𑌶𑍍𑌰𑍀𑌪𑍂𑌰𑍍𑌣𑌬𑍋𑌧𑌗𑍁𑌰𑍁𑌤𑍀𑌰𑍍𑌥𑌪𑌯𑍋𑌬𑍍𑌧𑌿𑌪𑌾𑌰𑌾
𑌕𑌾𑌮𑌾𑌰𑌿𑌮𑌾𑌕𑍍𑌷𑌵𑌿𑌷𑌮𑌾𑌕𑍍𑌷𑌶𑌿𑌰𑌃 𑌸𑍍𑌪𑍃𑌶𑌨𑍍𑌤𑍀 ।
𑌪𑍂𑌰𑍍𑌵𑍋𑌤𑍍𑌤𑌰𑌾𑌮𑌿𑌤𑌤𑌰𑌙𑍍𑌗𑌚𑌰𑌤𑍍𑌸𑍁𑌹𑌂𑌸𑌾
𑌦𑍇𑌵𑌾𑌲𑌿𑌸𑍇𑌵𑌿𑌤𑌪𑌰𑌾𑌙𑍍𑌘𑍍𑌰𑌿𑌪𑌯𑍋𑌜𑌲𑌗𑍍𑌨𑌾 ॥ 1 ॥
𑌜𑍀𑌵𑍇𑌶𑌭𑍇𑌦𑌗𑍁𑌣𑌪𑍂𑌰𑍍𑌤𑌿𑌜𑌗𑌤𑍍𑌸𑍁𑌸𑌤𑍍𑌤𑍍𑌵-
-𑌨𑍀𑌚𑍋𑌚𑍍𑌚𑌭𑌾𑌵𑌮𑍁𑌖𑌨𑌕𑍍𑌰𑌗𑌣𑍈𑌃 𑌸𑌮𑍇𑌤𑌾 ।
𑌦𑍁𑌰𑍍𑌵𑌾𑌦𑍍𑌯𑌜𑌾𑌪𑌤𑌿𑌗𑌿𑌲𑍈𑌰𑍍𑌗𑍁𑌰𑍁𑌰𑌾𑌘𑌵𑍇𑌨𑍍𑌦𑍍𑌰-
-𑌵𑌾𑌗𑍍𑌦𑍇𑌵𑌤𑌾𑌸𑌰𑌿𑌦𑌮𑍁𑌂 𑌵𑌿𑌮𑌲𑍀 𑌕𑌰𑍋𑌤𑍁 ॥ 2 ॥
𑌶𑍍𑌰𑍀𑌰𑌾𑌘𑌵𑍇𑌨𑍍𑌦𑍍𑌰𑌃 𑌸𑌕𑌲𑌪𑍍𑌰𑌦𑌾𑌤𑌾
𑌸𑍍𑌵𑌪𑌾𑌦𑌕𑌞𑍍𑌜𑌦𑍍𑌵𑌯𑌭𑌕𑍍𑌤𑌿𑌮𑌦𑍍𑌭𑍍𑌯𑌃 ।
𑌅𑌘𑌾𑌦𑍍𑌰𑌿𑌸𑌮𑍍𑌭𑍇𑌦𑌨𑌦𑍃𑌷𑍍𑌟𑌿𑌵𑌜𑍍𑌰𑌃
𑌕𑍍𑌷𑌮𑌾𑌸𑍁𑌰𑍇𑌨𑍍𑌦𑍍𑌰𑍋𑌽𑌵𑌤𑍁 𑌮𑌾𑌂 𑌸𑌦𑌾𑌽𑌯𑌮𑍍 ॥ 3 ॥
𑌶𑍍𑌰𑍀𑌰𑌾𑌘𑌵𑍇𑌨𑍍𑌦𑍍𑌰𑍋 𑌹𑌰𑌿𑌪𑌾𑌦𑌕𑌞𑍍𑌜-
-𑌨𑌿𑌷𑍇𑌵𑌣𑌾𑌲𑍍𑌲𑌬𑍍𑌧𑌸𑌮𑌸𑍍𑌤𑌸𑌮𑍍𑌪𑌤𑍍 ।
𑌦𑍇𑌵𑌸𑍍𑌵𑌭𑌾𑌵𑍋 𑌦𑌿𑌵𑌿𑌜𑌦𑍍𑌰𑍁𑌮𑍋𑌽𑌯-
-𑌮𑌿𑌷𑍍𑌟𑌪𑍍𑌰𑌦𑍋 𑌮𑍇 𑌸𑌤𑌤𑌂 𑌸 𑌭𑍂𑌯𑌾𑌤𑍍 ॥ 4 ॥
𑌭𑌵𑍍𑌯𑌸𑍍𑌵𑌰𑍂𑌪𑍋 𑌭𑌵𑌦𑍁𑌃𑌖𑌤𑍂𑌲-
-𑌸𑌙𑍍𑌘𑌾𑌗𑍍𑌨𑌿𑌚𑌰𑍍𑌯𑌃 𑌸𑍁𑌖𑌧𑍈𑌰𑍍𑌯𑌶𑌾𑌲𑍀 ।
𑌸𑌮𑌸𑍍𑌤𑌦𑍁𑌷𑍍𑌟𑌗𑍍𑌰𑌹𑌨𑌿𑌗𑍍𑌰𑌹𑍇𑌶𑍋
𑌦𑍁𑌰𑌤𑍍𑌯𑌯𑍋𑌪𑌪𑍍𑌲𑌵𑌸𑌿𑌨𑍍𑌧𑍁𑌸𑍇𑌤𑍁𑌃 ॥ 5 ॥
𑌨𑌿𑌰𑌸𑍍𑌤𑌦𑍋𑌷𑍋 𑌨𑌿𑌰𑌵𑌦𑍍𑌯𑌵𑍇𑌷𑌃
𑌪𑍍𑌰𑌤𑍍𑌯𑌰𑍍𑌥𑌿𑌮𑍂𑌕𑌤𑍍𑌤𑍍𑌵𑌨𑌿𑌦𑌾𑌨𑌭𑌾𑌷𑌃 ।
𑌵𑌿𑌦𑍍𑌵𑌤𑍍𑌪𑌰𑌿𑌜𑍍𑌞𑍇𑌯𑌮𑌹𑌾𑌵𑌿𑌶𑍇𑌷𑍋
𑌵𑌾𑌗𑍍𑌵𑍈𑌖𑌰𑍀𑌨𑌿𑌰𑍍𑌜𑌿𑌤𑌭𑌵𑍍𑌯𑌶𑍇𑌷𑌃 ॥ 6 ॥
𑌸𑌨𑍍𑌤𑌾𑌨𑌸𑌮𑍍𑌪𑌤𑍍𑌪𑌰𑌿𑌶𑍁𑌦𑍍𑌧𑌭𑌕𑍍𑌤𑌿-
-𑌵𑌿𑌜𑍍𑌞𑌾𑌨𑌵𑌾𑌗𑍍𑌦𑍇𑌹𑌸𑍁𑌪𑌾𑌟𑌵𑌾𑌦𑍀𑌨𑍍 ।
𑌦𑌤𑍍𑌵𑌾 𑌶𑌰𑍀𑌰𑍋𑌤𑍍𑌥𑌸𑌮𑌸𑍍𑌤𑌦𑍋𑌷𑌾𑌨𑍍
𑌹𑌤𑍍𑌤𑍍𑌵𑌾 𑌸 𑌨𑍋𑌽𑌵𑍍𑌯𑌾𑌦𑍍𑌗𑍁𑌰𑍁𑌰𑌾𑌘𑌵𑍇𑌨𑍍𑌦𑍍𑌰𑌃 ॥ 7 ॥
𑌯𑌤𑍍𑌪𑌾𑌦𑍋𑌦𑌕𑌸𑌞𑍍𑌚𑌯𑌃 𑌸𑍁𑌰𑌨𑌦𑍀𑌮𑍁𑌖𑍍𑌯𑌾𑌪𑌗𑌾𑌸𑌾𑌦𑌿𑌤𑌾-
-𑌸𑌙𑍍𑌖𑍍𑌯𑌾𑌨𑍁𑌤𑍍𑌤𑌮𑌪𑍁𑌣𑍍𑌯𑌸𑌙𑍍𑌘𑌵𑌿𑌲𑌸𑌤𑍍𑌪𑍍𑌰𑌖𑍍𑌯𑌾𑌤𑌪𑍁𑌣𑍍𑌯𑌾𑌵𑌹𑌃 ।
𑌦𑍁𑌸𑍍𑌤𑌾𑌪𑌤𑍍𑌰𑌯𑌨𑌾𑌶𑌨𑍋 𑌭𑍁𑌵𑌿 𑌮𑌹𑌾𑌵𑌨𑍍𑌧𑍍𑌯𑌾𑌸𑍁𑌪𑍁𑌤𑍍𑌰𑌪𑍍𑌰𑌦𑍋
𑌵𑍍𑌯𑌙𑍍𑌗𑌸𑍍𑌵𑌙𑍍𑌗𑌸𑌮𑍃𑌦𑍍𑌧𑌿𑌦𑍋 𑌗𑍍𑌰𑌹𑌮𑌹𑌾𑌪𑌾𑌪𑌾𑌪𑌹𑌸𑍍𑌤𑌂 𑌶𑍍𑌰𑌯𑍇 ॥ 8 ॥
𑌯𑌤𑍍𑌪𑌾𑌦𑌕𑌞𑍍𑌜𑌰𑌜𑌸𑌾 𑌪𑌰𑌿𑌭𑍂𑌷𑌿𑌤𑌾𑌙𑍍𑌗𑌾
𑌯𑌤𑍍𑌪𑌾𑌦𑌪𑌦𑍍𑌮𑌮𑌧𑍁𑌪𑌾𑌯𑌿𑌤𑌮𑌾𑌨𑌸𑌾 𑌯𑍇 ।
𑌯𑌤𑍍𑌪𑌾𑌦𑌪𑌦𑍍𑌮𑌪𑌰𑌿𑌕𑍀𑌰𑍍𑌤𑌨𑌜𑍀𑌰𑍍𑌣𑌵𑌾𑌚
-𑌸𑍍𑌤𑌦𑍍𑌦𑌰𑍍𑌶𑌨𑌂 𑌦𑍁𑌰𑌿𑌤𑌕𑌾𑌨𑌨𑌦𑌾𑌵𑌭𑍂𑌤𑌮𑍍 ॥ 9 ॥
𑌸𑌰𑍍𑌵𑌤𑌨𑍍𑌤𑍍𑌰𑌸𑍍𑌵𑌤𑌨𑍍𑌤𑍍𑌰𑍋𑌽𑌸𑍗 𑌶𑍍𑌰𑍀𑌮𑌧𑍍𑌵𑌮𑌤𑌵𑌰𑍍𑌧𑌨𑌃
𑌵𑌿𑌜𑌯𑍀𑌨𑍍𑌦𑍍𑌰𑌕𑌰𑌾𑌬𑍍𑌜𑍋𑌤𑍍𑌥𑌸𑍁𑌧𑍀𑌨𑍍𑌦𑍍𑌰𑌵𑌰𑌪𑍁𑌤𑍍𑌰𑌕𑌃 ॥ 10 ॥
𑌶𑍍𑌰𑍀𑌰𑌾𑌘𑌵𑍇𑌨𑍍𑌦𑍍𑌰𑍋 𑌯𑌤𑌿𑌰𑌾𑌟𑍍 𑌗𑍁𑌰𑍁𑌰𑍍𑌮𑍇 𑌸𑍍𑌯𑌾𑌦𑍍𑌭𑌯𑌾𑌪𑌹𑌃
𑌜𑍍𑌞𑌾𑌨𑌭𑌕𑍍𑌤𑌿𑌸𑍁𑌪𑍁𑌤𑍍𑌰𑌾𑌯𑍁𑌰𑍍𑌯𑌶𑌃 𑌶𑍍𑌰𑍀𑌪𑍁𑌣𑍍𑌯𑌵𑌰𑍍𑌧𑌨𑌃 ॥ 11 ॥
𑌪𑍍𑌰𑌤𑌿𑌵𑌾𑌦𑌿𑌜𑌯𑌸𑍍𑌵𑌾𑌨𑍍𑌤𑌭𑍇𑌦𑌚𑌿𑌹𑍍𑌨𑌾𑌦𑌰𑍋 𑌗𑍁𑌰𑍁𑌃 ।
𑌸𑌰𑍍𑌵𑌵𑌿𑌦𑍍𑌯𑌾𑌪𑍍𑌰𑌵𑍀𑌣𑍋𑌽𑌨𑍍𑌯𑍋 𑌰𑌾𑌘𑌵𑍇𑌨𑍍𑌦𑍍𑌰𑌾𑌨𑍍𑌨 𑌵𑌿𑌦𑍍𑌯𑌤𑍇 ॥ 12 ॥
𑌅𑌪𑌰𑍋𑌕𑍍𑌷𑍀𑌕𑍃𑌤𑌶𑍍𑌰𑍀𑌶𑌃 𑌸𑌮𑍁𑌪𑍇𑌕𑍍𑌷𑌿𑌤𑌭𑌾𑌵𑌜𑌃 ।
𑌅𑌪𑍇𑌕𑍍𑌷𑌿𑌤𑌪𑍍𑌰𑌦𑌾𑌤𑌾𑌽𑌨𑍍𑌯𑍋 𑌰𑌾𑌘𑌵𑍇𑌨𑍍𑌦𑍍𑌰𑌾𑌨𑍍𑌨 𑌵𑌿𑌦𑍍𑌯𑌤𑍇 ॥ 13 ॥
𑌦𑌯𑌾𑌦𑌾𑌕𑍍𑌷𑌿𑌣𑍍𑌯𑌵𑍈𑌰𑌾𑌗𑍍𑌯𑌵𑌾𑌕𑍍𑌪𑌾𑌟𑌵𑌮𑍁𑌖𑌾𑌙𑍍𑌕𑌿𑌤𑌃 ।
𑌶𑌾𑌪𑌾𑌨𑍁𑌗𑍍𑌰𑌹𑌶𑌕𑍍𑌤𑍋𑌽𑌨𑍍𑌯𑍋 𑌰𑌾𑌘𑌵𑍇𑌨𑍍𑌦𑍍𑌰𑌾𑌨𑍍𑌨 𑌵𑌿𑌦𑍍𑌯𑌤𑍇 ॥ 14 ॥
𑌅𑌜𑍍𑌞𑌾𑌨𑌵𑌿𑌸𑍍𑌮𑍃𑌤𑌿𑌭𑍍𑌰𑌾𑌨𑍍𑌤𑌿𑌸𑌂𑌶𑌯𑌾𑌽𑌪𑌸𑍍𑌮𑍃𑌤𑌿𑌕𑍍𑌷𑌯𑌾𑌃 ।
𑌤𑌨𑍍𑌦𑍍𑌰𑌾𑌕𑌮𑍍𑌪𑌵𑌚𑌃𑌕𑍗𑌣𑍍𑌠𑍍𑌯𑌮𑍁𑌖𑌾 𑌯𑍇 𑌚𑍇𑌨𑍍𑌦𑍍𑌰𑌿𑌯𑍋𑌦𑍍𑌭𑌵𑌾𑌃 ।
𑌦𑍋𑌷𑌾𑌸𑍍𑌤𑍇 𑌨𑌾𑌶𑌮𑌾𑌯𑌾𑌨𑍍𑌤𑌿 𑌰𑌾𑌘𑌵𑍇𑌨𑍍𑌦𑍍𑌰𑌪𑍍𑌰𑌸𑌾𑌦𑌤𑌃 ॥ 15 ॥
𑍐 𑌶𑍍𑌰𑍀𑌰𑌾𑌘𑌵𑍇𑌨𑍍𑌦𑍍𑌰𑌾𑌯 𑌨𑌮𑌃 𑌇𑌤𑍍𑌯𑌽𑌷𑍍𑌟𑌾𑌕𑍍𑌷𑌰𑌮𑌨𑍍𑌤𑍍𑌰𑌤𑌃 ।
𑌜𑌪𑌿𑌤𑌾𑌦𑍍𑌭𑌾𑌵𑌿𑌤𑌾𑌨𑍍𑌨𑌿𑌤𑍍𑌯𑌂 𑌇𑌷𑍍𑌟𑌾𑌰𑍍𑌥𑌾𑌃 𑌸𑍍𑌯𑍁𑌰𑍍𑌨 𑌸𑌂𑌶𑌯𑌃 ॥ 16 ॥
𑌹𑌨𑍍𑌤𑍁 𑌨𑌃 𑌕𑌾𑌯𑌜𑌾𑌨𑍍 𑌦𑍋𑌷𑌾𑌨𑍍 𑌆𑌤𑍍𑌮𑌾𑌤𑍍𑌮𑍀𑌯𑌸𑌮𑍁𑌦𑍍𑌭𑌵𑌾𑌨𑍍 ।
𑌸𑌰𑍍𑌵𑌾𑌨𑌪𑌿 𑌪𑍁𑌮𑌰𑍍𑌥𑌾𑌂𑌶𑍍𑌚 𑌦𑌦𑌾𑌤𑍁 𑌗𑍁𑌰𑍁𑌰𑌾𑌤𑍍𑌮𑌵𑌿𑌤𑍍 ॥ 17 ॥
𑌇𑌤𑌿 𑌕𑌾𑌲𑌤𑍍𑌰𑌯𑍇 𑌨𑌿𑌤𑍍𑌯𑌂 𑌪𑍍𑌰𑌾𑌰𑍍𑌥𑌨𑌾𑌂 𑌯𑌃 𑌕𑌰𑍋𑌤𑌿 𑌸𑌃 ।
𑌇𑌹𑌾𑌮𑍁𑌤𑍍𑌰𑌾𑌪𑍍𑌤𑌸𑌰𑍍𑌵𑍇𑌷𑍍𑌟𑍋 𑌮𑍋𑌦𑌤𑍇 𑌨𑌾𑌤𑍍𑌰 𑌸𑌂𑌶𑌯𑌃 ॥ 18 ॥
𑌅𑌗𑌮𑍍𑌯𑌮𑌹𑌿𑌮𑌾 𑌲𑍋𑌕𑍇 𑌰𑌾𑌘𑌵𑍇𑌨𑍍𑌦𑍍𑌰𑍋 𑌮𑌹𑌾𑌯𑌶𑌾𑌃 ।
𑌶𑍍𑌰𑍀𑌮𑌧𑍍𑌵𑌮𑌤𑌦𑍁𑌗𑍍𑌧𑌾𑌬𑍍𑌧𑌿𑌚𑌨𑍍𑌦𑍍𑌰𑍋𑌽𑌵𑌤𑍁 𑌸𑌦𑌾𑌽𑌨𑌘𑌃 ॥ 19 ॥
𑌸𑌰𑍍𑌵𑌯𑌾𑌤𑍍𑌰𑌾𑌫𑌲𑌾𑌵𑌾𑌪𑍍𑌤𑍍𑌯𑍈 𑌯𑌥𑌾𑌶𑌕𑍍𑌤𑌿𑌪𑍍𑌰𑌦𑌕𑍍𑌷𑌿𑌣𑌮𑍍 ।
𑌕𑌰𑍋𑌮𑌿 𑌤𑌵 𑌸𑌿𑌦𑍍𑌧𑌸𑍍𑌯 𑌬𑍃𑌨𑍍𑌦𑌾𑌵𑌨𑌗𑌤𑌂 𑌜𑌲𑌮𑍍 ॥ 20 ॥
𑌶𑌿𑌰𑌸𑌾 𑌧𑌾𑌰𑌯𑌾𑌮𑍍𑌯𑌦𑍍𑌯 𑌸𑌰𑍍𑌵𑌤𑍀𑌰𑍍𑌥𑌫𑌲𑌾𑌪𑍍𑌤𑌯𑍇 ।
𑌸𑌰𑍍𑌵𑌾𑌭𑍀𑌷𑍍𑌟𑌾𑌰𑍍𑌥𑌸𑌿𑌦𑍍𑌧𑍍𑌯𑌰𑍍𑌥𑌂 𑌨𑌮𑌸𑍍𑌕𑌾𑌰𑌂 𑌕𑌰𑍋𑌮𑍍𑌯𑌹𑌮𑍍 ।
𑌤𑌵 𑌸𑌙𑍍𑌕𑍀𑌰𑍍𑌤𑌨𑌂 𑌵𑍇𑌦𑌶𑌾𑌸𑍍𑌤𑍍𑌰𑌾𑌰𑍍𑌥𑌜𑍍𑌞𑌾𑌨𑌸𑌿𑌦𑍍𑌧𑌯𑍇 ॥ 21 ॥
𑌸𑌂𑌸𑌾𑌰𑍇𑌽𑌕𑍍𑌷𑌯𑌸𑌾𑌗𑌰𑍇 𑌪𑍍𑌰𑌕𑍃𑌤𑌿𑌤𑍋𑌽𑌗𑌾𑌧𑍇 𑌸𑌦𑌾 𑌦𑍁𑌸𑍍𑌤𑌰𑍇
𑌸𑌰𑍍𑌵𑌾𑌵𑌦𑍍𑌯𑌜𑌲𑌗𑍍𑌰𑌹𑍈𑌰𑌨𑍁𑌪𑌮𑍈𑌃 𑌕𑌾𑌮𑌾𑌦𑌿𑌭𑌙𑍍𑌗𑌾𑌕𑍁𑌲𑍇 ।
𑌨𑌾𑌨𑌾𑌵𑌿𑌭𑍍𑌰𑌮𑌦𑍁𑌰𑍍𑌭𑍍𑌰𑌮𑍇𑌽𑌮𑌿𑌤𑌭𑌯𑌸𑍍𑌤𑍋𑌮𑌾𑌦𑌿𑌫𑍇𑌨𑍋𑌤𑍍𑌕𑌟𑍇
𑌦𑍁𑌃𑌖𑍋𑌤𑍍𑌕𑍃𑌷𑍍𑌟𑌵𑌿𑌷𑍇 𑌸𑌮𑍁𑌦𑍍𑌧𑌰 𑌗𑍁𑌰𑍋 𑌮𑌾 𑌮𑌗𑍍𑌨𑌰𑍂𑌪𑌂 𑌸𑌦𑌾 ॥ 22 ॥
𑌰𑌾𑌘𑌵𑍇𑌨𑍍𑌦𑍍𑌰𑌗𑍁𑌰𑍁𑌸𑍍𑌤𑍋𑌤𑍍𑌰𑌂 𑌯𑌃 𑌪𑌠𑍇𑌦𑍍𑌭𑌕𑍍𑌤𑌿𑌪𑍂𑌰𑍍𑌵𑌕𑌮𑍍 ।
𑌤𑌸𑍍𑌯 𑌕𑍁𑌷𑍍𑌠𑌾𑌦𑌿𑌰𑍋𑌗𑌾𑌣𑌾𑌂 𑌨𑌿𑌵𑍃𑌤𑍍𑌤𑌿𑌸𑍍𑌤𑍍𑌵𑌰𑌯𑌾 𑌭𑌵𑍇𑌤𑍍 ॥ 23 ॥
𑌅𑌨𑍍𑌧𑍋𑌽𑌪𑌿 𑌦𑌿𑌵𑍍𑌯𑌦𑍃𑌷𑍍𑌟𑌿𑌃 𑌸𑍍𑌯𑌾𑌦𑍇𑌡𑌮𑍂𑌕𑍋𑌽𑌪𑌿 𑌵𑌾𑌕𑍍𑌪𑌤𑌿𑌃 ।
𑌪𑍂𑌰𑍍𑌣𑌾𑌯𑍁𑌃 𑌪𑍂𑌰𑍍𑌣𑌸𑌮𑍍𑌪𑌤𑍍𑌤𑌿𑌃 𑌸𑍍𑌤𑍋𑌤𑍍𑌰𑌸𑍍𑌯𑌾𑌽𑌸𑍍𑌯 𑌜𑌪𑌾𑌦𑍍𑌭𑌵𑍇𑌤𑍍 ॥ 24 ॥
𑌯𑌃 𑌪𑌿𑌬𑍇𑌜𑍍𑌜𑌲𑌮𑍇𑌤𑍇𑌨 𑌸𑍍𑌤𑍋𑌤𑍍𑌰𑍇𑌣𑍈𑌵𑌾𑌭𑌿𑌮𑌨𑍍𑌤𑍍𑌰𑌿𑌤𑌮𑍍 ।
𑌤𑌸𑍍𑌯 𑌕𑍁𑌕𑍍𑌷𑌿𑌗𑌤𑌾 𑌦𑍋𑌷𑌾𑌃 𑌸𑌰𑍍𑌵𑍇 𑌨𑌶𑍍𑌯𑌨𑍍𑌤𑌿 𑌤𑌤𑍍 𑌕𑍍𑌷𑌣𑌾𑌤𑍍 ॥ 25 ॥
𑌯𑌦𑍍𑌵𑍃𑌨𑍍𑌦𑌾𑌵𑌨𑌮𑌾𑌸𑌾𑌦𑍍𑌯 𑌪𑌙𑍍𑌗𑍁𑌃 𑌖𑌞𑍍𑌜𑍋𑌽𑌪𑌿 𑌵𑌾 𑌜𑌨𑌃 ।
𑌸𑍍𑌤𑍋𑌤𑍍𑌰𑍇𑌣𑌾𑌨𑍇𑌨 𑌯𑌃 𑌕𑍁𑌰𑍍𑌯𑌾𑌤𑍍 𑌪𑍍𑌰𑌦𑌕𑍍𑌷𑌿𑌣𑌨𑌮𑌸𑍍𑌕𑍃𑌤𑍀 ॥ 26 ॥
𑌸 𑌜𑌙𑍍𑌘𑌾𑌲𑍋 𑌭𑌵𑍇𑌦𑍇𑌵 𑌗𑍁𑌰𑍁𑌰𑌾𑌜𑌪𑍍𑌰𑌸𑌾𑌦𑌤𑌃 ।
𑌸𑍋𑌮𑌸𑍂𑌰𑍍𑌯𑍋𑌪𑌰𑌾𑌗𑍇 𑌚 𑌪𑍁𑌷𑍍𑌯𑌾𑌰𑍍𑌕𑌾𑌦𑌿𑌸𑌮𑌾𑌗𑌮𑍇 ॥ 27 ॥
𑌯𑍋𑌽𑌨𑍁𑌤𑍍𑌤𑌮𑌮𑌿𑌦𑌂 𑌸𑍍𑌤𑍋𑌤𑍍𑌰𑌮𑌷𑍍𑌟𑍋𑌤𑍍𑌤𑌰𑌶𑌤𑌂 𑌜𑌪𑍇𑌤𑍍 ।
𑌭𑍂𑌤𑌪𑍍𑌰𑍇𑌤𑌪𑌿𑌶𑌾𑌚𑌾𑌦𑌿 𑌪𑍀𑌡𑌾 𑌤𑌸𑍍𑌯 𑌨 𑌜𑌾𑌯𑌤𑍇 ॥ 28 ॥
𑌏𑌤𑌤𑍍 𑌸𑍍𑌤𑍋𑌤𑍍𑌰𑌂 𑌸𑌮𑍁𑌚𑍍𑌚𑌾𑌰𑍍𑌯 𑌗𑍁𑌰𑍋𑌰𑍍𑌵𑍃𑌨𑍍𑌦𑌾𑌵𑌨𑌾𑌨𑍍𑌤𑌿𑌕𑍇 ।
𑌦𑍀𑌪𑌸𑌂𑌯𑍋𑌜𑌨𑌾𑌜𑍍𑌜𑍍𑌞𑌾𑌨𑌂 𑌪𑍁𑌤𑍍𑌰𑌲𑌾𑌭𑍋 𑌭𑌵𑍇𑌦𑍍𑌧𑍍𑌰𑍁𑌵𑌮𑍍 ॥ 29 ॥
𑌪𑌰𑌵𑌾𑌦𑌿𑌜𑌯𑍋 𑌦𑌿𑌵𑍍𑌯𑌜𑍍𑌞𑌾𑌨𑌭𑌕𑍍𑌤𑍍𑌯𑌾𑌦𑌿𑌵𑌰𑍍𑌧𑌨𑌮𑍍 ।
𑌸𑌰𑍍𑌵𑌾𑌭𑍀𑌷𑍍𑌟𑌪𑍍𑌰𑌵𑍃𑌦𑍍𑌧𑌿𑌃 𑌸𑍍𑌯𑌾𑌨𑍍𑌨𑌾𑌤𑍍𑌰 𑌕𑌾𑌰𑍍𑌯𑌾 𑌵𑌿𑌚𑌾𑌰𑌣𑌾 ॥ 30 ॥
𑌰𑌾𑌜𑌚𑍋𑌰𑌮𑌹𑌾𑌵𑍍𑌯𑌾𑌘𑍍𑌰𑌸𑌰𑍍𑌪𑌨𑌕𑍍𑌰𑌾𑌦𑌿𑌪𑍀𑌡𑌨𑌮𑍍 ।
𑌨 𑌜𑌾𑌯𑌤𑍇𑌽𑌸𑍍𑌯 𑌸𑍍𑌤𑍋𑌤𑍍𑌰𑌸𑍍𑌯 𑌪𑍍𑌰𑌭𑌾𑌵𑌾𑌨𑍍𑌨𑌾𑌤𑍍𑌰 𑌸𑌂𑌶𑌯𑌃 ॥ 31 ॥
𑌯𑍋 𑌭𑌕𑍍𑌤𑍍𑌯𑌾 𑌗𑍁𑌰𑍁𑌰𑌾𑌘𑌵𑍇𑌨𑍍𑌦𑍍𑌰𑌚𑌰𑌣𑌦𑍍𑌵𑌨𑍍𑌦𑍍𑌵𑌂 𑌸𑍍𑌮𑌰𑌨𑍍 𑌯𑌃 𑌪𑌠𑍇𑌤𑍍
𑌸𑍍𑌤𑍋𑌤𑍍𑌰𑌂 𑌦𑌿𑌵𑍍𑌯𑌮𑌿𑌦𑌂 𑌸𑌦𑌾 𑌨 𑌹𑌿 𑌭𑌵𑍇𑌤𑍍𑌤𑌸𑍍𑌯𑌾𑌸𑍁𑌖𑌂 𑌕𑌿𑌞𑍍𑌚𑌨 ।
𑌕𑌿𑌂 𑌤𑍍𑌵𑌿𑌷𑍍𑌟𑌾𑌰𑍍𑌥𑌸𑌮𑍃𑌦𑍍𑌧𑌿𑌰𑍇𑌵 𑌕𑌮𑌲𑌾𑌨𑌾𑌥𑌪𑍍𑌰𑌸𑌾𑌦𑍋𑌦𑌯𑌾𑌤𑍍
𑌕𑍀𑌰𑍍𑌤𑌿𑌰𑍍𑌦𑌿𑌗𑍍𑌵𑌿𑌦𑌿𑌤𑌾 𑌵𑌿𑌭𑍂𑌤𑌿𑌰𑌤𑍁𑌲𑌾 𑌸𑌾𑌕𑍍𑌷𑍀 𑌹𑌯𑌾𑌸𑍍𑌯𑍋𑌽𑌤𑍍𑌰 𑌹𑌿 ॥ 32 ॥
𑌫𑌲𑌶𑍃𑌤𑌿𑌃
𑌇𑌤𑌿 𑌶𑍍𑌰𑍀 𑌰𑌾𑌘𑌵𑍇𑌨𑍍𑌦𑍍𑌰𑌾𑌰𑍍𑌯 𑌗𑍁𑌰𑍁𑌰𑌾𑌜𑌪𑍍𑌰𑌸𑌾𑌦𑌤𑌃 ।
𑌕𑍃𑌤𑌂 𑌸𑍍𑌤𑍋𑌤𑍍𑌰𑌮𑌿𑌦𑌂 𑌪𑍁𑌣𑍍𑌯𑌂 𑌶𑍍𑌰𑍀𑌮𑌦𑍍𑌭𑌿𑌰𑍍𑌹𑍍𑌯𑌪𑍍𑌪𑌣𑌾𑌭𑌿𑌦𑍈𑌃 ॥
𑌪𑍂𑌜𑍍𑌯𑌾𑌯 𑌰𑌾𑌘𑌵𑍇𑌨𑍍𑌦𑍍𑌰𑌾𑌯 𑌸𑌤𑍍𑌯𑌧𑌰𑍍𑌮𑌰𑌤𑌾𑌯 𑌚 ।
𑌭𑌜𑌤𑌾𑌂 𑌕𑌲𑍍𑌪𑌵𑍃𑌕𑍍𑌷𑌾𑌯 𑌨𑌮𑌤𑌾𑌂 𑌕𑌾𑌮𑌧𑍇𑌨𑌵𑍇 ॥
𑌆𑌪𑌾𑌦𑌮𑍗𑌲𑌿𑌪𑌰𑍍𑌯𑌨𑍍𑌤𑌂 𑌗𑍁𑌰𑍂𑌣𑌾𑌮𑌾𑌕𑍃𑌤𑌿𑌂 𑌸𑍍𑌮𑌰𑍇𑌤𑍍 ।
𑌤𑍇𑌨 𑌵𑌿𑌘𑍍𑌨𑌃 𑌪𑍍𑌰𑌣𑌶𑍍𑌯𑌨𑍍𑌤𑌿 𑌸𑌿𑌦𑍍𑌧𑍍𑌯𑌨𑍍𑌤𑌿 𑌚 𑌮𑌨𑍋𑌰𑌥𑌾𑌃 ॥
𑌦𑍁𑌰𑍍𑌵𑌾𑌦𑌿𑌧𑍍𑌵𑌾𑌨𑍍𑌤𑌰𑌵𑌯𑍇 𑌵𑍈𑌷𑍍𑌣𑌵𑍇𑌨𑍍𑌦𑍀𑌵𑌰𑍇𑌨𑍍𑌦𑌵𑍇 ।
𑌶𑍍𑌰𑍀𑌰𑌾𑌘𑌵𑍇𑌨𑍍𑌦𑍍𑌰 𑌗𑍁𑌰𑌵𑍇 𑌨𑌮𑍋𑌽𑌤𑍍𑌯𑌨𑍍𑌤𑌦𑌯𑌾𑌲𑌵𑍇 ॥
𑌮𑍂𑌕𑍋𑌽𑌪𑌿 𑌯𑌤𑍍𑌪𑍍𑌰𑌸𑌾𑌦𑍇𑌨 𑌮𑍁𑌕𑍁𑌨𑍍𑌦𑌶𑌯𑌨𑌾𑌯 𑌤𑍇 ।
𑌰𑌾𑌜𑌰𑌾𑌜𑌾𑌯𑌤𑍇 𑌰𑌿𑌕𑍍𑌤𑍋 𑌰𑌾𑌘𑌵𑍇𑌨𑍍𑌦𑍍𑌰𑌂 𑌤𑌮𑌾𑌶𑍍𑌰𑌯𑍇 ।
𑌇𑌤𑌿 𑌶𑍍𑌰𑍀 𑌅𑌪𑍍𑌪𑌣𑍍𑌣𑌾𑌚𑌾𑌰𑍍𑌯𑌵𑌿𑌰𑌚𑌿𑌤𑌂 𑌶𑍍𑌰𑍀𑌰𑌾𑌘𑌵𑍇𑌨𑍍𑌦𑍍𑌰 𑌸𑍍𑌤𑍋𑌤𑍍𑌰𑌂 𑌸𑌮𑍍𑌪𑍂𑌰𑍍𑌣𑌮𑍍 ॥
Roman (IAST) Transliteration
śrīpūrṇabodhagurutīrthapayobdhipārā
kāmārimākṣaviṣamākṣaśiraḥ spṛśantī |
pūrvottarāmitataraṅgacaratsuhaṃsā
devālisevitaparāṅghripayojalagnā || 1 ||
jīveśabhedaguṇapūrtijagatsusattva-
-nīcoccabhāvamukhanakragaṇaiḥ sametā |
durvādyajāpatigilairgururāghavendra-
-vāgdevatāsaridamuṃ vimalī karotu || 2 ||
śrīrāghavendraḥ sakalapradātā
svapādakañjadvayabhaktimadbhyaḥ |
aghādrisambhedanadṛṣṭivajraḥ
kṣamāsurendro'vatu māṃ sadā'yam || 3 ||
śrīrāghavendro haripādakañja-
-niṣevaṇāllabdhasamastasampat |
devasvabhāvo divijadrumo'ya-
-miṣṭaprado me satataṃ sa bhūyāt || 4 ||
bhavyasvarūpo bhavaduḥkhatūla-
-saṅghāgnicaryaḥ sukhadhairyaśālī |
samastaduṣṭagrahanigraheśo
duratyayopaplavasindhusetuḥ || 5 ||
nirastadoṣo niravadyaveṣaḥ
pratyarthimūkattvanidānabhāṣaḥ |
vidvatparijñeyamahāviśeṣo
vāgvaikharīnirjitabhavyaśeṣaḥ || 6 ||
santānasampatpariśuddhabhakti-
-vijñānavāgdehasupāṭavādīn |
datvā śarīrotthasamastadoṣān
hattvā sa no'vyādgururāghavendraḥ || 7 ||
yatpādodakasañcayaḥ suranadīmukhyāpagāsāditā-
-saṅkhyānuttamapuṇyasaṅghavilasatprakhyātapuṇyāvahaḥ |
dustāpatrayanāśano bhuvi mahāvandhyāsuputraprado
vyaṅgasvaṅgasamṛddhido grahamahāpāpāpahastaṃ śraye || 8 ||
yatpādakañjarajasā paribhūṣitāṅgā
yatpādapadmamadhupāyitamānasā ye |
yatpādapadmaparikīrtanajīrṇavāca
-staddarśanaṃ duritakānanadāvabhūtam || 9 ||
sarvatantrasvatantro'sau śrīmadhvamatavardhanaḥ
vijayīndrakarābjotthasudhīndravaraputrakaḥ || 10 ||
śrīrāghavendro yatirāṭ gururme syādbhayāpahaḥ
jñānabhaktisuputrāyuryaśaḥ śrīpuṇyavardhanaḥ || 11 ||
prativādijayasvāntabhedacihnādaro guruḥ |
sarvavidyāpravīṇo'nyo rāghavendrānna vidyate || 12 ||
aparokṣīkṛtaśrīśaḥ samupekṣitabhāvajaḥ |
apekṣitapradātā'nyo rāghavendrānna vidyate || 13 ||
dayādākṣiṇyavairāgyavākpāṭavamukhāṅkitaḥ |
śāpānugrahaśakto'nyo rāghavendrānna vidyate || 14 ||
ajñānavismṛtibhrāntisaṃśayā'pasmṛtikṣayāḥ |
tandrākampavacaḥkauṇṭhyamukhā ye cendriyodbhavāḥ |
doṣāste nāśamāyānti rāghavendraprasādataḥ || 15 ||
oṃ śrīrāghavendrāya namaḥ itya'ṣṭākṣaramantrataḥ |
japitādbhāvitānnityaṃ iṣṭārthāḥ syurna saṃśayaḥ || 16 ||
hantu naḥ kāyajān doṣān ātmātmīyasamudbhavān |
sarvānapi pumarthāṃśca dadātu gururātmavit || 17 ||
iti kālatraye nityaṃ prārthanāṃ yaḥ karoti saḥ |
ihāmutrāptasarveṣṭo modate nātra saṃśayaḥ || 18 ||
agamyamahimā loke rāghavendro mahāyaśāḥ |
śrīmadhvamatadugdhābdhicandro'vatu sadā'naghaḥ || 19 ||
sarvayātrāphalāvāptyai yathāśaktipradakṣiṇam |
karomi tava siddhasya bṛndāvanagataṃ jalam || 20 ||
śirasā dhārayāmyadya sarvatīrthaphalāptaye |
sarvābhīṣṭārthasiddhyarthaṃ namaskāraṃ karomyaham |
tava saṅkīrtanaṃ vedaśāstrārthajñānasiddhaye || 21 ||
saṃsāre'kṣayasāgare prakṛtito'gādhe sadā dustare
sarvāvadyajalagrahairanupamaiḥ kāmādibhaṅgākule |
nānāvibhramadurbhrame'mitabhayastomādiphenotkaṭe
duḥkhotkṛṣṭaviṣe samuddhara guro mā magnarūpaṃ sadā || 22 ||
rāghavendragurustotraṃ yaḥ paṭhedbhaktipūrvakam |
tasya kuṣṭhādirogāṇāṃ nivṛttistvarayā bhavet || 23 ||
andho'pi divyadṛṣṭiḥ syādeḍamūko'pi vākpatiḥ |
pūrṇāyuḥ pūrṇasampattiḥ stotrasyā'sya japādbhavet || 24 ||
yaḥ pibejjalametena stotreṇaivābhimantritam |
tasya kukṣigatā doṣāḥ sarve naśyanti tat kṣaṇāt || 25 ||
yadvṛndāvanamāsādya paṅguḥ khañjo'pi vā janaḥ |
stotreṇānena yaḥ kuryāt pradakṣiṇanamaskṛtī || 26 ||
sa jaṅghālo bhavedeva gururājaprasādataḥ |
somasūryoparāge ca puṣyārkādisamāgame || 27 ||
yo'nuttamamidaṃ stotramaṣṭottaraśataṃ japet |
bhūtapretapiśācādi pīḍā tasya na jāyate || 28 ||
etat stotraṃ samuccārya gurorvṛndāvanāntike |
dīpasaṃyojanājjñānaṃ putralābho bhaveddhruvam || 29 ||
paravādijayo divyajñānabhaktyādivardhanam |
sarvābhīṣṭapravṛddhiḥ syānnātra kāryā vicāraṇā || 30 ||
rājacoramahāvyāghrasarpanakrādipīḍanam |
na jāyate'sya stotrasya prabhāvānnātra saṃśayaḥ || 31 ||
yo bhaktyā gururāghavendracaraṇadvandvaṃ smaran yaḥ paṭhet
stotraṃ divyamidaṃ sadā na hi bhavettasyāsukhaṃ kiñcana |
kiṃ tviṣṭārthasamṛddhireva kamalānāthaprasādodayāt
kīrtirdigviditā vibhūtiratulā sākṣī hayāsyo'tra hi || 32 ||
phalaśṛtiḥ
iti śrī rāghavendrārya gururājaprasādataḥ |
kṛtaṃ stotramidaṃ puṇyaṃ śrīmadbhirhyappaṇābhidaiḥ ||
pūjyāya rāghavendrāya satyadharmaratāya ca |
bhajatāṃ kalpavṛkṣāya namatāṃ kāmadhenave ||
āpādamauliparyantaṃ gurūṇāmākṛtiṃ smaret |
tena vighnaḥ praṇaśyanti siddhyanti ca manorathāḥ ||
durvādidhvāntaravaye vaiṣṇavendīvarendave |
śrīrāghavendra gurave namo'tyantadayālave ||
mūko'pi yatprasādena mukundaśayanāya te |
rājarājāyate rikto rāghavendraṃ tamāśraye |
iti śrī appaṇṇācāryaviracitaṃ śrīrāghavendra stotraṃ sampūrṇam ||
Sanskrit — Devanagari (original)
श्रीपूर्णबोधगुरुतीर्थपयोब्धिपारा
कामारिमाक्षविषमाक्षशिरः स्पृशन्ती ।
पूर्वोत्तरामिततरङ्गचरत्सुहंसा
देवालिसेवितपराङ्घ्रिपयोजलग्ना ॥ 1 ॥
जीवेशभेदगुणपूर्तिजगत्सुसत्त्व-
-नीचोच्चभावमुखनक्रगणैः समेता ।
दुर्वाद्यजापतिगिलैर्गुरुराघवेन्द्र-
-वाग्देवतासरिदमुं विमली करोतु ॥ 2 ॥
श्रीराघवेन्द्रः सकलप्रदाता
स्वपादकञ्जद्वयभक्तिमद्भ्यः ।
अघाद्रिसम्भेदनदृष्टिवज्रः
क्षमासुरेन्द्रोऽवतु मां सदाऽयम् ॥ 3 ॥
श्रीराघवेन्द्रो हरिपादकञ्ज-
-निषेवणाल्लब्धसमस्तसम्पत् ।
देवस्वभावो दिविजद्रुमोऽय-
-मिष्टप्रदो मे सततं स भूयात् ॥ 4 ॥
भव्यस्वरूपो भवदुःखतूल-
-सङ्घाग्निचर्यः सुखधैर्यशाली ।
समस्तदुष्टग्रहनिग्रहेशो
दुरत्ययोपप्लवसिन्धुसेतुः ॥ 5 ॥
निरस्तदोषो निरवद्यवेषः
प्रत्यर्थिमूकत्त्वनिदानभाषः ।
विद्वत्परिज्ञेयमहाविशेषो
वाग्वैखरीनिर्जितभव्यशेषः ॥ 6 ॥
सन्तानसम्पत्परिशुद्धभक्ति-
-विज्ञानवाग्देहसुपाटवादीन् ।
दत्वा शरीरोत्थसमस्तदोषान्
हत्त्वा स नोऽव्याद्गुरुराघवेन्द्रः ॥ 7 ॥
यत्पादोदकसञ्चयः सुरनदीमुख्यापगासादिता-
-सङ्ख्यानुत्तमपुण्यसङ्घविलसत्प्रख्यातपुण्यावहः ।
दुस्तापत्रयनाशनो भुवि महावन्ध्यासुपुत्रप्रदो
व्यङ्गस्वङ्गसमृद्धिदो ग्रहमहापापापहस्तं श्रये ॥ 8 ॥
यत्पादकञ्जरजसा परिभूषिताङ्गा
यत्पादपद्ममधुपायितमानसा ये ।
यत्पादपद्मपरिकीर्तनजीर्णवाच
-स्तद्दर्शनं दुरितकाननदावभूतम् ॥ 9 ॥
सर्वतन्त्रस्वतन्त्रोऽसौ श्रीमध्वमतवर्धनः
विजयीन्द्रकराब्जोत्थसुधीन्द्रवरपुत्रकः ॥ 10 ॥
श्रीराघवेन्द्रो यतिराट् गुरुर्मे स्याद्भयापहः
ज्ञानभक्तिसुपुत्रायुर्यशः श्रीपुण्यवर्धनः ॥ 11 ॥
प्रतिवादिजयस्वान्तभेदचिह्नादरो गुरुः ।
सर्वविद्याप्रवीणोऽन्यो राघवेन्द्रान्न विद्यते ॥ 12 ॥
अपरोक्षीकृतश्रीशः समुपेक्षितभावजः ।
अपेक्षितप्रदाताऽन्यो राघवेन्द्रान्न विद्यते ॥ 13 ॥
दयादाक्षिण्यवैराग्यवाक्पाटवमुखाङ्कितः ।
शापानुग्रहशक्तोऽन्यो राघवेन्द्रान्न विद्यते ॥ 14 ॥
अज्ञानविस्मृतिभ्रान्तिसंशयाऽपस्मृतिक्षयाः ।
तन्द्राकम्पवचःकौण्ठ्यमुखा ये चेन्द्रियोद्भवाः ।
दोषास्ते नाशमायान्ति राघवेन्द्रप्रसादतः ॥ 15 ॥
ॐ श्रीराघवेन्द्राय नमः इत्यऽष्टाक्षरमन्त्रतः ।
जपिताद्भावितान्नित्यं इष्टार्थाः स्युर्न संशयः ॥ 16 ॥
हन्तु नः कायजान् दोषान् आत्मात्मीयसमुद्भवान् ।
सर्वानपि पुमर्थांश्च ददातु गुरुरात्मवित् ॥ 17 ॥
इति कालत्रये नित्यं प्रार्थनां यः करोति सः ।
इहामुत्राप्तसर्वेष्टो मोदते नात्र संशयः ॥ 18 ॥
अगम्यमहिमा लोके राघवेन्द्रो महायशाः ।
श्रीमध्वमतदुग्धाब्धिचन्द्रोऽवतु सदाऽनघः ॥ 19 ॥
सर्वयात्राफलावाप्त्यै यथाशक्तिप्रदक्षिणम् ।
करोमि तव सिद्धस्य बृन्दावनगतं जलम् ॥ 20 ॥
शिरसा धारयाम्यद्य सर्वतीर्थफलाप्तये ।
सर्वाभीष्टार्थसिद्ध्यर्थं नमस्कारं करोम्यहम् ।
तव सङ्कीर्तनं वेदशास्त्रार्थज्ञानसिद्धये ॥ 21 ॥
संसारेऽक्षयसागरे प्रकृतितोऽगाधे सदा दुस्तरे
सर्वावद्यजलग्रहैरनुपमैः कामादिभङ्गाकुले ।
नानाविभ्रमदुर्भ्रमेऽमितभयस्तोमादिफेनोत्कटे
दुःखोत्कृष्टविषे समुद्धर गुरो मा मग्नरूपं सदा ॥ 22 ॥
राघवेन्द्रगुरुस्तोत्रं यः पठेद्भक्तिपूर्वकम् ।
तस्य कुष्ठादिरोगाणां निवृत्तिस्त्वरया भवेत् ॥ 23 ॥
अन्धोऽपि दिव्यदृष्टिः स्यादेडमूकोऽपि वाक्पतिः ।
पूर्णायुः पूर्णसम्पत्तिः स्तोत्रस्याऽस्य जपाद्भवेत् ॥ 24 ॥
यः पिबेज्जलमेतेन स्तोत्रेणैवाभिमन्त्रितम् ।
तस्य कुक्षिगता दोषाः सर्वे नश्यन्ति तत् क्षणात् ॥ 25 ॥
यद्वृन्दावनमासाद्य पङ्गुः खञ्जोऽपि वा जनः ।
स्तोत्रेणानेन यः कुर्यात् प्रदक्षिणनमस्कृती ॥ 26 ॥
स जङ्घालो भवेदेव गुरुराजप्रसादतः ।
सोमसूर्योपरागे च पुष्यार्कादिसमागमे ॥ 27 ॥
योऽनुत्तममिदं स्तोत्रमष्टोत्तरशतं जपेत् ।
भूतप्रेतपिशाचादि पीडा तस्य न जायते ॥ 28 ॥
एतत् स्तोत्रं समुच्चार्य गुरोर्वृन्दावनान्तिके ।
दीपसंयोजनाज्ज्ञानं पुत्रलाभो भवेद्ध्रुवम् ॥ 29 ॥
परवादिजयो दिव्यज्ञानभक्त्यादिवर्धनम् ।
सर्वाभीष्टप्रवृद्धिः स्यान्नात्र कार्या विचारणा ॥ 30 ॥
राजचोरमहाव्याघ्रसर्पनक्रादिपीडनम् ।
न जायतेऽस्य स्तोत्रस्य प्रभावान्नात्र संशयः ॥ 31 ॥
यो भक्त्या गुरुराघवेन्द्रचरणद्वन्द्वं स्मरन् यः पठेत्
स्तोत्रं दिव्यमिदं सदा न हि भवेत्तस्यासुखं किञ्चन ।
किं त्विष्टार्थसमृद्धिरेव कमलानाथप्रसादोदयात्
कीर्तिर्दिग्विदिता विभूतिरतुला साक्षी हयास्योऽत्र हि ॥ 32 ॥
फलशृतिः
इति श्री राघवेन्द्रार्य गुरुराजप्रसादतः ।
कृतं स्तोत्रमिदं पुण्यं श्रीमद्भिर्ह्यप्पणाभिदैः ॥
पूज्याय राघवेन्द्राय सत्यधर्मरताय च ।
भजतां कल्पवृक्षाय नमतां कामधेनवे ॥
आपादमौलिपर्यन्तं गुरूणामाकृतिं स्मरेत् ।
तेन विघ्नः प्रणश्यन्ति सिद्ध्यन्ति च मनोरथाः ॥
दुर्वादिध्वान्तरवये वैष्णवेन्दीवरेन्दवे ।
श्रीराघवेन्द्र गुरवे नमोऽत्यन्तदयालवे ॥
मूकोऽपि यत्प्रसादेन मुकुन्दशयनाय ते ।
राजराजायते रिक्तो राघवेन्द्रं तमाश्रये ।
इति श्री अप्पण्णाचार्यविरचितं श्रीराघवेन्द्र स्तोत्रं सम्पूर्णम् ॥
śrīpūrṇabodhagurutīrthapayobdhipārā
kāmārimākṣaviṣamākṣaśiraḥ spṛśantī |
pūrvottarāmitataraṅgacaratsuhaṃsā
devālisevitaparāṅghripayojalagnā || 1 ||
jīveśabhedaguṇapūrtijagatsusattva-
-nīcoccabhāvamukhanakragaṇaiḥ sametā |
durvādyajāpatigilairgururāghavendra-
-vāgdevatāsaridamuṃ vimalī karotu || 2 ||
śrīrāghavendraḥ sakalapradātā
svapādakañjadvayabhaktimadbhyaḥ |
aghādrisambhedanadṛṣṭivajraḥ
kṣamāsurendro'vatu māṃ sadā'yam || 3 ||
śrīrāghavendro haripādakañja-
-niṣevaṇāllabdhasamastasampat |
devasvabhāvo divijadrumo'ya-
-miṣṭaprado me satataṃ sa bhūyāt || 4 ||
bhavyasvarūpo bhavaduḥkhatūla-
-saṅghāgnicaryaḥ sukhadhairyaśālī |
samastaduṣṭagrahanigraheśo
duratyayopaplavasindhusetuḥ || 5 ||
nirastadoṣo niravadyaveṣaḥ
pratyarthimūkattvanidānabhāṣaḥ |
vidvatparijñeyamahāviśeṣo
vāgvaikharīnirjitabhavyaśeṣaḥ || 6 ||
santānasampatpariśuddhabhakti-
-vijñānavāgdehasupāṭavādīn |
datvā śarīrotthasamastadoṣān
hattvā sa no'vyādgururāghavendraḥ || 7 ||
yatpādodakasañcayaḥ suranadīmukhyāpagāsāditā-
-saṅkhyānuttamapuṇyasaṅghavilasatprakhyātapuṇyāvahaḥ |
dustāpatrayanāśano bhuvi mahāvandhyāsuputraprado
vyaṅgasvaṅgasamṛddhido grahamahāpāpāpahastaṃ śraye || 8 ||
yatpādakañjarajasā paribhūṣitāṅgā
yatpādapadmamadhupāyitamānasā ye |
yatpādapadmaparikīrtanajīrṇavāca
-staddarśanaṃ duritakānanadāvabhūtam || 9 ||
sarvatantrasvatantro'sau śrīmadhvamatavardhanaḥ
vijayīndrakarābjotthasudhīndravaraputrakaḥ || 10 ||
śrīrāghavendro yatirāṭ gururme syādbhayāpahaḥ
jñānabhaktisuputrāyuryaśaḥ śrīpuṇyavardhanaḥ || 11 ||
prativādijayasvāntabhedacihnādaro guruḥ |
sarvavidyāpravīṇo'nyo rāghavendrānna vidyate || 12 ||
aparokṣīkṛtaśrīśaḥ samupekṣitabhāvajaḥ |
apekṣitapradātā'nyo rāghavendrānna vidyate || 13 ||
dayādākṣiṇyavairāgyavākpāṭavamukhāṅkitaḥ |
śāpānugrahaśakto'nyo rāghavendrānna vidyate || 14 ||
ajñānavismṛtibhrāntisaṃśayā'pasmṛtikṣayāḥ |
tandrākampavacaḥkauṇṭhyamukhā ye cendriyodbhavāḥ |
doṣāste nāśamāyānti rāghavendraprasādataḥ || 15 ||
oṃ śrīrāghavendrāya namaḥ itya'ṣṭākṣaramantrataḥ |
japitādbhāvitānnityaṃ iṣṭārthāḥ syurna saṃśayaḥ || 16 ||
hantu naḥ kāyajān doṣān ātmātmīyasamudbhavān |
sarvānapi pumarthāṃśca dadātu gururātmavit || 17 ||
iti kālatraye nityaṃ prārthanāṃ yaḥ karoti saḥ |
ihāmutrāptasarveṣṭo modate nātra saṃśayaḥ || 18 ||
agamyamahimā loke rāghavendro mahāyaśāḥ |
śrīmadhvamatadugdhābdhicandro'vatu sadā'naghaḥ || 19 ||
sarvayātrāphalāvāptyai yathāśaktipradakṣiṇam |
karomi tava siddhasya bṛndāvanagataṃ jalam || 20 ||
śirasā dhārayāmyadya sarvatīrthaphalāptaye |
sarvābhīṣṭārthasiddhyarthaṃ namaskāraṃ karomyaham |
tava saṅkīrtanaṃ vedaśāstrārthajñānasiddhaye || 21 ||
saṃsāre'kṣayasāgare prakṛtito'gādhe sadā dustare
sarvāvadyajalagrahairanupamaiḥ kāmādibhaṅgākule |
nānāvibhramadurbhrame'mitabhayastomādiphenotkaṭe
duḥkhotkṛṣṭaviṣe samuddhara guro mā magnarūpaṃ sadā || 22 ||
rāghavendragurustotraṃ yaḥ paṭhedbhaktipūrvakam |
tasya kuṣṭhādirogāṇāṃ nivṛttistvarayā bhavet || 23 ||
andho'pi divyadṛṣṭiḥ syādeḍamūko'pi vākpatiḥ |
pūrṇāyuḥ pūrṇasampattiḥ stotrasyā'sya japādbhavet || 24 ||
yaḥ pibejjalametena stotreṇaivābhimantritam |
tasya kukṣigatā doṣāḥ sarve naśyanti tat kṣaṇāt || 25 ||
yadvṛndāvanamāsādya paṅguḥ khañjo'pi vā janaḥ |
stotreṇānena yaḥ kuryāt pradakṣiṇanamaskṛtī || 26 ||
sa jaṅghālo bhavedeva gururājaprasādataḥ |
somasūryoparāge ca puṣyārkādisamāgame || 27 ||
yo'nuttamamidaṃ stotramaṣṭottaraśataṃ japet |
bhūtapretapiśācādi pīḍā tasya na jāyate || 28 ||
etat stotraṃ samuccārya gurorvṛndāvanāntike |
dīpasaṃyojanājjñānaṃ putralābho bhaveddhruvam || 29 ||
paravādijayo divyajñānabhaktyādivardhanam |
sarvābhīṣṭapravṛddhiḥ syānnātra kāryā vicāraṇā || 30 ||
rājacoramahāvyāghrasarpanakrādipīḍanam |
na jāyate'sya stotrasya prabhāvānnātra saṃśayaḥ || 31 ||
yo bhaktyā gururāghavendracaraṇadvandvaṃ smaran yaḥ paṭhet
stotraṃ divyamidaṃ sadā na hi bhavettasyāsukhaṃ kiñcana |
kiṃ tviṣṭārthasamṛddhireva kamalānāthaprasādodayāt
kīrtirdigviditā vibhūtiratulā sākṣī hayāsyo'tra hi || 32 ||
phalaśṛtiḥ
iti śrī rāghavendrārya gururājaprasādataḥ |
kṛtaṃ stotramidaṃ puṇyaṃ śrīmadbhirhyappaṇābhidaiḥ ||
pūjyāya rāghavendrāya satyadharmaratāya ca |
bhajatāṃ kalpavṛkṣāya namatāṃ kāmadhenave ||
āpādamauliparyantaṃ gurūṇāmākṛtiṃ smaret |
tena vighnaḥ praṇaśyanti siddhyanti ca manorathāḥ ||
durvādidhvāntaravaye vaiṣṇavendīvarendave |
śrīrāghavendra gurave namo'tyantadayālave ||
mūko'pi yatprasādena mukundaśayanāya te |
rājarājāyate rikto rāghavendraṃ tamāśraye |
iti śrī appaṇṇācāryaviracitaṃ śrīrāghavendra stotraṃ sampūrṇam ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.