Valmiki Ramayana Kishkindha Kanda Sarga 27 — Oriya Script

⚠️ AI-generated translation — the Telugu meaning was produced by AI and automatically cross-checked against the Sanskrit, but it may still contain errors. It has not yet been reviewed by a scholar. Please refer to a traditional commentary for study.

Summary — Telugu

సుగ్రీవుడు పట్టాభిషిక్తుడైన తరువాత రాముడు లక్ష్మణునితో కలిసి ప్రస్రవణ పర్వతానికి వెళ్లి, అక్కడి విశాలమైన గుహలో సంవత్సరకాలం నివసించాలని నిర్ణయించుకున్నాడు. ఆ పర్వత ప్రాంతాన్ని, సరస్సును, నదిని, వృక్షాలను, పక్షులను రాముడు లక్ష్మణునికి వివరిస్తాడు. అక్కడ నివసిస్తున్న రాముడు సీతను స్మరిస్తూ శోకంతో నిద్రలేక బాధపడతాడు. లక్ష్మణుడు శోకాన్ని విడిచిపెట్టి శరదృతువు కోసం ఎదురుచూసి రావణుని చంపాలని ఓదారుస్తాడు; రాముడు ఆ మాటలను అంగీకరించి శరత్కాలం కోసం ఎదురుచూస్తానని చెబుతాడు.

AI-generated · not yet verified

The Telugu meaning of each verse is shown below the verse.

Meaning —

ଶ୍ରୀମଦ୍ଵାଲ୍ମୀକୀଯ ରାମାଯଣେ କିଷ୍କିନ୍ଧାକାଣ୍ଡମ୍ ।

ଅଥ ସପ୍ତଵିଂଶସ୍ସର୍ଗଃ ।

Shloka 1

ଅଭିଷିକ୍ତେ ତୁ ସୁଗ୍ରୀଵେ ପ୍ରଵିଷ୍ଟେ ଵାନରେ ଗୁହାମ୍ ।
ଆଜଗାମ ସହ ଭ୍ରାତ୍ରା ରାମଃ ପ୍ରସ୍ରଵଣଂ ଗିରିମ୍ ॥ 1 ॥

abhiṣikte tu sugrīve praviṣṭe vānare guhām |
ājagāma saha bhrātrā rāmaḥ prasravaṇaṃ girim || 1 ||

సుగ్రీవుడు పట్టాభిషిక్తుడై, ఆ వానరుడు గుహలో ప్రవేశించిన తరువాత, రాముడు తన సోదరునితో కలిసి ప్రస్రవణ పర్వతానికి వచ్చాడు. ^AI

Shloka 2

ଶାର୍ଦୂଲମୃଗସଙ୍ଘୁଷ୍ଟଂ ସିଂହୈର୍ଭୀମରଵୈର୍ଵୃତମ୍ ।
ନାନାଗୁଲ୍ମଲତାଗୂଢଂ ବହୁପାଦପସଙ୍କୁଲମ୍ ॥ 2 ॥

śārdūlamṛgasaṅghuṣṭaṃ siṃhairbhīmaravairvṛtam |
nānāgulmalatāgūḍhaṃ bahupādapasaṅkulam || 2 ||

ఆ పర్వతం పులులు మొదలైన మృగసమూహాల చప్పుడుతో నిండి, భయంకర ధ్వనులు చేసే సింహాలతో చుట్టబడి, అనేక పొదలు మరియు తీగలతో కప్పబడి, అనేక వృక్షాలతో నిండి ఉంది. ^AI

Shloka 3

ଋକ୍ଷଵାନରଗୋପୁଚ୍ଛୈର୍ମାର୍ଜାରୈଶ୍ଚ ନିଷେଵିତମ୍ ।
ମେଘରାଶିନିଭଂ ଶୈଲଂ ନିତ୍ଯଂ ଶୁଚିଜଲାଶଯମ୍ ॥ 3 ॥

ṛkṣavānaragopucchairmārjāraiśca niṣevitam |
megharāśinibhaṃ śailaṃ nityaṃ śucijalāśayam || 3 ||

ఎలుగుబంట్లు, వానరులు, గోపుచ్ఛాలు (కోతులు) మరియు పిల్లులతో సేవించబడుతూ, మేఘరాశి వంటి ఆ పర్వతం నిత్యం పవిత్రమైన నీటి కొలనులతో ఉంది. ^AI

Shloka 4

ତସ୍ଯ ଶୈଲସ୍ଯ ଶିଖରେ ମହତୀମାଯତାଂ ଗୁହାମ୍ ।
ପ୍ରତ୍ଯଗୃହ୍ଣତ ଵାସାର୍ଥଂ ରାମସ୍ସୌମିତ୍ରିଣା ସହ ॥ 4 ॥

tasya śailasya śikhare mahatīmāyatāṃ guhām |
pratyagṛhṇata vāsārthaṃ rāmassaumitriṇā saha || 4 ||

రాముడు సౌమిత్రి (లక్ష్మణుడు)తో కలిసి నివసించడానికి ఆ పర్వత శిఖరంపై ఉన్న పెద్ద, విశాలమైన గుహను ఆశ్రయించాడు. ^AI

Shloka 5

କୃତ୍ଵା ଚ ସମଯଂ ରାମସ୍ସୁଗ୍ରୀଵେଣ ସହାନଘଃ ।
କାଲଯୁକ୍ତଂ ମହଦ୍ଵାକ୍ଯମୁଵାଚ ରଘୁନନ୍ଦନଃ ॥ 5 ॥

kṛtvā ca samayaṃ rāmassugrīveṇa sahānaghaḥ |
kālayuktaṃ mahadvākyamuvāca raghunandanaḥ || 5 ||

పాపరహితుడైన రఘునందనుడు సుగ్రీవునితో ఒప్పందం చేసుకుని, కాలానికి తగిన గొప్ప మాటలను పలికాడు. ^AI

Shloka 6

ଵିନୀତଂ ଭ୍ରାତରଂ ଭ୍ରାତା ଲକ୍ଷ୍ମଣଂ ଲକ୍ଷ୍ମିଵର୍ଧନମ୍ ।
ଇଯଂ ଗିରିଗୁହା ରମ୍ଯା ଵିଶାଲା ଯୁକ୍ତମାରୁତା ।
ଅସ୍ଯାଂ ଵତ୍ସ୍ଯାମ ସୌମିତ୍ରେ ଵର୍ଷରାତ୍ରମରିନ୍ଦମ ॥ 6 ॥

vinītaṃ bhrātaraṃ bhrātā lakṣmaṇaṃ lakṣmivardhanam |
iyaṃ giriguhā ramyā viśālā yuktamārutā |
asyāṃ vatsyāma saumitre varṣarātramarindama || 6 ||

అన్న రాముడు వినయశీలుడు, లక్ష్మిని వర్ధిల్లజేసే తన సోదరుడు లక్ష్మణునితో ఇలా అన్నాడు: ఓ సౌమిత్రీ, శత్రుదమనా, ఈ పర్వత గుహ రమణీయమైనది, విశాలమైనది, మంచి గాలి కలది; ఇందులో మనం సంవత్సరకాలం ఉండగలము. ^AI

Shloka 7

ଗିରିଶୃଙ୍ଗମିଦଂ ରମ୍ଯମୁନ୍ନତଂ ପାର୍ଥିଵାତ୍ମଜ ॥ 7 ॥

giriśṛṅgamidaṃ ramyamunnataṃ pārthivātmaja || 7 ||

ఓ రాజకుమారా, ఈ పర్వత శిఖరం రమణీయమైనది మరియు ఎత్తైనది. ^AI

Shloka 8

ଶ୍ଵେତାଭିଃ କୃଷ୍ଣତାମ୍ରାଭିଶ୍ଶିଲାଭିରୁପଶୋଭିତମ୍ ।
ନାନାଧାତୁସମାକୀର୍ଣଂ ଦରୀନିର୍ଝରଶୋଭିତମ୍ ॥ 8 ॥

śvetābhiḥ kṛṣṇatāmrābhiśśilābhirupaśobhitam |
nānādhātusamākīrṇaṃ darīnirjharaśobhitam || 8 ||

ఇది తెలుపు, నలుపు మరియు రాగి రంగు శిలలతో అలంకరించబడి, అనేక లోహాలతో నిండి, గుహలు మరియు జలపాతాలతో అందంగా ఉంది. ^AI

Shloka 9

ଵିଵିଧୈର୍ଵୃକ୍ଷଷଣ୍ଡୈଶ୍ଚ ଚାରୁଚିତ୍ରଲତାଯୁତମ୍ ।
ନାନାଵିହଗସଙ୍ଘୁଷ୍ଟଂ ମଯୂରରଵନାଦିତମ୍ ॥ 9 ॥

vividhairvṛkṣaṣaṇḍaiśca cārucitralatāyutam |
nānāvihagasaṅghuṣṭaṃ mayūraravanāditam || 9 ||

వివిధమైన చెట్ల సమూహాలతోను, అందమైన చిత్రవర్ణాల లతలతోను కూడినది; నానా విధాల పక్షుల సమూహాల చెలరేగే కూతలతోను, నెమళ్ల అరుపులతోను ప్రతిధ్వనించేది. ^AI

Shloka 10

ମାଲତୀକୁନ୍ଦଗୁଲ୍ମୈଶ୍ଚ ସିନ୍ଧୁଵାରୈଶ୍ଶିରୀଷକୈଃ ।
କଦମ୍ବାର୍ଜୁନସର୍ଜୈଶ୍ଚ ପୁଷ୍ପିତୈରୁପଶୋଭିତମ୍ ॥ 10 ॥

mālatīkundagulmaiśca sindhuvāraiśśirīṣakaiḥ |
kadambārjunasarjaiśca puṣpitairupaśobhitam || 10 ||

మాలతి, కుంద, గుల్మాలతోను, సింధువార, శిరీష వృక్షాలతోను, పూచిన కదంబ, అర్జున, సర్జ వృక్షాలతోను అలంకరించబడి శోభిల్లుతున్నది. ^AI

Shloka 11

ଇଯଂ ଚ ନଲିନୀ ରମ୍ଯା ଫୁଲ୍ଲପଙ୍କଜମଣ୍ଡିତା ।
ନାତିଦୂରେ ଗୁହାଯାନୌ ଭଵିଷ୍ଯତି ନୃପାତ୍ମଜ ॥ 11 ॥

iyaṃ ca nalinī ramyā phullapaṅkajamaṇḍitā |
nātidūre guhāyānau bhaviṣyati nṛpātmaja || 11 ||

ఓ రాజకుమారా! పూచిన పద్మాలతో అలంకరించబడిన ఈ మనోహరమైన సరస్సు ఆ గుహకు ఎక్కువ దూరంలో ఉండదు. ^AI

Shloka 12

ପ୍ରାଗୁଦକ୍ପ୍ରଵଣେ ଦେଶେ ଗୁହା ସାଧୁ ଭଵିଷ୍ଯତି ।
ପଶ୍ଚାଚ୍ଚୈଵୋନ୍ନତା ସୌମ୍ଯ ନିଵାତେଯଂ ଭଵିଷ୍ଯତି ॥ 12 ॥

prāgudakpravaṇe deśe guhā sādhu bhaviṣyati |
paścāccaivonnatā saumya nivāteyaṃ bhaviṣyati || 12 ||

ఓ సౌమ్యా! తూర్పు-ఉత్తర దిక్కులకు వాలిన ప్రదేశంలో ఒక గుహ బాగుగా ఉంటుంది; దాని వెనుక భాగం ఎత్తుగా ఉండి, ఈ గుహ గాలి తగలని ప్రశాంతమైనదిగా ఉంటుంది. ^AI

Shloka 13

ଗୁହାଦ୍ଵାରେ ଚ ସୌମିତ୍ରେ ଶିଲା ସମତଲା ଶୁଭା ।
ଶ୍ଲକ୍ଷ୍ଣା ଚୈଵାଯତା ଚୈଵ ଭିନ୍ନାଞ୍ଜନଚଯୋପମା ॥ 13 ॥

guhādvāre ca saumitre śilā samatalā śubhā |
ślakṣṇā caivāyatā caiva bhinnāñjanacayopamā || 13 ||

ఓ సౌమిత్రీ! గుహ ద్వారంలో సమతలమైన, శుభకరమైన, నున్నగా ఉండి, పొడవుగా ఉండి, చీల్చిన అంజనపు రాశి వంటి ఒక శిల ఉంది. ^AI

Shloka 14

ଗିରିଶୃଙ୍ଗମିଦଂ ତାତ ପଶ୍ଯ ଚୋତ୍ତରତଃ ଶୁଭମ୍ ।
ଭିନ୍ନାଞ୍ଜନଚଯାକାରମମ୍ଭୋଧରମିଵୋତ୍ଥିତମ୍ ॥ 14 ॥

giriśṛṅgamidaṃ tāta paśya cottarataḥ śubham |
bhinnāñjanacayākāramambhodharamivotthitam || 14 ||

ఓ తాతా! ఉత్తర దిక్కున ఉన్న ఈ శుభకరమైన పర్వత శిఖరాన్ని చూడుము; ఇది చీల్చిన అంజనపు రాశి ఆకారంతో మేఘం వలె లేచి నిలిచినట్లుంది. ^AI

Shloka 15

ଦକ୍ଷିଣସ୍ଯାମପି ଦିଶି ସ୍ଥିତଂ ଶ୍ଵେତମିଵାପରମ୍ ।
କୈଲାସଶିଖରପ୍ରଖ୍ଯଂ ନାନାଧାତୁଵିଭୂଷିତମ୍ ॥ 15 ॥

dakṣiṇasyāmapi diśi sthitaṃ śvetamivāparam |
kailāsaśikharaprakhyaṃ nānādhātuvibhūṣitam || 15 ||

దక్షిణ దిక్కున కూడా తెల్లని మేఘం వలె నిలిచినది; కైలాస శిఖరాన్ని పోలి, నానా ధాతువులతో అలంకరించబడినది. ^AI

Shloka 16

ପ୍ରାଚୀନଵାହିନୀଂ ଚୈଵ ନଦୀଂ ଭୃଶମକର୍ଦମାମ୍ ।
ଗୁହାଯାଃ ପୂର୍ଵତଃ ପଶ୍ଯ ତ୍ରିକୂଟେ ଜାହ୍ନଵୀମିଵ ॥ 16 ॥

prācīnavāhinīṃ caiva nadīṃ bhṛśamakardamām |
guhāyāḥ pūrvataḥ paśya trikūṭe jāhnavīmiva || 16 ||

గుహకు తూర్పు వైపున తూర్పు దిక్కుగా ప్రవహించే, బురద ఎక్కువగా ఉన్న ఒక నదిని చూడుము; త్రికూట పర్వతంపై ఉన్న గంగ వలె ఉంది. ^AI

Shloka 17

ଚନ୍ଦନୈସ୍ତିଲକୈସ୍ତାଲୈସ୍ତମାଲୈରତିମୁକ୍ତକୈଃ ।
ପଦ୍ମକୈଃ ସରଲୈଶ୍ଚୈଵ ଅଶୋକୈଶ୍ଚୈଵ ଶୋଭିତାମ୍ ॥ 17 ॥

candanaistilakaistālaistamālairatimuktakaiḥ |
padmakaiḥ saralaiścaiva aśokaiścaiva śobhitām || 17 ||

చందన వృక్షాలతో, తిలక వృక్షాలతో, తాడి చెట్లతో, తమాల వృక్షాలతో, అతిముక్తక పుష్పాలతో, పద్మక వృక్షాలతో, సరల వృక్షాలతో, అశోక వృక్షాలతో అలంకరించబడినది. ^AI

Shloka 18

ଵାନୀରୈସ୍ତିମିଶୈଶ୍ଚୈଵ ଵକୁଲୈଃ କେତକୈର୍ଧଵୈଃ ।
ହିନ୍ତାଲୈସ୍ତିନିଶୈର୍ନୀପୈର୍ଵେତ୍ରକୈଃ କୃତମାଲକୈଃ ॥ 18 ॥

vānīraistimiśaiścaiva vakulaiḥ ketakairdhavaiḥ |
hintālaistiniśairnīpairvetrakaiḥ kṛtamālakaiḥ || 18 ||

వానీర, తిమిశ, వకుల, కేతక, ధవ, హింతాల, తినిశ, నీప, వేత్రక, కృతమాలక వృక్షాలతో. ^AI

Shloka 19

ତୀରଜୈଶ୍ଶୋଭିତା ଭାତି ନାନାରୂପୈ ସ୍ତତସ୍ତତଃ ।
ଵସନାଭରଣୋପେତା ପ୍ରମଦେଵାଭ୍ଯଲଙ୍କୃତା ॥ 19 ॥

tīrajaiśśobhitā bhāti nānārūpai statastataḥ |
vasanābharaṇopetā pramadevābhyalaṅkṛtā || 19 ||

ఒడ్డున పుట్టిన వివిధ రూపాల చెట్లతో అలంకరించబడి, వస్త్రాలను ఆభరణాలను ధరించిన స్త్రీలాగా అలంకరించబడినదై ఆ నది ప్రకాశిస్తోంది. ^AI

Shloka 20

ଶତଶଃ ପକ୍ଷିସଙ୍ଘୈଶ୍ଚ ନାନାନାଦୈର୍ଵିନାଦିତା ।
ଏକୈକମନୁରକ୍ତୈଶ୍ଚ ଚକ୍ରଵାକୈରଲଙ୍କୃତା ॥ 20 ॥

śataśaḥ pakṣisaṅghaiśca nānānādairvināditā |
ekaikamanuraktaiśca cakravākairalaṅkṛtā || 20 ||

వందల కొద్దీ పక్షి సమూహాలతో, వివిధ నాదాలతో మ్రోగుతూ, జంటగా అనురక్తి కలిగిన చక్రవాక పక్షులతో అలంకరించబడినది. ^AI

Shloka 21

ପୁଲିନୈରତିରମ୍ଯୈଶ୍ଚ ହଂସସାରସସେଵିତୈଃ ।
ପ୍ରହସନ୍ତୀଵଭାତ୍ଯେଷା ନାରୀ ସର୍ଵଵିଭୂଷିତା ॥ 21 ॥

pulinairatiramyaiśca haṃsasārasasevitaiḥ |
prahasantīvabhātyeṣā nārī sarvavibhūṣitā || 21 ||

హంసలు, సారస పక్షులతో సేవించబడే అత్యంత రమణీయమైన ఇసుక తిన్నెలతో, సర్వాలంకారాలతో అలంకరించబడిన స్త్రీలాగా నవ్వుతున్నట్లు ఈ నది ప్రకాశిస్తోంది. ^AI

Shloka 22

କ୍ଵଚିନ୍ନୀଲୋତ୍ପଲୈଶ୍ଛନ୍ନା ଭାତି ରକ୍ତୋତ୍ପଲୈଃ କ୍ଵଚିତ୍ ।
କ୍ଵଚିଦାଭାତି ଶୁକ୍ଲୈଶ୍ଚ ଦିଵ୍ଯୈଃ କୁମୁଦକୁଟ୍ମଲୈଃ ॥ 22 ॥

kvacinnīlotpalaiśchannā bhāti raktotpalaiḥ kvacit |
kvacidābhāti śuklaiśca divyaiḥ kumudakuṭmalaiḥ || 22 ||

ఒకచోట నీలోత్పలాలతో కప్పబడి, మరొకచోట ఎర్రని కలువలతో, ఇంకొకచోట దివ్యమైన తెల్లని కుముద మొగ్గలతో ప్రకాశిస్తోంది. ^AI

Shloka 23

ପାରିପ୍ଲଵଶତୈର୍ଜୁଷ୍ଟା ବର୍ହିକ୍ରୌଞ୍ଚଵିନାଦିତା ।
ରମଣୀଯା ନଦୀ ସୌମ୍ଯ ମୁନିସଙ୍ଘୈର୍ନିଷେଵିତା ॥ 23 ॥

pāriplavaśatairjuṣṭā barhikrauñcavināditā |
ramaṇīyā nadī saumya munisaṅghairniṣevitā || 23 ||

ఓ సౌమ్యుడా, వందల కొద్దీ పారిప్లవ పక్షులతో కూడినది, నెమళ్లు క్రౌంచ పక్షుల నాదాలతో మ్రోగుతున్నది, ముని సమూహాలచే సేవించబడుతున్నది, ఆ నది మనోహరంగా ఉంది. ^AI

Shloka 24

ପଶ୍ଯ ଚନ୍ଦନଵୃକ୍ଷାଣାଂ ପଙ୍କ୍ତୀସ୍ସୁରଚିତା ଇଵ ।
କକୁଭାନାଂ ଚ ଦୃଶ୍ଯନ୍ତେ ମନସେଵୋଦିତାସ୍ସମମ୍ ॥ 24 ॥

paśya candanavṛkṣāṇāṃ paṅktīssuracitā iva |
kakubhānāṃ ca dṛśyante manasevoditāssamam || 24 ||

దేవతలచే నిర్మించినట్లున్న చందన వృక్షాల వరుసలను చూడు; కకుభ వృక్షాల వరుసలు సమానంగా మనసులో ఊహించినట్లే కనిపిస్తున్నాయి. ^AI

Shloka 25

ଅହୋ ସୁରମଣୀଯୋଽଯଂ ଦେଶଶ୍ଶତ୍ରୁନିଷୂଦନ ।
ଦୃଢଂ ରଂସ୍ଯାଵ ସୌମିତ୍ରେ ସାଧ୍ଵତ୍ର ନିଵସାଵହୈ ॥ 25 ॥

aho suramaṇīyo'yaṃ deśaśśatruniṣūdana |
dṛḍhaṃ raṃsyāva saumitre sādhvatra nivasāvahai || 25 ||

ఓ శత్రునిషూదనా! అహో! ఈ దేశము దేవతలకు కూడా మనోహరమైనది. ఓ సౌమిత్రీ! మనము ఇక్కడ దృఢముగా సుఖముగా కాలము గడపవచ్చు; ఇక్కడ మంచిగా నివసించెదము. ^AI

Shloka 26

ଇତଶ୍ଚ ନାତିଦୂରେ ସା କିଷ୍କିନ୍ଧା ଚିତ୍ରକାନନା ।
ସୁଗ୍ରୀଵସ୍ଯ ପୁରୀ ରମ୍ଯା ଭଵିଷ୍ଯତି ନୃପାତ୍ମଜ ॥ 26 ॥

itaśca nātidūre sā kiṣkindhā citrakānanā |
sugrīvasya purī ramyā bhaviṣyati nṛpātmaja || 26 ||

ఓ రాజకుమారా! ఇక్కడి నుండి ఎక్కువ దూరము లేదు; చిత్రమైన అడవులతో కూడిన ఆ రమణీయమైన కిష్కింధానగరము సుగ్రీవుని పట్టణము అగును (ఉండును). ^AI

Shloka 27

ଗୀତଵାଦିତ୍ରନିର୍ଘୋଷଶ୍ଶ୍ରୂଯତେ ଜଯତାଂ ଵର ।
ନର୍ଦତାଂ ଵାନରାଣାଂ ଚ ମୃଦଙ୍ଗାଡମ୍ବରୈ ସ୍ସହ ॥ 27 ॥

gītavāditranirghoṣaśśrūyate jayatāṃ vara |
nardatāṃ vānarāṇāṃ ca mṛdaṅgāḍambarai ssaha || 27 ||

ఓ జయించువారిలో శ్రేష్ఠుడా! గెలుస్తున్న వానరుల గర్జనలతో పాటు మృదంగముల ధ్వనులతో కూడిన గీతవాద్యనిర్ఘోషము వినిపిస్తున్నది. ^AI

Shloka 28

ଲବ୍ଧ୍ଵା ଭାର୍ଯାଂ କପିଵରଃ ପ୍ରାପ୍ଯ ରାଜ୍ଯଂ ସୁହୃଦ୍ଵୃତଃ ।
ଧ୍ରୁଵଂ ନନ୍ଦତି ସୁଗ୍ରୀଵସ୍ସମ୍ପ୍ରାପ୍ଯ ମହତୀଂ ଶ୍ରିଯମ୍ ॥ 28 ॥

labdhvā bhāryāṃ kapivaraḥ prāpya rājyaṃ suhṛdvṛtaḥ |
dhruvaṃ nandati sugrīvassamprāpya mahatīṃ śriyam || 28 ||

భార్యను పొంది, సుహృదులచే చుట్టుముట్టబడి రాజ్యమును పొందిన ఆ కపివరుడు సుగ్రీవుడు గొప్ప సంపదను పొంది నిశ్చయముగా సంతోషిస్తున్నాడు. ^AI

Shloka 29

ଇତ୍ଯୁକ୍ତ୍ଵା ନ୍ଯଵସତ୍ତତ୍ର ରାଘଵସ୍ସହଲକ୍ଷ୍ମଣଃ ।
ବହୁଦୃଶ୍ଯଦରୀକୁଞ୍ଜେ ତସ୍ମିନ୍ପ୍ରସ୍ରଵଣେ ଗିରୌ ॥ 29 ॥

ityuktvā nyavasattatra rāghavassahalakṣmaṇaḥ |
bahudṛśyadarīkuñje tasminprasravaṇe girau || 29 ||

ఇలా పలికి లక్ష్మణునితో కూడిన రాఘవుడు అనేక దృశ్యములతో కూడిన గుహలు, పొదలు కలిగిన ఆ ప్రస్రవణ పర్వతముపై నివసించెను. ^AI

Shloka 30

ସୁସୁଖେଽପି ବହୁଦ୍ରଵ୍ଯେ ତସ୍ମିନ୍ହି ଧରଣୀଧରେ ।
ଵସତସ୍ତସ୍ଯ ରାମସ୍ଯ ରତିରଲ୍ପାପିନା ଭଵେତ୍ ॥ 30 ॥

susukhe'pi bahudravye tasminhi dharaṇīdhare |
vasatastasya rāmasya ratiralpāpinā bhavet || 30 ||

అత్యంత సుఖకరమైనది, అనేక వస్తువులతో కూడినది అయిన ఆ పర్వతముపై నివసిస్తున్న ఆ రామునికి కొద్దిపాటి ఆనందము కూడా కలిగెడిది కాదు. ^AI

Shloka 31

ହୃତାଂ ହି ଭାର୍ଯାଂ ସ୍ମରତଃ ପ୍ରାଣେଭ୍ଯୋଽପି ଗରୀଯସୀମ୍ ।
ଉଦଯାଭ୍ଯୁଦିତଂ ଦୃଷ୍ଟ୍ଵା ଶଶାଙ୍କଂ ଚ ଵିଶେଷତଃ ॥ 31 ॥

hṛtāṃ hi bhāryāṃ smarataḥ prāṇebhyo'pi garīyasīm |
udayābhyuditaṃ dṛṣṭvā śaśāṅkaṃ ca viśeṣataḥ || 31 ||

ప్రాణముల కంటే ఎక్కువ ప్రియురాలైన తన భార్యను ఎత్తుకొని పోబడినదానిని స్మరిస్తూ, ముఖ్యముగా ఉదయించి ప్రకాశిస్తున్న చంద్రుని చూసి, ^AI

Shloka 32

ଆଵିଵେଶ ନ ତଂ ନିଦ୍ରା ନିଶାସୁ ଶଯନଂ ଗତମ୍ ।
ତତ୍ସମୁତ୍ଥେନ ଶୋକେନ ବାଷ୍ପୋପହତଚେତସମ୍ ॥ 32 ॥

āviveśa na taṃ nidrā niśāsu śayanaṃ gatam |
tatsamutthena śokena bāṣpopahatacetasam || 32 ||

శయనమునకు పోయిన అతనిని రాత్రులలో నిద్ర ఆవరించలేదు; ఆ శోకముతో లేచి, కన్నీటితో కలత చెందిన మనస్సు కలిగిన అతనిని (నిద్ర ఆవరించలేదు). ^AI

Shloka 33

ତଂ ଶୋଚମାନଂ କାକୁତ୍ସ୍ଥଂ ନିତ୍ଯଂ ଶୋକପରାଯଣମ୍ ।
ତୁଲ୍ଯଦୁଃଖୋଽବ୍ରଵୀଦ୍ଭ୍ରାତା ଲକ୍ଷ୍ମଣୋଽନୁନଯନ୍ଵଚଃ ॥ 33 ॥

taṃ śocamānaṃ kākutsthaṃ nityaṃ śokaparāyaṇam |
tulyaduḥkho'bravīdbhrātā lakṣmaṇo'nunayanvacaḥ || 33 ||

శోకపరాయణుడై నిత్యం దుఃఖిస్తున్న ఆ కాకుత్స్థుడైన రాముడిని, సమాన దుఃఖుడైన తమ్ముడు లక్ష్మణుడు ఓదారుస్తూ ఈ మాటలు పలికాడు. ^AI

Shloka 34

ଅଲଂ ଵୀର ଵ୍ଯଥାଂ ଗତ୍ଵା ନ ତ୍ଵଂ ଶୋଚିତୁମର୍ହସି ।
ଶୋଚତୋ ଵ୍ଯଵସୀଦନ୍ତି ସର୍ଵାର୍ଥା ଵିଦିତଂ ହି ତେ ॥ 34 ॥

alaṃ vīra vyathāṃ gatvā na tvaṃ śocitumarhasi |
śocato vyavasīdanti sarvārthā viditaṃ hi te || 34 ||

ఓ వీరా, ఇంతటితో విచారాన్ని విడిచిపెట్టు; నీవు శోకించ తగదు. శోకించేవారి సమస్త ప్రయోజనాలు నశిస్తాయి; ఇది నీకు తెలిసినదే. ^AI

Shloka 35

ଭଵାନ୍କ୍ରିଯାପରୋ ଲୋକେ ଭଵାନ୍ ଦେଵପରାଯଣଃ ।
ଆସ୍ତିକୋ ଧର୍ମଶୀଲଶ୍ଚ ଵ୍ଯଵସାଯୀ ଚ ରାଘଵ ॥ 35 ॥

bhavānkriyāparo loke bhavān devaparāyaṇaḥ |
āstiko dharmaśīlaśca vyavasāyī ca rāghava || 35 ||

ఓ రాఘవా, నీవు లోకంలో కర్మలందు ఆసక్తి కలవాడవు, దేవతలందు భక్తి కలవాడవు, ఆస్తికుడవు, ధర్మశీలుడవు, స్థిర నిశ్చయం కలవాడవు. ^AI

Shloka 36

ନ ହ୍ଯଵ୍ଯଵସିତଶ୍ଶତ୍ରୁଂ ରାକ୍ଷସଂ ତଂ ଵିଶେଷତଃ ।
ସମର୍ଥସ୍ତ୍ଵଂ ରଣେ ହନ୍ତୁଂ ଵିକ୍ରମୈର୍ଜିହ୍ମକାରିଣମ୍ ॥ 36 ॥

na hyavyavasitaśśatruṃ rākṣasaṃ taṃ viśeṣataḥ |
samarthastvaṃ raṇe hantuṃ vikramairjihmakāriṇam || 36 ||

స్థిర నిశ్చయం లేనివాడు, ముఖ్యంగా ఆ కపట కార్యాలు చేసే రాక్షసుడిని, యుద్ధంలో తన పరాక్రమాలతో చంపగల సమర్థుడు కాడు; ఓ రాఘవా, నీవు అలాంటి వాడవు కావు. ^AI

Shloka 37

ସମୁନ୍ମୂଲଯ ଶୋକଂ ତ୍ଵଂ ଵ୍ଯଵସାଯଂ ସ୍ଥିରଂ କୁରୁ ।
ତତସ୍ସପରିଵାରଂ ତଂ ନିର୍ମୂଲଂ କୁରୁ ରାକ୍ଷସମ୍ ॥ 37 ॥

samunmūlaya śokaṃ tvaṃ vyavasāyaṃ sthiraṃ kuru |
tatassaparivāraṃ taṃ nirmūlaṃ kuru rākṣasam || 37 ||

నీ శోకాన్ని పూర్తిగా పెకలించివేయి; స్థిరమైన నిశ్చయాన్ని చేసుకో. అటుపై పరివారంతో సహా ఆ రాక్షసుడిని మూలం లేకుండా చేయి. ^AI

Shloka 38

ପୃଥିଵୀମପି କାକୁତ୍ସ୍ଥ ସସାଗରଵନାଚଲାମ୍ ।
ପରିଵର୍ତଯିତୁଂ ଶକ୍ତଃ କିମଙ୍ଗପୁନ ରାଵଣମ୍ ॥ 38 ॥

pṛthivīmapi kākutstha sasāgaravanācalām |
parivartayituṃ śaktaḥ kimaṅgapuna rāvaṇam || 38 ||

ఓ కాకుత్స్థా, సముద్రాలు, అడవులు, పర్వతాలతో సహా భూమిని కూడా త్రిప్పగల శక్తి నీకు ఉంది; మరి రావణుడి విషయం చెప్పేదేముంది? ^AI

Shloka 39

ଶରତ୍କାଲଂ ପ୍ରତୀକ୍ଷସ୍ଵ ପ୍ରାଵୃଟ୍କାଲୋଽଯମାଗତଃ ।
ତତସ୍ସରାଷ୍ଟ୍ରଂ ସଗଣଂ ରାଵଣଂ ତ୍ଵଂ ଵଧିଷ୍ଯସି ॥ 39 ॥

śaratkālaṃ pratīkṣasva prāvṛṭkālo'yamāgataḥ |
tatassarāṣṭraṃ sagaṇaṃ rāvaṇaṃ tvaṃ vadhiṣyasi || 39 ||

శరదృతువు కోసం ఎదురుచూడు; ఈ వర్షాకాలం వచ్చింది. అప్పుడు నీవు రాజ్యంతో, పరివారంతో సహా రావణుడిని చంపుతావు. ^AI

Shloka 40

ଅହଂ ତୁ ଖଲୁ ତେ ଵୀର୍ଯଂ ପ୍ରସୁପ୍ତଂ ପ୍ରତିବୋଧଯେ ।
ଦୀପ୍ସୈରାହୁତିଭିଃ କାଲେ ଭସ୍ମଚ୍ଛନ୍ନମିଵାନଲମ୍ ॥ 40 ॥

ahaṃ tu khalu te vīryaṃ prasuptaṃ pratibodhaye |
dīpsairāhutibhiḥ kāle bhasmacchannamivānalam || 40 ||

ఓ వీరా, నేను నీలో నిద్రించియున్న పరాక్రమాన్ని, సమయానికి ఇచ్చిన హవిస్సులతో బూడిద కప్పబడిన అగ్నిలా, మేల్కొలుపుతున్నాను. ^AI

Shloka 41

ଲକ୍ଷ୍ମଣସ୍ଯ ତୁ ତଦ୍ଵାକ୍ଯଂ ପ୍ରତିପୂଜ୍ଯ ହିତଂ ଶୁଭମ୍ ।
ରାଘଵସ୍ସୁହୃଦଂ ସ୍ନିଗ୍ଧମିଦଂ ଵଚନମବ୍ରଵୀତ୍ ॥ 41 ॥

lakṣmaṇasya tu tadvākyaṃ pratipūjya hitaṃ śubham |
rāghavassuhṛdaṃ snigdhamidaṃ vacanamabravīt || 41 ||

లక్ష్మణుని ఆ మాటలను, హితమైన శుభకరమైన ఆ మాటలను గౌరవించి, రాఘవుడు తన స్నేహితుడైన లక్ష్మణునితో ప్రేమపూర్వకమైన ఈ మాటలను పలికాడు. ^AI

Shloka 42

ଵାଚ୍ଯଂ ଯଦନୁରକ୍ତେନ ସ୍ନିଗ୍ଧେନ ଚ ହିତେନ ଚ ।
ସତ୍ଯଵିକ୍ରମଯୁକ୍ତେନ ତଦୁକ୍ତଂ ଲକ୍ଷ୍ମଣ ତ୍ଵଯା ॥ 42 ॥

vācyaṃ yadanuraktena snigdhena ca hitena ca |
satyavikramayuktena taduktaṃ lakṣmaṇa tvayā || 42 ||

ఓ లక్ష్మణా, అనురాగం కలవాడు, ప్రేమ కలవాడు, హితం కోరేవాడు, సత్యపరాక్రమం కలవాడు చెప్పవలసిన మాటను నీవు చెప్పావు. ^AI

Shloka 43

ଏଷ ଶୋକଃ ପରିତ୍ଯକ୍ତସ୍ସର୍ଵକାର୍ଯାଵସାଦକଃ ।
ଵିକ୍ରମେଷ୍ଵପ୍ରତିହତଂ ତେଜଃ ପ୍ରୋତ୍ସାହଯାମ୍ଯହମ୍ ॥ 43 ॥

eṣa śokaḥ parityaktassarvakāryāvasādakaḥ |
vikrameṣvapratihataṃ tejaḥ protsāhayāmyaham || 43 ||

ఈ శోకాన్ని విడిచిపెట్టాను; ఇది సమస్త కార్యాలను పాడుచేస్తుంది. పరాక్రమ కార్యాలలో ఎదురులేని నా తేజస్సును నేను ఉత్సాహపరుస్తున్నాను. ^AI

Shloka 44

ଶରତ୍କାଲଂ ପ୍ରତୀକ୍ଷିଷ୍ଯେ ସ୍ଥିତୋଽସ୍ମି ଵଚନେ ତଵ ।
ସୁଗ୍ରୀଵସ୍ଯ ନଦୀନାଂ ଚ ପ୍ରସାଦମନୁପାଲଯନ୍ ॥ 44 ॥

śaratkālaṃ pratīkṣiṣye sthito'smi vacane tava |
sugrīvasya nadīnāṃ ca prasādamanupālayan || 44 ||

నీ మాటలో నిలిచి, సుగ్రీవుని అనుగ్రహాన్ని, నదుల అనుగ్రహాన్ని కాపాడుకుంటూ, శరత్కాలం కోసం ఎదురుచూస్తాను. ^AI

Shloka 45

ଉପକାରେଣ ଵୀରସ୍ତୁ ପ୍ରତୀକାରେଣ ଯୁଜ୍ଯତେ ।
ଅକୃତଜ୍ଞୋଽପ୍ରତିକୃତୋ ହନ୍ତି ସତ୍ତ୍ଵଵତାଂ ମନଃ ॥ 45 ॥

upakāreṇa vīrastu pratīkāreṇa yujyate |
akṛtajño'pratikṛto hanti sattvavatāṃ manaḥ || 45 ||

వీరుడు ఉపకారానికి ప్రతికారంతో బదులు చెల్లిస్తాడు. కృతజ్ఞత లేనివాడు, ప్రతికారం చెల్లించనివాడు, సత్త్వవంతుల మనస్సును హతమారుస్తాడు. ^AI

Shloka 46

ଅଥୈଵ ମୁକ୍ତଃପ୍ରଣିଧାଯ ଲକ୍ଷ୍ମଣଃ କୃତାଞ୍ଜଲିସ୍ତତ୍ପ୍ରତିପୂଜ୍ଯ ଭାଷିତମ୍ ।
ଉଵାଚ ରାମଂ ସ୍ଵଭିରାମଦର୍ଶନଂ ପ୍ରଦର୍ଶଯନ୍ଦର୍ଶନମାତ୍ମନଶ୍ଶୁଭମ୍ ॥ 46 ॥

athaiva muktaḥpraṇidhāya lakṣmaṇaḥ kṛtāñjalistatpratipūjya bhāṣitam |
uvāca rāmaṃ svabhirāmadarśanaṃ pradarśayandarśanamātmanaśśubham || 46 ||

అప్పుడు లక్ష్మణుడు అలాగే విడిచిపెట్టి, తన మనస్సును నిలిపి, చేతులు జోడించి, ఆ మాటలను గౌరవించి, తనకు శుభప్రదమైన తన దర్శనాన్ని చూపిస్తూ, తనకు మనోహర దర్శనుడైన రామునితో ఇలా అన్నాడు. ^AI

Shloka 47

ଯଥୋକ୍ତମେତତ୍ତଵ ସର୍ଵମୀପ୍ସିତଂ ନରେନ୍ଦ୍ର କର୍ତା ନ ଚିରାଦ୍ଧରୀଶ୍ଵରଃ ।
ଶରତ୍ପ୍ରତୀକ୍ଷଃ କ୍ଷମତାମିମଂ ଭଵାନ୍ ଜଲପ୍ରପାତଂ ରିପୁନିଗ୍ରହେ ଧୃତଃ ॥ 47 ॥

yathoktametattava sarvamīpsitaṃ narendra kartā na cirāddharīśvaraḥ |
śaratpratīkṣaḥ kṣamatāmimaṃ bhavān jalaprapātaṃ ripunigrahe dhṛtaḥ || 47 ||

ఓ నరేంద్రా, నీవు కోరినది అంతా హరీశ్వరుడు త్వరలోనే చేస్తాడు. శరత్కాలం కోసం ఎదురుచూస్తూ, శత్రునిగ్రహణంలో నిలిచిన ఈ జలప్రపాతాన్ని నీవు సహించు. ^AI

Shloka 48

ନିଯମ୍ଯ କୋପଂ ପ୍ରତିପାଲ୍ଯତାଂ ଶରତ୍ କ୍ଷମସ୍ଵ ମାସାଂ ଶ୍ଚତୁରୋ ମଯା ସହ ।
ଵସାଚଲେଽସ୍ମିନ୍ମୃଗରାଜସେଵିତେ ସଂଵର୍ଧଯନ୍ ଶତ୍ରୁଵଧେ ସମୁଦ୍ଯମମ୍ ॥ 48 ॥

niyamya kopaṃ pratipālyatāṃ śarat kṣamasva māsāṃ ścaturo mayā saha |
vasācale'sminmṛgarājasevite saṃvardhayan śatruvadhe samudyamam || 48 ||

కోపాన్ని అణచుకొని శరత్కాలం కోసం ఎదురుచూడు. నాతో పాటు నాలుగు నెలలు ఓర్పుగా గడపు. మృగరాజు సేవించే ఈ పర్వతంపై నివసిస్తూ, శత్రువధ కోసం ఉద్యమాన్ని పెంచుకో. ^AI

ଇତ୍ଯାର୍ଷେ ଶ୍ରୀମଦ୍ରାମାଯଣେ ଵାଲ୍ମୀକୀଯ ଆଦିକାଵ୍ଯେ କିଷ୍କିନ୍ଧାକାଣ୍ଡେ ସପ୍ତଵିଂଶସ୍ସର୍ଗଃ ॥

Sanskrit — Devanagari (original)

श्रीमद्वाल्मीकीय रामायणे किष्किन्धाकाण्डम् ।

अथ सप्तविंशस्सर्गः ।

अभिषिक्ते तु सुग्रीवे प्रविष्टे वानरे गुहाम् ।

आजगाम सह भ्रात्रा रामः प्रस्रवणं गिरिम् ॥ 1 ॥

शार्दूलमृगसङ्घुष्टं सिंहैर्भीमरवैर्वृतम् ।

नानागुल्मलतागूढं बहुपादपसङ्कुलम् ॥ 2 ॥

ऋक्षवानरगोपुच्छैर्मार्जारैश्च निषेवितम् ।

मेघराशिनिभं शैलं नित्यं शुचिजलाशयम् ॥ 3 ॥

तस्य शैलस्य शिखरे महतीमायतां गुहाम् ।

प्रत्यगृह्णत वासार्थं रामस्सौमित्रिणा सह ॥ 4 ॥

कृत्वा च समयं रामस्सुग्रीवेण सहानघः ।

कालयुक्तं महद्वाक्यमुवाच रघुनन्दनः ॥ 5 ॥

विनीतं भ्रातरं भ्राता लक्ष्मणं लक्ष्मिवर्धनम् ।

इयं गिरिगुहा रम्या विशाला युक्तमारुता ।

अस्यां वत्स्याम सौमित्रे वर्षरात्रमरिन्दम ॥ 6 ॥

गिरिशृङ्गमिदं रम्यमुन्नतं पार्थिवात्मज ॥ 7 ॥

श्वेताभिः कृष्णताम्राभिश्शिलाभिरुपशोभितम् ।

नानाधातुसमाकीर्णं दरीनिर्झरशोभितम् ॥ 8 ॥

विविधैर्वृक्षषण्डैश्च चारुचित्रलतायुतम् ।

नानाविहगसङ्घुष्टं मयूररवनादितम् ॥ 9 ॥

मालतीकुन्दगुल्मैश्च सिन्धुवारैश्शिरीषकैः ।

कदम्बार्जुनसर्जैश्च पुष्पितैरुपशोभितम् ॥ 10 ॥

इयं च नलिनी रम्या फुल्लपङ्कजमण्डिता ।

नातिदूरे गुहायानौ भविष्यति नृपात्मज ॥ 11 ॥

प्रागुदक्प्रवणे देशे गुहा साधु भविष्यति ।

पश्चाच्चैवोन्नता सौम्य निवातेयं भविष्यति ॥ 12 ॥

गुहाद्वारे च सौमित्रे शिला समतला शुभा ।

श्लक्ष्णा चैवायता चैव भिन्नाञ्जनचयोपमा ॥ 13 ॥

गिरिशृङ्गमिदं तात पश्य चोत्तरतः शुभम् ।

भिन्नाञ्जनचयाकारमम्भोधरमिवोत्थितम् ॥ 14 ॥

दक्षिणस्यामपि दिशि स्थितं श्वेतमिवापरम् ।

कैलासशिखरप्रख्यं नानाधातुविभूषितम् ॥ 15 ॥

प्राचीनवाहिनीं चैव नदीं भृशमकर्दमाम् ।

गुहायाः पूर्वतः पश्य त्रिकूटे जाह्नवीमिव ॥ 16 ॥

चन्दनैस्तिलकैस्तालैस्तमालैरतिमुक्तकैः ।

पद्मकैः सरलैश्चैव अशोकैश्चैव शोभिताम् ॥ 17 ॥

वानीरैस्तिमिशैश्चैव वकुलैः केतकैर्धवैः ।

हिन्तालैस्तिनिशैर्नीपैर्वेत्रकैः कृतमालकैः ॥ 18 ॥

तीरजैश्शोभिता भाति नानारूपै स्ततस्ततः ।

वसनाभरणोपेता प्रमदेवाभ्यलङ्कृता ॥ 19 ॥

शतशः पक्षिसङ्घैश्च नानानादैर्विनादिता ।

एकैकमनुरक्तैश्च चक्रवाकैरलङ्कृता ॥ 20 ॥

पुलिनैरतिरम्यैश्च हंससारससेवितैः ।

प्रहसन्तीवभात्येषा नारी सर्वविभूषिता ॥ 21 ॥

क्वचिन्नीलोत्पलैश्छन्ना भाति रक्तोत्पलैः क्वचित् ।

क्वचिदाभाति शुक्लैश्च दिव्यैः कुमुदकुट्मलैः ॥ 22 ॥

पारिप्लवशतैर्जुष्टा बर्हिक्रौञ्चविनादिता ।

रमणीया नदी सौम्य मुनिसङ्घैर्निषेविता ॥ 23 ॥

पश्य चन्दनवृक्षाणां पङ्क्तीस्सुरचिता इव ।

ककुभानां च दृश्यन्ते मनसेवोदितास्समम् ॥ 24 ॥

अहो सुरमणीयोऽयं देशश्शत्रुनिषूदन ।

दृढं रंस्याव सौमित्रे साध्वत्र निवसावहै ॥ 25 ॥

इतश्च नातिदूरे सा किष्किन्धा चित्रकानना ।

सुग्रीवस्य पुरी रम्या भविष्यति नृपात्मज ॥ 26 ॥

गीतवादित्रनिर्घोषश्श्रूयते जयतां वर ।

नर्दतां वानराणां च मृदङ्गाडम्बरै स्सह ॥ 27 ॥

लब्ध्वा भार्यां कपिवरः प्राप्य राज्यं सुहृद्वृतः ।

ध्रुवं नन्दति सुग्रीवस्सम्प्राप्य महतीं श्रियम् ॥ 28 ॥

इत्युक्त्वा न्यवसत्तत्र राघवस्सहलक्ष्मणः ।

बहुदृश्यदरीकुञ्जे तस्मिन्प्रस्रवणे गिरौ ॥ 29 ॥

सुसुखेऽपि बहुद्रव्ये तस्मिन्हि धरणीधरे ।

वसतस्तस्य रामस्य रतिरल्पापिना भवेत् ॥ 30 ॥

हृतां हि भार्यां स्मरतः प्राणेभ्योऽपि गरीयसीम् ।

उदयाभ्युदितं दृष्ट्वा शशाङ्कं च विशेषतः ॥ 31 ॥

आविवेश न तं निद्रा निशासु शयनं गतम् ।

तत्समुत्थेन शोकेन बाष्पोपहतचेतसम् ॥ 32 ॥

तं शोचमानं काकुत्स्थं नित्यं शोकपरायणम् ।

तुल्यदुःखोऽब्रवीद्भ्राता लक्ष्मणोऽनुनयन्वचः ॥ 33 ॥

अलं वीर व्यथां गत्वा न त्वं शोचितुमर्हसि ।

शोचतो व्यवसीदन्ति सर्वार्था विदितं हि ते ॥ 34 ॥

भवान्क्रियापरो लोके भवान् देवपरायणः ।

आस्तिको धर्मशीलश्च व्यवसायी च राघव ॥ 35 ॥

न ह्यव्यवसितश्शत्रुं राक्षसं तं विशेषतः ।

समर्थस्त्वं रणे हन्तुं विक्रमैर्जिह्मकारिणम् ॥ 36 ॥

समुन्मूलय शोकं त्वं व्यवसायं स्थिरं कुरु ।

ततस्सपरिवारं तं निर्मूलं कुरु राक्षसम् ॥ 37 ॥

पृथिवीमपि काकुत्स्थ ससागरवनाचलाम् ।

परिवर्तयितुं शक्तः किमङ्गपुन रावणम् ॥ 38 ॥

शरत्कालं प्रतीक्षस्व प्रावृट्कालोऽयमागतः ।

ततस्सराष्ट्रं सगणं रावणं त्वं वधिष्यसि ॥ 39 ॥

अहं तु खलु ते वीर्यं प्रसुप्तं प्रतिबोधये ।

दीप्सैराहुतिभिः काले भस्मच्छन्नमिवानलम् ॥ 40 ॥

लक्ष्मणस्य तु तद्वाक्यं प्रतिपूज्य हितं शुभम् ।

राघवस्सुहृदं स्निग्धमिदं वचनमब्रवीत् ॥ 41 ॥

वाच्यं यदनुरक्तेन स्निग्धेन च हितेन च ।

सत्यविक्रमयुक्तेन तदुक्तं लक्ष्मण त्वया ॥ 42 ॥

एष शोकः परित्यक्तस्सर्वकार्यावसादकः ।

विक्रमेष्वप्रतिहतं तेजः प्रोत्साहयाम्यहम् ॥ 43 ॥

शरत्कालं प्रतीक्षिष्ये स्थितोऽस्मि वचने तव ।

सुग्रीवस्य नदीनां च प्रसादमनुपालयन् ॥ 44 ॥

उपकारेण वीरस्तु प्रतीकारेण युज्यते ।

अकृतज्ञोऽप्रतिकृतो हन्ति सत्त्ववतां मनः ॥ 45 ॥

अथैव मुक्तःप्रणिधाय लक्ष्मणः कृताञ्जलिस्तत्प्रतिपूज्य भाषितम् ।

उवाच रामं स्वभिरामदर्शनं प्रदर्शयन्दर्शनमात्मनश्शुभम् ॥ 46 ॥

यथोक्तमेतत्तव सर्वमीप्सितं नरेन्द्र कर्ता न चिराद्धरीश्वरः ।

शरत्प्रतीक्षः क्षमतामिमं भवान् जलप्रपातं रिपुनिग्रहे धृतः ॥ 47 ॥

नियम्य कोपं प्रतिपाल्यतां शरत् क्षमस्व मासां श्चतुरो मया सह ।

वसाचलेऽस्मिन्मृगराजसेविते संवर्धयन् शत्रुवधे समुद्यमम् ॥ 48 ॥

इत्यार्षे श्रीमद्रामायणे वाल्मीकीय आदिकाव्ये किष्किन्धाकाण्डे सप्तविंशस्सर्गः ॥

🕉️ This is the original Sanskrit rendered in Oriya script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

4.27 କିଷ୍କିନ୍ଧାକାଣ୍ଡ - ସପ୍ତଵିଂଶ ସର୍ଗଃ