1. ஶ்ரீ பால கணபதிஃ
கரஸ்த கதலீசூதபநஸேக்ஷுகமோதகம் ।
பாலஸூர்யநிபம் வந்தே தேவம் பாலகணாதிபம் ॥ 1 ॥
2. ஶ்ரீ தருண கணபதிஃ
பாஶாங்குஶாபூபகபித்தஜம்பூ-
-ஸ்வதந்தஶாலீக்ஷுமபி ஸ்வஹஸ்தைஃ ।
தத்தே ஸதா யஸ்தருணாருணாபஃ
பாயாத் ஸ யுஷ்மாம்ஸ்தருணோ கணேஶஃ ॥ 2 ॥
3. ஶ்ரீ பக்த கணபதிஃ
நாரிகேலாம்ரகதலீகுடபாயஸதாரிணம் ।
ஶரச்சந்த்ராபவபுஷம் பஜே பக்தகணாதிபம் ॥ 3 ॥
4. ஶ்ரீ வீர கணபதிஃ
வேதாலஶக்திஶரகார்முகசக்ரகட்க-
-கட்வாங்கமுத்கரகதாங்குஶநாகபாஶாந் ।
ஶூலம் ச குந்தபரஶும் த்வஜமுத்வஹந்தம்
வீரம் கணேஶமருணம் ஸததம் ஸ்மராமி ॥ 4 ॥
5. ஶ்ரீ ஶக்தி கணபதிஃ
ஆலிங்க்ய தேவீம் ஹரிதாங்கயஷ்டிம்
பரஸ்பராஶ்லிஷ்டகடிப்ரதேஶம் ।
ஸந்த்யாருணம் பாஶஸ்ரு'ணீ வஹந்தம்
பயாபஹம் ஶக்திகணேஶமீடே ॥ 5 ॥
6. ஶ்ரீ த்விஜ கணபதிஃ
யம் புஸ்தகாக்ஷ குணதண்டகமண்டலு ஶ்ரீ-
-வித்யோதமாநகரபூஷணமிந்துவர்ணம் ।
ஸ்தம்பேரமாநநசதுஷ்டயஶோபமாநம்
த்வாம் யஃ ஸ்மரேத் த்விஜகணாதிபதே ஸ தந்யஃ ॥ 6 ॥
7. ஶ்ரீ ஸித்த கணபதிஃ
பக்வசூதபலபுஷ்பமஞ்ஜரீ-
-ரிக்ஷுதண்டதிலமோதகைஃ ஸஹ ।
உத்வஹந் பரஶுமஸ்து தே நமஃ
ஶ்ரீஸம்ரு'த்தியுத ஹேமபிங்கல ॥ 7 ॥
8. ஶ்ரீ உச்சிஷ்ட கணபதிஃ
நீலாப்ஜதாடிமீவீணாஶாலீகுஞ்ஜாக்ஷஸூத்ரகம் ।
தததுச்சிஷ்டநாமாயம் கணேஶஃ பாது மேசகஃ ॥ 8 ॥
9. ஶ்ரீ விக்ந கணபதிஃ
ஶங்கேக்ஷுசாபகுஸுமேஷுகுடாரபாஶ-
-சக்ரஸ்வதந்தஸ்ரு'ணிமஞ்ஜரிகாஶராத்யைஃ ।
பாணிஶ்ரிதைஃ பரிஸமீஹிதபூஷணஶ்ரீ-
-விக்நேஶ்வரோ விஜயதே தபநீயகௌரஃ ॥ 9 ॥
10. ஶ்ரீ க்ஷிப்ர கணபதிஃ
தந்தகல்பலதாபாஶரத்நகும்பாங்குஶோஜ்ஜ்வலம் ।
பந்தூககமநீயாபம் த்யாயேத் க்ஷிப்ரகணாதிபம் ॥ 10 ॥
11. ஶ்ரீ ஹேரம்ப கணபதிஃ
அபயவரதஹஸ்தஃ பாஶதந்தாக்ஷமாலா-
-ஸ்ரு'ணிபரஶு ததாநோ முத்கரம் மோதகம் ச ।
பலமதிகதஸிம்ஹஃ பஞ்சமாதங்கவக்த்ரோ
கணபதிரதிகௌரஃ பாது ஹேரம்பநாமா ॥ 11 ॥
12. ஶ்ரீ லக்ஷ்மீ கணபதிஃ
பிப்ராணஃ ஶுகபீஜபூரகமிலந்மாணிக்யகும்பாகுஶாந்
பாஶம் கல்பலதாம் ச கட்கவிலஸஜ்ஜ்யோதிஃ ஸுதாநிர்சரஃ ।
ஶ்யாமேநாத்தஸரோருஹேண ஸஹிதம் தேவீத்வயம் சாந்திகே
கௌராங்கோ வரதாநஹஸ்தஸஹிதோ லக்ஷ்மீகணேஶோऽவதாத் ॥ 12 ॥
13. ஶ்ரீ மஹா கணபதிஃ
ஹஸ்தீந்த்ராநநமிந்துசூடமருணச்சாயம் த்ரிநேத்ரம் ரஸா-
-தாஶ்லிஷ்டம் ப்ரியயா ஸபத்மகரயா ஸ்வாங்கஸ்தயா ஸந்ததம் ।
பீஜாபூரகதேக்ஷுகார்முகலஸச்சக்ராப்ஜபாஶோத்பல-
-வ்ரீஹ்யக்ரஸ்வவிஷாணரத்நகலஶாந் ஹஸ்தைர்வஹந்தம் பஜே ॥ 13 ॥
14. ஶ்ரீ விஜய கணபதிஃ
பாஶாங்குஶஸ்வதந்தாம்ரபலவாநாகுவாஹநஃ ।
விக்நம் நிஹந்து நஃ ஸர்வம் ரக்தவர்ணோ விநாயகஃ ॥ 14 ॥
15. ஶ்ரீ ந்ரு'த்த கணபதிஃ
பாஶாங்குஶாபூபகுடாரதந்த-
-சஞ்சத்கராக்லுப்தவராங்குலீகம் ।
பீதப்ரபம் கல்பதரோரதஸ்தம்
பஜாமி ந்ரு'த்தோபபதம் கணேஶம் ॥ 15 ॥
16. ஶ்ரீ ஊர்த்வ கணபதிஃ
கல்ஹாரஶாலிகமலேக்ஷுகசாபபாண-
-தந்தப்ரரோஹககதீ கநகோஜ்ஜ்வலாங்கஃ ।
ஆலிங்கநோத்யதகரோ ஹரிதாங்கயஷ்ட்யா
தேவ்யா கரோது ஶுபமூர்த்வகணாதிபோ மே ॥ 16 ॥
17. ஶ்ரீ ஏகாக்ஷர கணபதிஃ
ரக்தோ ரக்தாங்கராகாங்குஶகுஸுமயுதஸ்துந்திலஶ்சந்த்ரமௌலிஃ
நேத்ரைர்யுக்தஸ்த்ரிபிர்வாமநகரசரணோ பீஜபூரம் ததாநஃ ।
ஹஸ்தாக்ராக்லுப்த பாஶாங்குஶரதவரதோ நாகவக்த்ரோऽஹிபூஷோ
தேவஃ பத்மாஸநஸ்தோ பவது ஸுககரோ பூதயே விக்நராஜஃ ॥ 17 ॥
18. ஶ்ரீ வர கணபதிஃ
ஸிந்தூராபமிபாநநம் த்ரிநயநம் ஹஸ்தே ச பாஶாங்குஶௌ
பிப்ராணம் மதுமத்கபாலமநிஶம் ஸாத்விந்துமௌலிம் பஜே ।
புஷ்ட்யாஶ்லிஷ்டதநும் த்வஜாக்ரகரயா பத்மோல்லஸத்தஸ்தயா
தத்யோந்யாஹித பாணிமாத்தவஸுமத்பாத்ரோல்லஸத்புஷ்கரம் ॥ 18 ॥
19. ஶ்ரீ த்ர்யக்ஷர கணபதிஃ
கஜேந்த்ரவதநம் ஸாக்ஷாச்சலத்கர்ணஸுசாமரம்
ஹேமவர்ணம் சதுர்பாஹும் பாஶாங்குஶதரம் வரம் ।
ஸ்வதந்தம் தக்ஷிணே ஹஸ்தே ஸவ்யே த்வாம்ரபலம் ததா
புஷ்கரைர்மோதகம் சைவ தாரயந்தமநுஸ்மரேத் ॥ 19 ॥
20. ஶ்ரீ க்ஷிப்ரப்ரஸாத கணபதிஃ
த்ரு'தபாஶாங்குஶகல்பலதா ஸ்வரதஶ்ச பீஜபூரயுதஃ
ஶஶிஶகலகலிதமௌலிஸ்த்ரிலோசநோऽருணஶ்ச கஜவதநஃ ।
பாஸுரபூஷணதீப்தோ ப்ரு'ஹதுதரஃ பத்மவிஷ்டரோல்லஸிதஃ
விக்நபயோதரபவநஃ கரத்ரு'தகமலஃ ஸதாஸ்து மே பூத்யை ॥ 20 ॥
21. ஶ்ரீ ஹரித்ரா கணபதிஃ
ஹரித்ராபம் சதுர்பாஹும் கரீந்த்ரவதநம் ப்ரபும் ।
பாஶாங்குஶதரம் தேவம் மோதகம் தந்தமேவ ச ।
பக்தாபயப்ரதாதாரம் வந்தே விக்நவிநாஶநம் ॥ 21 ॥
22. ஶ்ரீ ஏகதந்த கணபதிஃ
லம்போதரம் ஶ்யாமதநும் கணேஶம்
குடாரமக்ஷஸ்ரஜமூர்த்வகாத்ரம் ।
ஸலட்டுகம் தந்தமதஃ கராப்யாம்
வாமேதராப்யாம் ச ததாநமீடே ॥ 22 ॥
23. ஶ்ரீ ஸ்ரு'ஷ்டி கணபதிஃ
பாஶாங்குஶஸ்வதந்தாம்ரபலவாநாகுவாஹநஃ ।
விக்நம் நிஹந்து நஃ ஶோணஃ ஸ்ரு'ஷ்டிதக்ஷோ விநாயகஃ ॥ 23 ॥
24. ஶ்ரீ உத்தண்ட கணபதிஃ
கல்ஹாராம்புஜபீஜபூரககதாதந்தேக்ஷுசாபம் ஸுமம்
பிப்ராணோ மணிகும்பஶாலிகலஶௌ பாஶம் ஸ்ரு'ணிம் சாப்ஜகம் ।
கௌராங்க்யா ருசிராரவிந்தகரயா தேவ்யா ஸமாலிங்கதஃ
ஶோணாங்கஃ ஶுபமாதநோது பஜதாமுத்தண்டவிக்நேஶ்வரஃ ॥ 24 ॥
25. ஶ்ரீ ரு'ணமோசக கணபதிஃ
பாஶாங்குஶௌ தந்தஜம்பு ததாநஃ ஸ்பாடிகப்ரபஃ ।
ரக்தாம்ஶுகோ கணபதிர்முதே ஸ்யாத்ரு'ணமோசகஃ ॥ 25 ॥
26. ஶ்ரீ டுண்டி கணபதிஃ
அக்ஷமாலாம் குடாரம் ச ரத்நபாத்ரம் ஸ்வதந்தகம் ।
தத்தே கரைர்விக்நராஜோ டுண்டிநாமா முதேऽஸ்து நஃ ॥ 26 ॥
27. ஶ்ரீ த்விமுக கணபதிஃ
ஸ்வதந்தபாஶாங்குஶரத்நபாத்ரம்
கரைர்ததாநோ ஹரிநீலகாத்ரஃ ।
ரக்தாம்ஶுகோ ரத்நகிரீடமாலீ
பூத்யை ஸதா மே த்விமுகோ கணேஶஃ ॥ 27 ॥
28. ஶ்ரீ த்ரிமுக கணபதிஃ
ஶ்ரீமத்தீக்ஷ்ணஶிகாங்குஶாக்ஷவரதாந் தக்ஷே ததாநஃ கரைஃ
பாஶம் சாம்ரு'தபூர்ணகும்பமபயம் வாமே ததாநோ முதா ।
பீடே ஸ்வர்ணமயாரவிந்தவிலஸத்ஸத்கர்ணிகாபாஸுரே
ஸ்வாஸீநஸ்த்ரிமுகஃ பலாஶருசிரோ நாகாநநஃ பாது நஃ ॥ 28 ॥
29. ஶ்ரீ ஸிம்ஹ கணபதிஃ
வீணாம் கல்பலதாமரிம் ச வரதம் தக்ஷே விதத்தே கரை-
-ர்வாமே தாமரஸம் ச ரத்நகலஶம் ஸந்மஞ்ஜரீம் சாபயம் ।
ஶுண்டாதண்டலஸந்ம்ரு'கேந்த்ரவதநஃ ஶங்கேந்துகௌரஃ ஶுபோ
தீவ்யத்ரத்நநிபாம்ஶுகோ கணபதிஃ பாயாதபாயத் ஸ நஃ ॥ 29 ॥
30. ஶ்ரீ யோக கணபதிஃ
யோகாரூடோ யோகபட்டாபிராமோ
பாலார்காபஶ்சேந்த்ரநீலாம்ஶுகாட்யஃ ।
பாஶேக்ஷ்வக்ஷாந் யோகதண்டம் ததாநோ
பாயாந்நித்யம் யோகவிக்நேஶ்வரோ நஃ ॥ 30 ॥
31. ஶ்ரீ துர்கா கணபதிஃ
தப்தகாஞ்சநஸங்காஶஶ்சாஷ்டஹஸ்தோ மஹத்தநுஃ
தீப்தாங்குஶம் ஶரம் சாக்ஷம் தந்து தக்ஷே வஹந் கரைஃ ।
வாமே பாஶம் கார்முகம் ச லதாம் ஜம்பு ததத்கரைஃ
ரக்தாம்ஶுகஃ ஸதா பூயாத்துர்காகணபதிர்முதே ॥ 31 ॥
32. ஶ்ரீ ஸங்கஷ்டஹர கணபதிஃ
பாலார்காருணகாந்திர்வாமே பாலாம் வஹந்நங்கே
லஸதிந்தீவரஹஸ்தாம் கௌராங்கீம் ரத்நஶோபாட்யாம் ।
தக்ஷேऽங்குஶவரதாநம் வாமே பாஶம் ச பாயஸம் பாத்ரம்
நீலாம்ஶுகலஸமாநஃ பீடே பத்மாருணே திஷ்டந் ॥ 32 ॥
ஸங்கடஹரணஃ பாயாத் ஸங்கடபூகாத்கஜாநநோ நித்யம் ।
ஶ்ரீ வல்லப கணபதி
பீஜாபூர கதேக்ஷுகார்முகபுஜாசக்ராப்ஜ பாஶோத்பல
வ்ரீஹ்யக்ரஸ்வவிஷாண ரத்நகலஶ ப்ரோத்யத்கராம்போருஹஃ ।
த்யேயோ வல்லபயா ச பத்மகரயாஶ்லிஷ்டோ ஜ்வலத்பூஷயா
விஶ்வோத்பத்திவிநாஶஸம்ஸ்திதிகரோ விக்நோ விஶிஷ்டார்ததஃ ॥
ஶ்ரீ ஸித்திதேவீ
பீதவர்ணாம் த்விநேத்ராம் தாமேகவக்த்ராம்புஜத்வயாம்
நவரத்நகிரீடாம் ச பீதாம்பரஸுதாரிணீம் ।
வாமஹஸ்தே மஹாபத்மம் தக்ஷே லம்பகராந்விதாம்
ஜாஜீசம்பகமாலாம் ச த்ரிபங்கீம் லலிதாங்கிகாம் ॥
கணேஶதக்ஷிணே பாகே குருஃ ஸித்திம் து பாவயேத் ॥
ஶ்ரீ புத்திதேவீ
த்விஹஸ்தாம் ச த்விநேத்ராம் தாமேகவக்த்ராம் த்ரிபங்கிகாம்
முக்தாமணிகிரீடாம் ச தக்ஷே ஹஸ்தே மஹோத்பலம் ।
வாமே ப்ரலம்பஹஸ்தாம் ச திவ்யாம்பரஸுதாரிணீம்
ஶ்யாமவர்ணநிபாம் பாஸ்வத்ஸர்வாபரணபூஷிதாம் ॥
பாரிஜாதோத்பலாமால்யாம் கணேஶோ வாமபார்ஶ்வகே
த்யாத்வா புத்திம் ஸுரூபாம் ஸமர்சயேத்தேஶிகோத்தமஃ ॥
Roman (IAST) Transliteration
1. śrī bāla gaṇapatiḥ
karastha kadalīcūtapanasekṣukamodakam |
bālasūryanibhaṃ vande devaṃ bālagaṇādhipam || 1 ||
2. śrī taruṇa gaṇapatiḥ
pāśāṅkuśāpūpakapitthajambū-
-svadantaśālīkṣumapi svahastaiḥ |
dhatte sadā yastaruṇāruṇābhaḥ
pāyāt sa yuṣmāṃstaruṇo gaṇeśaḥ || 2 ||
3. śrī bhakta gaṇapatiḥ
nārikelāmrakadalīguḍapāyasadhāriṇam |
śaraccandrābhavapuṣaṃ bhaje bhaktagaṇādhipam || 3 ||
4. śrī vīra gaṇapatiḥ
vetālaśaktiśarakārmukacakrakhaḍga-
-khaṭvāṅgamudgaragadāṅkuśanāgapāśān |
śūlaṃ ca kuntaparaśuṃ dhvajamudvahantaṃ
vīraṃ gaṇeśamaruṇaṃ satataṃ smarāmi || 4 ||
5. śrī śakti gaṇapatiḥ
āliṅgya devīṃ haritāṅgayaṣṭiṃ
parasparāśliṣṭakaṭipradeśam |
sandhyāruṇaṃ pāśasṛṇī vahantaṃ
bhayāpahaṃ śaktigaṇeśamīḍe || 5 ||
6. śrī dvija gaṇapatiḥ
yaṃ pustakākṣa guṇadaṇḍakamaṇḍalu śrī-
-vidyotamānakarabhūṣaṇaminduvarṇam |
stamberamānanacatuṣṭayaśobhamānaṃ
tvāṃ yaḥ smaret dvijagaṇādhipate sa dhanyaḥ || 6 ||
7. śrī siddha gaṇapatiḥ
pakvacūtaphalapuṣpamañjarī-
-rikṣudaṇḍatilamodakaiḥ saha |
udvahan paraśumastu te namaḥ
śrīsamṛddhiyuta hemapiṅgala || 7 ||
8. śrī ucchiṣṭa gaṇapatiḥ
nīlābjadāḍimīvīṇāśālīguñjākṣasūtrakam |
dadhaducchiṣṭanāmāyaṃ gaṇeśaḥ pātu mecakaḥ || 8 ||
9. śrī vighna gaṇapatiḥ
śaṅkhekṣucāpakusumeṣukuṭhārapāśa-
-cakrasvadantasṛṇimañjarikāśarādyaiḥ |
pāṇiśritaiḥ parisamīhitabhūṣaṇaśrī-
-vighneśvaro vijayate tapanīyagauraḥ || 9 ||
10. śrī kṣipra gaṇapatiḥ
dantakalpalatāpāśaratnakumbhāṅkuśojjvalam |
bandhūkakamanīyābhaṃ dhyāyet kṣipragaṇādhipam || 10 ||
11. śrī heramba gaṇapatiḥ
abhayavaradahastaḥ pāśadantākṣamālā-
-sṛṇiparaśu dadhāno mudgaraṃ modakaṃ ca |
phalamadhigatasiṃhaḥ pañcamātaṅgavaktro
gaṇapatiratigauraḥ pātu herambanāmā || 11 ||
12. śrī lakṣmī gaṇapatiḥ
bibhrāṇaḥ śukabījapūrakamilanmāṇikyakumbhākuśān
pāśaṃ kalpalatāṃ ca khaḍgavilasajjyotiḥ sudhānirjharaḥ |
śyāmenāttasaroruheṇa sahitaṃ devīdvayaṃ cāntike
gaurāṅgo varadānahastasahito lakṣmīgaṇeśo'vatāt || 12 ||
13. śrī mahā gaṇapatiḥ
hastīndrānanaminducūḍamaruṇacchāyaṃ trinetraṃ rasā-
-dāśliṣṭaṃ priyayā sapadmakarayā svāṅkasthayā santatam |
bījāpūragadekṣukārmukalasaccakrābjapāśotpala-
-vrīhyagrasvaviṣāṇaratnakalaśān hastairvahantaṃ bhaje || 13 ||
14. śrī vijaya gaṇapatiḥ
pāśāṅkuśasvadantāmraphalavānākhuvāhanaḥ |
vighnaṃ nihantu naḥ sarvaṃ raktavarṇo vināyakaḥ || 14 ||
15. śrī nṛtta gaṇapatiḥ
pāśāṅkuśāpūpakuṭhāradanta-
-cañcatkarākluptavarāṅgulīkam |
pītaprabhaṃ kalpataroradhasthaṃ
bhajāmi nṛttopapadaṃ gaṇeśam || 15 ||
16. śrī ūrdhva gaṇapatiḥ
kalhāraśālikamalekṣukacāpabāṇa-
-dantaprarohakagadī kanakojjvalāṅgaḥ |
āliṅganodyatakaro haritāṅgayaṣṭyā
devyā karotu śubhamūrdhvagaṇādhipo me || 16 ||
17. śrī ekākṣara gaṇapatiḥ
rakto raktāṅgarāgāṅkuśakusumayutastundilaścandramauliḥ
netrairyuktastribhirvāmanakaracaraṇo bījapūraṃ dadhānaḥ |
hastāgrāklupta pāśāṅkuśaradavarado nāgavaktro'hibhūṣo
devaḥ padmāsanastho bhavatu sukhakaro bhūtaye vighnarājaḥ || 17 ||
18. śrī vara gaṇapatiḥ
sindūrābhamibhānanaṃ trinayanaṃ haste ca pāśāṅkuśau
bibhrāṇaṃ madhumatkapālamaniśaṃ sādhvindumauliṃ bhaje |
puṣṭyāśliṣṭatanuṃ dhvajāgrakarayā padmollasaddhastayā
tadyonyāhita pāṇimāttavasumatpātrollasatpuṣkaram || 18 ||
19. śrī tryakṣara gaṇapatiḥ
gajendravadanaṃ sākṣāccalatkarṇasucāmaraṃ
hemavarṇaṃ caturbāhuṃ pāśāṅkuśadharaṃ varam |
svadantaṃ dakṣiṇe haste savye tvāmrapalaṃ tathā
puṣkarairmodakaṃ caiva dhārayantamanusmaret || 19 ||
20. śrī kṣipraprasāda gaṇapatiḥ
dhṛtapāśāṅkuśakalpalatā svaradaśca bījapūrayutaḥ
śaśiśakalakalitamaulistrilocano'ruṇaśca gajavadanaḥ |
bhāsurabhūṣaṇadīpto bṛhadudaraḥ padmaviṣṭarollasitaḥ
vighnapayodharapavanaḥ karadhṛtakamalaḥ sadāstu me bhūtyai || 20 ||
21. śrī haridrā gaṇapatiḥ
haridrābhaṃ caturbāhuṃ karīndravadanaṃ prabhum |
pāśāṅkuśadharaṃ devaṃ modakaṃ dantameva ca |
bhaktābhayapradātāraṃ vande vighnavināśanam || 21 ||
22. śrī ekadanta gaṇapatiḥ
lambodaraṃ śyāmatanuṃ gaṇeśaṃ
kuṭhāramakṣasrajamūrdhvagātram |
salaḍḍukaṃ dantamadhaḥ karābhyāṃ
vāmetarābhyāṃ ca dadhānamīḍe || 22 ||
23. śrī sṛṣṭi gaṇapatiḥ
pāśāṅkuśasvadantāmraphalavānākhuvāhanaḥ |
vighnaṃ nihantu naḥ śoṇaḥ sṛṣṭidakṣo vināyakaḥ || 23 ||
24. śrī uddaṇḍa gaṇapatiḥ
kalhārāmbujabījapūrakagadādantekṣucāpaṃ sumaṃ
bibhrāṇo maṇikumbhaśālikalaśau pāśaṃ sṛṇiṃ cābjakam |
gaurāṅgyā rucirāravindakarayā devyā samāliṅgataḥ
śoṇāṅgaḥ śubhamātanotu bhajatāmuddaṇḍavighneśvaraḥ || 24 ||
25. śrī ṛṇamocaka gaṇapatiḥ
pāśāṅkuśau dantajambu dadhānaḥ sphāṭikaprabhaḥ |
raktāṃśuko gaṇapatirmude syādṛṇamocakaḥ || 25 ||
26. śrī ḍhuṇḍhi gaṇapatiḥ
akṣamālāṃ kuṭhāraṃ ca ratnapātraṃ svadantakam |
dhatte karairvighnarājo ḍhuṇḍhināmā mude'stu naḥ || 26 ||
27. śrī dvimukha gaṇapatiḥ
svadantapāśāṅkuśaratnapātraṃ
karairdadhāno harinīlagātraḥ |
raktāṃśuko ratnakirīṭamālī
bhūtyai sadā me dvimukho gaṇeśaḥ || 27 ||
28. śrī trimukha gaṇapatiḥ
śrīmattīkṣṇaśikhāṅkuśākṣavaradān dakṣe dadhānaḥ karaiḥ
pāśaṃ cāmṛtapūrṇakumbhamabhayaṃ vāme dadhāno mudā |
pīṭhe svarṇamayāravindavilasatsatkarṇikābhāsure
svāsīnastrimukhaḥ palāśaruciro nāgānanaḥ pātu naḥ || 28 ||
29. śrī siṃha gaṇapatiḥ
vīṇāṃ kalpalatāmariṃ ca varadaṃ dakṣe vidatte karai-
-rvāme tāmarasaṃ ca ratnakalaśaṃ sanmañjarīṃ cābhayam |
śuṇḍādaṇḍalasanmṛgendravadanaḥ śaṅkhendugauraḥ śubho
dīvyadratnanibhāṃśuko gaṇapatiḥ pāyādapāyat sa naḥ || 29 ||
30. śrī yoga gaṇapatiḥ
yogārūḍho yogapaṭṭābhirāmo
bālārkābhaścendranīlāṃśukāḍhyaḥ |
pāśekṣvakṣān yogadaṇḍaṃ dadhāno
pāyānnityaṃ yogavighneśvaro naḥ || 30 ||
31. śrī durgā gaṇapatiḥ
taptakāñcanasaṅkāśaścāṣṭahasto mahattanuḥ
dīptāṅkuśaṃ śaraṃ cākṣaṃ dantu dakṣe vahan karaiḥ |
vāme pāśaṃ kārmukaṃ ca latāṃ jambu dadhatkaraiḥ
raktāṃśukaḥ sadā bhūyāddurgāgaṇapatirmude || 31 ||
32. śrī saṅkaṣṭahara gaṇapatiḥ
bālārkāruṇakāntirvāme bālāṃ vahannaṅke
lasadindīvarahastāṃ gaurāṅgīṃ ratnaśobhāḍhyām |
dakṣe'ṅkuśavaradānaṃ vāme pāśaṃ ca pāyasaṃ pātraṃ
nīlāṃśukalasamānaḥ pīṭhe padmāruṇe tiṣṭhan || 32 ||
saṅkaṭaharaṇaḥ pāyāt saṅkaṭapūgādgajānano nityam |
śrī vallabha gaṇapati
bījāpūra gadekṣukārmukabhujācakrābja pāśotpala
vrīhyagrasvaviṣāṇa ratnakalaśa prodyatkarāmbhoruhaḥ |
dhyeyo vallabhayā ca padmakarayāśliṣṭo jvaladbhūṣayā
viśvotpattivināśasaṃsthitikaro vighno viśiṣṭārthadaḥ ||
śrī siddhidevī
pītavarṇāṃ dvinetrāṃ tāmekavaktrāmbujadvayāṃ
navaratnakirīṭāṃ ca pītāmbarasudhāriṇīm |
vāmahaste mahāpadmaṃ dakṣe lambakarānvitāṃ
jājīcampakamālāṃ ca tribhaṅgīṃ lalitāṅgikām ||
gaṇeśadakṣiṇe bhāge guruḥ siddhiṃ tu bhāvayet ||
śrī buddhidevī
dvihastāṃ ca dvinetrāṃ tāmekavaktrāṃ tribhaṅgikāṃ
muktāmaṇikirīṭāṃ ca dakṣe haste mahotpalam |
vāme pralambahastāṃ ca divyāmbarasudhāriṇīṃ
śyāmavarṇanibhāṃ bhāsvatsarvābharaṇabhūṣitām ||
pārijātotpalāmālyāṃ gaṇeśo vāmapārśvake
dhyātvā buddhiṃ surūpāṃ samarcayeddeśikottamaḥ ||
Sanskrit — Devanagari (original)
1. श्री बाल गणपतिः
करस्थ कदलीचूतपनसेक्षुकमोदकम् ।
बालसूर्यनिभं वन्दे देवं बालगणाधिपम् ॥ 1 ॥
2. श्री तरुण गणपतिः
पाशाङ्कुशापूपकपित्थजम्बू-
-स्वदन्तशालीक्षुमपि स्वहस्तैः ।
धत्ते सदा यस्तरुणारुणाभः
पायात् स युष्मांस्तरुणो गणेशः ॥ 2 ॥
3. श्री भक्त गणपतिः
नारिकेलाम्रकदलीगुडपायसधारिणम् ।
शरच्चन्द्राभवपुषं भजे भक्तगणाधिपम् ॥ 3 ॥
4. श्री वीर गणपतिः
वेतालशक्तिशरकार्मुकचक्रखड्ग-
-खट्वाङ्गमुद्गरगदाङ्कुशनागपाशान् ।
शूलं च कुन्तपरशुं ध्वजमुद्वहन्तं
वीरं गणेशमरुणं सततं स्मरामि ॥ 4 ॥
5. श्री शक्ति गणपतिः
आलिङ्ग्य देवीं हरिताङ्गयष्टिं
परस्पराश्लिष्टकटिप्रदेशम् ।
सन्ध्यारुणं पाशसृणी वहन्तं
भयापहं शक्तिगणेशमीडे ॥ 5 ॥
6. श्री द्विज गणपतिः
यं पुस्तकाक्ष गुणदण्डकमण्डलु श्री-
-विद्योतमानकरभूषणमिन्दुवर्णम् ।
स्तम्बेरमाननचतुष्टयशोभमानं
त्वां यः स्मरेत् द्विजगणाधिपते स धन्यः ॥ 6 ॥
7. श्री सिद्ध गणपतिः
पक्वचूतफलपुष्पमञ्जरी-
-रिक्षुदण्डतिलमोदकैः सह ।
उद्वहन् परशुमस्तु ते नमः
श्रीसमृद्धियुत हेमपिङ्गल ॥ 7 ॥
8. श्री उच्छिष्ट गणपतिः
नीलाब्जदाडिमीवीणाशालीगुञ्जाक्षसूत्रकम् ।
दधदुच्छिष्टनामायं गणेशः पातु मेचकः ॥ 8 ॥
9. श्री विघ्न गणपतिः
शङ्खेक्षुचापकुसुमेषुकुठारपाश-
-चक्रस्वदन्तसृणिमञ्जरिकाशराद्यैः ।
पाणिश्रितैः परिसमीहितभूषणश्री-
-विघ्नेश्वरो विजयते तपनीयगौरः ॥ 9 ॥
10. श्री क्षिप्र गणपतिः
दन्तकल्पलतापाशरत्नकुम्भाङ्कुशोज्ज्वलम् ।
बन्धूककमनीयाभं ध्यायेत् क्षिप्रगणाधिपम् ॥ 10 ॥
11. श्री हेरम्ब गणपतिः
अभयवरदहस्तः पाशदन्ताक्षमाला-
-सृणिपरशु दधानो मुद्गरं मोदकं च ।
फलमधिगतसिंहः पञ्चमातङ्गवक्त्रो
गणपतिरतिगौरः पातु हेरम्बनामा ॥ 11 ॥
12. श्री लक्ष्मी गणपतिः
बिभ्राणः शुकबीजपूरकमिलन्माणिक्यकुम्भाकुशान्
पाशं कल्पलतां च खड्गविलसज्ज्योतिः सुधानिर्झरः ।
श्यामेनात्तसरोरुहेण सहितं देवीद्वयं चान्तिके
गौराङ्गो वरदानहस्तसहितो लक्ष्मीगणेशोऽवतात् ॥ 12 ॥
13. श्री महा गणपतिः
हस्तीन्द्राननमिन्दुचूडमरुणच्छायं त्रिनेत्रं रसा-
-दाश्लिष्टं प्रियया सपद्मकरया स्वाङ्कस्थया सन्ततम् ।
बीजापूरगदेक्षुकार्मुकलसच्चक्राब्जपाशोत्पल-
-व्रीह्यग्रस्वविषाणरत्नकलशान् हस्तैर्वहन्तं भजे ॥ 13 ॥
14. श्री विजय गणपतिः
पाशाङ्कुशस्वदन्ताम्रफलवानाखुवाहनः ।
विघ्नं निहन्तु नः सर्वं रक्तवर्णो विनायकः ॥ 14 ॥
15. श्री नृत्त गणपतिः
पाशाङ्कुशापूपकुठारदन्त-
-चञ्चत्कराक्लुप्तवराङ्गुलीकम् ।
पीतप्रभं कल्पतरोरधस्थं
भजामि नृत्तोपपदं गणेशम् ॥ 15 ॥
16. श्री ऊर्ध्व गणपतिः
कल्हारशालिकमलेक्षुकचापबाण-
-दन्तप्ररोहकगदी कनकोज्ज्वलाङ्गः ।
आलिङ्गनोद्यतकरो हरिताङ्गयष्ट्या
देव्या करोतु शुभमूर्ध्वगणाधिपो मे ॥ 16 ॥
17. श्री एकाक्षर गणपतिः
रक्तो रक्ताङ्गरागाङ्कुशकुसुमयुतस्तुन्दिलश्चन्द्रमौलिः
नेत्रैर्युक्तस्त्रिभिर्वामनकरचरणो बीजपूरं दधानः ।
हस्ताग्राक्लुप्त पाशाङ्कुशरदवरदो नागवक्त्रोऽहिभूषो
देवः पद्मासनस्थो भवतु सुखकरो भूतये विघ्नराजः ॥ 17 ॥
18. श्री वर गणपतिः
सिन्दूराभमिभाननं त्रिनयनं हस्ते च पाशाङ्कुशौ
बिभ्राणं मधुमत्कपालमनिशं साध्विन्दुमौलिं भजे ।
पुष्ट्याश्लिष्टतनुं ध्वजाग्रकरया पद्मोल्लसद्धस्तया
तद्योन्याहित पाणिमात्तवसुमत्पात्रोल्लसत्पुष्करम् ॥ 18 ॥
19. श्री त्र्यक्षर गणपतिः
गजेन्द्रवदनं साक्षाच्चलत्कर्णसुचामरं
हेमवर्णं चतुर्बाहुं पाशाङ्कुशधरं वरम् ।
स्वदन्तं दक्षिणे हस्ते सव्ये त्वाम्रपलं तथा
पुष्करैर्मोदकं चैव धारयन्तमनुस्मरेत् ॥ 19 ॥
20. श्री क्षिप्रप्रसाद गणपतिः
धृतपाशाङ्कुशकल्पलता स्वरदश्च बीजपूरयुतः
शशिशकलकलितमौलिस्त्रिलोचनोऽरुणश्च गजवदनः ।
भासुरभूषणदीप्तो बृहदुदरः पद्मविष्टरोल्लसितः
विघ्नपयोधरपवनः करधृतकमलः सदास्तु मे भूत्यै ॥ 20 ॥
21. श्री हरिद्रा गणपतिः
हरिद्राभं चतुर्बाहुं करीन्द्रवदनं प्रभुम् ।
पाशाङ्कुशधरं देवं मोदकं दन्तमेव च ।
भक्ताभयप्रदातारं वन्दे विघ्नविनाशनम् ॥ 21 ॥
22. श्री एकदन्त गणपतिः
लम्बोदरं श्यामतनुं गणेशं
कुठारमक्षस्रजमूर्ध्वगात्रम् ।
सलड्डुकं दन्तमधः कराभ्यां
वामेतराभ्यां च दधानमीडे ॥ 22 ॥
23. श्री सृष्टि गणपतिः
पाशाङ्कुशस्वदन्ताम्रफलवानाखुवाहनः ।
विघ्नं निहन्तु नः शोणः सृष्टिदक्षो विनायकः ॥ 23 ॥
24. श्री उद्दण्ड गणपतिः
कल्हाराम्बुजबीजपूरकगदादन्तेक्षुचापं सुमं
बिभ्राणो मणिकुम्भशालिकलशौ पाशं सृणिं चाब्जकम् ।
गौराङ्ग्या रुचिरारविन्दकरया देव्या समालिङ्गतः
शोणाङ्गः शुभमातनोतु भजतामुद्दण्डविघ्नेश्वरः ॥ 24 ॥
25. श्री ऋणमोचक गणपतिः
पाशाङ्कुशौ दन्तजम्बु दधानः स्फाटिकप्रभः ।
रक्तांशुको गणपतिर्मुदे स्यादृणमोचकः ॥ 25 ॥
26. श्री ढुण्ढि गणपतिः
अक्षमालां कुठारं च रत्नपात्रं स्वदन्तकम् ।
धत्ते करैर्विघ्नराजो ढुण्ढिनामा मुदेऽस्तु नः ॥ 26 ॥
27. श्री द्विमुख गणपतिः
स्वदन्तपाशाङ्कुशरत्नपात्रं
करैर्दधानो हरिनीलगात्रः ।
रक्तांशुको रत्नकिरीटमाली
भूत्यै सदा मे द्विमुखो गणेशः ॥ 27 ॥
28. श्री त्रिमुख गणपतिः
श्रीमत्तीक्ष्णशिखाङ्कुशाक्षवरदान् दक्षे दधानः करैः
पाशं चामृतपूर्णकुम्भमभयं वामे दधानो मुदा ।
पीठे स्वर्णमयारविन्दविलसत्सत्कर्णिकाभासुरे
स्वासीनस्त्रिमुखः पलाशरुचिरो नागाननः पातु नः ॥ 28 ॥
29. श्री सिंह गणपतिः
वीणां कल्पलतामरिं च वरदं दक्षे विदत्ते करै-
-र्वामे तामरसं च रत्नकलशं सन्मञ्जरीं चाभयम् ।
शुण्डादण्डलसन्मृगेन्द्रवदनः शङ्खेन्दुगौरः शुभो
दीव्यद्रत्ननिभांशुको गणपतिः पायादपायत् स नः ॥ 29 ॥
30. श्री योग गणपतिः
योगारूढो योगपट्टाभिरामो
बालार्काभश्चेन्द्रनीलांशुकाढ्यः ।
पाशेक्ष्वक्षान् योगदण्डं दधानो
पायान्नित्यं योगविघ्नेश्वरो नः ॥ 30 ॥
31. श्री दुर्गा गणपतिः
तप्तकाञ्चनसङ्काशश्चाष्टहस्तो महत्तनुः
दीप्ताङ्कुशं शरं चाक्षं दन्तु दक्षे वहन् करैः ।
वामे पाशं कार्मुकं च लतां जम्बु दधत्करैः
रक्तांशुकः सदा भूयाद्दुर्गागणपतिर्मुदे ॥ 31 ॥
32. श्री सङ्कष्टहर गणपतिः
बालार्कारुणकान्तिर्वामे बालां वहन्नङ्के
लसदिन्दीवरहस्तां गौराङ्गीं रत्नशोभाढ्याम् ।
दक्षेऽङ्कुशवरदानं वामे पाशं च पायसं पात्रं
नीलांशुकलसमानः पीठे पद्मारुणे तिष्ठन् ॥ 32 ॥
सङ्कटहरणः पायात् सङ्कटपूगाद्गजाननो नित्यम् ।
श्री वल्लभ गणपति
बीजापूर गदेक्षुकार्मुकभुजाचक्राब्ज पाशोत्पल
व्रीह्यग्रस्वविषाण रत्नकलश प्रोद्यत्कराम्भोरुहः ।
ध्येयो वल्लभया च पद्मकरयाश्लिष्टो ज्वलद्भूषया
विश्वोत्पत्तिविनाशसंस्थितिकरो विघ्नो विशिष्टार्थदः ॥
श्री सिद्धिदेवी
पीतवर्णां द्विनेत्रां तामेकवक्त्राम्बुजद्वयां
नवरत्नकिरीटां च पीताम्बरसुधारिणीम् ।
वामहस्ते महापद्मं दक्षे लम्बकरान्वितां
जाजीचम्पकमालां च त्रिभङ्गीं ललिताङ्गिकाम् ॥
गणेशदक्षिणे भागे गुरुः सिद्धिं तु भावयेत् ॥
श्री बुद्धिदेवी
द्विहस्तां च द्विनेत्रां तामेकवक्त्रां त्रिभङ्गिकां
मुक्तामणिकिरीटां च दक्षे हस्ते महोत्पलम् ।
वामे प्रलम्बहस्तां च दिव्याम्बरसुधारिणीं
श्यामवर्णनिभां भास्वत्सर्वाभरणभूषिताम् ॥
पारिजातोत्पलामाल्यां गणेशो वामपार्श्वके
ध्यात्वा बुद्धिं सुरूपां समर्चयेद्देशिकोत्तमः ॥
1. śrī bāla gaṇapatiḥ
karastha kadalīcūtapanasekṣukamodakam |
bālasūryanibhaṃ vande devaṃ bālagaṇādhipam || 1 ||
2. śrī taruṇa gaṇapatiḥ
pāśāṅkuśāpūpakapitthajambū-
-svadantaśālīkṣumapi svahastaiḥ |
dhatte sadā yastaruṇāruṇābhaḥ
pāyāt sa yuṣmāṃstaruṇo gaṇeśaḥ || 2 ||
3. śrī bhakta gaṇapatiḥ
nārikelāmrakadalīguḍapāyasadhāriṇam |
śaraccandrābhavapuṣaṃ bhaje bhaktagaṇādhipam || 3 ||
4. śrī vīra gaṇapatiḥ
vetālaśaktiśarakārmukacakrakhaḍga-
-khaṭvāṅgamudgaragadāṅkuśanāgapāśān |
śūlaṃ ca kuntaparaśuṃ dhvajamudvahantaṃ
vīraṃ gaṇeśamaruṇaṃ satataṃ smarāmi || 4 ||
5. śrī śakti gaṇapatiḥ
āliṅgya devīṃ haritāṅgayaṣṭiṃ
parasparāśliṣṭakaṭipradeśam |
sandhyāruṇaṃ pāśasṛṇī vahantaṃ
bhayāpahaṃ śaktigaṇeśamīḍe || 5 ||
6. śrī dvija gaṇapatiḥ
yaṃ pustakākṣa guṇadaṇḍakamaṇḍalu śrī-
-vidyotamānakarabhūṣaṇaminduvarṇam |
stamberamānanacatuṣṭayaśobhamānaṃ
tvāṃ yaḥ smaret dvijagaṇādhipate sa dhanyaḥ || 6 ||
7. śrī siddha gaṇapatiḥ
pakvacūtaphalapuṣpamañjarī-
-rikṣudaṇḍatilamodakaiḥ saha |
udvahan paraśumastu te namaḥ
śrīsamṛddhiyuta hemapiṅgala || 7 ||
8. śrī ucchiṣṭa gaṇapatiḥ
nīlābjadāḍimīvīṇāśālīguñjākṣasūtrakam |
dadhaducchiṣṭanāmāyaṃ gaṇeśaḥ pātu mecakaḥ || 8 ||
9. śrī vighna gaṇapatiḥ
śaṅkhekṣucāpakusumeṣukuṭhārapāśa-
-cakrasvadantasṛṇimañjarikāśarādyaiḥ |
pāṇiśritaiḥ parisamīhitabhūṣaṇaśrī-
-vighneśvaro vijayate tapanīyagauraḥ || 9 ||
10. śrī kṣipra gaṇapatiḥ
dantakalpalatāpāśaratnakumbhāṅkuśojjvalam |
bandhūkakamanīyābhaṃ dhyāyet kṣipragaṇādhipam || 10 ||
11. śrī heramba gaṇapatiḥ
abhayavaradahastaḥ pāśadantākṣamālā-
-sṛṇiparaśu dadhāno mudgaraṃ modakaṃ ca |
phalamadhigatasiṃhaḥ pañcamātaṅgavaktro
gaṇapatiratigauraḥ pātu herambanāmā || 11 ||
12. śrī lakṣmī gaṇapatiḥ
bibhrāṇaḥ śukabījapūrakamilanmāṇikyakumbhākuśān
pāśaṃ kalpalatāṃ ca khaḍgavilasajjyotiḥ sudhānirjharaḥ |
śyāmenāttasaroruheṇa sahitaṃ devīdvayaṃ cāntike
gaurāṅgo varadānahastasahito lakṣmīgaṇeśo'vatāt || 12 ||
13. śrī mahā gaṇapatiḥ
hastīndrānanaminducūḍamaruṇacchāyaṃ trinetraṃ rasā-
-dāśliṣṭaṃ priyayā sapadmakarayā svāṅkasthayā santatam |
bījāpūragadekṣukārmukalasaccakrābjapāśotpala-
-vrīhyagrasvaviṣāṇaratnakalaśān hastairvahantaṃ bhaje || 13 ||
14. śrī vijaya gaṇapatiḥ
pāśāṅkuśasvadantāmraphalavānākhuvāhanaḥ |
vighnaṃ nihantu naḥ sarvaṃ raktavarṇo vināyakaḥ || 14 ||
15. śrī nṛtta gaṇapatiḥ
pāśāṅkuśāpūpakuṭhāradanta-
-cañcatkarākluptavarāṅgulīkam |
pītaprabhaṃ kalpataroradhasthaṃ
bhajāmi nṛttopapadaṃ gaṇeśam || 15 ||
16. śrī ūrdhva gaṇapatiḥ
kalhāraśālikamalekṣukacāpabāṇa-
-dantaprarohakagadī kanakojjvalāṅgaḥ |
āliṅganodyatakaro haritāṅgayaṣṭyā
devyā karotu śubhamūrdhvagaṇādhipo me || 16 ||
17. śrī ekākṣara gaṇapatiḥ
rakto raktāṅgarāgāṅkuśakusumayutastundilaścandramauliḥ
netrairyuktastribhirvāmanakaracaraṇo bījapūraṃ dadhānaḥ |
hastāgrāklupta pāśāṅkuśaradavarado nāgavaktro'hibhūṣo
devaḥ padmāsanastho bhavatu sukhakaro bhūtaye vighnarājaḥ || 17 ||
18. śrī vara gaṇapatiḥ
sindūrābhamibhānanaṃ trinayanaṃ haste ca pāśāṅkuśau
bibhrāṇaṃ madhumatkapālamaniśaṃ sādhvindumauliṃ bhaje |
puṣṭyāśliṣṭatanuṃ dhvajāgrakarayā padmollasaddhastayā
tadyonyāhita pāṇimāttavasumatpātrollasatpuṣkaram || 18 ||
19. śrī tryakṣara gaṇapatiḥ
gajendravadanaṃ sākṣāccalatkarṇasucāmaraṃ
hemavarṇaṃ caturbāhuṃ pāśāṅkuśadharaṃ varam |
svadantaṃ dakṣiṇe haste savye tvāmrapalaṃ tathā
puṣkarairmodakaṃ caiva dhārayantamanusmaret || 19 ||
20. śrī kṣipraprasāda gaṇapatiḥ
dhṛtapāśāṅkuśakalpalatā svaradaśca bījapūrayutaḥ
śaśiśakalakalitamaulistrilocano'ruṇaśca gajavadanaḥ |
bhāsurabhūṣaṇadīpto bṛhadudaraḥ padmaviṣṭarollasitaḥ
vighnapayodharapavanaḥ karadhṛtakamalaḥ sadāstu me bhūtyai || 20 ||
21. śrī haridrā gaṇapatiḥ
haridrābhaṃ caturbāhuṃ karīndravadanaṃ prabhum |
pāśāṅkuśadharaṃ devaṃ modakaṃ dantameva ca |
bhaktābhayapradātāraṃ vande vighnavināśanam || 21 ||
22. śrī ekadanta gaṇapatiḥ
lambodaraṃ śyāmatanuṃ gaṇeśaṃ
kuṭhāramakṣasrajamūrdhvagātram |
salaḍḍukaṃ dantamadhaḥ karābhyāṃ
vāmetarābhyāṃ ca dadhānamīḍe || 22 ||
23. śrī sṛṣṭi gaṇapatiḥ
pāśāṅkuśasvadantāmraphalavānākhuvāhanaḥ |
vighnaṃ nihantu naḥ śoṇaḥ sṛṣṭidakṣo vināyakaḥ || 23 ||
24. śrī uddaṇḍa gaṇapatiḥ
kalhārāmbujabījapūrakagadādantekṣucāpaṃ sumaṃ
bibhrāṇo maṇikumbhaśālikalaśau pāśaṃ sṛṇiṃ cābjakam |
gaurāṅgyā rucirāravindakarayā devyā samāliṅgataḥ
śoṇāṅgaḥ śubhamātanotu bhajatāmuddaṇḍavighneśvaraḥ || 24 ||
25. śrī ṛṇamocaka gaṇapatiḥ
pāśāṅkuśau dantajambu dadhānaḥ sphāṭikaprabhaḥ |
raktāṃśuko gaṇapatirmude syādṛṇamocakaḥ || 25 ||
26. śrī ḍhuṇḍhi gaṇapatiḥ
akṣamālāṃ kuṭhāraṃ ca ratnapātraṃ svadantakam |
dhatte karairvighnarājo ḍhuṇḍhināmā mude'stu naḥ || 26 ||
27. śrī dvimukha gaṇapatiḥ
svadantapāśāṅkuśaratnapātraṃ
karairdadhāno harinīlagātraḥ |
raktāṃśuko ratnakirīṭamālī
bhūtyai sadā me dvimukho gaṇeśaḥ || 27 ||
28. śrī trimukha gaṇapatiḥ
śrīmattīkṣṇaśikhāṅkuśākṣavaradān dakṣe dadhānaḥ karaiḥ
pāśaṃ cāmṛtapūrṇakumbhamabhayaṃ vāme dadhāno mudā |
pīṭhe svarṇamayāravindavilasatsatkarṇikābhāsure
svāsīnastrimukhaḥ palāśaruciro nāgānanaḥ pātu naḥ || 28 ||
29. śrī siṃha gaṇapatiḥ
vīṇāṃ kalpalatāmariṃ ca varadaṃ dakṣe vidatte karai-
-rvāme tāmarasaṃ ca ratnakalaśaṃ sanmañjarīṃ cābhayam |
śuṇḍādaṇḍalasanmṛgendravadanaḥ śaṅkhendugauraḥ śubho
dīvyadratnanibhāṃśuko gaṇapatiḥ pāyādapāyat sa naḥ || 29 ||
30. śrī yoga gaṇapatiḥ
yogārūḍho yogapaṭṭābhirāmo
bālārkābhaścendranīlāṃśukāḍhyaḥ |
pāśekṣvakṣān yogadaṇḍaṃ dadhāno
pāyānnityaṃ yogavighneśvaro naḥ || 30 ||
31. śrī durgā gaṇapatiḥ
taptakāñcanasaṅkāśaścāṣṭahasto mahattanuḥ
dīptāṅkuśaṃ śaraṃ cākṣaṃ dantu dakṣe vahan karaiḥ |
vāme pāśaṃ kārmukaṃ ca latāṃ jambu dadhatkaraiḥ
raktāṃśukaḥ sadā bhūyāddurgāgaṇapatirmude || 31 ||
32. śrī saṅkaṣṭahara gaṇapatiḥ
bālārkāruṇakāntirvāme bālāṃ vahannaṅke
lasadindīvarahastāṃ gaurāṅgīṃ ratnaśobhāḍhyām |
dakṣe'ṅkuśavaradānaṃ vāme pāśaṃ ca pāyasaṃ pātraṃ
nīlāṃśukalasamānaḥ pīṭhe padmāruṇe tiṣṭhan || 32 ||
saṅkaṭaharaṇaḥ pāyāt saṅkaṭapūgādgajānano nityam |
śrī vallabha gaṇapati
bījāpūra gadekṣukārmukabhujācakrābja pāśotpala
vrīhyagrasvaviṣāṇa ratnakalaśa prodyatkarāmbhoruhaḥ |
dhyeyo vallabhayā ca padmakarayāśliṣṭo jvaladbhūṣayā
viśvotpattivināśasaṃsthitikaro vighno viśiṣṭārthadaḥ ||
śrī siddhidevī
pītavarṇāṃ dvinetrāṃ tāmekavaktrāmbujadvayāṃ
navaratnakirīṭāṃ ca pītāmbarasudhāriṇīm |
vāmahaste mahāpadmaṃ dakṣe lambakarānvitāṃ
jājīcampakamālāṃ ca tribhaṅgīṃ lalitāṅgikām ||
gaṇeśadakṣiṇe bhāge guruḥ siddhiṃ tu bhāvayet ||
śrī buddhidevī
dvihastāṃ ca dvinetrāṃ tāmekavaktrāṃ tribhaṅgikāṃ
muktāmaṇikirīṭāṃ ca dakṣe haste mahotpalam |
vāme pralambahastāṃ ca divyāmbarasudhāriṇīṃ
śyāmavarṇanibhāṃ bhāsvatsarvābharaṇabhūṣitām ||
pārijātotpalāmālyāṃ gaṇeśo vāmapārśvake
dhyātvā buddhiṃ surūpāṃ samarcayeddeśikottamaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.