jaya kāmeśi cāmuṇḍe jaya bhūtāpahāriṇi |
Verse 1
jaya sarvagate devi kāmeśvari namo'stu te || 1 ||
viśvamūrte śubhe śuddhe virūpākṣi trilocane |
Verse 2
bhīmarūpe śive vidye kāmeśvari namo'stu te || 2 ||
mālājaye jaye jambhe bhūtākṣi kṣubhite'kṣaye |
Verse 3
mahāmāye maheśāni kāmeśvari namo'stu te || 3 ||
bhīmākṣi bhīṣaṇe devi sarvabhūtakṣayaṅkari |
Verse 3
kāli ca vikarāli ca kāmeśvari namo'stu te || 3 ||
kāli karālavikrānte kāmeśvari harapriye |
Verse 4
sarvaśāstrasārabhūte kāmeśvari namo'stu te || 4 ||
kāmarūpapradīpe ca nīlakūṭanivāsini |
Verse 5
niśumbhaśumbhamathani kāmeśvari namo'stu te || 5 ||
kāmākhye kāmarūpasthe kāmeśvari haripriye |
Verse 6
kāmanāṃ dehi me nityaṃ kāmeśvari namo'stu te || 6 ||
vapānāḍhyamahāvaktre tathā tribhuvaneśvari |
Verse 7
mahiṣāsuravadhe devi kāmeśvari namo'stu te || 7 ||
chāgatuṣṭe mahābhīme kāmākhye suravandite |
Verse 8
jaya kāmaprade tuṣṭe kāmeśvari namo'stu te || 8 ||
bhraṣṭarājyo yadā rājā navamyāṃ niyataḥ śuciḥ |
Verse 9
aṣṭamyāṃ ca caturdaśyāmupavāsī narottamaḥ || 9 ||
saṃvatsareṇa labhate rājyaṃ niṣkaṇṭakaṃ punaḥ |
ya idaṃ śṛṇuyādbhaktyā tava devi samudbhavam |
Verse 10
sarvapāpavinirmuktaḥ paraṃ nirvāṇamṛcchati || 10 ||
śrīkāmarūpeśvari bhāskaraprabheprakāśitāmbhojanibhāyatānane |
Verse 11
surārirakṣaḥstutipātanotsuketrayīmaye devanute namāmi || 11 ||
sitāsite raktapiśaṅgavigraherūpāṇi yasyāḥ pratibhānti tāni |
Verse 12
vikārarūpā ca vikalpitāniśubhāśubhānāmapi tāṃ namāmi || 12 ||
kāmarūpasamudbhūte kāmapīṭhāvataṃsake |
Verse 13
viśvādhāre mahāmāye kāmeśvari namo'stu te || 13 ||
avyaktavigrahe śānte santate kāmarūpiṇi |
Verse 14
kālagamye pare śānte kāmeśvari namo'stu te || 14 ||
yā suṣumnāntarālasthā cintyate jyotirūpiṇī |
Verse 15
praṇato'smi parāṃ vīrāṃ kāmeśvari namo'stu te || 15 ||
daṃṣṭrākarālavadane muṇḍamālopaśobhite |
Verse 16
sarvataḥ sarvage devi kāmeśvari namo'stu te || 16 ||
cāmuṇḍe ca mahākāli kāli kapālahāriṇī |
Verse 17
pāśahaste daṇḍahaste kāmeśvari namo'stu te || 17 ||
cāmuṇḍe kulamālāsye tīkṣṇadaṃṣṭre mahābale |
Verse 18
śavayānasthite devi kāmeśvari namo'stu te || 18 ||
iti śrī kāmākhyā stotram |
Sanskrit — Devanagari (original)
जय कामेशि चामुण्डे जय भूतापहारिणि ।
जय सर्वगते देवि कामेश्वरि नमोऽस्तु ते ॥ 1 ॥
विश्वमूर्ते शुभे शुद्धे विरूपाक्षि त्रिलोचने ।
भीमरूपे शिवे विद्ये कामेश्वरि नमोऽस्तु ते ॥ 2 ॥
मालाजये जये जम्भे भूताक्षि क्षुभितेऽक्षये ।
महामाये महेशानि कामेश्वरि नमोऽस्तु ते ॥ 3 ॥
भीमाक्षि भीषणे देवि सर्वभूतक्षयङ्करि ।
कालि च विकरालि च कामेश्वरि नमोऽस्तु ते ॥ 3 ॥
कालि करालविक्रान्ते कामेश्वरि हरप्रिये ।
सर्वशास्त्रसारभूते कामेश्वरि नमोऽस्तु ते ॥ 4 ॥
कामरूपप्रदीपे च नीलकूटनिवासिनि ।
निशुम्भशुम्भमथनि कामेश्वरि नमोऽस्तु ते ॥ 5 ॥
कामाख्ये कामरूपस्थे कामेश्वरि हरिप्रिये ।
कामनां देहि मे नित्यं कामेश्वरि नमोऽस्तु ते ॥ 6 ॥
वपानाढ्यमहावक्त्रे तथा त्रिभुवनेश्वरि ।
महिषासुरवधे देवि कामेश्वरि नमोऽस्तु ते ॥ 7 ॥
छागतुष्टे महाभीमे कामाख्ये सुरवन्दिते ।
जय कामप्रदे तुष्टे कामेश्वरि नमोऽस्तु ते ॥ 8 ॥
भ्रष्टराज्यो यदा राजा नवम्यां नियतः शुचिः ।
अष्टम्यां च चतुर्दश्यामुपवासी नरोत्तमः ॥ 9 ॥
संवत्सरेण लभते राज्यं निष्कण्टकं पुनः ।
य इदं शृणुयाद्भक्त्या तव देवि समुद्भवम् ।
सर्वपापविनिर्मुक्तः परं निर्वाणमृच्छति ॥ 10 ॥
श्रीकामरूपेश्वरि भास्करप्रभेप्रकाशिताम्भोजनिभायतानने ।
सुरारिरक्षःस्तुतिपातनोत्सुकेत्रयीमये देवनुते नमामि ॥ 11 ॥
सितासिते रक्तपिशङ्गविग्रहेरूपाणि यस्याः प्रतिभान्ति तानि ।
विकाररूपा च विकल्पितानिशुभाशुभानामपि तां नमामि ॥ 12 ॥
कामरूपसमुद्भूते कामपीठावतंसके ।
विश्वाधारे महामाये कामेश्वरि नमोऽस्तु ते ॥ 13 ॥
अव्यक्तविग्रहे शान्ते सन्तते कामरूपिणि ।
कालगम्ये परे शान्ते कामेश्वरि नमोऽस्तु ते ॥ 14 ॥
या सुषुम्नान्तरालस्था चिन्त्यते ज्योतिरूपिणी ।
प्रणतोऽस्मि परां वीरां कामेश्वरि नमोऽस्तु ते ॥ 15 ॥
दंष्ट्राकरालवदने मुण्डमालोपशोभिते ।
सर्वतः सर्वगे देवि कामेश्वरि नमोऽस्तु ते ॥ 16 ॥
चामुण्डे च महाकालि कालि कपालहारिणी ।
पाशहस्ते दण्डहस्ते कामेश्वरि नमोऽस्तु ते ॥ 17 ॥
चामुण्डे कुलमालास्ये तीक्ष्णदंष्ट्रे महाबले ।
शवयानस्थिते देवि कामेश्वरि नमोऽस्तु ते ॥ 18 ॥
इति श्री कामाख्या स्तोत्रम् ।