କଲ୍ପାନୋକହପୁଷ୍ପଜାଲଵିଲସନ୍ନୀଲାଲକାଂ ମାତୃକାଂ
କାନ୍ତାଂ କଞ୍ଜଦଲେକ୍ଷଣାଂ କଲିମଲପ୍ରଧ୍ଵଂସିନୀଂ କାଲିକାମ୍ ।
କାଞ୍ଚୀନୂପୁରହାରଦାମସୁଭଗାଂ କାଞ୍ଚୀପୁରୀନାଯିକାଂ
କାମାକ୍ଷୀଂ କରିକୁମ୍ଭସନ୍ନିଭକୁଚାଂ ଵନ୍ଦେ ମହେଶପ୍ରିଯାମ୍ ॥ 1 ॥
କାଶାଭାଂ ଶୁକଭାସୁରାଂ ପ୍ରଵିଲସତ୍କୋଶାତକୀ ସନ୍ନିଭାଂ
ଚନ୍ଦ୍ରାର୍କାନଲଲୋଚନାଂ ସୁରୁଚିରାଲଙ୍କାରଭୂଷୋଜ୍ଜ୍ଵଲାମ୍ ।
ବ୍ରହ୍ମଶ୍ରୀପତିଵାସଵାଦିମୁନିଭିଃ ସଂସେଵିତାଙ୍ଘ୍ରିଦ୍ଵଯାଂ
କାମାକ୍ଷୀଂ ଗଜରାଜମନ୍ଦଗମନାଂ ଵନ୍ଦେ ମହେଶପ୍ରିଯାମ୍ ॥ 2 ॥
ଐଂ କ୍ଲୀଂ ସୌରିତି ଯାଂ ଵଦନ୍ତି ମୁନଯସ୍ତତ୍ତ୍ଵାର୍ଥରୂପାଂ ପରାଂ
ଵାଚାମାଦିମକାରଣଂ ହୃଦି ସଦା ଧ୍ଯାଯନ୍ତି ଯାଂ ଯୋଗିନଃ ।
ବାଲାଂ ଫାଲଵିଲୋଚନାଂ ନଵଜପାଵର୍ଣାଂ ସୁଷୁମ୍ନାଶ୍ରିତାଂ
କାମାକ୍ଷୀଂ କଲିତାଵତଂସସୁଭଗାଂ ଵନ୍ଦେ ମହେଶପ୍ରିଯାମ୍ ॥ 3 ॥
ଯତ୍ପାଦାମ୍ବୁଜରେଣୁଲେଶମନିଶଂ ଲବ୍ଧ୍ଵା ଵିଧତ୍ତେ ଵିଧି-
-ର୍ଵିଶ୍ଵଂ ତତ୍ପରିପାତି ଵିଷ୍ଣୁରଖିଲଂ ଯସ୍ଯାଃ ପ୍ରସାଦାଚ୍ଚିରମ୍ ।
ରୁଦ୍ରଃ ସଂହରତି କ୍ଷଣାତ୍ତଦଖିଲଂ ଯନ୍ମାଯଯା ମୋହିତଃ
କାମାକ୍ଷୀମତିଚିତ୍ରଚାରୁଚରିତାଂ ଵନ୍ଦେ ମହେଶପ୍ରିଯାମ୍ ॥ 4 ॥
ସୂକ୍ଷ୍ମାତ୍ସୂକ୍ଷ୍ମତରାଂ ସୁଲକ୍ଷିତତନୁଂ କ୍ଷାନ୍ତାକ୍ଷରୈର୍ଲକ୍ଷିତାଂ
ଵୀକ୍ଷାଶିକ୍ଷିତରାକ୍ଷସାଂ ତ୍ରିଭୁଵନକ୍ଷେମଙ୍କରୀମକ୍ଷଯାମ୍ ।
ସାକ୍ଷାଲ୍ଲକ୍ଷଣଲକ୍ଷିତାକ୍ଷରମଯୀଂ ଦାକ୍ଷାଯଣୀଂ ସାକ୍ଷିଣୀଂ
କାମାକ୍ଷୀଂ ଶୁଭଲକ୍ଷଣୈଃ ସୁଲଲିତାଂ ଵନ୍ଦେ ମହେଶପ୍ରିଯାମ୍ ॥ 5 ॥
ଓଙ୍କାରାଙ୍ଗଣଦୀପିକାମୁପନିଷତ୍ପ୍ରାସାଦପାରାଵତୀଂ
ଆମ୍ନାଯାମ୍ବୁଧିଚନ୍ଦ୍ରିକାମଘତମଃପ୍ରଧ୍ଵଂସହଂସପ୍ରଭାମ୍ ।
କାଞ୍ଚୀପଟ୍ଟଣପଞ୍ଜରାନ୍ତରଶୁକୀଂ କାରୁଣ୍ଯକଲ୍ଲୋଲିନୀଂ
କାମାକ୍ଷୀଂ ଶିଵକାମରାଜମହିଷୀଂ ଵନ୍ଦେ ମହେଶପ୍ରିଯାମ୍ ॥ 6 ॥
ହ୍ରୀଙ୍କାରାତ୍ମକଵର୍ଣମାତ୍ରପଠନାଦୈନ୍ଦ୍ରୀଂ ଶ୍ରିଯଂ ତନ୍ଵତୀଂ
ଚିନ୍ମାତ୍ରାଂ ଭୁଵନେଶ୍ଵରୀମନୁଦିନଂ ଭିକ୍ଷାପ୍ରଦାନକ୍ଷମାମ୍ ।
ଵିଶ୍ଵାଘୌଘନିଵାରିଣୀଂ ଵିମଲିନୀଂ ଵିଶ୍ଵମ୍ଭରାଂ ମାତୃକାଂ
କାମାକ୍ଷୀଂ ପରିପୂର୍ଣଚନ୍ଦ୍ରଵଦନାଂ ଵନ୍ଦେ ମହେଶପ୍ରିଯାମ୍ ॥ 7 ॥
ଵାଗ୍ଦେଵୀତି ଚ ଯାଂ ଵଦନ୍ତି ମୁନଯଃ କ୍ଷୀରାବ୍ଧିକନ୍ଯେତି ଚ
କ୍ଷୋଣୀଭୃତ୍ତନଯେତି ଚ ଶ୍ରୁତିଗିରୋ ଯାଂ ଆମନନ୍ତି ସ୍ଫୁଟମ୍ ।
ଏକାନେକଫଲପ୍ରଦାଂ ବହୁଵିଧାଽଽକାରାସ୍ତନୂସ୍ତନ୍ଵତୀଂ
କାମାକ୍ଷୀଂ ସକଲାର୍ତିଭଞ୍ଜନପରାଂ ଵନ୍ଦେ ମହେଶପ୍ରିଯାମ୍ ॥ 8 ॥
ମାଯାମାଦିମକାରଣଂ ତ୍ରିଜଗତାମାରାଧିତାଙ୍ଘ୍ରିଦ୍ଵଯାଂ
ଆନନ୍ଦାମୃତଵାରିରାଶିନିଲଯାଂ ଵିଦ୍ଯାଂ ଵିପଶ୍ଚିଦ୍ଧିଯାମ୍ ।
ମାଯାମାନୁଷରୂପିଣୀଂ ମଣିଲସନ୍ମଧ୍ଯାଂ ମହାମାତୃକାଂ
କାମାକ୍ଷୀଂ କରିରାଜମନ୍ଦଗମନାଂ ଵନ୍ଦେ ମହେଶପ୍ରିଯାମ୍ ॥ 9 ॥
କାନ୍ତା କାମଦୁଘା କରୀନ୍ଦ୍ରଗମନା କାମାରିଵାମାଙ୍କଗା
କଲ୍ଯାଣୀ କଲିତାଵତାରସୁଭଗା କସ୍ତୂରିକାଚର୍ଚିତା
କମ୍ପାତୀରରସାଲମୂଲନିଲଯା କାରୁଣ୍ଯକଲ୍ଲୋଲିନୀ
କଲ୍ଯାଣାନି କରୋତୁ ମେ ଭଗଵତୀ କାଞ୍ଚୀପୁରୀଦେଵତା ॥ 10 ॥
ଇତି ଶ୍ରୀ କାମାକ୍ଷୀ ସ୍ତୋତ୍ରମ୍ ।
Roman (IAST) Transliteration
kalpānokahapuṣpajālavilasannīlālakāṃ mātṛkāṃ
kāntāṃ kañjadalekṣaṇāṃ kalimalapradhvaṃsinīṃ kālikām |
kāñcīnūpurahāradāmasubhagāṃ kāñcīpurīnāyikāṃ
kāmākṣīṃ karikumbhasannibhakucāṃ vande maheśapriyām || 1 ||
kāśābhāṃ śukabhāsurāṃ pravilasatkośātakī sannibhāṃ
candrārkānalalocanāṃ surucirālaṅkārabhūṣojjvalām |
brahmaśrīpativāsavādimunibhiḥ saṃsevitāṅghridvayāṃ
kāmākṣīṃ gajarājamandagamanāṃ vande maheśapriyām || 2 ||
aiṃ klīṃ sauriti yāṃ vadanti munayastattvārtharūpāṃ parāṃ
vācāmādimakāraṇaṃ hṛdi sadā dhyāyanti yāṃ yoginaḥ |
bālāṃ phālavilocanāṃ navajapāvarṇāṃ suṣumnāśritāṃ
kāmākṣīṃ kalitāvataṃsasubhagāṃ vande maheśapriyām || 3 ||
yatpādāmbujareṇuleśamaniśaṃ labdhvā vidhatte vidhi-
-rviśvaṃ tatparipāti viṣṇurakhilaṃ yasyāḥ prasādācciram |
rudraḥ saṃharati kṣaṇāttadakhilaṃ yanmāyayā mohitaḥ
kāmākṣīmaticitracārucaritāṃ vande maheśapriyām || 4 ||
sūkṣmātsūkṣmatarāṃ sulakṣitatanuṃ kṣāntākṣarairlakṣitāṃ
vīkṣāśikṣitarākṣasāṃ tribhuvanakṣemaṅkarīmakṣayām |
sākṣāllakṣaṇalakṣitākṣaramayīṃ dākṣāyaṇīṃ sākṣiṇīṃ
kāmākṣīṃ śubhalakṣaṇaiḥ sulalitāṃ vande maheśapriyām || 5 ||
oṅkārāṅgaṇadīpikāmupaniṣatprāsādapārāvatīṃ
āmnāyāmbudhicandrikāmaghatamaḥpradhvaṃsahaṃsaprabhām |
kāñcīpaṭṭaṇapañjarāntaraśukīṃ kāruṇyakallolinīṃ
kāmākṣīṃ śivakāmarājamahiṣīṃ vande maheśapriyām || 6 ||
hrīṅkārātmakavarṇamātrapaṭhanādaindrīṃ śriyaṃ tanvatīṃ
cinmātrāṃ bhuvaneśvarīmanudinaṃ bhikṣāpradānakṣamām |
viśvāghaughanivāriṇīṃ vimalinīṃ viśvambharāṃ mātṛkāṃ
kāmākṣīṃ paripūrṇacandravadanāṃ vande maheśapriyām || 7 ||
vāgdevīti ca yāṃ vadanti munayaḥ kṣīrābdhikanyeti ca
kṣoṇībhṛttanayeti ca śrutigiro yāṃ āmananti sphuṭam |
ekānekaphalapradāṃ bahuvidhā''kārāstanūstanvatīṃ
kāmākṣīṃ sakalārtibhañjanaparāṃ vande maheśapriyām || 8 ||
māyāmādimakāraṇaṃ trijagatāmārādhitāṅghridvayāṃ
ānandāmṛtavārirāśinilayāṃ vidyāṃ vipaściddhiyām |
māyāmānuṣarūpiṇīṃ maṇilasanmadhyāṃ mahāmātṛkāṃ
kāmākṣīṃ karirājamandagamanāṃ vande maheśapriyām || 9 ||
kāntā kāmadughā karīndragamanā kāmārivāmāṅkagā
kalyāṇī kalitāvatārasubhagā kastūrikācarcitā
kampātīrarasālamūlanilayā kāruṇyakallolinī
kalyāṇāni karotu me bhagavatī kāñcīpurīdevatā || 10 ||
iti śrī kāmākṣī stotram |
Sanskrit — Devanagari (original)
कल्पानोकहपुष्पजालविलसन्नीलालकां मातृकां
कान्तां कञ्जदलेक्षणां कलिमलप्रध्वंसिनीं कालिकाम् ।
काञ्चीनूपुरहारदामसुभगां काञ्चीपुरीनायिकां
कामाक्षीं करिकुम्भसन्निभकुचां वन्दे महेशप्रियाम् ॥ 1 ॥
काशाभां शुकभासुरां प्रविलसत्कोशातकी सन्निभां
चन्द्रार्कानललोचनां सुरुचिरालङ्कारभूषोज्ज्वलाम् ।
ब्रह्मश्रीपतिवासवादिमुनिभिः संसेविताङ्घ्रिद्वयां
कामाक्षीं गजराजमन्दगमनां वन्दे महेशप्रियाम् ॥ 2 ॥
ऐं क्लीं सौरिति यां वदन्ति मुनयस्तत्त्वार्थरूपां परां
वाचामादिमकारणं हृदि सदा ध्यायन्ति यां योगिनः ।
बालां फालविलोचनां नवजपावर्णां सुषुम्नाश्रितां
कामाक्षीं कलितावतंससुभगां वन्दे महेशप्रियाम् ॥ 3 ॥
यत्पादाम्बुजरेणुलेशमनिशं लब्ध्वा विधत्ते विधि-
-र्विश्वं तत्परिपाति विष्णुरखिलं यस्याः प्रसादाच्चिरम् ।
रुद्रः संहरति क्षणात्तदखिलं यन्मायया मोहितः
कामाक्षीमतिचित्रचारुचरितां वन्दे महेशप्रियाम् ॥ 4 ॥
सूक्ष्मात्सूक्ष्मतरां सुलक्षिततनुं क्षान्ताक्षरैर्लक्षितां
वीक्षाशिक्षितराक्षसां त्रिभुवनक्षेमङ्करीमक्षयाम् ।
साक्षाल्लक्षणलक्षिताक्षरमयीं दाक्षायणीं साक्षिणीं
कामाक्षीं शुभलक्षणैः सुललितां वन्दे महेशप्रियाम् ॥ 5 ॥
ओङ्काराङ्गणदीपिकामुपनिषत्प्रासादपारावतीं
आम्नायाम्बुधिचन्द्रिकामघतमःप्रध्वंसहंसप्रभाम् ।
काञ्चीपट्टणपञ्जरान्तरशुकीं कारुण्यकल्लोलिनीं
कामाक्षीं शिवकामराजमहिषीं वन्दे महेशप्रियाम् ॥ 6 ॥
ह्रीङ्कारात्मकवर्णमात्रपठनादैन्द्रीं श्रियं तन्वतीं
चिन्मात्रां भुवनेश्वरीमनुदिनं भिक्षाप्रदानक्षमाम् ।
विश्वाघौघनिवारिणीं विमलिनीं विश्वम्भरां मातृकां
कामाक्षीं परिपूर्णचन्द्रवदनां वन्दे महेशप्रियाम् ॥ 7 ॥
वाग्देवीति च यां वदन्ति मुनयः क्षीराब्धिकन्येति च
क्षोणीभृत्तनयेति च श्रुतिगिरो यां आमनन्ति स्फुटम् ।
एकानेकफलप्रदां बहुविधाऽऽकारास्तनूस्तन्वतीं
कामाक्षीं सकलार्तिभञ्जनपरां वन्दे महेशप्रियाम् ॥ 8 ॥
मायामादिमकारणं त्रिजगतामाराधिताङ्घ्रिद्वयां
आनन्दामृतवारिराशिनिलयां विद्यां विपश्चिद्धियाम् ।
मायामानुषरूपिणीं मणिलसन्मध्यां महामातृकां
कामाक्षीं करिराजमन्दगमनां वन्दे महेशप्रियाम् ॥ 9 ॥
कान्ता कामदुघा करीन्द्रगमना कामारिवामाङ्कगा
कल्याणी कलितावतारसुभगा कस्तूरिकाचर्चिता
कम्पातीररसालमूलनिलया कारुण्यकल्लोलिनी
कल्याणानि करोतु मे भगवती काञ्चीपुरीदेवता ॥ 10 ॥
इति श्री कामाक्षी स्तोत्रम् ।
kalpānokahapuṣpajālavilasannīlālakāṃ mātṛkāṃ
kāntāṃ kañjadalekṣaṇāṃ kalimalapradhvaṃsinīṃ kālikām |
kāñcīnūpurahāradāmasubhagāṃ kāñcīpurīnāyikāṃ
kāmākṣīṃ karikumbhasannibhakucāṃ vande maheśapriyām || 1 ||
kāśābhāṃ śukabhāsurāṃ pravilasatkośātakī sannibhāṃ
candrārkānalalocanāṃ surucirālaṅkārabhūṣojjvalām |
brahmaśrīpativāsavādimunibhiḥ saṃsevitāṅghridvayāṃ
kāmākṣīṃ gajarājamandagamanāṃ vande maheśapriyām || 2 ||
aiṃ klīṃ sauriti yāṃ vadanti munayastattvārtharūpāṃ parāṃ
vācāmādimakāraṇaṃ hṛdi sadā dhyāyanti yāṃ yoginaḥ |
bālāṃ phālavilocanāṃ navajapāvarṇāṃ suṣumnāśritāṃ
kāmākṣīṃ kalitāvataṃsasubhagāṃ vande maheśapriyām || 3 ||
yatpādāmbujareṇuleśamaniśaṃ labdhvā vidhatte vidhi-
-rviśvaṃ tatparipāti viṣṇurakhilaṃ yasyāḥ prasādācciram |
rudraḥ saṃharati kṣaṇāttadakhilaṃ yanmāyayā mohitaḥ
kāmākṣīmaticitracārucaritāṃ vande maheśapriyām || 4 ||
sūkṣmātsūkṣmatarāṃ sulakṣitatanuṃ kṣāntākṣarairlakṣitāṃ
vīkṣāśikṣitarākṣasāṃ tribhuvanakṣemaṅkarīmakṣayām |
sākṣāllakṣaṇalakṣitākṣaramayīṃ dākṣāyaṇīṃ sākṣiṇīṃ
kāmākṣīṃ śubhalakṣaṇaiḥ sulalitāṃ vande maheśapriyām || 5 ||
oṅkārāṅgaṇadīpikāmupaniṣatprāsādapārāvatīṃ
āmnāyāmbudhicandrikāmaghatamaḥpradhvaṃsahaṃsaprabhām |
kāñcīpaṭṭaṇapañjarāntaraśukīṃ kāruṇyakallolinīṃ
kāmākṣīṃ śivakāmarājamahiṣīṃ vande maheśapriyām || 6 ||
hrīṅkārātmakavarṇamātrapaṭhanādaindrīṃ śriyaṃ tanvatīṃ
cinmātrāṃ bhuvaneśvarīmanudinaṃ bhikṣāpradānakṣamām |
viśvāghaughanivāriṇīṃ vimalinīṃ viśvambharāṃ mātṛkāṃ
kāmākṣīṃ paripūrṇacandravadanāṃ vande maheśapriyām || 7 ||
vāgdevīti ca yāṃ vadanti munayaḥ kṣīrābdhikanyeti ca
kṣoṇībhṛttanayeti ca śrutigiro yāṃ āmananti sphuṭam |
ekānekaphalapradāṃ bahuvidhā''kārāstanūstanvatīṃ
kāmākṣīṃ sakalārtibhañjanaparāṃ vande maheśapriyām || 8 ||
māyāmādimakāraṇaṃ trijagatāmārādhitāṅghridvayāṃ
ānandāmṛtavārirāśinilayāṃ vidyāṃ vipaściddhiyām |
māyāmānuṣarūpiṇīṃ maṇilasanmadhyāṃ mahāmātṛkāṃ
kāmākṣīṃ karirājamandagamanāṃ vande maheśapriyām || 9 ||
kāntā kāmadughā karīndragamanā kāmārivāmāṅkagā
kalyāṇī kalitāvatārasubhagā kastūrikācarcitā
kampātīrarasālamūlanilayā kāruṇyakallolinī
kalyāṇāni karotu me bhagavatī kāñcīpurīdevatā || 10 ||
iti śrī kāmākṣī stotram |
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.