ଶ୍ରୀପୂର୍ଣବୋଧଗୁରୁତୀର୍ଥପଯୋବ୍ଧିପାରା
କାମାରିମାକ୍ଷଵିଷମାକ୍ଷଶିରଃ ସ୍ପୃଶନ୍ତୀ ।
ପୂର୍ଵୋତ୍ତରାମିତତରଙ୍ଗଚରତ୍ସୁହଂସା
ଦେଵାଲିସେଵିତପରାଙ୍ଘ୍ରିପଯୋଜଲଗ୍ନା ॥ 1 ॥
ଜୀଵେଶଭେଦଗୁଣପୂର୍ତିଜଗତ୍ସୁସତ୍ତ୍ଵ-
-ନୀଚୋଚ୍ଚଭାଵମୁଖନକ୍ରଗଣୈଃ ସମେତା ।
ଦୁର୍ଵାଦ୍ଯଜାପତିଗିଲୈର୍ଗୁରୁରାଘଵେନ୍ଦ୍ର-
-ଵାଗ୍ଦେଵତାସରିଦମୁଂ ଵିମଲୀ କରୋତୁ ॥ 2 ॥
ଶ୍ରୀରାଘଵେନ୍ଦ୍ରଃ ସକଲପ୍ରଦାତା
ସ୍ଵପାଦକଞ୍ଜଦ୍ଵଯଭକ୍ତିମଦ୍ଭ୍ଯଃ ।
ଅଘାଦ୍ରିସମ୍ଭେଦନଦୃଷ୍ଟିଵଜ୍ରଃ
କ୍ଷମାସୁରେନ୍ଦ୍ରୋଽଵତୁ ମାଂ ସଦାଽଯମ୍ ॥ 3 ॥
ଶ୍ରୀରାଘଵେନ୍ଦ୍ରୋ ହରିପାଦକଞ୍ଜ-
-ନିଷେଵଣାଲ୍ଲବ୍ଧସମସ୍ତସମ୍ପତ୍ ।
ଦେଵସ୍ଵଭାଵୋ ଦିଵିଜଦ୍ରୁମୋଽଯ-
-ମିଷ୍ଟପ୍ରଦୋ ମେ ସତତଂ ସ ଭୂଯାତ୍ ॥ 4 ॥
ଭଵ୍ଯସ୍ଵରୂପୋ ଭଵଦୁଃଖତୂଲ-
-ସଙ୍ଘାଗ୍ନିଚର୍ଯଃ ସୁଖଧୈର୍ଯଶାଲୀ ।
ସମସ୍ତଦୁଷ୍ଟଗ୍ରହନିଗ୍ରହେଶୋ
ଦୁରତ୍ଯଯୋପପ୍ଲଵସିନ୍ଧୁସେତୁଃ ॥ 5 ॥
ନିରସ୍ତଦୋଷୋ ନିରଵଦ୍ଯଵେଷଃ
ପ୍ରତ୍ଯର୍ଥିମୂକତ୍ତ୍ଵନିଦାନଭାଷଃ ।
ଵିଦ୍ଵତ୍ପରିଜ୍ଞେଯମହାଵିଶେଷୋ
ଵାଗ୍ଵୈଖରୀନିର୍ଜିତଭଵ୍ଯଶେଷଃ ॥ 6 ॥
ସନ୍ତାନସମ୍ପତ୍ପରିଶୁଦ୍ଧଭକ୍ତି-
-ଵିଜ୍ଞାନଵାଗ୍ଦେହସୁପାଟଵାଦୀନ୍ ।
ଦତ୍ଵା ଶରୀରୋତ୍ଥସମସ୍ତଦୋଷାନ୍
ହତ୍ତ୍ଵା ସ ନୋଽଵ୍ଯାଦ୍ଗୁରୁରାଘଵେନ୍ଦ୍ରଃ ॥ 7 ॥
ଯତ୍ପାଦୋଦକସଞ୍ଚଯଃ ସୁରନଦୀମୁଖ୍ଯାପଗାସାଦିତା-
-ସଙ୍ଖ୍ଯାନୁତ୍ତମପୁଣ୍ଯସଙ୍ଘଵିଲସତ୍ପ୍ରଖ୍ଯାତପୁଣ୍ଯାଵହଃ ।
ଦୁସ୍ତାପତ୍ରଯନାଶନୋ ଭୁଵି ମହାଵନ୍ଧ୍ଯାସୁପୁତ୍ରପ୍ରଦୋ
ଵ୍ଯଙ୍ଗସ୍ଵଙ୍ଗସମୃଦ୍ଧିଦୋ ଗ୍ରହମହାପାପାପହସ୍ତଂ ଶ୍ରଯେ ॥ 8 ॥
ଯତ୍ପାଦକଞ୍ଜରଜସା ପରିଭୂଷିତାଙ୍ଗା
ଯତ୍ପାଦପଦ୍ମମଧୁପାଯିତମାନସା ଯେ ।
ଯତ୍ପାଦପଦ୍ମପରିକୀର୍ତନଜୀର୍ଣଵାଚ
-ସ୍ତଦ୍ଦର୍ଶନଂ ଦୁରିତକାନନଦାଵଭୂତମ୍ ॥ 9 ॥
ସର୍ଵତନ୍ତ୍ରସ୍ଵତନ୍ତ୍ରୋଽସୌ ଶ୍ରୀମଧ୍ଵମତଵର୍ଧନଃ
ଵିଜଯୀନ୍ଦ୍ରକରାବ୍ଜୋତ୍ଥସୁଧୀନ୍ଦ୍ରଵରପୁତ୍ରକଃ ॥ 10 ॥
ଶ୍ରୀରାଘଵେନ୍ଦ୍ରୋ ଯତିରାଟ୍ ଗୁରୁର୍ମେ ସ୍ଯାଦ୍ଭଯାପହଃ
ଜ୍ଞାନଭକ୍ତିସୁପୁତ୍ରାଯୁର୍ଯଶଃ ଶ୍ରୀପୁଣ୍ଯଵର୍ଧନଃ ॥ 11 ॥
ପ୍ରତିଵାଦିଜଯସ୍ଵାନ୍ତଭେଦଚିହ୍ନାଦରୋ ଗୁରୁଃ ।
ସର୍ଵଵିଦ୍ଯାପ୍ରଵୀଣୋଽନ୍ଯୋ ରାଘଵେନ୍ଦ୍ରାନ୍ନ ଵିଦ୍ଯତେ ॥ 12 ॥
ଅପରୋକ୍ଷୀକୃତଶ୍ରୀଶଃ ସମୁପେକ୍ଷିତଭାଵଜଃ ।
ଅପେକ୍ଷିତପ୍ରଦାତାଽନ୍ଯୋ ରାଘଵେନ୍ଦ୍ରାନ୍ନ ଵିଦ୍ଯତେ ॥ 13 ॥
ଦଯାଦାକ୍ଷିଣ୍ଯଵୈରାଗ୍ଯଵାକ୍ପାଟଵମୁଖାଙ୍କିତଃ ।
ଶାପାନୁଗ୍ରହଶକ୍ତୋଽନ୍ଯୋ ରାଘଵେନ୍ଦ୍ରାନ୍ନ ଵିଦ୍ଯତେ ॥ 14 ॥
ଅଜ୍ଞାନଵିସ୍ମୃତିଭ୍ରାନ୍ତିସଂଶଯାଽପସ୍ମୃତିକ୍ଷଯାଃ ।
ତନ୍ଦ୍ରାକମ୍ପଵଚଃକୌଣ୍ଠ୍ଯମୁଖା ଯେ ଚେନ୍ଦ୍ରିଯୋଦ୍ଭଵାଃ ।
ଦୋଷାସ୍ତେ ନାଶମାଯାନ୍ତି ରାଘଵେନ୍ଦ୍ରପ୍ରସାଦତଃ ॥ 15 ॥
ଓଁ ଶ୍ରୀରାଘଵେନ୍ଦ୍ରାଯ ନମଃ ଇତ୍ଯଽଷ୍ଟାକ୍ଷରମନ୍ତ୍ରତଃ ।
ଜପିତାଦ୍ଭାଵିତାନ୍ନିତ୍ଯଂ ଇଷ୍ଟାର୍ଥାଃ ସ୍ଯୁର୍ନ ସଂଶଯଃ ॥ 16 ॥
ହନ୍ତୁ ନଃ କାଯଜାନ୍ ଦୋଷାନ୍ ଆତ୍ମାତ୍ମୀଯସମୁଦ୍ଭଵାନ୍ ।
ସର୍ଵାନପି ପୁମର୍ଥାଂଶ୍ଚ ଦଦାତୁ ଗୁରୁରାତ୍ମଵିତ୍ ॥ 17 ॥
ଇତି କାଲତ୍ରଯେ ନିତ୍ଯଂ ପ୍ରାର୍ଥନାଂ ଯଃ କରୋତି ସଃ ।
ଇହାମୁତ୍ରାପ୍ତସର୍ଵେଷ୍ଟୋ ମୋଦତେ ନାତ୍ର ସଂଶଯଃ ॥ 18 ॥
ଅଗମ୍ଯମହିମା ଲୋକେ ରାଘଵେନ୍ଦ୍ରୋ ମହାଯଶାଃ ।
ଶ୍ରୀମଧ୍ଵମତଦୁଗ୍ଧାବ୍ଧିଚନ୍ଦ୍ରୋଽଵତୁ ସଦାଽନଘଃ ॥ 19 ॥
ସର୍ଵଯାତ୍ରାଫଲାଵାପ୍ତ୍ଯୈ ଯଥାଶକ୍ତିପ୍ରଦକ୍ଷିଣମ୍ ।
କରୋମି ତଵ ସିଦ୍ଧସ୍ଯ ବୃନ୍ଦାଵନଗତଂ ଜଲମ୍ ॥ 20 ॥
ଶିରସା ଧାରଯାମ୍ଯଦ୍ଯ ସର୍ଵତୀର୍ଥଫଲାପ୍ତଯେ ।
ସର୍ଵାଭୀଷ୍ଟାର୍ଥସିଦ୍ଧ୍ଯର୍ଥଂ ନମସ୍କାରଂ କରୋମ୍ଯହମ୍ ।
ତଵ ସଙ୍କୀର୍ତନଂ ଵେଦଶାସ୍ତ୍ରାର୍ଥଜ୍ଞାନସିଦ୍ଧଯେ ॥ 21 ॥
ସଂସାରେଽକ୍ଷଯସାଗରେ ପ୍ରକୃତିତୋଽଗାଧେ ସଦା ଦୁସ୍ତରେ
ସର୍ଵାଵଦ୍ଯଜଲଗ୍ରହୈରନୁପମୈଃ କାମାଦିଭଙ୍ଗାକୁଲେ ।
ନାନାଵିଭ୍ରମଦୁର୍ଭ୍ରମେଽମିତଭଯସ୍ତୋମାଦିଫେନୋତ୍କଟେ
ଦୁଃଖୋତ୍କୃଷ୍ଟଵିଷେ ସମୁଦ୍ଧର ଗୁରୋ ମା ମଗ୍ନରୂପଂ ସଦା ॥ 22 ॥
ରାଘଵେନ୍ଦ୍ରଗୁରୁସ୍ତୋତ୍ରଂ ଯଃ ପଠେଦ୍ଭକ୍ତିପୂର୍ଵକମ୍ ।
ତସ୍ଯ କୁଷ୍ଠାଦିରୋଗାଣାଂ ନିଵୃତ୍ତିସ୍ତ୍ଵରଯା ଭଵେତ୍ ॥ 23 ॥
ଅନ୍ଧୋଽପି ଦିଵ୍ଯଦୃଷ୍ଟିଃ ସ୍ଯାଦେଡମୂକୋଽପି ଵାକ୍ପତିଃ ।
ପୂର୍ଣାଯୁଃ ପୂର୍ଣସମ୍ପତ୍ତିଃ ସ୍ତୋତ୍ରସ୍ଯାଽସ୍ଯ ଜପାଦ୍ଭଵେତ୍ ॥ 24 ॥
ଯଃ ପିବେଜ୍ଜଲମେତେନ ସ୍ତୋତ୍ରେଣୈଵାଭିମନ୍ତ୍ରିତମ୍ ।
ତସ୍ଯ କୁକ୍ଷିଗତା ଦୋଷାଃ ସର୍ଵେ ନଶ୍ଯନ୍ତି ତତ୍ କ୍ଷଣାତ୍ ॥ 25 ॥
ଯଦ୍ଵୃନ୍ଦାଵନମାସାଦ୍ଯ ପଙ୍ଗୁଃ ଖଞ୍ଜୋଽପି ଵା ଜନଃ ।
ସ୍ତୋତ୍ରେଣାନେନ ଯଃ କୁର୍ଯାତ୍ ପ୍ରଦକ୍ଷିଣନମସ୍କୃତୀ ॥ 26 ॥
ସ ଜଙ୍ଘାଲୋ ଭଵେଦେଵ ଗୁରୁରାଜପ୍ରସାଦତଃ ।
ସୋମସୂର୍ଯୋପରାଗେ ଚ ପୁଷ୍ଯାର୍କାଦିସମାଗମେ ॥ 27 ॥
ଯୋଽନୁତ୍ତମମିଦଂ ସ୍ତୋତ୍ରମଷ୍ଟୋତ୍ତରଶତଂ ଜପେତ୍ ।
ଭୂତପ୍ରେତପିଶାଚାଦି ପୀଡା ତସ୍ଯ ନ ଜାଯତେ ॥ 28 ॥
ଏତତ୍ ସ୍ତୋତ୍ରଂ ସମୁଚ୍ଚାର୍ଯ ଗୁରୋର୍ଵୃନ୍ଦାଵନାନ୍ତିକେ ।
ଦୀପସଂଯୋଜନାଜ୍ଜ୍ଞାନଂ ପୁତ୍ରଲାଭୋ ଭଵେଦ୍ଧ୍ରୁଵମ୍ ॥ 29 ॥
ପରଵାଦିଜଯୋ ଦିଵ୍ଯଜ୍ଞାନଭକ୍ତ୍ଯାଦିଵର୍ଧନମ୍ ।
ସର୍ଵାଭୀଷ୍ଟପ୍ରଵୃଦ୍ଧିଃ ସ୍ଯାନ୍ନାତ୍ର କାର୍ଯା ଵିଚାରଣା ॥ 30 ॥
ରାଜଚୋରମହାଵ୍ଯାଘ୍ରସର୍ପନକ୍ରାଦିପୀଡନମ୍ ।
ନ ଜାଯତେଽସ୍ଯ ସ୍ତୋତ୍ରସ୍ଯ ପ୍ରଭାଵାନ୍ନାତ୍ର ସଂଶଯଃ ॥ 31 ॥
ଯୋ ଭକ୍ତ୍ଯା ଗୁରୁରାଘଵେନ୍ଦ୍ରଚରଣଦ୍ଵନ୍ଦ୍ଵଂ ସ୍ମରନ୍ ଯଃ ପଠେତ୍
ସ୍ତୋତ୍ରଂ ଦିଵ୍ଯମିଦଂ ସଦା ନ ହି ଭଵେତ୍ତସ୍ଯାସୁଖଂ କିଞ୍ଚନ ।
କିଂ ତ୍ଵିଷ୍ଟାର୍ଥସମୃଦ୍ଧିରେଵ କମଲାନାଥପ୍ରସାଦୋଦଯାତ୍
କୀର୍ତିର୍ଦିଗ୍ଵିଦିତା ଵିଭୂତିରତୁଲା ସାକ୍ଷୀ ହଯାସ୍ଯୋଽତ୍ର ହି ॥ 32 ॥
ଫଲଶୃତିଃ
ଇତି ଶ୍ରୀ ରାଘଵେନ୍ଦ୍ରାର୍ଯ ଗୁରୁରାଜପ୍ରସାଦତଃ ।
କୃତଂ ସ୍ତୋତ୍ରମିଦଂ ପୁଣ୍ଯଂ ଶ୍ରୀମଦ୍ଭିର୍ହ୍ଯପ୍ପଣାଭିଦୈଃ ॥
ପୂଜ୍ଯାଯ ରାଘଵେନ୍ଦ୍ରାଯ ସତ୍ଯଧର୍ମରତାଯ ଚ ।
ଭଜତାଂ କଲ୍ପଵୃକ୍ଷାଯ ନମତାଂ କାମଧେନଵେ ॥
ଆପାଦମୌଲିପର୍ଯନ୍ତଂ ଗୁରୂଣାମାକୃତିଂ ସ୍ମରେତ୍ ।
ତେନ ଵିଘ୍ନଃ ପ୍ରଣଶ୍ଯନ୍ତି ସିଦ୍ଧ୍ଯନ୍ତି ଚ ମନୋରଥାଃ ॥
ଦୁର୍ଵାଦିଧ୍ଵାନ୍ତରଵଯେ ଵୈଷ୍ଣଵେନ୍ଦୀଵରେନ୍ଦଵେ ।
ଶ୍ରୀରାଘଵେନ୍ଦ୍ର ଗୁରଵେ ନମୋଽତ୍ଯନ୍ତଦଯାଲଵେ ॥
ମୂକୋଽପି ଯତ୍ପ୍ରସାଦେନ ମୁକୁନ୍ଦଶଯନାଯ ତେ ।
ରାଜରାଜାଯତେ ରିକ୍ତୋ ରାଘଵେନ୍ଦ୍ରଂ ତମାଶ୍ରଯେ ।
ଇତି ଶ୍ରୀ ଅପ୍ପଣ୍ଣାଚାର୍ଯଵିରଚିତଂ ଶ୍ରୀରାଘଵେନ୍ଦ୍ର ସ୍ତୋତ୍ରଂ ସମ୍ପୂର୍ଣମ୍ ॥
Roman (IAST) Transliteration
śrīpūrṇabodhagurutīrthapayobdhipārā
kāmārimākṣaviṣamākṣaśiraḥ spṛśantī |
pūrvottarāmitataraṅgacaratsuhaṃsā
devālisevitaparāṅghripayojalagnā || 1 ||
jīveśabhedaguṇapūrtijagatsusattva-
-nīcoccabhāvamukhanakragaṇaiḥ sametā |
durvādyajāpatigilairgururāghavendra-
-vāgdevatāsaridamuṃ vimalī karotu || 2 ||
śrīrāghavendraḥ sakalapradātā
svapādakañjadvayabhaktimadbhyaḥ |
aghādrisambhedanadṛṣṭivajraḥ
kṣamāsurendro'vatu māṃ sadā'yam || 3 ||
śrīrāghavendro haripādakañja-
-niṣevaṇāllabdhasamastasampat |
devasvabhāvo divijadrumo'ya-
-miṣṭaprado me satataṃ sa bhūyāt || 4 ||
bhavyasvarūpo bhavaduḥkhatūla-
-saṅghāgnicaryaḥ sukhadhairyaśālī |
samastaduṣṭagrahanigraheśo
duratyayopaplavasindhusetuḥ || 5 ||
nirastadoṣo niravadyaveṣaḥ
pratyarthimūkattvanidānabhāṣaḥ |
vidvatparijñeyamahāviśeṣo
vāgvaikharīnirjitabhavyaśeṣaḥ || 6 ||
santānasampatpariśuddhabhakti-
-vijñānavāgdehasupāṭavādīn |
datvā śarīrotthasamastadoṣān
hattvā sa no'vyādgururāghavendraḥ || 7 ||
yatpādodakasañcayaḥ suranadīmukhyāpagāsāditā-
-saṅkhyānuttamapuṇyasaṅghavilasatprakhyātapuṇyāvahaḥ |
dustāpatrayanāśano bhuvi mahāvandhyāsuputraprado
vyaṅgasvaṅgasamṛddhido grahamahāpāpāpahastaṃ śraye || 8 ||
yatpādakañjarajasā paribhūṣitāṅgā
yatpādapadmamadhupāyitamānasā ye |
yatpādapadmaparikīrtanajīrṇavāca
-staddarśanaṃ duritakānanadāvabhūtam || 9 ||
sarvatantrasvatantro'sau śrīmadhvamatavardhanaḥ
vijayīndrakarābjotthasudhīndravaraputrakaḥ || 10 ||
śrīrāghavendro yatirāṭ gururme syādbhayāpahaḥ
jñānabhaktisuputrāyuryaśaḥ śrīpuṇyavardhanaḥ || 11 ||
prativādijayasvāntabhedacihnādaro guruḥ |
sarvavidyāpravīṇo'nyo rāghavendrānna vidyate || 12 ||
aparokṣīkṛtaśrīśaḥ samupekṣitabhāvajaḥ |
apekṣitapradātā'nyo rāghavendrānna vidyate || 13 ||
dayādākṣiṇyavairāgyavākpāṭavamukhāṅkitaḥ |
śāpānugrahaśakto'nyo rāghavendrānna vidyate || 14 ||
ajñānavismṛtibhrāntisaṃśayā'pasmṛtikṣayāḥ |
tandrākampavacaḥkauṇṭhyamukhā ye cendriyodbhavāḥ |
doṣāste nāśamāyānti rāghavendraprasādataḥ || 15 ||
oṃ śrīrāghavendrāya namaḥ itya'ṣṭākṣaramantrataḥ |
japitādbhāvitānnityaṃ iṣṭārthāḥ syurna saṃśayaḥ || 16 ||
hantu naḥ kāyajān doṣān ātmātmīyasamudbhavān |
sarvānapi pumarthāṃśca dadātu gururātmavit || 17 ||
iti kālatraye nityaṃ prārthanāṃ yaḥ karoti saḥ |
ihāmutrāptasarveṣṭo modate nātra saṃśayaḥ || 18 ||
agamyamahimā loke rāghavendro mahāyaśāḥ |
śrīmadhvamatadugdhābdhicandro'vatu sadā'naghaḥ || 19 ||
sarvayātrāphalāvāptyai yathāśaktipradakṣiṇam |
karomi tava siddhasya bṛndāvanagataṃ jalam || 20 ||
śirasā dhārayāmyadya sarvatīrthaphalāptaye |
sarvābhīṣṭārthasiddhyarthaṃ namaskāraṃ karomyaham |
tava saṅkīrtanaṃ vedaśāstrārthajñānasiddhaye || 21 ||
saṃsāre'kṣayasāgare prakṛtito'gādhe sadā dustare
sarvāvadyajalagrahairanupamaiḥ kāmādibhaṅgākule |
nānāvibhramadurbhrame'mitabhayastomādiphenotkaṭe
duḥkhotkṛṣṭaviṣe samuddhara guro mā magnarūpaṃ sadā || 22 ||
rāghavendragurustotraṃ yaḥ paṭhedbhaktipūrvakam |
tasya kuṣṭhādirogāṇāṃ nivṛttistvarayā bhavet || 23 ||
andho'pi divyadṛṣṭiḥ syādeḍamūko'pi vākpatiḥ |
pūrṇāyuḥ pūrṇasampattiḥ stotrasyā'sya japādbhavet || 24 ||
yaḥ pibejjalametena stotreṇaivābhimantritam |
tasya kukṣigatā doṣāḥ sarve naśyanti tat kṣaṇāt || 25 ||
yadvṛndāvanamāsādya paṅguḥ khañjo'pi vā janaḥ |
stotreṇānena yaḥ kuryāt pradakṣiṇanamaskṛtī || 26 ||
sa jaṅghālo bhavedeva gururājaprasādataḥ |
somasūryoparāge ca puṣyārkādisamāgame || 27 ||
yo'nuttamamidaṃ stotramaṣṭottaraśataṃ japet |
bhūtapretapiśācādi pīḍā tasya na jāyate || 28 ||
etat stotraṃ samuccārya gurorvṛndāvanāntike |
dīpasaṃyojanājjñānaṃ putralābho bhaveddhruvam || 29 ||
paravādijayo divyajñānabhaktyādivardhanam |
sarvābhīṣṭapravṛddhiḥ syānnātra kāryā vicāraṇā || 30 ||
rājacoramahāvyāghrasarpanakrādipīḍanam |
na jāyate'sya stotrasya prabhāvānnātra saṃśayaḥ || 31 ||
yo bhaktyā gururāghavendracaraṇadvandvaṃ smaran yaḥ paṭhet
stotraṃ divyamidaṃ sadā na hi bhavettasyāsukhaṃ kiñcana |
kiṃ tviṣṭārthasamṛddhireva kamalānāthaprasādodayāt
kīrtirdigviditā vibhūtiratulā sākṣī hayāsyo'tra hi || 32 ||
phalaśṛtiḥ
iti śrī rāghavendrārya gururājaprasādataḥ |
kṛtaṃ stotramidaṃ puṇyaṃ śrīmadbhirhyappaṇābhidaiḥ ||
pūjyāya rāghavendrāya satyadharmaratāya ca |
bhajatāṃ kalpavṛkṣāya namatāṃ kāmadhenave ||
āpādamauliparyantaṃ gurūṇāmākṛtiṃ smaret |
tena vighnaḥ praṇaśyanti siddhyanti ca manorathāḥ ||
durvādidhvāntaravaye vaiṣṇavendīvarendave |
śrīrāghavendra gurave namo'tyantadayālave ||
mūko'pi yatprasādena mukundaśayanāya te |
rājarājāyate rikto rāghavendraṃ tamāśraye |
iti śrī appaṇṇācāryaviracitaṃ śrīrāghavendra stotraṃ sampūrṇam ||
Sanskrit — Devanagari (original)
श्रीपूर्णबोधगुरुतीर्थपयोब्धिपारा
कामारिमाक्षविषमाक्षशिरः स्पृशन्ती ।
पूर्वोत्तरामिततरङ्गचरत्सुहंसा
देवालिसेवितपराङ्घ्रिपयोजलग्ना ॥ 1 ॥
जीवेशभेदगुणपूर्तिजगत्सुसत्त्व-
-नीचोच्चभावमुखनक्रगणैः समेता ।
दुर्वाद्यजापतिगिलैर्गुरुराघवेन्द्र-
-वाग्देवतासरिदमुं विमली करोतु ॥ 2 ॥
श्रीराघवेन्द्रः सकलप्रदाता
स्वपादकञ्जद्वयभक्तिमद्भ्यः ।
अघाद्रिसम्भेदनदृष्टिवज्रः
क्षमासुरेन्द्रोऽवतु मां सदाऽयम् ॥ 3 ॥
श्रीराघवेन्द्रो हरिपादकञ्ज-
-निषेवणाल्लब्धसमस्तसम्पत् ।
देवस्वभावो दिविजद्रुमोऽय-
-मिष्टप्रदो मे सततं स भूयात् ॥ 4 ॥
भव्यस्वरूपो भवदुःखतूल-
-सङ्घाग्निचर्यः सुखधैर्यशाली ।
समस्तदुष्टग्रहनिग्रहेशो
दुरत्ययोपप्लवसिन्धुसेतुः ॥ 5 ॥
निरस्तदोषो निरवद्यवेषः
प्रत्यर्थिमूकत्त्वनिदानभाषः ।
विद्वत्परिज्ञेयमहाविशेषो
वाग्वैखरीनिर्जितभव्यशेषः ॥ 6 ॥
सन्तानसम्पत्परिशुद्धभक्ति-
-विज्ञानवाग्देहसुपाटवादीन् ।
दत्वा शरीरोत्थसमस्तदोषान्
हत्त्वा स नोऽव्याद्गुरुराघवेन्द्रः ॥ 7 ॥
यत्पादोदकसञ्चयः सुरनदीमुख्यापगासादिता-
-सङ्ख्यानुत्तमपुण्यसङ्घविलसत्प्रख्यातपुण्यावहः ।
दुस्तापत्रयनाशनो भुवि महावन्ध्यासुपुत्रप्रदो
व्यङ्गस्वङ्गसमृद्धिदो ग्रहमहापापापहस्तं श्रये ॥ 8 ॥
यत्पादकञ्जरजसा परिभूषिताङ्गा
यत्पादपद्ममधुपायितमानसा ये ।
यत्पादपद्मपरिकीर्तनजीर्णवाच
-स्तद्दर्शनं दुरितकाननदावभूतम् ॥ 9 ॥
सर्वतन्त्रस्वतन्त्रोऽसौ श्रीमध्वमतवर्धनः
विजयीन्द्रकराब्जोत्थसुधीन्द्रवरपुत्रकः ॥ 10 ॥
श्रीराघवेन्द्रो यतिराट् गुरुर्मे स्याद्भयापहः
ज्ञानभक्तिसुपुत्रायुर्यशः श्रीपुण्यवर्धनः ॥ 11 ॥
प्रतिवादिजयस्वान्तभेदचिह्नादरो गुरुः ।
सर्वविद्याप्रवीणोऽन्यो राघवेन्द्रान्न विद्यते ॥ 12 ॥
अपरोक्षीकृतश्रीशः समुपेक्षितभावजः ।
अपेक्षितप्रदाताऽन्यो राघवेन्द्रान्न विद्यते ॥ 13 ॥
दयादाक्षिण्यवैराग्यवाक्पाटवमुखाङ्कितः ।
शापानुग्रहशक्तोऽन्यो राघवेन्द्रान्न विद्यते ॥ 14 ॥
अज्ञानविस्मृतिभ्रान्तिसंशयाऽपस्मृतिक्षयाः ।
तन्द्राकम्पवचःकौण्ठ्यमुखा ये चेन्द्रियोद्भवाः ।
दोषास्ते नाशमायान्ति राघवेन्द्रप्रसादतः ॥ 15 ॥
ॐ श्रीराघवेन्द्राय नमः इत्यऽष्टाक्षरमन्त्रतः ।
जपिताद्भावितान्नित्यं इष्टार्थाः स्युर्न संशयः ॥ 16 ॥
हन्तु नः कायजान् दोषान् आत्मात्मीयसमुद्भवान् ।
सर्वानपि पुमर्थांश्च ददातु गुरुरात्मवित् ॥ 17 ॥
इति कालत्रये नित्यं प्रार्थनां यः करोति सः ।
इहामुत्राप्तसर्वेष्टो मोदते नात्र संशयः ॥ 18 ॥
अगम्यमहिमा लोके राघवेन्द्रो महायशाः ।
श्रीमध्वमतदुग्धाब्धिचन्द्रोऽवतु सदाऽनघः ॥ 19 ॥
सर्वयात्राफलावाप्त्यै यथाशक्तिप्रदक्षिणम् ।
करोमि तव सिद्धस्य बृन्दावनगतं जलम् ॥ 20 ॥
शिरसा धारयाम्यद्य सर्वतीर्थफलाप्तये ।
सर्वाभीष्टार्थसिद्ध्यर्थं नमस्कारं करोम्यहम् ।
तव सङ्कीर्तनं वेदशास्त्रार्थज्ञानसिद्धये ॥ 21 ॥
संसारेऽक्षयसागरे प्रकृतितोऽगाधे सदा दुस्तरे
सर्वावद्यजलग्रहैरनुपमैः कामादिभङ्गाकुले ।
नानाविभ्रमदुर्भ्रमेऽमितभयस्तोमादिफेनोत्कटे
दुःखोत्कृष्टविषे समुद्धर गुरो मा मग्नरूपं सदा ॥ 22 ॥
राघवेन्द्रगुरुस्तोत्रं यः पठेद्भक्तिपूर्वकम् ।
तस्य कुष्ठादिरोगाणां निवृत्तिस्त्वरया भवेत् ॥ 23 ॥
अन्धोऽपि दिव्यदृष्टिः स्यादेडमूकोऽपि वाक्पतिः ।
पूर्णायुः पूर्णसम्पत्तिः स्तोत्रस्याऽस्य जपाद्भवेत् ॥ 24 ॥
यः पिबेज्जलमेतेन स्तोत्रेणैवाभिमन्त्रितम् ।
तस्य कुक्षिगता दोषाः सर्वे नश्यन्ति तत् क्षणात् ॥ 25 ॥
यद्वृन्दावनमासाद्य पङ्गुः खञ्जोऽपि वा जनः ।
स्तोत्रेणानेन यः कुर्यात् प्रदक्षिणनमस्कृती ॥ 26 ॥
स जङ्घालो भवेदेव गुरुराजप्रसादतः ।
सोमसूर्योपरागे च पुष्यार्कादिसमागमे ॥ 27 ॥
योऽनुत्तममिदं स्तोत्रमष्टोत्तरशतं जपेत् ।
भूतप्रेतपिशाचादि पीडा तस्य न जायते ॥ 28 ॥
एतत् स्तोत्रं समुच्चार्य गुरोर्वृन्दावनान्तिके ।
दीपसंयोजनाज्ज्ञानं पुत्रलाभो भवेद्ध्रुवम् ॥ 29 ॥
परवादिजयो दिव्यज्ञानभक्त्यादिवर्धनम् ।
सर्वाभीष्टप्रवृद्धिः स्यान्नात्र कार्या विचारणा ॥ 30 ॥
राजचोरमहाव्याघ्रसर्पनक्रादिपीडनम् ।
न जायतेऽस्य स्तोत्रस्य प्रभावान्नात्र संशयः ॥ 31 ॥
यो भक्त्या गुरुराघवेन्द्रचरणद्वन्द्वं स्मरन् यः पठेत्
स्तोत्रं दिव्यमिदं सदा न हि भवेत्तस्यासुखं किञ्चन ।
किं त्विष्टार्थसमृद्धिरेव कमलानाथप्रसादोदयात्
कीर्तिर्दिग्विदिता विभूतिरतुला साक्षी हयास्योऽत्र हि ॥ 32 ॥
फलशृतिः
इति श्री राघवेन्द्रार्य गुरुराजप्रसादतः ।
कृतं स्तोत्रमिदं पुण्यं श्रीमद्भिर्ह्यप्पणाभिदैः ॥
पूज्याय राघवेन्द्राय सत्यधर्मरताय च ।
भजतां कल्पवृक्षाय नमतां कामधेनवे ॥
आपादमौलिपर्यन्तं गुरूणामाकृतिं स्मरेत् ।
तेन विघ्नः प्रणश्यन्ति सिद्ध्यन्ति च मनोरथाः ॥
दुर्वादिध्वान्तरवये वैष्णवेन्दीवरेन्दवे ।
श्रीराघवेन्द्र गुरवे नमोऽत्यन्तदयालवे ॥
मूकोऽपि यत्प्रसादेन मुकुन्दशयनाय ते ।
राजराजायते रिक्तो राघवेन्द्रं तमाश्रये ।
इति श्री अप्पण्णाचार्यविरचितं श्रीराघवेन्द्र स्तोत्रं सम्पूर्णम् ॥
śrīpūrṇabodhagurutīrthapayobdhipārā
kāmārimākṣaviṣamākṣaśiraḥ spṛśantī |
pūrvottarāmitataraṅgacaratsuhaṃsā
devālisevitaparāṅghripayojalagnā || 1 ||
jīveśabhedaguṇapūrtijagatsusattva-
-nīcoccabhāvamukhanakragaṇaiḥ sametā |
durvādyajāpatigilairgururāghavendra-
-vāgdevatāsaridamuṃ vimalī karotu || 2 ||
śrīrāghavendraḥ sakalapradātā
svapādakañjadvayabhaktimadbhyaḥ |
aghādrisambhedanadṛṣṭivajraḥ
kṣamāsurendro'vatu māṃ sadā'yam || 3 ||
śrīrāghavendro haripādakañja-
-niṣevaṇāllabdhasamastasampat |
devasvabhāvo divijadrumo'ya-
-miṣṭaprado me satataṃ sa bhūyāt || 4 ||
bhavyasvarūpo bhavaduḥkhatūla-
-saṅghāgnicaryaḥ sukhadhairyaśālī |
samastaduṣṭagrahanigraheśo
duratyayopaplavasindhusetuḥ || 5 ||
nirastadoṣo niravadyaveṣaḥ
pratyarthimūkattvanidānabhāṣaḥ |
vidvatparijñeyamahāviśeṣo
vāgvaikharīnirjitabhavyaśeṣaḥ || 6 ||
santānasampatpariśuddhabhakti-
-vijñānavāgdehasupāṭavādīn |
datvā śarīrotthasamastadoṣān
hattvā sa no'vyādgururāghavendraḥ || 7 ||
yatpādodakasañcayaḥ suranadīmukhyāpagāsāditā-
-saṅkhyānuttamapuṇyasaṅghavilasatprakhyātapuṇyāvahaḥ |
dustāpatrayanāśano bhuvi mahāvandhyāsuputraprado
vyaṅgasvaṅgasamṛddhido grahamahāpāpāpahastaṃ śraye || 8 ||
yatpādakañjarajasā paribhūṣitāṅgā
yatpādapadmamadhupāyitamānasā ye |
yatpādapadmaparikīrtanajīrṇavāca
-staddarśanaṃ duritakānanadāvabhūtam || 9 ||
sarvatantrasvatantro'sau śrīmadhvamatavardhanaḥ
vijayīndrakarābjotthasudhīndravaraputrakaḥ || 10 ||
śrīrāghavendro yatirāṭ gururme syādbhayāpahaḥ
jñānabhaktisuputrāyuryaśaḥ śrīpuṇyavardhanaḥ || 11 ||
prativādijayasvāntabhedacihnādaro guruḥ |
sarvavidyāpravīṇo'nyo rāghavendrānna vidyate || 12 ||
aparokṣīkṛtaśrīśaḥ samupekṣitabhāvajaḥ |
apekṣitapradātā'nyo rāghavendrānna vidyate || 13 ||
dayādākṣiṇyavairāgyavākpāṭavamukhāṅkitaḥ |
śāpānugrahaśakto'nyo rāghavendrānna vidyate || 14 ||
ajñānavismṛtibhrāntisaṃśayā'pasmṛtikṣayāḥ |
tandrākampavacaḥkauṇṭhyamukhā ye cendriyodbhavāḥ |
doṣāste nāśamāyānti rāghavendraprasādataḥ || 15 ||
oṃ śrīrāghavendrāya namaḥ itya'ṣṭākṣaramantrataḥ |
japitādbhāvitānnityaṃ iṣṭārthāḥ syurna saṃśayaḥ || 16 ||
hantu naḥ kāyajān doṣān ātmātmīyasamudbhavān |
sarvānapi pumarthāṃśca dadātu gururātmavit || 17 ||
iti kālatraye nityaṃ prārthanāṃ yaḥ karoti saḥ |
ihāmutrāptasarveṣṭo modate nātra saṃśayaḥ || 18 ||
agamyamahimā loke rāghavendro mahāyaśāḥ |
śrīmadhvamatadugdhābdhicandro'vatu sadā'naghaḥ || 19 ||
sarvayātrāphalāvāptyai yathāśaktipradakṣiṇam |
karomi tava siddhasya bṛndāvanagataṃ jalam || 20 ||
śirasā dhārayāmyadya sarvatīrthaphalāptaye |
sarvābhīṣṭārthasiddhyarthaṃ namaskāraṃ karomyaham |
tava saṅkīrtanaṃ vedaśāstrārthajñānasiddhaye || 21 ||
saṃsāre'kṣayasāgare prakṛtito'gādhe sadā dustare
sarvāvadyajalagrahairanupamaiḥ kāmādibhaṅgākule |
nānāvibhramadurbhrame'mitabhayastomādiphenotkaṭe
duḥkhotkṛṣṭaviṣe samuddhara guro mā magnarūpaṃ sadā || 22 ||
rāghavendragurustotraṃ yaḥ paṭhedbhaktipūrvakam |
tasya kuṣṭhādirogāṇāṃ nivṛttistvarayā bhavet || 23 ||
andho'pi divyadṛṣṭiḥ syādeḍamūko'pi vākpatiḥ |
pūrṇāyuḥ pūrṇasampattiḥ stotrasyā'sya japādbhavet || 24 ||
yaḥ pibejjalametena stotreṇaivābhimantritam |
tasya kukṣigatā doṣāḥ sarve naśyanti tat kṣaṇāt || 25 ||
yadvṛndāvanamāsādya paṅguḥ khañjo'pi vā janaḥ |
stotreṇānena yaḥ kuryāt pradakṣiṇanamaskṛtī || 26 ||
sa jaṅghālo bhavedeva gururājaprasādataḥ |
somasūryoparāge ca puṣyārkādisamāgame || 27 ||
yo'nuttamamidaṃ stotramaṣṭottaraśataṃ japet |
bhūtapretapiśācādi pīḍā tasya na jāyate || 28 ||
etat stotraṃ samuccārya gurorvṛndāvanāntike |
dīpasaṃyojanājjñānaṃ putralābho bhaveddhruvam || 29 ||
paravādijayo divyajñānabhaktyādivardhanam |
sarvābhīṣṭapravṛddhiḥ syānnātra kāryā vicāraṇā || 30 ||
rājacoramahāvyāghrasarpanakrādipīḍanam |
na jāyate'sya stotrasya prabhāvānnātra saṃśayaḥ || 31 ||
yo bhaktyā gururāghavendracaraṇadvandvaṃ smaran yaḥ paṭhet
stotraṃ divyamidaṃ sadā na hi bhavettasyāsukhaṃ kiñcana |
kiṃ tviṣṭārthasamṛddhireva kamalānāthaprasādodayāt
kīrtirdigviditā vibhūtiratulā sākṣī hayāsyo'tra hi || 32 ||
phalaśṛtiḥ
iti śrī rāghavendrārya gururājaprasādataḥ |
kṛtaṃ stotramidaṃ puṇyaṃ śrīmadbhirhyappaṇābhidaiḥ ||
pūjyāya rāghavendrāya satyadharmaratāya ca |
bhajatāṃ kalpavṛkṣāya namatāṃ kāmadhenave ||
āpādamauliparyantaṃ gurūṇāmākṛtiṃ smaret |
tena vighnaḥ praṇaśyanti siddhyanti ca manorathāḥ ||
durvādidhvāntaravaye vaiṣṇavendīvarendave |
śrīrāghavendra gurave namo'tyantadayālave ||
mūko'pi yatprasādena mukundaśayanāya te |
rājarājāyate rikto rāghavendraṃ tamāśraye |
iti śrī appaṇṇācāryaviracitaṃ śrīrāghavendra stotraṃ sampūrṇam ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.