asya śrīraṅganāthāṣṭottaraśatanāmastotramahāmantrasya vedavyāso bhagavānṛṣiḥ anuṣṭupchandaḥ bhagavān śrīmahāviṣṇurdevatā, śrīraṅgaśāyīti bījaṃ śrīkānta iti śaktiḥ śrīprada iti kīlakaṃ mama samastapāpanāśārthe śrīraṅgarājaprasāda siddhyarthe jape viniyogaḥ |
dhaumya uvāca |
śrīraṅgaśāyī śrīkāntaḥ śrīpradaḥ śritavatsalaḥ |
Verse 1
ananto mādhavo jetā jagannātho jagadguruḥ || 1 ||
suravaryaḥ surārādhyaḥ surarājānujaḥ prabhuḥ |
Verse 2
harirhatārirviśveśaḥ śāśvataḥ śambhuravyayaḥ || 2 ||
bhaktārtibhañjano vāgmī vīro vikhyātakīrtimān |
Verse 3
bhāskaraḥ śāstratattvajño daityaśāstā'mareśvaraḥ || 3 ||
nārāyaṇo naraharirnīrajākṣo narapriyaḥ |
Verse 4
brahmaṇyo brahmakṛdbrahmā brahmāṅgo brahmapūjitaḥ || 4 ||
kṛṣṇaḥ kṛtajño govindo hṛṣīkeśo'ghanāśanaḥ |
Verse 5
viṣṇurjiṣṇurjitārātiḥ sajjanapriya īśvaraḥ || 5 ||
trivikramastrilokeśaḥ trayyarthastriguṇātmakaḥ |
Verse 6
kākutsthaḥ kamalākāntaḥ kālīyoragamardanaḥ || 6 ||
kālāmbudaśyāmalāṅgaḥ keśavaḥ kleśanāśanaḥ |
Verse 7
keśiprabhañjanaḥ kānto nandasūnurarindamaḥ || 7 ||
rukmiṇīvallabhaḥ śaurirbalabhadro balānujaḥ |
Verse 8
dāmodaro hṛṣīkeśo vāmano madhusūdanaḥ || 8 ||
pūtaḥ puṇyajanadhvaṃsī puṇyaślokaśikhāmaṇiḥ |
Verse 9
ādimūrtirdayāmūrtiḥ śāntamūrtiramūrtimān || 9 ||
parambrahma parandhāma pāvanaḥ pavano vibhuḥ |
Verse 10
candraśchandomayo rāmaḥ saṃsārāmbudhitārakaḥ || 10 ||
āditeyo'cyuto bhānuḥ śaṅkaraśśiva ūrjitaḥ |
Verse 11
maheśvaro mahāyogī mahāśaktirmahatpriyaḥ || 11 ||
durjanadhvaṃsako'śeṣasajjanopāstasatphalam |
Verse 12
pakṣīndravāhano'kṣobhyaḥ kṣīrābdhiśayano vidhuḥ || 12 ||
janārdano jagaddheturjitamanmathavigrahaḥ |
Verse 13
cakrapāṇiḥ śaṅkhadhārī śārṅgī khaḍgī gadādharaḥ || 13 ||
evaṃ viṣṇośśataṃ nāmnāmaṣṭottaramiheritam |
Verse 14
stotrāṇāmuttamaṃ guhyaṃ nāmaratnastavābhidham || 14 ||
sarvadā sarvarogaghnaṃ cintitārthaphalapradam |
Verse 15
tvaṃ tu śīghraṃ mahārāja gaccha raṅgasthalaṃ śubham || 15 ||
snātvā tulārke kāveryāṃ māhātmya śravaṇaṃ kuru |
Verse 16
gavāśvavastradhānyānnabhūmikanyāprado bhava || 16 ||
dvādaśyāṃ pāyasānnena sahasraṃ daśa bhojaya |
nāmaratnastavākhyena viṣṇoraṣṭaśatena ca |
Verse 17
stutvā śrīraṅganāthaṃ tvamabhīṣṭaphalamāpnuhi || 17 ||
iti tulākāverīmāhātmye śantanuṃ prati dhaumyopadiṣṭa śrīraṅganāthāṣṭottaraśatanāma stotram |
Sanskrit — Devanagari (original)
अस्य श्रीरङ्गनाथाष्टोत्तरशतनामस्तोत्रमहामन्त्रस्य वेदव्यासो भगवानृषिः अनुष्टुप्छन्दः भगवान् श्रीमहाविष्णुर्देवता, श्रीरङ्गशायीति बीजं श्रीकान्त इति शक्तिः श्रीप्रद इति कीलकं मम समस्तपापनाशार्थे श्रीरङ्गराजप्रसाद सिद्ध्यर्थे जपे विनियोगः ।
धौम्य उवाच ।
श्रीरङ्गशायी श्रीकान्तः श्रीप्रदः श्रितवत्सलः ।
अनन्तो माधवो जेता जगन्नाथो जगद्गुरुः ॥ 1 ॥
सुरवर्यः सुराराध्यः सुरराजानुजः प्रभुः ।
हरिर्हतारिर्विश्वेशः शाश्वतः शम्भुरव्ययः ॥ 2 ॥
भक्तार्तिभञ्जनो वाग्मी वीरो विख्यातकीर्तिमान् ।
भास्करः शास्त्रतत्त्वज्ञो दैत्यशास्ताऽमरेश्वरः ॥ 3 ॥
नारायणो नरहरिर्नीरजाक्षो नरप्रियः ।
ब्रह्मण्यो ब्रह्मकृद्ब्रह्मा ब्रह्माङ्गो ब्रह्मपूजितः ॥ 4 ॥
कृष्णः कृतज्ञो गोविन्दो हृषीकेशोऽघनाशनः ।
विष्णुर्जिष्णुर्जितारातिः सज्जनप्रिय ईश्वरः ॥ 5 ॥
त्रिविक्रमस्त्रिलोकेशः त्रय्यर्थस्त्रिगुणात्मकः ।
काकुत्स्थः कमलाकान्तः कालीयोरगमर्दनः ॥ 6 ॥
कालाम्बुदश्यामलाङ्गः केशवः क्लेशनाशनः ।
केशिप्रभञ्जनः कान्तो नन्दसूनुररिन्दमः ॥ 7 ॥
रुक्मिणीवल्लभः शौरिर्बलभद्रो बलानुजः ।
दामोदरो हृषीकेशो वामनो मधुसूदनः ॥ 8 ॥
पूतः पुण्यजनध्वंसी पुण्यश्लोकशिखामणिः ।
आदिमूर्तिर्दयामूर्तिः शान्तमूर्तिरमूर्तिमान् ॥ 9 ॥
परम्ब्रह्म परन्धाम पावनः पवनो विभुः ।
चन्द्रश्छन्दोमयो रामः संसाराम्बुधितारकः ॥ 10 ॥
आदितेयोऽच्युतो भानुः शङ्करश्शिव ऊर्जितः ।
महेश्वरो महायोगी महाशक्तिर्महत्प्रियः ॥ 11 ॥
दुर्जनध्वंसकोऽशेषसज्जनोपास्तसत्फलम् ।
पक्षीन्द्रवाहनोऽक्षोभ्यः क्षीराब्धिशयनो विधुः ॥ 12 ॥
जनार्दनो जगद्धेतुर्जितमन्मथविग्रहः ।
चक्रपाणिः शङ्खधारी शार्ङ्गी खड्गी गदाधरः ॥ 13 ॥
एवं विष्णोश्शतं नाम्नामष्टोत्तरमिहेरितम् ।
स्तोत्राणामुत्तमं गुह्यं नामरत्नस्तवाभिधम् ॥ 14 ॥
सर्वदा सर्वरोगघ्नं चिन्तितार्थफलप्रदम् ।
त्वं तु शीघ्रं महाराज गच्छ रङ्गस्थलं शुभम् ॥ 15 ॥
स्नात्वा तुलार्के कावेर्यां माहात्म्य श्रवणं कुरु ।
गवाश्ववस्त्रधान्यान्नभूमिकन्याप्रदो भव ॥ 16 ॥
द्वादश्यां पायसान्नेन सहस्रं दश भोजय ।
नामरत्नस्तवाख्येन विष्णोरष्टशतेन च ।
स्तुत्वा श्रीरङ्गनाथं त्वमभीष्टफलमाप्नुहि ॥ 17 ॥
इति तुलाकावेरीमाहात्म्ये शन्तनुं प्रति धौम्योपदिष्ट श्रीरङ्गनाथाष्टोत्तरशतनाम स्तोत्रम् ।