ශ්රී කෘෂ්ණ යජුර්වේද සංහිතාන්තර්ගතීය ස්වස්තිවාචනම්
ආ॒ශු-ශ්ශිශා॑නෝ වෘෂ॒භෝ න යු॒ද්ධ්මෝ ඝ॑නාඝ॒නඃ, ක්ෂෝභ॑ණ-ශ්චර්ෂණී॒නාම් . ස॒ඞ්ක්රන්ද॑නෝ-(අ)නිමි॒ෂ ඒ॑ක වී॒ර-ශ්ශ॒තග්ං සේනා॑ අජය-ථ්සා॒කමින්ද්රඃ॑ .. ස॒ඞ්ක්රන්ද॑නේනා නිමි॒ෂේණ॑ ජි॒ෂ්ණුනා॑ යුත්කා॒රේණ॑ දුශ්ච්යව॒නේන॑ ධෘ॒ෂ්ණුනා᳚ . තදින්ද්රේ॑ණ ජයත॒ ත-ථ්ස॑හද්ධ්වං॒-යුँධෝ॑ නර॒ ඉෂු॑හස්තේන॒ වෘෂ්ණා᳚ .. ස ඉෂු॑හස්තෛ॒-ස්ස නි॑ෂ॒ඞ්ගිභි॑ර්ව॒ශී සග්ග්ස්ර॑ෂ්ටා॒ ස යුධ॒ ඉන්ද්රෝ॑ ග॒ණේන॑ . ස॒ග්ං॒සෘ॒ෂ්ට॒ජි-ථ්සෝ॑ම॒පා බා॑හුශ॒ර්ධ්යූ᳚ර්ධ්වධ॑න්වා॒ ප්රති॑හිතාභි॒රස්තා᳚ .. බෘහ॑ස්පතේ॒ පරි॑ දීයා॒ [පරි॑ දීය, රථේ॑න] 4.6.16
රථේ॑න රක්ෂෝ॒හා (අ)මිත්රාග්ං॑ අප॒ බාධ॑මානඃ . ප්ර॒භ॒ඤ්ජන්-ථ්සේනාඃ᳚ ප්රමෘ॒ණෝ යු॒ධා ජය॑න්න॒ස්මාක॑-මේද්ධ්යවි॒තා රථා॑නාම් .. ගෝ॒ත්ර॒භිද॑-ඞ්ගෝ॒විදං॒-වँජ්ර॑බාහු॒-ඤ්ජය॑න්ත॒මජ්ම॑ ප්රමෘ॒ණන්ත॒-මෝජ॑සා . ඉ॒මග්ං ස॑ජාතා॒ අනු॑වීර-යද්ධ්ව॒මින්ද්රග්ං॑ සඛා॒යෝ-(අ)නු॒ සග්ං ර॑භද්ධ්වම් .. බ॒ල॒වි॒ජ්ඤා॒යඃ-ස්ථවි॑රඃ॒ ප්රවී॑ර॒-ස්සහ॑ස්වාන්. වා॒ජී සහ॑මාන උ॒ග්රඃ . අ॒භිවී॑රෝ අ॒භිස॑ත්වා සහෝ॒ජා ජෛත්ර॑මින්ද්ර॒ රථ॒මාති॑ෂ්ඨ ගෝ॒විත් .. අ॒භි ගෝ॒ත්රාණි॒ සහ॑සා॒ ගාහ॑මානෝ-(අ)දා॒යෝ [ගාහ॑මානෝ-(අ)දා॒යඃ, වී॒ර-ශ්ශ॒තම॑න්යු॒රින්ද්රඃ॑ .] 4.6.17
වී॒ර-ශ්ශ॒තම॑න්යු॒රින්ද්රඃ॑ . දු॒ශ්ච්ය॒ව॒නඃ පෘ॑තනා॒ෂාඩ॑ යු॒ද්ධ්යෝ᳚-ස්මාක॒ග්ං॒ සේනා॑ අවතු॒ ප්ර යු॒ථ්සු .. ඉන්ද්ර॑ ආසාං-නේ॒තා බෘහ॒ස්පති॒ ර්දක්ෂි॑ණා ය॒ජ්ඤඃ පු॒ර ඒ॑තු॒ සෝමඃ॑ . දේ॒ව॒සේ॒නානා॑-මභිභඤ්ජතී॒නා-ඤ්ජය॑න්තීනා-ම්ම॒රුතෝ॑ ය॒න්ත්වග්රේ᳚ .. ඉන්ද්ර॑ස්ය॒ වෘෂ්ණෝ॒ වරු॑ණස්ය॒ රාජ්ඤ॑ ආදි॒ත්යානා᳚-ම්ම॒රුතා॒ග්ං॒ ශර්ධ॑ උ॒ග්රම් . ම॒හාම॑නසා-ම්භුවනච්ය॒වානා॒-ඞ්ඝෝෂෝ॑ දේ॒වානා॒-ඤ්ජය॑තා॒ මුද॑ස්ථාත් .. අ॒ස්මාක॒-මින්ද්ර॒-ස්සමෘ॑තේෂු ධ්ව॒ජේෂ්ව॒ස්මාකං॒-යාँ ඉෂ॑ව॒ස්තා ජ॑යන්තු . 4.6.18
අ॒ස්මාකං॑-වීँ॒රා උත්ත॑රේ භවන්ත්ව॒ස්මානු॑ දේවා අවතා॒ හවේ॑ෂු .. උද්ධ॑ර්ෂය මඝව॒න්නා-යු॑ධා॒-න්යුථ්සත්ව॑නා-ම්මාම॒කානා॒-ම්මහාග්ං॑සි . උද්වෘ॑ත්රහන් වා॒ජිනාං॒-වාँජි॑නා॒න්යු-ද්රථා॑නා॒-ඤ්ජය॑තාමේතු॒ ඝෝෂඃ॑ .. උප॒ ප්රේත॒ ජය॑තා නරස්ස්ථි॒රා වඃ॑ සන්තු බා॒හවඃ॑ . ඉන්ද්රෝ॑ ව॒-ශ්ශර්ම॑ යච්ඡ ත්වනා-ධෘ॒ෂ්යා යථාස॑ථ .. අව॑සෘෂ්ටා॒ පරා॑ පත॒ ශර॑ව්යේ॒ බ්රහ්ම॑ සග්ංශිතා . ගච්ඡා॒-(අ)මිත්රා॒-න්ප්ර- [ගච්ඡා॒-(අ)මිත්රා॒-න්ප්ර, වි॒ශ॒ මෛෂා॒-] 4.6.19
-වි॑ශ॒ මෛෂා॒-ඞ්කඤ්ච॒නෝච්ඡි॑ෂඃ .. මර්මා॑ණි තේ॒ වර්ම॑භිශ්ඡාදයාමි॒ සෝම॑ස්ත්වා॒ රාජා॒ (අ)මෘතේ॑නා॒භි-ව॑ස්තාම් . උ॒රෝර්වරී॑යෝ॒ වරි॑වස්තේ අස්තු॒ ජය॑න්ත॒-න්ත්වාමනු॑ මදන්තු දේ॒වාඃ .. යත්ර॑ බා॒ණා-ස්ස॒ම්පත॑න්ති කුමා॒රා වි॑ශි॒ඛා ඉ॑ව . ඉන්ද්රෝ॑ න॒ස්තත්ර॑ වෘත්ර॒හා වි॑ශ්වා॒හා ශර්ම॑ යච්ඡතු .. 4.6.20 ..
ජී॒මූත॑ස්යේව භවති॒ ප්රතී॑කං॒-යँද්ව॒ර්මී යාති॑ ස॒මදා॑මු॒පස්ථේ᳚ . අනා॑විද්ධයා ත॒නුවා॑ ජය॒ ත්වග්ං ස ත්වා॒ වර්ම॑ණෝ මහි॒මා පි॑පර්තු .. ධන්ව॑නා॒ ගා ධන්ව॑නා॒-(අ)(අ)ජි-ඤ්ජ॑යේම॒ ධන්ව॑නා තී॒ව්රා-ස්ස॒මදෝ॑ ජයේම . ධනු॒-ශ්ශත්රෝ॑රපකා॒ම-ඞ්කෘ॑ණෝති॒ ධන්ව॑නා॒ සර්වාඃ᳚ ප්ර॒දිශෝ॑ ජයේම .. ව॒ක්ෂ්යන්තී॒වේදා ග॑නීගන්ති॒ කර්ණ॑-ම්ප්රි॒යග්ං සඛා॑ය-ම්පරිෂස්වජා॒නා . යෝෂේ॑ව ශිඞ්ක්තේ॒ විත॒තා-(අ)ධි॒ ධන්ව॒- [ධන්වන්න්॑, ජ්යා ඉ॒යග්ං] 4.6.27
-ඤ්ජ්යා ඉ॒යග්ං සම॑නේ පා॒රය॑න්තී .. තේ ආ॒චර॑න්තී॒ සම॑නේව॒ යෝෂා॑ මා॒තේව॑ පු॒ත්ර-ම්බි॑භෘතාමු॒පස්ථේ᳚ . අප॒ ශත්රූන්॑ විද්ධ්යතාග්ං සංවිँදා॒නේ ආර්ත්නී॑ ඉ॒මේ වි॑ෂ්ඵු॒රන්තී॑ අ॒මිත්රාන්॑ .. බ॒හ්වී॒නා-ම්පි॒තා බ॒හුර॑ස්ය පු॒ත්රශ්චි॒ශ්චා කෘ॑ණෝති॒ සම॑නා-(අ)ව॒ගත්ය॑ . ඉ॒ෂු॒ධි-ස්සඞ්කාඃ॒ පෘත॑නාශ්ච॒ සර්වාඃ᳚ පෘ॒ෂ්ඨේ නින॑ද්ධෝ ජයති॒ ප්රසූ॑තඃ .. රථේ॒ තිෂ්ඨ॑-න්නයති වා॒ජිනඃ॑ පු॒රෝ යත්ර॑යත්ර කා॒මය॑තේ සුෂාර॒ථිඃ . අ॒භීශූ॑නා-ම්මහි॒මාන॑- [මහි॒මාන᳚ම්, ප॒නා॒ය॒ත॒ මනඃ॑] 4.6.28
-ම්පනායත॒ මනඃ॑ ප॒ශ්චාදනු॑ යච්ඡන්ති ර॒ශ්මයඃ॑ .. තී॒ව්රා-න්ඝෝෂා᳚න් කෘණ්වතේ॒ වෘෂ॑පාණ॒යෝ-(අ)ශ්වා॒ රථේ॑භි-ස්ස॒හ වා॒ජය॑න්තඃ . අ॒ව॒ක්රාම॑න්තඃ॒ ප්රප॑දෛර॒මිත්රා᳚න් ක්ෂි॒ණන්ති॒ ශත්රූ॒ග්ං॒රන॑පව්යයන්තඃ .. ර॒ථ॒වාහ॑නග්ං හ॒විර॑ස්ය॒ නාම॒ යත්රා-(අ)(අ)යු॑ධ॒-න්නිහි॑තමස්ය॒ වර්ම॑ . තත්රා॒ රථ॒මුප॑ ශ॒ග්මග්ං ස॑දේම වි॒ශ්වාහා॑ ව॒යග්ං සු॑මන॒ස්යමා॑නාඃ .. ස්වා॒දු॒ෂ॒ග්ං॒ සදඃ॑ පි॒තරෝ॑ වයෝ॒ධාඃ කෘ॑ච්ඡ්රේ॒ශ්රිත॒-ශ්ශක්තී॑වන්තෝ ගභී॒රාඃ . චි॒ත්රසේ॑නා॒ ඉෂු॑බලා॒ අමෘ॑ද්ධ්රා-ස්ස॒තෝවී॑රා උ॒රවෝ᳚ ව්රාතසා॒හාඃ .. බ්රාහ්ම॑ණාසඃ॒ [බ්රාහ්ම॑ණාසඃ, පිත॑ර॒-] 4.6.29
පිත॑ර॒-ස්සෝම්යා॑ස-ශ්ශි॒වේ නෝ॒ ද්යාවා॑පෘථි॒වී අ॑නේ॒හසා᳚ . පූ॒ෂා නඃ॑ පාතු දුරි॒තාදෘ॑තාවෘධෝ॒ රක්ෂා॒ මාකි॑ර්නෝ අ॒ඝශග්ං॑ස ඊශත .. සු॒ප॒ර්ණං-වँ॑ස්තේ මෘ॒ගෝ අ॑ස්යා॒ දන්තෝ॒ ගෝභි॒-ස්සන්න॑ද්ධා පතති॒ ප්රසූ॑තා . යත්රා॒ නර॒-ස්ස-ඤ්ච॒ වි ච॒ ද්රව॑න්ති॒ තත්රා॒ස්මභ්ය॒මිෂ॑ව॒-ශ්ශර්ම॑ යග්ංසන්න් .. ඍජී॑තේ॒ පරි॑ වෘඞ්ග්ධි॒ නෝ-(අ)ශ්මා॑ භවතු නස්ත॒නූඃ . සෝමෝ॒ අධි॑ බ්රවීතු॒ නෝ-(අ)දි॑ති॒- [නෝ-(අ)දි॑තිඃ, ශර්ම॑ යච්ඡතු .] 4.6.30
-ශ්ශර්ම॑ යච්ඡතු .. ආ ජ॑ඞ්ඝන්ති॒ සාන්වේ॑ෂා-ඤ්ජ॒ඝනා॒ග්ං॒ උප॑ ජිඝ්නතේ . අශ්වා॑ජනි॒ ප්රචේ॑ත॒සෝ-(අ)ශ්වා᳚න්-ථ්ස॒මථ්සු॑ චෝදය .. අහි॑රිව භෝ॒ගෛඃ පර්යේ॑ති බා॒හු-ඤ්ජ්යායා॑ හේ॒ති-ම්ප॑රි॒බාධ॑මානඃ . හ॒ස්ත॒ඝ්නෝ විශ්වා॑ ව॒යුනා॑නි වි॒ද්වා-න්පුමා॒-න්පුමාග්ං॑ස॒-ම්පරි॑ පාතු වි॒ශ්වතඃ॑ .. වන॑ස්පතේ වී॒ඩ්ව॑ඞ්ගෝ॒ හි භූ॒යා අ॒ස්ම-ථ්ස॑ඛා ප්ර॒තර॑ණ-ස්සු॒වීරඃ॑ . ගෝභි॒-ස්සන්න॑ද්ධෝ අසි වී॒ඩය॑ස්වා-(අ)(අ)ස්ථා॒තා තේ॑ ජයතු॒ ජේත්වා॑නි .. දි॒වඃ පෘ॑ථි॒ව්යාඃ ප- [පරි॑, ඕජ॒ උ-ද්භෘ॑තං॒-] 4.6.31
-ර්යෝජ॒ උ-ද්භෘ॑තං॒-වँන॒ස්පති॑භ්යඃ॒ පර්යාභෘ॑ත॒ග්ං॒ සහඃ॑ . අ॒පාමෝ॒ජ්මාන॒-ම්පරි॒ ගෝභි॒රාවෘ॑ත॒මින්ද්ර॑ස්ය॒ වජ්රග්ං॑ හ॒විෂා॒ රථං॑-යँජ .. ඉන්ද්ර॑ස්ය॒ වජ්රෝ॑ ම॒රුතා॒මනී॑ක-ම්මි॒ත්රස්ය॒ ගර්භෝ॒ වරු॑ණස්ය॒ නාභිඃ॑ . සේමා-න්නෝ॑ හ॒ව්යදා॑ති-ඤ්ජුෂා॒ණෝ දේව॑ රථ॒ ප්රති॑ හ॒ව්යා ගෘ॑භාය .. උප॑ ශ්වාසය පෘථි॒වීමු॒ත ද්යා-ම්පු॑රු॒ත්රා තේ॑ මනුතාං॒-විँෂ්ඨි॑ත॒-ඤ්ජග॑ත් . ස දු॑න්දුභේ ස॒ජූරින්ද්රේ॑ණ දේ॒වෛර්දූ॒රා- [දේ॒වෛර්දූ॒රාත්, දවී॑යෝ॒] 4.6.32
-ද්දවී॑යෝ॒ අප॑සේධ॒ ශත්රූන්॑ .. ආ ක්ර॑න්දය॒ බල॒මෝජෝ॑ න॒ ආ ධා॒ නිෂ්ට॑නිහි දුරි॒තා බාධ॑මානඃ . අප॑ ප්රෝථ දුන්දුභේ දු॒ච්ඡුනාග්ං॑ ඉ॒ත ඉන්ද්ර॑ස්ය මු॒ෂ්ටිර॑සි වී॒ඩය॑ස්ව .. ආ-(අ)මූර॑ජ ප්ර॒ත්යාව॑ර්තයේ॒මාඃ කේ॑තු॒ම-ද්දු॑න්දු॒භි ර්වා॑වදීති . සමශ්ව॑පර්ණා॒ශ්චර॑න්ති නෝ॒ නරෝ॒-(අ)ස්මාක॑මින්ද්ර ර॒ථිනෝ॑ ජයන්තු .. 4.6.33 ..
මමා᳚ග්නේ॒ වර්චෝ॑ විහ॒වේෂ්ව॑ස්තු ව॒ය-න්ත්වේන්ධා॑නා ස්ත॒නුව॑-ම්පුෂේම . මහ්ය॑-න්නමන්තා-ම්ප්ර॒දිශ॒ශ්චත॑ස්ර॒ ස්ත්වයා-(අ)ද්ධ්ය॑ක්ෂේණ॒ පෘත॑නා ජයේම .. මම॑ දේ॒වා වි॑හ॒වේ ස॑න්තු॒ සර්ව॒ ඉන්ද්රා॑වන්තෝ ම॒රුතෝ॒ විෂ්ණු॑ර॒ග්නිඃ . මමා॒න්තරි॑ක්ෂ මු॒රු ගෝ॒පම॑ස්තු॒ මහ්යං॒-වාँතඃ॑ පවතා॒-ඞ්කාමේ॑ අ॒ස්මින්න් .. මයි॑ දේ॒වා ද්රවි॑ණ॒ මාය॑ජන්තා॒-ම්මය්යා॒ ශීර॑ස්තු॒ මයි॑ දේ॒වහූ॑තිඃ . දෛව්යා॒ හෝතා॑රා වනිෂන්ත॒ [වනිෂන්ත, පූර්වේ (අ)රි॑ෂ්ටා-ස්ස්යාම] 4.7.29
පූර්වේ (අ)රි॑ෂ්ටා-ස්ස්යාම ත॒නුවා॑ සු॒වීරාඃ᳚ .. මහ්යං॑-යँජන්තු॒ මම॒ යානි॑ හ॒ව්යා-(අ)(අ)කූ॑ති-ස්ස॒ත්යා මන॑සෝ මේ අස්තු . ඒනෝ॒ මානිගා᳚-ඞ්කත॒මච්ච॒නාහං-විँශ්වේ॑ දේවාසෝ॒ අධි॑වෝච තා මේ .. දේවී᳚-ෂ්ෂඩුර්වීරු॒රුණඃ॑ කෘණෝත॒ විශ්වේ॑ දේවා ස ඉ॒හ වී॑රයද්ධ්වම් . මාහා᳚ස්මහි ප්ර॒ජයා॒ මා ත॒නූභි॒ර්මා ර॑ධාම ද්විෂ॒තේ සෝ॑ම රාජන්න් .. අ॒ග්නිර්ම॒න්යු-ම්ප්ර॑තිනු॒ද-න්පු॒රස්තා॒- [ප්ර॑තිනු॒ද-න්පු॒රස්තා᳚ත්, අද॑බ්ධෝ ගෝ॒පාඃ] 4.7.30
-දද॑බ්ධෝ ගෝ॒පාඃ පරි॑පාහි න॒ස්ත්වම් . ප්ර॒ත්යඤ්චෝ॑ යන්තු නි॒ගුතඃ॒ පුන॒ස්තේ॑ (අ)මෛෂා᳚-ඤ්චි॒ත්ත-ම්ප්ර॒බුධා॒ විනේ॑ශත් .. ධා॒තා ධා॑තෘ॒ණා-ම්භුව॑නස්ය॒ යස්පති॑ ර්දේ॒වග්ං ස॑වි॒තාර॑මභි මාති॒ෂාහ᳚ම් . ඉ॒මං-යँ॒ජ්ඤ ම॒ශ්විනෝ॒භා බෘහ॒ස්පති॑ ර්දේ॒වාඃ පා᳚න්තු॒ යජ॑මාන-න්න්ය॒ර්ථාත් .. උ॒රු॒ව්යචා॑ නෝ මහි॒ෂ-ශ්ශර්ම॑ යග්ං සද॒ස්මින්. හවේ॑ පුරුහූ॒තඃ පු॑රු॒ක්ෂු . ස නඃ॑ ප්ර॒ජායෛ॑ හර්යශ්ව මෘඩ॒යේන්ද්ර॒ මා [මෘඩ॒යේන්ද්ර॒ මා, නෝ॒ රී॒රි॒ෂෝ॒ මා පරා॑ දාඃ .] 4.7.31
නෝ॑ රීරිෂෝ॒ මා පරා॑ දාඃ .. යේ නඃ॑ ස॒පත්නා॒ අප॒තේ භ॑වන්ත්වින්ද්රා॒-ග්නිභ්යා॒මව॑ බාධාමහේ॒ තාන් . වස॑වෝ රු॒ද්රා ආ॑දි॒ත්යා උ॑පරි॒ ස්පෘශ॑-ම්මෝ॒ග්ර-ඤ්චේත්තා॑රමධි රා॒ජම॑ක්රන්න් .. අ॒ර්වාඤ්ච॒ මින්ද්ර॑ම॒මුතෝ॑ හවාමහේ॒ යෝ ගෝ॒ජි-ද්ධ॑න॒-ජිද॑ශ්ව॒-ජිද්යඃ . ඉ॒මන්නෝ॑ ය॒ජ්ඤං-විँ॑හ॒වේ ජු॑ෂස්වා॒ස්ය කු॑ර්මෝ හරිවෝ මේ॒දින॑-න්ත්වා .. 4.7.32 ..
අ॒ග්නේර්ම॑න්වේ ප්රථ॒මස්ය॒ ප්රචේ॑තසෝ॒ ය-ම්පාඤ්ච॑ජන්ය-ම්බ॒හවඃ॑ සමි॒න්ධතේ᳚ . විශ්ව॑ස්යාං-විँ॒ශි ප්ර॑විවිශි॒වාග්ං ස॑මීමහේ॒ ස නෝ॑ මුඤ්ච॒ත්වග්ං හ॑සඃ .. යස්යේ॒ද-ම්ප්රා॒ණන්නි॑මි॒ෂ-ද්යදේජ॑ති॒ යස්ය॑ ජා॒ත-ඤ්ජන॑මාන-ඤ්ච॒ කේව॑ලම් . ස්තෞම්ය॒ග්නි-න්නා॑ථි॒තෝ ජෝ॑හවීමි॒ ස නෝ॑ මුඤ්ච॒ත්වග්ං හ॑සඃ .. ඉන්ද්ර॑ස්ය මන්යේ ප්රථ॒මස්ය॒ ප්රචේ॑තසෝ වෘත්ර॒ඝ්න-ස්ස්තෝමා॒ උප॒ මාමු॒පාගුඃ॑ . යෝ දා॒ශුෂඃ॑ සු॒කෘතෝ॒ හව॒මුප॒ ගන්තා॒ [ගන්තා᳚, ස නෝ॑ මුඤ්ච॒ත්වග්ං හ॑සඃ .] 4.7.33
ස නෝ॑ මුඤ්ච॒ත්වග්ං හ॑සඃ .. ය-ස්ස॑ඞ්ග්රා॒ම-න්නය॑ති॒ සං-වँ॒ශී යු॒ධේ යඃ පු॒ෂ්ටානි॑ සග්ංසෘ॒ජති॑ ත්ර॒යාණි॑ . ස්තෞමීන්ද්ර॑-න්නාථි॒තෝ ජෝ॑හවීමි॒ ස නෝ॑ මුඤ්ච॒ත්වග්ං හ॑සඃ .. ම॒න්වේ වා᳚-ම්මිත්රා වරුණා॒ තස්ය॑ විත්ත॒ග්ං॒ සත්යෞ॑ජසා දෘග්ංහණා॒ ය-න්නු॒දේථේ᳚ . යා රාජා॑නග්ං ස॒රථං॑-යාँ॒ථ උ॑ග්රා॒ තා නෝ॑ මුඤ්චත॒මාග॑සඃ .. යෝ වා॒ග්ං॒ රථ॑ ඍ॒ජුර॑ශ්මි-ස්ස॒ත්යධ॑ර්මා॒ මිථු॒ ශ්චර॑න්ත-මුප॒යාති॑ දූ॒ෂයන්න්॑ . ස්තෞමි॑ [ ] 4.7.34
මි॒ත්රාවරු॑ණා නාථි॒තෝ ජෝ॑හවීමි॒ තෞ නෝ॑ මුඤ්චත॒මාග॑සඃ .. වා॒යෝ-ස්ස॑වි॒තු ර්වි॒දථා॑නි මන්මහේ॒ යාවා᳚ත්ම॒න්ව-ද්බි॑භෘ॒තෝ යෞ ච॒ රක්ෂ॑තඃ . යෞ විශ්ව॑ස්ය පරි॒භූ බ॑භූ॒වතු॒ස්තෞ නෝ॑ මුඤ්චත॒මාග॑සඃ .. උප॒ ශ්රේෂ්ඨා॑න ආ॒ශිෂෝ॑ දේ॒වයෝ॒ර්ධර්මේ॑ අස්ථිරන්න් . ස්තෞමි॑ වා॒යුග්ං ස॑වි॒තාර॑-න්නාථි॒තෝ ජෝ॑හවීමි॒ තෞ නෝ॑ මුඤ්චත॒මාග॑සඃ .. ර॒ථීත॑මෞ රථී॒නාම॑හ්ව ඌ॒තයේ॒ ශුභ॒-ඞ්ගමි॑ෂ්ඨෞ සු॒යමේ॑භි॒රශ්වෛඃ᳚ . යයෝ᳚- [යයෝඃ᳚, වා॒-න්දේ॒වෞ॒ දේ॒වේෂ්ව-නි॑ශිත॒-] 4.7.35
-ර්වා-න්දේවෞ දේ॒වේෂ්ව-නි॑ශිත॒-මෝජ॒ස්තෞ නෝ॑ මුඤ්චත॒මාග॑සඃ .. යදයා॑තං-වఁ%හ॒තුග්ං සූ॒ර්යායා᳚-ස්ත්රිච॒ක්රේණ॑ ස॒ග්ං॒ සද॑මි॒ච්ඡමා॑නෞ . ස්තෞමි॑ දේ॒වා ව॒ශ්විනෞ॑ නාථි॒තෝ ජෝ॑හවීමි॒ තෞ නෝ॑ මුඤ්චත॒මාග॑සඃ .. ම॒රුතා᳚-ම්මන්වේ॒ අධි॑නෝ බ්රුවන්තු॒ ප්රේමාං-වාँචං॒-විँශ්වා॑ මවන්තු॒ විශ්වේ᳚ . ආ॒ශූන්. හු॑වේ සු॒යමා॑නූ॒තයේ॒ තේ නෝ॑ මුඤ්ච॒න්ත්වේන॑සඃ .. ති॒ග්මමායු॑ධං-වීँඩි॒තග්ං සහ॑ස්ව-ද්දි॒ව්යග්ං ශර්ධඃ॒ [ශර්ධඃ॑, පෘත॑නාසු ජි॒ෂ්ණු .] 4.7.36
පෘත॑නාසු ජි॒ෂ්ණු . ස්තෞමි॑ දේ॒වා-න්ම॒රුතෝ॑ නාථි॒තෝ ජෝ॑හවීමි॒ තේ නෝ॑ මුඤ්ච॒න්ත්වේන॑සඃ .. දේ॒වානා᳚-ම්මන්වේ॒ අධි॑ නෝ බ්රුවන්තු॒ ප්රේමාං-වාँචං॒-විँශ්වා॑මවන්තු॒ විශ්වේ᳚ . ආ॒ශූන්. හු॑වේ සු॒යමා॑නූ॒තයේ॒ තේ නෝ॑ මුඤ්ච॒න්ත්වේන॑සඃ .. යදි॒ද-ම්මා॑-(අ)භි॒ශෝච॑ති॒ පෞරු॑ෂේයේණ॒ දෛව්යේ॑න . ස්තෞමි॒ විශ්වා᳚-න්දේ॒වා-න්නා॑ථි॒තෝ ජෝ॑හවීමි॒ තේ නෝ॑ මුඤ්ච॒න්ත්වේන॑සඃ .. අනු॑නෝ॒-(අ)ද්යානු॑මති॒ ර- [අනු॑නෝ॒-(අ)ද්යානු॑මති॒ රනු॑, ඉද॑නුමතේ॒] 4.7.37
-න්විද॑නුමතේ॒ ත්වං ँවෛ᳚ශ්වාන॒රෝ න॑ ඌ॒ත්යාපෘ॒ෂ්ටෝ දි॒වි> 4 .. යේ අප්ර॑ථේතා॒-මමි॑තේභි॒ රෝජෝ॑භි॒ ර්යේ ප්ර॑ති॒ෂ්ඨේ අභ॑වතාං॒-වँසූ॑නාම් . ස්තෞමි॒ ද්යාවා॑ පෘථි॒වී නා॑ථි॒තෝ ජෝ॑හවීමි॒ තේ නෝ॑ මුඤ්චත॒මග්ං හ॑සඃ .. උර්වී॑ රෝදසී॒ වරි॑වඃ කෘණෝත॒-ඞ්ක්ෂේත්ර॑ස්ය පත්නී॒ අධි॑ නෝ බ්රූයාතම් . ස්තෞමි॒ ද්යාවා॑ පෘථි॒වී නා॑ථි॒තෝ ජෝ॑හවීමි॒ තේ නෝ॑ මුඤ්චත॒මග්ං හ॑සඃ .. ය-ත්තේ॑ ව॒ය-ම්පු॑රුෂ॒ත්රා ය॑වි॒ෂ්ඨා වි॑ද්වාග්ංසශ්චකෘ॒මා කච්ච॒නා- [කච්ච॒න, ආගඃ॑ .] 4.7.38
-(අ)(අ)ගඃ॑ . කෘ॒ධී ස්ව॑ස්මාග්ං අදි॑තේ॒රනා॑ගා॒ ව්යේනාග්ං॑සි ශිශ්රථෝ॒ විෂ්ව॑ගග්නේ .. යථා॑ හ॒ ත-ද්ව॑සවෝ ගෞ॒ර්ය॑-ඤ්චි-ත්ප॒දිෂි॒තා මමු॑ඤ්චතා යජත්රාඃ . ඒ॒වා ත්වම॒ස්ම-ත්ප්රමු॑ඤ්චා॒ ව්යග්ංහඃ॒ ප්රාතා᳚ර්යග්නේ ප්රත॒රාන්න॒ ආයුඃ॑ .. 4.7.39 ..
Roman (IAST) Transliteration
śrī kṛṣṇa yajurveda saṃhitāntargatīya svastivācanam
ā॒śu-śśiśā̭no vṛṣa॒bho na yu॒ddhmo gha̭nāgha॒naḥ, kṣobha̭ṇa-ścarṣaṇī॒nām | sa॒ṅkranda̭no-'nimi॒ṣa ḙka vī॒ra-śśa॒tagṃ senā̭ ajaya-thsā॒kamindraḥ̭ || sa॒ṅkranda̭nenā nimi॒ṣeṇa̭ ji॒ṣṇunā̭ yutkā॒reṇa̭ duścyava॒nena̭ dhṛ॒ṣṇunā᳚ | tadindrḙṇa jayata॒ ta-thsa̭haddhvaṃ॒-yu~dho̭ nara॒ iṣṷhastena॒ vṛṣṇā᳚ || sa iṣṷhastai॒-ssa ni̭ṣa॒ṅgibhi̭rva॒śī saggsra̭ṣṭā॒ sa yudha॒ indro̭ ga॒ṇena̭ | sa॒gṃ॒sṛ॒ṣṭa॒ji-thso̭ma॒pā bā̭huśa॒rdhyū᳚rdhvadha̭nvā॒ prati̭hitābhi॒rastā᳚ || bṛha̭spate॒ pari̭ dīyā॒ [pari̭ dīya, rathḙna] 4.6.16
rathḙna rakṣo॒hā 'mitrāgṃ̭ apa॒ bādha̭mānaḥ | pra॒bha॒ñjan-thsenāḥ᳚ pramṛ॒ṇo yu॒dhā jaya̭nna॒smāka̭-meddhyavi॒tā rathā̭nām || go॒tra॒bhida̭-ṅgo॒vidaṃ॒-va~jra̭bāhu॒-ñjaya̭nta॒majma̭ pramṛ॒ṇanta॒-moja̭sā | i॒magṃ sa̭jātā॒ anṷvīra-yaddhva॒mindragṃ̭ sakhā॒yo-'nu॒ sagṃ ra̭bhaddhvam || ba॒la॒vi॒jñā॒yaḥ-sthavi̭raḥ॒ pravī̭ra॒-ssaha̭svān. vā॒jī saha̭māna u॒graḥ | a॒bhivī̭ro a॒bhisa̭tvā saho॒jā jaitra̭mindra॒ ratha॒māti̭ṣṭha go॒vit || a॒bhi go॒trāṇi॒ saha̭sā॒ gāha̭māno-'dā॒yo [gāha̭māno-'dā॒yaḥ, vī॒ra-śśa॒tama̭nyu॒rindraḥ̭ |] 4.6.17
vī॒ra-śśa॒tama̭nyu॒rindraḥ̭ | du॒ścya॒va॒naḥ pṛ̭tanā॒ṣāḍa̭ yu॒ddhyo᳚-smāka॒gṃ॒ senā̭ avatu॒ pra yu॒thsu || indra̭ āsāṃ-ne॒tā bṛha॒spati॒ rdakṣi̭ṇā ya॒jñaḥ pu॒ra ḙtu॒ somaḥ̭ | de॒va॒se॒nānā̭-mabhibhañjatī॒nā-ñjaya̭ntīnā-mma॒ruto̭ ya॒ntvagre᳚ || indra̭sya॒ vṛṣṇo॒ varṷṇasya॒ rājña̭ ādi॒tyānā᳚-mma॒rutā॒gṃ॒ śardha̭ u॒gram | ma॒hāma̭nasā-mbhuvanacya॒vānā॒-ṅghoṣo̭ de॒vānā॒-ñjaya̭tā॒ muda̭sthāt || a॒smāka॒-mindra॒-ssamṛ̭teṣu dhva॒jeṣva॒smākaṃ॒-yā~ iṣa̭va॒stā ja̭yantu | 4.6.18
a॒smākaṃ̭-vī~॒rā utta̭re bhavantva॒smānṷ devā avatā॒ havḙṣu || uddha̭rṣaya maghava॒nnā-yṷdhā॒-nyuthsatva̭nā-mmāma॒kānā॒-mmahāgṃ̭si | udvṛ̭trahan vā॒jināṃ॒-vā~ji̭nā॒nyu-drathā̭nā॒-ñjaya̭tāmetu॒ ghoṣaḥ̭ || upa॒ preta॒ jaya̭tā narassthi॒rā vaḥ̭ santu bā॒havaḥ̭ | indro̭ va॒-śśarma̭ yaccha tvanā-dhṛ॒ṣyā yathāsa̭tha || ava̭sṛṣṭā॒ parā̭ pata॒ śara̭vye॒ brahma̭ sagṃśitā | gacchā॒-'mitrā॒-npra- [gacchā॒-'mitrā॒-npra, vi॒śa॒ maiṣā॒-] 4.6.19
-vi̭śa॒ maiṣā॒-ṅkañca॒nocchi̭ṣaḥ || marmā̭ṇi te॒ varma̭bhiśchādayāmi॒ soma̭stvā॒ rājā॒ 'mṛtḙnā॒bhi-va̭stām | u॒rorvarī̭yo॒ vari̭vaste astu॒ jaya̭nta॒-ntvāmanṷ madantu de॒vāḥ || yatra̭ bā॒ṇā-ssa॒mpata̭nti kumā॒rā vi̭śi॒khā i̭va | indro̭ na॒statra̭ vṛtra॒hā vi̭śvā॒hā śarma̭ yacchatu || 4.6.20 ||
jī॒mūta̭syeva bhavati॒ pratī̭kaṃ॒-ya~dva॒rmī yāti̭ sa॒madā̭mu॒pasthe᳚ | anā̭viddhayā ta॒nuvā̭ jaya॒ tvagṃ sa tvā॒ varma̭ṇo mahi॒mā pi̭partu || dhanva̭nā॒ gā dhanva̭nā॒-''ji-ñja̭yema॒ dhanva̭nā tī॒vrā-ssa॒mado̭ jayema | dhanu॒-śśatro̭rapakā॒ma-ṅkṛ̭ṇoti॒ dhanva̭nā॒ sarvāḥ᳚ pra॒diśo̭ jayema || va॒kṣyantī॒vedā ga̭nīganti॒ karṇa̭-mpri॒yagṃ sakhā̭ya-mpariṣasvajā॒nā | yoṣḙva śiṅkte॒ vita॒tā-'dhi॒ dhanva॒- [dhanvanṋ, jyā i॒yagṃ] 4.6.27
-ñjyā i॒yagṃ sama̭ne pā॒raya̭ntī || te ā॒cara̭ntī॒ sama̭neva॒ yoṣā̭ mā॒teva̭ pu॒tra-mbi̭bhṛtāmu॒pasthe᳚ | apa॒ śatrūṋ viddhyatāgṃ saṃvi~dā॒ne ārtnī̭ i॒me vi̭ṣphu॒rantī̭ a॒mitrāṋ || ba॒hvī॒nā-mpi॒tā ba॒hura̭sya pu॒traści॒ścā kṛ̭ṇoti॒ sama̭nā-'va॒gatya̭ | i॒ṣu॒dhi-ssaṅkāḥ॒ pṛta̭nāśca॒ sarvāḥ᳚ pṛ॒ṣṭhe nina̭ddho jayati॒ prasṷ̄taḥ || rathe॒ tiṣṭha̭-nnayati vā॒jinaḥ̭ pu॒ro yatra̭yatra kā॒maya̭te suṣāra॒thiḥ | a॒bhīśṷ̄nā-mmahi॒māna̭- [mahi॒māna᳚m, pa॒nā॒ya॒ta॒ manaḥ̭] 4.6.28
-mpanāyata॒ manaḥ̭ pa॒ścādanṷ yacchanti ra॒śmayaḥ̭ || tī॒vrā-nghoṣā᳚n kṛṇvate॒ vṛṣa̭pāṇa॒yo-'śvā॒ rathḙbhi-ssa॒ha vā॒jaya̭ntaḥ | a॒va॒krāma̭ntaḥ॒ prapa̭daira॒mitrā᳚n kṣi॒ṇanti॒ śatrū॒gṃ॒rana̭pavyayantaḥ || ra॒tha॒vāha̭nagṃ ha॒vira̭sya॒ nāma॒ yatrā-''yṷdha॒-nnihi̭tamasya॒ varma̭ | tatrā॒ ratha॒mupa̭ śa॒gmagṃ sa̭dema vi॒śvāhā̭ va॒yagṃ sṷmana॒syamā̭nāḥ || svā॒du॒ṣa॒gṃ॒ sadaḥ̭ pi॒taro̭ vayo॒dhāḥ kṛ̭cchre॒śrita॒-śśaktī̭vanto gabhī॒rāḥ | ci॒trasḙnā॒ iṣṷbalā॒ amṛ̭ddhrā-ssa॒tovī̭rā u॒ravo᳚ vrātasā॒hāḥ || brāhma̭ṇāsaḥ॒ [brāhma̭ṇāsaḥ, pita̭ra॒-] 4.6.29
pita̭ra॒-ssomyā̭sa-śśi॒ve no॒ dyāvā̭pṛthi॒vī a̭ne॒hasā᳚ | pū॒ṣā naḥ̭ pātu duri॒tādṛ̭tāvṛdho॒ rakṣā॒ māki̭rno a॒ghaśagṃ̭sa īśata || su॒pa॒rṇaṃ-va~̭ste mṛ॒go a̭syā॒ danto॒ gobhi॒-ssanna̭ddhā patati॒ prasṷ̄tā | yatrā॒ nara॒-ssa-ñca॒ vi ca॒ drava̭nti॒ tatrā॒smabhya॒miṣa̭va॒-śśarma̭ yagṃsann || ṛjī̭te॒ pari̭ vṛṅgdhi॒ no-'śmā̭ bhavatu nasta॒nūḥ | somo॒ adhi̭ bravītu॒ no-'di̭ti॒- [no-'di̭tiḥ, śarma̭ yacchatu |] 4.6.30
-śśarma̭ yacchatu || ā ja̭ṅghanti॒ sānvḙṣā-ñja॒ghanā॒gṃ॒ upa̭ jighnate | aśvā̭jani॒ pracḙta॒so-'śvā᳚n-thsa॒mathsṷ codaya || ahi̭riva bho॒gaiḥ paryḙti bā॒hu-ñjyāyā̭ he॒ti-mpa̭ri॒bādha̭mānaḥ | ha॒sta॒ghno viśvā̭ va॒yunā̭ni vi॒dvā-npumā॒-npumāgṃ̭sa॒-mpari̭ pātu vi॒śvataḥ̭ || vana̭spate vī॒ḍva̭ṅgo॒ hi bhū॒yā a॒sma-thsa̭khā pra॒tara̭ṇa-ssu॒vīraḥ̭ | gobhi॒-ssanna̭ddho asi vī॒ḍaya̭svā-''sthā॒tā tḙ jayatu॒ jetvā̭ni || di॒vaḥ pṛ̭thi॒vyāḥ pa- [pari̭, oja॒ u-dbhṛ̭taṃ॒-] 4.6.31
-ryoja॒ u-dbhṛ̭taṃ॒-va~na॒spati̭bhyaḥ॒ paryābhṛ̭ta॒gṃ॒ sahaḥ̭ | a॒pāmo॒jmāna॒-mpari॒ gobhi॒rāvṛ̭ta॒mindra̭sya॒ vajragṃ̭ ha॒viṣā॒ rathaṃ̭-ya~ja || indra̭sya॒ vajro̭ ma॒rutā॒manī̭ka-mmi॒trasya॒ garbho॒ varṷṇasya॒ nābhiḥ̭ | semā-nno̭ ha॒vyadā̭ti-ñjuṣā॒ṇo deva̭ ratha॒ prati̭ ha॒vyā gṛ̭bhāya || upa̭ śvāsaya pṛthi॒vīmu॒ta dyā-mpṷru॒trā tḙ manutāṃ॒-vi~ṣṭhi̭ta॒-ñjaga̭t | sa dṷndubhe sa॒jūrindrḙṇa de॒vairdū॒rā- [de॒vairdū॒rāt, davī̭yo॒] 4.6.32
-ddavī̭yo॒ apa̭sedha॒ śatrūṋ || ā kra̭ndaya॒ bala॒mojo̭ na॒ ā dhā॒ niṣṭa̭nihi duri॒tā bādha̭mānaḥ | apa̭ protha dundubhe du॒cchunāgṃ̭ i॒ta indra̭sya mu॒ṣṭira̭si vī॒ḍaya̭sva || ā-'mūra̭ja pra॒tyāva̭rtaye॒māḥ kḙtu॒ma-ddṷndu॒bhi rvā̭vadīti | samaśva̭parṇā॒ścara̭nti no॒ naro॒-'smāka̭mindra ra॒thino̭ jayantu || 4.6.33 ||
mamā᳚gne॒ varco̭ viha॒veṣva̭stu va॒ya-ntvendhā̭nā sta॒nuva̭-mpuṣema | mahya̭-nnamantā-mpra॒diśa॒ścata̭sra॒ stvayā-'ddhya̭kṣeṇa॒ pṛta̭nā jayema || mama̭ de॒vā vi̭ha॒ve sa̭ntu॒ sarva॒ indrā̭vanto ma॒ruto॒ viṣṇṷra॒gniḥ | mamā॒ntari̭kṣa mu॒ru go॒pama̭stu॒ mahyaṃ॒-vā~taḥ̭ pavatā॒-ṅkāmḙ a॒sminn || mayi̭ de॒vā dravi̭ṇa॒ māya̭jantā॒-mmayyā॒ śīra̭stu॒ mayi̭ de॒vahṷ̄tiḥ | daivyā॒ hotā̭rā vaniṣanta॒ [vaniṣanta, pūrve 'ri̭ṣṭā-ssyāma] 4.7.29
pūrve 'ri̭ṣṭā-ssyāma ta॒nuvā̭ su॒vīrāḥ᳚ || mahyaṃ̭-ya~jantu॒ mama॒ yāni̭ ha॒vyā-''kṷ̄ti-ssa॒tyā mana̭so me astu | eno॒ mānigā᳚-ṅkata॒macca॒nāhaṃ-vi~śvḙ devāso॒ adhi̭voca tā me || devī᳚-ṣṣaḍurvīru॒ruṇaḥ̭ kṛṇota॒ viśvḙ devā sa i॒ha vī̭rayaddhvam | māhā᳚smahi pra॒jayā॒ mā ta॒nūbhi॒rmā ra̭dhāma dviṣa॒te so̭ma rājann || a॒gnirma॒nyu-mpra̭tinu॒da-npu॒rastā॒- [pra̭tinu॒da-npu॒rastā᳚t, ada̭bdho go॒pāḥ] 4.7.30
-dada̭bdho go॒pāḥ pari̭pāhi na॒stvam | pra॒tyañco̭ yantu ni॒gutaḥ॒ puna॒stḙ 'maiṣā᳚-ñci॒tta-mpra॒budhā॒ vinḙśat || dhā॒tā dhā̭tṛ॒ṇā-mbhuva̭nasya॒ yaspati̭ rde॒vagṃ sa̭vi॒tāra̭mabhi māti॒ṣāha᳚m | i॒maṃ-ya~॒jña ma॒śvino॒bhā bṛha॒spati̭ rde॒vāḥ pā᳚ntu॒ yaja̭māna-nnya॒rthāt || u॒ru॒vyacā̭ no mahi॒ṣa-śśarma̭ yagṃ sada॒smin. havḙ puruhū॒taḥ pṷru॒kṣu | sa naḥ̭ pra॒jāyai̭ haryaśva mṛḍa॒yendra॒ mā [mṛḍa॒yendra॒ mā, no॒ rī॒ri॒ṣo॒ mā parā̭ dāḥ |] 4.7.31
no̭ rīriṣo॒ mā parā̭ dāḥ || ye naḥ̭ sa॒patnā॒ apa॒te bha̭vantvindrā॒-gnibhyā॒mava̭ bādhāmahe॒ tān | vasa̭vo ru॒drā ā̭di॒tyā ṷpari॒ spṛśa̭-mmo॒gra-ñcettā̭ramadhi rā॒jama̭krann || a॒rvāñca॒ mindra̭ma॒muto̭ havāmahe॒ yo go॒ji-ddha̭na॒-jida̭śva॒-jidyaḥ | i॒manno̭ ya॒jñaṃ-vi~̭ha॒ve jṷṣasvā॒sya kṷrmo harivo me॒dina̭-ntvā || 4.7.32 ||
a॒gnerma̭nve pratha॒masya॒ pracḙtaso॒ ya-mpāñca̭janya-mba॒havaḥ̭ sami॒ndhate᳚ | viśva̭syāṃ-vi~॒śi pra̭viviśi॒vāgṃ sa̭mīmahe॒ sa no̭ muñca॒tvagṃ ha̭saḥ || yasye॒da-mprā॒ṇanni̭mi॒ṣa-dyadeja̭ti॒ yasya̭ jā॒ta-ñjana̭māna-ñca॒ keva̭lam | staumya॒gni-nnā̭thi॒to jo̭havīmi॒ sa no̭ muñca॒tvagṃ ha̭saḥ || indra̭sya manye pratha॒masya॒ pracḙtaso vṛtra॒ghna-sstomā॒ upa॒ māmu॒pāguḥ̭ | yo dā॒śuṣaḥ̭ su॒kṛto॒ hava॒mupa॒ gantā॒ [gantā᳚, sa no̭ muñca॒tvagṃ ha̭saḥ |] 4.7.33
sa no̭ muñca॒tvagṃ ha̭saḥ || ya-ssa̭ṅgrā॒ma-nnaya̭ti॒ saṃ-va~॒śī yu॒dhe yaḥ pu॒ṣṭāni̭ sagṃsṛ॒jati̭ tra॒yāṇi̭ | staumīndra̭-nnāthi॒to jo̭havīmi॒ sa no̭ muñca॒tvagṃ ha̭saḥ || ma॒nve vā᳚-mmitrā varuṇā॒ tasya̭ vitta॒gṃ॒ satyaṷjasā dṛgṃhaṇā॒ ya-nnu॒dethe᳚ | yā rājā̭nagṃ sa॒rathaṃ̭-yā~॒tha ṷgrā॒ tā no̭ muñcata॒māga̭saḥ || yo vā॒gṃ॒ ratha̭ ṛ॒jura̭śmi-ssa॒tyadha̭rmā॒ mithu॒ ścara̭nta-mupa॒yāti̭ dū॒ṣayanṋ | staumi̭ [ ] 4.7.34
mi॒trāvarṷṇā nāthi॒to jo̭havīmi॒ tau no̭ muñcata॒māga̭saḥ || vā॒yo-ssa̭vi॒tu rvi॒dathā̭ni manmahe॒ yāvā᳚tma॒nva-dbi̭bhṛ॒to yau ca॒ rakṣa̭taḥ | yau viśva̭sya pari॒bhū ba̭bhū॒vatu॒stau no̭ muñcata॒māga̭saḥ || upa॒ śreṣṭhā̭na ā॒śiṣo̭ de॒vayo॒rdharmḙ asthirann | staumi̭ vā॒yugṃ sa̭vi॒tāra̭-nnāthi॒to jo̭havīmi॒ tau no̭ muñcata॒māga̭saḥ || ra॒thīta̭mau rathī॒nāma̭hva ū॒taye॒ śubha॒-ṅgami̭ṣṭhau su॒yamḙbhi॒raśvaiḥ᳚ | yayo᳚- [yayoḥ᳚, vā॒-nde॒vau॒ de॒veṣva-ni̭śita॒-] 4.7.35
-rvā-ndevau de॒veṣva-ni̭śita॒-moja॒stau no̭ muñcata॒māga̭saḥ || yadayā̭taṃ-vaఁ%ha॒tugṃ sū॒ryāyā᳚-strica॒kreṇa̭ sa॒gṃ॒ sada̭mi॒cchamā̭nau | staumi̭ de॒vā va॒śvinaṷ nāthi॒to jo̭havīmi॒ tau no̭ muñcata॒māga̭saḥ || ma॒rutā᳚-mmanve॒ adhi̭no bruvantu॒ premāṃ-vā~caṃ॒-vi~śvā̭ mavantu॒ viśve᳚ | ā॒śūn. hṷve su॒yamā̭nū॒taye॒ te no̭ muñca॒ntvena̭saḥ || ti॒gmamāyṷdhaṃ-vī~ḍi॒tagṃ saha̭sva-ddi॒vyagṃ śardhaḥ॒ [śardhaḥ̭, pṛta̭nāsu ji॒ṣṇu |] 4.7.36
pṛta̭nāsu ji॒ṣṇu | staumi̭ de॒vā-nma॒ruto̭ nāthi॒to jo̭havīmi॒ te no̭ muñca॒ntvena̭saḥ || de॒vānā᳚-mmanve॒ adhi̭ no bruvantu॒ premāṃ-vā~caṃ॒-vi~śvā̭mavantu॒ viśve᳚ | ā॒śūn. hṷve su॒yamā̭nū॒taye॒ te no̭ muñca॒ntvena̭saḥ || yadi॒da-mmā̭-'bhi॒śoca̭ti॒ paurṷṣeyeṇa॒ daivyḙna | staumi॒ viśvā᳚-nde॒vā-nnā̭thi॒to jo̭havīmi॒ te no̭ muñca॒ntvena̭saḥ || anṷno॒-'dyānṷmati॒ ra- [anṷno॒-'dyānṷmati॒ ranṷ, ida̭numate॒] 4.7.37
-nvida̭numate॒ tvaṃ ~vai᳚śvāna॒ro na̭ ū॒tyāpṛ॒ṣṭo di॒vi> 4 || ye apra̭thetā॒-mami̭tebhi॒ rojo̭bhi॒ rye pra̭ti॒ṣṭhe abha̭vatāṃ॒-va~sṷ̄nām | staumi॒ dyāvā̭ pṛthi॒vī nā̭thi॒to jo̭havīmi॒ te no̭ muñcata॒magṃ ha̭saḥ || urvī̭ rodasī॒ vari̭vaḥ kṛṇota॒-ṅkṣetra̭sya patnī॒ adhi̭ no brūyātam | staumi॒ dyāvā̭ pṛthi॒vī nā̭thi॒to jo̭havīmi॒ te no̭ muñcata॒magṃ ha̭saḥ || ya-ttḙ va॒ya-mpṷruṣa॒trā ya̭vi॒ṣṭhā vi̭dvāgṃsaścakṛ॒mā kacca॒nā- [kacca॒na, āgaḥ̭ |] 4.7.38
-''gaḥ̭ | kṛ॒dhī sva̭smāgṃ adi̭te॒ranā̭gā॒ vyenāgṃ̭si śiśratho॒ viṣva̭gagne || yathā̭ ha॒ ta-dva̭savo gau॒rya̭-ñci-tpa॒diṣi॒tā mamṷñcatā yajatrāḥ | e॒vā tvama॒sma-tpramṷñcā॒ vyagṃhaḥ॒ prātā᳚ryagne prata॒rānna॒ āyuḥ̭ || 4.7.39 ||
Sanskrit — Devanagari (original)
श्री कृष्ण यजुर्वेद संहितान्तर्गतीय स्वस्तिवाचनम्
आ॒शु-श्शिशा॑नो वृष॒भो न यु॒द्ध्मो घ॑नाघ॒नः, क्षोभ॑ण-श्चर्षणी॒नाम् । स॒ङ्क्रन्द॑नो-ऽनिमि॒ष ए॑क वी॒र-श्श॒तग्ं सेना॑ अजय-थ्सा॒कमिन्द्रः॑ ॥ स॒ङ्क्रन्द॑नेना निमि॒षेण॑ जि॒ष्णुना॑ युत्का॒रेण॑ दुश्च्यव॒नेन॑ धृ॒ष्णुना᳚ । तदिन्द्रे॑ण जयत॒ त-थ्स॑हद्ध्वं॒-युँधो॑ नर॒ इषु॑हस्तेन॒ वृष्णा᳚ ॥ स इषु॑हस्तै॒-स्स नि॑ष॒ङ्गिभि॑र्व॒शी सग्ग्स्र॑ष्टा॒ स युध॒ इन्द्रो॑ ग॒णेन॑ । स॒ग्ं॒सृ॒ष्ट॒जि-थ्सो॑म॒पा बा॑हुश॒र्ध्यू᳚र्ध्वध॑न्वा॒ प्रति॑हिताभि॒रस्ता᳚ ॥ बृह॑स्पते॒ परि॑ दीया॒ [परि॑ दीय, रथे॑न] 4.6.16
रथे॑न रक्षो॒हा ऽमित्राग्ं॑ अप॒ बाध॑मानः । प्र॒भ॒ञ्जन्-थ्सेनाः᳚ प्रमृ॒णो यु॒धा जय॑न्न॒स्माक॑-मेद्ध्यवि॒ता रथा॑नाम् ॥ गो॒त्र॒भिद॑-ङ्गो॒विदं॒-वँज्र॑बाहु॒-ञ्जय॑न्त॒मज्म॑ प्रमृ॒णन्त॒-मोज॑सा । इ॒मग्ं स॑जाता॒ अनु॑वीर-यद्ध्व॒मिन्द्रग्ं॑ सखा॒यो-ऽनु॒ सग्ं र॑भद्ध्वम् ॥ ब॒ल॒वि॒ज्ञा॒यः-स्थवि॑रः॒ प्रवी॑र॒-स्सह॑स्वान्. वा॒जी सह॑मान उ॒ग्रः । अ॒भिवी॑रो अ॒भिस॑त्वा सहो॒जा जैत्र॑मिन्द्र॒ रथ॒माति॑ष्ठ गो॒वित् ॥ अ॒भि गो॒त्राणि॒ सह॑सा॒ गाह॑मानो-ऽदा॒यो [गाह॑मानो-ऽदा॒यः, वी॒र-श्श॒तम॑न्यु॒रिन्द्रः॑ ।] 4.6.17
वी॒र-श्श॒तम॑न्यु॒रिन्द्रः॑ । दु॒श्च्य॒व॒नः पृ॑तना॒षाड॑ यु॒द्ध्यो᳚-स्माक॒ग्ं॒ सेना॑ अवतु॒ प्र यु॒थ्सु ॥ इन्द्र॑ आसां-ने॒ता बृह॒स्पति॒ र्दक्षि॑णा य॒ज्ञः पु॒र ए॑तु॒ सोमः॑ । दे॒व॒से॒नाना॑-मभिभञ्जती॒ना-ञ्जय॑न्तीना-म्म॒रुतो॑ य॒न्त्वग्रे᳚ ॥ इन्द्र॑स्य॒ वृष्णो॒ वरु॑णस्य॒ राज्ञ॑ आदि॒त्याना᳚-म्म॒रुता॒ग्ं॒ शर्ध॑ उ॒ग्रम् । म॒हाम॑नसा-म्भुवनच्य॒वाना॒-ङ्घोषो॑ दे॒वाना॒-ञ्जय॑ता॒ मुद॑स्थात् ॥ अ॒स्माक॒-मिन्द्र॒-स्समृ॑तेषु ध्व॒जेष्व॒स्माकं॒-याँ इष॑व॒स्ता ज॑यन्तु । 4.6.18
अ॒स्माकं॑-वीँ॒रा उत्त॑रे भवन्त्व॒स्मानु॑ देवा अवता॒ हवे॑षु ॥ उद्ध॑र्षय मघव॒न्ना-यु॑धा॒-न्युथ्सत्व॑ना-म्माम॒काना॒-म्महाग्ं॑सि । उद्वृ॑त्रहन् वा॒जिनां॒-वाँजि॑ना॒न्यु-द्रथा॑ना॒-ञ्जय॑तामेतु॒ घोषः॑ ॥ उप॒ प्रेत॒ जय॑ता नरस्स्थि॒रा वः॑ सन्तु बा॒हवः॑ । इन्द्रो॑ व॒-श्शर्म॑ यच्छ त्वना-धृ॒ष्या यथास॑थ ॥ अव॑सृष्टा॒ परा॑ पत॒ शर॑व्ये॒ ब्रह्म॑ सग्ंशिता । गच्छा॒-ऽमित्रा॒-न्प्र- [गच्छा॒-ऽमित्रा॒-न्प्र, वि॒श॒ मैषा॒-] 4.6.19
-वि॑श॒ मैषा॒-ङ्कञ्च॒नोच्छि॑षः ॥ मर्मा॑णि ते॒ वर्म॑भिश्छादयामि॒ सोम॑स्त्वा॒ राजा॒ ऽमृते॑ना॒भि-व॑स्ताम् । उ॒रोर्वरी॑यो॒ वरि॑वस्ते अस्तु॒ जय॑न्त॒-न्त्वामनु॑ मदन्तु दे॒वाः ॥ यत्र॑ बा॒णा-स्स॒म्पत॑न्ति कुमा॒रा वि॑शि॒खा इ॑व । इन्द्रो॑ न॒स्तत्र॑ वृत्र॒हा वि॑श्वा॒हा शर्म॑ यच्छतु ॥ 4.6.20 ॥
जी॒मूत॑स्येव भवति॒ प्रती॑कं॒-यँद्व॒र्मी याति॑ स॒मदा॑मु॒पस्थे᳚ । अना॑विद्धया त॒नुवा॑ जय॒ त्वग्ं स त्वा॒ वर्म॑णो महि॒मा पि॑पर्तु ॥ धन्व॑ना॒ गा धन्व॑ना॒-ऽऽजि-ञ्ज॑येम॒ धन्व॑ना ती॒व्रा-स्स॒मदो॑ जयेम । धनु॒-श्शत्रो॑रपका॒म-ङ्कृ॑णोति॒ धन्व॑ना॒ सर्वाः᳚ प्र॒दिशो॑ जयेम ॥ व॒क्ष्यन्ती॒वेदा ग॑नीगन्ति॒ कर्ण॑-म्प्रि॒यग्ं सखा॑य-म्परिषस्वजा॒ना । योषे॑व शिङ्क्ते॒ वित॒ता-ऽधि॒ धन्व॒- [धन्वन्न्॑, ज्या इ॒यग्ं] 4.6.27
-ञ्ज्या इ॒यग्ं सम॑ने पा॒रय॑न्ती ॥ ते आ॒चर॑न्ती॒ सम॑नेव॒ योषा॑ मा॒तेव॑ पु॒त्र-म्बि॑भृतामु॒पस्थे᳚ । अप॒ शत्रून्॑ विद्ध्यताग्ं संविँदा॒ने आर्त्नी॑ इ॒मे वि॑ष्फु॒रन्ती॑ अ॒मित्रान्॑ ॥ ब॒ह्वी॒ना-म्पि॒ता ब॒हुर॑स्य पु॒त्रश्चि॒श्चा कृ॑णोति॒ सम॑ना-ऽव॒गत्य॑ । इ॒षु॒धि-स्सङ्काः॒ पृत॑नाश्च॒ सर्वाः᳚ पृ॒ष्ठे निन॑द्धो जयति॒ प्रसू॑तः ॥ रथे॒ तिष्ठ॑-न्नयति वा॒जिनः॑ पु॒रो यत्र॑यत्र का॒मय॑ते सुषार॒थिः । अ॒भीशू॑ना-म्महि॒मान॑- [महि॒मान᳚म्, प॒ना॒य॒त॒ मनः॑] 4.6.28
-म्पनायत॒ मनः॑ प॒श्चादनु॑ यच्छन्ति र॒श्मयः॑ ॥ ती॒व्रा-न्घोषा᳚न् कृण्वते॒ वृष॑पाण॒यो-ऽश्वा॒ रथे॑भि-स्स॒ह वा॒जय॑न्तः । अ॒व॒क्राम॑न्तः॒ प्रप॑दैर॒मित्रा᳚न् क्षि॒णन्ति॒ शत्रू॒ग्ं॒रन॑पव्ययन्तः ॥ र॒थ॒वाह॑नग्ं ह॒विर॑स्य॒ नाम॒ यत्रा-ऽऽयु॑ध॒-न्निहि॑तमस्य॒ वर्म॑ । तत्रा॒ रथ॒मुप॑ श॒ग्मग्ं स॑देम वि॒श्वाहा॑ व॒यग्ं सु॑मन॒स्यमा॑नाः ॥ स्वा॒दु॒ष॒ग्ं॒ सदः॑ पि॒तरो॑ वयो॒धाः कृ॑च्छ्रे॒श्रित॒-श्शक्ती॑वन्तो गभी॒राः । चि॒त्रसे॑ना॒ इषु॑बला॒ अमृ॑द्ध्रा-स्स॒तोवी॑रा उ॒रवो᳚ व्रातसा॒हाः ॥ ब्राह्म॑णासः॒ [ब्राह्म॑णासः, पित॑र॒-] 4.6.29
पित॑र॒-स्सोम्या॑स-श्शि॒वे नो॒ द्यावा॑पृथि॒वी अ॑ने॒हसा᳚ । पू॒षा नः॑ पातु दुरि॒तादृ॑तावृधो॒ रक्षा॒ माकि॑र्नो अ॒घशग्ं॑स ईशत ॥ सु॒प॒र्णं-वँ॑स्ते मृ॒गो अ॑स्या॒ दन्तो॒ गोभि॒-स्सन्न॑द्धा पतति॒ प्रसू॑ता । यत्रा॒ नर॒-स्स-ञ्च॒ वि च॒ द्रव॑न्ति॒ तत्रा॒स्मभ्य॒मिष॑व॒-श्शर्म॑ यग्ंसन्न् ॥ ऋजी॑ते॒ परि॑ वृङ्ग्धि॒ नो-ऽश्मा॑ भवतु नस्त॒नूः । सोमो॒ अधि॑ ब्रवीतु॒ नो-ऽदि॑ति॒- [नो-ऽदि॑तिः, शर्म॑ यच्छतु ।] 4.6.30
-श्शर्म॑ यच्छतु ॥ आ ज॑ङ्घन्ति॒ सान्वे॑षा-ञ्ज॒घना॒ग्ं॒ उप॑ जिघ्नते । अश्वा॑जनि॒ प्रचे॑त॒सो-ऽश्वा᳚न्-थ्स॒मथ्सु॑ चोदय ॥ अहि॑रिव भो॒गैः पर्ये॑ति बा॒हु-ञ्ज्याया॑ हे॒ति-म्प॑रि॒बाध॑मानः । ह॒स्त॒घ्नो विश्वा॑ व॒युना॑नि वि॒द्वा-न्पुमा॒-न्पुमाग्ं॑स॒-म्परि॑ पातु वि॒श्वतः॑ ॥ वन॑स्पते वी॒ड्व॑ङ्गो॒ हि भू॒या अ॒स्म-थ्स॑खा प्र॒तर॑ण-स्सु॒वीरः॑ । गोभि॒-स्सन्न॑द्धो असि वी॒डय॑स्वा-ऽऽस्था॒ता ते॑ जयतु॒ जेत्वा॑नि ॥ दि॒वः पृ॑थि॒व्याः प- [परि॑, ओज॒ उ-द्भृ॑तं॒-] 4.6.31
-र्योज॒ उ-द्भृ॑तं॒-वँन॒स्पति॑भ्यः॒ पर्याभृ॑त॒ग्ं॒ सहः॑ । अ॒पामो॒ज्मान॒-म्परि॒ गोभि॒रावृ॑त॒मिन्द्र॑स्य॒ वज्रग्ं॑ ह॒विषा॒ रथं॑-यँज ॥ इन्द्र॑स्य॒ वज्रो॑ म॒रुता॒मनी॑क-म्मि॒त्रस्य॒ गर्भो॒ वरु॑णस्य॒ नाभिः॑ । सेमा-न्नो॑ ह॒व्यदा॑ति-ञ्जुषा॒णो देव॑ रथ॒ प्रति॑ ह॒व्या गृ॑भाय ॥ उप॑ श्वासय पृथि॒वीमु॒त द्या-म्पु॑रु॒त्रा ते॑ मनुतां॒-विँष्ठि॑त॒-ञ्जग॑त् । स दु॑न्दुभे स॒जूरिन्द्रे॑ण दे॒वैर्दू॒रा- [दे॒वैर्दू॒रात्, दवी॑यो॒] 4.6.32
-द्दवी॑यो॒ अप॑सेध॒ शत्रून्॑ ॥ आ क्र॑न्दय॒ बल॒मोजो॑ न॒ आ धा॒ निष्ट॑निहि दुरि॒ता बाध॑मानः । अप॑ प्रोथ दुन्दुभे दु॒च्छुनाग्ं॑ इ॒त इन्द्र॑स्य मु॒ष्टिर॑सि वी॒डय॑स्व ॥ आ-ऽमूर॑ज प्र॒त्याव॑र्तये॒माः के॑तु॒म-द्दु॑न्दु॒भि र्वा॑वदीति । समश्व॑पर्णा॒श्चर॑न्ति नो॒ नरो॒-ऽस्माक॑मिन्द्र र॒थिनो॑ जयन्तु ॥ 4.6.33 ॥
ममा᳚ग्ने॒ वर्चो॑ विह॒वेष्व॑स्तु व॒य-न्त्वेन्धा॑ना स्त॒नुव॑-म्पुषेम । मह्य॑-न्नमन्ता-म्प्र॒दिश॒श्चत॑स्र॒ स्त्वया-ऽद्ध्य॑क्षेण॒ पृत॑ना जयेम ॥ मम॑ दे॒वा वि॑ह॒वे स॑न्तु॒ सर्व॒ इन्द्रा॑वन्तो म॒रुतो॒ विष्णु॑र॒ग्निः । ममा॒न्तरि॑क्ष मु॒रु गो॒पम॑स्तु॒ मह्यं॒-वाँतः॑ पवता॒-ङ्कामे॑ अ॒स्मिन्न् ॥ मयि॑ दे॒वा द्रवि॑ण॒ माय॑जन्ता॒-म्मय्या॒ शीर॑स्तु॒ मयि॑ दे॒वहू॑तिः । दैव्या॒ होता॑रा वनिषन्त॒ [वनिषन्त, पूर्वे ऽरि॑ष्टा-स्स्याम] 4.7.29
पूर्वे ऽरि॑ष्टा-स्स्याम त॒नुवा॑ सु॒वीराः᳚ ॥ मह्यं॑-यँजन्तु॒ मम॒ यानि॑ ह॒व्या-ऽऽकू॑ति-स्स॒त्या मन॑सो मे अस्तु । एनो॒ मानिगा᳚-ङ्कत॒मच्च॒नाहं-विँश्वे॑ देवासो॒ अधि॑वोच ता मे ॥ देवी᳚-ष्षडुर्वीरु॒रुणः॑ कृणोत॒ विश्वे॑ देवा स इ॒ह वी॑रयद्ध्वम् । माहा᳚स्महि प्र॒जया॒ मा त॒नूभि॒र्मा र॑धाम द्विष॒ते सो॑म राजन्न् ॥ अ॒ग्निर्म॒न्यु-म्प्र॑तिनु॒द-न्पु॒रस्ता॒- [प्र॑तिनु॒द-न्पु॒रस्ता᳚त्, अद॑ब्धो गो॒पाः] 4.7.30
-दद॑ब्धो गो॒पाः परि॑पाहि न॒स्त्वम् । प्र॒त्यञ्चो॑ यन्तु नि॒गुतः॒ पुन॒स्ते॑ ऽमैषा᳚-ञ्चि॒त्त-म्प्र॒बुधा॒ विने॑शत् ॥ धा॒ता धा॑तृ॒णा-म्भुव॑नस्य॒ यस्पति॑ र्दे॒वग्ं स॑वि॒तार॑मभि माति॒षाह᳚म् । इ॒मं-यँ॒ज्ञ म॒श्विनो॒भा बृह॒स्पति॑ र्दे॒वाः पा᳚न्तु॒ यज॑मान-न्न्य॒र्थात् ॥ उ॒रु॒व्यचा॑ नो महि॒ष-श्शर्म॑ यग्ं सद॒स्मिन्. हवे॑ पुरुहू॒तः पु॑रु॒क्षु । स नः॑ प्र॒जायै॑ हर्यश्व मृड॒येन्द्र॒ मा [मृड॒येन्द्र॒ मा, नो॒ री॒रि॒षो॒ मा परा॑ दाः ।] 4.7.31
नो॑ रीरिषो॒ मा परा॑ दाः ॥ ये नः॑ स॒पत्ना॒ अप॒ते भ॑वन्त्विन्द्रा॒-ग्निभ्या॒मव॑ बाधामहे॒ तान् । वस॑वो रु॒द्रा आ॑दि॒त्या उ॑परि॒ स्पृश॑-म्मो॒ग्र-ञ्चेत्ता॑रमधि रा॒जम॑क्रन्न् ॥ अ॒र्वाञ्च॒ मिन्द्र॑म॒मुतो॑ हवामहे॒ यो गो॒जि-द्ध॑न॒-जिद॑श्व॒-जिद्यः । इ॒मन्नो॑ य॒ज्ञं-विँ॑ह॒वे जु॑षस्वा॒स्य कु॑र्मो हरिवो मे॒दिन॑-न्त्वा ॥ 4.7.32 ॥
अ॒ग्नेर्म॑न्वे प्रथ॒मस्य॒ प्रचे॑तसो॒ य-म्पाञ्च॑जन्य-म्ब॒हवः॑ समि॒न्धते᳚ । विश्व॑स्यां-विँ॒शि प्र॑विविशि॒वाग्ं स॑मीमहे॒ स नो॑ मुञ्च॒त्वग्ं ह॑सः ॥ यस्ये॒द-म्प्रा॒णन्नि॑मि॒ष-द्यदेज॑ति॒ यस्य॑ जा॒त-ञ्जन॑मान-ञ्च॒ केव॑लम् । स्तौम्य॒ग्नि-न्ना॑थि॒तो जो॑हवीमि॒ स नो॑ मुञ्च॒त्वग्ं ह॑सः ॥ इन्द्र॑स्य मन्ये प्रथ॒मस्य॒ प्रचे॑तसो वृत्र॒घ्न-स्स्तोमा॒ उप॒ मामु॒पागुः॑ । यो दा॒शुषः॑ सु॒कृतो॒ हव॒मुप॒ गन्ता॒ [गन्ता᳚, स नो॑ मुञ्च॒त्वग्ं ह॑सः ।] 4.7.33
स नो॑ मुञ्च॒त्वग्ं ह॑सः ॥ य-स्स॑ङ्ग्रा॒म-न्नय॑ति॒ सं-वँ॒शी यु॒धे यः पु॒ष्टानि॑ सग्ंसृ॒जति॑ त्र॒याणि॑ । स्तौमीन्द्र॑-न्नाथि॒तो जो॑हवीमि॒ स नो॑ मुञ्च॒त्वग्ं ह॑सः ॥ म॒न्वे वा᳚-म्मित्रा वरुणा॒ तस्य॑ वित्त॒ग्ं॒ सत्यौ॑जसा दृग्ंहणा॒ य-न्नु॒देथे᳚ । या राजा॑नग्ं स॒रथं॑-याँ॒थ उ॑ग्रा॒ ता नो॑ मुञ्चत॒माग॑सः ॥ यो वा॒ग्ं॒ रथ॑ ऋ॒जुर॑श्मि-स्स॒त्यध॑र्मा॒ मिथु॒ श्चर॑न्त-मुप॒याति॑ दू॒षयन्न्॑ । स्तौमि॑ [ ] 4.7.34
मि॒त्रावरु॑णा नाथि॒तो जो॑हवीमि॒ तौ नो॑ मुञ्चत॒माग॑सः ॥ वा॒यो-स्स॑वि॒तु र्वि॒दथा॑नि मन्महे॒ यावा᳚त्म॒न्व-द्बि॑भृ॒तो यौ च॒ रक्ष॑तः । यौ विश्व॑स्य परि॒भू ब॑भू॒वतु॒स्तौ नो॑ मुञ्चत॒माग॑सः ॥ उप॒ श्रेष्ठा॑न आ॒शिषो॑ दे॒वयो॒र्धर्मे॑ अस्थिरन्न् । स्तौमि॑ वा॒युग्ं स॑वि॒तार॑-न्नाथि॒तो जो॑हवीमि॒ तौ नो॑ मुञ्चत॒माग॑सः ॥ र॒थीत॑मौ रथी॒नाम॑ह्व ऊ॒तये॒ शुभ॒-ङ्गमि॑ष्ठौ सु॒यमे॑भि॒रश्वैः᳚ । ययो᳚- [ययोः᳚, वा॒-न्दे॒वौ॒ दे॒वेष्व-नि॑शित॒-] 4.7.35
-र्वा-न्देवौ दे॒वेष्व-नि॑शित॒-मोज॒स्तौ नो॑ मुञ्चत॒माग॑सः ॥ यदया॑तं-वఁ%ह॒तुग्ं सू॒र्याया᳚-स्त्रिच॒क्रेण॑ स॒ग्ं॒ सद॑मि॒च्छमा॑नौ । स्तौमि॑ दे॒वा व॒श्विनौ॑ नाथि॒तो जो॑हवीमि॒ तौ नो॑ मुञ्चत॒माग॑सः ॥ म॒रुता᳚-म्मन्वे॒ अधि॑नो ब्रुवन्तु॒ प्रेमां-वाँचं॒-विँश्वा॑ मवन्तु॒ विश्वे᳚ । आ॒शून्. हु॑वे सु॒यमा॑नू॒तये॒ ते नो॑ मुञ्च॒न्त्वेन॑सः ॥ ति॒ग्ममायु॑धं-वीँडि॒तग्ं सह॑स्व-द्दि॒व्यग्ं शर्धः॒ [शर्धः॑, पृत॑नासु जि॒ष्णु ।] 4.7.36
पृत॑नासु जि॒ष्णु । स्तौमि॑ दे॒वा-न्म॒रुतो॑ नाथि॒तो जो॑हवीमि॒ ते नो॑ मुञ्च॒न्त्वेन॑सः ॥ दे॒वाना᳚-म्मन्वे॒ अधि॑ नो ब्रुवन्तु॒ प्रेमां-वाँचं॒-विँश्वा॑मवन्तु॒ विश्वे᳚ । आ॒शून्. हु॑वे सु॒यमा॑नू॒तये॒ ते नो॑ मुञ्च॒न्त्वेन॑सः ॥ यदि॒द-म्मा॑-ऽभि॒शोच॑ति॒ पौरु॑षेयेण॒ दैव्ये॑न । स्तौमि॒ विश्वा᳚-न्दे॒वा-न्ना॑थि॒तो जो॑हवीमि॒ ते नो॑ मुञ्च॒न्त्वेन॑सः ॥ अनु॑नो॒-ऽद्यानु॑मति॒ र- [अनु॑नो॒-ऽद्यानु॑मति॒ रनु॑, इद॑नुमते॒] 4.7.37
-न्विद॑नुमते॒ त्वं ँवै᳚श्वान॒रो न॑ ऊ॒त्यापृ॒ष्टो दि॒वि> 4 ॥ ये अप्र॑थेता॒-ममि॑तेभि॒ रोजो॑भि॒ र्ये प्र॑ति॒ष्ठे अभ॑वतां॒-वँसू॑नाम् । स्तौमि॒ द्यावा॑ पृथि॒वी ना॑थि॒तो जो॑हवीमि॒ ते नो॑ मुञ्चत॒मग्ं ह॑सः ॥ उर्वी॑ रोदसी॒ वरि॑वः कृणोत॒-ङ्क्षेत्र॑स्य पत्नी॒ अधि॑ नो ब्रूयातम् । स्तौमि॒ द्यावा॑ पृथि॒वी ना॑थि॒तो जो॑हवीमि॒ ते नो॑ मुञ्चत॒मग्ं ह॑सः ॥ य-त्ते॑ व॒य-म्पु॑रुष॒त्रा य॑वि॒ष्ठा वि॑द्वाग्ंसश्चकृ॒मा कच्च॒ना- [कच्च॒न, आगः॑ ।] 4.7.38
-ऽऽगः॑ । कृ॒धी स्व॑स्माग्ं अदि॑ते॒रना॑गा॒ व्येनाग्ं॑सि शिश्रथो॒ विष्व॑गग्ने ॥ यथा॑ ह॒ त-द्व॑सवो गौ॒र्य॑-ञ्चि-त्प॒दिषि॒ता ममु॑ञ्चता यजत्राः । ए॒वा त्वम॒स्म-त्प्रमु॑ञ्चा॒ व्यग्ंहः॒ प्राता᳚र्यग्ने प्रत॒रान्न॒ आयुः॑ ॥ 4.7.39 ॥
śrī kṛṣṇa yajurveda saṃhitāntargatīya svastivācanam
ā॒śu-śśiśā̭no vṛṣa॒bho na yu॒ddhmo gha̭nāgha॒naḥ, kṣobha̭ṇa-ścarṣaṇī॒nām | sa॒ṅkranda̭no-'nimi॒ṣa ḙka vī॒ra-śśa॒tagṃ senā̭ ajaya-thsā॒kamindraḥ̭ || sa॒ṅkranda̭nenā nimi॒ṣeṇa̭ ji॒ṣṇunā̭ yutkā॒reṇa̭ duścyava॒nena̭ dhṛ॒ṣṇunā᳚ | tadindrḙṇa jayata॒ ta-thsa̭haddhvaṃ॒-yu~dho̭ nara॒ iṣṷhastena॒ vṛṣṇā᳚ || sa iṣṷhastai॒-ssa ni̭ṣa॒ṅgibhi̭rva॒śī saggsra̭ṣṭā॒ sa yudha॒ indro̭ ga॒ṇena̭ | sa॒gṃ॒sṛ॒ṣṭa॒ji-thso̭ma॒pā bā̭huśa॒rdhyū᳚rdhvadha̭nvā॒ prati̭hitābhi॒rastā᳚ || bṛha̭spate॒ pari̭ dīyā॒ [pari̭ dīya, rathḙna] 4.6.16
rathḙna rakṣo॒hā 'mitrāgṃ̭ apa॒ bādha̭mānaḥ | pra॒bha॒ñjan-thsenāḥ᳚ pramṛ॒ṇo yu॒dhā jaya̭nna॒smāka̭-meddhyavi॒tā rathā̭nām || go॒tra॒bhida̭-ṅgo॒vidaṃ॒-va~jra̭bāhu॒-ñjaya̭nta॒majma̭ pramṛ॒ṇanta॒-moja̭sā | i॒magṃ sa̭jātā॒ anṷvīra-yaddhva॒mindragṃ̭ sakhā॒yo-'nu॒ sagṃ ra̭bhaddhvam || ba॒la॒vi॒jñā॒yaḥ-sthavi̭raḥ॒ pravī̭ra॒-ssaha̭svān. vā॒jī saha̭māna u॒graḥ | a॒bhivī̭ro a॒bhisa̭tvā saho॒jā jaitra̭mindra॒ ratha॒māti̭ṣṭha go॒vit || a॒bhi go॒trāṇi॒ saha̭sā॒ gāha̭māno-'dā॒yo [gāha̭māno-'dā॒yaḥ, vī॒ra-śśa॒tama̭nyu॒rindraḥ̭ |] 4.6.17
vī॒ra-śśa॒tama̭nyu॒rindraḥ̭ | du॒ścya॒va॒naḥ pṛ̭tanā॒ṣāḍa̭ yu॒ddhyo᳚-smāka॒gṃ॒ senā̭ avatu॒ pra yu॒thsu || indra̭ āsāṃ-ne॒tā bṛha॒spati॒ rdakṣi̭ṇā ya॒jñaḥ pu॒ra ḙtu॒ somaḥ̭ | de॒va॒se॒nānā̭-mabhibhañjatī॒nā-ñjaya̭ntīnā-mma॒ruto̭ ya॒ntvagre᳚ || indra̭sya॒ vṛṣṇo॒ varṷṇasya॒ rājña̭ ādi॒tyānā᳚-mma॒rutā॒gṃ॒ śardha̭ u॒gram | ma॒hāma̭nasā-mbhuvanacya॒vānā॒-ṅghoṣo̭ de॒vānā॒-ñjaya̭tā॒ muda̭sthāt || a॒smāka॒-mindra॒-ssamṛ̭teṣu dhva॒jeṣva॒smākaṃ॒-yā~ iṣa̭va॒stā ja̭yantu | 4.6.18
a॒smākaṃ̭-vī~॒rā utta̭re bhavantva॒smānṷ devā avatā॒ havḙṣu || uddha̭rṣaya maghava॒nnā-yṷdhā॒-nyuthsatva̭nā-mmāma॒kānā॒-mmahāgṃ̭si | udvṛ̭trahan vā॒jināṃ॒-vā~ji̭nā॒nyu-drathā̭nā॒-ñjaya̭tāmetu॒ ghoṣaḥ̭ || upa॒ preta॒ jaya̭tā narassthi॒rā vaḥ̭ santu bā॒havaḥ̭ | indro̭ va॒-śśarma̭ yaccha tvanā-dhṛ॒ṣyā yathāsa̭tha || ava̭sṛṣṭā॒ parā̭ pata॒ śara̭vye॒ brahma̭ sagṃśitā | gacchā॒-'mitrā॒-npra- [gacchā॒-'mitrā॒-npra, vi॒śa॒ maiṣā॒-] 4.6.19
-vi̭śa॒ maiṣā॒-ṅkañca॒nocchi̭ṣaḥ || marmā̭ṇi te॒ varma̭bhiśchādayāmi॒ soma̭stvā॒ rājā॒ 'mṛtḙnā॒bhi-va̭stām | u॒rorvarī̭yo॒ vari̭vaste astu॒ jaya̭nta॒-ntvāmanṷ madantu de॒vāḥ || yatra̭ bā॒ṇā-ssa॒mpata̭nti kumā॒rā vi̭śi॒khā i̭va | indro̭ na॒statra̭ vṛtra॒hā vi̭śvā॒hā śarma̭ yacchatu || 4.6.20 ||
jī॒mūta̭syeva bhavati॒ pratī̭kaṃ॒-ya~dva॒rmī yāti̭ sa॒madā̭mu॒pasthe᳚ | anā̭viddhayā ta॒nuvā̭ jaya॒ tvagṃ sa tvā॒ varma̭ṇo mahi॒mā pi̭partu || dhanva̭nā॒ gā dhanva̭nā॒-''ji-ñja̭yema॒ dhanva̭nā tī॒vrā-ssa॒mado̭ jayema | dhanu॒-śśatro̭rapakā॒ma-ṅkṛ̭ṇoti॒ dhanva̭nā॒ sarvāḥ᳚ pra॒diśo̭ jayema || va॒kṣyantī॒vedā ga̭nīganti॒ karṇa̭-mpri॒yagṃ sakhā̭ya-mpariṣasvajā॒nā | yoṣḙva śiṅkte॒ vita॒tā-'dhi॒ dhanva॒- [dhanvanṋ, jyā i॒yagṃ] 4.6.27
-ñjyā i॒yagṃ sama̭ne pā॒raya̭ntī || te ā॒cara̭ntī॒ sama̭neva॒ yoṣā̭ mā॒teva̭ pu॒tra-mbi̭bhṛtāmu॒pasthe᳚ | apa॒ śatrūṋ viddhyatāgṃ saṃvi~dā॒ne ārtnī̭ i॒me vi̭ṣphu॒rantī̭ a॒mitrāṋ || ba॒hvī॒nā-mpi॒tā ba॒hura̭sya pu॒traści॒ścā kṛ̭ṇoti॒ sama̭nā-'va॒gatya̭ | i॒ṣu॒dhi-ssaṅkāḥ॒ pṛta̭nāśca॒ sarvāḥ᳚ pṛ॒ṣṭhe nina̭ddho jayati॒ prasṷ̄taḥ || rathe॒ tiṣṭha̭-nnayati vā॒jinaḥ̭ pu॒ro yatra̭yatra kā॒maya̭te suṣāra॒thiḥ | a॒bhīśṷ̄nā-mmahi॒māna̭- [mahi॒māna᳚m, pa॒nā॒ya॒ta॒ manaḥ̭] 4.6.28
-mpanāyata॒ manaḥ̭ pa॒ścādanṷ yacchanti ra॒śmayaḥ̭ || tī॒vrā-nghoṣā᳚n kṛṇvate॒ vṛṣa̭pāṇa॒yo-'śvā॒ rathḙbhi-ssa॒ha vā॒jaya̭ntaḥ | a॒va॒krāma̭ntaḥ॒ prapa̭daira॒mitrā᳚n kṣi॒ṇanti॒ śatrū॒gṃ॒rana̭pavyayantaḥ || ra॒tha॒vāha̭nagṃ ha॒vira̭sya॒ nāma॒ yatrā-''yṷdha॒-nnihi̭tamasya॒ varma̭ | tatrā॒ ratha॒mupa̭ śa॒gmagṃ sa̭dema vi॒śvāhā̭ va॒yagṃ sṷmana॒syamā̭nāḥ || svā॒du॒ṣa॒gṃ॒ sadaḥ̭ pi॒taro̭ vayo॒dhāḥ kṛ̭cchre॒śrita॒-śśaktī̭vanto gabhī॒rāḥ | ci॒trasḙnā॒ iṣṷbalā॒ amṛ̭ddhrā-ssa॒tovī̭rā u॒ravo᳚ vrātasā॒hāḥ || brāhma̭ṇāsaḥ॒ [brāhma̭ṇāsaḥ, pita̭ra॒-] 4.6.29
pita̭ra॒-ssomyā̭sa-śśi॒ve no॒ dyāvā̭pṛthi॒vī a̭ne॒hasā᳚ | pū॒ṣā naḥ̭ pātu duri॒tādṛ̭tāvṛdho॒ rakṣā॒ māki̭rno a॒ghaśagṃ̭sa īśata || su॒pa॒rṇaṃ-va~̭ste mṛ॒go a̭syā॒ danto॒ gobhi॒-ssanna̭ddhā patati॒ prasṷ̄tā | yatrā॒ nara॒-ssa-ñca॒ vi ca॒ drava̭nti॒ tatrā॒smabhya॒miṣa̭va॒-śśarma̭ yagṃsann || ṛjī̭te॒ pari̭ vṛṅgdhi॒ no-'śmā̭ bhavatu nasta॒nūḥ | somo॒ adhi̭ bravītu॒ no-'di̭ti॒- [no-'di̭tiḥ, śarma̭ yacchatu |] 4.6.30
-śśarma̭ yacchatu || ā ja̭ṅghanti॒ sānvḙṣā-ñja॒ghanā॒gṃ॒ upa̭ jighnate | aśvā̭jani॒ pracḙta॒so-'śvā᳚n-thsa॒mathsṷ codaya || ahi̭riva bho॒gaiḥ paryḙti bā॒hu-ñjyāyā̭ he॒ti-mpa̭ri॒bādha̭mānaḥ | ha॒sta॒ghno viśvā̭ va॒yunā̭ni vi॒dvā-npumā॒-npumāgṃ̭sa॒-mpari̭ pātu vi॒śvataḥ̭ || vana̭spate vī॒ḍva̭ṅgo॒ hi bhū॒yā a॒sma-thsa̭khā pra॒tara̭ṇa-ssu॒vīraḥ̭ | gobhi॒-ssanna̭ddho asi vī॒ḍaya̭svā-''sthā॒tā tḙ jayatu॒ jetvā̭ni || di॒vaḥ pṛ̭thi॒vyāḥ pa- [pari̭, oja॒ u-dbhṛ̭taṃ॒-] 4.6.31
-ryoja॒ u-dbhṛ̭taṃ॒-va~na॒spati̭bhyaḥ॒ paryābhṛ̭ta॒gṃ॒ sahaḥ̭ | a॒pāmo॒jmāna॒-mpari॒ gobhi॒rāvṛ̭ta॒mindra̭sya॒ vajragṃ̭ ha॒viṣā॒ rathaṃ̭-ya~ja || indra̭sya॒ vajro̭ ma॒rutā॒manī̭ka-mmi॒trasya॒ garbho॒ varṷṇasya॒ nābhiḥ̭ | semā-nno̭ ha॒vyadā̭ti-ñjuṣā॒ṇo deva̭ ratha॒ prati̭ ha॒vyā gṛ̭bhāya || upa̭ śvāsaya pṛthi॒vīmu॒ta dyā-mpṷru॒trā tḙ manutāṃ॒-vi~ṣṭhi̭ta॒-ñjaga̭t | sa dṷndubhe sa॒jūrindrḙṇa de॒vairdū॒rā- [de॒vairdū॒rāt, davī̭yo॒] 4.6.32
-ddavī̭yo॒ apa̭sedha॒ śatrūṋ || ā kra̭ndaya॒ bala॒mojo̭ na॒ ā dhā॒ niṣṭa̭nihi duri॒tā bādha̭mānaḥ | apa̭ protha dundubhe du॒cchunāgṃ̭ i॒ta indra̭sya mu॒ṣṭira̭si vī॒ḍaya̭sva || ā-'mūra̭ja pra॒tyāva̭rtaye॒māḥ kḙtu॒ma-ddṷndu॒bhi rvā̭vadīti | samaśva̭parṇā॒ścara̭nti no॒ naro॒-'smāka̭mindra ra॒thino̭ jayantu || 4.6.33 ||
mamā᳚gne॒ varco̭ viha॒veṣva̭stu va॒ya-ntvendhā̭nā sta॒nuva̭-mpuṣema | mahya̭-nnamantā-mpra॒diśa॒ścata̭sra॒ stvayā-'ddhya̭kṣeṇa॒ pṛta̭nā jayema || mama̭ de॒vā vi̭ha॒ve sa̭ntu॒ sarva॒ indrā̭vanto ma॒ruto॒ viṣṇṷra॒gniḥ | mamā॒ntari̭kṣa mu॒ru go॒pama̭stu॒ mahyaṃ॒-vā~taḥ̭ pavatā॒-ṅkāmḙ a॒sminn || mayi̭ de॒vā dravi̭ṇa॒ māya̭jantā॒-mmayyā॒ śīra̭stu॒ mayi̭ de॒vahṷ̄tiḥ | daivyā॒ hotā̭rā vaniṣanta॒ [vaniṣanta, pūrve 'ri̭ṣṭā-ssyāma] 4.7.29
pūrve 'ri̭ṣṭā-ssyāma ta॒nuvā̭ su॒vīrāḥ᳚ || mahyaṃ̭-ya~jantu॒ mama॒ yāni̭ ha॒vyā-''kṷ̄ti-ssa॒tyā mana̭so me astu | eno॒ mānigā᳚-ṅkata॒macca॒nāhaṃ-vi~śvḙ devāso॒ adhi̭voca tā me || devī᳚-ṣṣaḍurvīru॒ruṇaḥ̭ kṛṇota॒ viśvḙ devā sa i॒ha vī̭rayaddhvam | māhā᳚smahi pra॒jayā॒ mā ta॒nūbhi॒rmā ra̭dhāma dviṣa॒te so̭ma rājann || a॒gnirma॒nyu-mpra̭tinu॒da-npu॒rastā॒- [pra̭tinu॒da-npu॒rastā᳚t, ada̭bdho go॒pāḥ] 4.7.30
-dada̭bdho go॒pāḥ pari̭pāhi na॒stvam | pra॒tyañco̭ yantu ni॒gutaḥ॒ puna॒stḙ 'maiṣā᳚-ñci॒tta-mpra॒budhā॒ vinḙśat || dhā॒tā dhā̭tṛ॒ṇā-mbhuva̭nasya॒ yaspati̭ rde॒vagṃ sa̭vi॒tāra̭mabhi māti॒ṣāha᳚m | i॒maṃ-ya~॒jña ma॒śvino॒bhā bṛha॒spati̭ rde॒vāḥ pā᳚ntu॒ yaja̭māna-nnya॒rthāt || u॒ru॒vyacā̭ no mahi॒ṣa-śśarma̭ yagṃ sada॒smin. havḙ puruhū॒taḥ pṷru॒kṣu | sa naḥ̭ pra॒jāyai̭ haryaśva mṛḍa॒yendra॒ mā [mṛḍa॒yendra॒ mā, no॒ rī॒ri॒ṣo॒ mā parā̭ dāḥ |] 4.7.31
no̭ rīriṣo॒ mā parā̭ dāḥ || ye naḥ̭ sa॒patnā॒ apa॒te bha̭vantvindrā॒-gnibhyā॒mava̭ bādhāmahe॒ tān | vasa̭vo ru॒drā ā̭di॒tyā ṷpari॒ spṛśa̭-mmo॒gra-ñcettā̭ramadhi rā॒jama̭krann || a॒rvāñca॒ mindra̭ma॒muto̭ havāmahe॒ yo go॒ji-ddha̭na॒-jida̭śva॒-jidyaḥ | i॒manno̭ ya॒jñaṃ-vi~̭ha॒ve jṷṣasvā॒sya kṷrmo harivo me॒dina̭-ntvā || 4.7.32 ||
a॒gnerma̭nve pratha॒masya॒ pracḙtaso॒ ya-mpāñca̭janya-mba॒havaḥ̭ sami॒ndhate᳚ | viśva̭syāṃ-vi~॒śi pra̭viviśi॒vāgṃ sa̭mīmahe॒ sa no̭ muñca॒tvagṃ ha̭saḥ || yasye॒da-mprā॒ṇanni̭mi॒ṣa-dyadeja̭ti॒ yasya̭ jā॒ta-ñjana̭māna-ñca॒ keva̭lam | staumya॒gni-nnā̭thi॒to jo̭havīmi॒ sa no̭ muñca॒tvagṃ ha̭saḥ || indra̭sya manye pratha॒masya॒ pracḙtaso vṛtra॒ghna-sstomā॒ upa॒ māmu॒pāguḥ̭ | yo dā॒śuṣaḥ̭ su॒kṛto॒ hava॒mupa॒ gantā॒ [gantā᳚, sa no̭ muñca॒tvagṃ ha̭saḥ |] 4.7.33
sa no̭ muñca॒tvagṃ ha̭saḥ || ya-ssa̭ṅgrā॒ma-nnaya̭ti॒ saṃ-va~॒śī yu॒dhe yaḥ pu॒ṣṭāni̭ sagṃsṛ॒jati̭ tra॒yāṇi̭ | staumīndra̭-nnāthi॒to jo̭havīmi॒ sa no̭ muñca॒tvagṃ ha̭saḥ || ma॒nve vā᳚-mmitrā varuṇā॒ tasya̭ vitta॒gṃ॒ satyaṷjasā dṛgṃhaṇā॒ ya-nnu॒dethe᳚ | yā rājā̭nagṃ sa॒rathaṃ̭-yā~॒tha ṷgrā॒ tā no̭ muñcata॒māga̭saḥ || yo vā॒gṃ॒ ratha̭ ṛ॒jura̭śmi-ssa॒tyadha̭rmā॒ mithu॒ ścara̭nta-mupa॒yāti̭ dū॒ṣayanṋ | staumi̭ [ ] 4.7.34
mi॒trāvarṷṇā nāthi॒to jo̭havīmi॒ tau no̭ muñcata॒māga̭saḥ || vā॒yo-ssa̭vi॒tu rvi॒dathā̭ni manmahe॒ yāvā᳚tma॒nva-dbi̭bhṛ॒to yau ca॒ rakṣa̭taḥ | yau viśva̭sya pari॒bhū ba̭bhū॒vatu॒stau no̭ muñcata॒māga̭saḥ || upa॒ śreṣṭhā̭na ā॒śiṣo̭ de॒vayo॒rdharmḙ asthirann | staumi̭ vā॒yugṃ sa̭vi॒tāra̭-nnāthi॒to jo̭havīmi॒ tau no̭ muñcata॒māga̭saḥ || ra॒thīta̭mau rathī॒nāma̭hva ū॒taye॒ śubha॒-ṅgami̭ṣṭhau su॒yamḙbhi॒raśvaiḥ᳚ | yayo᳚- [yayoḥ᳚, vā॒-nde॒vau॒ de॒veṣva-ni̭śita॒-] 4.7.35
-rvā-ndevau de॒veṣva-ni̭śita॒-moja॒stau no̭ muñcata॒māga̭saḥ || yadayā̭taṃ-vaఁ%ha॒tugṃ sū॒ryāyā᳚-strica॒kreṇa̭ sa॒gṃ॒ sada̭mi॒cchamā̭nau | staumi̭ de॒vā va॒śvinaṷ nāthi॒to jo̭havīmi॒ tau no̭ muñcata॒māga̭saḥ || ma॒rutā᳚-mmanve॒ adhi̭no bruvantu॒ premāṃ-vā~caṃ॒-vi~śvā̭ mavantu॒ viśve᳚ | ā॒śūn. hṷve su॒yamā̭nū॒taye॒ te no̭ muñca॒ntvena̭saḥ || ti॒gmamāyṷdhaṃ-vī~ḍi॒tagṃ saha̭sva-ddi॒vyagṃ śardhaḥ॒ [śardhaḥ̭, pṛta̭nāsu ji॒ṣṇu |] 4.7.36
pṛta̭nāsu ji॒ṣṇu | staumi̭ de॒vā-nma॒ruto̭ nāthi॒to jo̭havīmi॒ te no̭ muñca॒ntvena̭saḥ || de॒vānā᳚-mmanve॒ adhi̭ no bruvantu॒ premāṃ-vā~caṃ॒-vi~śvā̭mavantu॒ viśve᳚ | ā॒śūn. hṷve su॒yamā̭nū॒taye॒ te no̭ muñca॒ntvena̭saḥ || yadi॒da-mmā̭-'bhi॒śoca̭ti॒ paurṷṣeyeṇa॒ daivyḙna | staumi॒ viśvā᳚-nde॒vā-nnā̭thi॒to jo̭havīmi॒ te no̭ muñca॒ntvena̭saḥ || anṷno॒-'dyānṷmati॒ ra- [anṷno॒-'dyānṷmati॒ ranṷ, ida̭numate॒] 4.7.37
-nvida̭numate॒ tvaṃ ~vai᳚śvāna॒ro na̭ ū॒tyāpṛ॒ṣṭo di॒vi> 4 || ye apra̭thetā॒-mami̭tebhi॒ rojo̭bhi॒ rye pra̭ti॒ṣṭhe abha̭vatāṃ॒-va~sṷ̄nām | staumi॒ dyāvā̭ pṛthi॒vī nā̭thi॒to jo̭havīmi॒ te no̭ muñcata॒magṃ ha̭saḥ || urvī̭ rodasī॒ vari̭vaḥ kṛṇota॒-ṅkṣetra̭sya patnī॒ adhi̭ no brūyātam | staumi॒ dyāvā̭ pṛthi॒vī nā̭thi॒to jo̭havīmi॒ te no̭ muñcata॒magṃ ha̭saḥ || ya-ttḙ va॒ya-mpṷruṣa॒trā ya̭vi॒ṣṭhā vi̭dvāgṃsaścakṛ॒mā kacca॒nā- [kacca॒na, āgaḥ̭ |] 4.7.38
-''gaḥ̭ | kṛ॒dhī sva̭smāgṃ adi̭te॒ranā̭gā॒ vyenāgṃ̭si śiśratho॒ viṣva̭gagne || yathā̭ ha॒ ta-dva̭savo gau॒rya̭-ñci-tpa॒diṣi॒tā mamṷñcatā yajatrāḥ | e॒vā tvama॒sma-tpramṷñcā॒ vyagṃhaḥ॒ prātā᳚ryagne prata॒rānna॒ āyuḥ̭ || 4.7.39 ||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.