യര്ഥം നമസ്കാരം കരോമ്യഹമ് ।
തവ സങ്കീര്തനം വേദശാസ്ത്രാര്ഥജ്ഞാനസിദ്ധയേ ॥ 21 ॥
സംസാരേഽക്ഷയസാഗരേ പ്രകൃതിതോഽഗാധേ സദാ ദുസ്തരേ
സര്വാവദ്യജലഗ്രഹൈരനുപമൈഃ കാമാദിഭങ്ഗാകുലേ ।
നാനാവിഭ്രമദുര്ഭ്രമേഽമിതഭയസ്തോമാദിഫേനോത്കടേ
ദുഃഖോത്കൃഷ്ടവിഷേ സമുദ്ധര ഗുരോ മാ മഗ്നരൂപം സദാ ॥ 22 ॥
രാഘവേന്ദ്രഗുരുസ്തോത്രം യഃ പഠേദ്ഭക്തിപൂര്വകമ് ।
തസ്യ കുഷ്ഠാദിരോഗാണാം നിവൃത്തിസ്ത്വരയാ ഭവേത് ॥ 23 ॥
അന്ധോഽപി ദിവ്യദൃഷ്ടിഃ സ്യാദേഡമൂകോഽപി വാക്പതിഃ ।
പൂര്ണായുഃ പൂര്ണസമ്പത്തിഃ സ്തോത്രസ്യാഽസ്യ ജപാദ്ഭവേത് ॥ 24 ॥
യഃ പിബേജ്ജലമേതേന സ്തോത്രേണൈവാഭിമന്ത്രിതമ് ।
തസ്യ കുക്ഷിഗതാ ദോഷാഃ സര്വേ നശ്യന്തി തത് ക്ഷണാത് ॥ 25 ॥
യദ്വൃന്ദാവനമാസാദ്യ പങ്ഗുഃ ഖഞ്ജോഽപി വാ ജനഃ ।
സ്തോത്രേണാനേന യഃ കുര്യാത് പ്രദക്ഷിണനമസ്കൃതീ ॥ 26 ॥
സ ജങ്ഘാലോ ഭവേദേവ ഗുരുരാജപ്രസാദതഃ ।
സോമസൂര്യോപരാഗേ ച പുഷ്യാര്കാദിസമാഗമേ ॥ 27 ॥
യോഽനുത്തമമിദം സ്തോത്രമഷ്ടോത്തരശതം ജപേത് ।
ഭൂതപ്രേതപിശാചാദി പീഡാ തസ്യ ന ജായതേ ॥ 28 ॥
ഏതത് സ്തോത്രം സമുച്ചാര്യ ഗുരോര്വൃന്ദാവനാന്തികേ ।
ദീപസംയോജനാജ്ജ്ഞാനം പുത്രലാഭോ ഭവേദ്ധ്രുവമ് ॥ 29 ॥
പരവാദിജയോ ദിവ്യജ്ഞാനഭക്ത്യാദിവര്ധനമ് ।
സര്വാഭീഷ്ടപ്രവൃദ്ധിഃ സ്യാന്നാത്ര കാര്യാ വിചാരണാ ॥ 30 ॥
രാജചോരമഹാവ്യാഘ്രസര്പനക്രാദിപീഡനമ് ।
ന ജായതേഽസ്യ സ്തോത്രസ്യ പ്രഭാവാന്നാത്ര സംശയഃ ॥ 31 ॥
യോ ഭക്ത്യാ ഗുരുരാഘവേന്ദ്രചരണദ്വന്ദ്വം സ്മരന് യഃ പഠേത്
സ്തോത്രം ദിവ്യമിദം സദാ ന ഹി ഭവേത്തസ്യാസുഖം കിഞ്ചന ।
കിം ത്വിഷ്ടാര്ഥസമൃദ്ധിരേവ കമലാനാഥപ്രസാദോദയാത്
കീര്തിര്ദിഗ്വിദിതാ വിഭൂതിരതുലാ സാക്ഷീ ഹയാസ്യോഽത്ര ഹി ॥ 32 ॥
ഫലശൃതിഃ
ഇതി ശ്രീ രാഘവേന്ദ്രാര്യ ഗുരുരാജപ്രസാദതഃ ।
കൃതം സ്തോത്രമിദം പുണ്യം ശ്രീമദ്ഭിര്ഹ്യപ്പണാഭിദൈഃ ॥
പൂജ്യായ രാഘവേന്ദ്രായ സത്യധര്മരതായ ച ।
ഭജതാം കല്പവൃക്ഷായ നമതാം കാമധേനവേ ॥
ആപാദമൌലിപര്യന്തം ഗുരൂണാമാകൃതിം സ്മരേത് ।
തേന വിഘ്നഃ പ്രണശ്യന്തി സിദ്ധ്യന്തി ച മനോരഥാഃ ॥
ദുര്വാദിധ്വാന്തരവയേ വൈഷ്ണവേന്ദീവരേന്ദവേ ।
ശ്രീരാഘവേന്ദ്ര ഗുരവേ നമോഽത്യന്തദയാലവേ ॥
മൂകോഽപി യത്പ്രസാദേന മുകുന്ദശയനായ തേ ।
രാജരാജായതേ രിക്തോ രാഘവേന്ദ്രം തമാശ്രയേ ।
ഇതി ശ്രീ അപ്പണ്ണാചാര്യവിരചിതം ശ്രീരാഘവേന്ദ്ര സ്തോത്രം സമ്പൂര്ണമ് ॥
Roman (IAST) Transliteration
śrīpūrṇabodhagurutīrthapayobdhipārā
kāmārimākṣaviṣamākṣaśiraḥ spṛśantī |
pūrvottarāmitataraṅgacaratsuhaṃsā
devālisevitaparāṅghripayojalagnā || 1 ||
jīveśabhedaguṇapūrtijagatsusattva-
-nīcoccabhāvamukhanakragaṇaiḥ sametā |
durvādyajāpatigilairgururāghavendra-
-vāgdevatāsaridamuṃ vimalī karotu || 2 ||
śrīrāghavendraḥ sakalapradātā
svapādakañjadvayabhaktimadbhyaḥ |
aghādrisambhedanadṛṣṭivajraḥ
kṣamāsurendro'vatu māṃ sadā'yam || 3 ||
śrīrāghavendro haripādakañja-
-niṣevaṇāllabdhasamastasampat |
devasvabhāvo divijadrumo'ya-
-miṣṭaprado me satataṃ sa bhūyāt || 4 ||
bhavyasvarūpo bhavaduḥkhatūla-
-saṅghāgnicaryaḥ sukhadhairyaśālī |
samastaduṣṭagrahanigraheśo
duratyayopaplavasindhusetuḥ || 5 ||
nirastadoṣo niravadyaveṣaḥ
pratyarthimūkattvanidānabhāṣaḥ |
vidvatparijñeyamahāviśeṣo
vāgvaikharīnirjitabhavyaśeṣaḥ || 6 ||
santānasampatpariśuddhabhakti-
-vijñānavāgdehasupāṭavādīn |
datvā śarīrotthasamastadoṣān
hattvā sa no'vyādgururāghavendraḥ || 7 ||
yatpādodakasañcayaḥ suranadīmukhyāpagāsāditā-
-saṅkhyānuttamapuṇyasaṅghavilasatprakhyātapuṇyāvahaḥ |
dustāpatrayanāśano bhuvi mahāvandhyāsuputraprado
vyaṅgasvaṅgasamṛddhido grahamahāpāpāpahastaṃ śraye || 8 ||
yatpādakañjarajasā paribhūṣitāṅgā
yatpādapadmamadhupāyitamānasā ye |
yatpādapadmaparikīrtanajīrṇavāca
-staddarśanaṃ duritakānanadāvabhūtam || 9 ||
sarvatantrasvatantro'sau śrīmadhvamatavardhanaḥ
vijayīndrakarābjotthasudhīndravaraputrakaḥ || 10 ||
śrīrāghavendro yatirāṭ gururme syādbhayāpahaḥ
jñānabhaktisuputrāyuryaśaḥ śrīpuṇyavardhanaḥ || 11 ||
prativādijayasvāntabhedacihnādaro guruḥ |
sarvavidyāpravīṇo'nyo rāghavendrānna vidyate || 12 ||
aparokṣīkṛtaśrīśaḥ samupekṣitabhāvajaḥ |
apekṣitapradātā'nyo rāghavendrānna vidyate || 13 ||
dayādākṣiṇyavairāgyavākpāṭavamukhāṅkitaḥ |
śāpānugrahaśakto'nyo rāghavendrānna vidyate || 14 ||
ajñānavismṛtibhrāntisaṃśayā'pasmṛtikṣayāḥ |
tandrākampavacaḥkauṇṭhyamukhā ye cendriyodbhavāḥ |
doṣāste nāśamāyānti rāghavendraprasādataḥ || 15 ||
oṃ śrīrāghavendrāya namaḥ itya'ṣṭākṣaramantrataḥ |
japitādbhāvitānnityaṃ iṣṭārthāḥ syurna saṃśayaḥ || 16 ||
hantu naḥ kāyajān doṣān ātmātmīyasamudbhavān |
sarvānapi pumarthāṃśca dadātu gururātmavit || 17 ||
iti kālatraye nityaṃ prārthanāṃ yaḥ karoti saḥ |
ihāmutrāptasarveṣṭo modate nātra saṃśayaḥ || 18 ||
agamyamahimā loke rāghavendro mahāyaśāḥ |
śrīmadhvamatadugdhābdhicandro'vatu sadā'naghaḥ || 19 ||
sarvayātrāphalāvāptyai yathāśaktipradakṣiṇam |
karomi tava siddhasya bṛndāvanagataṃ jalam || 20 ||
śirasā dhārayāmyadya sarvatīrthaphalāptaye |
sarvābhīṣṭārthasiddhyarthaṃ namaskāraṃ karomyaham |
tava saṅkīrtanaṃ vedaśāstrārthajñānasiddhaye || 21 ||
saṃsāre'kṣayasāgare prakṛtito'gādhe sadā dustare
sarvāvadyajalagrahairanupamaiḥ kāmādibhaṅgākule |
nānāvibhramadurbhrame'mitabhayastomādiphenotkaṭe
duḥkhotkṛṣṭaviṣe samuddhara guro mā magnarūpaṃ sadā || 22 ||
rāghavendragurustotraṃ yaḥ paṭhedbhaktipūrvakam |
tasya kuṣṭhādirogāṇāṃ nivṛttistvarayā bhavet || 23 ||
andho'pi divyadṛṣṭiḥ syādeḍamūko'pi vākpatiḥ |
pūrṇāyuḥ pūrṇasampattiḥ stotrasyā'sya japādbhavet || 24 ||
yaḥ pibejjalametena stotreṇaivābhimantritam |
tasya kukṣigatā doṣāḥ sarve naśyanti tat kṣaṇāt || 25 ||
yadvṛndāvanamāsādya paṅguḥ khañjo'pi vā janaḥ |
stotreṇānena yaḥ kuryāt pradakṣiṇanamaskṛtī || 26 ||
sa jaṅghālo bhavedeva gururājaprasādataḥ |
somasūryoparāge ca puṣyārkādisamāgame || 27 ||
yo'nuttamamidaṃ stotramaṣṭottaraśataṃ japet |
bhūtapretapiśācādi pīḍā tasya na jāyate || 28 ||
etat stotraṃ samuccārya gurorvṛndāvanāntike |
dīpasaṃyojanājjñānaṃ putralābho bhaveddhruvam || 29 ||
paravādijayo divyajñānabhaktyādivardhanam |
sarvābhīṣṭapravṛddhiḥ syānnātra kāryā vicāraṇā || 30 ||
rājacoramahāvyāghrasarpanakrādipīḍanam |
na jāyate'sya stotrasya prabhāvānnātra saṃśayaḥ || 31 ||
yo bhaktyā gururāghavendracaraṇadvandvaṃ smaran yaḥ paṭhet
stotraṃ divyamidaṃ sadā na hi bhavettasyāsukhaṃ kiñcana |
kiṃ tviṣṭārthasamṛddhireva kamalānāthaprasādodayāt
kīrtirdigviditā vibhūtiratulā sākṣī hayāsyo'tra hi || 32 ||
phalaśṛtiḥ
iti śrī rāghavendrārya gururājaprasādataḥ |
kṛtaṃ stotramidaṃ puṇyaṃ śrīmadbhirhyappaṇābhidaiḥ ||
pūjyāya rāghavendrāya satyadharmaratāya ca |
bhajatāṃ kalpavṛkṣāya namatāṃ kāmadhenave ||
āpādamauliparyantaṃ gurūṇāmākṛtiṃ smaret |
tena vighnaḥ praṇaśyanti siddhyanti ca manorathāḥ ||
durvādidhvāntaravaye vaiṣṇavendīvarendave |
śrīrāghavendra gurave namo'tyantadayālave ||
mūko'pi yatprasādena mukundaśayanāya te |
rājarājāyate rikto rāghavendraṃ tamāśraye |
iti śrī appaṇṇācāryaviracitaṃ śrīrāghavendra stotraṃ sampūrṇam ||
Sanskrit — Devanagari (original)
श्रीपूर्णबोधगुरुतीर्थपयोब्धिपारा
कामारिमाक्षविषमाक्षशिरः स्पृशन्ती ।
पूर्वोत्तरामिततरङ्गचरत्सुहंसा
देवालिसेवितपराङ्घ्रिपयोजलग्ना ॥ 1 ॥
जीवेशभेदगुणपूर्तिजगत्सुसत्त्व-
-नीचोच्चभावमुखनक्रगणैः समेता ।
दुर्वाद्यजापतिगिलैर्गुरुराघवेन्द्र-
-वाग्देवतासरिदमुं विमली करोतु ॥ 2 ॥
श्रीराघवेन्द्रः सकलप्रदाता
स्वपादकञ्जद्वयभक्तिमद्भ्यः ।
अघाद्रिसम्भेदनदृष्टिवज्रः
क्षमासुरेन्द्रोऽवतु मां सदाऽयम् ॥ 3 ॥
श्रीराघवेन्द्रो हरिपादकञ्ज-
-निषेवणाल्लब्धसमस्तसम्पत् ।
देवस्वभावो दिविजद्रुमोऽय-
-मिष्टप्रदो मे सततं स भूयात् ॥ 4 ॥
भव्यस्वरूपो भवदुःखतूल-
-सङ्घाग्निचर्यः सुखधैर्यशाली ।
समस्तदुष्टग्रहनिग्रहेशो
दुरत्ययोपप्लवसिन्धुसेतुः ॥ 5 ॥
निरस्तदोषो निरवद्यवेषः
प्रत्यर्थिमूकत्त्वनिदानभाषः ।
विद्वत्परिज्ञेयमहाविशेषो
वाग्वैखरीनिर्जितभव्यशेषः ॥ 6 ॥
सन्तानसम्पत्परिशुद्धभक्ति-
-विज्ञानवाग्देहसुपाटवादीन् ।
दत्वा शरीरोत्थसमस्तदोषान्
हत्त्वा स नोऽव्याद्गुरुराघवेन्द्रः ॥ 7 ॥
यत्पादोदकसञ्चयः सुरनदीमुख्यापगासादिता-
-सङ्ख्यानुत्तमपुण्यसङ्घविलसत्प्रख्यातपुण्यावहः ।
दुस्तापत्रयनाशनो भुवि महावन्ध्यासुपुत्रप्रदो
व्यङ्गस्वङ्गसमृद्धिदो ग्रहमहापापापहस्तं श्रये ॥ 8 ॥
यत्पादकञ्जरजसा परिभूषिताङ्गा
यत्पादपद्ममधुपायितमानसा ये ।
यत्पादपद्मपरिकीर्तनजीर्णवाच
-स्तद्दर्शनं दुरितकाननदावभूतम् ॥ 9 ॥
सर्वतन्त्रस्वतन्त्रोऽसौ श्रीमध्वमतवर्धनः
विजयीन्द्रकराब्जोत्थसुधीन्द्रवरपुत्रकः ॥ 10 ॥
श्रीराघवेन्द्रो यतिराट् गुरुर्मे स्याद्भयापहः
ज्ञानभक्तिसुपुत्रायुर्यशः श्रीपुण्यवर्धनः ॥ 11 ॥
प्रतिवादिजयस्वान्तभेदचिह्नादरो गुरुः ।
सर्वविद्याप्रवीणोऽन्यो राघवेन्द्रान्न विद्यते ॥ 12 ॥
अपरोक्षीकृतश्रीशः समुपेक्षितभावजः ।
अपेक्षितप्रदाताऽन्यो राघवेन्द्रान्न विद्यते ॥ 13 ॥
दयादाक्षिण्यवैराग्यवाक्पाटवमुखाङ्कितः ।
शापानुग्रहशक्तोऽन्यो राघवेन्द्रान्न विद्यते ॥ 14 ॥
अज्ञानविस्मृतिभ्रान्तिसंशयाऽपस्मृतिक्षयाः ।
तन्द्राकम्पवचःकौण्ठ्यमुखा ये चेन्द्रियोद्भवाः ।
दोषास्ते नाशमायान्ति राघवेन्द्रप्रसादतः ॥ 15 ॥
ॐ श्रीराघवेन्द्राय नमः इत्यऽष्टाक्षरमन्त्रतः ।
जपिताद्भावितान्नित्यं इष्टार्थाः स्युर्न संशयः ॥ 16 ॥
हन्तु नः कायजान् दोषान् आत्मात्मीयसमुद्भवान् ।
सर्वानपि पुमर्थांश्च ददातु गुरुरात्मवित् ॥ 17 ॥
इति कालत्रये नित्यं प्रार्थनां यः करोति सः ।
इहामुत्राप्तसर्वेष्टो मोदते नात्र संशयः ॥ 18 ॥
अगम्यमहिमा लोके राघवेन्द्रो महायशाः ।
श्रीमध्वमतदुग्धाब्धिचन्द्रोऽवतु सदाऽनघः ॥ 19 ॥
सर्वयात्राफलावाप्त्यै यथाशक्तिप्रदक्षिणम् ।
करोमि तव सिद्धस्य बृन्दावनगतं जलम् ॥ 20 ॥
शिरसा धारयाम्यद्य सर्वतीर्थफलाप्तये ।
सर्वाभीष्टार्थसिद्ध्यर्थं नमस्कारं करोम्यहम् ।
तव सङ्कीर्तनं वेदशास्त्रार्थज्ञानसिद्धये ॥ 21 ॥
संसारेऽक्षयसागरे प्रकृतितोऽगाधे सदा दुस्तरे
सर्वावद्यजलग्रहैरनुपमैः कामादिभङ्गाकुले ।
नानाविभ्रमदुर्भ्रमेऽमितभयस्तोमादिफेनोत्कटे
दुःखोत्कृष्टविषे समुद्धर गुरो मा मग्नरूपं सदा ॥ 22 ॥
राघवेन्द्रगुरुस्तोत्रं यः पठेद्भक्तिपूर्वकम् ।
तस्य कुष्ठादिरोगाणां निवृत्तिस्त्वरया भवेत् ॥ 23 ॥
अन्धोऽपि दिव्यदृष्टिः स्यादेडमूकोऽपि वाक्पतिः ।
पूर्णायुः पूर्णसम्पत्तिः स्तोत्रस्याऽस्य जपाद्भवेत् ॥ 24 ॥
यः पिबेज्जलमेतेन स्तोत्रेणैवाभिमन्त्रितम् ।
तस्य कुक्षिगता दोषाः सर्वे नश्यन्ति तत् क्षणात् ॥ 25 ॥
यद्वृन्दावनमासाद्य पङ्गुः खञ्जोऽपि वा जनः ।
स्तोत्रेणानेन यः कुर्यात् प्रदक्षिणनमस्कृती ॥ 26 ॥
स जङ्घालो भवेदेव गुरुराजप्रसादतः ।
सोमसूर्योपरागे च पुष्यार्कादिसमागमे ॥ 27 ॥
योऽनुत्तममिदं स्तोत्रमष्टोत्तरशतं जपेत् ।
भूतप्रेतपिशाचादि पीडा तस्य न जायते ॥ 28 ॥
एतत् स्तोत्रं समुच्चार्य गुरोर्वृन्दावनान्तिके ।
दीपसंयोजनाज्ज्ञानं पुत्रलाभो भवेद्ध्रुवम् ॥ 29 ॥
परवादिजयो दिव्यज्ञानभक्त्यादिवर्धनम् ।
सर्वाभीष्टप्रवृद्धिः स्यान्नात्र कार्या विचारणा ॥ 30 ॥
राजचोरमहाव्याघ्रसर्पनक्रादिपीडनम् ।
न जायतेऽस्य स्तोत्रस्य प्रभावान्नात्र संशयः ॥ 31 ॥
यो भक्त्या गुरुराघवेन्द्रचरणद्वन्द्वं स्मरन् यः पठेत्
स्तोत्रं दिव्यमिदं सदा न हि भवेत्तस्यासुखं किञ्चन ।
किं त्विष्टार्थसमृद्धिरेव कमलानाथप्रसादोदयात्
कीर्तिर्दिग्विदिता विभूतिरतुला साक्षी हयास्योऽत्र हि ॥ 32 ॥
फलशृतिः
इति श्री राघवेन्द्रार्य गुरुराजप्रसादतः ।
कृतं स्तोत्रमिदं पुण्यं श्रीमद्भिर्ह्यप्पणाभिदैः ॥
पूज्याय राघवेन्द्राय सत्यधर्मरताय च ।
भजतां कल्पवृक्षाय नमतां कामधेनवे ॥
आपादमौलिपर्यन्तं गुरूणामाकृतिं स्मरेत् ।
तेन विघ्नः प्रणश्यन्ति सिद्ध्यन्ति च मनोरथाः ॥
दुर्वादिध्वान्तरवये वैष्णवेन्दीवरेन्दवे ।
श्रीराघवेन्द्र गुरवे नमोऽत्यन्तदयालवे ॥
मूकोऽपि यत्प्रसादेन मुकुन्दशयनाय ते ।
राजराजायते रिक्तो राघवेन्द्रं तमाश्रये ।
इति श्री अप्पण्णाचार्यविरचितं श्रीराघवेन्द्र स्तोत्रं सम्पूर्णम् ॥
śrīpūrṇabodhagurutīrthapayobdhipārā
kāmārimākṣaviṣamākṣaśiraḥ spṛśantī |
pūrvottarāmitataraṅgacaratsuhaṃsā
devālisevitaparāṅghripayojalagnā || 1 ||
jīveśabhedaguṇapūrtijagatsusattva-
-nīcoccabhāvamukhanakragaṇaiḥ sametā |
durvādyajāpatigilairgururāghavendra-
-vāgdevatāsaridamuṃ vimalī karotu || 2 ||
śrīrāghavendraḥ sakalapradātā
svapādakañjadvayabhaktimadbhyaḥ |
aghādrisambhedanadṛṣṭivajraḥ
kṣamāsurendro'vatu māṃ sadā'yam || 3 ||
śrīrāghavendro haripādakañja-
-niṣevaṇāllabdhasamastasampat |
devasvabhāvo divijadrumo'ya-
-miṣṭaprado me satataṃ sa bhūyāt || 4 ||
bhavyasvarūpo bhavaduḥkhatūla-
-saṅghāgnicaryaḥ sukhadhairyaśālī |
samastaduṣṭagrahanigraheśo
duratyayopaplavasindhusetuḥ || 5 ||
nirastadoṣo niravadyaveṣaḥ
pratyarthimūkattvanidānabhāṣaḥ |
vidvatparijñeyamahāviśeṣo
vāgvaikharīnirjitabhavyaśeṣaḥ || 6 ||
santānasampatpariśuddhabhakti-
-vijñānavāgdehasupāṭavādīn |
datvā śarīrotthasamastadoṣān
hattvā sa no'vyādgururāghavendraḥ || 7 ||
yatpādodakasañcayaḥ suranadīmukhyāpagāsāditā-
-saṅkhyānuttamapuṇyasaṅghavilasatprakhyātapuṇyāvahaḥ |
dustāpatrayanāśano bhuvi mahāvandhyāsuputraprado
vyaṅgasvaṅgasamṛddhido grahamahāpāpāpahastaṃ śraye || 8 ||
yatpādakañjarajasā paribhūṣitāṅgā
yatpādapadmamadhupāyitamānasā ye |
yatpādapadmaparikīrtanajīrṇavāca
-staddarśanaṃ duritakānanadāvabhūtam || 9 ||
sarvatantrasvatantro'sau śrīmadhvamatavardhanaḥ
vijayīndrakarābjotthasudhīndravaraputrakaḥ || 10 ||
śrīrāghavendro yatirāṭ gururme syādbhayāpahaḥ
jñānabhaktisuputrāyuryaśaḥ śrīpuṇyavardhanaḥ || 11 ||
prativādijayasvāntabhedacihnādaro guruḥ |
sarvavidyāpravīṇo'nyo rāghavendrānna vidyate || 12 ||
aparokṣīkṛtaśrīśaḥ samupekṣitabhāvajaḥ |
apekṣitapradātā'nyo rāghavendrānna vidyate || 13 ||
dayādākṣiṇyavairāgyavākpāṭavamukhāṅkitaḥ |
śāpānugrahaśakto'nyo rāghavendrānna vidyate || 14 ||
ajñānavismṛtibhrāntisaṃśayā'pasmṛtikṣayāḥ |
tandrākampavacaḥkauṇṭhyamukhā ye cendriyodbhavāḥ |
doṣāste nāśamāyānti rāghavendraprasādataḥ || 15 ||
oṃ śrīrāghavendrāya namaḥ itya'ṣṭākṣaramantrataḥ |
japitādbhāvitānnityaṃ iṣṭārthāḥ syurna saṃśayaḥ || 16 ||
hantu naḥ kāyajān doṣān ātmātmīyasamudbhavān |
sarvānapi pumarthāṃśca dadātu gururātmavit || 17 ||
iti kālatraye nityaṃ prārthanāṃ yaḥ karoti saḥ |
ihāmutrāptasarveṣṭo modate nātra saṃśayaḥ || 18 ||
agamyamahimā loke rāghavendro mahāyaśāḥ |
śrīmadhvamatadugdhābdhicandro'vatu sadā'naghaḥ || 19 ||
sarvayātrāphalāvāptyai yathāśaktipradakṣiṇam |
karomi tava siddhasya bṛndāvanagataṃ jalam || 20 ||
śirasā dhārayāmyadya sarvatīrthaphalāptaye |
sarvābhīṣṭārthasiddhyarthaṃ namaskāraṃ karomyaham |
tava saṅkīrtanaṃ vedaśāstrārthajñānasiddhaye || 21 ||
saṃsāre'kṣayasāgare prakṛtito'gādhe sadā dustare
sarvāvadyajalagrahairanupamaiḥ kāmādibhaṅgākule |
nānāvibhramadurbhrame'mitabhayastomādiphenotkaṭe
duḥkhotkṛṣṭaviṣe samuddhara guro mā magnarūpaṃ sadā || 22 ||
rāghavendragurustotraṃ yaḥ paṭhedbhaktipūrvakam |
tasya kuṣṭhādirogāṇāṃ nivṛttistvarayā bhavet || 23 ||
andho'pi divyadṛṣṭiḥ syādeḍamūko'pi vākpatiḥ |
pūrṇāyuḥ pūrṇasampattiḥ stotrasyā'sya japādbhavet || 24 ||
yaḥ pibejjalametena stotreṇaivābhimantritam |
tasya kukṣigatā doṣāḥ sarve naśyanti tat kṣaṇāt || 25 ||
yadvṛndāvanamāsādya paṅguḥ khañjo'pi vā janaḥ |
stotreṇānena yaḥ kuryāt pradakṣiṇanamaskṛtī || 26 ||
sa jaṅghālo bhavedeva gururājaprasādataḥ |
somasūryoparāge ca puṣyārkādisamāgame || 27 ||
yo'nuttamamidaṃ stotramaṣṭottaraśataṃ japet |
bhūtapretapiśācādi pīḍā tasya na jāyate || 28 ||
etat stotraṃ samuccārya gurorvṛndāvanāntike |
dīpasaṃyojanājjñānaṃ putralābho bhaveddhruvam || 29 ||
paravādijayo divyajñānabhaktyādivardhanam |
sarvābhīṣṭapravṛddhiḥ syānnātra kāryā vicāraṇā || 30 ||
rājacoramahāvyāghrasarpanakrādipīḍanam |
na jāyate'sya stotrasya prabhāvānnātra saṃśayaḥ || 31 ||
yo bhaktyā gururāghavendracaraṇadvandvaṃ smaran yaḥ paṭhet
stotraṃ divyamidaṃ sadā na hi bhavettasyāsukhaṃ kiñcana |
kiṃ tviṣṭārthasamṛddhireva kamalānāthaprasādodayāt
kīrtirdigviditā vibhūtiratulā sākṣī hayāsyo'tra hi || 32 ||
phalaśṛtiḥ
iti śrī rāghavendrārya gururājaprasādataḥ |
kṛtaṃ stotramidaṃ puṇyaṃ śrīmadbhirhyappaṇābhidaiḥ ||
pūjyāya rāghavendrāya satyadharmaratāya ca |
bhajatāṃ kalpavṛkṣāya namatāṃ kāmadhenave ||
āpādamauliparyantaṃ gurūṇāmākṛtiṃ smaret |
tena vighnaḥ praṇaśyanti siddhyanti ca manorathāḥ ||
durvādidhvāntaravaye vaiṣṇavendīvarendave |
śrīrāghavendra gurave namo'tyantadayālave ||
mūko'pi yatprasādena mukundaśayanāya te |
rājarājāyate rikto rāghavendraṃ tamāśraye |
iti śrī appaṇṇācāryaviracitaṃ śrīrāghavendra stotraṃ sampūrṇam ||
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.