yā kundendu tuṣārahāradhavalā yā śubhravastrāvṛtā
yā vīṇāvaradaṇḍamaṇḍitakarā yā śvetapadmāsanā |
yā brahmācyuta śaṅkaraprabhṛtibhirdevaissadā pūjitā
Verse 1
sā māṃ pātu sarasvatī bhagavatī niśśeṣajāḍyāpahā || 1 ||
dorbhiryuktā caturbhiḥ sphaṭikamaṇinibhai rakṣamālāndadhānā
hastenaikena padmaṃ sitamapica śukaṃ pustakaṃ cāpareṇa |
bhāsā kundenduśaṅkhasphaṭikamaṇinibhā bhāsamānāzsamānā
Verse 2
sā me vāgdevateyaṃ nivasatu vadane sarvadā suprasannā || 2 ||
surāsuraissevitapādapaṅkajā kare virājatkamanīyapustakā |
Verse 3
viriñcipatnī kamalāsanasthitā sarasvatī nṛtyatu vāci me sadā || 3 ||
sarasvatī sarasijakesaraprabhā tapasvinī sitakamalāsanapriyā |
Verse 4
ghanastanī kamalavilolalocanā manasvinī bhavatu varaprasādinī || 4 ||
sarasvati namastubhyaṃ varade kāmarūpiṇi |
Verse 5
vidyārambhaṃ kariṣyāmi siddhirbhavatu me sadā || 5 ||
sarasvati namastubhyaṃ sarvadevi namo namaḥ |
Verse 6
śāntarūpe śaśidhare sarvayoge namo namaḥ || 6 ||
nityānande nirādhāre niṣkalāyai namo namaḥ |
Verse 7
vidyādhare viśālākṣi śuddhajñāne namo namaḥ || 7 ||
śuddhasphaṭikarūpāyai sūkṣmarūpe namo namaḥ |
Verse 8
śabdabrahmi caturhaste sarvasiddhyai namo namaḥ || 8 ||
muktālaṅkṛta sarvāṅgyai mūlādhāre namo namaḥ |
Verse 9
mūlamantrasvarūpāyai mūlaśaktyai namo namaḥ || 9 ||
manonmani mahābhoge vāgīśvari namo namaḥ |
Verse 10
vāgmyai varadahastāyai varadāyai namo namaḥ || 10 ||
vedāyai vedarūpāyai vedāntāyai namo namaḥ |
Verse 11
guṇadoṣavivarjinyai guṇadīptyai namo namaḥ || 11 ||
sarvajñāne sadānande sarvarūpe namo namaḥ |
Verse 12
sampannāyai kumāryai ca sarvajñe te namo namaḥ || 12 ||
yogānārya umādevyai yogānande namo namaḥ |
Verse 13
divyajñāna trinetrāyai divyamūrtyai namo namaḥ || 13 ||
ardhacandrajaṭādhāri candrabimbe namo namaḥ |
Verse 14
candrādityajaṭādhāri candrabimbe namo namaḥ || 14 ||
aṇurūpe mahārūpe viśvarūpe namo namaḥ |
Verse 15
aṇimādyaṣṭasiddhāyai ānandāyai namo namaḥ || 15 ||
jñāna vijñāna rūpāyai jñānamūrte namo namaḥ |
Verse 16
nānāśāstra svarūpāyai nānārūpe namo namaḥ || 16 ||
padmajā padmavaṃśā ca padmarūpe namo namaḥ |
Verse 17
parameṣṭhyai parāmūrtyai namaste pāpanāśinī || 17 ||
mahādevyai mahākālyai mahālakṣmyai namo namaḥ |
Verse 18
brahmaviṣṇuśivāyai ca brahmanāryai namo namaḥ || 18 ||
kamalākarapuṣpā ca kāmarūpe namo namaḥ |
Verse 19
kapālikarmadīptāyai karmadāyai namo namaḥ || 19 ||
sāyaṃ prātaḥ paṭhennityaṃ ṣaṇmāsātsiddhirucyate |
Verse 20
coravyāghrabhayaṃ nāsti paṭhatāṃ śṛṇvatāmapi || 20 ||
itthaṃ sarasvatī stotramagastyamuni vācakam |
Verse 21
sarvasiddhikaraṃ nṝṇāṃ sarvapāpapraṇāśanam || 21 ||
Sanskrit — Devanagari (original)
या कुन्देन्दु तुषारहारधवला या शुभ्रवस्त्रावृता
या वीणावरदण्डमण्डितकरा या श्वेतपद्मासना ।
या ब्रह्माच्युत शङ्करप्रभृतिभिर्देवैस्सदा पूजिता
सा मां पातु सरस्वती भगवती निश्शेषजाड्यापहा ॥ 1 ॥
दोर्भिर्युक्ता चतुर्भिः स्फटिकमणिनिभै रक्षमालान्दधाना
हस्तेनैकेन पद्मं सितमपिच शुकं पुस्तकं चापरेण ।
भासा कुन्देन्दुशङ्खस्फटिकमणिनिभा भासमानाzसमाना
सा मे वाग्देवतेयं निवसतु वदने सर्वदा सुप्रसन्ना ॥ 2 ॥
सुरासुरैस्सेवितपादपङ्कजा करे विराजत्कमनीयपुस्तका ।
विरिञ्चिपत्नी कमलासनस्थिता सरस्वती नृत्यतु वाचि मे सदा ॥ 3 ॥
सरस्वती सरसिजकेसरप्रभा तपस्विनी सितकमलासनप्रिया ।
घनस्तनी कमलविलोललोचना मनस्विनी भवतु वरप्रसादिनी ॥ 4 ॥
सरस्वति नमस्तुभ्यं वरदे कामरूपिणि ।
विद्यारम्भं करिष्यामि सिद्धिर्भवतु मे सदा ॥ 5 ॥
सरस्वति नमस्तुभ्यं सर्वदेवि नमो नमः ।
शान्तरूपे शशिधरे सर्वयोगे नमो नमः ॥ 6 ॥
नित्यानन्दे निराधारे निष्कलायै नमो नमः ।
विद्याधरे विशालाक्षि शुद्धज्ञाने नमो नमः ॥ 7 ॥
शुद्धस्फटिकरूपायै सूक्ष्मरूपे नमो नमः ।
शब्दब्रह्मि चतुर्हस्ते सर्वसिद्ध्यै नमो नमः ॥ 8 ॥
मुक्तालङ्कृत सर्वाङ्ग्यै मूलाधारे नमो नमः ।
मूलमन्त्रस्वरूपायै मूलशक्त्यै नमो नमः ॥ 9 ॥
मनोन्मनि महाभोगे वागीश्वरि नमो नमः ।
वाग्म्यै वरदहस्तायै वरदायै नमो नमः ॥ 10 ॥
वेदायै वेदरूपायै वेदान्तायै नमो नमः ।
गुणदोषविवर्जिन्यै गुणदीप्त्यै नमो नमः ॥ 11 ॥
सर्वज्ञाने सदानन्दे सर्वरूपे नमो नमः ।
सम्पन्नायै कुमार्यै च सर्वज्ञे ते नमो नमः ॥ 12 ॥
योगानार्य उमादेव्यै योगानन्दे नमो नमः ।
दिव्यज्ञान त्रिनेत्रायै दिव्यमूर्त्यै नमो नमः ॥ 13 ॥
अर्धचन्द्रजटाधारि चन्द्रबिम्बे नमो नमः ।
चन्द्रादित्यजटाधारि चन्द्रबिम्बे नमो नमः ॥ 14 ॥
अणुरूपे महारूपे विश्वरूपे नमो नमः ।
अणिमाद्यष्टसिद्धायै आनन्दायै नमो नमः ॥ 15 ॥
ज्ञान विज्ञान रूपायै ज्ञानमूर्ते नमो नमः ।
नानाशास्त्र स्वरूपायै नानारूपे नमो नमः ॥ 16 ॥
पद्मजा पद्मवंशा च पद्मरूपे नमो नमः ।
परमेष्ठ्यै परामूर्त्यै नमस्ते पापनाशिनी ॥ 17 ॥
महादेव्यै महाकाल्यै महालक्ष्म्यै नमो नमः ।
ब्रह्मविष्णुशिवायै च ब्रह्मनार्यै नमो नमः ॥ 18 ॥
कमलाकरपुष्पा च कामरूपे नमो नमः ।
कपालिकर्मदीप्तायै कर्मदायै नमो नमः ॥ 19 ॥
सायं प्रातः पठेन्नित्यं षण्मासात्सिद्धिरुच्यते ।
चोरव्याघ्रभयं नास्ति पठतां शृण्वतामपि ॥ 20 ॥
इत्थं सरस्वती स्तोत्रमगस्त्यमुनि वाचकम् ।
सर्वसिद्धिकरं नॄणां सर्वपापप्रणाशनम् ॥ 21 ॥