ಬೀಜಾಪೂರಗದೇಕ್ಷುಕಾರ್ಮುಕರುಜಾ ಚಕ್ರಾಬ್ಜಪಾಶೋತ್ಪಲ-
-ವ್ರೀಹ್ಯಗ್ರಸ್ವವಿಷಾಣರತ್ನಕಲಶಪ್ರೋದ್ಯತ್ಕರಾಮ್ಭೋರುಹಃ ।
ಧ್ಯೇಯೋ ವಲ್ಲಭಯಾ ಸಪದ್ಮಕರಯಾಶ್ಲಿಷ್ಟೋಜ್ಜ್ವಲದ್ಭೂಷಯಾ
ವಿಶ್ವೋತ್ಪತ್ತಿವಿಪತ್ತಿಸಂಸ್ಥಿತಿಕರೋ ವಿಘ್ನೇಶ ಇಷ್ಟಾರ್ಥದಃ ॥ 1 ॥
ನಮಸ್ತೇ ಸಿದ್ಧಿಲಕ್ಷ್ಮೀಶ ಗಣಾಧಿಪ ಮಹಾಪ್ರಭೋ ।
ವಿಘ್ನೇಶ್ವರ ಜಗನ್ನಾಥ ಗೌರೀಪುತ್ರ ಜಗತ್ಪ್ರಭೋ ॥ 2 ॥
ಜಯ ವಿಘ್ನೇಶ್ವರ ವಿಭೋ ವಿನಾಯಕ ಮಹೇಶ್ವರ ।
ಲಮ್ಬೋದರ ಮಹಾಬಾಹೋ ಸರ್ವದಾ ತ್ವಂ ಪ್ರಸೀದ ಮೇ ॥ 3 ॥
ಮಹಾದೇವ ಜಗತ್ಸ್ವಾಮಿನ್ ಮೂಷಿಕಾರೂಢ ಶಙ್ಕರ ।
ವಿಶಾಲಾಕ್ಷ ಮಹಾಕಾಯ ಮಾಂ ತ್ರಾಹಿ ಪರಮೇಶ್ವರ ॥ 4 ॥
ಕುಞ್ಜರಾಸ್ಯ ಸುರಾಧೀಶ ಮಹೇಶ ಕರುಣಾನಿಧೇ ।
ಮಾತುಲುಙ್ಗಧರ ಸ್ವಾಮಿನ್ ಗದಾಚಕ್ರಸಮನ್ವಿತ ॥ 5 ॥
ದಶಬಾಹೋ ಮಹಾರಾಜ ಗಜವಕ್ತ್ರ ಚತುರ್ಭುಜ ।
ಶೂರ್ಪಕರ್ಣ ಮಹಾಕರ್ಣ ಗಣನಾಥ ಪ್ರಸೀದ ಮೇ ॥ 6 ॥
ಶಙ್ಖಶೂಲಸಮಾಯುಕ್ತ ಬೀಜಾಪೂರಸಮನ್ವಿತ ।
ಇಕ್ಷುಕಾರ್ಮುಕಸಂಯುಕ್ತ ಪದ್ಮಹಸ್ತ ಪ್ರಸೀದ ಮೇ ॥ 7 ॥
ನಾನಾಭರಣಸಂಯುಕ್ತ ರತ್ನಕುಮ್ಭಕರ ಪ್ರಭೋ ।
ಸರ್ಗಸ್ಥಿತಿಲಯಾಧೀಶ ಪರಮಾತ್ಮನ್ ಜಯ ಪ್ರಭೋ ॥ 8 ॥
ಅನಾಥನಾಥ ವಿಶ್ವೇಶ ವಿಘ್ನಸಙ್ಘವಿನಾಶನ ।
ತ್ರಯೀಮೂರ್ತೇ ಸುರಪತೇ ಬ್ರಹ್ಮವಿಷ್ಣುಶಿವಾತ್ಮಕ ॥ 9 ॥
ತ್ರಯೀಗುಣ ಮಹಾದೇವ ಪಾಹಿ ಮಾಂ ಸರ್ವಪಾಲಕ ।
ಅಣಿಮಾದಿಗುಣಾಧಾರ ಲಕ್ಷ್ಮೀಶ್ರೀವಿಷ್ಣುಪೂಜಿತ ॥ 10 ॥
ಗೌರೀಶಙ್ಕರಸಮ್ಪೂಜ್ಯ ಜಯ ತ್ವಂ ಗಣನಾಯಕ ।
ರತಿಮನ್ಮಥಸಂಸೇವ್ಯ ಮಹೀಭೂದಾರಸಂಸ್ತುತ ॥ 11 ॥
ಋದ್ಧ್ಯಾಮೋದಾದಿಸಂಸೇವ್ಯ ಮಹಾಗಣಪತೇ ಜಯ ।
ಶಙ್ಖಪದ್ಮಾದಿಸಂಸೇವ್ಯ ನಿರಾಲಮ್ಬ ನಿರೀಶ್ವರ ॥ 12 ॥
ನಿಷ್ಕಲಙ್ಕ ನಿರಾಧಾರ ಪಾಹಿ ಮಾಂ ನಿತ್ಯಮವ್ಯಯ ।
ಅನಾದ್ಯ ಜಗತಾಮಾದ್ಯ ಪಿತಾಮಹಸುಪೂಜಿತ ॥ 13 ॥
ಧೂಮಕೇತೋ ಗಣಾಧ್ಯಕ್ಷ ಮಹಾಮೂಷಕವಾಹನ ।
ಅನನ್ತಪರಮಾನನ್ದ ಜಯ ವಿಘ್ನೇಶ್ವರೇಶ್ವರ ॥ 14 ॥
ರತ್ನಸಿಂಹಾಸನಾಸೀನ ಕಿರೀಟೇನ ಸುಶೋಭಿತ ।
ಪರಾತ್ಪರ ಪರೇಶಾನ ಪರಪೂರುಷ ಪಾಹಿ ಮಾಮ್ ॥ 15 ॥
ನಿರ್ದ್ವನ್ದ್ವ ನಿರ್ಗುಣಾಭಾಸ ಜಪಾಪುಷ್ಪಸಮಪ್ರಭ ।
ಸರ್ವಪ್ರಮಥಸಂಸ್ತುತ್ಯ ತ್ರಾಹಿ ಮಾಂ ವಿಘ್ನನಾಯಕ ॥ 16 ॥
ಕುಮಾರಸ್ಯ ಗುರೋ ದೇವ ಸರ್ವೈಶ್ವರ್ಯಪ್ರದಾಯಕ ।
ಸರ್ವಾಭೀಷ್ಟಪ್ರದ ಸ್ವಾಮಿನ್ ಸರ್ವಪ್ರತ್ಯೂಹನಾಶಕ ॥ 17 ॥
ಶರಣ್ಯ ಸರ್ವಲೋಕಾನಾಂ ಶರಣಾಗತವತ್ಸಲ ।
ಮಹಾಗಣಪತೇ ನಿತ್ಯಂ ಮಾಂ ಪಾಲಯ ಕೃಪಾನಿಧೇ ॥ 18 ॥
ಏವಂ ಶ್ರೀಗಣನಾಥಸ್ಯ ಸ್ತವರಾಜಮನುತ್ತಮಮ್ ।
ಯಃ ಪಠೇಚ್ಛೃಣುಯಾನ್ನಿತ್ಯಂ ಪ್ರತ್ಯೂಹೈಃ ಸ ವಿಮುಚ್ಯತೇ ॥ 19 ॥
ಅಶ್ವಮೇಧಸಮಂ ಪುಣ್ಯಫಲಂ ಪ್ರಾಪ್ನೋತ್ಯನುತ್ತಮಮ್ ।
ವಶೀಕರೋತಿ ತ್ರೈಲೋಕ್ಯಂ ಪ್ರಾಪ್ಯ ಸೌಭಾಗ್ಯಮುತ್ತಮಮ್ ॥ 20 ॥
ಸರ್ವಾಭೀಷ್ಟಮವಾಪ್ನೋತಿ ಶೀಘ್ರಮೇವ ಸುದುರ್ಲಭಮ್ ।
ಮಹಾಗಣೇಶಸಾನ್ನಿಧ್ಯಂ ಪ್ರಾಪ್ನೋತ್ಯೇವ ನ ಸಂಶಯಃ ॥ 21 ॥
ಇತಿ ಶ್ರೀರುದ್ರಯಾಮಲೇ ಶ್ರೀವಿನಾಯಕಸ್ತವರಾಜಃ ಸಮ್ಪೂರ್ಣಮ್ ।
Roman (IAST) Transliteration
bījāpūragadekṣukārmukarujā cakrābjapāśotpala-
-vrīhyagrasvaviṣāṇaratnakalaśaprodyatkarāmbhoruhaḥ |
dhyeyo vallabhayā sapadmakarayāśliṣṭojjvaladbhūṣayā
viśvotpattivipattisaṃsthitikaro vighneśa iṣṭārthadaḥ || 1 ||
namaste siddhilakṣmīśa gaṇādhipa mahāprabho |
vighneśvara jagannātha gaurīputra jagatprabho || 2 ||
jaya vighneśvara vibho vināyaka maheśvara |
lambodara mahābāho sarvadā tvaṃ prasīda me || 3 ||
mahādeva jagatsvāmin mūṣikārūḍha śaṅkara |
viśālākṣa mahākāya māṃ trāhi parameśvara || 4 ||
kuñjarāsya surādhīśa maheśa karuṇānidhe |
mātuluṅgadhara svāmin gadācakrasamanvita || 5 ||
daśabāho mahārāja gajavaktra caturbhuja |
śūrpakarṇa mahākarṇa gaṇanātha prasīda me || 6 ||
śaṅkhaśūlasamāyukta bījāpūrasamanvita |
ikṣukārmukasaṃyukta padmahasta prasīda me || 7 ||
nānābharaṇasaṃyukta ratnakumbhakara prabho |
sargasthitilayādhīśa paramātman jaya prabho || 8 ||
anāthanātha viśveśa vighnasaṅghavināśana |
trayīmūrte surapate brahmaviṣṇuśivātmaka || 9 ||
trayīguṇa mahādeva pāhi māṃ sarvapālaka |
aṇimādiguṇādhāra lakṣmīśrīviṣṇupūjita || 10 ||
gaurīśaṅkarasampūjya jaya tvaṃ gaṇanāyaka |
ratimanmathasaṃsevya mahībhūdārasaṃstuta || 11 ||
ṛddhyāmodādisaṃsevya mahāgaṇapate jaya |
śaṅkhapadmādisaṃsevya nirālamba nirīśvara || 12 ||
niṣkalaṅka nirādhāra pāhi māṃ nityamavyaya |
anādya jagatāmādya pitāmahasupūjita || 13 ||
dhūmaketo gaṇādhyakṣa mahāmūṣakavāhana |
anantaparamānanda jaya vighneśvareśvara || 14 ||
ratnasiṃhāsanāsīna kirīṭena suśobhita |
parātpara pareśāna parapūruṣa pāhi mām || 15 ||
nirdvandva nirguṇābhāsa japāpuṣpasamaprabha |
sarvapramathasaṃstutya trāhi māṃ vighnanāyaka || 16 ||
kumārasya guro deva sarvaiśvaryapradāyaka |
sarvābhīṣṭaprada svāmin sarvapratyūhanāśaka || 17 ||
śaraṇya sarvalokānāṃ śaraṇāgatavatsala |
mahāgaṇapate nityaṃ māṃ pālaya kṛpānidhe || 18 ||
evaṃ śrīgaṇanāthasya stavarājamanuttamam |
yaḥ paṭhecchṛṇuyānnityaṃ pratyūhaiḥ sa vimucyate || 19 ||
aśvamedhasamaṃ puṇyaphalaṃ prāpnotyanuttamam |
vaśīkaroti trailokyaṃ prāpya saubhāgyamuttamam || 20 ||
sarvābhīṣṭamavāpnoti śīghrameva sudurlabham |
mahāgaṇeśasānnidhyaṃ prāpnotyeva na saṃśayaḥ || 21 ||
iti śrīrudrayāmale śrīvināyakastavarājaḥ sampūrṇam |
Sanskrit — Devanagari (original)
बीजापूरगदेक्षुकार्मुकरुजा चक्राब्जपाशोत्पल-
-व्रीह्यग्रस्वविषाणरत्नकलशप्रोद्यत्कराम्भोरुहः ।
ध्येयो वल्लभया सपद्मकरयाश्लिष्टोज्ज्वलद्भूषया
विश्वोत्पत्तिविपत्तिसंस्थितिकरो विघ्नेश इष्टार्थदः ॥ 1 ॥
नमस्ते सिद्धिलक्ष्मीश गणाधिप महाप्रभो ।
विघ्नेश्वर जगन्नाथ गौरीपुत्र जगत्प्रभो ॥ 2 ॥
जय विघ्नेश्वर विभो विनायक महेश्वर ।
लम्बोदर महाबाहो सर्वदा त्वं प्रसीद मे ॥ 3 ॥
महादेव जगत्स्वामिन् मूषिकारूढ शङ्कर ।
विशालाक्ष महाकाय मां त्राहि परमेश्वर ॥ 4 ॥
कुञ्जरास्य सुराधीश महेश करुणानिधे ।
मातुलुङ्गधर स्वामिन् गदाचक्रसमन्वित ॥ 5 ॥
दशबाहो महाराज गजवक्त्र चतुर्भुज ।
शूर्पकर्ण महाकर्ण गणनाथ प्रसीद मे ॥ 6 ॥
शङ्खशूलसमायुक्त बीजापूरसमन्वित ।
इक्षुकार्मुकसंयुक्त पद्महस्त प्रसीद मे ॥ 7 ॥
नानाभरणसंयुक्त रत्नकुम्भकर प्रभो ।
सर्गस्थितिलयाधीश परमात्मन् जय प्रभो ॥ 8 ॥
अनाथनाथ विश्वेश विघ्नसङ्घविनाशन ।
त्रयीमूर्ते सुरपते ब्रह्मविष्णुशिवात्मक ॥ 9 ॥
त्रयीगुण महादेव पाहि मां सर्वपालक ।
अणिमादिगुणाधार लक्ष्मीश्रीविष्णुपूजित ॥ 10 ॥
गौरीशङ्करसम्पूज्य जय त्वं गणनायक ।
रतिमन्मथसंसेव्य महीभूदारसंस्तुत ॥ 11 ॥
ऋद्ध्यामोदादिसंसेव्य महागणपते जय ।
शङ्खपद्मादिसंसेव्य निरालम्ब निरीश्वर ॥ 12 ॥
निष्कलङ्क निराधार पाहि मां नित्यमव्यय ।
अनाद्य जगतामाद्य पितामहसुपूजित ॥ 13 ॥
धूमकेतो गणाध्यक्ष महामूषकवाहन ।
अनन्तपरमानन्द जय विघ्नेश्वरेश्वर ॥ 14 ॥
रत्नसिंहासनासीन किरीटेन सुशोभित ।
परात्पर परेशान परपूरुष पाहि माम् ॥ 15 ॥
निर्द्वन्द्व निर्गुणाभास जपापुष्पसमप्रभ ।
सर्वप्रमथसंस्तुत्य त्राहि मां विघ्ननायक ॥ 16 ॥
कुमारस्य गुरो देव सर्वैश्वर्यप्रदायक ।
सर्वाभीष्टप्रद स्वामिन् सर्वप्रत्यूहनाशक ॥ 17 ॥
शरण्य सर्वलोकानां शरणागतवत्सल ।
महागणपते नित्यं मां पालय कृपानिधे ॥ 18 ॥
एवं श्रीगणनाथस्य स्तवराजमनुत्तमम् ।
यः पठेच्छृणुयान्नित्यं प्रत्यूहैः स विमुच्यते ॥ 19 ॥
अश्वमेधसमं पुण्यफलं प्राप्नोत्यनुत्तमम् ।
वशीकरोति त्रैलोक्यं प्राप्य सौभाग्यमुत्तमम् ॥ 20 ॥
सर्वाभीष्टमवाप्नोति शीघ्रमेव सुदुर्लभम् ।
महागणेशसान्निध्यं प्राप्नोत्येव न संशयः ॥ 21 ॥
इति श्रीरुद्रयामले श्रीविनायकस्तवराजः सम्पूर्णम् ।
bījāpūragadekṣukārmukarujā cakrābjapāśotpala-
-vrīhyagrasvaviṣāṇaratnakalaśaprodyatkarāmbhoruhaḥ |
dhyeyo vallabhayā sapadmakarayāśliṣṭojjvaladbhūṣayā
viśvotpattivipattisaṃsthitikaro vighneśa iṣṭārthadaḥ || 1 ||
namaste siddhilakṣmīśa gaṇādhipa mahāprabho |
vighneśvara jagannātha gaurīputra jagatprabho || 2 ||
jaya vighneśvara vibho vināyaka maheśvara |
lambodara mahābāho sarvadā tvaṃ prasīda me || 3 ||
mahādeva jagatsvāmin mūṣikārūḍha śaṅkara |
viśālākṣa mahākāya māṃ trāhi parameśvara || 4 ||
kuñjarāsya surādhīśa maheśa karuṇānidhe |
mātuluṅgadhara svāmin gadācakrasamanvita || 5 ||
daśabāho mahārāja gajavaktra caturbhuja |
śūrpakarṇa mahākarṇa gaṇanātha prasīda me || 6 ||
śaṅkhaśūlasamāyukta bījāpūrasamanvita |
ikṣukārmukasaṃyukta padmahasta prasīda me || 7 ||
nānābharaṇasaṃyukta ratnakumbhakara prabho |
sargasthitilayādhīśa paramātman jaya prabho || 8 ||
anāthanātha viśveśa vighnasaṅghavināśana |
trayīmūrte surapate brahmaviṣṇuśivātmaka || 9 ||
trayīguṇa mahādeva pāhi māṃ sarvapālaka |
aṇimādiguṇādhāra lakṣmīśrīviṣṇupūjita || 10 ||
gaurīśaṅkarasampūjya jaya tvaṃ gaṇanāyaka |
ratimanmathasaṃsevya mahībhūdārasaṃstuta || 11 ||
ṛddhyāmodādisaṃsevya mahāgaṇapate jaya |
śaṅkhapadmādisaṃsevya nirālamba nirīśvara || 12 ||
niṣkalaṅka nirādhāra pāhi māṃ nityamavyaya |
anādya jagatāmādya pitāmahasupūjita || 13 ||
dhūmaketo gaṇādhyakṣa mahāmūṣakavāhana |
anantaparamānanda jaya vighneśvareśvara || 14 ||
ratnasiṃhāsanāsīna kirīṭena suśobhita |
parātpara pareśāna parapūruṣa pāhi mām || 15 ||
nirdvandva nirguṇābhāsa japāpuṣpasamaprabha |
sarvapramathasaṃstutya trāhi māṃ vighnanāyaka || 16 ||
kumārasya guro deva sarvaiśvaryapradāyaka |
sarvābhīṣṭaprada svāmin sarvapratyūhanāśaka || 17 ||
śaraṇya sarvalokānāṃ śaraṇāgatavatsala |
mahāgaṇapate nityaṃ māṃ pālaya kṛpānidhe || 18 ||
evaṃ śrīgaṇanāthasya stavarājamanuttamam |
yaḥ paṭhecchṛṇuyānnityaṃ pratyūhaiḥ sa vimucyate || 19 ||
aśvamedhasamaṃ puṇyaphalaṃ prāpnotyanuttamam |
vaśīkaroti trailokyaṃ prāpya saubhāgyamuttamam || 20 ||
sarvābhīṣṭamavāpnoti śīghrameva sudurlabham |
mahāgaṇeśasānnidhyaṃ prāpnotyeva na saṃśayaḥ || 21 ||
iti śrīrudrayāmale śrīvināyakastavarājaḥ sampūrṇam |
🕉️ This is the original Sanskrit rendered in Kannada script.
Pronunciation is identical to the Sanskrit Devanagari version.