Shri Bhu Varaha Stotram — Grantha Script

𑌋𑌷𑌯 𑌊𑌚𑍁 ।

𑌜𑌿𑌤𑌂 𑌜𑌿𑌤𑌂 𑌤𑍇𑌽𑌜𑌿𑌤 𑌯𑌜𑍍𑌞𑌭𑌾𑌵𑌨𑌾

𑌤𑍍𑌰𑌯𑍀𑌂 𑌤𑌨𑍂𑌂 𑌸𑍍𑌵𑌾𑌂 𑌪𑌰𑌿𑌧𑍁𑌨𑍍𑌵𑌤𑍇 𑌨𑌮𑌃 ।

𑌯𑌦𑍍𑌰𑍋𑌮𑌗𑌰𑍍𑌤𑍇𑌷𑍁 𑌨𑌿𑌲𑌿𑌲𑍍𑌯𑍁𑌰𑌧𑍍𑌵𑌰𑌾𑌃

𑌤𑌸𑍍𑌮𑍈 𑌨𑌮𑌃 𑌕𑌾𑌰𑌣𑌸𑍂𑌕𑌰𑌾𑌯 𑌤𑍇 ॥ 1 ॥

𑌰𑍂𑌪𑌂 𑌤𑌵𑍈𑌤𑌨𑍍𑌨𑌨𑍁 𑌦𑍁𑌷𑍍𑌕𑍃𑌤𑌾𑌤𑍍𑌮𑌨𑌾𑌂

𑌦𑍁𑌰𑍍𑌦𑌰𑍍𑌶𑌨𑌂 𑌦𑍇𑌵 𑌯𑌦𑌧𑍍𑌵𑌰𑌾𑌤𑍍𑌮𑌕𑌮𑍍 ।

𑌛𑌨𑍍𑌦𑌾𑌂𑌸𑌿 𑌯𑌸𑍍𑌯 𑌤𑍍𑌵𑌚𑌿 𑌬𑌰𑍍𑌹𑌿𑌰𑍋𑌮-

𑌸𑍍𑌸𑍍𑌵𑌾𑌜𑍍𑌯𑌂 𑌦𑍃𑌶𑌿 𑌤𑍍𑌵𑌙𑍍𑌘𑍍𑌰𑌿𑌷𑍁 𑌚𑌾𑌤𑍁𑌰𑍍𑌹𑍋𑌤𑍍𑌰𑌮𑍍 ॥ 2 ॥

𑌸𑍍𑌰𑍁𑌕𑍍𑌤𑍁𑌣𑍍𑌡 𑌆𑌸𑍀𑌤𑍍𑌸𑍍𑌰𑍁𑌵 𑌈𑌶 𑌨𑌾𑌸𑌯𑍋-

𑌰𑌿𑌡𑍋𑌦𑌰𑍇 𑌚𑌮𑌸𑌾𑌃 𑌕𑌰𑍍𑌣𑌰𑌨𑍍𑌧𑍍𑌰𑍇 ।

𑌪𑍍𑌰𑌾𑌶𑌿𑌤𑍍𑌰𑌮𑌾𑌸𑍍𑌯𑍇 𑌗𑍍𑌰𑌸𑌨𑍇 𑌗𑍍𑌰𑌹𑌾𑌸𑍍𑌤𑍁 𑌤𑍇

𑌯𑌚𑍍𑌚𑌰𑍍𑌵𑌣𑌨𑍍𑌤𑍇 𑌭𑌗𑌵𑌨𑍍𑌨𑌗𑍍𑌨𑌿𑌹𑍋𑌤𑍍𑌰𑌮𑍍 ॥ 3 ॥

𑌦𑍀𑌕𑍍𑌷𑌾𑌨𑍁𑌜𑌨𑍍𑌮𑍋𑌪𑌸𑌦𑌃 𑌶𑌿𑌰𑍋𑌧𑌰𑌂

𑌤𑍍𑌵𑌂 𑌪𑍍𑌰𑌾𑌯𑌣𑍀𑌯𑍋 𑌦𑌯𑌨𑍀𑌯 𑌦𑌂𑌷𑍍𑌟𑍍𑌰𑌃 ।

𑌜𑌿𑌹𑍍𑌵𑌾 𑌪𑍍𑌰𑌵𑌰𑍍𑌗𑍍𑌯𑌸𑍍𑌤𑌵 𑌶𑍀𑌰𑍍𑌷𑌕𑌂 𑌕𑍍𑌰𑌤𑍋𑌃

𑌸𑌭𑍍𑌯𑌾𑌵𑌸𑌥𑍍𑌯𑌂 𑌚𑌿𑌤𑌯𑍋𑌽𑌸𑌵𑍋 𑌹𑌿 𑌤𑍇 ॥ 4 ॥

𑌸𑍋𑌮𑌸𑍍𑌤𑍁 𑌰𑍇𑌤𑌃 𑌸𑌵𑌨𑌾𑌨𑍍𑌯𑌵𑌸𑍍𑌥𑌿𑌤𑌿𑌃

𑌸𑌂𑌸𑍍𑌥𑌾𑌵𑌿𑌭𑍇𑌦𑌾𑌸𑍍𑌤𑌵 𑌦𑍇𑌵 𑌧𑌾𑌤𑌵𑌃 ।

𑌸𑌤𑍍𑌰𑌾𑌣𑌿 𑌸𑌰𑍍𑌵𑌾𑌣𑌿 𑌶𑌰𑍀𑌰𑌸𑌨𑍍𑌧𑌿-

𑌸𑍍𑌤𑍍𑌵𑌂 𑌸𑌰𑍍𑌵𑌯𑌜𑍍𑌞𑌕𑍍𑌰𑌤𑍁𑌰𑌿𑌷𑍍𑌟𑌿𑌬𑌨𑍍𑌧𑌨𑌃 ॥ 5 ॥

𑌨𑌮𑍋 𑌨𑌮𑌸𑍍𑌤𑍇𑌽𑌖𑌿𑌲𑌯𑌨𑍍𑌤𑍍𑌰𑌦𑍇𑌵𑌤𑌾

𑌦𑍍𑌰𑌵𑍍𑌯𑌾𑌯 𑌸𑌰𑍍𑌵𑌕𑍍𑌰𑌤𑌵𑍇 𑌕𑍍𑌰𑌿𑌯𑌾𑌤𑍍𑌮𑌨𑍇 ।

𑌵𑍈𑌰𑌾𑌗𑍍𑌯 𑌭𑌕𑍍𑌤𑍍𑌯𑌾𑌤𑍍𑌮𑌜𑌯𑌾𑌽𑌨𑍁𑌭𑌾𑌵𑌿𑌤

𑌜𑍍𑌞𑌾𑌨𑌾𑌯 𑌵𑌿𑌦𑍍𑌯𑌾𑌗𑍁𑌰𑌵𑍇 𑌨𑌮𑍋𑌀 𑌨𑌮𑌃 ॥ 6 ॥

𑌦𑌂𑌷𑍍𑌟𑍍𑌰𑌾𑌗𑍍𑌰𑌕𑍋𑌟𑍍𑌯𑌾 𑌭𑌗𑌵𑌂𑌸𑍍𑌤𑍍𑌵𑌯𑌾 𑌧𑍃𑌤𑌾

𑌵𑌿𑌰𑌾𑌜𑌤𑍇 𑌭𑍂𑌧𑌰 𑌭𑍂𑌸𑍍𑌸𑌭𑍂𑌧𑌰𑌾 ।

𑌯𑌥𑌾 𑌵𑌨𑌾𑌨𑍍𑌨𑌿𑌸𑍍𑌸𑌰𑌤𑍋 𑌦𑌤𑌾 𑌧𑍃𑌤𑌾

𑌮𑌤𑌙𑍍𑌗𑌜𑍇𑌨𑍍𑌦𑍍𑌰𑌸𑍍𑌯 𑌸 𑌪𑌤𑍍𑌰𑌪𑌦𑍍𑌮𑌿𑌨𑍀 ॥ 7 ॥

𑌤𑍍𑌰𑌯𑍀𑌮𑌯𑌂 𑌰𑍂𑌪𑌮𑌿𑌦𑌂 𑌚 𑌸𑍗𑌕𑌰𑌂

𑌭𑍂𑌮𑌣𑍍𑌡𑌲𑍇 𑌨𑌾𑌥 𑌤𑌦𑌾 𑌧𑍃𑌤𑍇𑌨 𑌤𑍇 ।

𑌚𑌕𑌾𑌸𑍍𑌤𑌿 𑌶𑍃𑌙𑍍𑌗𑍋𑌢𑌘𑌨𑍇𑌨 𑌭𑍂𑌯𑌸𑌾

𑌕𑍁𑌲𑌾𑌚𑌲𑍇𑌨𑍍𑌦𑍍𑌰𑌸𑍍𑌯 𑌯𑌥𑍈𑌵 𑌵𑌿𑌭𑍍𑌰𑌮𑌃 ॥ 8 ॥

𑌸𑌂𑌸𑍍𑌥𑌾𑌪𑌯𑍈𑌨𑌾𑌂 𑌜𑌗𑌤𑌾𑌂 𑌸𑌤𑌸𑍍𑌥𑍁𑌷𑌾𑌂

𑌲𑍋𑌕𑌾𑌯 𑌪𑌤𑍍𑌨𑍀𑌮𑌸𑌿 𑌮𑌾𑌤𑌰𑌂 𑌪𑌿𑌤𑌾 ।

𑌵𑌿𑌧𑍇𑌮 𑌚𑌾𑌸𑍍𑌯𑍈 𑌨𑌮𑌸𑌾 𑌸𑌹 𑌤𑍍𑌵𑌯𑌾

𑌯𑌸𑍍𑌯𑌾𑌂 𑌸𑍍𑌵𑌤𑍇𑌜𑍋𑌽𑌗𑍍𑌨𑌿𑌮𑌿𑌵𑌾𑌰𑌣𑌾𑌵𑌧𑌾𑌃 ॥ 9 ॥

𑌕𑌃 𑌶𑍍𑌰𑌦𑍍𑌧𑌧𑍀𑌤𑌾𑌨𑍍𑌯𑌤𑌮𑌸𑍍𑌤𑌵 𑌪𑍍𑌰𑌭𑍋

𑌰𑌸𑌾𑌂 𑌗𑌤𑌾𑌯𑌾 𑌭𑍁𑌵 𑌉𑌦𑍍𑌵𑌿𑌬𑌰𑍍𑌹𑌣𑌮𑍍 ।

𑌨 𑌵𑌿𑌸𑍍𑌮𑌯𑍋𑌽𑌸𑍗 𑌤𑍍𑌵𑌯𑌿 𑌵𑌿𑌶𑍍𑌵𑌵𑌿𑌸𑍍𑌮𑌯𑍇

𑌯𑍋 𑌮𑌾𑌯𑌯𑍇𑌦𑌂 𑌸𑌸𑍃𑌜𑍇𑌽𑌤𑌿 𑌵𑌿𑌸𑍍𑌮𑌯𑌮𑍍 ॥ 10 ॥

𑌵𑌿𑌧𑍁𑌨𑍍𑌵𑌤𑌾 𑌵𑍇𑌦𑌮𑌯𑌂 𑌨𑌿𑌜𑌂 𑌵𑌪𑍁-

𑌰𑍍𑌜𑌨𑌸𑍍𑌤𑌪𑌃 𑌸𑌤𑍍𑌯𑌨𑌿𑌵𑌾𑌸𑌿𑌨𑍋 𑌵𑌯𑌮𑍍 ।

𑌸𑌟𑌾𑌶𑌿𑌖𑍋𑌦𑍍𑌧𑍂𑌤 𑌶𑌿𑌵𑌾𑌮𑍍𑌬𑍁𑌬𑌿𑌨𑍍𑌦𑍁𑌭𑌿-

𑌰𑍍𑌵𑌿𑌮𑍃𑌜𑍍𑌯𑌮𑌾𑌨𑌾 𑌭𑍃𑌶𑌮𑍀𑌶 𑌪𑌾𑌵𑌿𑌤𑌾𑌃 ॥ 11 ॥

𑌸 𑌵𑍈 𑌬𑌤 𑌭𑍍𑌰𑌷𑍍𑌟𑌮𑌤𑌿𑌸𑍍𑌤𑌵𑍈𑌷 𑌤𑍇

𑌯𑌃 𑌕𑌰𑍍𑌮𑌣𑌾𑌂 𑌪𑌾𑌰𑌮𑌪𑌾𑌰𑌕𑌰𑍍𑌮𑌣𑌃 ।

𑌯𑌦𑍍𑌯𑍋𑌗𑌮𑌾𑌯𑌾 𑌗𑍁𑌣 𑌯𑍋𑌗 𑌮𑍋𑌹𑌿𑌤𑌂

𑌵𑌿𑌶𑍍𑌵𑌂 𑌸𑌮𑌸𑍍𑌤𑌂 𑌭𑌗𑌵𑌨𑍍 𑌵𑌿𑌧𑍇𑌹𑌿 𑌶𑌮𑍍 ॥ 12 ॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌤𑍃𑌤𑍀𑌯𑌸𑍍𑌕𑌨𑍍𑌧𑍇 𑌶𑍍𑌰𑍀 𑌵𑌰𑌾𑌹 𑌪𑍍𑌰𑌾𑌦𑍁𑌰𑍍𑌭𑌾𑌵𑍋𑌨𑌾𑌮 𑌤𑍍𑌰𑌯𑍋𑌦𑌶𑍋𑌧𑍍𑌯𑌾𑌯𑌃 ।

Roman (IAST) Transliteration

ṛṣaya ūcu |

jitaṃ jitaṃ te'jita yajñabhāvanā

trayīṃ tanūṃ svāṃ paridhunvate namaḥ |

yadromagarteṣu nililyuradhvarāḥ

tasmai namaḥ kāraṇasūkarāya te || 1 ||

rūpaṃ tavaitannanu duṣkṛtātmanāṃ

durdarśanaṃ deva yadadhvarātmakam |

chandāṃsi yasya tvaci barhiroma-

ssvājyaṃ dṛśi tvaṅghriṣu cāturhotram || 2 ||

sruktuṇḍa āsītsruva īśa nāsayo-

riḍodare camasāḥ karṇarandhre |

prāśitramāsye grasane grahāstu te

yaccarvaṇante bhagavannagnihotram || 3 ||

dīkṣānujanmopasadaḥ śirodharaṃ

tvaṃ prāyaṇīyo dayanīya daṃṣṭraḥ |

jihvā pravargyastava śīrṣakaṃ kratoḥ

sabhyāvasathyaṃ citayo'savo hi te || 4 ||

somastu retaḥ savanānyavasthitiḥ

saṃsthāvibhedāstava deva dhātavaḥ |

satrāṇi sarvāṇi śarīrasandhi-

stvaṃ sarvayajñakraturiṣṭibandhanaḥ || 5 ||

namo namaste'khilayantradevatā

dravyāya sarvakratave kriyātmane |

vairāgya bhaktyātmajayā'nubhāvita

jñānāya vidyāgurave namò namaḥ || 6 ||

daṃṣṭrāgrakoṭyā bhagavaṃstvayā dhṛtā

virājate bhūdhara bhūssabhūdharā |

yathā vanānnissarato datā dhṛtā

mataṅgajendrasya sa patrapadminī || 7 ||

trayīmayaṃ rūpamidaṃ ca saukaraṃ

bhūmaṇḍale nātha tadā dhṛtena te |

cakāsti śṛṅgoḍhaghanena bhūyasā

kulācalendrasya yathaiva vibhramaḥ || 8 ||

saṃsthāpayaināṃ jagatāṃ satasthuṣāṃ

lokāya patnīmasi mātaraṃ pitā |

vidhema cāsyai namasā saha tvayā

yasyāṃ svatejo'gnimivāraṇāvadhāḥ || 9 ||

kaḥ śraddhadhītānyatamastava prabho

rasāṃ gatāyā bhuva udvibarhaṇam |

na vismayo'sau tvayi viśvavismaye

yo māyayedaṃ sasṛje'ti vismayam || 10 ||

vidhunvatā vedamayaṃ nijaṃ vapu-

rjanastapaḥ satyanivāsino vayam |

saṭāśikhoddhūta śivāmbubindubhi-

rvimṛjyamānā bhṛśamīśa pāvitāḥ || 11 ||

sa vai bata bhraṣṭamatistavaiṣa te

yaḥ karmaṇāṃ pāramapārakarmaṇaḥ |

yadyogamāyā guṇa yoga mohitaṃ

viśvaṃ samastaṃ bhagavan vidhehi śam || 12 ||

iti śrīmadbhāgavate mahāpurāṇe tṛtīyaskandhe śrī varāha prādurbhāvonāma trayodaśodhyāyaḥ |

Sanskrit — Devanagari (original)

ऋषय ऊचु ।

जितं जितं तेऽजित यज्ञभावना

त्रयीं तनूं स्वां परिधुन्वते नमः ।

यद्रोमगर्तेषु निलिल्युरध्वराः

तस्मै नमः कारणसूकराय ते ॥ 1 ॥

रूपं तवैतन्ननु दुष्कृतात्मनां

दुर्दर्शनं देव यदध्वरात्मकम् ।

छन्दांसि यस्य त्वचि बर्हिरोम-

स्स्वाज्यं दृशि त्वङ्घ्रिषु चातुर्होत्रम् ॥ 2 ॥

स्रुक्तुण्ड आसीत्स्रुव ईश नासयो-

रिडोदरे चमसाः कर्णरन्ध्रे ।

प्राशित्रमास्ये ग्रसने ग्रहास्तु ते

यच्चर्वणन्ते भगवन्नग्निहोत्रम् ॥ 3 ॥

दीक्षानुजन्मोपसदः शिरोधरं

त्वं प्रायणीयो दयनीय दंष्ट्रः ।

जिह्वा प्रवर्ग्यस्तव शीर्षकं क्रतोः

सभ्यावसथ्यं चितयोऽसवो हि ते ॥ 4 ॥

सोमस्तु रेतः सवनान्यवस्थितिः

संस्थाविभेदास्तव देव धातवः ।

सत्राणि सर्वाणि शरीरसन्धि-

स्त्वं सर्वयज्ञक्रतुरिष्टिबन्धनः ॥ 5 ॥

नमो नमस्तेऽखिलयन्त्रदेवता

द्रव्याय सर्वक्रतवे क्रियात्मने ।

वैराग्य भक्त्यात्मजयाऽनुभावित

ज्ञानाय विद्यागुरवे नमॊ नमः ॥ 6 ॥

दंष्ट्राग्रकोट्या भगवंस्त्वया धृता

विराजते भूधर भूस्सभूधरा ।

यथा वनान्निस्सरतो दता धृता

मतङ्गजेन्द्रस्य स पत्रपद्मिनी ॥ 7 ॥

त्रयीमयं रूपमिदं च सौकरं

भूमण्डले नाथ तदा धृतेन ते ।

चकास्ति शृङ्गोढघनेन भूयसा

कुलाचलेन्द्रस्य यथैव विभ्रमः ॥ 8 ॥

संस्थापयैनां जगतां सतस्थुषां

लोकाय पत्नीमसि मातरं पिता ।

विधेम चास्यै नमसा सह त्वया

यस्यां स्वतेजोऽग्निमिवारणावधाः ॥ 9 ॥

कः श्रद्धधीतान्यतमस्तव प्रभो

रसां गताया भुव उद्विबर्हणम् ।

न विस्मयोऽसौ त्वयि विश्वविस्मये

यो माययेदं ससृजेऽति विस्मयम् ॥ 10 ॥

विधुन्वता वेदमयं निजं वपु-

र्जनस्तपः सत्यनिवासिनो वयम् ।

सटाशिखोद्धूत शिवाम्बुबिन्दुभि-

र्विमृज्यमाना भृशमीश पाविताः ॥ 11 ॥

स वै बत भ्रष्टमतिस्तवैष ते

यः कर्मणां पारमपारकर्मणः ।

यद्योगमाया गुण योग मोहितं

विश्वं समस्तं भगवन् विधेहि शम् ॥ 12 ॥

इति श्रीमद्भागवते महापुराणे तृतीयस्कन्धे श्री वराह प्रादुर्भावोनाम त्रयोदशोध्यायः ।