Shri Bhuvaneshvari Ashtottara Shata Nama Stotram — Telugu Script

Meaning —

Verse 1

కైలాసశిఖరే రమ్యే నానారత్నోపశోభితే ।
నరనారీహితార్థాయ శివం పప్రచ్ఛ పార్వతీ ॥ 1 ॥

kailāsaśikhare ramye nānāratnopaśobhite |
naranārīhitārthāya śivaṃ papraccha pārvatī || 1 ||

దేవ్యువాచ

Verse 2

భువనేశీ మహావిద్యా నామ్నామష్టోత్తరం శతమ్ ।
కథయస్వ మహాదేవ యద్యహం తవ వల్లభా ॥ 2 ॥

bhuvaneśī mahāvidyā nāmnāmaṣṭottaraṃ śatam |
kathayasva mahādeva yadyahaṃ tava vallabhā || 2 ||

ఈశ్వర ఉవాచ

Verse 3

శృణు దేవి మహాభాగే స్తవరాజమిదం శుభమ్ ।
సహస్రనామ్నామధికం సిద్ధిదం మోక్షహేతుకమ్ ॥ 3 ॥

śṛṇu devi mahābhāge stavarājamidaṃ śubham |
sahasranāmnāmadhikaṃ siddhidaṃ mokṣahetukam || 3 ||

Verse 4

శుచిభిః ప్రాతరుత్థాయ పఠితవ్యః సమాహితైః ।
త్రికాలం శ్రద్ధయా యుక్తైః సర్వకామఫలప్రదః ॥ 4 ॥

śucibhiḥ prātarutthāya paṭhitavyaḥ samāhitaiḥ |
trikālaṃ śraddhayā yuktaiḥ sarvakāmaphalapradaḥ || 4 ||

Verse 5

అస్య శ్రీభువనేశ్వర్యష్టోత్తరశతనామ స్తోత్రమన్త్రస్య శక్తిరృషిః గాయత్రీ ఛన్దః శ్రీభువనేశ్వరీ దేవతా చతుర్విధఫల పురుషార్థ సిద్ధ్యర్థే జపే వినియోగః ॥
అథ స్తోత్రమ్
ఓం మహామాయా మహావిద్యా మహాయోగా మహోత్కటా ।
మాహేశ్వరీ కుమారీ చ బ్రహ్మాణీ బ్రహ్మరూపిణీ ॥ 5 ॥

asya śrībhuvaneśvaryaṣṭottaraśatanāma stotramantrasya śaktirṛṣiḥ gāyatrī chandaḥ śrībhuvaneśvarī devatā caturvidhaphala puruṣārtha siddhyarthe jape viniyogaḥ ||
atha stotram
oṃ mahāmāyā mahāvidyā mahāyogā mahotkaṭā |
māheśvarī kumārī ca brahmāṇī brahmarūpiṇī || 5 ||

Verse 6

వాగీశ్వరీ యోగరూపా యోగినీకోటిసేవితా ।
జయా చ విజయా చైవ కౌమారీ సర్వమఙ్గలా ॥ 6 ॥

vāgīśvarī yogarūpā yoginīkoṭisevitā |
jayā ca vijayā caiva kaumārī sarvamaṅgalā || 6 ||

Verse 7

హిఙ్గులా చ విలాసీ చ జ్వాలినీ జ్వాలరూపిణీ ।
ఈశ్వరీ క్రూరసంహారీ కులమార్గప్రదాయినీ ॥ 7 ॥

hiṅgulā ca vilāsī ca jvālinī jvālarūpiṇī |
īśvarī krūrasaṃhārī kulamārgapradāyinī || 7 ||

Verse 8

వైష్ణవీ సుభగాకారా సుకుల్యా కులపూజితా ।
వామాఙ్గా వామచారా చ వామదేవప్రియా తథా ॥ 8 ॥

vaiṣṇavī subhagākārā sukulyā kulapūjitā |
vāmāṅgā vāmacārā ca vāmadevapriyā tathā || 8 ||

Verse 9

డాకినీ యోగినీరూపా భూతేశీ భూతనాయికా ।
పద్మావతీ పద్మనేత్రా ప్రబుద్ధా చ సరస్వతీ ॥ 9 ॥

ḍākinī yoginīrūpā bhūteśī bhūtanāyikā |
padmāvatī padmanetrā prabuddhā ca sarasvatī || 9 ||

Verse 10

భూచరీ ఖేచరీ మాయా మాతఙ్గీ భువనేశ్వరీ ।
కాన్తా పతివ్రతా సాక్షీ సుచక్షుః కుణ్డవాసినీ ॥ 10 ॥

bhūcarī khecarī māyā mātaṅgī bhuvaneśvarī |
kāntā pativratā sākṣī sucakṣuḥ kuṇḍavāsinī || 10 ||

Verse 11

ఉమా కుమారీ లోకేశీ సుకేశీ పద్మరాగిణీ ।
ఇన్ద్రాణీ బ్రహ్మచణ్డాలీ చణ్డికా వాయువల్లభా ॥ 11 ॥

umā kumārī lokeśī sukeśī padmarāgiṇī |
indrāṇī brahmacaṇḍālī caṇḍikā vāyuvallabhā || 11 ||

Verse 12

సర్వధాతుమయీమూర్తిర్జలరూపా జలోదరీ ।
ఆకాశీ రణగా చైవ నృకపాలవిభూషణా ॥ 12 ॥

sarvadhātumayīmūrtirjalarūpā jalodarī |
ākāśī raṇagā caiva nṛkapālavibhūṣaṇā || 12 ||

Verse 13

నర్మదా మోక్షదా చైవ ధర్మకామార్థదాయినీ ।
గాయత్రీ చాఽథ సావిత్రీ త్రిసన్ధ్యా తీర్థగామినీ ॥ 13 ॥

narmadā mokṣadā caiva dharmakāmārthadāyinī |
gāyatrī cā'tha sāvitrī trisandhyā tīrthagāminī || 13 ||

Verse 14

అష్టమీ నవమీ చైవ దశమ్యైకాదశీ తథా ।
పౌర్ణమాసీ కుహూరూపా తిథిమూర్తిస్వరూపిణీ ॥ 14 ॥

aṣṭamī navamī caiva daśamyaikādaśī tathā |
paurṇamāsī kuhūrūpā tithimūrtisvarūpiṇī || 14 ||

Verse 15

సురారినాశకారీ చ ఉగ్రరూపా చ వత్సలా ।
అనలా అర్ధమాత్రా చ అరుణా పీతలోచనా ॥ 15 ॥

surārināśakārī ca ugrarūpā ca vatsalā |
analā ardhamātrā ca aruṇā pītalocanā || 15 ||

Verse 16

లజ్జా సరస్వతీ విద్యా భవానీ పాపనాశినీ ।
నాగపాశధరా మూర్తిరగాధా ధృతకుణ్డలా ॥ 16 ॥

lajjā sarasvatī vidyā bhavānī pāpanāśinī |
nāgapāśadharā mūrtiragādhā dhṛtakuṇḍalā || 16 ||

Verse 17

క్షత్రరూపా క్షయకరీ తేజస్వినీ శుచిస్మితా ।
అవ్యక్తావ్యక్తలోకా చ శమ్భురూపా మనస్వినీ ॥ 17 ॥

kṣatrarūpā kṣayakarī tejasvinī śucismitā |
avyaktāvyaktalokā ca śambhurūpā manasvinī || 17 ||

Verse 18

మాతఙ్గీ మత్తమాతఙ్గీ మహాదేవప్రియా సదా ।
దైత్యఘ్నీ చైవ వారాహీ సర్వశాస్త్రమయీ శుభా ॥ 18 ॥

mātaṅgī mattamātaṅgī mahādevapriyā sadā |
daityaghnī caiva vārāhī sarvaśāstramayī śubhā || 18 ||

Verse 19

య ఇదం పఠతే భక్త్యా శృణుయాద్వా సమాహితః ।
అపుత్రో లభతే పుత్రం నిర్ధనో ధనవాన్ భవేత్ ॥ 19 ॥

ya idaṃ paṭhate bhaktyā śṛṇuyādvā samāhitaḥ |
aputro labhate putraṃ nirdhano dhanavān bhavet || 19 ||

Verse 20

మూర్ఖోఽపి లభతే శాస్త్రం చోరోఽపి లభతే గతిమ్ ।
వేదానాం పాఠకో విప్రః క్షత్రియో విజయీ భవేత్ ॥ 20 ॥

mūrkho'pi labhate śāstraṃ coro'pi labhate gatim |
vedānāṃ pāṭhako vipraḥ kṣatriyo vijayī bhavet || 20 ||

Verse 21

వైశ్యస్తు ధనవాన్ భూయాచ్ఛూద్రస్తు సుఖమేధతే ।
అష్టమ్యాం చ చతుర్దశ్యాం నవమ్యాం చైకచేతసః ॥ 21 ॥

vaiśyastu dhanavān bhūyācchūdrastu sukhamedhate |
aṣṭamyāṃ ca caturdaśyāṃ navamyāṃ caikacetasaḥ || 21 ||

Verse 22

యే పఠన్తి సదా భక్త్యా న తే వై దుఃఖభాగినః ।
ఏకకాలం ద్వికాలం వా త్రికాలం వా చతుర్థకమ్ ॥ 22 ॥

ye paṭhanti sadā bhaktyā na te vai duḥkhabhāginaḥ |
ekakālaṃ dvikālaṃ vā trikālaṃ vā caturthakam || 22 ||

Verse 23

యే పఠన్తి సదా భక్త్యా స్వర్గలోకే చ పూజితాః ।
రుద్రం దృష్ట్వా యథా దేవాః పన్నగా గరుడం యథా ।
శత్రవః ప్రపలాయన్తే తస్య వక్త్రవిలోకనాత్ ॥ 23 ॥

ye paṭhanti sadā bhaktyā svargaloke ca pūjitāḥ |
rudraṃ dṛṣṭvā yathā devāḥ pannagā garuḍaṃ yathā |
śatravaḥ prapalāyante tasya vaktravilokanāt || 23 ||

ఇతి శ్రీరుద్రయామలే దేవీశ్వరసంవాదే శ్రీ భువనేశ్వర్యష్టోత్తరశతనామ స్తోత్రమ్ ।

Sanskrit — Devanagari (original)

कैलासशिखरे रम्ये नानारत्नोपशोभिते ।

नरनारीहितार्थाय शिवं पप्रच्छ पार्वती ॥ 1 ॥

देव्युवाच

भुवनेशी महाविद्या नाम्नामष्टोत्तरं शतम् ।

कथयस्व महादेव यद्यहं तव वल्लभा ॥ 2 ॥

ईश्वर उवाच

शृणु देवि महाभागे स्तवराजमिदं शुभम् ।

सहस्रनाम्नामधिकं सिद्धिदं मोक्षहेतुकम् ॥ 3 ॥

शुचिभिः प्रातरुत्थाय पठितव्यः समाहितैः ।

त्रिकालं श्रद्धया युक्तैः सर्वकामफलप्रदः ॥ 4 ॥

अस्य श्रीभुवनेश्वर्यष्टोत्तरशतनाम स्तोत्रमन्त्रस्य शक्तिरृषिः गायत्री छन्दः श्रीभुवनेश्वरी देवता चतुर्विधफल पुरुषार्थ सिद्ध्यर्थे जपे विनियोगः ॥

अथ स्तोत्रम्

ॐ महामाया महाविद्या महायोगा महोत्कटा ।

माहेश्वरी कुमारी च ब्रह्माणी ब्रह्मरूपिणी ॥ 5 ॥

वागीश्वरी योगरूपा योगिनीकोटिसेविता ।

जया च विजया चैव कौमारी सर्वमङ्गला ॥ 6 ॥

हिङ्गुला च विलासी च ज्वालिनी ज्वालरूपिणी ।

ईश्वरी क्रूरसंहारी कुलमार्गप्रदायिनी ॥ 7 ॥

वैष्णवी सुभगाकारा सुकुल्या कुलपूजिता ।

वामाङ्गा वामचारा च वामदेवप्रिया तथा ॥ 8 ॥

डाकिनी योगिनीरूपा भूतेशी भूतनायिका ।

पद्मावती पद्मनेत्रा प्रबुद्धा च सरस्वती ॥ 9 ॥

भूचरी खेचरी माया मातङ्गी भुवनेश्वरी ।

कान्ता पतिव्रता साक्षी सुचक्षुः कुण्डवासिनी ॥ 10 ॥

उमा कुमारी लोकेशी सुकेशी पद्मरागिणी ।

इन्द्राणी ब्रह्मचण्डाली चण्डिका वायुवल्लभा ॥ 11 ॥

सर्वधातुमयीमूर्तिर्जलरूपा जलोदरी ।

आकाशी रणगा चैव नृकपालविभूषणा ॥ 12 ॥

नर्मदा मोक्षदा चैव धर्मकामार्थदायिनी ।

गायत्री चाऽथ सावित्री त्रिसन्ध्या तीर्थगामिनी ॥ 13 ॥

अष्टमी नवमी चैव दशम्यैकादशी तथा ।

पौर्णमासी कुहूरूपा तिथिमूर्तिस्वरूपिणी ॥ 14 ॥

सुरारिनाशकारी च उग्ररूपा च वत्सला ।

अनला अर्धमात्रा च अरुणा पीतलोचना ॥ 15 ॥

लज्जा सरस्वती विद्या भवानी पापनाशिनी ।

नागपाशधरा मूर्तिरगाधा धृतकुण्डला ॥ 16 ॥

क्षत्ररूपा क्षयकरी तेजस्विनी शुचिस्मिता ।

अव्यक्ताव्यक्तलोका च शम्भुरूपा मनस्विनी ॥ 17 ॥

मातङ्गी मत्तमातङ्गी महादेवप्रिया सदा ।

दैत्यघ्नी चैव वाराही सर्वशास्त्रमयी शुभा ॥ 18 ॥

य इदं पठते भक्त्या शृणुयाद्वा समाहितः ।

अपुत्रो लभते पुत्रं निर्धनो धनवान् भवेत् ॥ 19 ॥

मूर्खोऽपि लभते शास्त्रं चोरोऽपि लभते गतिम् ।

वेदानां पाठको विप्रः क्षत्रियो विजयी भवेत् ॥ 20 ॥

वैश्यस्तु धनवान् भूयाच्छूद्रस्तु सुखमेधते ।

अष्टम्यां च चतुर्दश्यां नवम्यां चैकचेतसः ॥ 21 ॥

ये पठन्ति सदा भक्त्या न ते वै दुःखभागिनः ।

एककालं द्विकालं वा त्रिकालं वा चतुर्थकम् ॥ 22 ॥

ये पठन्ति सदा भक्त्या स्वर्गलोके च पूजिताः ।

रुद्रं दृष्ट्वा यथा देवाः पन्नगा गरुडं यथा ।

शत्रवः प्रपलायन्ते तस्य वक्त्रविलोकनात् ॥ 23 ॥

इति श्रीरुद्रयामले देवीश्वरसंवादे श्री भुवनेश्वर्यष्टोत्तरशतनाम स्तोत्रम् ।

🕉️ This is the original Sanskrit rendered in Telugu script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

శ్రీ భువనేశ్వరీ అష్టోత్తర శత నామా స్తోత్రం