Shri Bagalamukhi Stotram - 2 — Oriya Script

Meaning —

ଅସ୍ଯ ଶ୍ରୀବଗଲାମୁଖୀମହାମନ୍ତ୍ରସ୍ଯ
ନାରଦୋ ଭଗଵାନ୍ ଋଷିଃ
ଅତିଜଗତୀଛନ୍ଦଃ
ଶ୍ରୀ ବଗଲାମୁଖୀ ଦେଵତା
ଲାଂ ବୀଜଂ ଇଂ ଶକ୍ତିଃ
ଲଂ କୀଲକଂ-ମମ ଦୂରସ୍ଥାନାଂ ସମୀପସ୍ଥାନାଂ ଗତି ମତି ଵାକ୍ତ୍ସମ୍ଭନାର୍ଥେ ଜପେ ଵିନିଯୋଗଃ
ଓଁ ହ୍ରୀଂ ଅଙ୍ଗୁଷ୍ଠାଭ୍ଯାଂ ନମଃ
ବଗଲାମୁଖୀ ତର୍ଜନୀଭ୍ଯାଂ ନମଃ
ସର୍ଵଦୁଷ୍ଟାନାଂ ମଧ୍ଯମାଭ୍ଯାଂ ନମଃ
ଵାଚଂ ମୁଖଂ ପଦଂ ସ୍ତମ୍ଭଯ ଅନାମିକାଭ୍ଯାଂ ନମଃ
ଜିହ୍ଵାଂ କୀଲଯ ବୁଦ୍ଧିଂ ଵିନାଶଯ କନିଷ୍ଠିକାଭ୍ଯାଂ ନମଃ
ହ୍ରୀଂ ଓଁ ସ୍ଵାହା କରତଲକରପୃଷ୍ଟାଭ୍ଯାଂ ନମଃ
ଓଁ ହ୍ରୀଂ ହୃଦଯାଯ ନମଃ
ବଗଲାମୁଖୀ ଶିରସେ ସ୍ଵାହା
ସର୍ଵଦୁଷ୍ଟାନାଂ ଶିଖାଯୈ ଵଷତ୍
ଵାଚଂ ମୁଖଂ ପଦଂ ସ୍ତମ୍ଭଯ କଵଚା ହୁଂ
ଜିହ୍ଵାଂ କୀଲଯ ବୁଦ୍ଧିଂ ଵିନାଶଯ ନେତ୍ରତ୍ରଯାଯ ଵୌଷଟ୍
ହ୍ରୀଂ ଓଁ ସ୍ଵାହା ଅସ୍ତ୍ରାଯ ଫଟ୍
ଭୂର୍ଭୁଵସ୍ସୁଵରୋମିତି ଦିଗ୍ବନ୍ଧଃ ।
ଧ୍ଯାନମ୍ ।
ପୀତାମ୍ବରାଂ ତ୍ରିଣେତ୍ରାଂ ଚ ଦ୍ଵିଭୁଜାଂ ଦହନୋଜ୍ଵଲାମ୍ ।
ଶିଲାପର୍ଵତହସ୍ତାଂ ଚ ରିପୁକମ୍ପାଂ ମହୋତ୍କଟାମ୍ ॥ 1 ॥

asya śrībagalāmukhīmahāmantrasya
nārado bhagavān ṛṣiḥ
atijagatīchandaḥ
śrī bagalāmukhī devatā
lāṃ bījaṃ iṃ śaktiḥ
laṃ kīlakaṃ-mama dūrasthānāṃ samīpasthānāṃ gati mati vāktsambhanārthe jape viniyogaḥ
oṃ hrīṃ aṅguṣṭhābhyāṃ namaḥ
bagalāmukhī tarjanībhyāṃ namaḥ
sarvaduṣṭānāṃ madhyamābhyāṃ namaḥ
vācaṃ mukhaṃ padaṃ stambhaya anāmikābhyāṃ namaḥ
jihvāṃ kīlaya buddhiṃ vināśaya kaniṣṭhikābhyāṃ namaḥ
hrīṃ oṃ svāhā karatalakarapṛṣṭābhyāṃ namaḥ
oṃ hrīṃ hṛdayāya namaḥ
bagalāmukhī śirase svāhā
sarvaduṣṭānāṃ śikhāyai vaṣat
vācaṃ mukhaṃ padaṃ stambhaya kavacā huṃ
jihvāṃ kīlaya buddhiṃ vināśaya netratrayāya vauṣaṭ
hrīṃ oṃ svāhā astrāya phaṭ
bhūrbhuvassuvaromiti digbandhaḥ |
dhyānam |
pītāmbarāṃ triṇetrāṃ ca dvibhujāṃ dahanojvalām |
śilāparvatahastāṃ ca ripukampāṃ mahotkaṭām || 1 ||

Verse 2

ଗମ୍ଭୀରାଂ ଚ ମଦୋନ୍ମତ୍ତାଂ ସ୍ଵର୍ଣକାନ୍ତିସମପ୍ରଭାମ୍ ।
ଵୈରିନିର୍ଦଲନାର୍ଥାଯ ସ୍ମରେତ୍ତାଂ ବଗଲାମୁଖୀମ୍ ॥ 2 ॥

gambhīrāṃ ca madonmattāṃ svarṇakāntisamaprabhām |
vairinirdalanārthāya smarettāṃ bagalāmukhīm || 2 ||

Verse 3

ଚତୁର୍ଭୁଜାଂ ତ୍ରିଣଯନାଂ କମଲାସନସଂସ୍ଥିତାମ୍ ।
ଦକ୍ଷିଣେ ମୁଦ୍ଗରଂ ପାଶଂ ଵାମେ ଜିହ୍ଵାଂ ଚ ଵଜ୍ରକମ୍ ॥ 3 ॥

caturbhujāṃ triṇayanāṃ kamalāsanasaṃsthitām |
dakṣiṇe mudgaraṃ pāśaṃ vāme jihvāṃ ca vajrakam || 3 ||

Verse 4

ପୀତାମ୍ବରଧରାଂ ସାନ୍ଦ୍ରାଂ ଦୃଢପୀନଯୋଧରାମ୍ ।
ଵୈରିଵାକ୍ତ୍ସମ୍ଭିନୀଂ ଦେଵୀଂ ସ୍ମରାମି ବଗଲାମୁଖୀମ୍ ॥ 4 ॥

pītāmbaradharāṃ sāndrāṃ dṛḍhapīnayodharām |
vairivāktsambhinīṃ devīṃ smarāmi bagalāmukhīm || 4 ||

Verse 5

ହେମକୁଣ୍ଡଲଭୂଷାଙ୍ଗୀଂ ଶୀତଚନ୍ଦ୍ରାର୍ଧଶେଖରୀମ୍ ।
ପୀତଭୂଷଣଭୂଷାଢ୍ଯାଂ ସ୍ଵର୍ଣସିଂହାସନେସ୍ଥିତାମ୍ ॥ 5 ॥

hemakuṇḍalabhūṣāṅgīṃ śītacandrārdhaśekharīm |
pītabhūṣaṇabhūṣāḍhyāṃ svarṇasiṃhāsanesthitām || 5 ||

Verse 6

ତ୍ରିଶୂଲଧାରିଣୀମମ୍ବାଂ ସର୍ଵସୌଭାଗ୍ଯଦାଯିନୀମ୍ ।
ସର୍ଵଶୃଙ୍ଗାରଵେଷାଢ୍ଯାଂ ଭଜେତ୍ତାଂ ବଗଲାମୁଖୀମ୍ ॥ 6 ॥

triśūladhāriṇīmambāṃ sarvasaubhāgyadāyinīm |
sarvaśṛṅgāraveṣāḍhyāṃ bhajettāṃ bagalāmukhīm || 6 ||

Verse 7

ମଧ୍ଯେ ସୁଧାବ୍ଧିମଣିମଣ୍ଟପ ରତ୍ନ ଵେଦ୍ଯାଂ
ସିଂହାସନୋପରିଗତାଂ ପରିପୀତଵର୍ଣାମ୍ ।
ପୀତାମ୍ବରାଭରଣମାଲ୍ଯଵିଭୂଷିତାଙ୍ଗୀଂ
ଦେଵୀଂ ନମାମି ଧୃତ ମୁଦ୍ଗରଵୈରି ଜିହ୍ଵାମ୍ ॥ 7 ॥

madhye sudhābdhimaṇimaṇṭapa ratna vedyāṃ
siṃhāsanoparigatāṃ paripītavarṇām |
pītāmbarābharaṇamālyavibhūṣitāṅgīṃ
devīṃ namāmi dhṛta mudgaravairi jihvām || 7 ||

Verse 8

ଚଲତ୍କନକକୁଣ୍ଡଲୋଲ୍ଲସିତଚାରୁଗଣ୍ଡସ୍ଥଲାଂ
ଲସତ୍କନକଚମ୍ପକ ଦ୍ଯୁତିମଦର୍ଧେନ୍ଦୁ ବିମ୍ବାଞ୍ଚିତାମ୍ ।
ସଦାହିତଵିପକ୍ଷକାଂ ଦଲିତଵୈରି ଜିହ୍ଵାଞ୍ଚଲାଂ
ନମାମି ବଗଲାମୁଖୀଂ ଧୀମତାଂ ଵାଙ୍ମନସ୍ସ୍ତମ୍ଭିନୀମ୍ ॥ 8 ॥

calatkanakakuṇḍalollasitacārugaṇḍasthalāṃ
lasatkanakacampaka dyutimadardhendu bimbāñcitām |
sadāhitavipakṣakāṃ dalitavairi jihvāñcalāṃ
namāmi bagalāmukhīṃ dhīmatāṃ vāṅmanasstambhinīm || 8 ||

Verse 9

ପୀଯୂଷୋ ଦଧିମଧ୍ଯଚାରୁ ଵିଲସଦ୍ରତ୍ନୋଜ୍ଵଲେ ମଣ୍ଟପେ
ଯାସିଂହାସନ ମୌଲିପାତିତରିପୁ ପ୍ରେତାସନାଧ୍ଯାସିନୀମ୍ ।
ସ୍ଵର୍ଣାଭାଂ କରପୀଡିତାରିରଶନାଂ ଭ୍ରାମ୍ଯଦ୍ଗଦାଂ ବିଭ୍ରତୀଂ
ଯସ୍ତ୍ଵାଂ ପଶ୍ଯତି ତସ୍ଯ ଯାନ୍ତି ଵିଲଯଂ ସଦ୍ଯୋହି ସର୍ଵାପଦଃ ॥ 9 ॥

pīyūṣo dadhimadhyacāru vilasadratnojvale maṇṭape
yāsiṃhāsana maulipātitaripu pretāsanādhyāsinīm |
svarṇābhāṃ karapīḍitāriraśanāṃ bhrāmyadgadāṃ bibhratīṃ
yastvāṃ paśyati tasya yānti vilayaṃ sadyohi sarvāpadaḥ || 9 ||

Verse 10

ଦେଵି ତ୍ଵଚ୍ଚରଣାମ୍ବୁଜାର୍ଚନକୃତେ ଯଃ ପୀତପୁଷ୍ପାଞ୍ଜଲିଂ
ମୁଦ୍ରାଂ ଵାମକରେ ନିଧାଯ ଚ ପୁନର୍ମନ୍ତ୍ରୀ ମନୋଜ୍ଞାକ୍ଷରୀମ୍ ।
ପୀଠଧ୍ଯାନପରୋପି କୁମ୍ଭକଵଶାଦ୍ବୀଜଂ ସ୍ମରେତ୍ପ୍ରାର୍ଥିତଂ
ତସ୍ଯା ମିତ୍ରଚଯସ୍ଯ ସଂସଦି ମୁଖ ସ୍ତମ୍ଭୋ ଭଵେତ୍ତତ୍କ୍ଷଣାତ୍ ॥ 10 ॥

devi tvaccaraṇāmbujārcanakṛte yaḥ pītapuṣpāñjaliṃ
mudrāṃ vāmakare nidhāya ca punarmantrī manojñākṣarīm |
pīṭhadhyānaparopi kumbhakavaśādbījaṃ smaretprārthitaṃ
tasyā mitracayasya saṃsadi mukha stambho bhavettatkṣaṇāt || 10 ||

Verse 11

(ଓଁ ହ୍ରୀଂ ବଗଲାମୁଖି ସର୍ଵଦୁଷ୍ଟାନାଂ ଵାଚଂ ମୁଖଂ ପଦଂ ସ୍ତମ୍ଭଯ ଜିହ୍ଵାଂ କୀଲଯ ବୁଦ୍ଧିଂ ଵିନାଶଯ ହ୍ରୀଂ ଓଁ ସ୍ଵାହା)
ମନ୍ତ୍ରସ୍ତାଵଦଯଂ ଵିପକ୍ଷଦଲନେ ସ୍ତୋତ୍ରଂ ପଵିତ୍ରଂ ଚ ତେ
ଯନ୍ତ୍ରଂଵାଦିନି ଯନ୍ତ୍ରିଣଂ ତ୍ରିଜଗତାଂ ଜୈତ୍ରଂ ସ ଚିତ୍ରଂ ଚ ତତ୍ ।
ଶ୍ରୀମାତର୍ବଗଲେତି ନାମ ଲଲିତଂ ଯସ୍ଯାସ୍ତି ଜନ୍ତୋର୍ମୁଖେ
ତନ୍ନାମସ୍ମରଣେନ ଵାଗ୍ଭଵମୁଖ ସ୍ତମ୍ଭୋଭଵେତ୍ତତ୍କ୍ଷଣାତ୍ ॥ 11 ॥

(oṃ hrīṃ bagalāmukhi sarvaduṣṭānāṃ vācaṃ mukhaṃ padaṃ stambhaya jihvāṃ kīlaya buddhiṃ vināśaya hrīṃ oṃ svāhā)
mantrastāvadayaṃ vipakṣadalane stotraṃ pavitraṃ ca te
yantraṃvādini yantriṇaṃ trijagatāṃ jaitraṃ sa citraṃ ca tat |
śrīmātarbagaleti nāma lalitaṃ yasyāsti jantormukhe
tannāmasmaraṇena vāgbhavamukha stambhobhavettatkṣaṇāt || 11 ||

Verse 12

ଦୁଷ୍ଟସ୍ତମ୍ଭନମୁଗ୍ରଵିଘ୍ନଶମନଂ ଦାରିଦ୍ର୍ଯଵିଦ୍ରାଵଣଂ
ଭୂଭୃତ୍ତ୍ସମ୍ଭନକାରଣଂ ମୃଗଦୃଶାଂ ଚେତସ୍ସମାକର୍ଷଣମ୍ ।
ସୌଭାଗ୍ଯୈକନିକେତନଂ ମମ ଦୃଶାଂ କାରୁଣ୍ଯପୂର୍ଣେକ୍ଷଣେ
ମୃତ୍ଯୋର୍ମାରଣମାଵିରସ୍ତୁ ପୁରତୋ ମାତସ୍ତ୍ଵଦୀଯଂ ଵପୁଃ ॥ 12 ॥

duṣṭastambhanamugravighnaśamanaṃ dāridryavidrāvaṇaṃ
bhūbhṛttsambhanakāraṇaṃ mṛgadṛśāṃ cetassamākarṣaṇam |
saubhāgyaikaniketanaṃ mama dṛśāṃ kāruṇyapūrṇekṣaṇe
mṛtyormāraṇamāvirastu purato mātastvadīyaṃ vapuḥ || 12 ||

Verse 13

ସଙ୍ଖ୍ଯାଗ୍ରେ ଚୋରଦଣ୍ଡ ପ୍ରହରଣସମଯେ ବନ୍ଧନେ ଵୈରିମଧ୍ଯେ
ଵିଦ୍ଯାଵାଦେ ଵିଵାଦେ ପ୍ରକଟିତନୃପତୌ ଯୁଦ୍ଧକାଲେ ନିଶାଯାମ୍ ।
ଵଶ୍ଯେ ଚ ସ୍ତମ୍ଭନେ ଵା ରିପୁଵଧସମଯେ ପ୍ରାଣବାଧେ ରଣେ ଵା
ଗଚ୍ଛନ୍ତୀଷ୍ଟଂ ତ୍ରିକାଲଂ ତଵ ପଠନମିଦଂ କାରଯେଦାଶୁ ଧୀରଃ ॥ 13 ॥

saṅkhyāgre coradaṇḍa praharaṇasamaye bandhane vairimadhye
vidyāvāde vivāde prakaṭitanṛpatau yuddhakāle niśāyām |
vaśye ca stambhane vā ripuvadhasamaye prāṇabādhe raṇe vā
gacchantīṣṭaṃ trikālaṃ tava paṭhanamidaṃ kārayedāśu dhīraḥ || 13 ||

Verse 14

ମାତର୍ଭଞ୍ଜଯ ମଦ୍ଵିପକ୍ଷଵଦନଂ ଜିହ୍ଵାଂ ଚ ସଙ୍କୀଲଯ
ବ୍ରାହ୍ମୀଂ ମୁଦ୍ରଯ ମୁଦ୍ରଯାଶୁଧିଷଣାମଙ୍ଘ୍ର୍ଯୋର୍ଗତିଂ ସ୍ତମ୍ଭଯ ।
ଶତ୍ରୂନ୍ ଚୂର୍ଣଯ ଚୂର୍ଣଯାଶୁ ଗଦଯା ଗୌରାଙ୍ଗି ପୀତାମ୍ବରେ
ଵିଘ୍ନୌଘଂ ବଗଲେ ହର ପ୍ରତିଦିନଂ କୌମାରି ଵାମେକ୍ଷଣେ ॥ 14 ॥

mātarbhañjaya madvipakṣavadanaṃ jihvāṃ ca saṅkīlaya
brāhmīṃ mudraya mudrayāśudhiṣaṇāmaṅghryorgatiṃ stambhaya |
śatrūn cūrṇaya cūrṇayāśu gadayā gaurāṅgi pītāmbare
vighnaughaṃ bagale hara pratidinaṃ kaumāri vāmekṣaṇe || 14 ||

Verse 15

ମାତର୍ଭୈରଵି ଭଦ୍ରକାଲି ଵିଜଯେ ଵାରାହି ଵିଶ୍ଵାଶ୍ରଯେ
ଶ୍ରୀନିତ୍ଯେ ବଗଲେ ମହେଶି ସମଯେ ରାମେ ସୁରାମେ ରମେ ।
ମାତଙ୍ଗି ତ୍ରିପୁରେ ପରାତ୍ପରତରେ ସ୍ଵର୍ଗାପଵର୍ଗପ୍ରଦେ
ଵନ୍ଦେହଂ ଶରଣାଗତୋସ୍ମିକୃପଯା ଵିଶ୍ଵେଶ୍ଵରୀ ତ୍ରାହି ମାମ୍ ॥ 15 ॥

mātarbhairavi bhadrakāli vijaye vārāhi viśvāśraye
śrīnitye bagale maheśi samaye rāme surāme rame |
mātaṅgi tripure parātparatare svargāpavargaprade
vandehaṃ śaraṇāgatosmikṛpayā viśveśvarī trāhi mām || 15 ||

Verse 16

ତ୍ଵଂ ଵିଦ୍ଯା ପରମା ତ୍ରିଲୋକଜନନୀ ଵ୍ଯୋଷାନନଂ ଛେଦିନୀ
ଯୋଷାକର୍ଷଣକାରିଣୀ ଚ ସୁମହାବନ୍ଧୈକସମ୍ଭେଦିନୀ ।
ଦୁଷ୍ଟୋଚ୍ଚାଟନକାରିଣୀ ରିପୁମନସ୍ସନ୍ଦୋହସନ୍ଦାଯିନୀ
ଜିହ୍ଵାକୀଲନଭୈରଵୀ ଵିଜଯତେ ବ୍ରହ୍ମାସ୍ତ୍ରସାରାଯଣୀ ॥ 16 ॥

tvaṃ vidyā paramā trilokajananī vyoṣānanaṃ chedinī
yoṣākarṣaṇakāriṇī ca sumahābandhaikasambhedinī |
duṣṭoccāṭanakāriṇī ripumanassandohasandāyinī
jihvākīlanabhairavī vijayate brahmāstrasārāyaṇī || 16 ||

Verse 17

ଯଃ କୃତଂ ଜପସଙ୍ଖ୍ଯାନାଂ ଚିନ୍ତିତଂ ପରମେଶ୍ଵରୀ ।
ଶତ୍ରୂଣାଂ ବୁଦ୍ଧିନାଶାଯ ଗୃହାଣ ମଦନୁଗ୍ରହାତ୍ ॥ 17 ॥

yaḥ kṛtaṃ japasaṅkhyānāṃ cintitaṃ parameśvarī |
śatrūṇāṃ buddhināśāya gṛhāṇa madanugrahāt || 17 ||

Verse 18

ଵୈଡୂର୍ଯହାରପରିଶୋଭିତହେମମାଲାଂ
ମଧ୍ଯେତିପୀନ କୁଚଯୋର୍ଧୃତପୀତଵସ୍ତ୍ରାମ୍ ।
ଵ୍ଯାଘ୍ରାଧିରୂଢ ପରିପୂରିତ ରତ୍ନଶୋଭାଂ
ନିତ୍ଯଂ ସ୍ମରାମି ବଗଲାଂ ରିପୁଵକ୍ତ୍ର କୀଲାମ୍ ॥ 18 ॥

vaiḍūryahārapariśobhitahemamālāṃ
madhyetipīna kucayordhṛtapītavastrām |
vyāghrādhirūḍha paripūrita ratnaśobhāṃ
nityaṃ smarāmi bagalāṃ ripuvaktra kīlām || 18 ||

Verse 19

ଏକାଗ୍ର ମାନସୋ ଭୂତ୍ଵା ସ୍ତୋଷ୍ଯତ୍ଯମ୍ବାଂ ସୁଶୋଭନାମ୍ ।
ରଜନ୍ଯା ରଚିତାଂ ମାଲାଂ କରେ ଧୃତ୍ଵା ଜପେଚ୍ଛୁଚିଃ ॥ 19 ॥

ekāgra mānaso bhūtvā stoṣyatyambāṃ suśobhanām |
rajanyā racitāṃ mālāṃ kare dhṛtvā japecchuciḥ || 19 ||

Verse 20

ଵାମେ ପାଣୌ ତୁ ପାଶଂ ଚ ତସ୍ଯାଧସ୍ତାଦ୍ଧୃଢଂ ଶୁଭମ୍ ।
ଦକ୍ଷେ କରେଽକ୍ଷସୂତ୍ରଂ ଚ ଅଧଃପଦ୍ମଂ ଚ ଧାରିଣୀମ୍ ॥ 20 ॥

vāme pāṇau tu pāśaṃ ca tasyādhastāddhṛḍhaṃ śubham |
dakṣe kare'kṣasūtraṃ ca adhaḥpadmaṃ ca dhāriṇīm || 20 ||

Verse 21

ଚାମୁଣ୍ଡେ ଚଣ୍ଡିକୋଷ୍ଟ୍ରେ ହୁତଵହଦଯିତେ ଶ୍ଯାମଲେ ଶ୍ରୀଭୁଜଙ୍ଗୀ
ଦୁର୍ଗେ ପ୍ରତ୍ଯଙ୍ଗିରାଦ୍ଯେ ମୁରରିପୁଭଗିନୀ ଭାର୍ଗଵୀଵାମନେତ୍ରେ ।
ନାନାରୂପପ୍ରଭେଦେ ସ୍ଥିତିଲଯଜନନଂ ପାଲଯଦ୍ଭର୍ଗହୃଦ୍ଯେ
ଵିଶ୍ଵାଦ୍ଯେ ଵିଶ୍ଵଜୈତ୍ରୀ ତ୍ରିପୁରଃ ବଗଲେ ଵିଶ୍ଵଵନ୍ଦ୍ଯେ ତ୍ଵମେକା ॥ 21 ॥

cāmuṇḍe caṇḍikoṣṭre hutavahadayite śyāmale śrībhujaṅgī
durge pratyaṅgirādye muraripubhaginī bhārgavīvāmanetre |
nānārūpaprabhede sthitilayajananaṃ pālayadbhargahṛdye
viśvādye viśvajaitrī tripuraḥ bagale viśvavandye tvamekā || 21 ||

Verse 22

ଚକ୍ରଂ ଖଡ୍ଗଂ ମୁସଲମଭଯଂ ଦକ୍ଷିଣାଭିଶ୍ଚ ଦୋର୍ଭିଃ
ଶଙ୍ଖଂ ଖେଟଂ ହଲମପି ଚ ଗଦାଂ ବିଭ୍ରତୀଂ ଵାମଦୋର୍ଭିଃ ।
ସିଂହାରୂଢାମଯୁଗନଯନାଂ ଶ୍ଯାମଲାଂ କଞ୍ଜଵକ୍ତ୍ରାଂ
ଵନ୍ଦେ ଦେଵୀଂ ସକଲଵରଦାଂ ପଞ୍ଚମୀଂ ମାତୃମଧ୍ଯାମ୍ ॥ 22 ॥

cakraṃ khaḍgaṃ musalamabhayaṃ dakṣiṇābhiśca dorbhiḥ
śaṅkhaṃ kheṭaṃ halamapi ca gadāṃ bibhratīṃ vāmadorbhiḥ |
siṃhārūḍhāmayuganayanāṃ śyāmalāṃ kañjavaktrāṃ
vande devīṃ sakalavaradāṃ pañcamīṃ mātṛmadhyām || 22 ||

Verse 23

ଦ୍ଵାତ୍ରିଂଶଦାଯୁତଯୁତୈଶ୍ଚତୁରଷ୍ଟହସ୍ତୈ-
ରଷ୍ଟୋତ୍ତରୈଶ୍ଶତକରୈଶ୍ଚ ସହସ୍ରହସ୍ତୈଃ ।
ସର୍ଵାଯୁଧୈରଯୁତ ବାହୁଭିରନ୍ଵିତାଂ ତାଂ
ଦେଵୀଂ ଭଜାମି ବଗଲାଂ ରସନାଗ୍ରହସ୍ତାମ୍ ॥ 23 ॥

dvātriṃśadāyutayutaiścaturaṣṭahastai-
raṣṭottaraiśśatakaraiśca sahasrahastaiḥ |
sarvāyudhairayuta bāhubhiranvitāṃ tāṃ
devīṃ bhajāmi bagalāṃ rasanāgrahastām || 23 ||

Verse 24

ସର୍ଵତଶ୍ଶୁଭକରାଂ ଦ୍ଵିଭୁଜାଂ ତାଂ
କମ୍ବୁହେମ ନଵକୁଣ୍ଡଲ କର୍ଣାମ୍ ।
ଶତ୍ରୁନିର୍ଦଲନକାରଣକୋପାଂ
ଚିନ୍ତଯାମି ବଗଲାଂ ହୃଦଯାବ୍ଜେ ॥ 24 ॥

sarvataśśubhakarāṃ dvibhujāṃ tāṃ
kambuhema navakuṇḍala karṇām |
śatrunirdalanakāraṇakopāṃ
cintayāmi bagalāṃ hṛdayābje || 24 ||

Verse 25

ଜିହ୍ଵାଗ୍ରମାଦାଯ କରେଣ ଦେଵୀଂ
ଵାମେନ ଶତ୍ରୂନ୍ ପରିପୀଡଯନ୍ତୀମ୍ ।
ଗଦାଭିଘାତେନ ଚ ଦକ୍ଷିଣେନ
ପୀତାମ୍ବରାଢ୍ଯାଂ ଦ୍ଵିଭୁଜାଂ ନମାମି ॥ 25 ॥

jihvāgramādāya kareṇa devīṃ
vāmena śatrūn paripīḍayantīm |
gadābhighātena ca dakṣiṇena
pītāmbarāḍhyāṃ dvibhujāṃ namāmi || 25 ||

Verse 26

ଵନ୍ଦେ ଵାରିଜଲୋଚନାଂ ଵସୁକରାଂ ପୀତାମ୍ବରାଡମ୍ବରାଂ
ପୀତାମ୍ଭୋରୁହସଂସ୍ଥିତାଂ ତ୍ରିନଯନାଂ ପୀତାଙ୍ଗରାଗୋଜ୍ଜ୍ଵଲାମ୍ ।
ଶବ୍ଦବ୍ରହ୍ମମଯୀଂ ମହାକଵିଜଯୀଂ ତ୍ରୈଲୋକ୍ଯସମ୍ମୋହନୀଂ
ଵିଦ୍ଯୁତ୍କୋଟି ନିଭାଂ ପ୍ରସନ୍ନ ବଗଲାଂ ପ୍ରତ୍ଯର୍ଥିଵାକ୍ତ୍ସମ୍ଭିନୀମ୍ ॥ 26 ॥

vande vārijalocanāṃ vasukarāṃ pītāmbarāḍambarāṃ
pītāmbhoruhasaṃsthitāṃ trinayanāṃ pītāṅgarāgojjvalām |
śabdabrahmamayīṃ mahākavijayīṃ trailokyasammohanīṃ
vidyutkoṭi nibhāṃ prasanna bagalāṃ pratyarthivāktsambhinīm || 26 ||

Verse 27

ଦୁଃଖେନ ଵା ଯଦି ସୁଖେନ ଚ ଵା ତ୍ଵଦୀଯଂ
ସ୍ତୁତ୍ଵାଽଥ ନାମବଗଲେ ସମୁପୈତି ଵଶ୍ଯମ୍ ।
ନିଶ୍ଚିତ୍ଯ ଶତ୍ରୁମବଲଂ ଵିଜଯଂ ତ୍ଵଦଙ୍ଘ୍ରି
ପଦ୍ମାର୍ଚକସ୍ଯ ଭଵତୀତି କିମତ୍ର ଚିତ୍ରମ୍ ॥ 27 ॥

duḥkhena vā yadi sukhena ca vā tvadīyaṃ
stutvā'tha nāmabagale samupaiti vaśyam |
niścitya śatrumabalaṃ vijayaṃ tvadaṅghri
padmārcakasya bhavatīti kimatra citram || 27 ||

Verse 28

ଵିମୋହିତଜଗତ୍ତ୍ରଯାଂ ଵଶଗତାଵନଵଲ୍ଲଭାଂ
ଭଜାମି ବଗଲାମୁଖୀଂ ଭଵସୁଖୈକସନ୍ଧାଯିନୀମ୍ ।
ଗେହଂ ନାତତି ଗର୍ଵିତଃ ପ୍ରଣମତି ସ୍ତ୍ରୀସଙ୍ଗମୋ ମୋକ୍ଷତି
ଦ୍ଵେଷୀ ମିତ୍ରତି ପାପକୃତ୍ସୁକୃତତି କ୍ଷ୍ମାଵଲ୍ଲଭୋଧାଵତି ॥ 28 ॥

vimohitajagattrayāṃ vaśagatāvanavallabhāṃ
bhajāmi bagalāmukhīṃ bhavasukhaikasandhāyinīm |
gehaṃ nātati garvitaḥ praṇamati strīsaṅgamo mokṣati
dveṣī mitrati pāpakṛtsukṛtati kṣmāvallabhodhāvati || 28 ||

Verse 29

ମୃତ୍ଯୁର୍ଵୈଧୃତିଦୂଷଣଂ ସୁଗୁଣତି ତ୍ଵତ୍ପାଦସଂସେଵନାତ୍
ତ୍ଵାଂ ଵନ୍ଦେ ଭଵଭୀତିଭଞ୍ଜନକରୀଂ ଗୌରୀଂ ଗିରୀଶପ୍ରିଯାମ୍ ।
ନିତ୍ଯଂ ଯସ୍ତୁ ମନୋହରଂ ସ୍ତଵମିଦଂ ଦିଵ୍ଯଂ ପଠେତ୍ସାଦରଂ
ଧୃତ୍ଵା ଯନ୍ତ୍ରମିଦଂ ତଥୈଵ ସମରେ ବାହ୍ଵୋଃ କରେ ଵା ଗଲେ ॥ 29 ॥

mṛtyurvaidhṛtidūṣaṇaṃ suguṇati tvatpādasaṃsevanāt
tvāṃ vande bhavabhītibhañjanakarīṃ gaurīṃ girīśapriyām |
nityaṃ yastu manoharaṃ stavamidaṃ divyaṃ paṭhetsādaraṃ
dhṛtvā yantramidaṃ tathaiva samare bāhvoḥ kare vā gale || 29 ||

Verse 30

ରାଜାନୋ ଵରଯୋଷିତୋଥକରିଣସ୍ସର୍ଵାମୃଗେନ୍ଦ୍ରା ଵଶାଃ
ସ୍ତୋତ୍ରୈର୍ଯାନ୍ତି ଵିମୋହିତା ରିପୁଗଣା ଲକ୍ଷ୍ମୀଃ ସ୍ଥିରା ସିଦ୍ଧଯଃ ।
ନିର୍ନିଦ୍ରେ ବଗଲେ ସମୁଦ୍ରନିଲଯେ ରୌଦ୍ର୍ଯାଦି ଵାଙ୍ମୁଦ୍ରିକେ
ଭଦ୍ରେ ରୁଦ୍ରମନୋହରେ ତ୍ରିଭୁଵନତ୍ରାଣେ ଦରିଦ୍ରାପହେ ॥ 30 ॥

rājāno varayoṣitothakariṇassarvāmṛgendrā vaśāḥ
stotrairyānti vimohitā ripugaṇā lakṣmīḥ sthirā siddhayaḥ |
nirnidre bagale samudranilaye raudryādi vāṅmudrike
bhadre rudramanohare tribhuvanatrāṇe daridrāpahe || 30 ||

Verse 31

ସଦ୍ରତ୍ନାକର ଭୂମିଗୋଜ୍ଵଲ କରୀ ନିସ୍ତନ୍ଦ୍ରି ଚାନ୍ଦ୍ରାନନେ
ନୀହାରାଦ୍ରିସୁତେ ନିସର୍ଗସରଲେ ଵିଦ୍ଯେ ସୁରାଦ୍ଯେ ନମଃ ।
ଦେଵୀ ତସ୍ଯ ନିରାମଯାତ୍ମଜମୁଖାନ୍ଯାଯୂଂଷି ଦଦ୍ଯାଦିଦଂ
ଯେ ନିତ୍ଯଂ ପ୍ରଜପନ୍ତି ଭକ୍ତି ଭରିତାସ୍ତେଭ୍ଯସ୍ସ୍ତଵଂ ନିଶ୍ଚିତମ୍ ॥ 31 ॥

sadratnākara bhūmigojvala karī nistandri cāndrānane
nīhārādrisute nisargasarale vidye surādye namaḥ |
devī tasya nirāmayātmajamukhānyāyūṃṣi dadyādidaṃ
ye nityaṃ prajapanti bhakti bharitāstebhyasstavaṃ niścitam || 31 ||

Verse 32

ନୂନଂ ଶ୍ରେଯୋ ଵଶ୍ଯମାରୋଗ୍ଯତାଂ ଚ ପ୍ରାପ୍ତସ୍ସର୍ଵଂ ଭୂତଲେ ସାଧକସ୍ତୁ ।
ଭକ୍ତ୍ଯା ନିତ୍ଯଂ ସ୍ତୋତ୍ରମେତତ୍ପଠନ୍ଵୈ ଵିଦ୍ଯାଂ କୀର୍ତିଂ ଵଂଶଵୃଦ୍ଧିଂ ଚ ଵିନ୍ଦେତ୍ ॥ 32 ॥

nūnaṃ śreyo vaśyamārogyatāṃ ca prāptassarvaṃ bhūtale sādhakastu |
bhaktyā nityaṃ stotrametatpaṭhanvai vidyāṃ kīrtiṃ vaṃśavṛddhiṃ ca vindet || 32 ||

ଇତି ଶ୍ରୀରୁଦ୍ରଯାମଲେ ଶ୍ରୀବଗଲାମୁଖୀସ୍ତୋତ୍ରମ୍ ॥

Sanskrit — Devanagari (original)

अस्य श्रीबगलामुखीमहामन्त्रस्य

नारदो भगवान् ऋषिः

अतिजगतीछन्दः

श्री बगलामुखी देवता

लां बीजं इं शक्तिः

लं कीलकं-मम दूरस्थानां समीपस्थानां गति मति वाक्त्सम्भनार्थे जपे विनियोगः

ॐ ह्रीं अङ्गुष्ठाभ्यां नमः

बगलामुखी तर्जनीभ्यां नमः

सर्वदुष्टानां मध्यमाभ्यां नमः

वाचं मुखं पदं स्तम्भय अनामिकाभ्यां नमः

जिह्वां कीलय बुद्धिं विनाशय कनिष्ठिकाभ्यां नमः

ह्रीं ॐ स्वाहा करतलकरपृष्टाभ्यां नमः

ॐ ह्रीं हृदयाय नमः

बगलामुखी शिरसे स्वाहा

सर्वदुष्टानां शिखायै वषत्

वाचं मुखं पदं स्तम्भय कवचा हुं

जिह्वां कीलय बुद्धिं विनाशय नेत्रत्रयाय वौषट्

ह्रीं ॐ स्वाहा अस्त्राय फट्

भूर्भुवस्सुवरोमिति दिग्बन्धः ।

ध्यानम् ।

पीताम्बरां त्रिणेत्रां च द्विभुजां दहनोज्वलाम् ।

शिलापर्वतहस्तां च रिपुकम्पां महोत्कटाम् ॥ 1 ॥

गम्भीरां च मदोन्मत्तां स्वर्णकान्तिसमप्रभाम् ।

वैरिनिर्दलनार्थाय स्मरेत्तां बगलामुखीम् ॥ 2 ॥

चतुर्भुजां त्रिणयनां कमलासनसंस्थिताम् ।

दक्षिणे मुद्गरं पाशं वामे जिह्वां च वज्रकम् ॥ 3 ॥

पीताम्बरधरां सान्द्रां दृढपीनयोधराम् ।

वैरिवाक्त्सम्भिनीं देवीं स्मरामि बगलामुखीम् ॥ 4 ॥

हेमकुण्डलभूषाङ्गीं शीतचन्द्रार्धशेखरीम् ।

पीतभूषणभूषाढ्यां स्वर्णसिंहासनेस्थिताम् ॥ 5 ॥

त्रिशूलधारिणीमम्बां सर्वसौभाग्यदायिनीम् ।

सर्वशृङ्गारवेषाढ्यां भजेत्तां बगलामुखीम् ॥ 6 ॥

मध्ये सुधाब्धिमणिमण्टप रत्न वेद्यां

सिंहासनोपरिगतां परिपीतवर्णाम् ।

पीताम्बराभरणमाल्यविभूषिताङ्गीं

देवीं नमामि धृत मुद्गरवैरि जिह्वाम् ॥ 7 ॥

चलत्कनककुण्डलोल्लसितचारुगण्डस्थलां

लसत्कनकचम्पक द्युतिमदर्धेन्दु बिम्बाञ्चिताम् ।

सदाहितविपक्षकां दलितवैरि जिह्वाञ्चलां

नमामि बगलामुखीं धीमतां वाङ्मनस्स्तम्भिनीम् ॥ 8 ॥

पीयूषो दधिमध्यचारु विलसद्रत्नोज्वले मण्टपे

यासिंहासन मौलिपातितरिपु प्रेतासनाध्यासिनीम् ।

स्वर्णाभां करपीडितारिरशनां भ्राम्यद्गदां बिभ्रतीं

यस्त्वां पश्यति तस्य यान्ति विलयं सद्योहि सर्वापदः ॥ 9 ॥

देवि त्वच्चरणाम्बुजार्चनकृते यः पीतपुष्पाञ्जलिं

मुद्रां वामकरे निधाय च पुनर्मन्त्री मनोज्ञाक्षरीम् ।

पीठध्यानपरोपि कुम्भकवशाद्बीजं स्मरेत्प्रार्थितं

तस्या मित्रचयस्य संसदि मुख स्तम्भो भवेत्तत्क्षणात् ॥ 10 ॥

(ॐ ह्रीं बगलामुखि सर्वदुष्टानां वाचं मुखं पदं स्तम्भय जिह्वां कीलय बुद्धिं विनाशय ह्रीं ॐ स्वाहा)

मन्त्रस्तावदयं विपक्षदलने स्तोत्रं पवित्रं च ते

यन्त्रंवादिनि यन्त्रिणं त्रिजगतां जैत्रं स चित्रं च तत् ।

श्रीमातर्बगलेति नाम ललितं यस्यास्ति जन्तोर्मुखे

तन्नामस्मरणेन वाग्भवमुख स्तम्भोभवेत्तत्क्षणात् ॥ 11 ॥

दुष्टस्तम्भनमुग्रविघ्नशमनं दारिद्र्यविद्रावणं

भूभृत्त्सम्भनकारणं मृगदृशां चेतस्समाकर्षणम् ।

सौभाग्यैकनिकेतनं मम दृशां कारुण्यपूर्णेक्षणे

मृत्योर्मारणमाविरस्तु पुरतो मातस्त्वदीयं वपुः ॥ 12 ॥

सङ्ख्याग्रे चोरदण्ड प्रहरणसमये बन्धने वैरिमध्ये

विद्यावादे विवादे प्रकटितनृपतौ युद्धकाले निशायाम् ।

वश्ये च स्तम्भने वा रिपुवधसमये प्राणबाधे रणे वा

गच्छन्तीष्टं त्रिकालं तव पठनमिदं कारयेदाशु धीरः ॥ 13 ॥

मातर्भञ्जय मद्विपक्षवदनं जिह्वां च सङ्कीलय

ब्राह्मीं मुद्रय मुद्रयाशुधिषणामङ्घ्र्योर्गतिं स्तम्भय ।

शत्रून् चूर्णय चूर्णयाशु गदया गौराङ्गि पीताम्बरे

विघ्नौघं बगले हर प्रतिदिनं कौमारि वामेक्षणे ॥ 14 ॥

मातर्भैरवि भद्रकालि विजये वाराहि विश्वाश्रये

श्रीनित्ये बगले महेशि समये रामे सुरामे रमे ।

मातङ्गि त्रिपुरे परात्परतरे स्वर्गापवर्गप्रदे

वन्देहं शरणागतोस्मिकृपया विश्वेश्वरी त्राहि माम् ॥ 15 ॥

त्वं विद्या परमा त्रिलोकजननी व्योषाननं छेदिनी

योषाकर्षणकारिणी च सुमहाबन्धैकसम्भेदिनी ।

दुष्टोच्चाटनकारिणी रिपुमनस्सन्दोहसन्दायिनी

जिह्वाकीलनभैरवी विजयते ब्रह्मास्त्रसारायणी ॥ 16 ॥

यः कृतं जपसङ्ख्यानां चिन्तितं परमेश्वरी ।

शत्रूणां बुद्धिनाशाय गृहाण मदनुग्रहात् ॥ 17 ॥

वैडूर्यहारपरिशोभितहेममालां

मध्येतिपीन कुचयोर्धृतपीतवस्त्राम् ।

व्याघ्राधिरूढ परिपूरित रत्नशोभां

नित्यं स्मरामि बगलां रिपुवक्त्र कीलाम् ॥ 18 ॥

एकाग्र मानसो भूत्वा स्तोष्यत्यम्बां सुशोभनाम् ।

रजन्या रचितां मालां करे धृत्वा जपेच्छुचिः ॥ 19 ॥

वामे पाणौ तु पाशं च तस्याधस्ताद्धृढं शुभम् ।

दक्षे करेऽक्षसूत्रं च अधःपद्मं च धारिणीम् ॥ 20 ॥

चामुण्डे चण्डिकोष्ट्रे हुतवहदयिते श्यामले श्रीभुजङ्गी

दुर्गे प्रत्यङ्गिराद्ये मुररिपुभगिनी भार्गवीवामनेत्रे ।

नानारूपप्रभेदे स्थितिलयजननं पालयद्भर्गहृद्ये

विश्वाद्ये विश्वजैत्री त्रिपुरः बगले विश्ववन्द्ये त्वमेका ॥ 21 ॥

चक्रं खड्गं मुसलमभयं दक्षिणाभिश्च दोर्भिः

शङ्खं खेटं हलमपि च गदां बिभ्रतीं वामदोर्भिः ।

सिंहारूढामयुगनयनां श्यामलां कञ्जवक्त्रां

वन्दे देवीं सकलवरदां पञ्चमीं मातृमध्याम् ॥ 22 ॥

द्वात्रिंशदायुतयुतैश्चतुरष्टहस्तै-

रष्टोत्तरैश्शतकरैश्च सहस्रहस्तैः ।

सर्वायुधैरयुत बाहुभिरन्वितां तां

देवीं भजामि बगलां रसनाग्रहस्ताम् ॥ 23 ॥

सर्वतश्शुभकरां द्विभुजां तां

कम्बुहेम नवकुण्डल कर्णाम् ।

शत्रुनिर्दलनकारणकोपां

चिन्तयामि बगलां हृदयाब्जे ॥ 24 ॥

जिह्वाग्रमादाय करेण देवीं

वामेन शत्रून् परिपीडयन्तीम् ।

गदाभिघातेन च दक्षिणेन

पीताम्बराढ्यां द्विभुजां नमामि ॥ 25 ॥

वन्दे वारिजलोचनां वसुकरां पीताम्बराडम्बरां

पीताम्भोरुहसंस्थितां त्रिनयनां पीताङ्गरागोज्ज्वलाम् ।

शब्दब्रह्ममयीं महाकविजयीं त्रैलोक्यसम्मोहनीं

विद्युत्कोटि निभां प्रसन्न बगलां प्रत्यर्थिवाक्त्सम्भिनीम् ॥ 26 ॥

दुःखेन वा यदि सुखेन च वा त्वदीयं

स्तुत्वाऽथ नामबगले समुपैति वश्यम् ।

निश्चित्य शत्रुमबलं विजयं त्वदङ्घ्रि

पद्मार्चकस्य भवतीति किमत्र चित्रम् ॥ 27 ॥

विमोहितजगत्त्रयां वशगतावनवल्लभां

भजामि बगलामुखीं भवसुखैकसन्धायिनीम् ।

गेहं नातति गर्वितः प्रणमति स्त्रीसङ्गमो मोक्षति

द्वेषी मित्रति पापकृत्सुकृतति क्ष्मावल्लभोधावति ॥ 28 ॥

मृत्युर्वैधृतिदूषणं सुगुणति त्वत्पादसंसेवनात्

त्वां वन्दे भवभीतिभञ्जनकरीं गौरीं गिरीशप्रियाम् ।

नित्यं यस्तु मनोहरं स्तवमिदं दिव्यं पठेत्सादरं

धृत्वा यन्त्रमिदं तथैव समरे बाह्वोः करे वा गले ॥ 29 ॥

राजानो वरयोषितोथकरिणस्सर्वामृगेन्द्रा वशाः

स्तोत्रैर्यान्ति विमोहिता रिपुगणा लक्ष्मीः स्थिरा सिद्धयः ।

निर्निद्रे बगले समुद्रनिलये रौद्र्यादि वाङ्मुद्रिके

भद्रे रुद्रमनोहरे त्रिभुवनत्राणे दरिद्रापहे ॥ 30 ॥

सद्रत्नाकर भूमिगोज्वल करी निस्तन्द्रि चान्द्रानने

नीहाराद्रिसुते निसर्गसरले विद्ये सुराद्ये नमः ।

देवी तस्य निरामयात्मजमुखान्यायूंषि दद्यादिदं

ये नित्यं प्रजपन्ति भक्ति भरितास्तेभ्यस्स्तवं निश्चितम् ॥ 31 ॥

नूनं श्रेयो वश्यमारोग्यतां च प्राप्तस्सर्वं भूतले साधकस्तु ।

भक्त्या नित्यं स्तोत्रमेतत्पठन्वै विद्यां कीर्तिं वंशवृद्धिं च विन्देत् ॥ 32 ॥

इति श्रीरुद्रयामले श्रीबगलामुखीस्तोत्रम् ॥

🕉️ This is the original Sanskrit rendered in Oriya script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ଶ୍ରୀ ବଗଲାମୁଖୀ ସ୍ତୋତ୍ରମ୍ - 2