സത്യം ജ്ഞാനമനന്തം നിത്യമനാകാശം പരമാകാശമ് ।
ഗോഷ്ഠപ്രാങ്ഗണരിങ്ഖണലോലമനായാസം പരമായാസമ് ।
മായാകല്പിതനാനാകാരമനാകാരം ഭുവനാകാരമ് ।
ക്ഷ്മാമാനാഥമനാഥം പ്രണമത ഗോവിന്ദം പരമാനന്ദമ് ॥ 1 ॥
മൃത്സ്നാമത്സീഹേതി യശോദാതാഡനശൈശവ സന്ത്രാസമ് ।
വ്യാദിതവക്ത്രാലോകിതലോകാലോകചതുര്ദശലോകാലിമ് ।
ലോകത്രയപുരമൂലസ്തമ്ഭം ലോകാലോകമനാലോകമ് ।
ലോകേശം പരമേശം പ്രണമത ഗോവിന്ദം പരമാനന്ദമ് ॥ 2 ॥
ത്രൈവിഷ്ടപരിപുവീരഘ്നം ക്ഷിതിഭാരഘ്നം ഭവരോഗഘ്നമ് ।
കൈവല്യം നവനീതാഹാരമനാഹാരം ഭുവനാഹാരമ് ।
വൈമല്യസ്ഫുടചേതോവൃത്തിവിശേഷാഭാസമനാഭാസമ് ।
ശൈവം കേവലശാന്തം പ്രണമത ഗോവിന്ദം പരമാനന്ദമ് ॥ 3 ॥
ഗോപാലം പ്രഭുലീലാവിഗ്രഹഗോപാലം കുലഗോപാലമ് ।
ഗോപീഖേലനഗോവര്ധനധൃതിലീലാലാലിതഗോപാലമ് ।
ഗോഭിര്നിഗദിത ഗോവിന്ദസ്ഫുടനാമാനം ബഹുനാമാനമ് ।
ഗോപീഗോചരദൂരം പ്രണമത ഗോവിന്ദം പരമാനന്ദമ് ॥ 4 ॥
ഗോപീമണ്ഡലഗോഷ്ഠീഭേദം ഭേദാവസ്ഥമഭേദാഭമ് ।
ശശ്വദ്ഗോഖുരനിര്ധൂതോദ്ഗത ധൂലീധൂസരസൌഭാഗ്യമ് ।
ശ്രദ്ധാഭക്തിഗൃഹീതാനന്ദമചിന്ത്യം ചിന്തിതസദ്ഭാവമ് ।
ചിന്താമണിമഹിമാനം പ്രണമത ഗോവിന്ദം പരമാനന്ദമ് ॥ 5 ॥
സ്നാനവ്യാകുലയോഷിദ്വസ്ത്രമുപാദായാഗമുപാരൂഢമ് ।
വ്യാദിത്സന്തീരഥ ദിഗ്വസ്ത്രാ ദാതുമുപാകര്ഷന്തം താഃ
നിര്ധൂതദ്വയശോകവിമോഹം ബുദ്ധം ബുദ്ധേരന്തസ്ഥമ് ।
സത്താമാത്രശരീരം പ്രണമത ഗോവിന്ദം പരമാനന്ദമ് ॥ 6 ॥
കാന്തം കാരണകാരണമാദിമനാദിം കാലധനാഭാസമ് ।
കാലിന്ദീഗതകാലിയശിരസി സുനൃത്യന്തം മുഹുരത്യന്തമ് ।
കാലം കാലകലാതീതം കലിതാശേഷം കലിദോഷഘ്നമ് ।
കാലത്രയഗതിഹേതും പ്രണമത ഗോവിന്ദം പരമാനന്ദമ് ॥ 7 ॥
ബൃന്ദാവനഭുവി ബൃന്ദാരകഗണബൃന്ദാരാധിതവന്ദേഹമ് ।
കുന്ദാഭാമലമന്ദസ്മേരസുധാനന്ദം സുഹൃദാനന്ദമ് ।
വന്ദ്യാശേഷ മഹാമുനി മാനസ വന്ദ്യാനന്ദപദദ്വന്ദ്വമ് ।
വന്ദ്യാശേഷഗുണാബ്ധിം പ്രണമത ഗോവിന്ദം പരമാനന്ദമ് ॥ 8 ॥
ഗോവിന്ദാഷ്ടകമേതദധീതേ ഗോവിന്ദാര്പിതചേതാ യഃ ।
ഗോവിന്ദാച്യുത മാധവ വിഷ്ണോ ഗോകുലനായക കൃഷ്ണേതി ।
ഗോവിന്ദാങ്ഘ്രി സരോജധ്യാനസുധാജലധൌതസമസ്താഘഃ ।
ഗോവിന്ദം പരമാനന്ദാമൃതമന്തസ്ഥം സ തമഭ്യേതി ॥
ഇതി ശ്രീ ശങ്കരാചാര്യ വിരചിത ശ്രീഗോവിന്ദാഷ്ടകം സമാപ്തം
Roman (IAST) Transliteration
satyaṃ jñānamanantaṃ nityamanākāśaṃ paramākāśam |
goṣṭhaprāṅgaṇariṅkhaṇalolamanāyāsaṃ paramāyāsam |
māyākalpitanānākāramanākāraṃ bhuvanākāram |
kṣmāmānāthamanāthaṃ praṇamata govindaṃ paramānandam || 1 ||
mṛtsnāmatsīheti yaśodātāḍanaśaiśava santrāsam |
vyāditavaktrālokitalokālokacaturdaśalokālim |
lokatrayapuramūlastambhaṃ lokālokamanālokam |
lokeśaṃ parameśaṃ praṇamata govindaṃ paramānandam || 2 ||
traiviṣṭaparipuvīraghnaṃ kṣitibhāraghnaṃ bhavarogaghnam |
kaivalyaṃ navanītāhāramanāhāraṃ bhuvanāhāram |
vaimalyasphuṭacetovṛttiviśeṣābhāsamanābhāsam |
śaivaṃ kevalaśāntaṃ praṇamata govindaṃ paramānandam || 3 ||
gopālaṃ prabhulīlāvigrahagopālaṃ kulagopālam |
gopīkhelanagovardhanadhṛtilīlālālitagopālam |
gobhirnigadita govindasphuṭanāmānaṃ bahunāmānam |
gopīgocaradūraṃ praṇamata govindaṃ paramānandam || 4 ||
gopīmaṇḍalagoṣṭhībhedaṃ bhedāvasthamabhedābham |
śaśvadgokhuranirdhūtodgata dhūlīdhūsarasaubhāgyam |
śraddhābhaktigṛhītānandamacintyaṃ cintitasadbhāvam |
cintāmaṇimahimānaṃ praṇamata govindaṃ paramānandam || 5 ||
snānavyākulayoṣidvastramupādāyāgamupārūḍham |
vyāditsantīratha digvastrā dātumupākarṣantaṃ tāḥ
nirdhūtadvayaśokavimohaṃ buddhaṃ buddherantastham |
sattāmātraśarīraṃ praṇamata govindaṃ paramānandam || 6 ||
kāntaṃ kāraṇakāraṇamādimanādiṃ kāladhanābhāsam |
kālindīgatakāliyaśirasi sunṛtyantaṃ muhuratyantam |
kālaṃ kālakalātītaṃ kalitāśeṣaṃ kalidoṣaghnam |
kālatrayagatihetuṃ praṇamata govindaṃ paramānandam || 7 ||
bṛndāvanabhuvi bṛndārakagaṇabṛndārādhitavandeham |
kundābhāmalamandasmerasudhānandaṃ suhṛdānandam |
vandyāśeṣa mahāmuni mānasa vandyānandapadadvandvam |
vandyāśeṣaguṇābdhiṃ praṇamata govindaṃ paramānandam || 8 ||
govindāṣṭakametadadhīte govindārpitacetā yaḥ |
govindācyuta mādhava viṣṇo gokulanāyaka kṛṣṇeti |
govindāṅghri sarojadhyānasudhājaladhautasamastāghaḥ |
govindaṃ paramānandāmṛtamantasthaṃ sa tamabhyeti ||
iti śrī śaṅkarācārya viracita śrīgovindāṣṭakaṃ samāptaṃ
Sanskrit — Devanagari (original)
सत्यं ज्ञानमनन्तं नित्यमनाकाशं परमाकाशम् ।
गोष्ठप्राङ्गणरिङ्खणलोलमनायासं परमायासम् ।
मायाकल्पितनानाकारमनाकारं भुवनाकारम् ।
क्ष्मामानाथमनाथं प्रणमत गोविन्दं परमानन्दम् ॥ 1 ॥
मृत्स्नामत्सीहेति यशोदाताडनशैशव सन्त्रासम् ।
व्यादितवक्त्रालोकितलोकालोकचतुर्दशलोकालिम् ।
लोकत्रयपुरमूलस्तम्भं लोकालोकमनालोकम् ।
लोकेशं परमेशं प्रणमत गोविन्दं परमानन्दम् ॥ 2 ॥
त्रैविष्टपरिपुवीरघ्नं क्षितिभारघ्नं भवरोगघ्नम् ।
कैवल्यं नवनीताहारमनाहारं भुवनाहारम् ।
वैमल्यस्फुटचेतोवृत्तिविशेषाभासमनाभासम् ।
शैवं केवलशान्तं प्रणमत गोविन्दं परमानन्दम् ॥ 3 ॥
गोपालं प्रभुलीलाविग्रहगोपालं कुलगोपालम् ।
गोपीखेलनगोवर्धनधृतिलीलालालितगोपालम् ।
गोभिर्निगदित गोविन्दस्फुटनामानं बहुनामानम् ।
गोपीगोचरदूरं प्रणमत गोविन्दं परमानन्दम् ॥ 4 ॥
गोपीमण्डलगोष्ठीभेदं भेदावस्थमभेदाभम् ।
शश्वद्गोखुरनिर्धूतोद्गत धूलीधूसरसौभाग्यम् ।
श्रद्धाभक्तिगृहीतानन्दमचिन्त्यं चिन्तितसद्भावम् ।
चिन्तामणिमहिमानं प्रणमत गोविन्दं परमानन्दम् ॥ 5 ॥
स्नानव्याकुलयोषिद्वस्त्रमुपादायागमुपारूढम् ।
व्यादित्सन्तीरथ दिग्वस्त्रा दातुमुपाकर्षन्तं ताः
निर्धूतद्वयशोकविमोहं बुद्धं बुद्धेरन्तस्थम् ।
सत्तामात्रशरीरं प्रणमत गोविन्दं परमानन्दम् ॥ 6 ॥
कान्तं कारणकारणमादिमनादिं कालधनाभासम् ।
कालिन्दीगतकालियशिरसि सुनृत्यन्तं मुहुरत्यन्तम् ।
कालं कालकलातीतं कलिताशेषं कलिदोषघ्नम् ।
कालत्रयगतिहेतुं प्रणमत गोविन्दं परमानन्दम् ॥ 7 ॥
बृन्दावनभुवि बृन्दारकगणबृन्दाराधितवन्देहम् ।
कुन्दाभामलमन्दस्मेरसुधानन्दं सुहृदानन्दम् ।
वन्द्याशेष महामुनि मानस वन्द्यानन्दपदद्वन्द्वम् ।
वन्द्याशेषगुणाब्धिं प्रणमत गोविन्दं परमानन्दम् ॥ 8 ॥
गोविन्दाष्टकमेतदधीते गोविन्दार्पितचेता यः ।
गोविन्दाच्युत माधव विष्णो गोकुलनायक कृष्णेति ।
गोविन्दाङ्घ्रि सरोजध्यानसुधाजलधौतसमस्ताघः ।
गोविन्दं परमानन्दामृतमन्तस्थं स तमभ्येति ॥
इति श्री शङ्कराचार्य विरचित श्रीगोविन्दाष्टकं समाप्तं
satyaṃ jñānamanantaṃ nityamanākāśaṃ paramākāśam |
goṣṭhaprāṅgaṇariṅkhaṇalolamanāyāsaṃ paramāyāsam |
māyākalpitanānākāramanākāraṃ bhuvanākāram |
kṣmāmānāthamanāthaṃ praṇamata govindaṃ paramānandam || 1 ||
mṛtsnāmatsīheti yaśodātāḍanaśaiśava santrāsam |
vyāditavaktrālokitalokālokacaturdaśalokālim |
lokatrayapuramūlastambhaṃ lokālokamanālokam |
lokeśaṃ parameśaṃ praṇamata govindaṃ paramānandam || 2 ||
traiviṣṭaparipuvīraghnaṃ kṣitibhāraghnaṃ bhavarogaghnam |
kaivalyaṃ navanītāhāramanāhāraṃ bhuvanāhāram |
vaimalyasphuṭacetovṛttiviśeṣābhāsamanābhāsam |
śaivaṃ kevalaśāntaṃ praṇamata govindaṃ paramānandam || 3 ||
gopālaṃ prabhulīlāvigrahagopālaṃ kulagopālam |
gopīkhelanagovardhanadhṛtilīlālālitagopālam |
gobhirnigadita govindasphuṭanāmānaṃ bahunāmānam |
gopīgocaradūraṃ praṇamata govindaṃ paramānandam || 4 ||
gopīmaṇḍalagoṣṭhībhedaṃ bhedāvasthamabhedābham |
śaśvadgokhuranirdhūtodgata dhūlīdhūsarasaubhāgyam |
śraddhābhaktigṛhītānandamacintyaṃ cintitasadbhāvam |
cintāmaṇimahimānaṃ praṇamata govindaṃ paramānandam || 5 ||
snānavyākulayoṣidvastramupādāyāgamupārūḍham |
vyāditsantīratha digvastrā dātumupākarṣantaṃ tāḥ
nirdhūtadvayaśokavimohaṃ buddhaṃ buddherantastham |
sattāmātraśarīraṃ praṇamata govindaṃ paramānandam || 6 ||
kāntaṃ kāraṇakāraṇamādimanādiṃ kāladhanābhāsam |
kālindīgatakāliyaśirasi sunṛtyantaṃ muhuratyantam |
kālaṃ kālakalātītaṃ kalitāśeṣaṃ kalidoṣaghnam |
kālatrayagatihetuṃ praṇamata govindaṃ paramānandam || 7 ||
bṛndāvanabhuvi bṛndārakagaṇabṛndārādhitavandeham |
kundābhāmalamandasmerasudhānandaṃ suhṛdānandam |
vandyāśeṣa mahāmuni mānasa vandyānandapadadvandvam |
vandyāśeṣaguṇābdhiṃ praṇamata govindaṃ paramānandam || 8 ||
govindāṣṭakametadadhīte govindārpitacetā yaḥ |
govindācyuta mādhava viṣṇo gokulanāyaka kṛṣṇeti |
govindāṅghri sarojadhyānasudhājaladhautasamastāghaḥ |
govindaṃ paramānandāmṛtamantasthaṃ sa tamabhyeti ||
iti śrī śaṅkarācārya viracita śrīgovindāṣṭakaṃ samāptaṃ
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.