કલ્પાનોકહપુષ્પજાલવિલસન્નીલાલકાં માતૃકાં
કાન્તાં કઞ્જદલેક્ષણાં કલિમલપ્રધ્વંસિનીં કાલિકામ્ ।
કાઞ્ચીનૂપુરહારદામસુભગાં કાઞ્ચીપુરીનાયિકાં
કામાક્ષીં કરિકુમ્ભસન્નિભકુચાં વન્દે મહેશપ્રિયામ્ ॥ 1 ॥
કાશાભાં શુકભાસુરાં પ્રવિલસત્કોશાતકી સન્નિભાં
ચન્દ્રાર્કાનલલોચનાં સુરુચિરાલઙ્કારભૂષોજ્જ્વલામ્ ।
બ્રહ્મશ્રીપતિવાસવાદિમુનિભિઃ સંસેવિતાઙ્ઘ્રિદ્વયાં
કામાક્ષીં ગજરાજમન્દગમનાં વન્દે મહેશપ્રિયામ્ ॥ 2 ॥
ઐં ક્લીં સૌરિતિ યાં વદન્તિ મુનયસ્તત્ત્વાર્થરૂપાં પરાં
વાચામાદિમકારણં હૃદિ સદા ધ્યાયન્તિ યાં યોગિનઃ ।
બાલાં ફાલવિલોચનાં નવજપાવર્ણાં સુષુમ્નાશ્રિતાં
કામાક્ષીં કલિતાવતંસસુભગાં વન્દે મહેશપ્રિયામ્ ॥ 3 ॥
યત્પાદામ્બુજરેણુલેશમનિશં લબ્ધ્વા વિધત્તે વિધિ-
-ર્વિશ્વં તત્પરિપાતિ વિષ્ણુરખિલં યસ્યાઃ પ્રસાદાચ્ચિરમ્ ।
રુદ્રઃ સંહરતિ ક્ષણાત્તદખિલં યન્માયયા મોહિતઃ
કામાક્ષીમતિચિત્રચારુચરિતાં વન્દે મહેશપ્રિયામ્ ॥ 4 ॥
સૂક્ષ્માત્સૂક્ષ્મતરાં સુલક્ષિતતનું ક્ષાન્તાક્ષરૈર્લક્ષિતાં
વીક્ષાશિક્ષિતરાક્ષસાં ત્રિભુવનક્ષેમઙ્કરીમક્ષયામ્ ।
સાક્ષાલ્લક્ષણલક્ષિતાક્ષરમયીં દાક્ષાયણીં સાક્ષિણીં
કામાક્ષીં શુભલક્ષણૈઃ સુલલિતાં વન્દે મહેશપ્રિયામ્ ॥ 5 ॥
ઓઙ્કારાઙ્ગણદીપિકામુપનિષત્પ્રાસાદપારાવતીં
આમ્નાયામ્બુધિચન્દ્રિકામઘતમઃપ્રધ્વંસહંસપ્રભામ્ ।
કાઞ્ચીપટ્ટણપઞ્જરાન્તરશુકીં કારુણ્યકલ્લોલિનીં
કામાક્ષીં શિવકામરાજમહિષીં વન્દે મહેશપ્રિયામ્ ॥ 6 ॥
હ્રીઙ્કારાત્મકવર્ણમાત્રપઠનાદૈન્દ્રીં શ્રિયં તન્વતીં
ચિન્માત્રાં ભુવનેશ્વરીમનુદિનં ભિક્ષાપ્રદાનક્ષમામ્ ।
વિશ્વાઘૌઘનિવારિણીં વિમલિનીં વિશ્વમ્ભરાં માતૃકાં
કામાક્ષીં પરિપૂર્ણચન્દ્રવદનાં વન્દે મહેશપ્રિયામ્ ॥ 7 ॥
વાગ્દેવીતિ ચ યાં વદન્તિ મુનયઃ ક્ષીરાબ્ધિકન્યેતિ ચ
ક્ષોણીભૃત્તનયેતિ ચ શ્રુતિગિરો યાં આમનન્તિ સ્ફુટમ્ ।
એકાનેકફલપ્રદાં બહુવિધાઽઽકારાસ્તનૂસ્તન્વતીં
કામાક્ષીં સકલાર્તિભઞ્જનપરાં વન્દે મહેશપ્રિયામ્ ॥ 8 ॥
માયામાદિમકારણં ત્રિજગતામારાધિતાઙ્ઘ્રિદ્વયાં
આનન્દામૃતવારિરાશિનિલયાં વિદ્યાં વિપશ્ચિદ્ધિયામ્ ।
માયામાનુષરૂપિણીં મણિલસન્મધ્યાં મહામાતૃકાં
કામાક્ષીં કરિરાજમન્દગમનાં વન્દે મહેશપ્રિયામ્ ॥ 9 ॥
કાન્તા કામદુઘા કરીન્દ્રગમના કામારિવામાઙ્કગા
કલ્યાણી કલિતાવતારસુભગા કસ્તૂરિકાચર્ચિતા
કમ્પાતીરરસાલમૂલનિલયા કારુણ્યકલ્લોલિની
કલ્યાણાનિ કરોતુ મે ભગવતી કાઞ્ચીપુરીદેવતા ॥ 10 ॥
ઇતિ શ્રી કામાક્ષી સ્તોત્રમ્ ।
Roman (IAST) Transliteration
kalpānokahapuṣpajālavilasannīlālakāṃ mātṛkāṃ
kāntāṃ kañjadalekṣaṇāṃ kalimalapradhvaṃsinīṃ kālikām |
kāñcīnūpurahāradāmasubhagāṃ kāñcīpurīnāyikāṃ
kāmākṣīṃ karikumbhasannibhakucāṃ vande maheśapriyām || 1 ||
kāśābhāṃ śukabhāsurāṃ pravilasatkośātakī sannibhāṃ
candrārkānalalocanāṃ surucirālaṅkārabhūṣojjvalām |
brahmaśrīpativāsavādimunibhiḥ saṃsevitāṅghridvayāṃ
kāmākṣīṃ gajarājamandagamanāṃ vande maheśapriyām || 2 ||
aiṃ klīṃ sauriti yāṃ vadanti munayastattvārtharūpāṃ parāṃ
vācāmādimakāraṇaṃ hṛdi sadā dhyāyanti yāṃ yoginaḥ |
bālāṃ phālavilocanāṃ navajapāvarṇāṃ suṣumnāśritāṃ
kāmākṣīṃ kalitāvataṃsasubhagāṃ vande maheśapriyām || 3 ||
yatpādāmbujareṇuleśamaniśaṃ labdhvā vidhatte vidhi-
-rviśvaṃ tatparipāti viṣṇurakhilaṃ yasyāḥ prasādācciram |
rudraḥ saṃharati kṣaṇāttadakhilaṃ yanmāyayā mohitaḥ
kāmākṣīmaticitracārucaritāṃ vande maheśapriyām || 4 ||
sūkṣmātsūkṣmatarāṃ sulakṣitatanuṃ kṣāntākṣarairlakṣitāṃ
vīkṣāśikṣitarākṣasāṃ tribhuvanakṣemaṅkarīmakṣayām |
sākṣāllakṣaṇalakṣitākṣaramayīṃ dākṣāyaṇīṃ sākṣiṇīṃ
kāmākṣīṃ śubhalakṣaṇaiḥ sulalitāṃ vande maheśapriyām || 5 ||
oṅkārāṅgaṇadīpikāmupaniṣatprāsādapārāvatīṃ
āmnāyāmbudhicandrikāmaghatamaḥpradhvaṃsahaṃsaprabhām |
kāñcīpaṭṭaṇapañjarāntaraśukīṃ kāruṇyakallolinīṃ
kāmākṣīṃ śivakāmarājamahiṣīṃ vande maheśapriyām || 6 ||
hrīṅkārātmakavarṇamātrapaṭhanādaindrīṃ śriyaṃ tanvatīṃ
cinmātrāṃ bhuvaneśvarīmanudinaṃ bhikṣāpradānakṣamām |
viśvāghaughanivāriṇīṃ vimalinīṃ viśvambharāṃ mātṛkāṃ
kāmākṣīṃ paripūrṇacandravadanāṃ vande maheśapriyām || 7 ||
vāgdevīti ca yāṃ vadanti munayaḥ kṣīrābdhikanyeti ca
kṣoṇībhṛttanayeti ca śrutigiro yāṃ āmananti sphuṭam |
ekānekaphalapradāṃ bahuvidhā''kārāstanūstanvatīṃ
kāmākṣīṃ sakalārtibhañjanaparāṃ vande maheśapriyām || 8 ||
māyāmādimakāraṇaṃ trijagatāmārādhitāṅghridvayāṃ
ānandāmṛtavārirāśinilayāṃ vidyāṃ vipaściddhiyām |
māyāmānuṣarūpiṇīṃ maṇilasanmadhyāṃ mahāmātṛkāṃ
kāmākṣīṃ karirājamandagamanāṃ vande maheśapriyām || 9 ||
kāntā kāmadughā karīndragamanā kāmārivāmāṅkagā
kalyāṇī kalitāvatārasubhagā kastūrikācarcitā
kampātīrarasālamūlanilayā kāruṇyakallolinī
kalyāṇāni karotu me bhagavatī kāñcīpurīdevatā || 10 ||
iti śrī kāmākṣī stotram |
Sanskrit — Devanagari (original)
कल्पानोकहपुष्पजालविलसन्नीलालकां मातृकां
कान्तां कञ्जदलेक्षणां कलिमलप्रध्वंसिनीं कालिकाम् ।
काञ्चीनूपुरहारदामसुभगां काञ्चीपुरीनायिकां
कामाक्षीं करिकुम्भसन्निभकुचां वन्दे महेशप्रियाम् ॥ 1 ॥
काशाभां शुकभासुरां प्रविलसत्कोशातकी सन्निभां
चन्द्रार्कानललोचनां सुरुचिरालङ्कारभूषोज्ज्वलाम् ।
ब्रह्मश्रीपतिवासवादिमुनिभिः संसेविताङ्घ्रिद्वयां
कामाक्षीं गजराजमन्दगमनां वन्दे महेशप्रियाम् ॥ 2 ॥
ऐं क्लीं सौरिति यां वदन्ति मुनयस्तत्त्वार्थरूपां परां
वाचामादिमकारणं हृदि सदा ध्यायन्ति यां योगिनः ।
बालां फालविलोचनां नवजपावर्णां सुषुम्नाश्रितां
कामाक्षीं कलितावतंससुभगां वन्दे महेशप्रियाम् ॥ 3 ॥
यत्पादाम्बुजरेणुलेशमनिशं लब्ध्वा विधत्ते विधि-
-र्विश्वं तत्परिपाति विष्णुरखिलं यस्याः प्रसादाच्चिरम् ।
रुद्रः संहरति क्षणात्तदखिलं यन्मायया मोहितः
कामाक्षीमतिचित्रचारुचरितां वन्दे महेशप्रियाम् ॥ 4 ॥
सूक्ष्मात्सूक्ष्मतरां सुलक्षिततनुं क्षान्ताक्षरैर्लक्षितां
वीक्षाशिक्षितराक्षसां त्रिभुवनक्षेमङ्करीमक्षयाम् ।
साक्षाल्लक्षणलक्षिताक्षरमयीं दाक्षायणीं साक्षिणीं
कामाक्षीं शुभलक्षणैः सुललितां वन्दे महेशप्रियाम् ॥ 5 ॥
ओङ्काराङ्गणदीपिकामुपनिषत्प्रासादपारावतीं
आम्नायाम्बुधिचन्द्रिकामघतमःप्रध्वंसहंसप्रभाम् ।
काञ्चीपट्टणपञ्जरान्तरशुकीं कारुण्यकल्लोलिनीं
कामाक्षीं शिवकामराजमहिषीं वन्दे महेशप्रियाम् ॥ 6 ॥
ह्रीङ्कारात्मकवर्णमात्रपठनादैन्द्रीं श्रियं तन्वतीं
चिन्मात्रां भुवनेश्वरीमनुदिनं भिक्षाप्रदानक्षमाम् ।
विश्वाघौघनिवारिणीं विमलिनीं विश्वम्भरां मातृकां
कामाक्षीं परिपूर्णचन्द्रवदनां वन्दे महेशप्रियाम् ॥ 7 ॥
वाग्देवीति च यां वदन्ति मुनयः क्षीराब्धिकन्येति च
क्षोणीभृत्तनयेति च श्रुतिगिरो यां आमनन्ति स्फुटम् ।
एकानेकफलप्रदां बहुविधाऽऽकारास्तनूस्तन्वतीं
कामाक्षीं सकलार्तिभञ्जनपरां वन्दे महेशप्रियाम् ॥ 8 ॥
मायामादिमकारणं त्रिजगतामाराधिताङ्घ्रिद्वयां
आनन्दामृतवारिराशिनिलयां विद्यां विपश्चिद्धियाम् ।
मायामानुषरूपिणीं मणिलसन्मध्यां महामातृकां
कामाक्षीं करिराजमन्दगमनां वन्दे महेशप्रियाम् ॥ 9 ॥
कान्ता कामदुघा करीन्द्रगमना कामारिवामाङ्कगा
कल्याणी कलितावतारसुभगा कस्तूरिकाचर्चिता
कम्पातीररसालमूलनिलया कारुण्यकल्लोलिनी
कल्याणानि करोतु मे भगवती काञ्चीपुरीदेवता ॥ 10 ॥
इति श्री कामाक्षी स्तोत्रम् ।
kalpānokahapuṣpajālavilasannīlālakāṃ mātṛkāṃ
kāntāṃ kañjadalekṣaṇāṃ kalimalapradhvaṃsinīṃ kālikām |
kāñcīnūpurahāradāmasubhagāṃ kāñcīpurīnāyikāṃ
kāmākṣīṃ karikumbhasannibhakucāṃ vande maheśapriyām || 1 ||
kāśābhāṃ śukabhāsurāṃ pravilasatkośātakī sannibhāṃ
candrārkānalalocanāṃ surucirālaṅkārabhūṣojjvalām |
brahmaśrīpativāsavādimunibhiḥ saṃsevitāṅghridvayāṃ
kāmākṣīṃ gajarājamandagamanāṃ vande maheśapriyām || 2 ||
aiṃ klīṃ sauriti yāṃ vadanti munayastattvārtharūpāṃ parāṃ
vācāmādimakāraṇaṃ hṛdi sadā dhyāyanti yāṃ yoginaḥ |
bālāṃ phālavilocanāṃ navajapāvarṇāṃ suṣumnāśritāṃ
kāmākṣīṃ kalitāvataṃsasubhagāṃ vande maheśapriyām || 3 ||
yatpādāmbujareṇuleśamaniśaṃ labdhvā vidhatte vidhi-
-rviśvaṃ tatparipāti viṣṇurakhilaṃ yasyāḥ prasādācciram |
rudraḥ saṃharati kṣaṇāttadakhilaṃ yanmāyayā mohitaḥ
kāmākṣīmaticitracārucaritāṃ vande maheśapriyām || 4 ||
sūkṣmātsūkṣmatarāṃ sulakṣitatanuṃ kṣāntākṣarairlakṣitāṃ
vīkṣāśikṣitarākṣasāṃ tribhuvanakṣemaṅkarīmakṣayām |
sākṣāllakṣaṇalakṣitākṣaramayīṃ dākṣāyaṇīṃ sākṣiṇīṃ
kāmākṣīṃ śubhalakṣaṇaiḥ sulalitāṃ vande maheśapriyām || 5 ||
oṅkārāṅgaṇadīpikāmupaniṣatprāsādapārāvatīṃ
āmnāyāmbudhicandrikāmaghatamaḥpradhvaṃsahaṃsaprabhām |
kāñcīpaṭṭaṇapañjarāntaraśukīṃ kāruṇyakallolinīṃ
kāmākṣīṃ śivakāmarājamahiṣīṃ vande maheśapriyām || 6 ||
hrīṅkārātmakavarṇamātrapaṭhanādaindrīṃ śriyaṃ tanvatīṃ
cinmātrāṃ bhuvaneśvarīmanudinaṃ bhikṣāpradānakṣamām |
viśvāghaughanivāriṇīṃ vimalinīṃ viśvambharāṃ mātṛkāṃ
kāmākṣīṃ paripūrṇacandravadanāṃ vande maheśapriyām || 7 ||
vāgdevīti ca yāṃ vadanti munayaḥ kṣīrābdhikanyeti ca
kṣoṇībhṛttanayeti ca śrutigiro yāṃ āmananti sphuṭam |
ekānekaphalapradāṃ bahuvidhā''kārāstanūstanvatīṃ
kāmākṣīṃ sakalārtibhañjanaparāṃ vande maheśapriyām || 8 ||
māyāmādimakāraṇaṃ trijagatāmārādhitāṅghridvayāṃ
ānandāmṛtavārirāśinilayāṃ vidyāṃ vipaściddhiyām |
māyāmānuṣarūpiṇīṃ maṇilasanmadhyāṃ mahāmātṛkāṃ
kāmākṣīṃ karirājamandagamanāṃ vande maheśapriyām || 9 ||
kāntā kāmadughā karīndragamanā kāmārivāmāṅkagā
kalyāṇī kalitāvatārasubhagā kastūrikācarcitā
kampātīrarasālamūlanilayā kāruṇyakallolinī
kalyāṇāni karotu me bhagavatī kāñcīpurīdevatā || 10 ||
iti śrī kāmākṣī stotram |
🕉️ This is the original Sanskrit rendered in Gujarati script.
Pronunciation is identical to the Sanskrit Devanagari version.