ஶ்ரீ க்ரு'ஷ்ண யஜுர்வேத ஸம்ஹிதாந்தர்கதீய ஸ்வஸ்திவாசநம்
ஆ॒ஶு-ஶ்ஶிஶா॑நோ வ்ரு'ஷ॒போ ந யு॒த்த்மோ க॑நாக॒நஃ, க்ஷோப॑ண-ஶ்சர்ஷணீ॒நாம் । ஸ॒ங்க்ரந்த॑நோ-ऽநிமி॒ஷ ஏ॑க வீ॒ர-ஶ்ஶ॒தக்ம் ஸேநா॑ அஜய-த்ஸா॒கமிந்த்ரஃ॑ ॥ ஸ॒ங்க்ரந்த॑நேநா நிமி॒ஷேண॑ ஜி॒ஷ்ணுநா॑ யுத்கா॒ரேண॑ துஶ்ச்யவ॒நேந॑ த்ரு'॒ஷ்ணுநா᳚ । ததிந்த்ரே॑ண ஜயத॒ த-த்ஸ॑ஹத்த்வம்॒-யுँதோ॑ நர॒ இஷு॑ஹஸ்தேந॒ வ்ரு'ஷ்ணா᳚ ॥ ஸ இஷு॑ஹஸ்தை॒-ஸ்ஸ நி॑ஷ॒ங்கிபி॑ர்வ॒ஶீ ஸக்க்ஸ்ர॑ஷ்டா॒ ஸ யுத॒ இந்த்ரோ॑ க॒ணேந॑ । ஸ॒க்ம்॒ஸ்ரு'॒ஷ்ட॒ஜி-த்ஸோ॑ம॒பா பா॑ஹுஶ॒ர்த்யூ᳚ர்த்வத॑ந்வா॒ ப்ரதி॑ஹிதாபி॒ரஸ்தா᳚ ॥ ப்ரு'ஹ॑ஸ்பதே॒ பரி॑ தீயா॒ [பரி॑ தீய, ரதே॑ந] 4.6.16
ரதே॑ந ரக்ஷோ॒ஹா ऽமித்ராக்ம்॑ அப॒ பாத॑மாநஃ । ப்ர॒ப॒ஞ்ஜந்-த்ஸேநாஃ᳚ ப்ரம்ரு'॒ணோ யு॒தா ஜய॑ந்ந॒ஸ்மாக॑-மேத்த்யவி॒தா ரதா॑நாம் ॥ கோ॒த்ர॒பித॑-ங்கோ॒விதம்॒-வँஜ்ர॑பாஹு॒-ஞ்ஜய॑ந்த॒மஜ்ம॑ ப்ரம்ரு'॒ணந்த॒-மோஜ॑ஸா । இ॒மக்ம் ஸ॑ஜாதா॒ அநு॑வீர-யத்த்வ॒மிந்த்ரக்ம்॑ ஸகா॒யோ-ऽநு॒ ஸக்ம் ர॑பத்த்வம் ॥ ப॒ல॒வி॒ஜ்ஞா॒யஃ-ஸ்தவி॑ரஃ॒ ப்ரவீ॑ர॒-ஸ்ஸஹ॑ஸ்வாந். வா॒ஜீ ஸஹ॑மாந உ॒க்ரஃ । அ॒பிவீ॑ரோ அ॒பிஸ॑த்வா ஸஹோ॒ஜா ஜைத்ர॑மிந்த்ர॒ ரத॒மாதி॑ஷ்ட கோ॒வித் ॥ அ॒பி கோ॒த்ராணி॒ ஸஹ॑ஸா॒ காஹ॑மாநோ-ऽதா॒யோ [காஹ॑மாநோ-ऽதா॒யஃ, வீ॒ர-ஶ்ஶ॒தம॑ந்யு॒ரிந்த்ரஃ॑ ।] 4.6.17
வீ॒ர-ஶ்ஶ॒தம॑ந்யு॒ரிந்த்ரஃ॑ । து॒ஶ்ச்ய॒வ॒நஃ ப்ரு'॑தநா॒ஷாட॑ யு॒த்த்யோ᳚-ஸ்மாக॒க்ம்॒ ஸேநா॑ அவது॒ ப்ர யு॒த்ஸு ॥ இந்த்ர॑ ஆஸாம்-நே॒தா ப்ரு'ஹ॒ஸ்பதி॒ ர்தக்ஷி॑ணா ய॒ஜ்ஞஃ பு॒ர ஏ॑து॒ ஸோமஃ॑ । தே॒வ॒ஸே॒நாநா॑-மபிபஞ்ஜதீ॒நா-ஞ்ஜய॑ந்தீநா-ம்ம॒ருதோ॑ ய॒ந்த்வக்ரே᳚ ॥ இந்த்ர॑ஸ்ய॒ வ்ரு'ஷ்ணோ॒ வரு॑ணஸ்ய॒ ராஜ்ஞ॑ ஆதி॒த்யாநா᳚-ம்ம॒ருதா॒க்ம்॒ ஶர்த॑ உ॒க்ரம் । ம॒ஹாம॑நஸா-ம்புவநச்ய॒வாநா॒-ங்கோஷோ॑ தே॒வாநா॒-ஞ்ஜய॑தா॒ முத॑ஸ்தாத் ॥ அ॒ஸ்மாக॒-மிந்த்ர॒-ஸ்ஸம்ரு'॑தேஷு த்வ॒ஜேஷ்வ॒ஸ்மாகம்॒-யாँ இஷ॑வ॒ஸ்தா ஜ॑யந்து । 4.6.18
அ॒ஸ்மாகம்॑-வீँ॒ரா உத்த॑ரே பவந்த்வ॒ஸ்மாநு॑ தேவா அவதா॒ ஹவே॑ஷு ॥ உத்த॑ர்ஷய மகவ॒ந்நா-யு॑தா॒-ந்யுத்ஸத்வ॑நா-ம்மாம॒காநா॒-ம்மஹாக்ம்॑ஸி । உத்வ்ரு'॑த்ரஹந் வா॒ஜிநாம்॒-வாँஜி॑நா॒ந்யு-த்ரதா॑நா॒-ஞ்ஜய॑தாமேது॒ கோஷஃ॑ ॥ உப॒ ப்ரேத॒ ஜய॑தா நரஸ்ஸ்தி॒ரா வஃ॑ ஸந்து பா॒ஹவஃ॑ । இந்த்ரோ॑ வ॒-ஶ்ஶர்ம॑ யச்ச த்வநா-த்ரு'॒ஷ்யா யதாஸ॑த ॥ அவ॑ஸ்ரு'ஷ்டா॒ பரா॑ பத॒ ஶர॑வ்யே॒ ப்ரஹ்ம॑ ஸக்ம்ஶிதா । கச்சா॒-ऽமித்ரா॒-ந்ப்ர- [கச்சா॒-ऽமித்ரா॒-ந்ப்ர, வி॒ஶ॒ மைஷா॒-] 4.6.19
-வி॑ஶ॒ மைஷா॒-ங்கஞ்ச॒நோச்சி॑ஷஃ ॥ மர்மா॑ணி தே॒ வர்ம॑பிஶ்சாதயாமி॒ ஸோம॑ஸ்த்வா॒ ராஜா॒ ऽம்ரு'தே॑நா॒பி-வ॑ஸ்தாம் । உ॒ரோர்வரீ॑யோ॒ வரி॑வஸ்தே அஸ்து॒ ஜய॑ந்த॒-ந்த்வாமநு॑ மதந்து தே॒வாஃ ॥ யத்ர॑ பா॒ணா-ஸ்ஸ॒ம்பத॑ந்தி குமா॒ரா வி॑ஶி॒கா இ॑வ । இந்த்ரோ॑ ந॒ஸ்தத்ர॑ வ்ரு'த்ர॒ஹா வி॑ஶ்வா॒ஹா ஶர்ம॑ யச்சது ॥ 4.6.20 ॥
ஜீ॒மூத॑ஸ்யேவ பவதி॒ ப்ரதீ॑கம்॒-யँத்வ॒ர்மீ யாதி॑ ஸ॒மதா॑மு॒பஸ்தே᳚ । அநா॑வித்தயா த॒நுவா॑ ஜய॒ த்வக்ம் ஸ த்வா॒ வர்ம॑ணோ மஹி॒மா பி॑பர்து ॥ தந்வ॑நா॒ கா தந்வ॑நா॒-ऽऽஜி-ஞ்ஜ॑யேம॒ தந்வ॑நா தீ॒வ்ரா-ஸ்ஸ॒மதோ॑ ஜயேம । தநு॒-ஶ்ஶத்ரோ॑ரபகா॒ம-ங்க்ரு'॑ணோதி॒ தந்வ॑நா॒ ஸர்வாஃ᳚ ப்ர॒திஶோ॑ ஜயேம ॥ வ॒க்ஷ்யந்தீ॒வேதா க॑நீகந்தி॒ கர்ண॑-ம்ப்ரி॒யக்ம் ஸகா॑ய-ம்பரிஷஸ்வஜா॒நா । யோஷே॑வ ஶிங்க்தே॒ வித॒தா-ऽதி॒ தந்வ॒- [தந்வந்ந்॑, ஜ்யா இ॒யக்ம்] 4.6.27
-ஞ்ஜ்யா இ॒யக்ம் ஸம॑நே பா॒ரய॑ந்தீ ॥ தே ஆ॒சர॑ந்தீ॒ ஸம॑நேவ॒ யோஷா॑ மா॒தேவ॑ பு॒த்ர-ம்பி॑ப்ரு'தாமு॒பஸ்தே᳚ । அப॒ ஶத்ரூந்॑ வித்த்யதாக்ம் ஸம்விँதா॒நே ஆர்த்நீ॑ இ॒மே வி॑ஷ்பு॒ரந்தீ॑ அ॒மித்ராந்॑ ॥ ப॒ஹ்வீ॒நா-ம்பி॒தா ப॒ஹுர॑ஸ்ய பு॒த்ரஶ்சி॒ஶ்சா க்ரு'॑ணோதி॒ ஸம॑நா-ऽவ॒கத்ய॑ । இ॒ஷு॒தி-ஸ்ஸங்காஃ॒ ப்ரு'த॑நாஶ்ச॒ ஸர்வாஃ᳚ ப்ரு'॒ஷ்டே நிந॑த்தோ ஜயதி॒ ப்ரஸூ॑தஃ ॥ ரதே॒ திஷ்ட॑-ந்நயதி வா॒ஜிநஃ॑ பு॒ரோ யத்ர॑யத்ர கா॒மய॑தே ஸுஷார॒திஃ । அ॒பீஶூ॑நா-ம்மஹி॒மாந॑- [மஹி॒மாந᳚ம், ப॒நா॒ய॒த॒ மநஃ॑] 4.6.28
-ம்பநாயத॒ மநஃ॑ ப॒ஶ்சாதநு॑ யச்சந்தி ர॒ஶ்மயஃ॑ ॥ தீ॒வ்ரா-ந்கோஷா᳚ந் க்ரு'ண்வதே॒ வ்ரு'ஷ॑பாண॒யோ-ऽஶ்வா॒ ரதே॑பி-ஸ்ஸ॒ஹ வா॒ஜய॑ந்தஃ । அ॒வ॒க்ராம॑ந்தஃ॒ ப்ரப॑தைர॒மித்ரா᳚ந் க்ஷி॒ணந்தி॒ ஶத்ரூ॒க்ம்॒ரந॑பவ்யயந்தஃ ॥ ர॒த॒வாஹ॑நக்ம் ஹ॒விர॑ஸ்ய॒ நாம॒ யத்ரா-ऽऽயு॑த॒-ந்நிஹி॑தமஸ்ய॒ வர்ம॑ । தத்ரா॒ ரத॒முப॑ ஶ॒க்மக்ம் ஸ॑தேம வி॒ஶ்வாஹா॑ வ॒யக்ம் ஸு॑மந॒ஸ்யமா॑நாஃ ॥ ஸ்வா॒து॒ஷ॒க்ம்॒ ஸதஃ॑ பி॒தரோ॑ வயோ॒தாஃ க்ரு'॑ச்ச்ரே॒ஶ்ரித॒-ஶ்ஶக்தீ॑வந்தோ கபீ॒ராஃ । சி॒த்ரஸே॑நா॒ இஷு॑பலா॒ அம்ரு'॑த்த்ரா-ஸ்ஸ॒தோவீ॑ரா உ॒ரவோ᳚ வ்ராதஸா॒ஹாஃ ॥ ப்ராஹ்ம॑ணாஸஃ॒ [ப்ராஹ்ம॑ணாஸஃ, பித॑ர॒-] 4.6.29
பித॑ர॒-ஸ்ஸோம்யா॑ஸ-ஶ்ஶி॒வே நோ॒ த்யாவா॑ப்ரு'தி॒வீ அ॑நே॒ஹஸா᳚ । பூ॒ஷா நஃ॑ பாது துரி॒தாத்ரு'॑தாவ்ரு'தோ॒ ரக்ஷா॒ மாகி॑ர்நோ அ॒கஶக்ம்॑ஸ ஈஶத ॥ ஸு॒ப॒ர்ணம்-வँ॑ஸ்தே ம்ரு'॒கோ அ॑ஸ்யா॒ தந்தோ॒ கோபி॒-ஸ்ஸந்ந॑த்தா பததி॒ ப்ரஸூ॑தா । யத்ரா॒ நர॒-ஸ்ஸ-ஞ்ச॒ வி ச॒ த்ரவ॑ந்தி॒ தத்ரா॒ஸ்மப்ய॒மிஷ॑வ॒-ஶ்ஶர்ம॑ யக்ம்ஸந்ந் ॥ ரு'ஜீ॑தே॒ பரி॑ வ்ரு'ங்க்தி॒ நோ-ऽஶ்மா॑ பவது நஸ்த॒நூஃ । ஸோமோ॒ அதி॑ ப்ரவீது॒ நோ-ऽதி॑தி॒- [நோ-ऽதி॑திஃ, ஶர்ம॑ யச்சது ।] 4.6.30
-ஶ்ஶர்ம॑ யச்சது ॥ ஆ ஜ॑ங்கந்தி॒ ஸாந்வே॑ஷா-ஞ்ஜ॒கநா॒க்ம்॒ உப॑ ஜிக்நதே । அஶ்வா॑ஜநி॒ ப்ரசே॑த॒ஸோ-ऽஶ்வா᳚ந்-த்ஸ॒மத்ஸு॑ சோதய ॥ அஹி॑ரிவ போ॒கைஃ பர்யே॑தி பா॒ஹு-ஞ்ஜ்யாயா॑ ஹே॒தி-ம்ப॑ரி॒பாத॑மாநஃ । ஹ॒ஸ்த॒க்நோ விஶ்வா॑ வ॒யுநா॑நி வி॒த்வா-ந்புமா॒-ந்புமாக்ம்॑ஸ॒-ம்பரி॑ பாது வி॒ஶ்வதஃ॑ ॥ வந॑ஸ்பதே வீ॒ட்வ॑ங்கோ॒ ஹி பூ॒யா அ॒ஸ்ம-த்ஸ॑கா ப்ர॒தர॑ண-ஸ்ஸு॒வீரஃ॑ । கோபி॒-ஸ்ஸந்ந॑த்தோ அஸி வீ॒டய॑ஸ்வா-ऽऽஸ்தா॒தா தே॑ ஜயது॒ ஜேத்வா॑நி ॥ தி॒வஃ ப்ரு'॑தி॒வ்யாஃ ப- [பரி॑, ஓஜ॒ உ-த்ப்ரு'॑தம்॒-] 4.6.31
-ர்யோஜ॒ உ-த்ப்ரு'॑தம்॒-வँந॒ஸ்பதி॑ப்யஃ॒ பர்யாப்ரு'॑த॒க்ம்॒ ஸஹஃ॑ । அ॒பாமோ॒ஜ்மாந॒-ம்பரி॒ கோபி॒ராவ்ரு'॑த॒மிந்த்ர॑ஸ்ய॒ வஜ்ரக்ம்॑ ஹ॒விஷா॒ ரதம்॑-யँஜ ॥ இந்த்ர॑ஸ்ய॒ வஜ்ரோ॑ ம॒ருதா॒மநீ॑க-ம்மி॒த்ரஸ்ய॒ கர்போ॒ வரு॑ணஸ்ய॒ நாபிஃ॑ । ஸேமா-ந்நோ॑ ஹ॒வ்யதா॑தி-ஞ்ஜுஷா॒ணோ தேவ॑ ரத॒ ப்ரதி॑ ஹ॒வ்யா க்ரு'॑பாய ॥ உப॑ ஶ்வாஸய ப்ரு'தி॒வீமு॒த த்யா-ம்பு॑ரு॒த்ரா தே॑ மநுதாம்॒-விँஷ்டி॑த॒-ஞ்ஜக॑த் । ஸ து॑ந்துபே ஸ॒ஜூரிந்த்ரே॑ண தே॒வைர்தூ॒ரா- [தே॒வைர்தூ॒ராத், தவீ॑யோ॒] 4.6.32
-த்தவீ॑யோ॒ அப॑ஸேத॒ ஶத்ரூந்॑ ॥ ஆ க்ர॑ந்தய॒ பல॒மோஜோ॑ ந॒ ஆ தா॒ நிஷ்ட॑நிஹி துரி॒தா பாத॑மாநஃ । அப॑ ப்ரோத துந்துபே து॒ச்சுநாக்ம்॑ இ॒த இந்த்ர॑ஸ்ய மு॒ஷ்டிர॑ஸி வீ॒டய॑ஸ்வ ॥ ஆ-ऽமூர॑ஜ ப்ர॒த்யாவ॑ர்தயே॒மாஃ கே॑து॒ம-த்து॑ந்து॒பி ர்வா॑வதீதி । ஸமஶ்வ॑பர்ணா॒ஶ்சர॑ந்தி நோ॒ நரோ॒-ऽஸ்மாக॑மிந்த்ர ர॒திநோ॑ ஜயந்து ॥ 4.6.33 ॥
மமா᳚க்நே॒ வர்சோ॑ விஹ॒வேஷ்வ॑ஸ்து வ॒ய-ந்த்வேந்தா॑நா ஸ்த॒நுவ॑-ம்புஷேம । மஹ்ய॑-ந்நமந்தா-ம்ப்ர॒திஶ॒ஶ்சத॑ஸ்ர॒ ஸ்த்வயா-ऽத்த்ய॑க்ஷேண॒ ப்ரு'த॑நா ஜயேம ॥ மம॑ தே॒வா வி॑ஹ॒வே ஸ॑ந்து॒ ஸர்வ॒ இந்த்ரா॑வந்தோ ம॒ருதோ॒ விஷ்ணு॑ர॒க்நிஃ । மமா॒ந்தரி॑க்ஷ மு॒ரு கோ॒பம॑ஸ்து॒ மஹ்யம்॒-வாँதஃ॑ பவதா॒-ங்காமே॑ அ॒ஸ்மிந்ந் ॥ மயி॑ தே॒வா த்ரவி॑ண॒ மாய॑ஜந்தா॒-ம்மய்யா॒ ஶீர॑ஸ்து॒ மயி॑ தே॒வஹூ॑திஃ । தைவ்யா॒ ஹோதா॑ரா வநிஷந்த॒ [வநிஷந்த, பூர்வே ऽரி॑ஷ்டா-ஸ்ஸ்யாம] 4.7.29
பூர்வே ऽரி॑ஷ்டா-ஸ்ஸ்யாம த॒நுவா॑ ஸு॒வீராஃ᳚ ॥ மஹ்யம்॑-யँஜந்து॒ மம॒ யாநி॑ ஹ॒வ்யா-ऽऽகூ॑தி-ஸ்ஸ॒த்யா மந॑ஸோ மே அஸ்து । ஏநோ॒ மாநிகா᳚-ங்கத॒மச்ச॒நாஹம்-விँஶ்வே॑ தேவாஸோ॒ அதி॑வோச தா மே ॥ தேவீ᳚-ஷ்ஷடுர்வீரு॒ருணஃ॑ க்ரு'ணோத॒ விஶ்வே॑ தேவா ஸ இ॒ஹ வீ॑ரயத்த்வம் । மாஹா᳚ஸ்மஹி ப்ர॒ஜயா॒ மா த॒நூபி॒ர்மா ர॑தாம த்விஷ॒தே ஸோ॑ம ராஜந்ந் ॥ அ॒க்நிர்ம॒ந்யு-ம்ப்ர॑திநு॒த-ந்பு॒ரஸ்தா॒- [ப்ர॑திநு॒த-ந்பு॒ரஸ்தா᳚த், அத॑ப்தோ கோ॒பாஃ] 4.7.30
-தத॑ப்தோ கோ॒பாஃ பரி॑பாஹி ந॒ஸ்த்வம் । ப்ர॒த்யஞ்சோ॑ யந்து நி॒குதஃ॒ புந॒ஸ்தே॑ ऽமைஷா᳚-ஞ்சி॒த்த-ம்ப்ர॒புதா॒ விநே॑ஶத் ॥ தா॒தா தா॑த்ரு'॒ணா-ம்புவ॑நஸ்ய॒ யஸ்பதி॑ ர்தே॒வக்ம் ஸ॑வி॒தார॑மபி மாதி॒ஷாஹ᳚ம் । இ॒மம்-யँ॒ஜ்ஞ ம॒ஶ்விநோ॒பா ப்ரு'ஹ॒ஸ்பதி॑ ர்தே॒வாஃ பா᳚ந்து॒ யஜ॑மாந-ந்ந்ய॒ர்தாத் ॥ உ॒ரு॒வ்யசா॑ நோ மஹி॒ஷ-ஶ்ஶர்ம॑ யக்ம் ஸத॒ஸ்மிந். ஹவே॑ புருஹூ॒தஃ பு॑ரு॒க்ஷு । ஸ நஃ॑ ப்ர॒ஜாயை॑ ஹர்யஶ்வ ம்ரு'ட॒யேந்த்ர॒ மா [ம்ரு'ட॒யேந்த்ர॒ மா, நோ॒ ரீ॒ரி॒ஷோ॒ மா பரா॑ தாஃ ।] 4.7.31
நோ॑ ரீரிஷோ॒ மா பரா॑ தாஃ ॥ யே நஃ॑ ஸ॒பத்நா॒ அப॒தே ப॑வந்த்விந்த்ரா॒-க்நிப்யா॒மவ॑ பாதாமஹே॒ தாந் । வஸ॑வோ ரு॒த்ரா ஆ॑தி॒த்யா உ॑பரி॒ ஸ்ப்ரு'ஶ॑-ம்மோ॒க்ர-ஞ்சேத்தா॑ரமதி ரா॒ஜம॑க்ரந்ந் ॥ அ॒ர்வாஞ்ச॒ மிந்த்ர॑ம॒முதோ॑ ஹவாமஹே॒ யோ கோ॒ஜி-த்த॑ந॒-ஜித॑ஶ்வ॒-ஜித்யஃ । இ॒மந்நோ॑ ய॒ஜ்ஞம்-விँ॑ஹ॒வே ஜு॑ஷஸ்வா॒ஸ்ய கு॑ர்மோ ஹரிவோ மே॒திந॑-ந்த்வா ॥ 4.7.32 ॥
அ॒க்நேர்ம॑ந்வே ப்ரத॒மஸ்ய॒ ப்ரசே॑தஸோ॒ ய-ம்பாஞ்ச॑ஜந்ய-ம்ப॒ஹவஃ॑ ஸமி॒ந்ததே᳚ । விஶ்வ॑ஸ்யாம்-விँ॒ஶி ப்ர॑விவிஶி॒வாக்ம் ஸ॑மீமஹே॒ ஸ நோ॑ முஞ்ச॒த்வக்ம் ஹ॑ஸஃ ॥ யஸ்யே॒த-ம்ப்ரா॒ணந்நி॑மி॒ஷ-த்யதேஜ॑தி॒ யஸ்ய॑ ஜா॒த-ஞ்ஜந॑மாந-ஞ்ச॒ கேவ॑லம் । ஸ்தௌம்ய॒க்நி-ந்நா॑தி॒தோ ஜோ॑ஹவீமி॒ ஸ நோ॑ முஞ்ச॒த்வக்ம் ஹ॑ஸஃ ॥ இந்த்ர॑ஸ்ய மந்யே ப்ரத॒மஸ்ய॒ ப்ரசே॑தஸோ வ்ரு'த்ர॒க்ந-ஸ்ஸ்தோமா॒ உப॒ மாமு॒பாகுஃ॑ । யோ தா॒ஶுஷஃ॑ ஸு॒க்ரு'தோ॒ ஹவ॒முப॒ கந்தா॒ [கந்தா᳚, ஸ நோ॑ முஞ்ச॒த்வக்ம் ஹ॑ஸஃ ।] 4.7.33
ஸ நோ॑ முஞ்ச॒த்வக்ம் ஹ॑ஸஃ ॥ ய-ஸ்ஸ॑ங்க்ரா॒ம-ந்நய॑தி॒ ஸம்-வँ॒ஶீ யு॒தே யஃ பு॒ஷ்டாநி॑ ஸக்ம்ஸ்ரு'॒ஜதி॑ த்ர॒யாணி॑ । ஸ்தௌமீந்த்ர॑-ந்நாதி॒தோ ஜோ॑ஹவீமி॒ ஸ நோ॑ முஞ்ச॒த்வக்ம் ஹ॑ஸஃ ॥ ம॒ந்வே வா᳚-ம்மித்ரா வருணா॒ தஸ்ய॑ வித்த॒க்ம்॒ ஸத்யௌ॑ஜஸா த்ரு'க்ம்ஹணா॒ ய-ந்நு॒தேதே᳚ । யா ராஜா॑நக்ம் ஸ॒ரதம்॑-யாँ॒த உ॑க்ரா॒ தா நோ॑ முஞ்சத॒மாக॑ஸஃ ॥ யோ வா॒க்ம்॒ ரத॑ ரு'॒ஜுர॑ஶ்மி-ஸ்ஸ॒த்யத॑ர்மா॒ மிது॒ ஶ்சர॑ந்த-முப॒யாதி॑ தூ॒ஷயந்ந்॑ । ஸ்தௌமி॑ [ ] 4.7.34
மி॒த்ராவரு॑ணா நாதி॒தோ ஜோ॑ஹவீமி॒ தௌ நோ॑ முஞ்சத॒மாக॑ஸஃ ॥ வா॒யோ-ஸ்ஸ॑வி॒து ர்வி॒ததா॑நி மந்மஹே॒ யாவா᳚த்ம॒ந்வ-த்பி॑ப்ரு'॒தோ யௌ ச॒ ரக்ஷ॑தஃ । யௌ விஶ்வ॑ஸ்ய பரி॒பூ ப॑பூ॒வது॒ஸ்தௌ நோ॑ முஞ்சத॒மாக॑ஸஃ ॥ உப॒ ஶ்ரேஷ்டா॑ந ஆ॒ஶிஷோ॑ தே॒வயோ॒ர்தர்மே॑ அஸ்திரந்ந் । ஸ்தௌமி॑ வா॒யுக்ம் ஸ॑வி॒தார॑-ந்நாதி॒தோ ஜோ॑ஹவீமி॒ தௌ நோ॑ முஞ்சத॒மாக॑ஸஃ ॥ ர॒தீத॑மௌ ரதீ॒நாம॑ஹ்வ ஊ॒தயே॒ ஶுப॒-ங்கமி॑ஷ்டௌ ஸு॒யமே॑பி॒ரஶ்வைஃ᳚ । யயோ᳚- [யயோஃ᳚, வா॒-ந்தே॒வௌ॒ தே॒வேஷ்வ-நி॑ஶித॒-] 4.7.35
-ர்வா-ந்தேவௌ தே॒வேஷ்வ-நி॑ஶித॒-மோஜ॒ஸ்தௌ நோ॑ முஞ்சத॒மாக॑ஸஃ ॥ யதயா॑தம்-வఁ%ஹ॒துக்ம் ஸூ॒ர்யாயா᳚-ஸ்த்ரிச॒க்ரேண॑ ஸ॒க்ம்॒ ஸத॑மி॒ச்சமா॑நௌ । ஸ்தௌமி॑ தே॒வா வ॒ஶ்விநௌ॑ நாதி॒தோ ஜோ॑ஹவீமி॒ தௌ நோ॑ முஞ்சத॒மாக॑ஸஃ ॥ ம॒ருதா᳚-ம்மந்வே॒ அதி॑நோ ப்ருவந்து॒ ப்ரேமாம்-வாँசம்॒-விँஶ்வா॑ மவந்து॒ விஶ்வே᳚ । ஆ॒ஶூந். ஹு॑வே ஸு॒யமா॑நூ॒தயே॒ தே நோ॑ முஞ்ச॒ந்த்வேந॑ஸஃ ॥ தி॒க்மமாயு॑தம்-வீँடி॒தக்ம் ஸஹ॑ஸ்வ-த்தி॒வ்யக்ம் ஶர்தஃ॒ [ஶர்தஃ॑, ப்ரு'த॑நாஸு ஜி॒ஷ்ணு ।] 4.7.36
ப்ரு'த॑நாஸு ஜி॒ஷ்ணு । ஸ்தௌமி॑ தே॒வா-ந்ம॒ருதோ॑ நாதி॒தோ ஜோ॑ஹவீமி॒ தே நோ॑ முஞ்ச॒ந்த்வேந॑ஸஃ ॥ தே॒வாநா᳚-ம்மந்வே॒ அதி॑ நோ ப்ருவந்து॒ ப்ரேமாம்-வாँசம்॒-விँஶ்வா॑மவந்து॒ விஶ்வே᳚ । ஆ॒ஶூந். ஹு॑வே ஸு॒யமா॑நூ॒தயே॒ தே நோ॑ முஞ்ச॒ந்த்வேந॑ஸஃ ॥ யதி॒த-ம்மா॑-ऽபி॒ஶோச॑தி॒ பௌரு॑ஷேயேண॒ தைவ்யே॑ந । ஸ்தௌமி॒ விஶ்வா᳚-ந்தே॒வா-ந்நா॑தி॒தோ ஜோ॑ஹவீமி॒ தே நோ॑ முஞ்ச॒ந்த்வேந॑ஸஃ ॥ அநு॑நோ॒-ऽத்யாநு॑மதி॒ ர- [அநு॑நோ॒-ऽத்யாநு॑மதி॒ ரநு॑, இத॑நுமதே॒] 4.7.37
-ந்வித॑நுமதே॒ த்வம் ँவை᳚ஶ்வாந॒ரோ ந॑ ஊ॒த்யாப்ரு'॒ஷ்டோ தி॒வி> 4 ॥ யே அப்ர॑தேதா॒-மமி॑தேபி॒ ரோஜோ॑பி॒ ர்யே ப்ர॑தி॒ஷ்டே அப॑வதாம்॒-வँஸூ॑நாம் । ஸ்தௌமி॒ த்யாவா॑ ப்ரு'தி॒வீ நா॑தி॒தோ ஜோ॑ஹவீமி॒ தே நோ॑ முஞ்சத॒மக்ம் ஹ॑ஸஃ ॥ உர்வீ॑ ரோதஸீ॒ வரி॑வஃ க்ரு'ணோத॒-ங்க்ஷேத்ர॑ஸ்ய பத்நீ॒ அதி॑ நோ ப்ரூயாதம் । ஸ்தௌமி॒ த்யாவா॑ ப்ரு'தி॒வீ நா॑தி॒தோ ஜோ॑ஹவீமி॒ தே நோ॑ முஞ்சத॒மக்ம் ஹ॑ஸஃ ॥ ய-த்தே॑ வ॒ய-ம்பு॑ருஷ॒த்ரா ய॑வி॒ஷ்டா வி॑த்வாக்ம்ஸஶ்சக்ரு'॒மா கச்ச॒நா- [கச்ச॒ந, ஆகஃ॑ ।] 4.7.38
-ऽऽகஃ॑ । க்ரு'॒தீ ஸ்வ॑ஸ்மாக்ம் அதி॑தே॒ரநா॑கா॒ வ்யேநாக்ம்॑ஸி ஶிஶ்ரதோ॒ விஷ்வ॑கக்நே ॥ யதா॑ ஹ॒ த-த்வ॑ஸவோ கௌ॒ர்ய॑-ஞ்சி-த்ப॒திஷி॒தா மமு॑ஞ்சதா யஜத்ராஃ । ஏ॒வா த்வம॒ஸ்ம-த்ப்ரமு॑ஞ்சா॒ வ்யக்ம்ஹஃ॒ ப்ராதா᳚ர்யக்நே ப்ரத॒ராந்ந॒ ஆயுஃ॑ ॥ 4.7.39 ॥
Roman (IAST) Transliteration
śrī kṛṣṇa yajurveda saṃhitāntargatīya svastivācanam
ā॒śu-śśiśā̭no vṛṣa॒bho na yu॒ddhmo gha̭nāgha॒naḥ, kṣobha̭ṇa-ścarṣaṇī॒nām | sa॒ṅkranda̭no-'nimi॒ṣa ḙka vī॒ra-śśa॒tagṃ senā̭ ajaya-thsā॒kamindraḥ̭ || sa॒ṅkranda̭nenā nimi॒ṣeṇa̭ ji॒ṣṇunā̭ yutkā॒reṇa̭ duścyava॒nena̭ dhṛ॒ṣṇunā᳚ | tadindrḙṇa jayata॒ ta-thsa̭haddhvaṃ॒-yu~dho̭ nara॒ iṣṷhastena॒ vṛṣṇā᳚ || sa iṣṷhastai॒-ssa ni̭ṣa॒ṅgibhi̭rva॒śī saggsra̭ṣṭā॒ sa yudha॒ indro̭ ga॒ṇena̭ | sa॒gṃ॒sṛ॒ṣṭa॒ji-thso̭ma॒pā bā̭huśa॒rdhyū᳚rdhvadha̭nvā॒ prati̭hitābhi॒rastā᳚ || bṛha̭spate॒ pari̭ dīyā॒ [pari̭ dīya, rathḙna] 4.6.16
rathḙna rakṣo॒hā 'mitrāgṃ̭ apa॒ bādha̭mānaḥ | pra॒bha॒ñjan-thsenāḥ᳚ pramṛ॒ṇo yu॒dhā jaya̭nna॒smāka̭-meddhyavi॒tā rathā̭nām || go॒tra॒bhida̭-ṅgo॒vidaṃ॒-va~jra̭bāhu॒-ñjaya̭nta॒majma̭ pramṛ॒ṇanta॒-moja̭sā | i॒magṃ sa̭jātā॒ anṷvīra-yaddhva॒mindragṃ̭ sakhā॒yo-'nu॒ sagṃ ra̭bhaddhvam || ba॒la॒vi॒jñā॒yaḥ-sthavi̭raḥ॒ pravī̭ra॒-ssaha̭svān. vā॒jī saha̭māna u॒graḥ | a॒bhivī̭ro a॒bhisa̭tvā saho॒jā jaitra̭mindra॒ ratha॒māti̭ṣṭha go॒vit || a॒bhi go॒trāṇi॒ saha̭sā॒ gāha̭māno-'dā॒yo [gāha̭māno-'dā॒yaḥ, vī॒ra-śśa॒tama̭nyu॒rindraḥ̭ |] 4.6.17
vī॒ra-śśa॒tama̭nyu॒rindraḥ̭ | du॒ścya॒va॒naḥ pṛ̭tanā॒ṣāḍa̭ yu॒ddhyo᳚-smāka॒gṃ॒ senā̭ avatu॒ pra yu॒thsu || indra̭ āsāṃ-ne॒tā bṛha॒spati॒ rdakṣi̭ṇā ya॒jñaḥ pu॒ra ḙtu॒ somaḥ̭ | de॒va॒se॒nānā̭-mabhibhañjatī॒nā-ñjaya̭ntīnā-mma॒ruto̭ ya॒ntvagre᳚ || indra̭sya॒ vṛṣṇo॒ varṷṇasya॒ rājña̭ ādi॒tyānā᳚-mma॒rutā॒gṃ॒ śardha̭ u॒gram | ma॒hāma̭nasā-mbhuvanacya॒vānā॒-ṅghoṣo̭ de॒vānā॒-ñjaya̭tā॒ muda̭sthāt || a॒smāka॒-mindra॒-ssamṛ̭teṣu dhva॒jeṣva॒smākaṃ॒-yā~ iṣa̭va॒stā ja̭yantu | 4.6.18
a॒smākaṃ̭-vī~॒rā utta̭re bhavantva॒smānṷ devā avatā॒ havḙṣu || uddha̭rṣaya maghava॒nnā-yṷdhā॒-nyuthsatva̭nā-mmāma॒kānā॒-mmahāgṃ̭si | udvṛ̭trahan vā॒jināṃ॒-vā~ji̭nā॒nyu-drathā̭nā॒-ñjaya̭tāmetu॒ ghoṣaḥ̭ || upa॒ preta॒ jaya̭tā narassthi॒rā vaḥ̭ santu bā॒havaḥ̭ | indro̭ va॒-śśarma̭ yaccha tvanā-dhṛ॒ṣyā yathāsa̭tha || ava̭sṛṣṭā॒ parā̭ pata॒ śara̭vye॒ brahma̭ sagṃśitā | gacchā॒-'mitrā॒-npra- [gacchā॒-'mitrā॒-npra, vi॒śa॒ maiṣā॒-] 4.6.19
-vi̭śa॒ maiṣā॒-ṅkañca॒nocchi̭ṣaḥ || marmā̭ṇi te॒ varma̭bhiśchādayāmi॒ soma̭stvā॒ rājā॒ 'mṛtḙnā॒bhi-va̭stām | u॒rorvarī̭yo॒ vari̭vaste astu॒ jaya̭nta॒-ntvāmanṷ madantu de॒vāḥ || yatra̭ bā॒ṇā-ssa॒mpata̭nti kumā॒rā vi̭śi॒khā i̭va | indro̭ na॒statra̭ vṛtra॒hā vi̭śvā॒hā śarma̭ yacchatu || 4.6.20 ||
jī॒mūta̭syeva bhavati॒ pratī̭kaṃ॒-ya~dva॒rmī yāti̭ sa॒madā̭mu॒pasthe᳚ | anā̭viddhayā ta॒nuvā̭ jaya॒ tvagṃ sa tvā॒ varma̭ṇo mahi॒mā pi̭partu || dhanva̭nā॒ gā dhanva̭nā॒-''ji-ñja̭yema॒ dhanva̭nā tī॒vrā-ssa॒mado̭ jayema | dhanu॒-śśatro̭rapakā॒ma-ṅkṛ̭ṇoti॒ dhanva̭nā॒ sarvāḥ᳚ pra॒diśo̭ jayema || va॒kṣyantī॒vedā ga̭nīganti॒ karṇa̭-mpri॒yagṃ sakhā̭ya-mpariṣasvajā॒nā | yoṣḙva śiṅkte॒ vita॒tā-'dhi॒ dhanva॒- [dhanvanṋ, jyā i॒yagṃ] 4.6.27
-ñjyā i॒yagṃ sama̭ne pā॒raya̭ntī || te ā॒cara̭ntī॒ sama̭neva॒ yoṣā̭ mā॒teva̭ pu॒tra-mbi̭bhṛtāmu॒pasthe᳚ | apa॒ śatrūṋ viddhyatāgṃ saṃvi~dā॒ne ārtnī̭ i॒me vi̭ṣphu॒rantī̭ a॒mitrāṋ || ba॒hvī॒nā-mpi॒tā ba॒hura̭sya pu॒traści॒ścā kṛ̭ṇoti॒ sama̭nā-'va॒gatya̭ | i॒ṣu॒dhi-ssaṅkāḥ॒ pṛta̭nāśca॒ sarvāḥ᳚ pṛ॒ṣṭhe nina̭ddho jayati॒ prasṷ̄taḥ || rathe॒ tiṣṭha̭-nnayati vā॒jinaḥ̭ pu॒ro yatra̭yatra kā॒maya̭te suṣāra॒thiḥ | a॒bhīśṷ̄nā-mmahi॒māna̭- [mahi॒māna᳚m, pa॒nā॒ya॒ta॒ manaḥ̭] 4.6.28
-mpanāyata॒ manaḥ̭ pa॒ścādanṷ yacchanti ra॒śmayaḥ̭ || tī॒vrā-nghoṣā᳚n kṛṇvate॒ vṛṣa̭pāṇa॒yo-'śvā॒ rathḙbhi-ssa॒ha vā॒jaya̭ntaḥ | a॒va॒krāma̭ntaḥ॒ prapa̭daira॒mitrā᳚n kṣi॒ṇanti॒ śatrū॒gṃ॒rana̭pavyayantaḥ || ra॒tha॒vāha̭nagṃ ha॒vira̭sya॒ nāma॒ yatrā-''yṷdha॒-nnihi̭tamasya॒ varma̭ | tatrā॒ ratha॒mupa̭ śa॒gmagṃ sa̭dema vi॒śvāhā̭ va॒yagṃ sṷmana॒syamā̭nāḥ || svā॒du॒ṣa॒gṃ॒ sadaḥ̭ pi॒taro̭ vayo॒dhāḥ kṛ̭cchre॒śrita॒-śśaktī̭vanto gabhī॒rāḥ | ci॒trasḙnā॒ iṣṷbalā॒ amṛ̭ddhrā-ssa॒tovī̭rā u॒ravo᳚ vrātasā॒hāḥ || brāhma̭ṇāsaḥ॒ [brāhma̭ṇāsaḥ, pita̭ra॒-] 4.6.29
pita̭ra॒-ssomyā̭sa-śśi॒ve no॒ dyāvā̭pṛthi॒vī a̭ne॒hasā᳚ | pū॒ṣā naḥ̭ pātu duri॒tādṛ̭tāvṛdho॒ rakṣā॒ māki̭rno a॒ghaśagṃ̭sa īśata || su॒pa॒rṇaṃ-va~̭ste mṛ॒go a̭syā॒ danto॒ gobhi॒-ssanna̭ddhā patati॒ prasṷ̄tā | yatrā॒ nara॒-ssa-ñca॒ vi ca॒ drava̭nti॒ tatrā॒smabhya॒miṣa̭va॒-śśarma̭ yagṃsann || ṛjī̭te॒ pari̭ vṛṅgdhi॒ no-'śmā̭ bhavatu nasta॒nūḥ | somo॒ adhi̭ bravītu॒ no-'di̭ti॒- [no-'di̭tiḥ, śarma̭ yacchatu |] 4.6.30
-śśarma̭ yacchatu || ā ja̭ṅghanti॒ sānvḙṣā-ñja॒ghanā॒gṃ॒ upa̭ jighnate | aśvā̭jani॒ pracḙta॒so-'śvā᳚n-thsa॒mathsṷ codaya || ahi̭riva bho॒gaiḥ paryḙti bā॒hu-ñjyāyā̭ he॒ti-mpa̭ri॒bādha̭mānaḥ | ha॒sta॒ghno viśvā̭ va॒yunā̭ni vi॒dvā-npumā॒-npumāgṃ̭sa॒-mpari̭ pātu vi॒śvataḥ̭ || vana̭spate vī॒ḍva̭ṅgo॒ hi bhū॒yā a॒sma-thsa̭khā pra॒tara̭ṇa-ssu॒vīraḥ̭ | gobhi॒-ssanna̭ddho asi vī॒ḍaya̭svā-''sthā॒tā tḙ jayatu॒ jetvā̭ni || di॒vaḥ pṛ̭thi॒vyāḥ pa- [pari̭, oja॒ u-dbhṛ̭taṃ॒-] 4.6.31
-ryoja॒ u-dbhṛ̭taṃ॒-va~na॒spati̭bhyaḥ॒ paryābhṛ̭ta॒gṃ॒ sahaḥ̭ | a॒pāmo॒jmāna॒-mpari॒ gobhi॒rāvṛ̭ta॒mindra̭sya॒ vajragṃ̭ ha॒viṣā॒ rathaṃ̭-ya~ja || indra̭sya॒ vajro̭ ma॒rutā॒manī̭ka-mmi॒trasya॒ garbho॒ varṷṇasya॒ nābhiḥ̭ | semā-nno̭ ha॒vyadā̭ti-ñjuṣā॒ṇo deva̭ ratha॒ prati̭ ha॒vyā gṛ̭bhāya || upa̭ śvāsaya pṛthi॒vīmu॒ta dyā-mpṷru॒trā tḙ manutāṃ॒-vi~ṣṭhi̭ta॒-ñjaga̭t | sa dṷndubhe sa॒jūrindrḙṇa de॒vairdū॒rā- [de॒vairdū॒rāt, davī̭yo॒] 4.6.32
-ddavī̭yo॒ apa̭sedha॒ śatrūṋ || ā kra̭ndaya॒ bala॒mojo̭ na॒ ā dhā॒ niṣṭa̭nihi duri॒tā bādha̭mānaḥ | apa̭ protha dundubhe du॒cchunāgṃ̭ i॒ta indra̭sya mu॒ṣṭira̭si vī॒ḍaya̭sva || ā-'mūra̭ja pra॒tyāva̭rtaye॒māḥ kḙtu॒ma-ddṷndu॒bhi rvā̭vadīti | samaśva̭parṇā॒ścara̭nti no॒ naro॒-'smāka̭mindra ra॒thino̭ jayantu || 4.6.33 ||
mamā᳚gne॒ varco̭ viha॒veṣva̭stu va॒ya-ntvendhā̭nā sta॒nuva̭-mpuṣema | mahya̭-nnamantā-mpra॒diśa॒ścata̭sra॒ stvayā-'ddhya̭kṣeṇa॒ pṛta̭nā jayema || mama̭ de॒vā vi̭ha॒ve sa̭ntu॒ sarva॒ indrā̭vanto ma॒ruto॒ viṣṇṷra॒gniḥ | mamā॒ntari̭kṣa mu॒ru go॒pama̭stu॒ mahyaṃ॒-vā~taḥ̭ pavatā॒-ṅkāmḙ a॒sminn || mayi̭ de॒vā dravi̭ṇa॒ māya̭jantā॒-mmayyā॒ śīra̭stu॒ mayi̭ de॒vahṷ̄tiḥ | daivyā॒ hotā̭rā vaniṣanta॒ [vaniṣanta, pūrve 'ri̭ṣṭā-ssyāma] 4.7.29
pūrve 'ri̭ṣṭā-ssyāma ta॒nuvā̭ su॒vīrāḥ᳚ || mahyaṃ̭-ya~jantu॒ mama॒ yāni̭ ha॒vyā-''kṷ̄ti-ssa॒tyā mana̭so me astu | eno॒ mānigā᳚-ṅkata॒macca॒nāhaṃ-vi~śvḙ devāso॒ adhi̭voca tā me || devī᳚-ṣṣaḍurvīru॒ruṇaḥ̭ kṛṇota॒ viśvḙ devā sa i॒ha vī̭rayaddhvam | māhā᳚smahi pra॒jayā॒ mā ta॒nūbhi॒rmā ra̭dhāma dviṣa॒te so̭ma rājann || a॒gnirma॒nyu-mpra̭tinu॒da-npu॒rastā॒- [pra̭tinu॒da-npu॒rastā᳚t, ada̭bdho go॒pāḥ] 4.7.30
-dada̭bdho go॒pāḥ pari̭pāhi na॒stvam | pra॒tyañco̭ yantu ni॒gutaḥ॒ puna॒stḙ 'maiṣā᳚-ñci॒tta-mpra॒budhā॒ vinḙśat || dhā॒tā dhā̭tṛ॒ṇā-mbhuva̭nasya॒ yaspati̭ rde॒vagṃ sa̭vi॒tāra̭mabhi māti॒ṣāha᳚m | i॒maṃ-ya~॒jña ma॒śvino॒bhā bṛha॒spati̭ rde॒vāḥ pā᳚ntu॒ yaja̭māna-nnya॒rthāt || u॒ru॒vyacā̭ no mahi॒ṣa-śśarma̭ yagṃ sada॒smin. havḙ puruhū॒taḥ pṷru॒kṣu | sa naḥ̭ pra॒jāyai̭ haryaśva mṛḍa॒yendra॒ mā [mṛḍa॒yendra॒ mā, no॒ rī॒ri॒ṣo॒ mā parā̭ dāḥ |] 4.7.31
no̭ rīriṣo॒ mā parā̭ dāḥ || ye naḥ̭ sa॒patnā॒ apa॒te bha̭vantvindrā॒-gnibhyā॒mava̭ bādhāmahe॒ tān | vasa̭vo ru॒drā ā̭di॒tyā ṷpari॒ spṛśa̭-mmo॒gra-ñcettā̭ramadhi rā॒jama̭krann || a॒rvāñca॒ mindra̭ma॒muto̭ havāmahe॒ yo go॒ji-ddha̭na॒-jida̭śva॒-jidyaḥ | i॒manno̭ ya॒jñaṃ-vi~̭ha॒ve jṷṣasvā॒sya kṷrmo harivo me॒dina̭-ntvā || 4.7.32 ||
a॒gnerma̭nve pratha॒masya॒ pracḙtaso॒ ya-mpāñca̭janya-mba॒havaḥ̭ sami॒ndhate᳚ | viśva̭syāṃ-vi~॒śi pra̭viviśi॒vāgṃ sa̭mīmahe॒ sa no̭ muñca॒tvagṃ ha̭saḥ || yasye॒da-mprā॒ṇanni̭mi॒ṣa-dyadeja̭ti॒ yasya̭ jā॒ta-ñjana̭māna-ñca॒ keva̭lam | staumya॒gni-nnā̭thi॒to jo̭havīmi॒ sa no̭ muñca॒tvagṃ ha̭saḥ || indra̭sya manye pratha॒masya॒ pracḙtaso vṛtra॒ghna-sstomā॒ upa॒ māmu॒pāguḥ̭ | yo dā॒śuṣaḥ̭ su॒kṛto॒ hava॒mupa॒ gantā॒ [gantā᳚, sa no̭ muñca॒tvagṃ ha̭saḥ |] 4.7.33
sa no̭ muñca॒tvagṃ ha̭saḥ || ya-ssa̭ṅgrā॒ma-nnaya̭ti॒ saṃ-va~॒śī yu॒dhe yaḥ pu॒ṣṭāni̭ sagṃsṛ॒jati̭ tra॒yāṇi̭ | staumīndra̭-nnāthi॒to jo̭havīmi॒ sa no̭ muñca॒tvagṃ ha̭saḥ || ma॒nve vā᳚-mmitrā varuṇā॒ tasya̭ vitta॒gṃ॒ satyaṷjasā dṛgṃhaṇā॒ ya-nnu॒dethe᳚ | yā rājā̭nagṃ sa॒rathaṃ̭-yā~॒tha ṷgrā॒ tā no̭ muñcata॒māga̭saḥ || yo vā॒gṃ॒ ratha̭ ṛ॒jura̭śmi-ssa॒tyadha̭rmā॒ mithu॒ ścara̭nta-mupa॒yāti̭ dū॒ṣayanṋ | staumi̭ [ ] 4.7.34
mi॒trāvarṷṇā nāthi॒to jo̭havīmi॒ tau no̭ muñcata॒māga̭saḥ || vā॒yo-ssa̭vi॒tu rvi॒dathā̭ni manmahe॒ yāvā᳚tma॒nva-dbi̭bhṛ॒to yau ca॒ rakṣa̭taḥ | yau viśva̭sya pari॒bhū ba̭bhū॒vatu॒stau no̭ muñcata॒māga̭saḥ || upa॒ śreṣṭhā̭na ā॒śiṣo̭ de॒vayo॒rdharmḙ asthirann | staumi̭ vā॒yugṃ sa̭vi॒tāra̭-nnāthi॒to jo̭havīmi॒ tau no̭ muñcata॒māga̭saḥ || ra॒thīta̭mau rathī॒nāma̭hva ū॒taye॒ śubha॒-ṅgami̭ṣṭhau su॒yamḙbhi॒raśvaiḥ᳚ | yayo᳚- [yayoḥ᳚, vā॒-nde॒vau॒ de॒veṣva-ni̭śita॒-] 4.7.35
-rvā-ndevau de॒veṣva-ni̭śita॒-moja॒stau no̭ muñcata॒māga̭saḥ || yadayā̭taṃ-vaఁ%ha॒tugṃ sū॒ryāyā᳚-strica॒kreṇa̭ sa॒gṃ॒ sada̭mi॒cchamā̭nau | staumi̭ de॒vā va॒śvinaṷ nāthi॒to jo̭havīmi॒ tau no̭ muñcata॒māga̭saḥ || ma॒rutā᳚-mmanve॒ adhi̭no bruvantu॒ premāṃ-vā~caṃ॒-vi~śvā̭ mavantu॒ viśve᳚ | ā॒śūn. hṷve su॒yamā̭nū॒taye॒ te no̭ muñca॒ntvena̭saḥ || ti॒gmamāyṷdhaṃ-vī~ḍi॒tagṃ saha̭sva-ddi॒vyagṃ śardhaḥ॒ [śardhaḥ̭, pṛta̭nāsu ji॒ṣṇu |] 4.7.36
pṛta̭nāsu ji॒ṣṇu | staumi̭ de॒vā-nma॒ruto̭ nāthi॒to jo̭havīmi॒ te no̭ muñca॒ntvena̭saḥ || de॒vānā᳚-mmanve॒ adhi̭ no bruvantu॒ premāṃ-vā~caṃ॒-vi~śvā̭mavantu॒ viśve᳚ | ā॒śūn. hṷve su॒yamā̭nū॒taye॒ te no̭ muñca॒ntvena̭saḥ || yadi॒da-mmā̭-'bhi॒śoca̭ti॒ paurṷṣeyeṇa॒ daivyḙna | staumi॒ viśvā᳚-nde॒vā-nnā̭thi॒to jo̭havīmi॒ te no̭ muñca॒ntvena̭saḥ || anṷno॒-'dyānṷmati॒ ra- [anṷno॒-'dyānṷmati॒ ranṷ, ida̭numate॒] 4.7.37
-nvida̭numate॒ tvaṃ ~vai᳚śvāna॒ro na̭ ū॒tyāpṛ॒ṣṭo di॒vi> 4 || ye apra̭thetā॒-mami̭tebhi॒ rojo̭bhi॒ rye pra̭ti॒ṣṭhe abha̭vatāṃ॒-va~sṷ̄nām | staumi॒ dyāvā̭ pṛthi॒vī nā̭thi॒to jo̭havīmi॒ te no̭ muñcata॒magṃ ha̭saḥ || urvī̭ rodasī॒ vari̭vaḥ kṛṇota॒-ṅkṣetra̭sya patnī॒ adhi̭ no brūyātam | staumi॒ dyāvā̭ pṛthi॒vī nā̭thi॒to jo̭havīmi॒ te no̭ muñcata॒magṃ ha̭saḥ || ya-ttḙ va॒ya-mpṷruṣa॒trā ya̭vi॒ṣṭhā vi̭dvāgṃsaścakṛ॒mā kacca॒nā- [kacca॒na, āgaḥ̭ |] 4.7.38
-''gaḥ̭ | kṛ॒dhī sva̭smāgṃ adi̭te॒ranā̭gā॒ vyenāgṃ̭si śiśratho॒ viṣva̭gagne || yathā̭ ha॒ ta-dva̭savo gau॒rya̭-ñci-tpa॒diṣi॒tā mamṷñcatā yajatrāḥ | e॒vā tvama॒sma-tpramṷñcā॒ vyagṃhaḥ॒ prātā᳚ryagne prata॒rānna॒ āyuḥ̭ || 4.7.39 ||
Sanskrit — Devanagari (original)
श्री कृष्ण यजुर्वेद संहितान्तर्गतीय स्वस्तिवाचनम्
आ॒शु-श्शिशा॑नो वृष॒भो न यु॒द्ध्मो घ॑नाघ॒नः, क्षोभ॑ण-श्चर्षणी॒नाम् । स॒ङ्क्रन्द॑नो-ऽनिमि॒ष ए॑क वी॒र-श्श॒तग्ं सेना॑ अजय-थ्सा॒कमिन्द्रः॑ ॥ स॒ङ्क्रन्द॑नेना निमि॒षेण॑ जि॒ष्णुना॑ युत्का॒रेण॑ दुश्च्यव॒नेन॑ धृ॒ष्णुना᳚ । तदिन्द्रे॑ण जयत॒ त-थ्स॑हद्ध्वं॒-युँधो॑ नर॒ इषु॑हस्तेन॒ वृष्णा᳚ ॥ स इषु॑हस्तै॒-स्स नि॑ष॒ङ्गिभि॑र्व॒शी सग्ग्स्र॑ष्टा॒ स युध॒ इन्द्रो॑ ग॒णेन॑ । स॒ग्ं॒सृ॒ष्ट॒जि-थ्सो॑म॒पा बा॑हुश॒र्ध्यू᳚र्ध्वध॑न्वा॒ प्रति॑हिताभि॒रस्ता᳚ ॥ बृह॑स्पते॒ परि॑ दीया॒ [परि॑ दीय, रथे॑न] 4.6.16
रथे॑न रक्षो॒हा ऽमित्राग्ं॑ अप॒ बाध॑मानः । प्र॒भ॒ञ्जन्-थ्सेनाः᳚ प्रमृ॒णो यु॒धा जय॑न्न॒स्माक॑-मेद्ध्यवि॒ता रथा॑नाम् ॥ गो॒त्र॒भिद॑-ङ्गो॒विदं॒-वँज्र॑बाहु॒-ञ्जय॑न्त॒मज्म॑ प्रमृ॒णन्त॒-मोज॑सा । इ॒मग्ं स॑जाता॒ अनु॑वीर-यद्ध्व॒मिन्द्रग्ं॑ सखा॒यो-ऽनु॒ सग्ं र॑भद्ध्वम् ॥ ब॒ल॒वि॒ज्ञा॒यः-स्थवि॑रः॒ प्रवी॑र॒-स्सह॑स्वान्. वा॒जी सह॑मान उ॒ग्रः । अ॒भिवी॑रो अ॒भिस॑त्वा सहो॒जा जैत्र॑मिन्द्र॒ रथ॒माति॑ष्ठ गो॒वित् ॥ अ॒भि गो॒त्राणि॒ सह॑सा॒ गाह॑मानो-ऽदा॒यो [गाह॑मानो-ऽदा॒यः, वी॒र-श्श॒तम॑न्यु॒रिन्द्रः॑ ।] 4.6.17
वी॒र-श्श॒तम॑न्यु॒रिन्द्रः॑ । दु॒श्च्य॒व॒नः पृ॑तना॒षाड॑ यु॒द्ध्यो᳚-स्माक॒ग्ं॒ सेना॑ अवतु॒ प्र यु॒थ्सु ॥ इन्द्र॑ आसां-ने॒ता बृह॒स्पति॒ र्दक्षि॑णा य॒ज्ञः पु॒र ए॑तु॒ सोमः॑ । दे॒व॒से॒नाना॑-मभिभञ्जती॒ना-ञ्जय॑न्तीना-म्म॒रुतो॑ य॒न्त्वग्रे᳚ ॥ इन्द्र॑स्य॒ वृष्णो॒ वरु॑णस्य॒ राज्ञ॑ आदि॒त्याना᳚-म्म॒रुता॒ग्ं॒ शर्ध॑ उ॒ग्रम् । म॒हाम॑नसा-म्भुवनच्य॒वाना॒-ङ्घोषो॑ दे॒वाना॒-ञ्जय॑ता॒ मुद॑स्थात् ॥ अ॒स्माक॒-मिन्द्र॒-स्समृ॑तेषु ध्व॒जेष्व॒स्माकं॒-याँ इष॑व॒स्ता ज॑यन्तु । 4.6.18
अ॒स्माकं॑-वीँ॒रा उत्त॑रे भवन्त्व॒स्मानु॑ देवा अवता॒ हवे॑षु ॥ उद्ध॑र्षय मघव॒न्ना-यु॑धा॒-न्युथ्सत्व॑ना-म्माम॒काना॒-म्महाग्ं॑सि । उद्वृ॑त्रहन् वा॒जिनां॒-वाँजि॑ना॒न्यु-द्रथा॑ना॒-ञ्जय॑तामेतु॒ घोषः॑ ॥ उप॒ प्रेत॒ जय॑ता नरस्स्थि॒रा वः॑ सन्तु बा॒हवः॑ । इन्द्रो॑ व॒-श्शर्म॑ यच्छ त्वना-धृ॒ष्या यथास॑थ ॥ अव॑सृष्टा॒ परा॑ पत॒ शर॑व्ये॒ ब्रह्म॑ सग्ंशिता । गच्छा॒-ऽमित्रा॒-न्प्र- [गच्छा॒-ऽमित्रा॒-न्प्र, वि॒श॒ मैषा॒-] 4.6.19
-वि॑श॒ मैषा॒-ङ्कञ्च॒नोच्छि॑षः ॥ मर्मा॑णि ते॒ वर्म॑भिश्छादयामि॒ सोम॑स्त्वा॒ राजा॒ ऽमृते॑ना॒भि-व॑स्ताम् । उ॒रोर्वरी॑यो॒ वरि॑वस्ते अस्तु॒ जय॑न्त॒-न्त्वामनु॑ मदन्तु दे॒वाः ॥ यत्र॑ बा॒णा-स्स॒म्पत॑न्ति कुमा॒रा वि॑शि॒खा इ॑व । इन्द्रो॑ न॒स्तत्र॑ वृत्र॒हा वि॑श्वा॒हा शर्म॑ यच्छतु ॥ 4.6.20 ॥
जी॒मूत॑स्येव भवति॒ प्रती॑कं॒-यँद्व॒र्मी याति॑ स॒मदा॑मु॒पस्थे᳚ । अना॑विद्धया त॒नुवा॑ जय॒ त्वग्ं स त्वा॒ वर्म॑णो महि॒मा पि॑पर्तु ॥ धन्व॑ना॒ गा धन्व॑ना॒-ऽऽजि-ञ्ज॑येम॒ धन्व॑ना ती॒व्रा-स्स॒मदो॑ जयेम । धनु॒-श्शत्रो॑रपका॒म-ङ्कृ॑णोति॒ धन्व॑ना॒ सर्वाः᳚ प्र॒दिशो॑ जयेम ॥ व॒क्ष्यन्ती॒वेदा ग॑नीगन्ति॒ कर्ण॑-म्प्रि॒यग्ं सखा॑य-म्परिषस्वजा॒ना । योषे॑व शिङ्क्ते॒ वित॒ता-ऽधि॒ धन्व॒- [धन्वन्न्॑, ज्या इ॒यग्ं] 4.6.27
-ञ्ज्या इ॒यग्ं सम॑ने पा॒रय॑न्ती ॥ ते आ॒चर॑न्ती॒ सम॑नेव॒ योषा॑ मा॒तेव॑ पु॒त्र-म्बि॑भृतामु॒पस्थे᳚ । अप॒ शत्रून्॑ विद्ध्यताग्ं संविँदा॒ने आर्त्नी॑ इ॒मे वि॑ष्फु॒रन्ती॑ अ॒मित्रान्॑ ॥ ब॒ह्वी॒ना-म्पि॒ता ब॒हुर॑स्य पु॒त्रश्चि॒श्चा कृ॑णोति॒ सम॑ना-ऽव॒गत्य॑ । इ॒षु॒धि-स्सङ्काः॒ पृत॑नाश्च॒ सर्वाः᳚ पृ॒ष्ठे निन॑द्धो जयति॒ प्रसू॑तः ॥ रथे॒ तिष्ठ॑-न्नयति वा॒जिनः॑ पु॒रो यत्र॑यत्र का॒मय॑ते सुषार॒थिः । अ॒भीशू॑ना-म्महि॒मान॑- [महि॒मान᳚म्, प॒ना॒य॒त॒ मनः॑] 4.6.28
-म्पनायत॒ मनः॑ प॒श्चादनु॑ यच्छन्ति र॒श्मयः॑ ॥ ती॒व्रा-न्घोषा᳚न् कृण्वते॒ वृष॑पाण॒यो-ऽश्वा॒ रथे॑भि-स्स॒ह वा॒जय॑न्तः । अ॒व॒क्राम॑न्तः॒ प्रप॑दैर॒मित्रा᳚न् क्षि॒णन्ति॒ शत्रू॒ग्ं॒रन॑पव्ययन्तः ॥ र॒थ॒वाह॑नग्ं ह॒विर॑स्य॒ नाम॒ यत्रा-ऽऽयु॑ध॒-न्निहि॑तमस्य॒ वर्म॑ । तत्रा॒ रथ॒मुप॑ श॒ग्मग्ं स॑देम वि॒श्वाहा॑ व॒यग्ं सु॑मन॒स्यमा॑नाः ॥ स्वा॒दु॒ष॒ग्ं॒ सदः॑ पि॒तरो॑ वयो॒धाः कृ॑च्छ्रे॒श्रित॒-श्शक्ती॑वन्तो गभी॒राः । चि॒त्रसे॑ना॒ इषु॑बला॒ अमृ॑द्ध्रा-स्स॒तोवी॑रा उ॒रवो᳚ व्रातसा॒हाः ॥ ब्राह्म॑णासः॒ [ब्राह्म॑णासः, पित॑र॒-] 4.6.29
पित॑र॒-स्सोम्या॑स-श्शि॒वे नो॒ द्यावा॑पृथि॒वी अ॑ने॒हसा᳚ । पू॒षा नः॑ पातु दुरि॒तादृ॑तावृधो॒ रक्षा॒ माकि॑र्नो अ॒घशग्ं॑स ईशत ॥ सु॒प॒र्णं-वँ॑स्ते मृ॒गो अ॑स्या॒ दन्तो॒ गोभि॒-स्सन्न॑द्धा पतति॒ प्रसू॑ता । यत्रा॒ नर॒-स्स-ञ्च॒ वि च॒ द्रव॑न्ति॒ तत्रा॒स्मभ्य॒मिष॑व॒-श्शर्म॑ यग्ंसन्न् ॥ ऋजी॑ते॒ परि॑ वृङ्ग्धि॒ नो-ऽश्मा॑ भवतु नस्त॒नूः । सोमो॒ अधि॑ ब्रवीतु॒ नो-ऽदि॑ति॒- [नो-ऽदि॑तिः, शर्म॑ यच्छतु ।] 4.6.30
-श्शर्म॑ यच्छतु ॥ आ ज॑ङ्घन्ति॒ सान्वे॑षा-ञ्ज॒घना॒ग्ं॒ उप॑ जिघ्नते । अश्वा॑जनि॒ प्रचे॑त॒सो-ऽश्वा᳚न्-थ्स॒मथ्सु॑ चोदय ॥ अहि॑रिव भो॒गैः पर्ये॑ति बा॒हु-ञ्ज्याया॑ हे॒ति-म्प॑रि॒बाध॑मानः । ह॒स्त॒घ्नो विश्वा॑ व॒युना॑नि वि॒द्वा-न्पुमा॒-न्पुमाग्ं॑स॒-म्परि॑ पातु वि॒श्वतः॑ ॥ वन॑स्पते वी॒ड्व॑ङ्गो॒ हि भू॒या अ॒स्म-थ्स॑खा प्र॒तर॑ण-स्सु॒वीरः॑ । गोभि॒-स्सन्न॑द्धो असि वी॒डय॑स्वा-ऽऽस्था॒ता ते॑ जयतु॒ जेत्वा॑नि ॥ दि॒वः पृ॑थि॒व्याः प- [परि॑, ओज॒ उ-द्भृ॑तं॒-] 4.6.31
-र्योज॒ उ-द्भृ॑तं॒-वँन॒स्पति॑भ्यः॒ पर्याभृ॑त॒ग्ं॒ सहः॑ । अ॒पामो॒ज्मान॒-म्परि॒ गोभि॒रावृ॑त॒मिन्द्र॑स्य॒ वज्रग्ं॑ ह॒विषा॒ रथं॑-यँज ॥ इन्द्र॑स्य॒ वज्रो॑ म॒रुता॒मनी॑क-म्मि॒त्रस्य॒ गर्भो॒ वरु॑णस्य॒ नाभिः॑ । सेमा-न्नो॑ ह॒व्यदा॑ति-ञ्जुषा॒णो देव॑ रथ॒ प्रति॑ ह॒व्या गृ॑भाय ॥ उप॑ श्वासय पृथि॒वीमु॒त द्या-म्पु॑रु॒त्रा ते॑ मनुतां॒-विँष्ठि॑त॒-ञ्जग॑त् । स दु॑न्दुभे स॒जूरिन्द्रे॑ण दे॒वैर्दू॒रा- [दे॒वैर्दू॒रात्, दवी॑यो॒] 4.6.32
-द्दवी॑यो॒ अप॑सेध॒ शत्रून्॑ ॥ आ क्र॑न्दय॒ बल॒मोजो॑ न॒ आ धा॒ निष्ट॑निहि दुरि॒ता बाध॑मानः । अप॑ प्रोथ दुन्दुभे दु॒च्छुनाग्ं॑ इ॒त इन्द्र॑स्य मु॒ष्टिर॑सि वी॒डय॑स्व ॥ आ-ऽमूर॑ज प्र॒त्याव॑र्तये॒माः के॑तु॒म-द्दु॑न्दु॒भि र्वा॑वदीति । समश्व॑पर्णा॒श्चर॑न्ति नो॒ नरो॒-ऽस्माक॑मिन्द्र र॒थिनो॑ जयन्तु ॥ 4.6.33 ॥
ममा᳚ग्ने॒ वर्चो॑ विह॒वेष्व॑स्तु व॒य-न्त्वेन्धा॑ना स्त॒नुव॑-म्पुषेम । मह्य॑-न्नमन्ता-म्प्र॒दिश॒श्चत॑स्र॒ स्त्वया-ऽद्ध्य॑क्षेण॒ पृत॑ना जयेम ॥ मम॑ दे॒वा वि॑ह॒वे स॑न्तु॒ सर्व॒ इन्द्रा॑वन्तो म॒रुतो॒ विष्णु॑र॒ग्निः । ममा॒न्तरि॑क्ष मु॒रु गो॒पम॑स्तु॒ मह्यं॒-वाँतः॑ पवता॒-ङ्कामे॑ अ॒स्मिन्न् ॥ मयि॑ दे॒वा द्रवि॑ण॒ माय॑जन्ता॒-म्मय्या॒ शीर॑स्तु॒ मयि॑ दे॒वहू॑तिः । दैव्या॒ होता॑रा वनिषन्त॒ [वनिषन्त, पूर्वे ऽरि॑ष्टा-स्स्याम] 4.7.29
पूर्वे ऽरि॑ष्टा-स्स्याम त॒नुवा॑ सु॒वीराः᳚ ॥ मह्यं॑-यँजन्तु॒ मम॒ यानि॑ ह॒व्या-ऽऽकू॑ति-स्स॒त्या मन॑सो मे अस्तु । एनो॒ मानिगा᳚-ङ्कत॒मच्च॒नाहं-विँश्वे॑ देवासो॒ अधि॑वोच ता मे ॥ देवी᳚-ष्षडुर्वीरु॒रुणः॑ कृणोत॒ विश्वे॑ देवा स इ॒ह वी॑रयद्ध्वम् । माहा᳚स्महि प्र॒जया॒ मा त॒नूभि॒र्मा र॑धाम द्विष॒ते सो॑म राजन्न् ॥ अ॒ग्निर्म॒न्यु-म्प्र॑तिनु॒द-न्पु॒रस्ता॒- [प्र॑तिनु॒द-न्पु॒रस्ता᳚त्, अद॑ब्धो गो॒पाः] 4.7.30
-दद॑ब्धो गो॒पाः परि॑पाहि न॒स्त्वम् । प्र॒त्यञ्चो॑ यन्तु नि॒गुतः॒ पुन॒स्ते॑ ऽमैषा᳚-ञ्चि॒त्त-म्प्र॒बुधा॒ विने॑शत् ॥ धा॒ता धा॑तृ॒णा-म्भुव॑नस्य॒ यस्पति॑ र्दे॒वग्ं स॑वि॒तार॑मभि माति॒षाह᳚म् । इ॒मं-यँ॒ज्ञ म॒श्विनो॒भा बृह॒स्पति॑ र्दे॒वाः पा᳚न्तु॒ यज॑मान-न्न्य॒र्थात् ॥ उ॒रु॒व्यचा॑ नो महि॒ष-श्शर्म॑ यग्ं सद॒स्मिन्. हवे॑ पुरुहू॒तः पु॑रु॒क्षु । स नः॑ प्र॒जायै॑ हर्यश्व मृड॒येन्द्र॒ मा [मृड॒येन्द्र॒ मा, नो॒ री॒रि॒षो॒ मा परा॑ दाः ।] 4.7.31
नो॑ रीरिषो॒ मा परा॑ दाः ॥ ये नः॑ स॒पत्ना॒ अप॒ते भ॑वन्त्विन्द्रा॒-ग्निभ्या॒मव॑ बाधामहे॒ तान् । वस॑वो रु॒द्रा आ॑दि॒त्या उ॑परि॒ स्पृश॑-म्मो॒ग्र-ञ्चेत्ता॑रमधि रा॒जम॑क्रन्न् ॥ अ॒र्वाञ्च॒ मिन्द्र॑म॒मुतो॑ हवामहे॒ यो गो॒जि-द्ध॑न॒-जिद॑श्व॒-जिद्यः । इ॒मन्नो॑ य॒ज्ञं-विँ॑ह॒वे जु॑षस्वा॒स्य कु॑र्मो हरिवो मे॒दिन॑-न्त्वा ॥ 4.7.32 ॥
अ॒ग्नेर्म॑न्वे प्रथ॒मस्य॒ प्रचे॑तसो॒ य-म्पाञ्च॑जन्य-म्ब॒हवः॑ समि॒न्धते᳚ । विश्व॑स्यां-विँ॒शि प्र॑विविशि॒वाग्ं स॑मीमहे॒ स नो॑ मुञ्च॒त्वग्ं ह॑सः ॥ यस्ये॒द-म्प्रा॒णन्नि॑मि॒ष-द्यदेज॑ति॒ यस्य॑ जा॒त-ञ्जन॑मान-ञ्च॒ केव॑लम् । स्तौम्य॒ग्नि-न्ना॑थि॒तो जो॑हवीमि॒ स नो॑ मुञ्च॒त्वग्ं ह॑सः ॥ इन्द्र॑स्य मन्ये प्रथ॒मस्य॒ प्रचे॑तसो वृत्र॒घ्न-स्स्तोमा॒ उप॒ मामु॒पागुः॑ । यो दा॒शुषः॑ सु॒कृतो॒ हव॒मुप॒ गन्ता॒ [गन्ता᳚, स नो॑ मुञ्च॒त्वग्ं ह॑सः ।] 4.7.33
स नो॑ मुञ्च॒त्वग्ं ह॑सः ॥ य-स्स॑ङ्ग्रा॒म-न्नय॑ति॒ सं-वँ॒शी यु॒धे यः पु॒ष्टानि॑ सग्ंसृ॒जति॑ त्र॒याणि॑ । स्तौमीन्द्र॑-न्नाथि॒तो जो॑हवीमि॒ स नो॑ मुञ्च॒त्वग्ं ह॑सः ॥ म॒न्वे वा᳚-म्मित्रा वरुणा॒ तस्य॑ वित्त॒ग्ं॒ सत्यौ॑जसा दृग्ंहणा॒ य-न्नु॒देथे᳚ । या राजा॑नग्ं स॒रथं॑-याँ॒थ उ॑ग्रा॒ ता नो॑ मुञ्चत॒माग॑सः ॥ यो वा॒ग्ं॒ रथ॑ ऋ॒जुर॑श्मि-स्स॒त्यध॑र्मा॒ मिथु॒ श्चर॑न्त-मुप॒याति॑ दू॒षयन्न्॑ । स्तौमि॑ [ ] 4.7.34
मि॒त्रावरु॑णा नाथि॒तो जो॑हवीमि॒ तौ नो॑ मुञ्चत॒माग॑सः ॥ वा॒यो-स्स॑वि॒तु र्वि॒दथा॑नि मन्महे॒ यावा᳚त्म॒न्व-द्बि॑भृ॒तो यौ च॒ रक्ष॑तः । यौ विश्व॑स्य परि॒भू ब॑भू॒वतु॒स्तौ नो॑ मुञ्चत॒माग॑सः ॥ उप॒ श्रेष्ठा॑न आ॒शिषो॑ दे॒वयो॒र्धर्मे॑ अस्थिरन्न् । स्तौमि॑ वा॒युग्ं स॑वि॒तार॑-न्नाथि॒तो जो॑हवीमि॒ तौ नो॑ मुञ्चत॒माग॑सः ॥ र॒थीत॑मौ रथी॒नाम॑ह्व ऊ॒तये॒ शुभ॒-ङ्गमि॑ष्ठौ सु॒यमे॑भि॒रश्वैः᳚ । ययो᳚- [ययोः᳚, वा॒-न्दे॒वौ॒ दे॒वेष्व-नि॑शित॒-] 4.7.35
-र्वा-न्देवौ दे॒वेष्व-नि॑शित॒-मोज॒स्तौ नो॑ मुञ्चत॒माग॑सः ॥ यदया॑तं-वఁ%ह॒तुग्ं सू॒र्याया᳚-स्त्रिच॒क्रेण॑ स॒ग्ं॒ सद॑मि॒च्छमा॑नौ । स्तौमि॑ दे॒वा व॒श्विनौ॑ नाथि॒तो जो॑हवीमि॒ तौ नो॑ मुञ्चत॒माग॑सः ॥ म॒रुता᳚-म्मन्वे॒ अधि॑नो ब्रुवन्तु॒ प्रेमां-वाँचं॒-विँश्वा॑ मवन्तु॒ विश्वे᳚ । आ॒शून्. हु॑वे सु॒यमा॑नू॒तये॒ ते नो॑ मुञ्च॒न्त्वेन॑सः ॥ ति॒ग्ममायु॑धं-वीँडि॒तग्ं सह॑स्व-द्दि॒व्यग्ं शर्धः॒ [शर्धः॑, पृत॑नासु जि॒ष्णु ।] 4.7.36
पृत॑नासु जि॒ष्णु । स्तौमि॑ दे॒वा-न्म॒रुतो॑ नाथि॒तो जो॑हवीमि॒ ते नो॑ मुञ्च॒न्त्वेन॑सः ॥ दे॒वाना᳚-म्मन्वे॒ अधि॑ नो ब्रुवन्तु॒ प्रेमां-वाँचं॒-विँश्वा॑मवन्तु॒ विश्वे᳚ । आ॒शून्. हु॑वे सु॒यमा॑नू॒तये॒ ते नो॑ मुञ्च॒न्त्वेन॑सः ॥ यदि॒द-म्मा॑-ऽभि॒शोच॑ति॒ पौरु॑षेयेण॒ दैव्ये॑न । स्तौमि॒ विश्वा᳚-न्दे॒वा-न्ना॑थि॒तो जो॑हवीमि॒ ते नो॑ मुञ्च॒न्त्वेन॑सः ॥ अनु॑नो॒-ऽद्यानु॑मति॒ र- [अनु॑नो॒-ऽद्यानु॑मति॒ रनु॑, इद॑नुमते॒] 4.7.37
-न्विद॑नुमते॒ त्वं ँवै᳚श्वान॒रो न॑ ऊ॒त्यापृ॒ष्टो दि॒वि> 4 ॥ ये अप्र॑थेता॒-ममि॑तेभि॒ रोजो॑भि॒ र्ये प्र॑ति॒ष्ठे अभ॑वतां॒-वँसू॑नाम् । स्तौमि॒ द्यावा॑ पृथि॒वी ना॑थि॒तो जो॑हवीमि॒ ते नो॑ मुञ्चत॒मग्ं ह॑सः ॥ उर्वी॑ रोदसी॒ वरि॑वः कृणोत॒-ङ्क्षेत्र॑स्य पत्नी॒ अधि॑ नो ब्रूयातम् । स्तौमि॒ द्यावा॑ पृथि॒वी ना॑थि॒तो जो॑हवीमि॒ ते नो॑ मुञ्चत॒मग्ं ह॑सः ॥ य-त्ते॑ व॒य-म्पु॑रुष॒त्रा य॑वि॒ष्ठा वि॑द्वाग्ंसश्चकृ॒मा कच्च॒ना- [कच्च॒न, आगः॑ ।] 4.7.38
-ऽऽगः॑ । कृ॒धी स्व॑स्माग्ं अदि॑ते॒रना॑गा॒ व्येनाग्ं॑सि शिश्रथो॒ विष्व॑गग्ने ॥ यथा॑ ह॒ त-द्व॑सवो गौ॒र्य॑-ञ्चि-त्प॒दिषि॒ता ममु॑ञ्चता यजत्राः । ए॒वा त्वम॒स्म-त्प्रमु॑ञ्चा॒ व्यग्ंहः॒ प्राता᳚र्यग्ने प्रत॒रान्न॒ आयुः॑ ॥ 4.7.39 ॥
śrī kṛṣṇa yajurveda saṃhitāntargatīya svastivācanam
ā॒śu-śśiśā̭no vṛṣa॒bho na yu॒ddhmo gha̭nāgha॒naḥ, kṣobha̭ṇa-ścarṣaṇī॒nām | sa॒ṅkranda̭no-'nimi॒ṣa ḙka vī॒ra-śśa॒tagṃ senā̭ ajaya-thsā॒kamindraḥ̭ || sa॒ṅkranda̭nenā nimi॒ṣeṇa̭ ji॒ṣṇunā̭ yutkā॒reṇa̭ duścyava॒nena̭ dhṛ॒ṣṇunā᳚ | tadindrḙṇa jayata॒ ta-thsa̭haddhvaṃ॒-yu~dho̭ nara॒ iṣṷhastena॒ vṛṣṇā᳚ || sa iṣṷhastai॒-ssa ni̭ṣa॒ṅgibhi̭rva॒śī saggsra̭ṣṭā॒ sa yudha॒ indro̭ ga॒ṇena̭ | sa॒gṃ॒sṛ॒ṣṭa॒ji-thso̭ma॒pā bā̭huśa॒rdhyū᳚rdhvadha̭nvā॒ prati̭hitābhi॒rastā᳚ || bṛha̭spate॒ pari̭ dīyā॒ [pari̭ dīya, rathḙna] 4.6.16
rathḙna rakṣo॒hā 'mitrāgṃ̭ apa॒ bādha̭mānaḥ | pra॒bha॒ñjan-thsenāḥ᳚ pramṛ॒ṇo yu॒dhā jaya̭nna॒smāka̭-meddhyavi॒tā rathā̭nām || go॒tra॒bhida̭-ṅgo॒vidaṃ॒-va~jra̭bāhu॒-ñjaya̭nta॒majma̭ pramṛ॒ṇanta॒-moja̭sā | i॒magṃ sa̭jātā॒ anṷvīra-yaddhva॒mindragṃ̭ sakhā॒yo-'nu॒ sagṃ ra̭bhaddhvam || ba॒la॒vi॒jñā॒yaḥ-sthavi̭raḥ॒ pravī̭ra॒-ssaha̭svān. vā॒jī saha̭māna u॒graḥ | a॒bhivī̭ro a॒bhisa̭tvā saho॒jā jaitra̭mindra॒ ratha॒māti̭ṣṭha go॒vit || a॒bhi go॒trāṇi॒ saha̭sā॒ gāha̭māno-'dā॒yo [gāha̭māno-'dā॒yaḥ, vī॒ra-śśa॒tama̭nyu॒rindraḥ̭ |] 4.6.17
vī॒ra-śśa॒tama̭nyu॒rindraḥ̭ | du॒ścya॒va॒naḥ pṛ̭tanā॒ṣāḍa̭ yu॒ddhyo᳚-smāka॒gṃ॒ senā̭ avatu॒ pra yu॒thsu || indra̭ āsāṃ-ne॒tā bṛha॒spati॒ rdakṣi̭ṇā ya॒jñaḥ pu॒ra ḙtu॒ somaḥ̭ | de॒va॒se॒nānā̭-mabhibhañjatī॒nā-ñjaya̭ntīnā-mma॒ruto̭ ya॒ntvagre᳚ || indra̭sya॒ vṛṣṇo॒ varṷṇasya॒ rājña̭ ādi॒tyānā᳚-mma॒rutā॒gṃ॒ śardha̭ u॒gram | ma॒hāma̭nasā-mbhuvanacya॒vānā॒-ṅghoṣo̭ de॒vānā॒-ñjaya̭tā॒ muda̭sthāt || a॒smāka॒-mindra॒-ssamṛ̭teṣu dhva॒jeṣva॒smākaṃ॒-yā~ iṣa̭va॒stā ja̭yantu | 4.6.18
a॒smākaṃ̭-vī~॒rā utta̭re bhavantva॒smānṷ devā avatā॒ havḙṣu || uddha̭rṣaya maghava॒nnā-yṷdhā॒-nyuthsatva̭nā-mmāma॒kānā॒-mmahāgṃ̭si | udvṛ̭trahan vā॒jināṃ॒-vā~ji̭nā॒nyu-drathā̭nā॒-ñjaya̭tāmetu॒ ghoṣaḥ̭ || upa॒ preta॒ jaya̭tā narassthi॒rā vaḥ̭ santu bā॒havaḥ̭ | indro̭ va॒-śśarma̭ yaccha tvanā-dhṛ॒ṣyā yathāsa̭tha || ava̭sṛṣṭā॒ parā̭ pata॒ śara̭vye॒ brahma̭ sagṃśitā | gacchā॒-'mitrā॒-npra- [gacchā॒-'mitrā॒-npra, vi॒śa॒ maiṣā॒-] 4.6.19
-vi̭śa॒ maiṣā॒-ṅkañca॒nocchi̭ṣaḥ || marmā̭ṇi te॒ varma̭bhiśchādayāmi॒ soma̭stvā॒ rājā॒ 'mṛtḙnā॒bhi-va̭stām | u॒rorvarī̭yo॒ vari̭vaste astu॒ jaya̭nta॒-ntvāmanṷ madantu de॒vāḥ || yatra̭ bā॒ṇā-ssa॒mpata̭nti kumā॒rā vi̭śi॒khā i̭va | indro̭ na॒statra̭ vṛtra॒hā vi̭śvā॒hā śarma̭ yacchatu || 4.6.20 ||
jī॒mūta̭syeva bhavati॒ pratī̭kaṃ॒-ya~dva॒rmī yāti̭ sa॒madā̭mu॒pasthe᳚ | anā̭viddhayā ta॒nuvā̭ jaya॒ tvagṃ sa tvā॒ varma̭ṇo mahi॒mā pi̭partu || dhanva̭nā॒ gā dhanva̭nā॒-''ji-ñja̭yema॒ dhanva̭nā tī॒vrā-ssa॒mado̭ jayema | dhanu॒-śśatro̭rapakā॒ma-ṅkṛ̭ṇoti॒ dhanva̭nā॒ sarvāḥ᳚ pra॒diśo̭ jayema || va॒kṣyantī॒vedā ga̭nīganti॒ karṇa̭-mpri॒yagṃ sakhā̭ya-mpariṣasvajā॒nā | yoṣḙva śiṅkte॒ vita॒tā-'dhi॒ dhanva॒- [dhanvanṋ, jyā i॒yagṃ] 4.6.27
-ñjyā i॒yagṃ sama̭ne pā॒raya̭ntī || te ā॒cara̭ntī॒ sama̭neva॒ yoṣā̭ mā॒teva̭ pu॒tra-mbi̭bhṛtāmu॒pasthe᳚ | apa॒ śatrūṋ viddhyatāgṃ saṃvi~dā॒ne ārtnī̭ i॒me vi̭ṣphu॒rantī̭ a॒mitrāṋ || ba॒hvī॒nā-mpi॒tā ba॒hura̭sya pu॒traści॒ścā kṛ̭ṇoti॒ sama̭nā-'va॒gatya̭ | i॒ṣu॒dhi-ssaṅkāḥ॒ pṛta̭nāśca॒ sarvāḥ᳚ pṛ॒ṣṭhe nina̭ddho jayati॒ prasṷ̄taḥ || rathe॒ tiṣṭha̭-nnayati vā॒jinaḥ̭ pu॒ro yatra̭yatra kā॒maya̭te suṣāra॒thiḥ | a॒bhīśṷ̄nā-mmahi॒māna̭- [mahi॒māna᳚m, pa॒nā॒ya॒ta॒ manaḥ̭] 4.6.28
-mpanāyata॒ manaḥ̭ pa॒ścādanṷ yacchanti ra॒śmayaḥ̭ || tī॒vrā-nghoṣā᳚n kṛṇvate॒ vṛṣa̭pāṇa॒yo-'śvā॒ rathḙbhi-ssa॒ha vā॒jaya̭ntaḥ | a॒va॒krāma̭ntaḥ॒ prapa̭daira॒mitrā᳚n kṣi॒ṇanti॒ śatrū॒gṃ॒rana̭pavyayantaḥ || ra॒tha॒vāha̭nagṃ ha॒vira̭sya॒ nāma॒ yatrā-''yṷdha॒-nnihi̭tamasya॒ varma̭ | tatrā॒ ratha॒mupa̭ śa॒gmagṃ sa̭dema vi॒śvāhā̭ va॒yagṃ sṷmana॒syamā̭nāḥ || svā॒du॒ṣa॒gṃ॒ sadaḥ̭ pi॒taro̭ vayo॒dhāḥ kṛ̭cchre॒śrita॒-śśaktī̭vanto gabhī॒rāḥ | ci॒trasḙnā॒ iṣṷbalā॒ amṛ̭ddhrā-ssa॒tovī̭rā u॒ravo᳚ vrātasā॒hāḥ || brāhma̭ṇāsaḥ॒ [brāhma̭ṇāsaḥ, pita̭ra॒-] 4.6.29
pita̭ra॒-ssomyā̭sa-śśi॒ve no॒ dyāvā̭pṛthi॒vī a̭ne॒hasā᳚ | pū॒ṣā naḥ̭ pātu duri॒tādṛ̭tāvṛdho॒ rakṣā॒ māki̭rno a॒ghaśagṃ̭sa īśata || su॒pa॒rṇaṃ-va~̭ste mṛ॒go a̭syā॒ danto॒ gobhi॒-ssanna̭ddhā patati॒ prasṷ̄tā | yatrā॒ nara॒-ssa-ñca॒ vi ca॒ drava̭nti॒ tatrā॒smabhya॒miṣa̭va॒-śśarma̭ yagṃsann || ṛjī̭te॒ pari̭ vṛṅgdhi॒ no-'śmā̭ bhavatu nasta॒nūḥ | somo॒ adhi̭ bravītu॒ no-'di̭ti॒- [no-'di̭tiḥ, śarma̭ yacchatu |] 4.6.30
-śśarma̭ yacchatu || ā ja̭ṅghanti॒ sānvḙṣā-ñja॒ghanā॒gṃ॒ upa̭ jighnate | aśvā̭jani॒ pracḙta॒so-'śvā᳚n-thsa॒mathsṷ codaya || ahi̭riva bho॒gaiḥ paryḙti bā॒hu-ñjyāyā̭ he॒ti-mpa̭ri॒bādha̭mānaḥ | ha॒sta॒ghno viśvā̭ va॒yunā̭ni vi॒dvā-npumā॒-npumāgṃ̭sa॒-mpari̭ pātu vi॒śvataḥ̭ || vana̭spate vī॒ḍva̭ṅgo॒ hi bhū॒yā a॒sma-thsa̭khā pra॒tara̭ṇa-ssu॒vīraḥ̭ | gobhi॒-ssanna̭ddho asi vī॒ḍaya̭svā-''sthā॒tā tḙ jayatu॒ jetvā̭ni || di॒vaḥ pṛ̭thi॒vyāḥ pa- [pari̭, oja॒ u-dbhṛ̭taṃ॒-] 4.6.31
-ryoja॒ u-dbhṛ̭taṃ॒-va~na॒spati̭bhyaḥ॒ paryābhṛ̭ta॒gṃ॒ sahaḥ̭ | a॒pāmo॒jmāna॒-mpari॒ gobhi॒rāvṛ̭ta॒mindra̭sya॒ vajragṃ̭ ha॒viṣā॒ rathaṃ̭-ya~ja || indra̭sya॒ vajro̭ ma॒rutā॒manī̭ka-mmi॒trasya॒ garbho॒ varṷṇasya॒ nābhiḥ̭ | semā-nno̭ ha॒vyadā̭ti-ñjuṣā॒ṇo deva̭ ratha॒ prati̭ ha॒vyā gṛ̭bhāya || upa̭ śvāsaya pṛthi॒vīmu॒ta dyā-mpṷru॒trā tḙ manutāṃ॒-vi~ṣṭhi̭ta॒-ñjaga̭t | sa dṷndubhe sa॒jūrindrḙṇa de॒vairdū॒rā- [de॒vairdū॒rāt, davī̭yo॒] 4.6.32
-ddavī̭yo॒ apa̭sedha॒ śatrūṋ || ā kra̭ndaya॒ bala॒mojo̭ na॒ ā dhā॒ niṣṭa̭nihi duri॒tā bādha̭mānaḥ | apa̭ protha dundubhe du॒cchunāgṃ̭ i॒ta indra̭sya mu॒ṣṭira̭si vī॒ḍaya̭sva || ā-'mūra̭ja pra॒tyāva̭rtaye॒māḥ kḙtu॒ma-ddṷndu॒bhi rvā̭vadīti | samaśva̭parṇā॒ścara̭nti no॒ naro॒-'smāka̭mindra ra॒thino̭ jayantu || 4.6.33 ||
mamā᳚gne॒ varco̭ viha॒veṣva̭stu va॒ya-ntvendhā̭nā sta॒nuva̭-mpuṣema | mahya̭-nnamantā-mpra॒diśa॒ścata̭sra॒ stvayā-'ddhya̭kṣeṇa॒ pṛta̭nā jayema || mama̭ de॒vā vi̭ha॒ve sa̭ntu॒ sarva॒ indrā̭vanto ma॒ruto॒ viṣṇṷra॒gniḥ | mamā॒ntari̭kṣa mu॒ru go॒pama̭stu॒ mahyaṃ॒-vā~taḥ̭ pavatā॒-ṅkāmḙ a॒sminn || mayi̭ de॒vā dravi̭ṇa॒ māya̭jantā॒-mmayyā॒ śīra̭stu॒ mayi̭ de॒vahṷ̄tiḥ | daivyā॒ hotā̭rā vaniṣanta॒ [vaniṣanta, pūrve 'ri̭ṣṭā-ssyāma] 4.7.29
pūrve 'ri̭ṣṭā-ssyāma ta॒nuvā̭ su॒vīrāḥ᳚ || mahyaṃ̭-ya~jantu॒ mama॒ yāni̭ ha॒vyā-''kṷ̄ti-ssa॒tyā mana̭so me astu | eno॒ mānigā᳚-ṅkata॒macca॒nāhaṃ-vi~śvḙ devāso॒ adhi̭voca tā me || devī᳚-ṣṣaḍurvīru॒ruṇaḥ̭ kṛṇota॒ viśvḙ devā sa i॒ha vī̭rayaddhvam | māhā᳚smahi pra॒jayā॒ mā ta॒nūbhi॒rmā ra̭dhāma dviṣa॒te so̭ma rājann || a॒gnirma॒nyu-mpra̭tinu॒da-npu॒rastā॒- [pra̭tinu॒da-npu॒rastā᳚t, ada̭bdho go॒pāḥ] 4.7.30
-dada̭bdho go॒pāḥ pari̭pāhi na॒stvam | pra॒tyañco̭ yantu ni॒gutaḥ॒ puna॒stḙ 'maiṣā᳚-ñci॒tta-mpra॒budhā॒ vinḙśat || dhā॒tā dhā̭tṛ॒ṇā-mbhuva̭nasya॒ yaspati̭ rde॒vagṃ sa̭vi॒tāra̭mabhi māti॒ṣāha᳚m | i॒maṃ-ya~॒jña ma॒śvino॒bhā bṛha॒spati̭ rde॒vāḥ pā᳚ntu॒ yaja̭māna-nnya॒rthāt || u॒ru॒vyacā̭ no mahi॒ṣa-śśarma̭ yagṃ sada॒smin. havḙ puruhū॒taḥ pṷru॒kṣu | sa naḥ̭ pra॒jāyai̭ haryaśva mṛḍa॒yendra॒ mā [mṛḍa॒yendra॒ mā, no॒ rī॒ri॒ṣo॒ mā parā̭ dāḥ |] 4.7.31
no̭ rīriṣo॒ mā parā̭ dāḥ || ye naḥ̭ sa॒patnā॒ apa॒te bha̭vantvindrā॒-gnibhyā॒mava̭ bādhāmahe॒ tān | vasa̭vo ru॒drā ā̭di॒tyā ṷpari॒ spṛśa̭-mmo॒gra-ñcettā̭ramadhi rā॒jama̭krann || a॒rvāñca॒ mindra̭ma॒muto̭ havāmahe॒ yo go॒ji-ddha̭na॒-jida̭śva॒-jidyaḥ | i॒manno̭ ya॒jñaṃ-vi~̭ha॒ve jṷṣasvā॒sya kṷrmo harivo me॒dina̭-ntvā || 4.7.32 ||
a॒gnerma̭nve pratha॒masya॒ pracḙtaso॒ ya-mpāñca̭janya-mba॒havaḥ̭ sami॒ndhate᳚ | viśva̭syāṃ-vi~॒śi pra̭viviśi॒vāgṃ sa̭mīmahe॒ sa no̭ muñca॒tvagṃ ha̭saḥ || yasye॒da-mprā॒ṇanni̭mi॒ṣa-dyadeja̭ti॒ yasya̭ jā॒ta-ñjana̭māna-ñca॒ keva̭lam | staumya॒gni-nnā̭thi॒to jo̭havīmi॒ sa no̭ muñca॒tvagṃ ha̭saḥ || indra̭sya manye pratha॒masya॒ pracḙtaso vṛtra॒ghna-sstomā॒ upa॒ māmu॒pāguḥ̭ | yo dā॒śuṣaḥ̭ su॒kṛto॒ hava॒mupa॒ gantā॒ [gantā᳚, sa no̭ muñca॒tvagṃ ha̭saḥ |] 4.7.33
sa no̭ muñca॒tvagṃ ha̭saḥ || ya-ssa̭ṅgrā॒ma-nnaya̭ti॒ saṃ-va~॒śī yu॒dhe yaḥ pu॒ṣṭāni̭ sagṃsṛ॒jati̭ tra॒yāṇi̭ | staumīndra̭-nnāthi॒to jo̭havīmi॒ sa no̭ muñca॒tvagṃ ha̭saḥ || ma॒nve vā᳚-mmitrā varuṇā॒ tasya̭ vitta॒gṃ॒ satyaṷjasā dṛgṃhaṇā॒ ya-nnu॒dethe᳚ | yā rājā̭nagṃ sa॒rathaṃ̭-yā~॒tha ṷgrā॒ tā no̭ muñcata॒māga̭saḥ || yo vā॒gṃ॒ ratha̭ ṛ॒jura̭śmi-ssa॒tyadha̭rmā॒ mithu॒ ścara̭nta-mupa॒yāti̭ dū॒ṣayanṋ | staumi̭ [ ] 4.7.34
mi॒trāvarṷṇā nāthi॒to jo̭havīmi॒ tau no̭ muñcata॒māga̭saḥ || vā॒yo-ssa̭vi॒tu rvi॒dathā̭ni manmahe॒ yāvā᳚tma॒nva-dbi̭bhṛ॒to yau ca॒ rakṣa̭taḥ | yau viśva̭sya pari॒bhū ba̭bhū॒vatu॒stau no̭ muñcata॒māga̭saḥ || upa॒ śreṣṭhā̭na ā॒śiṣo̭ de॒vayo॒rdharmḙ asthirann | staumi̭ vā॒yugṃ sa̭vi॒tāra̭-nnāthi॒to jo̭havīmi॒ tau no̭ muñcata॒māga̭saḥ || ra॒thīta̭mau rathī॒nāma̭hva ū॒taye॒ śubha॒-ṅgami̭ṣṭhau su॒yamḙbhi॒raśvaiḥ᳚ | yayo᳚- [yayoḥ᳚, vā॒-nde॒vau॒ de॒veṣva-ni̭śita॒-] 4.7.35
-rvā-ndevau de॒veṣva-ni̭śita॒-moja॒stau no̭ muñcata॒māga̭saḥ || yadayā̭taṃ-vaఁ%ha॒tugṃ sū॒ryāyā᳚-strica॒kreṇa̭ sa॒gṃ॒ sada̭mi॒cchamā̭nau | staumi̭ de॒vā va॒śvinaṷ nāthi॒to jo̭havīmi॒ tau no̭ muñcata॒māga̭saḥ || ma॒rutā᳚-mmanve॒ adhi̭no bruvantu॒ premāṃ-vā~caṃ॒-vi~śvā̭ mavantu॒ viśve᳚ | ā॒śūn. hṷve su॒yamā̭nū॒taye॒ te no̭ muñca॒ntvena̭saḥ || ti॒gmamāyṷdhaṃ-vī~ḍi॒tagṃ saha̭sva-ddi॒vyagṃ śardhaḥ॒ [śardhaḥ̭, pṛta̭nāsu ji॒ṣṇu |] 4.7.36
pṛta̭nāsu ji॒ṣṇu | staumi̭ de॒vā-nma॒ruto̭ nāthi॒to jo̭havīmi॒ te no̭ muñca॒ntvena̭saḥ || de॒vānā᳚-mmanve॒ adhi̭ no bruvantu॒ premāṃ-vā~caṃ॒-vi~śvā̭mavantu॒ viśve᳚ | ā॒śūn. hṷve su॒yamā̭nū॒taye॒ te no̭ muñca॒ntvena̭saḥ || yadi॒da-mmā̭-'bhi॒śoca̭ti॒ paurṷṣeyeṇa॒ daivyḙna | staumi॒ viśvā᳚-nde॒vā-nnā̭thi॒to jo̭havīmi॒ te no̭ muñca॒ntvena̭saḥ || anṷno॒-'dyānṷmati॒ ra- [anṷno॒-'dyānṷmati॒ ranṷ, ida̭numate॒] 4.7.37
-nvida̭numate॒ tvaṃ ~vai᳚śvāna॒ro na̭ ū॒tyāpṛ॒ṣṭo di॒vi> 4 || ye apra̭thetā॒-mami̭tebhi॒ rojo̭bhi॒ rye pra̭ti॒ṣṭhe abha̭vatāṃ॒-va~sṷ̄nām | staumi॒ dyāvā̭ pṛthi॒vī nā̭thi॒to jo̭havīmi॒ te no̭ muñcata॒magṃ ha̭saḥ || urvī̭ rodasī॒ vari̭vaḥ kṛṇota॒-ṅkṣetra̭sya patnī॒ adhi̭ no brūyātam | staumi॒ dyāvā̭ pṛthi॒vī nā̭thi॒to jo̭havīmi॒ te no̭ muñcata॒magṃ ha̭saḥ || ya-ttḙ va॒ya-mpṷruṣa॒trā ya̭vi॒ṣṭhā vi̭dvāgṃsaścakṛ॒mā kacca॒nā- [kacca॒na, āgaḥ̭ |] 4.7.38
-''gaḥ̭ | kṛ॒dhī sva̭smāgṃ adi̭te॒ranā̭gā॒ vyenāgṃ̭si śiśratho॒ viṣva̭gagne || yathā̭ ha॒ ta-dva̭savo gau॒rya̭-ñci-tpa॒diṣi॒tā mamṷñcatā yajatrāḥ | e॒vā tvama॒sma-tpramṷñcā॒ vyagṃhaḥ॒ prātā᳚ryagne prata॒rānna॒ āyuḥ̭ || 4.7.39 ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.