த்யாநம் ।
த்ரிநேத்ரம் கஜாஸ்யம் சதுர்பாஹுதாரம்
பரஶ்வாதிஶஸ்த்ரைர்யுதம் பாலசந்த்ரம் ।
நராகாரதேஹம் ஸதா யோகஶாந்தம்
கணேஶம் பஜே ஸர்வவந்த்யம் பரேஶம் ॥ 1 ॥
பிந்துரூபோ வக்ரதுண்டோ ரக்ஷது மே ஹ்ரு'தி ஸ்திதஃ ।
தேஹாம்ஶ்சதுர்விதாம்ஸ்தத்த்வாம்ஸ்தத்த்வாதாரஃ ஸநாதநஃ ॥ 2 ॥
தேஹமோஹயுதம் ஹ்யேகதந்தஃ ஸோऽஹம் ஸ்வரூபத்ரு'க் ।
தேஹிநம் மாம் விஶேஷேண ரக்ஷது ப்ரமநாஶகஃ ॥ 3 ॥
மஹோதரஸ்ததா தேவோ நாநாபோதாந் ப்ரதாபவாந் ।
ஸதா ரக்ஷது மே போதாநந்தஸம்ஸ்தோ ஹ்யஹர்நிஶம் ॥ 4 ॥
ஸாங்க்யாந் ரக்ஷது ஸாங்க்யேஶோ கஜாநநஃ ஸுஸித்திதஃ ।
அஸத்யேஷு ஸ்திதம் மாம் ஸ லம்போதரஶ்ச ரக்ஷது ॥ 5 ॥
ஸத்ஸு ஸ்திதம் ஸுமோஹேந விகடோ மாம் பராத்பரஃ ।
ரக்ஷது பக்தவாத்ஸல்யாத் ஸதைகாம்ரு'ததாரகஃ ॥ 6 ॥
ஆநந்தேஷு ஸ்திதம் நித்யம் மாம் ரக்ஷது ஸமாத்மகஃ ।
விக்நராஜோ மஹாவிக்நைர்நாநாகேலகரஃ ப்ரபுஃ ॥ 7 ॥
அவ்யக்தேஷு ஸ்திதம் நித்யம் தூம்ரவர்ணஃ ஸ்வரூபத்ரு'க் ।
மாம் ரக்ஷது ஸுகாகாரஃ ஸஹஜஃ ஸர்வபூஜிதஃ ॥ 8 ॥
ஸ்வஸம்வேத்யேஷு ஸம்ஸ்தம் மாம் கணேஶஃ ஸ்வஸ்வரூபத்ரு'க் ।
ரக்ஷது யோகபாவேந ஸம்ஸ்திதோ பவநாயகஃ ॥ 9 ॥
அயோகேஷு ஸ்திதம் நித்யம் மாம் ரக்ஷது கணேஶ்வரஃ ।
நிவ்ரு'த்திரூபத்ரு'க் ஸாக்ஷாதஸமாதிஸுகே ரதஃ ॥ 10 ॥
யோகஶாந்திதரோ மாம் து ரக்ஷது யோகஸம்ஸ்திதம் ।
கணாதீஶஃ ப்ரஸந்நாத்மா ஸித்திபுத்திஸமந்விதஃ ॥ 11 ॥
புரோ மாம் கஜகர்ணஶ்ச ரக்ஷது விக்நஹாரகஃ ।
வாஹ்ந்யாம் யாம்யாம் ச நைர்ரு'த்யாம் சிந்தாமணிர்வரப்ரதஃ ॥ 12 ॥
ரக்ஷது பஶ்சிமே டுண்டிர்ஹேரம்போ வாயுதிக் ஸ்திதம் ।
விநாயகஶ்சோத்தரே து ப்ரமோதஶ்சேஶதிக் ஸ்திதம் ॥ 13 ॥
ஊர்த்வம் ஸித்திபதிஃ பாது புத்தீஶோऽதஃ ஸ்திதம் ஸதா ।
ஸர்வாங்கேஷு மயூரேஶஃ பாது மாம் பக்திலாலஸஃ ॥ 14 ॥
யத்ர தத்ர ஸ்திதம் மாம் து ஸதா ரக்ஷது யோகபஃ ।
புரஶுபாஶஸம்யுக்தோ வரதாபயதாரகஃ ॥ 15 ॥
இதம் கணபதேஃ ப்ரோக்தம் வஜ்ரபஞ்ஜரகம் பரம் ।
தாரயஸ்வ மஹாதேவ விஜயீ த்வம் பவிஷ்யஸி ॥ 16 ॥
ய இதம் பஞ்ஜரம் த்ரு'த்வா யத்ர குத்ர ஸ்திதோ பவேத் ।
ந தஸ்ய ஜாயதே க்வாபி பயம் நாநாஸ்வபாவஜம் ॥ 17 ॥
யஃ படேத் பஞ்ஜரம் நித்யம் ஸ ஈப்ஸிதமவாப்நுயாத் ।
வஜ்ரஸாரதநுர்பூத்வா சரேத்ஸர்வத்ர மாநவஃ ॥ 18 ॥
த்ரிகாலம் யஃ படேந்நித்யம் ஸ கணேஶ இவாபரஃ ।
நிர்விக்நஃ ஸர்வகார்யேஷு ப்ரஹ்மபூதோ பவேந்நரஃ ॥ 19 ॥
யஃ ஶ்ரு'ணோதி கணேஶஸ்ய பஞ்ஜரம் வஜ்ரஸஞ்ஜ்ஞகம் ।
ஆரோக்யாதிஸமாயுக்தோ பவதே கணபப்ரியஃ ॥ 20 ॥
தநம் தாந்யம் பஶூந் வித்யாமாயுஷ்யம் புத்ரபௌத்ரகம் ।
ஸர்வஸம்பத்ஸமாயுக்தமைஶ்வர்யம் படநால்லபேத் ॥ 21 ॥
ந பயம் தஸ்ய வஜ்ராத்து சக்ராச்சூலாத்பவேத் கதா ।
ஶங்கராதேர்மஹாதேவ படநாதஸ்ய நித்யஶஃ ॥ 22 ॥
யம் யம் சிந்தயதே மர்த்யஸ்தம் தம் ப்ராப்நோதி ஶாஶ்வதம் ।
படநாதஸ்ய விக்நேஶ பஞ்ஜரஸ்ய நிரந்தரம் ॥ 23 ॥
லக்ஷாவ்ரு'த்திபிரேவம் ஸ ஸித்தபஞ்ஜரகோ பவேத் ।
ஸ்தம்பயேதபி ஸூர்யம் து ப்ரஹ்மாண்டம் வஶமாநயேத் ॥ 24 ॥
ஏவமுக்த்வா கணேஶாநோऽந்தர்ததே முநிஸத்தம ।
ஶிவோ தேவாதிபிர்யுக்தோ ஹர்ஷிதஃ ஸம்பபூவ ஹ ॥ 25 ॥
இதி ஶ்ரீமந்முத்கலே மஹாபுராணே தூம்ரவர்ணசரிதே வஜ்ரபஞ்ஜரகதநம் நாம த்ரயோவிம்ஶோऽத்யாயஃ ।
Roman (IAST) Transliteration
dhyānam |
trinetraṃ gajāsyaṃ caturbāhudhāraṃ
paraśvādiśastrairyutaṃ bhālacandram |
narākāradehaṃ sadā yogaśāntaṃ
gaṇeśaṃ bhaje sarvavandyaṃ pareśam || 1 ||
bindurūpo vakratuṇḍo rakṣatu me hṛdi sthitaḥ |
dehāṃścaturvidhāṃstattvāṃstattvādhāraḥ sanātanaḥ || 2 ||
dehamohayutaṃ hyekadantaḥ so'haṃ svarūpadhṛk |
dehinaṃ māṃ viśeṣeṇa rakṣatu bhramanāśakaḥ || 3 ||
mahodarastathā devo nānābodhān pratāpavān |
sadā rakṣatu me bodhānandasaṃstho hyaharniśam || 4 ||
sāṅkhyān rakṣatu sāṅkhyeśo gajānanaḥ susiddhidaḥ |
asatyeṣu sthitaṃ māṃ sa lambodaraśca rakṣatu || 5 ||
satsu sthitaṃ sumohena vikaṭo māṃ parātparaḥ |
rakṣatu bhaktavātsalyāt sadaikāmṛtadhārakaḥ || 6 ||
ānandeṣu sthitaṃ nityaṃ māṃ rakṣatu samātmakaḥ |
vighnarājo mahāvighnairnānākhelakaraḥ prabhuḥ || 7 ||
avyakteṣu sthitaṃ nityaṃ dhūmravarṇaḥ svarūpadhṛk |
māṃ rakṣatu sukhākāraḥ sahajaḥ sarvapūjitaḥ || 8 ||
svasaṃvedyeṣu saṃsthaṃ māṃ gaṇeśaḥ svasvarūpadhṛk |
rakṣatu yogabhāvena saṃsthito bhavanāyakaḥ || 9 ||
ayogeṣu sthitaṃ nityaṃ māṃ rakṣatu gaṇeśvaraḥ |
nivṛttirūpadhṛk sākṣādasamādhisukhe rataḥ || 10 ||
yogaśāntidharo māṃ tu rakṣatu yogasaṃsthitam |
gaṇādhīśaḥ prasannātmā siddhibuddhisamanvitaḥ || 11 ||
puro māṃ gajakarṇaśca rakṣatu vighnahārakaḥ |
vāhnyāṃ yāmyāṃ ca nairṛtyāṃ cintāmaṇirvarapradaḥ || 12 ||
rakṣatu paścime ḍhuṇḍhirherambo vāyudik sthitam |
vināyakaścottare tu pramodaśceśadik sthitam || 13 ||
ūrdhvaṃ siddhipatiḥ pātu buddhīśo'dhaḥ sthitaṃ sadā |
sarvāṅgeṣu mayūreśaḥ pātu māṃ bhaktilālasaḥ || 14 ||
yatra tatra sthitaṃ māṃ tu sadā rakṣatu yogapaḥ |
puraśupāśasaṃyukto varadābhayadhārakaḥ || 15 ||
idaṃ gaṇapateḥ proktaṃ vajrapañjarakaṃ param |
dhārayasva mahādeva vijayī tvaṃ bhaviṣyasi || 16 ||
ya idaṃ pañjaraṃ dhṛtvā yatra kutra sthito bhavet |
na tasya jāyate kvāpi bhayaṃ nānāsvabhāvajam || 17 ||
yaḥ paṭhet pañjaraṃ nityaṃ sa īpsitamavāpnuyāt |
vajrasāratanurbhūtvā caretsarvatra mānavaḥ || 18 ||
trikālaṃ yaḥ paṭhennityaṃ sa gaṇeśa ivāparaḥ |
nirvighnaḥ sarvakāryeṣu brahmabhūto bhavennaraḥ || 19 ||
yaḥ śṛṇoti gaṇeśasya pañjaraṃ vajrasañjñakam |
ārogyādisamāyukto bhavate gaṇapapriyaḥ || 20 ||
dhanaṃ dhānyaṃ paśūn vidyāmāyuṣyaṃ putrapautrakam |
sarvasampatsamāyuktamaiśvaryaṃ paṭhanāllabhet || 21 ||
na bhayaṃ tasya vajrāttu cakrācchūlādbhavet kadā |
śaṅkarādermahādeva paṭhanādasya nityaśaḥ || 22 ||
yaṃ yaṃ cintayate martyastaṃ taṃ prāpnoti śāśvatam |
paṭhanādasya vighneśa pañjarasya nirantaram || 23 ||
lakṣāvṛttibhirevaṃ sa siddhapañjarako bhavet |
stambhayedapi sūryaṃ tu brahmāṇḍaṃ vaśamānayet || 24 ||
evamuktvā gaṇeśāno'ntardadhe munisattama |
śivo devādibhiryukto harṣitaḥ sambabhūva ha || 25 ||
iti śrīmanmudgale mahāpurāṇe dhūmravarṇacarite vajrapañjarakathanaṃ nāma trayoviṃśo'dhyāyaḥ |
Sanskrit — Devanagari (original)
ध्यानम् ।
त्रिनेत्रं गजास्यं चतुर्बाहुधारं
परश्वादिशस्त्रैर्युतं भालचन्द्रम् ।
नराकारदेहं सदा योगशान्तं
गणेशं भजे सर्ववन्द्यं परेशम् ॥ 1 ॥
बिन्दुरूपो वक्रतुण्डो रक्षतु मे हृदि स्थितः ।
देहांश्चतुर्विधांस्तत्त्वांस्तत्त्वाधारः सनातनः ॥ 2 ॥
देहमोहयुतं ह्येकदन्तः सोऽहं स्वरूपधृक् ।
देहिनं मां विशेषेण रक्षतु भ्रमनाशकः ॥ 3 ॥
महोदरस्तथा देवो नानाबोधान् प्रतापवान् ।
सदा रक्षतु मे बोधानन्दसंस्थो ह्यहर्निशम् ॥ 4 ॥
साङ्ख्यान् रक्षतु साङ्ख्येशो गजाननः सुसिद्धिदः ।
असत्येषु स्थितं मां स लम्बोदरश्च रक्षतु ॥ 5 ॥
सत्सु स्थितं सुमोहेन विकटो मां परात्परः ।
रक्षतु भक्तवात्सल्यात् सदैकामृतधारकः ॥ 6 ॥
आनन्देषु स्थितं नित्यं मां रक्षतु समात्मकः ।
विघ्नराजो महाविघ्नैर्नानाखेलकरः प्रभुः ॥ 7 ॥
अव्यक्तेषु स्थितं नित्यं धूम्रवर्णः स्वरूपधृक् ।
मां रक्षतु सुखाकारः सहजः सर्वपूजितः ॥ 8 ॥
स्वसंवेद्येषु संस्थं मां गणेशः स्वस्वरूपधृक् ।
रक्षतु योगभावेन संस्थितो भवनायकः ॥ 9 ॥
अयोगेषु स्थितं नित्यं मां रक्षतु गणेश्वरः ।
निवृत्तिरूपधृक् साक्षादसमाधिसुखे रतः ॥ 10 ॥
योगशान्तिधरो मां तु रक्षतु योगसंस्थितम् ।
गणाधीशः प्रसन्नात्मा सिद्धिबुद्धिसमन्वितः ॥ 11 ॥
पुरो मां गजकर्णश्च रक्षतु विघ्नहारकः ।
वाह्न्यां याम्यां च नैरृत्यां चिन्तामणिर्वरप्रदः ॥ 12 ॥
रक्षतु पश्चिमे ढुण्ढिर्हेरम्बो वायुदिक् स्थितम् ।
विनायकश्चोत्तरे तु प्रमोदश्चेशदिक् स्थितम् ॥ 13 ॥
ऊर्ध्वं सिद्धिपतिः पातु बुद्धीशोऽधः स्थितं सदा ।
सर्वाङ्गेषु मयूरेशः पातु मां भक्तिलालसः ॥ 14 ॥
यत्र तत्र स्थितं मां तु सदा रक्षतु योगपः ।
पुरशुपाशसंयुक्तो वरदाभयधारकः ॥ 15 ॥
इदं गणपतेः प्रोक्तं वज्रपञ्जरकं परम् ।
धारयस्व महादेव विजयी त्वं भविष्यसि ॥ 16 ॥
य इदं पञ्जरं धृत्वा यत्र कुत्र स्थितो भवेत् ।
न तस्य जायते क्वापि भयं नानास्वभावजम् ॥ 17 ॥
यः पठेत् पञ्जरं नित्यं स ईप्सितमवाप्नुयात् ।
वज्रसारतनुर्भूत्वा चरेत्सर्वत्र मानवः ॥ 18 ॥
त्रिकालं यः पठेन्नित्यं स गणेश इवापरः ।
निर्विघ्नः सर्वकार्येषु ब्रह्मभूतो भवेन्नरः ॥ 19 ॥
यः शृणोति गणेशस्य पञ्जरं वज्रसञ्ज्ञकम् ।
आरोग्यादिसमायुक्तो भवते गणपप्रियः ॥ 20 ॥
धनं धान्यं पशून् विद्यामायुष्यं पुत्रपौत्रकम् ।
सर्वसम्पत्समायुक्तमैश्वर्यं पठनाल्लभेत् ॥ 21 ॥
न भयं तस्य वज्रात्तु चक्राच्छूलाद्भवेत् कदा ।
शङ्करादेर्महादेव पठनादस्य नित्यशः ॥ 22 ॥
यं यं चिन्तयते मर्त्यस्तं तं प्राप्नोति शाश्वतम् ।
पठनादस्य विघ्नेश पञ्जरस्य निरन्तरम् ॥ 23 ॥
लक्षावृत्तिभिरेवं स सिद्धपञ्जरको भवेत् ।
स्तम्भयेदपि सूर्यं तु ब्रह्माण्डं वशमानयेत् ॥ 24 ॥
एवमुक्त्वा गणेशानोऽन्तर्दधे मुनिसत्तम ।
शिवो देवादिभिर्युक्तो हर्षितः सम्बभूव ह ॥ 25 ॥
इति श्रीमन्मुद्गले महापुराणे धूम्रवर्णचरिते वज्रपञ्जरकथनं नाम त्रयोविंशोऽध्यायः ।
dhyānam |
trinetraṃ gajāsyaṃ caturbāhudhāraṃ
paraśvādiśastrairyutaṃ bhālacandram |
narākāradehaṃ sadā yogaśāntaṃ
gaṇeśaṃ bhaje sarvavandyaṃ pareśam || 1 ||
bindurūpo vakratuṇḍo rakṣatu me hṛdi sthitaḥ |
dehāṃścaturvidhāṃstattvāṃstattvādhāraḥ sanātanaḥ || 2 ||
dehamohayutaṃ hyekadantaḥ so'haṃ svarūpadhṛk |
dehinaṃ māṃ viśeṣeṇa rakṣatu bhramanāśakaḥ || 3 ||
mahodarastathā devo nānābodhān pratāpavān |
sadā rakṣatu me bodhānandasaṃstho hyaharniśam || 4 ||
sāṅkhyān rakṣatu sāṅkhyeśo gajānanaḥ susiddhidaḥ |
asatyeṣu sthitaṃ māṃ sa lambodaraśca rakṣatu || 5 ||
satsu sthitaṃ sumohena vikaṭo māṃ parātparaḥ |
rakṣatu bhaktavātsalyāt sadaikāmṛtadhārakaḥ || 6 ||
ānandeṣu sthitaṃ nityaṃ māṃ rakṣatu samātmakaḥ |
vighnarājo mahāvighnairnānākhelakaraḥ prabhuḥ || 7 ||
avyakteṣu sthitaṃ nityaṃ dhūmravarṇaḥ svarūpadhṛk |
māṃ rakṣatu sukhākāraḥ sahajaḥ sarvapūjitaḥ || 8 ||
svasaṃvedyeṣu saṃsthaṃ māṃ gaṇeśaḥ svasvarūpadhṛk |
rakṣatu yogabhāvena saṃsthito bhavanāyakaḥ || 9 ||
ayogeṣu sthitaṃ nityaṃ māṃ rakṣatu gaṇeśvaraḥ |
nivṛttirūpadhṛk sākṣādasamādhisukhe rataḥ || 10 ||
yogaśāntidharo māṃ tu rakṣatu yogasaṃsthitam |
gaṇādhīśaḥ prasannātmā siddhibuddhisamanvitaḥ || 11 ||
puro māṃ gajakarṇaśca rakṣatu vighnahārakaḥ |
vāhnyāṃ yāmyāṃ ca nairṛtyāṃ cintāmaṇirvarapradaḥ || 12 ||
rakṣatu paścime ḍhuṇḍhirherambo vāyudik sthitam |
vināyakaścottare tu pramodaśceśadik sthitam || 13 ||
ūrdhvaṃ siddhipatiḥ pātu buddhīśo'dhaḥ sthitaṃ sadā |
sarvāṅgeṣu mayūreśaḥ pātu māṃ bhaktilālasaḥ || 14 ||
yatra tatra sthitaṃ māṃ tu sadā rakṣatu yogapaḥ |
puraśupāśasaṃyukto varadābhayadhārakaḥ || 15 ||
idaṃ gaṇapateḥ proktaṃ vajrapañjarakaṃ param |
dhārayasva mahādeva vijayī tvaṃ bhaviṣyasi || 16 ||
ya idaṃ pañjaraṃ dhṛtvā yatra kutra sthito bhavet |
na tasya jāyate kvāpi bhayaṃ nānāsvabhāvajam || 17 ||
yaḥ paṭhet pañjaraṃ nityaṃ sa īpsitamavāpnuyāt |
vajrasāratanurbhūtvā caretsarvatra mānavaḥ || 18 ||
trikālaṃ yaḥ paṭhennityaṃ sa gaṇeśa ivāparaḥ |
nirvighnaḥ sarvakāryeṣu brahmabhūto bhavennaraḥ || 19 ||
yaḥ śṛṇoti gaṇeśasya pañjaraṃ vajrasañjñakam |
ārogyādisamāyukto bhavate gaṇapapriyaḥ || 20 ||
dhanaṃ dhānyaṃ paśūn vidyāmāyuṣyaṃ putrapautrakam |
sarvasampatsamāyuktamaiśvaryaṃ paṭhanāllabhet || 21 ||
na bhayaṃ tasya vajrāttu cakrācchūlādbhavet kadā |
śaṅkarādermahādeva paṭhanādasya nityaśaḥ || 22 ||
yaṃ yaṃ cintayate martyastaṃ taṃ prāpnoti śāśvatam |
paṭhanādasya vighneśa pañjarasya nirantaram || 23 ||
lakṣāvṛttibhirevaṃ sa siddhapañjarako bhavet |
stambhayedapi sūryaṃ tu brahmāṇḍaṃ vaśamānayet || 24 ||
evamuktvā gaṇeśāno'ntardadhe munisattama |
śivo devādibhiryukto harṣitaḥ sambabhūva ha || 25 ||
iti śrīmanmudgale mahāpurāṇe dhūmravarṇacarite vajrapañjarakathanaṃ nāma trayoviṃśo'dhyāyaḥ |
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.