Shri Shanmukha Shatkam — Grantha Script

𑌗𑌿𑌰𑌿𑌤𑌨𑌯𑌾𑌸𑍁𑌤 𑌗𑌾𑌙𑍍𑌗𑌪𑌯𑍋𑌦𑌿𑌤 𑌗𑌨𑍍𑌧𑌸𑍁𑌵𑌾𑌸𑌿𑌤 𑌬𑌾𑌲𑌤𑌨𑍋

𑌗𑍁𑌣𑌗𑌣𑌭𑍂𑌷𑌣 𑌕𑍋𑌮𑌲𑌭𑌾𑌷𑌣 𑌕𑍍𑌰𑍗𑌞𑍍𑌚𑌵𑌿𑌦𑌾𑌰𑌣 𑌕𑍁𑌨𑍍𑌦𑌤𑌨𑍋 ।

𑌗𑌜𑌮𑍁𑌖𑌸𑍋𑌦𑌰 𑌦𑍁𑌰𑍍𑌜𑌯𑌦𑌾𑌨𑌵𑌸𑌙𑍍𑌘𑌵𑌿𑌨𑌾𑌶𑌕 𑌦𑌿𑌵𑍍𑌯𑌤𑌨𑍋

𑌜𑌯 𑌜𑌯 𑌹𑍇 𑌗𑍁𑌹 𑌷𑌣𑍍𑌮𑍁𑌖 𑌸𑍁𑌨𑍍𑌦𑌰 𑌦𑍇𑌹𑌿 𑌰𑌤𑌿𑌂 𑌤𑌵 𑌪𑌾𑌦𑌯𑍁𑌗𑍇 ॥ 1 ॥

𑌪𑍍𑌰𑌤𑌿𑌗𑌿𑌰𑌿𑌸𑌂𑌸𑍍𑌥𑌿𑌤 𑌭𑌕𑍍𑌤𑌹𑍃𑌦𑌿𑌸𑍍𑌥𑌿𑌤 𑌪𑍁𑌤𑍍𑌰𑌧𑌨𑌪𑍍𑌰𑌦 𑌰𑌮𑍍𑌯𑌤𑌨𑍋

𑌭𑌵𑌭𑌯𑌮𑍋𑌚𑌕 𑌭𑌾𑌗𑍍𑌯𑌵𑌿𑌧𑌾𑌯𑌕 𑌭𑍂𑌸𑍁𑌤𑌵𑌾𑌰 𑌸𑍁𑌪𑍂𑌜𑍍𑌯𑌤𑌨𑍋 ।

𑌬𑌹𑍁𑌭𑍁𑌜𑌶𑍋𑌭𑌿𑌤 𑌬𑌨𑍍𑌧𑌵𑌿𑌮𑍋𑌚𑌕 𑌬𑍋𑌧𑌫𑌲𑌪𑍍𑌰𑌦 𑌬𑍋𑌧𑌤𑌨𑍋

𑌜𑌯 𑌜𑌯 𑌹𑍇 𑌗𑍁𑌹 𑌷𑌣𑍍𑌮𑍁𑌖 𑌸𑍁𑌨𑍍𑌦𑌰 𑌦𑍇𑌹𑌿 𑌰𑌤𑌿𑌂 𑌤𑌵 𑌪𑌾𑌦𑌯𑍁𑌗𑍇 ॥ 2 ॥

𑌶𑌮𑌧𑌨𑌮𑌾𑌨𑌿𑌤 𑌮𑍗𑌨𑌿𑌹𑍃𑌦𑌾𑌲𑌯 𑌮𑍋𑌕𑍍𑌷𑌕𑍃𑌦𑌾𑌲𑌯 𑌮𑍁𑌗𑍍𑌧𑌤𑌨𑍋

𑌶𑌤𑌮𑌖𑌪𑌾𑌲𑌕 𑌶𑌙𑍍𑌕𑌰𑌤𑍋𑌷𑌕 𑌶𑌙𑍍𑌖𑌸𑍁𑌵𑌾𑌦𑌕 𑌶𑌕𑍍𑌤𑌿𑌤𑌨𑍋 ।

𑌦𑌶𑌶𑌤𑌮𑌨𑍍𑌮𑌥 𑌸𑌨𑍍𑌨𑌿𑌭𑌸𑍁𑌨𑍍𑌦𑌰 𑌕𑍁𑌣𑍍𑌡𑌲𑌮𑌣𑍍𑌡𑌿𑌤 𑌕𑌰𑍍𑌣𑌵𑌿𑌭𑍋

𑌜𑌯 𑌜𑌯 𑌹𑍇 𑌗𑍁𑌹 𑌷𑌣𑍍𑌮𑍁𑌖 𑌸𑍁𑌨𑍍𑌦𑌰 𑌦𑍇𑌹𑌿 𑌰𑌤𑌿𑌂 𑌤𑌵 𑌪𑌾𑌦𑌯𑍁𑌗𑍇 ॥ 3 ॥

𑌗𑍁𑌹 𑌤𑌰𑍁𑌣𑌾𑌰𑍁𑌣𑌚𑍇𑌲𑌪𑌰𑌿𑌷𑍍𑌕𑍃𑌤 𑌤𑌾𑌰𑌕𑌮𑌾𑌰𑌕 𑌮𑌾𑌰𑌤𑌨𑍋

𑌜𑌲𑌨𑌿𑌧𑌿𑌤𑍀𑌰𑌸𑍁𑌶𑍋𑌭𑌿𑌵𑌰𑌾𑌲𑌯 𑌶𑌙𑍍𑌕𑌰𑌸𑌨𑍍𑌨𑍁𑌤 𑌦𑍇𑌵𑌗𑍁𑌰𑍋 ।

𑌵𑌿𑌹𑌿𑌤𑌮𑌹𑌾𑌧𑍍𑌵𑌰𑌸𑌾𑌮𑌨𑌿𑌮𑌨𑍍𑌤𑍍𑌰𑌿𑌤 𑌸𑍗𑌮𑍍𑌯𑌹𑍃𑌦𑌨𑍍𑌤𑌰 𑌸𑍋𑌮𑌤𑌨𑍋

𑌜𑌯 𑌜𑌯 𑌹𑍇 𑌗𑍁𑌹 𑌷𑌣𑍍𑌮𑍁𑌖 𑌸𑍁𑌨𑍍𑌦𑌰 𑌦𑍇𑌹𑌿 𑌰𑌤𑌿𑌂 𑌤𑌵 𑌪𑌾𑌦𑌯𑍁𑌗𑍇 ॥ 4 ॥

𑌲𑌵𑌲𑌿𑌕𑌯𑌾 𑌸𑌹 𑌕𑍇𑌲𑌿𑌕𑌲𑌾𑌪𑌰 𑌦𑍇𑌵𑌸𑍁𑌤𑌾𑌰𑍍𑌪𑌿𑌤 𑌮𑌾𑌲𑍍𑌯𑌤𑌨𑍋

𑌗𑍁𑌰𑍁𑌪𑌦𑌸𑌂𑌸𑍍𑌥𑌿𑌤 𑌶𑌙𑍍𑌕𑌰𑌦𑌰𑍍𑌶𑌿𑌤 𑌤𑌤𑍍𑌤𑍍𑌵𑌮𑌯𑌪𑍍𑌰𑌣𑌵𑌾𑌰𑍍𑌥𑌵𑌿𑌭𑍋 ।

𑌵𑌿𑌧𑌿𑌹𑌰𑌿𑌪𑍂𑌜𑌿𑌤 𑌬𑍍𑌰𑌹𑍍𑌮𑌸𑍁𑌤𑌾𑌰𑍍𑌪𑌿𑌤 𑌭𑌾𑌗𑍍𑌯𑌸𑍁𑌪𑍂𑌰𑌕 𑌯𑍋𑌗𑌿𑌤𑌨𑍋

𑌜𑌯 𑌜𑌯 𑌹𑍇 𑌗𑍁𑌹 𑌷𑌣𑍍𑌮𑍁𑌖 𑌸𑍁𑌨𑍍𑌦𑌰 𑌦𑍇𑌹𑌿 𑌰𑌤𑌿𑌂 𑌤𑌵 𑌪𑌾𑌦𑌯𑍁𑌗𑍇 ॥ 5 ॥

𑌕𑌲𑌿𑌜𑌨𑌪𑌾𑌲𑌨 𑌕𑌞𑍍𑌜𑌸𑍁𑌲𑍋𑌚𑌨 𑌕𑍁𑌕𑍍𑌕𑍁𑌟𑌕𑍇𑌤𑌨 𑌕𑍇𑌲𑌿𑌤𑌨𑍋

𑌕𑍃𑌤𑌬𑌲𑌿𑌪𑌾𑌲𑌨 𑌬𑌰𑍍𑌹𑌿𑌣𑌵𑌾𑌹𑌨 𑌫𑌾𑌲𑌵𑌿𑌲𑍋𑌚𑌨𑌶𑌮𑍍𑌭𑍁𑌤𑌨𑍋 ।

𑌶𑌰𑌵𑌣𑌸𑌮𑍍𑌭𑌵 𑌶𑌤𑍍𑌰𑍁𑌨𑌿𑌬𑌰𑍍𑌹𑌣 𑌚𑌨𑍍𑌦𑍍𑌰𑌸𑌮𑌾𑌨𑌨 𑌶𑌰𑍍𑌮𑌤𑌨𑍋

𑌜𑌯 𑌜𑌯 𑌹𑍇 𑌗𑍁𑌹 𑌷𑌣𑍍𑌮𑍁𑌖 𑌸𑍁𑌨𑍍𑌦𑌰 𑌦𑍇𑌹𑌿 𑌰𑌤𑌿𑌂 𑌤𑌵 𑌪𑌾𑌦𑌯𑍁𑌗𑍇 ॥ 6 ॥

𑌸𑍁𑌖𑌦𑌮𑌨𑌨𑍍𑌤𑌪𑌦𑌾𑌨𑍍𑌵𑌿𑌤 𑌰𑌾𑌮𑌸𑍁𑌦𑍀𑌕𑍍𑌷𑌿𑌤 𑌸𑌤𑍍𑌕𑌵𑌿𑌪𑌦𑍍𑌯𑌮𑌿𑌦𑌂

𑌶𑌰𑌵𑌣 𑌸𑌮𑍍𑌭𑌵 𑌤𑍋𑌷𑌦𑌮𑌿𑌷𑍍𑌟𑌦𑌮𑌷𑍍𑌟𑌸𑍁𑌸𑌿𑌦𑍍𑌧𑌿𑌦𑌮𑌾𑌰𑍍𑌤𑌿𑌹𑌰𑌮𑍍 ।

𑌪𑌠𑌤𑌿 𑌶𑍃𑌣𑍋𑌤𑌿 𑌚 𑌭𑌕𑍍𑌤𑌿𑌯𑍁𑌤𑍋 𑌯𑌦𑌿 𑌭𑌾𑌗𑍍𑌯𑌸𑌮𑍃𑌦𑍍𑌧𑌿𑌮𑌥𑍋 𑌲𑌭𑌤𑍇

𑌜𑌯 𑌜𑌯 𑌹𑍇 𑌗𑍁𑌹 𑌷𑌣𑍍𑌮𑍁𑌖 𑌸𑍁𑌨𑍍𑌦𑌰 𑌦𑍇𑌹𑌿 𑌰𑌤𑌿𑌂 𑌤𑌵 𑌪𑌾𑌦𑌯𑍁𑌗𑍇 ॥ 7 ॥

𑌇𑌤𑌿 𑌶𑍍𑌰𑍀𑌅𑌨𑌨𑍍𑌤𑌰𑌾𑌮𑌦𑍀𑌕𑍍𑌷𑌿𑌤 𑌕𑍃𑌤𑌂 𑌷𑌣𑍍𑌮𑍁𑌖 𑌷𑌟𑍍𑌕𑌮𑍍 ॥

Roman (IAST) Transliteration

giritanayāsuta gāṅgapayodita gandhasuvāsita bālatano

guṇagaṇabhūṣaṇa komalabhāṣaṇa krauñcavidāraṇa kundatano |

gajamukhasodara durjayadānavasaṅghavināśaka divyatano

jaya jaya he guha ṣaṇmukha sundara dehi ratiṃ tava pādayuge || 1 ||

pratigirisaṃsthita bhaktahṛdisthita putradhanaprada ramyatano

bhavabhayamocaka bhāgyavidhāyaka bhūsutavāra supūjyatano |

bahubhujaśobhita bandhavimocaka bodhaphalaprada bodhatano

jaya jaya he guha ṣaṇmukha sundara dehi ratiṃ tava pādayuge || 2 ||

śamadhanamānita maunihṛdālaya mokṣakṛdālaya mugdhatano

śatamakhapālaka śaṅkaratoṣaka śaṅkhasuvādaka śaktitano |

daśaśatamanmatha sannibhasundara kuṇḍalamaṇḍita karṇavibho

jaya jaya he guha ṣaṇmukha sundara dehi ratiṃ tava pādayuge || 3 ||

guha taruṇāruṇacelapariṣkṛta tārakamāraka māratano

jalanidhitīrasuśobhivarālaya śaṅkarasannuta devaguro |

vihitamahādhvarasāmanimantrita saumyahṛdantara somatano

jaya jaya he guha ṣaṇmukha sundara dehi ratiṃ tava pādayuge || 4 ||

lavalikayā saha kelikalāpara devasutārpita mālyatano

gurupadasaṃsthita śaṅkaradarśita tattvamayapraṇavārthavibho |

vidhiharipūjita brahmasutārpita bhāgyasupūraka yogitano

jaya jaya he guha ṣaṇmukha sundara dehi ratiṃ tava pādayuge || 5 ||

kalijanapālana kañjasulocana kukkuṭaketana kelitano

kṛtabalipālana barhiṇavāhana phālavilocanaśambhutano |

śaravaṇasambhava śatrunibarhaṇa candrasamānana śarmatano

jaya jaya he guha ṣaṇmukha sundara dehi ratiṃ tava pādayuge || 6 ||

sukhadamanantapadānvita rāmasudīkṣita satkavipadyamidaṃ

śaravaṇa sambhava toṣadamiṣṭadamaṣṭasusiddhidamārtiharam |

paṭhati śṛṇoti ca bhaktiyuto yadi bhāgyasamṛddhimatho labhate

jaya jaya he guha ṣaṇmukha sundara dehi ratiṃ tava pādayuge || 7 ||

iti śrīanantarāmadīkṣita kṛtaṃ ṣaṇmukha ṣaṭkam ||

Sanskrit — Devanagari (original)

गिरितनयासुत गाङ्गपयोदित गन्धसुवासित बालतनो

गुणगणभूषण कोमलभाषण क्रौञ्चविदारण कुन्दतनो ।

गजमुखसोदर दुर्जयदानवसङ्घविनाशक दिव्यतनो

जय जय हे गुह षण्मुख सुन्दर देहि रतिं तव पादयुगे ॥ 1 ॥

प्रतिगिरिसंस्थित भक्तहृदिस्थित पुत्रधनप्रद रम्यतनो

भवभयमोचक भाग्यविधायक भूसुतवार सुपूज्यतनो ।

बहुभुजशोभित बन्धविमोचक बोधफलप्रद बोधतनो

जय जय हे गुह षण्मुख सुन्दर देहि रतिं तव पादयुगे ॥ 2 ॥

शमधनमानित मौनिहृदालय मोक्षकृदालय मुग्धतनो

शतमखपालक शङ्करतोषक शङ्खसुवादक शक्तितनो ।

दशशतमन्मथ सन्निभसुन्दर कुण्डलमण्डित कर्णविभो

जय जय हे गुह षण्मुख सुन्दर देहि रतिं तव पादयुगे ॥ 3 ॥

गुह तरुणारुणचेलपरिष्कृत तारकमारक मारतनो

जलनिधितीरसुशोभिवरालय शङ्करसन्नुत देवगुरो ।

विहितमहाध्वरसामनिमन्त्रित सौम्यहृदन्तर सोमतनो

जय जय हे गुह षण्मुख सुन्दर देहि रतिं तव पादयुगे ॥ 4 ॥

लवलिकया सह केलिकलापर देवसुतार्पित माल्यतनो

गुरुपदसंस्थित शङ्करदर्शित तत्त्वमयप्रणवार्थविभो ।

विधिहरिपूजित ब्रह्मसुतार्पित भाग्यसुपूरक योगितनो

जय जय हे गुह षण्मुख सुन्दर देहि रतिं तव पादयुगे ॥ 5 ॥

कलिजनपालन कञ्जसुलोचन कुक्कुटकेतन केलितनो

कृतबलिपालन बर्हिणवाहन फालविलोचनशम्भुतनो ।

शरवणसम्भव शत्रुनिबर्हण चन्द्रसमानन शर्मतनो

जय जय हे गुह षण्मुख सुन्दर देहि रतिं तव पादयुगे ॥ 6 ॥

सुखदमनन्तपदान्वित रामसुदीक्षित सत्कविपद्यमिदं

शरवण सम्भव तोषदमिष्टदमष्टसुसिद्धिदमार्तिहरम् ।

पठति शृणोति च भक्तियुतो यदि भाग्यसमृद्धिमथो लभते

जय जय हे गुह षण्मुख सुन्दर देहि रतिं तव पादयुगे ॥ 7 ॥

इति श्रीअनन्तरामदीक्षित कृतं षण्मुख षट्कम् ॥