𑌕𑌲𑍍𑌪𑌾𑌨𑍋𑌕𑌹𑌪𑍁𑌷𑍍𑌪𑌜𑌾𑌲𑌵𑌿𑌲𑌸𑌨𑍍𑌨𑍀𑌲𑌾𑌲𑌕𑌾𑌂 𑌮𑌾𑌤𑍃𑌕𑌾𑌂
𑌕𑌾𑌨𑍍𑌤𑌾𑌂 𑌕𑌞𑍍𑌜𑌦𑌲𑍇𑌕𑍍𑌷𑌣𑌾𑌂 𑌕𑌲𑌿𑌮𑌲𑌪𑍍𑌰𑌧𑍍𑌵𑌂𑌸𑌿𑌨𑍀𑌂 𑌕𑌾𑌲𑌿𑌕𑌾𑌮𑍍 ।
𑌕𑌾𑌞𑍍𑌚𑍀𑌨𑍂𑌪𑍁𑌰𑌹𑌾𑌰𑌦𑌾𑌮𑌸𑍁𑌭𑌗𑌾𑌂 𑌕𑌾𑌞𑍍𑌚𑍀𑌪𑍁𑌰𑍀𑌨𑌾𑌯𑌿𑌕𑌾𑌂
𑌕𑌾𑌮𑌾𑌕𑍍𑌷𑍀𑌂 𑌕𑌰𑌿𑌕𑍁𑌮𑍍𑌭𑌸𑌨𑍍𑌨𑌿𑌭𑌕𑍁𑌚𑌾𑌂 𑌵𑌨𑍍𑌦𑍇 𑌮𑌹𑍇𑌶𑌪𑍍𑌰𑌿𑌯𑌾𑌮𑍍 ॥ 1 ॥
𑌕𑌾𑌶𑌾𑌭𑌾𑌂 𑌶𑍁𑌕𑌭𑌾𑌸𑍁𑌰𑌾𑌂 𑌪𑍍𑌰𑌵𑌿𑌲𑌸𑌤𑍍𑌕𑍋𑌶𑌾𑌤𑌕𑍀 𑌸𑌨𑍍𑌨𑌿𑌭𑌾𑌂
𑌚𑌨𑍍𑌦𑍍𑌰𑌾𑌰𑍍𑌕𑌾𑌨𑌲𑌲𑍋𑌚𑌨𑌾𑌂 𑌸𑍁𑌰𑍁𑌚𑌿𑌰𑌾𑌲𑌙𑍍𑌕𑌾𑌰𑌭𑍂𑌷𑍋𑌜𑍍𑌜𑍍𑌵𑌲𑌾𑌮𑍍 ।
𑌬𑍍𑌰𑌹𑍍𑌮𑌶𑍍𑌰𑍀𑌪𑌤𑌿𑌵𑌾𑌸𑌵𑌾𑌦𑌿𑌮𑍁𑌨𑌿𑌭𑌿𑌃 𑌸𑌂𑌸𑍇𑌵𑌿𑌤𑌾𑌙𑍍𑌘𑍍𑌰𑌿𑌦𑍍𑌵𑌯𑌾𑌂
𑌕𑌾𑌮𑌾𑌕𑍍𑌷𑍀𑌂 𑌗𑌜𑌰𑌾𑌜𑌮𑌨𑍍𑌦𑌗𑌮𑌨𑌾𑌂 𑌵𑌨𑍍𑌦𑍇 𑌮𑌹𑍇𑌶𑌪𑍍𑌰𑌿𑌯𑌾𑌮𑍍 ॥ 2 ॥
𑌐𑌂 𑌕𑍍𑌲𑍀𑌂 𑌸𑍗𑌰𑌿𑌤𑌿 𑌯𑌾𑌂 𑌵𑌦𑌨𑍍𑌤𑌿 𑌮𑍁𑌨𑌯𑌸𑍍𑌤𑌤𑍍𑌤𑍍𑌵𑌾𑌰𑍍𑌥𑌰𑍂𑌪𑌾𑌂 𑌪𑌰𑌾𑌂
𑌵𑌾𑌚𑌾𑌮𑌾𑌦𑌿𑌮𑌕𑌾𑌰𑌣𑌂 𑌹𑍃𑌦𑌿 𑌸𑌦𑌾 𑌧𑍍𑌯𑌾𑌯𑌨𑍍𑌤𑌿 𑌯𑌾𑌂 𑌯𑍋𑌗𑌿𑌨𑌃 ।
𑌬𑌾𑌲𑌾𑌂 𑌫𑌾𑌲𑌵𑌿𑌲𑍋𑌚𑌨𑌾𑌂 𑌨𑌵𑌜𑌪𑌾𑌵𑌰𑍍𑌣𑌾𑌂 𑌸𑍁𑌷𑍁𑌮𑍍𑌨𑌾𑌶𑍍𑌰𑌿𑌤𑌾𑌂
𑌕𑌾𑌮𑌾𑌕𑍍𑌷𑍀𑌂 𑌕𑌲𑌿𑌤𑌾𑌵𑌤𑌂𑌸𑌸𑍁𑌭𑌗𑌾𑌂 𑌵𑌨𑍍𑌦𑍇 𑌮𑌹𑍇𑌶𑌪𑍍𑌰𑌿𑌯𑌾𑌮𑍍 ॥ 3 ॥
𑌯𑌤𑍍𑌪𑌾𑌦𑌾𑌮𑍍𑌬𑍁𑌜𑌰𑍇𑌣𑍁𑌲𑍇𑌶𑌮𑌨𑌿𑌶𑌂 𑌲𑌬𑍍𑌧𑍍𑌵𑌾 𑌵𑌿𑌧𑌤𑍍𑌤𑍇 𑌵𑌿𑌧𑌿-
-𑌰𑍍𑌵𑌿𑌶𑍍𑌵𑌂 𑌤𑌤𑍍𑌪𑌰𑌿𑌪𑌾𑌤𑌿 𑌵𑌿𑌷𑍍𑌣𑍁𑌰𑌖𑌿𑌲𑌂 𑌯𑌸𑍍𑌯𑌾𑌃 𑌪𑍍𑌰𑌸𑌾𑌦𑌾𑌚𑍍𑌚𑌿𑌰𑌮𑍍 ।
𑌰𑍁𑌦𑍍𑌰𑌃 𑌸𑌂𑌹𑌰𑌤𑌿 𑌕𑍍𑌷𑌣𑌾𑌤𑍍𑌤𑌦𑌖𑌿𑌲𑌂 𑌯𑌨𑍍𑌮𑌾𑌯𑌯𑌾 𑌮𑍋𑌹𑌿𑌤𑌃
𑌕𑌾𑌮𑌾𑌕𑍍𑌷𑍀𑌮𑌤𑌿𑌚𑌿𑌤𑍍𑌰𑌚𑌾𑌰𑍁𑌚𑌰𑌿𑌤𑌾𑌂 𑌵𑌨𑍍𑌦𑍇 𑌮𑌹𑍇𑌶𑌪𑍍𑌰𑌿𑌯𑌾𑌮𑍍 ॥ 4 ॥
𑌸𑍂𑌕𑍍𑌷𑍍𑌮𑌾𑌤𑍍𑌸𑍂𑌕𑍍𑌷𑍍𑌮𑌤𑌰𑌾𑌂 𑌸𑍁𑌲𑌕𑍍𑌷𑌿𑌤𑌤𑌨𑍁𑌂 𑌕𑍍𑌷𑌾𑌨𑍍𑌤𑌾𑌕𑍍𑌷𑌰𑍈𑌰𑍍𑌲𑌕𑍍𑌷𑌿𑌤𑌾𑌂
𑌵𑍀𑌕𑍍𑌷𑌾𑌶𑌿𑌕𑍍𑌷𑌿𑌤𑌰𑌾𑌕𑍍𑌷𑌸𑌾𑌂 𑌤𑍍𑌰𑌿𑌭𑍁𑌵𑌨𑌕𑍍𑌷𑍇𑌮𑌙𑍍𑌕𑌰𑍀𑌮𑌕𑍍𑌷𑌯𑌾𑌮𑍍 ।
𑌸𑌾𑌕𑍍𑌷𑌾𑌲𑍍𑌲𑌕𑍍𑌷𑌣𑌲𑌕𑍍𑌷𑌿𑌤𑌾𑌕𑍍𑌷𑌰𑌮𑌯𑍀𑌂 𑌦𑌾𑌕𑍍𑌷𑌾𑌯𑌣𑍀𑌂 𑌸𑌾𑌕𑍍𑌷𑌿𑌣𑍀𑌂
𑌕𑌾𑌮𑌾𑌕𑍍𑌷𑍀𑌂 𑌶𑍁𑌭𑌲𑌕𑍍𑌷𑌣𑍈𑌃 𑌸𑍁𑌲𑌲𑌿𑌤𑌾𑌂 𑌵𑌨𑍍𑌦𑍇 𑌮𑌹𑍇𑌶𑌪𑍍𑌰𑌿𑌯𑌾𑌮𑍍 ॥ 5 ॥
𑌓𑌙𑍍𑌕𑌾𑌰𑌾𑌙𑍍𑌗𑌣𑌦𑍀𑌪𑌿𑌕𑌾𑌮𑍁𑌪𑌨𑌿𑌷𑌤𑍍𑌪𑍍𑌰𑌾𑌸𑌾𑌦𑌪𑌾𑌰𑌾𑌵𑌤𑍀𑌂
𑌆𑌮𑍍𑌨𑌾𑌯𑌾𑌮𑍍𑌬𑍁𑌧𑌿𑌚𑌨𑍍𑌦𑍍𑌰𑌿𑌕𑌾𑌮𑌘𑌤𑌮𑌃𑌪𑍍𑌰𑌧𑍍𑌵𑌂𑌸𑌹𑌂𑌸𑌪𑍍𑌰𑌭𑌾𑌮𑍍 ।
𑌕𑌾𑌞𑍍𑌚𑍀𑌪𑌟𑍍𑌟𑌣𑌪𑌞𑍍𑌜𑌰𑌾𑌨𑍍𑌤𑌰𑌶𑍁𑌕𑍀𑌂 𑌕𑌾𑌰𑍁𑌣𑍍𑌯𑌕𑌲𑍍𑌲𑍋𑌲𑌿𑌨𑍀𑌂
𑌕𑌾𑌮𑌾𑌕𑍍𑌷𑍀𑌂 𑌶𑌿𑌵𑌕𑌾𑌮𑌰𑌾𑌜𑌮𑌹𑌿𑌷𑍀𑌂 𑌵𑌨𑍍𑌦𑍇 𑌮𑌹𑍇𑌶𑌪𑍍𑌰𑌿𑌯𑌾𑌮𑍍 ॥ 6 ॥
𑌹𑍍𑌰𑍀𑌙𑍍𑌕𑌾𑌰𑌾𑌤𑍍𑌮𑌕𑌵𑌰𑍍𑌣𑌮𑌾𑌤𑍍𑌰𑌪𑌠𑌨𑌾𑌦𑍈𑌨𑍍𑌦𑍍𑌰𑍀𑌂 𑌶𑍍𑌰𑌿𑌯𑌂 𑌤𑌨𑍍𑌵𑌤𑍀𑌂
𑌚𑌿𑌨𑍍𑌮𑌾𑌤𑍍𑌰𑌾𑌂 𑌭𑍁𑌵𑌨𑍇𑌶𑍍𑌵𑌰𑍀𑌮𑌨𑍁𑌦𑌿𑌨𑌂 𑌭𑌿𑌕𑍍𑌷𑌾𑌪𑍍𑌰𑌦𑌾𑌨𑌕𑍍𑌷𑌮𑌾𑌮𑍍 ।
𑌵𑌿𑌶𑍍𑌵𑌾𑌘𑍗𑌘𑌨𑌿𑌵𑌾𑌰𑌿𑌣𑍀𑌂 𑌵𑌿𑌮𑌲𑌿𑌨𑍀𑌂 𑌵𑌿𑌶𑍍𑌵𑌮𑍍𑌭𑌰𑌾𑌂 𑌮𑌾𑌤𑍃𑌕𑌾𑌂
𑌕𑌾𑌮𑌾𑌕𑍍𑌷𑍀𑌂 𑌪𑌰𑌿𑌪𑍂𑌰𑍍𑌣𑌚𑌨𑍍𑌦𑍍𑌰𑌵𑌦𑌨𑌾𑌂 𑌵𑌨𑍍𑌦𑍇 𑌮𑌹𑍇𑌶𑌪𑍍𑌰𑌿𑌯𑌾𑌮𑍍 ॥ 7 ॥
𑌵𑌾𑌗𑍍𑌦𑍇𑌵𑍀𑌤𑌿 𑌚 𑌯𑌾𑌂 𑌵𑌦𑌨𑍍𑌤𑌿 𑌮𑍁𑌨𑌯𑌃 𑌕𑍍𑌷𑍀𑌰𑌾𑌬𑍍𑌧𑌿𑌕𑌨𑍍𑌯𑍇𑌤𑌿 𑌚
𑌕𑍍𑌷𑍋𑌣𑍀𑌭𑍃𑌤𑍍𑌤𑌨𑌯𑍇𑌤𑌿 𑌚 𑌶𑍍𑌰𑍁𑌤𑌿𑌗𑌿𑌰𑍋 𑌯𑌾𑌂 𑌆𑌮𑌨𑌨𑍍𑌤𑌿 𑌸𑍍𑌫𑍁𑌟𑌮𑍍 ।
𑌏𑌕𑌾𑌨𑍇𑌕𑌫𑌲𑌪𑍍𑌰𑌦𑌾𑌂 𑌬𑌹𑍁𑌵𑌿𑌧𑌾𑌽𑌽𑌕𑌾𑌰𑌾𑌸𑍍𑌤𑌨𑍂𑌸𑍍𑌤𑌨𑍍𑌵𑌤𑍀𑌂
𑌕𑌾𑌮𑌾𑌕𑍍𑌷𑍀𑌂 𑌸𑌕𑌲𑌾𑌰𑍍𑌤𑌿𑌭𑌞𑍍𑌜𑌨𑌪𑌰𑌾𑌂 𑌵𑌨𑍍𑌦𑍇 𑌮𑌹𑍇𑌶𑌪𑍍𑌰𑌿𑌯𑌾𑌮𑍍 ॥ 8 ॥
𑌮𑌾𑌯𑌾𑌮𑌾𑌦𑌿𑌮𑌕𑌾𑌰𑌣𑌂 𑌤𑍍𑌰𑌿𑌜𑌗𑌤𑌾𑌮𑌾𑌰𑌾𑌧𑌿𑌤𑌾𑌙𑍍𑌘𑍍𑌰𑌿𑌦𑍍𑌵𑌯𑌾𑌂
𑌆𑌨𑌨𑍍𑌦𑌾𑌮𑍃𑌤𑌵𑌾𑌰𑌿𑌰𑌾𑌶𑌿𑌨𑌿𑌲𑌯𑌾𑌂 𑌵𑌿𑌦𑍍𑌯𑌾𑌂 𑌵𑌿𑌪𑌶𑍍𑌚𑌿𑌦𑍍𑌧𑌿𑌯𑌾𑌮𑍍 ।
𑌮𑌾𑌯𑌾𑌮𑌾𑌨𑍁𑌷𑌰𑍂𑌪𑌿𑌣𑍀𑌂 𑌮𑌣𑌿𑌲𑌸𑌨𑍍𑌮𑌧𑍍𑌯𑌾𑌂 𑌮𑌹𑌾𑌮𑌾𑌤𑍃𑌕𑌾𑌂
𑌕𑌾𑌮𑌾𑌕𑍍𑌷𑍀𑌂 𑌕𑌰𑌿𑌰𑌾𑌜𑌮𑌨𑍍𑌦𑌗𑌮𑌨𑌾𑌂 𑌵𑌨𑍍𑌦𑍇 𑌮𑌹𑍇𑌶𑌪𑍍𑌰𑌿𑌯𑌾𑌮𑍍 ॥ 9 ॥
𑌕𑌾𑌨𑍍𑌤𑌾 𑌕𑌾𑌮𑌦𑍁𑌘𑌾 𑌕𑌰𑍀𑌨𑍍𑌦𑍍𑌰𑌗𑌮𑌨𑌾 𑌕𑌾𑌮𑌾𑌰𑌿𑌵𑌾𑌮𑌾𑌙𑍍𑌕𑌗𑌾
𑌕𑌲𑍍𑌯𑌾𑌣𑍀 𑌕𑌲𑌿𑌤𑌾𑌵𑌤𑌾𑌰𑌸𑍁𑌭𑌗𑌾 𑌕𑌸𑍍𑌤𑍂𑌰𑌿𑌕𑌾𑌚𑌰𑍍𑌚𑌿𑌤𑌾
𑌕𑌮𑍍𑌪𑌾𑌤𑍀𑌰𑌰𑌸𑌾𑌲𑌮𑍂𑌲𑌨𑌿𑌲𑌯𑌾 𑌕𑌾𑌰𑍁𑌣𑍍𑌯𑌕𑌲𑍍𑌲𑍋𑌲𑌿𑌨𑍀
𑌕𑌲𑍍𑌯𑌾𑌣𑌾𑌨𑌿 𑌕𑌰𑍋𑌤𑍁 𑌮𑍇 𑌭𑌗𑌵𑌤𑍀 𑌕𑌾𑌞𑍍𑌚𑍀𑌪𑍁𑌰𑍀𑌦𑍇𑌵𑌤𑌾 ॥ 10 ॥
𑌇𑌤𑌿 𑌶𑍍𑌰𑍀 𑌕𑌾𑌮𑌾𑌕𑍍𑌷𑍀 𑌸𑍍𑌤𑍋𑌤𑍍𑌰𑌮𑍍 ।
Roman (IAST) Transliteration
kalpānokahapuṣpajālavilasannīlālakāṃ mātṛkāṃ
kāntāṃ kañjadalekṣaṇāṃ kalimalapradhvaṃsinīṃ kālikām |
kāñcīnūpurahāradāmasubhagāṃ kāñcīpurīnāyikāṃ
kāmākṣīṃ karikumbhasannibhakucāṃ vande maheśapriyām || 1 ||
kāśābhāṃ śukabhāsurāṃ pravilasatkośātakī sannibhāṃ
candrārkānalalocanāṃ surucirālaṅkārabhūṣojjvalām |
brahmaśrīpativāsavādimunibhiḥ saṃsevitāṅghridvayāṃ
kāmākṣīṃ gajarājamandagamanāṃ vande maheśapriyām || 2 ||
aiṃ klīṃ sauriti yāṃ vadanti munayastattvārtharūpāṃ parāṃ
vācāmādimakāraṇaṃ hṛdi sadā dhyāyanti yāṃ yoginaḥ |
bālāṃ phālavilocanāṃ navajapāvarṇāṃ suṣumnāśritāṃ
kāmākṣīṃ kalitāvataṃsasubhagāṃ vande maheśapriyām || 3 ||
yatpādāmbujareṇuleśamaniśaṃ labdhvā vidhatte vidhi-
-rviśvaṃ tatparipāti viṣṇurakhilaṃ yasyāḥ prasādācciram |
rudraḥ saṃharati kṣaṇāttadakhilaṃ yanmāyayā mohitaḥ
kāmākṣīmaticitracārucaritāṃ vande maheśapriyām || 4 ||
sūkṣmātsūkṣmatarāṃ sulakṣitatanuṃ kṣāntākṣarairlakṣitāṃ
vīkṣāśikṣitarākṣasāṃ tribhuvanakṣemaṅkarīmakṣayām |
sākṣāllakṣaṇalakṣitākṣaramayīṃ dākṣāyaṇīṃ sākṣiṇīṃ
kāmākṣīṃ śubhalakṣaṇaiḥ sulalitāṃ vande maheśapriyām || 5 ||
oṅkārāṅgaṇadīpikāmupaniṣatprāsādapārāvatīṃ
āmnāyāmbudhicandrikāmaghatamaḥpradhvaṃsahaṃsaprabhām |
kāñcīpaṭṭaṇapañjarāntaraśukīṃ kāruṇyakallolinīṃ
kāmākṣīṃ śivakāmarājamahiṣīṃ vande maheśapriyām || 6 ||
hrīṅkārātmakavarṇamātrapaṭhanādaindrīṃ śriyaṃ tanvatīṃ
cinmātrāṃ bhuvaneśvarīmanudinaṃ bhikṣāpradānakṣamām |
viśvāghaughanivāriṇīṃ vimalinīṃ viśvambharāṃ mātṛkāṃ
kāmākṣīṃ paripūrṇacandravadanāṃ vande maheśapriyām || 7 ||
vāgdevīti ca yāṃ vadanti munayaḥ kṣīrābdhikanyeti ca
kṣoṇībhṛttanayeti ca śrutigiro yāṃ āmananti sphuṭam |
ekānekaphalapradāṃ bahuvidhā''kārāstanūstanvatīṃ
kāmākṣīṃ sakalārtibhañjanaparāṃ vande maheśapriyām || 8 ||
māyāmādimakāraṇaṃ trijagatāmārādhitāṅghridvayāṃ
ānandāmṛtavārirāśinilayāṃ vidyāṃ vipaściddhiyām |
māyāmānuṣarūpiṇīṃ maṇilasanmadhyāṃ mahāmātṛkāṃ
kāmākṣīṃ karirājamandagamanāṃ vande maheśapriyām || 9 ||
kāntā kāmadughā karīndragamanā kāmārivāmāṅkagā
kalyāṇī kalitāvatārasubhagā kastūrikācarcitā
kampātīrarasālamūlanilayā kāruṇyakallolinī
kalyāṇāni karotu me bhagavatī kāñcīpurīdevatā || 10 ||
iti śrī kāmākṣī stotram |
Sanskrit — Devanagari (original)
कल्पानोकहपुष्पजालविलसन्नीलालकां मातृकां
कान्तां कञ्जदलेक्षणां कलिमलप्रध्वंसिनीं कालिकाम् ।
काञ्चीनूपुरहारदामसुभगां काञ्चीपुरीनायिकां
कामाक्षीं करिकुम्भसन्निभकुचां वन्दे महेशप्रियाम् ॥ 1 ॥
काशाभां शुकभासुरां प्रविलसत्कोशातकी सन्निभां
चन्द्रार्कानललोचनां सुरुचिरालङ्कारभूषोज्ज्वलाम् ।
ब्रह्मश्रीपतिवासवादिमुनिभिः संसेविताङ्घ्रिद्वयां
कामाक्षीं गजराजमन्दगमनां वन्दे महेशप्रियाम् ॥ 2 ॥
ऐं क्लीं सौरिति यां वदन्ति मुनयस्तत्त्वार्थरूपां परां
वाचामादिमकारणं हृदि सदा ध्यायन्ति यां योगिनः ।
बालां फालविलोचनां नवजपावर्णां सुषुम्नाश्रितां
कामाक्षीं कलितावतंससुभगां वन्दे महेशप्रियाम् ॥ 3 ॥
यत्पादाम्बुजरेणुलेशमनिशं लब्ध्वा विधत्ते विधि-
-र्विश्वं तत्परिपाति विष्णुरखिलं यस्याः प्रसादाच्चिरम् ।
रुद्रः संहरति क्षणात्तदखिलं यन्मायया मोहितः
कामाक्षीमतिचित्रचारुचरितां वन्दे महेशप्रियाम् ॥ 4 ॥
सूक्ष्मात्सूक्ष्मतरां सुलक्षिततनुं क्षान्ताक्षरैर्लक्षितां
वीक्षाशिक्षितराक्षसां त्रिभुवनक्षेमङ्करीमक्षयाम् ।
साक्षाल्लक्षणलक्षिताक्षरमयीं दाक्षायणीं साक्षिणीं
कामाक्षीं शुभलक्षणैः सुललितां वन्दे महेशप्रियाम् ॥ 5 ॥
ओङ्काराङ्गणदीपिकामुपनिषत्प्रासादपारावतीं
आम्नायाम्बुधिचन्द्रिकामघतमःप्रध्वंसहंसप्रभाम् ।
काञ्चीपट्टणपञ्जरान्तरशुकीं कारुण्यकल्लोलिनीं
कामाक्षीं शिवकामराजमहिषीं वन्दे महेशप्रियाम् ॥ 6 ॥
ह्रीङ्कारात्मकवर्णमात्रपठनादैन्द्रीं श्रियं तन्वतीं
चिन्मात्रां भुवनेश्वरीमनुदिनं भिक्षाप्रदानक्षमाम् ।
विश्वाघौघनिवारिणीं विमलिनीं विश्वम्भरां मातृकां
कामाक्षीं परिपूर्णचन्द्रवदनां वन्दे महेशप्रियाम् ॥ 7 ॥
वाग्देवीति च यां वदन्ति मुनयः क्षीराब्धिकन्येति च
क्षोणीभृत्तनयेति च श्रुतिगिरो यां आमनन्ति स्फुटम् ।
एकानेकफलप्रदां बहुविधाऽऽकारास्तनूस्तन्वतीं
कामाक्षीं सकलार्तिभञ्जनपरां वन्दे महेशप्रियाम् ॥ 8 ॥
मायामादिमकारणं त्रिजगतामाराधिताङ्घ्रिद्वयां
आनन्दामृतवारिराशिनिलयां विद्यां विपश्चिद्धियाम् ।
मायामानुषरूपिणीं मणिलसन्मध्यां महामातृकां
कामाक्षीं करिराजमन्दगमनां वन्दे महेशप्रियाम् ॥ 9 ॥
कान्ता कामदुघा करीन्द्रगमना कामारिवामाङ्कगा
कल्याणी कलितावतारसुभगा कस्तूरिकाचर्चिता
कम्पातीररसालमूलनिलया कारुण्यकल्लोलिनी
कल्याणानि करोतु मे भगवती काञ्चीपुरीदेवता ॥ 10 ॥
इति श्री कामाक्षी स्तोत्रम् ।
kalpānokahapuṣpajālavilasannīlālakāṃ mātṛkāṃ
kāntāṃ kañjadalekṣaṇāṃ kalimalapradhvaṃsinīṃ kālikām |
kāñcīnūpurahāradāmasubhagāṃ kāñcīpurīnāyikāṃ
kāmākṣīṃ karikumbhasannibhakucāṃ vande maheśapriyām || 1 ||
kāśābhāṃ śukabhāsurāṃ pravilasatkośātakī sannibhāṃ
candrārkānalalocanāṃ surucirālaṅkārabhūṣojjvalām |
brahmaśrīpativāsavādimunibhiḥ saṃsevitāṅghridvayāṃ
kāmākṣīṃ gajarājamandagamanāṃ vande maheśapriyām || 2 ||
aiṃ klīṃ sauriti yāṃ vadanti munayastattvārtharūpāṃ parāṃ
vācāmādimakāraṇaṃ hṛdi sadā dhyāyanti yāṃ yoginaḥ |
bālāṃ phālavilocanāṃ navajapāvarṇāṃ suṣumnāśritāṃ
kāmākṣīṃ kalitāvataṃsasubhagāṃ vande maheśapriyām || 3 ||
yatpādāmbujareṇuleśamaniśaṃ labdhvā vidhatte vidhi-
-rviśvaṃ tatparipāti viṣṇurakhilaṃ yasyāḥ prasādācciram |
rudraḥ saṃharati kṣaṇāttadakhilaṃ yanmāyayā mohitaḥ
kāmākṣīmaticitracārucaritāṃ vande maheśapriyām || 4 ||
sūkṣmātsūkṣmatarāṃ sulakṣitatanuṃ kṣāntākṣarairlakṣitāṃ
vīkṣāśikṣitarākṣasāṃ tribhuvanakṣemaṅkarīmakṣayām |
sākṣāllakṣaṇalakṣitākṣaramayīṃ dākṣāyaṇīṃ sākṣiṇīṃ
kāmākṣīṃ śubhalakṣaṇaiḥ sulalitāṃ vande maheśapriyām || 5 ||
oṅkārāṅgaṇadīpikāmupaniṣatprāsādapārāvatīṃ
āmnāyāmbudhicandrikāmaghatamaḥpradhvaṃsahaṃsaprabhām |
kāñcīpaṭṭaṇapañjarāntaraśukīṃ kāruṇyakallolinīṃ
kāmākṣīṃ śivakāmarājamahiṣīṃ vande maheśapriyām || 6 ||
hrīṅkārātmakavarṇamātrapaṭhanādaindrīṃ śriyaṃ tanvatīṃ
cinmātrāṃ bhuvaneśvarīmanudinaṃ bhikṣāpradānakṣamām |
viśvāghaughanivāriṇīṃ vimalinīṃ viśvambharāṃ mātṛkāṃ
kāmākṣīṃ paripūrṇacandravadanāṃ vande maheśapriyām || 7 ||
vāgdevīti ca yāṃ vadanti munayaḥ kṣīrābdhikanyeti ca
kṣoṇībhṛttanayeti ca śrutigiro yāṃ āmananti sphuṭam |
ekānekaphalapradāṃ bahuvidhā''kārāstanūstanvatīṃ
kāmākṣīṃ sakalārtibhañjanaparāṃ vande maheśapriyām || 8 ||
māyāmādimakāraṇaṃ trijagatāmārādhitāṅghridvayāṃ
ānandāmṛtavārirāśinilayāṃ vidyāṃ vipaściddhiyām |
māyāmānuṣarūpiṇīṃ maṇilasanmadhyāṃ mahāmātṛkāṃ
kāmākṣīṃ karirājamandagamanāṃ vande maheśapriyām || 9 ||
kāntā kāmadughā karīndragamanā kāmārivāmāṅkagā
kalyāṇī kalitāvatārasubhagā kastūrikācarcitā
kampātīrarasālamūlanilayā kāruṇyakallolinī
kalyāṇāni karotu me bhagavatī kāñcīpurīdevatā || 10 ||
iti śrī kāmākṣī stotram |
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.