Brahmajnanavalimala — Kannada Script

⚠️ AI-generated translation — the English meaning was produced by AI and automatically cross-checked against the Sanskrit, but it may still contain errors. It has not yet been reviewed by a scholar. Please refer to a traditional commentary for study.

Summary — English

The Brahmajnanavalimala is a text whose verses describe the knowledge of Brahman as arising from merely hearing once, and it is presented as a garland of that knowledge for the attainment of liberation by all. Many verses consist of affirmations in which the speaker declares, repeatedly, "I alone am I, imperishable," identifying the Self as unattached, eternal, pure, formless, of the nature of existence, consciousness, and bliss, and beyond Maya, the gunas, and the three states. Other verses state that the seer is Brahman and the seen is Maya, that all the world is Brahman just as pot and wall are clay, and that Brahman is real, the world is false, and the individual soul is Brahman alone. The text concludes with a verse on the inner, outer, and innermost light, the light of lights, self-luminous, the light of the Self — "I am Shiva."

AI-generated · not yet verified

The English meaning of each verse is shown below the verse.

Meaning —

Verse 1

ಸಕೃಚ್ಛ್ರವಣಮಾತ್ರೇಣ ಬ್ರಹ್ಮಜ್ಞಾನಂ ಯತೋ ಭವೇತ್ ।
ಬ್ರಹ್ಮಜ್ಞಾನಾವಲೀಮಾಲಾ ಸರ್ವೇಷಾಂ ಮೋಕ್ಷಸಿದ್ಧಯೇ ॥ 1॥

sakṛcchravaṇamātreṇa brahmajñānaṃ yato bhavet |
brahmajñānāvalīmālā sarveṣāṃ mokṣasiddhaye || 1||

Since the knowledge of Brahman arises from merely hearing once, this garland of the knowledge of Brahman is for the attainment of liberation by all. ^AI

Verse 2

ಅಸಙ್ಗೋಽಹಮಸಙ್ಗೋಽಹಮಸಙ್ಗೋಽಹಂ ಪುನಃ ಪುನಃ ।
ಸಚ್ಚಿದಾನನ್ದರೂಪೋಽಹಮಹಮೇವಾಹಮವ್ಯಯಃ ॥ 2॥

asaṅgo'hamasaṅgo'hamasaṅgo'haṃ punaḥ punaḥ |
saccidānandarūpo'hamahamevāhamavyayaḥ || 2||

I am unattached, I am unattached, I am unattached again and again. I am of the nature of existence, consciousness, and bliss; I alone am I, imperishable. ^AI

Verse 3

ನಿತ್ಯಶುದ್ಧವಿಮುಕ್ತೋಽಹಂ ನಿರಾಕಾರೋಽಹಮವ್ಯಯಃ ।
ಭೂಮಾನನ್ದಸ್ವರೂಪೋಽಹಮಹಮೇವಾಹಮವ್ಯಯಃ ॥ 3॥

nityaśuddhavimukto'haṃ nirākāro'hamavyayaḥ |
bhūmānandasvarūpo'hamahamevāhamavyayaḥ || 3||

I am eternal, pure, and liberated; I am formless and imperishable. I am of the nature of abundant bliss; I alone am I, imperishable. ^AI

Verse 4

ನಿತ್ಯೋಽಹಂ ನಿರವದ್ಯೋಽಹಂ ನಿರಾಕಾರೋಽಹಮುಚ್ಯತೇ ।
ಪರಮಾನನ್ದರೂಪೋಽಹಮಹಮೇವಾಹಮವ್ಯಯಃ ॥ 4॥

nityo'haṃ niravadyo'haṃ nirākāro'hamucyate |
paramānandarūpo'hamahamevāhamavyayaḥ || 4||

I am eternal, I am flawless, I am said to be formless. I am of the nature of supreme bliss; I alone am I, imperishable. ^AI

Verse 5

ಶುದ್ಧಚೈತನ್ಯರೂಪೋಽಹಮಾತ್ಮಾರಾಮೋಽಹಮೇವ ಚ ।
ಅಖಣ್ಡಾನನ್ದರೂಪೋಽಹಮಹಮೇವಾಹಮವ್ಯಯಃ ॥ 5॥

śuddhacaitanyarūpo'hamātmārāmo'hameva ca |
akhaṇḍānandarūpo'hamahamevāhamavyayaḥ || 5||

I am of the nature of pure consciousness, and I am indeed the Self delighting in the Self. I am of the nature of unbroken bliss; I alone am I, imperishable. ^AI

Verse 6

ಪ್ರತ್ಯಕ್ಚೈತನ್ಯರೂಪೋಽಹಂ ಶಾನ್ತೋಽಹಂ ಪ್ರಕೃತೇಃ ಪರಃ ।
ಶಾಶ್ವತಾನನ್ದರೂಪೋಽಹಮಹಮೇವಾಹಮವ್ಯಯಃ ॥ 6॥

pratyakcaitanyarūpo'haṃ śānto'haṃ prakṛteḥ paraḥ |
śāśvatānandarūpo'hamahamevāhamavyayaḥ || 6||

I am of the nature of the inner consciousness; I am peaceful, beyond Nature (Prakriti). I am of the nature of eternal bliss; I alone am I, imperishable. ^AI

Verse 7

ತತ್ತ್ವಾತೀತಃ ಪರಾತ್ಮಾಹಂ ಮಧ್ಯಾತೀತಃ ಪರಃ ಶಿವಃ ।
ಮಾಯಾತೀತಃ ಪರಞ್ಜ್ಯೋತಿರಹಮೇವಾಹಮವ್ಯಯಃ ॥ 7॥

tattvātītaḥ parātmāhaṃ madhyātītaḥ paraḥ śivaḥ |
māyātītaḥ parañjyotirahamevāhamavyayaḥ || 7||

I am beyond the principles, the Supreme Self; I am beyond the middle, the Supreme Auspicious One. I am beyond illusion, the Supreme Light; I alone am I, imperishable. ^AI

Verse 8

ನಾನಾರೂಪವ್ಯತೀತೋಽಹಂ ಚಿದಾಕಾರೋಽಹಮಚ್ಯುತಃ ।
ಸುಖರೂಪಸ್ವರೂಪೋಽಹಮಹಮೇವಾಹಮವ್ಯಯಃ ॥ 8॥

nānārūpavyatīto'haṃ cidākāro'hamacyutaḥ |
sukharūpasvarūpo'hamahamevāhamavyayaḥ || 8||

I am beyond various forms; I am of the nature of consciousness, unchanging. I am of the nature of happiness, my own nature; I alone am I, imperishable. ^AI

Verse 9

ಮಾಯಾತತ್ಕಾರ್ಯದೇಹಾದಿ ಮಮ ನಾಸ್ತ್ಯೇವ ಸರ್ವದಾ ।
ಸ್ವಪ್ರಕಾಶೈಕರೂಪೋಽಹಮಹಮೇವಾಹಮವ್ಯಯಃ ॥ 9॥

māyātatkāryadehādi mama nāstyeva sarvadā |
svaprakāśaikarūpo'hamahamevāhamavyayaḥ || 9||

Maya and its effects, such as the body and the rest, never exist for me at any time. I am of the nature of self-luminous oneness alone; I am indeed I, imperishable. ^AI

Verse 10

ಗುಣತ್ರಯವ್ಯತೀತೋಽಹಂ ಬ್ರಹ್ಮಾದೀನಾಂ ಚ ಸಾಕ್ಷ್ಯಹಮ್ ।
ಅನನ್ತಾನನ್ತರೂಪೋಽಹಮಹಮೇವಾಹಮವ್ಯಯಃ ॥ 10॥

guṇatrayavyatīto'haṃ brahmādīnāṃ ca sākṣyaham |
anantānantarūpo'hamahamevāhamavyayaḥ || 10||

I am beyond the three gunas, and I am the witness of Brahma and the other gods. I am of infinite and endless forms; I am indeed I, imperishable. ^AI

Verse 11

ಅನ್ತರ್ಯಾಮಿಸ್ವರೂಪೋಽಹಂ ಕೂಟಸ್ಥಃ ಸರ್ವಗೋಽಸ್ಮ್ಯಹಮ್ ।
ಪರಮಾತ್ಮಸ್ವರೂಪೋಽಹಮಹಮೇವಾಹಮವ್ಯಯಃ ॥ 11॥

antaryāmisvarūpo'haṃ kūṭasthaḥ sarvago'smyaham |
paramātmasvarūpo'hamahamevāhamavyayaḥ || 11||

I am the inner controller, unchanging, and all-pervading. I am the Supreme Self; I am indeed I, imperishable. ^AI

Verse 12

ನಿಷ್ಕಲೋಽಹಂ ನಿಷ್ಕ್ರಿಯೋಽಹಂ ಸರ್ವಾತ್ಮಾದ್ಯಃ ಸನಾತನಃ ।
ಅಪರೋಕ್ಷಸ್ವರೂಪೋಽಹಮಹಮೇವಾಹಮವ್ಯಯಃ ॥ 12॥

niṣkalo'haṃ niṣkriyo'haṃ sarvātmādyaḥ sanātanaḥ |
aparokṣasvarūpo'hamahamevāhamavyayaḥ || 12||

I am without parts, I am without activity, the Self of all, the first, eternal. I am of immediate, direct nature; I am indeed I, imperishable. ^AI

Verse 13

ದ್ವನ್ದ್ವಾದಿಸಾಕ್ಷಿರೂಪೋಽಹಮಚಲೋಽಹಂ ಸನಾತನಃ ।
ಸರ್ವಸಾಕ್ಷಿಸ್ವರೂಪೋಽಹಮಹಮೇವಾಹಮವ್ಯಯಃ ॥ 13॥

dvandvādisākṣirūpo'hamacalo'haṃ sanātanaḥ |
sarvasākṣisvarūpo'hamahamevāhamavyayaḥ || 13||

I am the witness of the pairs of opposites and the rest, I am immovable, eternal. I am the witness of all; I am indeed I, imperishable. ^AI

Verse 14

ಪ್ರಜ್ಞಾನಘನ ಏವಾಹಂ ವಿಜ್ಞಾನಘನ ಏವ ಚ ।
ಅಕರ್ತಾಹಮಭೋಕ್ತಾಹಮಹಮೇವಾಹಮವ್ಯಯಃ ॥ 14॥

prajñānaghana evāhaṃ vijñānaghana eva ca |
akartāhamabhoktāhamahamevāhamavyayaḥ || 14||

I am pure consciousness alone, and I am pure knowledge alone. I am the non-doer, I am the non-enjoyer; I am indeed I, imperishable. ^AI

Verse 15

ನಿರಾಧಾರಸ್ವರೂಪೋಽಹಂ ಸರ್ವಾಧಾರೋಽಹಮೇವ ಚ ।
ಆಪ್ತಕಾಮಸ್ವರೂಪೋಽಹಮಹಮೇವಾಹಮವ್ಯಯಃ ॥ 15॥

nirādhārasvarūpo'haṃ sarvādhāro'hameva ca |
āptakāmasvarūpo'hamahamevāhamavyayaḥ || 15||

I am without any support, and I am the support of all. I am of the nature of one whose desires are fulfilled; I am indeed I, imperishable. ^AI

Verse 16

ತಾಪತ್ರಯವಿನಿರ್ಮುಕ್ತೋ ದೇಹತ್ರಯವಿಲಕ್ಷಣಃ ।
ಅವಸ್ಥಾತ್ರಯಸಾಕ್ಷ್ಯಸ್ಮಿ ಚಾಹಮೇವಾಹಮವ್ಯಯಃ ॥ 16॥

tāpatrayavinirmukto dehatrayavilakṣaṇaḥ |
avasthātrayasākṣyasmi cāhamevāhamavyayaḥ || 16||

I am freed from the threefold afflictions, distinct from the three bodies. I am the witness of the three states; I am indeed I, imperishable. ^AI

Verse 17

ದೃಗ್ದೃಶ್ಯೌ ದ್ವೌ ಪದಾರ್ಥೌ ಸ್ತಃ ಪರಸ್ಪರವಿಲಕ್ಷಣೌ ।
ದೃಗ್ಬ್ರಹ್ಮ ದೃಶ್ಯಂ ಮಾಯೇತಿ ಸರ್ವವೇದಾನ್ತಡಿಣ್ಡಿಮಃ ॥ 17॥

dṛgdṛśyau dvau padārthau staḥ parasparavilakṣaṇau |
dṛgbrahma dṛśyaṃ māyeti sarvavedāntaḍiṇḍimaḥ || 17||

The seer and the seen are two categories of things, entirely distinct from each other. The seer is Brahman; the seen is Maya — this is the drumbeat of all Vedanta. ^AI

Verse 18

ಅಹಂ ಸಾಕ್ಷೀತಿ ಯೋ ವಿದ್ಯಾದ್ವಿವಿಚ್ಯೈವಂ ಪುನಃ ಪುನಃ ।
ಸ ಏವ ಮುಕ್ತಃ ಸೋ ವಿದ್ವಾನಿತಿ ವೇದಾನ್ತಡಿಣ್ಡಿಮಃ ॥ 18॥

ahaṃ sākṣīti yo vidyādvivicyaivaṃ punaḥ punaḥ |
sa eva muktaḥ so vidvāniti vedāntaḍiṇḍimaḥ || 18||

He who knows, having repeatedly discerned, 'I am the witness' — he alone is liberated; he is the knower — this is the drumbeat of Vedanta. ^AI

Verse 19

ಘಟಕುಡ್ಯಾದಿಕಂ ಸರ್ವಂ ಮೃತ್ತಿಕಾಮಾತ್ರಮೇವ ಚ ।
ತದ್ವದ್ಬ್ರಹ್ಮ ಜಗತ್ಸರ್ವಮಿತಿ ವೇದಾನ್ತಡಿಣ್ಡಿಮಃ ॥ 19॥

ghaṭakuḍyādikaṃ sarvaṃ mṛttikāmātrameva ca |
tadvadbrahma jagatsarvamiti vedāntaḍiṇḍimaḥ || 19||

A pot, a wall, and all such things are nothing but clay. Likewise, all the world is Brahman — this is the drumbeat of Vedanta. ^AI

Verse 20

ಬ್ರಹ್ಮ ಸತ್ಯಂ ಜಗನ್ಮಿಥ್ಯಾ ಜೀವೋ ಬ್ರಹ್ಮೈವ ನಾಪರಃ ।
ಅನೇನ ವೇದ್ಯಂ ಸಚ್ಛಾಸ್ತ್ರಮಿತಿ ವೇದಾನ್ತಡಿಣ್ಡಿಮಃ ॥ 20॥

brahma satyaṃ jaganmithyā jīvo brahmaiva nāparaḥ |
anena vedyaṃ sacchāstramiti vedāntaḍiṇḍimaḥ || 20||

Brahman is real; the world is false; the individual soul is Brahman alone and nothing else. By this the true scripture is to be known — this is the drumbeat of Vedanta. ^AI

Verse 21

ಅನ್ತರ್ಜ್ಯೋತಿರ್ಬಹಿರ್ಜ್ಯೋತಿಃ ಪ್ರತ್ಯಗ್ಜ್ಯೋತಿಃ ಪರಾತ್ಪರಃ ।
ಜ್ಯೋತಿರ್ಜ್ಯೋತಿಃ ಸ್ವಯಞ್ಜ್ಯೋತಿರಾತ್ಮಜ್ಯೋತಿಃ ಶಿವೋಽಸ್ಮ್ಯಹಮ್ ॥ 21॥

antarjyotirbahirjyotiḥ pratyagjyotiḥ parātparaḥ |
jyotirjyotiḥ svayañjyotirātmajyotiḥ śivo'smyaham || 21||

The light within, the light without, the light of the innermost self, higher than the highest; the light of lights, self-luminous, the light of the Self — I am Shiva. ^AI

ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯಸ್ಯ
ಶ್ರೀಗೋವಿನ್ದಭಗವತ್ಪೂಜ್ಯಪಾದಶಿಷ್ಯಸ್ಯ
ಶ್ರೀಮಚ್ಛಙ್ಕರಭಗವತಃ ಕೃತೌ
ಬ್ರಹ್ಮಜ್ಞಾನಾವಲೀಮಾಲಾ ಸಮ್ಪೂರ್ಣಾ ॥

Sanskrit — Devanagari (original)

सकृच्छ्रवणमात्रेण ब्रह्मज्ञानं यतो भवेत् ।

ब्रह्मज्ञानावलीमाला सर्वेषां मोक्षसिद्धये ॥ 1॥

असङ्गोऽहमसङ्गोऽहमसङ्गोऽहं पुनः पुनः ।

सच्चिदानन्दरूपोऽहमहमेवाहमव्ययः ॥ 2॥

नित्यशुद्धविमुक्तोऽहं निराकारोऽहमव्ययः ।

भूमानन्दस्वरूपोऽहमहमेवाहमव्ययः ॥ 3॥

नित्योऽहं निरवद्योऽहं निराकारोऽहमुच्यते ।

परमानन्दरूपोऽहमहमेवाहमव्ययः ॥ 4॥

शुद्धचैतन्यरूपोऽहमात्मारामोऽहमेव च ।

अखण्डानन्दरूपोऽहमहमेवाहमव्ययः ॥ 5॥

प्रत्यक्चैतन्यरूपोऽहं शान्तोऽहं प्रकृतेः परः ।

शाश्वतानन्दरूपोऽहमहमेवाहमव्ययः ॥ 6॥

तत्त्वातीतः परात्माहं मध्यातीतः परः शिवः ।

मायातीतः परञ्ज्योतिरहमेवाहमव्ययः ॥ 7॥

नानारूपव्यतीतोऽहं चिदाकारोऽहमच्युतः ।

सुखरूपस्वरूपोऽहमहमेवाहमव्ययः ॥ 8॥

मायातत्कार्यदेहादि मम नास्त्येव सर्वदा ।

स्वप्रकाशैकरूपोऽहमहमेवाहमव्ययः ॥ 9॥

गुणत्रयव्यतीतोऽहं ब्रह्मादीनां च साक्ष्यहम् ।

अनन्तानन्तरूपोऽहमहमेवाहमव्ययः ॥ 10॥

अन्तर्यामिस्वरूपोऽहं कूटस्थः सर्वगोऽस्म्यहम् ।

परमात्मस्वरूपोऽहमहमेवाहमव्ययः ॥ 11॥

निष्कलोऽहं निष्क्रियोऽहं सर्वात्माद्यः सनातनः ।

अपरोक्षस्वरूपोऽहमहमेवाहमव्ययः ॥ 12॥

द्वन्द्वादिसाक्षिरूपोऽहमचलोऽहं सनातनः ।

सर्वसाक्षिस्वरूपोऽहमहमेवाहमव्ययः ॥ 13॥

प्रज्ञानघन एवाहं विज्ञानघन एव च ।

अकर्ताहमभोक्ताहमहमेवाहमव्ययः ॥ 14॥

निराधारस्वरूपोऽहं सर्वाधारोऽहमेव च ।

आप्तकामस्वरूपोऽहमहमेवाहमव्ययः ॥ 15॥

तापत्रयविनिर्मुक्तो देहत्रयविलक्षणः ।

अवस्थात्रयसाक्ष्यस्मि चाहमेवाहमव्ययः ॥ 16॥

दृग्दृश्यौ द्वौ पदार्थौ स्तः परस्परविलक्षणौ ।

दृग्ब्रह्म दृश्यं मायेति सर्ववेदान्तडिण्डिमः ॥ 17॥

अहं साक्षीति यो विद्याद्विविच्यैवं पुनः पुनः ।

स एव मुक्तः सो विद्वानिति वेदान्तडिण्डिमः ॥ 18॥

घटकुड्यादिकं सर्वं मृत्तिकामात्रमेव च ।

तद्वद्ब्रह्म जगत्सर्वमिति वेदान्तडिण्डिमः ॥ 19॥

ब्रह्म सत्यं जगन्मिथ्या जीवो ब्रह्मैव नापरः ।

अनेन वेद्यं सच्छास्त्रमिति वेदान्तडिण्डिमः ॥ 20॥

अन्तर्ज्योतिर्बहिर्ज्योतिः प्रत्यग्ज्योतिः परात्परः ।

ज्योतिर्ज्योतिः स्वयञ्ज्योतिरात्मज्योतिः शिवोऽस्म्यहम् ॥ 21॥

इति श्रीमत्परमहंसपरिव्राजकाचार्यस्य

श्रीगोविन्दभगवत्पूज्यपादशिष्यस्य

श्रीमच्छङ्करभगवतः कृतौ

ब्रह्मज्ञानावलीमाला सम्पूर्णा ॥

🕉️ This is the original Sanskrit rendered in Kannada script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.