ਕਲਾਭ੍ਯਾਂ ਚੂਡਾਲਙ੍ਕृਤ-ਸ਼ਸ਼ਿਕਲਾਭ੍ਯਾਂ ਨਿਜਤਪਃ-
-ਫਲਾਭ੍ਯਾਂ ਭਕ੍ਤੇषੁ ਪ੍ਰਕਟਿਤ-ਫਲਾਭ੍ਯਾਂ ਭਵਤੁ ਮੇ ।
ਸ਼ਿਵਾਭ੍ਯਾ-ਮਸ੍ਤੋਕ-ਤ੍ਰਿਭੁਵਨ-ਸ਼ਿਵਾਭ੍ਯਾਂ ਹृਦਿ ਪੁਨ-
-ਰ੍ਭਵਾਭ੍ਯਾ-ਮਾਨਨ੍ਦ-ਸ੍ਫੁਰਦਨੁਭਵਾਭ੍ਯਾਂ ਨਤਿਰਿਯਮ੍ ॥ 1 ॥
ਗਲਨ੍ਤੀ ਸ਼ਮ੍ਭੋ ਤ੍ਵਚ੍ਚਰਿਤ-ਸਰਿਤਃ ਕਿਲ੍ਬਿषਰਜੋ
ਦਲਨ੍ਤੀ ਧੀਕੁਲ੍ਯਾ-ਸਰਣਿषੁ ਪਤਨ੍ਤੀ ਵਿਜਯਤਾਮ੍ ।
ਦਿਸ਼ਨ੍ਤੀ ਸਂਸਾਰ-ਭ੍ਰਮਣ-ਪਰਿਤਾਪੋਪਸ਼ਮਨਂ
ਵਸਨ੍ਤੀ ਮਚ੍ਚੇਤੋਹ੍ਰਦਭੁਵਿ ਸ਼ਿਵਾਨਨ੍ਦਲਹਰੀ ॥ 2 ॥
ਤ੍ਰਯੀਵੇਦ੍ਯਂ ਹृਦ੍ਯਂ ਤ੍ਰਿਪੁਰ-ਹਰਮਾਦ੍ਯਂ ਤ੍ਰਿਨਯਨਂ
ਜਟਾਭਾਰੋਦਾਰਂ ਚਲਦੁਰਗਹਾਰਂ ਮृਗਧਰਮ੍ ।
ਮਹਾਦੇਵਂ ਦੇਵਂ ਮਯਿ ਸਦਯਭਾਵਂ ਪਸ਼ੁਪਤਿਂ
ਚਿਦਾਲਮ੍ਬਂ ਸਾਮ੍ਬਂ ਸ਼ਿਵਮਤਿ-ਵਿਡਮ੍ਬਂ ਹृਦਿ ਭਜੇ ॥ 3 ॥
ਸਹਸ੍ਰਂ ਵਰ੍ਤਨ੍ਤੇ ਜਗਤਿ ਵਿਬੁਧਾਃ ਕ੍षੁਦ੍ਰਫਲਦਾ
ਨ ਮਨ੍ਯੇ ਸ੍ਵਪ੍ਨੇ ਵਾ ਤਦਨੁਸਰਣਂ ਤਤ੍ਕृਤਫਲਮ੍ ।
ਹਰਿ-ਬ੍ਰਹ੍ਮਾਦੀਨਾ-ਮਪਿ ਨਿਕਟ-ਭਾਜਾਮਸੁਲਭਂ
ਚਿਰਂ ਯਾਚੇ ਸ਼ਮ੍ਭੋ ਸ਼ਿਵ ਤਵ ਪਦਾਮ੍ਭੋਜ-ਭਜਨਮ੍ ॥ 4 ॥
ਸ੍ਮृਤੌ ਸ਼ਾਸ੍ਤ੍ਰੇ ਵੈਦ੍ਯੇ ਸ਼ਕੁਨ-ਕਵਿਤਾ-ਗਾਨਫਣਿਤੌ
ਪੁਰਾਣੇ ਮਨ੍ਤ੍ਰੇ ਵਾ ਸ੍ਤੁਤਿ-ਨਟਨ-ਹਾਸ੍ਯੇष੍ਵਚਤੁਰਃ ।
ਕਥਂ ਰਾਜ੍ਞਾਂ ਪ੍ਰੀਤਿਰ੍ਭਵਤਿ ਮਯਿ ਕੋऽਹਂ ਪਸ਼ੁਪਤੇ
ਪਸ਼ੁਂ ਮਾਂ ਸਰ੍ਵਜ੍ਞ ਪ੍ਰਥਿਤ ਕृਪਯਾ ਪਾਲਯ ਵਿਭੋ ॥ 5 ॥
ਘਟੋ ਵਾ ਮृਤ੍ਪਿਣ੍ਡੋ-ऽਪ੍ਯਣੁਰਪਿ ਚ ਧੂਮੋऽਗ੍ਨਿਰਚਲਃ
ਪਟੋ ਵਾ ਤਨ੍ਤੁਰ੍ਵਾ ਪਰਿਹਰਤਿ ਕਿਂ ਘੋਰਸ਼ਮਨਮ੍ ।
ਵृਥਾ ਕਣ੍ਠਕ੍षੋਭਂ ਵਹਸਿ ਤਰਸਾ ਤਰ੍ਕਵਚਸਾ
ਪਦਾਮ੍ਭੋਜਂ ਸ਼ਮ੍ਭੋਰ੍ਭਜ ਪਰਮਸੌਖ੍ਯਂ ਵ੍ਰਜ ਸੁਧੀਃ ॥ 6 ॥
ਮਨਸ੍ਤੇ ਪਾਦਾਬ੍ਜੇ ਨਿਵਸਤੁ ਵਚਃ ਸ੍ਤੋਤ੍ਰਫਣਿਤੌ
ਕਰੌ ਚਾਭ੍ਯਰ੍ਚਾਯਾਂ ਸ਼੍ਰੁਤਿਰਪਿ ਕਥਾ ਕਰ੍ਣਨਵਿਧੌ ।
ਤਵ ਧ੍ਯਾਨੇ ਬੁਦ੍ਧਿਰ੍ਨਯਨਯੁਗਲਂ ਮੂਰ੍ਤਿਵਿਭਵੇ [ਬੁਦ੍ਧਿਃ ਨਯਨਯੁਗਲਂ]
ਪਰ-ਗ੍ਰਨ੍ਥਾਨ੍ਕੈਰ੍ਵਾ ਪਰਮਸ਼ਿਵ ਜਾਨੇ ਪਰਮਤਃ ॥ 7 ॥
ਯਥਾ ਬੁਦ੍ਧਿਃ ਸ਼ੁਕ੍ਤੌ ਰਜਤਮਿਤਿ ਕਾਚਾਸ਼੍ਮਨਿ ਮਣਿ- [ਮਣਿਃ ਜਲੇ]
-ਰ੍ਜਲੇ ਪੈष੍ਟੇ ਕ੍षੀਰਂ ਭਵਤਿ ਮृਗਤृष੍ਣਾ-ਸੁ ਸਲਿਲਮ੍ ।
ਤਥਾ ਦੇਵਭ੍ਰਾਨ੍ਤ੍ਯਾ ਭਜਤਿ ਭਵਦਨ੍ਯਂ ਜਡਜਨੋ
ਮਹਾਦੇਵੇਸ਼ਂ ਤ੍ਵਾਂ ਮਨਸਿ ਚ ਨ ਮਤ੍ਵਾ ਪਸ਼ੁਪਤੇ ॥ 8 ॥
ਗਭੀਰੇ ਕਾਸਾਰੇ ਵਿਸ਼ਤਿ ਵਿਜਨੇ ਘੋਰਵਿਪਿਨੇ
ਵਿਸ਼ਾਲੇ ਸ਼ੈਲੇ ਚ ਭ੍ਰਮਤਿ ਕੁਸੁਮਾਰ੍ਥਂ ਜਡਮਤਿਃ ।
ਸਮਰ੍ਪ੍ਯੈਕਂ ਚੇਤਃ ਸਰਸਿਜਮੁ-ਮਾਨਾਥ ਭਵਤੇ
ਸੁਖੇ-ਨਾਵਸ੍ਥਾਤੁਂ ਜਨ ਇਹ ਨ ਜਾਨਾਤਿ ਕਿਮਹੋ ॥ 9 ॥
ਨਰਤ੍ਵਂ ਦੇਵਤ੍ਵਂ ਨਗਵਨ-ਮृਗਤ੍ਵਂ ਮਸ਼ਕਤਾ
ਪਸ਼ੁਤ੍ਵਂ ਕੀਟਤ੍ਵਂ ਭਵਤੁ ਵਿਹਗਤ੍ਵਾਦਿ ਜਨਨਮ੍ ।
ਸਦਾ ਤ੍ਵਤ੍ਪਾਦਾਬ੍ਜ-ਸ੍ਮਰਣ-ਪਰਮਾਨਨ੍ਦਲਹਰੀ-
-ਵਿਹਾਰਾਸਕ੍ਤਂ ਚੇਦ੍ਧृਦਯਮਿਹ ਕਿਂ ਤੇਨ ਵਪੁषਾ ॥ 10 ॥
ਵਟੁਰ੍ਵਾ ਗੇਹੀ ਵਾ ਯਤਿਰਪਿ ਜਟੀ ਵਾ ਤਦਿਤਰੋ
ਨਰੋ ਵਾ ਯਃ ਕਸ਼੍ਚਿਦ੍ਭਵਤੁ ਭਵ ਕਿਂ ਤੇਨ ਭਵਤਿ ।
ਯਦੀਯਂ ਹृਤ੍ਪਦ੍ਮਂ ਯਦਿ ਭਵਦਧੀਨਂ ਪਸ਼ੁਪਤੇ
ਤਦੀਯਸ੍ਤ੍ਵਂ ਸ਼ਮ੍ਭੋ ਭਵਸਿ ਭਵਭਾਰਂ ਚ ਵਹਸਿ ॥ 11 ॥
ਗੁਹਾਯਾਂ ਗੇਹੇ ਵਾ ਬਹਿਰਪਿ ਵਨੇ ਵਾऽਦ੍ਰਿਸ਼ਿਖਰੇ
ਜਲੇ ਵਾ ਵਹ੍ਨੌ ਵਾ ਵਸਤੁ ਵਸਤੇਃ ਕਿਂ ਵਦ ਫਲਮ੍ ।
ਸਦਾ ਯਸ੍ਯੈਵਾਨ੍ਤਃ-ਕਰਣਮਪਿ ਸ਼ਮ੍ਭੋ ਤਵ ਪਦੇ
ਸ੍ਥਿਤਂ ਚੇਦ੍ਯੋਗੋऽਸੌ ਸ ਚ ਪਰਮਯੋਗੀ ਸ ਚ ਸੁਖੀ ॥ 12 ॥
ਅਸਾਰੇ ਸਂਸਾਰੇ ਨਿਜ-ਭਜਨਦੂਰੇ ਜਡਧਿਯਾ
ਭ੍ਰਮਨ੍ਤਂ ਮਾਮਨ੍ਧਂ ਪਰਮਕृਪਯਾ ਪਾਤੁਮੁਚਿਤਮ੍ ।
ਮਦਨ੍ਯਃ ਕੋ ਦੀਨਸ੍ਤਵ ਕृਪਣ-ਰਕ੍षਾਤਿਨਿਪੁਣ- [ਰਕ੍षਾਤਿਨਿਪੁਣਃ ਤ੍ਵਦਨ੍ਯਃ]
-ਸ੍ਤ੍ਵਦਨ੍ਯਃ ਕੋ ਵਾ ਮੇ ਤ੍ਰਿਜਗਤਿ ਸ਼ਰਣ੍ਯਃ ਪਸ਼ੁਪਤੇ ॥ 13 ॥
ਪ੍ਰਭੁਸ੍ਤ੍ਵਂ ਦੀਨਾਨਾਂ ਖਲੁ ਪਰਮਬਨ੍ਧੁਃ ਪਸ਼ੁਪਤੇ
ਪ੍ਰਮੁਖ੍ਯੋऽਹਂ ਤੇषਾਮਪਿ ਕਿਮੁਤ ਬਨ੍ਧੁਤ੍ਵਮਨਯੋਃ ।
ਤ੍ਵਯੈਵ ਕ੍षਨ੍ਤਵ੍ਯਾਃ ਸ਼ਿਵ ਮਦਪਰਾਧਾਸ਼੍ਚ ਸਕਲਾਃ
ਪ੍ਰਯਤ੍ਨਾ-ਤ੍ਕਰ੍ਤਵ੍ਯਂ ਮਦਵਨਮਿਯਂ ਬਨ੍ਧੁਸਰਣਿਃ ॥ 14 ॥
ਉਪੇਕ੍षਾ ਨੋ ਚੇਤ੍ਕਿਂ ਨ ਹਰਸਿ ਭਵਦ੍ਧ੍ਯਾਨ-ਵਿਮੁਖਾਂ
ਦੁਰਾਸ਼ਾ-ਭੂਯਿष੍ਠਾਂ ਵਿਧਿਲਿਪਿ-ਮਸ਼ਕ੍ਤੋ ਯਦਿ ਭਵਾਨ੍ ।
ਸ਼ਿਰਸ੍ਤਦ੍ਵੈਧਾਤ੍ਰਂ ਨਨਖਲੁ ਸੁਵृਤ੍ਤਂ ਪਸ਼ੁਪਤੇ
ਕਥਂ ਵਾ ਨਿਰ੍ਯਤ੍ਨਂ ਕਰਨਖ-ਮੁਖੇਨੈਵ ਲੁਲਿਤਮ੍ ॥ 15 ॥
ਵਿਰਿਞ੍ਚਿ-ਰ੍ਦੀਰ੍ਘਾਯੁ-ਰ੍ਭਵਤੁ ਭਵਤਾ ਤਤ੍ਪਰਸ਼ਿਰ- [ਤਤ੍ਪਰਸ਼ਿਰਃ ਚਤੁष੍ਕਂ]
-ਸ਼੍ਚਤੁष੍ਕਂ ਸਂਰਕ੍ष੍ਯਂ ਸ ਖਲੁ ਭੁਵਿ ਦੈਨ੍ਯਂ ਲਿਖਿਤਵਾਨ੍ ।
ਵਿਚਾਰਃ ਕੋ ਵਾ ਮਾਂ ਵਿਸ਼ਦ ਕृਪਯਾ ਪਾਤਿ ਸ਼ਿਵ ਤੇ
ਕਟਾਕ੍षਵ੍ਯਾਪਾਰਃ ਸ੍ਵਯਮਪਿ ਚ ਦੀਨਾਵਨਪਰਃ ॥ 16 ॥
ਫਲਾਦ੍ਵਾ ਪੁਣ੍ਯਾਨਾਂ ਮਯਿ ਕਰੁਣਯਾ ਵਾ ਤ੍ਵਯਿ ਵਿਭੋ
ਪ੍ਰਸਨ੍ਨੇऽਪਿ ਸ੍ਵਾਮਿਨ੍ ਭਵਦਮਲ-ਪਾਦਾਬ੍ਜ-ਯੁਗਲਮ੍ ।
ਕਥਂ ਪਸ਼੍ਯੇਯਂ ਮਾਂ ਸ੍ਥਗਯਤਿ ਨਮਃ ਸਮ੍ਭ੍ਰਮਜੁषਾਂ
ਨਿਲਿਮ੍ਪਾਨਾਂ ਸ਼੍ਰੇਣਿ-ਰ੍ਨਿਜ-ਕਨਕ-ਮਾਣਿਕ੍ਯ-ਮਕੁਟੈਃ ॥ 17 ॥
ਤ੍ਵਮੇਕੋ ਲੋਕਾਨਾਂ ਪਰਮਫਲਦੋ ਦਿਵ੍ਯਪਦਵੀਂ
ਵਹਨ੍ਤਸ੍ਤ੍ਵਨ੍ਮੂਲਾਂ ਪੁਨਰਪਿ ਭਜਨ੍ਤੇ ਹਰਿਮੁਖਾਃ ।
ਕਿਯਦ੍ਵਾ ਦਾਕ੍षਿਣ੍ਯਂ ਤਵ ਸ਼ਿਵ ਮਦਾਸ਼ਾ ਚ ਕਿਯਤੀ
ਕਦਾ ਵਾ ਮਦ੍ਰਕ੍षਾਂ ਵਹਸਿ ਕਰੁਣਾ-ਪੂਰਿਤਦृਸ਼ਾ ॥ 18 ॥
ਦੁਰਾਸ਼ਾ-ਭੂਯਿष੍ਠੇ ਦੁਰਧਿਪ-ਗृਹਦ੍ਵਾਰ-ਘਟਕੇ
ਦੁਰਨ੍ਤੇ ਸਂਸਾਰੇ ਦੁਰਿਤਨਿਲਯੇ ਦੁਃਖਜਨਕੇ ।
ਮਦਾਯਾਸਂ ਕਿਂ ਨ ਵ੍ਯਪਨਯਸਿ ਕਸ੍ਯੋਪ-ਕृਤਯੇ
ਵਦੇਯਂ ਪ੍ਰੀਤਿਸ਼੍ਚੇਤ੍ਤਵ ਸ਼ਿਵ ਕृਤਾਰ੍ਥਾਃ ਖਲੁ ਵਯਮ੍ ॥ 19 ॥
ਸਦਾ ਮੋਹਾਟਵ੍ਯਾਂ ਚਰਤਿ ਯੁਵਤੀਨਾਂ ਕੁਚਗਿਰੌ
ਨਟਤ੍ਯਾਸ਼ਾ-ਸ਼ਾਖਾ-ਸ੍ਵਟਤਿ ਝਟਿਤਿ ਸ੍ਵੈਰਮਭਿਤਃ ।
ਕਪਾਲਿਨ੍ ਭਿਕ੍षੋ ਮੇ ਹृਦਯ-ਕਪਿਮਤ੍ਯਨ੍ਤ-ਚਪਲਂ
ਦृਢਂ ਭਕ੍ਤ੍ਯਾ ਬਦ੍ਧ੍ਵਾ ਸ਼ਿਵ ਭਵਦਧੀਨਂ ਕੁਰੁ ਵਿਭੋ ॥ 20 ॥
ਧृਤਿ-ਸ੍ਤਮ੍ਭਾਧਾਰਾਂ ਦृਢ-ਗੁਣ-ਨਿਬਦ੍ਧਾਂ ਸਗਮਨਾਂ
ਵਿਚਿਤ੍ਰਾਂ ਪਦ੍ਮਾਢ੍ਯਾਂ ਪ੍ਰਤਿਦਿਵਸ-ਸਨ੍ਮਾਰ੍ਗ-ਘਟਿਤਾਮ੍ ।
ਸ੍ਮਰਾਰੇ ਮਚ੍ਚੇਤਃ-ਸ੍ਫੁਟ-ਪਟਕੁਟੀਂ ਪ੍ਰਾਪ੍ਯ ਵਿਸ਼ਦਾਂ
ਜਯ ਸ੍ਵਾਮਿਨ੍ ਸ਼ਕ੍ਤ੍ਯਾ ਸਹ ਸ਼ਿਵ ਗਣੈਃ ਸੇਵਿਤ ਵਿਭੋ ॥ 21 ॥
ਪ੍ਰਲੋਭਾਦ੍ਯੈਰਰ੍ਥਾਹਰਣ-ਪਰਤਨ੍ਤ੍ਰੋ ਧਨਿਗृਹੇ [ਪ੍ਰਲੋਭਾਦ੍ਯੈਃ ਅਰ੍ਥਾਹਰਣ-ਪਰਤਨ੍ਤ੍ਰੋ]
ਪ੍ਰਵੇਸ਼ੋਦ੍ਯੁਕ੍ਤਃ ਸਨ੍ ਭ੍ਰਮਤਿ ਬਹੁਧਾ ਤਸ੍ਕਰਪਤੇ ।
ਇਮਂ ਚੇਤਸ਼੍ਚੋਰਂ ਕਥਮਿਹ ਸਹੇ ਸ਼ਙ੍ਕਰ ਵਿਭੋ
ਤਵਾਧੀਨਂ ਕृਤ੍ਵਾ ਮਯਿ ਨਿਰਪਰਾਧੇ ਕੁਰੁ ਕृਪਾਮ੍ ॥ 22 ॥
ਕਰੋਮਿ ਤ੍ਵਤ੍ਪੂਜਾਂ ਸਪਦਿ ਸੁਖਦੋ ਮੇ ਭਵ ਵਿਭੋ
ਵਿਧਿਤ੍ਵਂ ਵਿष੍ਣੁਤ੍ਵਂ ਦਿਸ਼ਸਿ ਖਲੁ ਤਸ੍ਯਾਃ ਫਲਮਿਤਿ ।
ਪੁਨਸ਼੍ਚ ਤ੍ਵਾਂ ਦ੍ਰष੍ਟੁਂ ਦਿਵਿ ਭੁਵਿ ਵਹਨ੍ਪਕ੍षਿ-ਮृਗਤਾ-
-ਮਦृष੍ਟ੍ਵਾ ਤਤ੍ਖੇਦਂ ਕਥਮਿਹ ਸਹੇ ਸ਼ਙ੍ਕਰ ਵਿਭੋ ॥ 23 ॥
ਕਦਾ ਵਾ ਕੈਲਾਸੇ ਕਨਕਮਣਿਸੌਧੇ ਸਹ ਗਣੈ- [ਸਹ ਗਣੈਃ ਵਸਨ੍]
-ਰ੍ਵਸਨ੍ ਸ਼ਮ੍ਭੋਰਗ੍ਰੇ ਸ੍ਫੁਟ-ਘਟਿਤ-ਮੂਰ੍ਧਾਞ੍ਜਲਿਪੁਟਃ ।
ਵਿਭੋ ਸਾਮ੍ਬ ਸ੍ਵਾਮਿ-ਨ੍ਪਰਮਸ਼ਿਵ ਪਾਹੀਤਿ ਨਿਗਦ-
-ਨ੍ਵਿਧਾਤॄਣਾਂ ਕਲ੍ਪਾਨ੍ ਕ੍षਣਮਿਵ ਵਿਨੇष੍ਯਾਮਿ ਸੁਖਤਃ ॥ 24 ॥
ਸ੍ਤਵੈ-ਰ੍ਬ੍ਰਹ੍ਮਾਦੀਨਾਂ ਜਯਜਯ-ਵਚੋਭਿਰ੍ਨਿਯਮਿਨਾਂ
ਗਣਾਨਾਂ ਕੇਲੀਭਿਰ੍ਮਦਕਲਮਹੋਕ੍षਸ੍ਯ ਕਕੁਦਿ । [ਕੇਲੀਭਿਃ ਮਦਕਲ-ਮਹੋਕ੍षਸ੍ਯ]
ਸ੍ਥਿਤਂ ਨੀਲਗ੍ਰੀਵਂ ਤ੍ਰਿਨਯਨ-ਮੁਮਾਸ਼੍ਲਿष੍ਟ-ਵਪੁषਂ
ਕਦਾ ਤ੍ਵਾਂ ਪਸ਼੍ਯੇਯਂ ਕਰਧृਤ-ਮृਗਂ ਖਣ੍ਡ-ਪਰਸ਼ੁਮ੍ ॥ 25 ॥
ਕਦਾ ਵਾ ਤ੍ਵਾਂ ਦृष੍ਟ੍ਵਾ ਗਿਰਿਸ਼ ਤਵ ਭਵ੍ਯਾਙ੍ਘ੍ਰਿ ਯੁਗਲਂ
ਗृਹੀਤ੍ਵਾ ਹਸ੍ਤਾਭ੍ਯਾਂ ਸ਼ਿਰਸਿ ਨਯਨੇ ਵਕ੍षਸਿ ਵਹਨ੍ ।
ਸਮਾ ਸ਼੍ਲਿष੍ਯਾ ਘ੍ਰਾਯ ਸ੍ਫੁਟ ਜਲਜ ਗਨ੍ਧਾਨ੍ ਪਰਿਮਲਾ-
-ਨਲਾਭ੍ਯਾਂ ਬ੍ਰਹ੍ਮਾਦ੍ਯੈਰ੍ਮੁਦਮਨੁਭਵਿष੍ਯਾਮਿ ਹृਦਯੇ ॥ 26 ॥ [ਬ੍ਰਹ੍ਮਾਦ੍ਯੈਃ ਮੁਦ-ਮਨੁਭਵਿष੍ਯਾਮਿ]
ਕਰਸ੍ਥੇ ਹੇਮਾਦ੍ਰੌ ਗਿਰਿਸ਼ ਨਿਕਟਸ੍ਥੇ ਧਨਪਤੌ
ਗृਹਸ੍ਥੇ ਸ੍ਵਰ੍ਭੂਜਾ ਮਰ ਸੁਰਭਿ ਚਿਨ੍ਤਾਮਣਿਗਣੇ ।
ਸ਼ਿਰਃਸ੍ਥੇ ਸ਼ੀਤਾਂਸ਼ੌ ਚਰਣਯੁਗਲਸ੍ਥੇऽਖਿਲਸ਼ੁਭੇ
ਕਮਰ੍ਥਂ ਦਾਸ੍ਯੇऽਹਂ ਭਵਤੁ ਭਵਦਰ੍ਥਂ ਮਮ ਮਨਃ ॥ 27 ॥
ਸਾਰੂਪ੍ਯਂ ਤਵ ਪੂਜਨੇ ਸ਼ਿਵ ਮਹਾਦੇਵੇਤਿ ਸਙ੍ਕੀਰ੍ਤਨੇ
ਸਾਮੀਪ੍ਯਂ ਸ਼ਿਵਭਕ੍ਤਿ-ਧੁਰ੍ਯਜਨਤਾ-ਸਾਙ੍ਗਤ੍ਯ-ਸਮ੍ਭਾषਣੇ ॥
ਸਾਲੋਕ੍ਯਂ ਚ ਚਰਾਚਰਾਤ੍ਮਕਤਨੁਧ੍ਯਾਨੇ ਭਵਾਨੀਪਤੇ
ਸਾਯੁਜ੍ਯਂ ਮਮ ਸਿਦ੍ਧਮਤ੍ਰ ਭਵਤਿ ਸ੍ਵਾਮਿਨ੍ ਕृਤਾਰ੍ਥੋऽਸ੍ਮ੍ਯਹਮ੍ ॥ 28 ॥
ਤ੍ਵਤ੍ਪਾਦਾਮ੍ਬੁਜਮਰ੍ਚਯਾਮਿ ਪਰਮਂ ਤ੍ਵਾਂ ਚਿਨ੍ਤਯਾਮ੍ਯਨ੍ਵਹਂ
ਤ੍ਵਾਮੀਸ਼ਂ ਸ਼ਰਣਂ ਵ੍ਰਜਾਮਿ ਵਚਸਾ ਤ੍ਵਾਮੇਵ ਯਾਚੇ ਵਿਭੋ ।
ਵੀਕ੍षਾਂ ਮੇ ਦਿਸ਼ ਚਾਕ੍षੁषੀਂ ਸਕਰੁਣਾਂ ਦਿਵ੍ਯੈਸ਼੍ਚਿਰਂ ਪ੍ਰਾਰ੍ਥਿਤਾਂ
ਸ਼ਮ੍ਭੋ ਲੋਕਗੁਰੋ ਮਦੀਯਮਨਸਃ ਸੌਖ੍ਯੋਪਦੇਸ਼ਂ ਕੁਰੁ ॥ 29 ॥
ਵਸ੍ਤ੍ਰੋਦ੍ਧੂਤਵਿਧੌ ਸਹਸ੍ਰਕਰਤਾ ਪੁष੍ਪਾਰ੍ਚਨੇ ਵਿष੍ਣੁਤਾ
ਗਨ੍ਧੇ ਗਨ੍ਧਵਹਾਤ੍ਮਤਾऽਨ੍ਨਪਚਨੇ ਬਰ੍ਹਿਰ੍ਮੁਖਾਧ੍ਯਕ੍षਤਾ ।
ਪਾਤ੍ਰੇ ਕਾਞ੍ਚਨਗਰ੍ਭਤਾਸ੍ਤਿ ਮਯਿ ਚੇਦ੍ਬਾਲੇਨ੍ਦੁਚੂਡਾਮਣੇ
ਸ਼ੁਸ਼੍ਰੂषਾਂ ਕਰਵਾਣਿ ਤੇ ਪਸ਼ੁਪਤੇ ਸ੍ਵਾਮਿਂਸ੍ਤ੍ਰਿਲੋਕੀਗੁਰੋ ॥ 30 ॥
ਨਾਲਂ ਵਾ ਪਰਮੋਪਕਾਰਕਮਿਦਂ ਤ੍ਵੇਕਂ ਪਸ਼ੂਨਾਂ ਪਤੇ
ਪਸ਼੍ਯਨ੍ ਕੁਕ੍षਿਗਤਾਂਸ਼੍ਚਰਾਚਰਗਣਾਨ੍ ਬਾਹ੍ਯਸ੍ਥਿਤਾਨ੍ ਰਕ੍षਿਤੁਮ੍ ।
ਸਰ੍ਵਾਮਰ੍ਤ੍ਯਪਲਾਯਨੌषਧਮਤਿਜ੍ਵਾਲਾਕਰਂ ਭੀਕਰਂ
ਨਿਕ੍षਿਪ੍ਤਂ ਗਰਲਂ ਗਲੇ ਨ ਗਿਲਿਤਂ ਨੋਦ੍ਗੀਰ੍ਣਮੇਵ ਤ੍ਵਯਾ ॥ 31 ॥
ਜ੍ਵਾਲੋਗ੍ਰਃ ਸਕਲਾਮਰਾਤਿਭਯਦਃ ਕ੍ष੍ਵੇਲਃ ਕਥਂ ਵਾ ਤ੍ਵਯਾ
ਦृष੍ਟਃ ਕਿਂ ਚ ਕਰੇ ਧृਤਃ ਕਰਤਲੇ ਕਿਂ ਪਕ੍ਵਜਮ੍ਬੂਫਲਮ੍ ।
ਜਿਹ੍ਵਾਯਾਂ ਨਿਹਿਤਸ਼੍ਚ ਸਿਦ੍ਧਘੁਟਿਕਾ ਵਾ ਕਣ੍ਠਦੇਸ਼ੇ ਭृਤਃ
ਕਿਂ ਤੇ ਨੀਲਮਣਿਰ੍ਵਿਭੂषਣਮਯਂ ਸ਼ਮ੍ਭੋ ਮਹਾਤ੍ਮਨ੍ ਵਦ ॥ 32 ॥
ਨਾਲਂ ਵਾ ਸਕृਦੇਵ ਦੇਵ ਭਵਤਃ ਸੇਵਾ ਨਤਿਰ੍ਵਾ ਨੁਤਿਃ
ਪੂਜਾ ਵਾ ਸ੍ਮਰਣਂ ਕਥਾਸ਼੍ਰਵਣਮਪ੍ਯਾਲੋਕਨਂ ਮਾਦृਸ਼ਾਮ੍ ।
ਸ੍ਵਾਮਿਨ੍ਨਸ੍ਥਿਰਦੇਵਤਾਨੁਸਰਣਾਯਾਸੇਨ ਕਿਂ ਲਭ੍ਯਤੇ
ਕਾ ਵਾ ਮੁਕ੍ਤਿਰਿਤਃ ਕੁਤੋ ਭਵਤਿ ਚੇਤ੍ਕਿਂ ਪ੍ਰਾਰ੍ਥਨੀਯਂ ਤਦਾ ॥ 33 ॥
ਕਿਂ ਬ੍ਰੂਮਸ੍ਤਵ ਸਾਹਸਂ ਪਸ਼ੁਪਤੇ ਕਸ੍ਯਾਸ੍ਤਿ ਸ਼ਮ੍ਭੋ ਭਵ-
-ਦ੍ਧੈਰ੍ਯਂ ਚੇਦृਸ਼ਮਾਤ੍ਮਨਃ ਸ੍ਥਿਤਿਰਿਯਂ ਚਾਨ੍ਯੈਃ ਕਥਂ ਲਭ੍ਯਤੇ ।
ਭ੍ਰਸ਼੍ਯਦ੍ਦੇਵਗਣਂ ਤ੍ਰਸਨ੍ਮੁਨਿਗਣਂ ਨਸ਼੍ਯਤ੍ਪ੍ਰਪਞ੍ਚਂ ਲਯਂ
ਪਸ਼੍ਯਨ੍ਨਿਰ੍ਭਯ ਏਕ ਏਵ ਵਿਹਰਤ੍ਯਾਨਨ੍ਦਸਾਨ੍ਦ੍ਰੋ ਭਵਾਨ੍ ॥ 34 ॥
ਯੋਗਕ੍षੇਮਧੁਰਨ੍ਧਰਸ੍ਯ ਸਕਲਸ਼੍ਰੇਯਃਪ੍ਰਦੋਦ੍ਯੋਗਿਨੋ
ਦृष੍ਟਾਦृष੍ਟਮਤੋਪਦੇਸ਼ਕृਤਿਨੋ ਬਾਹ੍ਯਾਨ੍ਤਰਵ੍ਯਾਪਿਨਃ ।
ਸਰ੍ਵਜ੍ਞਸ੍ਯ ਦਯਾਕਰਸ੍ਯ ਭਵਤਃ ਕਿਂ ਵੇਦਿਤਵ੍ਯਂ ਮਯਾ
ਸ਼ਮ੍ਭੋ ਤ੍ਵਂ ਪਰਮਾਨ੍ਤਰਙ੍ਗ ਇਤਿ ਮੇ ਚਿਤ੍ਤੇ ਸ੍ਮਰਾਮ੍ਯਨ੍ਵਹਮ੍ ॥ 35 ॥
ਭਕ੍ਤੋ ਭਕ੍ਤਿਗੁਣਾਵृਤੇ ਮੁਦਮृਤਾਪੂਰ੍ਣੇ ਪ੍ਰਸਨ੍ਨੇ ਮਨਃ
ਕੁਮ੍ਭੇ ਸਾਮ੍ਬ ਤਵਾਙ੍ਘ੍ਰਿਪਲ੍ਲਵਯੁਗਂ ਸਂਸ੍ਥਾਪ੍ਯ ਸਂਵਿਤ੍ਫਲਮ੍ ।
ਸਤ੍ਵਂ ਮਨ੍ਤ੍ਰਮੁਦੀਰਯਨ੍ਨਿਜਸ਼ਰੀਰਾਗਾਰਸ਼ੁਦ੍ਧਿਂ ਵਹਨ੍
ਪੁਣ੍ਯਾਹਂ ਪ੍ਰਕਟੀਕਰੋਮਿ ਰੁਚਿਰਂ ਕਲ੍ਯਾਣਮਾਪਾਦਯਨ੍ ॥ 36 ॥
ਆਮ੍ਨਾਯਾਮ੍ਬੁਧਿਮਾਦਰੇਣ ਸੁਮਨਃਸਙ੍ਘਾਃ ਸਮੁਦ੍ਯਨ੍ਮਨੋ [ਸਮੁਦ੍ਯਨ੍ਮਨਃ]
ਮਨ੍ਥਾਨਂ ਦृਢਭਕ੍ਤਿਰਜ੍ਜੁਸਹਿਤਂ ਕृਤ੍ਵਾ ਮਥਿਤ੍ਵਾ ਤਤਃ ।
ਸੋਮਂ ਕਲ੍ਪਤਰੁਂ ਸੁਪਰ੍ਵਸੁਰਭਿਂ ਚਿਨ੍ਤਾਮਣਿਂ ਧੀਮਤਾਂ
ਨਿਤ੍ਯਾਨਨ੍ਦਸੁਧਾਂ ਨਿਰਨ੍ਤਰਰਮਾਸੌਭਾਗ੍ਯਮਾਤਨ੍ਵਤੇ ॥ 37 ॥
ਪ੍ਰਾਕ੍ਪੁਣ੍ਯਾਚਲਮਾਰ੍ਗਦਰ੍ਸ਼ਿਤਸੁਧਾਮੂਰ੍ਤਿਃ ਪ੍ਰਸਨ੍ਨਃ ਸ਼ਿਵਃ
ਸੋਮਃ ਸਦ੍ਗਣਸੇਵਿਤੋ ਮृਗਧਰਃ ਪੂਰ੍ਣਸ੍ਤਮੋਮੋਚਕਃ ।
ਚੇਤਃ ਪੁष੍ਕਰਲਕ੍षਿਤੋ ਭਵਤਿ ਚੇਦਾਨਨ੍ਦਪਾਥੋਨਿਧਿਃ
ਪ੍ਰਾਗਲ੍ਭ੍ਯੇਨ ਵਿਜृਮ੍ਭਤੇ ਸੁਮਨਸਾਂ ਵृਤ੍ਤਿਸ੍ਤਦਾ ਜਾਯਤੇ ॥ 38 ॥
ਧਰ੍ਮੋ ਮੇ ਚਤੁਰਙ੍ਘ੍ਰਿਕਃ ਸੁਚਰਿਤਃ ਪਾਪਂ ਵਿਨਾਸ਼ਂ ਗਤਂ
ਕਾਮਕ੍ਰੋਧਮਦਾਦਯੋ ਵਿਗਲਿਤਾਃ ਕਾਲਾਃ ਸੁਖਾਵਿष੍ਕृਤਾਃ ।
ਜ੍ਞਾਨਾਨਨ੍ਦਮਹੌषਧਿਃ ਸੁਫਲਿਤਾ ਕੈਵਲ੍ਯਨਾਥੇ ਸਦਾ
ਮਾਨ੍ਯੇ ਮਾਨਸਪੁਣ੍ਡਰੀਕਨਗਰੇ ਰਾਜਾਵਤਂਸੇ ਸ੍ਥਿਤੇ ॥ 39 ॥
ਧੀਯਨ੍ਤ੍ਰੇਣ ਵਚੋਘਟੇਨ ਕਵਿਤਾਕੁਲ੍ਯੋਪਕੁਲ੍ਯਾਕ੍ਰਮੈ- [ਕਵਿਤਾਕੁਲ੍ਯੋਪਕੁਲ੍ਯਾਕ੍ਰਮੈਃ]
-ਰਾਨੀਤੈਸ਼੍ਚ ਸਦਾਸ਼ਿਵਸ੍ਯ ਚਰਿਤਾਮ੍ਭੋਰਾਸ਼ਿਦਿਵ੍ਯਾਮृਤੈਃ ।
ਹृਤ੍ਕੇਦਾਰਯੁਤਾਸ਼੍ਚ ਭਕ੍ਤਿਕਲਮਾਃ ਸਾਫਲ੍ਯਮਾਤਨ੍ਵਤੇ
ਦੁਰ੍ਭਿਕ੍षਾਨ੍ਮਮ ਸੇਵਕਸ੍ਯ ਭਗਵਨ੍ਵਿਸ਼੍ਵੇਸ਼ ਭੀਤਿਃ ਕੁਤਃ ॥ 40 ॥
ਪਾਪੋਤ੍ਪਾਤਵਿਮੋਚਨਾਯ ਰੁਚਿਰੈਸ਼੍ਵਰ੍ਯਾਯ ਮृਤ੍ਯੁਞ੍ਜਯ
ਸ੍ਤੋਤ੍ਰਧ੍ਯਾਨਨਤਿਪ੍ਰਦਕ੍षਿਣਸਪਰ੍ਯਾਲੋਕਨਾਕਰ੍ਣਨੇ ।
ਜਿਹ੍ਵਾਚਿਤ੍ਤਸ਼ਿਰੋਙ੍ਘ੍ਰਿਹਸ੍ਤਨਯਨਸ਼੍ਰੋਤ੍ਰੈਰਹਂ ਪ੍ਰਾਰ੍ਥਿਤੋ
ਮਾਮਾਜ੍ਞਾਪਯ ਤਨ੍ਨਿਰੂਪਯ ਮੁਹੁਰ੍ਮਾਮੇਵ ਮਾ ਮੇऽਵਚਃ ॥ 41 ॥
ਗਾਮ੍ਭੀਰ੍ਯਂ ਪਰਿਖਾਪਦਂ ਘਨਧृਤਿਃ ਪ੍ਰਾਕਾਰ ਉਦ੍ਯਦ੍ਗੁਣ- [ਉਦ੍ਯਦ੍ਗੁਣਸ੍ਤॊਮਃ]
-ਸ੍ਤੋਮਸ਼੍ਚਾਪ੍ਤਬਲਂ ਘਨੇਨ੍ਦ੍ਰਿਯਚਯੋ ਦ੍ਵਾਰਾਣਿ ਦੇਹੇ ਸ੍ਥਿਤਃ ।
ਵਿਦ੍ਯਾ ਵਸ੍ਤੁਸਮृਦ੍ਧਿਰਿਤ੍ਯਖਿਲਸਾਮਗ੍ਰੀਸਮੇਤੇ ਸਦਾ
ਦੁਰ੍ਗਾਤਿਪ੍ਰਿਯਦੇਵ ਮਾਮਕਮਨੋਦੁਰ੍ਗੇ ਨਿਵਾਸਂ ਕੁਰੁ ॥ 42 ॥
ਮਾ ਗਚ੍ਛ ਤ੍ਵਮਿਤਸ੍ਤਤੋ ਗਿਰਿਸ਼ ਭੋ ਮਯ੍ਯੇਵ ਵਾਸਂ ਕੁਰੁ
ਸ੍ਵਾਮਿਨ੍ਨਾਦਿਕਿਰਾਤ ਮਾਮਕਮਨਃਕਾਨ੍ਤਾਰਸੀਮਾਨ੍ਤਰੇ ।
ਵਰ੍ਤਨ੍ਤੇ ਬਹੁਸ਼ੋ ਮृਗਾ ਮਦਜੁषੋ ਮਾਤ੍ਸਰ੍ਯਮੋਹਾਦਯ- [ ਮਾਤ੍ਸਰ੍ਯਮੋਹਾਦਯਃ]
-ਸ੍ਤਾਨ੍ਹਤ੍ਵਾ ਮृਗਯਾਵਿਨੋਦਰੁਚਿਤਾ ਲਾਭਂ ਚ ਸਮ੍ਪ੍ਰਾਪ੍ਸ੍ਯਸਿ ॥ 43 ॥
ਕਰਲਗ੍ਨਮृਗਃ ਕਰੀਨ੍ਦ੍ਰਭਙ੍ਗੋ
ਘਨਸ਼ਾਰ੍ਦੂਲਵਿਖਣ੍ਡਨੋऽਸ੍ਤਜਨ੍ਤੁਃ ।
ਗਿਰਿਸ਼ੋ ਵਿਸ਼ਦਾਕृਤਿਸ਼੍ਚ ਚੇਤਃ-
-ਕੁਹਰੇ ਪਞ੍ਚਮੁਖੋऽਸ੍ਤਿ ਮੇ ਕੁਤੋ ਭੀਃ ॥ 44 ॥
ਛਨ੍ਦਃ ਸ਼ਾਖਿਸ਼ਿਖਾਨ੍ਵਿਤੈਰ੍ [ਸ਼ਾਖਿਸ਼ਿਖਾਨ੍ਵਿਤੈਰਃ] ਦ੍ਵਿਜਵਰੈਃ ਸਂਸੇਵਿਤੇ ਸ਼ਾਸ਼੍ਵਤੇ
ਸੌਖ੍ਯਾਪਾਦਿਨਿ ਖੇਦਭੇਦਿਨਿ ਸੁਧਾਸਾਰੈਃ ਫਲੈਰ੍ਦੀਪਿਤੇ ।
ਚੇਤਃਪਕ੍षਿਸ਼ਿਖਾਮਣੇ ਤ੍ਯਜ ਵृਥਾ ਅਞ੍ਚਾਰਮਨ੍ਯੈਰਲਂ
ਨਿਤ੍ਯਂ ਸ਼ਙ੍ਕਰ ਪਾਦਪਦ੍ਮਯੁਗਲੀਨੀਡੇ ਵਿਹਾਰਂ ਕੁਰੁ ॥ 45 ॥
ਆਕੀਰ੍ਣੇ ਨਖਰਾਜਿਕਾਨ੍ਤਿਵਿਭਵੈ [ਨਖਰਾਜਿਕਾਨ੍ਤਿਵਿਭਵੈਃ] ਰੁਦ੍ਯਤ੍ਸੁਧਾਵੈਭਵੈ-[ਰੁਦ੍ਯਤ੍ਸੁਧਾਵੈਭਵੈਃ]
-ਰਾਧੌਤੇऽਪਿ ਚ ਪਦ੍ਮਰਾਗਲਲਿਤੇ ਹਂਸਵ੍ਰਜੈਰਾਸ਼੍ਰਿਤੇ ।
ਨਿਤ੍ਯਂ ਭਕ੍ਤਿਵਧੂਗਣੈਸ਼੍ਚ ਰਹਸਿ ਸ੍ਵੇਚ੍ਛਾਵਿਹਾਰਂ ਕੁਰੁ
ਸ੍ਥਿਤ੍ਵਾ ਮਾਨਸਰਾਜਹਂਸ ਗਿਰਿਜਾਨਾਥਾਙ੍ਘ੍ਰਿਸੌਧਾਨ੍ਤਰੇ ॥ 46 ॥
ਸ਼ਮ੍ਭੁਧ੍ਯਾਨ ਵਸਨ੍ਤਸਙ੍ਗਿਨਿ ਹृਦਾਰਾਮੇऽਘਜੀਰ੍ਣਚ੍ਛਦਾਃ
ਸ੍ਰਸ੍ਤਾ ਭਕ੍ਤਿਲਤਾਚ੍ਛਟਾ ਵਿਲਸਿਤਾਃ ਪੁਣ੍ਯਪ੍ਰਵਾਲਸ਼੍ਰਿਤਾਃ ।
ਦੀਪ੍ਯਨ੍ਤੇ ਗੁਣਕੋਰਕਾ ਜਪਵਚਃਪੁष੍ਪਾਣਿ ਸਦ੍ਵਾਸਨਾ
ਜ੍ਞਾਨਾਨਨ੍ਦ ਸੁਧਾਮਰਨ੍ਦਲਹਰੀ ਸਂਵਿਤ੍ਫਲਾਭ੍ਯੁਨ੍ਨਤਿਃ ॥ 47 ॥
ਨਿਤ੍ਯਾਨਨ੍ਦਰਸਾਲਯਂ ਸੁਰਮੁਨਿਸ੍ਵਾਨ੍ਤਾਮ੍ਬੁਜਾਤਾਸ਼੍ਰਯਂ
ਸ੍ਵਚ੍ਛਂ ਸਦ੍ਦ੍ਵਿਜਸੇਵਿਤਂ ਕਲੁषਹृਤ੍ਸਦ੍ਵਾਸਨਾ ਵਿष੍ਕृਤਮ੍ ।
ਸ਼ਮ੍ਭੁਧ੍ਯਾਨ ਸਰੋਵਰਂ ਵ੍ਰਜ ਮਨੋਹਂ ਸਾਵਤਂਸ ਸ੍ਥਿਰਂ
ਕਿਂ ਕ੍षੁਦ੍ਰਾ ਸ਼੍ਰਯਪਲ੍ਵਲ ਭ੍ਰਮਣ ਸਞ੍ਜਾਤਸ਼੍ਰਮਂ ਪ੍ਰਾਪ੍ਸ੍ਯਸਿ ॥ 48 ॥
ਆਨਨ੍ਦਾਮृਤ ਪੂਰਿਤਾ ਹਰਪਦਾਂ ਭੋਜਾ ਲਵਾਲੋਦ੍ਯਤਾ
ਸ੍ਥੈਰ੍ਯੋਪਘ੍ਨਮੁਪੇਤ੍ਯ ਭਕ੍ਤਿਲਤਿਕਾ ਸ਼ਾਖੋਪ ਸ਼ਾਖਾਨ੍ਵਿਤਾ ।
ਉਚ੍ਛੈਰ੍ ਮਾਨਸ ਕਾਯਮਾਨ ਪਟਲੀਮਾਕ੍ਰਮ੍ਯ ਨਿष੍ਕਲ੍ਮषਾ
ਨਿਤ੍ਯਾਭੀष੍ਟ ਫਲਪ੍ਰਦਾ ਭਵਤੁ ਮੇ ਸਤ੍ਕਰ੍ਮ ਸਂਵਰ੍ਧਿਤਾ ॥ 49 ॥
ਸਨ੍ਧ੍ਯਾ ਰਮ੍ਭ ਵਿਜृਮ੍ਭਿਤਂ ਸ਼੍ਰੁਤਿਸ਼ਿਰਃ ਸ੍ਥਾਨਾਨ੍ਤਰਾਧਿ ष੍ਠਿਤਂ
ਸਪ੍ਰੇਮ ਭ੍ਰਮਰਾਭਿਰਾਮਂ ਅਸਕृਤ੍ ਸਦ੍ਵਾਸਨਾ ਸ਼ੋਭਿਤਮ੍ ।
ਭੋਗੀਨ੍ਦ੍ਰਾ ਭਰਣਂ ਸਮਸ੍ਤਸੁਮਨਃ ਪੂਜ੍ਯਂ ਗੁਣਾਵਿष੍ਕृਤਂ
ਸੇਵੇ ਸ਼੍ਰੀਗਿਰਿ ਮਲ੍ਲਿਕਾਰ੍ਜੁਨ ਮਹਾਲਿਙ੍ਗਂ ਸ਼ਿਵਾਲਿਙ੍ਗਿਤਮ੍ ॥ 50 ॥
ਭृਙ੍ਗੀਚ੍ਛਾ ਨਟਨੋਤ੍ਕਟਃ ਕਰਮਦਗ੍ਰਾਹੀ ਸ੍ਫੁਰਨ੍ ਮਾਧਵਾ- [ਸ੍ਫੁਰਨ੍ ਮਾਧਵਾਵ੍ਹ੍ਲਾਦੋ]
-ਹ੍ਲਾਦੋ ਨਾਦਯੁਤੋ ਮਹਾਸਿਤਵਪੁਃ ਪਞ੍ਚੇषੁਣਾ ਚਾਦृਤਃ ।
ਸਤ੍ਪਕ੍षਃ ਸੁਮਨੋ ਵਨੇषੁ ਸ ਪੁਨਃ ਸਾਕ੍षਾਨ੍ਮਦੀਯੇ ਮਨੋ-
-ਰਾਜੀਵੇ ਭ੍ਰਮਰਾਧਿਪੋ ਵਿਹਰਤਾਂ ਸ਼੍ਰੀਸ਼ੈਲਵਾਸੀ ਵਿਭੁਃ ॥ 51 ॥
ਕਾਰੁਣ੍ਯਾਮृਤ ਵਰ੍षਿਣਂ ਘਨਵਿਪਦ੍ਗ੍ਰੀष੍ਮਚ੍ ਛਿਦਾਕਰ੍ਮਠਂ
ਵਿਦ੍ਯਾਸਸ੍ਯ ਫਲੋਦਯਾਯ ਸੁਮਨਃ ਸਂਸੇਵ੍ਯ ਮਿਚ੍ਛਾਕृਤਿਮ੍ ।
ਨृਤ੍ਯਦ੍ ਭਕ੍ਤ ਮਯੂਰਮਦ੍ਰਿ ਨਿਲਯਂ ਚਞ੍ਚਜ੍ਜਟਾਮਣ੍ਡਲਂ
ਸ਼ਮ੍ਭੋ ਵਾਞ੍ਛਤਿ ਨੀਲਕਨ੍ਧਰ ਸਦਾ ਤ੍ਵਾਂ ਮੇ ਮਨਸ਼੍ਚਾਤਕਃ ॥ 52 ॥
ਆਕਾਸ਼ੇਨ ਸ਼ਿਖੀ ਸਮਸ੍ਤਫਣਿਨਾਂ ਨੇਤ੍ਰਾ ਕਲਾਪੀ ਨਤਾ-[ਨਤਾਨੁਗ੍ਰਾਹਿ]
-ਨੁਗ੍ਰਾਹਿ ਪ੍ਰਣਵੋਪਦੇ ਸ਼ਨਿਨਦੈਃ ਕੇਕੀਤਿ ਯੋ ਗੀਯਤੇ ।
ਸ਼੍ਯਾਮਾਂ ਸ਼ੈਲਸਮੁਦ੍ਭਵਾਂ ਘਨਰੁਚਿਂ ਦृष੍ਟ੍ਵਾ ਨਟਨ੍ਤਂ ਮੁਦਾ
ਵੇਦਾਨ੍ਤੋਪਵਨੇ ਵਿਹਾਰਰਸਿਕਂ ਤਂ ਨੀਲਕਣ੍ਠਂ ਭਜੇ ॥ 53 ॥
ਸਨ੍ਧ੍ਯਾ ਘਰ੍ਮਦਿਨਾਤ੍ਯਯੋ ਹਰਿਕਰਾਘਾਤ ਪ੍ਰਭੂਤਾਨਕ- [ਪ੍ਰਭੂਤਾਨਕਧ੍ਵਾਨੋ ]
-ਧ੍ਵਾਨੋ ਵਾਰਿਦਗਰ੍ਜਿਤਂ ਦਿਵਿषਦਾਂ ਦृष੍ਟਿਚ੍ਛਟਾ ਚਞ੍ਚਲਾ ।
ਭਕ੍ਤਾਨਾਂ ਪਰਿਤੋषਬਾष੍ਪ ਵਿਤਤਿਰ੍ ਵृष੍ਟਿਰ੍ ਮਯੂਰੀ ਸ਼ਿਵਾ
ਯਸ੍ਮਿਨ੍ਨੁਜ੍ਜ੍ਵਲ ਤਾਣ੍ਡਵਂ ਵਿਜਯਤੇ ਤਂ ਨੀਲਕਣ੍ਠਂ ਭਜੇ ॥ 54 ॥
ਆਦ੍ਯਾਯਾਮਿਤ ਤੇਜਸੇ ਸ਼੍ਰੁਤਿਪਦੈਰ੍ਵੇਦ੍ਯਾਯ ਸਾਧ੍ਯਾਯ ਤੇ
ਵਿਦ੍ਯਾਨਨ੍ਦਮਯਾਤ੍ਮਨੇ ਤ੍ਰਿਜਗਤਃ ਸਂਰਕ੍षਣੋਦ੍ਯੋਗਿਨੇ ।
ਧ੍ਯੇਯਾਯਾਖਿਲਯੋਗਿਭਿਃ ਸੁਰਗਣੈਰ੍ਗੇਯਾਯ ਮਾਯਾਵਿਨੇ
ਸਮ੍ਯਕ੍ਤਾਣ੍ਡਵ ਸਮ੍ਭ੍ਰਮਾਯ ਜਟਿਨੇ ਸੇਯਂ ਨਤਿਃ ਸ਼ਮ੍ਭਵੇ ॥ 55 ॥
ਨਿਤ੍ਯਾਯ ਤ੍ਰਿਗੁਣਾਤ੍ਮਨੇ ਪੁਰਜਿਤੇ ਕਾਤ੍ਯਾਯਨੀ ਸ਼੍ਰੇਯਸੇ
ਸਤ੍ਯਾਯਾਦਿ ਕੁਟੁਮ੍ਬਿਨੇ ਮੁਨਿਮਨਃ ਪ੍ਰਤ੍ਯਕ੍ष ਚਿਨ੍ਮੂਰ੍ਤਯੇ ।
ਮਾਯਾਸृष੍ਟ ਜਗਤ੍ਤ੍ਰਯਾਯ ਸਕਲਾਮ੍ਨਾਯਾਨ੍ਤਸਞ੍ਚਾਰਿਣੇ
ਸਾਯਂ ਤਾਣ੍ਡਵ ਸਮ੍ਭ੍ਰਮਾਯ ਜਟਿਨੇ ਸੇਯਂ ਨਤਿਃ ਸ਼ਮ੍ਭਵੇ ॥ 56 ॥
ਨਿਤ੍ਯਂ ਸ੍ਵੋਦਰਪੋषਣਾਯ ਸਕਲਾਨੁਦ੍ਦਿਸ਼੍ਯ ਵਿਤ੍ਤਾਸ਼ਯਾ
ਵ੍ਯਰ੍ਥਂ ਪਰ੍ਯਟਨਂ ਕਰੋਮਿ ਭਵਤਃ ਸੇਵਾਂ ਨ ਜਾਨੇ ਵਿਭੋ ।
ਮਜ੍ਜਨ੍ਮਾਨ੍ਤਰ ਪੁਣ੍ਯ ਪਾਕ ਬਲਤਸ੍ਤ੍ਵਂ ਸ਼ਰ੍ਵ ਸਰ੍ਵਾਨ੍ਤਰ- [ਸਰ੍ਵਾਨ੍ਤਰਃ]
-ਸ੍ਤਿष੍ਠਸ੍ਯੇਵ ਹਿ ਤੇਨ ਵਾ ਪਸ਼ੁਪਤੇ ਤੇ ਰਕ੍षਣੀਯੋऽਸ੍ਮ੍ਯਹਮ੍ ॥ 57 ॥
ਏਕੋ ਵਾਰਿਜ ਬਾਨ੍ਧਵਃ ਕ੍षਿਤਿਨਭੋ ਵ੍ਯਾਪ੍ਤਂ ਤਮੋ ਮਣ੍ਡਲਂ
ਭਿਤ੍ਤ੍ਵਾ ਲੋਚਨ ਗੋਚਰੋऽਪਿ ਭਵਤਿ ਤ੍ਵਂ ਕੋਟਿ ਸੂਰ੍ਯਪ੍ਰਭਃ ।
ਵੇਦ੍ਯਃ ਕਿਂ ਨ ਭਵਸ੍ਯਹੋ ਘਨਤਰਂ ਕੀਦृਗ੍ਭਵੇਨ੍ਮਤ੍ਤਮ- [ਕੀਦृਗ੍ਭਵੇਨ੍ਮਤ੍ਤਮਃ]
-ਸ੍ਤਤ੍ਸਰ੍ਵਂ [ਤਤ੍ਸਰ੍ਵਂ] ਵ੍ਯਪਨੀਯ ਮੇ ਪਸ਼ੁਪਤੇ ਸਾਕ੍षਾਤ੍ਪ੍ਰਸਨ੍ਨੋ ਭਵ ॥ 58 ॥
ਹਂਸਃ ਪਦ੍ਮਵਨਂ ਸਮਿਚ੍ਛਤਿ ਯਥਾ ਨੀਲਾਮ੍ਬੁਦਂ ਚਾਤਕਃ
ਕੋਕਃ ਕੋਕਨਦਪ੍ਰਿਯਂ ਪ੍ਰਤਿਦਿਨਂ ਚਨ੍ਦ੍ਰਂ ਚਕੋਰਸ੍ਤਥਾ ।
ਚੇਤੋ ਵਾਞ੍ਛਤਿ ਮਾਮਕਂ ਪਸ਼ੁਪਤੇ ਚਿਨ੍ਮਾਰ੍ਗਮृਗ੍ਯਂ ਵਿਭੋ
ਗੌਰੀਨਾਥ ਭਵਤ੍ਪਦਾਬ੍ਜ ਯੁਗਲਂ ਕੈਵਲ੍ਯ ਸੌਖ੍ਯਪ੍ਰਦਮ੍ ॥ 59 ॥
ਰੋਧਸ੍ਤੋਯਹृਤਃ ਸ਼੍ਰਮੇਣ ਪਥਿਕਸ਼੍ਛਾਯਾਂ ਤਰੋਰ੍ਵृष੍ਟਿਤੋ [ਤਰੋਰ੍ਵृष੍ਟਿਤਃ]
ਭੀਤਃ ਸ੍ਵਸ੍ਥਗृਹਂ ਗृਹਸ੍ਥਮਤਿਥਿਰ੍ ਦੀਨਃ ਪ੍ਰਭੁਂ ਧਾਰ੍ਮਿਕਮ੍ ।
ਦੀਪਂ ਸਨ੍ਤਮਸਾਕੁਲਸ਼੍ਚ ਸ਼ਿਖਿਨਂ ਸ਼ੀਤਾ ਵृਤਸ੍ਤ੍ਵਂ ਤਥਾ
ਚੇਤਃ ਸਰ੍ਵਭਯਾਪਹਂ ਵ੍ਰਜ ਸੁਖਂ ਸ਼ਮ੍ਭੋਃ ਪਦਾਮ੍ਭੋਰੁਹਮ੍ ॥ 60 ॥
ਅਙ੍ਕੋਲਂ ਨਿਜ-ਬੀਜ-ਸਨ੍ਤਤਿਰਯਸ੍ਕਾਨ੍ਤੋਪਲਂ [ਸਨ੍ਤਤਿਃ ਅਯਸ੍ਕਾਨ੍ਤੋਪਲਂ] ਸੂਚਿਕਾ
ਸਾਧ੍ਵੀ ਨੈਜਵਿਭੁਂ ਲਤਾ ਕ੍षਿਤਿਰੁਹਂ ਸਿਨ੍ਧੁਃ ਸਰਿਦ੍ ਵਲ੍ਲਭਮ੍ ।
ਪ੍ਰਾਪ੍ਨੋਤੀਹ ਯਥਾ ਤਥਾ ਪਸ਼ੁਪਤੇਃ ਪਾਦਾਰਵਿਨ੍ਦ ਦ੍ਵਯਂ
ਚੇਤੋਵृਤ੍ਤਿ ਰੁਪੇਤ੍ਯ ਤਿष੍ਠਤਿ ਸਦਾ ਸਾ ਭਕ੍ਤਿ ਰਿਤ੍ਯੁਚ੍ਯਤੇ ॥ 61 ॥
ਆਨਨ੍ਦਾਸ਼੍ਰੁਭਿਰਾਤਨੋਤਿ ਪੁਲਕਂ ਨੈਰ੍ਮਲ੍ਯਤਸ਼੍ਛਾਦਨਂ
ਵਾਚਾ-ਸ਼ਙ੍ਖਮੁਖੇ ਸ੍ਥਿਤੈਸ਼੍ਚ ਜਠਰਾਪੂਰ੍ਤਿਂ ਚਰਿਤ੍ਰਾਮृਤੈਃ ।
ਰੁਦ੍ਰਾਕ੍षੈਰ੍ ਹਸਿਤੇਨ ਦੇਵ ਵਪੁषੋ ਰਕ੍षਾਂ ਭਵਦ੍ਭਾਵਨਾ-
-ਪਰ੍ਯਙ੍ਕੇ ਵਿਨਿਵੇਸ਼੍ਯ ਭਕ੍ਤਿਜਨਨੀ ਭਕ੍ਤਾਰ੍ਭਕਂ ਰਕ੍षਤਿ ॥ 62 ॥
ਮਾਰ੍ਗਾਵਰ੍ਤਿਤਪਾਦੁਕਾ ਪਸ਼ੁਪਤੇਰਙ੍ਗਸ੍ਯ ਕੂਰ੍ਚਾਯਤੇ
ਗਣ੍ਡੂषਾਮ੍ਬੁਨਿषੇਚਨਂ ਪੁਰਰਿਪੋਰ੍ਦਿਵ੍ਯਾਭਿषੇਕਾਯਤੇ ।
ਕਿਞ੍ਚਿ-ਦ੍ਭਕ੍षਿਤ-ਮਾਂਸ-ਸ਼ੇषਕਬਲਂ ਨਵ੍ਯੋਪਹਾਰਾਯਤੇ
ਭਕ੍ਤਿਃ ਕਿਂ ਨ ਕਰੋਤ੍ਯਹੋ ਵਨਚਰੋ ਭਕ੍ਤਾਵਤਂਸਾਯਤੇ ॥ 63 ॥
ਵਕ੍षਸ੍ਤਾਡਨਮਨ੍ਤਕਸ੍ਯ ਕਠਿਨਾਪਸ੍ਮਾਰਸਮ੍ਮਰ੍ਦਨਂ
ਭੂਭृਤ੍ਪਰ੍ਯਟਨਂ ਨਮਤ੍ਸੁਰਸ਼ਿਰਃਕੋਟੀਰਸਙ੍ਘਰ੍षਣਮ੍ ।
ਕਰ੍ਮੇਦਂ ਮृਦੁਲਸ੍ਯ ਤਾਵਕਪਦਦ੍ਵਨ੍ਦ੍ਵਸ੍ਯ ਕਿਂ ਵੋਚਿਤਂ
ਮਚ੍ਚੇਤੋਮਣਿਪਾਦੁਕਾਵਿਹਰਣਂ ਸ਼ਮ੍ਭੋ ਸਦਾਙ੍ਗੀਕੁਰੁ ॥ 64 ॥
ਵਕ੍षਸ੍ਤਾਡਨਸ਼ਙ੍ਕਯਾ ਵਿਚਲਿਤੋ ਵੈਵਸ੍ਵਤੋ ਨਿਰ੍ਜਰਾਃ
ਕੋਟੀਰੋਜ੍ਜ੍ਵਲਰਤ੍ਨਦੀਪਕਲਿਕਾਨੀਰਾਜਨਂ ਕੁਰ੍ਵਤੇ ।
ਦृष੍ਟ੍ਵਾ ਮੁਕ੍ਤਿਵਧੂਸ੍ਤਨੋਤਿ ਨਿਭृਤਾਸ਼੍ਲੇषਂ ਭਵਾਨੀਪਤੇ
ਯਚ੍ਚੇਤਸ੍ਤਵ ਪਾਦਪਦ੍ਮਭਜਨਂ ਤਸ੍ਯੇਹ ਕਿਂ ਦੁਰ੍ਲਭਮ੍ ॥ 65 ॥
ਕ੍ਰੀਡਾਰ੍ਥਂ ਸृਜਸਿ ਪ੍ਰਪਞ੍ਚਮਖਿਲਂ ਕ੍ਰੀਡਾਮृਗਾਸ੍ਤੇ ਜਨਾਃ
ਯਤ੍ਕਰ੍ਮਾਚਰਿਤਂ ਮਯਾ ਚ ਭਵਤਃ ਪ੍ਰੀਤ੍ਯੈ ਭਵਤ੍ਯੇਵ ਤਤ੍ ।
ਸ਼ਮ੍ਭੋ ਸ੍ਵਸ੍ਯ ਕੁਤੂਹਲਸ੍ਯ ਕਰਣਂ ਮਚ੍ਚੇष੍ਟਿਤਂ ਨਿਸ਼੍ਚਿਤਂ
ਤਸ੍ਮਾਨ੍ਮਾਮਕਰਕ੍षਣਂ ਪਸ਼ੁਪਤੇ ਕਰ੍ਤਵ੍ਯਮੇਵ ਤ੍ਵਯਾ ॥ 66 ॥
ਬਹੁਵਿਧਪਰਿਤੋषਬਾष੍ਪਪੂਰ-
-ਸ੍ਫੁਟਪੁਲਕਾਙ੍ਕਿਤਚਾਰੁਭੋਗਭੂਮਿਮ੍ ।
ਚਿਰਪਦਫਲਕਾਙ੍ਕ੍षਿਸੇਵ੍ਯਮਾਨਾਂ
ਪਰਮਸਦਾਸ਼ਿਵਭਾਵਨਾਂ ਪ੍ਰਪਦ੍ਯੇ ॥ 67 ॥
ਅਮਿਤਮੁਦਮृਤਂ ਮੁਹੁਰ੍ਦੁਹਨ੍ਤੀਂ
ਵਿਮਲਭਵਤ੍ਪਦਗੋष੍ਠਮਾਵਸਨ੍ਤੀਮ੍ ।
ਸਦਯ ਪਸ਼ੁਪਤੇ ਸੁਪੁਣ੍ਯਪਾਕਾਂ
ਮਮ ਪਰਿਪਾਲਯ ਭਕ੍ਤਿਧੇਨੁਮੇਕਾਮ੍ ॥ 68 ॥
ਜਡਤਾ ਪਸ਼ੁਤਾ ਕਲਙ੍ਕਿਤਾ
ਕੁਟਿਲਚਰਤ੍ਵਂ ਚ ਨਾਸ੍ਤਿ ਮਯਿ ਦੇਵ ।
ਅਸ੍ਤਿ ਯਦਿ ਰਾਜਮੌਲੇ
ਭਵਦਾਭਰਣਸ੍ਯ ਨਾਸ੍ਮਿ ਕਿਂ ਪਾਤ੍ਰਮ੍ ॥ 69 ॥
ਅਰਹਸਿ ਰਹਸਿ ਸ੍ਵਤਨ੍ਤ੍ਰਬੁਦ੍ਧ੍ਯਾ
ਵਰਿਵਸਿਤੁਂ ਸੁਲਭਃ ਪ੍ਰਸਨ੍ਨਮੂਰ੍ਤਿਃ ।
ਅਗਣਿਤਫਲਦਾਯਕਃ ਪ੍ਰਭੁਰ੍ਮੇ
ਜਗਦਧਿਕੋ ਹृਦਿ ਰਾਜਸ਼ੇਖਰੋऽਸ੍ਤਿ ॥ 70 ॥
ਆਰੂਢਭਕ੍ਤਿਗੁਣਕੁਞ੍ਚਿਤਭਾਵਚਾਪ-
-ਯੁਕ੍ਤੈਃ ਸ਼ਿਵਸ੍ਮਰਣਬਾਣਗਣੈਰਮੋਘੈਃ ।
ਨਿਰ੍ਜਿਤ੍ਯ ਕਿਲ੍ਬਿषਰਿਪੂਨ੍ਵਿਜਯੀ ਸੁਧੀਨ੍ਦ੍ਰਃ
ਸਾਨਨ੍ਦਮਾਵਹਤਿ ਸੁਸ੍ਥਿਰਰਾਜਲਕ੍ष੍ਮੀਮ੍ ॥ 71 ॥
ਧ੍ਯਾਨਾਞ੍ਜਨੇਨ ਸਮਵੇਕ੍ष੍ਯ ਤਮਃਪ੍ਰਦੇਸ਼ਂ
ਭਿਤ੍ਤ੍ਵਾ ਮਹਾਬਲਿਭਿਰੀਸ਼੍ਵਰਨਾਮਮਨ੍ਤ੍ਰੈਃ ।
ਦਿਵ੍ਯਾਸ਼੍ਰਿਤਂ ਭੁਜਗਭੂषਣਮੁਦ੍ਵਹਨ੍ਤਿ
ਯੇ ਪਾਦਪਦ੍ਮਮਿਹ ਤੇ ਸ਼ਿਵ ਤੇ ਕृਤਾਰ੍ਥਾਃ ॥ 72 ॥
ਭੂਦਾਰਤਾਮੁਦਵਹਦ੍ਯਦਪੇਕ੍षਯਾ ਸ਼੍ਰੀ-
-ਭੂਦਾਰ ਏਵ ਕਿਮਤਃ ਸੁਮਤੇ ਲਭਸ੍ਵ ।
ਕੇਦਾਰਮਾਕਲਿਤਮੁਕ੍ਤਿਮਹੌषਧੀਨਾਂ
ਪਾਦਾਰਵਿਨ੍ਦਭਜਨਂ ਪਰਮੇਸ਼੍ਵਰਸ੍ਯ ॥ 73 ॥
ਆਸ਼ਾਪਾਸ਼ਕ੍ਲੇਸ਼ਦੁਰ੍ਵਾਸਨਾਦਿ-
-ਭੇਦੋਦ੍ਯੁਕ੍ਤੈਰ੍ਦਿਵ੍ਯਗਨ੍ਧੈਰਮਨ੍ਦੈਃ ।
ਆਸ਼ਾਸ਼ਾਟੀਕਸ੍ਯ ਪਾਦਾਰਵਿਨ੍ਦਂ
ਚੇਤਃਪੇਟੀਂ ਵਾਸਿਤਾਂ ਮੇ ਤਨੋਤੁ ॥ 74 ॥
ਕਲ੍ਯਾਣਿਨਂ ਸਰਸਚਿਤ੍ਰਗਤਿਂ ਸਵੇਗਂ
ਸਰ੍ਵੇਙ੍ਗਿਤਜ੍ਞਮਨਘਂ ਧ੍ਰੁਵਲਕ੍षਣਾਢ੍ਯਮ੍ ।
ਚੇਤਸ੍ਤੁਰਙ੍ਗਮਧਿਰੁਹ੍ਯ ਚਰ ਸ੍ਮਰਾਰੇ
ਨੇਤਃ ਸਮਸ੍ਤਜਗਤਾਂ ਵृषਭਾਧਿਰੂਢ ॥ 75 ॥
ਭਕ੍ਤਿਰ੍ਮਹੇਸ਼ਪਦਪੁष੍ਕਰਮਾਵਸਨ੍ਤੀ
ਕਾਦਮ੍ਬਿਨੀਵ ਕੁਰੁਤੇ ਪਰਿਤੋषਵਰ੍षਮ੍ ।
ਸਮ੍ਪੂਰਿਤੋ ਭਵਤਿ ਯਸ੍ਯ ਮਨਸ੍ਤਟਾਕ-
-ਸ੍ਤਜ੍ਜਨ੍ਮਸਸ੍ਯਮਖਿਲਂ ਸਫਲਂ ਚ ਨਾਨ੍ਯਤ੍ ॥ 76 ॥
ਬੁਦ੍ਧਿਃ ਸ੍ਥਿਰਾ ਭਵਿਤੁਮੀਸ਼੍ਵਰਪਾਦਪਦ੍ਮ-
-ਸਕ੍ਤਾ ਵਧੂਰ੍ਵਿਰਹਿਣੀਵ ਸਦਾ ਸ੍ਮਰਨ੍ਤੀ ।
ਸਦ੍ਭਾਵਨਾਸ੍ਮਰਣਦਰ੍ਸ਼ਨਕੀਰ੍ਤਨਾਦਿ
ਸਮ੍ਮੋਹਿਤੇਵ ਸ਼ਿਵਮਨ੍ਤ੍ਰਜਪੇਨ ਵਿਨ੍ਤੇ ॥ 77 ॥
ਸਦੁਪਚਾਰਵਿਧਿष੍ਵਨੁਬੋਧਿਤਾਂ
ਸਵਿਨਯਾਂ ਸੁਹृਦਂ ਸਮੁਪਾਸ਼੍ਰਿਤਾਮ੍ ।
ਮਮ ਸਮੁਦ੍ਧਰ ਬੁਦ੍ਧਿਮਿਮਾਂ ਪ੍ਰਭੋ
ਵਰਗੁਣੇਨ ਨਵੋਢਵਧੂਮਿਵ ॥ 78 ॥
ਨਿਤ੍ਯਂ ਯੋਗਿਮਨਃ ਸਰੋਜਦਲਸਞ੍ਚਾਰਕ੍षਮਸ੍ਤ੍ਵਤ੍ਕ੍ਰਮਃ
ਸ਼ਮ੍ਭੋ ਤੇਨ ਕਥਂ ਕਠੋਰਯਮਰਾਡ੍ਵਕ੍षਃਕਵਾਟਕ੍षਤਿਃ ।
ਅਤ੍ਯਨ੍ਤਂ ਮृਦੁਲਂ ਤ੍ਵਦਙ੍ਘ੍ਰਿਯੁਗਲਂ ਹਾ ਮੇ ਮਨਸ਼੍ਚਿਨ੍ਤਯ-
-ਤ੍ਯੇਤਲ੍ਲੋਚਨਗੋਚਰਂ ਕੁਰੁ ਵਿਭੋ ਹਸ੍ਤੇਨ ਸਂਵਾਹਯੇ ॥ 79 ॥
ਏष੍ਯਤ੍ਯੇष ਜਨਿਂ ਮਨੋऽਸ੍ਯ ਕਠਿਨਂ ਤਸ੍ਮਿਨ੍ਨਟਾਨੀਤਿ ਮ-
-ਦ੍ਰਕ੍षਾਯੈ ਗਿਰਿਸੀਮ੍ਨਿ ਕੋਮਲਪਦਨ੍ਯਾਸਃ ਪੁਰਾਭ੍ਯਾਸਿਤਃ ।
ਨੋ ਚੇਦ੍ਦਿਵ੍ਯਗृਹਾਨ੍ਤਰੇषੁ ਸੁਮਨਸ੍ਤਲ੍ਪੇषੁ ਵੇਦ੍ਯਾਦਿषੁ
ਪ੍ਰਾਯਃ ਸਤ੍ਸੁ ਸ਼ਿਲਾਤਲੇषੁ ਨਟਨਂ ਸ਼ਮ੍ਭੋ ਕਿਮਰ੍ਥਂ ਤਵ ॥ 80 ॥
ਕਞ੍ਚਿਤ੍ਕਾਲਮੁਮਾਮਹੇਸ਼ ਭਵਤਃ ਪਾਦਾਰਵਿਨ੍ਦਾਰ੍ਚਨੈਃ
ਕਞ੍ਚਿਦ੍ਧ੍ਯਾਨਸਮਾਧਿਭਿਸ਼੍ਚ ਨਤਿਭਿਃ ਕਞ੍ਚਿਤ੍ਕਥਾਕਰ੍ਣਨੈਃ ।
ਕਞ੍ਚਿਤ੍ਕਞ੍ਚਿਦਵੇਕ੍षਣੈਸ਼੍ਚ ਨੁਤਿਭਿਃ ਕਞ੍ਚਿਦ੍ਦਸ਼ਾਮੀਦृਸ਼ੀਂ
ਯਃ ਪ੍ਰਾਪ੍ਨੋਤਿ ਮੁਦਾ ਤ੍ਵਦਰ੍ਪਿਤਮਨਾ ਜੀਵਨ੍ ਸ ਮੁਕ੍ਤਃ ਖਲੁ ॥ 81 ॥
ਬਾਣਤ੍ਵਂ ਵृषਭਤ੍ਵਮਰ੍ਧਵਪੁषਾ ਭਾਰ੍ਯਾਤ੍ਵਮਾਰ੍ਯਾਪਤੇ
ਘੋਣਿਤ੍ਵਂ ਸਖਿਤਾ ਮृਦਙ੍ਗਵਹਤਾ ਚੇਤ੍ਯਾਦਿ ਰੂਪਂ ਦਧੌ ।
ਤ੍ਵਤ੍ਪਾਦੇ ਨਯਨਾਰ੍ਪਣਂ ਚ ਕृਤਵਾਂਸ੍ਤ੍ਵਦ੍ਦੇਹਭਾਗੋ ਹਰਿਃ
ਪੂਜ੍ਯਾਤ੍ਪੂਜ੍ਯਤਰਃ ਸ ਏਵ ਹਿ ਨ ਚੇਤ੍ਕੋ ਵਾ ਤਦਨ੍ਯੋऽਧਿਕਃ ॥ 82 ॥
ਜਨਨਮृਤਿਯੁਤਾਨਾਂ ਸੇਵਯਾ ਦੇਵਤਾਨਾਂ
ਨ ਭਵਤਿ ਸੁਖਲੇਸ਼ਃ ਸਂਸ਼ਯੋ ਨਾਸ੍ਤਿ ਤਤ੍ਰ ।
ਅਜਨਿਮਮृਤਰੂਪਂ ਸਾਮ੍ਬਮੀਸ਼ਂ ਭਜਨ੍ਤੇ
ਯ ਇਹ ਪਰਮਸੌਖ੍ਯਂ ਤੇ ਹਿ ਧਨ੍ਯਾ ਲਭਨ੍ਤੇ ॥ 83 ॥
ਸ਼ਿਵ ਤਵ ਪਰਿਚਰ੍ਯਾਸਨ੍ਨਿਧਾਨਾਯ ਗੌਰ੍ਯਾ
ਭਵ ਮਮ ਗੁਣਧੁਰ੍ਯਾਂ ਬੁਦ੍ਧਿਕਨ੍ਯਾਂ ਪ੍ਰਦਾਸ੍ਯੇ ।
ਸਕਲਭੁਵਨਬਨ੍ਧੋ ਸਚ੍ਚਿਦਾਨਨ੍ਦਸਿਨ੍ਧੋ
ਸਦਯ ਹृਦਯਗੇਹੇ ਸਰ੍ਵਦਾ ਸਂਵਸ ਤ੍ਵਮ੍ ॥ 84 ॥
ਜਲਧਿਮਥਨਦਕ੍षੋ ਨੈਵ ਪਾਤਾਲਭੇਦੀ
ਨ ਚ ਵਨਮृਗਯਾਯਾਂ ਨੈਵ ਲੁਬ੍ਧਃ ਪ੍ਰਵੀਣਃ ।
ਅਸ਼ਨਕੁਸੁਮਭੂषਾਵਸ੍ਤ੍ਰਮੁਖ੍ਯਾਂ ਸਪਰ੍ਯਾਂ
ਕਥਯ ਕਥਮਹਂ ਤੇ ਕਲ੍ਪਯਾਨੀਨ੍ਦੁਮੌਲੇ ॥ 85 ॥
ਪੂਜਾਦ੍ਰਵ੍ਯਸਮृਦ੍ਧਯੋ ਵਿਰਚਿਤਾਃ ਪੂਜਾਂ ਕਥਂ ਕੁਰ੍ਮਹੇ
ਪਕ੍षਿਤ੍ਵਂ ਨ ਚ ਵਾ ਕਿਟਿਤ੍ਵਮਪਿ ਨ ਪ੍ਰਾਪ੍ਤਂ ਮਯਾ ਦੁਰ੍ਲਭਮ੍ ।
ਜਾਨੇ ਮਸ੍ਤਕਮਙ੍ਘ੍ਰਿਪਲ੍ਲਵਮੁਮਾਜਾਨੇ ਨ ਤੇऽਹਂ ਵਿਭੋ
ਨ ਜ੍ਞਾਤਂ ਹਿ ਪਿਤਾਮਹੇਨ ਹਰਿਣਾ ਤਤ੍ਤ੍ਵੇਨ ਤਦ੍ਰੂਪਿਣਾ ॥ 86 ॥
ਅਸ਼ਨਂ ਗਰਲਂ ਫਣੀ ਕਲਾਪੋ
ਵਸਨਂ ਚਰ੍ਮ ਚ ਵਾਹਨਂ ਮਹੋਕ੍षਃ ।
ਮਮ ਦਾਸ੍ਯਸਿ ਕਿਂ ਕਿਮਸ੍ਤਿ ਸ਼ਮ੍ਭੋ
ਤਵ ਪਾਦਾਮ੍ਬੁਜਭਕ੍ਤਿਮੇਵ ਦੇਹਿ ॥ 87 ॥
ਯਦਾ ਕृਤਾਮ੍ਭੋਨਿਧਿਸੇਤੁਬਨ੍ਧਨਃ
ਕਰਸ੍ਥਲਾਧਃਕृਤਪਰ੍ਵਤਾਧਿਪਃ ।
ਭਵਾਨਿ ਤੇ ਲਙ੍ਘਿਤਪਦ੍ਮਸਮ੍ਭਵ-
-ਸ੍ਤਦਾ ਸ਼ਿਵਾਰ੍ਚਾਸ੍ਤਵਭਾਵਨਕ੍षਮਃ ॥ 88 ॥
ਨਤਿਭਿਰ੍ਨੁਤਿਭਿਸ੍ਤ੍ਵਮੀਸ਼ ਪੂਜਾ-
-ਵਿਧਿਭਿਰ੍ਧ੍ਯਾਨਸਮਾਧਿਭਿਰ੍ਨ ਤੁष੍ਟਃ ।
ਧਨੁषਾ ਮੁਸਲੇਨ ਚਾਸ਼੍ਮਭਿਰ੍ਵਾ
ਵਦ ਤੇ ਪ੍ਰੀਤਿਕਰਂ ਤਥਾ ਕਰੋਮਿ ॥ 89 ॥
ਵਚਸਾ ਚਰਿਤਂ ਵਦਾਮਿ ਸ਼ਮ੍ਭੋ-
-ਰਹਮੁਦ੍ਯੋਗਵਿਧਾਸੁ ਤੇऽਪ੍ਰਸਕ੍ਤਃ ।
ਮਨਸਾਕृਤਿਮੀਸ਼੍ਵਰਸ੍ਯ ਸੇਵੇ
ਸ਼ਿਰਸਾ ਚੈਵ ਸਦਾਸ਼ਿਵਂ ਨਮਾਮਿ ॥ 90 ॥
ਆਦ੍ਯਾਵਿਦ੍ਯਾ ਹृਦ੍ਗਤਾ ਨਿਰ੍ਗਤਾਸੀ-
-ਦ੍ਵਿਦ੍ਯਾ ਹृਦ੍ਯਾ ਹृਦ੍ਗਤਾ ਤ੍ਵਤ੍ਪ੍ਰਸਾਦਾਤ੍ ।
ਸੇਵੇ ਨਿਤ੍ਯਂ ਸ਼੍ਰੀਕਰਂ ਤ੍ਵਤ੍ਪਦਾਬ੍ਜਂ
ਭਾਵੇ ਮੁਕ੍ਤੇਰ੍ਭਾਜਨਂ ਰਾਜਮੌਲੇ ॥ 91 ॥
ਦੂਰੀਕृਤਾਨਿ ਦੁਰਿਤਾਨਿ ਦੁਰਕ੍षਰਾਣਿ
ਦੌਰ੍ਭਾਗ੍ਯਦੁਃਖਦੁਰਹਙ੍ਕृਤਿਦੁਰ੍ਵਚਾਂਸਿ ।
ਸਾਰਂ ਤ੍ਵਦੀਯਚਰਿਤਂ ਨਿਤਰਾਂ ਪਿਬਨ੍ਤਂ
ਗੌਰੀਸ਼ ਮਾਮਿਹ ਸਮੁਦ੍ਧਰ ਸਤ੍ਕਟਾਕ੍षੈਃ ॥ 92 ॥
ਸੋਮਕਲਾਧਰਮੌਲੌ
ਕੋਮਲਘਨਕਨ੍ਧਰੇ ਮਹਾਮਹਸਿ ।
ਸ੍ਵਾਮਿਨਿ ਗਿਰਿਜਾਨਾਥੇ
ਮਾਮਕਹृਦਯਂ ਨਿਰਨ੍ਤਰਂ ਰਮਤਾਮ੍ ॥ 93 ॥
ਸਾ ਰਸਨਾ ਤੇ ਨਯਨੇ
ਤਾਵੇਵ ਕਰੌ ਸ ਏਵ ਕृਤਕृਤ੍ਯਃ ।
ਯਾ ਯੇ ਯੌ ਯੋ ਭਰ੍ਗਂ
ਵਦਤੀਕ੍षੇਤੇ ਸਦਾਰ੍ਚਤਃ ਸ੍ਮਰਤਿ ॥ 94 ॥
ਅਤਿਮृਦੁਲੌ ਮਮ ਚਰਣਾ-
-ਵਤਿਕਠਿਨਂ ਤੇ ਮਨੋ ਭਵਾਨੀਸ਼ ।
ਇਤਿ ਵਿਚਿਕਿਤ੍ਸਾਂ ਸਨ੍ਤ੍ਯਜ
ਸ਼ਿਵ ਕਥਮਾਸੀਦ੍ਗਿਰੌ ਤਥਾ ਵੇਸ਼ਃ ॥ 95 ॥
ਧੈਰ੍ਯਾਙ੍ਕੁਸ਼ੇਨ ਨਿਭृਤਂ
ਰਭਸਾਦਾਕृष੍ਯ ਭਕ੍ਤਿਸ਼ृਙ੍ਖਲਯਾ ।
ਪੁਰਹਰ ਚਰਣਾਲਾਨੇ
ਹृਦਯਮਦੇਭਂ ਬਧਾਨ ਚਿਦ੍ਯਨ੍ਤ੍ਰੈਃ ॥ 96 ॥
ਪ੍ਰਚਰਤ੍ਯਭਿਤਃ ਪ੍ਰਗਲ੍ਭਵृਤ੍ਤ੍ਯਾ
ਮਦਵਾਨੇष ਮਨਃ ਕਰੀ ਗਰੀਯਾਨ੍ ।
ਰਿਗृਹ੍ਯ ਨਯੇਨ ਭਕ੍ਤਿਰਜ੍ਵਾ
ਪਰਮ ਸ੍ਥਾਣੁ ਪਦਂ ਦृਢਂ ਨਯਾਮੁਮ੍ ॥ 97 ॥
ਸਰ੍ਵਾਲਙ੍ਕਾਰਯੁਕ੍ਤਾਂ ਸਰਲਪਦਯੁਤਾਂ ਸਾਧੁਵृਤ੍ਤਾਂ ਸੁਵਰ੍ਣਾਂ
ਸਦ੍ਭਿਃ ਸਂਸ੍ਤੂਯਮਾਨਾਂ ਸਰਸਗੁਣਯੁਤਾਂ ਲਕ੍षਿਤਾਂ ਲਕ੍षਣਾਢ੍ਯਾਮ੍ ।
ਉਦ੍ਯਦ੍ਭੂषਾਵਿਸ਼ੇषਾਮੁਪਗਤਵਿਨਯਾਂ ਦ੍ਯੋਤਮਾਨਾਰ੍ਥਰੇਖਾਂ
ਕਲ੍ਯਾਣੀਂ ਦੇਵ ਗੌਰੀਪ੍ਰਿਯ ਮਮ ਕਵਿਤਾਕਨ੍ਯਕਾਂ ਤ੍ਵਂ ਗृਹਾਣ ॥ 98 ॥
ਇਦਂ ਤੇ ਯੁਕ੍ਤਂ ਵਾ ਪਰਮਸ਼ਿਵ ਕਾਰੁਣ੍ਯਜਲਧੇ
ਗਤੌ ਤਿਰ੍ਯਗ੍ਰੂਪਂ ਤਵ ਪਦਸ਼ਿਰੋਦਰ੍ਸ਼ਨਧਿਯਾ ।
ਹਰਿਬ੍ਰਹ੍ਮਾਣੌ ਤੌ ਦਿਵਿ ਭੁਵਿ ਚਰਨ੍ਤੌ ਸ਼੍ਰਮਯੁਤੌ
ਕਥਂ ਸ਼ਮ੍ਭੋ ਸ੍ਵਾਮਿਨ੍ਕਥਯ ਮਮ ਵੇਦ੍ਯੋऽਸਿ ਪੁਰਤਃ ॥ 99 ॥
ਸ੍ਤੋਤ੍ਰੇਣਾਲਮਹਂ ਪ੍ਰਵਚ੍ਮਿ ਨ ਮृषਾ ਦੇਵਾ ਵਿਰਿਞ੍ਚਾਦਯਃ
ਸ੍ਤੁਤ੍ਯਾਨਾਂ ਗਣਨਾਪ੍ਰਸਙ੍ਗਸਮਯੇ ਤ੍ਵਾਮਗ੍ਰਗਣ੍ਯਂ ਵਿਦੁਃ ।
ਮਾਹਾਤ੍ਮ੍ਯਾਗ੍ਰਵਿਚਾਰਣਪ੍ਰਕਰਣੇ ਧਾਨਾਤੁषਸ੍ਤੋਮਵ-
-ਦ੍ਧੂਤਾਸ੍ਤ੍ਵਾਂ ਵਿਦੁਰੁਤ੍ਤਮੋਤ੍ਤਮਫਲਂ ਸ਼ਮ੍ਭੋ ਭਵਤ੍ਸੇਵਕਾਃ ॥ 100 ॥
ਇਤਿ ਸ਼੍ਰੀਮਤ੍ਪਰਮਹਂਸਪਰਿਵ੍ਰਾਜਕਾਚਾਰ੍ਯਸ੍ਯ ਸ਼੍ਰੀਗੋਵਿਨ੍ਦਭਗਵਤ੍ਪੂਜ੍ਯਪਾਦਸ਼ਿष੍ਯਸ੍ਯ ਸ਼੍ਰੀਮਚ੍ਛਙ੍ਕਰਭਗਵਤਃ ਕृਤੌ ਸ਼ਿਵਾਨਨ੍ਦਲਹਰੀ ॥
Roman (IAST) Transliteration
kalābhyāṃ cūḍālaṅkṛta-śaśikalābhyāṃ nijatapaḥ-
-phalābhyāṃ bhakteṣu prakaṭita-phalābhyāṃ bhavatu me |
śivābhyā-mastoka-tribhuvana-śivābhyāṃ hṛdi puna-
-rbhavābhyā-mānanda-sphuradanubhavābhyāṃ natiriyam || 1 ||
galantī śambho tvaccarita-saritaḥ kilbiṣarajo
dalantī dhīkulyā-saraṇiṣu patantī vijayatām |
diśantī saṃsāra-bhramaṇa-paritāpopaśamanaṃ
vasantī maccetohradabhuvi śivānandalaharī || 2 ||
trayīvedyaṃ hṛdyaṃ tripura-haramādyaṃ trinayanaṃ
jaṭābhārodāraṃ caladuragahāraṃ mṛgadharam |
mahādevaṃ devaṃ mayi sadayabhāvaṃ paśupatiṃ
cidālambaṃ sāmbaṃ śivamati-viḍambaṃ hṛdi bhaje || 3 ||
sahasraṃ vartante jagati vibudhāḥ kṣudraphaladā
na manye svapne vā tadanusaraṇaṃ tatkṛtaphalam |
hari-brahmādīnā-mapi nikaṭa-bhājāmasulabhaṃ
ciraṃ yāce śambho śiva tava padāmbhoja-bhajanam || 4 ||
smṛtau śāstre vaidye śakuna-kavitā-gānaphaṇitau
purāṇe mantre vā stuti-naṭana-hāsyeṣvacaturaḥ |
kathaṃ rājñāṃ prītirbhavati mayi ko'haṃ paśupate
paśuṃ māṃ sarvajña prathita kṛpayā pālaya vibho || 5 ||
ghaṭo vā mṛtpiṇḍo-'pyaṇurapi ca dhūmo'gniracalaḥ
paṭo vā tanturvā pariharati kiṃ ghoraśamanam |
vṛthā kaṇṭhakṣobhaṃ vahasi tarasā tarkavacasā
padāmbhojaṃ śambhorbhaja paramasaukhyaṃ vraja sudhīḥ || 6 ||
manaste pādābje nivasatu vacaḥ stotraphaṇitau
karau cābhyarcāyāṃ śrutirapi kathā karṇanavidhau |
tava dhyāne buddhirnayanayugalaṃ mūrtivibhave [buddhiḥ nayanayugalaṃ]
para-granthānkairvā paramaśiva jāne paramataḥ || 7 ||
yathā buddhiḥ śuktau rajatamiti kācāśmani maṇi- [maṇiḥ jale]
-rjale paiṣṭe kṣīraṃ bhavati mṛgatṛṣṇā-su salilam |
tathā devabhrāntyā bhajati bhavadanyaṃ jaḍajano
mahādeveśaṃ tvāṃ manasi ca na matvā paśupate || 8 ||
gabhīre kāsāre viśati vijane ghoravipine
viśāle śaile ca bhramati kusumārthaṃ jaḍamatiḥ |
samarpyaikaṃ cetaḥ sarasijamu-mānātha bhavate
sukhe-nāvasthātuṃ jana iha na jānāti kimaho || 9 ||
naratvaṃ devatvaṃ nagavana-mṛgatvaṃ maśakatā
paśutvaṃ kīṭatvaṃ bhavatu vihagatvādi jananam |
sadā tvatpādābja-smaraṇa-paramānandalaharī-
-vihārāsaktaṃ ceddhṛdayamiha kiṃ tena vapuṣā || 10 ||
vaṭurvā gehī vā yatirapi jaṭī vā taditaro
naro vā yaḥ kaścidbhavatu bhava kiṃ tena bhavati |
yadīyaṃ hṛtpadmaṃ yadi bhavadadhīnaṃ paśupate
tadīyastvaṃ śambho bhavasi bhavabhāraṃ ca vahasi || 11 ||
guhāyāṃ gehe vā bahirapi vane vā'driśikhare
jale vā vahnau vā vasatu vasateḥ kiṃ vada phalam |
sadā yasyaivāntaḥ-karaṇamapi śambho tava pade
sthitaṃ cedyogo'sau sa ca paramayogī sa ca sukhī || 12 ||
asāre saṃsāre nija-bhajanadūre jaḍadhiyā
bhramantaṃ māmandhaṃ paramakṛpayā pātumucitam |
madanyaḥ ko dīnastava kṛpaṇa-rakṣātinipuṇa- [rakṣātinipuṇaḥ tvadanyaḥ]
-stvadanyaḥ ko vā me trijagati śaraṇyaḥ paśupate || 13 ||
prabhustvaṃ dīnānāṃ khalu paramabandhuḥ paśupate
pramukhyo'haṃ teṣāmapi kimuta bandhutvamanayoḥ |
tvayaiva kṣantavyāḥ śiva madaparādhāśca sakalāḥ
prayatnā-tkartavyaṃ madavanamiyaṃ bandhusaraṇiḥ || 14 ||
upekṣā no cetkiṃ na harasi bhavaddhyāna-vimukhāṃ
durāśā-bhūyiṣṭhāṃ vidhilipi-maśakto yadi bhavān |
śirastadvaidhātraṃ nanakhalu suvṛttaṃ paśupate
kathaṃ vā niryatnaṃ karanakha-mukhenaiva lulitam || 15 ||
viriñci-rdīrghāyu-rbhavatu bhavatā tatparaśira- [tatparaśiraḥ catuṣkaṃ]
-ścatuṣkaṃ saṃrakṣyaṃ sa khalu bhuvi dainyaṃ likhitavān |
vicāraḥ ko vā māṃ viśada kṛpayā pāti śiva te
kaṭākṣavyāpāraḥ svayamapi ca dīnāvanaparaḥ || 16 ||
phalādvā puṇyānāṃ mayi karuṇayā vā tvayi vibho
prasanne'pi svāmin bhavadamala-pādābja-yugalam |
kathaṃ paśyeyaṃ māṃ sthagayati namaḥ sambhramajuṣāṃ
nilimpānāṃ śreṇi-rnija-kanaka-māṇikya-makuṭaiḥ || 17 ||
tvameko lokānāṃ paramaphalado divyapadavīṃ
vahantastvanmūlāṃ punarapi bhajante harimukhāḥ |
kiyadvā dākṣiṇyaṃ tava śiva madāśā ca kiyatī
kadā vā madrakṣāṃ vahasi karuṇā-pūritadṛśā || 18 ||
durāśā-bhūyiṣṭhe duradhipa-gṛhadvāra-ghaṭake
durante saṃsāre duritanilaye duḥkhajanake |
madāyāsaṃ kiṃ na vyapanayasi kasyopa-kṛtaye
vadeyaṃ prītiścettava śiva kṛtārthāḥ khalu vayam || 19 ||
sadā mohāṭavyāṃ carati yuvatīnāṃ kucagirau
naṭatyāśā-śākhā-svaṭati jhaṭiti svairamabhitaḥ |
kapālin bhikṣo me hṛdaya-kapimatyanta-capalaṃ
dṛḍhaṃ bhaktyā baddhvā śiva bhavadadhīnaṃ kuru vibho || 20 ||
dhṛti-stambhādhārāṃ dṛḍha-guṇa-nibaddhāṃ sagamanāṃ
vicitrāṃ padmāḍhyāṃ pratidivasa-sanmārga-ghaṭitām |
smarāre maccetaḥ-sphuṭa-paṭakuṭīṃ prāpya viśadāṃ
jaya svāmin śaktyā saha śiva gaṇaiḥ sevita vibho || 21 ||
pralobhādyairarthāharaṇa-paratantro dhanigṛhe [pralobhādyaiḥ arthāharaṇa-paratantro]
praveśodyuktaḥ san bhramati bahudhā taskarapate |
imaṃ cetaścoraṃ kathamiha sahe śaṅkara vibho
tavādhīnaṃ kṛtvā mayi niraparādhe kuru kṛpām || 22 ||
karomi tvatpūjāṃ sapadi sukhado me bhava vibho
vidhitvaṃ viṣṇutvaṃ diśasi khalu tasyāḥ phalamiti |
punaśca tvāṃ draṣṭuṃ divi bhuvi vahanpakṣi-mṛgatā-
-madṛṣṭvā tatkhedaṃ kathamiha sahe śaṅkara vibho || 23 ||
kadā vā kailāse kanakamaṇisaudhe saha gaṇai- [saha gaṇaiḥ vasan]
-rvasan śambhoragre sphuṭa-ghaṭita-mūrdhāñjalipuṭaḥ |
vibho sāmba svāmi-nparamaśiva pāhīti nigada-
-nvidhātṝṇāṃ kalpān kṣaṇamiva vineṣyāmi sukhataḥ || 24 ||
stavai-rbrahmādīnāṃ jayajaya-vacobhirniyamināṃ
gaṇānāṃ kelībhirmadakalamahokṣasya kakudi | [kelībhiḥ madakala-mahokṣasya]
sthitaṃ nīlagrīvaṃ trinayana-mumāśliṣṭa-vapuṣaṃ
kadā tvāṃ paśyeyaṃ karadhṛta-mṛgaṃ khaṇḍa-paraśum || 25 ||
kadā vā tvāṃ dṛṣṭvā giriśa tava bhavyāṅghri yugalaṃ
gṛhītvā hastābhyāṃ śirasi nayane vakṣasi vahan |
samā śliṣyā ghrāya sphuṭa jalaja gandhān parimalā-
-nalābhyāṃ brahmādyairmudamanubhaviṣyāmi hṛdaye || 26 || [brahmādyaiḥ muda-manubhaviṣyāmi]
karasthe hemādrau giriśa nikaṭasthe dhanapatau
gṛhasthe svarbhūjā mara surabhi cintāmaṇigaṇe |
śiraḥsthe śītāṃśau caraṇayugalasthe'khilaśubhe
kamarthaṃ dāsye'haṃ bhavatu bhavadarthaṃ mama manaḥ || 27 ||
sārūpyaṃ tava pūjane śiva mahādeveti saṅkīrtane
sāmīpyaṃ śivabhakti-dhuryajanatā-sāṅgatya-sambhāṣaṇe ||
sālokyaṃ ca carācarātmakatanudhyāne bhavānīpate
sāyujyaṃ mama siddhamatra bhavati svāmin kṛtārtho'smyaham || 28 ||
tvatpādāmbujamarcayāmi paramaṃ tvāṃ cintayāmyanvahaṃ
tvāmīśaṃ śaraṇaṃ vrajāmi vacasā tvāmeva yāce vibho |
vīkṣāṃ me diśa cākṣuṣīṃ sakaruṇāṃ divyaiściraṃ prārthitāṃ
śambho lokaguro madīyamanasaḥ saukhyopadeśaṃ kuru || 29 ||
vastroddhūtavidhau sahasrakaratā puṣpārcane viṣṇutā
gandhe gandhavahātmatā'nnapacane barhirmukhādhyakṣatā |
pātre kāñcanagarbhatāsti mayi cedbālenducūḍāmaṇe
śuśrūṣāṃ karavāṇi te paśupate svāmiṃstrilokīguro || 30 ||
nālaṃ vā paramopakārakamidaṃ tvekaṃ paśūnāṃ pate
paśyan kukṣigatāṃścarācaragaṇān bāhyasthitān rakṣitum |
sarvāmartyapalāyanauṣadhamatijvālākaraṃ bhīkaraṃ
nikṣiptaṃ garalaṃ gale na gilitaṃ nodgīrṇameva tvayā || 31 ||
jvālograḥ sakalāmarātibhayadaḥ kṣvelaḥ kathaṃ vā tvayā
dṛṣṭaḥ kiṃ ca kare dhṛtaḥ karatale kiṃ pakvajambūphalam |
jihvāyāṃ nihitaśca siddhaghuṭikā vā kaṇṭhadeśe bhṛtaḥ
kiṃ te nīlamaṇirvibhūṣaṇamayaṃ śambho mahātman vada || 32 ||
nālaṃ vā sakṛdeva deva bhavataḥ sevā natirvā nutiḥ
pūjā vā smaraṇaṃ kathāśravaṇamapyālokanaṃ mādṛśām |
svāminnasthiradevatānusaraṇāyāsena kiṃ labhyate
kā vā muktiritaḥ kuto bhavati cetkiṃ prārthanīyaṃ tadā || 33 ||
kiṃ brūmastava sāhasaṃ paśupate kasyāsti śambho bhava-
-ddhairyaṃ cedṛśamātmanaḥ sthitiriyaṃ cānyaiḥ kathaṃ labhyate |
bhraśyaddevagaṇaṃ trasanmunigaṇaṃ naśyatprapañcaṃ layaṃ
paśyannirbhaya eka eva viharatyānandasāndro bhavān || 34 ||
yogakṣemadhurandharasya sakalaśreyaḥpradodyogino
dṛṣṭādṛṣṭamatopadeśakṛtino bāhyāntaravyāpinaḥ |
sarvajñasya dayākarasya bhavataḥ kiṃ veditavyaṃ mayā
śambho tvaṃ paramāntaraṅga iti me citte smarāmyanvaham || 35 ||
bhakto bhaktiguṇāvṛte mudamṛtāpūrṇe prasanne manaḥ
kumbhe sāmba tavāṅghripallavayugaṃ saṃsthāpya saṃvitphalam |
satvaṃ mantramudīrayannijaśarīrāgāraśuddhiṃ vahan
puṇyāhaṃ prakaṭīkaromi ruciraṃ kalyāṇamāpādayan || 36 ||
āmnāyāmbudhimādareṇa sumanaḥsaṅghāḥ samudyanmano [samudyanmanaḥ]
manthānaṃ dṛḍhabhaktirajjusahitaṃ kṛtvā mathitvā tataḥ |
somaṃ kalpataruṃ suparvasurabhiṃ cintāmaṇiṃ dhīmatāṃ
nityānandasudhāṃ nirantararamāsaubhāgyamātanvate || 37 ||
prākpuṇyācalamārgadarśitasudhāmūrtiḥ prasannaḥ śivaḥ
somaḥ sadgaṇasevito mṛgadharaḥ pūrṇastamomocakaḥ |
cetaḥ puṣkaralakṣito bhavati cedānandapāthonidhiḥ
prāgalbhyena vijṛmbhate sumanasāṃ vṛttistadā jāyate || 38 ||
dharmo me caturaṅghrikaḥ sucaritaḥ pāpaṃ vināśaṃ gataṃ
kāmakrodhamadādayo vigalitāḥ kālāḥ sukhāviṣkṛtāḥ |
jñānānandamahauṣadhiḥ suphalitā kaivalyanāthe sadā
mānye mānasapuṇḍarīkanagare rājāvataṃse sthite || 39 ||
dhīyantreṇa vacoghaṭena kavitākulyopakulyākramai- [kavitākulyopakulyākramaiḥ]
-rānītaiśca sadāśivasya caritāmbhorāśidivyāmṛtaiḥ |
hṛtkedārayutāśca bhaktikalamāḥ sāphalyamātanvate
durbhikṣānmama sevakasya bhagavanviśveśa bhītiḥ kutaḥ || 40 ||
pāpotpātavimocanāya ruciraiśvaryāya mṛtyuñjaya
stotradhyānanatipradakṣiṇasaparyālokanākarṇane |
jihvācittaśiroṅghrihastanayanaśrotrairahaṃ prārthito
māmājñāpaya tannirūpaya muhurmāmeva mā me'vacaḥ || 41 ||
gāmbhīryaṃ parikhāpadaṃ ghanadhṛtiḥ prākāra udyadguṇa- [udyadguṇastòmaḥ]
-stomaścāptabalaṃ ghanendriyacayo dvārāṇi dehe sthitaḥ |
vidyā vastusamṛddhirityakhilasāmagrīsamete sadā
durgātipriyadeva māmakamanodurge nivāsaṃ kuru || 42 ||
mā gaccha tvamitastato giriśa bho mayyeva vāsaṃ kuru
svāminnādikirāta māmakamanaḥkāntārasīmāntare |
vartante bahuśo mṛgā madajuṣo mātsaryamohādaya- [ mātsaryamohādayaḥ]
-stānhatvā mṛgayāvinodarucitā lābhaṃ ca samprāpsyasi || 43 ||
karalagnamṛgaḥ karīndrabhaṅgo
ghanaśārdūlavikhaṇḍano'stajantuḥ |
giriśo viśadākṛtiśca cetaḥ-
-kuhare pañcamukho'sti me kuto bhīḥ || 44 ||
chandaḥ śākhiśikhānvitair [śākhiśikhānvitairaḥ] dvijavaraiḥ saṃsevite śāśvate
saukhyāpādini khedabhedini sudhāsāraiḥ phalairdīpite |
cetaḥpakṣiśikhāmaṇe tyaja vṛthā añcāramanyairalaṃ
nityaṃ śaṅkara pādapadmayugalīnīḍe vihāraṃ kuru || 45 ||
ākīrṇe nakharājikāntivibhavai [nakharājikāntivibhavaiḥ] rudyatsudhāvaibhavai-[rudyatsudhāvaibhavaiḥ]
-rādhaute'pi ca padmarāgalalite haṃsavrajairāśrite |
nityaṃ bhaktivadhūgaṇaiśca rahasi svecchāvihāraṃ kuru
sthitvā mānasarājahaṃsa girijānāthāṅghrisaudhāntare || 46 ||
śambhudhyāna vasantasaṅgini hṛdārāme'ghajīrṇacchadāḥ
srastā bhaktilatācchaṭā vilasitāḥ puṇyapravālaśritāḥ |
dīpyante guṇakorakā japavacaḥpuṣpāṇi sadvāsanā
jñānānanda sudhāmarandalaharī saṃvitphalābhyunnatiḥ || 47 ||
nityānandarasālayaṃ suramunisvāntāmbujātāśrayaṃ
svacchaṃ saddvijasevitaṃ kaluṣahṛtsadvāsanā viṣkṛtam |
śambhudhyāna sarovaraṃ vraja manohaṃ sāvataṃsa sthiraṃ
kiṃ kṣudrā śrayapalvala bhramaṇa sañjātaśramaṃ prāpsyasi || 48 ||
ānandāmṛta pūritā harapadāṃ bhojā lavālodyatā
sthairyopaghnamupetya bhaktilatikā śākhopa śākhānvitā |
ucchair mānasa kāyamāna paṭalīmākramya niṣkalmaṣā
nityābhīṣṭa phalapradā bhavatu me satkarma saṃvardhitā || 49 ||
sandhyā rambha vijṛmbhitaṃ śrutiśiraḥ sthānāntarādhi ṣṭhitaṃ
saprema bhramarābhirāmaṃ asakṛt sadvāsanā śobhitam |
bhogīndrā bharaṇaṃ samastasumanaḥ pūjyaṃ guṇāviṣkṛtaṃ
seve śrīgiri mallikārjuna mahāliṅgaṃ śivāliṅgitam || 50 ||
bhṛṅgīcchā naṭanotkaṭaḥ karamadagrāhī sphuran mādhavā- [sphuran mādhavāvhlādo]
-hlādo nādayuto mahāsitavapuḥ pañceṣuṇā cādṛtaḥ |
satpakṣaḥ sumano vaneṣu sa punaḥ sākṣānmadīye mano-
-rājīve bhramarādhipo viharatāṃ śrīśailavāsī vibhuḥ || 51 ||
kāruṇyāmṛta varṣiṇaṃ ghanavipadgrīṣmac chidākarmaṭhaṃ
vidyāsasya phalodayāya sumanaḥ saṃsevya micchākṛtim |
nṛtyad bhakta mayūramadri nilayaṃ cañcajjaṭāmaṇḍalaṃ
śambho vāñchati nīlakandhara sadā tvāṃ me manaścātakaḥ || 52 ||
ākāśena śikhī samastaphaṇināṃ netrā kalāpī natā-[natānugrāhi]
-nugrāhi praṇavopade śaninadaiḥ kekīti yo gīyate |
śyāmāṃ śailasamudbhavāṃ ghanaruciṃ dṛṣṭvā naṭantaṃ mudā
vedāntopavane vihārarasikaṃ taṃ nīlakaṇṭhaṃ bhaje || 53 ||
sandhyā gharmadinātyayo harikarāghāta prabhūtānaka- [prabhūtānakadhvāno ]
-dhvāno vāridagarjitaṃ diviṣadāṃ dṛṣṭicchaṭā cañcalā |
bhaktānāṃ paritoṣabāṣpa vitatir vṛṣṭir mayūrī śivā
yasminnujjvala tāṇḍavaṃ vijayate taṃ nīlakaṇṭhaṃ bhaje || 54 ||
ādyāyāmita tejase śrutipadairvedyāya sādhyāya te
vidyānandamayātmane trijagataḥ saṃrakṣaṇodyogine |
dhyeyāyākhilayogibhiḥ suragaṇairgeyāya māyāvine
samyaktāṇḍava sambhramāya jaṭine seyaṃ natiḥ śambhave || 55 ||
nityāya triguṇātmane purajite kātyāyanī śreyase
satyāyādi kuṭumbine munimanaḥ pratyakṣa cinmūrtaye |
māyāsṛṣṭa jagattrayāya sakalāmnāyāntasañcāriṇe
sāyaṃ tāṇḍava sambhramāya jaṭine seyaṃ natiḥ śambhave || 56 ||
nityaṃ svodarapoṣaṇāya sakalānuddiśya vittāśayā
vyarthaṃ paryaṭanaṃ karomi bhavataḥ sevāṃ na jāne vibho |
majjanmāntara puṇya pāka balatastvaṃ śarva sarvāntara- [sarvāntaraḥ]
-stiṣṭhasyeva hi tena vā paśupate te rakṣaṇīyo'smyaham || 57 ||
eko vārija bāndhavaḥ kṣitinabho vyāptaṃ tamo maṇḍalaṃ
bhittvā locana gocaro'pi bhavati tvaṃ koṭi sūryaprabhaḥ |
vedyaḥ kiṃ na bhavasyaho ghanataraṃ kīdṛgbhavenmattama- [kīdṛgbhavenmattamaḥ]
-statsarvaṃ [tatsarvaṃ] vyapanīya me paśupate sākṣātprasanno bhava || 58 ||
haṃsaḥ padmavanaṃ samicchati yathā nīlāmbudaṃ cātakaḥ
kokaḥ kokanadapriyaṃ pratidinaṃ candraṃ cakorastathā |
ceto vāñchati māmakaṃ paśupate cinmārgamṛgyaṃ vibho
gaurīnātha bhavatpadābja yugalaṃ kaivalya saukhyapradam || 59 ||
rodhastoyahṛtaḥ śrameṇa pathikaśchāyāṃ tarorvṛṣṭito [tarorvṛṣṭitaḥ]
bhītaḥ svasthagṛhaṃ gṛhasthamatithir dīnaḥ prabhuṃ dhārmikam |
dīpaṃ santamasākulaśca śikhinaṃ śītā vṛtastvaṃ tathā
cetaḥ sarvabhayāpahaṃ vraja sukhaṃ śambhoḥ padāmbhoruham || 60 ||
aṅkolaṃ nija-bīja-santatirayaskāntopalaṃ [santatiḥ ayaskāntopalaṃ] sūcikā
sādhvī naijavibhuṃ latā kṣitiruhaṃ sindhuḥ sarid vallabham |
prāpnotīha yathā tathā paśupateḥ pādāravinda dvayaṃ
cetovṛtti rupetya tiṣṭhati sadā sā bhakti rityucyate || 61 ||
ānandāśrubhirātanoti pulakaṃ nairmalyataśchādanaṃ
vācā-śaṅkhamukhe sthitaiśca jaṭharāpūrtiṃ caritrāmṛtaiḥ |
rudrākṣair hasitena deva vapuṣo rakṣāṃ bhavadbhāvanā-
-paryaṅke viniveśya bhaktijananī bhaktārbhakaṃ rakṣati || 62 ||
mārgāvartitapādukā paśupateraṅgasya kūrcāyate
gaṇḍūṣāmbuniṣecanaṃ puraripordivyābhiṣekāyate |
kiñci-dbhakṣita-māṃsa-śeṣakabalaṃ navyopahārāyate
bhaktiḥ kiṃ na karotyaho vanacaro bhaktāvataṃsāyate || 63 ||
vakṣastāḍanamantakasya kaṭhināpasmārasammardanaṃ
bhūbhṛtparyaṭanaṃ namatsuraśiraḥkoṭīrasaṅgharṣaṇam |
karmedaṃ mṛdulasya tāvakapadadvandvasya kiṃ vocitaṃ
maccetomaṇipādukāviharaṇaṃ śambho sadāṅgīkuru || 64 ||
vakṣastāḍanaśaṅkayā vicalito vaivasvato nirjarāḥ
koṭīrojjvalaratnadīpakalikānīrājanaṃ kurvate |
dṛṣṭvā muktivadhūstanoti nibhṛtāśleṣaṃ bhavānīpate
yaccetastava pādapadmabhajanaṃ tasyeha kiṃ durlabham || 65 ||
krīḍārthaṃ sṛjasi prapañcamakhilaṃ krīḍāmṛgāste janāḥ
yatkarmācaritaṃ mayā ca bhavataḥ prītyai bhavatyeva tat |
śambho svasya kutūhalasya karaṇaṃ macceṣṭitaṃ niścitaṃ
tasmānmāmakarakṣaṇaṃ paśupate kartavyameva tvayā || 66 ||
bahuvidhaparitoṣabāṣpapūra-
-sphuṭapulakāṅkitacārubhogabhūmim |
cirapadaphalakāṅkṣisevyamānāṃ
paramasadāśivabhāvanāṃ prapadye || 67 ||
amitamudamṛtaṃ muhurduhantīṃ
vimalabhavatpadagoṣṭhamāvasantīm |
sadaya paśupate supuṇyapākāṃ
mama paripālaya bhaktidhenumekām || 68 ||
jaḍatā paśutā kalaṅkitā
kuṭilacaratvaṃ ca nāsti mayi deva |
asti yadi rājamaule
bhavadābharaṇasya nāsmi kiṃ pātram || 69 ||
arahasi rahasi svatantrabuddhyā
varivasituṃ sulabhaḥ prasannamūrtiḥ |
agaṇitaphaladāyakaḥ prabhurme
jagadadhiko hṛdi rājaśekharo'sti || 70 ||
ārūḍhabhaktiguṇakuñcitabhāvacāpa-
-yuktaiḥ śivasmaraṇabāṇagaṇairamoghaiḥ |
nirjitya kilbiṣaripūnvijayī sudhīndraḥ
sānandamāvahati susthirarājalakṣmīm || 71 ||
dhyānāñjanena samavekṣya tamaḥpradeśaṃ
bhittvā mahābalibhirīśvaranāmamantraiḥ |
divyāśritaṃ bhujagabhūṣaṇamudvahanti
ye pādapadmamiha te śiva te kṛtārthāḥ || 72 ||
bhūdāratāmudavahadyadapekṣayā śrī-
-bhūdāra eva kimataḥ sumate labhasva |
kedāramākalitamuktimahauṣadhīnāṃ
pādāravindabhajanaṃ parameśvarasya || 73 ||
āśāpāśakleśadurvāsanādi-
-bhedodyuktairdivyagandhairamandaiḥ |
āśāśāṭīkasya pādāravindaṃ
cetaḥpeṭīṃ vāsitāṃ me tanotu || 74 ||
kalyāṇinaṃ sarasacitragatiṃ savegaṃ
sarveṅgitajñamanaghaṃ dhruvalakṣaṇāḍhyam |
cetasturaṅgamadhiruhya cara smarāre
netaḥ samastajagatāṃ vṛṣabhādhirūḍha || 75 ||
bhaktirmaheśapadapuṣkaramāvasantī
kādambinīva kurute paritoṣavarṣam |
sampūrito bhavati yasya manastaṭāka-
-stajjanmasasyamakhilaṃ saphalaṃ ca nānyat || 76 ||
buddhiḥ sthirā bhavitumīśvarapādapadma-
-saktā vadhūrvirahiṇīva sadā smarantī |
sadbhāvanāsmaraṇadarśanakīrtanādi
sammohiteva śivamantrajapena vinte || 77 ||
sadupacāravidhiṣvanubodhitāṃ
savinayāṃ suhṛdaṃ samupāśritām |
mama samuddhara buddhimimāṃ prabho
varaguṇena navoḍhavadhūmiva || 78 ||
nityaṃ yogimanaḥ sarojadalasañcārakṣamastvatkramaḥ
śambho tena kathaṃ kaṭhorayamarāḍvakṣaḥkavāṭakṣatiḥ |
atyantaṃ mṛdulaṃ tvadaṅghriyugalaṃ hā me manaścintaya-
-tyetallocanagocaraṃ kuru vibho hastena saṃvāhaye || 79 ||
eṣyatyeṣa janiṃ mano'sya kaṭhinaṃ tasminnaṭānīti ma-
-drakṣāyai girisīmni komalapadanyāsaḥ purābhyāsitaḥ |
no ceddivyagṛhāntareṣu sumanastalpeṣu vedyādiṣu
prāyaḥ satsu śilātaleṣu naṭanaṃ śambho kimarthaṃ tava || 80 ||
kañcitkālamumāmaheśa bhavataḥ pādāravindārcanaiḥ
kañciddhyānasamādhibhiśca natibhiḥ kañcitkathākarṇanaiḥ |
kañcitkañcidavekṣaṇaiśca nutibhiḥ kañciddaśāmīdṛśīṃ
yaḥ prāpnoti mudā tvadarpitamanā jīvan sa muktaḥ khalu || 81 ||
bāṇatvaṃ vṛṣabhatvamardhavapuṣā bhāryātvamāryāpate
ghoṇitvaṃ sakhitā mṛdaṅgavahatā cetyādi rūpaṃ dadhau |
tvatpāde nayanārpaṇaṃ ca kṛtavāṃstvaddehabhāgo hariḥ
pūjyātpūjyataraḥ sa eva hi na cetko vā tadanyo'dhikaḥ || 82 ||
jananamṛtiyutānāṃ sevayā devatānāṃ
na bhavati sukhaleśaḥ saṃśayo nāsti tatra |
ajanimamṛtarūpaṃ sāmbamīśaṃ bhajante
ya iha paramasaukhyaṃ te hi dhanyā labhante || 83 ||
śiva tava paricaryāsannidhānāya gauryā
bhava mama guṇadhuryāṃ buddhikanyāṃ pradāsye |
sakalabhuvanabandho saccidānandasindho
sadaya hṛdayagehe sarvadā saṃvasa tvam || 84 ||
jaladhimathanadakṣo naiva pātālabhedī
na ca vanamṛgayāyāṃ naiva lubdhaḥ pravīṇaḥ |
aśanakusumabhūṣāvastramukhyāṃ saparyāṃ
kathaya kathamahaṃ te kalpayānīndumaule || 85 ||
pūjādravyasamṛddhayo viracitāḥ pūjāṃ kathaṃ kurmahe
pakṣitvaṃ na ca vā kiṭitvamapi na prāptaṃ mayā durlabham |
jāne mastakamaṅghripallavamumājāne na te'haṃ vibho
na jñātaṃ hi pitāmahena hariṇā tattvena tadrūpiṇā || 86 ||
aśanaṃ garalaṃ phaṇī kalāpo
vasanaṃ carma ca vāhanaṃ mahokṣaḥ |
mama dāsyasi kiṃ kimasti śambho
tava pādāmbujabhaktimeva dehi || 87 ||
yadā kṛtāmbhonidhisetubandhanaḥ
karasthalādhaḥkṛtaparvatādhipaḥ |
bhavāni te laṅghitapadmasambhava-
-stadā śivārcāstavabhāvanakṣamaḥ || 88 ||
natibhirnutibhistvamīśa pūjā-
-vidhibhirdhyānasamādhibhirna tuṣṭaḥ |
dhanuṣā musalena cāśmabhirvā
vada te prītikaraṃ tathā karomi || 89 ||
vacasā caritaṃ vadāmi śambho-
-rahamudyogavidhāsu te'prasaktaḥ |
manasākṛtimīśvarasya seve
śirasā caiva sadāśivaṃ namāmi || 90 ||
ādyāvidyā hṛdgatā nirgatāsī-
-dvidyā hṛdyā hṛdgatā tvatprasādāt |
seve nityaṃ śrīkaraṃ tvatpadābjaṃ
bhāve mukterbhājanaṃ rājamaule || 91 ||
dūrīkṛtāni duritāni durakṣarāṇi
daurbhāgyaduḥkhadurahaṅkṛtidurvacāṃsi |
sāraṃ tvadīyacaritaṃ nitarāṃ pibantaṃ
gaurīśa māmiha samuddhara satkaṭākṣaiḥ || 92 ||
somakalādharamaulau
komalaghanakandhare mahāmahasi |
svāmini girijānāthe
māmakahṛdayaṃ nirantaraṃ ramatām || 93 ||
sā rasanā te nayane
tāveva karau sa eva kṛtakṛtyaḥ |
yā ye yau yo bhargaṃ
vadatīkṣete sadārcataḥ smarati || 94 ||
atimṛdulau mama caraṇā-
-vatikaṭhinaṃ te mano bhavānīśa |
iti vicikitsāṃ santyaja
śiva kathamāsīdgirau tathā veśaḥ || 95 ||
dhairyāṅkuśena nibhṛtaṃ
rabhasādākṛṣya bhaktiśṛṅkhalayā |
purahara caraṇālāne
hṛdayamadebhaṃ badhāna cidyantraiḥ || 96 ||
pracaratyabhitaḥ pragalbhavṛttyā
madavāneṣa manaḥ karī garīyān |
rigṛhya nayena bhaktirajvā
parama sthāṇu padaṃ dṛḍhaṃ nayāmum || 97 ||
sarvālaṅkārayuktāṃ saralapadayutāṃ sādhuvṛttāṃ suvarṇāṃ
sadbhiḥ saṃstūyamānāṃ sarasaguṇayutāṃ lakṣitāṃ lakṣaṇāḍhyām |
udyadbhūṣāviśeṣāmupagatavinayāṃ dyotamānārtharekhāṃ
kalyāṇīṃ deva gaurīpriya mama kavitākanyakāṃ tvaṃ gṛhāṇa || 98 ||
idaṃ te yuktaṃ vā paramaśiva kāruṇyajaladhe
gatau tiryagrūpaṃ tava padaśirodarśanadhiyā |
haribrahmāṇau tau divi bhuvi carantau śramayutau
kathaṃ śambho svāminkathaya mama vedyo'si purataḥ || 99 ||
stotreṇālamahaṃ pravacmi na mṛṣā devā viriñcādayaḥ
stutyānāṃ gaṇanāprasaṅgasamaye tvāmagragaṇyaṃ viduḥ |
māhātmyāgravicāraṇaprakaraṇe dhānātuṣastomava-
-ddhūtāstvāṃ viduruttamottamaphalaṃ śambho bhavatsevakāḥ || 100 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau śivānandalaharī ||
Sanskrit — Devanagari (original)
कलाभ्यां चूडालङ्कृत-शशिकलाभ्यां निजतपः-
-फलाभ्यां भक्तेषु प्रकटित-फलाभ्यां भवतु मे ।
शिवाभ्या-मस्तोक-त्रिभुवन-शिवाभ्यां हृदि पुन-
-र्भवाभ्या-मानन्द-स्फुरदनुभवाभ्यां नतिरियम् ॥ 1 ॥
गलन्ती शम्भो त्वच्चरित-सरितः किल्बिषरजो
दलन्ती धीकुल्या-सरणिषु पतन्ती विजयताम् ।
दिशन्ती संसार-भ्रमण-परितापोपशमनं
वसन्ती मच्चेतोह्रदभुवि शिवानन्दलहरी ॥ 2 ॥
त्रयीवेद्यं हृद्यं त्रिपुर-हरमाद्यं त्रिनयनं
जटाभारोदारं चलदुरगहारं मृगधरम् ।
महादेवं देवं मयि सदयभावं पशुपतिं
चिदालम्बं साम्बं शिवमति-विडम्बं हृदि भजे ॥ 3 ॥
सहस्रं वर्तन्ते जगति विबुधाः क्षुद्रफलदा
न मन्ये स्वप्ने वा तदनुसरणं तत्कृतफलम् ।
हरि-ब्रह्मादीना-मपि निकट-भाजामसुलभं
चिरं याचे शम्भो शिव तव पदाम्भोज-भजनम् ॥ 4 ॥
स्मृतौ शास्त्रे वैद्ये शकुन-कविता-गानफणितौ
पुराणे मन्त्रे वा स्तुति-नटन-हास्येष्वचतुरः ।
कथं राज्ञां प्रीतिर्भवति मयि कोऽहं पशुपते
पशुं मां सर्वज्ञ प्रथित कृपया पालय विभो ॥ 5 ॥
घटो वा मृत्पिण्डो-ऽप्यणुरपि च धूमोऽग्निरचलः
पटो वा तन्तुर्वा परिहरति किं घोरशमनम् ।
वृथा कण्ठक्षोभं वहसि तरसा तर्कवचसा
पदाम्भोजं शम्भोर्भज परमसौख्यं व्रज सुधीः ॥ 6 ॥
मनस्ते पादाब्जे निवसतु वचः स्तोत्रफणितौ
करौ चाभ्यर्चायां श्रुतिरपि कथा कर्णनविधौ ।
तव ध्याने बुद्धिर्नयनयुगलं मूर्तिविभवे [बुद्धिः नयनयुगलं]
पर-ग्रन्थान्कैर्वा परमशिव जाने परमतः ॥ 7 ॥
यथा बुद्धिः शुक्तौ रजतमिति काचाश्मनि मणि- [मणिः जले]
-र्जले पैष्टे क्षीरं भवति मृगतृष्णा-सु सलिलम् ।
तथा देवभ्रान्त्या भजति भवदन्यं जडजनो
महादेवेशं त्वां मनसि च न मत्वा पशुपते ॥ 8 ॥
गभीरे कासारे विशति विजने घोरविपिने
विशाले शैले च भ्रमति कुसुमार्थं जडमतिः ।
समर्प्यैकं चेतः सरसिजमु-मानाथ भवते
सुखे-नावस्थातुं जन इह न जानाति किमहो ॥ 9 ॥
नरत्वं देवत्वं नगवन-मृगत्वं मशकता
पशुत्वं कीटत्वं भवतु विहगत्वादि जननम् ।
सदा त्वत्पादाब्ज-स्मरण-परमानन्दलहरी-
-विहारासक्तं चेद्धृदयमिह किं तेन वपुषा ॥ 10 ॥
वटुर्वा गेही वा यतिरपि जटी वा तदितरो
नरो वा यः कश्चिद्भवतु भव किं तेन भवति ।
यदीयं हृत्पद्मं यदि भवदधीनं पशुपते
तदीयस्त्वं शम्भो भवसि भवभारं च वहसि ॥ 11 ॥
गुहायां गेहे वा बहिरपि वने वाऽद्रिशिखरे
जले वा वह्नौ वा वसतु वसतेः किं वद फलम् ।
सदा यस्यैवान्तः-करणमपि शम्भो तव पदे
स्थितं चेद्योगोऽसौ स च परमयोगी स च सुखी ॥ 12 ॥
असारे संसारे निज-भजनदूरे जडधिया
भ्रमन्तं मामन्धं परमकृपया पातुमुचितम् ।
मदन्यः को दीनस्तव कृपण-रक्षातिनिपुण- [रक्षातिनिपुणः त्वदन्यः]
-स्त्वदन्यः को वा मे त्रिजगति शरण्यः पशुपते ॥ 13 ॥
प्रभुस्त्वं दीनानां खलु परमबन्धुः पशुपते
प्रमुख्योऽहं तेषामपि किमुत बन्धुत्वमनयोः ।
त्वयैव क्षन्तव्याः शिव मदपराधाश्च सकलाः
प्रयत्ना-त्कर्तव्यं मदवनमियं बन्धुसरणिः ॥ 14 ॥
उपेक्षा नो चेत्किं न हरसि भवद्ध्यान-विमुखां
दुराशा-भूयिष्ठां विधिलिपि-मशक्तो यदि भवान् ।
शिरस्तद्वैधात्रं ननखलु सुवृत्तं पशुपते
कथं वा निर्यत्नं करनख-मुखेनैव लुलितम् ॥ 15 ॥
विरिञ्चि-र्दीर्घायु-र्भवतु भवता तत्परशिर- [तत्परशिरः चतुष्कं]
-श्चतुष्कं संरक्ष्यं स खलु भुवि दैन्यं लिखितवान् ।
विचारः को वा मां विशद कृपया पाति शिव ते
कटाक्षव्यापारः स्वयमपि च दीनावनपरः ॥ 16 ॥
फलाद्वा पुण्यानां मयि करुणया वा त्वयि विभो
प्रसन्नेऽपि स्वामिन् भवदमल-पादाब्ज-युगलम् ।
कथं पश्येयं मां स्थगयति नमः सम्भ्रमजुषां
निलिम्पानां श्रेणि-र्निज-कनक-माणिक्य-मकुटैः ॥ 17 ॥
त्वमेको लोकानां परमफलदो दिव्यपदवीं
वहन्तस्त्वन्मूलां पुनरपि भजन्ते हरिमुखाः ।
कियद्वा दाक्षिण्यं तव शिव मदाशा च कियती
कदा वा मद्रक्षां वहसि करुणा-पूरितदृशा ॥ 18 ॥
दुराशा-भूयिष्ठे दुरधिप-गृहद्वार-घटके
दुरन्ते संसारे दुरितनिलये दुःखजनके ।
मदायासं किं न व्यपनयसि कस्योप-कृतये
वदेयं प्रीतिश्चेत्तव शिव कृतार्थाः खलु वयम् ॥ 19 ॥
सदा मोहाटव्यां चरति युवतीनां कुचगिरौ
नटत्याशा-शाखा-स्वटति झटिति स्वैरमभितः ।
कपालिन् भिक्षो मे हृदय-कपिमत्यन्त-चपलं
दृढं भक्त्या बद्ध्वा शिव भवदधीनं कुरु विभो ॥ 20 ॥
धृति-स्तम्भाधारां दृढ-गुण-निबद्धां सगमनां
विचित्रां पद्माढ्यां प्रतिदिवस-सन्मार्ग-घटिताम् ।
स्मरारे मच्चेतः-स्फुट-पटकुटीं प्राप्य विशदां
जय स्वामिन् शक्त्या सह शिव गणैः सेवित विभो ॥ 21 ॥
प्रलोभाद्यैरर्थाहरण-परतन्त्रो धनिगृहे [प्रलोभाद्यैः अर्थाहरण-परतन्त्रो]
प्रवेशोद्युक्तः सन् भ्रमति बहुधा तस्करपते ।
इमं चेतश्चोरं कथमिह सहे शङ्कर विभो
तवाधीनं कृत्वा मयि निरपराधे कुरु कृपाम् ॥ 22 ॥
करोमि त्वत्पूजां सपदि सुखदो मे भव विभो
विधित्वं विष्णुत्वं दिशसि खलु तस्याः फलमिति ।
पुनश्च त्वां द्रष्टुं दिवि भुवि वहन्पक्षि-मृगता-
-मदृष्ट्वा तत्खेदं कथमिह सहे शङ्कर विभो ॥ 23 ॥
कदा वा कैलासे कनकमणिसौधे सह गणै- [सह गणैः वसन्]
-र्वसन् शम्भोरग्रे स्फुट-घटित-मूर्धाञ्जलिपुटः ।
विभो साम्ब स्वामि-न्परमशिव पाहीति निगद-
-न्विधातॄणां कल्पान् क्षणमिव विनेष्यामि सुखतः ॥ 24 ॥
स्तवै-र्ब्रह्मादीनां जयजय-वचोभिर्नियमिनां
गणानां केलीभिर्मदकलमहोक्षस्य ककुदि । [केलीभिः मदकल-महोक्षस्य]
स्थितं नीलग्रीवं त्रिनयन-मुमाश्लिष्ट-वपुषं
कदा त्वां पश्येयं करधृत-मृगं खण्ड-परशुम् ॥ 25 ॥
कदा वा त्वां दृष्ट्वा गिरिश तव भव्याङ्घ्रि युगलं
गृहीत्वा हस्ताभ्यां शिरसि नयने वक्षसि वहन् ।
समा श्लिष्या घ्राय स्फुट जलज गन्धान् परिमला-
-नलाभ्यां ब्रह्माद्यैर्मुदमनुभविष्यामि हृदये ॥ 26 ॥ [ब्रह्माद्यैः मुद-मनुभविष्यामि]
करस्थे हेमाद्रौ गिरिश निकटस्थे धनपतौ
गृहस्थे स्वर्भूजा मर सुरभि चिन्तामणिगणे ।
शिरःस्थे शीतांशौ चरणयुगलस्थेऽखिलशुभे
कमर्थं दास्येऽहं भवतु भवदर्थं मम मनः ॥ 27 ॥
सारूप्यं तव पूजने शिव महादेवेति सङ्कीर्तने
सामीप्यं शिवभक्ति-धुर्यजनता-साङ्गत्य-सम्भाषणे ॥
सालोक्यं च चराचरात्मकतनुध्याने भवानीपते
सायुज्यं मम सिद्धमत्र भवति स्वामिन् कृतार्थोऽस्म्यहम् ॥ 28 ॥
त्वत्पादाम्बुजमर्चयामि परमं त्वां चिन्तयाम्यन्वहं
त्वामीशं शरणं व्रजामि वचसा त्वामेव याचे विभो ।
वीक्षां मे दिश चाक्षुषीं सकरुणां दिव्यैश्चिरं प्रार्थितां
शम्भो लोकगुरो मदीयमनसः सौख्योपदेशं कुरु ॥ 29 ॥
वस्त्रोद्धूतविधौ सहस्रकरता पुष्पार्चने विष्णुता
गन्धे गन्धवहात्मताऽन्नपचने बर्हिर्मुखाध्यक्षता ।
पात्रे काञ्चनगर्भतास्ति मयि चेद्बालेन्दुचूडामणे
शुश्रूषां करवाणि ते पशुपते स्वामिंस्त्रिलोकीगुरो ॥ 30 ॥
नालं वा परमोपकारकमिदं त्वेकं पशूनां पते
पश्यन् कुक्षिगतांश्चराचरगणान् बाह्यस्थितान् रक्षितुम् ।
सर्वामर्त्यपलायनौषधमतिज्वालाकरं भीकरं
निक्षिप्तं गरलं गले न गिलितं नोद्गीर्णमेव त्वया ॥ 31 ॥
ज्वालोग्रः सकलामरातिभयदः क्ष्वेलः कथं वा त्वया
दृष्टः किं च करे धृतः करतले किं पक्वजम्बूफलम् ।
जिह्वायां निहितश्च सिद्धघुटिका वा कण्ठदेशे भृतः
किं ते नीलमणिर्विभूषणमयं शम्भो महात्मन् वद ॥ 32 ॥
नालं वा सकृदेव देव भवतः सेवा नतिर्वा नुतिः
पूजा वा स्मरणं कथाश्रवणमप्यालोकनं मादृशाम् ।
स्वामिन्नस्थिरदेवतानुसरणायासेन किं लभ्यते
का वा मुक्तिरितः कुतो भवति चेत्किं प्रार्थनीयं तदा ॥ 33 ॥
किं ब्रूमस्तव साहसं पशुपते कस्यास्ति शम्भो भव-
-द्धैर्यं चेदृशमात्मनः स्थितिरियं चान्यैः कथं लभ्यते ।
भ्रश्यद्देवगणं त्रसन्मुनिगणं नश्यत्प्रपञ्चं लयं
पश्यन्निर्भय एक एव विहरत्यानन्दसान्द्रो भवान् ॥ 34 ॥
योगक्षेमधुरन्धरस्य सकलश्रेयःप्रदोद्योगिनो
दृष्टादृष्टमतोपदेशकृतिनो बाह्यान्तरव्यापिनः ।
सर्वज्ञस्य दयाकरस्य भवतः किं वेदितव्यं मया
शम्भो त्वं परमान्तरङ्ग इति मे चित्ते स्मराम्यन्वहम् ॥ 35 ॥
भक्तो भक्तिगुणावृते मुदमृतापूर्णे प्रसन्ने मनः
कुम्भे साम्ब तवाङ्घ्रिपल्लवयुगं संस्थाप्य संवित्फलम् ।
सत्वं मन्त्रमुदीरयन्निजशरीरागारशुद्धिं वहन्
पुण्याहं प्रकटीकरोमि रुचिरं कल्याणमापादयन् ॥ 36 ॥
आम्नायाम्बुधिमादरेण सुमनःसङ्घाः समुद्यन्मनो [समुद्यन्मनः]
मन्थानं दृढभक्तिरज्जुसहितं कृत्वा मथित्वा ततः ।
सोमं कल्पतरुं सुपर्वसुरभिं चिन्तामणिं धीमतां
नित्यानन्दसुधां निरन्तररमासौभाग्यमातन्वते ॥ 37 ॥
प्राक्पुण्याचलमार्गदर्शितसुधामूर्तिः प्रसन्नः शिवः
सोमः सद्गणसेवितो मृगधरः पूर्णस्तमोमोचकः ।
चेतः पुष्करलक्षितो भवति चेदानन्दपाथोनिधिः
प्रागल्भ्येन विजृम्भते सुमनसां वृत्तिस्तदा जायते ॥ 38 ॥
धर्मो मे चतुरङ्घ्रिकः सुचरितः पापं विनाशं गतं
कामक्रोधमदादयो विगलिताः कालाः सुखाविष्कृताः ।
ज्ञानानन्दमहौषधिः सुफलिता कैवल्यनाथे सदा
मान्ये मानसपुण्डरीकनगरे राजावतंसे स्थिते ॥ 39 ॥
धीयन्त्रेण वचोघटेन कविताकुल्योपकुल्याक्रमै- [कविताकुल्योपकुल्याक्रमैः]
-रानीतैश्च सदाशिवस्य चरिताम्भोराशिदिव्यामृतैः ।
हृत्केदारयुताश्च भक्तिकलमाः साफल्यमातन्वते
दुर्भिक्षान्मम सेवकस्य भगवन्विश्वेश भीतिः कुतः ॥ 40 ॥
पापोत्पातविमोचनाय रुचिरैश्वर्याय मृत्युञ्जय
स्तोत्रध्याननतिप्रदक्षिणसपर्यालोकनाकर्णने ।
जिह्वाचित्तशिरोङ्घ्रिहस्तनयनश्रोत्रैरहं प्रार्थितो
मामाज्ञापय तन्निरूपय मुहुर्मामेव मा मेऽवचः ॥ 41 ॥
गाम्भीर्यं परिखापदं घनधृतिः प्राकार उद्यद्गुण- [उद्यद्गुणस्तॊमः]
-स्तोमश्चाप्तबलं घनेन्द्रियचयो द्वाराणि देहे स्थितः ।
विद्या वस्तुसमृद्धिरित्यखिलसामग्रीसमेते सदा
दुर्गातिप्रियदेव मामकमनोदुर्गे निवासं कुरु ॥ 42 ॥
मा गच्छ त्वमितस्ततो गिरिश भो मय्येव वासं कुरु
स्वामिन्नादिकिरात मामकमनःकान्तारसीमान्तरे ।
वर्तन्ते बहुशो मृगा मदजुषो मात्सर्यमोहादय- [ मात्सर्यमोहादयः]
-स्तान्हत्वा मृगयाविनोदरुचिता लाभं च सम्प्राप्स्यसि ॥ 43 ॥
करलग्नमृगः करीन्द्रभङ्गो
घनशार्दूलविखण्डनोऽस्तजन्तुः ।
गिरिशो विशदाकृतिश्च चेतः-
-कुहरे पञ्चमुखोऽस्ति मे कुतो भीः ॥ 44 ॥
छन्दः शाखिशिखान्वितैर् [शाखिशिखान्वितैरः] द्विजवरैः संसेविते शाश्वते
सौख्यापादिनि खेदभेदिनि सुधासारैः फलैर्दीपिते ।
चेतःपक्षिशिखामणे त्यज वृथा अञ्चारमन्यैरलं
नित्यं शङ्कर पादपद्मयुगलीनीडे विहारं कुरु ॥ 45 ॥
आकीर्णे नखराजिकान्तिविभवै [नखराजिकान्तिविभवैः] रुद्यत्सुधावैभवै-[रुद्यत्सुधावैभवैः]
-राधौतेऽपि च पद्मरागललिते हंसव्रजैराश्रिते ।
नित्यं भक्तिवधूगणैश्च रहसि स्वेच्छाविहारं कुरु
स्थित्वा मानसराजहंस गिरिजानाथाङ्घ्रिसौधान्तरे ॥ 46 ॥
शम्भुध्यान वसन्तसङ्गिनि हृदारामेऽघजीर्णच्छदाः
स्रस्ता भक्तिलताच्छटा विलसिताः पुण्यप्रवालश्रिताः ।
दीप्यन्ते गुणकोरका जपवचःपुष्पाणि सद्वासना
ज्ञानानन्द सुधामरन्दलहरी संवित्फलाभ्युन्नतिः ॥ 47 ॥
नित्यानन्दरसालयं सुरमुनिस्वान्ताम्बुजाताश्रयं
स्वच्छं सद्द्विजसेवितं कलुषहृत्सद्वासना विष्कृतम् ।
शम्भुध्यान सरोवरं व्रज मनोहं सावतंस स्थिरं
किं क्षुद्रा श्रयपल्वल भ्रमण सञ्जातश्रमं प्राप्स्यसि ॥ 48 ॥
आनन्दामृत पूरिता हरपदां भोजा लवालोद्यता
स्थैर्योपघ्नमुपेत्य भक्तिलतिका शाखोप शाखान्विता ।
उच्छैर् मानस कायमान पटलीमाक्रम्य निष्कल्मषा
नित्याभीष्ट फलप्रदा भवतु मे सत्कर्म संवर्धिता ॥ 49 ॥
सन्ध्या रम्भ विजृम्भितं श्रुतिशिरः स्थानान्तराधि ष्ठितं
सप्रेम भ्रमराभिरामं असकृत् सद्वासना शोभितम् ।
भोगीन्द्रा भरणं समस्तसुमनः पूज्यं गुणाविष्कृतं
सेवे श्रीगिरि मल्लिकार्जुन महालिङ्गं शिवालिङ्गितम् ॥ 50 ॥
भृङ्गीच्छा नटनोत्कटः करमदग्राही स्फुरन् माधवा- [स्फुरन् माधवाव्ह्लादो]
-ह्लादो नादयुतो महासितवपुः पञ्चेषुणा चादृतः ।
सत्पक्षः सुमनो वनेषु स पुनः साक्षान्मदीये मनो-
-राजीवे भ्रमराधिपो विहरतां श्रीशैलवासी विभुः ॥ 51 ॥
कारुण्यामृत वर्षिणं घनविपद्ग्रीष्मच् छिदाकर्मठं
विद्यासस्य फलोदयाय सुमनः संसेव्य मिच्छाकृतिम् ।
नृत्यद् भक्त मयूरमद्रि निलयं चञ्चज्जटामण्डलं
शम्भो वाञ्छति नीलकन्धर सदा त्वां मे मनश्चातकः ॥ 52 ॥
आकाशेन शिखी समस्तफणिनां नेत्रा कलापी नता-[नतानुग्राहि]
-नुग्राहि प्रणवोपदे शनिनदैः केकीति यो गीयते ।
श्यामां शैलसमुद्भवां घनरुचिं दृष्ट्वा नटन्तं मुदा
वेदान्तोपवने विहाररसिकं तं नीलकण्ठं भजे ॥ 53 ॥
सन्ध्या घर्मदिनात्ययो हरिकराघात प्रभूतानक- [प्रभूतानकध्वानो ]
-ध्वानो वारिदगर्जितं दिविषदां दृष्टिच्छटा चञ्चला ।
भक्तानां परितोषबाष्प विततिर् वृष्टिर् मयूरी शिवा
यस्मिन्नुज्ज्वल ताण्डवं विजयते तं नीलकण्ठं भजे ॥ 54 ॥
आद्यायामित तेजसे श्रुतिपदैर्वेद्याय साध्याय ते
विद्यानन्दमयात्मने त्रिजगतः संरक्षणोद्योगिने ।
ध्येयायाखिलयोगिभिः सुरगणैर्गेयाय मायाविने
सम्यक्ताण्डव सम्भ्रमाय जटिने सेयं नतिः शम्भवे ॥ 55 ॥
नित्याय त्रिगुणात्मने पुरजिते कात्यायनी श्रेयसे
सत्यायादि कुटुम्बिने मुनिमनः प्रत्यक्ष चिन्मूर्तये ।
मायासृष्ट जगत्त्रयाय सकलाम्नायान्तसञ्चारिणे
सायं ताण्डव सम्भ्रमाय जटिने सेयं नतिः शम्भवे ॥ 56 ॥
नित्यं स्वोदरपोषणाय सकलानुद्दिश्य वित्ताशया
व्यर्थं पर्यटनं करोमि भवतः सेवां न जाने विभो ।
मज्जन्मान्तर पुण्य पाक बलतस्त्वं शर्व सर्वान्तर- [सर्वान्तरः]
-स्तिष्ठस्येव हि तेन वा पशुपते ते रक्षणीयोऽस्म्यहम् ॥ 57 ॥
एको वारिज बान्धवः क्षितिनभो व्याप्तं तमो मण्डलं
भित्त्वा लोचन गोचरोऽपि भवति त्वं कोटि सूर्यप्रभः ।
वेद्यः किं न भवस्यहो घनतरं कीदृग्भवेन्मत्तम- [कीदृग्भवेन्मत्तमः]
-स्तत्सर्वं [तत्सर्वं] व्यपनीय मे पशुपते साक्षात्प्रसन्नो भव ॥ 58 ॥
हंसः पद्मवनं समिच्छति यथा नीलाम्बुदं चातकः
कोकः कोकनदप्रियं प्रतिदिनं चन्द्रं चकोरस्तथा ।
चेतो वाञ्छति मामकं पशुपते चिन्मार्गमृग्यं विभो
गौरीनाथ भवत्पदाब्ज युगलं कैवल्य सौख्यप्रदम् ॥ 59 ॥
रोधस्तोयहृतः श्रमेण पथिकश्छायां तरोर्वृष्टितो [तरोर्वृष्टितः]
भीतः स्वस्थगृहं गृहस्थमतिथिर् दीनः प्रभुं धार्मिकम् ।
दीपं सन्तमसाकुलश्च शिखिनं शीता वृतस्त्वं तथा
चेतः सर्वभयापहं व्रज सुखं शम्भोः पदाम्भोरुहम् ॥ 60 ॥
अङ्कोलं निज-बीज-सन्ततिरयस्कान्तोपलं [सन्ततिः अयस्कान्तोपलं] सूचिका
साध्वी नैजविभुं लता क्षितिरुहं सिन्धुः सरिद् वल्लभम् ।
प्राप्नोतीह यथा तथा पशुपतेः पादारविन्द द्वयं
चेतोवृत्ति रुपेत्य तिष्ठति सदा सा भक्ति रित्युच्यते ॥ 61 ॥
आनन्दाश्रुभिरातनोति पुलकं नैर्मल्यतश्छादनं
वाचा-शङ्खमुखे स्थितैश्च जठरापूर्तिं चरित्रामृतैः ।
रुद्राक्षैर् हसितेन देव वपुषो रक्षां भवद्भावना-
-पर्यङ्के विनिवेश्य भक्तिजननी भक्तार्भकं रक्षति ॥ 62 ॥
मार्गावर्तितपादुका पशुपतेरङ्गस्य कूर्चायते
गण्डूषाम्बुनिषेचनं पुररिपोर्दिव्याभिषेकायते ।
किञ्चि-द्भक्षित-मांस-शेषकबलं नव्योपहारायते
भक्तिः किं न करोत्यहो वनचरो भक्तावतंसायते ॥ 63 ॥
वक्षस्ताडनमन्तकस्य कठिनापस्मारसम्मर्दनं
भूभृत्पर्यटनं नमत्सुरशिरःकोटीरसङ्घर्षणम् ।
कर्मेदं मृदुलस्य तावकपदद्वन्द्वस्य किं वोचितं
मच्चेतोमणिपादुकाविहरणं शम्भो सदाङ्गीकुरु ॥ 64 ॥
वक्षस्ताडनशङ्कया विचलितो वैवस्वतो निर्जराः
कोटीरोज्ज्वलरत्नदीपकलिकानीराजनं कुर्वते ।
दृष्ट्वा मुक्तिवधूस्तनोति निभृताश्लेषं भवानीपते
यच्चेतस्तव पादपद्मभजनं तस्येह किं दुर्लभम् ॥ 65 ॥
क्रीडार्थं सृजसि प्रपञ्चमखिलं क्रीडामृगास्ते जनाः
यत्कर्माचरितं मया च भवतः प्रीत्यै भवत्येव तत् ।
शम्भो स्वस्य कुतूहलस्य करणं मच्चेष्टितं निश्चितं
तस्मान्मामकरक्षणं पशुपते कर्तव्यमेव त्वया ॥ 66 ॥
बहुविधपरितोषबाष्पपूर-
-स्फुटपुलकाङ्कितचारुभोगभूमिम् ।
चिरपदफलकाङ्क्षिसेव्यमानां
परमसदाशिवभावनां प्रपद्ये ॥ 67 ॥
अमितमुदमृतं मुहुर्दुहन्तीं
विमलभवत्पदगोष्ठमावसन्तीम् ।
सदय पशुपते सुपुण्यपाकां
मम परिपालय भक्तिधेनुमेकाम् ॥ 68 ॥
जडता पशुता कलङ्किता
कुटिलचरत्वं च नास्ति मयि देव ।
अस्ति यदि राजमौले
भवदाभरणस्य नास्मि किं पात्रम् ॥ 69 ॥
अरहसि रहसि स्वतन्त्रबुद्ध्या
वरिवसितुं सुलभः प्रसन्नमूर्तिः ।
अगणितफलदायकः प्रभुर्मे
जगदधिको हृदि राजशेखरोऽस्ति ॥ 70 ॥
आरूढभक्तिगुणकुञ्चितभावचाप-
-युक्तैः शिवस्मरणबाणगणैरमोघैः ।
निर्जित्य किल्बिषरिपून्विजयी सुधीन्द्रः
सानन्दमावहति सुस्थिरराजलक्ष्मीम् ॥ 71 ॥
ध्यानाञ्जनेन समवेक्ष्य तमःप्रदेशं
भित्त्वा महाबलिभिरीश्वरनाममन्त्रैः ।
दिव्याश्रितं भुजगभूषणमुद्वहन्ति
ये पादपद्ममिह ते शिव ते कृतार्थाः ॥ 72 ॥
भूदारतामुदवहद्यदपेक्षया श्री-
-भूदार एव किमतः सुमते लभस्व ।
केदारमाकलितमुक्तिमहौषधीनां
पादारविन्दभजनं परमेश्वरस्य ॥ 73 ॥
आशापाशक्लेशदुर्वासनादि-
-भेदोद्युक्तैर्दिव्यगन्धैरमन्दैः ।
आशाशाटीकस्य पादारविन्दं
चेतःपेटीं वासितां मे तनोतु ॥ 74 ॥
कल्याणिनं सरसचित्रगतिं सवेगं
सर्वेङ्गितज्ञमनघं ध्रुवलक्षणाढ्यम् ।
चेतस्तुरङ्गमधिरुह्य चर स्मरारे
नेतः समस्तजगतां वृषभाधिरूढ ॥ 75 ॥
भक्तिर्महेशपदपुष्करमावसन्ती
कादम्बिनीव कुरुते परितोषवर्षम् ।
सम्पूरितो भवति यस्य मनस्तटाक-
-स्तज्जन्मसस्यमखिलं सफलं च नान्यत् ॥ 76 ॥
बुद्धिः स्थिरा भवितुमीश्वरपादपद्म-
-सक्ता वधूर्विरहिणीव सदा स्मरन्ती ।
सद्भावनास्मरणदर्शनकीर्तनादि
सम्मोहितेव शिवमन्त्रजपेन विन्ते ॥ 77 ॥
सदुपचारविधिष्वनुबोधितां
सविनयां सुहृदं समुपाश्रिताम् ।
मम समुद्धर बुद्धिमिमां प्रभो
वरगुणेन नवोढवधूमिव ॥ 78 ॥
नित्यं योगिमनः सरोजदलसञ्चारक्षमस्त्वत्क्रमः
शम्भो तेन कथं कठोरयमराड्वक्षःकवाटक्षतिः ।
अत्यन्तं मृदुलं त्वदङ्घ्रियुगलं हा मे मनश्चिन्तय-
-त्येतल्लोचनगोचरं कुरु विभो हस्तेन संवाहये ॥ 79 ॥
एष्यत्येष जनिं मनोऽस्य कठिनं तस्मिन्नटानीति म-
-द्रक्षायै गिरिसीम्नि कोमलपदन्यासः पुराभ्यासितः ।
नो चेद्दिव्यगृहान्तरेषु सुमनस्तल्पेषु वेद्यादिषु
प्रायः सत्सु शिलातलेषु नटनं शम्भो किमर्थं तव ॥ 80 ॥
कञ्चित्कालमुमामहेश भवतः पादारविन्दार्चनैः
कञ्चिद्ध्यानसमाधिभिश्च नतिभिः कञ्चित्कथाकर्णनैः ।
कञ्चित्कञ्चिदवेक्षणैश्च नुतिभिः कञ्चिद्दशामीदृशीं
यः प्राप्नोति मुदा त्वदर्पितमना जीवन् स मुक्तः खलु ॥ 81 ॥
बाणत्वं वृषभत्वमर्धवपुषा भार्यात्वमार्यापते
घोणित्वं सखिता मृदङ्गवहता चेत्यादि रूपं दधौ ।
त्वत्पादे नयनार्पणं च कृतवांस्त्वद्देहभागो हरिः
पूज्यात्पूज्यतरः स एव हि न चेत्को वा तदन्योऽधिकः ॥ 82 ॥
जननमृतियुतानां सेवया देवतानां
न भवति सुखलेशः संशयो नास्ति तत्र ।
अजनिममृतरूपं साम्बमीशं भजन्ते
य इह परमसौख्यं ते हि धन्या लभन्ते ॥ 83 ॥
शिव तव परिचर्यासन्निधानाय गौर्या
भव मम गुणधुर्यां बुद्धिकन्यां प्रदास्ये ।
सकलभुवनबन्धो सच्चिदानन्दसिन्धो
सदय हृदयगेहे सर्वदा संवस त्वम् ॥ 84 ॥
जलधिमथनदक्षो नैव पातालभेदी
न च वनमृगयायां नैव लुब्धः प्रवीणः ।
अशनकुसुमभूषावस्त्रमुख्यां सपर्यां
कथय कथमहं ते कल्पयानीन्दुमौले ॥ 85 ॥
पूजाद्रव्यसमृद्धयो विरचिताः पूजां कथं कुर्महे
पक्षित्वं न च वा किटित्वमपि न प्राप्तं मया दुर्लभम् ।
जाने मस्तकमङ्घ्रिपल्लवमुमाजाने न तेऽहं विभो
न ज्ञातं हि पितामहेन हरिणा तत्त्वेन तद्रूपिणा ॥ 86 ॥
अशनं गरलं फणी कलापो
वसनं चर्म च वाहनं महोक्षः ।
मम दास्यसि किं किमस्ति शम्भो
तव पादाम्बुजभक्तिमेव देहि ॥ 87 ॥
यदा कृताम्भोनिधिसेतुबन्धनः
करस्थलाधःकृतपर्वताधिपः ।
भवानि ते लङ्घितपद्मसम्भव-
-स्तदा शिवार्चास्तवभावनक्षमः ॥ 88 ॥
नतिभिर्नुतिभिस्त्वमीश पूजा-
-विधिभिर्ध्यानसमाधिभिर्न तुष्टः ।
धनुषा मुसलेन चाश्मभिर्वा
वद ते प्रीतिकरं तथा करोमि ॥ 89 ॥
वचसा चरितं वदामि शम्भो-
-रहमुद्योगविधासु तेऽप्रसक्तः ।
मनसाकृतिमीश्वरस्य सेवे
शिरसा चैव सदाशिवं नमामि ॥ 90 ॥
आद्याविद्या हृद्गता निर्गतासी-
-द्विद्या हृद्या हृद्गता त्वत्प्रसादात् ।
सेवे नित्यं श्रीकरं त्वत्पदाब्जं
भावे मुक्तेर्भाजनं राजमौले ॥ 91 ॥
दूरीकृतानि दुरितानि दुरक्षराणि
दौर्भाग्यदुःखदुरहङ्कृतिदुर्वचांसि ।
सारं त्वदीयचरितं नितरां पिबन्तं
गौरीश मामिह समुद्धर सत्कटाक्षैः ॥ 92 ॥
सोमकलाधरमौलौ
कोमलघनकन्धरे महामहसि ।
स्वामिनि गिरिजानाथे
मामकहृदयं निरन्तरं रमताम् ॥ 93 ॥
सा रसना ते नयने
तावेव करौ स एव कृतकृत्यः ।
या ये यौ यो भर्गं
वदतीक्षेते सदार्चतः स्मरति ॥ 94 ॥
अतिमृदुलौ मम चरणा-
-वतिकठिनं ते मनो भवानीश ।
इति विचिकित्सां सन्त्यज
शिव कथमासीद्गिरौ तथा वेशः ॥ 95 ॥
धैर्याङ्कुशेन निभृतं
रभसादाकृष्य भक्तिशृङ्खलया ।
पुरहर चरणालाने
हृदयमदेभं बधान चिद्यन्त्रैः ॥ 96 ॥
प्रचरत्यभितः प्रगल्भवृत्त्या
मदवानेष मनः करी गरीयान् ।
रिगृह्य नयेन भक्तिरज्वा
परम स्थाणु पदं दृढं नयामुम् ॥ 97 ॥
सर्वालङ्कारयुक्तां सरलपदयुतां साधुवृत्तां सुवर्णां
सद्भिः संस्तूयमानां सरसगुणयुतां लक्षितां लक्षणाढ्याम् ।
उद्यद्भूषाविशेषामुपगतविनयां द्योतमानार्थरेखां
कल्याणीं देव गौरीप्रिय मम कविताकन्यकां त्वं गृहाण ॥ 98 ॥
इदं ते युक्तं वा परमशिव कारुण्यजलधे
गतौ तिर्यग्रूपं तव पदशिरोदर्शनधिया ।
हरिब्रह्माणौ तौ दिवि भुवि चरन्तौ श्रमयुतौ
कथं शम्भो स्वामिन्कथय मम वेद्योऽसि पुरतः ॥ 99 ॥
स्तोत्रेणालमहं प्रवच्मि न मृषा देवा विरिञ्चादयः
स्तुत्यानां गणनाप्रसङ्गसमये त्वामग्रगण्यं विदुः ।
माहात्म्याग्रविचारणप्रकरणे धानातुषस्तोमव-
-द्धूतास्त्वां विदुरुत्तमोत्तमफलं शम्भो भवत्सेवकाः ॥ 100 ॥
इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छङ्करभगवतः कृतौ शिवानन्दलहरी ॥
kalābhyāṃ cūḍālaṅkṛta-śaśikalābhyāṃ nijatapaḥ-
-phalābhyāṃ bhakteṣu prakaṭita-phalābhyāṃ bhavatu me |
śivābhyā-mastoka-tribhuvana-śivābhyāṃ hṛdi puna-
-rbhavābhyā-mānanda-sphuradanubhavābhyāṃ natiriyam || 1 ||
galantī śambho tvaccarita-saritaḥ kilbiṣarajo
dalantī dhīkulyā-saraṇiṣu patantī vijayatām |
diśantī saṃsāra-bhramaṇa-paritāpopaśamanaṃ
vasantī maccetohradabhuvi śivānandalaharī || 2 ||
trayīvedyaṃ hṛdyaṃ tripura-haramādyaṃ trinayanaṃ
jaṭābhārodāraṃ caladuragahāraṃ mṛgadharam |
mahādevaṃ devaṃ mayi sadayabhāvaṃ paśupatiṃ
cidālambaṃ sāmbaṃ śivamati-viḍambaṃ hṛdi bhaje || 3 ||
sahasraṃ vartante jagati vibudhāḥ kṣudraphaladā
na manye svapne vā tadanusaraṇaṃ tatkṛtaphalam |
hari-brahmādīnā-mapi nikaṭa-bhājāmasulabhaṃ
ciraṃ yāce śambho śiva tava padāmbhoja-bhajanam || 4 ||
smṛtau śāstre vaidye śakuna-kavitā-gānaphaṇitau
purāṇe mantre vā stuti-naṭana-hāsyeṣvacaturaḥ |
kathaṃ rājñāṃ prītirbhavati mayi ko'haṃ paśupate
paśuṃ māṃ sarvajña prathita kṛpayā pālaya vibho || 5 ||
ghaṭo vā mṛtpiṇḍo-'pyaṇurapi ca dhūmo'gniracalaḥ
paṭo vā tanturvā pariharati kiṃ ghoraśamanam |
vṛthā kaṇṭhakṣobhaṃ vahasi tarasā tarkavacasā
padāmbhojaṃ śambhorbhaja paramasaukhyaṃ vraja sudhīḥ || 6 ||
manaste pādābje nivasatu vacaḥ stotraphaṇitau
karau cābhyarcāyāṃ śrutirapi kathā karṇanavidhau |
tava dhyāne buddhirnayanayugalaṃ mūrtivibhave [buddhiḥ nayanayugalaṃ]
para-granthānkairvā paramaśiva jāne paramataḥ || 7 ||
yathā buddhiḥ śuktau rajatamiti kācāśmani maṇi- [maṇiḥ jale]
-rjale paiṣṭe kṣīraṃ bhavati mṛgatṛṣṇā-su salilam |
tathā devabhrāntyā bhajati bhavadanyaṃ jaḍajano
mahādeveśaṃ tvāṃ manasi ca na matvā paśupate || 8 ||
gabhīre kāsāre viśati vijane ghoravipine
viśāle śaile ca bhramati kusumārthaṃ jaḍamatiḥ |
samarpyaikaṃ cetaḥ sarasijamu-mānātha bhavate
sukhe-nāvasthātuṃ jana iha na jānāti kimaho || 9 ||
naratvaṃ devatvaṃ nagavana-mṛgatvaṃ maśakatā
paśutvaṃ kīṭatvaṃ bhavatu vihagatvādi jananam |
sadā tvatpādābja-smaraṇa-paramānandalaharī-
-vihārāsaktaṃ ceddhṛdayamiha kiṃ tena vapuṣā || 10 ||
vaṭurvā gehī vā yatirapi jaṭī vā taditaro
naro vā yaḥ kaścidbhavatu bhava kiṃ tena bhavati |
yadīyaṃ hṛtpadmaṃ yadi bhavadadhīnaṃ paśupate
tadīyastvaṃ śambho bhavasi bhavabhāraṃ ca vahasi || 11 ||
guhāyāṃ gehe vā bahirapi vane vā'driśikhare
jale vā vahnau vā vasatu vasateḥ kiṃ vada phalam |
sadā yasyaivāntaḥ-karaṇamapi śambho tava pade
sthitaṃ cedyogo'sau sa ca paramayogī sa ca sukhī || 12 ||
asāre saṃsāre nija-bhajanadūre jaḍadhiyā
bhramantaṃ māmandhaṃ paramakṛpayā pātumucitam |
madanyaḥ ko dīnastava kṛpaṇa-rakṣātinipuṇa- [rakṣātinipuṇaḥ tvadanyaḥ]
-stvadanyaḥ ko vā me trijagati śaraṇyaḥ paśupate || 13 ||
prabhustvaṃ dīnānāṃ khalu paramabandhuḥ paśupate
pramukhyo'haṃ teṣāmapi kimuta bandhutvamanayoḥ |
tvayaiva kṣantavyāḥ śiva madaparādhāśca sakalāḥ
prayatnā-tkartavyaṃ madavanamiyaṃ bandhusaraṇiḥ || 14 ||
upekṣā no cetkiṃ na harasi bhavaddhyāna-vimukhāṃ
durāśā-bhūyiṣṭhāṃ vidhilipi-maśakto yadi bhavān |
śirastadvaidhātraṃ nanakhalu suvṛttaṃ paśupate
kathaṃ vā niryatnaṃ karanakha-mukhenaiva lulitam || 15 ||
viriñci-rdīrghāyu-rbhavatu bhavatā tatparaśira- [tatparaśiraḥ catuṣkaṃ]
-ścatuṣkaṃ saṃrakṣyaṃ sa khalu bhuvi dainyaṃ likhitavān |
vicāraḥ ko vā māṃ viśada kṛpayā pāti śiva te
kaṭākṣavyāpāraḥ svayamapi ca dīnāvanaparaḥ || 16 ||
phalādvā puṇyānāṃ mayi karuṇayā vā tvayi vibho
prasanne'pi svāmin bhavadamala-pādābja-yugalam |
kathaṃ paśyeyaṃ māṃ sthagayati namaḥ sambhramajuṣāṃ
nilimpānāṃ śreṇi-rnija-kanaka-māṇikya-makuṭaiḥ || 17 ||
tvameko lokānāṃ paramaphalado divyapadavīṃ
vahantastvanmūlāṃ punarapi bhajante harimukhāḥ |
kiyadvā dākṣiṇyaṃ tava śiva madāśā ca kiyatī
kadā vā madrakṣāṃ vahasi karuṇā-pūritadṛśā || 18 ||
durāśā-bhūyiṣṭhe duradhipa-gṛhadvāra-ghaṭake
durante saṃsāre duritanilaye duḥkhajanake |
madāyāsaṃ kiṃ na vyapanayasi kasyopa-kṛtaye
vadeyaṃ prītiścettava śiva kṛtārthāḥ khalu vayam || 19 ||
sadā mohāṭavyāṃ carati yuvatīnāṃ kucagirau
naṭatyāśā-śākhā-svaṭati jhaṭiti svairamabhitaḥ |
kapālin bhikṣo me hṛdaya-kapimatyanta-capalaṃ
dṛḍhaṃ bhaktyā baddhvā śiva bhavadadhīnaṃ kuru vibho || 20 ||
dhṛti-stambhādhārāṃ dṛḍha-guṇa-nibaddhāṃ sagamanāṃ
vicitrāṃ padmāḍhyāṃ pratidivasa-sanmārga-ghaṭitām |
smarāre maccetaḥ-sphuṭa-paṭakuṭīṃ prāpya viśadāṃ
jaya svāmin śaktyā saha śiva gaṇaiḥ sevita vibho || 21 ||
pralobhādyairarthāharaṇa-paratantro dhanigṛhe [pralobhādyaiḥ arthāharaṇa-paratantro]
praveśodyuktaḥ san bhramati bahudhā taskarapate |
imaṃ cetaścoraṃ kathamiha sahe śaṅkara vibho
tavādhīnaṃ kṛtvā mayi niraparādhe kuru kṛpām || 22 ||
karomi tvatpūjāṃ sapadi sukhado me bhava vibho
vidhitvaṃ viṣṇutvaṃ diśasi khalu tasyāḥ phalamiti |
punaśca tvāṃ draṣṭuṃ divi bhuvi vahanpakṣi-mṛgatā-
-madṛṣṭvā tatkhedaṃ kathamiha sahe śaṅkara vibho || 23 ||
kadā vā kailāse kanakamaṇisaudhe saha gaṇai- [saha gaṇaiḥ vasan]
-rvasan śambhoragre sphuṭa-ghaṭita-mūrdhāñjalipuṭaḥ |
vibho sāmba svāmi-nparamaśiva pāhīti nigada-
-nvidhātṝṇāṃ kalpān kṣaṇamiva vineṣyāmi sukhataḥ || 24 ||
stavai-rbrahmādīnāṃ jayajaya-vacobhirniyamināṃ
gaṇānāṃ kelībhirmadakalamahokṣasya kakudi | [kelībhiḥ madakala-mahokṣasya]
sthitaṃ nīlagrīvaṃ trinayana-mumāśliṣṭa-vapuṣaṃ
kadā tvāṃ paśyeyaṃ karadhṛta-mṛgaṃ khaṇḍa-paraśum || 25 ||
kadā vā tvāṃ dṛṣṭvā giriśa tava bhavyāṅghri yugalaṃ
gṛhītvā hastābhyāṃ śirasi nayane vakṣasi vahan |
samā śliṣyā ghrāya sphuṭa jalaja gandhān parimalā-
-nalābhyāṃ brahmādyairmudamanubhaviṣyāmi hṛdaye || 26 || [brahmādyaiḥ muda-manubhaviṣyāmi]
karasthe hemādrau giriśa nikaṭasthe dhanapatau
gṛhasthe svarbhūjā mara surabhi cintāmaṇigaṇe |
śiraḥsthe śītāṃśau caraṇayugalasthe'khilaśubhe
kamarthaṃ dāsye'haṃ bhavatu bhavadarthaṃ mama manaḥ || 27 ||
sārūpyaṃ tava pūjane śiva mahādeveti saṅkīrtane
sāmīpyaṃ śivabhakti-dhuryajanatā-sāṅgatya-sambhāṣaṇe ||
sālokyaṃ ca carācarātmakatanudhyāne bhavānīpate
sāyujyaṃ mama siddhamatra bhavati svāmin kṛtārtho'smyaham || 28 ||
tvatpādāmbujamarcayāmi paramaṃ tvāṃ cintayāmyanvahaṃ
tvāmīśaṃ śaraṇaṃ vrajāmi vacasā tvāmeva yāce vibho |
vīkṣāṃ me diśa cākṣuṣīṃ sakaruṇāṃ divyaiściraṃ prārthitāṃ
śambho lokaguro madīyamanasaḥ saukhyopadeśaṃ kuru || 29 ||
vastroddhūtavidhau sahasrakaratā puṣpārcane viṣṇutā
gandhe gandhavahātmatā'nnapacane barhirmukhādhyakṣatā |
pātre kāñcanagarbhatāsti mayi cedbālenducūḍāmaṇe
śuśrūṣāṃ karavāṇi te paśupate svāmiṃstrilokīguro || 30 ||
nālaṃ vā paramopakārakamidaṃ tvekaṃ paśūnāṃ pate
paśyan kukṣigatāṃścarācaragaṇān bāhyasthitān rakṣitum |
sarvāmartyapalāyanauṣadhamatijvālākaraṃ bhīkaraṃ
nikṣiptaṃ garalaṃ gale na gilitaṃ nodgīrṇameva tvayā || 31 ||
jvālograḥ sakalāmarātibhayadaḥ kṣvelaḥ kathaṃ vā tvayā
dṛṣṭaḥ kiṃ ca kare dhṛtaḥ karatale kiṃ pakvajambūphalam |
jihvāyāṃ nihitaśca siddhaghuṭikā vā kaṇṭhadeśe bhṛtaḥ
kiṃ te nīlamaṇirvibhūṣaṇamayaṃ śambho mahātman vada || 32 ||
nālaṃ vā sakṛdeva deva bhavataḥ sevā natirvā nutiḥ
pūjā vā smaraṇaṃ kathāśravaṇamapyālokanaṃ mādṛśām |
svāminnasthiradevatānusaraṇāyāsena kiṃ labhyate
kā vā muktiritaḥ kuto bhavati cetkiṃ prārthanīyaṃ tadā || 33 ||
kiṃ brūmastava sāhasaṃ paśupate kasyāsti śambho bhava-
-ddhairyaṃ cedṛśamātmanaḥ sthitiriyaṃ cānyaiḥ kathaṃ labhyate |
bhraśyaddevagaṇaṃ trasanmunigaṇaṃ naśyatprapañcaṃ layaṃ
paśyannirbhaya eka eva viharatyānandasāndro bhavān || 34 ||
yogakṣemadhurandharasya sakalaśreyaḥpradodyogino
dṛṣṭādṛṣṭamatopadeśakṛtino bāhyāntaravyāpinaḥ |
sarvajñasya dayākarasya bhavataḥ kiṃ veditavyaṃ mayā
śambho tvaṃ paramāntaraṅga iti me citte smarāmyanvaham || 35 ||
bhakto bhaktiguṇāvṛte mudamṛtāpūrṇe prasanne manaḥ
kumbhe sāmba tavāṅghripallavayugaṃ saṃsthāpya saṃvitphalam |
satvaṃ mantramudīrayannijaśarīrāgāraśuddhiṃ vahan
puṇyāhaṃ prakaṭīkaromi ruciraṃ kalyāṇamāpādayan || 36 ||
āmnāyāmbudhimādareṇa sumanaḥsaṅghāḥ samudyanmano [samudyanmanaḥ]
manthānaṃ dṛḍhabhaktirajjusahitaṃ kṛtvā mathitvā tataḥ |
somaṃ kalpataruṃ suparvasurabhiṃ cintāmaṇiṃ dhīmatāṃ
nityānandasudhāṃ nirantararamāsaubhāgyamātanvate || 37 ||
prākpuṇyācalamārgadarśitasudhāmūrtiḥ prasannaḥ śivaḥ
somaḥ sadgaṇasevito mṛgadharaḥ pūrṇastamomocakaḥ |
cetaḥ puṣkaralakṣito bhavati cedānandapāthonidhiḥ
prāgalbhyena vijṛmbhate sumanasāṃ vṛttistadā jāyate || 38 ||
dharmo me caturaṅghrikaḥ sucaritaḥ pāpaṃ vināśaṃ gataṃ
kāmakrodhamadādayo vigalitāḥ kālāḥ sukhāviṣkṛtāḥ |
jñānānandamahauṣadhiḥ suphalitā kaivalyanāthe sadā
mānye mānasapuṇḍarīkanagare rājāvataṃse sthite || 39 ||
dhīyantreṇa vacoghaṭena kavitākulyopakulyākramai- [kavitākulyopakulyākramaiḥ]
-rānītaiśca sadāśivasya caritāmbhorāśidivyāmṛtaiḥ |
hṛtkedārayutāśca bhaktikalamāḥ sāphalyamātanvate
durbhikṣānmama sevakasya bhagavanviśveśa bhītiḥ kutaḥ || 40 ||
pāpotpātavimocanāya ruciraiśvaryāya mṛtyuñjaya
stotradhyānanatipradakṣiṇasaparyālokanākarṇane |
jihvācittaśiroṅghrihastanayanaśrotrairahaṃ prārthito
māmājñāpaya tannirūpaya muhurmāmeva mā me'vacaḥ || 41 ||
gāmbhīryaṃ parikhāpadaṃ ghanadhṛtiḥ prākāra udyadguṇa- [udyadguṇastòmaḥ]
-stomaścāptabalaṃ ghanendriyacayo dvārāṇi dehe sthitaḥ |
vidyā vastusamṛddhirityakhilasāmagrīsamete sadā
durgātipriyadeva māmakamanodurge nivāsaṃ kuru || 42 ||
mā gaccha tvamitastato giriśa bho mayyeva vāsaṃ kuru
svāminnādikirāta māmakamanaḥkāntārasīmāntare |
vartante bahuśo mṛgā madajuṣo mātsaryamohādaya- [ mātsaryamohādayaḥ]
-stānhatvā mṛgayāvinodarucitā lābhaṃ ca samprāpsyasi || 43 ||
karalagnamṛgaḥ karīndrabhaṅgo
ghanaśārdūlavikhaṇḍano'stajantuḥ |
giriśo viśadākṛtiśca cetaḥ-
-kuhare pañcamukho'sti me kuto bhīḥ || 44 ||
chandaḥ śākhiśikhānvitair [śākhiśikhānvitairaḥ] dvijavaraiḥ saṃsevite śāśvate
saukhyāpādini khedabhedini sudhāsāraiḥ phalairdīpite |
cetaḥpakṣiśikhāmaṇe tyaja vṛthā añcāramanyairalaṃ
nityaṃ śaṅkara pādapadmayugalīnīḍe vihāraṃ kuru || 45 ||
ākīrṇe nakharājikāntivibhavai [nakharājikāntivibhavaiḥ] rudyatsudhāvaibhavai-[rudyatsudhāvaibhavaiḥ]
-rādhaute'pi ca padmarāgalalite haṃsavrajairāśrite |
nityaṃ bhaktivadhūgaṇaiśca rahasi svecchāvihāraṃ kuru
sthitvā mānasarājahaṃsa girijānāthāṅghrisaudhāntare || 46 ||
śambhudhyāna vasantasaṅgini hṛdārāme'ghajīrṇacchadāḥ
srastā bhaktilatācchaṭā vilasitāḥ puṇyapravālaśritāḥ |
dīpyante guṇakorakā japavacaḥpuṣpāṇi sadvāsanā
jñānānanda sudhāmarandalaharī saṃvitphalābhyunnatiḥ || 47 ||
nityānandarasālayaṃ suramunisvāntāmbujātāśrayaṃ
svacchaṃ saddvijasevitaṃ kaluṣahṛtsadvāsanā viṣkṛtam |
śambhudhyāna sarovaraṃ vraja manohaṃ sāvataṃsa sthiraṃ
kiṃ kṣudrā śrayapalvala bhramaṇa sañjātaśramaṃ prāpsyasi || 48 ||
ānandāmṛta pūritā harapadāṃ bhojā lavālodyatā
sthairyopaghnamupetya bhaktilatikā śākhopa śākhānvitā |
ucchair mānasa kāyamāna paṭalīmākramya niṣkalmaṣā
nityābhīṣṭa phalapradā bhavatu me satkarma saṃvardhitā || 49 ||
sandhyā rambha vijṛmbhitaṃ śrutiśiraḥ sthānāntarādhi ṣṭhitaṃ
saprema bhramarābhirāmaṃ asakṛt sadvāsanā śobhitam |
bhogīndrā bharaṇaṃ samastasumanaḥ pūjyaṃ guṇāviṣkṛtaṃ
seve śrīgiri mallikārjuna mahāliṅgaṃ śivāliṅgitam || 50 ||
bhṛṅgīcchā naṭanotkaṭaḥ karamadagrāhī sphuran mādhavā- [sphuran mādhavāvhlādo]
-hlādo nādayuto mahāsitavapuḥ pañceṣuṇā cādṛtaḥ |
satpakṣaḥ sumano vaneṣu sa punaḥ sākṣānmadīye mano-
-rājīve bhramarādhipo viharatāṃ śrīśailavāsī vibhuḥ || 51 ||
kāruṇyāmṛta varṣiṇaṃ ghanavipadgrīṣmac chidākarmaṭhaṃ
vidyāsasya phalodayāya sumanaḥ saṃsevya micchākṛtim |
nṛtyad bhakta mayūramadri nilayaṃ cañcajjaṭāmaṇḍalaṃ
śambho vāñchati nīlakandhara sadā tvāṃ me manaścātakaḥ || 52 ||
ākāśena śikhī samastaphaṇināṃ netrā kalāpī natā-[natānugrāhi]
-nugrāhi praṇavopade śaninadaiḥ kekīti yo gīyate |
śyāmāṃ śailasamudbhavāṃ ghanaruciṃ dṛṣṭvā naṭantaṃ mudā
vedāntopavane vihārarasikaṃ taṃ nīlakaṇṭhaṃ bhaje || 53 ||
sandhyā gharmadinātyayo harikarāghāta prabhūtānaka- [prabhūtānakadhvāno ]
-dhvāno vāridagarjitaṃ diviṣadāṃ dṛṣṭicchaṭā cañcalā |
bhaktānāṃ paritoṣabāṣpa vitatir vṛṣṭir mayūrī śivā
yasminnujjvala tāṇḍavaṃ vijayate taṃ nīlakaṇṭhaṃ bhaje || 54 ||
ādyāyāmita tejase śrutipadairvedyāya sādhyāya te
vidyānandamayātmane trijagataḥ saṃrakṣaṇodyogine |
dhyeyāyākhilayogibhiḥ suragaṇairgeyāya māyāvine
samyaktāṇḍava sambhramāya jaṭine seyaṃ natiḥ śambhave || 55 ||
nityāya triguṇātmane purajite kātyāyanī śreyase
satyāyādi kuṭumbine munimanaḥ pratyakṣa cinmūrtaye |
māyāsṛṣṭa jagattrayāya sakalāmnāyāntasañcāriṇe
sāyaṃ tāṇḍava sambhramāya jaṭine seyaṃ natiḥ śambhave || 56 ||
nityaṃ svodarapoṣaṇāya sakalānuddiśya vittāśayā
vyarthaṃ paryaṭanaṃ karomi bhavataḥ sevāṃ na jāne vibho |
majjanmāntara puṇya pāka balatastvaṃ śarva sarvāntara- [sarvāntaraḥ]
-stiṣṭhasyeva hi tena vā paśupate te rakṣaṇīyo'smyaham || 57 ||
eko vārija bāndhavaḥ kṣitinabho vyāptaṃ tamo maṇḍalaṃ
bhittvā locana gocaro'pi bhavati tvaṃ koṭi sūryaprabhaḥ |
vedyaḥ kiṃ na bhavasyaho ghanataraṃ kīdṛgbhavenmattama- [kīdṛgbhavenmattamaḥ]
-statsarvaṃ [tatsarvaṃ] vyapanīya me paśupate sākṣātprasanno bhava || 58 ||
haṃsaḥ padmavanaṃ samicchati yathā nīlāmbudaṃ cātakaḥ
kokaḥ kokanadapriyaṃ pratidinaṃ candraṃ cakorastathā |
ceto vāñchati māmakaṃ paśupate cinmārgamṛgyaṃ vibho
gaurīnātha bhavatpadābja yugalaṃ kaivalya saukhyapradam || 59 ||
rodhastoyahṛtaḥ śrameṇa pathikaśchāyāṃ tarorvṛṣṭito [tarorvṛṣṭitaḥ]
bhītaḥ svasthagṛhaṃ gṛhasthamatithir dīnaḥ prabhuṃ dhārmikam |
dīpaṃ santamasākulaśca śikhinaṃ śītā vṛtastvaṃ tathā
cetaḥ sarvabhayāpahaṃ vraja sukhaṃ śambhoḥ padāmbhoruham || 60 ||
aṅkolaṃ nija-bīja-santatirayaskāntopalaṃ [santatiḥ ayaskāntopalaṃ] sūcikā
sādhvī naijavibhuṃ latā kṣitiruhaṃ sindhuḥ sarid vallabham |
prāpnotīha yathā tathā paśupateḥ pādāravinda dvayaṃ
cetovṛtti rupetya tiṣṭhati sadā sā bhakti rityucyate || 61 ||
ānandāśrubhirātanoti pulakaṃ nairmalyataśchādanaṃ
vācā-śaṅkhamukhe sthitaiśca jaṭharāpūrtiṃ caritrāmṛtaiḥ |
rudrākṣair hasitena deva vapuṣo rakṣāṃ bhavadbhāvanā-
-paryaṅke viniveśya bhaktijananī bhaktārbhakaṃ rakṣati || 62 ||
mārgāvartitapādukā paśupateraṅgasya kūrcāyate
gaṇḍūṣāmbuniṣecanaṃ puraripordivyābhiṣekāyate |
kiñci-dbhakṣita-māṃsa-śeṣakabalaṃ navyopahārāyate
bhaktiḥ kiṃ na karotyaho vanacaro bhaktāvataṃsāyate || 63 ||
vakṣastāḍanamantakasya kaṭhināpasmārasammardanaṃ
bhūbhṛtparyaṭanaṃ namatsuraśiraḥkoṭīrasaṅgharṣaṇam |
karmedaṃ mṛdulasya tāvakapadadvandvasya kiṃ vocitaṃ
maccetomaṇipādukāviharaṇaṃ śambho sadāṅgīkuru || 64 ||
vakṣastāḍanaśaṅkayā vicalito vaivasvato nirjarāḥ
koṭīrojjvalaratnadīpakalikānīrājanaṃ kurvate |
dṛṣṭvā muktivadhūstanoti nibhṛtāśleṣaṃ bhavānīpate
yaccetastava pādapadmabhajanaṃ tasyeha kiṃ durlabham || 65 ||
krīḍārthaṃ sṛjasi prapañcamakhilaṃ krīḍāmṛgāste janāḥ
yatkarmācaritaṃ mayā ca bhavataḥ prītyai bhavatyeva tat |
śambho svasya kutūhalasya karaṇaṃ macceṣṭitaṃ niścitaṃ
tasmānmāmakarakṣaṇaṃ paśupate kartavyameva tvayā || 66 ||
bahuvidhaparitoṣabāṣpapūra-
-sphuṭapulakāṅkitacārubhogabhūmim |
cirapadaphalakāṅkṣisevyamānāṃ
paramasadāśivabhāvanāṃ prapadye || 67 ||
amitamudamṛtaṃ muhurduhantīṃ
vimalabhavatpadagoṣṭhamāvasantīm |
sadaya paśupate supuṇyapākāṃ
mama paripālaya bhaktidhenumekām || 68 ||
jaḍatā paśutā kalaṅkitā
kuṭilacaratvaṃ ca nāsti mayi deva |
asti yadi rājamaule
bhavadābharaṇasya nāsmi kiṃ pātram || 69 ||
arahasi rahasi svatantrabuddhyā
varivasituṃ sulabhaḥ prasannamūrtiḥ |
agaṇitaphaladāyakaḥ prabhurme
jagadadhiko hṛdi rājaśekharo'sti || 70 ||
ārūḍhabhaktiguṇakuñcitabhāvacāpa-
-yuktaiḥ śivasmaraṇabāṇagaṇairamoghaiḥ |
nirjitya kilbiṣaripūnvijayī sudhīndraḥ
sānandamāvahati susthirarājalakṣmīm || 71 ||
dhyānāñjanena samavekṣya tamaḥpradeśaṃ
bhittvā mahābalibhirīśvaranāmamantraiḥ |
divyāśritaṃ bhujagabhūṣaṇamudvahanti
ye pādapadmamiha te śiva te kṛtārthāḥ || 72 ||
bhūdāratāmudavahadyadapekṣayā śrī-
-bhūdāra eva kimataḥ sumate labhasva |
kedāramākalitamuktimahauṣadhīnāṃ
pādāravindabhajanaṃ parameśvarasya || 73 ||
āśāpāśakleśadurvāsanādi-
-bhedodyuktairdivyagandhairamandaiḥ |
āśāśāṭīkasya pādāravindaṃ
cetaḥpeṭīṃ vāsitāṃ me tanotu || 74 ||
kalyāṇinaṃ sarasacitragatiṃ savegaṃ
sarveṅgitajñamanaghaṃ dhruvalakṣaṇāḍhyam |
cetasturaṅgamadhiruhya cara smarāre
netaḥ samastajagatāṃ vṛṣabhādhirūḍha || 75 ||
bhaktirmaheśapadapuṣkaramāvasantī
kādambinīva kurute paritoṣavarṣam |
sampūrito bhavati yasya manastaṭāka-
-stajjanmasasyamakhilaṃ saphalaṃ ca nānyat || 76 ||
buddhiḥ sthirā bhavitumīśvarapādapadma-
-saktā vadhūrvirahiṇīva sadā smarantī |
sadbhāvanāsmaraṇadarśanakīrtanādi
sammohiteva śivamantrajapena vinte || 77 ||
sadupacāravidhiṣvanubodhitāṃ
savinayāṃ suhṛdaṃ samupāśritām |
mama samuddhara buddhimimāṃ prabho
varaguṇena navoḍhavadhūmiva || 78 ||
nityaṃ yogimanaḥ sarojadalasañcārakṣamastvatkramaḥ
śambho tena kathaṃ kaṭhorayamarāḍvakṣaḥkavāṭakṣatiḥ |
atyantaṃ mṛdulaṃ tvadaṅghriyugalaṃ hā me manaścintaya-
-tyetallocanagocaraṃ kuru vibho hastena saṃvāhaye || 79 ||
eṣyatyeṣa janiṃ mano'sya kaṭhinaṃ tasminnaṭānīti ma-
-drakṣāyai girisīmni komalapadanyāsaḥ purābhyāsitaḥ |
no ceddivyagṛhāntareṣu sumanastalpeṣu vedyādiṣu
prāyaḥ satsu śilātaleṣu naṭanaṃ śambho kimarthaṃ tava || 80 ||
kañcitkālamumāmaheśa bhavataḥ pādāravindārcanaiḥ
kañciddhyānasamādhibhiśca natibhiḥ kañcitkathākarṇanaiḥ |
kañcitkañcidavekṣaṇaiśca nutibhiḥ kañciddaśāmīdṛśīṃ
yaḥ prāpnoti mudā tvadarpitamanā jīvan sa muktaḥ khalu || 81 ||
bāṇatvaṃ vṛṣabhatvamardhavapuṣā bhāryātvamāryāpate
ghoṇitvaṃ sakhitā mṛdaṅgavahatā cetyādi rūpaṃ dadhau |
tvatpāde nayanārpaṇaṃ ca kṛtavāṃstvaddehabhāgo hariḥ
pūjyātpūjyataraḥ sa eva hi na cetko vā tadanyo'dhikaḥ || 82 ||
jananamṛtiyutānāṃ sevayā devatānāṃ
na bhavati sukhaleśaḥ saṃśayo nāsti tatra |
ajanimamṛtarūpaṃ sāmbamīśaṃ bhajante
ya iha paramasaukhyaṃ te hi dhanyā labhante || 83 ||
śiva tava paricaryāsannidhānāya gauryā
bhava mama guṇadhuryāṃ buddhikanyāṃ pradāsye |
sakalabhuvanabandho saccidānandasindho
sadaya hṛdayagehe sarvadā saṃvasa tvam || 84 ||
jaladhimathanadakṣo naiva pātālabhedī
na ca vanamṛgayāyāṃ naiva lubdhaḥ pravīṇaḥ |
aśanakusumabhūṣāvastramukhyāṃ saparyāṃ
kathaya kathamahaṃ te kalpayānīndumaule || 85 ||
pūjādravyasamṛddhayo viracitāḥ pūjāṃ kathaṃ kurmahe
pakṣitvaṃ na ca vā kiṭitvamapi na prāptaṃ mayā durlabham |
jāne mastakamaṅghripallavamumājāne na te'haṃ vibho
na jñātaṃ hi pitāmahena hariṇā tattvena tadrūpiṇā || 86 ||
aśanaṃ garalaṃ phaṇī kalāpo
vasanaṃ carma ca vāhanaṃ mahokṣaḥ |
mama dāsyasi kiṃ kimasti śambho
tava pādāmbujabhaktimeva dehi || 87 ||
yadā kṛtāmbhonidhisetubandhanaḥ
karasthalādhaḥkṛtaparvatādhipaḥ |
bhavāni te laṅghitapadmasambhava-
-stadā śivārcāstavabhāvanakṣamaḥ || 88 ||
natibhirnutibhistvamīśa pūjā-
-vidhibhirdhyānasamādhibhirna tuṣṭaḥ |
dhanuṣā musalena cāśmabhirvā
vada te prītikaraṃ tathā karomi || 89 ||
vacasā caritaṃ vadāmi śambho-
-rahamudyogavidhāsu te'prasaktaḥ |
manasākṛtimīśvarasya seve
śirasā caiva sadāśivaṃ namāmi || 90 ||
ādyāvidyā hṛdgatā nirgatāsī-
-dvidyā hṛdyā hṛdgatā tvatprasādāt |
seve nityaṃ śrīkaraṃ tvatpadābjaṃ
bhāve mukterbhājanaṃ rājamaule || 91 ||
dūrīkṛtāni duritāni durakṣarāṇi
daurbhāgyaduḥkhadurahaṅkṛtidurvacāṃsi |
sāraṃ tvadīyacaritaṃ nitarāṃ pibantaṃ
gaurīśa māmiha samuddhara satkaṭākṣaiḥ || 92 ||
somakalādharamaulau
komalaghanakandhare mahāmahasi |
svāmini girijānāthe
māmakahṛdayaṃ nirantaraṃ ramatām || 93 ||
sā rasanā te nayane
tāveva karau sa eva kṛtakṛtyaḥ |
yā ye yau yo bhargaṃ
vadatīkṣete sadārcataḥ smarati || 94 ||
atimṛdulau mama caraṇā-
-vatikaṭhinaṃ te mano bhavānīśa |
iti vicikitsāṃ santyaja
śiva kathamāsīdgirau tathā veśaḥ || 95 ||
dhairyāṅkuśena nibhṛtaṃ
rabhasādākṛṣya bhaktiśṛṅkhalayā |
purahara caraṇālāne
hṛdayamadebhaṃ badhāna cidyantraiḥ || 96 ||
pracaratyabhitaḥ pragalbhavṛttyā
madavāneṣa manaḥ karī garīyān |
rigṛhya nayena bhaktirajvā
parama sthāṇu padaṃ dṛḍhaṃ nayāmum || 97 ||
sarvālaṅkārayuktāṃ saralapadayutāṃ sādhuvṛttāṃ suvarṇāṃ
sadbhiḥ saṃstūyamānāṃ sarasaguṇayutāṃ lakṣitāṃ lakṣaṇāḍhyām |
udyadbhūṣāviśeṣāmupagatavinayāṃ dyotamānārtharekhāṃ
kalyāṇīṃ deva gaurīpriya mama kavitākanyakāṃ tvaṃ gṛhāṇa || 98 ||
idaṃ te yuktaṃ vā paramaśiva kāruṇyajaladhe
gatau tiryagrūpaṃ tava padaśirodarśanadhiyā |
haribrahmāṇau tau divi bhuvi carantau śramayutau
kathaṃ śambho svāminkathaya mama vedyo'si purataḥ || 99 ||
stotreṇālamahaṃ pravacmi na mṛṣā devā viriñcādayaḥ
stutyānāṃ gaṇanāprasaṅgasamaye tvāmagragaṇyaṃ viduḥ |
māhātmyāgravicāraṇaprakaraṇe dhānātuṣastomava-
-ddhūtāstvāṃ viduruttamottamaphalaṃ śambho bhavatsevakāḥ || 100 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau śivānandalaharī ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.