നാരദ ഉവാച –
ഭഗവന്സര്വധര്മജ്ഞ സര്വശാസ്ത്രവിശാരദ ।
ശ്രുതിസ്മൃതിപുരാണാനാം രഹസ്യം ത്വന്മുഖാച്ഛ്രുതമ് ॥ 1 ॥
സര്വപാപഹരം ദേവ യേന വിദ്യാ പ്രവര്തതേ ।
കേന വാ ബ്രഹ്മവിജ്ഞാനം കിം നു വാ മോക്ഷസാധനമ് ॥ 2 ॥
ബ്രാഹ്മണാനാം ഗതിഃ കേന കേന വാ മൃത്യു നാശനമ് ।
ഐഹികാമുഷ്മികഫലം കേന വാ പദ്മലോചന ॥ 3 ॥
വക്തുമര്ഹസ്യശേഷേണ സര്വേ നിഖിലമാദിതഃ ।
ശ്രീനാരായണ ഉവാച –
സാധു സാധു മഹാപ്രാജ്ഞ സമ്യക് പൃഷ്ടം ത്വയാഽനഘ ॥ 4 ॥
ശൃണു വക്ഷ്യാമി യത്നേന ഗായത്ര്യഷ്ടസഹസ്രകമ് ।
നാമ്നാം ശുഭാനാം ദിവ്യാനാം സര്വപാപവിനാശനമ് ॥ 5 ॥
സൃഷ്ട്യാദൌ യദ്ഭഗവതാ പൂര്വേ പ്രോക്തം ബ്രവീമി തേ ।
അഷ്ടോത്തരസഹസ്രസ്യ ഋഷിര്ബ്രഹ്മാ പ്രകീര്തിതഃ ॥ 6 ॥
ഛന്ദോഽനുഷ്ടുപ്തഥാ ദേവീ ഗായത്രീം ദേവതാ സ്മൃതാ ।
ഹലോബീജാനി തസ്യൈവ സ്വരാഃ ശക്തയ ഈരിതാഃ ॥ 7 ॥
അങ്ഗന്യാസകരന്യാസാവുച്യേതേ മാതൃകാക്ഷരൈഃ ।
അഥ ധ്യാനം പ്രവക്ഷ്യാമി സാധകാനാം ഹിതായ വൈ ॥ 8 ॥
ധ്യാനമ്
രക്തശ്വേതഹിരണ്യനീലധവലൈര്യുക്താം ത്രിനീത്രോജ്ജ്വലാം
രക്താം രക്തനവസ്രജം മണിഗണൈര്യുക്താം കുമാരീമിമാമ് ।
ഗായത്രീം കമലാസനാം കരതലവ്യാനദ്ധകുണ്ഡാമ്ബുജാം
പദ്മാക്ഷീം ച വരസ്രജം ച ദധതീം ഹംസാധിരൂഢാം ഭജേ ॥ 9 ॥
അചിന്ത്യലക്ഷണാവ്യക്താപ്യര്ഥമാതൃമഹേശ്വരീ ।
അമൃതാര്ണവമധ്യസ്ഥാപ്യജിതാ ചാപരാജിതാ ॥ 10 ॥
അണിമാദിഗുണാധാരാപ്യര്കമണ്ഡലസംസ്ഥിതാ ।
അജരാജാപരാധര്മാ അക്ഷസൂത്രധരാധരാ ॥ 11 ॥
അകാരാദിക്ഷകാരാന്താപ്യരിഷഡ്വര്ഗഭേദിനീ ।
അഞ്ജനാദ്രിപ്രതീകാശാപ്യഞ്ജനാദ്രിനിവാസിനീ ॥ 12 ॥
അദിതിശ്ചാജപാവിദ്യാപ്യരവിന്ദനിഭേക്ഷണാ ।
അന്തര്ബഹിഃസ്ഥിതാവിദ്യാധ്വംസിനീ ചാന്തരാത്മികാ ॥ 13 ॥
അജാ ചാജമുഖാവാസാപ്യരവിന്ദനിഭാനനാ ।
അര്ധമാത്രാര്ഥദാനജ്ഞാപ്യരിമണ്ഡലമര്ദിനീ ॥ 14 ॥
അസുരഘ്നീ ഹ്യമാവാസ്യാപ്യലക്ഷ്മീഘ്ന്യന്ത്യജാര്ചിതാ ।
ആദിലക്ഷ്മീശ്ചാദിശക്തിരാകൃതിശ്ചായതാനനാ ॥ 15 ॥
ആദിത്യപദവീചാരാപ്യാദിത്യപരിസേവിതാ ।
ആചാര്യാവര്തനാചാരാപ്യാദിമൂര്തിനിവാസിനീ ॥ 16 ॥
ആഗ്നേയീ ചാമരീ ചാദ്യാ ചാരാധ്യാ ചാസനസ്ഥിതാ ।
ആധാരനിലയാധാരാ ചാകാശാന്തനിവാസിനീ ॥ 17 ॥
ആദ്യാക്ഷരസമായുക്താ ചാന്തരാകാശരൂപിണീ ।
ആദിത്യമണ്ഡലഗതാ ചാന്തരധ്വാന്തനാശിനീ ॥ 18 ॥
ഇന്ദിരാ ചേഷ്ടദാ ചേഷ്ടാ ചേന്ദീവരനിഭേക്ഷണാ ।
ഇരാവതീ ചേന്ദ്രപദാ ചേന്ദ്രാണീ ചേന്ദുരൂപിണീ ॥ 19 ॥
ഇക്ഷുകോദണ്ഡസംയുക്താ ചേഷുസന്ധാനകാരിണീ ।
ഇന്ദ്രനീലസമാകാരാ ചേഡാപിങ്ഗലരൂപിണീ ॥ 20 ॥
ഇന്ദ്രാക്ഷീചേശ്വരീ ദേവീ ചേഹാത്രയവിവര്ജിതാ ।
ഉമാ ചോഷാ ഹ്യുഡുനിഭാ ഉര്വാരുകഫലാനനാ ॥ 21 ॥
ഉഡുപ്രഭാ ചോഡുമതീ ഹ്യുഡുപാ ഹ്യുഡുമധ്യഗാ ।
ഊര്ധ്വാ ചാപ്യൂര്ധ്വകേശീ ചാപ്യൂര്ധ്വാധോഗതിഭേദിനീ ॥ 22 ॥
ഊര്ധ്വബാഹുപ്രിയാ ചോര്മിമാലാവാഗ്ഗ്രന്ഥദായിനീ ।
ഋതം ചര്ഷിരൃതുമതീ ഋഷിദേവനമസ്കൃതാ ॥ 23 ॥
ഋഗ്വേദാ ഋണഹര്ത്രീ ച ഋഷിമണ്ഡലചാരിണീ ।
ഋദ്ധിദാ ഋജുമാര്ഗസ്ഥാ ഋജുധര്മാ ഋജുപ്രദാ ॥ 24 ॥
ഋഗ്വേദനിലയാ ഋജ്വീ ലുപ്തധര്മപ്രവര്തിനീ ।
ലൂതാരിവരസമ്ഭൂതാ ലൂതാദിവിഷഹാരിണീ ॥ 25 ॥
ഏകാക്ഷരാ ചൈകമാത്രാ ചൈകാ ചൈകൈകനിഷ്ഠിതാ ।
ഐന്ദ്രീ ഹ്യൈരാവതാരൂഢാ ചൈഹികാമുഷ്മികപ്രദാ ॥ 26 ॥
ഓങ്കാരാ ഹ്യോഷധീ ചോതാ ചോതപ്രോതനിവാസിനീ ।
ഔര്വാ ഹ്യൌഷധസമ്പന്നാ ഔപാസനഫലപ്രദാ ॥ 27 ॥
അണ്ഡമധ്യസ്ഥിതാ ദേവീ ചാഃകാരമനുരൂപിണീ ।
കാത്യായനീ കാലരാത്രിഃ കാമാക്ഷീ കാമസുന്ദരീ ॥ 28 ॥
കമലാ കാമിനീ കാന്താ കാമദാ കാലകണ്ഠിനീ ।
കരികുമ്ഭസ്തനഭരാ കരവീരസുവാസിനീ ॥ 29 ॥
കല്യാണീ കുണ്ഡലവതീ കുരുക്ഷേത്രനിവാസിനീ ।
കുരുവിന്ദദലാകാരാ കുണ്ഡലീ കുമുദാലയാ ॥ 30 ॥
കാലജിഹ്വാ കരാലാസ്യാ കാലികാ കാലരൂപിണീ ।
കമനീയഗുണാ കാന്തിഃ കലാധാരാ കുമുദ്വതീ ॥ 31 ॥
കൌശികീ കമലാകാരാ കാമചാരപ്രഭഞ്ജിനീ ।
കൌമാരീ കരുണാപാങ്ഗീ കകുവന്താ കരിപ്രിയാ ॥ 32 ॥
കേസരീ കേശവനുതാ കദമ്ബകുസുമപ്രിയാ ।
കാലിന്ദീ കാലികാ കാഞ്ചീ കലശോദ്ഭവസംസ്തുതാ ॥ 33 ॥
കാമമാതാ ക്രതുമതീ കാമരൂപാ കൃപാവതീ ।
കുമാരീ കുണ്ഡനിലയാ കിരാതീ കീരവാഹനാ ॥ 34 ॥
കൈകേയീ കോകിലാലാപാ കേതകീ കുസുമപ്രിയാ ।
കമണ്ഡലുധരാ കാലീ കര്മനിര്മൂലകാരിണീ ॥ 35 ॥
കലഹംസഗതിഃ കക്ഷാ കൃതകൌതുകമങ്ഗലാ ।
കസ്തൂരീതിലകാ കമ്പ്രാ കരീന്ദ്രഗമനാ കുഹൂഃ ॥ 36 ॥
കര്പൂരലേപനാ കൃഷ്ണാ കപിലാ കുഹരാശ്രയാ ।
കൂടസ്ഥാ കുധരാ കമ്രാ കുക്ഷിസ്ഥാഖിലവിഷ്ടപാ ॥ 37 ॥
ഖഡ്ഗഖേടധരാ ഖര്വാ ഖേചരീ ഖഗവാഹനാ ।
ഖട്വാങ്ഗധാരിണീ ഖ്യാതാ ഖഗരാജോപരിസ്ഥിതാ ॥ 38 ॥
ഖലഘ്നീ ഖണ്ഡിതജരാ ഖണ്ഡാഖ്യാനപ്രദായിനീ ।
ഖണ്ഡേന്ദുതിലകാ ഗങ്ഗാ ഗണേശഗുഹപൂജിതാ ॥ 39 ॥
ഗായത്രീ ഗോമതീ ഗീതാ ഗാന്ധാരീ ഗാനലോലുപാ ।
ഗൌതമീ ഗാമിനീ ഗാധാ ഗന്ധര്വാപ്സരസേവിതാ ॥ 40 ॥
ഗോവിന്ദചരണാക്രാന്താ ഗുണത്രയവിഭാവിതാ ।
ഗന്ധര്വീ ഗഹ്വരീ ഗോത്രാ ഗിരീശാ ഗഹനാ ഗമീ ॥ 41 ॥
ഗുഹാവാസാ ഗുണവതീ ഗുരുപാപപ്രണാശിനീ ।
ഗുര്വീ ഗുണവതീ ഗുഹ്യാ ഗോപ്തവ്യാ ഗുണദായിനീ ॥ 42 ॥
ഗിരിജാ ഗുഹ്യമാതങ്ഗീ ഗരുഡധ്വജവല്ലഭാ ।
ഗര്വാപഹാരിണീ ഗോദാ ഗോകുലസ്ഥാ ഗദാധരാ ॥ 43 ॥
ഗോകര്ണനിലയാസക്താ ഗുഹ്യമണ്ഡലവര്തിനീ ।
ഘര്മദാ ഘനദാ ഘണ്ടാ ഘോരദാനവമര്ദിനീ ॥ 44 ॥
ഘൃണിമന്ത്രമയീ ഘോഷാ ഘനസമ്പാതദായിനീ ।
ഘണ്ടാരവപ്രിയാ ഘ്രാണാ ഘൃണിസന്തുഷ്ടകാരിണീ ॥ 45 ॥
ഘനാരിമണ്ഡലാ ഘൂര്ണാ ഘൃതാചീ ഘനവേഗിനീ ।
ജ്ഞാനധാതുമയീ ചര്ചാ ചര്ചിതാ ചാരുഹാസിനീ ॥ 46 ॥
ചടുലാ ചണ്ഡികാ ചിത്രാ ചിത്രമാല്യവിഭൂഷിതാ ।
ചതുര്ഭുജാ ചാരുദന്താ ചാതുരീ ചരിതപ്രദാ ॥ 47 ॥
ചൂലികാ ചിത്രവസ്ത്രാന്താ ചന്ദ്രമഃകര്ണകുണ്ഡലാ ।
ചന്ദ്രഹാസാ ചാരുദാത്രീ ചകോരീ ചന്ദ്രഹാസിനീ ॥ 48 ॥
ചന്ദ്രികാ ചന്ദ്രധാത്രീ ച ചൌരീ ചൌരാ ച ചണ്ഡികാ ।
ചഞ്ചദ്വാഗ്വാദിനീ ചന്ദ്രചൂഡാ ചോരവിനാശിനീ ॥ 49 ॥
ചാരുചന്ദനലിപ്താങ്ഗീ ചഞ്ചച്ചാമരവീജിതാ ।
ചാരുമധ്യാ ചാരുഗതിശ്ചന്ദിലാ ചന്ദ്രരൂപിണീ ॥ 50 ॥
ചാരുഹോമപ്രിയാ ചാര്വാചരിതാ ചക്രബാഹുകാ ।
ചന്ദ്രമണ്ഡലമധ്യസ്ഥാ ചന്ദ്രമണ്ഡലദര്പണാ ॥ 51 ॥
ചക്രവാകസ്തനീ ചേഷ്ടാ ചിത്രാ ചാരുവിലാസിനീ ।
ചിത്സ്വരൂപാ ചന്ദ്രവതീ ചന്ദ്രമാശ്ചന്ദനപ്രിയാ ॥ 52 ॥
ചോദയിത്രീ ചിരപ്രജ്ഞാ ചാതകാ ചാരുഹേതുകീ ।
ഛത്രയാതാ ഛത്രധരാ ഛായാ ഛന്ദഃപരിച്ഛദാ ॥ 53 ॥
ഛായാദേവീ ഛിദ്രനഖാ ഛന്നേന്ദ്രിയവിസര്പിണീ ।
ഛന്ദോഽനുഷ്ടുപ്പ്രതിഷ്ഠാന്താ ഛിദ്രോപദ്രവഭേദിനീ ॥ 54 ॥
ഛേദാ ഛത്രേശ്വരീ ഛിന്നാ ഛുരികാ ഛേദനപ്രിയാ ।
ജനനീ ജന്മരഹിതാ ജാതവേദാ ജഗന്മയീ ॥ 55 ॥
ജാഹ്നവീ ജടിലാ ജേത്രീ ജരാമരണവര്ജിതാ ।
ജമ്ബൂദ്വീപവതീ ജ്വാലാ ജയന്തീ ജലശാലിനീ ॥ 56 ॥
ജിതേന്ദ്രിയാ ജിതക്രോധാ ജിതാമിത്രാ ജഗത്പ്രിയാ ।
ജാതരൂപമയീ ജിഹ്വാ ജാനകീ ജഗതീ ജരാ ॥ 57 ॥
ജനിത്രീ ജഹ്നുതനയാ ജഗത്ത്രയഹിതൈഷിണീ ।
ജ്വാലാമുഖീ ജപവതീ ജ്വരഘ്നീ ജിതവിഷ്ടപാ ॥ 58 ॥
ജിതാക്രാന്തമയീ ജ്വാലാ ജാഗ്രതീ ജ്വരദേവതാ ।
ജ്വലന്തീ ജലദാ ജ്യേഷ്ഠാ ജ്യാഘോഷാസ്ഫോടദിങ്മുഖീ ॥ 59 ॥
ജമ്ഭിനീ ജൃമ്ഭണാ ജൃമ്ഭാ ജ്വലന്മാണിക്യകുണ്ഡലാ ।
ഝിഞ്ഝികാ ഝണനിര്ഘോഷാ ഝഞ്ഝാമാരുതവേഗിനീ ॥ 60 ॥
ഝല്ലരീവാദ്യകുശലാ ഞരൂപാ ഞഭുജാ സ്മൃതാ ।
ടങ്കബാണസമായുക്താ ടങ്കിനീ ടങ്കഭേദിനീ ॥ 61 ॥
ടങ്കീഗണകൃതാഘോഷാ ടങ്കനീയമഹോരസാ ।
ടങ്കാരകാരിണീ ദേവീ ഠഠശബ്ദനിനാദിനീ ॥ 62 ॥
ഡാമരീ ഡാകിനീ ഡിമ്ഭാ ഡുണ്ഡുമാരൈകനിര്ജിതാ ।
ഡാമരീതന്ത്രമാര്ഗസ്ഥാ ഡമഡ്ഡമരുനാദിനീ ॥ 63 ॥
ഡിണ്ഡീരവസഹാ ഡിമ്ഭലസത്ക്രീഡാപരായണാ ।
ഢുണ്ഢിവിഘ്നേശജനനീ ഢക്കാഹസ്താ ഢിലിവ്രജാ ॥ 64 ॥
നിത്യജ്ഞാനാ നിരുപമാ നിര്ഗുണാ നര്മദാ നദീ ।
ത്രിഗുണാ ത്രിപദാ തന്ത്രീ തുലസീ തരുണാ തരുഃ ॥ 65 ॥
ത്രിവിക്രമപദാക്രാന്താ തുരീയപദഗാമിനീ ।
തരുണാദിത്യസങ്കാശാ താമസീ തുഹിനാ തുരാ ॥ 66 ॥
ത്രികാലജ്ഞാനസമ്പന്നാ ത്രിവേണീ ച ത്രിലോചനാ ।
ത്രിശക്തിസ്ത്രിപുരാ തുങ്ഗാ തുരങ്ഗവദനാ തഥാ ॥ 67 ॥
തിമിങ്ഗിലഗിലാ തീവ്രാ ത്രിസ്രോതാ താമസാദിനീ ।
തന്ത്രമന്ത്രവിശേഷജ്ഞാ തനുമധ്യാ ത്രിവിഷ്ടപാ ॥ 68 ॥
ത്രിസന്ധ്യാ ത്രിസ്തനീ തോഷാസംസ്ഥാ താലപ്രതാപിനീ ।
താടങ്കിനീ തുഷാരാഭാ തുഹിനാചലവാസിനീ ॥ 69 ॥
തന്തുജാലസമായുക്താ താരഹാരാവലിപ്രിയാ ।
തിലഹോമപ്രിയാ തീര്ഥാ തമാലകുസുമാകൃതിഃ ॥ 70 ॥
താരകാ ത്രിയുതാ തന്വീ ത്രിശങ്കുപരിവാരിതാ ।
തലോദരീ തിലാഭൂഷാ താടങ്കപ്രിയവാദിനീ ॥ 71 ॥
ത്രിജടാ തിത്തിരീ തൃഷ്ണാ ത്രിവിധാ തരുണാകൃതിഃ ।
തപ്തകാഞ്ചനസങ്കാശാ തപ്തകാഞ്ചനഭൂഷണാ ॥ 72 ॥
ത്രൈയമ്ബകാ ത്രിവര്ഗാ ച ത്രികാലജ്ഞാനദായിനീ ।
തര്പണാ തൃപ്തിദാ തൃപ്താ താമസീ തുമ്ബുരുസ്തുതാ ॥ 73 ॥
താര്ക്ഷ്യസ്ഥാ ത്രിഗുണാകാരാ ത്രിഭങ്ഗീ തനുവല്ലരിഃ ।
ഥാത്കാരീ ഥാരവാ ഥാന്താ ദോഹിനീ ദീനവത്സലാ ॥ 74 ॥
ദാനവാന്തകരീ ദുര്ഗാ ദുര്ഗാസുരനിബര്ഹിണീ ।
ദേവരീതിര്ദിവാരാത്രിര്ദ്രൌപദീ ദുന്ദുഭിസ്വനാ ॥ 75 ॥
ദേവയാനീ ദുരാവാസാ ദാരിദ്ര്യോദ്ഭേദിനീ ദിവാ ।
ദാമോദരപ്രിയാ ദീപ്താ ദിഗ്വാസാ ദിഗ്വിമോഹിനീ ॥ 76 ॥
ദണ്ഡകാരണ്യനിലയാ ദണ്ഡിനീ ദേവപൂജിതാ ।
ദേവവന്ദ്യാ ദിവിഷദാ ദ്വേഷിണീ ദാനവാകൃതിഃ ॥ 77 ॥
ദീനാനാഥസ്തുതാ ദീക്ഷാ ദൈവതാദിസ്വരൂപിണീ ।
ധാത്രീ ധനുര്ധരാ ധേനുര്ധാരിണീ ധര്മചാരിണീ ॥ 78 ॥
ധുരന്ധരാ ധരാധാരാ ധനദാ ധാന്യദോഹിനീ ।
ധര്മശീലാ ധനാധ്യക്ഷാ ധനുര്വേദവിശാരദാ ॥ 79 ॥
ധൃതിര്ധന്യാ ധൃതപദാ ധര്മരാജപ്രിയാ ധ്രുവാ ।
ധൂമാവതീ ധൂമകേശീ ധര്മശാസ്ത്രപ്രകാശിനീ ॥ 80 ॥
നന്ദാ നന്ദപ്രിയാ നിദ്രാ നൃനുതാ നന്ദനാത്മികാ ।
നര്മദാ നലിനീ നീലാ നീലകണ്ഠസമാശ്രയാ ॥ 81 ॥
നാരായണപ്രിയാ നിത്യാ നിര്മലാ നിര്ഗുണാ നിധിഃ ।
നിരാധാരാ നിരുപമാ നിത്യശുദ്ധാ നിരഞ്ജനാ ॥ 82 ॥
നാദബിന്ദുകലാതീതാ നാദബിന്ദുകലാത്മികാ ।
നൃസിംഹിനീ നഗധരാ നൃപനാഗവിഭൂഷിതാ ॥ 83 ॥
നരകക്ലേശശമനീ നാരായണപദോദ്ഭവാ ।
നിരവദ്യാ നിരാകാരാ നാരദപ്രിയകാരിണീ ॥ 84 ॥
നാനാജ്യോതിഃ സമാഖ്യാതാ നിധിദാ നിര്മലാത്മികാ ।
നവസൂത്രധരാ നീതിര്നിരുപദ്രവകാരിണീ ॥ 85 ॥
നന്ദജാ നവരത്നാഢ്യാ നൈമിഷാരണ്യവാസിനീ ।
നവനീതപ്രിയാ നാരീ നീലജീമൂതനിസ്വനാ ॥ 86 ॥
നിമേഷിണീ നദീരൂപാ നീലഗ്രീവാ നിശീശ്വരീ ।
നാമാവലിര്നിശുമ്ഭഘ്നീ നാഗലോകനിവാസിനീ ॥ 87 ॥
നവജാമ്ബൂനദപ്രഖ്യാ നാഗലോകാധിദേവതാ ।
നൂപുരാക്രാന്തചരണാ നരചിത്തപ്രമോദിനീ ॥ 88 ॥
നിമഗ്നാരക്തനയനാ നിര്ഘാതസമനിസ്വനാ ।
നന്ദനോദ്യാനനിലയാ നിര്വ്യൂഹോപരിചാരിണീ ॥ 89 ॥
പാര്വതീ പരമോദാരാ പരബ്രഹ്മാത്മികാ പരാ ।
പഞ്ചകോശവിനിര്മുക്താ പഞ്ചപാതകനാശിനീ ॥ 90 ॥
പരചിത്തവിധാനജ്ഞാ പഞ്ചികാ പഞ്ചരൂപിണീ ।
പൂര്ണിമാ പരമാ പ്രീതിഃ പരതേജഃ പ്രകാശിനീ ॥ 91 ॥
പുരാണീ പൌരുഷീ പുണ്യാ പുണ്ഡരീകനിഭേക്ഷണാ ।
പാതാലതലനിര്മഗ്നാ പ്രീതാ പ്രീതിവിവര്ധിനീ ॥ 92 ॥
പാവനീ പാദസഹിതാ പേശലാ പവനാശിനീ ।
പ്രജാപതിഃ പരിശ്രാന്താ പര്വതസ്തനമണ്ഡലാ ॥ 93 ॥
പദ്മപ്രിയാ പദ്മസംസ്ഥാ പദ്മാക്ഷീ പദ്മസമ്ഭവാ ।
പദ്മപത്രാ പദ്മപദാ പദ്മിനീ പ്രിയഭാഷിണീ ॥ 94 ॥
പശുപാശവിനിര്മുക്താ പുരന്ധ്രീ പുരവാസിനീ ।
പുഷ്കലാ പുരുഷാ പര്വാ പാരിജാതസുമപ്രിയാ ॥ 95 ॥
പതിവ്രതാ പവിത്രാങ്ഗീ പുഷ്പഹാസപരായണാ ।
പ്രജ്ഞാവതീസുതാ പൌത്രീ പുത്രപൂജ്യാ പയസ്വിനീ ॥ 96 ॥
പട്ടിപാശധരാ പങ്ക്തിഃ പിതൃലോകപ്രദായിനീ ।
പുരാണീ പുണ്യശീലാ ച പ്രണതാര്തിവിനാശിനീ ॥ 97 ॥
പ്രദ്യുമ്നജനനീ പുഷ്ടാ പിതാമഹപരിഗ്രഹാ ।
പുണ്ഡരീകപുരാവാസാ പുണ്ഡരീകസമാനനാ ॥ 98 ॥
പൃഥുജങ്ഘാ പൃഥുഭുജാ പൃഥുപാദാ പൃഥൂദരീ ।
പ്രവാലശോഭാ പിങ്ഗാക്ഷീ പീതവാസാഃ പ്രചാപലാ ॥ 99 ॥
പ്രസവാ പുഷ്ടിദാ പുണ്യാ പ്രതിഷ്ഠാ പ്രണവാഗതിഃ ।
പഞ്ചവര്ണാ പഞ്ചവാണീ പഞ്ചികാ പഞ്ജരസ്ഥിതാ ॥ 100 ॥
പരമായാ പരജ്യോതിഃ പരപ്രീതിഃ പരാഗതിഃ ।
പരാകാഷ്ഠാ പരേശാനീ പാവനീ പാവകദ്യുതിഃ ॥ 101 ॥
പുണ്യഭദ്രാ പരിച്ഛേദ്യാ പുഷ്പഹാസാ പൃഥൂദരീ ।
പീതാങ്ഗീ പീതവസനാ പീതശയ്യാ പിശാചിനീ ॥ 102 ॥
പീതക്രിയാ പിശാചഘ്നീ പാടലാക്ഷീ പടുക്രിയാ ।
പഞ്ചഭക്ഷപ്രിയാചാരാ പൂതനാപ്രാണഘാതിനീ ॥ 103 ॥
പുന്നാഗവനമധ്യസ്ഥാ പുണ്യതീര്ഥനിഷേവിതാ ।
പഞ്ചാങ്ഗീ ച പരാശക്തിഃ പരമാഹ്ലാദകാരിണീ ॥ 104 ॥
പുഷ്പകാണ്ഡസ്ഥിതാ പൂഷാ പോഷിതാഖിലവിഷ്ടപാ ।
പ്രാണപ്രിയാ പഞ്ചശിഖാ പന്നഗോപരിശായിനീ ॥ 105 ॥
പഞ്ചമാത്രാത്മികാ പൃഥ്വീ പഥികാ പൃഥുദോഹിനീ ।
പുരാണന്യായമീമാംസാ പാടലീ പുഷ്പഗന്ധിനീ ॥ 106 ॥
പുണ്യപ്രജാ പാരദാത്രീ പരമാര്ഗൈകഗോചരാ ।
പ്രവാലശോഭാ പൂര്ണാശാ പ്രണവാ പല്ലവോദരീ ॥ 107 ॥
ഫലിനീ ഫലദാ ഫല്ഗുഃ ഫൂത്കാരീ ഫലകാകൃതിഃ ।
ഫണീന്ദ്രഭോഗശയനാ ഫണിമണ്ഡലമണ്ഡിതാ ॥ 108 ॥
ബാലബാലാ ബഹുമതാ ബാലാതപനിഭാംശുകാ ।
ബലഭദ്രപ്രിയാ വന്ദ്യാ ബഡവാ ബുദ്ധിസംസ്തുതാ ॥ 109 ॥
ബന്ദീദേവീ ബിലവതീ ബഡിശഘ്നീ ബലിപ്രിയാ ।
ബാന്ധവീ ബോധിതാ ബുദ്ധിര്ബന്ധൂകകുസുമപ്രിയാ ॥ 110 ॥
ബാലഭാനുപ്രഭാകാരാ ബ്രാഹ്മീ ബ്രാഹ്മണദേവതാ ।
ബൃഹസ്പതിസ്തുതാ ബൃന്ദാ ബൃന്ദാവനവിഹാരിണീ ॥ 111 ॥
ബാലാകിനീ ബിലാഹാരാ ബിലവാസാ ബഹൂദകാ ।
ബഹുനേത്രാ ബഹുപദാ ബഹുകര്ണാവതംസികാ ॥ 112 ॥
ബഹുബാഹുയുതാ ബീജരൂപിണീ ബഹുരൂപിണീ ।
ബിന്ദുനാദകലാതീതാ ബിന്ദുനാദസ്വരൂപിണീ ॥ 113 ॥
ബദ്ധഗോധാങ്ഗുലിത്രാണാ ബദര്യാശ്രമവാസിനീ ।
ബൃന്ദാരകാ ബൃഹത്സ്കന്ധാ ബൃഹതീ ബാണപാതിനീ ॥ 114 ॥
ബൃന്ദാധ്യക്ഷാ ബഹുനുതാ വനിതാ ബഹുവിക്രമാ ।
ബദ്ധപദ്മാസനാസീനാ ബില്വപത്രതലസ്ഥിതാ ॥ 115 ॥
ബോധിദ്രുമനിജാവാസാ ബഡിസ്ഥാ ബിന്ദുദര്പണാ ।
ബാലാ ബാണാസനവതീ ബഡബാനലവേഗിനീ ॥ 116 ॥
ബ്രഹ്മാണ്ഡബഹിരന്തഃസ്ഥാ ബ്രഹ്മകങ്കണസൂത്രിണീ ।
ഭവാനീ ഭീഷണവതീ ഭാവിനീ ഭയഹാരിണീ ॥ 117 ॥
ഭദ്രകാലീ ഭുജങ്ഗാക്ഷീ ഭാരതീ ഭാരതാശയാ ।
ഭൈരവീ ഭീഷണാകാരാ ഭൂതിദാ ഭൂതിമാലിനീ ॥ 118 ॥
ഭാമിനീ ഭോഗനിരതാ ഭദ്രദാ ഭൂരിവിക്രമാ ।
ഭൂതവാസാ ഭൃഗുലതാ ഭാര്ഗവീ ഭൂസുരാര്ചിതാ ॥ 119 ॥
ഭാഗീരഥീ ഭോഗവതീ ഭവനസ്ഥാ ഭിഷഗ്വരാ ।
ഭാമിനീ ഭോഗിനീ ഭാഷാ ഭവാനീ ഭൂരിദക്ഷിണാ ॥ 120 ॥
ഭര്ഗാത്മികാ ഭീമവതീ ഭവബന്ധവിമോചിനീ ।
ഭജനീയാ ഭൂതധാത്രീരഞ്ജിതാ ഭുവനേശ്വരീ ॥ 121 ॥
ഭുജങ്ഗവലയാ ഭീമാ ഭേരുണ്ഡാ ഭാഗധേയിനീ ।
മാതാ മായാ മധുമതീ മധുജിഹ്വാ മധുപ്രിയാ ॥ 122 ॥
മഹാദേവീ മഹാഭാഗാ മാലിനീ മീനലോചനാ ।
മായാതീതാ മധുമതീ മധുമാംസാ മധുദ്രവാ ॥ 123 ॥
മാനവീ മധുസമ്ഭൂതാ മിഥിലാപുരവാസിനീ ।
മധുകൈടഭസംഹര്ത്രീ മേദിനീ മേഘമാലിനീ ॥ 124 ॥
മന്ദോദരീ മഹാമായാ മൈഥിലീ മസൃണപ്രിയാ ।
മഹാലക്ഷ്മീര്മഹാകാലീ മഹാകന്യാ മഹേശ്വരീ ॥ 125 ॥
മാഹേന്ദ്രീ മേരുതനയാ മന്ദാരകുസുമാര്ചിതാ ।
മഞ്ജുമഞ്ജീരചരണാ മോക്ഷദാ മഞ്ജുഭാഷിണീ ॥ 126 ॥
മധുരദ്രാവിണീ മുദ്രാ മലയാ മലയാന്വിതാ ।
മേധാ മരകതശ്യാമാ മാഗധീ മേനകാത്മജാ ॥ 127 ॥
മഹാമാരീ മഹാവീരാ മഹാശ്യാമാ മനുസ്തുതാ ।
മാതൃകാ മിഹിരാഭാസാ മുകുന്ദപദവിക്രമാ ॥ 128 ॥
മൂലാധാരസ്ഥിതാ മുഗ്ധാ മണിപൂരകവാസിനീ ।
മൃഗാക്ഷീ മഹിഷാരൂഢാ മഹിഷാസുരമര്ദിനീ ॥ 129 ॥
യോഗാസനാ യോഗഗമ്യാ യോഗാ യൌവനകാശ്രയാ ।
യൌവനീ യുദ്ധമധ്യസ്ഥാ യമുനാ യുഗധാരിണീ ॥ 130 ॥
യക്ഷിണീ യോഗയുക്താ ച യക്ഷരാജപ്രസൂതിനീ ।
യാത്രാ യാനവിധാനജ്ഞാ യദുവംശസമുദ്ഭവാ ॥ 131 ॥
യകാരാദിഹകാരാന്താ യാജുഷീ യജ്ഞരൂപിണീ ।
യാമിനീ യോഗനിരതാ യാതുധാനഭയങ്കരീ ॥ 132 ॥
രുക്മിണീ രമണീ രാമാ രേവതീ രേണുകാ രതിഃ ।
രൌദ്രീ രൌദ്രപ്രിയാകാരാ രാമമാതാ രതിപ്രിയാ ॥ 133 ॥
രോഹിണീ രാജ്യദാ രേവാ രമാ രാജീവലോചനാ ।
രാകേശീ രൂപസമ്പന്നാ രത്നസിംഹാസനസ്ഥിതാ ॥ 134 ॥
രക്തമാല്യാമ്ബരധരാ രക്തഗന്ധാനുലേപനാ ।
രാജഹംസസമാരൂഢാ രമ്ഭാ രക്തബലിപ്രിയാ ॥ 135 ॥
രമണീയയുഗാധാരാ രാജിതാഖിലഭൂതലാ ।
രുരുചര്മപരീധാനാ രഥിനീ രത്നമാലികാ ॥ 136 ॥
രോഗേശീ രോഗശമനീ രാവിണീ രോമഹര്ഷിണീ ।
രാമചന്ദ്രപദാക്രാന്താ രാവണച്ഛേദകാരിണീ ॥ 137 ॥
രത്നവസ്ത്രപരിച്ഛന്നാ രഥസ്ഥാ രുക്മഭൂഷണാ ।
ലജ്ജാധിദേവതാ ലോലാ ലലിതാ ലിങ്ഗധാരിണീ ॥ 138 ॥
ലക്ഷ്മീര്ലോലാ ലുപ്തവിഷാ ലോകിനീ ലോകവിശ്രുതാ ।
ലജ്ജാ ലമ്ബോദരീ ദേവീ ലലനാ ലോകധാരിണീ ॥ 139 ॥
വരദാ വന്ദിതാ വിദ്യാ വൈഷ്ണവീ വിമലാകൃതിഃ ।
വാരാഹീ വിരജാ വര്ഷാ വരലക്ഷ്മീര്വിലാസിനീ ॥ 140 ॥
വിനതാ വ്യോമമധ്യസ്ഥാ വാരിജാസനസംസ്ഥിതാ ।
വാരുണീ വേണുസമ്ഭൂതാ വീതിഹോത്രാ വിരൂപിണീ ॥ 141 ॥
വായുമണ്ഡലമധ്യസ്ഥാ വിഷ്ണുരൂപാ വിധിപ്രിയാ ।
വിഷ്ണുപത്നീ വിഷ്ണുമതീ വിശാലാക്ഷീ വസുന്ധരാ ॥ 142 ॥
വാമദേവപ്രിയാ വേലാ വജ്രിണീ വസുദോഹിനീ ।
വേദാക്ഷരപരീതാങ്ഗീ വാജപേയഫലപ്രദാ ॥ 143 ॥
വാസവീ വാമജനനീ വൈകുണ്ഠനിലയാ വരാ ।
വ്യാസപ്രിയാ വര്മധരാ വാല്മീകിപരിസേവിതാ ॥ 144 ॥
ശാകമ്ഭരീ ശിവാ ശാന്താ ശാരദാ ശരണാഗതിഃ ।
ശാതോദരീ ശുഭാചാരാ ശുമ്ഭാസുരവിമര്ദിനീ ॥ 145 ॥
ശോഭാവതീ ശിവാകാരാ ശങ്കരാര്ധശരീരിണീ ।
ശോണാ ശുഭാശയാ ശുഭ്രാ ശിരഃസന്ധാനകാരിണീ ॥ 146 ॥
ശരാവതീ ശരാനന്ദാ ശരജ്ജ്യോത്സ്നാ ശുഭാനനാ ।
ശരഭാ ശൂലിനീ ശുദ്ധാ ശബരീ ശുകവാഹനാ ॥ 147 ॥
ശ്രീമതീ ശ്രീധരാനന്ദാ ശ്രവണാനന്ദദായിനീ ।
ശര്വാണീ ശര്വരീവന്ദ്യാ ഷഡ്ഭാഷാ ഷഡൃതുപ്രിയാ ॥ 148 ॥
ഷഡാധാരസ്ഥിതാ ദേവീ ഷണ്മുഖപ്രിയകാരിണീ ।
ഷഡങ്ഗരൂപസുമതീ സുരാസുരനമസ്കൃതാ ॥ 149 ॥
സരസ്വതീ സദാധാരാ സര്വമങ്ഗലകാരിണീ ।
സാമഗാനപ്രിയാ സൂക്ഷ്മാ സാവിത്രീ സാമസമ്ഭവാ ॥ 150 ॥
സര്വാവാസാ സദാനന്ദാ സുസ്തനീ സാഗരാമ്ബരാ ।
സര്വൈശ്വര്യപ്രിയാ സിദ്ധിഃ സാധുബന്ധുപരാക്രമാ ॥ 151 ॥
സപ്തര്ഷിമണ്ഡലഗതാ സോമമണ്ഡലവാസിനീ ।
സര്വജ്ഞാ സാന്ദ്രകരുണാ സമാനാധികവര്ജിതാ ॥ 152 ॥
സര്വോത്തുങ്ഗാ സങ്ഗഹീനാ സദ്ഗുണാ സകലേഷ്ടദാ ।
സരധാ സൂര്യതനയാ സുകേശീ സോമസംഹതിഃ ॥ 153 ॥
ഹിരണ്യവര്ണാ ഹരിണീ ഹ്രീങ്കാരീ ഹംസവാഹിനീ ।
ക്ഷൌമവസ്ത്രപരീതാങ്ഗീ ക്ഷീരാബ്ധിതനയാ ക്ഷമാ ॥ 154 ॥
ഗായത്രീ ചൈവ സാവിത്രീ പാര്വതീ ച സരസ്വതീ ।
വേദഗര്ഭാ വരാരോഹാ ശ്രീഗായത്രീ പരാമ്ബികാ ॥ 155 ॥
ഇതി സാഹസ്രകം നാമ്നാം ഗായത്ര്യാശ്ചൈവ നാരദ ।
പുണ്യദം സര്വപാപഘ്നം മഹാസമ്പത്തിദായകമ് ॥ 156 ॥
ഏവം നാമാനി ഗായത്ര്യാസ്തോഷോത്പത്തികരാണി ഹി ।
അഷ്ടമ്യാം ച വിശേഷേണ പഠിതവ്യം ദ്വിജൈഃ സഹ ॥ 157 ॥
ജപം കൃത്വാ ഹോമ പൂജാ ധ്യാനം കൃത്വാ വിശേഷതഃ ।
യസ്മൈ കസ്മൈ ന ദാതവ്യം ഗായത്ര്യാസ്തു വിശേഷതഃ ॥ 158 ॥
സുഭക്തായ സുശിഷ്യായ വക്തവ്യം ഭൂസുരായ വൈ ।
ഭ്രഷ്ടേഭ്യഃ സാധകേഭ്യശ്ച ബാന്ധവേഭ്യോ ന ദര്ശയേത് ॥ 159 ॥
യദ്ഗൃഹേ ലിഖിതം ശാസ്ത്രം ഭയം തസ്യ ന കസ്യചിത് ।
ചഞ്ചലാപിസ്ഥിരാ ഭൂത്വാ കമലാ തത്ര തിഷ്ഠതി ॥ 160 ॥
ഇദം രഹസ്യം പരമം ഗുഹ്യാദ്ഗുഹ്യതരം മഹത് ।
പുണ്യപ്രദം മനുഷ്യാണാം ദരിദ്രാണാം നിധിപ്രദമ് ॥ 161 ॥
മോക്ഷപ്രദം മുമുക്ഷൂണാം കാമിനാം സര്വകാമദമ് ।
രോഗാദ്വൈ മുച്യതേ രോഗീ ബദ്ധോ മുച്യേത ബന്ധനാത് ॥ 162 ॥
ബ്രഹ്മഹത്യാ സുരാപാനം സുവര്ണസ്തേയിനോ നരാഃ ।
ഗുരുതല്പഗതോ വാപി പാതകാന്മുച്യതേ സകൃത് ॥ 163 ॥
അസത്പ്രതിഗ്രഹാച്ചൈവാഽഭക്ഷ്യഭക്ഷാദ്വിശേഷതഃ ।
പാഖണ്ഡാനൃതമുഖ്യേഭ്യഃ പഠനാദേവ മുച്യതേ ॥ 164 ॥
ഇദം രഹസ്യമമലം മയോക്തം പദ്മജോദ്ഭവ ।
ബ്രഹ്മസായുജ്യദം നൄണാം സത്യം സത്യം ന സംശയഃ ॥ 165 ॥
ഇതി ശ്രീദേവീഭാഗവതേ മഹാപുരാണേ ദ്വാദശസ്കന്ധേ ഗായത്രീസഹസ്രനാമ സ്തോത്ര കഥനം നാമ ഷഷ്ഠോഽധ്യായഃ ॥
Roman (IAST) Transliteration
nārada uvāca –
bhagavansarvadharmajña sarvaśāstraviśārada |
śrutismṛtipurāṇānāṃ rahasyaṃ tvanmukhācchrutam || 1 ||
sarvapāpaharaṃ deva yena vidyā pravartate |
kena vā brahmavijñānaṃ kiṃ nu vā mokṣasādhanam || 2 ||
brāhmaṇānāṃ gatiḥ kena kena vā mṛtyu nāśanam |
aihikāmuṣmikaphalaṃ kena vā padmalocana || 3 ||
vaktumarhasyaśeṣeṇa sarve nikhilamāditaḥ |
śrīnārāyaṇa uvāca –
sādhu sādhu mahāprājña samyak pṛṣṭaṃ tvayā'nagha || 4 ||
śṛṇu vakṣyāmi yatnena gāyatryaṣṭasahasrakam |
nāmnāṃ śubhānāṃ divyānāṃ sarvapāpavināśanam || 5 ||
sṛṣṭyādau yadbhagavatā pūrve proktaṃ bravīmi te |
aṣṭottarasahasrasya ṛṣirbrahmā prakīrtitaḥ || 6 ||
chando'nuṣṭuptathā devī gāyatrīṃ devatā smṛtā |
halobījāni tasyaiva svarāḥ śaktaya īritāḥ || 7 ||
aṅganyāsakaranyāsāvucyete mātṛkākṣaraiḥ |
atha dhyānaṃ pravakṣyāmi sādhakānāṃ hitāya vai || 8 ||
dhyānam
raktaśvetahiraṇyanīladhavalairyuktāṃ trinītrojjvalāṃ
raktāṃ raktanavasrajaṃ maṇigaṇairyuktāṃ kumārīmimām |
gāyatrīṃ kamalāsanāṃ karatalavyānaddhakuṇḍāmbujāṃ
padmākṣīṃ ca varasrajaṃ ca dadhatīṃ haṃsādhirūḍhāṃ bhaje || 9 ||
acintyalakṣaṇāvyaktāpyarthamātṛmaheśvarī |
amṛtārṇavamadhyasthāpyajitā cāparājitā || 10 ||
aṇimādiguṇādhārāpyarkamaṇḍalasaṃsthitā |
ajarājāparādharmā akṣasūtradharādharā || 11 ||
akārādikṣakārāntāpyariṣaḍvargabhedinī |
añjanādripratīkāśāpyañjanādrinivāsinī || 12 ||
aditiścājapāvidyāpyaravindanibhekṣaṇā |
antarbahiḥsthitāvidyādhvaṃsinī cāntarātmikā || 13 ||
ajā cājamukhāvāsāpyaravindanibhānanā |
ardhamātrārthadānajñāpyarimaṇḍalamardinī || 14 ||
asuraghnī hyamāvāsyāpyalakṣmīghnyantyajārcitā |
ādilakṣmīścādiśaktirākṛtiścāyatānanā || 15 ||
ādityapadavīcārāpyādityaparisevitā |
ācāryāvartanācārāpyādimūrtinivāsinī || 16 ||
āgneyī cāmarī cādyā cārādhyā cāsanasthitā |
ādhāranilayādhārā cākāśāntanivāsinī || 17 ||
ādyākṣarasamāyuktā cāntarākāśarūpiṇī |
ādityamaṇḍalagatā cāntaradhvāntanāśinī || 18 ||
indirā ceṣṭadā ceṣṭā cendīvaranibhekṣaṇā |
irāvatī cendrapadā cendrāṇī cendurūpiṇī || 19 ||
ikṣukodaṇḍasaṃyuktā ceṣusandhānakāriṇī |
indranīlasamākārā ceḍāpiṅgalarūpiṇī || 20 ||
indrākṣīceśvarī devī cehātrayavivarjitā |
umā coṣā hyuḍunibhā urvārukaphalānanā || 21 ||
uḍuprabhā coḍumatī hyuḍupā hyuḍumadhyagā |
ūrdhvā cāpyūrdhvakeśī cāpyūrdhvādhogatibhedinī || 22 ||
ūrdhvabāhupriyā cormimālāvāggranthadāyinī |
ṛtaṃ carṣirṛtumatī ṛṣidevanamaskṛtā || 23 ||
ṛgvedā ṛṇahartrī ca ṛṣimaṇḍalacāriṇī |
ṛddhidā ṛjumārgasthā ṛjudharmā ṛjupradā || 24 ||
ṛgvedanilayā ṛjvī luptadharmapravartinī |
lūtārivarasambhūtā lūtādiviṣahāriṇī || 25 ||
ekākṣarā caikamātrā caikā caikaikaniṣṭhitā |
aindrī hyairāvatārūḍhā caihikāmuṣmikapradā || 26 ||
oṅkārā hyoṣadhī cotā cotaprotanivāsinī |
aurvā hyauṣadhasampannā aupāsanaphalapradā || 27 ||
aṇḍamadhyasthitā devī cāḥkāramanurūpiṇī |
kātyāyanī kālarātriḥ kāmākṣī kāmasundarī || 28 ||
kamalā kāminī kāntā kāmadā kālakaṇṭhinī |
karikumbhastanabharā karavīrasuvāsinī || 29 ||
kalyāṇī kuṇḍalavatī kurukṣetranivāsinī |
kuruvindadalākārā kuṇḍalī kumudālayā || 30 ||
kālajihvā karālāsyā kālikā kālarūpiṇī |
kamanīyaguṇā kāntiḥ kalādhārā kumudvatī || 31 ||
kauśikī kamalākārā kāmacāraprabhañjinī |
kaumārī karuṇāpāṅgī kakuvantā karipriyā || 32 ||
kesarī keśavanutā kadambakusumapriyā |
kālindī kālikā kāñcī kalaśodbhavasaṃstutā || 33 ||
kāmamātā kratumatī kāmarūpā kṛpāvatī |
kumārī kuṇḍanilayā kirātī kīravāhanā || 34 ||
kaikeyī kokilālāpā ketakī kusumapriyā |
kamaṇḍaludharā kālī karmanirmūlakāriṇī || 35 ||
kalahaṃsagatiḥ kakṣā kṛtakautukamaṅgalā |
kastūrītilakā kamprā karīndragamanā kuhūḥ || 36 ||
karpūralepanā kṛṣṇā kapilā kuharāśrayā |
kūṭasthā kudharā kamrā kukṣisthākhilaviṣṭapā || 37 ||
khaḍgakheṭadharā kharvā khecarī khagavāhanā |
khaṭvāṅgadhāriṇī khyātā khagarājoparisthitā || 38 ||
khalaghnī khaṇḍitajarā khaṇḍākhyānapradāyinī |
khaṇḍendutilakā gaṅgā gaṇeśaguhapūjitā || 39 ||
gāyatrī gomatī gītā gāndhārī gānalolupā |
gautamī gāminī gādhā gandharvāpsarasevitā || 40 ||
govindacaraṇākrāntā guṇatrayavibhāvitā |
gandharvī gahvarī gotrā girīśā gahanā gamī || 41 ||
guhāvāsā guṇavatī gurupāpapraṇāśinī |
gurvī guṇavatī guhyā goptavyā guṇadāyinī || 42 ||
girijā guhyamātaṅgī garuḍadhvajavallabhā |
garvāpahāriṇī godā gokulasthā gadādharā || 43 ||
gokarṇanilayāsaktā guhyamaṇḍalavartinī |
gharmadā ghanadā ghaṇṭā ghoradānavamardinī || 44 ||
ghṛṇimantramayī ghoṣā ghanasampātadāyinī |
ghaṇṭāravapriyā ghrāṇā ghṛṇisantuṣṭakāriṇī || 45 ||
ghanārimaṇḍalā ghūrṇā ghṛtācī ghanaveginī |
jñānadhātumayī carcā carcitā cāruhāsinī || 46 ||
caṭulā caṇḍikā citrā citramālyavibhūṣitā |
caturbhujā cārudantā cāturī caritapradā || 47 ||
cūlikā citravastrāntā candramaḥkarṇakuṇḍalā |
candrahāsā cārudātrī cakorī candrahāsinī || 48 ||
candrikā candradhātrī ca caurī caurā ca caṇḍikā |
cañcadvāgvādinī candracūḍā coravināśinī || 49 ||
cārucandanaliptāṅgī cañcaccāmaravījitā |
cārumadhyā cārugatiścandilā candrarūpiṇī || 50 ||
cāruhomapriyā cārvācaritā cakrabāhukā |
candramaṇḍalamadhyasthā candramaṇḍaladarpaṇā || 51 ||
cakravākastanī ceṣṭā citrā cāruvilāsinī |
citsvarūpā candravatī candramāścandanapriyā || 52 ||
codayitrī ciraprajñā cātakā cāruhetukī |
chatrayātā chatradharā chāyā chandaḥparicchadā || 53 ||
chāyādevī chidranakhā channendriyavisarpiṇī |
chando'nuṣṭuppratiṣṭhāntā chidropadravabhedinī || 54 ||
chedā chatreśvarī chinnā churikā chedanapriyā |
jananī janmarahitā jātavedā jaganmayī || 55 ||
jāhnavī jaṭilā jetrī jarāmaraṇavarjitā |
jambūdvīpavatī jvālā jayantī jalaśālinī || 56 ||
jitendriyā jitakrodhā jitāmitrā jagatpriyā |
jātarūpamayī jihvā jānakī jagatī jarā || 57 ||
janitrī jahnutanayā jagattrayahitaiṣiṇī |
jvālāmukhī japavatī jvaraghnī jitaviṣṭapā || 58 ||
jitākrāntamayī jvālā jāgratī jvaradevatā |
jvalantī jaladā jyeṣṭhā jyāghoṣāsphoṭadiṅmukhī || 59 ||
jambhinī jṛmbhaṇā jṛmbhā jvalanmāṇikyakuṇḍalā |
jhiñjhikā jhaṇanirghoṣā jhañjhāmārutaveginī || 60 ||
jhallarīvādyakuśalā ñarūpā ñabhujā smṛtā |
ṭaṅkabāṇasamāyuktā ṭaṅkinī ṭaṅkabhedinī || 61 ||
ṭaṅkīgaṇakṛtāghoṣā ṭaṅkanīyamahorasā |
ṭaṅkārakāriṇī devī ṭhaṭhaśabdaninādinī || 62 ||
ḍāmarī ḍākinī ḍimbhā ḍuṇḍumāraikanirjitā |
ḍāmarītantramārgasthā ḍamaḍḍamarunādinī || 63 ||
ḍiṇḍīravasahā ḍimbhalasatkrīḍāparāyaṇā |
ḍhuṇḍhivighneśajananī ḍhakkāhastā ḍhilivrajā || 64 ||
nityajñānā nirupamā nirguṇā narmadā nadī |
triguṇā tripadā tantrī tulasī taruṇā taruḥ || 65 ||
trivikramapadākrāntā turīyapadagāminī |
taruṇādityasaṅkāśā tāmasī tuhinā turā || 66 ||
trikālajñānasampannā triveṇī ca trilocanā |
triśaktistripurā tuṅgā turaṅgavadanā tathā || 67 ||
timiṅgilagilā tīvrā trisrotā tāmasādinī |
tantramantraviśeṣajñā tanumadhyā triviṣṭapā || 68 ||
trisandhyā tristanī toṣāsaṃsthā tālapratāpinī |
tāṭaṅkinī tuṣārābhā tuhinācalavāsinī || 69 ||
tantujālasamāyuktā tārahārāvalipriyā |
tilahomapriyā tīrthā tamālakusumākṛtiḥ || 70 ||
tārakā triyutā tanvī triśaṅkuparivāritā |
talodarī tilābhūṣā tāṭaṅkapriyavādinī || 71 ||
trijaṭā tittirī tṛṣṇā trividhā taruṇākṛtiḥ |
taptakāñcanasaṅkāśā taptakāñcanabhūṣaṇā || 72 ||
traiyambakā trivargā ca trikālajñānadāyinī |
tarpaṇā tṛptidā tṛptā tāmasī tumburustutā || 73 ||
tārkṣyasthā triguṇākārā tribhaṅgī tanuvallariḥ |
thātkārī thāravā thāntā dohinī dīnavatsalā || 74 ||
dānavāntakarī durgā durgāsuranibarhiṇī |
devarītirdivārātrirdraupadī dundubhisvanā || 75 ||
devayānī durāvāsā dāridryodbhedinī divā |
dāmodarapriyā dīptā digvāsā digvimohinī || 76 ||
daṇḍakāraṇyanilayā daṇḍinī devapūjitā |
devavandyā diviṣadā dveṣiṇī dānavākṛtiḥ || 77 ||
dīnānāthastutā dīkṣā daivatādisvarūpiṇī |
dhātrī dhanurdharā dhenurdhāriṇī dharmacāriṇī || 78 ||
dhurandharā dharādhārā dhanadā dhānyadohinī |
dharmaśīlā dhanādhyakṣā dhanurvedaviśāradā || 79 ||
dhṛtirdhanyā dhṛtapadā dharmarājapriyā dhruvā |
dhūmāvatī dhūmakeśī dharmaśāstraprakāśinī || 80 ||
nandā nandapriyā nidrā nṛnutā nandanātmikā |
narmadā nalinī nīlā nīlakaṇṭhasamāśrayā || 81 ||
nārāyaṇapriyā nityā nirmalā nirguṇā nidhiḥ |
nirādhārā nirupamā nityaśuddhā nirañjanā || 82 ||
nādabindukalātītā nādabindukalātmikā |
nṛsiṃhinī nagadharā nṛpanāgavibhūṣitā || 83 ||
narakakleśaśamanī nārāyaṇapadodbhavā |
niravadyā nirākārā nāradapriyakāriṇī || 84 ||
nānājyotiḥ samākhyātā nidhidā nirmalātmikā |
navasūtradharā nītirnirupadravakāriṇī || 85 ||
nandajā navaratnāḍhyā naimiṣāraṇyavāsinī |
navanītapriyā nārī nīlajīmūtanisvanā || 86 ||
nimeṣiṇī nadīrūpā nīlagrīvā niśīśvarī |
nāmāvalirniśumbhaghnī nāgalokanivāsinī || 87 ||
navajāmbūnadaprakhyā nāgalokādhidevatā |
nūpurākrāntacaraṇā naracittapramodinī || 88 ||
nimagnāraktanayanā nirghātasamanisvanā |
nandanodyānanilayā nirvyūhoparicāriṇī || 89 ||
pārvatī paramodārā parabrahmātmikā parā |
pañcakośavinirmuktā pañcapātakanāśinī || 90 ||
paracittavidhānajñā pañcikā pañcarūpiṇī |
pūrṇimā paramā prītiḥ paratejaḥ prakāśinī || 91 ||
purāṇī pauruṣī puṇyā puṇḍarīkanibhekṣaṇā |
pātālatalanirmagnā prītā prītivivardhinī || 92 ||
pāvanī pādasahitā peśalā pavanāśinī |
prajāpatiḥ pariśrāntā parvatastanamaṇḍalā || 93 ||
padmapriyā padmasaṃsthā padmākṣī padmasambhavā |
padmapatrā padmapadā padminī priyabhāṣiṇī || 94 ||
paśupāśavinirmuktā purandhrī puravāsinī |
puṣkalā puruṣā parvā pārijātasumapriyā || 95 ||
pativratā pavitrāṅgī puṣpahāsaparāyaṇā |
prajñāvatīsutā pautrī putrapūjyā payasvinī || 96 ||
paṭṭipāśadharā paṅktiḥ pitṛlokapradāyinī |
purāṇī puṇyaśīlā ca praṇatārtivināśinī || 97 ||
pradyumnajananī puṣṭā pitāmahaparigrahā |
puṇḍarīkapurāvāsā puṇḍarīkasamānanā || 98 ||
pṛthujaṅghā pṛthubhujā pṛthupādā pṛthūdarī |
pravālaśobhā piṅgākṣī pītavāsāḥ pracāpalā || 99 ||
prasavā puṣṭidā puṇyā pratiṣṭhā praṇavāgatiḥ |
pañcavarṇā pañcavāṇī pañcikā pañjarasthitā || 100 ||
paramāyā parajyotiḥ paraprītiḥ parāgatiḥ |
parākāṣṭhā pareśānī pāvanī pāvakadyutiḥ || 101 ||
puṇyabhadrā paricchedyā puṣpahāsā pṛthūdarī |
pītāṅgī pītavasanā pītaśayyā piśācinī || 102 ||
pītakriyā piśācaghnī pāṭalākṣī paṭukriyā |
pañcabhakṣapriyācārā pūtanāprāṇaghātinī || 103 ||
punnāgavanamadhyasthā puṇyatīrthaniṣevitā |
pañcāṅgī ca parāśaktiḥ paramāhlādakāriṇī || 104 ||
puṣpakāṇḍasthitā pūṣā poṣitākhilaviṣṭapā |
prāṇapriyā pañcaśikhā pannagopariśāyinī || 105 ||
pañcamātrātmikā pṛthvī pathikā pṛthudohinī |
purāṇanyāyamīmāṃsā pāṭalī puṣpagandhinī || 106 ||
puṇyaprajā pāradātrī paramārgaikagocarā |
pravālaśobhā pūrṇāśā praṇavā pallavodarī || 107 ||
phalinī phaladā phalguḥ phūtkārī phalakākṛtiḥ |
phaṇīndrabhogaśayanā phaṇimaṇḍalamaṇḍitā || 108 ||
bālabālā bahumatā bālātapanibhāṃśukā |
balabhadrapriyā vandyā baḍavā buddhisaṃstutā || 109 ||
bandīdevī bilavatī baḍiśaghnī balipriyā |
bāndhavī bodhitā buddhirbandhūkakusumapriyā || 110 ||
bālabhānuprabhākārā brāhmī brāhmaṇadevatā |
bṛhaspatistutā bṛndā bṛndāvanavihāriṇī || 111 ||
bālākinī bilāhārā bilavāsā bahūdakā |
bahunetrā bahupadā bahukarṇāvataṃsikā || 112 ||
bahubāhuyutā bījarūpiṇī bahurūpiṇī |
bindunādakalātītā bindunādasvarūpiṇī || 113 ||
baddhagodhāṅgulitrāṇā badaryāśramavāsinī |
bṛndārakā bṛhatskandhā bṛhatī bāṇapātinī || 114 ||
bṛndādhyakṣā bahunutā vanitā bahuvikramā |
baddhapadmāsanāsīnā bilvapatratalasthitā || 115 ||
bodhidrumanijāvāsā baḍisthā bindudarpaṇā |
bālā bāṇāsanavatī baḍabānalaveginī || 116 ||
brahmāṇḍabahirantaḥsthā brahmakaṅkaṇasūtriṇī |
bhavānī bhīṣaṇavatī bhāvinī bhayahāriṇī || 117 ||
bhadrakālī bhujaṅgākṣī bhāratī bhāratāśayā |
bhairavī bhīṣaṇākārā bhūtidā bhūtimālinī || 118 ||
bhāminī bhoganiratā bhadradā bhūrivikramā |
bhūtavāsā bhṛgulatā bhārgavī bhūsurārcitā || 119 ||
bhāgīrathī bhogavatī bhavanasthā bhiṣagvarā |
bhāminī bhoginī bhāṣā bhavānī bhūridakṣiṇā || 120 ||
bhargātmikā bhīmavatī bhavabandhavimocinī |
bhajanīyā bhūtadhātrīrañjitā bhuvaneśvarī || 121 ||
bhujaṅgavalayā bhīmā bheruṇḍā bhāgadheyinī |
mātā māyā madhumatī madhujihvā madhupriyā || 122 ||
mahādevī mahābhāgā mālinī mīnalocanā |
māyātītā madhumatī madhumāṃsā madhudravā || 123 ||
mānavī madhusambhūtā mithilāpuravāsinī |
madhukaiṭabhasaṃhartrī medinī meghamālinī || 124 ||
mandodarī mahāmāyā maithilī masṛṇapriyā |
mahālakṣmīrmahākālī mahākanyā maheśvarī || 125 ||
māhendrī merutanayā mandārakusumārcitā |
mañjumañjīracaraṇā mokṣadā mañjubhāṣiṇī || 126 ||
madhuradrāviṇī mudrā malayā malayānvitā |
medhā marakataśyāmā māgadhī menakātmajā || 127 ||
mahāmārī mahāvīrā mahāśyāmā manustutā |
mātṛkā mihirābhāsā mukundapadavikramā || 128 ||
mūlādhārasthitā mugdhā maṇipūrakavāsinī |
mṛgākṣī mahiṣārūḍhā mahiṣāsuramardinī || 129 ||
yogāsanā yogagamyā yogā yauvanakāśrayā |
yauvanī yuddhamadhyasthā yamunā yugadhāriṇī || 130 ||
yakṣiṇī yogayuktā ca yakṣarājaprasūtinī |
yātrā yānavidhānajñā yaduvaṃśasamudbhavā || 131 ||
yakārādihakārāntā yājuṣī yajñarūpiṇī |
yāminī yoganiratā yātudhānabhayaṅkarī || 132 ||
rukmiṇī ramaṇī rāmā revatī reṇukā ratiḥ |
raudrī raudrapriyākārā rāmamātā ratipriyā || 133 ||
rohiṇī rājyadā revā ramā rājīvalocanā |
rākeśī rūpasampannā ratnasiṃhāsanasthitā || 134 ||
raktamālyāmbaradharā raktagandhānulepanā |
rājahaṃsasamārūḍhā rambhā raktabalipriyā || 135 ||
ramaṇīyayugādhārā rājitākhilabhūtalā |
rurucarmaparīdhānā rathinī ratnamālikā || 136 ||
rogeśī rogaśamanī rāviṇī romaharṣiṇī |
rāmacandrapadākrāntā rāvaṇacchedakāriṇī || 137 ||
ratnavastraparicchannā rathasthā rukmabhūṣaṇā |
lajjādhidevatā lolā lalitā liṅgadhāriṇī || 138 ||
lakṣmīrlolā luptaviṣā lokinī lokaviśrutā |
lajjā lambodarī devī lalanā lokadhāriṇī || 139 ||
varadā vanditā vidyā vaiṣṇavī vimalākṛtiḥ |
vārāhī virajā varṣā varalakṣmīrvilāsinī || 140 ||
vinatā vyomamadhyasthā vārijāsanasaṃsthitā |
vāruṇī veṇusambhūtā vītihotrā virūpiṇī || 141 ||
vāyumaṇḍalamadhyasthā viṣṇurūpā vidhipriyā |
viṣṇupatnī viṣṇumatī viśālākṣī vasundharā || 142 ||
vāmadevapriyā velā vajriṇī vasudohinī |
vedākṣaraparītāṅgī vājapeyaphalapradā || 143 ||
vāsavī vāmajananī vaikuṇṭhanilayā varā |
vyāsapriyā varmadharā vālmīkiparisevitā || 144 ||
śākambharī śivā śāntā śāradā śaraṇāgatiḥ |
śātodarī śubhācārā śumbhāsuravimardinī || 145 ||
śobhāvatī śivākārā śaṅkarārdhaśarīriṇī |
śoṇā śubhāśayā śubhrā śiraḥsandhānakāriṇī || 146 ||
śarāvatī śarānandā śarajjyotsnā śubhānanā |
śarabhā śūlinī śuddhā śabarī śukavāhanā || 147 ||
śrīmatī śrīdharānandā śravaṇānandadāyinī |
śarvāṇī śarvarīvandyā ṣaḍbhāṣā ṣaḍṛtupriyā || 148 ||
ṣaḍādhārasthitā devī ṣaṇmukhapriyakāriṇī |
ṣaḍaṅgarūpasumatī surāsuranamaskṛtā || 149 ||
sarasvatī sadādhārā sarvamaṅgalakāriṇī |
sāmagānapriyā sūkṣmā sāvitrī sāmasambhavā || 150 ||
sarvāvāsā sadānandā sustanī sāgarāmbarā |
sarvaiśvaryapriyā siddhiḥ sādhubandhuparākramā || 151 ||
saptarṣimaṇḍalagatā somamaṇḍalavāsinī |
sarvajñā sāndrakaruṇā samānādhikavarjitā || 152 ||
sarvottuṅgā saṅgahīnā sadguṇā sakaleṣṭadā |
saradhā sūryatanayā sukeśī somasaṃhatiḥ || 153 ||
hiraṇyavarṇā hariṇī hrīṅkārī haṃsavāhinī |
kṣaumavastraparītāṅgī kṣīrābdhitanayā kṣamā || 154 ||
gāyatrī caiva sāvitrī pārvatī ca sarasvatī |
vedagarbhā varārohā śrīgāyatrī parāmbikā || 155 ||
iti sāhasrakaṃ nāmnāṃ gāyatryāścaiva nārada |
puṇyadaṃ sarvapāpaghnaṃ mahāsampattidāyakam || 156 ||
evaṃ nāmāni gāyatryāstoṣotpattikarāṇi hi |
aṣṭamyāṃ ca viśeṣeṇa paṭhitavyaṃ dvijaiḥ saha || 157 ||
japaṃ kṛtvā homa pūjā dhyānaṃ kṛtvā viśeṣataḥ |
yasmai kasmai na dātavyaṃ gāyatryāstu viśeṣataḥ || 158 ||
subhaktāya suśiṣyāya vaktavyaṃ bhūsurāya vai |
bhraṣṭebhyaḥ sādhakebhyaśca bāndhavebhyo na darśayet || 159 ||
yadgṛhe likhitaṃ śāstraṃ bhayaṃ tasya na kasyacit |
cañcalāpisthirā bhūtvā kamalā tatra tiṣṭhati || 160 ||
idaṃ rahasyaṃ paramaṃ guhyādguhyataraṃ mahat |
puṇyapradaṃ manuṣyāṇāṃ daridrāṇāṃ nidhipradam || 161 ||
mokṣapradaṃ mumukṣūṇāṃ kāmināṃ sarvakāmadam |
rogādvai mucyate rogī baddho mucyeta bandhanāt || 162 ||
brahmahatyā surāpānaṃ suvarṇasteyino narāḥ |
gurutalpagato vāpi pātakānmucyate sakṛt || 163 ||
asatpratigrahāccaivā'bhakṣyabhakṣādviśeṣataḥ |
pākhaṇḍānṛtamukhyebhyaḥ paṭhanādeva mucyate || 164 ||
idaṃ rahasyamamalaṃ mayoktaṃ padmajodbhava |
brahmasāyujyadaṃ nṝṇāṃ satyaṃ satyaṃ na saṃśayaḥ || 165 ||
iti śrīdevībhāgavate mahāpurāṇe dvādaśaskandhe gāyatrīsahasranāma stotra kathanaṃ nāma ṣaṣṭho'dhyāyaḥ ||
Sanskrit — Devanagari (original)
नारद उवाच –
भगवन्सर्वधर्मज्ञ सर्वशास्त्रविशारद ।
श्रुतिस्मृतिपुराणानां रहस्यं त्वन्मुखाच्छ्रुतम् ॥ 1 ॥
सर्वपापहरं देव येन विद्या प्रवर्तते ।
केन वा ब्रह्मविज्ञानं किं नु वा मोक्षसाधनम् ॥ 2 ॥
ब्राह्मणानां गतिः केन केन वा मृत्यु नाशनम् ।
ऐहिकामुष्मिकफलं केन वा पद्मलोचन ॥ 3 ॥
वक्तुमर्हस्यशेषेण सर्वे निखिलमादितः ।
श्रीनारायण उवाच –
साधु साधु महाप्राज्ञ सम्यक् पृष्टं त्वयाऽनघ ॥ 4 ॥
शृणु वक्ष्यामि यत्नेन गायत्र्यष्टसहस्रकम् ।
नाम्नां शुभानां दिव्यानां सर्वपापविनाशनम् ॥ 5 ॥
सृष्ट्यादौ यद्भगवता पूर्वे प्रोक्तं ब्रवीमि ते ।
अष्टोत्तरसहस्रस्य ऋषिर्ब्रह्मा प्रकीर्तितः ॥ 6 ॥
छन्दोऽनुष्टुप्तथा देवी गायत्रीं देवता स्मृता ।
हलोबीजानि तस्यैव स्वराः शक्तय ईरिताः ॥ 7 ॥
अङ्गन्यासकरन्यासावुच्येते मातृकाक्षरैः ।
अथ ध्यानं प्रवक्ष्यामि साधकानां हिताय वै ॥ 8 ॥
ध्यानम्
रक्तश्वेतहिरण्यनीलधवलैर्युक्तां त्रिनीत्रोज्ज्वलां
रक्तां रक्तनवस्रजं मणिगणैर्युक्तां कुमारीमिमाम् ।
गायत्रीं कमलासनां करतलव्यानद्धकुण्डाम्बुजां
पद्माक्षीं च वरस्रजं च दधतीं हंसाधिरूढां भजे ॥ 9 ॥
अचिन्त्यलक्षणाव्यक्ताप्यर्थमातृमहेश्वरी ।
अमृतार्णवमध्यस्थाप्यजिता चापराजिता ॥ 10 ॥
अणिमादिगुणाधाराप्यर्कमण्डलसंस्थिता ।
अजराजापराधर्मा अक्षसूत्रधराधरा ॥ 11 ॥
अकारादिक्षकारान्ताप्यरिषड्वर्गभेदिनी ।
अञ्जनाद्रिप्रतीकाशाप्यञ्जनाद्रिनिवासिनी ॥ 12 ॥
अदितिश्चाजपाविद्याप्यरविन्दनिभेक्षणा ।
अन्तर्बहिःस्थिताविद्याध्वंसिनी चान्तरात्मिका ॥ 13 ॥
अजा चाजमुखावासाप्यरविन्दनिभानना ।
अर्धमात्रार्थदानज्ञाप्यरिमण्डलमर्दिनी ॥ 14 ॥
असुरघ्नी ह्यमावास्याप्यलक्ष्मीघ्न्यन्त्यजार्चिता ।
आदिलक्ष्मीश्चादिशक्तिराकृतिश्चायतानना ॥ 15 ॥
आदित्यपदवीचाराप्यादित्यपरिसेविता ।
आचार्यावर्तनाचाराप्यादिमूर्तिनिवासिनी ॥ 16 ॥
आग्नेयी चामरी चाद्या चाराध्या चासनस्थिता ।
आधारनिलयाधारा चाकाशान्तनिवासिनी ॥ 17 ॥
आद्याक्षरसमायुक्ता चान्तराकाशरूपिणी ।
आदित्यमण्डलगता चान्तरध्वान्तनाशिनी ॥ 18 ॥
इन्दिरा चेष्टदा चेष्टा चेन्दीवरनिभेक्षणा ।
इरावती चेन्द्रपदा चेन्द्राणी चेन्दुरूपिणी ॥ 19 ॥
इक्षुकोदण्डसंयुक्ता चेषुसन्धानकारिणी ।
इन्द्रनीलसमाकारा चेडापिङ्गलरूपिणी ॥ 20 ॥
इन्द्राक्षीचेश्वरी देवी चेहात्रयविवर्जिता ।
उमा चोषा ह्युडुनिभा उर्वारुकफलानना ॥ 21 ॥
उडुप्रभा चोडुमती ह्युडुपा ह्युडुमध्यगा ।
ऊर्ध्वा चाप्यूर्ध्वकेशी चाप्यूर्ध्वाधोगतिभेदिनी ॥ 22 ॥
ऊर्ध्वबाहुप्रिया चोर्मिमालावाग्ग्रन्थदायिनी ।
ऋतं चर्षिरृतुमती ऋषिदेवनमस्कृता ॥ 23 ॥
ऋग्वेदा ऋणहर्त्री च ऋषिमण्डलचारिणी ।
ऋद्धिदा ऋजुमार्गस्था ऋजुधर्मा ऋजुप्रदा ॥ 24 ॥
ऋग्वेदनिलया ऋज्वी लुप्तधर्मप्रवर्तिनी ।
लूतारिवरसम्भूता लूतादिविषहारिणी ॥ 25 ॥
एकाक्षरा चैकमात्रा चैका चैकैकनिष्ठिता ।
ऐन्द्री ह्यैरावतारूढा चैहिकामुष्मिकप्रदा ॥ 26 ॥
ओङ्कारा ह्योषधी चोता चोतप्रोतनिवासिनी ।
और्वा ह्यौषधसम्पन्ना औपासनफलप्रदा ॥ 27 ॥
अण्डमध्यस्थिता देवी चाःकारमनुरूपिणी ।
कात्यायनी कालरात्रिः कामाक्षी कामसुन्दरी ॥ 28 ॥
कमला कामिनी कान्ता कामदा कालकण्ठिनी ।
करिकुम्भस्तनभरा करवीरसुवासिनी ॥ 29 ॥
कल्याणी कुण्डलवती कुरुक्षेत्रनिवासिनी ।
कुरुविन्ददलाकारा कुण्डली कुमुदालया ॥ 30 ॥
कालजिह्वा करालास्या कालिका कालरूपिणी ।
कमनीयगुणा कान्तिः कलाधारा कुमुद्वती ॥ 31 ॥
कौशिकी कमलाकारा कामचारप्रभञ्जिनी ।
कौमारी करुणापाङ्गी ककुवन्ता करिप्रिया ॥ 32 ॥
केसरी केशवनुता कदम्बकुसुमप्रिया ।
कालिन्दी कालिका काञ्ची कलशोद्भवसंस्तुता ॥ 33 ॥
काममाता क्रतुमती कामरूपा कृपावती ।
कुमारी कुण्डनिलया किराती कीरवाहना ॥ 34 ॥
कैकेयी कोकिलालापा केतकी कुसुमप्रिया ।
कमण्डलुधरा काली कर्मनिर्मूलकारिणी ॥ 35 ॥
कलहंसगतिः कक्षा कृतकौतुकमङ्गला ।
कस्तूरीतिलका कम्प्रा करीन्द्रगमना कुहूः ॥ 36 ॥
कर्पूरलेपना कृष्णा कपिला कुहराश्रया ।
कूटस्था कुधरा कम्रा कुक्षिस्थाखिलविष्टपा ॥ 37 ॥
खड्गखेटधरा खर्वा खेचरी खगवाहना ।
खट्वाङ्गधारिणी ख्याता खगराजोपरिस्थिता ॥ 38 ॥
खलघ्नी खण्डितजरा खण्डाख्यानप्रदायिनी ।
खण्डेन्दुतिलका गङ्गा गणेशगुहपूजिता ॥ 39 ॥
गायत्री गोमती गीता गान्धारी गानलोलुपा ।
गौतमी गामिनी गाधा गन्धर्वाप्सरसेविता ॥ 40 ॥
गोविन्दचरणाक्रान्ता गुणत्रयविभाविता ।
गन्धर्वी गह्वरी गोत्रा गिरीशा गहना गमी ॥ 41 ॥
गुहावासा गुणवती गुरुपापप्रणाशिनी ।
गुर्वी गुणवती गुह्या गोप्तव्या गुणदायिनी ॥ 42 ॥
गिरिजा गुह्यमातङ्गी गरुडध्वजवल्लभा ।
गर्वापहारिणी गोदा गोकुलस्था गदाधरा ॥ 43 ॥
गोकर्णनिलयासक्ता गुह्यमण्डलवर्तिनी ।
घर्मदा घनदा घण्टा घोरदानवमर्दिनी ॥ 44 ॥
घृणिमन्त्रमयी घोषा घनसम्पातदायिनी ।
घण्टारवप्रिया घ्राणा घृणिसन्तुष्टकारिणी ॥ 45 ॥
घनारिमण्डला घूर्णा घृताची घनवेगिनी ।
ज्ञानधातुमयी चर्चा चर्चिता चारुहासिनी ॥ 46 ॥
चटुला चण्डिका चित्रा चित्रमाल्यविभूषिता ।
चतुर्भुजा चारुदन्ता चातुरी चरितप्रदा ॥ 47 ॥
चूलिका चित्रवस्त्रान्ता चन्द्रमःकर्णकुण्डला ।
चन्द्रहासा चारुदात्री चकोरी चन्द्रहासिनी ॥ 48 ॥
चन्द्रिका चन्द्रधात्री च चौरी चौरा च चण्डिका ।
चञ्चद्वाग्वादिनी चन्द्रचूडा चोरविनाशिनी ॥ 49 ॥
चारुचन्दनलिप्ताङ्गी चञ्चच्चामरवीजिता ।
चारुमध्या चारुगतिश्चन्दिला चन्द्ररूपिणी ॥ 50 ॥
चारुहोमप्रिया चार्वाचरिता चक्रबाहुका ।
चन्द्रमण्डलमध्यस्था चन्द्रमण्डलदर्पणा ॥ 51 ॥
चक्रवाकस्तनी चेष्टा चित्रा चारुविलासिनी ।
चित्स्वरूपा चन्द्रवती चन्द्रमाश्चन्दनप्रिया ॥ 52 ॥
चोदयित्री चिरप्रज्ञा चातका चारुहेतुकी ।
छत्रयाता छत्रधरा छाया छन्दःपरिच्छदा ॥ 53 ॥
छायादेवी छिद्रनखा छन्नेन्द्रियविसर्पिणी ।
छन्दोऽनुष्टुप्प्रतिष्ठान्ता छिद्रोपद्रवभेदिनी ॥ 54 ॥
छेदा छत्रेश्वरी छिन्ना छुरिका छेदनप्रिया ।
जननी जन्मरहिता जातवेदा जगन्मयी ॥ 55 ॥
जाह्नवी जटिला जेत्री जरामरणवर्जिता ।
जम्बूद्वीपवती ज्वाला जयन्ती जलशालिनी ॥ 56 ॥
जितेन्द्रिया जितक्रोधा जितामित्रा जगत्प्रिया ।
जातरूपमयी जिह्वा जानकी जगती जरा ॥ 57 ॥
जनित्री जह्नुतनया जगत्त्रयहितैषिणी ।
ज्वालामुखी जपवती ज्वरघ्नी जितविष्टपा ॥ 58 ॥
जिताक्रान्तमयी ज्वाला जाग्रती ज्वरदेवता ।
ज्वलन्ती जलदा ज्येष्ठा ज्याघोषास्फोटदिङ्मुखी ॥ 59 ॥
जम्भिनी जृम्भणा जृम्भा ज्वलन्माणिक्यकुण्डला ।
झिञ्झिका झणनिर्घोषा झञ्झामारुतवेगिनी ॥ 60 ॥
झल्लरीवाद्यकुशला ञरूपा ञभुजा स्मृता ।
टङ्कबाणसमायुक्ता टङ्किनी टङ्कभेदिनी ॥ 61 ॥
टङ्कीगणकृताघोषा टङ्कनीयमहोरसा ।
टङ्कारकारिणी देवी ठठशब्दनिनादिनी ॥ 62 ॥
डामरी डाकिनी डिम्भा डुण्डुमारैकनिर्जिता ।
डामरीतन्त्रमार्गस्था डमड्डमरुनादिनी ॥ 63 ॥
डिण्डीरवसहा डिम्भलसत्क्रीडापरायणा ।
ढुण्ढिविघ्नेशजननी ढक्काहस्ता ढिलिव्रजा ॥ 64 ॥
नित्यज्ञाना निरुपमा निर्गुणा नर्मदा नदी ।
त्रिगुणा त्रिपदा तन्त्री तुलसी तरुणा तरुः ॥ 65 ॥
त्रिविक्रमपदाक्रान्ता तुरीयपदगामिनी ।
तरुणादित्यसङ्काशा तामसी तुहिना तुरा ॥ 66 ॥
त्रिकालज्ञानसम्पन्ना त्रिवेणी च त्रिलोचना ।
त्रिशक्तिस्त्रिपुरा तुङ्गा तुरङ्गवदना तथा ॥ 67 ॥
तिमिङ्गिलगिला तीव्रा त्रिस्रोता तामसादिनी ।
तन्त्रमन्त्रविशेषज्ञा तनुमध्या त्रिविष्टपा ॥ 68 ॥
त्रिसन्ध्या त्रिस्तनी तोषासंस्था तालप्रतापिनी ।
ताटङ्किनी तुषाराभा तुहिनाचलवासिनी ॥ 69 ॥
तन्तुजालसमायुक्ता तारहारावलिप्रिया ।
तिलहोमप्रिया तीर्था तमालकुसुमाकृतिः ॥ 70 ॥
तारका त्रियुता तन्वी त्रिशङ्कुपरिवारिता ।
तलोदरी तिलाभूषा ताटङ्कप्रियवादिनी ॥ 71 ॥
त्रिजटा तित्तिरी तृष्णा त्रिविधा तरुणाकृतिः ।
तप्तकाञ्चनसङ्काशा तप्तकाञ्चनभूषणा ॥ 72 ॥
त्रैयम्बका त्रिवर्गा च त्रिकालज्ञानदायिनी ।
तर्पणा तृप्तिदा तृप्ता तामसी तुम्बुरुस्तुता ॥ 73 ॥
तार्क्ष्यस्था त्रिगुणाकारा त्रिभङ्गी तनुवल्लरिः ।
थात्कारी थारवा थान्ता दोहिनी दीनवत्सला ॥ 74 ॥
दानवान्तकरी दुर्गा दुर्गासुरनिबर्हिणी ।
देवरीतिर्दिवारात्रिर्द्रौपदी दुन्दुभिस्वना ॥ 75 ॥
देवयानी दुरावासा दारिद्र्योद्भेदिनी दिवा ।
दामोदरप्रिया दीप्ता दिग्वासा दिग्विमोहिनी ॥ 76 ॥
दण्डकारण्यनिलया दण्डिनी देवपूजिता ।
देववन्द्या दिविषदा द्वेषिणी दानवाकृतिः ॥ 77 ॥
दीनानाथस्तुता दीक्षा दैवतादिस्वरूपिणी ।
धात्री धनुर्धरा धेनुर्धारिणी धर्मचारिणी ॥ 78 ॥
धुरन्धरा धराधारा धनदा धान्यदोहिनी ।
धर्मशीला धनाध्यक्षा धनुर्वेदविशारदा ॥ 79 ॥
धृतिर्धन्या धृतपदा धर्मराजप्रिया ध्रुवा ।
धूमावती धूमकेशी धर्मशास्त्रप्रकाशिनी ॥ 80 ॥
नन्दा नन्दप्रिया निद्रा नृनुता नन्दनात्मिका ।
नर्मदा नलिनी नीला नीलकण्ठसमाश्रया ॥ 81 ॥
नारायणप्रिया नित्या निर्मला निर्गुणा निधिः ।
निराधारा निरुपमा नित्यशुद्धा निरञ्जना ॥ 82 ॥
नादबिन्दुकलातीता नादबिन्दुकलात्मिका ।
नृसिंहिनी नगधरा नृपनागविभूषिता ॥ 83 ॥
नरकक्लेशशमनी नारायणपदोद्भवा ।
निरवद्या निराकारा नारदप्रियकारिणी ॥ 84 ॥
नानाज्योतिः समाख्याता निधिदा निर्मलात्मिका ।
नवसूत्रधरा नीतिर्निरुपद्रवकारिणी ॥ 85 ॥
नन्दजा नवरत्नाढ्या नैमिषारण्यवासिनी ।
नवनीतप्रिया नारी नीलजीमूतनिस्वना ॥ 86 ॥
निमेषिणी नदीरूपा नीलग्रीवा निशीश्वरी ।
नामावलिर्निशुम्भघ्नी नागलोकनिवासिनी ॥ 87 ॥
नवजाम्बूनदप्रख्या नागलोकाधिदेवता ।
नूपुराक्रान्तचरणा नरचित्तप्रमोदिनी ॥ 88 ॥
निमग्नारक्तनयना निर्घातसमनिस्वना ।
नन्दनोद्याननिलया निर्व्यूहोपरिचारिणी ॥ 89 ॥
पार्वती परमोदारा परब्रह्मात्मिका परा ।
पञ्चकोशविनिर्मुक्ता पञ्चपातकनाशिनी ॥ 90 ॥
परचित्तविधानज्ञा पञ्चिका पञ्चरूपिणी ।
पूर्णिमा परमा प्रीतिः परतेजः प्रकाशिनी ॥ 91 ॥
पुराणी पौरुषी पुण्या पुण्डरीकनिभेक्षणा ।
पातालतलनिर्मग्ना प्रीता प्रीतिविवर्धिनी ॥ 92 ॥
पावनी पादसहिता पेशला पवनाशिनी ।
प्रजापतिः परिश्रान्ता पर्वतस्तनमण्डला ॥ 93 ॥
पद्मप्रिया पद्मसंस्था पद्माक्षी पद्मसम्भवा ।
पद्मपत्रा पद्मपदा पद्मिनी प्रियभाषिणी ॥ 94 ॥
पशुपाशविनिर्मुक्ता पुरन्ध्री पुरवासिनी ।
पुष्कला पुरुषा पर्वा पारिजातसुमप्रिया ॥ 95 ॥
पतिव्रता पवित्राङ्गी पुष्पहासपरायणा ।
प्रज्ञावतीसुता पौत्री पुत्रपूज्या पयस्विनी ॥ 96 ॥
पट्टिपाशधरा पङ्क्तिः पितृलोकप्रदायिनी ।
पुराणी पुण्यशीला च प्रणतार्तिविनाशिनी ॥ 97 ॥
प्रद्युम्नजननी पुष्टा पितामहपरिग्रहा ।
पुण्डरीकपुरावासा पुण्डरीकसमानना ॥ 98 ॥
पृथुजङ्घा पृथुभुजा पृथुपादा पृथूदरी ।
प्रवालशोभा पिङ्गाक्षी पीतवासाः प्रचापला ॥ 99 ॥
प्रसवा पुष्टिदा पुण्या प्रतिष्ठा प्रणवागतिः ।
पञ्चवर्णा पञ्चवाणी पञ्चिका पञ्जरस्थिता ॥ 100 ॥
परमाया परज्योतिः परप्रीतिः परागतिः ।
पराकाष्ठा परेशानी पावनी पावकद्युतिः ॥ 101 ॥
पुण्यभद्रा परिच्छेद्या पुष्पहासा पृथूदरी ।
पीताङ्गी पीतवसना पीतशय्या पिशाचिनी ॥ 102 ॥
पीतक्रिया पिशाचघ्नी पाटलाक्षी पटुक्रिया ।
पञ्चभक्षप्रियाचारा पूतनाप्राणघातिनी ॥ 103 ॥
पुन्नागवनमध्यस्था पुण्यतीर्थनिषेविता ।
पञ्चाङ्गी च पराशक्तिः परमाह्लादकारिणी ॥ 104 ॥
पुष्पकाण्डस्थिता पूषा पोषिताखिलविष्टपा ।
प्राणप्रिया पञ्चशिखा पन्नगोपरिशायिनी ॥ 105 ॥
पञ्चमात्रात्मिका पृथ्वी पथिका पृथुदोहिनी ।
पुराणन्यायमीमांसा पाटली पुष्पगन्धिनी ॥ 106 ॥
पुण्यप्रजा पारदात्री परमार्गैकगोचरा ।
प्रवालशोभा पूर्णाशा प्रणवा पल्लवोदरी ॥ 107 ॥
फलिनी फलदा फल्गुः फूत्कारी फलकाकृतिः ।
फणीन्द्रभोगशयना फणिमण्डलमण्डिता ॥ 108 ॥
बालबाला बहुमता बालातपनिभांशुका ।
बलभद्रप्रिया वन्द्या बडवा बुद्धिसंस्तुता ॥ 109 ॥
बन्दीदेवी बिलवती बडिशघ्नी बलिप्रिया ।
बान्धवी बोधिता बुद्धिर्बन्धूककुसुमप्रिया ॥ 110 ॥
बालभानुप्रभाकारा ब्राह्मी ब्राह्मणदेवता ।
बृहस्पतिस्तुता बृन्दा बृन्दावनविहारिणी ॥ 111 ॥
बालाकिनी बिलाहारा बिलवासा बहूदका ।
बहुनेत्रा बहुपदा बहुकर्णावतंसिका ॥ 112 ॥
बहुबाहुयुता बीजरूपिणी बहुरूपिणी ।
बिन्दुनादकलातीता बिन्दुनादस्वरूपिणी ॥ 113 ॥
बद्धगोधाङ्गुलित्राणा बदर्याश्रमवासिनी ।
बृन्दारका बृहत्स्कन्धा बृहती बाणपातिनी ॥ 114 ॥
बृन्दाध्यक्षा बहुनुता वनिता बहुविक्रमा ।
बद्धपद्मासनासीना बिल्वपत्रतलस्थिता ॥ 115 ॥
बोधिद्रुमनिजावासा बडिस्था बिन्दुदर्पणा ।
बाला बाणासनवती बडबानलवेगिनी ॥ 116 ॥
ब्रह्माण्डबहिरन्तःस्था ब्रह्मकङ्कणसूत्रिणी ।
भवानी भीषणवती भाविनी भयहारिणी ॥ 117 ॥
भद्रकाली भुजङ्गाक्षी भारती भारताशया ।
भैरवी भीषणाकारा भूतिदा भूतिमालिनी ॥ 118 ॥
भामिनी भोगनिरता भद्रदा भूरिविक्रमा ।
भूतवासा भृगुलता भार्गवी भूसुरार्चिता ॥ 119 ॥
भागीरथी भोगवती भवनस्था भिषग्वरा ।
भामिनी भोगिनी भाषा भवानी भूरिदक्षिणा ॥ 120 ॥
भर्गात्मिका भीमवती भवबन्धविमोचिनी ।
भजनीया भूतधात्रीरञ्जिता भुवनेश्वरी ॥ 121 ॥
भुजङ्गवलया भीमा भेरुण्डा भागधेयिनी ।
माता माया मधुमती मधुजिह्वा मधुप्रिया ॥ 122 ॥
महादेवी महाभागा मालिनी मीनलोचना ।
मायातीता मधुमती मधुमांसा मधुद्रवा ॥ 123 ॥
मानवी मधुसम्भूता मिथिलापुरवासिनी ।
मधुकैटभसंहर्त्री मेदिनी मेघमालिनी ॥ 124 ॥
मन्दोदरी महामाया मैथिली मसृणप्रिया ।
महालक्ष्मीर्महाकाली महाकन्या महेश्वरी ॥ 125 ॥
माहेन्द्री मेरुतनया मन्दारकुसुमार्चिता ।
मञ्जुमञ्जीरचरणा मोक्षदा मञ्जुभाषिणी ॥ 126 ॥
मधुरद्राविणी मुद्रा मलया मलयान्विता ।
मेधा मरकतश्यामा मागधी मेनकात्मजा ॥ 127 ॥
महामारी महावीरा महाश्यामा मनुस्तुता ।
मातृका मिहिराभासा मुकुन्दपदविक्रमा ॥ 128 ॥
मूलाधारस्थिता मुग्धा मणिपूरकवासिनी ।
मृगाक्षी महिषारूढा महिषासुरमर्दिनी ॥ 129 ॥
योगासना योगगम्या योगा यौवनकाश्रया ।
यौवनी युद्धमध्यस्था यमुना युगधारिणी ॥ 130 ॥
यक्षिणी योगयुक्ता च यक्षराजप्रसूतिनी ।
यात्रा यानविधानज्ञा यदुवंशसमुद्भवा ॥ 131 ॥
यकारादिहकारान्ता याजुषी यज्ञरूपिणी ।
यामिनी योगनिरता यातुधानभयङ्करी ॥ 132 ॥
रुक्मिणी रमणी रामा रेवती रेणुका रतिः ।
रौद्री रौद्रप्रियाकारा राममाता रतिप्रिया ॥ 133 ॥
रोहिणी राज्यदा रेवा रमा राजीवलोचना ।
राकेशी रूपसम्पन्ना रत्नसिंहासनस्थिता ॥ 134 ॥
रक्तमाल्याम्बरधरा रक्तगन्धानुलेपना ।
राजहंससमारूढा रम्भा रक्तबलिप्रिया ॥ 135 ॥
रमणीययुगाधारा राजिताखिलभूतला ।
रुरुचर्मपरीधाना रथिनी रत्नमालिका ॥ 136 ॥
रोगेशी रोगशमनी राविणी रोमहर्षिणी ।
रामचन्द्रपदाक्रान्ता रावणच्छेदकारिणी ॥ 137 ॥
रत्नवस्त्रपरिच्छन्ना रथस्था रुक्मभूषणा ।
लज्जाधिदेवता लोला ललिता लिङ्गधारिणी ॥ 138 ॥
लक्ष्मीर्लोला लुप्तविषा लोकिनी लोकविश्रुता ।
लज्जा लम्बोदरी देवी ललना लोकधारिणी ॥ 139 ॥
वरदा वन्दिता विद्या वैष्णवी विमलाकृतिः ।
वाराही विरजा वर्षा वरलक्ष्मीर्विलासिनी ॥ 140 ॥
विनता व्योममध्यस्था वारिजासनसंस्थिता ।
वारुणी वेणुसम्भूता वीतिहोत्रा विरूपिणी ॥ 141 ॥
वायुमण्डलमध्यस्था विष्णुरूपा विधिप्रिया ।
विष्णुपत्नी विष्णुमती विशालाक्षी वसुन्धरा ॥ 142 ॥
वामदेवप्रिया वेला वज्रिणी वसुदोहिनी ।
वेदाक्षरपरीताङ्गी वाजपेयफलप्रदा ॥ 143 ॥
वासवी वामजननी वैकुण्ठनिलया वरा ।
व्यासप्रिया वर्मधरा वाल्मीकिपरिसेविता ॥ 144 ॥
शाकम्भरी शिवा शान्ता शारदा शरणागतिः ।
शातोदरी शुभाचारा शुम्भासुरविमर्दिनी ॥ 145 ॥
शोभावती शिवाकारा शङ्करार्धशरीरिणी ।
शोणा शुभाशया शुभ्रा शिरःसन्धानकारिणी ॥ 146 ॥
शरावती शरानन्दा शरज्ज्योत्स्ना शुभानना ।
शरभा शूलिनी शुद्धा शबरी शुकवाहना ॥ 147 ॥
श्रीमती श्रीधरानन्दा श्रवणानन्ददायिनी ।
शर्वाणी शर्वरीवन्द्या षड्भाषा षडृतुप्रिया ॥ 148 ॥
षडाधारस्थिता देवी षण्मुखप्रियकारिणी ।
षडङ्गरूपसुमती सुरासुरनमस्कृता ॥ 149 ॥
सरस्वती सदाधारा सर्वमङ्गलकारिणी ।
सामगानप्रिया सूक्ष्मा सावित्री सामसम्भवा ॥ 150 ॥
सर्वावासा सदानन्दा सुस्तनी सागराम्बरा ।
सर्वैश्वर्यप्रिया सिद्धिः साधुबन्धुपराक्रमा ॥ 151 ॥
सप्तर्षिमण्डलगता सोममण्डलवासिनी ।
सर्वज्ञा सान्द्रकरुणा समानाधिकवर्जिता ॥ 152 ॥
सर्वोत्तुङ्गा सङ्गहीना सद्गुणा सकलेष्टदा ।
सरधा सूर्यतनया सुकेशी सोमसंहतिः ॥ 153 ॥
हिरण्यवर्णा हरिणी ह्रीङ्कारी हंसवाहिनी ।
क्षौमवस्त्रपरीताङ्गी क्षीराब्धितनया क्षमा ॥ 154 ॥
गायत्री चैव सावित्री पार्वती च सरस्वती ।
वेदगर्भा वरारोहा श्रीगायत्री पराम्बिका ॥ 155 ॥
इति साहस्रकं नाम्नां गायत्र्याश्चैव नारद ।
पुण्यदं सर्वपापघ्नं महासम्पत्तिदायकम् ॥ 156 ॥
एवं नामानि गायत्र्यास्तोषोत्पत्तिकराणि हि ।
अष्टम्यां च विशेषेण पठितव्यं द्विजैः सह ॥ 157 ॥
जपं कृत्वा होम पूजा ध्यानं कृत्वा विशेषतः ।
यस्मै कस्मै न दातव्यं गायत्र्यास्तु विशेषतः ॥ 158 ॥
सुभक्ताय सुशिष्याय वक्तव्यं भूसुराय वै ।
भ्रष्टेभ्यः साधकेभ्यश्च बान्धवेभ्यो न दर्शयेत् ॥ 159 ॥
यद्गृहे लिखितं शास्त्रं भयं तस्य न कस्यचित् ।
चञ्चलापिस्थिरा भूत्वा कमला तत्र तिष्ठति ॥ 160 ॥
इदं रहस्यं परमं गुह्याद्गुह्यतरं महत् ।
पुण्यप्रदं मनुष्याणां दरिद्राणां निधिप्रदम् ॥ 161 ॥
मोक्षप्रदं मुमुक्षूणां कामिनां सर्वकामदम् ।
रोगाद्वै मुच्यते रोगी बद्धो मुच्येत बन्धनात् ॥ 162 ॥
ब्रह्महत्या सुरापानं सुवर्णस्तेयिनो नराः ।
गुरुतल्पगतो वापि पातकान्मुच्यते सकृत् ॥ 163 ॥
असत्प्रतिग्रहाच्चैवाऽभक्ष्यभक्षाद्विशेषतः ।
पाखण्डानृतमुख्येभ्यः पठनादेव मुच्यते ॥ 164 ॥
इदं रहस्यममलं मयोक्तं पद्मजोद्भव ।
ब्रह्मसायुज्यदं नॄणां सत्यं सत्यं न संशयः ॥ 165 ॥
इति श्रीदेवीभागवते महापुराणे द्वादशस्कन्धे गायत्रीसहस्रनाम स्तोत्र कथनं नाम षष्ठोऽध्यायः ॥
nārada uvāca –
bhagavansarvadharmajña sarvaśāstraviśārada |
śrutismṛtipurāṇānāṃ rahasyaṃ tvanmukhācchrutam || 1 ||
sarvapāpaharaṃ deva yena vidyā pravartate |
kena vā brahmavijñānaṃ kiṃ nu vā mokṣasādhanam || 2 ||
brāhmaṇānāṃ gatiḥ kena kena vā mṛtyu nāśanam |
aihikāmuṣmikaphalaṃ kena vā padmalocana || 3 ||
vaktumarhasyaśeṣeṇa sarve nikhilamāditaḥ |
śrīnārāyaṇa uvāca –
sādhu sādhu mahāprājña samyak pṛṣṭaṃ tvayā'nagha || 4 ||
śṛṇu vakṣyāmi yatnena gāyatryaṣṭasahasrakam |
nāmnāṃ śubhānāṃ divyānāṃ sarvapāpavināśanam || 5 ||
sṛṣṭyādau yadbhagavatā pūrve proktaṃ bravīmi te |
aṣṭottarasahasrasya ṛṣirbrahmā prakīrtitaḥ || 6 ||
chando'nuṣṭuptathā devī gāyatrīṃ devatā smṛtā |
halobījāni tasyaiva svarāḥ śaktaya īritāḥ || 7 ||
aṅganyāsakaranyāsāvucyete mātṛkākṣaraiḥ |
atha dhyānaṃ pravakṣyāmi sādhakānāṃ hitāya vai || 8 ||
dhyānam
raktaśvetahiraṇyanīladhavalairyuktāṃ trinītrojjvalāṃ
raktāṃ raktanavasrajaṃ maṇigaṇairyuktāṃ kumārīmimām |
gāyatrīṃ kamalāsanāṃ karatalavyānaddhakuṇḍāmbujāṃ
padmākṣīṃ ca varasrajaṃ ca dadhatīṃ haṃsādhirūḍhāṃ bhaje || 9 ||
acintyalakṣaṇāvyaktāpyarthamātṛmaheśvarī |
amṛtārṇavamadhyasthāpyajitā cāparājitā || 10 ||
aṇimādiguṇādhārāpyarkamaṇḍalasaṃsthitā |
ajarājāparādharmā akṣasūtradharādharā || 11 ||
akārādikṣakārāntāpyariṣaḍvargabhedinī |
añjanādripratīkāśāpyañjanādrinivāsinī || 12 ||
aditiścājapāvidyāpyaravindanibhekṣaṇā |
antarbahiḥsthitāvidyādhvaṃsinī cāntarātmikā || 13 ||
ajā cājamukhāvāsāpyaravindanibhānanā |
ardhamātrārthadānajñāpyarimaṇḍalamardinī || 14 ||
asuraghnī hyamāvāsyāpyalakṣmīghnyantyajārcitā |
ādilakṣmīścādiśaktirākṛtiścāyatānanā || 15 ||
ādityapadavīcārāpyādityaparisevitā |
ācāryāvartanācārāpyādimūrtinivāsinī || 16 ||
āgneyī cāmarī cādyā cārādhyā cāsanasthitā |
ādhāranilayādhārā cākāśāntanivāsinī || 17 ||
ādyākṣarasamāyuktā cāntarākāśarūpiṇī |
ādityamaṇḍalagatā cāntaradhvāntanāśinī || 18 ||
indirā ceṣṭadā ceṣṭā cendīvaranibhekṣaṇā |
irāvatī cendrapadā cendrāṇī cendurūpiṇī || 19 ||
ikṣukodaṇḍasaṃyuktā ceṣusandhānakāriṇī |
indranīlasamākārā ceḍāpiṅgalarūpiṇī || 20 ||
indrākṣīceśvarī devī cehātrayavivarjitā |
umā coṣā hyuḍunibhā urvārukaphalānanā || 21 ||
uḍuprabhā coḍumatī hyuḍupā hyuḍumadhyagā |
ūrdhvā cāpyūrdhvakeśī cāpyūrdhvādhogatibhedinī || 22 ||
ūrdhvabāhupriyā cormimālāvāggranthadāyinī |
ṛtaṃ carṣirṛtumatī ṛṣidevanamaskṛtā || 23 ||
ṛgvedā ṛṇahartrī ca ṛṣimaṇḍalacāriṇī |
ṛddhidā ṛjumārgasthā ṛjudharmā ṛjupradā || 24 ||
ṛgvedanilayā ṛjvī luptadharmapravartinī |
lūtārivarasambhūtā lūtādiviṣahāriṇī || 25 ||
ekākṣarā caikamātrā caikā caikaikaniṣṭhitā |
aindrī hyairāvatārūḍhā caihikāmuṣmikapradā || 26 ||
oṅkārā hyoṣadhī cotā cotaprotanivāsinī |
aurvā hyauṣadhasampannā aupāsanaphalapradā || 27 ||
aṇḍamadhyasthitā devī cāḥkāramanurūpiṇī |
kātyāyanī kālarātriḥ kāmākṣī kāmasundarī || 28 ||
kamalā kāminī kāntā kāmadā kālakaṇṭhinī |
karikumbhastanabharā karavīrasuvāsinī || 29 ||
kalyāṇī kuṇḍalavatī kurukṣetranivāsinī |
kuruvindadalākārā kuṇḍalī kumudālayā || 30 ||
kālajihvā karālāsyā kālikā kālarūpiṇī |
kamanīyaguṇā kāntiḥ kalādhārā kumudvatī || 31 ||
kauśikī kamalākārā kāmacāraprabhañjinī |
kaumārī karuṇāpāṅgī kakuvantā karipriyā || 32 ||
kesarī keśavanutā kadambakusumapriyā |
kālindī kālikā kāñcī kalaśodbhavasaṃstutā || 33 ||
kāmamātā kratumatī kāmarūpā kṛpāvatī |
kumārī kuṇḍanilayā kirātī kīravāhanā || 34 ||
kaikeyī kokilālāpā ketakī kusumapriyā |
kamaṇḍaludharā kālī karmanirmūlakāriṇī || 35 ||
kalahaṃsagatiḥ kakṣā kṛtakautukamaṅgalā |
kastūrītilakā kamprā karīndragamanā kuhūḥ || 36 ||
karpūralepanā kṛṣṇā kapilā kuharāśrayā |
kūṭasthā kudharā kamrā kukṣisthākhilaviṣṭapā || 37 ||
khaḍgakheṭadharā kharvā khecarī khagavāhanā |
khaṭvāṅgadhāriṇī khyātā khagarājoparisthitā || 38 ||
khalaghnī khaṇḍitajarā khaṇḍākhyānapradāyinī |
khaṇḍendutilakā gaṅgā gaṇeśaguhapūjitā || 39 ||
gāyatrī gomatī gītā gāndhārī gānalolupā |
gautamī gāminī gādhā gandharvāpsarasevitā || 40 ||
govindacaraṇākrāntā guṇatrayavibhāvitā |
gandharvī gahvarī gotrā girīśā gahanā gamī || 41 ||
guhāvāsā guṇavatī gurupāpapraṇāśinī |
gurvī guṇavatī guhyā goptavyā guṇadāyinī || 42 ||
girijā guhyamātaṅgī garuḍadhvajavallabhā |
garvāpahāriṇī godā gokulasthā gadādharā || 43 ||
gokarṇanilayāsaktā guhyamaṇḍalavartinī |
gharmadā ghanadā ghaṇṭā ghoradānavamardinī || 44 ||
ghṛṇimantramayī ghoṣā ghanasampātadāyinī |
ghaṇṭāravapriyā ghrāṇā ghṛṇisantuṣṭakāriṇī || 45 ||
ghanārimaṇḍalā ghūrṇā ghṛtācī ghanaveginī |
jñānadhātumayī carcā carcitā cāruhāsinī || 46 ||
caṭulā caṇḍikā citrā citramālyavibhūṣitā |
caturbhujā cārudantā cāturī caritapradā || 47 ||
cūlikā citravastrāntā candramaḥkarṇakuṇḍalā |
candrahāsā cārudātrī cakorī candrahāsinī || 48 ||
candrikā candradhātrī ca caurī caurā ca caṇḍikā |
cañcadvāgvādinī candracūḍā coravināśinī || 49 ||
cārucandanaliptāṅgī cañcaccāmaravījitā |
cārumadhyā cārugatiścandilā candrarūpiṇī || 50 ||
cāruhomapriyā cārvācaritā cakrabāhukā |
candramaṇḍalamadhyasthā candramaṇḍaladarpaṇā || 51 ||
cakravākastanī ceṣṭā citrā cāruvilāsinī |
citsvarūpā candravatī candramāścandanapriyā || 52 ||
codayitrī ciraprajñā cātakā cāruhetukī |
chatrayātā chatradharā chāyā chandaḥparicchadā || 53 ||
chāyādevī chidranakhā channendriyavisarpiṇī |
chando'nuṣṭuppratiṣṭhāntā chidropadravabhedinī || 54 ||
chedā chatreśvarī chinnā churikā chedanapriyā |
jananī janmarahitā jātavedā jaganmayī || 55 ||
jāhnavī jaṭilā jetrī jarāmaraṇavarjitā |
jambūdvīpavatī jvālā jayantī jalaśālinī || 56 ||
jitendriyā jitakrodhā jitāmitrā jagatpriyā |
jātarūpamayī jihvā jānakī jagatī jarā || 57 ||
janitrī jahnutanayā jagattrayahitaiṣiṇī |
jvālāmukhī japavatī jvaraghnī jitaviṣṭapā || 58 ||
jitākrāntamayī jvālā jāgratī jvaradevatā |
jvalantī jaladā jyeṣṭhā jyāghoṣāsphoṭadiṅmukhī || 59 ||
jambhinī jṛmbhaṇā jṛmbhā jvalanmāṇikyakuṇḍalā |
jhiñjhikā jhaṇanirghoṣā jhañjhāmārutaveginī || 60 ||
jhallarīvādyakuśalā ñarūpā ñabhujā smṛtā |
ṭaṅkabāṇasamāyuktā ṭaṅkinī ṭaṅkabhedinī || 61 ||
ṭaṅkīgaṇakṛtāghoṣā ṭaṅkanīyamahorasā |
ṭaṅkārakāriṇī devī ṭhaṭhaśabdaninādinī || 62 ||
ḍāmarī ḍākinī ḍimbhā ḍuṇḍumāraikanirjitā |
ḍāmarītantramārgasthā ḍamaḍḍamarunādinī || 63 ||
ḍiṇḍīravasahā ḍimbhalasatkrīḍāparāyaṇā |
ḍhuṇḍhivighneśajananī ḍhakkāhastā ḍhilivrajā || 64 ||
nityajñānā nirupamā nirguṇā narmadā nadī |
triguṇā tripadā tantrī tulasī taruṇā taruḥ || 65 ||
trivikramapadākrāntā turīyapadagāminī |
taruṇādityasaṅkāśā tāmasī tuhinā turā || 66 ||
trikālajñānasampannā triveṇī ca trilocanā |
triśaktistripurā tuṅgā turaṅgavadanā tathā || 67 ||
timiṅgilagilā tīvrā trisrotā tāmasādinī |
tantramantraviśeṣajñā tanumadhyā triviṣṭapā || 68 ||
trisandhyā tristanī toṣāsaṃsthā tālapratāpinī |
tāṭaṅkinī tuṣārābhā tuhinācalavāsinī || 69 ||
tantujālasamāyuktā tārahārāvalipriyā |
tilahomapriyā tīrthā tamālakusumākṛtiḥ || 70 ||
tārakā triyutā tanvī triśaṅkuparivāritā |
talodarī tilābhūṣā tāṭaṅkapriyavādinī || 71 ||
trijaṭā tittirī tṛṣṇā trividhā taruṇākṛtiḥ |
taptakāñcanasaṅkāśā taptakāñcanabhūṣaṇā || 72 ||
traiyambakā trivargā ca trikālajñānadāyinī |
tarpaṇā tṛptidā tṛptā tāmasī tumburustutā || 73 ||
tārkṣyasthā triguṇākārā tribhaṅgī tanuvallariḥ |
thātkārī thāravā thāntā dohinī dīnavatsalā || 74 ||
dānavāntakarī durgā durgāsuranibarhiṇī |
devarītirdivārātrirdraupadī dundubhisvanā || 75 ||
devayānī durāvāsā dāridryodbhedinī divā |
dāmodarapriyā dīptā digvāsā digvimohinī || 76 ||
daṇḍakāraṇyanilayā daṇḍinī devapūjitā |
devavandyā diviṣadā dveṣiṇī dānavākṛtiḥ || 77 ||
dīnānāthastutā dīkṣā daivatādisvarūpiṇī |
dhātrī dhanurdharā dhenurdhāriṇī dharmacāriṇī || 78 ||
dhurandharā dharādhārā dhanadā dhānyadohinī |
dharmaśīlā dhanādhyakṣā dhanurvedaviśāradā || 79 ||
dhṛtirdhanyā dhṛtapadā dharmarājapriyā dhruvā |
dhūmāvatī dhūmakeśī dharmaśāstraprakāśinī || 80 ||
nandā nandapriyā nidrā nṛnutā nandanātmikā |
narmadā nalinī nīlā nīlakaṇṭhasamāśrayā || 81 ||
nārāyaṇapriyā nityā nirmalā nirguṇā nidhiḥ |
nirādhārā nirupamā nityaśuddhā nirañjanā || 82 ||
nādabindukalātītā nādabindukalātmikā |
nṛsiṃhinī nagadharā nṛpanāgavibhūṣitā || 83 ||
narakakleśaśamanī nārāyaṇapadodbhavā |
niravadyā nirākārā nāradapriyakāriṇī || 84 ||
nānājyotiḥ samākhyātā nidhidā nirmalātmikā |
navasūtradharā nītirnirupadravakāriṇī || 85 ||
nandajā navaratnāḍhyā naimiṣāraṇyavāsinī |
navanītapriyā nārī nīlajīmūtanisvanā || 86 ||
nimeṣiṇī nadīrūpā nīlagrīvā niśīśvarī |
nāmāvalirniśumbhaghnī nāgalokanivāsinī || 87 ||
navajāmbūnadaprakhyā nāgalokādhidevatā |
nūpurākrāntacaraṇā naracittapramodinī || 88 ||
nimagnāraktanayanā nirghātasamanisvanā |
nandanodyānanilayā nirvyūhoparicāriṇī || 89 ||
pārvatī paramodārā parabrahmātmikā parā |
pañcakośavinirmuktā pañcapātakanāśinī || 90 ||
paracittavidhānajñā pañcikā pañcarūpiṇī |
pūrṇimā paramā prītiḥ paratejaḥ prakāśinī || 91 ||
purāṇī pauruṣī puṇyā puṇḍarīkanibhekṣaṇā |
pātālatalanirmagnā prītā prītivivardhinī || 92 ||
pāvanī pādasahitā peśalā pavanāśinī |
prajāpatiḥ pariśrāntā parvatastanamaṇḍalā || 93 ||
padmapriyā padmasaṃsthā padmākṣī padmasambhavā |
padmapatrā padmapadā padminī priyabhāṣiṇī || 94 ||
paśupāśavinirmuktā purandhrī puravāsinī |
puṣkalā puruṣā parvā pārijātasumapriyā || 95 ||
pativratā pavitrāṅgī puṣpahāsaparāyaṇā |
prajñāvatīsutā pautrī putrapūjyā payasvinī || 96 ||
paṭṭipāśadharā paṅktiḥ pitṛlokapradāyinī |
purāṇī puṇyaśīlā ca praṇatārtivināśinī || 97 ||
pradyumnajananī puṣṭā pitāmahaparigrahā |
puṇḍarīkapurāvāsā puṇḍarīkasamānanā || 98 ||
pṛthujaṅghā pṛthubhujā pṛthupādā pṛthūdarī |
pravālaśobhā piṅgākṣī pītavāsāḥ pracāpalā || 99 ||
prasavā puṣṭidā puṇyā pratiṣṭhā praṇavāgatiḥ |
pañcavarṇā pañcavāṇī pañcikā pañjarasthitā || 100 ||
paramāyā parajyotiḥ paraprītiḥ parāgatiḥ |
parākāṣṭhā pareśānī pāvanī pāvakadyutiḥ || 101 ||
puṇyabhadrā paricchedyā puṣpahāsā pṛthūdarī |
pītāṅgī pītavasanā pītaśayyā piśācinī || 102 ||
pītakriyā piśācaghnī pāṭalākṣī paṭukriyā |
pañcabhakṣapriyācārā pūtanāprāṇaghātinī || 103 ||
punnāgavanamadhyasthā puṇyatīrthaniṣevitā |
pañcāṅgī ca parāśaktiḥ paramāhlādakāriṇī || 104 ||
puṣpakāṇḍasthitā pūṣā poṣitākhilaviṣṭapā |
prāṇapriyā pañcaśikhā pannagopariśāyinī || 105 ||
pañcamātrātmikā pṛthvī pathikā pṛthudohinī |
purāṇanyāyamīmāṃsā pāṭalī puṣpagandhinī || 106 ||
puṇyaprajā pāradātrī paramārgaikagocarā |
pravālaśobhā pūrṇāśā praṇavā pallavodarī || 107 ||
phalinī phaladā phalguḥ phūtkārī phalakākṛtiḥ |
phaṇīndrabhogaśayanā phaṇimaṇḍalamaṇḍitā || 108 ||
bālabālā bahumatā bālātapanibhāṃśukā |
balabhadrapriyā vandyā baḍavā buddhisaṃstutā || 109 ||
bandīdevī bilavatī baḍiśaghnī balipriyā |
bāndhavī bodhitā buddhirbandhūkakusumapriyā || 110 ||
bālabhānuprabhākārā brāhmī brāhmaṇadevatā |
bṛhaspatistutā bṛndā bṛndāvanavihāriṇī || 111 ||
bālākinī bilāhārā bilavāsā bahūdakā |
bahunetrā bahupadā bahukarṇāvataṃsikā || 112 ||
bahubāhuyutā bījarūpiṇī bahurūpiṇī |
bindunādakalātītā bindunādasvarūpiṇī || 113 ||
baddhagodhāṅgulitrāṇā badaryāśramavāsinī |
bṛndārakā bṛhatskandhā bṛhatī bāṇapātinī || 114 ||
bṛndādhyakṣā bahunutā vanitā bahuvikramā |
baddhapadmāsanāsīnā bilvapatratalasthitā || 115 ||
bodhidrumanijāvāsā baḍisthā bindudarpaṇā |
bālā bāṇāsanavatī baḍabānalaveginī || 116 ||
brahmāṇḍabahirantaḥsthā brahmakaṅkaṇasūtriṇī |
bhavānī bhīṣaṇavatī bhāvinī bhayahāriṇī || 117 ||
bhadrakālī bhujaṅgākṣī bhāratī bhāratāśayā |
bhairavī bhīṣaṇākārā bhūtidā bhūtimālinī || 118 ||
bhāminī bhoganiratā bhadradā bhūrivikramā |
bhūtavāsā bhṛgulatā bhārgavī bhūsurārcitā || 119 ||
bhāgīrathī bhogavatī bhavanasthā bhiṣagvarā |
bhāminī bhoginī bhāṣā bhavānī bhūridakṣiṇā || 120 ||
bhargātmikā bhīmavatī bhavabandhavimocinī |
bhajanīyā bhūtadhātrīrañjitā bhuvaneśvarī || 121 ||
bhujaṅgavalayā bhīmā bheruṇḍā bhāgadheyinī |
mātā māyā madhumatī madhujihvā madhupriyā || 122 ||
mahādevī mahābhāgā mālinī mīnalocanā |
māyātītā madhumatī madhumāṃsā madhudravā || 123 ||
mānavī madhusambhūtā mithilāpuravāsinī |
madhukaiṭabhasaṃhartrī medinī meghamālinī || 124 ||
mandodarī mahāmāyā maithilī masṛṇapriyā |
mahālakṣmīrmahākālī mahākanyā maheśvarī || 125 ||
māhendrī merutanayā mandārakusumārcitā |
mañjumañjīracaraṇā mokṣadā mañjubhāṣiṇī || 126 ||
madhuradrāviṇī mudrā malayā malayānvitā |
medhā marakataśyāmā māgadhī menakātmajā || 127 ||
mahāmārī mahāvīrā mahāśyāmā manustutā |
mātṛkā mihirābhāsā mukundapadavikramā || 128 ||
mūlādhārasthitā mugdhā maṇipūrakavāsinī |
mṛgākṣī mahiṣārūḍhā mahiṣāsuramardinī || 129 ||
yogāsanā yogagamyā yogā yauvanakāśrayā |
yauvanī yuddhamadhyasthā yamunā yugadhāriṇī || 130 ||
yakṣiṇī yogayuktā ca yakṣarājaprasūtinī |
yātrā yānavidhānajñā yaduvaṃśasamudbhavā || 131 ||
yakārādihakārāntā yājuṣī yajñarūpiṇī |
yāminī yoganiratā yātudhānabhayaṅkarī || 132 ||
rukmiṇī ramaṇī rāmā revatī reṇukā ratiḥ |
raudrī raudrapriyākārā rāmamātā ratipriyā || 133 ||
rohiṇī rājyadā revā ramā rājīvalocanā |
rākeśī rūpasampannā ratnasiṃhāsanasthitā || 134 ||
raktamālyāmbaradharā raktagandhānulepanā |
rājahaṃsasamārūḍhā rambhā raktabalipriyā || 135 ||
ramaṇīyayugādhārā rājitākhilabhūtalā |
rurucarmaparīdhānā rathinī ratnamālikā || 136 ||
rogeśī rogaśamanī rāviṇī romaharṣiṇī |
rāmacandrapadākrāntā rāvaṇacchedakāriṇī || 137 ||
ratnavastraparicchannā rathasthā rukmabhūṣaṇā |
lajjādhidevatā lolā lalitā liṅgadhāriṇī || 138 ||
lakṣmīrlolā luptaviṣā lokinī lokaviśrutā |
lajjā lambodarī devī lalanā lokadhāriṇī || 139 ||
varadā vanditā vidyā vaiṣṇavī vimalākṛtiḥ |
vārāhī virajā varṣā varalakṣmīrvilāsinī || 140 ||
vinatā vyomamadhyasthā vārijāsanasaṃsthitā |
vāruṇī veṇusambhūtā vītihotrā virūpiṇī || 141 ||
vāyumaṇḍalamadhyasthā viṣṇurūpā vidhipriyā |
viṣṇupatnī viṣṇumatī viśālākṣī vasundharā || 142 ||
vāmadevapriyā velā vajriṇī vasudohinī |
vedākṣaraparītāṅgī vājapeyaphalapradā || 143 ||
vāsavī vāmajananī vaikuṇṭhanilayā varā |
vyāsapriyā varmadharā vālmīkiparisevitā || 144 ||
śākambharī śivā śāntā śāradā śaraṇāgatiḥ |
śātodarī śubhācārā śumbhāsuravimardinī || 145 ||
śobhāvatī śivākārā śaṅkarārdhaśarīriṇī |
śoṇā śubhāśayā śubhrā śiraḥsandhānakāriṇī || 146 ||
śarāvatī śarānandā śarajjyotsnā śubhānanā |
śarabhā śūlinī śuddhā śabarī śukavāhanā || 147 ||
śrīmatī śrīdharānandā śravaṇānandadāyinī |
śarvāṇī śarvarīvandyā ṣaḍbhāṣā ṣaḍṛtupriyā || 148 ||
ṣaḍādhārasthitā devī ṣaṇmukhapriyakāriṇī |
ṣaḍaṅgarūpasumatī surāsuranamaskṛtā || 149 ||
sarasvatī sadādhārā sarvamaṅgalakāriṇī |
sāmagānapriyā sūkṣmā sāvitrī sāmasambhavā || 150 ||
sarvāvāsā sadānandā sustanī sāgarāmbarā |
sarvaiśvaryapriyā siddhiḥ sādhubandhuparākramā || 151 ||
saptarṣimaṇḍalagatā somamaṇḍalavāsinī |
sarvajñā sāndrakaruṇā samānādhikavarjitā || 152 ||
sarvottuṅgā saṅgahīnā sadguṇā sakaleṣṭadā |
saradhā sūryatanayā sukeśī somasaṃhatiḥ || 153 ||
hiraṇyavarṇā hariṇī hrīṅkārī haṃsavāhinī |
kṣaumavastraparītāṅgī kṣīrābdhitanayā kṣamā || 154 ||
gāyatrī caiva sāvitrī pārvatī ca sarasvatī |
vedagarbhā varārohā śrīgāyatrī parāmbikā || 155 ||
iti sāhasrakaṃ nāmnāṃ gāyatryāścaiva nārada |
puṇyadaṃ sarvapāpaghnaṃ mahāsampattidāyakam || 156 ||
evaṃ nāmāni gāyatryāstoṣotpattikarāṇi hi |
aṣṭamyāṃ ca viśeṣeṇa paṭhitavyaṃ dvijaiḥ saha || 157 ||
japaṃ kṛtvā homa pūjā dhyānaṃ kṛtvā viśeṣataḥ |
yasmai kasmai na dātavyaṃ gāyatryāstu viśeṣataḥ || 158 ||
subhaktāya suśiṣyāya vaktavyaṃ bhūsurāya vai |
bhraṣṭebhyaḥ sādhakebhyaśca bāndhavebhyo na darśayet || 159 ||
yadgṛhe likhitaṃ śāstraṃ bhayaṃ tasya na kasyacit |
cañcalāpisthirā bhūtvā kamalā tatra tiṣṭhati || 160 ||
idaṃ rahasyaṃ paramaṃ guhyādguhyataraṃ mahat |
puṇyapradaṃ manuṣyāṇāṃ daridrāṇāṃ nidhipradam || 161 ||
mokṣapradaṃ mumukṣūṇāṃ kāmināṃ sarvakāmadam |
rogādvai mucyate rogī baddho mucyeta bandhanāt || 162 ||
brahmahatyā surāpānaṃ suvarṇasteyino narāḥ |
gurutalpagato vāpi pātakānmucyate sakṛt || 163 ||
asatpratigrahāccaivā'bhakṣyabhakṣādviśeṣataḥ |
pākhaṇḍānṛtamukhyebhyaḥ paṭhanādeva mucyate || 164 ||
idaṃ rahasyamamalaṃ mayoktaṃ padmajodbhava |
brahmasāyujyadaṃ nṝṇāṃ satyaṃ satyaṃ na saṃśayaḥ || 165 ||
iti śrīdevībhāgavate mahāpurāṇe dvādaśaskandhe gāyatrīsahasranāma stotra kathanaṃ nāma ṣaṣṭho'dhyāyaḥ ||
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.