kailāsaśikhare ramye nānāratnopaśobhite |
Verse 1
naranārīhitārthāya śivaṃ papraccha pārvatī || 1 ||
devyuvāca
bhuvaneśī mahāvidyā nāmnāmaṣṭottaraṃ śatam |
Verse 2
kathayasva mahādeva yadyahaṃ tava vallabhā || 2 ||
īśvara uvāca
śṛṇu devi mahābhāge stavarājamidaṃ śubham |
Verse 3
sahasranāmnāmadhikaṃ siddhidaṃ mokṣahetukam || 3 ||
śucibhiḥ prātarutthāya paṭhitavyaḥ samāhitaiḥ |
Verse 4
trikālaṃ śraddhayā yuktaiḥ sarvakāmaphalapradaḥ || 4 ||
asya śrībhuvaneśvaryaṣṭottaraśatanāma stotramantrasya śaktirṛṣiḥ gāyatrī chandaḥ śrībhuvaneśvarī devatā caturvidhaphala puruṣārtha siddhyarthe jape viniyogaḥ ||
atha stotram
oṃ mahāmāyā mahāvidyā mahāyogā mahotkaṭā |
Verse 5
māheśvarī kumārī ca brahmāṇī brahmarūpiṇī || 5 ||
vāgīśvarī yogarūpā yoginīkoṭisevitā |
Verse 6
jayā ca vijayā caiva kaumārī sarvamaṅgalā || 6 ||
hiṅgulā ca vilāsī ca jvālinī jvālarūpiṇī |
Verse 7
īśvarī krūrasaṃhārī kulamārgapradāyinī || 7 ||
vaiṣṇavī subhagākārā sukulyā kulapūjitā |
Verse 8
vāmāṅgā vāmacārā ca vāmadevapriyā tathā || 8 ||
ḍākinī yoginīrūpā bhūteśī bhūtanāyikā |
Verse 9
padmāvatī padmanetrā prabuddhā ca sarasvatī || 9 ||
bhūcarī khecarī māyā mātaṅgī bhuvaneśvarī |
Verse 10
kāntā pativratā sākṣī sucakṣuḥ kuṇḍavāsinī || 10 ||
umā kumārī lokeśī sukeśī padmarāgiṇī |
Verse 11
indrāṇī brahmacaṇḍālī caṇḍikā vāyuvallabhā || 11 ||
sarvadhātumayīmūrtirjalarūpā jalodarī |
Verse 12
ākāśī raṇagā caiva nṛkapālavibhūṣaṇā || 12 ||
narmadā mokṣadā caiva dharmakāmārthadāyinī |
Verse 13
gāyatrī cā'tha sāvitrī trisandhyā tīrthagāminī || 13 ||
aṣṭamī navamī caiva daśamyaikādaśī tathā |
Verse 14
paurṇamāsī kuhūrūpā tithimūrtisvarūpiṇī || 14 ||
surārināśakārī ca ugrarūpā ca vatsalā |
Verse 15
analā ardhamātrā ca aruṇā pītalocanā || 15 ||
lajjā sarasvatī vidyā bhavānī pāpanāśinī |
Verse 16
nāgapāśadharā mūrtiragādhā dhṛtakuṇḍalā || 16 ||
kṣatrarūpā kṣayakarī tejasvinī śucismitā |
Verse 17
avyaktāvyaktalokā ca śambhurūpā manasvinī || 17 ||
mātaṅgī mattamātaṅgī mahādevapriyā sadā |
Verse 18
daityaghnī caiva vārāhī sarvaśāstramayī śubhā || 18 ||
ya idaṃ paṭhate bhaktyā śṛṇuyādvā samāhitaḥ |
Verse 19
aputro labhate putraṃ nirdhano dhanavān bhavet || 19 ||
mūrkho'pi labhate śāstraṃ coro'pi labhate gatim |
Verse 20
vedānāṃ pāṭhako vipraḥ kṣatriyo vijayī bhavet || 20 ||
vaiśyastu dhanavān bhūyācchūdrastu sukhamedhate |
Verse 21
aṣṭamyāṃ ca caturdaśyāṃ navamyāṃ caikacetasaḥ || 21 ||
ye paṭhanti sadā bhaktyā na te vai duḥkhabhāginaḥ |
Verse 22
ekakālaṃ dvikālaṃ vā trikālaṃ vā caturthakam || 22 ||
ye paṭhanti sadā bhaktyā svargaloke ca pūjitāḥ |
rudraṃ dṛṣṭvā yathā devāḥ pannagā garuḍaṃ yathā |
Verse 23
śatravaḥ prapalāyante tasya vaktravilokanāt || 23 ||
iti śrīrudrayāmale devīśvarasaṃvāde śrī bhuvaneśvaryaṣṭottaraśatanāma stotram |
Sanskrit — Devanagari (original)
कैलासशिखरे रम्ये नानारत्नोपशोभिते ।
नरनारीहितार्थाय शिवं पप्रच्छ पार्वती ॥ 1 ॥
देव्युवाच
भुवनेशी महाविद्या नाम्नामष्टोत्तरं शतम् ।
कथयस्व महादेव यद्यहं तव वल्लभा ॥ 2 ॥
ईश्वर उवाच
शृणु देवि महाभागे स्तवराजमिदं शुभम् ।
सहस्रनाम्नामधिकं सिद्धिदं मोक्षहेतुकम् ॥ 3 ॥
शुचिभिः प्रातरुत्थाय पठितव्यः समाहितैः ।
त्रिकालं श्रद्धया युक्तैः सर्वकामफलप्रदः ॥ 4 ॥
अस्य श्रीभुवनेश्वर्यष्टोत्तरशतनाम स्तोत्रमन्त्रस्य शक्तिरृषिः गायत्री छन्दः श्रीभुवनेश्वरी देवता चतुर्विधफल पुरुषार्थ सिद्ध्यर्थे जपे विनियोगः ॥
अथ स्तोत्रम्
ॐ महामाया महाविद्या महायोगा महोत्कटा ।
माहेश्वरी कुमारी च ब्रह्माणी ब्रह्मरूपिणी ॥ 5 ॥
वागीश्वरी योगरूपा योगिनीकोटिसेविता ।
जया च विजया चैव कौमारी सर्वमङ्गला ॥ 6 ॥
हिङ्गुला च विलासी च ज्वालिनी ज्वालरूपिणी ।
ईश्वरी क्रूरसंहारी कुलमार्गप्रदायिनी ॥ 7 ॥
वैष्णवी सुभगाकारा सुकुल्या कुलपूजिता ।
वामाङ्गा वामचारा च वामदेवप्रिया तथा ॥ 8 ॥
डाकिनी योगिनीरूपा भूतेशी भूतनायिका ।
पद्मावती पद्मनेत्रा प्रबुद्धा च सरस्वती ॥ 9 ॥
भूचरी खेचरी माया मातङ्गी भुवनेश्वरी ।
कान्ता पतिव्रता साक्षी सुचक्षुः कुण्डवासिनी ॥ 10 ॥
उमा कुमारी लोकेशी सुकेशी पद्मरागिणी ।
इन्द्राणी ब्रह्मचण्डाली चण्डिका वायुवल्लभा ॥ 11 ॥
सर्वधातुमयीमूर्तिर्जलरूपा जलोदरी ।
आकाशी रणगा चैव नृकपालविभूषणा ॥ 12 ॥
नर्मदा मोक्षदा चैव धर्मकामार्थदायिनी ।
गायत्री चाऽथ सावित्री त्रिसन्ध्या तीर्थगामिनी ॥ 13 ॥
अष्टमी नवमी चैव दशम्यैकादशी तथा ।
पौर्णमासी कुहूरूपा तिथिमूर्तिस्वरूपिणी ॥ 14 ॥
सुरारिनाशकारी च उग्ररूपा च वत्सला ।
अनला अर्धमात्रा च अरुणा पीतलोचना ॥ 15 ॥
लज्जा सरस्वती विद्या भवानी पापनाशिनी ।
नागपाशधरा मूर्तिरगाधा धृतकुण्डला ॥ 16 ॥
क्षत्ररूपा क्षयकरी तेजस्विनी शुचिस्मिता ।
अव्यक्ताव्यक्तलोका च शम्भुरूपा मनस्विनी ॥ 17 ॥
मातङ्गी मत्तमातङ्गी महादेवप्रिया सदा ।
दैत्यघ्नी चैव वाराही सर्वशास्त्रमयी शुभा ॥ 18 ॥
य इदं पठते भक्त्या शृणुयाद्वा समाहितः ।
अपुत्रो लभते पुत्रं निर्धनो धनवान् भवेत् ॥ 19 ॥
मूर्खोऽपि लभते शास्त्रं चोरोऽपि लभते गतिम् ।
वेदानां पाठको विप्रः क्षत्रियो विजयी भवेत् ॥ 20 ॥
वैश्यस्तु धनवान् भूयाच्छूद्रस्तु सुखमेधते ।
अष्टम्यां च चतुर्दश्यां नवम्यां चैकचेतसः ॥ 21 ॥
ये पठन्ति सदा भक्त्या न ते वै दुःखभागिनः ।
एककालं द्विकालं वा त्रिकालं वा चतुर्थकम् ॥ 22 ॥
ये पठन्ति सदा भक्त्या स्वर्गलोके च पूजिताः ।
रुद्रं दृष्ट्वा यथा देवाः पन्नगा गरुडं यथा ।
शत्रवः प्रपलायन्ते तस्य वक्त्रविलोकनात् ॥ 23 ॥
इति श्रीरुद्रयामले देवीश्वरसंवादे श्री भुवनेश्वर्यष्टोत्तरशतनाम स्तोत्रम् ।