ବୀଜାପୂରଗଦେକ୍ଷୁକାର୍ମୁକରୁଜା ଚକ୍ରାବ୍ଜପାଶୋତ୍ପଲ-
-ଵ୍ରୀହ୍ଯଗ୍ରସ୍ଵଵିଷାଣରତ୍ନକଲଶପ୍ରୋଦ୍ଯତ୍କରାମ୍ଭୋରୁହଃ ।
ଧ୍ଯେଯୋ ଵଲ୍ଲଭଯା ସପଦ୍ମକରଯାଶ୍ଲିଷ୍ଟୋଜ୍ଜ୍ଵଲଦ୍ଭୂଷଯା
ଵିଶ୍ଵୋତ୍ପତ୍ତିଵିପତ୍ତିସଂସ୍ଥିତିକରୋ ଵିଘ୍ନେଶ ଇଷ୍ଟାର୍ଥଦଃ ॥ 1 ॥
ନମସ୍ତେ ସିଦ୍ଧିଲକ୍ଷ୍ମୀଶ ଗଣାଧିପ ମହାପ୍ରଭୋ ।
ଵିଘ୍ନେଶ୍ଵର ଜଗନ୍ନାଥ ଗୌରୀପୁତ୍ର ଜଗତ୍ପ୍ରଭୋ ॥ 2 ॥
ଜଯ ଵିଘ୍ନେଶ୍ଵର ଵିଭୋ ଵିନାଯକ ମହେଶ୍ଵର ।
ଲମ୍ବୋଦର ମହାବାହୋ ସର୍ଵଦା ତ୍ଵଂ ପ୍ରସୀଦ ମେ ॥ 3 ॥
ମହାଦେଵ ଜଗତ୍ସ୍ଵାମିନ୍ ମୂଷିକାରୂଢ ଶଙ୍କର ।
ଵିଶାଲାକ୍ଷ ମହାକାଯ ମାଂ ତ୍ରାହି ପରମେଶ୍ଵର ॥ 4 ॥
କୁଞ୍ଜରାସ୍ଯ ସୁରାଧୀଶ ମହେଶ କରୁଣାନିଧେ ।
ମାତୁଲୁଙ୍ଗଧର ସ୍ଵାମିନ୍ ଗଦାଚକ୍ରସମନ୍ଵିତ ॥ 5 ॥
ଦଶବାହୋ ମହାରାଜ ଗଜଵକ୍ତ୍ର ଚତୁର୍ଭୁଜ ।
ଶୂର୍ପକର୍ଣ ମହାକର୍ଣ ଗଣନାଥ ପ୍ରସୀଦ ମେ ॥ 6 ॥
ଶଙ୍ଖଶୂଲସମାଯୁକ୍ତ ବୀଜାପୂରସମନ୍ଵିତ ।
ଇକ୍ଷୁକାର୍ମୁକସଂଯୁକ୍ତ ପଦ୍ମହସ୍ତ ପ୍ରସୀଦ ମେ ॥ 7 ॥
ନାନାଭରଣସଂଯୁକ୍ତ ରତ୍ନକୁମ୍ଭକର ପ୍ରଭୋ ।
ସର୍ଗସ୍ଥିତିଲଯାଧୀଶ ପରମାତ୍ମନ୍ ଜଯ ପ୍ରଭୋ ॥ 8 ॥
ଅନାଥନାଥ ଵିଶ୍ଵେଶ ଵିଘ୍ନସଙ୍ଘଵିନାଶନ ।
ତ୍ରଯୀମୂର୍ତେ ସୁରପତେ ବ୍ରହ୍ମଵିଷ୍ଣୁଶିଵାତ୍ମକ ॥ 9 ॥
ତ୍ରଯୀଗୁଣ ମହାଦେଵ ପାହି ମାଂ ସର୍ଵପାଲକ ।
ଅଣିମାଦିଗୁଣାଧାର ଲକ୍ଷ୍ମୀଶ୍ରୀଵିଷ୍ଣୁପୂଜିତ ॥ 10 ॥
ଗୌରୀଶଙ୍କରସମ୍ପୂଜ୍ଯ ଜଯ ତ୍ଵଂ ଗଣନାଯକ ।
ରତିମନ୍ମଥସଂସେଵ୍ଯ ମହୀଭୂଦାରସଂସ୍ତୁତ ॥ 11 ॥
ଋଦ୍ଧ୍ଯାମୋଦାଦିସଂସେଵ୍ଯ ମହାଗଣପତେ ଜଯ ।
ଶଙ୍ଖପଦ୍ମାଦିସଂସେଵ୍ଯ ନିରାଲମ୍ବ ନିରୀଶ୍ଵର ॥ 12 ॥
ନିଷ୍କଲଙ୍କ ନିରାଧାର ପାହି ମାଂ ନିତ୍ଯମଵ୍ଯଯ ।
ଅନାଦ୍ଯ ଜଗତାମାଦ୍ଯ ପିତାମହସୁପୂଜିତ ॥ 13 ॥
ଧୂମକେତୋ ଗଣାଧ୍ଯକ୍ଷ ମହାମୂଷକଵାହନ ।
ଅନନ୍ତପରମାନନ୍ଦ ଜଯ ଵିଘ୍ନେଶ୍ଵରେଶ୍ଵର ॥ 14 ॥
ରତ୍ନସିଂହାସନାସୀନ କିରୀଟେନ ସୁଶୋଭିତ ।
ପରାତ୍ପର ପରେଶାନ ପରପୂରୁଷ ପାହି ମାମ୍ ॥ 15 ॥
ନିର୍ଦ୍ଵନ୍ଦ୍ଵ ନିର୍ଗୁଣାଭାସ ଜପାପୁଷ୍ପସମପ୍ରଭ ।
ସର୍ଵପ୍ରମଥସଂସ୍ତୁତ୍ଯ ତ୍ରାହି ମାଂ ଵିଘ୍ନନାଯକ ॥ 16 ॥
କୁମାରସ୍ଯ ଗୁରୋ ଦେଵ ସର୍ଵୈଶ୍ଵର୍ଯପ୍ରଦାଯକ ।
ସର୍ଵାଭୀଷ୍ଟପ୍ରଦ ସ୍ଵାମିନ୍ ସର୍ଵପ୍ରତ୍ଯୂହନାଶକ ॥ 17 ॥
ଶରଣ୍ଯ ସର୍ଵଲୋକାନାଂ ଶରଣାଗତଵତ୍ସଲ ।
ମହାଗଣପତେ ନିତ୍ଯଂ ମାଂ ପାଲଯ କୃପାନିଧେ ॥ 18 ॥
ଏଵଂ ଶ୍ରୀଗଣନାଥସ୍ଯ ସ୍ତଵରାଜମନୁତ୍ତମମ୍ ।
ଯଃ ପଠେଚ୍ଛୃଣୁଯାନ୍ନିତ୍ଯଂ ପ୍ରତ୍ଯୂହୈଃ ସ ଵିମୁଚ୍ଯତେ ॥ 19 ॥
ଅଶ୍ଵମେଧସମଂ ପୁଣ୍ଯଫଲଂ ପ୍ରାପ୍ନୋତ୍ଯନୁତ୍ତମମ୍ ।
ଵଶୀକରୋତି ତ୍ରୈଲୋକ୍ଯଂ ପ୍ରାପ୍ଯ ସୌଭାଗ୍ଯମୁତ୍ତମମ୍ ॥ 20 ॥
ସର୍ଵାଭୀଷ୍ଟମଵାପ୍ନୋତି ଶୀଘ୍ରମେଵ ସୁଦୁର୍ଲଭମ୍ ।
ମହାଗଣେଶସାନ୍ନିଧ୍ଯଂ ପ୍ରାପ୍ନୋତ୍ଯେଵ ନ ସଂଶଯଃ ॥ 21 ॥
ଇତି ଶ୍ରୀରୁଦ୍ରଯାମଲେ ଶ୍ରୀଵିନାଯକସ୍ତଵରାଜଃ ସମ୍ପୂର୍ଣମ୍ ।
Roman (IAST) Transliteration
bījāpūragadekṣukārmukarujā cakrābjapāśotpala-
-vrīhyagrasvaviṣāṇaratnakalaśaprodyatkarāmbhoruhaḥ |
dhyeyo vallabhayā sapadmakarayāśliṣṭojjvaladbhūṣayā
viśvotpattivipattisaṃsthitikaro vighneśa iṣṭārthadaḥ || 1 ||
namaste siddhilakṣmīśa gaṇādhipa mahāprabho |
vighneśvara jagannātha gaurīputra jagatprabho || 2 ||
jaya vighneśvara vibho vināyaka maheśvara |
lambodara mahābāho sarvadā tvaṃ prasīda me || 3 ||
mahādeva jagatsvāmin mūṣikārūḍha śaṅkara |
viśālākṣa mahākāya māṃ trāhi parameśvara || 4 ||
kuñjarāsya surādhīśa maheśa karuṇānidhe |
mātuluṅgadhara svāmin gadācakrasamanvita || 5 ||
daśabāho mahārāja gajavaktra caturbhuja |
śūrpakarṇa mahākarṇa gaṇanātha prasīda me || 6 ||
śaṅkhaśūlasamāyukta bījāpūrasamanvita |
ikṣukārmukasaṃyukta padmahasta prasīda me || 7 ||
nānābharaṇasaṃyukta ratnakumbhakara prabho |
sargasthitilayādhīśa paramātman jaya prabho || 8 ||
anāthanātha viśveśa vighnasaṅghavināśana |
trayīmūrte surapate brahmaviṣṇuśivātmaka || 9 ||
trayīguṇa mahādeva pāhi māṃ sarvapālaka |
aṇimādiguṇādhāra lakṣmīśrīviṣṇupūjita || 10 ||
gaurīśaṅkarasampūjya jaya tvaṃ gaṇanāyaka |
ratimanmathasaṃsevya mahībhūdārasaṃstuta || 11 ||
ṛddhyāmodādisaṃsevya mahāgaṇapate jaya |
śaṅkhapadmādisaṃsevya nirālamba nirīśvara || 12 ||
niṣkalaṅka nirādhāra pāhi māṃ nityamavyaya |
anādya jagatāmādya pitāmahasupūjita || 13 ||
dhūmaketo gaṇādhyakṣa mahāmūṣakavāhana |
anantaparamānanda jaya vighneśvareśvara || 14 ||
ratnasiṃhāsanāsīna kirīṭena suśobhita |
parātpara pareśāna parapūruṣa pāhi mām || 15 ||
nirdvandva nirguṇābhāsa japāpuṣpasamaprabha |
sarvapramathasaṃstutya trāhi māṃ vighnanāyaka || 16 ||
kumārasya guro deva sarvaiśvaryapradāyaka |
sarvābhīṣṭaprada svāmin sarvapratyūhanāśaka || 17 ||
śaraṇya sarvalokānāṃ śaraṇāgatavatsala |
mahāgaṇapate nityaṃ māṃ pālaya kṛpānidhe || 18 ||
evaṃ śrīgaṇanāthasya stavarājamanuttamam |
yaḥ paṭhecchṛṇuyānnityaṃ pratyūhaiḥ sa vimucyate || 19 ||
aśvamedhasamaṃ puṇyaphalaṃ prāpnotyanuttamam |
vaśīkaroti trailokyaṃ prāpya saubhāgyamuttamam || 20 ||
sarvābhīṣṭamavāpnoti śīghrameva sudurlabham |
mahāgaṇeśasānnidhyaṃ prāpnotyeva na saṃśayaḥ || 21 ||
iti śrīrudrayāmale śrīvināyakastavarājaḥ sampūrṇam |
Sanskrit — Devanagari (original)
बीजापूरगदेक्षुकार्मुकरुजा चक्राब्जपाशोत्पल-
-व्रीह्यग्रस्वविषाणरत्नकलशप्रोद्यत्कराम्भोरुहः ।
ध्येयो वल्लभया सपद्मकरयाश्लिष्टोज्ज्वलद्भूषया
विश्वोत्पत्तिविपत्तिसंस्थितिकरो विघ्नेश इष्टार्थदः ॥ 1 ॥
नमस्ते सिद्धिलक्ष्मीश गणाधिप महाप्रभो ।
विघ्नेश्वर जगन्नाथ गौरीपुत्र जगत्प्रभो ॥ 2 ॥
जय विघ्नेश्वर विभो विनायक महेश्वर ।
लम्बोदर महाबाहो सर्वदा त्वं प्रसीद मे ॥ 3 ॥
महादेव जगत्स्वामिन् मूषिकारूढ शङ्कर ।
विशालाक्ष महाकाय मां त्राहि परमेश्वर ॥ 4 ॥
कुञ्जरास्य सुराधीश महेश करुणानिधे ।
मातुलुङ्गधर स्वामिन् गदाचक्रसमन्वित ॥ 5 ॥
दशबाहो महाराज गजवक्त्र चतुर्भुज ।
शूर्पकर्ण महाकर्ण गणनाथ प्रसीद मे ॥ 6 ॥
शङ्खशूलसमायुक्त बीजापूरसमन्वित ।
इक्षुकार्मुकसंयुक्त पद्महस्त प्रसीद मे ॥ 7 ॥
नानाभरणसंयुक्त रत्नकुम्भकर प्रभो ।
सर्गस्थितिलयाधीश परमात्मन् जय प्रभो ॥ 8 ॥
अनाथनाथ विश्वेश विघ्नसङ्घविनाशन ।
त्रयीमूर्ते सुरपते ब्रह्मविष्णुशिवात्मक ॥ 9 ॥
त्रयीगुण महादेव पाहि मां सर्वपालक ।
अणिमादिगुणाधार लक्ष्मीश्रीविष्णुपूजित ॥ 10 ॥
गौरीशङ्करसम्पूज्य जय त्वं गणनायक ।
रतिमन्मथसंसेव्य महीभूदारसंस्तुत ॥ 11 ॥
ऋद्ध्यामोदादिसंसेव्य महागणपते जय ।
शङ्खपद्मादिसंसेव्य निरालम्ब निरीश्वर ॥ 12 ॥
निष्कलङ्क निराधार पाहि मां नित्यमव्यय ।
अनाद्य जगतामाद्य पितामहसुपूजित ॥ 13 ॥
धूमकेतो गणाध्यक्ष महामूषकवाहन ।
अनन्तपरमानन्द जय विघ्नेश्वरेश्वर ॥ 14 ॥
रत्नसिंहासनासीन किरीटेन सुशोभित ।
परात्पर परेशान परपूरुष पाहि माम् ॥ 15 ॥
निर्द्वन्द्व निर्गुणाभास जपापुष्पसमप्रभ ।
सर्वप्रमथसंस्तुत्य त्राहि मां विघ्ननायक ॥ 16 ॥
कुमारस्य गुरो देव सर्वैश्वर्यप्रदायक ।
सर्वाभीष्टप्रद स्वामिन् सर्वप्रत्यूहनाशक ॥ 17 ॥
शरण्य सर्वलोकानां शरणागतवत्सल ।
महागणपते नित्यं मां पालय कृपानिधे ॥ 18 ॥
एवं श्रीगणनाथस्य स्तवराजमनुत्तमम् ।
यः पठेच्छृणुयान्नित्यं प्रत्यूहैः स विमुच्यते ॥ 19 ॥
अश्वमेधसमं पुण्यफलं प्राप्नोत्यनुत्तमम् ।
वशीकरोति त्रैलोक्यं प्राप्य सौभाग्यमुत्तमम् ॥ 20 ॥
सर्वाभीष्टमवाप्नोति शीघ्रमेव सुदुर्लभम् ।
महागणेशसान्निध्यं प्राप्नोत्येव न संशयः ॥ 21 ॥
इति श्रीरुद्रयामले श्रीविनायकस्तवराजः सम्पूर्णम् ।
bījāpūragadekṣukārmukarujā cakrābjapāśotpala-
-vrīhyagrasvaviṣāṇaratnakalaśaprodyatkarāmbhoruhaḥ |
dhyeyo vallabhayā sapadmakarayāśliṣṭojjvaladbhūṣayā
viśvotpattivipattisaṃsthitikaro vighneśa iṣṭārthadaḥ || 1 ||
namaste siddhilakṣmīśa gaṇādhipa mahāprabho |
vighneśvara jagannātha gaurīputra jagatprabho || 2 ||
jaya vighneśvara vibho vināyaka maheśvara |
lambodara mahābāho sarvadā tvaṃ prasīda me || 3 ||
mahādeva jagatsvāmin mūṣikārūḍha śaṅkara |
viśālākṣa mahākāya māṃ trāhi parameśvara || 4 ||
kuñjarāsya surādhīśa maheśa karuṇānidhe |
mātuluṅgadhara svāmin gadācakrasamanvita || 5 ||
daśabāho mahārāja gajavaktra caturbhuja |
śūrpakarṇa mahākarṇa gaṇanātha prasīda me || 6 ||
śaṅkhaśūlasamāyukta bījāpūrasamanvita |
ikṣukārmukasaṃyukta padmahasta prasīda me || 7 ||
nānābharaṇasaṃyukta ratnakumbhakara prabho |
sargasthitilayādhīśa paramātman jaya prabho || 8 ||
anāthanātha viśveśa vighnasaṅghavināśana |
trayīmūrte surapate brahmaviṣṇuśivātmaka || 9 ||
trayīguṇa mahādeva pāhi māṃ sarvapālaka |
aṇimādiguṇādhāra lakṣmīśrīviṣṇupūjita || 10 ||
gaurīśaṅkarasampūjya jaya tvaṃ gaṇanāyaka |
ratimanmathasaṃsevya mahībhūdārasaṃstuta || 11 ||
ṛddhyāmodādisaṃsevya mahāgaṇapate jaya |
śaṅkhapadmādisaṃsevya nirālamba nirīśvara || 12 ||
niṣkalaṅka nirādhāra pāhi māṃ nityamavyaya |
anādya jagatāmādya pitāmahasupūjita || 13 ||
dhūmaketo gaṇādhyakṣa mahāmūṣakavāhana |
anantaparamānanda jaya vighneśvareśvara || 14 ||
ratnasiṃhāsanāsīna kirīṭena suśobhita |
parātpara pareśāna parapūruṣa pāhi mām || 15 ||
nirdvandva nirguṇābhāsa japāpuṣpasamaprabha |
sarvapramathasaṃstutya trāhi māṃ vighnanāyaka || 16 ||
kumārasya guro deva sarvaiśvaryapradāyaka |
sarvābhīṣṭaprada svāmin sarvapratyūhanāśaka || 17 ||
śaraṇya sarvalokānāṃ śaraṇāgatavatsala |
mahāgaṇapate nityaṃ māṃ pālaya kṛpānidhe || 18 ||
evaṃ śrīgaṇanāthasya stavarājamanuttamam |
yaḥ paṭhecchṛṇuyānnityaṃ pratyūhaiḥ sa vimucyate || 19 ||
aśvamedhasamaṃ puṇyaphalaṃ prāpnotyanuttamam |
vaśīkaroti trailokyaṃ prāpya saubhāgyamuttamam || 20 ||
sarvābhīṣṭamavāpnoti śīghrameva sudurlabham |
mahāgaṇeśasānnidhyaṃ prāpnotyeva na saṃśayaḥ || 21 ||
iti śrīrudrayāmale śrīvināyakastavarājaḥ sampūrṇam |
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.