Dhyeyapathikasadhaka — Kannada Script

ಧ್ಯೇಯಪಥಿಕಸಾಧಕ

ಕಾರ್ಯಪಥೇ ಸಾಧಯ

ಮೃದು ಹಸನ್ ಮಧುಕಿರನ್ ಮಾತರಂ ಸದಾ ಸ್ಮರನ್ ॥

ಜೀವನಂ ನ ಶಾಶ್ವತಂ, ವೈಭವಂ ನ ಹಿ ಸ್ಥಿರಂ

ಸ್ವಾರ್ಥಲೇಪನಂ ವಿನಾ, ಯತ್ಕೃತಂ ಹಿ ತಚ್ಚಿರಂ

ಸರಲತಾ ಸ್ವಜೀವನೇ

ಚಿನ್ತನೇ ಸದೋಚ್ಚತಾ

ಸಮಾಜಪೋಷಿತಾ ವಯಂ ಸಮಾಜಪೋಷಕಾಶ್ಚಿರಮ್ ॥ 1 ॥

ಯಚ್ಚ ಮನಸಿ ಚಿನ್ತ್ಯತೇ, ಯಚ್ಚ ಕೀರ್ತ್ಯತೇ ಗಿರಾ

ತಚ್ಚ ಮೂರ್ತರೂಪತಾಮ್, ಏತಿ ನಿತ್ಯಜೀವನೇ

ಜನನ್ಯನನ್ಯಚರಣಯೋಃ

ಸಮರ್ಪಿತಸ್ವಜೀವನಾಃ

ಧ್ಯೇಯಸಾಧನವ್ರತಾ ವಯಂ ಭವೇಮ ಸಙ್ಗತಾಃ ॥ 2 ॥

ಸ್ಮರತ್ವಿಹಾಗ್ರಜನ್ಮನಾಂ, ತ್ಯಾಗಬಲಿಸಮರ್ಪಣಂ

ಸಿಂಹಕುಲಸಮುದ್ಭವಾಃ ಸಿಂಹವಿಕ್ರಮಾ ವಯಂ

ಸನ್ತು ಕಷ್ಟಕೋಟಯೋ

ಭವತು ವಿಘ್ನವರ್ಷಣಂ

ಸಕೃತ್ಪ್ರತಿಜ್ಞಕಾ ವಯಂ ಭಜೇಮ ನೋ ಪಲಾಯನಮ್ ॥ 3 ॥

ರಚನ: ಶ್ರೀ ಜನಾರ್ದನ ಹೇಗ್ಡೇ

Roman (IAST) Transliteration

dhyeyapathikasādhaka

kāryapathe sādhaya

mṛdu hasan madhukiran mātaraṃ sadā smaran ||

jīvanaṃ na śāśvataṃ, vaibhavaṃ na hi sthiraṃ

svārthalepanaṃ vinā, yatkṛtaṃ hi tacciraṃ

saralatā svajīvane

cintane sadoccatā

samājapoṣitā vayaṃ samājapoṣakāściram || 1 ||

yacca manasi cintyate, yacca kīrtyate girā

tacca mūrtarūpatām, eti nityajīvane

jananyananyacaraṇayoḥ

samarpitasvajīvanāḥ

dhyeyasādhanavratā vayaṃ bhavema saṅgatāḥ || 2 ||

smaratvihāgrajanmanāṃ, tyāgabalisamarpaṇaṃ

siṃhakulasamudbhavāḥ siṃhavikramā vayaṃ

santu kaṣṭakoṭayo

bhavatu vighnavarṣaṇaṃ

sakṛtpratijñakā vayaṃ bhajema no palāyanam || 3 ||

racana: śrī janārdana hegḍe

Sanskrit — Devanagari (original)

ध्येयपथिकसाधक

कार्यपथे साधय

मृदु हसन् मधुकिरन् मातरं सदा स्मरन् ॥

जीवनं न शाश्वतं, वैभवं न हि स्थिरं

स्वार्थलेपनं विना, यत्कृतं हि तच्चिरं

सरलता स्वजीवने

चिन्तने सदोच्चता

समाजपोषिता वयं समाजपोषकाश्चिरम् ॥ 1 ॥

यच्च मनसि चिन्त्यते, यच्च कीर्त्यते गिरा

तच्च मूर्तरूपताम्, एति नित्यजीवने

जनन्यनन्यचरणयोः

समर्पितस्वजीवनाः

ध्येयसाधनव्रता वयं भवेम सङ्गताः ॥ 2 ॥

स्मरत्विहाग्रजन्मनां, त्यागबलिसमर्पणं

सिंहकुलसमुद्भवाः सिंहविक्रमा वयं

सन्तु कष्टकोटयो

भवतु विघ्नवर्षणं

सकृत्प्रतिज्ञका वयं भजेम नो पलायनम् ॥ 3 ॥

रचन: श्री जनार्दन हेग्डे