Meaning —
⏳ The meaning of this text is being prepared (AI translation with an accuracy check). This usually takes a few minutes — this page will refresh when it is ready.
The meaning is ready. Show it.
The meaning could not be prepared right now.
A translation in is not yet available for this text.
The original text and transliteration are shown below.
śambho mahādeva deva śiva śambho mahādeva deveśa śambho
śambho mahādeva deva
phālāvanamrakirīṭaṃ phālanetrārciṣā dagdha pañceṣukīṭam|
śūlāhatārātikūṭaṃ śuddhamardhenducūḍaṃ bhaje mārgabandhum|| (śambho)
aṅge virājadbhujaṅgaṃ abhra gaṅgā taraṅgābhi rāmottamāṅgam|
oṅkāravāṭī kuraṅga siddha saṃsevitā i bhaje mārgabandhum || (śambho)
nityaṃ cidānandarūpaṃ nihnatāśeṣa lokeśa vairipratāpam |
kārtasvarāgendra cāpaṃ kṛttivāsaṃ bhaje divya sanmārgabandhum|| (śambho)
kandarpa darpaghnamīśaṃ kālakaṇṭhaṃ maheśaṃ mahāvyomakeśam|
kundābhadantaṃ sureśaṃ koṭisūryaprakāśaṃ bhaje mārgabandhum || (śambho)
mandārabhūterudāraṃ mandarāgendrasāraṃ mahāghauryadūram|
sindhūra dūra pracāraṃ sindhurājātidhīraṃ bhaje mārgabandhum|| (śambho)
appayyayajvendragītaṃ stotrarājaṃ paṭhedyastu bhaktyā prayāṇe|
tasyārthasidiṃ vidhatte mārgamadhye'bhayaṃ cāśutoṣī maheśaḥ|| (śambho)
Sanskrit — Devanagari (original)
शम्भो महादेव देव शिव शम्भो महादेव देवेश शम्भो
शम्भो महादेव देव
फालावनम्रकिरीटं फालनेत्रार्चिषा दग्ध पञ्चेषुकीटम्।
शूलाहतारातिकूटं शुद्धमर्धेन्दुचूडं भजे मार्गबन्धुम्॥ (शम्भो)
अङ्गे विराजद्भुजङ्गं अभ्र गङ्गा तरङ्गाभि रामोत्तमाङ्गम्।
ओङ्कारवाटी कुरङ्ग सिद्ध संसेविता इ भजे मार्गबन्धुम् ॥ (शम्भो)
नित्यं चिदानन्दरूपं निह्नताशेष लोकेश वैरिप्रतापम् ।
कार्तस्वरागेन्द्र चापं कृत्तिवासं भजे दिव्य सन्मार्गबन्धुम्॥ (शम्भो)
कन्दर्प दर्पघ्नमीशं कालकण्ठं महेशं महाव्योमकेशम्।
कुन्दाभदन्तं सुरेशं कोटिसूर्यप्रकाशं भजे मार्गबन्धुम् ॥ (शम्भो)
मन्दारभूतेरुदारं मन्दरागेन्द्रसारं महाघौर्यदूरम्।
सिन्धूर दूर प्रचारं सिन्धुराजातिधीरं भजे मार्गबन्धुम्॥ (शम्भो)
अप्पय्ययज्वेन्द्रगीतं स्तोत्रराजं पठेद्यस्तु भक्त्या प्रयाणे।
तस्यार्थसिदिं विधत्ते मार्गमध्येऽभयं चाशुतोषी महेशः॥ (शम्भो)