Shri Bagalamukhi Stotram - 1 — Sinhala Script

ඕං අස්ය ශ්රීබගලාමුඛීස්තෝත්රස්ය

නාරදෘෂිඃ

ශ්රී බගලාමුඛී දේවතා

මම සන්නිහිතානාං විරෝධිනාං වාඞ්මුඛ-පදබුද්ධීනාං ස්තම්භනාර්ථේ ස්තෝත්රපාඨේ විනියෝගඃ

මධ්යේසුධාබ්ධි මණිමණ්ටප රත්නවේදි

සිංහාසනෝපරිගතාං පරිපීතවර්ණාම් .

පීතාම්බරාභරණ මාල්යවිභූෂිතාඞ්ගීං

දේවීං භජාමි ධෘතමුද්ගරවෛරි ජිහ්වාම් .. 1 ..

ජිහ්වාග්රමාදාය කරේණ දේවීං

වාමේන ශත්රූන් පරිපීඩයන්තීම් .

ගදාභිඝාතේන ච දක්ෂිණේන

පීතාම්බරාඪ්යාං ද්විභුජාං භජාමි .. 2 ..

චලත්කනකකුණ්ඩලෝල්ලසිතචාරුගණ්ඩස්ථලාං

ලසත්කනකචම්පක ද්යුතිමදින්දුබිම්බානනාම් .

ගදාහත විපක්ෂකාං කලිතලෝලජිහ්වාඤ්චලාං

ස්මරාමි බගලාමුඛීං විමුඛවාඞ්මනස්ස්තම්භිනීම් .. 3 ..

පීයූෂෝ දධිමධ්යචාරු විලස ද්රක්තෝත්පලේ මණ්ටපේ

සත්සිංහාසන මෞලිපාතිතරිපුං ප්රේතාසනාධ්යාසිනීම් .

ස්වර්ණාභාං කරපීඩිතාරිරසනාං භ්රාම්යද්ගදාං විභ්රමාං

ඉත්ථං ධ්යායති යාන්ති තස්ය විලයං සද්යෝථ සර්වාපදඃ .. 4 ..

දේවිත්ත්වච්චරණාම්බුජාර්චනකෘතේ යඃ පීත පුෂ්පාඤ්ජලීන්

භක්ත්යා වාමකරේ නිධාය ච මනුං මන්ත්රී මනෝජ්ඤාක්ෂරම් .

පීඨධ්යානපරෝ(අ)ථ කුම්භකවශාද්බීජං ස්මරේත්පාර්ථිව-

ස්තස්යාමිත්රමුඛස්ය වාචි හෘදයේ ජාඩ්යං භවේත්තත්‍ක්ෂණාත් .. 5 ..

වාදී මූකති කඞ්කති ක්ෂිතිපතිර්වෛශ්වානරශ්ශීතිති

ක්රෝධීශාම්යති දුර්ජනස්සුජනති ක්ෂිප්රානුගඃ ඛඤ්ජති .

ගර්වී ඛර්වති සර්වවිච්ච ජඩති ත්වද්යන්ත්රණා යන්ත්රිතඃ

ශ්රීනිත්යේ බගලාමුඛි ප්රතිදිනං කල්යාණි තුභ්යං නමඃ .. 6 ..

මන්ත්රස්තාවදයං විපක්ෂදලනේ ස්තෝත්රං පවිත්රං ච තේ

යන්ත්රං වාදිනියන්ත්රණං ත්රිජගතාං ජෛත්රං ච චිත්රං ච තේ .

මාතඃ ශ්රීබගලේති නාම ලලිතං යස්යාස්ති ජන්තෝර්මුඛේ

ත්වන්නාමග්රහණේන සංසදි මුඛ ස්තම්භෝ භවේද්වාදිනාම් .. 7 ..

දුෂ්ටස්තම්භනමුග්රවිඝ්නශමනං දාරිද්ර්යවිද්රාවණං

භූභෘද්භීශමනං චලන්මෘගදෘශාං චේතස්සමාකර්ෂණම් .

සෞභාග්යෛකනිකේතනං සමදෘශඃ කාරුණ්යපූර්ණාමෘතං

මෘත්යෝර්මාරණමාවිරස්තු පුරතෝ මාතස්ත්වදීයං වපුඃ .. 8 ..

මාතර්භඤ්ජය මේ විපක්ෂවදනාං ජිහ්වාං ච සඞ්කීලය

බ්රාහ්මීං මුද්රය නාශයාශුධිෂණාමුග්රාං ගතිං ස්තම්භය .

ශත්රූංශ්චූර්ණය දේවි තීක්ෂ්ණගදයා ගෞරාඞ්ගි පීතාම්බරේ

විඝ්නෞඝං බගලේ හර ප්රණමතාං කාරුණ්යපූර්ණේක්ෂණේ .. 9 ..

මාතර්භෛරවි භද්රකාලි විජයේ වාරාහි විශ්වාශ්රයේ

ශ්රීවිද්යේ සමයේ මහේශි බගලේ කාමේශි රාමේ රමේ .

මාතඞ්ගි ත්රිපුරේ පරාත්පරතරේ ස්වර්ගාපවර්ගප්රදේ

දාසෝ(අ)හං ශරණාගතඃ කරුණයා විශ්වේශ්වරි ත්රාහිමාම් .. 10 ..

සංරම්භේ සෞරසඞ්ඝේ ප්රහරණසමයේ බන්ධනේවාරිමධ්යේ

විද්යාවාදේවිවාදේ ප්රතිකෘතිනෘපතෞ දිව්යකාලේ නිශායාම් .

වශ්යේ වා ස්තම්භනේ වා රිපුවධසමයේ නිර්ජනේ වා වනේ වා

ගච්ඡංස්තිෂ්ඨංස්ත්රිකාලං යදි පඨති ශිවං ප්රාප්නුයාදාශු ධීරඃ .. 11 ..

ත්වං විද්යා පරමා ත්රිලෝකජනනී විඝ්නෞඝසඤ්ඡේදිනී

යෝෂාකර්ෂණකාරිණී ත්රිජගතාමානන්දසංවර්ධිනී .

දුස්ඵෝටෝච්චාටනකාරිණී ජනමනස්සම්මෝහසන්දායිනී

ජිහ්වාකීලනභෛරවී විජයතේ බ්රහ්මාස්ත්රමන්ත්රෝ යථා .. 12 ..

විද්යාලක්ෂ්මීස්සර්වසෞභාග්යමායුඃ

පුත්රෛඃ පෞත්රෛඃ සර්වසාම්රාජ්යසිද්ධිඃ .

මානෝ භෝගෝ වශ්යමාරෝග්යසෞඛ්යං

ප්රාප්තං තත්තද්භූතලේ(අ)ස්මින්නරේණ .. 13 ..

යත්කෘතං ච ජපං හෝමං ගදිතං පරමේශ්වරී .

දුෂ්ටානාං නිග්රහාර්ථාය තද්ගෘහාණ නමෝ(අ)ස්තු තේ .. 14 ..

පීතාම්බරාං තාං ද්විභුජාං ත්රිනේත්රාං ගාත්රගෝජ්ජ්වලාම් .

ශිලාමුද්ගරහස්තාං ච ස්මරේත්තාං බගලාමුඛීම් .. 15 ..

බ්රහ්මාස්ත්රමිති විඛ්යාතං ත්රිෂු ලෝකේෂු විශ්රුතම් .

ගුරුභක්තාය දාතව්යං නදේයං යස්ය කස්යචිත් .. 16 ..

නිත්යං ස්තෝත්රමිදං පවිත්රමිහ යෝ දේව්යාඃ පඨත්යාදරාත්

ධෘත්වායන්ත්රමිදං තථෛව සමරේ බාහෞ කරේ වා ගලේ .

රාජානෝ(අ)ප්යරයෝ මදාන්ධකරිණස්සර්පා මෘගේන්ද්රාදිකාඃ

තේ වෛ යාන්ති විමෝහිතා රිපුගණා ලක්ෂ්මීඃ ස්ථිරාස්සිද්ධයඃ .. 17 ..

ඉති ශ්රී රුද්රයාමලේ තන්ත්රේ ශ්රී බගලාමුඛී ස්තෝත්රම් ..

Roman (IAST) Transliteration

oṃ asya śrībagalāmukhīstotrasya

nāradṛṣiḥ

śrī bagalāmukhī devatā

mama sannihitānāṃ virodhināṃ vāṅmukha-padabuddhīnāṃ stambhanārthe stotrapāṭhe viniyogaḥ

madhyesudhābdhi maṇimaṇṭapa ratnavedi

siṃhāsanoparigatāṃ paripītavarṇām |

pītāmbarābharaṇa mālyavibhūṣitāṅgīṃ

devīṃ bhajāmi dhṛtamudgaravairi jihvām || 1 ||

jihvāgramādāya kareṇa devīṃ

vāmena śatrūn paripīḍayantīm |

gadābhighātena ca dakṣiṇena

pītāmbarāḍhyāṃ dvibhujāṃ bhajāmi || 2 ||

calatkanakakuṇḍalollasitacārugaṇḍasthalāṃ

lasatkanakacampaka dyutimadindubimbānanām |

gadāhata vipakṣakāṃ kalitalolajihvāñcalāṃ

smarāmi bagalāmukhīṃ vimukhavāṅmanasstambhinīm || 3 ||

pīyūṣo dadhimadhyacāru vilasa draktotpale maṇṭape

satsiṃhāsana maulipātitaripuṃ pretāsanādhyāsinīm |

svarṇābhāṃ karapīḍitārirasanāṃ bhrāmyadgadāṃ vibhramāṃ

itthaṃ dhyāyati yānti tasya vilayaṃ sadyotha sarvāpadaḥ || 4 ||

devittvaccaraṇāmbujārcanakṛte yaḥ pīta puṣpāñjalīn

bhaktyā vāmakare nidhāya ca manuṃ mantrī manojñākṣaram |

pīṭhadhyānaparo'tha kumbhakavaśādbījaṃ smaretpārthiva-

stasyāmitramukhasya vāci hṛdaye jāḍyaṃ bhavettat‍kṣaṇāt || 5 ||

vādī mūkati kaṅkati kṣitipatirvaiśvānaraśśītiti

krodhīśāmyati durjanassujanati kṣiprānugaḥ khañjati |

garvī kharvati sarvavicca jaḍati tvadyantraṇā yantritaḥ

śrīnitye bagalāmukhi pratidinaṃ kalyāṇi tubhyaṃ namaḥ || 6 ||

mantrastāvadayaṃ vipakṣadalane stotraṃ pavitraṃ ca te

yantraṃ vādiniyantraṇaṃ trijagatāṃ jaitraṃ ca citraṃ ca te |

mātaḥ śrībagaleti nāma lalitaṃ yasyāsti jantormukhe

tvannāmagrahaṇena saṃsadi mukha stambho bhavedvādinām || 7 ||

duṣṭastambhanamugravighnaśamanaṃ dāridryavidrāvaṇaṃ

bhūbhṛdbhīśamanaṃ calanmṛgadṛśāṃ cetassamākarṣaṇam |

saubhāgyaikaniketanaṃ samadṛśaḥ kāruṇyapūrṇāmṛtaṃ

mṛtyormāraṇamāvirastu purato mātastvadīyaṃ vapuḥ || 8 ||

mātarbhañjaya me vipakṣavadanāṃ jihvāṃ ca saṅkīlaya

brāhmīṃ mudraya nāśayāśudhiṣaṇāmugrāṃ gatiṃ stambhaya |

śatrūṃścūrṇaya devi tīkṣṇagadayā gaurāṅgi pītāmbare

vighnaughaṃ bagale hara praṇamatāṃ kāruṇyapūrṇekṣaṇe || 9 ||

mātarbhairavi bhadrakāli vijaye vārāhi viśvāśraye

śrīvidye samaye maheśi bagale kāmeśi rāme rame |

mātaṅgi tripure parātparatare svargāpavargaprade

dāso'haṃ śaraṇāgataḥ karuṇayā viśveśvari trāhimām || 10 ||

saṃrambhe saurasaṅghe praharaṇasamaye bandhanevārimadhye

vidyāvādevivāde pratikṛtinṛpatau divyakāle niśāyām |

vaśye vā stambhane vā ripuvadhasamaye nirjane vā vane vā

gacchaṃstiṣṭhaṃstrikālaṃ yadi paṭhati śivaṃ prāpnuyādāśu dhīraḥ || 11 ||

tvaṃ vidyā paramā trilokajananī vighnaughasañchedinī

yoṣākarṣaṇakāriṇī trijagatāmānandasaṃvardhinī |

dusphoṭoccāṭanakāriṇī janamanassammohasandāyinī

jihvākīlanabhairavī vijayate brahmāstramantro yathā || 12 ||

vidyālakṣmīssarvasaubhāgyamāyuḥ

putraiḥ pautraiḥ sarvasāmrājyasiddhiḥ |

māno bhogo vaśyamārogyasaukhyaṃ

prāptaṃ tattadbhūtale'sminnareṇa || 13 ||

yatkṛtaṃ ca japaṃ homaṃ gaditaṃ parameśvarī |

duṣṭānāṃ nigrahārthāya tadgṛhāṇa namo'stu te || 14 ||

pītāmbarāṃ tāṃ dvibhujāṃ trinetrāṃ gātragojjvalām |

śilāmudgarahastāṃ ca smarettāṃ bagalāmukhīm || 15 ||

brahmāstramiti vikhyātaṃ triṣu lokeṣu viśrutam |

gurubhaktāya dātavyaṃ nadeyaṃ yasya kasyacit || 16 ||

nityaṃ stotramidaṃ pavitramiha yo devyāḥ paṭhatyādarāt

dhṛtvāyantramidaṃ tathaiva samare bāhau kare vā gale |

rājāno'pyarayo madāndhakariṇassarpā mṛgendrādikāḥ

te vai yānti vimohitā ripugaṇā lakṣmīḥ sthirāssiddhayaḥ || 17 ||

iti śrī rudrayāmale tantre śrī bagalāmukhī stotram ||

Sanskrit — Devanagari (original)

ॐ अस्य श्रीबगलामुखीस्तोत्रस्य

नारदृषिः

श्री बगलामुखी देवता

मम सन्निहितानां विरोधिनां वाङ्मुख-पदबुद्धीनां स्तम्भनार्थे स्तोत्रपाठे विनियोगः

मध्येसुधाब्धि मणिमण्टप रत्नवेदि

सिंहासनोपरिगतां परिपीतवर्णाम् ।

पीताम्बराभरण माल्यविभूषिताङ्गीं

देवीं भजामि धृतमुद्गरवैरि जिह्वाम् ॥ 1 ॥

जिह्वाग्रमादाय करेण देवीं

वामेन शत्रून् परिपीडयन्तीम् ।

गदाभिघातेन च दक्षिणेन

पीताम्बराढ्यां द्विभुजां भजामि ॥ 2 ॥

चलत्कनककुण्डलोल्लसितचारुगण्डस्थलां

लसत्कनकचम्पक द्युतिमदिन्दुबिम्बाननाम् ।

गदाहत विपक्षकां कलितलोलजिह्वाञ्चलां

स्मरामि बगलामुखीं विमुखवाङ्मनस्स्तम्भिनीम् ॥ 3 ॥

पीयूषो दधिमध्यचारु विलस द्रक्तोत्पले मण्टपे

सत्सिंहासन मौलिपातितरिपुं प्रेतासनाध्यासिनीम् ।

स्वर्णाभां करपीडितारिरसनां भ्राम्यद्गदां विभ्रमां

इत्थं ध्यायति यान्ति तस्य विलयं सद्योथ सर्वापदः ॥ 4 ॥

देवित्त्वच्चरणाम्बुजार्चनकृते यः पीत पुष्पाञ्जलीन्

भक्त्या वामकरे निधाय च मनुं मन्त्री मनोज्ञाक्षरम् ।

पीठध्यानपरोऽथ कुम्भकवशाद्बीजं स्मरेत्पार्थिव-

स्तस्यामित्रमुखस्य वाचि हृदये जाड्यं भवेत्तत्‍क्षणात् ॥ 5 ॥

वादी मूकति कङ्कति क्षितिपतिर्वैश्वानरश्शीतिति

क्रोधीशाम्यति दुर्जनस्सुजनति क्षिप्रानुगः खञ्जति ।

गर्वी खर्वति सर्वविच्च जडति त्वद्यन्त्रणा यन्त्रितः

श्रीनित्ये बगलामुखि प्रतिदिनं कल्याणि तुभ्यं नमः ॥ 6 ॥

मन्त्रस्तावदयं विपक्षदलने स्तोत्रं पवित्रं च ते

यन्त्रं वादिनियन्त्रणं त्रिजगतां जैत्रं च चित्रं च ते ।

मातः श्रीबगलेति नाम ललितं यस्यास्ति जन्तोर्मुखे

त्वन्नामग्रहणेन संसदि मुख स्तम्भो भवेद्वादिनाम् ॥ 7 ॥

दुष्टस्तम्भनमुग्रविघ्नशमनं दारिद्र्यविद्रावणं

भूभृद्भीशमनं चलन्मृगदृशां चेतस्समाकर्षणम् ।

सौभाग्यैकनिकेतनं समदृशः कारुण्यपूर्णामृतं

मृत्योर्मारणमाविरस्तु पुरतो मातस्त्वदीयं वपुः ॥ 8 ॥

मातर्भञ्जय मे विपक्षवदनां जिह्वां च सङ्कीलय

ब्राह्मीं मुद्रय नाशयाशुधिषणामुग्रां गतिं स्तम्भय ।

शत्रूंश्चूर्णय देवि तीक्ष्णगदया गौराङ्गि पीताम्बरे

विघ्नौघं बगले हर प्रणमतां कारुण्यपूर्णेक्षणे ॥ 9 ॥

मातर्भैरवि भद्रकालि विजये वाराहि विश्वाश्रये

श्रीविद्ये समये महेशि बगले कामेशि रामे रमे ।

मातङ्गि त्रिपुरे परात्परतरे स्वर्गापवर्गप्रदे

दासोऽहं शरणागतः करुणया विश्वेश्वरि त्राहिमाम् ॥ 10 ॥

संरम्भे सौरसङ्घे प्रहरणसमये बन्धनेवारिमध्ये

विद्यावादेविवादे प्रतिकृतिनृपतौ दिव्यकाले निशायाम् ।

वश्ये वा स्तम्भने वा रिपुवधसमये निर्जने वा वने वा

गच्छंस्तिष्ठंस्त्रिकालं यदि पठति शिवं प्राप्नुयादाशु धीरः ॥ 11 ॥

त्वं विद्या परमा त्रिलोकजननी विघ्नौघसञ्छेदिनी

योषाकर्षणकारिणी त्रिजगतामानन्दसंवर्धिनी ।

दुस्फोटोच्चाटनकारिणी जनमनस्सम्मोहसन्दायिनी

जिह्वाकीलनभैरवी विजयते ब्रह्मास्त्रमन्त्रो यथा ॥ 12 ॥

विद्यालक्ष्मीस्सर्वसौभाग्यमायुः

पुत्रैः पौत्रैः सर्वसाम्राज्यसिद्धिः ।

मानो भोगो वश्यमारोग्यसौख्यं

प्राप्तं तत्तद्भूतलेऽस्मिन्नरेण ॥ 13 ॥

यत्कृतं च जपं होमं गदितं परमेश्वरी ।

दुष्टानां निग्रहार्थाय तद्गृहाण नमोऽस्तु ते ॥ 14 ॥

पीताम्बरां तां द्विभुजां त्रिनेत्रां गात्रगोज्ज्वलाम् ।

शिलामुद्गरहस्तां च स्मरेत्तां बगलामुखीम् ॥ 15 ॥

ब्रह्मास्त्रमिति विख्यातं त्रिषु लोकेषु विश्रुतम् ।

गुरुभक्ताय दातव्यं नदेयं यस्य कस्यचित् ॥ 16 ॥

नित्यं स्तोत्रमिदं पवित्रमिह यो देव्याः पठत्यादरात्

धृत्वायन्त्रमिदं तथैव समरे बाहौ करे वा गले ।

राजानोऽप्यरयो मदान्धकरिणस्सर्पा मृगेन्द्रादिकाः

ते वै यान्ति विमोहिता रिपुगणा लक्ष्मीः स्थिरास्सिद्धयः ॥ 17 ॥

इति श्री रुद्रयामले तन्त्रे श्री बगलामुखी स्तोत्रम् ॥