ওঁ অস্য শ্রীবগলামুখীস্তোত্রস্য
নারদৃষিঃ
শ্রী বগলামুখী দেবতা
মম সন্নিহিতানাং বিরোধিনাং বাঙ্মুখ-পদবুদ্ধীনাং স্তম্ভনার্থে স্তোত্রপাঠে বিনিযোগঃ
মধ্যেসুধাব্ধি মণিমণ্টপ রত্নবেদি
সিংহাসনোপরিগতাং পরিপীতবর্ণাম্ ।
পীতাম্বরাভরণ মাল্যবিভূষিতাঙ্গীং
দেবীং ভজামি ধৃতমুদ্গরবৈরি জিহ্বাম্ ॥ 1 ॥
জিহ্বাগ্রমাদায করেণ দেবীং
বামেন শত্রূন্ পরিপীডযন্তীম্ ।
গদাভিঘাতেন চ দক্ষিণেন
পীতাম্বরাঢ্যাং দ্বিভুজাং ভজামি ॥ 2 ॥
চলত্কনককুণ্ডলোল্লসিতচারুগণ্ডস্থলাং
লসত্কনকচম্পক দ্যুতিমদিন্দুবিম্বাননাম্ ।
গদাহত বিপক্ষকাং কলিতলোলজিহ্বাঞ্চলাং
স্মরামি বগলামুখীং বিমুখবাঙ্মনস্স্তম্ভিনীম্ ॥ 3 ॥
পীযূষো দধিমধ্যচারু বিলস দ্রক্তোত্পলে মণ্টপে
সত্সিংহাসন মৌলিপাতিতরিপুং প্রেতাসনাধ্যাসিনীম্ ।
স্বর্ণাভাং করপীডিতারিরসনাং ভ্রাম্যদ্গদাং বিভ্রমাং
ইত্থং ধ্যাযতি যান্তি তস্য বিলযং সদ্যোথ সর্বাপদঃ ॥ 4 ॥
দেবিত্ত্বচ্চরণাম্বুজার্চনকৃতে যঃ পীত পুষ্পাঞ্জলীন্
ভক্ত্যা বামকরে নিধায চ মনুং মন্ত্রী মনোজ্ঞাক্ষরম্ ।
পীঠধ্যানপরোঽথ কুম্ভকবশাদ্বীজং স্মরেত্পার্থিব-
স্তস্যামিত্রমুখস্য বাচি হৃদযে জাড্যং ভবেত্তত্ক্ষণাত্ ॥ 5 ॥
বাদী মূকতি কঙ্কতি ক্ষিতিপতির্বৈশ্বানরশ্শীতিতি
ক্রোধীশাম্যতি দুর্জনস্সুজনতি ক্ষিপ্রানুগঃ খঞ্জতি ।
গর্বী খর্বতি সর্ববিচ্চ জডতি ত্বদ্যন্ত্রণা যন্ত্রিতঃ
শ্রীনিত্যে বগলামুখি প্রতিদিনং কল্যাণি তুভ্যং নমঃ ॥ 6 ॥
মন্ত্রস্তাবদযং বিপক্ষদলনে স্তোত্রং পবিত্রং চ তে
যন্ত্রং বাদিনিযন্ত্রণং ত্রিজগতাং জৈত্রং চ চিত্রং চ তে ।
মাতঃ শ্রীবগলেতি নাম ললিতং যস্যাস্তি জন্তোর্মুখে
ত্বন্নামগ্রহণেন সংসদি মুখ স্তম্ভো ভবেদ্বাদিনাম্ ॥ 7 ॥
দুষ্টস্তম্ভনমুগ্রবিঘ্নশমনং দারিদ্র্যবিদ্রাবণং
ভূভৃদ্ভীশমনং চলন্মৃগদৃশাং চেতস্সমাকর্ষণম্ ।
সৌভাগ্যৈকনিকেতনং সমদৃশঃ কারুণ্যপূর্ণামৃতং
মৃত্যোর্মারণমাবিরস্তু পুরতো মাতস্ত্বদীযং বপুঃ ॥ 8 ॥
মাতর্ভঞ্জয মে বিপক্ষবদনাং জিহ্বাং চ সঙ্কীলয
ব্রাহ্মীং মুদ্রয নাশযাশুধিষণামুগ্রাং গতিং স্তম্ভয ।
শত্রূংশ্চূর্ণয দেবি তীক্ষ্ণগদযা গৌরাঙ্গি পীতাম্বরে
বিঘ্নৌঘং বগলে হর প্রণমতাং কারুণ্যপূর্ণেক্ষণে ॥ 9 ॥
মাতর্ভৈরবি ভদ্রকালি বিজযে বারাহি বিশ্বাশ্রযে
শ্রীবিদ্যে সমযে মহেশি বগলে কামেশি রামে রমে ।
মাতঙ্গি ত্রিপুরে পরাত্পরতরে স্বর্গাপবর্গপ্রদে
দাসোঽহং শরণাগতঃ করুণযা বিশ্বেশ্বরি ত্রাহিমাম্ ॥ 10 ॥
সংরম্ভে সৌরসঙ্ঘে প্রহরণসমযে বন্ধনেবারিমধ্যে
বিদ্যাবাদেবিবাদে প্রতিকৃতিনৃপতৌ দিব্যকালে নিশাযাম্ ।
বশ্যে বা স্তম্ভনে বা রিপুবধসমযে নির্জনে বা বনে বা
গচ্ছংস্তিষ্ঠংস্ত্রিকালং যদি পঠতি শিবং প্রাপ্নুযাদাশু ধীরঃ ॥ 11 ॥
ত্বং বিদ্যা পরমা ত্রিলোকজননী বিঘ্নৌঘসঞ্ছেদিনী
যোষাকর্ষণকারিণী ত্রিজগতামানন্দসংবর্ধিনী ।
দুস্ফোটোচ্চাটনকারিণী জনমনস্সম্মোহসন্দাযিনী
জিহ্বাকীলনভৈরবী বিজযতে ব্রহ্মাস্ত্রমন্ত্রো যথা ॥ 12 ॥
বিদ্যালক্ষ্মীস্সর্বসৌভাগ্যমাযুঃ
পুত্রৈঃ পৌত্রৈঃ সর্বসাম্রাজ্যসিদ্ধিঃ ।
মানো ভোগো বশ্যমারোগ্যসৌখ্যং
প্রাপ্তং তত্তদ্ভূতলেঽস্মিন্নরেণ ॥ 13 ॥
যত্কৃতং চ জপং হোমং গদিতং পরমেশ্বরী ।
দুষ্টানাং নিগ্রহার্থায তদ্গৃহাণ নমোঽস্তু তে ॥ 14 ॥
পীতাম্বরাং তাং দ্বিভুজাং ত্রিনেত্রাং গাত্রগোজ্জ্বলাম্ ।
শিলামুদ্গরহস্তাং চ স্মরেত্তাং বগলামুখীম্ ॥ 15 ॥
ব্রহ্মাস্ত্রমিতি বিখ্যাতং ত্রিষু লোকেষু বিশ্রুতম্ ।
গুরুভক্তায দাতব্যং নদেযং যস্য কস্যচিত্ ॥ 16 ॥
নিত্যং স্তোত্রমিদং পবিত্রমিহ যো দেব্যাঃ পঠত্যাদরাত্
ধৃত্বাযন্ত্রমিদং তথৈব সমরে বাহৌ করে বা গলে ।
রাজানোঽপ্যরযো মদান্ধকরিণস্সর্পা মৃগেন্দ্রাদিকাঃ
তে বৈ যান্তি বিমোহিতা রিপুগণা লক্ষ্মীঃ স্থিরাস্সিদ্ধযঃ ॥ 17 ॥
ইতি শ্রী রুদ্রযামলে তন্ত্রে শ্রী বগলামুখী স্তোত্রম্ ॥
Roman (IAST) Transliteration
oṃ asya śrībagalāmukhīstotrasya
nāradṛṣiḥ
śrī bagalāmukhī devatā
mama sannihitānāṃ virodhināṃ vāṅmukha-padabuddhīnāṃ stambhanārthe stotrapāṭhe viniyogaḥ
madhyesudhābdhi maṇimaṇṭapa ratnavedi
siṃhāsanoparigatāṃ paripītavarṇām |
pītāmbarābharaṇa mālyavibhūṣitāṅgīṃ
devīṃ bhajāmi dhṛtamudgaravairi jihvām || 1 ||
jihvāgramādāya kareṇa devīṃ
vāmena śatrūn paripīḍayantīm |
gadābhighātena ca dakṣiṇena
pītāmbarāḍhyāṃ dvibhujāṃ bhajāmi || 2 ||
calatkanakakuṇḍalollasitacārugaṇḍasthalāṃ
lasatkanakacampaka dyutimadindubimbānanām |
gadāhata vipakṣakāṃ kalitalolajihvāñcalāṃ
smarāmi bagalāmukhīṃ vimukhavāṅmanasstambhinīm || 3 ||
pīyūṣo dadhimadhyacāru vilasa draktotpale maṇṭape
satsiṃhāsana maulipātitaripuṃ pretāsanādhyāsinīm |
svarṇābhāṃ karapīḍitārirasanāṃ bhrāmyadgadāṃ vibhramāṃ
itthaṃ dhyāyati yānti tasya vilayaṃ sadyotha sarvāpadaḥ || 4 ||
devittvaccaraṇāmbujārcanakṛte yaḥ pīta puṣpāñjalīn
bhaktyā vāmakare nidhāya ca manuṃ mantrī manojñākṣaram |
pīṭhadhyānaparo'tha kumbhakavaśādbījaṃ smaretpārthiva-
stasyāmitramukhasya vāci hṛdaye jāḍyaṃ bhavettatkṣaṇāt || 5 ||
vādī mūkati kaṅkati kṣitipatirvaiśvānaraśśītiti
krodhīśāmyati durjanassujanati kṣiprānugaḥ khañjati |
garvī kharvati sarvavicca jaḍati tvadyantraṇā yantritaḥ
śrīnitye bagalāmukhi pratidinaṃ kalyāṇi tubhyaṃ namaḥ || 6 ||
mantrastāvadayaṃ vipakṣadalane stotraṃ pavitraṃ ca te
yantraṃ vādiniyantraṇaṃ trijagatāṃ jaitraṃ ca citraṃ ca te |
mātaḥ śrībagaleti nāma lalitaṃ yasyāsti jantormukhe
tvannāmagrahaṇena saṃsadi mukha stambho bhavedvādinām || 7 ||
duṣṭastambhanamugravighnaśamanaṃ dāridryavidrāvaṇaṃ
bhūbhṛdbhīśamanaṃ calanmṛgadṛśāṃ cetassamākarṣaṇam |
saubhāgyaikaniketanaṃ samadṛśaḥ kāruṇyapūrṇāmṛtaṃ
mṛtyormāraṇamāvirastu purato mātastvadīyaṃ vapuḥ || 8 ||
mātarbhañjaya me vipakṣavadanāṃ jihvāṃ ca saṅkīlaya
brāhmīṃ mudraya nāśayāśudhiṣaṇāmugrāṃ gatiṃ stambhaya |
śatrūṃścūrṇaya devi tīkṣṇagadayā gaurāṅgi pītāmbare
vighnaughaṃ bagale hara praṇamatāṃ kāruṇyapūrṇekṣaṇe || 9 ||
mātarbhairavi bhadrakāli vijaye vārāhi viśvāśraye
śrīvidye samaye maheśi bagale kāmeśi rāme rame |
mātaṅgi tripure parātparatare svargāpavargaprade
dāso'haṃ śaraṇāgataḥ karuṇayā viśveśvari trāhimām || 10 ||
saṃrambhe saurasaṅghe praharaṇasamaye bandhanevārimadhye
vidyāvādevivāde pratikṛtinṛpatau divyakāle niśāyām |
vaśye vā stambhane vā ripuvadhasamaye nirjane vā vane vā
gacchaṃstiṣṭhaṃstrikālaṃ yadi paṭhati śivaṃ prāpnuyādāśu dhīraḥ || 11 ||
tvaṃ vidyā paramā trilokajananī vighnaughasañchedinī
yoṣākarṣaṇakāriṇī trijagatāmānandasaṃvardhinī |
dusphoṭoccāṭanakāriṇī janamanassammohasandāyinī
jihvākīlanabhairavī vijayate brahmāstramantro yathā || 12 ||
vidyālakṣmīssarvasaubhāgyamāyuḥ
putraiḥ pautraiḥ sarvasāmrājyasiddhiḥ |
māno bhogo vaśyamārogyasaukhyaṃ
prāptaṃ tattadbhūtale'sminnareṇa || 13 ||
yatkṛtaṃ ca japaṃ homaṃ gaditaṃ parameśvarī |
duṣṭānāṃ nigrahārthāya tadgṛhāṇa namo'stu te || 14 ||
pītāmbarāṃ tāṃ dvibhujāṃ trinetrāṃ gātragojjvalām |
śilāmudgarahastāṃ ca smarettāṃ bagalāmukhīm || 15 ||
brahmāstramiti vikhyātaṃ triṣu lokeṣu viśrutam |
gurubhaktāya dātavyaṃ nadeyaṃ yasya kasyacit || 16 ||
nityaṃ stotramidaṃ pavitramiha yo devyāḥ paṭhatyādarāt
dhṛtvāyantramidaṃ tathaiva samare bāhau kare vā gale |
rājāno'pyarayo madāndhakariṇassarpā mṛgendrādikāḥ
te vai yānti vimohitā ripugaṇā lakṣmīḥ sthirāssiddhayaḥ || 17 ||
iti śrī rudrayāmale tantre śrī bagalāmukhī stotram ||
Sanskrit — Devanagari (original)
ॐ अस्य श्रीबगलामुखीस्तोत्रस्य
नारदृषिः
श्री बगलामुखी देवता
मम सन्निहितानां विरोधिनां वाङ्मुख-पदबुद्धीनां स्तम्भनार्थे स्तोत्रपाठे विनियोगः
मध्येसुधाब्धि मणिमण्टप रत्नवेदि
सिंहासनोपरिगतां परिपीतवर्णाम् ।
पीताम्बराभरण माल्यविभूषिताङ्गीं
देवीं भजामि धृतमुद्गरवैरि जिह्वाम् ॥ 1 ॥
जिह्वाग्रमादाय करेण देवीं
वामेन शत्रून् परिपीडयन्तीम् ।
गदाभिघातेन च दक्षिणेन
पीताम्बराढ्यां द्विभुजां भजामि ॥ 2 ॥
चलत्कनककुण्डलोल्लसितचारुगण्डस्थलां
लसत्कनकचम्पक द्युतिमदिन्दुबिम्बाननाम् ।
गदाहत विपक्षकां कलितलोलजिह्वाञ्चलां
स्मरामि बगलामुखीं विमुखवाङ्मनस्स्तम्भिनीम् ॥ 3 ॥
पीयूषो दधिमध्यचारु विलस द्रक्तोत्पले मण्टपे
सत्सिंहासन मौलिपातितरिपुं प्रेतासनाध्यासिनीम् ।
स्वर्णाभां करपीडितारिरसनां भ्राम्यद्गदां विभ्रमां
इत्थं ध्यायति यान्ति तस्य विलयं सद्योथ सर्वापदः ॥ 4 ॥
देवित्त्वच्चरणाम्बुजार्चनकृते यः पीत पुष्पाञ्जलीन्
भक्त्या वामकरे निधाय च मनुं मन्त्री मनोज्ञाक्षरम् ।
पीठध्यानपरोऽथ कुम्भकवशाद्बीजं स्मरेत्पार्थिव-
स्तस्यामित्रमुखस्य वाचि हृदये जाड्यं भवेत्तत्क्षणात् ॥ 5 ॥
वादी मूकति कङ्कति क्षितिपतिर्वैश्वानरश्शीतिति
क्रोधीशाम्यति दुर्जनस्सुजनति क्षिप्रानुगः खञ्जति ।
गर्वी खर्वति सर्वविच्च जडति त्वद्यन्त्रणा यन्त्रितः
श्रीनित्ये बगलामुखि प्रतिदिनं कल्याणि तुभ्यं नमः ॥ 6 ॥
मन्त्रस्तावदयं विपक्षदलने स्तोत्रं पवित्रं च ते
यन्त्रं वादिनियन्त्रणं त्रिजगतां जैत्रं च चित्रं च ते ।
मातः श्रीबगलेति नाम ललितं यस्यास्ति जन्तोर्मुखे
त्वन्नामग्रहणेन संसदि मुख स्तम्भो भवेद्वादिनाम् ॥ 7 ॥
दुष्टस्तम्भनमुग्रविघ्नशमनं दारिद्र्यविद्रावणं
भूभृद्भीशमनं चलन्मृगदृशां चेतस्समाकर्षणम् ।
सौभाग्यैकनिकेतनं समदृशः कारुण्यपूर्णामृतं
मृत्योर्मारणमाविरस्तु पुरतो मातस्त्वदीयं वपुः ॥ 8 ॥
मातर्भञ्जय मे विपक्षवदनां जिह्वां च सङ्कीलय
ब्राह्मीं मुद्रय नाशयाशुधिषणामुग्रां गतिं स्तम्भय ।
शत्रूंश्चूर्णय देवि तीक्ष्णगदया गौराङ्गि पीताम्बरे
विघ्नौघं बगले हर प्रणमतां कारुण्यपूर्णेक्षणे ॥ 9 ॥
मातर्भैरवि भद्रकालि विजये वाराहि विश्वाश्रये
श्रीविद्ये समये महेशि बगले कामेशि रामे रमे ।
मातङ्गि त्रिपुरे परात्परतरे स्वर्गापवर्गप्रदे
दासोऽहं शरणागतः करुणया विश्वेश्वरि त्राहिमाम् ॥ 10 ॥
संरम्भे सौरसङ्घे प्रहरणसमये बन्धनेवारिमध्ये
विद्यावादेविवादे प्रतिकृतिनृपतौ दिव्यकाले निशायाम् ।
वश्ये वा स्तम्भने वा रिपुवधसमये निर्जने वा वने वा
गच्छंस्तिष्ठंस्त्रिकालं यदि पठति शिवं प्राप्नुयादाशु धीरः ॥ 11 ॥
त्वं विद्या परमा त्रिलोकजननी विघ्नौघसञ्छेदिनी
योषाकर्षणकारिणी त्रिजगतामानन्दसंवर्धिनी ।
दुस्फोटोच्चाटनकारिणी जनमनस्सम्मोहसन्दायिनी
जिह्वाकीलनभैरवी विजयते ब्रह्मास्त्रमन्त्रो यथा ॥ 12 ॥
विद्यालक्ष्मीस्सर्वसौभाग्यमायुः
पुत्रैः पौत्रैः सर्वसाम्राज्यसिद्धिः ।
मानो भोगो वश्यमारोग्यसौख्यं
प्राप्तं तत्तद्भूतलेऽस्मिन्नरेण ॥ 13 ॥
यत्कृतं च जपं होमं गदितं परमेश्वरी ।
दुष्टानां निग्रहार्थाय तद्गृहाण नमोऽस्तु ते ॥ 14 ॥
पीताम्बरां तां द्विभुजां त्रिनेत्रां गात्रगोज्ज्वलाम् ।
शिलामुद्गरहस्तां च स्मरेत्तां बगलामुखीम् ॥ 15 ॥
ब्रह्मास्त्रमिति विख्यातं त्रिषु लोकेषु विश्रुतम् ।
गुरुभक्ताय दातव्यं नदेयं यस्य कस्यचित् ॥ 16 ॥
नित्यं स्तोत्रमिदं पवित्रमिह यो देव्याः पठत्यादरात्
धृत्वायन्त्रमिदं तथैव समरे बाहौ करे वा गले ।
राजानोऽप्यरयो मदान्धकरिणस्सर्पा मृगेन्द्रादिकाः
ते वै यान्ति विमोहिता रिपुगणा लक्ष्मीः स्थिरास्सिद्धयः ॥ 17 ॥
इति श्री रुद्रयामले तन्त्रे श्री बगलामुखी स्तोत्रम् ॥
oṃ asya śrībagalāmukhīstotrasya
nāradṛṣiḥ
śrī bagalāmukhī devatā
mama sannihitānāṃ virodhināṃ vāṅmukha-padabuddhīnāṃ stambhanārthe stotrapāṭhe viniyogaḥ
madhyesudhābdhi maṇimaṇṭapa ratnavedi
siṃhāsanoparigatāṃ paripītavarṇām |
pītāmbarābharaṇa mālyavibhūṣitāṅgīṃ
devīṃ bhajāmi dhṛtamudgaravairi jihvām || 1 ||
jihvāgramādāya kareṇa devīṃ
vāmena śatrūn paripīḍayantīm |
gadābhighātena ca dakṣiṇena
pītāmbarāḍhyāṃ dvibhujāṃ bhajāmi || 2 ||
calatkanakakuṇḍalollasitacārugaṇḍasthalāṃ
lasatkanakacampaka dyutimadindubimbānanām |
gadāhata vipakṣakāṃ kalitalolajihvāñcalāṃ
smarāmi bagalāmukhīṃ vimukhavāṅmanasstambhinīm || 3 ||
pīyūṣo dadhimadhyacāru vilasa draktotpale maṇṭape
satsiṃhāsana maulipātitaripuṃ pretāsanādhyāsinīm |
svarṇābhāṃ karapīḍitārirasanāṃ bhrāmyadgadāṃ vibhramāṃ
itthaṃ dhyāyati yānti tasya vilayaṃ sadyotha sarvāpadaḥ || 4 ||
devittvaccaraṇāmbujārcanakṛte yaḥ pīta puṣpāñjalīn
bhaktyā vāmakare nidhāya ca manuṃ mantrī manojñākṣaram |
pīṭhadhyānaparo'tha kumbhakavaśādbījaṃ smaretpārthiva-
stasyāmitramukhasya vāci hṛdaye jāḍyaṃ bhavettatkṣaṇāt || 5 ||
vādī mūkati kaṅkati kṣitipatirvaiśvānaraśśītiti
krodhīśāmyati durjanassujanati kṣiprānugaḥ khañjati |
garvī kharvati sarvavicca jaḍati tvadyantraṇā yantritaḥ
śrīnitye bagalāmukhi pratidinaṃ kalyāṇi tubhyaṃ namaḥ || 6 ||
mantrastāvadayaṃ vipakṣadalane stotraṃ pavitraṃ ca te
yantraṃ vādiniyantraṇaṃ trijagatāṃ jaitraṃ ca citraṃ ca te |
mātaḥ śrībagaleti nāma lalitaṃ yasyāsti jantormukhe
tvannāmagrahaṇena saṃsadi mukha stambho bhavedvādinām || 7 ||
duṣṭastambhanamugravighnaśamanaṃ dāridryavidrāvaṇaṃ
bhūbhṛdbhīśamanaṃ calanmṛgadṛśāṃ cetassamākarṣaṇam |
saubhāgyaikaniketanaṃ samadṛśaḥ kāruṇyapūrṇāmṛtaṃ
mṛtyormāraṇamāvirastu purato mātastvadīyaṃ vapuḥ || 8 ||
mātarbhañjaya me vipakṣavadanāṃ jihvāṃ ca saṅkīlaya
brāhmīṃ mudraya nāśayāśudhiṣaṇāmugrāṃ gatiṃ stambhaya |
śatrūṃścūrṇaya devi tīkṣṇagadayā gaurāṅgi pītāmbare
vighnaughaṃ bagale hara praṇamatāṃ kāruṇyapūrṇekṣaṇe || 9 ||
mātarbhairavi bhadrakāli vijaye vārāhi viśvāśraye
śrīvidye samaye maheśi bagale kāmeśi rāme rame |
mātaṅgi tripure parātparatare svargāpavargaprade
dāso'haṃ śaraṇāgataḥ karuṇayā viśveśvari trāhimām || 10 ||
saṃrambhe saurasaṅghe praharaṇasamaye bandhanevārimadhye
vidyāvādevivāde pratikṛtinṛpatau divyakāle niśāyām |
vaśye vā stambhane vā ripuvadhasamaye nirjane vā vane vā
gacchaṃstiṣṭhaṃstrikālaṃ yadi paṭhati śivaṃ prāpnuyādāśu dhīraḥ || 11 ||
tvaṃ vidyā paramā trilokajananī vighnaughasañchedinī
yoṣākarṣaṇakāriṇī trijagatāmānandasaṃvardhinī |
dusphoṭoccāṭanakāriṇī janamanassammohasandāyinī
jihvākīlanabhairavī vijayate brahmāstramantro yathā || 12 ||
vidyālakṣmīssarvasaubhāgyamāyuḥ
putraiḥ pautraiḥ sarvasāmrājyasiddhiḥ |
māno bhogo vaśyamārogyasaukhyaṃ
prāptaṃ tattadbhūtale'sminnareṇa || 13 ||
yatkṛtaṃ ca japaṃ homaṃ gaditaṃ parameśvarī |
duṣṭānāṃ nigrahārthāya tadgṛhāṇa namo'stu te || 14 ||
pītāmbarāṃ tāṃ dvibhujāṃ trinetrāṃ gātragojjvalām |
śilāmudgarahastāṃ ca smarettāṃ bagalāmukhīm || 15 ||
brahmāstramiti vikhyātaṃ triṣu lokeṣu viśrutam |
gurubhaktāya dātavyaṃ nadeyaṃ yasya kasyacit || 16 ||
nityaṃ stotramidaṃ pavitramiha yo devyāḥ paṭhatyādarāt
dhṛtvāyantramidaṃ tathaiva samare bāhau kare vā gale |
rājāno'pyarayo madāndhakariṇassarpā mṛgendrādikāḥ
te vai yānti vimohitā ripugaṇā lakṣmīḥ sthirāssiddhayaḥ || 17 ||
iti śrī rudrayāmale tantre śrī bagalāmukhī stotram ||
🕉️ This is the original Sanskrit rendered in Bengali script.
Pronunciation is identical to the Sanskrit Devanagari version.