Shri Rama Kavacham — Tamil Script

Meaning —

அகஸ்திருவாச

ஆஜாநுபாஹுமரவிந்ததலாயதாக்ஷ-

-மாஜந்மஶுத்தரஸஹாஸமுகப்ரஸாதம் ।

ஶ்யாமம் க்ரு'ஹீத ஶரசாபமுதாரரூபம்
ராமம் ஸராமமபிராமமநுஸ்மராமி ॥ 1 ॥

śyāmaṃ gṛhīta śaracāpamudārarūpaṃ
rāmaṃ sarāmamabhirāmamanusmarāmi || 1 ||

அஸ்ய ஶ்ரீராமகவசஸ்ய அகஸ்த்ய ரு'ஷிஃ அநுஷ்டுப் சந்தஃ ஸீதாலக்ஷ்மணோபேதஃ ஶ்ரீராமசந்த்ரோ தேவதா ஶ்ரீராமசந்த்ரப்ரஸாதஸித்த்யர்தே ஜபே விநியோகஃ ।
அத த்யாநம்
நீலஜீமூதஸங்காஶம் வித்யுத்வர்ணாம்பராவ்ரு'தம் ।
கோமலாங்கம் விஶாலாக்ஷம் யுவாநமதிஸுந்தரம் ॥ 1 ॥

asya śrīrāmakavacasya agastya ṛṣiḥ anuṣṭup chandaḥ sītālakṣmaṇopetaḥ śrīrāmacandro devatā śrīrāmacandraprasādasiddhyarthe jape viniyogaḥ |
atha dhyānaṃ
nīlajīmūtasaṅkāśaṃ vidyudvarṇāmbarāvṛtam |
komalāṅgaṃ viśālākṣaṃ yuvānamatisundaram || 1 ||

Verse 2

ஸீதாஸௌமித்ரிஸஹிதம் ஜடாமுகுடதாரிணம் ।
ஸாஸிதூணதநுர்பாணபாணிம் தாநவமர்தநம் ॥ 2 ॥

sītāsaumitrisahitaṃ jaṭāmukuṭadhāriṇam |
sāsitūṇadhanurbāṇapāṇiṃ dānavamardanam || 2 ||

Verse 3

யதா சோரபயே ராஜபயே ஶத்ருபயே ததா ।
த்யாத்வா ரகுபதிம் க்ருத்தம் காலாநலஸமப்ரபம் ॥ 3 ॥

yadā corabhaye rājabhaye śatrubhaye tathā |
dhyātvā raghupatiṃ kruddhaṃ kālānalasamaprabham || 3 ||

Verse 4

சீரக்ரு'ஷ்ணாஜிநதரம் பஸ்மோத்தூலிதவிக்ரஹம் ।
ஆகர்ணாக்ரு'ஷ்டவிஶிககோதண்டபுஜமண்டிதம் ॥ 4 ॥

cīrakṛṣṇājinadharaṃ bhasmoddhūlitavigraham |
ākarṇākṛṣṭaviśikhakodaṇḍabhujamaṇḍitam || 4 ||

Verse 5

ரணே ரிபூந் ராவணாதீம்ஸ்தீக்ஷ்ணமார்கணவ்ரு'ஷ்டிபிஃ ।
ஸம்ஹரந்தம் மஹாவீரமுக்ரமைந்த்ரரதஸ்திதம் ॥ 5 ॥

raṇe ripūn rāvaṇādīṃstīkṣṇamārgaṇavṛṣṭibhiḥ |
saṃharantaṃ mahāvīramugramaindrarathasthitam || 5 ||

Verse 6

லக்ஷ்மணாத்யைர்மஹாவீரைர்வ்ரு'தம் ஹநுமதாதிபிஃ ।
ஸுக்ரீவாத்யைர்மாஹாவீரைஃ ஶைலவ்ரு'க்ஷகரோத்யதைஃ ॥ 6 ॥

lakṣmaṇādyairmahāvīrairvṛtaṃ hanumadādibhiḥ |
sugrīvādyairmāhāvīraiḥ śailavṛkṣakarodyataiḥ || 6 ||

Verse 7

வேகாத்கராலஹுங்காரைர்புபுக்காரமஹாரவைஃ ।
நதத்பிஃ பரிவாதத்பிஃ ஸமரே ராவணம் ப்ரதி ॥ 7 ॥

vegātkarālahuṅkārairbhubhukkāramahāravaiḥ |
nadadbhiḥ parivādadbhiḥ samare rāvaṇaṃ prati || 7 ||

Verse 8

ஶ்ரீராம ஶத்ருஸங்காந்மே ஹந மர்தய காதய ।
பூதப்ரேதபிஶாசாதீந் ஶ்ரீராமாஶு விநாஶய ॥ 8 ॥

śrīrāma śatrusaṅghānme hana mardaya khādaya |
bhūtapretapiśācādīn śrīrāmāśu vināśaya || 8 ||

Verse 9

ஏவம் த்யாத்வா ஜபேத்ராமகவசம் ஸித்திதாயகம் ।
ஸுதீக்ஷ்ண வஜ்ரகவசம் ஶ்ரு'ணு வக்ஷ்யாம்யநுத்தமம் ॥ 9 ॥

evaṃ dhyātvā japedrāmakavacaṃ siddhidāyakam |
sutīkṣṇa vajrakavacaṃ śṛṇu vakṣyāmyanuttamam || 9 ||

Verse 10

அத கவசம்
ஶ்ரீராமஃ பாது மே மூர்த்நி பூர்வே ச ரகுவம்ஶஜஃ ।
தக்ஷிணே மே ரகுவரஃ பஶ்சிமே பாது பாவநஃ ॥ 10 ॥

atha kavacam
śrīrāmaḥ pātu me mūrdhni pūrve ca raghuvaṃśajaḥ |
dakṣiṇe me raghuvaraḥ paścime pātu pāvanaḥ || 10 ||

Verse 11

உத்தரே மே ரகுபதிர்பாலம் தஶரதாத்மஜஃ ।
ப்ருவோர்தூர்வாதலஶ்யாமஸ்தயோர்மத்யே ஜநார்தநஃ ॥ 11 ॥

uttare me raghupatirbhālaṃ daśarathātmajaḥ |
bhruvordūrvādalaśyāmastayormadhye janārdanaḥ || 11 ||

Verse 12

ஶ்ரோத்ரம் மே பாது ராஜேந்த்ரோ த்ரு'ஶௌ ராஜீவலோசநஃ ।
க்ராணம் மே பாது ராஜர்ஷிர்கண்டௌ மே ஜாநகீபதிஃ ॥ 12 ॥

śrotraṃ me pātu rājendro dṛśau rājīvalocanaḥ |
ghrāṇaṃ me pātu rājarṣirgaṇḍau me jānakīpatiḥ || 12 ||

Verse 13

கர்ணமூலே கரத்வம்ஸீ பாலம் மே ரகுவல்லபஃ ।
ஜிஹ்வாம் மே வாக்பதிஃ பாது தந்தபங்க்தீ ரகூத்தமஃ ॥ 13 ॥

karṇamūle kharadhvaṃsī bhālaṃ me raghuvallabhaḥ |
jihvāṃ me vākpatiḥ pātu dantapaṅktī raghūttamaḥ || 13 ||

Verse 14

ஓஷ்டௌ ஶ்ரீராமசந்த்ரோ மே முகம் பாது பராத்பரஃ ।
கண்டம் பாது ஜகத்வந்த்யஃ ஸ்கந்தௌ மே ராவணாந்தகஃ ॥ 14 ॥

oṣṭhau śrīrāmacandro me mukhaṃ pātu parātparaḥ |
kaṇṭhaṃ pātu jagadvandyaḥ skandhau me rāvaṇāntakaḥ || 14 ||

Verse 15

தநுர்பாணதரஃ பாது புஜௌ மே வாலிமர்தநஃ ।
ஸர்வாண்யங்குலிபர்வாணி ஹஸ்தௌ மே ராக்ஷஸாந்தகஃ ॥ 15 ॥

dhanurbāṇadharaḥ pātu bhujau me vālimardanaḥ |
sarvāṇyaṅguliparvāṇi hastau me rākṣasāntakaḥ || 15 ||

Verse 16

வக்ஷோ மே பாது காகுத்ஸ்தஃ பாது மே ஹ்ரு'தயம் ஹரிஃ ।
ஸ்தநௌ ஸீதாபதிஃ பாது பார்ஶ்வம் மே ஜகதீஶ்வரஃ ॥ 16 ॥

vakṣo me pātu kākutsthaḥ pātu me hṛdayaṃ hariḥ |
stanau sītāpatiḥ pātu pārśvaṃ me jagadīśvaraḥ || 16 ||

Verse 17

மத்யம் மே பாது லக்ஷ்மீஶோ நாபிம் மே ரகுநாயகஃ ।
கௌஸல்யேயஃ கடீ பாது ப்ரு'ஷ்டம் துர்கதிநாஶநஃ ॥ 17 ॥

madhyaṃ me pātu lakṣmīśo nābhiṃ me raghunāyakaḥ |
kausalyeyaḥ kaṭī pātu pṛṣṭhaṃ durgatināśanaḥ || 17 ||

Verse 18

குஹ்யம் பாது ஹ்ரு'ஷீகேஶஃ ஸக்திநீ ஸத்யவிக்ரமஃ ।
ஊரூ ஶார்ங்கதரஃ பாது ஜாநுநீ ஹநுமத்ப்ரியஃ ॥ 18 ॥

guhyaṃ pātu hṛṣīkeśaḥ sakthinī satyavikramaḥ |
ūrū śārṅgadharaḥ pātu jānunī hanumatpriyaḥ || 18 ||

Verse 19

ஜங்கே பாது ஜகத்வ்யாபீ பாதௌ மே தாடகாந்தகஃ ।
ஸர்வாங்கம் பாது மே விஷ்ணுஃ ஸர்வஸந்தீநநாமயஃ ॥ 19 ॥

jaṅghe pātu jagadvyāpī pādau me tāṭakāntakaḥ |
sarvāṅgaṃ pātu me viṣṇuḥ sarvasandhīnanāmayaḥ || 19 ||

Verse 20

ஜ்ஞாநேந்த்ரியாணி ப்ராணாதீந் பாது மே மதுஸூதநஃ ।
பாது ஶ்ரீராமபத்ரோ மே ஶப்தாதீந்விஷயாநபி ॥ 20 ॥

jñānendriyāṇi prāṇādīn pātu me madhusūdanaḥ |
pātu śrīrāmabhadro me śabdādīnviṣayānapi || 20 ||

Verse 21

த்விபதாதீநி பூதாநி மத்ஸம்பந்தீநி யாநி ச ।
ஜாமதக்ந்யமஹாதர்பதலநஃ பாது தாநி மே ॥ 21 ॥

dvipadādīni bhūtāni matsambandhīni yāni ca |
jāmadagnyamahādarpadalanaḥ pātu tāni me || 21 ||

Verse 22

ஸௌமித்ரிபூர்வஜஃ பாது வாகாதீநீந்த்ரியாணி ச ।
ரோமாங்குராண்யஶேஷாணி பாது ஸுக்ரீவராஜ்யதஃ ॥ 22 ॥

saumitripūrvajaḥ pātu vāgādīnīndriyāṇi ca |
romāṅkurāṇyaśeṣāṇi pātu sugrīvarājyadaḥ || 22 ||

Verse 23

வாங்மநோபுத்த்யஹங்காரைர்ஜ்ஞாநாஜ்ஞாநக்ரு'தாநி ச ।
ஜந்மாந்தரக்ரு'தாநீஹ பாபாநி விவிதாநி ச ॥ 23 ॥

vāṅmanobuddhyahaṅkārairjñānājñānakṛtāni ca |
janmāntarakṛtānīha pāpāni vividhāni ca || 23 ||

Verse 24

தாநி ஸர்வாணி தக்த்வாஶு ஹரகோதண்டகண்டநஃ ।
பாது மாம் ஸர்வதோ ராமஃ ஶார்ங்கபாணதரஃ ஸதா ॥ 24 ॥

tāni sarvāṇi dagdhvāśu harakodaṇḍakhaṇḍanaḥ |
pātu māṃ sarvato rāmaḥ śārṅgabāṇadharaḥ sadā || 24 ||

இதி ஶ்ரீராமசந்த்ரஸ்ய கவசம் வஜ்ரஸம்மிதம் ।
குஹ்யாத்குஹ்யதமம் திவ்யம் ஸுதீக்ஷ்ண முநிஸத்தம ॥ 25 ॥

Verse 26

யஃ படேச்ச்ரு'ணுயாத்வாபி ஶ்ராவயேத்வா ஸமாஹிதஃ ।
ஸ யாதி பரமம் ஸ்தாநம் ராமசந்த்ரப்ரஸாததஃ ॥ 26 ॥

yaḥ paṭhecchṛṇuyādvāpi śrāvayedvā samāhitaḥ |
sa yāti paramaṃ sthānaṃ rāmacandraprasādataḥ || 26 ||

Verse 27

மஹாபாதகயுக்தோ வா கோக்நோ வா ப்ரூணஹா ததா ।
ஶ்ரீராமசந்த்ரகவசபடநாச்சுத்திமாப்நுயாத் ॥ 27 ॥

mahāpātakayukto vā goghno vā bhrūṇahā tathā |
śrīrāmacandrakavacapaṭhanācchuddhimāpnuyāt || 27 ||

Verse 28

ப்ரஹ்மஹத்யாதிபிஃ பாபைர்முச்யதே நாத்ர ஸம்ஶயஃ ।
போ ஸுதீக்ஷ்ண யதா ப்ரு'ஷ்டம் த்வயா மம புராஃ ஶுபம் ।
ததா ஶ்ரீராமகவசம் மயா தே விநிவேதிதம் ॥ 28 ॥

brahmahatyādibhiḥ pāpairmucyate nātra saṃśayaḥ |
bho sutīkṣṇa yathā pṛṣṭaṃ tvayā mama purāḥ śubham |
tathā śrīrāmakavacaṃ mayā te viniveditam || 28 ||

இதி ஶ்ரீமதாநந்தராமாயணே மநோஹரகாண்டே ஸுதீக்ஷ்ணாகஸ்த்யஸம்வாதே ஶ்ரீராமகவசம் ॥

Sanskrit — Devanagari (original)

अगस्तिरुवाच

आजानुबाहुमरविन्ददलायताक्ष-

-माजन्मशुद्धरसहासमुखप्रसादम् ।

श्यामं गृहीत शरचापमुदाररूपं

रामं सराममभिराममनुस्मरामि ॥ 1 ॥

अस्य श्रीरामकवचस्य अगस्त्य ऋषिः अनुष्टुप् छन्दः सीतालक्ष्मणोपेतः श्रीरामचन्द्रो देवता श्रीरामचन्द्रप्रसादसिद्ध्यर्थे जपे विनियोगः ।

अथ ध्यानं

नीलजीमूतसङ्काशं विद्युद्वर्णाम्बरावृतम् ।

कोमलाङ्गं विशालाक्षं युवानमतिसुन्दरम् ॥ 1 ॥

सीतासौमित्रिसहितं जटामुकुटधारिणम् ।

सासितूणधनुर्बाणपाणिं दानवमर्दनम् ॥ 2 ॥

यदा चोरभये राजभये शत्रुभये तथा ।

ध्यात्वा रघुपतिं क्रुद्धं कालानलसमप्रभम् ॥ 3 ॥

चीरकृष्णाजिनधरं भस्मोद्धूलितविग्रहम् ।

आकर्णाकृष्टविशिखकोदण्डभुजमण्डितम् ॥ 4 ॥

रणे रिपून् रावणादींस्तीक्ष्णमार्गणवृष्टिभिः ।

संहरन्तं महावीरमुग्रमैन्द्ररथस्थितम् ॥ 5 ॥

लक्ष्मणाद्यैर्महावीरैर्वृतं हनुमदादिभिः ।

सुग्रीवाद्यैर्माहावीरैः शैलवृक्षकरोद्यतैः ॥ 6 ॥

वेगात्करालहुङ्कारैर्भुभुक्कारमहारवैः ।

नदद्भिः परिवादद्भिः समरे रावणं प्रति ॥ 7 ॥

श्रीराम शत्रुसङ्घान्मे हन मर्दय खादय ।

भूतप्रेतपिशाचादीन् श्रीरामाशु विनाशय ॥ 8 ॥

एवं ध्यात्वा जपेद्रामकवचं सिद्धिदायकम् ।

सुतीक्ष्ण वज्रकवचं शृणु वक्ष्याम्यनुत्तमम् ॥ 9 ॥

अथ कवचम्

श्रीरामः पातु मे मूर्ध्नि पूर्वे च रघुवंशजः ।

दक्षिणे मे रघुवरः पश्चिमे पातु पावनः ॥ 10 ॥

उत्तरे मे रघुपतिर्भालं दशरथात्मजः ।

भ्रुवोर्दूर्वादलश्यामस्तयोर्मध्ये जनार्दनः ॥ 11 ॥

श्रोत्रं मे पातु राजेन्द्रो दृशौ राजीवलोचनः ।

घ्राणं मे पातु राजर्षिर्गण्डौ मे जानकीपतिः ॥ 12 ॥

कर्णमूले खरध्वंसी भालं मे रघुवल्लभः ।

जिह्वां मे वाक्पतिः पातु दन्तपङ्क्ती रघूत्तमः ॥ 13 ॥

ओष्ठौ श्रीरामचन्द्रो मे मुखं पातु परात्परः ।

कण्ठं पातु जगद्वन्द्यः स्कन्धौ मे रावणान्तकः ॥ 14 ॥

धनुर्बाणधरः पातु भुजौ मे वालिमर्दनः ।

सर्वाण्यङ्गुलिपर्वाणि हस्तौ मे राक्षसान्तकः ॥ 15 ॥

वक्षो मे पातु काकुत्स्थः पातु मे हृदयं हरिः ।

स्तनौ सीतापतिः पातु पार्श्वं मे जगदीश्वरः ॥ 16 ॥

मध्यं मे पातु लक्ष्मीशो नाभिं मे रघुनायकः ।

कौसल्येयः कटी पातु पृष्ठं दुर्गतिनाशनः ॥ 17 ॥

गुह्यं पातु हृषीकेशः सक्थिनी सत्यविक्रमः ।

ऊरू शार्ङ्गधरः पातु जानुनी हनुमत्प्रियः ॥ 18 ॥

जङ्घे पातु जगद्व्यापी पादौ मे ताटकान्तकः ।

सर्वाङ्गं पातु मे विष्णुः सर्वसन्धीननामयः ॥ 19 ॥

ज्ञानेन्द्रियाणि प्राणादीन् पातु मे मधुसूदनः ।

पातु श्रीरामभद्रो मे शब्दादीन्विषयानपि ॥ 20 ॥

द्विपदादीनि भूतानि मत्सम्बन्धीनि यानि च ।

जामदग्न्यमहादर्पदलनः पातु तानि मे ॥ 21 ॥

सौमित्रिपूर्वजः पातु वागादीनीन्द्रियाणि च ।

रोमाङ्कुराण्यशेषाणि पातु सुग्रीवराज्यदः ॥ 22 ॥

वाङ्मनोबुद्ध्यहङ्कारैर्ज्ञानाज्ञानकृतानि च ।

जन्मान्तरकृतानीह पापानि विविधानि च ॥ 23 ॥

तानि सर्वाणि दग्ध्वाशु हरकोदण्डखण्डनः ।

पातु मां सर्वतो रामः शार्ङ्गबाणधरः सदा ॥ 24 ॥

इति श्रीरामचन्द्रस्य कवचं वज्रसम्मितम् ।

गुह्याद्गुह्यतमं दिव्यं सुतीक्ष्ण मुनिसत्तम ॥ 25 ॥

यः पठेच्छृणुयाद्वापि श्रावयेद्वा समाहितः ।

स याति परमं स्थानं रामचन्द्रप्रसादतः ॥ 26 ॥

महापातकयुक्तो वा गोघ्नो वा भ्रूणहा तथा ।

श्रीरामचन्द्रकवचपठनाच्छुद्धिमाप्नुयात् ॥ 27 ॥

ब्रह्महत्यादिभिः पापैर्मुच्यते नात्र संशयः ।

भो सुतीक्ष्ण यथा पृष्टं त्वया मम पुराः शुभम् ।

तथा श्रीरामकवचं मया ते विनिवेदितम् ॥ 28 ॥

इति श्रीमदानन्दरामायणे मनोहरकाण्डे सुतीक्ष्णागस्त्यसंवादे श्रीरामकवचम् ॥

🕉️ This is the original Sanskrit rendered in Tamil script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ஶ்ரீ ராம கவசம்