Shri Rudra Kavacham — Bengali Script

Meaning —

ওঁ অস্য শ্রী রুদ্র কবচস্তোত্র মহামন্ত্রস্য দূর্বাসৃষিঃ অনুষ্ঠুপ্ ছন্দঃ ত্র্যম্বক রুদ্রো দেবতা হ্রাং বীজং শ্রীং শক্তিঃ হ্রীং কীলকং মম মনসোঽভীষ্টসিদ্ধ্যর্থে জপে বিনিযোগঃ ।

হ্রামিত্যাদি ষড্বীজৈঃ ষডঙ্গন্যাসঃ ॥

ধ্যানম্ ।

শান্তং পদ্মাসনস্থং শশিধরমকুটং পঞ্চবক্ত্রং ত্রিনেত্রং

শূলং বজ্রং চ খড্গং পরশুমভযদং দক্ষভাগে বহন্তম্ ।

নাগং পাশং চ ঘণ্টাং প্রলয হুতবহং সাঙ্কুশং বামভাগে

নানালঙ্কারযুক্তং স্ফটিকমণিনিভং পার্বতীশং নমামি ॥

দূর্বাস উবাচ ।

Verse 1

প্রণম্য শিরসা দেবং স্বযম্ভুং পরমেশ্বরম্ ।
একং সর্বগতং দেবং সর্বদেবমযং বিভুম্ ॥ 1 ॥

praṇamya śirasā devaṃ svayambhuṃ parameśvaram |
ekaṃ sarvagataṃ devaṃ sarvadevamayaṃ vibhum || 1 ||

Verse 2

রুদ্র বর্ম প্রবক্ষ্যামি অঙ্গ প্রাণস্য রক্ষযে ।
অহোরাত্রমযং দেবং রক্ষার্থং নির্মিতং পুরা ॥ 2 ॥

rudra varma pravakṣyāmi aṅga prāṇasya rakṣaye |
ahorātramayaṃ devaṃ rakṣārthaṃ nirmitaṃ purā || 2 ||

Verse 3

রুদ্রো মে চাগ্রতঃ পাতু পাতু পার্শ্বৌ হরস্তথা ।
শিরো মে ঈশ্বরঃ পাতু ললাটং নীললোহিতঃ ॥ 3 ॥

rudro me cāgrataḥ pātu pātu pārśvau harastathā |
śiro me īśvaraḥ pātu lalāṭaṃ nīlalohitaḥ || 3 ||

Verse 4

নেত্রযোস্ত্র্যম্বকঃ পাতু মুখং পাতু মহেশ্বরঃ ।
কর্ণযোঃ পাতু মে শম্ভুঃ নাসিকাযাং সদাশিবঃ ॥ 4 ॥

netrayostryambakaḥ pātu mukhaṃ pātu maheśvaraḥ |
karṇayoḥ pātu me śambhuḥ nāsikāyāṃ sadāśivaḥ || 4 ||

Verse 5

বাগীশঃ পাতু মে জিহ্বাং ওষ্ঠৌ পাত্বম্বিকাপতিঃ ।
শ্রীকণ্ঠঃ পাতু মে গ্রীবাং বাহূংশ্চৈব পিনাকধৃত্ ॥ 5 ॥

vāgīśaḥ pātu me jihvāṃ oṣṭhau pātvambikāpatiḥ |
śrīkaṇṭhaḥ pātu me grīvāṃ bāhūṃścaiva pinākadhṛt || 5 ||

Verse 6

হৃদযং মে মহাদেবঃ ঈশ্বরোব্যাত্ স্তনান্তরম্ ।
নাভিং কটিং চ বক্ষশ্চ পাতু সর্বং উমাপতিঃ ॥ 6 ॥

hṛdayaṃ me mahādevaḥ īśvarovyāt stanāntaram |
nābhiṃ kaṭiṃ ca vakṣaśca pātu sarvaṃ umāpatiḥ || 6 ||

Verse 7

বাহুমধ্যান্তরং চৈব সূক্ষ্মরূপঃ সদাশিবঃ ।
স্বরং রক্ষতু সর্বেশো গাত্রাণি চ যথা ক্রমম্ ॥ 7 ॥

bāhumadhyāntaraṃ caiva sūkṣmarūpaḥ sadāśivaḥ |
svaraṃ rakṣatu sarveśo gātrāṇi ca yathā kramam || 7 ||

Verse 8

বজ্রশক্তিধরং চৈব পাশাঙ্কুশধরং তথা ।
গণ্ডশূলধরং নিত্যং রক্ষতু ত্রিদশেশ্বরঃ ॥ 8 ॥

vajraśaktidharaṃ caiva pāśāṅkuśadharaṃ tathā |
gaṇḍaśūladharaṃ nityaṃ rakṣatu tridaśeśvaraḥ || 8 ||

Verse 9

প্রস্থানেষু পদে চৈব বৃক্ষমূলে নদীতটে ।
সন্ধ্যাযাং রাজভবনে বিরূপাক্ষস্তু পাতু মাম্ ॥ 9 ॥

prasthāneṣu pade caiva vṛkṣamūle nadītaṭe |
sandhyāyāṃ rājabhavane virūpākṣastu pātu mām || 9 ||

Verse 10

শীতোষ্ণাদথ কালেষু তুহি ন দ্রুমকণ্টকে ।
নির্মনুষ্যেঽসমে মার্গে ত্রাহি মাং বৃষভধ্বজ ॥ 10 ॥

śītoṣṇādatha kāleṣu tuhi na drumakaṇṭake |
nirmanuṣye'same mārge trāhi māṃ vṛṣabhadhvaja || 10 ||

Verse 11

ইত্যেতদ্রুদ্রকবচং পবিত্রং পাপনাশনম্ ।
মহাদেবপ্রসাদেন দূর্বাসো মুনিকল্পিতম্ ॥ 11 ॥

ityetadrudrakavacaṃ pavitraṃ pāpanāśanam |
mahādevaprasādena dūrvāso munikalpitam || 11 ||

Verse 12

মমাখ্যাতং সমাসেন ন ভযং বিন্দতি ক্বচিত্ ।
প্রাপ্নোতি পরমারোগ্যং পুণ্যমাযুষ্যবর্ধনম্ ॥ 12 ॥

mamākhyātaṃ samāsena na bhayaṃ vindati kvacit |
prāpnoti paramārogyaṃ puṇyamāyuṣyavardhanam || 12 ||

Verse 13

বিদ্যার্থী লভতে বিদ্যাং ধনার্থী লভতে ধনম্ ।
কন্যার্থী লভতে কন্যাং ন ভযং বিন্দতে ক্বচিত্ ॥ 13 ॥

vidyārthī labhate vidyāṃ dhanārthī labhate dhanam |
kanyārthī labhate kanyāṃ na bhayaṃ vindate kvacit || 13 ||

Verse 14

অপুত্রো লভতে পুত্রং মোক্ষার্থী মোক্ষমাপ্নুযাত্ ।
ত্রাহি ত্রাহি মহাদেব ত্রাহি ত্রাহি ত্রযীময ॥ 14 ॥

aputro labhate putraṃ mokṣārthī mokṣamāpnuyāt |
trāhi trāhi mahādeva trāhi trāhi trayīmaya || 14 ||

Verse 15

ত্রাহি মাং পার্বতীনাথ ত্রাহি মাং ত্রিপুরন্তক ।
পাশং খট্বাঙ্গ দিব্যাস্ত্রং ত্রিশূলং রুদ্রমেব চ ॥ 15 ॥

trāhi māṃ pārvatīnātha trāhi māṃ tripurantaka |
pāśaṃ khaṭvāṅga divyāstraṃ triśūlaṃ rudrameva ca || 15 ||

Verse 16

নমস্করোমি দেবেশ ত্রাহি মাং জগদীশ্বর ।
শত্রুমধ্যে সভামধ্যে গ্রামমধ্যে গৃহান্তরে ॥ 16 ॥

namaskaromi deveśa trāhi māṃ jagadīśvara |
śatrumadhye sabhāmadhye grāmamadhye gṛhāntare || 16 ||

Verse 17

গমনাগমনে চৈব ত্রাহি মাং ভক্তবত্সল ।
ত্বং চিত্তং ত্বং মানসং চ ত্বং বুদ্ধিস্ত্বং পরাযণম্ ॥ 17 ॥

gamanāgamane caiva trāhi māṃ bhaktavatsala |
tvaṃ cittaṃ tvaṃ mānasaṃ ca tvaṃ buddhistvaṃ parāyaṇam || 17 ||

Verse 18

কর্মণা মনসা চৈব ত্বং বুদ্ধিশ্চ যথা সদা ।
জ্বরভযং ছিন্দি সর্বজ্বরভযং ছিন্দি গ্রহভযং ছিন্দি ॥ 18 ॥

karmaṇā manasā caiva tvaṃ buddhiśca yathā sadā |
jvarabhayaṃ chindi sarvajvarabhayaṃ chindi grahabhayaṃ chindi || 18 ||

Verse 19

সর্বশত্রূন্নিবর্ত্যাপি সর্বব্যাধিনিবারণম্ ।
রুদ্রলোকং স গচ্ছতি রুদ্রলোকং সগচ্ছত্যোন্নম ইতি ॥ 19 ॥

sarvaśatrūnnivartyāpi sarvavyādhinivāraṇam |
rudralokaṃ sa gacchati rudralokaṃ sagacchatyonnama iti || 19 ||

ইতি স্কন্দপুরাণে দূর্বাস প্রোক্তং শ্রী রুদ্রকবচম্ ॥

Sanskrit — Devanagari (original)

ॐ अस्य श्री रुद्र कवचस्तोत्र महामन्त्रस्य दूर्वासृषिः अनुष्ठुप् छन्दः त्र्यम्बक रुद्रो देवता ह्रां बीजं श्रीं शक्तिः ह्रीं कीलकं मम मनसोऽभीष्टसिद्ध्यर्थे जपे विनियोगः ।

ह्रामित्यादि षड्बीजैः षडङ्गन्यासः ॥

ध्यानम् ।

शान्तं पद्मासनस्थं शशिधरमकुटं पञ्चवक्त्रं त्रिनेत्रं

शूलं वज्रं च खड्गं परशुमभयदं दक्षभागे वहन्तम् ।

नागं पाशं च घण्टां प्रलय हुतवहं साङ्कुशं वामभागे

नानालङ्कारयुक्तं स्फटिकमणिनिभं पार्वतीशं नमामि ॥

दूर्वास उवाच ।

प्रणम्य शिरसा देवं स्वयम्भुं परमेश्वरम् ।

एकं सर्वगतं देवं सर्वदेवमयं विभुम् ॥ 1 ॥

रुद्र वर्म प्रवक्ष्यामि अङ्ग प्राणस्य रक्षये ।

अहोरात्रमयं देवं रक्षार्थं निर्मितं पुरा ॥ 2 ॥

रुद्रो मे चाग्रतः पातु पातु पार्श्वौ हरस्तथा ।

शिरो मे ईश्वरः पातु ललाटं नीललोहितः ॥ 3 ॥

नेत्रयोस्त्र्यम्बकः पातु मुखं पातु महेश्वरः ।

कर्णयोः पातु मे शम्भुः नासिकायां सदाशिवः ॥ 4 ॥

वागीशः पातु मे जिह्वां ओष्ठौ पात्वम्बिकापतिः ।

श्रीकण्ठः पातु मे ग्रीवां बाहूंश्चैव पिनाकधृत् ॥ 5 ॥

हृदयं मे महादेवः ईश्वरोव्यात् स्तनान्तरम् ।

नाभिं कटिं च वक्षश्च पातु सर्वं उमापतिः ॥ 6 ॥

बाहुमध्यान्तरं चैव सूक्ष्मरूपः सदाशिवः ।

स्वरं रक्षतु सर्वेशो गात्राणि च यथा क्रमम् ॥ 7 ॥

वज्रशक्तिधरं चैव पाशाङ्कुशधरं तथा ।

गण्डशूलधरं नित्यं रक्षतु त्रिदशेश्वरः ॥ 8 ॥

प्रस्थानेषु पदे चैव वृक्षमूले नदीतटे ।

सन्ध्यायां राजभवने विरूपाक्षस्तु पातु माम् ॥ 9 ॥

शीतोष्णादथ कालेषु तुहि न द्रुमकण्टके ।

निर्मनुष्येऽसमे मार्गे त्राहि मां वृषभध्वज ॥ 10 ॥

इत्येतद्रुद्रकवचं पवित्रं पापनाशनम् ।

महादेवप्रसादेन दूर्वासो मुनिकल्पितम् ॥ 11 ॥

ममाख्यातं समासेन न भयं विन्दति क्वचित् ।

प्राप्नोति परमारोग्यं पुण्यमायुष्यवर्धनम् ॥ 12 ॥

विद्यार्थी लभते विद्यां धनार्थी लभते धनम् ।

कन्यार्थी लभते कन्यां न भयं विन्दते क्वचित् ॥ 13 ॥

अपुत्रो लभते पुत्रं मोक्षार्थी मोक्षमाप्नुयात् ।

त्राहि त्राहि महादेव त्राहि त्राहि त्रयीमय ॥ 14 ॥

त्राहि मां पार्वतीनाथ त्राहि मां त्रिपुरन्तक ।

पाशं खट्वाङ्ग दिव्यास्त्रं त्रिशूलं रुद्रमेव च ॥ 15 ॥

नमस्करोमि देवेश त्राहि मां जगदीश्वर ।

शत्रुमध्ये सभामध्ये ग्राममध्ये गृहान्तरे ॥ 16 ॥

गमनागमने चैव त्राहि मां भक्तवत्सल ।

त्वं चित्तं त्वं मानसं च त्वं बुद्धिस्त्वं परायणम् ॥ 17 ॥

कर्मणा मनसा चैव त्वं बुद्धिश्च यथा सदा ।

ज्वरभयं छिन्दि सर्वज्वरभयं छिन्दि ग्रहभयं छिन्दि ॥ 18 ॥

सर्वशत्रून्निवर्त्यापि सर्वव्याधिनिवारणम् ।

रुद्रलोकं स गच्छति रुद्रलोकं सगच्छत्योन्नम इति ॥ 19 ॥

इति स्कन्दपुराणे दूर्वास प्रोक्तं श्री रुद्रकवचम् ॥

🕉️ This is the original Sanskrit rendered in Bengali script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

শ্রী রুদ্র কবচম্