mahendra uvāca
namaḥ kamalavāsinyai nārāyaṇyai namo namaḥ |
Verse 1
kṛṣṇapriyāyai sārāyai padmāyai ca namo namaḥ || 1 ||
padmapatrekṣaṇāyai ca padmāsyāyai namo namaḥ |
Verse 2
padmāsanāyai padminyai vaiṣṇavyai ca namo namaḥ || 2 ||
sarvasampatsvarūpāyai sarvadātryai namo namaḥ |
Verse 3
sukhadāyai mokṣadāyai siddhidāyai namo namaḥ || 3 ||
haribhaktipradātryai ca harṣadātryai namo namaḥ |
Verse 4
kṛṣṇavakṣaḥsthitāyai ca kṛṣṇeśāyai namo namaḥ || 4 ||
kṛṣṇaśobhāsvarūpāyai ratnāḍhyāyai namo namaḥ |
Verse 5
sampatyadhiṣṭhātṛdevyai mahādevyai namo namaḥ || 5 ||
sasyādhiṣṭhātṛdevyai ca sasyalakṣmyai namo namaḥ |
Verse 6
namo buddhisvarūpāyai buddhidāyai namo namaḥ || 6 ||
vaikuṇṭhe ca mahālakṣmīrlakṣmīḥ kṣīrodasāgare |
Verse 7
svargalakṣmīrindragehe rājalakṣmīrnṛpālaye || 7 ||
gṛhalakṣmīśca gṛhiṇāṃ gehe ca gṛhadevatā |
Verse 8
surabhiḥ sā gavāṃ mātā dakṣiṇā yajñakāminī || 8 ||
aditirdevamātā tvaṃ kamalā kamalālaye |
Verse 9
svāhā tvaṃ ca havirdāne kavyadāne svadhā smṛtā || 9 ||
tvaṃ hi viṣṇusvarūpā ca sarvādhārā vasundharā |
Verse 10
śuddhasattvasvarūpā tvaṃ nārāyaṇaparāyāṇā || 10 ||
krodhahiṃsāvarjitā ca varadā ca śubhānanā |
Verse 11
paramārthapradā tvaṃ ca haridāsyapradā parā || 11 ||
yayā vinā jagatsarvaṃ bhasmībhūtamasārakam |
Verse 12
jīvanmṛtaṃ ca viśvaṃ ca śavatulyaṃ yayā vinā || 12 ||
sarveṣāṃ ca parā tvaṃ hi sarvabāndhavarūpiṇī |
Verse 13
yayā vinā na sambhāṣyo bāndhavairbāndhavaḥ sadā || 13 ||
tvayā hīno bandhuhīnastvayā yuktaḥ sabāndhavaḥ |
Verse 14
dharmārthakāmamokṣāṇāṃ tvaṃ ca kāraṇarūpiṇī || 14 ||
stanandhayānāṃ tvaṃ mātā śiśūnāṃ śaiśave yathā |
Verse 15
tathā tvaṃ sarvadā mātā sarveṣāṃ sarvaviśvataḥ || 15 ||
tyaktastano mātṛhīnaḥ sa cejjīvati daivataḥ |
Verse 16
tvayā hīno janaḥ ko'pi na jīvatyeva niścitam || 16 ||
suprasannasvarūpā tvaṃ me prasannā bhavāmbike |
Verse 17
vairigrastaṃ ca viṣayaṃ dehi mahyaṃ sanātani || 17 ||
vayaṃ yāvattvayā hīnā bandhuhīnāśca bhikṣukāḥ |
Verse 18
sarvasampadvihīnāśca tāvadeva haripriye || 18 ||
rājyaṃ dehi śriyaṃ dehi balaṃ dehi sureśvari |
Verse 19
kīrtiṃ dehi dhanaṃ dehi putrānmahyaṃ ca dehi vai || 19 ||
kāmaṃ dehi matiṃ dehi bhogān dehi haripriye |
Verse 20
jñānaṃ dehi ca dharmaṃ ca sarvasaubhāgyamīpsitam || 20 ||
sarvādhikāramevaṃ vai prabhāvāṃ ca pratāpakam |
Verse 21
jayaṃ parākramaṃ yuddhe paramaiśvaryamaiva ca || 21 ||
ityuktvā tu mahendraśca sarvaiḥ suragaṇaiḥ saha |
Verse 22
nanāma sāśrunetro'yaṃ mūrdhnā caiva punaḥ punaḥ || 22 ||
brahmā ca śaṅkaraścaiva śeṣo dharmaśca keśavaḥ |
Verse 23
sarve cakruḥ parīhāraṃ surārthe ca punaḥ punaḥ || 23 ||
devebhyaśca varaṃ dattvā puṣpamālāṃ manoharām |
Verse 24
keśavāya dadau lakṣmīḥ santuṣṭā surasaṃsadi || 24 ||
yayurdaivāśca santuṣṭāḥ svaṃ svaṃ sthānaṃ ca nārada |
Verse 25
devī yayau hareḥ kroḍaṃ hṛṣṭā kṣīrodaśāyinaḥ || 25 ||
yayatustau svasvagṛhaṃ brahmeśānau ca nārada |
Verse 26
dattvā śubhāśiṣaṃ tau ca devebhyaḥ prītipūrvakam || 26 ||
idaṃ stotraṃ mahāpuṇyaṃ trisandhyaṃ yaḥ paṭhennaraḥ |
Verse 27
kuberatulyaḥ sa bhavedrājarājeśvaro mahān || 27 ||
siddhastotraṃ yadi paṭhet so'pi kalpatarurnaraḥ |
Verse 28
pañcalakṣajapenaiva stotrasiddhirbhavennṛṇām || 28 ||
siddhastotraṃ yadi paṭhenmāsamekaṃ ca saṃyataḥ |
Verse 29
mahāsukhī ca rājendro bhaviṣyati na saṃśayaḥ || 29 ||
iti śrībrahmavaivarte mahāpurāṇe dvitīye prakṛtikhaṇḍe nāradanārāyaṇasaṃvāde ekonacatvāriṃśattamo'dhyāye mahendra kṛta śrī mahālakṣmī stotram |
Sanskrit — Devanagari (original)
महेन्द्र उवाच
नमः कमलवासिन्यै नारायण्यै नमो नमः ।
कृष्णप्रियायै सारायै पद्मायै च नमो नमः ॥ 1 ॥
पद्मपत्रेक्षणायै च पद्मास्यायै नमो नमः ।
पद्मासनायै पद्मिन्यै वैष्णव्यै च नमो नमः ॥ 2 ॥
सर्वसम्पत्स्वरूपायै सर्वदात्र्यै नमो नमः ।
सुखदायै मोक्षदायै सिद्धिदायै नमो नमः ॥ 3 ॥
हरिभक्तिप्रदात्र्यै च हर्षदात्र्यै नमो नमः ।
कृष्णवक्षःस्थितायै च कृष्णेशायै नमो नमः ॥ 4 ॥
कृष्णशोभास्वरूपायै रत्नाढ्यायै नमो नमः ।
सम्पत्यधिष्ठातृदेव्यै महादेव्यै नमो नमः ॥ 5 ॥
सस्याधिष्ठातृदेव्यै च सस्यलक्ष्म्यै नमो नमः ।
नमो बुद्धिस्वरूपायै बुद्धिदायै नमो नमः ॥ 6 ॥
वैकुण्ठे च महालक्ष्मीर्लक्ष्मीः क्षीरोदसागरे ।
स्वर्गलक्ष्मीरिन्द्रगेहे राजलक्ष्मीर्नृपालये ॥ 7 ॥
गृहलक्ष्मीश्च गृहिणां गेहे च गृहदेवता ।
सुरभिः सा गवां माता दक्षिणा यज्ञकामिनी ॥ 8 ॥
अदितिर्देवमाता त्वं कमला कमलालये ।
स्वाहा त्वं च हविर्दाने कव्यदाने स्वधा स्मृता ॥ 9 ॥
त्वं हि विष्णुस्वरूपा च सर्वाधारा वसुन्धरा ।
शुद्धसत्त्वस्वरूपा त्वं नारायणपरायाणा ॥ 10 ॥
क्रोधहिंसावर्जिता च वरदा च शुभानना ।
परमार्थप्रदा त्वं च हरिदास्यप्रदा परा ॥ 11 ॥
यया विना जगत्सर्वं भस्मीभूतमसारकम् ।
जीवन्मृतं च विश्वं च शवतुल्यं यया विना ॥ 12 ॥
सर्वेषां च परा त्वं हि सर्वबान्धवरूपिणी ।
यया विना न सम्भाष्यो बान्धवैर्बान्धवः सदा ॥ 13 ॥
त्वया हीनो बन्धुहीनस्त्वया युक्तः सबान्धवः ।
धर्मार्थकाममोक्षाणां त्वं च कारणरूपिणी ॥ 14 ॥
स्तनन्धयानां त्वं माता शिशूनां शैशवे यथा ।
तथा त्वं सर्वदा माता सर्वेषां सर्वविश्वतः ॥ 15 ॥
त्यक्तस्तनो मातृहीनः स चेज्जीवति दैवतः ।
त्वया हीनो जनः कोऽपि न जीवत्येव निश्चितम् ॥ 16 ॥
सुप्रसन्नस्वरूपा त्वं मे प्रसन्ना भवाम्बिके ।
वैरिग्रस्तं च विषयं देहि मह्यं सनातनि ॥ 17 ॥
वयं यावत्त्वया हीना बन्धुहीनाश्च भिक्षुकाः ।
सर्वसम्पद्विहीनाश्च तावदेव हरिप्रिये ॥ 18 ॥
राज्यं देहि श्रियं देहि बलं देहि सुरेश्वरि ।
कीर्तिं देहि धनं देहि पुत्रान्मह्यं च देहि वै ॥ 19 ॥
कामं देहि मतिं देहि भोगान् देहि हरिप्रिये ।
ज्ञानं देहि च धर्मं च सर्वसौभाग्यमीप्सितम् ॥ 20 ॥
सर्वाधिकारमेवं वै प्रभावां च प्रतापकम् ।
जयं पराक्रमं युद्धे परमैश्वर्यमैव च ॥ 21 ॥
इत्युक्त्वा तु महेन्द्रश्च सर्वैः सुरगणैः सह ।
ननाम साश्रुनेत्रोऽयं मूर्ध्ना चैव पुनः पुनः ॥ 22 ॥
ब्रह्मा च शङ्करश्चैव शेषो धर्मश्च केशवः ।
सर्वे चक्रुः परीहारं सुरार्थे च पुनः पुनः ॥ 23 ॥
देवेभ्यश्च वरं दत्त्वा पुष्पमालां मनोहराम् ।
केशवाय ददौ लक्ष्मीः सन्तुष्टा सुरसंसदि ॥ 24 ॥
ययुर्दैवाश्च सन्तुष्टाः स्वं स्वं स्थानं च नारद ।
देवी ययौ हरेः क्रोडं हृष्टा क्षीरोदशायिनः ॥ 25 ॥
ययतुस्तौ स्वस्वगृहं ब्रह्मेशानौ च नारद ।
दत्त्वा शुभाशिषं तौ च देवेभ्यः प्रीतिपूर्वकम् ॥ 26 ॥
इदं स्तोत्रं महापुण्यं त्रिसन्ध्यं यः पठेन्नरः ।
कुबेरतुल्यः स भवेद्राजराजेश्वरो महान् ॥ 27 ॥
सिद्धस्तोत्रं यदि पठेत् सोऽपि कल्पतरुर्नरः ।
पञ्चलक्षजपेनैव स्तोत्रसिद्धिर्भवेन्नृणाम् ॥ 28 ॥
सिद्धस्तोत्रं यदि पठेन्मासमेकं च संयतः ।
महासुखी च राजेन्द्रो भविष्यति न संशयः ॥ 29 ॥
इति श्रीब्रह्मवैवर्ते महापुराणे द्वितीये प्रकृतिखण्डे नारदनारायणसंवादे एकोनचत्वारिंशत्तमोऽध्याये महेन्द्र कृत श्री महालक्ष्मी स्तोत्रम् ।