ଶ୍ରୀରଘୁରାଜପଦାବ୍ଜନିକେତନ ପଙ୍କଜଲୋଚନ ମଙ୍ଗଲରାଶେ
ଚଣ୍ଡମହାଭୁଜଦଣ୍ଡ ସୁରାରିଵିଖଣ୍ଡନପଣ୍ଡିତ ପାହି ଦଯାଲୋ ।
ପାତକିନଂ ଚ ସମୁଦ୍ଧର ମାଂ ମହତାଂ ହି ସତାମପି ମାନମୁଦାରଂ
ତ୍ଵାଂ ଭଜତୋ ମମ ଦେହି ଦଯାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ଯମ୍ ॥ 1 ॥
ସଂସୃତିତାପମହାନଲଦଗ୍ଧତନୂରୁହମର୍ମତନୋରତିଵେଲଂ
ପୁତ୍ରଧନସ୍ଵଜନାତ୍ମଗୃହାଦିଷୁ ସକ୍ତମତେରତିକିଲ୍ବିଷମୂର୍ତେଃ ।
କେନଚିଦପ୍ଯମଲେନ ପୁରାକୃତପୁଣ୍ଯସୁପୁଞ୍ଜଲଵେନ ଵିଭୋ ଵୈ
ତ୍ଵାଂ ଭଜତୋ ମମ ଦେହି ଦଯାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ଯମ୍ ॥ 2 ॥
ସଂସୃତିକୂପମନଲ୍ପମଘୋରନିଦାଘନିଦାନମଜସ୍ରମଶେଷଂ
ପ୍ରାପ୍ଯ ସୁଦୁଃଖସହସ୍ରଭୁଜଙ୍ଗଵିଷୈକସମାକୁଲସର୍ଵତନୋର୍ମେ ।
ଘୋରମହାକୃପଣାପଦମେଵ ଗତସ୍ଯ ହରେ ପତିତସ୍ଯ ଭଵାବ୍ଧୌ
ତ୍ଵାଂ ଭଜତୋ ମମ ଦେହି ଦଯାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ଯମ୍ ॥ 3 ॥
ସଂସୃତିସିନ୍ଧୁଵିଶାଲକରାଲମହାବଲକାଲଝଷଗ୍ରସନାର୍ତଂ
ଵ୍ଯଗ୍ରସମଗ୍ରଧିଯଂ କୃପଣଂ ଚ ମହାମଦନକ୍ରସୁଚକ୍ରହୃତାସୁମ୍ ।
କାଲମହାରସନୋର୍ମିନିପୀଡିତମୁଦ୍ଧର ଦୀନମନନ୍ଯଗତିଂ ମାଂ
ତ୍ଵାଂ ଭଜତୋ ମମ ଦେହି ଦଯାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ଯମ୍ ॥ 4 ॥
ସଂସୃତିଘୋରମହାଗହନେ ଚରତୋ ମଣିରଞ୍ଜିତପୁଣ୍ଯସୁମୂର୍ତେଃ
ମନ୍ମଥଭୀକରଘୋରମହୋଗ୍ରମୃଗପ୍ରଵରାର୍ଦିତଗାତ୍ରସୁସନ୍ଧେଃ ।
ମତ୍ସରତାପଵିଶେଷନିପୀଡିତବାହ୍ଯମତେଶ୍ଚ କଥଂ ଚିଦମେଯଂ
ତ୍ଵାଂ ଭଜତୋ ମମ ଦେହି ଦଯାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ଯମ୍ ॥ 5 ॥
ସଂସୃତିଵୃକ୍ଷମନେକଶତାଘନିଦାନମନନ୍ତଵିକର୍ମସୁଶାଖଂ
ଦୁଃଖଫଲଂ କରଣାଦିପଲାଶମନଙ୍ଗସୁପୁଷ୍ପମଚିନ୍ତ୍ଯସୁମୂଲମ୍ ।
ତଂ ହ୍ଯଧିରୁହ୍ଯ ହରେ ପତିତଂ ଶରଣାଗତମେଵ ଵିମୋଚଯ ମୂଢଂ
ତ୍ଵାଂ ଭଜତୋ ମମ ଦେହି ଦଯାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ଯମ୍ ॥ 6 ॥
ସଂସୃତିପନ୍ନଗଵକ୍ତ୍ରଭଯଙ୍କରଦଂଷ୍ଟ୍ରମହାଵିଷଦଗ୍ଧଶରୀରଂ
ପ୍ରାଣଵିନିର୍ଗମଭୀତିସମାକୁଲମନ୍ଦମନାଥମତୀଵ ଵିଷଣ୍ଣମ୍ ।
ମୋହମହାକୁହରେ ପତିତଂ ଦଯଯୋଦ୍ଧର ମାମଜିତେନ୍ଦ୍ରିଯକାମଂ
ତ୍ଵାଂ ଭଜତୋ ମମ ଦେହି ଦଯାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ଯମ୍ ॥ 7 ॥
ଇନ୍ଦ୍ରିଯନାମକଚୋରଗଣୈର୍ହୃତତତ୍ତ୍ଵଵିଵେକମହାଧନରାଶିଂ
ସଂସୃତିଜାଲନିପାତିତମେଵ ମହାବଲିଭିଶ୍ଚ ଵିଖଣ୍ଡିତକାଯମ୍ ।
ତ୍ଵତ୍ପଦପଦ୍ମମନୁତ୍ତମମାଶ୍ରିତମାଶୁ କପୀଶ୍ଵର ପାହି କୃପାଲୋ
ତ୍ଵାଂ ଭଜତୋ ମମ ଦେହି ଦଯାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ଯମ୍ ॥ 8 ॥
ବ୍ରହ୍ମମରୁଦ୍ଗଣରୁଦ୍ରମହେନ୍ଦ୍ରକିରୀଟସୁକୋଟିଲସତ୍ପଦପୀଠଂ
ଦାଶରଥିଂ ଜପତି କ୍ଷିତିମଣ୍ଡଲ ଏଷ ନିଧାଯ ସଦୈଵ ହୃଦବ୍ଜେ ।
ତସ୍ଯ ହନୂମତ ଏଵ ଶିଵଙ୍କରମଷ୍ଟକମେତଦନିଷ୍ଟହରଂ ଵୈ
ଯଃ ସତତଂ ହି ପଠେତ୍ସ ନରୋ ଲଭତେଽଚ୍ଯୁତରାମପଦାବ୍ଜନିଵାସମ୍ ॥ 9 ॥
ଇତି ଶ୍ରୀ ମଧୁସୂଦନାଶ୍ରମ ଶିଷ୍ଯାଽଚ୍ଯୁତଵିରଚିତଂ ଶ୍ରୀମଦ୍ଦନୁମଦଷ୍ଟକମ୍ ।
Roman (IAST) Transliteration
śrīraghurājapadābjaniketana paṅkajalocana maṅgalarāśe
caṇḍamahābhujadaṇḍa surārivikhaṇḍanapaṇḍita pāhi dayālo |
pātakinaṃ ca samuddhara māṃ mahatāṃ hi satāmapi mānamudāraṃ
tvāṃ bhajato mama dehi dayāghana he hanuman svapadāmbujadāsyam || 1 ||
saṃsṛtitāpamahānaladagdhatanūruhamarmatanorativelaṃ
putradhanasvajanātmagṛhādiṣu saktamateratikilbiṣamūrteḥ |
kenacidapyamalena purākṛtapuṇyasupuñjalavena vibho vai
tvāṃ bhajato mama dehi dayāghana he hanuman svapadāmbujadāsyam || 2 ||
saṃsṛtikūpamanalpamaghoranidāghanidānamajasramaśeṣaṃ
prāpya suduḥkhasahasrabhujaṅgaviṣaikasamākulasarvatanorme |
ghoramahākṛpaṇāpadameva gatasya hare patitasya bhavābdhau
tvāṃ bhajato mama dehi dayāghana he hanuman svapadāmbujadāsyam || 3 ||
saṃsṛtisindhuviśālakarālamahābalakālajhaṣagrasanārtaṃ
vyagrasamagradhiyaṃ kṛpaṇaṃ ca mahāmadanakrasucakrahṛtāsum |
kālamahārasanorminipīḍitamuddhara dīnamananyagatiṃ māṃ
tvāṃ bhajato mama dehi dayāghana he hanuman svapadāmbujadāsyam || 4 ||
saṃsṛtighoramahāgahane carato maṇirañjitapuṇyasumūrteḥ
manmathabhīkaraghoramahogramṛgapravarārditagātrasusandheḥ |
matsaratāpaviśeṣanipīḍitabāhyamateśca kathaṃ cidameyaṃ
tvāṃ bhajato mama dehi dayāghana he hanuman svapadāmbujadāsyam || 5 ||
saṃsṛtivṛkṣamanekaśatāghanidānamanantavikarmasuśākhaṃ
duḥkhaphalaṃ karaṇādipalāśamanaṅgasupuṣpamacintyasumūlam |
taṃ hyadhiruhya hare patitaṃ śaraṇāgatameva vimocaya mūḍhaṃ
tvāṃ bhajato mama dehi dayāghana he hanuman svapadāmbujadāsyam || 6 ||
saṃsṛtipannagavaktrabhayaṅkaradaṃṣṭramahāviṣadagdhaśarīraṃ
prāṇavinirgamabhītisamākulamandamanāthamatīva viṣaṇṇam |
mohamahākuhare patitaṃ dayayoddhara māmajitendriyakāmaṃ
tvāṃ bhajato mama dehi dayāghana he hanuman svapadāmbujadāsyam || 7 ||
indriyanāmakacoragaṇairhṛtatattvavivekamahādhanarāśiṃ
saṃsṛtijālanipātitameva mahābalibhiśca vikhaṇḍitakāyam |
tvatpadapadmamanuttamamāśritamāśu kapīśvara pāhi kṛpālo
tvāṃ bhajato mama dehi dayāghana he hanuman svapadāmbujadāsyam || 8 ||
brahmamarudgaṇarudramahendrakirīṭasukoṭilasatpadapīṭhaṃ
dāśarathiṃ japati kṣitimaṇḍala eṣa nidhāya sadaiva hṛdabje |
tasya hanūmata eva śivaṅkaramaṣṭakametadaniṣṭaharaṃ vai
yaḥ satataṃ hi paṭhetsa naro labhate'cyutarāmapadābjanivāsam || 9 ||
iti śrī madhusūdanāśrama śiṣyā'cyutaviracitaṃ śrīmaddanumadaṣṭakam |
Sanskrit — Devanagari (original)
श्रीरघुराजपदाब्जनिकेतन पङ्कजलोचन मङ्गलराशे
चण्डमहाभुजदण्ड सुरारिविखण्डनपण्डित पाहि दयालो ।
पातकिनं च समुद्धर मां महतां हि सतामपि मानमुदारं
त्वां भजतो मम देहि दयाघन हे हनुमन् स्वपदाम्बुजदास्यम् ॥ 1 ॥
संसृतितापमहानलदग्धतनूरुहमर्मतनोरतिवेलं
पुत्रधनस्वजनात्मगृहादिषु सक्तमतेरतिकिल्बिषमूर्तेः ।
केनचिदप्यमलेन पुराकृतपुण्यसुपुञ्जलवेन विभो वै
त्वां भजतो मम देहि दयाघन हे हनुमन् स्वपदाम्बुजदास्यम् ॥ 2 ॥
संसृतिकूपमनल्पमघोरनिदाघनिदानमजस्रमशेषं
प्राप्य सुदुःखसहस्रभुजङ्गविषैकसमाकुलसर्वतनोर्मे ।
घोरमहाकृपणापदमेव गतस्य हरे पतितस्य भवाब्धौ
त्वां भजतो मम देहि दयाघन हे हनुमन् स्वपदाम्बुजदास्यम् ॥ 3 ॥
संसृतिसिन्धुविशालकरालमहाबलकालझषग्रसनार्तं
व्यग्रसमग्रधियं कृपणं च महामदनक्रसुचक्रहृतासुम् ।
कालमहारसनोर्मिनिपीडितमुद्धर दीनमनन्यगतिं मां
त्वां भजतो मम देहि दयाघन हे हनुमन् स्वपदाम्बुजदास्यम् ॥ 4 ॥
संसृतिघोरमहागहने चरतो मणिरञ्जितपुण्यसुमूर्तेः
मन्मथभीकरघोरमहोग्रमृगप्रवरार्दितगात्रसुसन्धेः ।
मत्सरतापविशेषनिपीडितबाह्यमतेश्च कथं चिदमेयं
त्वां भजतो मम देहि दयाघन हे हनुमन् स्वपदाम्बुजदास्यम् ॥ 5 ॥
संसृतिवृक्षमनेकशताघनिदानमनन्तविकर्मसुशाखं
दुःखफलं करणादिपलाशमनङ्गसुपुष्पमचिन्त्यसुमूलम् ।
तं ह्यधिरुह्य हरे पतितं शरणागतमेव विमोचय मूढं
त्वां भजतो मम देहि दयाघन हे हनुमन् स्वपदाम्बुजदास्यम् ॥ 6 ॥
संसृतिपन्नगवक्त्रभयङ्करदंष्ट्रमहाविषदग्धशरीरं
प्राणविनिर्गमभीतिसमाकुलमन्दमनाथमतीव विषण्णम् ।
मोहमहाकुहरे पतितं दययोद्धर मामजितेन्द्रियकामं
त्वां भजतो मम देहि दयाघन हे हनुमन् स्वपदाम्बुजदास्यम् ॥ 7 ॥
इन्द्रियनामकचोरगणैर्हृततत्त्वविवेकमहाधनराशिं
संसृतिजालनिपातितमेव महाबलिभिश्च विखण्डितकायम् ।
त्वत्पदपद्ममनुत्तममाश्रितमाशु कपीश्वर पाहि कृपालो
त्वां भजतो मम देहि दयाघन हे हनुमन् स्वपदाम्बुजदास्यम् ॥ 8 ॥
ब्रह्ममरुद्गणरुद्रमहेन्द्रकिरीटसुकोटिलसत्पदपीठं
दाशरथिं जपति क्षितिमण्डल एष निधाय सदैव हृदब्जे ।
तस्य हनूमत एव शिवङ्करमष्टकमेतदनिष्टहरं वै
यः सततं हि पठेत्स नरो लभतेऽच्युतरामपदाब्जनिवासम् ॥ 9 ॥
इति श्री मधुसूदनाश्रम शिष्याऽच्युतविरचितं श्रीमद्दनुमदष्टकम् ।
śrīraghurājapadābjaniketana paṅkajalocana maṅgalarāśe
caṇḍamahābhujadaṇḍa surārivikhaṇḍanapaṇḍita pāhi dayālo |
pātakinaṃ ca samuddhara māṃ mahatāṃ hi satāmapi mānamudāraṃ
tvāṃ bhajato mama dehi dayāghana he hanuman svapadāmbujadāsyam || 1 ||
saṃsṛtitāpamahānaladagdhatanūruhamarmatanorativelaṃ
putradhanasvajanātmagṛhādiṣu saktamateratikilbiṣamūrteḥ |
kenacidapyamalena purākṛtapuṇyasupuñjalavena vibho vai
tvāṃ bhajato mama dehi dayāghana he hanuman svapadāmbujadāsyam || 2 ||
saṃsṛtikūpamanalpamaghoranidāghanidānamajasramaśeṣaṃ
prāpya suduḥkhasahasrabhujaṅgaviṣaikasamākulasarvatanorme |
ghoramahākṛpaṇāpadameva gatasya hare patitasya bhavābdhau
tvāṃ bhajato mama dehi dayāghana he hanuman svapadāmbujadāsyam || 3 ||
saṃsṛtisindhuviśālakarālamahābalakālajhaṣagrasanārtaṃ
vyagrasamagradhiyaṃ kṛpaṇaṃ ca mahāmadanakrasucakrahṛtāsum |
kālamahārasanorminipīḍitamuddhara dīnamananyagatiṃ māṃ
tvāṃ bhajato mama dehi dayāghana he hanuman svapadāmbujadāsyam || 4 ||
saṃsṛtighoramahāgahane carato maṇirañjitapuṇyasumūrteḥ
manmathabhīkaraghoramahogramṛgapravarārditagātrasusandheḥ |
matsaratāpaviśeṣanipīḍitabāhyamateśca kathaṃ cidameyaṃ
tvāṃ bhajato mama dehi dayāghana he hanuman svapadāmbujadāsyam || 5 ||
saṃsṛtivṛkṣamanekaśatāghanidānamanantavikarmasuśākhaṃ
duḥkhaphalaṃ karaṇādipalāśamanaṅgasupuṣpamacintyasumūlam |
taṃ hyadhiruhya hare patitaṃ śaraṇāgatameva vimocaya mūḍhaṃ
tvāṃ bhajato mama dehi dayāghana he hanuman svapadāmbujadāsyam || 6 ||
saṃsṛtipannagavaktrabhayaṅkaradaṃṣṭramahāviṣadagdhaśarīraṃ
prāṇavinirgamabhītisamākulamandamanāthamatīva viṣaṇṇam |
mohamahākuhare patitaṃ dayayoddhara māmajitendriyakāmaṃ
tvāṃ bhajato mama dehi dayāghana he hanuman svapadāmbujadāsyam || 7 ||
indriyanāmakacoragaṇairhṛtatattvavivekamahādhanarāśiṃ
saṃsṛtijālanipātitameva mahābalibhiśca vikhaṇḍitakāyam |
tvatpadapadmamanuttamamāśritamāśu kapīśvara pāhi kṛpālo
tvāṃ bhajato mama dehi dayāghana he hanuman svapadāmbujadāsyam || 8 ||
brahmamarudgaṇarudramahendrakirīṭasukoṭilasatpadapīṭhaṃ
dāśarathiṃ japati kṣitimaṇḍala eṣa nidhāya sadaiva hṛdabje |
tasya hanūmata eva śivaṅkaramaṣṭakametadaniṣṭaharaṃ vai
yaḥ satataṃ hi paṭhetsa naro labhate'cyutarāmapadābjanivāsam || 9 ||
iti śrī madhusūdanāśrama śiṣyā'cyutaviracitaṃ śrīmaddanumadaṣṭakam |
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.