විරාටනගරං රම්යං ගච්ඡමානෝ යුධිෂ්ඨිරඃ .
අස්තුවන්මනසා දේවීං දුර්ගාං ත්රිභුවනේශ්වරීම් .. 1 ..
යශෝදාගර්භසම්භූතාං නාරායණවරප්රියාම් .
නන්දගෝපකුලේ ජාතාං මඞ්ගල්යාං කුලවර්ධිනීම් .. 2 ..
කංසවිද්රාවණකරීමසුරාණාං ක්ෂයඞ්කරීම් .
ශිලාතටවිනික්ෂිප්තාමාකාශං ප්රති ගාමිනීම් .. 3 ..
වාසුදේවස්ය භගිනීං දිව්යමාල්යවිභූෂිතාම් .
දිව්යාම්බරධරාං දේවීං ඛඩ්ගඛේටකධාරිණීම් .. 4 ..
භාරාවතරණේ පුණ්යේ යේ ස්මරන්ති සදාශිවාම් .
තාන් වෛ තාරයතේ පාපාත් පඞ්කේ ගාමිව දුර්බලාම් .. 5 ..
ස්තෝතුං ප්රචක්රමේ භූයෝ විවිධෛඃ ස්තෝත්රසම්භවෛඃ .
ආමන්ත්ර්ය දර්ශනාකාඞ්ක්ෂී රාජා දේවීං සහානුජඃ .. 6 ..
නමෝ(අ)ස්තු වරදේ කෘෂ්ණේ කුමාරි බ්රහ්මචාරිණි .
බාලාර්කසදෘශාකාරේ පූර්ණචන්ද්රනිභානනේ .. 7 ..
චතුර්භුජේ චතුර්වක්ත්රේ පීනශ්රෝණිපයෝධරේ .
මයූරපිච්ඡවලයේ කේයූරාඞ්ගදධාරිණි .. 8 ..
භාසි දේවි යථා පද්මා නාරායණපරිග්රහඃ .
ස්වරූපං බ්රහ්මචර්යං ච විශදං තව ඛේචරි .. 9 ..
කෘෂ්ණච්ඡවිසමා කෘෂ්ණා සඞ්කර්ෂණසමානනා .
බිභ්රතී විපුලෞ බාහූ ශක්රධ්වජසමුච්ඡ්රයෞ .. 10 ..
පාත්රී ච පඞ්කජී ඝණ්ටී ස්ත්රීවිශුද්ධා ච යා භුවි .
පාශං ධනුර්මහාචක්රං විවිධාන්යායුධානි ච .. 11 ..
කුණ්ඩලාභ්යාං සුපූර්ණාභ්යාං කර්ණාභ්යාං ච විභූෂිතා .
චන්ද්රවිස්පර්ධිනා දේවි මුඛේන ත්වං විරාජසේ .. 12 ..
මුකුටේන විචිත්රේණ කේශබන්ධේන ශෝභිනා .
භුජඞ්ගාභෝගවාසේන ශ්රෝණිසූත්රේණ රාජතා .. 13 ..
විභ්රාජසේ චාබද්ධේන භෝගේනේවේහ මන්දරඃ .
ධ්වජේන ශිඛිපිච්ඡානාමුච්ඡ්රිතේන විරාජසේ .. 14 ..
කෞමාරං ව්රතමාස්ථාය ත්රිදිවං පාවිතං ත්වයා .
තේන ත්වං ස්තූයසේ දේවි ත්රිදශෛඃ පූජ්යසේ(අ)පි ච .. 15 ..
ත්රෛලෝක්යරක්ෂණාර්ථාය මහිෂාසුරනාශිනි .
ප්රසන්නා මේ සුරශ්රේෂ්ඨේ දයාං කුරු ශිවා භව .. 16 ..
ජයා ත්වං විජයා චෛව සඞ්ග්රාමේ ච ජයප්රදා .
මමාපි විජයං දේහි වරදා ත්වං ච සාම්ප්රතම් .. 17 ..
වින්ධ්යේ චෛව නගශ්රේෂ්ඨේ තව ස්ථානං හි ශාශ්වතම් .
කාලි කාලි මහාකාලි ශීධුමාංසපශුප්රියේ .. 18 ..
කෘතානුයාත්රා භූතෛස්ත්වං වරදා කාමචාරිණී .
භාරාවතාරේ යේ ච ත්වාං සංස්මරිෂ්යන්ති මානවාඃ .. 19 ..
ප්රණමන්ති ච යේ ත්වාං හි ප්රභාතේ තු නරා භුවි .
න තේෂාං දුර්ලභං කිඤ්චිත් පුත්රතෝ ධනතෝ(අ)පි වා .. 20 ..
දුර්ගාත් තාරයසේ දුර්ගේ තත් ත්වං දුර්ගා ස්මෘතා ජනෛඃ .
කාන්තාරේෂ්වවසන්නානාං මග්නානාං ච මහාර්ණවේ .
දස්යුභිර්වා නිරුද්ධානාං ත්වං ගතිඃ පරමා නෘණාම් .. 21 ..
ජලප්රතරණේ චෛව කාන්තාරේෂ්වටවීෂු ච .
යේ ස්මරන්ති මහාදේවි න ච සීදන්ති තේ නරාඃ .. 22 ..
ත්වං කීර්තිඃ ශ්රීර්ධෘතිඃ සිද්ධිර්හ්රීර්විද්යා සන්තතිර්මතිඃ .
සන්ධ්යා රාත්රිඃ ප්රභා නිද්රා ජ්යෝත්ස්නා කාන්තිඃ ක්ෂමා දයා .. 23 ..
නෘණාං ච බන්ධනං මෝහං පුත්රනාශං ධනක්ෂයම් .
ව්යාධිං මෘත්යුං භයං චෛව පූජිතා නාශයිෂ්යසි .. 24 ..
සෝ(අ)හං රාජ්යාත්පරිභ්රෂ්ටඃ ශරණං ත්වාං ප්රපන්නවාන් .
ප්රණතශ්ච යථා මූර්ධ්නා තව දේවි සුරේශ්වරි .. 25 ..
ත්රාහි මාං පද්මපත්රාක්ෂි සත්යේ සත්යා භවස්ව නඃ .
ශරණං භව මේ දුර්ගේ ශරණ්යේ භක්තවත්සලේ .. 26 ..
ඒවං ස්තුතා හි සා දේවී දර්ශයාමාස පාණ්ඩවම් .
උපගම්ය තු රාජානාමිදං වචනමබ්රවීත් .. 27 ..
දේව්යුවාච .
ශෘණු රාජන් මහාබාහෝ මදීයං වචනං ප්රභෝ .
භවිෂ්යත්යචිරාදේව සඞ්ග්රාමේ විජයස්තව .. 28 ..
මම ප්රසාදාන්නිර්ජිත්ය හත්වා කෞරවවාහිනීම් .
රාජ්යං නිෂ්කණ්ටකං කෘත්වා භෝක්ෂ්යසේ මේදිනීං පුනඃ .. 29 ..
භාත්රෘභිඃ සහිතෝ රාජන් ප්රීතිං ප්රාප්ස්යසි පුෂ්කලාම් .
මත්ප්රසාදාච්ච තේ සෞඛ්යමාරෝග්යං ච භවිෂ්යති .. 30 ..
යේ ච සඞ්කීර්තයිෂ්යන්ති ලෝකේ විගතකල්මෂාඃ .
තේෂාං තුෂ්ටා ප්රදාස්යාමි රාජ්යමායුර්වපුඃ සුතම් .. 31 ..
ප්රවාසේ නගරේ චාපි සඞ්ග්රාමේ ශත්රුසඞ්කටේ .
අටව්යාං දුර්ගකාන්තාරේ සාගරේ ගහනේ ගිරෞ .. 32 ..
යේ ස්මරිෂ්යන්ති මාං රාජන් යථා(අ)හං භවතා ස්මෘතා .
න තේෂාං දුර්ලභං කිඤ්චිදස්මිල්ලෝකේ භවිෂ්යති .. 33 ..
ඉදං ස්තෝත්රවරං භක්ත්යා ශෘණුයාද්වා පඨේත වා .
තස්ය සර්වාණි කාර්යාණි සිද්ධිං යාස්යන්ති පාණ්ඩවාඃ .. 34 ..
මත්ප්රසාදාච්ච වඃ සර්වාන්විරාටනගරේ ස්ථිතාන් .
න ප්රජ්ඤාස්යන්ති කුරවෝ නරා වා තන්නිවාසිනඃ .. 35 ..
ඉත්යුක්ත්වා වරදා දේවී යුධිෂ්ඨිරමරින්දමම් .
රක්ෂාං කෘත්වා ච පාණ්ඩූනාං තත්රෛවාන්තරධීයත .. 36 ..
ඉති ශ්රීමන්මහාභාරතේ විරාටපර්වණි අෂ්ටමෝ(අ)ධ්යායේ යුධිෂ්ඨිර කෘත ශ්රී දුර්ගා ස්තෝත්රම් .
Roman (IAST) Transliteration
virāṭanagaraṃ ramyaṃ gacchamāno yudhiṣṭhiraḥ |
astuvanmanasā devīṃ durgāṃ tribhuvaneśvarīm || 1 ||
yaśodāgarbhasambhūtāṃ nārāyaṇavarapriyām |
nandagopakule jātāṃ maṅgalyāṃ kulavardhinīm || 2 ||
kaṃsavidrāvaṇakarīmasurāṇāṃ kṣayaṅkarīm |
śilātaṭavinikṣiptāmākāśaṃ prati gāminīm || 3 ||
vāsudevasya bhaginīṃ divyamālyavibhūṣitām |
divyāmbaradharāṃ devīṃ khaḍgakheṭakadhāriṇīm || 4 ||
bhārāvataraṇe puṇye ye smaranti sadāśivām |
tān vai tārayate pāpāt paṅke gāmiva durbalām || 5 ||
stotuṃ pracakrame bhūyo vividhaiḥ stotrasambhavaiḥ |
āmantrya darśanākāṅkṣī rājā devīṃ sahānujaḥ || 6 ||
namo'stu varade kṛṣṇe kumāri brahmacāriṇi |
bālārkasadṛśākāre pūrṇacandranibhānane || 7 ||
caturbhuje caturvaktre pīnaśroṇipayodhare |
mayūrapicchavalaye keyūrāṅgadadhāriṇi || 8 ||
bhāsi devi yathā padmā nārāyaṇaparigrahaḥ |
svarūpaṃ brahmacaryaṃ ca viśadaṃ tava khecari || 9 ||
kṛṣṇacchavisamā kṛṣṇā saṅkarṣaṇasamānanā |
bibhratī vipulau bāhū śakradhvajasamucchrayau || 10 ||
pātrī ca paṅkajī ghaṇṭī strīviśuddhā ca yā bhuvi |
pāśaṃ dhanurmahācakraṃ vividhānyāyudhāni ca || 11 ||
kuṇḍalābhyāṃ supūrṇābhyāṃ karṇābhyāṃ ca vibhūṣitā |
candravispardhinā devi mukhena tvaṃ virājase || 12 ||
mukuṭena vicitreṇa keśabandhena śobhinā |
bhujaṅgābhogavāsena śroṇisūtreṇa rājatā || 13 ||
vibhrājase cābaddhena bhogeneveha mandaraḥ |
dhvajena śikhipicchānāmucchritena virājase || 14 ||
kaumāraṃ vratamāsthāya tridivaṃ pāvitaṃ tvayā |
tena tvaṃ stūyase devi tridaśaiḥ pūjyase'pi ca || 15 ||
trailokyarakṣaṇārthāya mahiṣāsuranāśini |
prasannā me suraśreṣṭhe dayāṃ kuru śivā bhava || 16 ||
jayā tvaṃ vijayā caiva saṅgrāme ca jayapradā |
mamāpi vijayaṃ dehi varadā tvaṃ ca sāmpratam || 17 ||
vindhye caiva nagaśreṣṭhe tava sthānaṃ hi śāśvatam |
kāli kāli mahākāli śīdhumāṃsapaśupriye || 18 ||
kṛtānuyātrā bhūtaistvaṃ varadā kāmacāriṇī |
bhārāvatāre ye ca tvāṃ saṃsmariṣyanti mānavāḥ || 19 ||
praṇamanti ca ye tvāṃ hi prabhāte tu narā bhuvi |
na teṣāṃ durlabhaṃ kiñcit putrato dhanato'pi vā || 20 ||
durgāt tārayase durge tat tvaṃ durgā smṛtā janaiḥ |
kāntāreṣvavasannānāṃ magnānāṃ ca mahārṇave |
dasyubhirvā niruddhānāṃ tvaṃ gatiḥ paramā nṛṇām || 21 ||
jalaprataraṇe caiva kāntāreṣvaṭavīṣu ca |
ye smaranti mahādevi na ca sīdanti te narāḥ || 22 ||
tvaṃ kīrtiḥ śrīrdhṛtiḥ siddhirhrīrvidyā santatirmatiḥ |
sandhyā rātriḥ prabhā nidrā jyotsnā kāntiḥ kṣamā dayā || 23 ||
nṛṇāṃ ca bandhanaṃ mohaṃ putranāśaṃ dhanakṣayam |
vyādhiṃ mṛtyuṃ bhayaṃ caiva pūjitā nāśayiṣyasi || 24 ||
so'haṃ rājyātparibhraṣṭaḥ śaraṇaṃ tvāṃ prapannavān |
praṇataśca yathā mūrdhnā tava devi sureśvari || 25 ||
trāhi māṃ padmapatrākṣi satye satyā bhavasva naḥ |
śaraṇaṃ bhava me durge śaraṇye bhaktavatsale || 26 ||
evaṃ stutā hi sā devī darśayāmāsa pāṇḍavam |
upagamya tu rājānāmidaṃ vacanamabravīt || 27 ||
devyuvāca |
śṛṇu rājan mahābāho madīyaṃ vacanaṃ prabho |
bhaviṣyatyacirādeva saṅgrāme vijayastava || 28 ||
mama prasādānnirjitya hatvā kauravavāhinīm |
rājyaṃ niṣkaṇṭakaṃ kṛtvā bhokṣyase medinīṃ punaḥ || 29 ||
bhātrṛbhiḥ sahito rājan prītiṃ prāpsyasi puṣkalām |
matprasādācca te saukhyamārogyaṃ ca bhaviṣyati || 30 ||
ye ca saṅkīrtayiṣyanti loke vigatakalmaṣāḥ |
teṣāṃ tuṣṭā pradāsyāmi rājyamāyurvapuḥ sutam || 31 ||
pravāse nagare cāpi saṅgrāme śatrusaṅkaṭe |
aṭavyāṃ durgakāntāre sāgare gahane girau || 32 ||
ye smariṣyanti māṃ rājan yathā'haṃ bhavatā smṛtā |
na teṣāṃ durlabhaṃ kiñcidasmilloke bhaviṣyati || 33 ||
idaṃ stotravaraṃ bhaktyā śṛṇuyādvā paṭheta vā |
tasya sarvāṇi kāryāṇi siddhiṃ yāsyanti pāṇḍavāḥ || 34 ||
matprasādācca vaḥ sarvānvirāṭanagare sthitān |
na prajñāsyanti kuravo narā vā tannivāsinaḥ || 35 ||
ityuktvā varadā devī yudhiṣṭhiramarindamam |
rakṣāṃ kṛtvā ca pāṇḍūnāṃ tatraivāntaradhīyata || 36 ||
iti śrīmanmahābhārate virāṭaparvaṇi aṣṭamo'dhyāye yudhiṣṭhira kṛta śrī durgā stotram |
Sanskrit — Devanagari (original)
विराटनगरं रम्यं गच्छमानो युधिष्ठिरः ।
अस्तुवन्मनसा देवीं दुर्गां त्रिभुवनेश्वरीम् ॥ 1 ॥
यशोदागर्भसम्भूतां नारायणवरप्रियाम् ।
नन्दगोपकुले जातां मङ्गल्यां कुलवर्धिनीम् ॥ 2 ॥
कंसविद्रावणकरीमसुराणां क्षयङ्करीम् ।
शिलातटविनिक्षिप्तामाकाशं प्रति गामिनीम् ॥ 3 ॥
वासुदेवस्य भगिनीं दिव्यमाल्यविभूषिताम् ।
दिव्याम्बरधरां देवीं खड्गखेटकधारिणीम् ॥ 4 ॥
भारावतरणे पुण्ये ये स्मरन्ति सदाशिवाम् ।
तान् वै तारयते पापात् पङ्के गामिव दुर्बलाम् ॥ 5 ॥
स्तोतुं प्रचक्रमे भूयो विविधैः स्तोत्रसम्भवैः ।
आमन्त्र्य दर्शनाकाङ्क्षी राजा देवीं सहानुजः ॥ 6 ॥
नमोऽस्तु वरदे कृष्णे कुमारि ब्रह्मचारिणि ।
बालार्कसदृशाकारे पूर्णचन्द्रनिभानने ॥ 7 ॥
चतुर्भुजे चतुर्वक्त्रे पीनश्रोणिपयोधरे ।
मयूरपिच्छवलये केयूराङ्गदधारिणि ॥ 8 ॥
भासि देवि यथा पद्मा नारायणपरिग्रहः ।
स्वरूपं ब्रह्मचर्यं च विशदं तव खेचरि ॥ 9 ॥
कृष्णच्छविसमा कृष्णा सङ्कर्षणसमानना ।
बिभ्रती विपुलौ बाहू शक्रध्वजसमुच्छ्रयौ ॥ 10 ॥
पात्री च पङ्कजी घण्टी स्त्रीविशुद्धा च या भुवि ।
पाशं धनुर्महाचक्रं विविधान्यायुधानि च ॥ 11 ॥
कुण्डलाभ्यां सुपूर्णाभ्यां कर्णाभ्यां च विभूषिता ।
चन्द्रविस्पर्धिना देवि मुखेन त्वं विराजसे ॥ 12 ॥
मुकुटेन विचित्रेण केशबन्धेन शोभिना ।
भुजङ्गाभोगवासेन श्रोणिसूत्रेण राजता ॥ 13 ॥
विभ्राजसे चाबद्धेन भोगेनेवेह मन्दरः ।
ध्वजेन शिखिपिच्छानामुच्छ्रितेन विराजसे ॥ 14 ॥
कौमारं व्रतमास्थाय त्रिदिवं पावितं त्वया ।
तेन त्वं स्तूयसे देवि त्रिदशैः पूज्यसेऽपि च ॥ 15 ॥
त्रैलोक्यरक्षणार्थाय महिषासुरनाशिनि ।
प्रसन्ना मे सुरश्रेष्ठे दयां कुरु शिवा भव ॥ 16 ॥
जया त्वं विजया चैव सङ्ग्रामे च जयप्रदा ।
ममापि विजयं देहि वरदा त्वं च साम्प्रतम् ॥ 17 ॥
विन्ध्ये चैव नगश्रेष्ठे तव स्थानं हि शाश्वतम् ।
कालि कालि महाकालि शीधुमांसपशुप्रिये ॥ 18 ॥
कृतानुयात्रा भूतैस्त्वं वरदा कामचारिणी ।
भारावतारे ये च त्वां संस्मरिष्यन्ति मानवाः ॥ 19 ॥
प्रणमन्ति च ये त्वां हि प्रभाते तु नरा भुवि ।
न तेषां दुर्लभं किञ्चित् पुत्रतो धनतोऽपि वा ॥ 20 ॥
दुर्गात् तारयसे दुर्गे तत् त्वं दुर्गा स्मृता जनैः ।
कान्तारेष्ववसन्नानां मग्नानां च महार्णवे ।
दस्युभिर्वा निरुद्धानां त्वं गतिः परमा नृणाम् ॥ 21 ॥
जलप्रतरणे चैव कान्तारेष्वटवीषु च ।
ये स्मरन्ति महादेवि न च सीदन्ति ते नराः ॥ 22 ॥
त्वं कीर्तिः श्रीर्धृतिः सिद्धिर्ह्रीर्विद्या सन्ततिर्मतिः ।
सन्ध्या रात्रिः प्रभा निद्रा ज्योत्स्ना कान्तिः क्षमा दया ॥ 23 ॥
नृणां च बन्धनं मोहं पुत्रनाशं धनक्षयम् ।
व्याधिं मृत्युं भयं चैव पूजिता नाशयिष्यसि ॥ 24 ॥
सोऽहं राज्यात्परिभ्रष्टः शरणं त्वां प्रपन्नवान् ।
प्रणतश्च यथा मूर्ध्ना तव देवि सुरेश्वरि ॥ 25 ॥
त्राहि मां पद्मपत्राक्षि सत्ये सत्या भवस्व नः ।
शरणं भव मे दुर्गे शरण्ये भक्तवत्सले ॥ 26 ॥
एवं स्तुता हि सा देवी दर्शयामास पाण्डवम् ।
उपगम्य तु राजानामिदं वचनमब्रवीत् ॥ 27 ॥
देव्युवाच ।
शृणु राजन् महाबाहो मदीयं वचनं प्रभो ।
भविष्यत्यचिरादेव सङ्ग्रामे विजयस्तव ॥ 28 ॥
मम प्रसादान्निर्जित्य हत्वा कौरववाहिनीम् ।
राज्यं निष्कण्टकं कृत्वा भोक्ष्यसे मेदिनीं पुनः ॥ 29 ॥
भात्रृभिः सहितो राजन् प्रीतिं प्राप्स्यसि पुष्कलाम् ।
मत्प्रसादाच्च ते सौख्यमारोग्यं च भविष्यति ॥ 30 ॥
ये च सङ्कीर्तयिष्यन्ति लोके विगतकल्मषाः ।
तेषां तुष्टा प्रदास्यामि राज्यमायुर्वपुः सुतम् ॥ 31 ॥
प्रवासे नगरे चापि सङ्ग्रामे शत्रुसङ्कटे ।
अटव्यां दुर्गकान्तारे सागरे गहने गिरौ ॥ 32 ॥
ये स्मरिष्यन्ति मां राजन् यथाऽहं भवता स्मृता ।
न तेषां दुर्लभं किञ्चिदस्मिल्लोके भविष्यति ॥ 33 ॥
इदं स्तोत्रवरं भक्त्या शृणुयाद्वा पठेत वा ।
तस्य सर्वाणि कार्याणि सिद्धिं यास्यन्ति पाण्डवाः ॥ 34 ॥
मत्प्रसादाच्च वः सर्वान्विराटनगरे स्थितान् ।
न प्रज्ञास्यन्ति कुरवो नरा वा तन्निवासिनः ॥ 35 ॥
इत्युक्त्वा वरदा देवी युधिष्ठिरमरिन्दमम् ।
रक्षां कृत्वा च पाण्डूनां तत्रैवान्तरधीयत ॥ 36 ॥
इति श्रीमन्महाभारते विराटपर्वणि अष्टमोऽध्याये युधिष्ठिर कृत श्री दुर्गा स्तोत्रम् ।
virāṭanagaraṃ ramyaṃ gacchamāno yudhiṣṭhiraḥ |
astuvanmanasā devīṃ durgāṃ tribhuvaneśvarīm || 1 ||
yaśodāgarbhasambhūtāṃ nārāyaṇavarapriyām |
nandagopakule jātāṃ maṅgalyāṃ kulavardhinīm || 2 ||
kaṃsavidrāvaṇakarīmasurāṇāṃ kṣayaṅkarīm |
śilātaṭavinikṣiptāmākāśaṃ prati gāminīm || 3 ||
vāsudevasya bhaginīṃ divyamālyavibhūṣitām |
divyāmbaradharāṃ devīṃ khaḍgakheṭakadhāriṇīm || 4 ||
bhārāvataraṇe puṇye ye smaranti sadāśivām |
tān vai tārayate pāpāt paṅke gāmiva durbalām || 5 ||
stotuṃ pracakrame bhūyo vividhaiḥ stotrasambhavaiḥ |
āmantrya darśanākāṅkṣī rājā devīṃ sahānujaḥ || 6 ||
namo'stu varade kṛṣṇe kumāri brahmacāriṇi |
bālārkasadṛśākāre pūrṇacandranibhānane || 7 ||
caturbhuje caturvaktre pīnaśroṇipayodhare |
mayūrapicchavalaye keyūrāṅgadadhāriṇi || 8 ||
bhāsi devi yathā padmā nārāyaṇaparigrahaḥ |
svarūpaṃ brahmacaryaṃ ca viśadaṃ tava khecari || 9 ||
kṛṣṇacchavisamā kṛṣṇā saṅkarṣaṇasamānanā |
bibhratī vipulau bāhū śakradhvajasamucchrayau || 10 ||
pātrī ca paṅkajī ghaṇṭī strīviśuddhā ca yā bhuvi |
pāśaṃ dhanurmahācakraṃ vividhānyāyudhāni ca || 11 ||
kuṇḍalābhyāṃ supūrṇābhyāṃ karṇābhyāṃ ca vibhūṣitā |
candravispardhinā devi mukhena tvaṃ virājase || 12 ||
mukuṭena vicitreṇa keśabandhena śobhinā |
bhujaṅgābhogavāsena śroṇisūtreṇa rājatā || 13 ||
vibhrājase cābaddhena bhogeneveha mandaraḥ |
dhvajena śikhipicchānāmucchritena virājase || 14 ||
kaumāraṃ vratamāsthāya tridivaṃ pāvitaṃ tvayā |
tena tvaṃ stūyase devi tridaśaiḥ pūjyase'pi ca || 15 ||
trailokyarakṣaṇārthāya mahiṣāsuranāśini |
prasannā me suraśreṣṭhe dayāṃ kuru śivā bhava || 16 ||
jayā tvaṃ vijayā caiva saṅgrāme ca jayapradā |
mamāpi vijayaṃ dehi varadā tvaṃ ca sāmpratam || 17 ||
vindhye caiva nagaśreṣṭhe tava sthānaṃ hi śāśvatam |
kāli kāli mahākāli śīdhumāṃsapaśupriye || 18 ||
kṛtānuyātrā bhūtaistvaṃ varadā kāmacāriṇī |
bhārāvatāre ye ca tvāṃ saṃsmariṣyanti mānavāḥ || 19 ||
praṇamanti ca ye tvāṃ hi prabhāte tu narā bhuvi |
na teṣāṃ durlabhaṃ kiñcit putrato dhanato'pi vā || 20 ||
durgāt tārayase durge tat tvaṃ durgā smṛtā janaiḥ |
kāntāreṣvavasannānāṃ magnānāṃ ca mahārṇave |
dasyubhirvā niruddhānāṃ tvaṃ gatiḥ paramā nṛṇām || 21 ||
jalaprataraṇe caiva kāntāreṣvaṭavīṣu ca |
ye smaranti mahādevi na ca sīdanti te narāḥ || 22 ||
tvaṃ kīrtiḥ śrīrdhṛtiḥ siddhirhrīrvidyā santatirmatiḥ |
sandhyā rātriḥ prabhā nidrā jyotsnā kāntiḥ kṣamā dayā || 23 ||
nṛṇāṃ ca bandhanaṃ mohaṃ putranāśaṃ dhanakṣayam |
vyādhiṃ mṛtyuṃ bhayaṃ caiva pūjitā nāśayiṣyasi || 24 ||
so'haṃ rājyātparibhraṣṭaḥ śaraṇaṃ tvāṃ prapannavān |
praṇataśca yathā mūrdhnā tava devi sureśvari || 25 ||
trāhi māṃ padmapatrākṣi satye satyā bhavasva naḥ |
śaraṇaṃ bhava me durge śaraṇye bhaktavatsale || 26 ||
evaṃ stutā hi sā devī darśayāmāsa pāṇḍavam |
upagamya tu rājānāmidaṃ vacanamabravīt || 27 ||
devyuvāca |
śṛṇu rājan mahābāho madīyaṃ vacanaṃ prabho |
bhaviṣyatyacirādeva saṅgrāme vijayastava || 28 ||
mama prasādānnirjitya hatvā kauravavāhinīm |
rājyaṃ niṣkaṇṭakaṃ kṛtvā bhokṣyase medinīṃ punaḥ || 29 ||
bhātrṛbhiḥ sahito rājan prītiṃ prāpsyasi puṣkalām |
matprasādācca te saukhyamārogyaṃ ca bhaviṣyati || 30 ||
ye ca saṅkīrtayiṣyanti loke vigatakalmaṣāḥ |
teṣāṃ tuṣṭā pradāsyāmi rājyamāyurvapuḥ sutam || 31 ||
pravāse nagare cāpi saṅgrāme śatrusaṅkaṭe |
aṭavyāṃ durgakāntāre sāgare gahane girau || 32 ||
ye smariṣyanti māṃ rājan yathā'haṃ bhavatā smṛtā |
na teṣāṃ durlabhaṃ kiñcidasmilloke bhaviṣyati || 33 ||
idaṃ stotravaraṃ bhaktyā śṛṇuyādvā paṭheta vā |
tasya sarvāṇi kāryāṇi siddhiṃ yāsyanti pāṇḍavāḥ || 34 ||
matprasādācca vaḥ sarvānvirāṭanagare sthitān |
na prajñāsyanti kuravo narā vā tannivāsinaḥ || 35 ||
ityuktvā varadā devī yudhiṣṭhiramarindamam |
rakṣāṃ kṛtvā ca pāṇḍūnāṃ tatraivāntaradhīyata || 36 ||
iti śrīmanmahābhārate virāṭaparvaṇi aṣṭamo'dhyāye yudhiṣṭhira kṛta śrī durgā stotram |
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.