ଶ୍ରୀମଦ୍ଵାଲ୍ମୀକୀଯ ରାମାଯଣେ ସୁନ୍ଦରକାଣ୍ଡମ୍ ।
ଅଥ ପଞ୍ଚଷଷ୍ଟିତମସ୍ସର୍ଗଃ ।
ତତଃ ପ୍ରସ୍ରଵଣଂ ଶୈଲଂ ତେ ଗତ୍ଵା ଚିତ୍ରକାନନମ୍ ।
ପ୍ରଣମ୍ଯ ଶିରସା ରାମଂ ଲକ୍ଷ୍ମଣଂ ଚ ମହାବଲମ୍ ॥ 1 ॥
ଯୁଵରାଜଂ ପୁରସ୍କୃତ୍ଯ ସୁଗ୍ରୀଵମଭିଵାଦ୍ଯ ଚ ।
ପ୍ରଵୃତ୍ତିମଥ ସୀତାଯାଃ ପ୍ରଵକ୍ତୁମୁପଚକ୍ରମୁଃ ॥ 2 ॥
ରାଵଣାନ୍ତଃ ପୁରେ ରୋଧଂ ରାକ୍ଷସୀଭିଶ୍ଚ ତର୍ଜନମ୍ ।
ରାମେ ସମନୁରାଗଂ ଚ ଯଶ୍ଚାଯଂ ସମଯଃ କୃତଃ ॥ 3 ॥
ଏତଦାଖ୍ଯାନ୍ତି ତେ ସର୍ଵେ ହରଯୋ ରାମସନ୍ନିଧୌ ।
ଵୈଦେହୀମକ୍ଷତାଂ ଶ୍ରୁତ୍ଵା ରାମସ୍ତୂତ୍ତରମବ୍ରଵୀତ୍ ॥ 4 ॥
କ୍ଵ ସୀତା ଵର୍ତତେ ଦେଵୀ କଥଂ ଚ ମଯି ଵର୍ତତେ ।
ଏତନ୍ମେ ସର୍ଵମାଖ୍ଯାତ ଵୈଦେହୀଂ ପ୍ରତି ଵାନରାଃ ॥ 5 ॥
ରାମସ୍ଯ ଗଦିତଂ ଶ୍ରୁତ୍ଵା ହରଯୋ ରାମସନ୍ନିଧୌ ।
ଚୋଦଯନ୍ତି ହନୂମନ୍ତଂ ସୀତାଵୃତ୍ତାନ୍ତକୋଵିଦମ୍ ॥ 6 ॥
ଶ୍ରୁତ୍ଵା ତୁ ଵଚନଂ ତେଷାଂ ହନୁମାନ୍ମାରୁତାତ୍ମଜଃ ।
ପ୍ରଣମ୍ଯ ଶିରସା ଦେଵ୍ଯୈ ସୀତାଯୈ ତାଂ ଦିଶଂ ପ୍ରତି ॥ 7 ॥
ଉଵାଚ ଵାକ୍ଯଂ ଵାକ୍ଯଜ୍ଞସ୍ସୀତାଯା ଦର୍ଶନଂ ଯଥା ।
ସମୁଦ୍ରଂ ଲଙ୍ଘଯିତ୍ଵାହଂ ଶତଯୋଜନମାଯତମ୍ ॥ 8 ॥
ଅଗଚ୍ଛଂ ଜାନକୀଂ ସୀତାଂ ମାର୍ଗମାଣୋ ଦିଦୃକ୍ଷଯା ।
ତତ୍ର ଲଙ୍କେତି ନଗରୀ ରାଵଣସ୍ଯ ଦୁରାତ୍ମନଃ ॥ 9 ॥
ଦକ୍ଷିଣସ୍ଯ ସମୁଦ୍ରସ୍ଯ ତୀରେ ଵସତି ଦକ୍ଷିଣେ ।
ତତ୍ର ଦୃଷ୍ଟା ମଯା ସୀତା ରାଵଣାନ୍ତଃ ପୁରେ ସତୀ ॥ 10 ॥
ସନ୍ନ୍ଯସ୍ଯ ତ୍ଵଯି ଜୀଵନ୍ତୀ ରାମା ରାମ ମନୋରଥମ୍ ।
ଦୃଷ୍ଟା ମେ ରାକ୍ଷସୀମଧ୍ଯେ ତର୍ଜ୍ଯମାନା ମୁହୁର୍ମୁହୁଃ ॥ 11 ॥
ରାକ୍ଷସୀଭିର୍ଵିରୂପାଭୀ ରକ୍ଷିତା ପ୍ରମଦାଵନେ ।
ଦୁଃଖ ମାସାଦ୍ଯତେ ଦେଵୀ ତଥାଽଦୁଃଖୋଚିତା ସତୀ ॥ 12 ॥
ରାଵଣାନ୍ତଃ ପୁରେ ରୁଦ୍ଧା ରାକ୍ଷସୀଭି ସ୍ସୁରକ୍ଷିତା ।
ଏକଵେଣୀଧରା ଦୀନା ତ୍ଵଯି ଚିନ୍ତାପରାଯଣା ॥ 13 ॥
ଅଧଃଶଯ୍ଯା ଵିଵର୍ଣାଙ୍ଗୀ ପଦ୍ମିନୀଵ ହିମାଗମେ ।
ରାଵଣାଦ୍ଵିନିଵୃତ୍ତାର୍ଥା ମର୍ତଵ୍ଯକୃତନିଶ୍ଚଯା ॥ 14 ॥
ଦେଵୀ କଥଞ୍ଚିତ୍କାକୁତ୍ସ୍ଥ ତ୍ଵନ୍ମନା ମାର୍ଗିତା ମଯା ।
ଇକ୍ଷ୍ଵାକୁଵଂଶଵିଖ୍ଯାତିଂ ଶନୈଃ କୀର୍ତଯତାନଘ ॥ 15 ॥
ସା ମଯା ନରଶାର୍ଦୂଲ ଵିଶ୍ଵାସମୁପପାଦିତା ।
ତତ ସ୍ସମ୍ଭାଷିତା ଦେଵୀ ସର୍ଵମର୍ଥଂ ଚ ଦର୍ଶିତା ॥ 16 ॥
ରାମସୁଗ୍ରୀଵସଖ୍ଯଂ ଚ ଶ୍ରୁତ୍ଵା ପ୍ରୀତିମୁପାଗତା ।
ନିଯତ ସ୍ସମୁଦାଚାରୋ ଭକ୍ତିଶ୍ଚାସ୍ଯାସ୍ତଥା ତ୍ଵଯି ॥ 17 ॥
ଏଵଂ ମଯା ମହାଭାଗା ଦୃଷ୍ଟା ଜନକନନ୍ଦିନୀ ।
ଉଗ୍ରେଣ ତପସା ଯୁକ୍ତା ତ୍ଵଦ୍ଭକ୍ତ୍ଯା ପୁରୁଷର୍ଷଭ ॥ 18 ॥
ଅଭିଜ୍ଞାନଂ ଚ ମେ ଦତ୍ତଂ ଯଥା ଵୃତ୍ତଂ ତଵାନ୍ତିକେ ।
ଚିତ୍ରକୂଟେ ମହାପ୍ରାଜ୍ଞ ଵାଯସଂ ପ୍ରତି ରାଘଵ ॥ 19 ॥
ଵିଜ୍ଞାପ୍ଯଶ୍ଚ ନରଵ୍ଯାଘ୍ରୋ ରାମୋ ଵାଯୁସୁତ ତ୍ଵଯା ।
ଅଖିଲେନେହ ଯଦ୍ଧୃଷ୍ଟମିତି ମାମାହ ଜାନକୀ ॥ 20 ॥
ଅଯଂ ଚାସ୍ମୈ ପ୍ରଦାତଵ୍ଯୋ ଯତ୍ନାତ୍ସୁପରିରକ୍ଷିତଃ ।
ବ୍ରୁଵତା ଵଚନାନ୍ଯେଵଂ ସୁଗ୍ରୀଵସ୍ଯୋପଶୃଣ୍ଵତଃ ॥ 21 ॥
ଏଷ ଚୂଡାମଣିଶ୍ଶ୍ରୀମାନ୍ ମଯା ସୁପରିରକ୍ଷିତଃ ।
ମନଶ୍ଶିଲାଯାସ୍ତିଲକୋ ଗଣ୍ଡପାର୍ଶ୍ଵେ ନିଵେଶିତଃ ॥ 22 ॥
ତ୍ଵଯା ପ୍ରଣଷ୍ଠେ ତିଲକେ ତଂ କିଲ ସ୍ମର୍ତୁମର୍ହସି ।
ଏଷ ନିର୍ଯାତିତଶ୍ଶ୍ରୀମାନ୍ମଯା ତେ ଵାରି ସମ୍ଭଵଃ ।
ଏତଂ ଦୃଷ୍ଟ୍ଵା ପ୍ରହୃଷ୍ଯାମି ଵ୍ଯସନେ ତ୍ଵାମିଵାନଘ ॥ 23 ॥
ଜୀଵିତଂ ଧାରଯିଷ୍ଯାମି ମାସଂ ଦଶରଥାତ୍ମଜ ॥ 24 ॥
ଊର୍ଧ୍ଵଂ ମାସାନ୍ନ ଜୀଵେଯଂ ରକ୍ଷସାଂ ଵଶମାଗତା ।
ଇତି ମାମବ୍ରଵୀତ୍ସୀତା କୃଶାଙ୍ଗୀ ଧର୍ମଚାରିଣୀ ॥ 25 ॥
ରାଵଣାନ୍ତଃ ପୁରେ ରୁଦ୍ଧା ମୃଗୀଵୋତ୍ଫୁଲ୍ଲଲୋଚନା ।
ଏତଦେଵ ମଯାଖ୍ଯାତଂ ସର୍ଵଂ ରାଘଵ ଯଦ୍ଯଥା ॥ 26 ॥
ସର୍ଵଥା ସାଗରଜଲେ ସନ୍ତାରଃ ପ୍ରଵିଧୀଯତାମ୍ ।
ତୌ ଜାତାଶ୍ଵାସୌ ରାଜପୁତ୍ରୌ ଵିଦିତ୍ଵା ତଚ୍ଚାଭିଜ୍ଞାନଂ ରାଘଵାଯ ପ୍ରଦାଯ ।
ଦେଵ୍ଯା ଚାଖ୍ଯାତଂ ସର୍ଵମେଵାନୁପୂର୍ଵ୍ଯାଦ୍ଵାଚା ସମ୍ପୂର୍ଣଂ ଵାଯୁପୁତ୍ତ୍ର ଶ୍ଶଶଂସ ॥ 27 ॥
ଇତ୍ଯାର୍ଷେ ଶ୍ରୀମଦ୍ରାମାଯଣେ ଵାଲ୍ମୀକୀଯ ଆଦିକାଵ୍ଯେ ସୁନ୍ଦରକାଣ୍ଡେ ପଞ୍ଚଷଷ୍ଟିତମସ୍ସର୍ଗଃ ॥
Roman (IAST) Transliteration
śrīmadvālmīkīya rāmāyaṇe sundarakāṇḍam |
atha pañcaṣaṣṭitamassargaḥ |
tataḥ prasravaṇaṃ śailaṃ te gatvā citrakānanam |
praṇamya śirasā rāmaṃ lakṣmaṇaṃ ca mahābalam || 1 ||
yuvarājaṃ puraskṛtya sugrīvamabhivādya ca |
pravṛttimatha sītāyāḥ pravaktumupacakramuḥ || 2 ||
rāvaṇāntaḥ pure rodhaṃ rākṣasībhiśca tarjanam |
rāme samanurāgaṃ ca yaścāyaṃ samayaḥ kṛtaḥ || 3 ||
etadākhyānti te sarve harayo rāmasannidhau |
vaidehīmakṣatāṃ śrutvā rāmastūttaramabravīt || 4 ||
kva sītā vartate devī kathaṃ ca mayi vartate |
etanme sarvamākhyāta vaidehīṃ prati vānarāḥ || 5 ||
rāmasya gaditaṃ śrutvā harayo rāmasannidhau |
codayanti hanūmantaṃ sītāvṛttāntakovidam || 6 ||
śrutvā tu vacanaṃ teṣāṃ hanumānmārutātmajaḥ |
praṇamya śirasā devyai sītāyai tāṃ diśaṃ prati || 7 ||
uvāca vākyaṃ vākyajñassītāyā darśanaṃ yathā |
samudraṃ laṅghayitvāhaṃ śatayojanamāyatam || 8 ||
agacchaṃ jānakīṃ sītāṃ mārgamāṇo didṛkṣayā |
tatra laṅketi nagarī rāvaṇasya durātmanaḥ || 9 ||
dakṣiṇasya samudrasya tīre vasati dakṣiṇe |
tatra dṛṣṭā mayā sītā rāvaṇāntaḥ pure satī || 10 ||
sannyasya tvayi jīvantī rāmā rāma manoratham |
dṛṣṭā me rākṣasīmadhye tarjyamānā muhurmuhuḥ || 11 ||
rākṣasībhirvirūpābhī rakṣitā pramadāvane |
duḥkha māsādyate devī tathā'duḥkhocitā satī || 12 ||
rāvaṇāntaḥ pure ruddhā rākṣasībhi ssurakṣitā |
ekaveṇīdharā dīnā tvayi cintāparāyaṇā || 13 ||
adhaḥśayyā vivarṇāṅgī padminīva himāgame |
rāvaṇādvinivṛttārthā martavyakṛtaniścayā || 14 ||
devī kathañcitkākutstha tvanmanā mārgitā mayā |
ikṣvākuvaṃśavikhyātiṃ śanaiḥ kīrtayatānagha || 15 ||
sā mayā naraśārdūla viśvāsamupapāditā |
tata ssambhāṣitā devī sarvamarthaṃ ca darśitā || 16 ||
rāmasugrīvasakhyaṃ ca śrutvā prītimupāgatā |
niyata ssamudācāro bhaktiścāsyāstathā tvayi || 17 ||
evaṃ mayā mahābhāgā dṛṣṭā janakanandinī |
ugreṇa tapasā yuktā tvadbhaktyā puruṣarṣabha || 18 ||
abhijñānaṃ ca me dattaṃ yathā vṛttaṃ tavāntike |
citrakūṭe mahāprājña vāyasaṃ prati rāghava || 19 ||
vijñāpyaśca naravyāghro rāmo vāyusuta tvayā |
akhileneha yaddhṛṣṭamiti māmāha jānakī || 20 ||
ayaṃ cāsmai pradātavyo yatnātsuparirakṣitaḥ |
bruvatā vacanānyevaṃ sugrīvasyopaśṛṇvataḥ || 21 ||
eṣa cūḍāmaṇiśśrīmān mayā suparirakṣitaḥ |
manaśśilāyāstilako gaṇḍapārśve niveśitaḥ || 22 ||
tvayā praṇaṣṭhe tilake taṃ kila smartumarhasi |
eṣa niryātitaśśrīmānmayā te vāri sambhavaḥ |
etaṃ dṛṣṭvā prahṛṣyāmi vyasane tvāmivānagha || 23 ||
jīvitaṃ dhārayiṣyāmi māsaṃ daśarathātmaja || 24 ||
ūrdhvaṃ māsānna jīveyaṃ rakṣasāṃ vaśamāgatā |
iti māmabravītsītā kṛśāṅgī dharmacāriṇī || 25 ||
rāvaṇāntaḥ pure ruddhā mṛgīvotphullalocanā |
etadeva mayākhyātaṃ sarvaṃ rāghava yadyathā || 26 ||
sarvathā sāgarajale santāraḥ pravidhīyatām |
tau jātāśvāsau rājaputrau viditvā taccābhijñānaṃ rāghavāya pradāya |
devyā cākhyātaṃ sarvamevānupūrvyādvācā sampūrṇaṃ vāyuputtra śśaśaṃsa || 27 ||
ityārṣe śrīmadrāmāyaṇe vālmīkīya ādikāvye sundarakāṇḍe pañcaṣaṣṭitamassargaḥ ||
Sanskrit — Devanagari (original)
श्रीमद्वाल्मीकीय रामायणे सुन्दरकाण्डम् ।
अथ पञ्चषष्टितमस्सर्गः ।
ततः प्रस्रवणं शैलं ते गत्वा चित्रकाननम् ।
प्रणम्य शिरसा रामं लक्ष्मणं च महाबलम् ॥ 1 ॥
युवराजं पुरस्कृत्य सुग्रीवमभिवाद्य च ।
प्रवृत्तिमथ सीतायाः प्रवक्तुमुपचक्रमुः ॥ 2 ॥
रावणान्तः पुरे रोधं राक्षसीभिश्च तर्जनम् ।
रामे समनुरागं च यश्चायं समयः कृतः ॥ 3 ॥
एतदाख्यान्ति ते सर्वे हरयो रामसन्निधौ ।
वैदेहीमक्षतां श्रुत्वा रामस्तूत्तरमब्रवीत् ॥ 4 ॥
क्व सीता वर्तते देवी कथं च मयि वर्तते ।
एतन्मे सर्वमाख्यात वैदेहीं प्रति वानराः ॥ 5 ॥
रामस्य गदितं श्रुत्वा हरयो रामसन्निधौ ।
चोदयन्ति हनूमन्तं सीतावृत्तान्तकोविदम् ॥ 6 ॥
श्रुत्वा तु वचनं तेषां हनुमान्मारुतात्मजः ।
प्रणम्य शिरसा देव्यै सीतायै तां दिशं प्रति ॥ 7 ॥
उवाच वाक्यं वाक्यज्ञस्सीताया दर्शनं यथा ।
समुद्रं लङ्घयित्वाहं शतयोजनमायतम् ॥ 8 ॥
अगच्छं जानकीं सीतां मार्गमाणो दिदृक्षया ।
तत्र लङ्केति नगरी रावणस्य दुरात्मनः ॥ 9 ॥
दक्षिणस्य समुद्रस्य तीरे वसति दक्षिणे ।
तत्र दृष्टा मया सीता रावणान्तः पुरे सती ॥ 10 ॥
सन्न्यस्य त्वयि जीवन्ती रामा राम मनोरथम् ।
दृष्टा मे राक्षसीमध्ये तर्ज्यमाना मुहुर्मुहुः ॥ 11 ॥
राक्षसीभिर्विरूपाभी रक्षिता प्रमदावने ।
दुःख मासाद्यते देवी तथाऽदुःखोचिता सती ॥ 12 ॥
रावणान्तः पुरे रुद्धा राक्षसीभि स्सुरक्षिता ।
एकवेणीधरा दीना त्वयि चिन्तापरायणा ॥ 13 ॥
अधःशय्या विवर्णाङ्गी पद्मिनीव हिमागमे ।
रावणाद्विनिवृत्तार्था मर्तव्यकृतनिश्चया ॥ 14 ॥
देवी कथञ्चित्काकुत्स्थ त्वन्मना मार्गिता मया ।
इक्ष्वाकुवंशविख्यातिं शनैः कीर्तयतानघ ॥ 15 ॥
सा मया नरशार्दूल विश्वासमुपपादिता ।
तत स्सम्भाषिता देवी सर्वमर्थं च दर्शिता ॥ 16 ॥
रामसुग्रीवसख्यं च श्रुत्वा प्रीतिमुपागता ।
नियत स्समुदाचारो भक्तिश्चास्यास्तथा त्वयि ॥ 17 ॥
एवं मया महाभागा दृष्टा जनकनन्दिनी ।
उग्रेण तपसा युक्ता त्वद्भक्त्या पुरुषर्षभ ॥ 18 ॥
अभिज्ञानं च मे दत्तं यथा वृत्तं तवान्तिके ।
चित्रकूटे महाप्राज्ञ वायसं प्रति राघव ॥ 19 ॥
विज्ञाप्यश्च नरव्याघ्रो रामो वायुसुत त्वया ।
अखिलेनेह यद्धृष्टमिति मामाह जानकी ॥ 20 ॥
अयं चास्मै प्रदातव्यो यत्नात्सुपरिरक्षितः ।
ब्रुवता वचनान्येवं सुग्रीवस्योपशृण्वतः ॥ 21 ॥
एष चूडामणिश्श्रीमान् मया सुपरिरक्षितः ।
मनश्शिलायास्तिलको गण्डपार्श्वे निवेशितः ॥ 22 ॥
त्वया प्रणष्ठे तिलके तं किल स्मर्तुमर्हसि ।
एष निर्यातितश्श्रीमान्मया ते वारि सम्भवः ।
एतं दृष्ट्वा प्रहृष्यामि व्यसने त्वामिवानघ ॥ 23 ॥
जीवितं धारयिष्यामि मासं दशरथात्मज ॥ 24 ॥
ऊर्ध्वं मासान्न जीवेयं रक्षसां वशमागता ।
इति मामब्रवीत्सीता कृशाङ्गी धर्मचारिणी ॥ 25 ॥
रावणान्तः पुरे रुद्धा मृगीवोत्फुल्ललोचना ।
एतदेव मयाख्यातं सर्वं राघव यद्यथा ॥ 26 ॥
सर्वथा सागरजले सन्तारः प्रविधीयताम् ।
तौ जाताश्वासौ राजपुत्रौ विदित्वा तच्चाभिज्ञानं राघवाय प्रदाय ।
देव्या चाख्यातं सर्वमेवानुपूर्व्याद्वाचा सम्पूर्णं वायुपुत्त्र श्शशंस ॥ 27 ॥
इत्यार्षे श्रीमद्रामायणे वाल्मीकीय आदिकाव्ये सुन्दरकाण्डे पञ्चषष्टितमस्सर्गः ॥
śrīmadvālmīkīya rāmāyaṇe sundarakāṇḍam |
atha pañcaṣaṣṭitamassargaḥ |
tataḥ prasravaṇaṃ śailaṃ te gatvā citrakānanam |
praṇamya śirasā rāmaṃ lakṣmaṇaṃ ca mahābalam || 1 ||
yuvarājaṃ puraskṛtya sugrīvamabhivādya ca |
pravṛttimatha sītāyāḥ pravaktumupacakramuḥ || 2 ||
rāvaṇāntaḥ pure rodhaṃ rākṣasībhiśca tarjanam |
rāme samanurāgaṃ ca yaścāyaṃ samayaḥ kṛtaḥ || 3 ||
etadākhyānti te sarve harayo rāmasannidhau |
vaidehīmakṣatāṃ śrutvā rāmastūttaramabravīt || 4 ||
kva sītā vartate devī kathaṃ ca mayi vartate |
etanme sarvamākhyāta vaidehīṃ prati vānarāḥ || 5 ||
rāmasya gaditaṃ śrutvā harayo rāmasannidhau |
codayanti hanūmantaṃ sītāvṛttāntakovidam || 6 ||
śrutvā tu vacanaṃ teṣāṃ hanumānmārutātmajaḥ |
praṇamya śirasā devyai sītāyai tāṃ diśaṃ prati || 7 ||
uvāca vākyaṃ vākyajñassītāyā darśanaṃ yathā |
samudraṃ laṅghayitvāhaṃ śatayojanamāyatam || 8 ||
agacchaṃ jānakīṃ sītāṃ mārgamāṇo didṛkṣayā |
tatra laṅketi nagarī rāvaṇasya durātmanaḥ || 9 ||
dakṣiṇasya samudrasya tīre vasati dakṣiṇe |
tatra dṛṣṭā mayā sītā rāvaṇāntaḥ pure satī || 10 ||
sannyasya tvayi jīvantī rāmā rāma manoratham |
dṛṣṭā me rākṣasīmadhye tarjyamānā muhurmuhuḥ || 11 ||
rākṣasībhirvirūpābhī rakṣitā pramadāvane |
duḥkha māsādyate devī tathā'duḥkhocitā satī || 12 ||
rāvaṇāntaḥ pure ruddhā rākṣasībhi ssurakṣitā |
ekaveṇīdharā dīnā tvayi cintāparāyaṇā || 13 ||
adhaḥśayyā vivarṇāṅgī padminīva himāgame |
rāvaṇādvinivṛttārthā martavyakṛtaniścayā || 14 ||
devī kathañcitkākutstha tvanmanā mārgitā mayā |
ikṣvākuvaṃśavikhyātiṃ śanaiḥ kīrtayatānagha || 15 ||
sā mayā naraśārdūla viśvāsamupapāditā |
tata ssambhāṣitā devī sarvamarthaṃ ca darśitā || 16 ||
rāmasugrīvasakhyaṃ ca śrutvā prītimupāgatā |
niyata ssamudācāro bhaktiścāsyāstathā tvayi || 17 ||
evaṃ mayā mahābhāgā dṛṣṭā janakanandinī |
ugreṇa tapasā yuktā tvadbhaktyā puruṣarṣabha || 18 ||
abhijñānaṃ ca me dattaṃ yathā vṛttaṃ tavāntike |
citrakūṭe mahāprājña vāyasaṃ prati rāghava || 19 ||
vijñāpyaśca naravyāghro rāmo vāyusuta tvayā |
akhileneha yaddhṛṣṭamiti māmāha jānakī || 20 ||
ayaṃ cāsmai pradātavyo yatnātsuparirakṣitaḥ |
bruvatā vacanānyevaṃ sugrīvasyopaśṛṇvataḥ || 21 ||
eṣa cūḍāmaṇiśśrīmān mayā suparirakṣitaḥ |
manaśśilāyāstilako gaṇḍapārśve niveśitaḥ || 22 ||
tvayā praṇaṣṭhe tilake taṃ kila smartumarhasi |
eṣa niryātitaśśrīmānmayā te vāri sambhavaḥ |
etaṃ dṛṣṭvā prahṛṣyāmi vyasane tvāmivānagha || 23 ||
jīvitaṃ dhārayiṣyāmi māsaṃ daśarathātmaja || 24 ||
ūrdhvaṃ māsānna jīveyaṃ rakṣasāṃ vaśamāgatā |
iti māmabravītsītā kṛśāṅgī dharmacāriṇī || 25 ||
rāvaṇāntaḥ pure ruddhā mṛgīvotphullalocanā |
etadeva mayākhyātaṃ sarvaṃ rāghava yadyathā || 26 ||
sarvathā sāgarajale santāraḥ pravidhīyatām |
tau jātāśvāsau rājaputrau viditvā taccābhijñānaṃ rāghavāya pradāya |
devyā cākhyātaṃ sarvamevānupūrvyādvācā sampūrṇaṃ vāyuputtra śśaśaṃsa || 27 ||
ityārṣe śrīmadrāmāyaṇe vālmīkīya ādikāvye sundarakāṇḍe pañcaṣaṣṭitamassargaḥ ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.