বীজাপূরগদেক্ষুকার্মুকরুজা চক্রাব্জপাশোত্পল-
-ব্রীহ্যগ্রস্ববিষাণরত্নকলশপ্রোদ্যত্করাম্ভোরুহঃ ।
ধ্যেযো বল্লভযা সপদ্মকরযাশ্লিষ্টোজ্জ্বলদ্ভূষযা
বিশ্বোত্পত্তিবিপত্তিসংস্থিতিকরো বিঘ্নেশ ইষ্টার্থদঃ ॥ 1 ॥
নমস্তে সিদ্ধিলক্ষ্মীশ গণাধিপ মহাপ্রভো ।
বিঘ্নেশ্বর জগন্নাথ গৌরীপুত্র জগত্প্রভো ॥ 2 ॥
জয বিঘ্নেশ্বর বিভো বিনাযক মহেশ্বর ।
লম্বোদর মহাবাহো সর্বদা ত্বং প্রসীদ মে ॥ 3 ॥
মহাদেব জগত্স্বামিন্ মূষিকারূঢ শঙ্কর ।
বিশালাক্ষ মহাকায মাং ত্রাহি পরমেশ্বর ॥ 4 ॥
কুঞ্জরাস্য সুরাধীশ মহেশ করুণানিধে ।
মাতুলুঙ্গধর স্বামিন্ গদাচক্রসমন্বিত ॥ 5 ॥
দশবাহো মহারাজ গজবক্ত্র চতুর্ভুজ ।
শূর্পকর্ণ মহাকর্ণ গণনাথ প্রসীদ মে ॥ 6 ॥
শঙ্খশূলসমাযুক্ত বীজাপূরসমন্বিত ।
ইক্ষুকার্মুকসংযুক্ত পদ্মহস্ত প্রসীদ মে ॥ 7 ॥
নানাভরণসংযুক্ত রত্নকুম্ভকর প্রভো ।
সর্গস্থিতিলযাধীশ পরমাত্মন্ জয প্রভো ॥ 8 ॥
অনাথনাথ বিশ্বেশ বিঘ্নসঙ্ঘবিনাশন ।
ত্রযীমূর্তে সুরপতে ব্রহ্মবিষ্ণুশিবাত্মক ॥ 9 ॥
ত্রযীগুণ মহাদেব পাহি মাং সর্বপালক ।
অণিমাদিগুণাধার লক্ষ্মীশ্রীবিষ্ণুপূজিত ॥ 10 ॥
গৌরীশঙ্করসম্পূজ্য জয ত্বং গণনাযক ।
রতিমন্মথসংসেব্য মহীভূদারসংস্তুত ॥ 11 ॥
ঋদ্ধ্যামোদাদিসংসেব্য মহাগণপতে জয ।
শঙ্খপদ্মাদিসংসেব্য নিরালম্ব নিরীশ্বর ॥ 12 ॥
নিষ্কলঙ্ক নিরাধার পাহি মাং নিত্যমব্যয ।
অনাদ্য জগতামাদ্য পিতামহসুপূজিত ॥ 13 ॥
ধূমকেতো গণাধ্যক্ষ মহামূষকবাহন ।
অনন্তপরমানন্দ জয বিঘ্নেশ্বরেশ্বর ॥ 14 ॥
রত্নসিংহাসনাসীন কিরীটেন সুশোভিত ।
পরাত্পর পরেশান পরপূরুষ পাহি মাম্ ॥ 15 ॥
নির্দ্বন্দ্ব নির্গুণাভাস জপাপুষ্পসমপ্রভ ।
সর্বপ্রমথসংস্তুত্য ত্রাহি মাং বিঘ্ননাযক ॥ 16 ॥
কুমারস্য গুরো দেব সর্বৈশ্বর্যপ্রদাযক ।
সর্বাভীষ্টপ্রদ স্বামিন্ সর্বপ্রত্যূহনাশক ॥ 17 ॥
শরণ্য সর্বলোকানাং শরণাগতবত্সল ।
মহাগণপতে নিত্যং মাং পালয কৃপানিধে ॥ 18 ॥
এবং শ্রীগণনাথস্য স্তবরাজমনুত্তমম্ ।
যঃ পঠেচ্ছৃণুযান্নিত্যং প্রত্যূহৈঃ স বিমুচ্যতে ॥ 19 ॥
অশ্বমেধসমং পুণ্যফলং প্রাপ্নোত্যনুত্তমম্ ।
বশীকরোতি ত্রৈলোক্যং প্রাপ্য সৌভাগ্যমুত্তমম্ ॥ 20 ॥
সর্বাভীষ্টমবাপ্নোতি শীঘ্রমেব সুদুর্লভম্ ।
মহাগণেশসান্নিধ্যং প্রাপ্নোত্যেব ন সংশযঃ ॥ 21 ॥
ইতি শ্রীরুদ্রযামলে শ্রীবিনাযকস্তবরাজঃ সম্পূর্ণম্ ।
Roman (IAST) Transliteration
bījāpūragadekṣukārmukarujā cakrābjapāśotpala-
-vrīhyagrasvaviṣāṇaratnakalaśaprodyatkarāmbhoruhaḥ |
dhyeyo vallabhayā sapadmakarayāśliṣṭojjvaladbhūṣayā
viśvotpattivipattisaṃsthitikaro vighneśa iṣṭārthadaḥ || 1 ||
namaste siddhilakṣmīśa gaṇādhipa mahāprabho |
vighneśvara jagannātha gaurīputra jagatprabho || 2 ||
jaya vighneśvara vibho vināyaka maheśvara |
lambodara mahābāho sarvadā tvaṃ prasīda me || 3 ||
mahādeva jagatsvāmin mūṣikārūḍha śaṅkara |
viśālākṣa mahākāya māṃ trāhi parameśvara || 4 ||
kuñjarāsya surādhīśa maheśa karuṇānidhe |
mātuluṅgadhara svāmin gadācakrasamanvita || 5 ||
daśabāho mahārāja gajavaktra caturbhuja |
śūrpakarṇa mahākarṇa gaṇanātha prasīda me || 6 ||
śaṅkhaśūlasamāyukta bījāpūrasamanvita |
ikṣukārmukasaṃyukta padmahasta prasīda me || 7 ||
nānābharaṇasaṃyukta ratnakumbhakara prabho |
sargasthitilayādhīśa paramātman jaya prabho || 8 ||
anāthanātha viśveśa vighnasaṅghavināśana |
trayīmūrte surapate brahmaviṣṇuśivātmaka || 9 ||
trayīguṇa mahādeva pāhi māṃ sarvapālaka |
aṇimādiguṇādhāra lakṣmīśrīviṣṇupūjita || 10 ||
gaurīśaṅkarasampūjya jaya tvaṃ gaṇanāyaka |
ratimanmathasaṃsevya mahībhūdārasaṃstuta || 11 ||
ṛddhyāmodādisaṃsevya mahāgaṇapate jaya |
śaṅkhapadmādisaṃsevya nirālamba nirīśvara || 12 ||
niṣkalaṅka nirādhāra pāhi māṃ nityamavyaya |
anādya jagatāmādya pitāmahasupūjita || 13 ||
dhūmaketo gaṇādhyakṣa mahāmūṣakavāhana |
anantaparamānanda jaya vighneśvareśvara || 14 ||
ratnasiṃhāsanāsīna kirīṭena suśobhita |
parātpara pareśāna parapūruṣa pāhi mām || 15 ||
nirdvandva nirguṇābhāsa japāpuṣpasamaprabha |
sarvapramathasaṃstutya trāhi māṃ vighnanāyaka || 16 ||
kumārasya guro deva sarvaiśvaryapradāyaka |
sarvābhīṣṭaprada svāmin sarvapratyūhanāśaka || 17 ||
śaraṇya sarvalokānāṃ śaraṇāgatavatsala |
mahāgaṇapate nityaṃ māṃ pālaya kṛpānidhe || 18 ||
evaṃ śrīgaṇanāthasya stavarājamanuttamam |
yaḥ paṭhecchṛṇuyānnityaṃ pratyūhaiḥ sa vimucyate || 19 ||
aśvamedhasamaṃ puṇyaphalaṃ prāpnotyanuttamam |
vaśīkaroti trailokyaṃ prāpya saubhāgyamuttamam || 20 ||
sarvābhīṣṭamavāpnoti śīghrameva sudurlabham |
mahāgaṇeśasānnidhyaṃ prāpnotyeva na saṃśayaḥ || 21 ||
iti śrīrudrayāmale śrīvināyakastavarājaḥ sampūrṇam |
Sanskrit — Devanagari (original)
बीजापूरगदेक्षुकार्मुकरुजा चक्राब्जपाशोत्पल-
-व्रीह्यग्रस्वविषाणरत्नकलशप्रोद्यत्कराम्भोरुहः ।
ध्येयो वल्लभया सपद्मकरयाश्लिष्टोज्ज्वलद्भूषया
विश्वोत्पत्तिविपत्तिसंस्थितिकरो विघ्नेश इष्टार्थदः ॥ 1 ॥
नमस्ते सिद्धिलक्ष्मीश गणाधिप महाप्रभो ।
विघ्नेश्वर जगन्नाथ गौरीपुत्र जगत्प्रभो ॥ 2 ॥
जय विघ्नेश्वर विभो विनायक महेश्वर ।
लम्बोदर महाबाहो सर्वदा त्वं प्रसीद मे ॥ 3 ॥
महादेव जगत्स्वामिन् मूषिकारूढ शङ्कर ।
विशालाक्ष महाकाय मां त्राहि परमेश्वर ॥ 4 ॥
कुञ्जरास्य सुराधीश महेश करुणानिधे ।
मातुलुङ्गधर स्वामिन् गदाचक्रसमन्वित ॥ 5 ॥
दशबाहो महाराज गजवक्त्र चतुर्भुज ।
शूर्पकर्ण महाकर्ण गणनाथ प्रसीद मे ॥ 6 ॥
शङ्खशूलसमायुक्त बीजापूरसमन्वित ।
इक्षुकार्मुकसंयुक्त पद्महस्त प्रसीद मे ॥ 7 ॥
नानाभरणसंयुक्त रत्नकुम्भकर प्रभो ।
सर्गस्थितिलयाधीश परमात्मन् जय प्रभो ॥ 8 ॥
अनाथनाथ विश्वेश विघ्नसङ्घविनाशन ।
त्रयीमूर्ते सुरपते ब्रह्मविष्णुशिवात्मक ॥ 9 ॥
त्रयीगुण महादेव पाहि मां सर्वपालक ।
अणिमादिगुणाधार लक्ष्मीश्रीविष्णुपूजित ॥ 10 ॥
गौरीशङ्करसम्पूज्य जय त्वं गणनायक ।
रतिमन्मथसंसेव्य महीभूदारसंस्तुत ॥ 11 ॥
ऋद्ध्यामोदादिसंसेव्य महागणपते जय ।
शङ्खपद्मादिसंसेव्य निरालम्ब निरीश्वर ॥ 12 ॥
निष्कलङ्क निराधार पाहि मां नित्यमव्यय ।
अनाद्य जगतामाद्य पितामहसुपूजित ॥ 13 ॥
धूमकेतो गणाध्यक्ष महामूषकवाहन ।
अनन्तपरमानन्द जय विघ्नेश्वरेश्वर ॥ 14 ॥
रत्नसिंहासनासीन किरीटेन सुशोभित ।
परात्पर परेशान परपूरुष पाहि माम् ॥ 15 ॥
निर्द्वन्द्व निर्गुणाभास जपापुष्पसमप्रभ ।
सर्वप्रमथसंस्तुत्य त्राहि मां विघ्ननायक ॥ 16 ॥
कुमारस्य गुरो देव सर्वैश्वर्यप्रदायक ।
सर्वाभीष्टप्रद स्वामिन् सर्वप्रत्यूहनाशक ॥ 17 ॥
शरण्य सर्वलोकानां शरणागतवत्सल ।
महागणपते नित्यं मां पालय कृपानिधे ॥ 18 ॥
एवं श्रीगणनाथस्य स्तवराजमनुत्तमम् ।
यः पठेच्छृणुयान्नित्यं प्रत्यूहैः स विमुच्यते ॥ 19 ॥
अश्वमेधसमं पुण्यफलं प्राप्नोत्यनुत्तमम् ।
वशीकरोति त्रैलोक्यं प्राप्य सौभाग्यमुत्तमम् ॥ 20 ॥
सर्वाभीष्टमवाप्नोति शीघ्रमेव सुदुर्लभम् ।
महागणेशसान्निध्यं प्राप्नोत्येव न संशयः ॥ 21 ॥
इति श्रीरुद्रयामले श्रीविनायकस्तवराजः सम्पूर्णम् ।
bījāpūragadekṣukārmukarujā cakrābjapāśotpala-
-vrīhyagrasvaviṣāṇaratnakalaśaprodyatkarāmbhoruhaḥ |
dhyeyo vallabhayā sapadmakarayāśliṣṭojjvaladbhūṣayā
viśvotpattivipattisaṃsthitikaro vighneśa iṣṭārthadaḥ || 1 ||
namaste siddhilakṣmīśa gaṇādhipa mahāprabho |
vighneśvara jagannātha gaurīputra jagatprabho || 2 ||
jaya vighneśvara vibho vināyaka maheśvara |
lambodara mahābāho sarvadā tvaṃ prasīda me || 3 ||
mahādeva jagatsvāmin mūṣikārūḍha śaṅkara |
viśālākṣa mahākāya māṃ trāhi parameśvara || 4 ||
kuñjarāsya surādhīśa maheśa karuṇānidhe |
mātuluṅgadhara svāmin gadācakrasamanvita || 5 ||
daśabāho mahārāja gajavaktra caturbhuja |
śūrpakarṇa mahākarṇa gaṇanātha prasīda me || 6 ||
śaṅkhaśūlasamāyukta bījāpūrasamanvita |
ikṣukārmukasaṃyukta padmahasta prasīda me || 7 ||
nānābharaṇasaṃyukta ratnakumbhakara prabho |
sargasthitilayādhīśa paramātman jaya prabho || 8 ||
anāthanātha viśveśa vighnasaṅghavināśana |
trayīmūrte surapate brahmaviṣṇuśivātmaka || 9 ||
trayīguṇa mahādeva pāhi māṃ sarvapālaka |
aṇimādiguṇādhāra lakṣmīśrīviṣṇupūjita || 10 ||
gaurīśaṅkarasampūjya jaya tvaṃ gaṇanāyaka |
ratimanmathasaṃsevya mahībhūdārasaṃstuta || 11 ||
ṛddhyāmodādisaṃsevya mahāgaṇapate jaya |
śaṅkhapadmādisaṃsevya nirālamba nirīśvara || 12 ||
niṣkalaṅka nirādhāra pāhi māṃ nityamavyaya |
anādya jagatāmādya pitāmahasupūjita || 13 ||
dhūmaketo gaṇādhyakṣa mahāmūṣakavāhana |
anantaparamānanda jaya vighneśvareśvara || 14 ||
ratnasiṃhāsanāsīna kirīṭena suśobhita |
parātpara pareśāna parapūruṣa pāhi mām || 15 ||
nirdvandva nirguṇābhāsa japāpuṣpasamaprabha |
sarvapramathasaṃstutya trāhi māṃ vighnanāyaka || 16 ||
kumārasya guro deva sarvaiśvaryapradāyaka |
sarvābhīṣṭaprada svāmin sarvapratyūhanāśaka || 17 ||
śaraṇya sarvalokānāṃ śaraṇāgatavatsala |
mahāgaṇapate nityaṃ māṃ pālaya kṛpānidhe || 18 ||
evaṃ śrīgaṇanāthasya stavarājamanuttamam |
yaḥ paṭhecchṛṇuyānnityaṃ pratyūhaiḥ sa vimucyate || 19 ||
aśvamedhasamaṃ puṇyaphalaṃ prāpnotyanuttamam |
vaśīkaroti trailokyaṃ prāpya saubhāgyamuttamam || 20 ||
sarvābhīṣṭamavāpnoti śīghrameva sudurlabham |
mahāgaṇeśasānnidhyaṃ prāpnotyeva na saṃśayaḥ || 21 ||
iti śrīrudrayāmale śrīvināyakastavarājaḥ sampūrṇam |
🕉️ This is the original Sanskrit rendered in Bengali script.
Pronunciation is identical to the Sanskrit Devanagari version.