ଅଥ ତୃତୀଯସ୍ତୋତ୍ରମ୍
କୁରୁ ଭୁଙ୍କ୍ଷ୍ଵ ଚ କର୍ମ ନିଜଂ ନିଯତଂ ହରିପାଦଵିନମ୍ରଧିଯା ସତତମ୍ ।
ହରିରେଵ ପରୋ ହରିରେଵ ଗୁରୁଃ ହରିରେଵ ଜଗତ୍ପିତୃମାତୃଗତିଃ ॥ 1॥
ନ ତତୋଽସ୍ତ୍ଯପରଂ ଜଗଦୀଡ୍ଯତମଂ (ଜଗତୀଡ୍ଯତମଂ) ପରମାତ୍ପରତଃ ପୁରୁଷୋତ୍ତମତଃ ।
ତଦଲଂ ବହୁଲୋକଵିଚିନ୍ତନଯା ପ୍ରଵଣଂ କୁରୁ ମାନସମୀଶପଦେ ॥ 2॥
ଯତତୋଽପି ହରେଃ ପଦସଂସ୍ମରଣେ ସକଲଂ ହ୍ଯଘମାଶୁ ଲଯଂ ଵ୍ରଜତି ।
ସ୍ମରତସ୍ତୁ ଵିମୁକ୍ତିପଦଂ ପରମଂ ସ୍ଫୁଟମେଷ୍ଯତି ତତ୍କିମପାକ୍ରିଯତେ ॥ 3॥
ଶଋଣୁତାମଲସତ୍ଯଵଚଃ ପରମଂ ଶପଥେରିତଂ ଉଚ୍ଛ୍ରିତବାହୁଯୁଗମ୍ ।
ନ ହରେଃ ପରମୋ ନ ହରେଃ ସଦୃଶଃ ପରମଃ ସ ତୁ ସର୍ଵ ଚିଦାତ୍ମଗଣାତ୍ ॥ 4॥
ଯଦି ନାମ ପରୋ ନ ଭଵେତ (ଭଵେତ୍ସ) ହରିଃ କଥମସ୍ଯ ଵଶେ ଜଗଦେତଦଭୂତ୍ ।
ଯଦି ନାମ ନ ତସ୍ଯ ଵଶେ ସକଲଂ କଥମେଵ ତୁ ନିତ୍ଯସୁଖଂ ନ ଭଵେତ୍ ॥ 5॥
ନ ଚ କର୍ମଵିମାମଲ କାଲଗୁଣପ୍ରଭୃତୀଶମଚିତ୍ତନୁ ତଦ୍ଧି ଯତଃ ।
ଚିଦଚିତ୍ତନୁ ସର୍ଵମସୌ ତୁ ହରିର୍ଯମଯେଦିତି ଵୈଦିକମସ୍ତି ଵଚଃ ॥ 6॥
ଵ୍ଯଵହାରଭିଦାଽପି ଗୁରୋର୍ଜଗତାଂ ନ ତୁ ଚିତ୍ତଗତା ସ ହି ଚୋଦ୍ଯପରମ୍ ।
ବହଵଃ ପୁରୁଷାଃ ପୁରୁଷପ୍ରଵରୋ ହରିରିତ୍ଯଵଦତ୍ସ୍ଵଯମେଵ ହରିଃ ॥ 7॥
ଚତୁରାନନ ପୂର୍ଵଵିମୁକ୍ତଗଣା ହରିମେତ୍ଯ ତୁ ପୂର୍ଵଵଦେଵ ସଦା ।
ନିଯତୋଚ୍ଚଵିନୀଚତଯୈଵ ନିଜାଂ ସ୍ଥିତିମାପୁରିତି ସ୍ମ ପରଂ ଵଚନମ୍ ॥ 8॥
ଆନନ୍ଦତୀର୍ଥସନ୍ନାମ୍ନା ପୂର୍ଣପ୍ରଜ୍ଞାଭିଧାଯୁଜା ।
କୃତଂ ହର୍ଯଷ୍ଟକଂ ଭକ୍ତ୍ଯା ପଠତଃ ପ୍ରୀଯତେ ହରିଃ ॥ 9॥
ଇତି ଶ୍ରୀମଦାନନ୍ଦତୀର୍ଥଭଗଵତ୍ପାଦାଚାର୍ଯ ଵିରଚିତଂ
ଦ୍ଵାଦଶସ୍ତୋତ୍ରେଷୁ ତୃତୀଯସ୍ତୋତ୍ରଂ ସମ୍ପୂର୍ଣମ୍
Roman (IAST) Transliteration
atha tṛtīyastotram
kuru bhuṅkṣva ca karma nijaṃ niyataṃ haripādavinamradhiyā satatam |
harireva paro harireva guruḥ harireva jagatpitṛmātṛgatiḥ || 1||
na tato'styaparaṃ jagadīḍyatamaṃ (jagatīḍyatamaṃ) paramātparataḥ puruṣottamataḥ |
tadalaṃ bahulokavicintanayā pravaṇaṃ kuru mānasamīśapade || 2||
yatato'pi hareḥ padasaṃsmaraṇe sakalaṃ hyaghamāśu layaṃ vrajati |
smaratastu vimuktipadaṃ paramaṃ sphuṭameṣyati tatkimapākriyate || 3||
śaṛṇutāmalasatyavacaḥ paramaṃ śapatheritaṃ ucchritabāhuyugam |
na hareḥ paramo na hareḥ sadṛśaḥ paramaḥ sa tu sarva cidātmagaṇāt || 4||
yadi nāma paro na bhaveta (bhavetsa) hariḥ kathamasya vaśe jagadetadabhūt |
yadi nāma na tasya vaśe sakalaṃ kathameva tu nityasukhaṃ na bhavet || 5||
na ca karmavimāmala kālaguṇaprabhṛtīśamacittanu taddhi yataḥ |
cidacittanu sarvamasau tu hariryamayediti vaidikamasti vacaḥ || 6||
vyavahārabhidā'pi gurorjagatāṃ na tu cittagatā sa hi codyaparam |
bahavaḥ puruṣāḥ puruṣapravaro harirityavadatsvayameva hariḥ || 7||
caturānana pūrvavimuktagaṇā harimetya tu pūrvavadeva sadā |
niyatoccavinīcatayaiva nijāṃ sthitimāpuriti sma paraṃ vacanam || 8||
ānandatīrthasannāmnā pūrṇaprajñābhidhāyujā |
kṛtaṃ haryaṣṭakaṃ bhaktyā paṭhataḥ prīyate hariḥ || 9||
iti śrīmadānandatīrthabhagavatpādācārya viracitaṃ
dvādaśastotreṣu tṛtīyastotraṃ sampūrṇam
Sanskrit — Devanagari (original)
अथ तृतीयस्तोत्रम्
कुरु भुङ्क्ष्व च कर्म निजं नियतं हरिपादविनम्रधिया सततम् ।
हरिरेव परो हरिरेव गुरुः हरिरेव जगत्पितृमातृगतिः ॥ 1॥
न ततोऽस्त्यपरं जगदीड्यतमं (जगतीड्यतमं) परमात्परतः पुरुषोत्तमतः ।
तदलं बहुलोकविचिन्तनया प्रवणं कुरु मानसमीशपदे ॥ 2॥
यततोऽपि हरेः पदसंस्मरणे सकलं ह्यघमाशु लयं व्रजति ।
स्मरतस्तु विमुक्तिपदं परमं स्फुटमेष्यति तत्किमपाक्रियते ॥ 3॥
शऋणुतामलसत्यवचः परमं शपथेरितं उच्छ्रितबाहुयुगम् ।
न हरेः परमो न हरेः सदृशः परमः स तु सर्व चिदात्मगणात् ॥ 4॥
यदि नाम परो न भवेत (भवेत्स) हरिः कथमस्य वशे जगदेतदभूत् ।
यदि नाम न तस्य वशे सकलं कथमेव तु नित्यसुखं न भवेत् ॥ 5॥
न च कर्मविमामल कालगुणप्रभृतीशमचित्तनु तद्धि यतः ।
चिदचित्तनु सर्वमसौ तु हरिर्यमयेदिति वैदिकमस्ति वचः ॥ 6॥
व्यवहारभिदाऽपि गुरोर्जगतां न तु चित्तगता स हि चोद्यपरम् ।
बहवः पुरुषाः पुरुषप्रवरो हरिरित्यवदत्स्वयमेव हरिः ॥ 7॥
चतुरानन पूर्वविमुक्तगणा हरिमेत्य तु पूर्ववदेव सदा ।
नियतोच्चविनीचतयैव निजां स्थितिमापुरिति स्म परं वचनम् ॥ 8॥
आनन्दतीर्थसन्नाम्ना पूर्णप्रज्ञाभिधायुजा ।
कृतं हर्यष्टकं भक्त्या पठतः प्रीयते हरिः ॥ 9॥
इति श्रीमदानन्दतीर्थभगवत्पादाचार्य विरचितं
द्वादशस्तोत्रेषु तृतीयस्तोत्रं सम्पूर्णम्
atha tṛtīyastotram
kuru bhuṅkṣva ca karma nijaṃ niyataṃ haripādavinamradhiyā satatam |
harireva paro harireva guruḥ harireva jagatpitṛmātṛgatiḥ || 1||
na tato'styaparaṃ jagadīḍyatamaṃ (jagatīḍyatamaṃ) paramātparataḥ puruṣottamataḥ |
tadalaṃ bahulokavicintanayā pravaṇaṃ kuru mānasamīśapade || 2||
yatato'pi hareḥ padasaṃsmaraṇe sakalaṃ hyaghamāśu layaṃ vrajati |
smaratastu vimuktipadaṃ paramaṃ sphuṭameṣyati tatkimapākriyate || 3||
śaṛṇutāmalasatyavacaḥ paramaṃ śapatheritaṃ ucchritabāhuyugam |
na hareḥ paramo na hareḥ sadṛśaḥ paramaḥ sa tu sarva cidātmagaṇāt || 4||
yadi nāma paro na bhaveta (bhavetsa) hariḥ kathamasya vaśe jagadetadabhūt |
yadi nāma na tasya vaśe sakalaṃ kathameva tu nityasukhaṃ na bhavet || 5||
na ca karmavimāmala kālaguṇaprabhṛtīśamacittanu taddhi yataḥ |
cidacittanu sarvamasau tu hariryamayediti vaidikamasti vacaḥ || 6||
vyavahārabhidā'pi gurorjagatāṃ na tu cittagatā sa hi codyaparam |
bahavaḥ puruṣāḥ puruṣapravaro harirityavadatsvayameva hariḥ || 7||
caturānana pūrvavimuktagaṇā harimetya tu pūrvavadeva sadā |
niyatoccavinīcatayaiva nijāṃ sthitimāpuriti sma paraṃ vacanam || 8||
ānandatīrthasannāmnā pūrṇaprajñābhidhāyujā |
kṛtaṃ haryaṣṭakaṃ bhaktyā paṭhataḥ prīyate hariḥ || 9||
iti śrīmadānandatīrthabhagavatpādācārya viracitaṃ
dvādaśastotreṣu tṛtīyastotraṃ sampūrṇam
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.