ਕਲ੍ਯਾਣਂ ਨੋ ਵਿਧਤ੍ਤਾਂ ਕਟਕਤਟਲਸਤ੍ਕਲ੍ਪਵਾਟੀਨਿਕੁਞ੍ਜ-
-ਕ੍ਰੀਡਾਸਂਸਕ੍ਤਵਿਦ੍ਯਾਧਰਨਿਕਰਵਧੂਗੀਤਰੁਦ੍ਰਾਪਦਾਨਃ ।
ਤਾਰੈਰ੍ਹੇਰਮ੍ਬਨਾਦੈਸ੍ਤਰਲਿਤਨਿਨਦਤ੍ਤਾਰਕਾਰਾਤਿਕੇਕੀ
ਕੈਲਾਸਃ ਸ਼ਰ੍ਵਨਿਰ੍ਵृਤ੍ਯਭਿਜਨਕਪਦਃ ਸਰ੍ਵਦਾ ਪਰ੍ਵਤੇਨ੍ਦ੍ਰਃ ॥ 1 ॥
ਯਸ੍ਯ ਪ੍ਰਾਹੁਃ ਸ੍ਵਰੂਪਂ ਸਕਲਦਿਵਿषਦਾਂ ਸਾਰਸਰ੍ਵਸ੍ਵਯੋਗਂ
ਯਸ੍ਯੇषੁਃ ਸ਼ਾਰ੍ਙ੍ਗਧਨ੍ਵਾ ਸਮਜਨਿ ਜਗਤਾਂ ਰਕ੍षਣੇ ਜਾਗਰੂਕਃ ।
ਮੌਰ੍ਵੀ ਦਰ੍ਵੀਕਰਾਣਾਮਪਿ ਚ ਪਰਿਬृਢਃ ਪੂਸ੍ਤ੍ਰਯੀ ਸਾ ਚ ਲਕ੍ष੍ਯਂ
ਸੋऽਵ੍ਯਾਦਵ੍ਯਾਜਮਸ੍ਮਾਨਸ਼ਿਵਭਿਦਨਿਸ਼ਂ ਨਾਕਿਨਾਂ ਸ਼੍ਰੀਪਿਨਾਕਃ ॥ 2 ॥
ਆਤਙ੍ਕਾਵੇਗਹਾਰੀ ਸਕਲਦਿਵਿषਦਾਮਙ੍ਘ੍ਰਿਪਦ੍ਮਾਸ਼੍ਰਯਾਣਾਂ
ਮਾਤਙ੍ਗਾਦ੍ਯੁਗ੍ਰਦੈਤ੍ਯਪ੍ਰਕਰਤਨੁਗਲਦ੍ਰਕ੍ਤਧਾਰਾਕ੍ਤਧਾਰਃ ।
ਕ੍ਰੂਰਃ ਸੂਰਾਯੁਤਾਨਾਮਪਿ ਚ ਪਰਿਭਵਂ ਸ੍ਵੀਯਭਾਸਾ ਵਿਤਨ੍ਵ-
-ਨ੍ਘੋਰਾਕਾਰਃ ਕੁਠਾਰੋ ਦृਢਤਰਦੁਰਿਤਾਖ੍ਯਾਟਵੀਂ ਪਾਟਯੇਨ੍ਨਃ ॥ 3 ॥
ਕਾਲਾਰਾਤੇਃ ਕਰਾਗ੍ਰੇ ਕृਤਵਸਤਿਰੁਰਃਸ਼ਾਣਸ਼ਾਤੋ ਰਿਪੂਣਾਂ
ਕਾਲੇ ਕਾਲੇ ਕੁਲਾਦ੍ਰਿਪ੍ਰਵਰਤਨਯਯਾ ਕਲ੍ਪਿਤਸ੍ਨੇਹਲੇਪਃ ।
ਪਾਯਾਨ੍ਨਃ ਪਾਵਕਾਰ੍ਚਿਃਪ੍ਰਸਰਸਖਮੁਖਃ ਪਾਪਹਨ੍ਤਾ ਨਿਤਾਨ੍ਤਂ
ਸ਼ੂਲਃ ਸ਼੍ਰੀਪਾਦਸੇਵਾਭਜਨਰਸਜੁषਾਂ ਪਾਲਨੈਕਾਨ੍ਤਸ਼ੀਲਃ ॥ 4 ॥
ਦੇਵਸ੍ਯਾਙ੍ਕਾਸ਼੍ਰਯਾਯਾਃ ਕੁਲਗਿਰਿਦੁਹਿਤੁਰ੍ਨੇਤ੍ਰਕੋਣਪ੍ਰਚਾਰ-
-ਪ੍ਰਸ੍ਤਾਰਾਨਤ੍ਯੁਦਾਰਾਨ੍ਪਿਪਠਿषੁਰਿਵ ਯੋ ਨਿਤ੍ਯਮਤ੍ਯਾਦਰੇਣ ।
ਆਧਤ੍ਤੇ ਭਙ੍ਗਿਤੁਙ੍ਗੈਰਨਿਸ਼ਮਵਯਵੈਰਨ੍ਤਰਙ੍ਗਂ ਸਮੋਦਂ
ਸੋਮਾਪੀਡਸ੍ਯ ਸੋऽਯਂ ਪ੍ਰਦਿਸ਼ਤੁ ਕੁਸ਼ਲਂ ਪਾਣਿਰਙ੍ਗਃ ਕੁਰਙ੍ਗਃ ॥ 5 ॥
ਕਣ੍ਠਪ੍ਰਾਨ੍ਤਾਵਸਜ੍ਜਤ੍ਕਨਕਮਯਮਹਾਘਣ੍ਟਿਕਾਘੋਰਘੋषੈਃ
ਕਣ੍ਠਾਰਾਵੈਰਕੁਣ੍ਠੈਰਪਿ ਭਰਿਤਜਗਚ੍ਚਕ੍ਰਵਾਲਾਨ੍ਤਰਾਲਃ ।
ਚਣ੍ਡਃ ਪ੍ਰੋਦ੍ਦਣ੍ਡਸ਼ृਙ੍ਗਃ ਕਕੁਦਕਬਲਿਤੋਤ੍ਤੁਙ੍ਗਕੈਲਾਸਸ਼ृਙ੍ਗਃ
ਕਣ੍ਠੇਕਾਲਸ੍ਯ ਵਾਹਃ ਸ਼ਮਯਤੁ ਸ਼ਮਲਂ ਸ਼ਾਸ਼੍ਵਤਃ ਸ਼ਾਕ੍ਵਰੇਨ੍ਦ੍ਰਃ ॥ 6 ॥
ਨਿਰ੍ਯਦ੍ਦਾਨਾਮ੍ਬੁਧਾਰਾਪਰਿਮਲਤਰਲੀਭੂਤਰੋਲਮ੍ਬਪਾਲੀ-
-ਝਙ੍ਕਾਰੈਃ ਸ਼ਙ੍ਕਰਾਦ੍ਰੇਃ ਸ਼ਿਖਰਸ਼ਤਦਰੀਃ ਪੂਰਯਨ੍ਭੂਰਿਘੋषੈਃ ।
ਸ਼ਾਰ੍ਵਃ ਸੌਵਰ੍ਣਸ਼ੈਲਪ੍ਰਤਿਮਪृਥੁਵਪੁਃ ਸਰ੍ਵਵਿਘ੍ਨਾਪਹਰ੍ਤਾ
ਸ਼ਰ੍ਵਾਣ੍ਯਾਃ ਪੂਰ੍ਵਸੂਨੁਃ ਸ ਭਵਤੁ ਭਵਤਾਂ ਸ੍ਵਸ੍ਤਿਦੋ ਹਸ੍ਤਿਵਕ੍ਤ੍ਰਃ ॥ 7 ॥
ਯਃ ਪੁਣ੍ਯੈਰ੍ਦੇਵਤਾਨਾਂ ਸਮਜਨਿ ਸ਼ਿਵਯੋਃ ਸ਼੍ਲਾਘ੍ਯਵੀਰ੍ਯੈਕਮਤ੍ਯਾ-
-ਦ੍ਯਨ੍ਨਾਮ੍ਨਿ ਸ਼੍ਰੂਯਮਾਣੇ ਦਿਤਿਜਭਟਘਟਾ ਭੀਤਿਭਾਰਂ ਭਜਨ੍ਤੇ ।
ਭੂਯਾਤ੍ਸੋऽਯਂ ਵਿਭੂਤ੍ਯੈ ਨਿਸ਼ਿਤਸ਼ਰਸ਼ਿਖਾਪਾਟਿਤਕ੍ਰੌਞ੍ਚਸ਼ੈਲਃ
ਸਂਸਾਰਾਗਾਧਕੂਪੋਦਰਪਤਿਤਸਮੁਤ੍ਤਾਰਕਸ੍ਤਾਰਕਾਰਿਃ ॥ 8 ॥
ਆਰੂਢਃ ਪ੍ਰੌਢਵੇਗਪ੍ਰਵਿਜਿਤਪਵਨਂ ਤੁਙ੍ਗਤੁਙ੍ਗਂ ਤੁਰਙ੍ਗਂ
ਚੇਲਂ ਨੀਲਂ ਵਸਾਨਃ ਕਰਤਲਵਿਲਸਤ੍ਕਾਣ੍ਡਕੋਦਣ੍ਡਦਣ੍ਡਃ ।
ਰਾਗਦ੍ਵੇषਾਦਿਨਾਨਾਵਿਧਮृਗਪਟਲੀਭੀਤਿਕृਦ੍ਭੂਤਭਰ੍ਤਾ
ਕੁਰ੍ਵਨ੍ਨਾਖੇਟਲੀਲਾਂ ਪਰਿਲਸਤੁ ਮਨਃਕਾਨਨੇ ਮਾਮਕੀਨੇ ॥ 9 ॥
ਅਮ੍ਭੋਜਾਭ੍ਯਾਂ ਚ ਰਮ੍ਭਾਰਥਚਰਣਲਤਾਦ੍ਵਨ੍ਦ੍ਵਕੁਮ੍ਭੀਨ੍ਦ੍ਰਕੁਮ੍ਭੈ-
-ਰ੍ਬਿਮ੍ਬੇਨੇਨ੍ਦੋਸ਼੍ਚ ਕਮ੍ਬੋਰੁਪਰਿ ਵਿਲਸਤਾ ਵਿਦ੍ਰੁਮੇਣੋਤ੍ਪਲਾਭ੍ਯਾਮ੍ ।
ਅਮ੍ਭੋਦੇਨਾਪਿ ਸਮ੍ਭਾਵਿਤਮੁਪਜਨਿਤਾਡਮ੍ਬਰਂ ਸ਼ਮ੍ਬਰਾਰੇਃ
ਸ਼ਮ੍ਭੋਃ ਸਮ੍ਭੋਗਯੋਗ੍ਯਂ ਕਿਮਪਿ ਧਨਮਿਦਂ ਸਮ੍ਭਵੇਤ੍ਸਮ੍ਪਦੇ ਨਃ ॥ 10 ॥
ਵੇਣੀਸੌਭਾਗ੍ਯਵਿਸ੍ਮਾਪਿਤਤਪਨਸੁਤਾਚਾਰੁਵੇਣੀਵਿਲਾਸਾ-
-ਨ੍ਵਾਣੀਨਿਰ੍ਧੂਤਵਾਣੀਕਰਤਲਵਿਧृਤੋਦਾਰਵੀਣਾਵਿਰਾਵਾਨ੍ ।
ਏਣੀਨੇਤ੍ਰਾਨ੍ਤਭਙ੍ਗੀਨਿਰਸਨਨਿਪੁਣਾਪਾਙ੍ਗਕੋਣਾਨੁਪਾਸੇ
ਸ਼ੋਣਾਨ੍ਪ੍ਰਾਣਾਨੁਦੂਢਪ੍ਰਤਿਨਵਸੁषਮਾਕਨ੍ਦਲਾਨਿਨ੍ਦੁਮੌਲੇਃ ॥ 11 ॥
ਨृਤ੍ਤਾਰਮ੍ਭੇषੁ ਹਸ੍ਤਾਹਤਮੁਰਜਧਿਮਿਦ੍ਧਿਙ੍ਕृਤੈਰਤ੍ਯੁਦਾਰੈ-
-ਸ਼੍ਚਿਤ੍ਤਾਨਨ੍ਦਂ ਵਿਧਤ੍ਤੇ ਸਦਸਿ ਭਗਵਤਃ ਸਨ੍ਤਤਂ ਯਃ ਸ ਨਨ੍ਦੀ ।
ਚਣ੍ਡੀਸ਼ਾਦ੍ਯਾਸ੍ਤਥਾਨ੍ਯੇ ਚਤੁਰਗੁਣਗਣਪ੍ਰੀਣਿਤਸ੍ਵਾਮਿਸਤ੍ਕਾ-
-ਰੋਤ੍ਕਰ੍षੋਦ੍ਯਤ੍ਪ੍ਰਸਾਦਾਃ ਪ੍ਰਮਥਪਰਿਬृਢਾਃ ਪਾਨ੍ਤੁ ਸਨ੍ਤੋषਿਣੋ ਨਃ ॥ 12 ॥
ਮੁਕ੍ਤਾਮਾਣਿਕ੍ਯਜਾਲੈਃ ਪਰਿਕਲਿਤਮਹਾਸਾਲਮਾਲੋਕਨੀਯਂ
ਪ੍ਰਤ੍ਯੁਪ੍ਤਾਨਰ੍ਘਰਤ੍ਨੈਰ੍ਦਿਸ਼ਿ ਦਿਸ਼ਿ ਭਵਨੈਃ ਕਲ੍ਪਿਤੈਰ੍ਦਿਕ੍ਪਤੀਨਾਮ੍ ।
ਉਦ੍ਯਾਨੈਰਦ੍ਰਿਕਨ੍ਯਾਪਰਿਜਨਵਨਿਤਾਮਾਨਨੀਯੈਃ ਪਰੀਤਂ
ਹृਦ੍ਯਂ ਹृਦ੍ਯਸ੍ਤੁ ਨਿਤ੍ਯਂ ਮਮ ਭੁਵਨਪਤੇਰ੍ਧਾਮ ਸੋਮਾਰ੍ਧਮੌਲੇਃ ॥ 13 ॥
ਸ੍ਤਮ੍ਭੈਰ੍ਜਮ੍ਭਾਰਿਰਤ੍ਨਪ੍ਰਵਰਵਿਰਚਿਤੈਃ ਸਮ੍ਭृਤੋਪਾਨ੍ਤਭਾਗਂ
ਸ਼ੁਮ੍ਭਤ੍ਸੋਪਾਨਮਾਰ੍ਗਂ ਸ਼ੁਚਿਮਣਿਨਿਚਯੈਰ੍ਗੁਮ੍ਭਿਤਾਨਲ੍ਪਸ਼ਿਲ੍ਪਮ੍ ।
ਕੁਮ੍ਭੈਃ ਸਮ੍ਪੂਰ੍ਣਸ਼ੋਭਂ ਸ਼ਿਰਸਿ ਸੁਘਟਿਤੈਃ ਸ਼ਾਤਕੁਮ੍ਭੈਰਪਙ੍ਕੈਃ
ਸ਼ਮ੍ਭੋਃ ਸਮ੍ਭਾਵਨੀਯਂ ਸਕਲਮੁਨਿਜਨੈਃ ਸ੍ਵਸ੍ਤਿਦਂ ਸ੍ਯਾਤ੍ਸਦੋ ਨਃ ॥ 14 ॥
ਨ੍ਯਸ੍ਤੋ ਮਧ੍ਯੇ ਸਭਾਯਾਃ ਪਰਿਸਰਵਿਲਸਤ੍ਪਾਦਪੀਠਾਭਿਰਾਮੋ
ਹृਦ੍ਯਃ ਪਾਦੈਸ਼੍ਚਤੁਰ੍ਭਿਃ ਕਨਕਮਣਿਮਯੈਰੁਚ੍ਚਕੈਰੁਜ੍ਜ੍ਵਲਾਤ੍ਮਾ ॥
ਵਾਸੋਰਤ੍ਨੇਨ ਕੇਨਾਪ੍ਯਧਿਕਮृਦੁਤਰੇਣਾਸ੍ਤृਤੋ ਵਿਸ੍ਤृਤਸ਼੍ਰੀਃ
ਪੀਠਃ ਪੀਡਾਭਰਂ ਨਃ ਸ਼ਮਯਤੁ ਸ਼ਿਵਯੋਃ ਸ੍ਵੈਰਸਂਵਾਸਯੋਗ੍ਯਃ ॥ 15 ॥
ਆਸੀਨਸ੍ਯਾਧਿਪੀਠਂ ਤ੍ਰਿਜਗਦਧਿਪਤੇਰਙ੍ਘ੍ਰਿਪੀਠਾਨੁषਕ੍ਤੌ
ਪਾਥੋਜਾਭੋਗਭਾਜੌ ਪਰਿਮृਦੁਲਤਲੋਲ੍ਲਾਸਿਪਦ੍ਮਾਦਿਰੇਖੌ ।
ਪਾਤਾਂ ਪਾਦਾਵੁਭੌ ਤੌ ਨਮਦਮਰਕਿਰੀਟੋਲ੍ਲਸਚ੍ਚਾਰੁਹੀਰ-
-ਸ਼੍ਰੇਣੀਸ਼ੋਣਾਯਮਾਨੋਨ੍ਨਤਨਖਦਸ਼ਕੋਦ੍ਭਾਸਮਾਨੌ ਸਮਾਨੌ ॥ 16 ॥
ਯਨ੍ਨਾਦੋ ਵੇਦਵਾਚਾਂ ਨਿਗਦਤਿ ਨਿਖਿਲਂ ਲਕ੍षਣਂ ਪਕ੍षਿਕੇਤੁ-
-ਰ੍ਲਕ੍ष੍ਮੀਸਮ੍ਭੋਗਸੌਖ੍ਯਂ ਵਿਰਚਯਤਿ ਯਯੋਸ਼੍ਚਾਪਰੇ ਰੂਪਭੇਦੇ ।
ਸ਼ਮ੍ਭੋਃ ਸਮ੍ਭਾਵਨੀਯੇ ਪਦਕਮਲਸਮਾਸਙ੍ਗਤਸ੍ਤੁਙ੍ਗਸ਼ੋਭੇ
ਮਾਙ੍ਗਲ੍ਯਂ ਨਃ ਸਮਗ੍ਰਂ ਸਕਲਸੁਖਕਰੇ ਨੂਪੁਰੇ ਪੂਰਯੇਤਾਮ੍ ॥ 17 ॥
ਅਙ੍ਗੇ ਸ਼ृਙ੍ਗਾਰਯੋਨੇਃ ਸਪਦਿ ਸ਼ਲਭਤਾਂ ਨੇਤ੍ਰਵਹ੍ਨੌ ਪ੍ਰਯਾਤੇ
ਸ਼ਤ੍ਰੋਰੁਦ੍ਧृਤ੍ਯ ਤਸ੍ਮਾਦਿषੁਧਿਯੁਗਮਧੋ ਨ੍ਯਸ੍ਤਮਗ੍ਰੇ ਕਿਮੇਤਤ੍ ।
ਸ਼ਙ੍ਕਾਮਿਤ੍ਥਂ ਨਤਾਨਾਮਮਰਪਰਿषਦਾਮਨ੍ਤਰਙ੍ਕੂਰਯਤ੍ਤ-
-ਤ੍ਸਙ੍ਘਾਤਂ ਚਾਰੁ ਜਙ੍ਘਾਯੁਗਮਖਿਲਪਤੇਰਂਹਸਾਂ ਸਂਹਰੇਨ੍ਨਃ ॥ 18 ॥
ਜਾਨੁਦ੍ਵਨ੍ਦ੍ਵੇਨ ਮੀਨਧ੍ਵਜਨृਵਰਸਮੁਦ੍ਰੋਪਮਾਨੇਨ ਸਾਕਂ
ਰਾਜਨ੍ਤੌ ਰਾਜਰਮ੍ਭਾਕਰਿਕਰਕਨਕਸ੍ਤਮ੍ਭਸਮ੍ਭਾਵਨੀਯੌ ।
ਊਰੂ ਗੌਰੀਕਰਾਮ੍ਭੋਰੁਹਸਰਸਸਮਾਮਰ੍ਦਨਾਨਨ੍ਦਭਾਜੌ
ਚਾਰੂ ਦੂਰੀਕ੍ਰਿਯਾਸ੍ਤਾਂ ਦੁਰਿਤਮੁਪਚਿਤਂ ਜਨ੍ਮਜਨ੍ਮਾਨ੍ਤਰੇ ਨਃ ॥ 19 ॥
ਆਮੁਕ੍ਤਾਨਰ੍ਘਰਤ੍ਨਪ੍ਰਕਰਕਰਪਰਿष੍ਵਕ੍ਤਕਲ੍ਯਾਣਕਾਞ੍ਚੀ-
-ਦਾਮ੍ਨਾ ਬਦ੍ਦੇਨ ਦੁਗ੍ਧਦ੍ਯੁਤਿਨਿਚਯਮੁषਾ ਚੀਨਪਟ੍ਟਾਮ੍ਬਰੇਣ ।
ਸਂਵੀਤੇ ਸ਼ੈਲਕਨ੍ਯਾਸੁਚਰਿਤਪਰਿਪਾਕਾਯਮਾਣੇ ਨਿਤਮ੍ਬੇ
ਨਿਤ੍ਯਂ ਨਰ੍ਨਰ੍ਤੁ ਚਿਤ੍ਤਂ ਮਮ ਨਿਖਿਲਜਗਤ੍ਸ੍ਵਾਮਿਨਃ ਸੋਮਮੌਲੇਃ ॥ 20 ॥
ਸਨ੍ਧ੍ਯਾਕਾਲਾਨੁਰਜ੍ਯਦ੍ਦਿਨਕਰਸਰੁਚਾ ਕਾਲਧੌਤੇਨ ਗਾਢਂ
ਵ੍ਯਾਨਦ੍ਧਃ ਸ੍ਨਿਗ੍ਧਮੁਗ੍ਧਃ ਸਰਸਮੁਦਰਬਨ੍ਧੇਨ ਵੀਤੋਪਮੇਨ ।
ਉਦ੍ਦੀਪ੍ਤੈਃ ਸ੍ਵਪ੍ਰਕਾਸ਼ੈਰੁਪਚਿਤਮਹਿਮਾ ਮਨ੍ਮਥਾਰੇਰੁਦਾਰੋ
ਮਧ੍ਯੋ ਮਿਥ੍ਯਾਰ੍ਥਸਧ੍ਰ੍ਯਙ੍ਮਮ ਦਿਸ਼ਤੁ ਸਦਾ ਸਙ੍ਗਤਿਂ ਮਙ੍ਗਲਾਨਾਮ੍ ॥ 21 ॥
ਨਾਭੀਚਕ੍ਰਾਲਵਾਲਾਨ੍ਨਵਨਵਸੁषਮਾਦੋਹਦਸ਼੍ਰੀਪਰੀਤਾ-
-ਦੁਦ੍ਗਚ੍ਛਨ੍ਤੀ ਪੁਰਸ੍ਤਾਦੁਦਰਪਥਮਤਿਕ੍ਰਮ੍ਯ ਵਕ੍षਃ ਪ੍ਰਯਾਨ੍ਤਿ ।
ਸ਼੍ਯਾਮਾ ਕਾਮਾਗਮਾਰ੍ਥਪ੍ਰਕਥਨਲਿਪਿਵਦ੍ਭਾਸਤੇ ਯਾ ਨਿਕਾਮਂ
ਸਾ ਮਾ ਸੋਮਾਰ੍ਧਮੌਲੇਃ ਸੁਖਯਤੁ ਸਤਤਂ ਰੋਮਵਲ੍ਲੀਮਤਲ੍ਲੀ ॥ 22 ॥
ਆਸ਼੍ਲੇषੇष੍ਵਦ੍ਰਿਜਾਯਾਃ ਕਠਿਨਕੁਚਤਟੀਲਿਪ੍ਤਕਾਸ਼੍ਮੀਰਪਙ੍ਕ-
-ਵ੍ਯਾਸਙ੍ਗਾਦੁਦ੍ਯਦਰ੍ਕਦ੍ਯੁਤਿਭਿਰੁਪਚਿਤਸ੍ਪਰ੍ਧਮੁਦ੍ਦਾਮਹृਦ੍ਯਮ੍ ।
ਦਕ੍षਾਰਾਤੇਰੁਦੂਢਪ੍ਰਤਿਨਵਮਣਿਮਾਲਾਵਲੀਭਾਸਮਾਨਂ
ਵਕ੍षੋ ਵਿਕ੍षੋਭਿਤਾਘਂ ਸਤਤਨਤਿਜੁषਾਂ ਰਕ੍षਤਾਦਕ੍षਤਂ ਨਃ ॥ 23 ॥
ਵਾਮਾਙ੍ਕੇ ਵਿਸ੍ਫੁਰਨ੍ਤ੍ਯਾਃ ਕਰਤਲਵਿਲਸਚ੍ਚਾਰੁਰਕ੍ਤੋਤ੍ਪਲਾਯਾਃ
ਕਾਨ੍ਤਾਯਾ ਵਾਮਵਕ੍षੋਰੁਹਭਰਸ਼ਿਖਰੋਨ੍ਮਰ੍ਦਨਵ੍ਯਗ੍ਰਮੇਕਮ੍ ।
ਅਨ੍ਯਾਂਸ੍ਤ੍ਰੀਨਪ੍ਯੁਦਾਰਾਨ੍ਵਰਪਰਸ਼ੁਮृਗਾਲਙ੍ਕृਤਾਨਿਨ੍ਦੁਮੌਲੇ-
-ਰ੍ਬਾਹੂਨਾਬਦ੍ਧਹੇਮਾਙ੍ਗਦਮਣਿਕਟਕਾਨਨ੍ਤਰਾਲੋਕਯਾਮਃ ॥ 24 ॥
ਸਮ੍ਭ੍ਰਾਨ੍ਤਾਯਾਃ ਸ਼ਿਵਾਯਾਃ ਪਤਿਵਿਲਯਭਿਯਾ ਸਰ੍ਵਲੋਕੋਪਤਾਪਾ-
-ਤ੍ਸਂਵਿਗ੍ਨਸ੍ਯਾਪਿ ਵਿष੍ਣੋਃ ਸਰਭਸਮੁਭਯੋਰ੍ਵਾਰਣਪ੍ਰੇਰਣਾਭ੍ਯਾਮ੍ ।
ਮਧ੍ਯੇ ਤ੍ਰੈਸ਼ਙ੍ਕਵੀਯਾਮਨੁਭਵਤਿ ਦਸ਼ਾਂ ਯਤ੍ਰ ਹਾਲਾਹਲੋष੍ਮਾ
ਸੋऽਯਂ ਸਰ੍ਵਾਪਦਾਂ ਨਃ ਸ਼ਮਯਤੁ ਨਿਚਯਂ ਨੀਲਕਣ੍ਠਸ੍ਯ ਕਣ੍ਠਃ ॥ 25 ॥
ਹृਦ੍ਯੈਰਦ੍ਰੀਨ੍ਦ੍ਰਕਨ੍ਯਾਮृਦੁਦਸ਼ਨਪਦੈਰ੍ਮੁਦ੍ਰਿਤੋ ਵਿਦ੍ਰੁਮਸ਼੍ਰੀ-
-ਰੁਦ੍ਦ੍ਯੋਤਨ੍ਤ੍ਯਾ ਨਿਤਾਨ੍ਤਂ ਧਵਲਧਵਲਯਾ ਮਿਸ਼੍ਰਿਤੋ ਦਨ੍ਤਕਾਨ੍ਤ੍ਯਾ ।
ਮੁਕ੍ਤਾਮਾਣਿਕ੍ਯਜਾਲਵ੍ਯਤਿਕਰਸਦृਸ਼ਾ ਤੇਜਸਾ ਭਾਸਮਾਨਃ
ਸਦ੍ਯੋਜਾਤਸ੍ਯ ਦਦ੍ਯਾਦਧਰਮਣਿਰਸੌ ਸਮ੍ਪਦਾਂ ਸਞ੍ਚਯਂ ਨਃ ॥ 26 ॥
ਕਰ੍ਣਾਲਙ੍ਕਾਰਨਾਨਾਮਣਿਨਿਕਰਰੁਚਾਂ ਸਞ੍ਚਯੈਰਞ੍ਚਿਤਾਯਾਂ
ਵਰ੍ਣ੍ਯਾਯਾਂ ਸ੍ਵਰ੍ਣਪਦ੍ਮੋਦਰਪਰਿਵਿਲਸਤ੍ਕਰ੍ਣਿਕਾਸਨ੍ਨਿਭਾਯਾਮ੍ ।
ਪਦ੍ਧਤ੍ਯਾਂ ਪ੍ਰਾਣਵਾਯੋਃ ਪ੍ਰਣਤਜਨਹृਦਮ੍ਭੋਜਵਾਸਸ੍ਯ ਸ਼ਮ੍ਭੋ-
-ਰ੍ਨਿਤ੍ਯਂ ਨਸ਼੍ਚਿਤ੍ਤਮੇਤਦ੍ਵਿਰਚਯਤੁ ਸੁਖੇਨਾਸਿਕਾਂ ਨਾਸਿਕਾਯਾਮ੍ ॥ 27 ॥
ਅਤ੍ਯਨ੍ਤਂ ਭਾਸਮਾਨੇ ਰੁਚਿਰਤਰਰੁਚਾਂ ਸਙ੍ਗਮਾਤ੍ਸਨ੍ਮਣੀਨਾ-
-ਮੁਦ੍ਯਚ੍ਚਣ੍ਡਾਂਸ਼ੁਧਾਮਪ੍ਰਸਰਨਿਰਸਨਸ੍ਪष੍ਟਦृष੍ਟਾਪਦਾਨੇ ।
ਭੂਯਾਸ੍ਤਾਂ ਭੂਤਯੇ ਨਃ ਕਰਿਵਰਜਯਿਨਃ ਕਰ੍ਣਪਾਸ਼ਾਵਲਮ੍ਬੇ
ਭਕ੍ਤਾਲੀਭਾਲਸਜ੍ਜਜ੍ਜਨਿਮਰਣਲਿਪੇਃ ਕੁਣ੍ਡਲੇ ਕੁਣ੍ਡਲੇ ਤੇ ॥ 28 ॥
ਯਾਭ੍ਯਾਂ ਕਾਲਵ੍ਯਵਸ੍ਥਾ ਭਵਤਿ ਤਨੁਮਤਾਂ ਯੋ ਮੁਖਂ ਦੇਵਤਾਨਾਂ
ਯੇषਾਮਾਹੁਃ ਸ੍ਵਰੂਪਂ ਜਗਤਿ ਮੁਨਿਵਰਾ ਦੇਵਤਾਨਾਂ ਤ੍ਰਯੀਂ ਤਾਮ੍ ।
ਰੁਦ੍ਰਾਣੀਵਕ੍ਤ੍ਰਪਙ੍ਕੇਰੁਹਸਤਤਵਿਹਾਰੋਤ੍ਸੁਕੇਨ੍ਦਿਨ੍ਦਿਰੇਭ੍ਯ-
-ਸ੍ਤੇਭ੍ਯਸ੍ਤ੍ਰਿਭ੍ਯਃ ਪ੍ਰਣਾਮਾਞ੍ਜਲਿਮੁਪਰਚਯੇ ਤ੍ਰੀਕ੍षਣਸ੍ਯੇਕ੍षਣੇਭ੍ਯਃ ॥ 29 ॥
ਵਾਮਂ ਵਾਮਾਙ੍ਕਗਾਯਾ ਵਦਨਸਰਸਿਜੇ ਵ੍ਯਾਵਲਦ੍ਵਲ੍ਲਭਾਯਾ
ਵ੍ਯਾਨਮ੍ਰੇष੍ਵਨ੍ਯਦਨ੍ਯਤ੍ਪੁਨਰਲਿਕਭਵਂ ਵੀਤਨਿਃਸ਼ੇषਰੌਕ੍ष੍ਯਮ੍ ।
ਭੂਯੋ ਭੂਯੋਪਿ ਮੋਦਾਨ੍ਨਿਪਤਦਤਿਦਯਾਸ਼ੀਤਲਂ ਚੂਤਬਾਣੇ
ਦਕ੍षਾਰੇਰੀਕ੍षਣਾਨਾਂ ਤ੍ਰਯਮਪਹਰਤਾਦਾਸ਼ੁ ਤਾਪਤ੍ਰਯਂ ਨਃ ॥ 30 ॥
ਯਸ੍ਮਿਨ੍ਨਰ੍ਧੇਨ੍ਦੁਮੁਗ੍ਧਦ੍ਯੁਤਿਨਿਚਯਤਿਰਸ੍ਕਾਰਨਿਸ੍ਤਨ੍ਦ੍ਰਕਾਨ੍ਤੌ
ਕਾਸ਼੍ਮੀਰਕ੍षੋਦਸਙ੍ਕਲ੍ਪਤਮਿਵ ਰੁਚਿਰਂ ਚਿਤ੍ਰਕਂ ਭਾਤਿ ਨੇਤ੍ਰਮ੍ ।
ਤਸ੍ਮਿਨ੍ਨੁਲ੍ਲੀਲਚਿਲ੍ਲੀਨਟਵਰਤਰੁਣੀਲਾਸ੍ਯਰਙ੍ਗਾਯਮਾਣੇ
ਕਾਲਾਰੇਃ ਫਾਲਦੇਸ਼ੇ ਵਿਹਰਤੁ ਹृਦਯਂ ਵੀਤਚਿਨ੍ਤਾਨ੍ਤਰਂ ਨਃ ॥ 31 ॥
ਸ੍ਵਾਮਿਨ੍ਗਙ੍ਗਾਮਿਵਾਙ੍ਗੀਕੁਰੁ ਤਵ ਸ਼ਿਰਸਾ ਮਾਮਪੀਤ੍ਯਰ੍ਥਯਨ੍ਤੀਂ
ਧਨ੍ਯਾਂ ਕਨ੍ਯਾਂ ਖਰਾਂਸ਼ੋਃ ਸ਼ਿਰਸਿ ਵਹਤਿ ਕਿਂ ਨ੍ਵੇष ਕਾਰੁਣ੍ਯਸ਼ਾਲੀ ।
ਇਤ੍ਥਂ ਸ਼ਙ੍ਕਾਂ ਜਨਾਨਾਂ ਜਨਯਦਤਿਘਨਂ ਕੈਸ਼ਿਕਂ ਕਾਲਮੇਘ-
-ਚ੍ਛਾਯਂ ਭੂਯਾਦੁਦਾਰਂ ਤ੍ਰਿਪੁਰਵਿਜਯਿਨਃ ਸ਼੍ਰੇਯਸੇ ਭੂਯਸੇ ਨਃ ॥ 32 ॥
ਸ਼ृਙ੍ਗਾਰਾਕਲ੍ਪਯੋਗ੍ਯੈਃ ਸ਼ਿਖਰਿਵਰਸੁਤਾਸਤ੍ਸਖੀਹਸ੍ਤਲੂਨੈਃ
ਸੂਨੈਰਾਬਦ੍ਧਮਾਲਾਵਲਿਪਰਿਵਿਲਸਤ੍ਸੌਰਭਾਕृष੍ਟਭृਙ੍ਗਮ੍ ।
ਤੁਙ੍ਗਂ ਮਾਣਿਕ੍ਯਕਾਨ੍ਤ੍ਯਾ ਪਰਿਹਸਿਤਸੁਰਾਵਾਸਸ਼ੈਲੇਨ੍ਦ੍ਰਸ਼ृਙ੍ਗਂ
ਸਙ੍ਘਂ ਨਃ ਸਙ੍ਕਟਾਨਾਂ ਵਿਘਟਯਤੁ ਸਦਾ ਕਾਙ੍ਕਟੀਕਂ ਕਿਰੀਟਮ੍ ॥ 33 ॥
ਵਕ੍ਰਾਕਾਰਃ ਕਲਙ੍ਕੀ ਜਡਤਨੁਰਹਮਪ੍ਯਙ੍ਘ੍ਰਿਸੇਵਾਨੁਭਾਵਾ-
-ਦੁਤ੍ਤਂਸਤ੍ਵਂ ਪ੍ਰਯਾਤਃ ਸੁਲਭਤਰਘृਣਾਸ੍ਯਨ੍ਦਿਨਸ਼੍ਚਨ੍ਦ੍ਰਮੌਲੇਃ ।
ਤਤ੍ਸੇਵਨ੍ਤਾਂ ਜਨੌਘਾਃ ਸ਼ਿਵਮਿਤਿ ਨਿਜਯਾਵਸ੍ਥਯੈਵ ਬ੍ਰੁਵਾਣਂ
ਵਨ੍ਦੇ ਦੇਵਸ੍ਯ ਸ਼ਮ੍ਭੋਰ੍ਮੁਕੁਟਸੁਘਟਿਤਂ ਮੁਗ੍ਧਪੀਯੂषਭਾਨੁਮ੍ ॥ 34 ॥
ਕਾਨ੍ਤ੍ਯਾ ਸਮ੍ਫੁਲ੍ਲਮਲ੍ਲੀਕੁਸੁਮਧਵਲਯਾ ਵ੍ਯਾਪ੍ਯ ਵਿਸ਼੍ਵਂ ਵਿਰਾਜ-
-ਨ੍ਵृਤ੍ਤਾਕਾਰੋ ਵਿਤਨ੍ਵਨ੍ਮੁਹੁਰਪਿ ਚ ਪਰਾਂ ਨਿਰ੍ਵृਤਿਂ ਪਾਦਭਾਜਾਮ੍ ।
ਸਾਨਨ੍ਦਂ ਨਨ੍ਦਿਦੋष੍ਣਾ ਮਣਿਕਟਕਵਤਾ ਵਾਹ੍ਯਮਾਨਃ ਪੁਰਾਰੇਃ
ਸ਼੍ਵੇਤਚ੍ਛਤ੍ਰਾਖ੍ਯਸ਼ੀਤਦ੍ਯੁਤਿਰਪਹਰਤਾਦਾਪਦਸ੍ਤਾਪਦਾ ਨਃ ॥ 35 ॥
ਦਿਵ੍ਯਾਕਲ੍ਪੋਜ੍ਜ੍ਵਲਾਨਾਂ ਸ਼ਿਵਗਿਰਿਸੁਤਯੋਃ ਪਾਰ੍ਸ਼੍ਵਯੋਰਾਸ਼੍ਰਿਤਾਨਾਂ
ਰੁਦ੍ਰਾਣੀਸਤ੍ਸਖੀਨਾਂ ਮਦਤਰਲਕਟਾਕ੍षਾਞ੍ਚਲੈਰਞ੍ਚਿਤਾਨਾਮ੍ ।
ਉਦ੍ਵੇਲ੍ਲਦ੍ਬਾਹੁਵਲ੍ਲੀਵਿਲਸਨਸਮਯੇ ਚਾਮਰਾਨ੍ਦੋਲਨੀਨਾ-
-ਮੁਦ੍ਭੂਤਃ ਕਙ੍ਕਣਾਲੀਵਲਯਕਲਕਲੋ ਵਾਰਯੇਦਾਪਦੋ ਨਃ ॥ 36 ॥
ਸ੍ਵਰ੍ਗੌਕਃਸੁਨ੍ਦਰੀਣਾਂ ਸੁਲਲਿਤਵਪੁषਾਂ ਸ੍ਵਾਮਿਸੇਵਾਪਰਾਣਾਂ
ਵਲ੍ਗਦ੍ਭੂषਾਣਿ ਵਕ੍ਰਾਮ੍ਬੁਜਪਰਿਵਿਗਲਨ੍ਮੁਗ੍ਧਗੀਤਾਮृਤਾਨਿ ।
ਨਿਤ੍ਯਂ ਨृਤ੍ਤਾਨ੍ਯੁਪਾਸੇ ਭੁਜਵਿਧੁਤਿਪਦਨ੍ਯਾਸਭਾਵਾਵਲੋਕ-
-ਪ੍ਰਤ੍ਯੁਦ੍ਯਤ੍ਪ੍ਰੀਤਿਮਾਦ੍ਯਤ੍ਪ੍ਰਮਥਨਟਨਟੀਦਤ੍ਤਸਮ੍ਭਾਵਨਾਨਿ ॥ 37 ॥
ਸ੍ਥਾਨਪ੍ਰਾਪ੍ਤ੍ਯਾ ਸ੍ਵਰਾਣਾਂ ਕਿਮਪਿ ਵਿਸ਼ਦਤਾਂ ਵ੍ਯਞ੍ਜਯਨ੍ਮਞ੍ਜੁਵੀਣਾ-
-ਸ੍ਵਾਨਾਵਚ੍ਛਿਨ੍ਨਤਾਲਕ੍ਰਮਮਮृਤਮਿਵਾਸ੍ਵਾਦ੍ਯਮਾਨਂ ਸ਼ਿਵਾਭ੍ਯਾਮ੍ ।
ਨਾਨਾਰਾਗਾਤਿਹृਦ੍ਯਂ ਨਵਰਸਮਧੁਰਸ੍ਤੋਤ੍ਰਜਾਤਾਨੁਵਿਦ੍ਧਂ
ਗਾਨਂ ਵੀਣਾਮਹਰ੍षੇਃ ਕਲਮਤਿਲਲਿਤਂ ਕਰ੍ਣਪੂਰਯਤਾਂ ਨਃ ॥ 38 ॥
ਚੇਤੋ ਜਾਤਪ੍ਰਮੋਦਂ ਸਪਦਿ ਵਿਦਧਤੀ ਪ੍ਰਾਣਿਨਾਂ ਵਾਣਿਨੀਨਾਂ
ਪਾਣਿਦ੍ਵਨ੍ਦ੍ਵਾਗ੍ਰਜਾਗ੍ਰਤ੍ਸੁਲਲਿਤਰਣਿਤਸ੍ਵਰ੍ਣਤਾਲਾਨੁਕੂਲਾ ।
ਸ੍ਵੀਯਾਰਾਵੇਣ ਪਾਥੋਧਰਰਵਪਟੁਨਾ ਨਾਦਯਨ੍ਤੀ ਮਯੂਰੀਂ
ਮਾਯੂਰੀ ਮਨ੍ਦਭਾਵਂ ਮਣਿਮੁਰਜਭਵਾ ਮਾਰ੍ਜਨਾ ਮਾਰ੍ਜਯੇਨ੍ਨਃ ॥ 39 ॥
ਦੇਵੇਭ੍ਯੋ ਦਾਨਵੇਭ੍ਯਃ ਪਿਤृਮੁਨਿਪਰਿषਤ੍ਸਿਦ੍ਧਵਿਦ੍ਯਾਧਰੇਭ੍ਯਃ
ਸਾਧ੍ਯੇਭ੍ਯਸ਼੍ਚਾਰਣੇਭ੍ਯੋ ਮਨੁਜਪਸ਼ੁਪਤਜ੍ਜਾਤਿਕੀਟਾਦਿਕੇਭ੍ਯਃ ।
ਸ਼੍ਰੀਕੈਲਾਸਪ੍ਰਰੂਢਾਸ੍ਤृਣਵਿਟਪਿਮੁਖਾਸ਼੍ਚਾਪਿ ਯੇ ਸਨ੍ਤਿ ਤੇਭ੍ਯਃ
ਸਰ੍ਵੇਭ੍ਯੋ ਨਿਰ੍ਵਿਚਾਰਂ ਨਤਿਮੁਪਰਚਯੇ ਸ਼ਰ੍ਵਪਾਦਾਸ਼੍ਰਯੇਭ੍ਯਃ ॥ 40 ॥
ਧ੍ਯਾਯਨ੍ਨਿਤ੍ਥਂ ਪ੍ਰਭਾਤੇ ਪ੍ਰਤਿਦਿਵਸਮਿਦਂ ਸ੍ਤੋਤ੍ਰਰਤ੍ਨਂ ਪਠੇਦ੍ਯਃ
ਕਿਂ ਵਾ ਬ੍ਰੂਮਸ੍ਤਦੀਯਂ ਸੁਚਰਿਤਮਥਵਾ ਕੀਰ੍ਤਯਾਮਃ ਸਮਾਸਾਤ੍ ।
ਸਮ੍ਪਜ੍ਜਾਤਂ ਸਮਗ੍ਰਂ ਸਦਸਿ ਬਹੁਮਤਿਂ ਸਰ੍ਵਲੋਕਪ੍ਰਿਯਤ੍ਵਂ
ਸਮ੍ਪ੍ਰਾਪ੍ਯਾਯੁਃਸ਼ਤਾਨ੍ਤੇ ਪਦਮਯਤਿ ਪਰਬ੍ਰਹ੍ਮਣੋ ਮਨ੍ਮਥਾਰੇਃ ॥ 41 ॥
ਇਤਿ ਸ਼੍ਰੀਮਤ੍ਪਰਮਹਂਸਪਰਿਵ੍ਰਾਜਕਾਚਾਰ੍ਯਸ੍ਯ ਸ਼੍ਰੀਗੋਵਿਨ੍ਦਭਗਵਤ੍ਪੂਜ੍ਯਪਾਦਸ਼ਿष੍ਯਸ੍ਯ ਸ਼੍ਰੀਮਚ੍ਛਙ੍ਕਰਭਗਵਤਃ ਕृਤੌ ਸ਼੍ਰੀ ਸ਼ਿਵ ਪਾਦਾਦਿਕੇਸ਼ਾਨ੍ਤਵਰ੍ਣਨ ਸ੍ਤੋਤ੍ਰਮ੍ ॥
Roman (IAST) Transliteration
kalyāṇaṃ no vidhattāṃ kaṭakataṭalasatkalpavāṭīnikuñja-
-krīḍāsaṃsaktavidyādharanikaravadhūgītarudrāpadānaḥ |
tārairherambanādaistaralitaninadattārakārātikekī
kailāsaḥ śarvanirvṛtyabhijanakapadaḥ sarvadā parvatendraḥ || 1 ||
yasya prāhuḥ svarūpaṃ sakaladiviṣadāṃ sārasarvasvayogaṃ
yasyeṣuḥ śārṅgadhanvā samajani jagatāṃ rakṣaṇe jāgarūkaḥ |
maurvī darvīkarāṇāmapi ca paribṛḍhaḥ pūstrayī sā ca lakṣyaṃ
so'vyādavyājamasmānaśivabhidaniśaṃ nākināṃ śrīpinākaḥ || 2 ||
ātaṅkāvegahārī sakaladiviṣadāmaṅghripadmāśrayāṇāṃ
mātaṅgādyugradaityaprakaratanugaladraktadhārāktadhāraḥ |
krūraḥ sūrāyutānāmapi ca paribhavaṃ svīyabhāsā vitanva-
-nghorākāraḥ kuṭhāro dṛḍhataraduritākhyāṭavīṃ pāṭayennaḥ || 3 ||
kālārāteḥ karāgre kṛtavasatiruraḥśāṇaśāto ripūṇāṃ
kāle kāle kulādripravaratanayayā kalpitasnehalepaḥ |
pāyānnaḥ pāvakārciḥprasarasakhamukhaḥ pāpahantā nitāntaṃ
śūlaḥ śrīpādasevābhajanarasajuṣāṃ pālanaikāntaśīlaḥ || 4 ||
devasyāṅkāśrayāyāḥ kulagiriduhiturnetrakoṇapracāra-
-prastārānatyudārānpipaṭhiṣuriva yo nityamatyādareṇa |
ādhatte bhaṅgituṅgairaniśamavayavairantaraṅgaṃ samodaṃ
somāpīḍasya so'yaṃ pradiśatu kuśalaṃ pāṇiraṅgaḥ kuraṅgaḥ || 5 ||
kaṇṭhaprāntāvasajjatkanakamayamahāghaṇṭikāghoraghoṣaiḥ
kaṇṭhārāvairakuṇṭhairapi bharitajagaccakravālāntarālaḥ |
caṇḍaḥ proddaṇḍaśṛṅgaḥ kakudakabalitottuṅgakailāsaśṛṅgaḥ
kaṇṭhekālasya vāhaḥ śamayatu śamalaṃ śāśvataḥ śākvarendraḥ || 6 ||
niryaddānāmbudhārāparimalataralībhūtarolambapālī-
-jhaṅkāraiḥ śaṅkarādreḥ śikharaśatadarīḥ pūrayanbhūrighoṣaiḥ |
śārvaḥ sauvarṇaśailapratimapṛthuvapuḥ sarvavighnāpahartā
śarvāṇyāḥ pūrvasūnuḥ sa bhavatu bhavatāṃ svastido hastivaktraḥ || 7 ||
yaḥ puṇyairdevatānāṃ samajani śivayoḥ ślāghyavīryaikamatyā-
-dyannāmni śrūyamāṇe ditijabhaṭaghaṭā bhītibhāraṃ bhajante |
bhūyātso'yaṃ vibhūtyai niśitaśaraśikhāpāṭitakrauñcaśailaḥ
saṃsārāgādhakūpodarapatitasamuttārakastārakāriḥ || 8 ||
ārūḍhaḥ prauḍhavegapravijitapavanaṃ tuṅgatuṅgaṃ turaṅgaṃ
celaṃ nīlaṃ vasānaḥ karatalavilasatkāṇḍakodaṇḍadaṇḍaḥ |
rāgadveṣādinānāvidhamṛgapaṭalībhītikṛdbhūtabhartā
kurvannākheṭalīlāṃ parilasatu manaḥkānane māmakīne || 9 ||
ambhojābhyāṃ ca rambhārathacaraṇalatādvandvakumbhīndrakumbhai-
-rbimbenendośca kamborupari vilasatā vidrumeṇotpalābhyām |
ambhodenāpi sambhāvitamupajanitāḍambaraṃ śambarāreḥ
śambhoḥ sambhogayogyaṃ kimapi dhanamidaṃ sambhavetsampade naḥ || 10 ||
veṇīsaubhāgyavismāpitatapanasutācāruveṇīvilāsā-
-nvāṇīnirdhūtavāṇīkaratalavidhṛtodāravīṇāvirāvān |
eṇīnetrāntabhaṅgīnirasananipuṇāpāṅgakoṇānupāse
śoṇānprāṇānudūḍhapratinavasuṣamākandalānindumauleḥ || 11 ||
nṛttārambheṣu hastāhatamurajadhimiddhiṅkṛtairatyudārai-
-ścittānandaṃ vidhatte sadasi bhagavataḥ santataṃ yaḥ sa nandī |
caṇḍīśādyāstathānye caturaguṇagaṇaprīṇitasvāmisatkā-
-rotkarṣodyatprasādāḥ pramathaparibṛḍhāḥ pāntu santoṣiṇo naḥ || 12 ||
muktāmāṇikyajālaiḥ parikalitamahāsālamālokanīyaṃ
pratyuptānargharatnairdiśi diśi bhavanaiḥ kalpitairdikpatīnām |
udyānairadrikanyāparijanavanitāmānanīyaiḥ parītaṃ
hṛdyaṃ hṛdyastu nityaṃ mama bhuvanapaterdhāma somārdhamauleḥ || 13 ||
stambhairjambhāriratnapravaraviracitaiḥ sambhṛtopāntabhāgaṃ
śumbhatsopānamārgaṃ śucimaṇinicayairgumbhitānalpaśilpam |
kumbhaiḥ sampūrṇaśobhaṃ śirasi sughaṭitaiḥ śātakumbhairapaṅkaiḥ
śambhoḥ sambhāvanīyaṃ sakalamunijanaiḥ svastidaṃ syātsado naḥ || 14 ||
nyasto madhye sabhāyāḥ parisaravilasatpādapīṭhābhirāmo
hṛdyaḥ pādaiścaturbhiḥ kanakamaṇimayairuccakairujjvalātmā ||
vāsoratnena kenāpyadhikamṛdutareṇāstṛto vistṛtaśrīḥ
pīṭhaḥ pīḍābharaṃ naḥ śamayatu śivayoḥ svairasaṃvāsayogyaḥ || 15 ||
āsīnasyādhipīṭhaṃ trijagadadhipateraṅghripīṭhānuṣaktau
pāthojābhogabhājau parimṛdulatalollāsipadmādirekhau |
pātāṃ pādāvubhau tau namadamarakirīṭollasaccāruhīra-
-śreṇīśoṇāyamānonnatanakhadaśakodbhāsamānau samānau || 16 ||
yannādo vedavācāṃ nigadati nikhilaṃ lakṣaṇaṃ pakṣiketu-
-rlakṣmīsambhogasaukhyaṃ viracayati yayoścāpare rūpabhede |
śambhoḥ sambhāvanīye padakamalasamāsaṅgatastuṅgaśobhe
māṅgalyaṃ naḥ samagraṃ sakalasukhakare nūpure pūrayetām || 17 ||
aṅge śṛṅgārayoneḥ sapadi śalabhatāṃ netravahnau prayāte
śatroruddhṛtya tasmādiṣudhiyugamadho nyastamagre kimetat |
śaṅkāmitthaṃ natānāmamarapariṣadāmantaraṅkūrayatta-
-tsaṅghātaṃ cāru jaṅghāyugamakhilapateraṃhasāṃ saṃharennaḥ || 18 ||
jānudvandvena mīnadhvajanṛvarasamudropamānena sākaṃ
rājantau rājarambhākarikarakanakastambhasambhāvanīyau |
ūrū gaurīkarāmbhoruhasarasasamāmardanānandabhājau
cārū dūrīkriyāstāṃ duritamupacitaṃ janmajanmāntare naḥ || 19 ||
āmuktānargharatnaprakarakarapariṣvaktakalyāṇakāñcī-
-dāmnā baddena dugdhadyutinicayamuṣā cīnapaṭṭāmbareṇa |
saṃvīte śailakanyāsucaritaparipākāyamāṇe nitambe
nityaṃ narnartu cittaṃ mama nikhilajagatsvāminaḥ somamauleḥ || 20 ||
sandhyākālānurajyaddinakarasarucā kāladhautena gāḍhaṃ
vyānaddhaḥ snigdhamugdhaḥ sarasamudarabandhena vītopamena |
uddīptaiḥ svaprakāśairupacitamahimā manmathārerudāro
madhyo mithyārthasadhryaṅmama diśatu sadā saṅgatiṃ maṅgalānām || 21 ||
nābhīcakrālavālānnavanavasuṣamādohadaśrīparītā-
-dudgacchantī purastādudarapathamatikramya vakṣaḥ prayānti |
śyāmā kāmāgamārthaprakathanalipivadbhāsate yā nikāmaṃ
sā mā somārdhamauleḥ sukhayatu satataṃ romavallīmatallī || 22 ||
āśleṣeṣvadrijāyāḥ kaṭhinakucataṭīliptakāśmīrapaṅka-
-vyāsaṅgādudyadarkadyutibhirupacitaspardhamuddāmahṛdyam |
dakṣārāterudūḍhapratinavamaṇimālāvalībhāsamānaṃ
vakṣo vikṣobhitāghaṃ satatanatijuṣāṃ rakṣatādakṣataṃ naḥ || 23 ||
vāmāṅke visphurantyāḥ karatalavilasaccāruraktotpalāyāḥ
kāntāyā vāmavakṣoruhabharaśikharonmardanavyagramekam |
anyāṃstrīnapyudārānvaraparaśumṛgālaṅkṛtānindumaule-
-rbāhūnābaddhahemāṅgadamaṇikaṭakānantarālokayāmaḥ || 24 ||
sambhrāntāyāḥ śivāyāḥ pativilayabhiyā sarvalokopatāpā-
-tsaṃvignasyāpi viṣṇoḥ sarabhasamubhayorvāraṇapreraṇābhyām |
madhye traiśaṅkavīyāmanubhavati daśāṃ yatra hālāhaloṣmā
so'yaṃ sarvāpadāṃ naḥ śamayatu nicayaṃ nīlakaṇṭhasya kaṇṭhaḥ || 25 ||
hṛdyairadrīndrakanyāmṛdudaśanapadairmudrito vidrumaśrī-
-ruddyotantyā nitāntaṃ dhavaladhavalayā miśrito dantakāntyā |
muktāmāṇikyajālavyatikarasadṛśā tejasā bhāsamānaḥ
sadyojātasya dadyādadharamaṇirasau sampadāṃ sañcayaṃ naḥ || 26 ||
karṇālaṅkāranānāmaṇinikararucāṃ sañcayairañcitāyāṃ
varṇyāyāṃ svarṇapadmodaraparivilasatkarṇikāsannibhāyām |
paddhatyāṃ prāṇavāyoḥ praṇatajanahṛdambhojavāsasya śambho-
-rnityaṃ naścittametadviracayatu sukhenāsikāṃ nāsikāyām || 27 ||
atyantaṃ bhāsamāne ruciratararucāṃ saṅgamātsanmaṇīnā-
-mudyaccaṇḍāṃśudhāmaprasaranirasanaspaṣṭadṛṣṭāpadāne |
bhūyāstāṃ bhūtaye naḥ karivarajayinaḥ karṇapāśāvalambe
bhaktālībhālasajjajjanimaraṇalipeḥ kuṇḍale kuṇḍale te || 28 ||
yābhyāṃ kālavyavasthā bhavati tanumatāṃ yo mukhaṃ devatānāṃ
yeṣāmāhuḥ svarūpaṃ jagati munivarā devatānāṃ trayīṃ tām |
rudrāṇīvaktrapaṅkeruhasatatavihārotsukendindirebhya-
-stebhyastribhyaḥ praṇāmāñjalimuparacaye trīkṣaṇasyekṣaṇebhyaḥ || 29 ||
vāmaṃ vāmāṅkagāyā vadanasarasije vyāvaladvallabhāyā
vyānamreṣvanyadanyatpunaralikabhavaṃ vītaniḥśeṣaraukṣyam |
bhūyo bhūyopi modānnipatadatidayāśītalaṃ cūtabāṇe
dakṣārerīkṣaṇānāṃ trayamapaharatādāśu tāpatrayaṃ naḥ || 30 ||
yasminnardhendumugdhadyutinicayatiraskāranistandrakāntau
kāśmīrakṣodasaṅkalpatamiva ruciraṃ citrakaṃ bhāti netram |
tasminnullīlacillīnaṭavarataruṇīlāsyaraṅgāyamāṇe
kālāreḥ phāladeśe viharatu hṛdayaṃ vītacintāntaraṃ naḥ || 31 ||
svāmingaṅgāmivāṅgīkuru tava śirasā māmapītyarthayantīṃ
dhanyāṃ kanyāṃ kharāṃśoḥ śirasi vahati kiṃ nveṣa kāruṇyaśālī |
itthaṃ śaṅkāṃ janānāṃ janayadatighanaṃ kaiśikaṃ kālamegha-
-cchāyaṃ bhūyādudāraṃ tripuravijayinaḥ śreyase bhūyase naḥ || 32 ||
śṛṅgārākalpayogyaiḥ śikharivarasutāsatsakhīhastalūnaiḥ
sūnairābaddhamālāvaliparivilasatsaurabhākṛṣṭabhṛṅgam |
tuṅgaṃ māṇikyakāntyā parihasitasurāvāsaśailendraśṛṅgaṃ
saṅghaṃ naḥ saṅkaṭānāṃ vighaṭayatu sadā kāṅkaṭīkaṃ kirīṭam || 33 ||
vakrākāraḥ kalaṅkī jaḍatanurahamapyaṅghrisevānubhāvā-
-duttaṃsatvaṃ prayātaḥ sulabhataraghṛṇāsyandinaścandramauleḥ |
tatsevantāṃ janaughāḥ śivamiti nijayāvasthayaiva bruvāṇaṃ
vande devasya śambhormukuṭasughaṭitaṃ mugdhapīyūṣabhānum || 34 ||
kāntyā samphullamallīkusumadhavalayā vyāpya viśvaṃ virāja-
-nvṛttākāro vitanvanmuhurapi ca parāṃ nirvṛtiṃ pādabhājām |
sānandaṃ nandidoṣṇā maṇikaṭakavatā vāhyamānaḥ purāreḥ
śvetacchatrākhyaśītadyutirapaharatādāpadastāpadā naḥ || 35 ||
divyākalpojjvalānāṃ śivagirisutayoḥ pārśvayorāśritānāṃ
rudrāṇīsatsakhīnāṃ madataralakaṭākṣāñcalairañcitānām |
udvelladbāhuvallīvilasanasamaye cāmarāndolanīnā-
-mudbhūtaḥ kaṅkaṇālīvalayakalakalo vārayedāpado naḥ || 36 ||
svargaukaḥsundarīṇāṃ sulalitavapuṣāṃ svāmisevāparāṇāṃ
valgadbhūṣāṇi vakrāmbujaparivigalanmugdhagītāmṛtāni |
nityaṃ nṛttānyupāse bhujavidhutipadanyāsabhāvāvaloka-
-pratyudyatprītimādyatpramathanaṭanaṭīdattasambhāvanāni || 37 ||
sthānaprāptyā svarāṇāṃ kimapi viśadatāṃ vyañjayanmañjuvīṇā-
-svānāvacchinnatālakramamamṛtamivāsvādyamānaṃ śivābhyām |
nānārāgātihṛdyaṃ navarasamadhurastotrajātānuviddhaṃ
gānaṃ vīṇāmaharṣeḥ kalamatilalitaṃ karṇapūrayatāṃ naḥ || 38 ||
ceto jātapramodaṃ sapadi vidadhatī prāṇināṃ vāṇinīnāṃ
pāṇidvandvāgrajāgratsulalitaraṇitasvarṇatālānukūlā |
svīyārāveṇa pāthodhararavapaṭunā nādayantī mayūrīṃ
māyūrī mandabhāvaṃ maṇimurajabhavā mārjanā mārjayennaḥ || 39 ||
devebhyo dānavebhyaḥ pitṛmunipariṣatsiddhavidyādharebhyaḥ
sādhyebhyaścāraṇebhyo manujapaśupatajjātikīṭādikebhyaḥ |
śrīkailāsaprarūḍhāstṛṇaviṭapimukhāścāpi ye santi tebhyaḥ
sarvebhyo nirvicāraṃ natimuparacaye śarvapādāśrayebhyaḥ || 40 ||
dhyāyannitthaṃ prabhāte pratidivasamidaṃ stotraratnaṃ paṭhedyaḥ
kiṃ vā brūmastadīyaṃ sucaritamathavā kīrtayāmaḥ samāsāt |
sampajjātaṃ samagraṃ sadasi bahumatiṃ sarvalokapriyatvaṃ
samprāpyāyuḥśatānte padamayati parabrahmaṇo manmathāreḥ || 41 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau śrī śiva pādādikeśāntavarṇana stotram ||
Sanskrit — Devanagari (original)
कल्याणं नो विधत्तां कटकतटलसत्कल्पवाटीनिकुञ्ज-
-क्रीडासंसक्तविद्याधरनिकरवधूगीतरुद्रापदानः ।
तारैर्हेरम्बनादैस्तरलितनिनदत्तारकारातिकेकी
कैलासः शर्वनिर्वृत्यभिजनकपदः सर्वदा पर्वतेन्द्रः ॥ 1 ॥
यस्य प्राहुः स्वरूपं सकलदिविषदां सारसर्वस्वयोगं
यस्येषुः शार्ङ्गधन्वा समजनि जगतां रक्षणे जागरूकः ।
मौर्वी दर्वीकराणामपि च परिबृढः पूस्त्रयी सा च लक्ष्यं
सोऽव्यादव्याजमस्मानशिवभिदनिशं नाकिनां श्रीपिनाकः ॥ 2 ॥
आतङ्कावेगहारी सकलदिविषदामङ्घ्रिपद्माश्रयाणां
मातङ्गाद्युग्रदैत्यप्रकरतनुगलद्रक्तधाराक्तधारः ।
क्रूरः सूरायुतानामपि च परिभवं स्वीयभासा वितन्व-
-न्घोराकारः कुठारो दृढतरदुरिताख्याटवीं पाटयेन्नः ॥ 3 ॥
कालारातेः कराग्रे कृतवसतिरुरःशाणशातो रिपूणां
काले काले कुलाद्रिप्रवरतनयया कल्पितस्नेहलेपः ।
पायान्नः पावकार्चिःप्रसरसखमुखः पापहन्ता नितान्तं
शूलः श्रीपादसेवाभजनरसजुषां पालनैकान्तशीलः ॥ 4 ॥
देवस्याङ्काश्रयायाः कुलगिरिदुहितुर्नेत्रकोणप्रचार-
-प्रस्तारानत्युदारान्पिपठिषुरिव यो नित्यमत्यादरेण ।
आधत्ते भङ्गितुङ्गैरनिशमवयवैरन्तरङ्गं समोदं
सोमापीडस्य सोऽयं प्रदिशतु कुशलं पाणिरङ्गः कुरङ्गः ॥ 5 ॥
कण्ठप्रान्तावसज्जत्कनकमयमहाघण्टिकाघोरघोषैः
कण्ठारावैरकुण्ठैरपि भरितजगच्चक्रवालान्तरालः ।
चण्डः प्रोद्दण्डशृङ्गः ककुदकबलितोत्तुङ्गकैलासशृङ्गः
कण्ठेकालस्य वाहः शमयतु शमलं शाश्वतः शाक्वरेन्द्रः ॥ 6 ॥
निर्यद्दानाम्बुधारापरिमलतरलीभूतरोलम्बपाली-
-झङ्कारैः शङ्कराद्रेः शिखरशतदरीः पूरयन्भूरिघोषैः ।
शार्वः सौवर्णशैलप्रतिमपृथुवपुः सर्वविघ्नापहर्ता
शर्वाण्याः पूर्वसूनुः स भवतु भवतां स्वस्तिदो हस्तिवक्त्रः ॥ 7 ॥
यः पुण्यैर्देवतानां समजनि शिवयोः श्लाघ्यवीर्यैकमत्या-
-द्यन्नाम्नि श्रूयमाणे दितिजभटघटा भीतिभारं भजन्ते ।
भूयात्सोऽयं विभूत्यै निशितशरशिखापाटितक्रौञ्चशैलः
संसारागाधकूपोदरपतितसमुत्तारकस्तारकारिः ॥ 8 ॥
आरूढः प्रौढवेगप्रविजितपवनं तुङ्गतुङ्गं तुरङ्गं
चेलं नीलं वसानः करतलविलसत्काण्डकोदण्डदण्डः ।
रागद्वेषादिनानाविधमृगपटलीभीतिकृद्भूतभर्ता
कुर्वन्नाखेटलीलां परिलसतु मनःकानने मामकीने ॥ 9 ॥
अम्भोजाभ्यां च रम्भारथचरणलताद्वन्द्वकुम्भीन्द्रकुम्भै-
-र्बिम्बेनेन्दोश्च कम्बोरुपरि विलसता विद्रुमेणोत्पलाभ्याम् ।
अम्भोदेनापि सम्भावितमुपजनिताडम्बरं शम्बरारेः
शम्भोः सम्भोगयोग्यं किमपि धनमिदं सम्भवेत्सम्पदे नः ॥ 10 ॥
वेणीसौभाग्यविस्मापिततपनसुताचारुवेणीविलासा-
-न्वाणीनिर्धूतवाणीकरतलविधृतोदारवीणाविरावान् ।
एणीनेत्रान्तभङ्गीनिरसननिपुणापाङ्गकोणानुपासे
शोणान्प्राणानुदूढप्रतिनवसुषमाकन्दलानिन्दुमौलेः ॥ 11 ॥
नृत्तारम्भेषु हस्ताहतमुरजधिमिद्धिङ्कृतैरत्युदारै-
-श्चित्तानन्दं विधत्ते सदसि भगवतः सन्ततं यः स नन्दी ।
चण्डीशाद्यास्तथान्ये चतुरगुणगणप्रीणितस्वामिसत्का-
-रोत्कर्षोद्यत्प्रसादाः प्रमथपरिबृढाः पान्तु सन्तोषिणो नः ॥ 12 ॥
मुक्तामाणिक्यजालैः परिकलितमहासालमालोकनीयं
प्रत्युप्तानर्घरत्नैर्दिशि दिशि भवनैः कल्पितैर्दिक्पतीनाम् ।
उद्यानैरद्रिकन्यापरिजनवनितामाननीयैः परीतं
हृद्यं हृद्यस्तु नित्यं मम भुवनपतेर्धाम सोमार्धमौलेः ॥ 13 ॥
स्तम्भैर्जम्भारिरत्नप्रवरविरचितैः सम्भृतोपान्तभागं
शुम्भत्सोपानमार्गं शुचिमणिनिचयैर्गुम्भितानल्पशिल्पम् ।
कुम्भैः सम्पूर्णशोभं शिरसि सुघटितैः शातकुम्भैरपङ्कैः
शम्भोः सम्भावनीयं सकलमुनिजनैः स्वस्तिदं स्यात्सदो नः ॥ 14 ॥
न्यस्तो मध्ये सभायाः परिसरविलसत्पादपीठाभिरामो
हृद्यः पादैश्चतुर्भिः कनकमणिमयैरुच्चकैरुज्ज्वलात्मा ॥
वासोरत्नेन केनाप्यधिकमृदुतरेणास्तृतो विस्तृतश्रीः
पीठः पीडाभरं नः शमयतु शिवयोः स्वैरसंवासयोग्यः ॥ 15 ॥
आसीनस्याधिपीठं त्रिजगदधिपतेरङ्घ्रिपीठानुषक्तौ
पाथोजाभोगभाजौ परिमृदुलतलोल्लासिपद्मादिरेखौ ।
पातां पादावुभौ तौ नमदमरकिरीटोल्लसच्चारुहीर-
-श्रेणीशोणायमानोन्नतनखदशकोद्भासमानौ समानौ ॥ 16 ॥
यन्नादो वेदवाचां निगदति निखिलं लक्षणं पक्षिकेतु-
-र्लक्ष्मीसम्भोगसौख्यं विरचयति ययोश्चापरे रूपभेदे ।
शम्भोः सम्भावनीये पदकमलसमासङ्गतस्तुङ्गशोभे
माङ्गल्यं नः समग्रं सकलसुखकरे नूपुरे पूरयेताम् ॥ 17 ॥
अङ्गे शृङ्गारयोनेः सपदि शलभतां नेत्रवह्नौ प्रयाते
शत्रोरुद्धृत्य तस्मादिषुधियुगमधो न्यस्तमग्रे किमेतत् ।
शङ्कामित्थं नतानाममरपरिषदामन्तरङ्कूरयत्त-
-त्सङ्घातं चारु जङ्घायुगमखिलपतेरंहसां संहरेन्नः ॥ 18 ॥
जानुद्वन्द्वेन मीनध्वजनृवरसमुद्रोपमानेन साकं
राजन्तौ राजरम्भाकरिकरकनकस्तम्भसम्भावनीयौ ।
ऊरू गौरीकराम्भोरुहसरससमामर्दनानन्दभाजौ
चारू दूरीक्रियास्तां दुरितमुपचितं जन्मजन्मान्तरे नः ॥ 19 ॥
आमुक्तानर्घरत्नप्रकरकरपरिष्वक्तकल्याणकाञ्ची-
-दाम्ना बद्देन दुग्धद्युतिनिचयमुषा चीनपट्टाम्बरेण ।
संवीते शैलकन्यासुचरितपरिपाकायमाणे नितम्बे
नित्यं नर्नर्तु चित्तं मम निखिलजगत्स्वामिनः सोममौलेः ॥ 20 ॥
सन्ध्याकालानुरज्यद्दिनकरसरुचा कालधौतेन गाढं
व्यानद्धः स्निग्धमुग्धः सरसमुदरबन्धेन वीतोपमेन ।
उद्दीप्तैः स्वप्रकाशैरुपचितमहिमा मन्मथारेरुदारो
मध्यो मिथ्यार्थसध्र्यङ्मम दिशतु सदा सङ्गतिं मङ्गलानाम् ॥ 21 ॥
नाभीचक्रालवालान्नवनवसुषमादोहदश्रीपरीता-
-दुद्गच्छन्ती पुरस्तादुदरपथमतिक्रम्य वक्षः प्रयान्ति ।
श्यामा कामागमार्थप्रकथनलिपिवद्भासते या निकामं
सा मा सोमार्धमौलेः सुखयतु सततं रोमवल्लीमतल्ली ॥ 22 ॥
आश्लेषेष्वद्रिजायाः कठिनकुचतटीलिप्तकाश्मीरपङ्क-
-व्यासङ्गादुद्यदर्कद्युतिभिरुपचितस्पर्धमुद्दामहृद्यम् ।
दक्षारातेरुदूढप्रतिनवमणिमालावलीभासमानं
वक्षो विक्षोभिताघं सततनतिजुषां रक्षतादक्षतं नः ॥ 23 ॥
वामाङ्के विस्फुरन्त्याः करतलविलसच्चारुरक्तोत्पलायाः
कान्ताया वामवक्षोरुहभरशिखरोन्मर्दनव्यग्रमेकम् ।
अन्यांस्त्रीनप्युदारान्वरपरशुमृगालङ्कृतानिन्दुमौले-
-र्बाहूनाबद्धहेमाङ्गदमणिकटकानन्तरालोकयामः ॥ 24 ॥
सम्भ्रान्तायाः शिवायाः पतिविलयभिया सर्वलोकोपतापा-
-त्संविग्नस्यापि विष्णोः सरभसमुभयोर्वारणप्रेरणाभ्याम् ।
मध्ये त्रैशङ्कवीयामनुभवति दशां यत्र हालाहलोष्मा
सोऽयं सर्वापदां नः शमयतु निचयं नीलकण्ठस्य कण्ठः ॥ 25 ॥
हृद्यैरद्रीन्द्रकन्यामृदुदशनपदैर्मुद्रितो विद्रुमश्री-
-रुद्द्योतन्त्या नितान्तं धवलधवलया मिश्रितो दन्तकान्त्या ।
मुक्तामाणिक्यजालव्यतिकरसदृशा तेजसा भासमानः
सद्योजातस्य दद्यादधरमणिरसौ सम्पदां सञ्चयं नः ॥ 26 ॥
कर्णालङ्कारनानामणिनिकररुचां सञ्चयैरञ्चितायां
वर्ण्यायां स्वर्णपद्मोदरपरिविलसत्कर्णिकासन्निभायाम् ।
पद्धत्यां प्राणवायोः प्रणतजनहृदम्भोजवासस्य शम्भो-
-र्नित्यं नश्चित्तमेतद्विरचयतु सुखेनासिकां नासिकायाम् ॥ 27 ॥
अत्यन्तं भासमाने रुचिरतररुचां सङ्गमात्सन्मणीना-
-मुद्यच्चण्डांशुधामप्रसरनिरसनस्पष्टदृष्टापदाने ।
भूयास्तां भूतये नः करिवरजयिनः कर्णपाशावलम्बे
भक्तालीभालसज्जज्जनिमरणलिपेः कुण्डले कुण्डले ते ॥ 28 ॥
याभ्यां कालव्यवस्था भवति तनुमतां यो मुखं देवतानां
येषामाहुः स्वरूपं जगति मुनिवरा देवतानां त्रयीं ताम् ।
रुद्राणीवक्त्रपङ्केरुहसततविहारोत्सुकेन्दिन्दिरेभ्य-
-स्तेभ्यस्त्रिभ्यः प्रणामाञ्जलिमुपरचये त्रीक्षणस्येक्षणेभ्यः ॥ 29 ॥
वामं वामाङ्कगाया वदनसरसिजे व्यावलद्वल्लभाया
व्यानम्रेष्वन्यदन्यत्पुनरलिकभवं वीतनिःशेषरौक्ष्यम् ।
भूयो भूयोपि मोदान्निपतदतिदयाशीतलं चूतबाणे
दक्षारेरीक्षणानां त्रयमपहरतादाशु तापत्रयं नः ॥ 30 ॥
यस्मिन्नर्धेन्दुमुग्धद्युतिनिचयतिरस्कारनिस्तन्द्रकान्तौ
काश्मीरक्षोदसङ्कल्पतमिव रुचिरं चित्रकं भाति नेत्रम् ।
तस्मिन्नुल्लीलचिल्लीनटवरतरुणीलास्यरङ्गायमाणे
कालारेः फालदेशे विहरतु हृदयं वीतचिन्तान्तरं नः ॥ 31 ॥
स्वामिन्गङ्गामिवाङ्गीकुरु तव शिरसा मामपीत्यर्थयन्तीं
धन्यां कन्यां खरांशोः शिरसि वहति किं न्वेष कारुण्यशाली ।
इत्थं शङ्कां जनानां जनयदतिघनं कैशिकं कालमेघ-
-च्छायं भूयादुदारं त्रिपुरविजयिनः श्रेयसे भूयसे नः ॥ 32 ॥
शृङ्गाराकल्पयोग्यैः शिखरिवरसुतासत्सखीहस्तलूनैः
सूनैराबद्धमालावलिपरिविलसत्सौरभाकृष्टभृङ्गम् ।
तुङ्गं माणिक्यकान्त्या परिहसितसुरावासशैलेन्द्रशृङ्गं
सङ्घं नः सङ्कटानां विघटयतु सदा काङ्कटीकं किरीटम् ॥ 33 ॥
वक्राकारः कलङ्की जडतनुरहमप्यङ्घ्रिसेवानुभावा-
-दुत्तंसत्वं प्रयातः सुलभतरघृणास्यन्दिनश्चन्द्रमौलेः ।
तत्सेवन्तां जनौघाः शिवमिति निजयावस्थयैव ब्रुवाणं
वन्दे देवस्य शम्भोर्मुकुटसुघटितं मुग्धपीयूषभानुम् ॥ 34 ॥
कान्त्या सम्फुल्लमल्लीकुसुमधवलया व्याप्य विश्वं विराज-
-न्वृत्ताकारो वितन्वन्मुहुरपि च परां निर्वृतिं पादभाजाम् ।
सानन्दं नन्दिदोष्णा मणिकटकवता वाह्यमानः पुरारेः
श्वेतच्छत्राख्यशीतद्युतिरपहरतादापदस्तापदा नः ॥ 35 ॥
दिव्याकल्पोज्ज्वलानां शिवगिरिसुतयोः पार्श्वयोराश्रितानां
रुद्राणीसत्सखीनां मदतरलकटाक्षाञ्चलैरञ्चितानाम् ।
उद्वेल्लद्बाहुवल्लीविलसनसमये चामरान्दोलनीना-
-मुद्भूतः कङ्कणालीवलयकलकलो वारयेदापदो नः ॥ 36 ॥
स्वर्गौकःसुन्दरीणां सुललितवपुषां स्वामिसेवापराणां
वल्गद्भूषाणि वक्राम्बुजपरिविगलन्मुग्धगीतामृतानि ।
नित्यं नृत्तान्युपासे भुजविधुतिपदन्यासभावावलोक-
-प्रत्युद्यत्प्रीतिमाद्यत्प्रमथनटनटीदत्तसम्भावनानि ॥ 37 ॥
स्थानप्राप्त्या स्वराणां किमपि विशदतां व्यञ्जयन्मञ्जुवीणा-
-स्वानावच्छिन्नतालक्रमममृतमिवास्वाद्यमानं शिवाभ्याम् ।
नानारागातिहृद्यं नवरसमधुरस्तोत्रजातानुविद्धं
गानं वीणामहर्षेः कलमतिललितं कर्णपूरयतां नः ॥ 38 ॥
चेतो जातप्रमोदं सपदि विदधती प्राणिनां वाणिनीनां
पाणिद्वन्द्वाग्रजाग्रत्सुललितरणितस्वर्णतालानुकूला ।
स्वीयारावेण पाथोधररवपटुना नादयन्ती मयूरीं
मायूरी मन्दभावं मणिमुरजभवा मार्जना मार्जयेन्नः ॥ 39 ॥
देवेभ्यो दानवेभ्यः पितृमुनिपरिषत्सिद्धविद्याधरेभ्यः
साध्येभ्यश्चारणेभ्यो मनुजपशुपतज्जातिकीटादिकेभ्यः ।
श्रीकैलासप्ररूढास्तृणविटपिमुखाश्चापि ये सन्ति तेभ्यः
सर्वेभ्यो निर्विचारं नतिमुपरचये शर्वपादाश्रयेभ्यः ॥ 40 ॥
ध्यायन्नित्थं प्रभाते प्रतिदिवसमिदं स्तोत्ररत्नं पठेद्यः
किं वा ब्रूमस्तदीयं सुचरितमथवा कीर्तयामः समासात् ।
सम्पज्जातं समग्रं सदसि बहुमतिं सर्वलोकप्रियत्वं
सम्प्राप्यायुःशतान्ते पदमयति परब्रह्मणो मन्मथारेः ॥ 41 ॥
इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छङ्करभगवतः कृतौ श्री शिव पादादिकेशान्तवर्णन स्तोत्रम् ॥
kalyāṇaṃ no vidhattāṃ kaṭakataṭalasatkalpavāṭīnikuñja-
-krīḍāsaṃsaktavidyādharanikaravadhūgītarudrāpadānaḥ |
tārairherambanādaistaralitaninadattārakārātikekī
kailāsaḥ śarvanirvṛtyabhijanakapadaḥ sarvadā parvatendraḥ || 1 ||
yasya prāhuḥ svarūpaṃ sakaladiviṣadāṃ sārasarvasvayogaṃ
yasyeṣuḥ śārṅgadhanvā samajani jagatāṃ rakṣaṇe jāgarūkaḥ |
maurvī darvīkarāṇāmapi ca paribṛḍhaḥ pūstrayī sā ca lakṣyaṃ
so'vyādavyājamasmānaśivabhidaniśaṃ nākināṃ śrīpinākaḥ || 2 ||
ātaṅkāvegahārī sakaladiviṣadāmaṅghripadmāśrayāṇāṃ
mātaṅgādyugradaityaprakaratanugaladraktadhārāktadhāraḥ |
krūraḥ sūrāyutānāmapi ca paribhavaṃ svīyabhāsā vitanva-
-nghorākāraḥ kuṭhāro dṛḍhataraduritākhyāṭavīṃ pāṭayennaḥ || 3 ||
kālārāteḥ karāgre kṛtavasatiruraḥśāṇaśāto ripūṇāṃ
kāle kāle kulādripravaratanayayā kalpitasnehalepaḥ |
pāyānnaḥ pāvakārciḥprasarasakhamukhaḥ pāpahantā nitāntaṃ
śūlaḥ śrīpādasevābhajanarasajuṣāṃ pālanaikāntaśīlaḥ || 4 ||
devasyāṅkāśrayāyāḥ kulagiriduhiturnetrakoṇapracāra-
-prastārānatyudārānpipaṭhiṣuriva yo nityamatyādareṇa |
ādhatte bhaṅgituṅgairaniśamavayavairantaraṅgaṃ samodaṃ
somāpīḍasya so'yaṃ pradiśatu kuśalaṃ pāṇiraṅgaḥ kuraṅgaḥ || 5 ||
kaṇṭhaprāntāvasajjatkanakamayamahāghaṇṭikāghoraghoṣaiḥ
kaṇṭhārāvairakuṇṭhairapi bharitajagaccakravālāntarālaḥ |
caṇḍaḥ proddaṇḍaśṛṅgaḥ kakudakabalitottuṅgakailāsaśṛṅgaḥ
kaṇṭhekālasya vāhaḥ śamayatu śamalaṃ śāśvataḥ śākvarendraḥ || 6 ||
niryaddānāmbudhārāparimalataralībhūtarolambapālī-
-jhaṅkāraiḥ śaṅkarādreḥ śikharaśatadarīḥ pūrayanbhūrighoṣaiḥ |
śārvaḥ sauvarṇaśailapratimapṛthuvapuḥ sarvavighnāpahartā
śarvāṇyāḥ pūrvasūnuḥ sa bhavatu bhavatāṃ svastido hastivaktraḥ || 7 ||
yaḥ puṇyairdevatānāṃ samajani śivayoḥ ślāghyavīryaikamatyā-
-dyannāmni śrūyamāṇe ditijabhaṭaghaṭā bhītibhāraṃ bhajante |
bhūyātso'yaṃ vibhūtyai niśitaśaraśikhāpāṭitakrauñcaśailaḥ
saṃsārāgādhakūpodarapatitasamuttārakastārakāriḥ || 8 ||
ārūḍhaḥ prauḍhavegapravijitapavanaṃ tuṅgatuṅgaṃ turaṅgaṃ
celaṃ nīlaṃ vasānaḥ karatalavilasatkāṇḍakodaṇḍadaṇḍaḥ |
rāgadveṣādinānāvidhamṛgapaṭalībhītikṛdbhūtabhartā
kurvannākheṭalīlāṃ parilasatu manaḥkānane māmakīne || 9 ||
ambhojābhyāṃ ca rambhārathacaraṇalatādvandvakumbhīndrakumbhai-
-rbimbenendośca kamborupari vilasatā vidrumeṇotpalābhyām |
ambhodenāpi sambhāvitamupajanitāḍambaraṃ śambarāreḥ
śambhoḥ sambhogayogyaṃ kimapi dhanamidaṃ sambhavetsampade naḥ || 10 ||
veṇīsaubhāgyavismāpitatapanasutācāruveṇīvilāsā-
-nvāṇīnirdhūtavāṇīkaratalavidhṛtodāravīṇāvirāvān |
eṇīnetrāntabhaṅgīnirasananipuṇāpāṅgakoṇānupāse
śoṇānprāṇānudūḍhapratinavasuṣamākandalānindumauleḥ || 11 ||
nṛttārambheṣu hastāhatamurajadhimiddhiṅkṛtairatyudārai-
-ścittānandaṃ vidhatte sadasi bhagavataḥ santataṃ yaḥ sa nandī |
caṇḍīśādyāstathānye caturaguṇagaṇaprīṇitasvāmisatkā-
-rotkarṣodyatprasādāḥ pramathaparibṛḍhāḥ pāntu santoṣiṇo naḥ || 12 ||
muktāmāṇikyajālaiḥ parikalitamahāsālamālokanīyaṃ
pratyuptānargharatnairdiśi diśi bhavanaiḥ kalpitairdikpatīnām |
udyānairadrikanyāparijanavanitāmānanīyaiḥ parītaṃ
hṛdyaṃ hṛdyastu nityaṃ mama bhuvanapaterdhāma somārdhamauleḥ || 13 ||
stambhairjambhāriratnapravaraviracitaiḥ sambhṛtopāntabhāgaṃ
śumbhatsopānamārgaṃ śucimaṇinicayairgumbhitānalpaśilpam |
kumbhaiḥ sampūrṇaśobhaṃ śirasi sughaṭitaiḥ śātakumbhairapaṅkaiḥ
śambhoḥ sambhāvanīyaṃ sakalamunijanaiḥ svastidaṃ syātsado naḥ || 14 ||
nyasto madhye sabhāyāḥ parisaravilasatpādapīṭhābhirāmo
hṛdyaḥ pādaiścaturbhiḥ kanakamaṇimayairuccakairujjvalātmā ||
vāsoratnena kenāpyadhikamṛdutareṇāstṛto vistṛtaśrīḥ
pīṭhaḥ pīḍābharaṃ naḥ śamayatu śivayoḥ svairasaṃvāsayogyaḥ || 15 ||
āsīnasyādhipīṭhaṃ trijagadadhipateraṅghripīṭhānuṣaktau
pāthojābhogabhājau parimṛdulatalollāsipadmādirekhau |
pātāṃ pādāvubhau tau namadamarakirīṭollasaccāruhīra-
-śreṇīśoṇāyamānonnatanakhadaśakodbhāsamānau samānau || 16 ||
yannādo vedavācāṃ nigadati nikhilaṃ lakṣaṇaṃ pakṣiketu-
-rlakṣmīsambhogasaukhyaṃ viracayati yayoścāpare rūpabhede |
śambhoḥ sambhāvanīye padakamalasamāsaṅgatastuṅgaśobhe
māṅgalyaṃ naḥ samagraṃ sakalasukhakare nūpure pūrayetām || 17 ||
aṅge śṛṅgārayoneḥ sapadi śalabhatāṃ netravahnau prayāte
śatroruddhṛtya tasmādiṣudhiyugamadho nyastamagre kimetat |
śaṅkāmitthaṃ natānāmamarapariṣadāmantaraṅkūrayatta-
-tsaṅghātaṃ cāru jaṅghāyugamakhilapateraṃhasāṃ saṃharennaḥ || 18 ||
jānudvandvena mīnadhvajanṛvarasamudropamānena sākaṃ
rājantau rājarambhākarikarakanakastambhasambhāvanīyau |
ūrū gaurīkarāmbhoruhasarasasamāmardanānandabhājau
cārū dūrīkriyāstāṃ duritamupacitaṃ janmajanmāntare naḥ || 19 ||
āmuktānargharatnaprakarakarapariṣvaktakalyāṇakāñcī-
-dāmnā baddena dugdhadyutinicayamuṣā cīnapaṭṭāmbareṇa |
saṃvīte śailakanyāsucaritaparipākāyamāṇe nitambe
nityaṃ narnartu cittaṃ mama nikhilajagatsvāminaḥ somamauleḥ || 20 ||
sandhyākālānurajyaddinakarasarucā kāladhautena gāḍhaṃ
vyānaddhaḥ snigdhamugdhaḥ sarasamudarabandhena vītopamena |
uddīptaiḥ svaprakāśairupacitamahimā manmathārerudāro
madhyo mithyārthasadhryaṅmama diśatu sadā saṅgatiṃ maṅgalānām || 21 ||
nābhīcakrālavālānnavanavasuṣamādohadaśrīparītā-
-dudgacchantī purastādudarapathamatikramya vakṣaḥ prayānti |
śyāmā kāmāgamārthaprakathanalipivadbhāsate yā nikāmaṃ
sā mā somārdhamauleḥ sukhayatu satataṃ romavallīmatallī || 22 ||
āśleṣeṣvadrijāyāḥ kaṭhinakucataṭīliptakāśmīrapaṅka-
-vyāsaṅgādudyadarkadyutibhirupacitaspardhamuddāmahṛdyam |
dakṣārāterudūḍhapratinavamaṇimālāvalībhāsamānaṃ
vakṣo vikṣobhitāghaṃ satatanatijuṣāṃ rakṣatādakṣataṃ naḥ || 23 ||
vāmāṅke visphurantyāḥ karatalavilasaccāruraktotpalāyāḥ
kāntāyā vāmavakṣoruhabharaśikharonmardanavyagramekam |
anyāṃstrīnapyudārānvaraparaśumṛgālaṅkṛtānindumaule-
-rbāhūnābaddhahemāṅgadamaṇikaṭakānantarālokayāmaḥ || 24 ||
sambhrāntāyāḥ śivāyāḥ pativilayabhiyā sarvalokopatāpā-
-tsaṃvignasyāpi viṣṇoḥ sarabhasamubhayorvāraṇapreraṇābhyām |
madhye traiśaṅkavīyāmanubhavati daśāṃ yatra hālāhaloṣmā
so'yaṃ sarvāpadāṃ naḥ śamayatu nicayaṃ nīlakaṇṭhasya kaṇṭhaḥ || 25 ||
hṛdyairadrīndrakanyāmṛdudaśanapadairmudrito vidrumaśrī-
-ruddyotantyā nitāntaṃ dhavaladhavalayā miśrito dantakāntyā |
muktāmāṇikyajālavyatikarasadṛśā tejasā bhāsamānaḥ
sadyojātasya dadyādadharamaṇirasau sampadāṃ sañcayaṃ naḥ || 26 ||
karṇālaṅkāranānāmaṇinikararucāṃ sañcayairañcitāyāṃ
varṇyāyāṃ svarṇapadmodaraparivilasatkarṇikāsannibhāyām |
paddhatyāṃ prāṇavāyoḥ praṇatajanahṛdambhojavāsasya śambho-
-rnityaṃ naścittametadviracayatu sukhenāsikāṃ nāsikāyām || 27 ||
atyantaṃ bhāsamāne ruciratararucāṃ saṅgamātsanmaṇīnā-
-mudyaccaṇḍāṃśudhāmaprasaranirasanaspaṣṭadṛṣṭāpadāne |
bhūyāstāṃ bhūtaye naḥ karivarajayinaḥ karṇapāśāvalambe
bhaktālībhālasajjajjanimaraṇalipeḥ kuṇḍale kuṇḍale te || 28 ||
yābhyāṃ kālavyavasthā bhavati tanumatāṃ yo mukhaṃ devatānāṃ
yeṣāmāhuḥ svarūpaṃ jagati munivarā devatānāṃ trayīṃ tām |
rudrāṇīvaktrapaṅkeruhasatatavihārotsukendindirebhya-
-stebhyastribhyaḥ praṇāmāñjalimuparacaye trīkṣaṇasyekṣaṇebhyaḥ || 29 ||
vāmaṃ vāmāṅkagāyā vadanasarasije vyāvaladvallabhāyā
vyānamreṣvanyadanyatpunaralikabhavaṃ vītaniḥśeṣaraukṣyam |
bhūyo bhūyopi modānnipatadatidayāśītalaṃ cūtabāṇe
dakṣārerīkṣaṇānāṃ trayamapaharatādāśu tāpatrayaṃ naḥ || 30 ||
yasminnardhendumugdhadyutinicayatiraskāranistandrakāntau
kāśmīrakṣodasaṅkalpatamiva ruciraṃ citrakaṃ bhāti netram |
tasminnullīlacillīnaṭavarataruṇīlāsyaraṅgāyamāṇe
kālāreḥ phāladeśe viharatu hṛdayaṃ vītacintāntaraṃ naḥ || 31 ||
svāmingaṅgāmivāṅgīkuru tava śirasā māmapītyarthayantīṃ
dhanyāṃ kanyāṃ kharāṃśoḥ śirasi vahati kiṃ nveṣa kāruṇyaśālī |
itthaṃ śaṅkāṃ janānāṃ janayadatighanaṃ kaiśikaṃ kālamegha-
-cchāyaṃ bhūyādudāraṃ tripuravijayinaḥ śreyase bhūyase naḥ || 32 ||
śṛṅgārākalpayogyaiḥ śikharivarasutāsatsakhīhastalūnaiḥ
sūnairābaddhamālāvaliparivilasatsaurabhākṛṣṭabhṛṅgam |
tuṅgaṃ māṇikyakāntyā parihasitasurāvāsaśailendraśṛṅgaṃ
saṅghaṃ naḥ saṅkaṭānāṃ vighaṭayatu sadā kāṅkaṭīkaṃ kirīṭam || 33 ||
vakrākāraḥ kalaṅkī jaḍatanurahamapyaṅghrisevānubhāvā-
-duttaṃsatvaṃ prayātaḥ sulabhataraghṛṇāsyandinaścandramauleḥ |
tatsevantāṃ janaughāḥ śivamiti nijayāvasthayaiva bruvāṇaṃ
vande devasya śambhormukuṭasughaṭitaṃ mugdhapīyūṣabhānum || 34 ||
kāntyā samphullamallīkusumadhavalayā vyāpya viśvaṃ virāja-
-nvṛttākāro vitanvanmuhurapi ca parāṃ nirvṛtiṃ pādabhājām |
sānandaṃ nandidoṣṇā maṇikaṭakavatā vāhyamānaḥ purāreḥ
śvetacchatrākhyaśītadyutirapaharatādāpadastāpadā naḥ || 35 ||
divyākalpojjvalānāṃ śivagirisutayoḥ pārśvayorāśritānāṃ
rudrāṇīsatsakhīnāṃ madataralakaṭākṣāñcalairañcitānām |
udvelladbāhuvallīvilasanasamaye cāmarāndolanīnā-
-mudbhūtaḥ kaṅkaṇālīvalayakalakalo vārayedāpado naḥ || 36 ||
svargaukaḥsundarīṇāṃ sulalitavapuṣāṃ svāmisevāparāṇāṃ
valgadbhūṣāṇi vakrāmbujaparivigalanmugdhagītāmṛtāni |
nityaṃ nṛttānyupāse bhujavidhutipadanyāsabhāvāvaloka-
-pratyudyatprītimādyatpramathanaṭanaṭīdattasambhāvanāni || 37 ||
sthānaprāptyā svarāṇāṃ kimapi viśadatāṃ vyañjayanmañjuvīṇā-
-svānāvacchinnatālakramamamṛtamivāsvādyamānaṃ śivābhyām |
nānārāgātihṛdyaṃ navarasamadhurastotrajātānuviddhaṃ
gānaṃ vīṇāmaharṣeḥ kalamatilalitaṃ karṇapūrayatāṃ naḥ || 38 ||
ceto jātapramodaṃ sapadi vidadhatī prāṇināṃ vāṇinīnāṃ
pāṇidvandvāgrajāgratsulalitaraṇitasvarṇatālānukūlā |
svīyārāveṇa pāthodhararavapaṭunā nādayantī mayūrīṃ
māyūrī mandabhāvaṃ maṇimurajabhavā mārjanā mārjayennaḥ || 39 ||
devebhyo dānavebhyaḥ pitṛmunipariṣatsiddhavidyādharebhyaḥ
sādhyebhyaścāraṇebhyo manujapaśupatajjātikīṭādikebhyaḥ |
śrīkailāsaprarūḍhāstṛṇaviṭapimukhāścāpi ye santi tebhyaḥ
sarvebhyo nirvicāraṃ natimuparacaye śarvapādāśrayebhyaḥ || 40 ||
dhyāyannitthaṃ prabhāte pratidivasamidaṃ stotraratnaṃ paṭhedyaḥ
kiṃ vā brūmastadīyaṃ sucaritamathavā kīrtayāmaḥ samāsāt |
sampajjātaṃ samagraṃ sadasi bahumatiṃ sarvalokapriyatvaṃ
samprāpyāyuḥśatānte padamayati parabrahmaṇo manmathāreḥ || 41 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau śrī śiva pādādikeśāntavarṇana stotram ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.